#قصائد_محرم الحرام ع
باجر من يطيح حسين وين حسين دليني
——————————
لطميه بقفلة الهوسه لشجاعة العباس عليه السلام
~~~
طب عباس.... للحومه ولعب جوله
فنهم جيش اميه.... من يكربوله
🏴🏴🏴🏴🏴🏴
للحومه نزل والرايه بمتونه
فنكم يال اميه من تكربونه
يفر الجيش كله بخزرت عيونه
((يوصل ليه//ياهو اليكدر))
✍️ ام حسين العامري
🏴🏴🏴🏴🏴🏴
طشرهم اخو زينب كفو منه
شردها الكفر للمشرعه اتعنه
ماتت خوف كل ذيج الزلم منه
((لحدوده..... اشحده اليكرب))
✍️خادمة اهل البيت ام ابراهيم الحلفي
🏴🏴🏴🏴🏴🏴
طب ليث الحرايب للميادين
صار صياح ماتدري المفر وين
يگطع الروس قائد عسكر حسين
((يكص بيها // الكافل كام ))
✍️علويه ام منصور
🏴🏴🏴🏴🏴🏴
محلا رايته لو رفرفت بيده
بي شمرة علي سوح الحرب عيده
عوذتله العقيلة وسالم تريدة
(( يالهيبه// ومعوذ بالله ))
✍️العلوية فضيلة الموسوي
🏴🏴🏴🏴🏴🏴
طب عباس حلوه رايته بمتنه
من اگبل اعداه اتشاردو منه
ابو فاضل سبع ياهو اله يدنه
(( الگوم ارتهبت// من عباس ))
✍🏻ام حسين العيساوي
🏴🏴🏴🏴🏴🏴
طب ليهم يمنته شايله بسيفه
شجاع وبالحرايب ينسعد كيفه
محلاه من يهد ورايته بجتفه
(( ليكرب ليه // يموت كباله))
✍️ام علي الموسوي
🏴🏴🏴🏴🏴🏴
تمت بأقلام شاعرات رابطة قتيل العبرات
غير مبري الذمه من يحذف اويغير اويتلاعب بالكلمات اويحذف اسماء الشاعرات وينسب الكلام له
الك يحله الشعر عباس اكتبنه
موش بقلم ولله بدمي اخطنه
✍️ ام حسين العامري
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
قصيدة لسان حال زينب عليها السلام
ياعباس انه اختك وحاجيك
من زغري يخويه امعلمه اعليك
💔💔💔💔💔💔
انه اختك يبو فاضل يبو الزود
تدريه الاخو للشده مريود
اريد امن الله تسلم هاي الازنود
يرفعة راس خويه وافتخر بيك
خادمة أهل🙏 البيت ام ابراهيم الحلفي
💔💔💔💔💔💔
يربات الفحل بيك ارفعت راسي
ياعصابتي خويه وينوماسي
يافخر الهواشم هيبه عباسي
كفو ونعمين يامن حلو طاريك
✍🏻 ام علي الموسوي
💔💔💔💔💔💔
تدريني بدونك افگد الراي
يانبض الدليل ونور عيناي
دومك بالشدايد واكف وياي
شما أطلب تنفذ خويه ادريك
✍🏻العلوية فضيلةالموسوي،
💔💔💔💔💔💔
يا عباس انه ام عون اخيتك
اجيت من المدينه امشي ابسدك
كفيلي انته والي دگيت صدرك
گمت بحمايتك كفالي اسميك
✍🏻 ام حسين العيساوي
💔💔💔💔💔💔
گفالج كلت يا خويه عباس
ليش تعوفني ابوليت الناس
جا وين الكفاله يبو النوماس
انه اختك يبو الغيره وحاجيك
✍🏻ام زين العابدين لمحمداويه
💔💔💔💔💔💔
انه اختك يبو الغيره اجيتك
وكت الشدة يالكافل نخيتك
ترد ليه يبو النوماس ريتك
لون بيدي يخويه ابروحي افديك
✍🏻ام زهراء الزيداويه البصراويه
💔💔💔💔💔💔
افديلك يخويه عيوني لثنين
ولا اشوفك انه مكطع الجفين
يلطيب الاخوه وناصر الدين
بروحي وبحياتي خويه اخليك
ام رحمه الگاظميه
💔💔💔💔💔💔💔
تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الاسماء أو ينسبها له✍🏻
🙏🏻🙏🏻نسالکم الدعاء 🙏🏻🙏🏻
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
ياعباس يالمنك يهابون
خليت العده بالطف يرهبون
●▬▬▬ஜ۩🌟۞۩ஜ▬▬▬●
خليت العده بالحومه طشار
لعبه لعبت بيهم كوم الاشرار
وبكلبك الغيره وشعلت نار
والعدوان من عندك يخافون
✍️حوراء الكناني
🏴🏴🏴🏴🏴🏴
حامي من الصغر سموك ابو الغيره
بكماطك تخل من زينب ابحيره
تخاف اعلى العبايه راسك اديره
معروف الوفه من خزر العيون
✍ام اسعد الشمري
🏴🏴🏴🏴🏴🏴
يالمعروف بالغيره وحميه
يالشايل صفاة الحيدريه
من امك خذتها هالوصيه
لولاد الزجيه ضحي المتون
✍️ ام علي الموسوي
🏴🏴🏴🏴🏴🏴
خزراته تخوف زلزل الگاع
هد اعله الکفر سواهم اشراع
منه الگوم فرت وکت الانزاع
سواهم خرز بیهم يلضمون
✍🏻 ام زينب الأسدي
🏴🏴🏴🏴🏴🏴
منه الكل تخاف وخزرت اعيونه
ابو النوماس والوادم يهابونه
وركاب الرجال ابسيفه مرهونه
وجدام ابو الغيره مايثبتون
خادمة اهل البيت ام ابراهيم الحلفي
🏴🏴🏴🏴🏴🏴
ياقمر العشيره اوشيلت الراس
تسلم ياذخر زينب يعباس
حدنه ابجال جفك عيب ينداس
تخاف اعداك يالمنك يفرون
ام ستار الكعبي
🏴🏴🏴🏴🏴🏴
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها له
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
قصيده حماسیه لشجاعة العباس ع
هذه عباس كلف ابن الصميده
دخن الراس شجاع الحرب عيده
✊🏻✊🏻✊🏻✊🏻
ايدخن الراس اذا ينزل الحومه
اله صولات بطل شاعت اعلومه
واليصد ليه ایتندم اعله يومه
واليوازيه زماطه ما ايفيده
✍🏻 ام زينب الأسدي
🏴🏴🏴🏴🏴🏴
بطل مغوار يهد هدة نشامه
سيفه كرار يكر راعي الكرامه
خله بالجيش اله بالطف علامه
ناصر حسين اله هيبه عضيده
ام علي الموسوي
🏴🏴🏴🏴🏴🏴
سيفه معروف يحز راس المقابل
نازل الموت عليهم والله نازل
ايبهذل الجيش إذا بيهم يقاتل
لجل الحسين كفو يشمرها ايده
خادمة✍️ أهل البيت ام ابراهيم الحلفي
🏴🏴🏴🏴🏴🏴
ماأله مثيل ابن حامي الحمية
يزلزل الكاع لجل بنت الزجية
يرخص الروح اذا يأمر اخيه
وعينة فدوة ولاينحز وريده
العلوية ✍️فضيلةالموسوي
🏴🏴🏴🏴🏴🏴
هذا عباس معروف بنزاله
بطل موصوف يلحلوهه خصاله
يكص لركاب ولاواحد مثاله
جدل الگوم على حر الصعيده
✍️هدى المطر ام محمد
🏴🏴🏴🏴🏴
هذا عباس جيدومه وشفيه
چنه حيدر طب للغاضريه
چنها نسوان سوه ال اميه
صال للماي يشبه للرعيده
✍🏻 ام حسين العيساوي
🏴🏴🏴🏴🏴🏴🏴🏴
تمت بفضل الله وعونه بأقلام خادمات الحسين في رابطة سيد الشهداء عليه السلام
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
فزاعي جنوبي بقفلة الهوسه يوم العاشر
~~
لرض، الطف اجينه وعاتبيناها
نريد انساعد الحره اعله ولياها
💔💔💔💔💔💔
نريد انساعدج يازينب اليله
جسم حسين من المعركه انشيله
ابو فاضل الك طارش نوديله
{{ونكله اختك عالو بيها }}
خادمة اهل✍️ البيت ام ابراهيم الحلفي
💔💔💔💔💔💔
جينه انساعدج يلحره يم عون
وننصب فاتحه ونهل العيون
لحسين واخيه الضحه المتون
{{عيالك// شمر يماشيها }}
ام ✍🏻زين العابدين لمحمداويه
💔💔💔💔💔💔💔💔💔
اجينه وياج يازينب نجر ونه
على حسين التكطع منحره منه
وخيول العده بالصدر داسنه
((ونيتي//بسكوت اعليهم))
✍️ ام حسين العامري
💔💔💔💔💔💔💔💔💔
اجيت وياچ اون وابچي على اخوانچ
دوم انشارگچ يام عون بحزانچ
من امصاب اخوچ انخطفت الوانچ
((يا مهضةمه //وياچ انون ))
✍🏻ام حسين العيساوي
💔💔💔💔💔💔💔💔💔
نريد انساعد الحوراء على حسين
وعله اخونها وذيج الشياهين
الظلو عالثره من غير تجفين
((نعازيها // هاليوم الحره ))
✍🏻سلمى أم جعفر
💔💔💔💔💔💔💔💔💔
اونينه يزينب كلنه ونينه
على امصابك يحره الروس دكينه
وصحنه ابصوت اه يحسين والينه
(( ونينه//لمصابج زينب ))
ام رحمه الگاظميه
💔💔💔💔💔💔💔💔💔
وخيول العده يالكسرن صدره
الله ايساعدج يازينب الحره
من شفتي الشمر ايگطع ابنحره
(( الکون هتز // من حز راسه))
✍🏻 ام زينب الأسدي
💔💔💔💔💔💔💔💔
نلطم عالصدروالعین هماله
نواسی ام الخدر بحسين و اطفاله
نایم بالشمس و محد فیاله
/
((علی امصابه✓والکون اظلم))
✍🏻ام هاجرالفرحانی
💔💔💔💔💔💔💔💔
تمت بعون الله بقلام شاعرات رابطة سيد الشهداء عليه السلام
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
قصيده لمولانا أبا الفضل العباس عليه السلام
~~~
گوم یا عباس و احمي
العایله
امیسّره للشام راحت معوله
***
اميسّره للشام و الحادي حده
و السفر بالضيم ويّاها ابتده
و الزلم عالگاع کلها اممدّده
بالسبي يمشون اكبر مشكله
حسين النصاري
***
اميسره راحت تصد كفالها
صعدت اعله النوگ محد جالها
ندهت العباس وهیه اشحالها
گوم رد اختك من ايدين المله
✍🏻 ام زينب الأسدي
***
ميسره للشام بت خير الوره
وعافت الضرغام جثه اموذره
ياحسافه الحيد نايم على الثره
والمدامع تجري من دم هامله
ام✍🏻 زين العابدين لمحمداويه
*
تمشي وي عدوان تالي بت علي
وعافت الخوان كلهه بالخلي
اصيح وين الكال يختي ادليلي
كوم يالكافل وباري القافله
ام ✍🏻رحمه الگاظميه
*
صعدت وعالنوگ بيديها الحبل
تشكي للعباس والمدمع يهل
من بعد عيناك شو طاح الحمل
شلون اطب ديوان وانه مدلله
✍🏻ام محمد باقر آل عبيد
**
تمت بعون الله بقلم الأستاذ احسين النصاري
وشاعرات مدرسة تعليم الأوزان الشعريه
لا يحوز احذف الاسماء
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
قصيـــدة لبــداية محــــــرم
اليـــوم اهل عاشور رفـعو رايـــة
جدامـــهم وي زيـنب مچـــوايـــة
صاحت بحرگــــة وتـوون خدامـها
مثل هذا اليــوم حـرگ خيامــهــا
تركـض الحـرة وجــمر بجدامـهــا
والنـــوايب يالـعقيــــلة هوايـــــــة
ااه يعبــــاس الغفـــــة بشاطيــــها
والاطفــــال مـن الضمــة مروعيهـا
الرايـــة رفت واحنـــة المعلگيـــها
شيعــــة نبقـــة للسبط وفـــايـــــــة
مــــن يهـــل عاشــور دم ابچينـــــة
نـــذكر ارقيـــة تــوون وســكينــــــة
تصيـــح ياعمـــي العطش روينـــــة
وعمـها نايـــم فــوگ المسنايـــــــة
احنـــة مـا ننســـة تــــرة مسناتــــــك
چفـــوف ماكــو يالـــولي معـطلاتــك
كـــل محــــرم ترتفـــــع رايـــاتــــــك
نعــلي، صرختنـــة ونسـوي قرايــــــة
صــرخـة نسمع زينـــب بطــــف كربــة
يـــــا حسافــــة حسين محد غسلـــــــة
بجـاه نحــــرة كل عملنــــة تقبلـــــــة
كل خدمها توصــل الهــــل الغايــــــــة
الـــــف هنيال الـــــذي الهـــم لطـــــم
وصـــاح زيـــنب ضـــلت بلايـــــة زلـم
بـــاچــــــر حسين يتلگــــــاها الخـــدم
يحضــر الخــــادم يجيـــــة عنايـــــــة
تمت بقلم خادمة اهل البيت ع ام وليــــد الموسوي لا اجيز حذف الاسم شرعا الفاتحة الئ روح والدي ووالدتي
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
قصيدة لخدام الحسين ع وزن العگيـــلي
يالخـــــادم تهمــــل دمعاتـــك
مــــولاتي الزهــــرة ومولاتـك
اتشـــرف لـزهـــــرة واخـــــدم
وي زينب نتعــازة ونلطــــــم
يوميــــة بمجلسنـــة تســـــــلم
ماسـاتـــي حســين وماساتـــك
نهتــــف باسمـــة وماكو غيــرة
والخادم كلمتـــــها چبيــــــــرة
نذكــــر حيـــــدر بالتكبيـــــــرة
واجـــب تحــجيهـــــا بصلواتـــك
كعبـــة ومحرابـة احـنة نطوفــة
كل غمـــة انخــــاهم مكشوفـــة
نهتـــف يحسين ومنــــــعوفــــة
مـــــولانـــة يشـــاهـــد عبراتــك
كــل عبـــرات اودمـع تهـــلــــة
والخـــادم بيــهــــم يتـــعلــــــة
بالمحــــشر نـــــاداه ايگــلـــــــة
بالـــدفتـــر وقـــع خطـواتـــــك
بالـدفتــــر ماينســة يــــــذكـــرة
ينفعنــــة بساعــــات الحســـــرة
لو شالـــوك وحفــرو حفــــــــرة
صيــح حسين اجـذب وناتـــــــك
صيــــح ويحــــضــرلك يتــــالــــم
أهــــــلا بالخــــــادم والــماتــــــم
ثـــــورات بحبــــك نتــــــعلــــــــم
للمــــوت نضـــل بثــــوراتــــــــــك
تمت بقلم خادمة اهل البيت ع ام وليــــد الموسوي لا اجيز حذف الاسم شرعا الفاتحة الئ روح والدي ووالدتي
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
#ياصاحب الزمان مدد #محرم
القصيده 📜الهلال {احجي الصراحه }
#الشاعره -فاطمه هاشم الحسيني
بينت أحمر ليش احجي الصراحه
جنك صدك مشئوم صاحب نياحه
✏✏✏✏✏✏✏✏
جنك تجر احزان تكسر ظهرنه
ياهو اليطيح اوياه يخلص عمرنه
جفينك شرك حيل لا تدنه اهلنه
تكلي الذبح وياي شنهل وقاحه
✏✏✏✏✏✏✏✏
تلجملي كلبي تريد تاخذلي اخوتي
بيك الحزن مرسوم بيك انه موتي
حسبي الصمد يهلال يسمعلي صوتي
من هسه دمعي يطيح ماكو استراحه
✏✏✏✏✏✏✏✏✏
من هسه اون ونات تلجم عدونه
سبط النبي المعصوم مو بس اخونه
كل احنه فدوه انطيح ونضحي دونه
اعليه القلق بلرؤح ماخذ مساحه
✏✏✏✏✏✏✏✏✏✏
ماخذ مساحه الخوف عذبلي رؤحي
بس الدمع يهلال ويتبعه نوحي
طالع تهد الحيل بلفركه توحي
باجر يجي عاشور اظلم صباحه
✏✏✏✏✏✏✏✏
باجر يجي عاشور يلجم خواتي
لحوالي وكت اغروب تنحب عباتي
راح الاخو المهيوب شلي بحياتي
ما تنعد الدلال كثرة جراحه
✏✏✏✏✏✏✏✏
الشاعره فاطمه هاشم الحسيني
غير مبري الذمه من حذف الاسم او ينسب الكلام له
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
#ياصاحب الزمان مدد#محرم
القصيده 📜للقاسم ع لا تكلي تحملي
الشاعره ✍🏻فاطمه هاشم الحسيني
...
لا تكلي تحملي راح مني مدللي
ياهظيمه ياهظيمه
...
لا تكلي تحملي يهون العذاب
ياهي مثلي للحرب زفة شباب
ابني وردة جنه مو مالت تراب
للكبر ردته ولي لا تكلي تحملي
...
راح مني مدلل ايه امن الجمال
صدك هو زغير بس فارس نزال
ابني خلفة ساده ميهم للثكَال
جده ابو الحمله علي لا تكلي تحملي
....
ابني يسوه ارد ابجي واعميله العيون
عمت عين السيف خربهه الضنون
يادمع بجفاه ياحركه التهون
راح بعد انه وهلي لا تكلي تحملي
....
طشرو مني امنياتي ونحنيت
انه قطرة ماي بلصحره نجفيت
شكثر تعبني الربه وماحصليت
همي ماضن ينجلي لا تكلي تحملي
...
قاسمج راح يكلولي بنحيب
راسه واويلاه من دمه خظيب
ردته عكازه الولد وكت المشيب
تالي بلفركه ابتلي لا تكلي اتحملي
الشاعره فاطمه هاشم الحسيني
غير مبري الذمه من يحذف الاسم او ينسب الكلام له
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
#ياصاحب الزمان مدد#2023
القصيده📜 : زينب ع تكول 😭يوجعني دليلي
.
الشاعره✍ "فاطمه هاشم الحسيني
... .
يمه يوجعني دليلي مانمت سهرانه ليلي
آه ييمه آه ييمه آه ييمه
....
يابعد عافيتي اريدج سالمه
فركَتج هاكد تهدني وضالمه
اخلافج بنص المكابر هايمه
بلهظم واصرخ يويلي يمه يوجعني دليلي
آه ييمه آه ييمه آه ييمه
....
بكَلبي خنكَه وبيهه تطلع روحي
ترابج يون لو اجيته بنوحي
ستوحدتني وشاخت اخلافج جروحي
للسمه يصعد عويلي يمه يوجعني دليلي
آه ييمه آه ييمه آه ييمه
....
انتي ميته والعمر جا شلي بيه
كَبرج بلا روح تعبانه اجيه
يمه ليفارك وطن شصح بديه
ياوطن كلبي وخليلي يمه يوجعني دليلي
آه ييمه آه ييمه آه ييمه
...
ليش عفتي بنيتج تعبانه
بنار فركاج شكثر حيرانه
ليلي مانمته وعلي سهرانه
صحت يادمعاتي سيلي يمه يوجعني دليلي
آه ييمه آه ييمه آه ييمه
...
ذبحو سنين البراءه بلاسبب
كَلبي من فركَاج مايحمل تعب
انتي رحتي والهظم ليه انكتب
ميته واتأمل تجيلي يمه يوجعني دليلي
آه ييمه آه ييمه آه ييمه
...
تعبتني الدنيا شلت حالي
وكف كلبج ما نبض وكبالي
بيتج هنا يم هلا شو خالي
للكبر وسفه تشيلي يمه يوجعني دليلي
الشاعره فاطمه هاشم الحسيني
غير مبري الذمه من يحذف الاسم او ينسب الكلام له
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
*القصيدة من ديوان 📚 مسير الفواطم لإرض المظالم الجزء الاول*
*قصيدة للنزول (نصبو خيم بيها)*
❥━──➸➽❥❂❥━──➸➽❥❂
نزلو كربله ونصبو خيم بيها
وزينب خايفه اليوم اعله واليها
❥━──➸➽❥❂❥━──➸➽❥❂
زينب خايفه اعله حسين وعياله
وصلت كربله و العين هماله
وخاف تميل بيهه الدنيا مياله
ضلت بس تون والعين تجريها
❥━──➸➽❥❂❥━──➸➽❥❂
ضلت بس تون ودموعها بخدها
عله الوليان بس الله يساعدها
وصلت كربله ولا حيل ضل عدها
باجر ضيم وامصايب تراويها
❥━──➸➽❥❂❥━──➸➽❥❂
تراويها مصايب وادي الطفوف
وذبح خوانها گدامها تشوف
وتشاهد رؤس اهلها مگطعه بسيوف
وحيده تظل ولا واحد يحاميها
❥━──➸➽❥❂❥━──➸➽❥❂
وحيده اتصير من عگب التكفلها
انزلي الخيمتچ راعي العلم گلها
ضلت حايره وادموعها تهلها
اخيام البين گالت مااطب ليها
❥━──➸➽❥❂❥━──➸➽❥❂
اخيام البين گالت ماريدنها
تون اليوم زينب عالزلم ونها
عازنها والطمن دوم عازنها
غريبه ورايده احباب التعازيها
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
*القصيدة من ديوان 📚 عبرات وأنين الجزء الثاني*
*قصيدة للنزول الى كربلاء*
❥━──➸➽❥❂❥━──➸➽❥❂
هاذي كربله يحسين بالعيله وصلناها
وحشه وتخمش الدلال يالوليان شفناها
❥━──➸➽❥❂❥━──➸➽❥❂
وحشه وتخمش الدلال طبتها يوالينه
وصلنه لكربله هاليوم وعفنه ديار اهالينه
ومن بعدك يخويه حسين چا ياهو اليحامينه
وظلت هالعليله تنوح ويانه ما خذيناها
❥━──➸➽❥❂❥━──➸➽❥❂
هاذي كربله يحسين ظلمه وموحشه هاليوم
من يوم ادخلت بيها من عندي الگلب مالوم
حزنانه وأهل العين وخوفي اعله اخوتي هاليوم
أرض الكدر والاحزان حملنه واجيناها
❥━──➸➽❥❂❥━──➸➽❥❂
عفنه ديار اهالينه وظلت موحشه الديران
بعجل يحسين ردونه لديار النبي العدنان
هاذي كربله بيها حرگ الخيم والصيوان
اجينه اليوم لأرض الشوم والديران عفناها
❥━──➸➽❥❂❥━──➸➽❥❂
الساده نزلو الضعون بوادي كربله يمشون
وبدار الحزن هاليوم للمعركه يتانون
حملو عيالكم وامشو منكم هالعده يخافون
بعجل ردني يخال ابني صعبه اليوم ممشاها
❥━──➸➽❥❂❥━──➸➽❥❂
بعجل ردونه يالخوان يم ديار اهالينه
من طبينه لأرض ألطف ما واحد نشد بينه
اخافن هاي الكفار ابد ما تنغر علينه
وگلبي موجر وحزنان من يوم الوصلناها
❥━──➸➽❥❂❥━──➸➽❥❂
*بقلم✍🏻خادمة اهل البيت*
*الشاعرة العلويه مريم النور*
*نسألكم الدعاء الفاتحه الى روح اختي ولامواتكم:🍃*
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
*قصيدة للهلال (اه يهلال الشهر)*
*من ديوان📚 مسير الفواطم لأرض المظالم ج١*
❥━──➸➽❥❂❥━──➸➽❥❂
اه يهلال الشهر شفتك وگلبي انفطر
خايفه اعله حسين منك ادري باجر ينغدر
❥━──➸➽❥❂❥━──➸➽❥❂
ادري باجر ينذبح راسه ينشال برمح
گلبي من هسه انجرح وضهري عالوالي انكسر
❥━──➸➽❥❂❥━──➸➽❥❂
گلبي مهموم ويون روحي غطاها الحزن
حايره المن اون نوحي كاسرلي الظهر
❥━──➸➽❥❂❥━──➸➽❥❂
نكسر ظهري من الونين وبس اصيحن يا حسين
ماخذ عيالك لوين بيك يغدر هالدهر
❥━──➸➽❥❂❥━──➸➽❥❂
بيك غدار الوكت اشلون بيه لو متت
دمعي من هسه يكت وحشمت فارس مضر
❥━──➸➽❥❂❥━──➸➽❥❂
حشمت بويه علي باجر يطيح الولي
ومن يردني المنزلي امشي عگبه لليسر
❥━──➸➽❥❂❥━──➸➽❥❂
امشي عگبه ميسره وبالعيال محيره
المن اشكي الي الجره روحي كاتلهه القهر
❥━──➸➽❥❂❥━──➸➽❥❂
المن اشكي حالتي صعبه كلش قصتي
حملوا عني اخوتي وعيني تعبهه السهر
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
#من_ديوان_مسير_الفواطم_ج٥
*قصيدة للمسير الى كربلاء(ودعنه الاوطان)*
❥━──➸➽❥❂❥━──➸➽❥❂
ودعنه الاوطان ... ودعنه الاوطان
ودعنه گبرچ فاطمه
والدمعه صبت من دمه
والگلب حزنان ... ودعنه الاوطان
❥━──➸➽❥❂❥━──➸➽❥❂
ودعنه كبرج يم حسن يمه وبچينه
وسدينه بيبان النزل كلنه ومشينه
تعنيه لطف كربله وعفنه المدينه
وعباس گايد ناگتي ويحدي الضعينه
عباس اخذني لكربله
ومنه المدامع هامله
وحسين حيران ... ودعنه الاوطان
❥━──➸➽❥❂❥━──➸➽❥❂
حيران الحسين السبط والدمع بالعين
يعاين علي طول الدرب واعله النسواين
گلي يخويه تصبري ولا لا تخافين
گلته خويه خايفه لا يغدر البين
وياه طلعت بهيبتي
وما ادري يمته رجعتي
وي آل عدنان ... ودعنه الاوطان
❥━──➸➽❥❂❥━──➸➽❥❂
ما ادري يمته رجعتي يبن امي للدار
حاچيته جاوبني وحچه والدمع نثار
گلي اليصير بكربله وخبرني بالصار
تشوفينه باچر عالثره والگلب محتار
اشوفيني نايم عالثره
وعباس اديه مبتره
ونايم بتربان ... ودعنه الاوطان
❥━──➸➽❥❂❥━──➸➽❥❂
تشوفينه نايم عالثره بوسطة الحومه
مطبورة منه هامته وتنزف دمومه
احا يعملة كربله واحا ييومه
يغدرونه الگوم الكفر الشاعت علومه
بعامود راسه ينضرب
المعروف ساعات الحرب
وتنسبي النسوان ... ودعنه الاوطان
❥━──➸➽❥❂❥━──➸➽❥❂
للكوفه يسبون الحرم ويچتفوها
واطفال ما تحمل تعب ويعذبوها
وبنتي رقيه تنضرب ويسلبوها
كفار ما عدهم رحم ما يرحموها
وانتِ اسيره اعله الهزل
وايديچ مچتوفه بحبل
وبعازة اخوان ... ودعنه الاوطان
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
قصيده فزاعي للعباس
~~~
جاي ومايهاب الموت
ياحي الله اخو زينب
~~~~
ياحي الله ابو النوماس
معروف البطل عباس
صيته شاع بين ناس
هذا الحيد المعرب
✍️ام علي الموسوي
🏴🏴🏴🏴🏴
حي الله ابو الغيره
خله اعداه بالحيره
عدوه ضاع تدبيره
هاذا السيف المجرب
ام✍️ زين العابدين لمحمداويه
🏴🏴🏴🏴🏴
هله بالشايل الرايه
شجاع وبيه الكفايه
اشرف عالمسنايه
لشاطي تحده وطب
✍️ ام حسين العامري
🏴🏴🏴🏴🏴
حيهم يا ربات الزود
ويضحي لأخوه زنود
وميهمه طبر عامود
هذا ابن الشطر مرحب
مروه احمد الياسري
🏴🏴🏴🏴🏴
خله اركابهم طشار
عباس بطل مغوار
بي جيش العدو محتار
فنه الكال يتكرب
ام ✍️رحمه الگاظميه
🏴🏴🏴🏴🏴
مشهودتله بالساحة
ماينطي الخصم راحة
بيده لايگ سلاحة
وبيدينه الرمح يلعب
العلوية فضيلةالموسوي،
🏴🏴🏴🏴🏴🏴🏴🏴
تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الاسماء أو ينسبها ل
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
هوسات للعباس
~~~
لمن هد كمر عدنان ضجت نايحه بالطف
كام يحصد بيها الروس وبيها السيف كام يكف
صدك تربات نشميه معرب بالشدد مكلف
((عباس// بجفك فانيها ))
ام ✍️علي الموسوي
🏴🏴🏴🏴🏴🏴🏴
نزل عباس للحومه وشال السيف بالجفين
خله الكوم طشاره وماتندل دربهه منين
صال وجال اخو زينب ماهمه الجمع صوبين
خلاها//طشار الحومه
✍️ ام حسين العامري
🏴🏴🏴🏴🏴🏴🏴
طشرها الزلم عباس لمن يهد طشرها
ينثرها على التربان ابو نوماس ويلمها
واخته كبالها وتشوف يصد جيمان ويردها
((طشرها بسيفه //ولماهه))
✍️ام علي الموسوي
🏴🏴🏴🏴🏴🏴🏴
بطل فوك المتن شال الجربة المشيم
وبيده السيف يلمع للعدة اتقدم
خلاها الزلم جواه غركانه بفيض الدم
(امخليها // غركانه بدمهه )
العلوية فضيلةالموسوي،
🏴🏴🏴🏴🏴🏴🏴
هله بعباس من صول بميدانه
ماهمه جمع وجيوش عدوانه
ثنى اعله الفرات وصاح هذا انه
((لحدوده//من يكدر يوصل))
✍️ ام حسين العامري
🏴🏴🏴🏴🏴🏴🏴🏴
تمت بفضل الله وعونه بأقلام خادمات الحسين في رابطة قتيل العبرات غير مبري الذمه من يحذف الاسماء أو ينسبها له
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
قصيدة للعباس عليه السلام
شال الرايه ابو النوماس بيده
خذه جوده واگطع صوب البعيده
~~~~
اخذ جوده البطل للمشرعه راح
وبچاها الزلم بالصوت من صاح
ابد ماهمته كل ذيج الارماح
ترس جوده ورجع ابن الصميده
✍️خادمة اهل البيت ام ابراهيم الحلفي
🏴🏴🏴🏴🏴🏴🏴🏴
بيد الجود رايح للمسنايه
يجيب الماي بيده شايل رايه
هوه واخوته لحسين وفايه
جاب الماي لمخيم اعضيده
✍️بتول الكربلائيه
🏴🏴🏴🏴🏴🏴🏴🏴
تارس جوده محلاه كمر عدنان
بيده جربته وكاصد النسوان
يريته لادنه يومه ولاحان
و برجعته يصير حسين عيده
✍🏻سلمى أم جعفر
🏴🏴🏴🏴🏴🏴🏴
خوفها الزلم من طلع عباس
وهوه يرتجز والريشه عالراس
صاح احدود اخوي ابداً متنداس
اليدنه ويجي اله اكسر ايده
✍🏻 ام زينب الأسدي
🏴🏴🏴🏴🏴🏴🏴🏴
شايل رايته وحيرها الرجال
هد هدت اسد بلفين خيال
گصد للمشرعه وطشرها النذال
وقره للعلكمي والله الگصيده
ام زيــــ✍🏻ـــــن العابدين لـــــــــمحمداويه
🏴🏴🏴🏴🏴🏴🏴
يامية هلا بالكال بعيوني
اجيب الماي الكم يالتنخوني
ماهاب العده وانتم تعرفوني
وينه الكال عمي الماي اريده
✍️ام علي الموسوي
🏴🏴🏴🏴🏴🏴🏴
يعرفونه بطل ماهاب عدوان
مثل عوده علي داحي البيبان
هد وخوش هده معدل الشان
وخله اجيوشهم كلها شريده
ام ✍🏻رحمه الگاظميه
🏴🏴🏴🏴🏴🏴🏴
يعرفونه شهم من داحي الباب
اصله هاشمي ومن اشرف انساب
حامي خدر اخيته ابن الاطياب
لوطب للحرب محد يرده
✍️ ام محمد الساري
🏴🏴🏴🏴🏴🏴🏴🏴
تمت بفضل الله وعونه بأقلام خادمات الحسين في رابطة سيد الشهداء عليه السلام
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
فزاعي هوسه للعباس عليه السلام
ابماي الگصه الكافل
تارس جوده ورد فرحان
💔💔💔💔💔💔
غيور وينضح امروه
سبع معروف مو توه
هوه الاسس الخوه
((الكافل من اصياره
مسجل تاريخه))
خادمة أهل 🚩البيت ام ابراهيم الحلفي
🚩🚩🚩🚩🚩🚩
غيور الكافل ابزوده
شحده اليوصل حدوده
الشجاعه البيه مشهوده
((مثل اهلك تنگط. بس غيره))
✍️الشاعره كريمه البو حلوه
🚩🚩🚩🚩🚩🚩
بزغره رهب عدوانه
یصيح انه البطل انه
احمي احسين وخوانه
((الكافل هذا الكافل ترهب هداته))
✍🏻ام زين العابدين لمحمداويه
🚩🚩🚩🚩🚩🚩
نفل للخوه معناها
اصيل ابعهد وفاها
لخيه اجفوفه انطاها
(( ابروحه وجفينه// وفه وضحه لزينب))
✍🏻 ام زينب الأسدي
🚩🚩🚩🚩🚩🚩
سبع الگنطره اسمه
محله طوله ورسمه
حسين بجتفه ايشمه
((ياهو الطباها/تصيح الغوث الوادم))
✍️ ام محمد الساري
🚩🚩🚩🚩🚩🚩
شهم عباس عنوانه
هابت منه عدوانه
هذا الحرب ميدانه
((بالذل خلاها// لمن هد بسيفه))
✍️هدى المطر ام محمد
🚩🚩🚩🚩🚩🚩
خله العسكر ابحيره
تارس جوده الغيره
النظر لخيامه ايديره
((اهلا بالكافل جاب الماي وهد اعداه))
✍🏻ام زهراء الزيداويه البصراويه
🚩🚩🚩🚩🚩🚩🚩
زينب حگه تتباها
تموج الزلم خلاها
تشرد وين منواها
( مجرب والله توجع سطراته)
✍🏻ام ستار الكعبي
🚩🚩🚩🚩🚩🚩🚩🚩
تمت بفضل الله وعونه بأقلام خادمات الحسين في رابطة سيد الشهداء عليه السلام✍🏻
🙏🏻🙏🏻نسألكم الدعاء 🙏🏻🙏🏻
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
قصيده للعباس
~~~~
ياعباس يالمنك يهابون
خليت العده بالطف يرهبون
●▬▬▬ஜ۩🌟۞۩ஜ▬▬▬●
خليت العده بالحومه طشار
لعبه لعبت بيهم كوم الاشرار
وبكلبك الغيره وشعلت نار
والعدوان من عندك يخافون
✍️حوراء الكناني
🏴🏴🏴🏴🏴🏴
حامي من الصغر سموك ابو الغيره
بكماطك تحل من زينب ابحيره
تخاف اعلى العبايه راسك اديره
معروف الوفه من خزر العيون
✍ام اسعد الشمري
🏴🏴🏴🏴🏴🏴
يالمعروف بالغيره وحميه
يالشايل صفاة الحيدريه
من امك خذتها هالوصيه
لولاد الزجيه ضحي المتون
✍️ ام علي الموسوي
🏴🏴🏴🏴🏴🏴
خزراته تخوف زلزل الگاع
هد اعله الکفر سواهم اشراع
منه الگوم فرت وکت الانزاع
سواهم خرز بیهم يلضمون
✍🏻 ام زينب الأسدي
🏴🏴🏴🏴🏴🏴
منه الكل تخاف وخزرت اعيونه
ابو النوماس والوادم يهابونه
وركاب الرجال ابسيفه مرهونه
وجدام ابو الغيره مايثبتون
خادمة اهل البيت ام ابراهيم الحلفي
🏴🏴🏴🏴🏴🏴
ياقمر العشيره اوشيلت الراس
تسلم ياذخر زينب يعباس
حدنه ابجال جفك عيب ينداس
تخاف اعداك يالمنك يفرون
ام ستار الكعبي
🏴🏴🏴🏴🏴🏴
تمت بفضل الله وعونه بأقلام خادمات الحسين في رابطة سيد الشهداء عليه السلام غير مبري الذمه من يحذف الاسماء أو ينسبها له
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
قصيده لسان حال السيده زينب عليها السلام تخاطب راس الحسين وهو فوق الرمح تكله
~~~~
معقوله راس احسين هذا اعله الرمح
يالوجهه ينور چن شمس الصبح
معقوله هذا احسيني
مذبوح و يباريني
يالوجهه ينور چن شمس الصبح
(((((((((😭)))))))))
مذبوح ياخدري ودلالي وعزوتي
حسين ياشمعة حياتي وهيبتي
يالأخو بعد چبيره بالوتي
وماسدت علناس والله امصيبتي
چن الولي يواسيني
مذبوح ويباريني
يالوجهه ينور چن شمس الصبح
معقوله راس احسين هذا اعله الرمح
ام✍🏻 زين العابدين لمحمداويه
(((((((((😭))))))))))
مذبوح ويباري الأخو اعياله
وحتئ رمحه حسين ضل ينعاله
وسفه ضل يبره الضعن چتاله
ولا گفيل وشتگيله الحاله
ياسلوتي بسنيني
مذبوح ويباريني
يالوجهه ينور چن شمس الصبح
معقوله راس احسين هذا اعله الرمح
ام زيــــ✍🏻ــــــــن العابدين لمحمداويه
++++++++
علرمح والوجه انوار وتشع
من اشوف حسين روحي تنشلع
گلي شيصبر اگليبي المنفجع
يلماخذ اصبي عيني
مذبوح ويباريني
يلي وجهه ينور چن شمس الصبح
✍🏻 الحجيه ام علي البصره
++++++++
شمس ونجوم وگمرهن ناظري
عالعوالي تشوف كسرة خاطري
يومن ابعين المدامع صابري
زينب ابمحراب صبرج كبري
وگولي الغرب سابيني
مذبوح ويباريني
يالوجهه ينـور چن شمس الصبح
معقوله راس حسين هذا اعله الرمح
زمــ✍🏻ـــن حاتـم الربيــــعي
واســـــــــــــــــــط
++++++++
يغضب اشوفه لو گرب ليه الشمر
للكاع تنزل دمعته وچن يتعذر
وانه اخفي عنه لوعتي وطبع السطر
دمعاته بيه اتوصي احسها بالصبر
وببنيته ايوصيني
مذبوح وايباريني
يلي وجهَ اينور چن شمس الصبح
✍🏻زينب الواسطي
++++++++
يمشي گدامي واحس ينظر الي
ساعه لن عينه تدير الكافلي
جنه ايگلي يختنه اتدللي
ابد ماعفناج يوصية علي
خط بينج اومابيني
مذبوح ويباريني
يلي وجها ينور جن شمس الصبح
*ام منــــ✍️ـــــذر الحجار*
++++++++++
تمت بعون الله بقلام شاعرات رابطة ملتقئ ناعيات الطف
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
قصسدة لمولاتي عزيزة الحسين رقية ع
تبچي ارقيـــة وتهل عيــونهـــا
تصيـح اهلاً باليـجي يـزورونـها
بيكـم اشتميت دخـان الخيـــم
تصيح زينب ماكو غير ولا رحم
حتى راس حسين منهم ماسلـم
يمشي وي عمتي يباري ضعـونها
يمشي وي عمتي يباري ارماحــها
لاحــني السـوط علة متني ولاحها
لازمتني وتشتــكي مـن صفاحــها
هسة بالشــام من اجيتوو شلونها
شلون صارت اسال علـة احـوالها
انــي ادري مگيـــــدة بحبالـــــها
ضلت جنازتـــها محــد شالـــــها
انــة بنــت حســـين يل تنخـونها
انــة بنـت حسـين تدرون شجرة
بالطشت صارت منيـــتي ومنحرة
والگصدني اليـــوم گلبــة اجبــرة
اعـــرف النيــــة انـــة ومضمونهـا
الحـاجة يـمي بالصحن شمــروها
بشــــارة تنــطي للـذي. گصــدوها
الـــف هنــيال الــــذي يزوروهــــا
الشيـعـة تبچي علة النحر ومتونها
يارقيـة نــريدج بيـــوم الحشــــــر
انتي بـت حسيـن منـج ننتــــظــــر
بليــلة الوحشـة مـن اهـوال الگبـر
تحضـــر الشــــدات خـو تــدرونها
تمت بقلم خادمة اهل البيت ع ام وليــــد الموسوي، لا اجيز حذف الاسم شرعا الفاتحه الى روح والدي ووالدتي
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
فزاعيــة لبــــداية. محــرم
يــاشيـعـــة محـــــرم بــــان
شفــت هــلالـة گبـــالـــي
يـاشيعــة الگلـب ملچـوم
وعلينــة المنايــة تحـــوم
ااه يحســــين يـا مظلــوم
صحــــت انمــــرد دلالـــي
ابچــي والـدليــــل احتــــار
صحـت يـااحيــــدر الكـــرار
وبگلبــي تشــب النـــــــــار
بيــــت مـن الزلـــم خالـــــي
فــــارغ بيتهـــــم يانـــــــاس
باچـــــر يوگــــع العبـــــــاس
وحســـين الصـــدر ينـــــداس
ما ينـوصـــــف يا حالــــــــــي
يــاحالــي اوصـــفة منيــــــن
انصبـــوو ماتـــم الطــــــيبين
عبـــــاس واخــــووه حســـــين
خابــــــت منهــــــم امالــــــــي
طايـــح راعــــي، الشــــــــــــدة
ماردهــــا العطــش چبــــــــدة
الطالــــــب حاجــــة ميــــــــردة
انـخــووة حامــــي خيالــــــــــــي
حــــامــي الضعـــــن والناطــــــور
عــافــــاني بشهـــــر عاشـــــــــور
كـــل ذنــب اللـــــطم مغفــــــــور
يضــــل مهيـــــوب للتالــــــــــــي
تمت بقلم خادمة اهل البيت ع ام وليــــد الموسوي لا اجيز حذف الاسم شرعا الفاتحة الئ روح والدي ووالدتي
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
#ياصاحب الزمان مدد#محرم
القصيده 📜الهلال { كل خوفي بطلعتك }
#الشاعره -فاطمه هاشم الحسيني
...
اهلالك يا محرم حيل اذاني
كل خوفي بطلعتك اخسر اخواني
✏✏✏✏✏
بهلالك محرم هل دمعه العين
ما بياش اكومن خايفه اعله حسين
كل ساعه ويكلي شبيج شو تبجين
مايدري عليه ادموعي وأحزاني
✏✏✏✏✏✏
هلالك يا محرم يمرد الدلال
دمعاتي تصب لحسين و الكفال
بيه شلون باجر تنذبح امال
بعد جم يوم نار تحيط صيواني
✏✏✏✏✏✏✏
بعد جم يوم نار تحيط بلصيوان
مااحشم وسافه مذبحه الخوان
بطرك الاه اصفه بولية العدوان
من هسه هلالك هاذ بجاني
✏✏✏✏✏✏✏
من هسه هلالك عذبالي الرؤح
عاشر يوم ابو السجاد بيه مذبوح
انه واليتامه انحير وين انروح
يهلال الحزن بلروح نيراني
✏✏✏✏✏✏✏
يهلال الحزن بلرؤح شبت نار
من هسه دليلي خايف ومحتار
ياخوفي افارك ضنوة الكرار
خوفي يرؤح ابو السجاد ينساني
✏✏✏✏✏✏
الشاعره فاطمه هاشم الحسيني
غير مبري الذمه من يحذف الاسم او ينسب الكلام له
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
#ياصاحب الزمان مدد #2023
القصيده 📜ام البنين ع {قدوة }
.
الشاعره ✍فاطمه هاشم الحسيني
..
قدوة النسوان هاي ام البنين
ضحت بشبان لعيون الحُسين
......
قدوة النسوان هاي ام الشهم
دون ابوالسجاد ضحتها الزلم
ندرس الاخلاق من عدها ونعم
بلعباده النور يسطع بلجبين
.......
نور يسطع دوم وجه الطاهره
فخر للنسوان دنيا واخره
هاي رغم الآه ضلت صابره
تشهدلها اجروح كل ذيج السنين
.....
تشهدلها اجروح كرباً والدمع
بلفراكَ الصار محنية ضلع
بس لبو السجاد ضلت تنوجع
للولد هيهات ماهزها الحنين
........
للولد هيهات ماناحت ابد
للحُسين النوح ممرود الكبد
دون ابو الاحرار مو غالي الولد
لون هوه يعود مايبقه الونين
.......
لون هوه يعود يلتام الجرح
كلش ام عباس يوجعها الذبح
امن الصبح ياناس تنحب للصبح
ياكَلبها شصار مهموم وحزين
...
❤️❤️❤️❤️
اسألكم الدعاء لطفا
الشاعره فاطمه هاشم الحسيني
غير مبري الذمه من يحذف الاسم او ينسب الكلام له
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
*"هوسات للنزول إلى كربلاء"*
*من ديوان 📚 عبرات وأنين في رثاء الطاهرين الجزء ٢*
❥━──➸➽❥❂❥━──➸➽❥❂
وصلت كربله زينب تهل دموع سچابه
ساعه اصيح يايمه ساعه اصيح يايابه
لحگو حسين وعياله حط بكربله اطنابه
((يذبحونه//والينه هنانه))
❥━──➸➽❥❂❥━──➸➽❥❂
وصلها كربله هاليوم ابو سكينه
مهموم الگلب ويهل دمع عينه
ينظر لخوته ويصد عله بنينه
*((يذبحوها//باچر گدامه))*
❥━──➸➽❥❂❥━──➸➽❥❂
نزلت كربله الحوراء تهل دموع مذروفه
بيها ينذبح عطشان وليها اعيونها اتشوفه
وعالشاطي يظل عباس منه مگطعه چفوفه
((يسبوها//عدوانه اخلافه))
❥━──➸➽❥❂❥━──➸➽❥❂
صاحت زينب بدمعات مجريه
يمه يالزچيه لحگي عليه
حسين اليوم طب الغاضريه
((تريد تذبحه//التمت يمه الگوم عليه))
❥━──➸➽❥❂❥━──➸➽❥❂
تگله ام الحزن خويه الظعن رده
تفجعني كربله ولحيلي اتهده
نزلها الوالي ودمعته بخده
*((حسين يگلها لزينب//خويه هنانه يذبحوني))*
❥━──➸➽❥❂❥━──➸➽❥❂
*بقلم ✍🏻 خادمة اهل البيت ع*
*الشاعرة العلوية مريم النور نسألكم الدعاء الفاتحة الى روح اختي ولأمواتكم:🍃*
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
*قصيدة لليوم الثالث من محرم*
*من ديوان عبرات وأنين في رثاء الطاهرين الجزء ٢*
❥━──➸➽❥❂❥━──➸➽❥❂
*أحا من هذا الشهر زينب تنادي*
*الحر اجانه وبالدرب لازم الوادي*
❥━──➸➽❥❂❥━──➸➽❥❂
احا من هذا الشهر زينب حزينه
وتنادي يا عباس يا حامي الضعينه
جبتوني خويه لكربله ومن المدينه
خوفي يخويه بهالشهر تنسبي اولادي
❥━──➸➽❥❂❥━──➸➽❥❂
زينب حزينه وتنتحب والدمع همال
من يوم طبت كربله هيه والعيال
خافن يضل اعله النهر نايم الكفال
يحسين حومه لا تطب وارحم بحالي
❥━──➸➽❥❂❥━──➸➽❥❂
يحسين هايه كربله طبينه بيها
وشلون باجر تنسبي اه يا وليهه
وظلت عليله بالنزل ننحب عليها
خويه علينه اتحوم هالگوم الاعادي
❥━──➸➽❥❂❥━──➸➽❥❂
هاليوم روحي موجله من وادي الطفوف
كلها يتامه تصير بأجر عيني اتشوف
روحي عليك محيره وكاتلها الخوف
اجذب الونه والحزن حرگ افادي
❥━──➸➽❥❂❥━──➸➽❥❂
يا اهل المروه هنا ابد لتنزلوني
يا خويه ابو السجاد يفدنك عيوني
ابگه وحيده بكربله لا تخلوني
واطفالي خويه من الرعب تلزم الوادي
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
#من_ديوان_مسير_الفواطم_ج٥
قصيدة للمسير الى كربلاء(شايل رايته الخضره)*
❥━──➸➽❥❂❥━──➸➽❥❂
متعني الحرب عباس
شايل رايته الخضره
❥━──➸➽❥❂❥━──➸➽❥❂
تعنه الكربله بزوده
شايل رايته وجوده
والبيرغ على زنوده
وبيده يباري الحره
❥━──➸➽❥❂❥━──➸➽❥❂
بيده الگمر يحميهه
وحدها ما يخليهه
يعاينها ويباريهه
ينطيها الولي عمره
❥━──➸➽❥❂❥━──➸➽❥❂
بيده الگمر ماخذها
من ودعت گبر جدها
والدمعه على خدها
تون وبالگلب حسره
❥━──➸➽❥❂❥━──➸➽❥❂
تون وتگله رجعني
لارض الكدر ماخذني
اخافنك تضيعني
وگلبي عليك شيصبره
❥━──➸➽❥❂❥━──➸➽❥❂
شيصير الگلب شيهيد
يالغيرك ابد ما اريد
ردني للوطن يا حيد
ما اتحمل الكسره
❥━──➸➽❥❂❥━──➸➽❥
عگبك ينكسر ظهري
انت هيبتي وخدري
لوكت الموزمه ذخري
تنام شلون عالغبره
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
#من_ديوان_قربان_الطف_ج١
فزاعيه لمسير الضعن إلى كربلاء
❥━──➸➽❥❂❥━──➸➽❥❂
تمشي بزود أخوها عمة الساده
اجت وي الغريب حسين وولاده
❥━──➸➽❥❂❥━──➸➽❥❂
بزود الي كفلها رافعه الهامه
من سار الضعن خلاها جدامه
شال العلم بيده وشاد حزامه
مثل هاليوم هذا حيدره راده
❥━──➸➽❥❂❥━──➸➽❥❂
راده الوالي ابو يتكفل الحره
خذاها للطفوف وشد على المهره
وهيه خايفه والروح منكسره
من غدر الاعادي تروح الحياده
❥━──➸➽❥❂❥━──➸➽❥❂
تعنت للطفوف وخايفه اعليهم
كفار الاعادي واتغدر بيهم
الأمر لو بيدها جا ما مشت بيهم
مصيبتهم تهد الحيل مراده
❥━──➸➽❥❂❥━──➸➽❥❂
تظل خوانها فوك الترب نومه
وهي محيره والروح مالومه
عليهم بس تنوح وحيل مهظومه
حسين بخيلهم ينسحك يفاده
❥━──➸➽❥❂❥━──➸➽❥❂
يسحكون العده باجر عله امتونه
والصيوان لو طبو يحركونه
اريد الطم لهل زينب وممنونه
الينخه اخوان زينب ياخذ امراده
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
#قصائد_محرم الحرام ع
باجر من يطيح حسين وين حسين دليني
——————————
القصيدة من ديوان 📚قربان الطف الجزء الاول
قصيدة لسان حال ام البنين بعد سفر أولادها إلى كربلاء(والله مره)
❥━──➸➽❥❂❥━──➸➽❥❂
والله مره ... فركة احباب النودهم
والله مره ... راحو ولينه شيردهم
والله مره والله مره
❥━──➸➽❥❂❥━──➸➽❥❂
سافروا لأرض المنيه وكلبي مهموم
نحل جسمي وعيني تبجي محاربه النوم
عالضعون التمشي ظلت روحي تحوم
وين يكضي الليل كلمن حيله مهدوم
البيت ظل وحشه علي ... من بعدهم منهو الي
والله مره والله مره
❥━──➸➽❥❂❥━──➸➽❥❂
ظلمه صارت دنيتي وبيتي عليه
ودعيت اولادي اوداع المنيه
ما اظن يردون اليه وهاي هيه
من سره بيهم الحادي ماله جيه
آ ييمه شيبت ... من الفراك تعذبت
والله مره والله مره
❥━──➸➽❥❂❥━──➸➽❥❂
عيوني تهمل من اصدن وانظر الباب
بصوت اصيحن ما ترجعولي يالاحباب
آه يا حسكم ييمه امن النزل غاب
عالدرب اكعد واناطر ماكو اجواب
وياي بتكم هل تون ... واذبلت من الحزن
والله مره والله مره
❥━──➸➽❥❂❥━──➸➽❥❂
ينهظم كلبي من اباوع للعليله
حنت لعبد الله واشتاكت تشيله
تنادي يالوالي اونتها ثكيله
تنحب بآهات والمدمع تسيله
طول عليها البعد ... زغيره ما تحمل فكد
والله مره والله مره
❥━──➸➽❥❂❥━──➸➽❥❂
آه منك يا زماني شكثر ناديت
واحرمت طفله من أهلها وشمعة طفيت
جروح خمسة من فكدهم بيه خليت
رجع اولادي يدهري ثكله ظليت
بحسره والهم والألم ... حزني واصل للعظم
والله مره والله مره
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
———————-
مؤسسة منبريات للقصائد النسائيه
/channel/ahmed_alziwar17
كروب 2 👇خاص بنشر وتلحين القصائد
/channel/+tVGiZHdfNq81ZGYy
