19252
انتباه .. حسين الي يعليك مو مجهودك انتباه .. الخدمة توفيقات مو بزنودك حسين اليوفق تره .. لا شعر لا كامره
ابوذيه
السيده زينب اتخاطب الامام الحسين
دوس الـخـيـل يـبـن امـي مرع ليك
بـهـذا الــحــال والـحــادي مر اعليك
خـذونـه ومـابـقـت تـنـعـه مره اعليك
الـك فـوگ الـهِـزل نـنـصـب عَـزيـه
*---------------*--------------*
✍خادم السيده زينب ع
الشاعر رعد الجربخي
قصيدة للمشاية … توجيهية
ــــــــــــــــــــــــــــــــــــــــــــــــــــــــــــــــــ
إحسِب خطواتَك زين
يالگاصِــد گـبر حسين
بهمومك هاي
مِتعنّي وجاي
ــــــــــــــــــــــــــــــــــــــــــــــــــــــــــــــــ
يالجاي وعايف دارَك
صَـفّي النيّة وأفكارَك
لا مـا تِنــفَع أعــذارَك
لو يِحدِث تقصير
وعلِيك آنه ألقِي الحُجّة
بهـــذا الشـــــأن وأترَجّه
چِلــماتي ٱقرَأ وتهـــــجّه
أثناء التفكير
باچر نِيتَك تِمشي ٱتزور
لو رَايد تِرجَــــع مأجـور
لازم من هذا المنـظـــور
هَذّب روحَك
هاي السفرة مو تَرفيه
والضـايع بيها ٱتلاگـيه
إعرِف ياهو المِتـعَـنّيه
هَذّب روحَك
وتأمّــل وفهَـــم زين
يالگاصد گبر حسين
ثَبّــــتلَك راي
مِتعنّي وجاي
ـــــــــــــــــــــــــــــــــــــــــــــــــــــــــــــــــــ
لو تدري بهــــاي السفرة
شنهو الصار ٱويَ العِترة
زينب عـــافت عالغَبــرة
أولاد وخُوّان
حسـين ومذبوح ٱتشوفه
وكافِل مگطوعة ٱچفوفه
بحـــــبال الهَم مچتـــوفة
حُرمة بلا وِلـيان
لابُـد كل خطوة إنتَ ٱتشوف
ظامي الســــجّاد ومچـــتوف
لازم وجهك هَم مخـــــطوف
مِنّ أحزانه
واجـــب تِذكُر مِـــن ترتاح
صورة روس وفوگ ٱرماح
وزينب يِحديـــــها الذّبّــاح
وَيّه أعوانه
بحـــــبال ومچتوفين
يالگاصــد گبر حسين
إنحَب بِهداي
مِتعنّي وجاي
ــــــــــــــــــــــــــــــــــــــــــــــــــــــــــــــــــــ
لازم تِحذَر من كل شي
من أفعــــالَك لو تمـشي
وبتهذيبك مِـــــــــتغَشّي
وعيونك بالگاع
تدري الســـجاد ٱشـلونه
بالسوط ٱمورمة ٱمتونه
عالنّاگة ٱتهِـــلّ ٱعــيـونه
ومَحنِيّة الأضلاع
بالَك تِثـــــــقِل عالخِــدّام
إذكُر عَـــيلة بدرب الشـام
چَنّك تِرمي حسين ٱسهام
من تِتبَسّم
خَـــلّي بذِهنَـــك هالمأساة
زينب وَسطِ الخِربة ٱتبات
هِيّـــه وباقـــــي العِلويّات
مَدمعهِن دَم
يصيحَن يالكافل وين
يالگاصـد گبر حسـين
ويــن الوفاي
مِتعنّي وجاي
ــــــــــــــــــــــــــــــــــــــــــــــــــــــــــــــــــــ
من تِمشي وبيدَك رَاية
أخلاقك هِيّه ٱمــــرَاية
لَيكون الهَـم والغــــاية
تِجذِب بالأضواء
باچــر تِشــــهَد جِـــدمينك
إيـــدك تِنطِــــق وَي عَينك
هل ماشي بدَرب ٱحسينك
لو دَربِ الأهواء
عَوّد نفــسك عالإيثار
ولا تِقبَل بالذّل والعار
ولا تِرضَخ للإسـتكبار
إنتَ حُسيني
وترَفّــــع عَنّ الإســـفاف
إنطُــق بالحــقّ ولَتـخاف
ولا تِكسِر گلب المِضياف
إنتَ حُسيني
وإفـــزَع للمظلومين
يالگاصد گبر حسين
وإحذَر دنياي
مِتعنّي وجاي
ـــــــــــــــــــــــــــــــــــــــــــــــــــــــــــــ
لا لَتـــــبَذّر بالنّــــعمة
خَل شُكـــرانَك بالقِمّة
زينب چانت مِنهَضمة
من رَاحت للـشام
جَــدّد بالمَمشـــى البِيعة
وإهتِف وَي هاي الشيعة
هيهـــات ٱحسين ٱنبيعه
شما مَرّت أعوام
قَدّر كل خــادم تِلگاه
ولبِـيــته ٱنزل وتعنّاه
إشكُر تَرحيبه ومَلگاه
لا تِتكبّر
زيـنب من طَبّت للشام
ضِربوها ٱحجار الظلّام
ونظُـــــــر بعيون الآلام
ذاكه المنظَر
صابَنها ٱسـهام البِين
يالگاصد گبر حسين
لِختِ الرّوّاي
مِتعنّي وجاي
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
يحسين مشايه ــ نمشي لزيارتك
ــ⊱☆☆❀☆☆⊰ــ
يوم اربعينك ياضـــوه العين
تمشــــــــيلك الوادم ملايين
عالعهد دوم اوياك يحســـين
فوگ الجمر تسحگ الرجلين
منعوفك ــ ونطوفك ــ يااغلى محبوب
من دربك ـ من حبك ـ صـدگني ماتوب
وطيب انفاسي ــ من اشم تربتك
يحسين مشايه ــ نمشـي لزيارتك
ــ⊱☆☆❀☆☆⊰ــ
ما نهـتم ابطول المسـافات
نمشـي وبدينه نعلي رايات
نترك طريقك والله هيهات
بيه شفـنه انواع الكرامات
مانرجـع ـ مانشــبع ـ من لطم الصـدور
وبدربك ـ كل ليله ـ عدنه احنه عاشور
منبطل اقرايه ــ نقســم ابغربتك
يحسين مشايه ــ نمشي لزيارتك
ــ⊱☆☆❀☆☆⊰ــ
كعبه ابضريحك نحج ونطوف
وخل التضدنه ابعينها اتشوف
انحور الك قدمـــــنه وچفوف
شيــــعة علي مانعرف الخوف
هيبتنه ـ وسمعتنه ـ منك يالحســـين
أمنيتنه ـ ابدمعتنه ـ نعميـلك العـــين
وبشرف هالخدمه ـ فازت الوالتك
يحســين مشايه ــ نمشي لزيارتك
ــ⊱☆☆❀☆☆⊰ــ
ابدربك بيارغ ترفع الناس
ويفرح اذا شاهدها عباس
حگه اليزورك يرفع الراس
منك يرد امحمل احساس
يا آيــه .. وفــايه .. نبقه احنه وياك
اقبلنه .. وسجلنه .. وعيشنه بحماك
كل العمر فدوه ــ ينفني الخدمتك
يحسين مشايه ــ نمشــــي لزيارتك
ــ⊱☆☆❀☆☆⊰ــ
حفاي اجت يحسين شبان
اتواسيك بالأكـبر العطشان
وشالو بديهم شمع عرسان
الجسام شـــمعة ال عدنان
احـبابك .. لمصـابك .. ما بطــــلو نوح
وعيونك .. يفدونك .. يحسين بالروح
انته الوسله انته ــ وعاشو ابنعمتك
يحســــين مشايه ــ نمشي لزيارتك
ــ⊱☆☆❀☆☆⊰ــ
✍الخادم
كامل السعيدي
/////////////////////////////////////////////////
قناة الحان الرادود احمد الزوار
للاشتراك اضغط على الرابط
/channel/+QYhwKs0Xy1h303S6
رايتنه رفت يحسين
من طلعت المشايه
🏴🚩🏴🚩🏴🚩🏴🚩
رفت الرايه وطلـعنه اوياها
الشالها ابچفه اشكثر يتباها
هاي ترمز للرفعها ابكربلاء
رايـــــة العبــاس ما ننساها
ماعفنه دربك يحسين
للموت الك وفايه
🏴🚩🏴🚩🏴🚩🏴🚩
وحق عباس الگطيعه اچفوفه
خلت بگلب النواصـب خــوفه
تدري راية ثورة المشايه هاي
بربعيـــــــنك ترتفع معــــروفه
والعالم بأسره احتار
شنهو الاسرار بهايه
🏴🚩🏴🚩🏴🚩🏴🚩
عالعهد كل عام نمشي انزورك
وبينه عايش سـيدي عاشورك
انته نعمه ومانعوف النعمه دوم
نوصـــــل ونتبرك احنه بنورك
وتنطي اليجهبك محتاج
عاگد ابصحنك رايه
🏴🚩🏴🚩🏴🚩🏴🚩
ابلهفه كلمن شـــــالها اوعلاها
يترك ابكل درب بصمه اوياها
الرايه ثوره موفقط وصلة اغماش
ويفرح العباس اذا شافاها
والعارف ابحقك زار
يربح اوياك هوايه
🏴🚩🏴🚩🏴🚩🏴🚩
ينكسر ظهر الدرب لوجينه
الدنيه يامولاي حارت بينه
اشما قست ويانه يحسين الضروف
انزود همه ابكل وكت تدرينه
لاخر نفس نبقه اوياك
منطينك احنه احچايه
🏴🚩🏴🚩🏴🚩🏴🚩
✍الخادم
كامل السعيدي
/////////////////////////////////////////////////
قناة الحان الرادود احمد الزوار
للاشتراك اضغط على الرابط
/channel/+QYhwKs0Xy1h303S6
وين كضيت العمر وين كافي امن الهجر وين جا يمته تمر
يابو صالح
****
يابو صالح نار هجرك ما يطفيها البحر
ما شفت انسان مثلك عايش وهالكد صبر
اسال ويالمهدي عنك دورت ماكو اثر
صوره الك بالبيت عدنه احله من كل الصور
بيك روحي اتعلكت بيك جم شده كضت بيك كتله امن الجمر
يابو صالح
*
عيني للسرداب ودعي بلكت احضي بشوفتك
غيبتك يالمهدي طالت يمته تنشر رايتك
انه مو يعكوب كلبي وانته يوسف فركتك
عمت من البجي عيوني امنيتي اشمن ريحتك
غاب شمعة دنيتي غاب وتصب دمعتي غاب عن عيني البدر
يابو صالح
**
انقذ العالم يمهدي بعينك تشوف الظلم
البعض بوجودك تشكك والكلب شابع هظم
والفساد انتشر تدري وهتكوا شهور الحرم
يابو صالح هذا يومك ليش منك ننحرم
شوف ترويع وقتل شوف ذبحو جم طفل شوف آثار الذعر
يابو صالح
****
ارفع جفوفي ونادي العجل مولاي العجل
جارت الدنيه علينه وغير جيتك ماكو حل
شيب امن الغيبه راسك وجفنك امن الون ذبل
ازرع بروحي الاماني ووكف ابابك خجل
هاي مرت جم سنه هاي ما شفت الهنه هاي لوحه امن الصبر
يابو صالح
***
يابو صالح نستجيرك سيدي من هالفتن
اقتربت الساعه ونريدك ترجع الهذا الوطن
سيدي بسامره باجر توكف وتخطب علن
والامان يعود لينه بطعلتك يبن الحسن
ذاب كلبك سيدي ذاب وامنين ابتدي ذاب من كثر الصبر
يابو صالح
****
عايش بديره غريبه وتنزف جروحك الم
انته كل مغرب تنادي ليش حركوها الخيم
اتصيح ليش الطفل ضامي وحرمله صابه بسهم
وجدك بذيج الصحاري ولا ضلع منه سلم
ليش جدك ينذبح ليش راسه اعله الرمح ليش ضهرك ينكسر
يابو صالح
*
تمت
تحسين الخفاجي
/////////////////////////////////////////////////
قناة الحان الرادود احمد الزوار
للاشتراك اضغط على الرابط
/channel/+QYhwKs0Xy1h303S6
قصيدة للمشاية (عگيلي)
مشاية لگبرك والينة
ونجدد حزنك تدرينة
=============
زينب هاليوم انواسيها
ونشاركها احزان البيها
ونتذكر ما صار اعليها
ومصاب الطف ما ناسينة
================
نمشيلك ونجد ممشانة
ويمشي المهدي انحس ويانة
عينة اعله امصابك حزنانة
يا جدي ايندبك مهدينة
================
من يمشي المهدي بيا حالة
مصاب الطف يصير گبالة
كل آه التطلع چتالة
ينوح اعليك وعالي ونينة
================
انواسي اعيالك من سلبوها
من بعدك هزل ركبوها
ومن ديرة لديرة ايطبوها
يحسين الصار امأذينة
===============
نمشي ابهم وحزن ولوعة
من نذكر جسمك وضلوعة
آثار بجسمك مطبوعة
ويا حيف بسيف موذرينة
===============
علويات الهادي ابهيمة
وثمانين ايتيم ايتيمة
وبحر الصيف ابلا خيمة
وسفة السجاد امگيدينة
===============
كل عام انجدد ذكراكم
ليوم المحشر ما ننساكم
نعيش انموت انضل وياكم
حبكم مولاي اينجينة
==============
تلگاها الشيعة اتعنتك
وباحزان الطف گصدتك
يحسين اباهلك واستك
ترضى انريدك يا ابو سكينة
===============
اسالكم الدعاء رائد الاسدي
رجوع مولاتي زينب عليها السلام
زينب ردت امن الشام. ما واحد تلگّاها
عدها هموم عدها جروح. المن تشكي بلواها
٠٠٠٠٠٠٠٠٠٠٠
زينب ردت امن الشام. مسبية وتهل عبره
وصلت كربله بيا حال. تبچي وبالگلب جمره
نزلت من على الناگه. لگبر حسين ابو العتره
ركضت والجدم مدمي
تصرخ والدمع يهمي
آ يحسين يبن امي
زينب للگبر ركضت. والكل ركض ويّاها
٠٠٠٠٠٠٠٠٠٠٠٠٠٠
من وصلت لبواليمه. زينب عالكبر طاحت
آنه اختك يبعد اختك. شيّبني السبي صاحت
ايام الجنت ويّاك. بالعز والخدر راحت
يحسين شكثر آلام
بالكوفه ودخول الشام
آنه ام الخدر انضام
وگفتي بمجلس ابن زياد. هاي شلون انساها
٠٠٠٠٠٠٠٠٠٠٠٠٠٠٠٠٠
تبجي عله الكبر زينب. خويه حسين حاچيني
معقوله التراب يصير. حاجب بينك وبيني
يريت الموت أخذني ولا أظل بعدك يضي عيني
من كثر المصايب هاي
خويه تغيّريت هواي
اطفال وحرم وياي
بس بنتك رقية هناك. ماتت خويه عفناها
٠٠٠٠٠٠٠٠٠٠٠٠٠٠٠٠٠٠
ماتت بالخرابه عليك. ما تحمل الم وجروح
ماتت من حزنها عليك. ظلت بس تون وتنوح
شبگت راسك وماتت. وطلعت من جسمها الروح
طفله وتبچي ليل انهار
من سوط العده الاشرار
يحسين بمتنها آثار
بجروح السبي وهمها. من ماتت دفنّاها
٠٠٠٠٠٠٠٠٠٠٠٠٠٠٠٠٠٠٠٠٠٠٠
ماريد العمر يحسين. ريت وياك دفنوني
آنه الماچنت انشاف. خويه حسين شافوني
بية اتشمّت الملعون. يزيد اگباله چتفوني
شلّي بهالعمر بعدك
خلّيني انزل بلحدك
اروي بدمعتي چبدك
ياريت اندفن ويّاك. روحي الضيم اذّاها
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لسان حال مولاتي زينب عليها السلام يوم الاربعين
خويه وينك. جايه من درب اليسُر
خويه وينك. جايبه جروح شكثُر
خويه وينك. تدري ضيّعت الكبُر
خويه وينك. خويه وينك
٠٠٠٠٠٠٠٠٠٠٠٠٠٠٠
آني زينب. حسين يبن امي وحبيبي رد علية
ما شفتني. جيتك بيا حال مهضومة وسبية
وينه گبرك. ارد اشم ترابه وشكي الصار بية
عذبوني. بيا وكت عالناكه مچتوفه ادية
خويه دليني عله گبرك ياحسين
صدك ما تسمع نحيبي والونين
جيت ازورك وبچي دم بالاربعين
هذا حالي مو مثل ما چنت امس
هذا حالي. غيّرت شكلي الشمس
هذا حالي. ميته من دونك احس
خويه وينك. خويه وينك
٠٠٠٠٠٠٠٠٠٠٠٠٠
اشتكيلك. خويه من يا لوعه ابدي ويا مصيبه
ابدي بيها من رحت للشام عالناكه غريبه
تدري بية. يحدي بية الشمر مجتوفه وسليبه
بت محمّد. عالهزل تنشاف زينبكم عجيبه
تنظر عيون الشماته بلا خجل
وآنه حرمه بلا كفيل ولا اهل
لا عشيرة ولا وفزع واحد سئل
من زلمنه. بس عليل بكربله
من زلمنه. امگيّدينه بسلسله
من زلمنه. ماكو يحمي العايله
خويه وينك. خويه وينك
٠٠٠٠٠٠٠٠٠٠٠٠٠
والمصيبه خويه للشام بقساوتهم خذونه
من وصلنه. شتم وحجار وشماته ستقبلونه
والله متنه. لمجلس يزيد النذل من دخّلونه
انتهينه. الناس تتفرج علينه وما حمونه
يضرب براسك يبواليمه النذل
وآنه اباوع خويه والمدمع يهل
فوگ هذا الصار مچتوفه بحبل
يا هضيمه. بية يتشمّت عدو
يا هضيمه. يشتم باقدس ابو
يا هشيمه. بعازت لفزعت اخو
خويه وينك. خويه وينك
٠٠٠٠٠٠٠٠٠٠٠٠٠
جينه يمك. امن السبي يحسين يم گبرك اجينه
تدري بينه. حرم وطفال شكثر نحنه وبچينه
يا ولينه. انفض تراب الگبر ونظر علينه
مو شكلنه. مصايب الشام الجرت شمسويه بينه
راسك براس الرمح ينزف ألم
لحالي شيّب ادري ولحال الحرم
جبته ليك لكربله وحيلي انهدم
رد علية حسين يبن امي صحت
رد علية. خويه يم گبرك طحت
رد علية ليش ياخويه رحت
خويه وينك. خويه وينك
٠٠٠٠٠٠٠٠٠٠٠٠٠
لا تگلي. وين يازينب رقيه الدلّلتها
ما جبتها. ماتت وبالشام يبن امي ادفنتها
يتمتّها. بالخرابه اشكد بچت من فاركتها
بالمناحه. خويه شبكت راسك وماتت شفتها
چم يتيمه العذّبوها وچم طفل
خويه واليبچي عليكم ينقتل
وسوط عدوانك مثل رمي النبل
عذبونه. خويه من درب لدرب
عذبونه. عالهزل بين الغرب
عذبونه. دارت علينه الحرب
خويه وينك. خويه وينك
اللحن على لحن قصيدة الشيخ حسين الاكرف ( اوعديني )
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مأسات شافت عيني
مأسات طول سنيني
.............
احنه العتره احنه وموضع الرحمه
علينه الباري انزل حكمته وعلمه
دينه الباري عدنه وعدنه سر اسمه
كل معصوم املاك السمه تخدمه
ليش بلاذنب ظلمتنه هالأمه
ليش بكربله حسين انسفك دمه
هيهات نقبل بالذل
هيهات ما نتبدّل
.................
علي السجاد اني ودمعتي بعيني
عن سيرة حياتي اقروا وسنيني
اقروا بكربله وبس هاي تكفيني
شصار بحالي لمن ذبحو حسيني
ايام السبي وجمرتها تچويني
وحال ام الخدر اكثر يأذّيني
آلام ما انساها
آلام عشت وياها
.............
كلما اذكر ايام السبي المُرّه
اون ونحب على زينب الف مرّه
زينب عمّتي بت فاطمه الزهره
تروح عله الهزل ياوسفه متيسره
وراس حسين اخوها بعينها تنظره
تنوح بلايه صوت وتسچب العبره
ويلاه عالمسبيه
ويلاه زينب هيه
..........
تنشدوني عله حالي لا تنشدوني
أنه السجاد حگي ولا تلوموني
اريد ابچي لحد ما توگع جفوني
شفت ام الخدر مسبيّه بعيوني
أنه وعمتي بحبل واحد يچتفوني
عليل وبيد اميّة المايرحموني
مجروح گلبي تعذّب
مجروح ابچي لزينب
............
تمنّيت المنيه وي ابواليمّه
ريت الخيل داست جسمي مو جسمه
ولا ابقه واشوف الناس ملتمّه
عله عياله يويلي وحرگوا خيمّه
انسه شلون ابويه ومصرعه ودمّه
حياتي بدونه صارت موحشه وظلمه
ياموت بالطف رتك
ياموت ارحم شفتك
سيد زيد الفحام
____
نزلة / للإمام السجاد عليه السلام
عايش باحزانه والدمع عنوانه
.................
قصّة السجاد صعبه تفجع اليقراها
بس دمع وجروح بيها والحزن معناها
تبتدي بالغاضريه من شهد بلواها
عمره مانشفت دمعته ولاگدر ينساها
كربله بلسانه والدمع عنوانه
................
ياعليل الشاف اهله عالترب مذبوحه
بس علي السجاد هذا والمصيبه بروحه
حگه لو يبچي عليهم ما نلومه بنوحه
راس ابوه عالرمح شافه دم تسيل جروحه
عالترب جثمانه. والدمع عنوانه
..................
اعظم وافجع مصيبه عالامام الصابر
من خذوا زينب سبيه بلا محامي وناصر
ينظر السجاد زينب عالمصيبه تكابر
بالمرض مهدوم حيله وي خواته مسافر
چتفوه عدوانه. والدمع عنوانه
...................
واجب نذكره يشيعه نلتزم منهاجه
منهج السجاد عدنه كل وكت نحتاجه
وارث الهادي مُحمّد هوه لابس تاجه
لو نخينه الباري بسِمه الله يگضي الحاجه
ميّت ويرعانه. والدمع عنوانه
...............
خلّص ايّامه مناحه والشهود ادموعه
يبچي عالمرضوض جسمه کسّروها ضلوعه
حفرت خدوده المدامع عالوجه مطبوعه
حالة السجاد هايه لوعه تتبع لوعه
واسع باحسانه والدمع عنوانه
...................
ويلي من سمّوا دليله گطّعوا احشائه
من بعد كل المصايب سمّموه اعدائه
شيّعوه مسموم ويلي للگبر ابنائه
واجب نقيم العزاء انشارك بأحيائه
نبتغي رضوانه. والدمع عنوانه
سيد زيد الفحام
___
https://youtu.be/raCClO-ubvQ?si=-r0l2xxE-PxHKTHb
Читать полностью…
https://youtu.be/H5i0dyVNuJI?si=2Jy5gKEzHe_kmLQB
Читать полностью…
لسان حال كل خادم للزهراء عليها السلام
ما رايد مدح عالخدمه لا شُهره
بس رايد رضاتچ عني يالزهره
...........
يهنياله اليصفي النية بالخدمه
المهم گلب الموالي مو مهم اسمه
اليخلُص بالعمل يعله بعلو النجمه
ويهنياله التوفّق فاطمه تنظره
..........
اذا بيّه الغرور اتلبّس ابديني
دخليج فاطمه مولاتي نبهيني
بغروري وكبريائي لا تعوفيني
سماحچ والكريم يسامح الفقره
...........
اذا لا سامح الله وما قبلتيني
وين انطي الوجه مولاتي حاچيني
امامي المهدي يطردني ويجافيني
يضيگ بعيني هذا العالم بأسره
...........
اذا شفتيني مرّه تكبّرت بسمج
حلمج فاطمه مولاتي بس حلمج
للمجلس اجيتج أعتذر يمّج
التوبه التوبه عفوج عني هالمرّه
.............
اذا ما استحق خادم تسمّيني
خادم للخَدَم مولاتي حسبيني
اكنس بالمجالس عاد خليني
لو صفّط نعِل خدامج بعبره
.............
عله مصابج جبت عمري أون ونعه
الليالي الفاطميّة شهود والدمعه
اموت بلا مجالس والله يالبضعه
اريد ارضيج وجبر ضلعج وكسره
.............
اواسيج بمناحه ودمعه سچابه
المجلس لو اجيته اوكف ابابه
اصيح بصوت آ يحسين ومصابه
ومثل ما يقره ناعيّچ اظل اقره
.............
ادري بكل حُسيّنية ألچ لوعه
عله حسين الذبيح الكسرو ضلوعه
يهنياله التواسي دعوعج دموعه
ويوسّم باللطم يافاطمه صدره
#سيد_زيد_الفحام
__________
مواساة الإمام المهدي عجل الله فرجه الشريف
يالمهدي يا مولاي يبن الزجيه
من يا جرح موجوع من يا رزيه
٠٠٠٠٠٠٠٠
كثره الجروح البيك الله يعينك
من يا جرح مولاي دم تبچي عينك
ولمن يهل عاشور يشتد ونينك
عالداسته مرّات خيل اعوجيه
٠٠٠٠٠٠٠٠
لاشك اشد مصاب سبي العقيله
لمن خذوها چتاف فوگ الهزيله
لهاي المصيبه دموم دمعك تسيله
ام الخدر يا حيف تطلع سبيه
٠٠٠٠٠٠٠٠
الماشافوا الهه خيال خلّص عمرها
شافوها بالطف حيف سلبوا خدرها
بيد الشمر يا حيف اصبح امرها
عكب الكفلهه تروح بين آل اميه
٠٠٠٠٠٠٠٠
يكتل مصاب حسين ذبحه ومماته
وصعب بعد من هاي سبيت خواته
اكثر جرح اذاك جرح الشماته
يالمهدي جرح الشام اكثر اذيه
٠٠٠٠٠٠٠٠٠٠
مَنلومك عله النوح والدمعه هايه
عمّاتك بيا حال عندك درايه
لمجلس يزيد شلون طبّن سبايه
حگك تسيل دموع صبح ومسيه
٠٠٠٠٠٠٠٠٠٠٠
عَجّل يمهدي الثار طال انتظاره
ثار المشن للشام ثَكلَه وحياره
گلبك يظل موجوع ما تطفه ناره
لمّن تسل السيف عالناصبيه
٠٠٠٠٠٠٠٠٠٠٠
وهل المجالس هاي رفعت اديهه
تدعي لظهورك كون يگرب عليهه
انصارك الخدام يالتدري بيهه
دونك نضحّي نحور يوم المنيه
طور / يبن امي عالتربان عفتك رميه
سيد زيد الفحام
محرم ١٤٤٧هـ
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
فزاعيه للمقتل
هاليوم بحسين نواسي فاطمه
ارض وسـمه اليوم حزينه ومظلمه
هاليوم بحسين نواسي فاطمه
مذبوح الحسين ابن حامي الحمه
هاليوم بحسين نواسي فاطمه
ابن الزچـــــــــيه الشهيده العالمه
هاليوم بحسين نواسي فاطمه
بالخيل داسو وظــــــلوعه مهشمه
هاليوم بحسين نواسي فاطمه
ولا وصله من جسمه ضلت سالمه
هاليوم بحسين نواسي فاطمه
والراس گطعو العصـــابه المجرمه
هاليوم بحسين نواسي فاطمه
عالرمــــــــــح رفعو وشفافه مثلمه
هاليوم بحسين نواسي فاطمه
ومفطــره اشفاه يويلي امن الظمه
هاليوم بحسين نواسي فاطمه
ننصــب عــزه اليوم اله ونبجي دمه
هاليوم بحسين نواسي فاطمه
وبالعزه يلطمون مـــــلائكة السـمه
هاليوم بحسين نواسي فاطمه
كل شيـــــعته اليــوم عليــه متألمه
هاليوم بحسين نواسي فاطمه
انس وجن اليوم لفت متحــــــــزمه
هاليوم بحسين نواسي فاطمه
الخادم
كامل السعيدي
أبوذيه
(السيده زينب اتخاطب ابي الفضل ع
عباتي السوط من عـگـبـك .. هـزلـهـه
ونــوگ الـسـبـي جـابـولـي .. هـزلـهـه
اصــدن رايـــتــك غَــيــرك .. هـزلـهـه
ونَفسَه الهزّهه اخـذنـي ايـگـود بـيـه
*------------------*--------------*
خادم زينب (ع)
✍الشاعر رعد الجريخي
وين راعي الثار وينه اليوم احشمه لثاري
الـ أميه أســتوحــدوني ومنــعو زواري
⇔⇔⇔⇔⇔⇔⇔
كتبو وگالولي شليلي مو الچ هذا المكان
عايشه وميته سبيه مني شيريد الزمان
كون يم عباس گبري ما تجاسر أي لسان
مايصير أبن الدعيه يم ضريحي وجاري
⇔⇔⇔⇔⇔⇔⇔
مايصير الصار بيه كون ميته ويخوتي
لا نسد بابي اعله زايرلا نجاست رايتي
اه يالمـهدي يعمه الأه حـرگـت مهـجتي
عمه يانار المخيم مو أشد من ناري
⇔⇔⇔⇔⇔⇔⇔
وين يا صـبح الهــواشم عـمه يا اخــر ضوه
الشام يالمهدي أخنگـتني وريتي بعازت هوه
هــونت كــل المصــايب يامصــــيبت نيـنوه
أبچي وانه بگبري الها ودمعي يضل جاري
⇔⇔⇔⇔⇔⇔⇔
وگـفت الـديـوان صعبه لچــانت بمجـلس يزيد
عمتـك مابـين غــربه وچـان موقفـها شـديد
عاينت يبچي أعله حالي وينتحب راس الشهيد
حزني يهد الرواسي يالتعرف أخباري
⇔⇔⇔⇔⇔⇔⇔
عمه وانه بگبري ادعي لطلعتك صبح ومسه
ويه عمـتك يابو صالح هالدهر كلـش قـسه
اه ياهــمي الثـجيل ولا تضـن يـوم أنســه
شلون بالطف واليتامه أدور أعله أكـتاري
⇔⇔⇔⇔⇔⇔
لخادم صاحب الزمان عج
علي عگاب العمري
/////////////////////////////////////////////////
قناة الحان الرادود احمد الزوار
للاشتراك اضغط على الرابط
/channel/+QYhwKs0Xy1h303S6
يا زهـــــراء وفايه ــ انزور حسين مشايه
ــ⊱☆☆❀☆☆⊰ــ
اي وحق نحر الحسين وغربته
انمـوت كلنه ومانعـوف ازيارته
هوه ابونه وعايشـــين ابنعمته
غيره ماعــــــدنه وسيله وغايه
يا زهـــــراء وفايه ــ انزور حسين مشايه
ــ⊱☆☆❀☆☆⊰ــ
بيــنه ابقي يم حسن مســـــروره
ابكل سنه حسين الحبيب انزوره
نقســــــــم ابدمه وجرح عاشوره
انمـــــــوت لجله ومانعوف الرايه
يا زهـــــراء وفايه ــ انزور حسين مشايه
ــ⊱☆☆❀☆☆⊰ــ
حسين كل خطوه اعله دربه تنحسب
وعـن الف حــجه ومحمــــد تنكــتب
اشگد فخور الخدمت حسين انتسب
وافتــــــخر لجله اســـــــوي اقــرايه
يا زهـــــراء وفايه ــ انزور حسين مشايه
ــ⊱☆☆❀☆☆⊰ــ
وحـــق آيـة. قـل هــــوا اللـه احد
دمنه لجل حســـــين مالحظه برد
مشي نروح وكل سنه ايزود العدد
عهد هذا واخـــــــذي منه احچايه
يا زهـــــراء وفايه ــ انزور حسين مشايه
ــ⊱☆☆❀☆☆⊰ــ
اربعين حســـين ثوره ابكل زمن
التضحيات السابقه عنها اشهدن
دربه حتى اچفوف بيه اتگـطعن
ثمن حــــبه. وما نهـــــم ابهـايه
يا زهـــــراء وفايه ــ انزور حسين مشايه
ــ⊱☆☆❀☆☆⊰ــ
حاربونه اعـداكم ابعصر الظلم
ومنعو المشــايه والون والطـم
لچن ماخفنه وتحدينه الخصم
ورحنه نركض للصـــحن عنايه
يا زهـــــراء وفايه ــ انزور حسين مشايه
ــ⊱☆☆❀☆☆⊰ــ
✍الخادم
كامل السعيدي
/////////////////////////////////////////////////
قناة الحان الرادود احمد الزوار
للاشتراك اضغط على الرابط
/channel/+QYhwKs0Xy1h303S6
يا زينب يا زينب يا زينب
...............................................
زينب وديعة فـــاطمة درب اليسر ماذيهـــا
مجتوفه بحبال ومشت وجـان الشمر حاديها
محتــــارة ألمن تلتفت ويا هو الي يفزع ليها
أخوتهـــا كلها أمذبحه وضيم الدهر واليهـــا
شما تعثر أيطكها الشمر
وبسوطه أذاهـــــا شكثر
يا ويلي زينب بت علي
هــــاي العقيلة أم الخدر
يا زينب يا زينب يا زينب
......................................................
بعيون زينب جم جرح لا ينســــــــي ولا يلم
من شافت حسين أنذبح وأمغسل أبفيض الــدم
من شافت راسه عالرمح وبعده الخدر مــا يسلم
ركضت على التل صيحت عباس حركوها الخيم
وبين الزلم صعبة المره
تركض تضل أمحيــــره
يا كافل أختــــك عالهزل
بـــــــاجر تروح أميسره
يا زينب يا زينب يا زينب
.......................................................
زينب على الهزله تون بين الزلـــــــم محتاره
شما تنضر الحال الضعن دمــع الحزن يتجاره
تنضر رقية أمن العطش ونـــــار الهجر وجاره
تركض على حسين وترد تنشدها عن أخبــــاره
وتكلها أبوج أعله الرمح
راســـــــه هذاك المنذبح
يــــــا عمه ما يرجع بعد
من عسن ما شفنه الصبح
يا زينب يا زينب يا زينب
......................................................
طبن سبايا يـــــــــا خلك للشـــام لمن وصلن
أتلكوهن بحجار وعصي وأتشتــــمن وأنسبـن
عاينت زينــــب وأنحنت ودم المدامــــع صبن
من صابوا حسين بحجر ونسوانه أجن وألتمن
هـــاي التطيح وتنولي
وذيج التون نزلوه الي
زينب تلــــم بيهن بقت
لا ضل كفيل ولا ولي
يا زينب يا زينب يا زينب
...............................................
للقصر يا ويلي مشن وطبن ثكاله وهزله
وزينب تعاين عالشمر يتبختر أبين أهله
وشافت يزيد وزمرته يتمضحك أمن أيسأله
حسين هذا العالرمح وعباس ذاك أيكله
جيبوه ألي كله بطشت
وزينب تسمعه وتلتفت
خافن رقيــــــة تستمع
ولو شافته تكلهم متت
يا زينب يا زينب يا زينب
.......................................................
خادم خدمة الحسين
الشاعر
محمد الموالي
/////////////////////////////////////////////////
قناة الحان الرادود احمد الزوار
للاشتراك اضغط على الرابط
/channel/+QYhwKs0Xy1h303S6
هذا العزه وهذا اللطم دائم
منا لحد مايضــــهر القائــم
——————-
لو هل محرم تهمل الدمعه
وهذا الشعار الخالد نرفعه
دائم عزانه لفاطمه البضعه
والخادم يضل كل سنه خادم
——————
اول محرم نرفـــع الــرايه
وعن الشعائر كالت الايــه
تقوى القلوب الكم يوفايـه
هاي الشعائر ترعب الضالم
—————
تبقه الملابس للابد ســــوده
وهاي المجالس تبقه موجوده
كلمن يضدها ايامه مـعدوده
باجر نشوفه بالحشر نادم
——————
عاهدنه ربنه ونرجع نعاهد
بهاي الخدامه لازم نجاهـد
مايبقه شيعي بمنزله كاعد
جوه المنابـر كـعدته لازم
——————
ياناعي يلا أتـــوكل واقــره
واقوى نريده الشاعر بشعره
جمره وابد ماتنطفي الجمره
تجوي گلبنه والگلب هايم
—————
شهر الحسين شمحله ايامه
وكل خادم يشد للعزه حزامه
بعاشر محـرم نطبر الهامــه
والدم يواسي المرتضى وفاطم
____
مهدينه بعد غيابه من يضهر
تصير المـجالس اكثر واكـثر
وبالعشره الاولى يرتقي المنبر
ينعه اعله جده الذبحته الوادم
——————
سيد معتز سلام الحسيني
قناة الحان الرادود احمد الزوار
للاشتراك اضغط على الرابط
/channel/+QYhwKs0Xy1h303S6
#زيارة_الأربعين
مشـايه جينـه ننعـاه
درب المشي ما عفناه
وا حُسيناه وا حُسيناه
.............................
اذّن وصاح الوحي حلّت ايّام المشي
بكربــــلائه نلتقي يوم اربعينه
كل سنه بهذا الدرب. نمشي والمدمع يصب
للحُسين وكل گلب. هايج حنينه
شاب وزغير وكهل. كلها تمشي وتبتهل
للحُسين وتنقبل. من زائرينه
زواره نقســــــم بالله
درب المشي ما عفناه
وا حُسيناه وا حُسيناه
.............................
هذا درب البي عشگ. لبوالأكبر من صدگ
كل گلب بسمه يدگ. يقره الزياره
راحه مابي اي تعب والمشه بدربه انحسب
مثل ما ضحّه وهب. وعلن شعاره
ما يهمنه اي خطر. فدوه لحسين النحر
والعشگ مابي مفر. دمّه انتصاره
لا مو بدينه نهـــــــواه
درب المشي ما عفناه
وا حُسيناه وا حُسيناه
............................
وي مسير القافله. معتنين لكربله
نمشي مشايه اله. شبل الزچيه
نواسي زينب والحرم. من اجت تشكي الألم
تعثر ومدمعها دم. للغاضريه
تشكي لخوتها الجره. من خذوها ميسّرَه
عكب سبع الگنطره راحت سبيه
نشارك حزنها جينــاه
درب المشي ما عفناه
وا حُسيناه وا حُسيناه
............................
جينه نمشي عالعهد بالملايين العدد
نعتني من كل بلد. نوفي بعهدنه
هالزيارة تختلف بيها كل موكب هتف
خدمة الزاير شرف. ترفع مجدنه
والمواكب حاضره عالدرب متكاثره
تخدم بكل مقدره الهم شهدنه
هـذا الدرب عشگنــاه
درب المشي ما عفناه
وا حُسيناه وا حُسيناه
............................
لازم نأدي الفرض نطوي لحسين الارض
غصباً عله اليعترض. نوصل نزوره
حسين يدري بشيعته. ما تعوف زيارته
منّ نطب ابحضرته. نشتم عطوره
لا شك المهدي يجي. يوصل لجدّه مشي
نندعيله ونرتجي يقرب ظهوره
من يظهر المهدي وياه
درب المشي ما عفناه
وا حُسيناه وا حُسيناه
#سيد_زيد_الفحام
____________________________________
رجوع مولاتي زينب عليها السلام لسان حالها يقول
هيه هذه كربله. وين گبر حسين چا دلوني
٠٠٠٠٠٠٠٠٠٠٠٠
وين گبر حسين مگطوع النحر
وين اخوي الطاح مكسور الظهر
عفته عالتربان متوذر وذر
جيت اخبره شسوه بعياله الدهر
اشكي آلام السبي. مو دمع من دم تسيل عيوني
٠٠٠٠٠٠٠٠٠٠٠٠٠٠٠٠٠٠٠٠
آنه زينب جيت من درب الألم
كربله هاي وأثر حرك الخيم
وين اخوي حسين مو حيلي انهدم
جيت ازوره وجبت وياي الحرم
عجب ما ينهض الي يدري لو ما يدري من هضموني
٠٠٠٠٠٠٠٠٠٠٠٠٠٠٠٠٠٠٠
عمه يالسجاد دليني ابعَجَل
وين گبر حسين ابوك بيا محل
ارد اشم ترابه وشكيله الحصل
وريت يم گبره يوافيني الأجل
خل يشاهد حالتي. زينب المسبية ما رحموني
٠٠٠٠٠٠٠٠٠٠٠٠٠٠٠٠٠
هذا راسه وياي جبته امن السبي
راس اخوي حسين چن راس النبي
جرّح شفافه اللعين الناصبي
گبال عيني الظالم ويتشفّه بي
دمعتي سالت دمه. بمجلس يزيد شكثر أذّوني
٠٠٠٠٠٠٠٠٠٠٠٠٠٠٠٠٠٠
عمه يالسجاد حاچيني بعد
وين گبر الكافل الصان العهد
وين ابوفاضل كفيلي والسند
تكفل بخدري واجيت لهالبلد
ارد اعاتب كافلي. شلون يقبل للغرب يسبوني
٠٠٠٠٠٠٠٠٠٠٠٠٠٠٠٠
آنه زينب ارد اسولف لخوتي
شسوت بحالي عكبهم دنيتي
حنّت لحالي وبچت دم ناگتي
من دخلنه الشام آنه وعيلتي
لا كفيل ولا ولي. عالهزل مچتوفه من شافوني
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ميمر // للأمام السجاد عليه السلام
ليش الامام السجاد. كل عمره تجري دموعه
............
من ياجرح اكثر تألّم گلبه
خل نسأل ويعذرنه احنه نحبّه
يامحنه سهله وياهي منهن صعبه
نار الحزن تسعر ليش ما تطفه بين ضلوعه
..........
جرح الغريب حسين اكثر اذّاه
لو جرح ابوفاضل الينحب خلّاه
لو طيحة عضيده علي بفيض دماه
لو على القاسم مجروح. والموّت طفّه شموعه
...........
وصلت رسالتنه وسمعنه السجاد
ردّ الجواب ابدمعته وحزنه انعاد
يامن سألتو ياجرح اكثر حاد
جرح السبي ينزف دوم. يفري الگلب موضوعه
...........
كل جرح يمكن يشفه بس جرح الشام
من شفت زينب عالهزل ذاك العام
تنظر عليها الناس نظرات اسهام
عالناگه عمتي بياحال متچتّفه ومفجوعه
............
ياشيعتي مشكور عنّي تسألون
يمكم علي السجاد آنه المحزون
بالمجلس احضر وبچي لمن تبچون
واليدعي بسمي ومحتاج. دعوة محب مسموعه
.............
ليلة مصابي الليله جرّعوني السم
ياشيعتي چبدي انمرد وتألّم
مأجور كلمن لجلي ينصب مأتم
اگضيله حاجة بدعواه والدعوة ما مرجوعه
.............
مظلوم عمري ومن متت هم مظلوم
بلا قُبّة گبري ولاصحن ظل مهدوم
ياربي يمته المهدي يظهر يايوم
يبني المراقد لو ثار. براية علي المرفوعه
سيد زيد الفحام
_____
الامام علي بن الحسين زين العابدين عليه السلام
ما يكفيني النوح.
بگد مابية جروح
نار السم اهون من نار جروحي ونار الشام
٠٠٠٠٠٠٠٠٠٠٠
علي السجاد آنه المانشف دمعي
عله الشفته انذبح بعيوني وبسمعي
عله الراحت سبي ابچي واون ونعي
وظل الطم لحدما ينكسر ظلعي
ما بين الشمّات
كلهن مچتوفات
عمّاتي عله الهِزّل ويلي ومابين الظلاّم
٠٠٠٠٠٠٠٠٠٠٠
ما انلّام لو اكضي العمر انحب
محد شاف مثلي عله الهزل زينب
والاعظم مصيبه وافجع وأعجب
سبية ابمجلس يزيد النذل تنسب
شلون اهدأ ورتاح
سابيها الذبّاح
عمتي الماشافوها انشافت بس ما طخت هام
٠٠٠٠٠٠٠٠٠٠٠٠٠٠
مجتوف بسلاسل عالهزل اطلع
هذا مقدر ومكتوب ما اجزع
لچن هيهات للذل والظلم اركع
إنه السجاد للعز والعلم منبع
صح آنه تأذّيت
لكن ما ذلّيت
آنه المعصوم بلا حبي منقوص الاسلام
٠٠٠٠٠٠٠٠٠٠٠٠٠
السلاسل والجروح اهون علية هواي
من حچي الشماته البلمسيرة وياي
يأشرون عله زينب والجمر بحشاي
هاي المانظر واحد عليها هاي
شافوها عله النوگ
ومـرّوا بيها السوگ
تمنيت الموت ولا انظر بت حيدر تنضام
٠٠٠٠٠٠٠٠٠٠٠٠٠٠٠٠٠٠٠٠٠
كضيت سنين عمري بدمعة عيوني
حزين وآل اميه بكلشي ظلموني
انوح وما كفاهم حقد سمّوني
تفطّر گلبي بالسم حيل أذّوني
بعمري لآخر يوم
مهضوم ومظلوم
ما انسه شصار بعمّاتي وما انسه الآلام
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
قصيدة في شهادة الإمام زين العابدين عليه السلام ..
ـــــــــــــــــــــــــــــــــــــــــــــــــــــــــــــــ
آنه العِليل الما رَحَمني ٱزماني
ذِبحَـوا أبوي بكــربله وخواني
ـــــــــــــــــــــــــــــــــــــــــــــــــــــــــــــــ
شِفتِ المصـــايب يا خَلَـگ بعــيوني
حِرگــوا خِـيَـمنا وبالحَــبِل چتفـوني
شِتمــوهَا عَمْــتي وَانَه هَم شِـتموني
ماعندي حَـيل ٱمنِ المَرَض شافـوني
بهاي اليِتامى والحَرَم حِرت آني
ذِبحَـــــوا أبوي بكربله وخـواني
ـــــــــــــــــــــــــــــــــــــــــــــــــــــــــــــــ
آنه العِــليل وحــــايِر بهالــــعَيلة
مفزوعة الٱطفال ودَمعها ٱتسِيلَه
وَيّ الرباب ورَمـلة ناحَـت لِيـــلة
وزيـنب تِگِلّي جابَـوا الهِــــــزيلَة
مَيّت يَرَيت ولا شِفِت عَساني
ذِبحَـوا أبوي بكربله وخواني
ـــــــــــــــــــــــــــــــــــــــــــــــــــــــــــــــ
شِفتِ المرار بسَفرتي الأليمة
رِحلَة عذاب ونايبة وهِضيمة
ضِربَوا رُقَيّة وسكِينة اليَتيمة
أحقاد أُمَــيّة مدفونة وقديمة
والجَدّة هِنـدَة والنّهَج سُفياني
ذِبحَـوا أبوي بكربله وخواني
ـــــــــــــــــــــــــــــــــــــــــــــــــــــــــــــــ
لَرضِ الغُـرُب لَمّن وُصَـل ظعَنّه
شِفنـه النواصِـب كِلها تِنتِظُرنَه
وادِمهه بِحجـارَة حِقِــد رِمَتـنَه
ماكوعَشـيرة النّغـرَت وحِمَـتنَه
كِل هذا وَانَه ٱمحزّم بإيماني
ذِبحَوا أبوي بكربله وخواني
ـــــــــــــــــــــــــــــــــــــــــــــــــــــــــــــــ
لمَجلِــس يزيد الطاغية وَدّونَه
يِنفي الرسالة والوَحِي بظنونَه
بنَظرَة شِـماتَة اليَمّـه يِنظِرونَـه
سَبّ الزچية الطـاهرة وأُبـونَـه
وَانَه الحديد برُگبتي وأدماني
ذِبحَـوا أبوي بكـربله وخواني
ـــــــــــــــــــــــــــــــــــــــــــــــــــــــــــــــ
بِتنــاهَه ذيــچ الليــلة بالخــرابـة
دَلّالـــي يِــنزف مِن كِـثُـر عـذابَـه
طفلة ويَتيمة ٱتصيح أريدَن بابـه
شــافَت أبـوها ومِــن بَـعَـد غِيابَه
موقِفها فَجّر حَسرِتي وبَچّاني
ذِبحَـوا أبوي بكـربله وخواني
ـــــــــــــــــــــــــــــــــــــــــــــــــــــــــــــــ
گضّيتَه عُمري ما نِسيت الـعاشِر
دمــعي أبـد ما فــارَگ المَحـاجِر
مِن عَملَةِ الطّف گلبي لَسّه شاجِر
بَس هُوّه عاش وماتت الضّـمايِر
زَين العِباد آنه الحِزِن عِنواني
ذِبحَـوا أبوي بكربله وخـواني
ـــــــــــــــــــــــــــــــــــــــــــــــــــــــــــــــ
خِلصَت حَياتي الهَم يِدولِب بِيّة
كِـــل لِيلة أنصُـب بالـحِزِن عَزِيّة
تالـي الســموم بكِل عِرِگ سِـرِيّة
للبــاري أمشـي والنّفِس مَرضِـيّة
يا شيعة ٱذكروا ٱمصيبتي وأحزاني
ذِبحَـــوا أبوي بكـــربله وخـــــواني
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
اليوم بل كوفه الغريبه اشلونها
خاف تعمه امن البواچي اعيونها
______________________
اليوم بل كوفان زينب نايحه
امشيبة راس اونحيله اوشابحه
عدها بل دلال چادر فاتحه
لأن تنصب عزه ميخلونها
______________________
مدري ابيا حال زينب صايره
تنحب امن الضيم مدري صابره
هل جره عليها مثيله ما جره
زين عدله او تمشي ايشوفونها
______________________
شافت ابعيناها ما لا يُحتمل
لو جبل والله تهدم هل جبل
شافت احسين الذي وجهه ذبل
او بي جراح اتعّب اليحسبونها
______________________
شافت العباس مرمي عل نهر
واقعن مو حچي مكسورة ظهر
قبلة صارت للهظايم والقهر
انوب فوگ اجروحها يسبّونها
______________________
عل الهزبله رچبوها الضالمين
او فوتوها عمد من يم الحسين
ودّعته من بعيد او تهل عين
او چنها گام اتنازع ايشوفونها
______________________
اتنازع الموت او ثجيله انفاسها
لحد ما دگت الكوفه اجراسها
وجت تركض عل زينب ناسها
تريد تتفرج اجت لضعونها
______________________
تريد تتفرج على بنت النبي
والمصيبه الي حداها ناصبي
شكو واحد عجمي او شكو اعرُبي
گال خل يلفون واينظرونها
______________________
مدري چيف احوالها او ذاك الگلب
من تشوف الناس ترست هل درب
هاذه يشتم هاذه كل حيله ضِرب
ابلا حميه گامو ايشتمونها
______________________
ريت ابو فاضل يراها من تنوح
او بل عباه تستر وجهه والجروح
روح ما ضل عدها بل كوفان روح
تشتكي المن منو ايسمعونها
______________________
ابو فاطمة الطائي
ثالث مره أحسب بالهزايل -- قـليله ماتكفي ودمعي سايل
أحسبـيهن قـليلات -- وهـواي اليتيمات
----------------------------------------------------------
1= من قبل ساعه أتحضرو - للكــوفه نطــــلع قــررو - طلعــت سبايه
غير أنتهت هيه الحرب - وعالرمح الحسين أنصلب - ماكـــو نهايه
شبيها الناس من نبجي يضحكون
أهلــنه أتـــــذبحوا منه شيريدون
بهذني النوك بينه ويــــن يردون
-----------------------------------
أحـنه شنمتـلك غـير البواجي -- أهل ماعدنه وأخذوها التراجي
شيصعـد الغريبات -- وهــواي اليتيمات
2= هالـنوك ماتـكـفي سوه -- نصعـد عليهن والهوه -- يوكعـنه منهن
شنصير عالناكه شكــثر -- شتشيل خمسه عالضهر-- ويســيل دمهن
أذا نــصعـــد أسـيره بصف أسيره
زيـــن شلــون بـــيج أنــته جبيره
أمن أتــطيحين محد عـنده غيره
-----
هــاي الــنوك حــيرني أمرها -- أختارو وين الأزغير ضهرها
نشبع منها طيحات ** وهــــواي اليتيمات
**************
3= سبعين أسيره أحنه تره -- ومن الشمس ماكو ذره -- كلنه عطاشه
والماي ضل فـوك النهر -- صرنه سمه وبـــلا كمر – كلـشي تلاشه
سفره بلا أهـــل مو سفـره موته
الجان أخرس علينه رفع صوته
السوك بلا أهل ب لله شيفـوته
------
ماتـنحمل لـــو كالو جبيره -- أخـــت عباس جبناها أسيره
علينه يباوع الفات -- وهواي اليتيمات
4= يا مـثـكل وجــوه الغــرب - تلاكـينه باجر بالدرب - وأحنه علاوي
أحنه أبطبعــــنه نستحي - من الطفل والملـتحي - والحادي ناوي
أيــفــرج بالسبي الــوادم علـينه
ويــسحب بينه بالسوك مـــن أدينه
وكــل ساعه يدخلــــــــنه بمدينه
*
أذا سألــــوه يــكللهم خــــوارج -- جبانهم أبنوك بلا هـــوادج
أبوهم بالحرب مات -- وهــــواي اليتيمات
*************
5= بالشام نسمع بس سمع - ندخلها ويصب الدمع - وروس الغوالي
تـدخل نحر لا زم نحر - وأحنه تعبنه من السهر - وتعـــــب الليالي
نطــب للقـــصر بتـــراب الخرابه
ويــزيد يشوفــــنه وينفـــض ثيابه
برقــيه يصيح لـتكــولـــــين بابه
------
حسينح عالرمح علـكـنه راسه -- وصدره بكربله حافرنه داسه
ماخلينه خـيمات -- وهواي اليتيمات
****** عبد الجليل المالكي
ندبة الامام المهدي عليه السلام
يمته صوتك يعتلي
وتظهر براية علي
تاخذ بثار الحُسين وثار عباس
..............
بالسلام عليك نبدي سيدي يبن الحسن
انشالله بخير وسلامه ندعي بدموع وشجَن
چم محرم مر علينه الف عام امن الزمن
يمته للثارات تظهر يالعليهن مؤتمَن
يمته ياتاج الزلم
من عدّوك تنتقم
تظهر بسيرة مُحمّد تحكم الناس
................
هذا عاشور المصايب هيّجالك چم جرح
يابوصالح وانت گلبك. بي الف طعنت رمح
اكبر واعظم جروحك يوم عاشر ينفتح
جدك يسفكون دمه گبال زينب ينذبح
وهيه ما الهه احد
تنتظر المن بعد
حسين بخيول ال امية صدره ينداس
.................
حان وكت الثار يومه انهض واعلن حرب
لسّه نحر حسين دامي بالگبر دمه يصب
سهم ابن كاهل تشوفه نابت بلب الگلب
ضامي من ذبحوه يمهدي ونچوه بذاري الترب
بالصبر لا تكتفي
اخذ ثارك يالوفي
بأي مصاب مصاب گلبك حاشه ينقاس
...................
عمك العباس طايح. تدري بي يم النهر
من وگع وچفوفه طاحن ظهر الحسين انكسر
عالشريعه الراية ظلت تنتظر منك خبر
تاخذ بثار ابوفاضل من تجي يالمنتظر
هذا ابن حامي الحمه
سوّه بالطف ملحمه
من علي وارث خصاله ما يطخ راس
.........
اعظم واصعب مصيبه. اذّتك يبن النبي
من خذوا زينب سبيه آه ياجرح السبي
من بعد عباس وسفه. يحدي بيها الاجنبي
گوم گص راس السّباها وفني حكم الناصبي
اظهر بسيف النصر
اشفي گلب ام الصبر
انت بس تشفي گلبهه عدها احساس
..........
نندعيلك بالمجالس وانت حاضر تستمع
عجّل اللهم عجّل. للامام المنفجع
ثار ابواليمّه يمهدي سيدي وثار الضلع
ياوكت بيهن تطالب نسأل بفيض الدمع
كلها تطلع شيعتك
من تشاهد رايتك
نتتظر ساعة ظهورك لاخر انفاس
سيد زيد الفحام
_____
رحم الله من قراءة صورة الفاتحة للصديق الغالي المرحوم ابو سلطان عز الدين الشيخ
Читать полностью…
يا بويه تذبح فركتك مابيه حيل الدفنتك
وادري الرمل حار
..................................
بيديه لميتك وصــــــل...ويابويه تدري بحالي
ما عندي حيل ولا أمل... مذبوحه كـــل آمالي
من شفت راسك والشمر...كــاعد يحزه أكبالي
عاينت زينب صاحته... وكلتله عوف الغالي
كض بيده طارف لحيتك ومن الكفه حز ركبتك
وكلبي أشتعل نار
ادري الرمل حار
.........................................
محنيه جانت مشيتي...أمن الخيمة اجيت النحرك
والعسكر بخيله أعتنه...يسحك يدوس ابصدرك
عاينت من أتقربت... أضلوعك تطك أبضهرك
كل هذا لن فارس أجه...كص خنصرك ينتضرك
هم مثلي عازه عازتك أعذرني بويه امروتك
ما ماخذ الثــــــــار
وادري الرمل حار
...........................
من عفتك بحر الشمس...مجبور بويه أعذرني
حركوا خيمنه وكل هلي...وجان الشمر يمنعني
حفاي نسوانك بقت ...طفله تصيح ألحكني
يا خويه ترجيتي أنخذت...مني ونزف دم أذني
باكوا تراجي أبنيتك وراسك يكلي عمتًك
بهالامر محتار
وادري الرمل حار
...................................
كادونه يا بويه بحبل...وزجر وسبي مشونه
وراسك مشه اويانه برمح...كل ساعه وايهزونه
أمن السوط زينب ورمت...وحيدر علي أيسبونه
وبالسوك من طب الضعن...يابو علي أتولونه
بحجارة طكوا جبهتك وناس التبغضك سبتك
هذا الجره وصار
وادري الرمل حار
.......................................
بديوان أميه وكفتي...جانت سواد أجروحي
من جابوا الراس بطشت...وروحي تشيع بروحي
ركضت رقية شبكتك... يابويه يا مذبوحي
بالسوط ضربوها وشتم... وبالنوح أصبر نوحي
اعله الراس شمت ريحتك.... وآخر نفس بيه باستك
ودم منحرك فار
وادري الرمل حار
.....................................
خادم خدمة الحسين
الشاعر
محمد الموالي