2256
خادمكم ملا علي الشاوي للتواصل ali_20115
تهدمت والله اركان الهدى
......
صوت جبريل اعتله ابسابع سمه
صوبو هامت علي حامي الحمه
خضبو محرابه ويلي بالدمه
ويتمو ولد الزجيه فاطمه
وزينب الصارت غريبه
ياعظم هاي المصيبه
تهدمت والله اركان الهدى
......
علي ماتمم صلاته بالفجر
بالسجود الاول وراسه انطبر
ويلي ما كمل صيامه ابهل الشهر
والمناجاته بجه الليل ابقهر
واعتله بفكده نحيبه
ياعظم هاي المصيبه
تهدمت والله اركان الهدى
.......
ضجه صارت بالارض لجل الولي
وصيحت الاذان ارجع ياعلي
اليتامه اخلاف عينك تبتلي
الفكد مثلك همه ابد ما ينجلي
بعدك الوحشه رهيبه
ياعظم هاي المصيبه
تهدمت والله اركان الهدى
.......
بعد عينه الدنيه فاركهه الفرح
كلشي بيهه اتغير وكلشي انذبح
وشهر رمضان اعله توديعه انجرح
جرح ما يشفه الامر واقع صبح
صوبو هامت حبيبه
ياعظم هاي المصيبه
تهدمت والله اركان الهدى
.......
ألعرش واللوح بمصابه انفجع
ويلي عالكرار صيحاته رفع
وحشه ظل محرابه خالي امن الجمع
واله يشتاك السجود اويه الركع
الصلاه لجله كئيبه
ياعظم هاي المصيبه
تهدمت والله اركان الهدى
.......
باجر المهدي ابطلعته ينتفض
ياخذ ابثار الصميدة والفرض
ويمحي كل جور وظلم فوك الارض
وبيده ينشر خيرهه بطول وعرض
بس تضل روحه سليبه
ياعظم هاي المصيبه
تهدمت والله اركان الهدى
.......
كلمات
✍ موسى الخادم
من فاطمه العلي
هلي خلصو هلي
من الباب للمحراب لچمه
حيدر علي محتاجه اشمه
هلي خلصو هلي
***
شيعود لمتكم الي شيجيب ابوي وامي
مشتاگه للكعده سوى يا خبر موت جدمي
التمينه تونه وجتنه الاخبار
فرهدو فرحة گلبي والدار
الصدر اليضمنه ايكسره بسمار
منهه وكرهنه الباب والنار
من اهد طيحت أمنه طحنه
من ماتت وداعتهه متنه
والنوب طاح شلون زلمه
حيدر علي محتاجه اشمه
هلي خلصو هلي
*****
مخنوكه يا وادم ترى صعبه اليفارگ روحه
من الليل حد جيت الفجر سهرانه لا مذبوحه
اتمنيت اشوف الچانو وياي
واشتم عطرهم وانحب هواي
الرايح گبر بس بالحلم جاي
بحسرة حظن خلاني وفياي
فگد العزيز يشل الچفوف
ياخذ الحيل وياخذ الشوف
يا شيلت المهيوب ندمه
حيدر علي محتاجه اشمه
هلي خلصو هلي
*****
لا والد ولا أم بعد طير وبلا جنحانه
گاع وصفيت بلا مطر للموت اظل عطشانه
چلمة ال بويه امغربه لهناك
حدر التراب امدده اوياك
حاضر الشده الرمل غطاك
چنهه بحلم لمن دفناك
نهيل التراب ودمع العيون
ظلينه بس شلون وشلون
ميت واصيح الله يسلمه
حيدر علي محتاجه اشمه
هلي خلصو هلي
*****
عيد المگابر من يهل كلمن يروح الناسه
يبدي المشيب من النظر سهله اليشيب راسه
يهل التراب اهلاه يلحنان
تعبان ظل ايتچي تعبان
يمكم گعدنه بعمر ذبلان
دورنه هلبت يمكم امچان
ياهو اليريد انموت يمه
حيدر علي محتاجه اشمه
هلي خلصو هلي
********
خلصت بعد يابو الحسن ردينه وشردينه ؟
تابوت رد من الدفن خلونه وانذبينه
بيت انهدم لن اهله غياب
لمة اهل خربهه التراب
ما ظل زغير اوجوه شياب
يسلمنه حزن انگاب لنگاب
واضح دمعنه وما نضمه
حيدر علي محتاجه اشمه
هلي خلصو هلي
كلمات الخادم / رعد الفريجي
#نعي
موش على طوله وشايلينه
وردالي والدم ساد عينه
خيم علينه امصاب ابو حسين
من شفنه راسه الطابرينه
البيت ظل يعلى نشيجه
من شفنه يبلع گوه ريجه
وينچ ييمه الزهره هليوم
طبرت علي كلش غميجه
ياريت عميه كون هلعين
ولا شفت طب مشيول ابوحسين
اصوابه يمه وطبرت الراس
بگلوبنه خلفن نياشين
امنيلي حيل وجلاده
وانظراله مايل على اولاده
گلبي وصل متگطع اعليه
من أسمعت صوت المناده
كلما نصه صوت المحاچي
بينه عله صوت البواچي
كل اخوتي يم جرحه يبچون
بدموع متروسه الخواچي
يلزهره وينچ عن مصابه
هد حيلنه ويظهد اصوابه
انطبر راس الدين نصين
وعمامته دم من خظابه
عن علي وينچ يلحبيبه
أبدمه نگعت شيبه شيبه
شافه الطبيب وگال ودعوه
ومن طبرته أيس طبيبه
داير ابونه تجمعينه
وانصيح من يعلى ونينه
كل لحظه لمن يگرب الموت
يمه نحس اتغربينه
علي الحميداوي الكربلائي
#اللهم_عجل_لوليك_الفرج
( نعي السيدة زينب عند رأس ابيها في لحظاته الاخيره )
ها نام ها غمض عيونه
يحسين ابوي انخطف لونه
خلوه لا لا تغطونه
الله واكبر هذا ابونه
حاچيني هم بصدره انفاس
شو تبچي جاوبني يعباس
خلوني عندي عتاب اگوله
ارد ارجع لعمر الطفوله
واغفى على صدره واشتكيله
شالو اهلنه شلون شيله
بويه علي حاچيني بويه
يحسين راح الزين خويه
المن بعد وجهي اديره
حيره اللفتني شلون حيره
كسرتنه يا وادم چبيره
ها نايم وگدامك انحب
گلولي ميت والدمع صب
وانا جبتلك ماي تشرب
منك ردت بس چلمه وحده
بس گلي بويه وعمري رده
آه يا علي الراح شيرده
خلوني يم البيه محنه
يم التخاف الزلم منه
يا موت ابعد لتدنه
شو خلصتهم كل اهلنه
ارد ابچي يم راسه واحاجيه
وبدموع عيني ابچي واغطيه
گلبي اليريدك وين اوديه
چا هيچ تخلص هاي هيه
جوه التراب اهل الحميه
ها يا علي شمسوي بيه
رايح بعد ما بيك جيه
البارحه امي وانته هاليوم
عايف دليلي بحرگه ملچوم
بويه لفانه العيد وانته
وجهك علينه ليش درته
ماظل صبر الا وصبرته
بس بويه موتك موش وكته
يا بيت يسوه بدون الاحباب
عافونه راحو جوه التراب
ياهو انتلگه بدگة الباب
وياهو البعد يسأل علينه
على حزني احاچيمن عليراح
ابد ما صدگ الگالو عليه راح
لحد جبريل ما نادى علي راح
انهدم گلب السمه بهاي المسيه
بينه يعيش ما ظن راح ألمنه
مثل ما چان ماخذ راحه لمنه
أبونه اليوم غرب راح لأمنه
الضلع والهامه يتلاگن سويه
كلمات الخادم / رعد الفريجي
عندما وصلت اللحضات الاخيرة واقترب الموت من مولاي أمير المؤمنين(ص) تحتار اهنا مولاتي السيدة زينب(ص) شلون تودع ابوها أمير المؤمنين وتگول….
مخنوگة روحي شلون أودعة..
گرّب علي للموت
حاچاني بس بعينة دمعة..
حضرو ألي التابوت
نفسي يزينب راح اگطعة..
ماكو بعد كل صوت
حسين بعيونة يبچي ويصد
گلي يزينب لا؟ ما يرد
منظر مماتك يشلع گلب
يموتنة بوية هذا الفگد
سبل چفوفة
وغمض عيونة…وانة حرت
بعيني اشوفن
لحضة مماتة…كمت وطحت
صاحالي زينب
راحن اموتن…مات؟ ومتت
راح من ادينة….
___________________________
هاي النهاية وراح اعوفة…
ابچي وديّر العين
العباس اروحن كمت اشوفة..
يبچي سوة ويحسين
گلبي يبوية شلون اروفة..
مثلك نجيب منين
هاية النهاية التكتل كتل
لمن وداعك بوية وصل
تمنينة احنة مچانك نموت
خلص دمعنة وضاع الأمل
تشابگنة گلنة
بلحضة مماتة…وسد الجفن
ودعنة سكتة
بدمعة عيونة…وصار الحزن
من گد طبرتة
وعضم المصيبه…عيونة انعمن
راح من ادينة….
___________________________
زينب يبويه بطلي دمعچ..
سمعي كلامي جروح
حسين هسه هذا يمچ..
وباچر يضل مذبوح
صبري يزينب ضمي حزنچ..
يگتلچ يبويه النوح..
شبعي من خوتچ زينب نضر
بعيدة المسافه وباچر سفر
عاشر؟؟ وراكم يكضي ذبح
ومن المخيم ميضل أثر
باچر عذابچ
يكبر يزينب…متضل خيم
يذبحون اخوتچ
كلهم عطاشه…هذا الألم
وحدچ غريبه
والحيرة حيرة…دمعه وندم
راح من ادينة…
____________________________
الوصيه…مولاي امير المؤمنين يوصي مولاي ابا الفضل العباس ويگلة…
عباس بوية هاية زينب..
وانتة الكفيل تصير
هاي الحنينة لا! متتعب..
ما تنهضم وتحير
جمره بدليلي بروحي تلهب..
زينب وكتها يدير
متعلمة زينب بس علدلال
ماتدري شنهي طاري الحبال
خوفي عليهة من يلفي شام
تتعب يبوية ويطلع خيال
ماهية سهلة
زينب اميرة…صعبة الهزل
من چف گمرها
وغيرة حنانة…لچف الحبل
بلشام اسيره
لكلهة مهابة…ما تنعقل
راح من ادينة…
___________________________
✍️محسن الباوي
اللهم عجل لوليك الفرج
____________________________
/channel/muhseen0
لحن القصيدة 👇👇
#استشهاد_مولاي_امير_المؤمنين_ع
لاتموت _ بــويــه افتح عينك
لاتموت _ يموت تدري حسينك
بويه يلطولك ضوه _ مات وياك الهوه
لاتموت _ لاتموت
((ہہ᯽★★★᯽★★★᯽ہہ))
غمضت عينك يبويه وغمضت عـيــن الشمس
مـــره وحـــده يبني گلي مثل مــــاگتلي امس
حيل بيه اصياح بويه انـه بس مــــا بيه حس
ياهو اگعد واشتكيله بحالي مـــا واحد يحس
للرحيل _ نـاوي هـــــاي الليله
للرحيل _ حسين مــاخذ حيله
نندفن حلمي سوه _ مات وياك الهوه
لاتموت _ لاتموت
((ہہ᯽★★★᯽★★★᯽ہہ))
بويه ياضحكت يتامه حيلي مو نص كله راح
ويني وين انه هجرك شيبي برموشي انه طاح
من عصر بالحجره افتر عشر اصابع بـ الصفاح
شابگ اهدومك وابچي مـــــن اشمهن استراح
بيه روح _ زيــــــن ضلت بيه
بيه روح _ بشاربــــــك رد ليه
ها يسر القل هوه _ مات وياك الهوه
لاتموت _ لاتموت
((ہہ᯽★★★᯽★★★᯽ہہ))
خيمه طولك بعد طولي شعنده فوگاك التراب
هذا حالي الموت راحه ولا شفت هذا المصاب
اليتامــــه الليـلـــه بعدك محد ايدگلها بـــــاب
لا يجينه العيد خنگه نكشخ بسـود الــــثياب
يالحنين _ رد عـــلـي ليتامـك
يالحنين _ بويه كمل اصيامك
بطبرتك گلبي انچوه _ مات وياك الهوه
لاتموت _ لاتموت
((ہہ᯽★★★᯽★★★᯽ہہ))
بداعة الـزهره يبويه گـــوم رد عافيتي الي
انت ابوي وانت ناسي وانت اهلي وكل هلي
دنيا ضلمه البيت ضلمه كلشي ضلمه ابلا علي
بگلبي هوسه اصياح فاگد صوت فگدك معتلي
لا تـروح _ انموت بويه ابدونك
لا تـروح _ مــــره فك اعيونك
الموت بفراگك دوه _ مات وياك الهوه
لاتموت _ لاتموت
((ہہ᯽★★★᯽★★★᯽ہہ))
حاني ضهري وگوه امشي ع حياطين انتچي
بويه بالضيم انه حالي وراحتي صارت بچي
مگابل السجاده وانحب ساكت وعيني تحچي
هذا بــويـــه العيد خنگه العيد مــا اريده يجي
گوه اگوم _ وگوه اشيل اجدامي
گوه اگوم _ اندفنت انــه حلامي
عمري يابويه انطوه _ مات وياك الهوه
لاتموت _ لاتموت
((ہہ᯽★★★᯽★★★᯽ہہ))
للـخـادم
مـقتـدى سـالـم
يوم اهدعش شعبان فــرحانـــه دنيــانــه
فرحــان ابو السجاد والشيعــه فرحانــه
بمولد الأكبــر علــي بمولد الأكبر علــي
*
لحسين أشــرق يـا بــدر يشبـه بــدر جــده
نفـس المعـانــي والشـبــه والنـــور البخـده
ما مات ابو الزهره ابـد چـي لن علي عنـده
نفس المعاني والخُلـق يعنــي النبـي بعــده
نفس النبي المختار رب العلا انطانه
فرحــان ابو السجاد والشيعه فرحانه
بمولد الأكبــر علــي بمولد الأكبر علـي
*
أمـلاك ربنــا گصدتـه طشـت أريـج ويـاس
صـوره لمحمد بالمهد مـن كـل كتـر تنبـاس
هنت ابــو اليمه بعلي نثــرت ورد عالـراس
بچفوفه هز مهده بفرح عمه الگمر العباس
عمه الگمر فرحــان والحـــره ويانـــه
فرحــان ابو السجاد والشيعه فرحانه
بمولد الأكبــر علــي بمولد الأكبر علـي
*
بشعبان هـل وجهه البهي يوم اهدعش منه
ومـــن حنّــة الجنـــه المهــد أمــلاك حنّـنه
والجنه گصـدت للمهــد مشتاگــه الـه الجنه
و شمــت بمهده يا عطــر عطـر النبي چنــه
عطــر النبوه أهنــاك مــوجود بركانه
فرحــان ابو السجاد والشيعه فـرحانه
بمولد الأكبــر علي بمولد الأكبر علي
*
حگنــه نصفگ بالفــرح ونهنــي ابـو اليمــه
ونعلگ لهل الفــرحه شمـع ونجـدد البسمه
الحسين نعمــه ونشكــره بارينـه عالنعمــه
الضيع حسين بدنيته صدگني هــذا أعمـه
بي احنــه متمسكين بحسين مولانــه
فرحــان ابو السجاد والشيعه فرحانه
بمولد الأكبــر علي بمولد الأكبر علي
*
الشاعر
موسى البديري
عباس الطف بچفينه
عباس الطف بچفينه
-------------------------------------------
خيال الموت وراعيهه
گاع الطف مهره امسويهه
بيمينه اولهه وتاليهه
هذا الكافل عم سكينه
عباس الطف بچفينه
---------------------------------------
هاي الجربه الفوگ امتونه
هذا الموت بنص عيونه
چا وين الجيش ايلاگونه
رد حيدر ماظن ناسينه
عباس الطف بچفينه
--------------------------------
حتى الماي ايريد ايزوره
هذا النور العاشگ نوره
وبچفه الرايه المعموره
يا شطهم مات امگبلينه
عباس الطف بچفينه
----------------------------------
سوى بگاع الطف اسوايه
جيش وصار ابچفه حچايه
ماتت وادم جوه الرايه
يا رهبة عباس وعينه
عباس الطف بچفينه
-----------------------------
هيه الحومه بدونه شبيهه
ما تحلى أوهوه امحليهه
گالب سافلهه وعاليهه
تفصال الهه وما ناخينه
عباس الطف بچفينه
--------------------------------
شنهي الطول وشنهي الهيبه
سبحان الخالق ترتيبه
ذاك الشط وراح ايجيبه
چا وين الناس الحامينه
عباس الطف بچفينه
---------------------------------
عبرت وادم صوب الكوفه
شردت كلهه وتبقى چفوفه
هاي الرهبه وهاي الخوفه
هد بظهره الوالي حسينه
عباس الطف بچفينه
----------------------------------------
تخلص ما تبطي وخلاهه
بالطف ما توگف رحاهه
محلاهه بچفه شمحلاهه
هاي الرايه وهاي ايمينه
عباس الطف بچفينه
كلمات _ رعد الفريجي
@HxzEU1
#قناه_نشر_القصائد_المنبريه
هله يا بو علي
عشگي الاولي
حبيتك سميتك
عشكي الاولي
..
ميلادك ما اجمله هالليله الفرح حله ميلاد الإباء
هله يا بو علي هله هله بيك بگد كربله وبگد السماء
انت شمعة كربله ومصباحها
والسمه علنت الك افراحها
والملائك صفگت بجناحها
يا بو علي
فرحانه السمه
يا بن فاطمه
ناديتك سميتك
عشكي الاولي
..
عله مهدك فطرس نزل
شفه جنحه وشافك امل مثلك يلگه وين
گالوله شنهو الحصل
ردد هذا المستهل محبوبي حسين
وصاح ابو السجاد روحو لبابه
سجلو اسمكم يا خلگ بكتابه
يا هو مثلك و الدوه بترابه
يا بو علي
دوه اسمك دوه
واغله من الهوه
شميتك سميتك
عشگي الاولي
...
أرضه بنارك احترگ هيهات عنك افترگ يا اعظم إمام
لولاك گلبي ما يدگ مهيوب وياك العشگ ولغيرك حرام
انت مو صدفه رزق رباني
واليضيعني ايعرف عنواني
تراب يم باب الصحن يلگاني
يا بو علي
وداعة گبتك
بيتي بحضرتك
يم بيتك سميتك
عشگي الاولي
...
اهواك يا جنة عدن اهواك يشهدلي الزمن وايام السنين
ضايع دونك يا وطن لو گالو انت لمن اصرخ للحسين
آنه عله الفطره اصيح بصيحتي
حسين احبنك يبعد رويحتي
حروفك بوكت الصلاه تسبيحتي
يا بو علي
مربيني بزغر
مدللني بكُبر
تربيتك سميتك
عشگي الاولي
...
مولاي يا عطر الورد ما يوم عنك ابتعد يا كهف الحنان
تاخذني الدنيه وترد يحسين وارجعلك عبد والگاك الأمان
انت سر العاجز بتفسيرك
تضيع روحي من تروح لغيرك
الخير انت وكلنه عشنه بخيرك
يا بو علي
والحب كلمتين
خادم للحسين
وبصيتك سميتك
عشگي الاولي
...
خادم الحسين ( عليه السلام)
كرار حسين الكربلائي
( ابو كميل)
بعد شيريد والعنده ولي حسين
اخذها الدنيا والبيهه والي حسين
اعوف حسين ما أگدر والحسين
اموت بغير ابو سكينة اورقيه
ابدليلي النار يوم حسين وجهه
اويربي كون بس لحسين وجهه
اليعوف حسين وين ايدير وجهه
العمر شيفيد دون ابن الزچيه
الشاعر
ابو عبدالله الشمري
بالهلاهل والفرح نستقبله
يا هلا بشعبان يا مية هلا
__
الكون مستشبر صبح .. انترست الدنيا فرح
وبيها كل حزن انمسح .. بمولد حسين
الفرح مو بس للبشر .. يصفگ ويانة الشجر
گلبه بالحب استقر .. ويفرح اسنين
حجر مدر اله اقر .. تحله الولاية
اله هله گلبي انمله .. اشوفنه اية
رباط ( بي نتفاخر حسين احنه )
العشگ والحُب يحله بس الهله .. اشوفنه اية
جاءَ عباس البطل .. مثله ما ثاني حِصل
بيه كل فكري انشغل .. بيه مجنون
مثله ما شايف ابد .. چان قبله لو بعد
المنه اطلب المدد .. واطلب العون
أهل أمل والة كفل .. كلمن يحلفه
مدد ابد هوه سند .. يترسله چفه
( صاحب غيرة عباس أشَهَد )
الزاير العباس حيل يدللة ه هله گلبي انمله
جماد وطير وبشر .. لـ زين العباد انتظر
العطره بالدنيا انتشر .. اغلى معشوگ
بگلبي اسمه ينكتب .. الصوت نبضاته عذب
ويلهج بذكره المحب .. سودنه الشوگ
يرِد يعِد الة ورِد .. ويكتب حروفه
مُحِب يحِب اي ينجذِب .. لمن يشوفه
( محلى اعيونه يـ حسين ابنك )
بذاك الجمال هواي ربنا امجمله وفنه اية
رباط
انولد الاكبر علي .. الة صوتي يعتلي
يا بعد ناسي وهلي .. بوجهك النور
حسين بيته نورِت .. يا علي لمن صرِت
شمعة وبداره چنِت .. بيك مسرور
فُرَح صبح صدره انشرح .. لمن يشوفك
ضحك الك وي كل هلك .. بلمسة چفوفك
( نور بيته والله بجيتك )
من فرحته دموعه عالخد هامله هله گلبي انمله
فقط الهم العشگ .. ان شاء الله ما نتفرگ
احنه عن اهل الصدگ .. بجاه عباس
اتمنى وياهم اظِل .. ثابت ابقى وما ازِل
منهد ما چنت طفل .. لـ آخر انفاس
صرت عشت همه شفت .. اصل المحنة
احن وطن طول الزمن .. بيه احنه عشنه
( تحله الهوسة لـ ابطال الطف )
زلزلوها الگاع في طف كربله .. اشوفنه اية
المتشرف بِحب آل محمد ( ع )
حسين الدليمي
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
اعقول التضدك صفت يا بن علي •• ياهِله
الما إله حسين ايحضر يوم الحشر •• ياهو اله
اصبح ملك خادمك گد الشمس •• ياه أله
يا ابو الطاعك نجه فاز اللي برّ •• و حِسَن
مولدك عرس السمه ليلة جمال •• وحِسِن
فرحينه وي النبي وي علي و زهره •• وحَسن
بمولد امام العشگ صاح الگلب •• ياهله
🌷🌷🌷🌷🌷🌷🌷🌷🌷🌷🌷🌷🌷🌷
يريح اخذ الگلب لحسين ( سِر بيه )
عشگ معجزه وحتماً صار ( سِر بيه )
عـيد اليـوم و الـدلّال ( سَر بيه )
لان بيّن اهلال ابن الزجيه
🌺🌺🌺🌺🌺🌺🌺🌺🌺🌺🌺🌺🌺🌺
حب حسين بالمصحف ( وُرَد بيه)
بـميلاده النـهر يـجري (وَرِد بيه )
لـفطرس جنح عـزّبله (وَرَد بيه )
يگـللهم عتقني ابن الزجيه
🌹🌹🌹🌹🌹🌹🌹🌹🌹🌹🌹🌹🌹🌹
نعمه حسـين للـثقلين ( مُهداه )
بثورته الدرب للموعود ( مهداه )
افتخر جبريل ينزل يهز (مهداه )
شكبر حظي و خدمت ابن الزجيه
💐💐💐💐💐💐💐💐💐💐💐💐💐💐
✍️ ( سيد خضر الزاملي )
قناة الرجوع الى الله @h_ameer1
قصائد منبريه مكتوبه @h_ameer2
ملا ابو امير الفاطمي @h_ameer3
قصائد نسائية مكتوبه @h_ameer4
اعقول التضدك صفت يا بن علي •• ياهِله
الما إله حسين ايحضر يوم الحشر •• ياهو اله
اصبح ملك خادمك گد الشمس •• ياه أله
يا ابو الطاعك نجه فاز اللي برّ •• و حِسَن
مولدك عرس السمه ليلة جمال •• وحِسِن
فرحينه وي النبي وي علي و زهره •• وحَسن
بمولد امام العشگ صاح الگلب •• ياهله
🌷🌷🌷🌷🌷🌷🌷🌷🌷🌷🌷🌷🌷🌷
يريح اخذ الگلب لحسين ( سِر بيه )
عشگ معجزه وحتماً صار ( سِر بيه )
عـيد اليـوم و الـدلّال ( سَر بيه )
لان بيّن اهلال ابن الزجيه
🌺🌺🌺🌺🌺🌺🌺🌺🌺🌺🌺🌺🌺🌺
حب حسين بالمصحف ( وُرَد بيه)
بـميلاده النـهر يـجري (وَرِد بيه )
لـفطرس جنح عـزّبله (وَرَد بيه )
يگـللهم عتقني ابن الزجيه
🌹🌹🌹🌹🌹🌹🌹🌹🌹🌹🌹🌹🌹🌹
نعمه حسـين للـثقلين ( مُهداه )
بثورته الدرب للموعود ( مهداه )
افتخر جبريل ينزل يهز (مهداه )
شكبر حظي و خدمت ابن الزجيه
💐💐💐💐💐💐💐💐💐💐💐💐💐💐
✍️ ( سيد خضر الزاملي )
6(هوسات ابوذيات للعباس عليه السلام)
هله بالوفي الما يخــــــلف وعيده فرحنه بيوم ميلاده وعيده
لهذا البيت راح اقــــره واعيده للعباس تحله الأبوذيه
اليشوفه ينذهل فكــــــره ورايه ورث من والده غيره ورايه
بسمه لو صحت صيحو ورايه هله بعباس ليث الغاضريه
وصل للمشرعه العباس وعين العلگمي اتشوفه دگ رايته اعله الشاطي وترجف گامت جروفه
ما دنّگ اخو زينب الماي ارتفع لچفوفــــــــــــه (والماي اندار بنص جوده)
يوم الرابع بشعبان شع من الگمر ضيه وتكلّم بالمهد عباس وعينه لحيدر اربيه
يگله بشّر الشيعه الحوائج كلها مگضيــه (وعيونك كل حاجه اگضيها)
سوّه معجزه العباس يشيعه بيوم ميلاده الحسن وحسين يم مهده وضحك بوجوه اسياده
وزينب من اجت يمه گام يگطّع امهــــــاده ( ولزينب أشّر بجفوفه)
خادم الحسين (عليه السلام)
كرار حسين الكربلائي
@HxzEU1
#قناه_نشر_القصائد_المنبريه
هلا بعباس محلاته - هله بعباس
صار البـي هله عله الناس تتباها
ابو فاضل وأسـمـه الـدنيـا بچاها
تره بشـعـبـان تمطر خل الكم لييش
الـغيـمـه اطش مطر عالـگـاع خلاها
هلا بهـيـبـة حيدر
يـرفـعـت راس
ألگمر ضل مايطلع
طلع عـبـاس
فرح عدهم هاشم اجه الكفال
الغزل بس لعيونه تكتبه الناس
هلا بعباس محلاته - هله بعباس
——-
گـمر عـدنـان نـور حلوه دنيـانـه
اللـيـله ام الحسن فرحانه ويانـه
حي الله ابو فـاضـل أحلى من المـااي
شـيـخ الخوه والله وهـيـبـت اخوانـه
منو المثـلـه ايسمعك
اذا تـنـخـاه
تحس من شبـاچـه
يگـلـك هـا
الورد من مد روحه عطر ملهوف
اجه الكافل لينـه هله وحياه
هلا بعباس محلاته - هله بعباس
——
الـروحـه من الـفـرح والصفگه محرومه
ذب اللون الأسود راحت اهمومـه
هـذا اليـوم يفرق ماكو مثله اهواي
گـمـر هاشم اتـمـيز عالـبـشـر يـومـه
هله بهيبت زينب
اذا تـنـدار
هله بزود الخـوه
اليصيح صار
التزامط بي هاشم عله العدوان
يخزرات عيـونـه تـطـفي النار
هلا بعباس محلاته - هله بعباس
——-
صار الهيـبـه اليـسـمونه ابو الغيره
اليــوزع أمـان بوجـهـا اليـديـره
اليوصل يم حضرته يحلفه بس بحسين
قبل لا يمشي عنـه تخلص الحيره
هلا بـحامـي الخـوه
الكفو الوفاي
النـهر ضل يتمنـه
يشربه الماي
كفو من چفوفـه الوفي الصگـار
وفي وياالخوه وبقى الحـماي
هلا بعباس محلاته - هله بعباس
#حيدر العماري
@HxzEU1
#قناه_نشر_القصائد_المنبريه
حيدر .. صلى الله عله اعيونه
حيدر .. خيمه عاليحبونه
علي علي علي علي حيدر
ــــــــــــــــــــــــــــــــــــــ
حيدرنه قرآن .. وللشيعه ربان .. نهتف بالاذان .. اشهدو الحق علي
ماغيره محبوب .. عايش بالگلوب .. وبدمنه مكتوب .. ياعشگنه الأولي
الله خالقنه العلي ازغار اكبار اي والفلق
واحنه من نندب علي ليش اتصير أنته بقلق
لاتعاتب شيعته وجه اللوم للي خلق
حيدر.. عدكم مثله شَوفونه
حيدر .. خيمه عاليحبونه
علي علي علي علي حيدر
ــــــــــــــــــــــــــــــــــــــ
للشيعه مـنهاج .. اسم الوصي تاج .. وايسبب ازعاج .. للبعض هذا الاسم
حكهم يغارون .. حيدر علي يكون .. وي موسى هارون .. وبالحرب هان الزلم
حيدر ابوقعة أحد واحد چان بالملحمه
اتفاجأ بقوته الوحي وصاح بصوت هز السمه
لافتى الا علي والفقار ينگط دمه
حيدر.. ماگدرو يفسرونه
حيدر .. خيمه عاليحبونه
علي علي علي علي حيدر
ــــــــــــــــــــــــــــــــــــــ
حيدر إذا صال .. تركعله الابطال .. بالحومه زلزال .. سد الاسكندر يهد
كررهه ابواتراب .. موبس قلــع باب .. ظل يقلــع ارگاب .. يذبح وطه يعد
ابن ابو طالب إذن يعني الصيت والـمرجله
ابوجهه عصمة فاطمه ابظهره احسين نتخيله
اتصور أنته الـمرتضى لو موجود في كربله
حيدر.. ايحط الشط عله امتونه
حيدر .. خيمه عاليحبونه
علي علي علي علي حيدر
ــــــــــــــــــــــــــــــــــــــ
من فاضل الطين .. احنه اوي ابوحسين .. حيدر علي الدين .. والاسلام الاحمدي
ظله وتبعناه .. وماعفنه مسراه .. والينه والله .. وبولائه نقتدي
حارس الوادي علي والاموات مستانسه
اذنوبه كلهن طايحه الحاضر جان في مجلسه
قدس الله بطبرته وهو الله هم قدسه
حيدر .. واجب أن تقدسونه
حيدر .. خيمه عاليحبونه
علي علي علي علي حيدر
ــــــــــــــــــــــــــــــــــــــ
الكل شده مفتاح .. سلطان الارواح .. والياعلي صاح .. كل همومه تنجلي
باسط يد الخير.. واموكّل الطير .. شعلينه بالغير.. احنه نعرف بس علي
مريم اتهز بالجذع حيدر چان هو الرطب
وعالسفينه من مشت اسأل نوح ياهو السبب
ويونس ايسبح غده ابطن الحوت حيدر ندب
حيدر .. يفرح لليندبونه
حيدر .. خيمه عاليحبونه
علي علي علي علي حيدر
الشاعر محمد الجماسي
#اللهم_عجل_لوليك_الفرج
شلون حال أم عون هاي الليله
حيدر جنازه وچفوف اتشيله
********
شلون حال الودعت أم وأبو
الليله الله ايعينهه ايعين الاخو
مات والدهه وطلع نعش الدفو
تصيح حيلي الليله خلص حيله
*******
الشال كل الدنيا ينشال بنعش
الجوع مات بوكته والذل والعطش
الحظنه للايتام بليل انفرش
وينه ستر الدنيا ستر الشيله
*********
ونت الحوراء من مات الولي
يا علي وياك حيدر يا علي
چلمة الله وياك ما ترهم ألي
گلبي ما يحمل علي تچيله
*****
اليوم ظلمه البيت اي والله انهدم
الليله زينب عاشرت آه وألم
طاح ابو الحسنين چن طيحة علم
وظلت عيون السمى تبچيله
*******
زينب الاحزان زينب صابره
منين ما تندار فاطم حيدره
بيهه ليش ايعيل درب المگبره
كل سنه بوالد أخو تمشيله
*******
خلص ماي اعيونهه وكبرت عمر
زينب الله يعينهه جنازة و تمر
يم گبر تنعاه وتنوح الگبر
وگبر عن ضيم السبي تحچيله
كلمات الخادم / رعد الفريجي
#فصيح
يا خيرَ شهرٍ في الشهورِ تَصدَّرا
كم فيكَ جَفنٌ بالدُّموعِ تَفَجَّرا
فيكَ الوَصيُّ هَوَى بِفَرضِ صَلاتهِ
وَفُؤادُ أمِّ الحُزنِ فيكَ تَفطَّرا
لهفي لِزينبَ قد رأت رُزءاً وقد
أبدَت لها صُمُّ الصُّخورِ تَأَثُّرا
فعلى فِراشِ المَوتِ تنظرُ والِدًا
قد كانَ للإسلامِ حقًا مَفخَرا
وَتَراهُ يَنظرُ في الوُجوهِ مُودِّعًا
والسُّمُّ في رأسِ الهدايةِ قد سَرَى
قد عايَنَت وَجهَ الإمامِ المُرتضى
مِن سُمِّ أشقى الأشقياءِ تَغَيَّرا
يا زينبٌ يا بنَتَ ساداتِ الورى
نُجري عليكِ مَدى الدُّهورِ تَحَسُّرا
نَبكي مصائبَكِ العظيمةَ حَسرةً
يومًا إذا ذِكرُ المَصائبِ قد جَرَى
ويلاهُ يا أمَّ المصائبِ كم جَرت
من أجلكِ الأجفانُ دمعاً أَحمرا
أبكيتِ خـيرَ الأوصــياءِ بِعَـبرةٍ
والقلـبُ منهُ من الشُّجونِ تَفطَّرا
لهفي لهُ وبَصدرهِ جَمرُ الغَضا
لمَّا غدا عن يومِ سَبيكِ مُخبِرا
حقًا إذا سالت مَحاجِرُهُ دمًا
فلقد رأى جُرحَـاً بِسبـيكِ أكـبرا
السيد عدنان الموسوي
#اللهم_عجل_لوليك_الفرج
#نزال
علي كلشي وكلشي يمشي برايه
علي چف الله وعلي أعظم آيه
علي بس هوه الرفع چفه النبي
بس علي وماعدنه أبد غيره ولي
أصل ديني وديني يحله بيا علي
ترجمان الله النزل بسمه الوحي
بس علي تلوگ علمتنه الرايه
@@@@@@@@ @@@@@@@@@
علي لو ما علي ما صارت زلم
يفيض غيره بالصور من ينرسم
چفه سر مكنون أبد ماينفهم
من علي ونوره طلع صيت النجم
بسم حيدر تحله كل حچايه
@@@@@@@ @@@@@@@@@@
صار ستر الدنيا في خاجيته
علي دنـيــا وأخــره والـيـتـه
ماكو أول بس علي وبزريته
علي حرزي البـالگلب شديته
حب علي لو موت أله شرايه
@@@@@@@@ @@@@@@@@@
ملح كل حچايه مابيهه ملح
دوه ذكره بيا علي يطيب الجرح
ذكره سيف الموزمه أوجه الصبح
علي شيخ ومثله ما واحد يصح
عله فوگ الدنيا طود فيايه
@@@@@@@@ @@@@@@@@@
علي بيدر معرفه وجاه وفضل
علي معدل السالفه الماتنعدل
كل فراضه ومالهه واحد يحل
نگول حيدر علي ويطيح الفصل
حاضر بكل موزمه يدگ ثايه
رسول رياض
#مولاتي_زينب_ع_
#استشهاد_مولاي_الامام_علي_ع
يلحدر التراب _ شيفيد العتاب
مايرجع الراح
ذابحني فرگاك _ لا اگدر انساك
لا اغفه ورتاح
يالخذت روحي بغيابك
اغفه بس بشم ثيابك
((ہہ᯽★★★᯽★★★᯽ہہ))
العمر مايسوه العمر ،،، ويني وين الهجر
الدنيا ضاكت بويه بيه اليله
انعصر گلبي ورجف ،،، جرحي يابويه نزف
مره اشم ثوبك ومره الشيله
بيـدي شيلت أمــــــي وافتــر يم حجرتك
مــن يجيني اليل بويه اركض ع اعمامتك
اوشاله صبري وحيلي اخذتـــــه بفرگتك
الفرگه مو يوم _ ما اعرف النوم
يالماخذ الحيل
ياضحكت العين _ تعبت الحسين
دمعاتـــه تسيل
كاسر الدنيا بمصابك
اغفه بس بشم ثيابك
((ہہ᯽★★★᯽★★★᯽ہہ))
مولح اعيوني البچي ،،، ع الحياطين انتچي
خطوه امشي وخطوه ما امشيها
نطبع چفي ع الضهر ،،، الشيب للشيله عبر
بويه زينب نفس مــــا ضل بيها
المغربيه كلها تلتم للمگابر جــرنـــي شوگي
اتراب گبرك كـــون اطشه امنيتي فـــــوگي
نشف دمــــــي يـاعـلـي ويبسن اعــــروگي
بيدي الدمع طاح _ نطبعت بـ الاصفاح
يابويه الچفوف
الماعدها ابو تموت _ ماضل بعد صوت
لا ضل بعد شوف
امتانيه الليله جوابك
اغفه بس بشم ثيابك
((ہہ᯽★★★᯽★★★᯽ہہ))
الفرگه مو شده وتفض _ مايدگ صار النبض
الحيره تاخذني وتردني الحيره
الچف بخدي اثـــــر _ ترسم اعيوني صــور
صرت اشوف الدنيا حيل ازغيره
مالت الــــــــدنيا ويــه زينب حــيــل مالت
مــــــن وكت زينب يتيمه بـــويــه صــارت
گلبي مــــا مرتــاح مـن يــوم امــي راحــت
شالــت والعـيـون _ ماتعرف اشلون
تـطبگ جـفـنها
يــــاگلبي هيهات _ مــايـرجع المات
اتراب بحضنها
من التحب لچمت عذابك
اغفه بـــــس بشم ثيابك
((ہہ᯽★★★᯽★★★᯽ہہ))
بويه يلطولك ضوه _ بصدري مخنوگ الهوه
يالحنانك بويــه ديـــــره بروحي
اعيوني افتحها الصبح _ ياعلي صرت بجرح
عگب وجهك انــــه افــز بنوحي
البيت وحشه ونــدي مـــا اطب انه بيتي
ساعه سـاعه احسب تجي ساعت منيتي
وبــدمـع عيني لخوتـــــي اكـتب وصيتي
دفنونــي ويــا _ الما اگدر انسا
هـــاي امنياتي
كلهن غميجات _ اجروحي ع المات
شوگي المماتي
دموعي اوزعها ابثوابك
اغفه بس بشم ثيابك
((ہہ᯽★★★᯽★★★᯽ہہ))
گلب اليحبك تعب _ حيلي والنوم انسلب
هنا گعدنه اهنا ضحكنه ذكرياتك
من النفس اقرب الي _ بويه غير انت هلي
فــــازعه باليل اركض يم عباتك
اكســـر الــخــاطــر وادور حجره حجره
ويــن مـــا حط عيني بويه الگه ذكــــره
گلبي تـــــــــــــدري بغيبتك انطاك عمره
ماتنحل اشلون _ مو شده وتهون
وتعود الايــام
من ايدك ام عون _ ليد اليكرهون
يسبوني للشام
اندفن كــون بترابك
اغفه بس بشم ثيابك
((ہہ᯽★★★᯽★★★᯽ہہ))
للـخـادم
مـقتـدى سـالـم
اليوم املاك السمه
لبن الحسين محزمه
اسمه مثل اسم الولي
(هاذ الولد اسمه علي)
—————————
گالو ولد عد حسين
صاير وفرحانه العين
يشبه محمد بشكل
هاشم اليله معيدين
ياليلى عينج عل ولد
وصيت ما وصي بعد
لو زارو الدار الغرب
غطي گبل لا ينحسد
بجيتك جايبلي الخير
من صرت فرحان الطير
فرحانه بسمه كل هلي
(هاذ الولد اسمه علي)
—————————
كبران ابني لو بعد
يوميه برسومه اصد
ينطي شبه لاخر نبي
بعيوني اشوفنه الولد
تلثمه ليلى لو طلع
ونطفي بليل الشمع
خافن يصد واحد اله
من المدينه لو رجع
لنبي بسكته نزوره
عيون الهواي تعوره
لينضر عيونه يبتلي
(هاذ الولد اسمه علي)
—————————
ابني و اخاف علي كبر
منه خجل قرص الگمر
افتحله صدري من يجي
و اقراله ايه لو عثر
من يلبس هدوم الحرب
جفه عله سيفه من يطب
هيبت علي وشكل النبي
و الغيره من گصته تصب
عينه احله من كل والورد
لمن عله عيونه اصد
شوف الجمال الهاشمي
(هاذ الولد اسمه علي)
—————————
✍️علي اياد
( شوق زينب لمولد العباس )
………………………………………………………
نور الله وجماله
يا راعي الكـفاله
گلبي لشوفتك هام … اختك تحسب ايام
يا راعي الكفاله
……………………………………………………………
زينب و بسؤال لأم البــْ نين .چايمته الولاده
زرع شوگ وسنابل تارسه العين. بوليدج حصاده
بعباره (ياهله بسگاي الحسين).طرزت الوساده
احلمت رايه وترفرف فوگ سبعين. معناها القياده
فرسان ال اميه
بـي شـافو منيه
راس يـلوذ بالراس .. مـن سيفك يعباس
يا راعي الكفاله
……………………………………………………………
على هيئة عرش مهدك يعباس.بحقك مو كفايه
الك غشاوه صارت شيلة الراس .وغطاك العبايه
حتى تشم خدر زينب بالانفاس .ويظل للنهايه
وأطش سنين عمري طشه الياس.لجفوفك هدايه
اختك كل عمرها
ظل شابح نظرها
للـيفدي الخدر عين .. يـهدي لاخته جفين
يا راعي الكفاله
……………………………………………………………
امي الزهره صاحتني بفرد يوم .يا زينب بشاره
الله انطاج اخو اعل الغيره مفطوم.كافل وبجداره
انته لخدر زينب وقف معلوم . من ربج قراره
مو من الشمس يضوي الگمر دوم.من عنده الاناره
گليله الزجيه
ودتـلك تحيه
يـطلبني الگمر دين .. جنه و بيها جنحين
يا راعي الكفاله
……………………………………………………………
والدنا الوصي يگلي أنتي بحماه .يا زينب اميره
يكتب اسمج اعل قماشت إلواه. تعيشين بضميره
من مهدك علگ والحسن شداه. بديوان العشيره
بيك الحـسن وي فنجانه و دلاه.فرحتهم چبيـره
دخّل كل ضيوفه
و لمـهدك تـشوفه
معزب گلهم اهواي .. يعطش ما شرب ماي
يا راعي الكفاله
……………………………………………………………
مـثل مـصباح عـيد بعين الزغار .حسينك خطيه
للـبدويـه يـسأل لـيـل و نـهار .مـحتام اعلخيه
بدل محسن اخو لا تظل محتار .گالتله الزجيه
بظهر حسين ولعمهم شغف صار .عبدالله و رقيه
فرحانه الضعينه
الاكبر وي سَكِينه
وكل شيعي الـبلصلاب .. گلبه بحب الك ذاب
ياراعي الكفاله
……………………………………………………………
✍️ ( سيد خضر الزاملي )
@HxzEU1
#قناه_نشر_القصائد_المنبريه
هله يا بو علي
عشگي الاولي
حبيتك سميتك
عشكي الاولي
..
ميلادك ما اجمله هالليله الفرح حله ميلاد الإباء
هله يا بو علي هله هله بيك بگد كربله وبگد السماء
انت شمعة كربله ومصباحها
والسمه علنت الك افراحها
والملائك صفگت بجناحها
يا بو علي
فرحانه السمه
يا بن فاطمه
ناديتك سميتك
عشكي الاولي
..
عله مهدك فطرس نزل
شفه جنحه وشافك امل مثلك يلگه وين
گالوله شنهو الحصل
ردد هذا المستهل محبوبي حسين
وصاح ابو السجاد روحو لبابه
سجلو اسمكم يا خلگ بكتابه
يا هو مثلك و الدوه بترابه
يا بو علي
دوه اسمك دوه
واغله من الهوه
شميتك سميتك
عشگي الاولي
...
أرضه بنارك احترگ هيهات عنك افترگ يا اعظم إمام
لولاك گلبي ما يدگ مهيوب وياك العشگ ولغيرك حرام
انت مو صدفه رزق رباني
واليضيعني ايعرف عنواني
تراب يم باب الصحن يلگاني
يا بو علي
وداعة گبتك
بيتي بحضرتك
يم بيتك سميتك
عشگي الاولي
...
اهواك يا جنة عدن اهواك يشهدلي الزمن وايام السنين
ضايع دونك يا وطن لو گالو انت لمن اصرخ للحسين
آنه عله الفطره اصيح بصيحتي
حسين احبنك يبعد رويحتي
حروفك بوكت الصلاه تسبيحتي
يا بو علي
مربيني بزغر
مدللني بكُبر
تربيتك سميتك
عشگي الاولي
...
مولاي يا عطر الورد ما يوم عنك ابتعد يا كهف الحنان
تاخذني الدنيه وترد يحسين وارجعلك عبد والگاك الأمان
انت سر العاجز بتفسيرك
تضيع روحي من تروح لغيرك
الخير انت وكلنه عشنه بخيرك
يا بو علي
والحب كلمتين
خادم للحسين
وبصيتك سميتك
عشگي الاولي
...
خادم الحسين ( عليه السلام)
كرار حسين الكربلائي
( ابو كميل)
قصيدة مولد للامام العباس عليه السلام..
دخنت الدنيه تره العباس اجه
يعني دنياهم بعد ماكو رِجَه
طبهه ابو فاضل .. طبهه ابو فاضل
............
بزوده يتأمر .. ماكو مثله اثنين بالعالم أبد
أبد مايخسر .. هذا ابو حيدره وشرايد بعد
لو زعل بعيونه .. عِمَو ميشوفونه
الموت نفسه الينزل .. منه ماخذ لونه
يعني وبصدره هوى المِيَّت الف
لو سمه بكَدهُم فلا جِفنَه يِرف
طبهه ابو فاضل .. طبهه ابو فاضل
............
الدنيه تتكَدَّر ..لو رِمِش عينه غِضَب نزل غَضَب
ابالك اتصَّوَر.. الجيش كله ايصير لجفوفه حطب
جفه جف الحيدر .. من قِلَعهه الخَيبر
حتى لمن تِهوي .. السَبعه توصل واكثر
الحومه بعيونه مثل حَبَّة تُرُب
الحومه ما تِحمِل اذا جدمه يُطُب
طبهه ابو فاضل .. طبهه ابو فاضل
............
الغيرة تتفجر .. بعين أبو فاضل اذا العين اجدِحَت
الموت يتحضَّر .. كافي بس النظره جم رُكبَه اذبَحَت
ايلمهه كلهه بإيده .. الحومه هَلَّت عيده
والوِصَل يم سيفه .. كلشي لا ميفيده
تموت بيده اكوام مايحسب بعد
ايحارب ولو جان حربه للأبد
طبهه ابو فاضل .. طبهه ابو فاضل
............
الناس تتحجر .. هيه من اتشوفه ايست بالحياة
بشر لو يِظهَر .. هذا عباس وعلى جفوفه الممات
حلوه جَدحَت عينه .. الجيش كالت وينه
جهنم المعروفه .. سيفه بينه وبينه
يعني وَدَّاهم كُبَل لِزمو سِرَه
اسرع من الموت سيفه يشطره
طبهه ابو فاضل .. طبهه ابو فاضل
............
بزوده لو بس مَر..حتى نهر العلكمي منه رِجَف
كباله يتحير .. شلون ابو فاضل اذا السِكنه حِلَف
ايجيبه هوه وعِركَه .. الجيش يَمَّه يسحكه
يشيله بيده سمانه .. حيل بارضه ايدكه
شنو وابالك تره كِلهِن عِدَه
سيفه من يضرب رِعَبهُم بالصَدَى
طبهه ابو فاضل .. طبهه ابو فاضل
............
ابو مريم الاسدي..
1/2/2025 ..
ابيات لولادة مولانا ابو عبدالله الحسين عليه السلام..
الكلب يابس محنه وطره سباح
صحره وخضر ابنعمة غلاتك
اليهز الشجره غير يطيح تفاح
شهزت فاطمه وطاحت حلاتك
للهندس تطب من دون مصباح
لأن حاملتك وسرها بحياتك
سر ومنولد بل روح من شاع
تتهنه الكلوب السامعاتك
حسين امنين ماتندار نعناع
حتى الخالقك كال شحلاتك
عينك ماتصد اكبال كل عين
هنيال العيون الشايفاتك
على ياخير أكلها وانته الحسين
وانته الخير يستجدي عطاتك
انا مزاعل الدنيا وضايع اسنين
عايف روحي ومدور رضاتك
حاتم وينه كالو بابه مفتوح
طكه العوز وتنخه ابعباتك
انته اول بشر يحسين مذبوح
تتلكه السهم حتى بصلاتك
امي اتصيح يمه حسين وتنوح
حيره شكثر صارن امهاتك
اناغيك واصد بالجاي والراح
شو ماكو بشر شايل صفاتك
الكاتل بيده اخوي شكثر يرتاح
اذا مشغول بالي بتعزياتك
يعالي وشامخ وماداعي الارماح
بس انته تموت ابشتهاتك
___
اللـهم عـجـل لـوليـك الفـرج
محسن مسلم الحمداني
🌹هوسات🌹
يـوم ٣ مــن شـعـبـان اول فــرحــه نـبـديهـه
اشـحـلات الـفـرحـه بـأســم حـسيـن نحيـهـه
دنيا ابـدون ابـو السجاد يا خيـر اليضل بيهـه
احـسـيـن الـدنـيـا ومـا بـيـهـه
🌷،،،،،،،،،،،،،،،،،،،،،،،،،،،،،،،، 🌷،،،،،،،،،،،،،،،،،،،،،،،، 🌷
ذبـيـنـه الـثيـاب الـسـود والابـيـض لبسنالـه
هلا بـشعبـان نـاديـنـه يــوم الـبـيـن اهـلالـه
الخادم صدگ لحسين هاي الفـرحه تـحـلالـه
كـل خـادم فـرحـان الـليلـه
🌷،،،،،،،،،،،،،،،،،،،،،،،،،،،،،،، 🌷،،،،،،،،،،،،،،،،،،،،،،،،،، 🌷
من شافت جمال حسين شمس الله استحت منه
حـتـى الشمس خـلاهـه ابجماله اتـصـيـر تـتـمنـه
عطر خـده السبط فوّاح يـشـبـه ريـحـت الـجـنـه
ومـلاك الـجـنـه اتـلـولـيلـه
🌷،،،،،،،،،،،،،،،،،،،،،،،،،،،،،، 🌷،،،،،،،،،،،،،،،،،،،،،، 🌷
خادم الحسين ع
الشاعر رعد الجريخي
في "الثَّالثِ" المَيْمُونِ جِئْتُ كـ"فطرُسٍ"
وبَسَطْتُ عِندَكَ يا #حُسَينُ جِراحي
.
لوْ لَـمْ أَجِدْ "مَهْداً" فيا بْنَ المُصطفَى
بِضَـريحِ نُورِكَ قَدْ مَسَحْتُ جَناحي
.
#مولد_الإمام_الحسين
#اللهم_عجل_لوليك_الفرج
علي عسيلي العاملي
الحومه ترچف لو دخل ميدانهه ،، ابو فاضل
——————————————————-
يفر بيهه ويكر بيهه الهوه شاح
ابو فاضل لو غضب شيكضه
كام بيده يكض كل هاي الارماح
والوصل يم ابو فاضل رضه
والله حلوه الصوله
چن جبل ياطوله
الحومه رگت واخو زينب عانهه ،، ابو فاضل
_______
رگت وكل الرگب صارت اتراب
الحومه من الرجف بايد حيلهه
اخو زينب بالمعارگ رجع شاب
العرگه توكـع لاچـن يـتـچيلـهه
يـاحـلات زنـوده
ريـحـتـه وبـاروده
اموصه بالخوه الكفيل وصانهه ،، ابو فاضل
________
وصل يم العلگمي بچوده يريد
يعبي حته الطين هوه ومايه
ابو فاضل بالحرب يگضيها صيد
ويخفگ ع خشومهم بالرايه
غاير ع الشگره
يدوس بيهم حدره
چن جرس ياروسهم شو رانهه ،، ابو فاضل
_________
صنطه صارت والحرب صاير هدوء
كــــالــــو الــعـبــاس ساكت چـنـه
مَن الصُغّرِ ابَا الفَضّل هَو الكّفِوء
ولو سـمـعنـه بأسـمـه الله صحـنه
زيـنـبـاك بـسـدك
تعاملك چن ولدك
تضل اخت عباس رافع شانهه ،، ابو فاضل
_________
عباس القلعاوي
أحلى من الگمر لونه
حسين وفدوه لعيونه
ماحبيت ابد مثلـك
أنه الگلبه عايشلـك
كلمة من الصغر گتلك
حبيبي حبيبي
طاريك يمر ويحلي الأحساس
يانسمة هوى من اتضيگ الانفاس
حسين شگد چبير انقيسك شلون
اذا يمك ايدنـگ چـان عـباس
هـيـبه وترهب القـاده
عيـونك خرزت الساده
——-
أنه البالهوى ايشمك
اليوگف لو سمع بااسمك
وقت الحرب ويرسمك
حبيبي حبيبي
يــبـو الاكبر يالمكبـرنـي ويـاك
بصوت امي اذا اتمرض الگـاك
يامـيـت هلا ولـلـناس مبروك
ميـلادك فرح والعيـد ملـگـاك
گـاع وسـمـه فـرحـانـه
صار حسين مـولانـه
——-
صحره الدنيا من دونك
يهنيـال اليــحـبونــك
صـلاة العافيـة عيونك
حبيبي حبيبي
اتخبل بالصور رغم انت عطشان
ياشـيـخ المـحنـه وصدره ديـوان
حتـى الماله احد كون ينـخاك
أكراماً لبوفـاضـل تفزع اخوان
انـتـه الـيكرم اضـيـوفـه
والـمـا تبـخل اچفـوفـه
——-
يهنيـال اليجي ابابك
فدوه النسمه لترابك
اليله فرحت احبابك
حبيبي حبيبي
شبـاچك نهـر يـامـاي عالـمـاي
بصـيارك فـرشـنه العمر مـولاي
دمنـه اليمشي بالشريان مرات
يتمنـى الضريحك يمشي مشاي
شلون ايخلص اسـنـيـنه
الـمـا ناذرهـا لحـسـيـنـه
#الشاعر حيدر العماري
@HxzEU1
#قناه_نشر_القصائد_المنبريه
أحبه وكون امد متني وعينه
بطفولتنه وعله حروفه وعينه
عيون الناس مو حلوه وعينه
حلوه ولو يغمض هيه هيه
—-
أختصر كل الدرب لـ الله وريده
أفوت ابـيـر ومـأمـن وريده
أعـوف الناس والدنيا وريده
غير حسين محد عاش بيه
—-
يذكرونه واگول (الله) ورسمه
الشغلني بموقفه وحبه ورسمه
بغربه الوحدي ابچي ورسمه
واحس امي تجي تسير عليه
#الشاعر حيدر العماري
@HxzEU1
#قناه_نشر_القصائد_المنبريه