ياشهر عاشور يالكلك حزن
يظل بوالسجاد وحده ياوسف
وقف حاير يمه طايح الابن
ياكبر همه العجز الوصف
كلها خوته والاهل دمها فدن
ولن ينظر للنهر، لونه انخطف
ناح قلبه بالالم يا بالحسن
شاف عباس الوفي وقلبه ألتهف
نادى خويه انته ركني بهالمحن
قوم بالله ترى حزني مانشف
هلت ادموعه أسى ،عيونه عمن
ابن فاطم والنبي ساس الشرف
كافي ابنه بحجره ياويلي انغبن
ذبح نحره السهم وبچفه نزف
وشال دمه وطشه لجنة عدن
الدنيا كلها من الالم بس ترتجف
ومنشغل فكره بخيته من تأن
بروحه يحرسه بالباري حلف
ومن يطيح الطاغي اعليهم لفن
للخيام ايروح وارض الله يخسف
بعد ما شب الخيم، حوره سبن
قلها شوفي فعلي هذا يختلف
يظل خالد هالفعل في كل زمن
صعد صدر حسين ،بنعاله وقف
يهبر المنحر وراسه من خذن
كون الله ارتعد ،هز النجف
ابوزهراء الاحسائي
١٤٤٢هـ
عتمه دنيانه من جانه الوباء
ونورت هسه بساعة جيتك
هلا بمهدينا خاتم الاتقياء
الليله فرحانه ،فيها ولادتك
نريد نحيها وتشهدها السماء
مثل شعبان المضى بمحبتك
ونصيح يامهدي يا أجمل نداء
ويزهر المحفل كله برايتــك
بمك الزهره تكشف هالبلاء
تطلبك هذا الطلب كل شيعتك
راجِيك مولاي يالكلك وفاء
تغمر الوالاك بس بدعوتك
فرج الغُمه ياكف العطاء
كن اللهُم الشيعه نادتك
ياأمام النور لك منا الولاء
عاجز الماعرف معنى ولايتك
1441/8/15 هـ
ابوزهراء الاحسائي
حال السيده زينب عليها السلام
المصيبه لي خليـــــل
من وگع خويه الكفيل
بس يسليني البچي...و الشمر بِيه يحدي
قلبي ذايب بهالمصايب
****************************
خواني كلها فوگ الرمال افجعونــــي
ابگى وحدي بحرگ الخيام يشتمونــي
ابچي بونين واعلى المتون يضربونــي
وينه عباس الغيره وحساس مارعونــي
قلبي ذايب بهالمصايب****
خويه ترضا حالي فجعه مالي كفال
گلبي ذايب بها النوايب ياهي اهــــوال
امشي حسره خويه انظره ودمعي همال
يمنا راسه فوگ السنان مصعب الحـــال
قلبي ذايب بهالمصايب****
خويه ترضايمي بنته تصيح ابويه وينه عمه؟
مدري شگول وآنا شفته نزف دمه
وشعب گلبي صوت خافت وآنا اضمـــه
ولنها امي اتنوح بهداي ولدي يمه
قلبي ذايب بهالمصايب ***
اختي حوره بالله صبري بهذا المصاب
والله صعبه هوايه صعبه حزني ماطاب
بگلبي فاطم بيوم غاشم يرفس الباب
آنا مگدر لهذا الوداع يبن الطيباب
قلبي ذايب بهالمصايب******
شلون بنسى كل هالاحوال گلي يحسين
كافلي طاح يم الفرات بلاي چفيـــــين
واگفه اعلى التله بالآه وهمل العيـــــن
والشمر شفته اعلى صدرك حز الوتين
قلبي ذايب بهالمصايب
**
ابوزهراء الاحسائي
شتسوه دنيانا بلا ذكر الحسيـن
غير هم وضيم وضيعت سنيـن
فخر خدامه وعبيده وعاشقيـن
نظل نهوا بوعلي وبيــه مُؤمنِين
ربنـا أكرمنا بولاء
كعبه ألنا بكربلاء
سبعه وميه نطــوف
أبد ماننسى الطفوف
ابوزهراء الاحسائي
١٠/ ١ / ١٤٤١ هـ
🌑🌑🌑
اداء وكلمات :ابوزهراء الاحسائي
الهندسه الصوتيه والمونتاج :ابراهيم السعدوني.
(خليفة الله ورسوله)
الماقبل حكم الوصي مايشوفـــــــه
غير رابع بالخلافه وفضله جاحــــــد
والعـرف قــــدره لموتـه مايعوفــــه
دوم شاكر عالولايه وربه حامـــــــــد
وينكر الضــــد الولي بكل وصوفـــه
الله ابعزه وجلاله وصفه ماجــــــــد.
علي ابقبــــر المحب يامن له خوفـه
ذكره اعبــــاده ورد بكل صحف وارد
ضيوف الباري تعني هِي ضيوفــــــه
والعدو من هاي يلهث وبعده حاسد
بكعبــــــــة الله انولد والأمه تطوفــه
أسد ربنا وكف رسوله صيته خالـــــد
من نام بفراش النبي بنفسه العطوفه ؟
يشهد الله بنخوته وبمجده شاهـــــد
هذا بوالغيره الكفو ان غارت سيوفـه
ينفي اجيوش ابفقاره وكل حاقـــــــد
ارض خم تشهـــــــــد وتفخر ابوقوفه
وتشهد بكف النبي من شال ساعـــــد
علـي چف الطهــر يامطهــر چفوفــه
شالها المصطفى وبحيدرنا واعـــــــد
ابوزهراء الاحسائي
الثلاثاء
١٩ / ١٢ / ١٤٤٠ هـ
الله ساتــر عالخلايق اوجُملة الناس
من تحزم اوهز سيفـه البطل عباس
جان تُذكر عالوطيه جانت اخسـاس
من فاض غيره الشهم بنفسه الزكيه
#ابوزهراء
(تجارب)
شارب أنا بمر حياتي امرّ فنجــــال
ماقسى قلبي ولكن صرت صقــــار
شفت بعيون النوايب شكثر عـذال
وصيح الله يامحمد وعلي الكـــرار
العضد شده بخوه تمطر أفعــــال
شلك بالخوه المتثمر حتى شخبار
الخوه معناها بوفاضل علم مامال
فدا كفينه ولا همه وداس لشـــرار
العضيد اللي يودك بكل الاحــوال
الظنون اللي تمــره يطقها بعــذار
اشتـــر المنهو بروحه صاير اظـلال
ترى بهالدنيا قليله الناس الاخيــار
اتبع الوافي ابحياتك زين الاعمـال
وتبع اركان المناقب صوب الاحرار
ترى مو كل المواقف تبين ارجــال
اعرفها وبداً لا تأمن خاف الاقـدار
لكل فارس كبوته لو عمره خيـــال
وبخ ايامك توعى الفـــــــلك دوار
مهما مخفيه الحقايق والزمن طال
تنكشف كل المكايد ولله انصـــــار
اترك اللي دوم فعله شين الخصـال
التجارب فيها خبره تقنص اســـرار
الطيب لو بيدك بخسته طبعه زوال
ماهو مثل الردى يبقى بدربك امرار
ارتدي ثوب المعزه اليلثم انـــــذال
وحشم العزك مثل حشمة الجـــــار
لاتبرهن من سوالف قيل او قـــــال
اجعل بشخصك مبادئ تروي انهــار
لاتغرك بالمظاهر احلى الاشكـــــال
واجب بحكمك تريث بقصى الانظار
استحاله الحال يثبت على كل حـال
النهايه ابكل نهايه الجنــــــــه او نار
ابوزهراء الاحسائي
١٢/ ٧ / ١٤٤٠هـ
الثلاثاء
أعظَمَ اللهُ اُجورَنا بِمُصابِنا بِالحُسَينِ (عليه السلام) وَجَعَلَنا وَإياكُم مِن الطَّالِبينَ بِثأرِهِ مَعَ وَليِّهِ الإمام المَهديّ مِن آلِ مُحَمَّدٍ (عليهم السلام) .
Читать полностью…
(زينب عليها السلام ومقتل العباس عليه السلام)
اريد الخوه ياخويه ولا ريد المــــــــاي
بعد حيدر ابويه انته وضيا دنيــــــــاي
➖➖➖➖➖➖➖➖➖➖➖
انجمر قلبي انفطر ويلات بفقد عباس
رحل خويه لحرس ظلي ابو النومــاس
بوجوده الطاغي مافكر يجر انفـــــاس
وهسه آه اظل وحدي بلا حمـــــــــاي
➖➖➖➖➖➖➖➖➖➖➖
هضيمه وضيم ياشيعه فقد لحبـــاب
وسافه نور قمر هاشم علينه غــــــاب
اظل انخي بخويه قوم فلا بجــــــواب
أسلي روحي هسه ايقوم يرد اعــداي
➖➖➖➖➖➖➖➖➖➖➖
يويلي حيف وقع مفضوخ منه الهــــام
واظن المعنى من يوقع اروح الشـــــام
سبيــه منفطُر قلبي بألم منضــــــــــام
اصد لمن ونوح لمن وبث شكـــــــواي
➖➖➖➖➖➖➖➖➖➖➖
نحت يحسين اخيتك آه تموت اليــــوم
دليلي ذاب يضي عيني شكثر مهمــــوم
دعيت الله مشوف الشفته يامظلــــــوم
صور چفين وسهم بالعين تذوب احشاي
➖➖➖➖➖➖➖➖➖➖➖
عقب عزي بلا خوه و سبيــــــــــه اروح
اظل انصب عزا ليكم يذبحه النـــــــوح
ترى قلبي انلچم اهواي بثر الجــــــروح
تظل سلوى وبعد نوحي يظل سلــــواي
➖➖➖➖➖➖➖➖➖➖➖
ابوزهراء الاحسائي
١٤٤٠هـ
بمناسة عيد الغدير الأغر
(درع الرسول)
الله يشهد له بإخاء للرســـــــول
فده نفسه ابمحبه وكل ســــرور
ونعم منه و زود نبراس الفحـول
درع واقي عالبغي وكل الشــرور
حقه اعطاه النبي بنته البتــــول
كفو يستاهل صهر. نور اعلى نور
تشرفت آيات ربنــــــا بالنــــزول
حقها والله.ذكره ايداوي الصدور
اسمه لامع عالبريه ما يــــــــزول
وسيفه ارعب بالمعارك كل جـور
خمد الطُغيان كلها وكل جهــــول
فتك مرحب ونهتك له كل ســـور
الكل يشهد له بضربته من يصول
يدق اخشوم ويدق راس الغــــرور
يرجف القاع ويزلزل كل غـــــــول
أسد صياد الفوارس والنمــــــــور
الحرب بيده اليريده بس ينــــول
لا حضر حيدر يتلاشه الحضـــــور
تصيب عقلك كل صفاته بالذهول
حكمه اوحنكه عجايب للعصــــور
كل شي تقرأ بحيدره اقسم مهــول
هوه نص الله بحديثه والزبــــــــور
علي عدل الله واعدل كل عـــدول
يحب الفُقره وما مثله جســــــــور
والنكر حق الوصي حتماً عـــــذول
مايهـــــــم راوي التوافه. راوي زور
لو بخس فضله أبد لا ما يطـــــول
الحبارى ما يواجه له نســــــــــــور
الغايته التشويه امن الله امخــذول
منعرف همه. بس جمع الأجــــــور
قول ياناصب علينا شما تقـــــــول
الوعد ياعاذلي بيوم الظهـــــــــــور
النصر صافي متعيقه السيـــــــــول
نسكن الجنه ونملكها القصــــــــور
ابوزهراء الاحسائي
١٤٣٩/١٢/١٧هـ
يوم الثلاثاء
شتقول السيده زينب لبوها
امير المؤمنين علي :
بويه امي من شفتها الدمع يجــــــــري
ذاب قلبي اعلى الحنونه وحرق صدري
انفطر قلبي عليها و زاد قهـــــــــــــري
الضلع ساعة عصرته طق سمعــــــــته
حال امي
ذبح قلبي... ذبح قلبي
ماجورين💔
ابوزهراء الاحسائي
⚫️⚫️
لشهادة فاطمة الزهراء عليها السلام
من کلمات الشاعر ابو زهراء الاحسائي
بصوت الرادود الحُسيني🎙
ابراهیم السعدوني 🔉🔊
تم التسجل فی استودیو 🎛🎚
الأمام الهادي علیه السلام
⚫️⚫️⚫️
https://www.youtube.com/watch?v=r8yDBL8Chn8&feature=youtu.be
Читать полностью…
يايتمنا اليوم بجروح وقهر
نبچي الوالي ونبچي حالته
صكه طاغي ابن طاغي بالحجر
سال دمه الطهر صكو جبهته
مسح دمه ابصايته حسين وصبر
هاي امه ابلا شرف كم عادته
نظر لخيامه من دمه انهمر
سمع زينب يبن ابويه نادته
هل دمعه وبالدمع اه انغمر
بچت خيته بالحزن من شافته
امر بن وقاص بسهامه أمر
يبايع المعلون قومه رادته
وقع سهم البغي ابنص الصدر
وقع من مهرها وشال عمامته
سل سيفه ورتعد منه عمر
سوه بيهم مجزره من صولاته
من العطش مولانا قلبه انجمر
لتفت الفرسان ويلي و حاطته
وقع عالرمضى وحمر النهر
لفه بن جوشن قبضها شيبته
وطى صدره وهبره من النحر
يتفاخر وفرحان هوه بذبحته
ابوزهراء الاحسائي
١٤٤٢هـ
(على احر من الجمر)
على احر من الجمر ننطر ظهـــورك
وعد ابرايتك نبقى شيعه وجنـــــود
ونرفع الرايه الحسينيه بحضــــورك
وانته قائدنا المقدس يا ابوالجــــود
اشــــر اوتلقانه بلوائك صـــــقــورك
مثل عمك نفدي دمنا هامه وزنــود
الجنه مانعبر يمهدي الأ بعبــــــورك
مانحس بيها يوالي الا انته موجـــود
كل فرحنا يحيى بسمك وبشعــــورك
فرحه مايوصفها شاعر ولاحتى رادود
يمتى تضوي بطلتك اويضوى نـورك
وترعب الظالم ابسيف الله الموعـود
دقوم انهض، واحنا ابمرك وشــــورك
والعزم نستمد منك ياعضد مشـدود
انريد نتفاخر مهابه ابعــــــدل دورك
وندق اخشوم الطواغي وكل نمـــرود
ويخزا بفعاله، ونقله شفــــاد جورك؟
بصفك ،يبقى بس الوالاك مسعــــود
مايسرَ ،قلب المحب الأ بســـــرورك
رحمة الله تكون انته وخيـــــر ممدود
هذا عصـرك يالعصور الله عصــــروك
ياوعد ربنا ابقرآنه المشهـــــــــــــــود
سيدي بحماك جينـه بكتر ســــــورك
مانبايع الأ جفك نذر معهـــــــــــــود
١١/ ٨ / ١٤٤٠ هـ
ابوزهراء الاحسائي
السلامُ على حليف السجدة الطويلة
والمُناجات الكثيرة والدموع الغزيرة
السلام على من سمع أضلاع أبيه تتكسر وهو بالخيمة
مأجورين 🏴
ياشهر الحزن
ياشهـــــــــــر مفطور يالكلك ألـم
ياشهـــــــــــر لحزان يالكلك جِراح
بيــــــــــــك مولانا وسف لا ماسلم
بقى عالرمضه تذريه الريــــــــــاح
وصوب الفْرات طايح بوالشيـــــم
يمه زينب ويلي مكسورة جنـــــاح
تقله خويه احسين صدره منهشـم
جدم بن جوشن وطت خير الفـلاح
اشقى خلق الله ركن الله هـــــــدم
لن خِيام احسين ضجو بالصيــــاح
سمعــــو الآمر يقل سحقو الجسـم
شالو راسه صار طُعمه للرمـــــــاح
تقله دنهض ابن ابويـــــه للحـــــرم
مفجعه بالصار ابضجه ونيـــــــــاح
نخاف تلفــــي عليها بسياط الزلم
تدري ثُله مجرمه وبيه سِفـــــــــاح
وظن تروينه ابحرِق هاي الخيـــــم
دام دم الأبريــــه عدهـــــا مُبــــاح
بايعـــــــــه الأيمان، مشريت ذمــم
تابعــــــــــه لطُغيان متريد الصلاح
ابوزهراء الأحسائي
٢/ ١ / ١٤٤١ هـ
كرار الطف
وقف عباس الشهم وقفت صمود
والمخاطـــــر يوم جاهـا هابتـــــه
من قدم ، صاحو حي عالشــــرود
الخيل جفلت من شافت خزرتـــه
رتجز فارسنا الوفي ولاح الزنــــود
حلــف يفديهـا هيّـه وهامتـــــــه
من نزل عالجيش ارعدها رعــود
صولت الكرار حيدر ، صولتــــــه
بسيفه هدهدها عن خيه يـــذود
من عزومه القـوم حيدر حسبتــه
هجم وحده، همتـــه همة أسـود
ومن خيام احسين زينب حيتـــه
نَعم منــــــك والنعم خويه وزود
ابن ابويه ينعرف من ضربتـــــــه
صاح بيها وداس ابجدمه الحشود
ارعب العدوان، تذعـــر صيحتـه
نشغلت الفرسان من هدو ،يبـــود
أفنــه كل الميمنــه من جولتـــــه
هل من المُمكن بن طالب يعــود؟
ارجف العسكر، تذهل هيبتــــــه
قلها ابنـــــه ياجهل ياهل الجحـود
ابن حيـــــــــدر يالنكرتو ولايتـــــه
وهسه جيتو يا خسايست الوجود
تحاربون الوالي تردو ذبحتـــــــــه
حذر مني للي يتعدا الحـــــــــدود
روحي فدوه ودمي فدوه لشيبتـه
جنـــة الله حســــين جنة الخلــود
واليحب المصطفى يحب عترتــه
ابوزهراء الاحسائي
١٤٤١ هـ
خدمـــة احسين تمليها النفوس
عامره اتكون لو وقتــــك ضروس
خدمـة احسين من اعظم دروس
تظل للموت ناصرها الحســـــين
ابوزهراء الاحسائي
نخوه لذكرى استشهاد الامام الباقر عليه السلام
نخــوه يالباقـــر زيــاره للحســـين
وتشفي مرضانه ومرضه المؤمنين
نخـــــوه مولانا تسهل كل عسيـــر
بحق ضلع اللي انعصر وقدا كسير
ياوصــــــي الله ومن الله مُجيـــــر
لاذ بحماك المحب وانته مُعيـــــن
نخوه لمن جنت بيام الطفــــــوف
وحول جدك تبجي وبجثته تطوف
ساع يمه وساع يم ذيج الكفــــوف
وحولك اسياط البغي هالمُجرميـن
نخوه بالمذبوح يوماً تحضــــــــره
نحر دامي والضلوع امكســــــــره
بعمتك الحوره التعاين منظــــــره
تبجي اخوها وسفه دامي الجبيـن
نخــــوه بالسجـــاد اوحاله بكربلـه
تحل كل مُشكل تحل كل مُعضلــه
وتـــرد كل غايـــب لحبابــه وهلــه
يالمُصيبتكــم تواســي الفاقديــن
نخـوه بالمهـــدي وأمك فاطمـــــه
تنصـــر المظلوم من كل غاشمــــه
وتظل الشيعــــه بحُبك سالمـــــــه
أنتـــــــــه سيدها ومن رباها أميـن
ابوزهراء الاحسائي
٦ /١٢ / ١٤٤٠هـ
(اخلاق)
صن صفاتك بالخُلُق،تجني الثقافه
الشده والقسوه نهايتها تعاســــــه
اجعل ابصبرك حلم حُب ولطافــه
وبحديثك ارتجل لِيِن السياســــــه
لاتقث ولا تــــــذم حد بوصافـــــه
تخسر العزك وحطك فوق راســــه
بالنهايــــه ناتجــك( آه يا حسافـه)
انتغي الكلمه قبل، دقه وفراســــه
جمل احروفك قيم بحلى الطُرافــه
مجلسك خله حسن دوم ابوناســـه
الندم ماينفعك يوم الوسافــــــــــه
اطلم الهرج الردي أن فكر خساسه
حجب اهروجك كرم حَدّ العفافــــه
الطيب يثمر بالوفي ايبان انعكاســه
ترى كمن من رحل صاحبه و عافـه
احذر وتنطق حرف يجرح له ناســه
خاف الله وجعل بقولك مخافـــــــه
الطيب لوماثمر ماينقص اساســـــه
بخُلُق طه يشهد الله بخُلُق شافـــــه
بكرم أخلاق وتواضع الله قاســــــــه
ابوزهراء الأحسائي
١٤٤٠/٧/٢٧هـ
(همك)
سولف لي الزمن عن كل شــدد
وعلمني شكثر تبدو الهمــــــــم
لا صار الصبر عندك سنــــــــــد
وحامد الله وشاكره بزود النِعـــم
مهما تشتد ريح لابد تستغـــــــر
فوق خلك فوق عالي بالقمـــــم
لايهمك ضيج لاتهمك همــــــوم
ربك يفرج و مُحي كل عــــــــدم
امتطي الشده ابحزم شد العنـان
محلى درعك منترس نبل وسهـم
من يجي صوبك قله انته شتريد؟
وجعل الضحكه بشفاهك ترتسم
اضحك اعليه لو ضاغط عليــــك
خله يخجل من أجى ويندم نـدم
عّرفا الأيمـــــــان بالله منهجــــك
الله كاشف كل غم اوكل هــــــــم
أرح بالك بالذكـــــر ودعـي الأله
أدب اهمومك على ساق اوقـــدم
شيمتك خلها بصبـــرك لاتضيـج
اظهر الفرحه لو حزنك زهــــــــم
الكفو هذي صفاته تنعــــــــــرف
مايهمه ولا يهم حجم الخصـــــم
مايذله حال متذله الصعــــــــاب
يلثم أحواله ويجسمها جســـــــم
طشره همك خله يذري كالرمــاد
أبذر أيامك مبادئ ارويها قيــــــم
مثل شبل الاسد ابنص الشــــداد
نزل بالموزمه وبذمته قســـــــــم
داس عسره وضحه هوه بالجفوف
همه يوصل بس لذيج الخيـــــــم
اجعل الحكمه بضيجك، تستريـح
بهاي مربط الفرس وخذ الحكــــم
رغم هـــــم الوفي بس دار الحرُب
رمى أيام المأسي وعلمها شيـــــم
ابوزهراء الاحسائي
يوم الجمعه ١٢/ ٥ / ١٤٤٠هـ
في حق العباس ع
كفو الارعب روس القوم ومنه هيّه شارده
هز القاع ابصمصامه وطشرهم ابساعـده
وراهم حيدره بجفه وبطولاته الخالـــــده
بالقاع الوادم سواها
ابوزهراء الاحسائي
السيده زينب عليها السلام وهي تخاطب
كربلاء يوم عاشوراء
فقد عباسي لچمني الكفل خدري
كربله ياكربله شالمصايب والبله
➖➖➖➖➖➖➖➖➖➖➖
كربله كافي اخذتي شللي ترديـــــن
طلبه بالله خلي يمي خويه لحسين
لا تخليني اروحن بلا ضي العيـــــن
يذبحه قلبي ونينـــــــه بهذي مرات
رجوه خلي خويه ليه يداري صبري
فقد عباسي لچمني الكفل خــدري
كربله ياكربله شالمصايب والبله
➖➖➖➖➖➖➖➖➖➖➖
كربله انتي ذبحتي عزي ومنــــــــاي
شكثر جاريت المصايب شكثر بلاوي
خلي ليه احسين خويه هذا رجــٰواي
لا تخلينـــــــي ابقلبي احمل آهـات
انا من بعده يتيمه شكثر قهـــــــري
فقد عباسي لچمني الكفل خـــدري
كربله ياكربله شالمصايب والبله
➖➖➖➖➖➖➖➖➖➖➖
لا تقولي ما تعرفي خدر لحــــــــــرار
بويه حماي الحميه وحامي الجـــــار
نظري حالي ورحميني كافي الصــــار
مني خذتي ظلال خدري وافي الذات
فدوه انا لخويه فدوه اخذي نحري
فقد عباسي لچمني الكفل خــدري
كربله ياكربله ... شالمصايب والبله
➖➖➖➖➖➖➖➖➖➖➖
كربله شوفي بالله لجــــــانه كافـــــي
بلا ولي نمشي سبايه ابهالفيـــــافــي
لا وقع خويه. ابن خويه يمشي حافـي
العاده لينه الموت عاده مو سبيـــات
لا وقع خويه اموتن طول دهــــــــري
فقد عباسي لچمني الكفل خـــــدري
كربله ياكربله شالمصايب والبله
➖➖➖➖➖➖➖➖➖➖➖
وحشه درب الضيم وحشه بلا عزوتي
وينه الگلي احرسچ ابكل مروتــــــــي
انا فدوه لچ يخيتي لحد موتــــــــــي
ارحمي وني اموتن بهمي مـــــــــرات
يظل دمعي ابكل حياتي بآه يجــــري
فقد عباسي لچمني الكفل خـــــدري
كربله ياكربله شالمصايب والبله
➖➖➖➖➖➖➖➖➖➖➖
ابوزهراء الاحسائي
١٤٤٠/١/١هـ
الثلاثاء
الجُمعه محزونه بغيابك
دايم اتصلي اعله بابــك
تسجد وتدعي تجي
الك دايم ترتجـــــي
لجيتك هيّه تحـــن
كل جُمعها بس تون
عجل الله فرجــــــــــك
ابوزهراء الاحسائي
جمعه مباركه عليكم 🍀
(لولادة السيده زينب روحي فداها)
زينب جفن حيدره صارن لها ستـــــــــار
ام الخدر الكلها عفه الشرفت الخـــــــدار
هاي بت الشرف والناموس يشهد الجبار
عفة حيدر انسميهــــه
""""""""""""""""""""""""""""""""""""""
بذرة حيدر علي الكرار التزهر ايمــــــــان
منها تفوح عفه بت خيرت النســــــــــوان
تبذر شرف وينبت احجاب ابمنطق القران
اية ربنا تزهـــــــر بيهه
""""""""""""""""""""""""""""""""""""""
بيها الشرف متشرف اهوايه ممنـــــــــــون
شايلته نبع الطهر فوگ الصون مصيـــــــون
بت حيدرالله و بت فاطمه الجنة الله اتكون
هيبة الله تزهي اعليهه
""""""""""""""""""""""""""""""""""""""
تعجب صبر ايوب منها و شمر ايديــــــــــه
شكر الله اعله حاله وهان امصابه اعليـــــه
ياربي شافي جرحها و بالثار داويــــــــــــه
بطلعت المهدي داويهه
ابوزهراء الاحسائي
1439 .5 .4
متباركين
اصدار جدید ⚫️⚫️
لشهادة الامام الرضا عليه السلام
من کلمات الشاعر ابو زهراء الاحسائي✏️
بصوت الرادود 🎙
ابراهیم السعدوني 🔉🔊
تم التسجل فی استودیو 🎛🎚
الامام الهادي علیه السلام
⚫️⚫️⚫️
