412
قصائد حسينيه منبريه
٦٦
عبد الله الرضيع
ه ه ه
المستهل
شلتك تسع تشهر صبر تاليهه تحضن للكبر
تنذبح ياسلواي يبني عله شربة ماي
تاليهه تحضن للكبر
ه ه ه ه ه
يعبد الله وبعدني ومامفاركتك
وماصدك ييمه بهاي سالفتك
عله شربة ماي رحت ولسه ناطرتك
تاليهه المنيه اشلون جايبتك
رديت يبني منذبح *** وركبتك ماتحمل جرح
خليتني بلا راي يبني عله شربة ماي
تاليهه تحضن للكبر
ه ه ه ه ه ه
آنه احلم تناغيني ييمه بصوت
وهز كاروك ماريدن اهز تابوت
نحرك مو سهم يرهم عليه ياقوت
وما صدك الورده بالكبور تفوت
يمضيف بنحرك سهم محروكه تبجيك الخيم
ياحيرتي وبلواي يبني عله شربة ماي
تاليهه تحضن للكبر
ه ه ه ه ه
يعبد الله السهم كلسا يصوبني
وافزبالليل انادي اشلون اريد ابني
عله كاركوكك الحركوه لا تعاتبني
واليضربني اكله بقسوه يضربني
انضر الراسك عالرمح نايم يبو شعر السرح
يوليدي اريد ارباي *** يبني عله شربة ماي
تاليهه تحضن للكبر
ه ه ه ه ه ه
رحت عني وخذت يوليدي احلامي
وبكت عكبك يتيمه وماتت ايامي
عله الحومه رحت تتعثر جدامي
وين الكاك جبت الماي يالظامي
بين الجثث ماتنعرف يزغير وجسمك ترف
وين اكصد بممشاي يبني عله شربة ماي
تاليهه نحضن للكبر
ه ه ه ه ه
يبخت الكبر يمه بعطر انفاسك
ويابخت التراب اللي حضن راسك
السهم حار وبرد يوليدي من جاسك
وانه اشتم حرك مااشتم انفاسك
يلعمرك بلايه عدد عفت امك بلايه ولد
عطشانه ابقه هواي يبني عله شربة ماي
تاليهه تحضن للكبر
ابو احمد الهنداوي
٦٥
گعديه وداع ليلة العاشر
زينب عليها السلام
ه ه ه
هايليل الاحزان ريض عليه
عندي لوعات هواي بالغاضريه
خل اودع الخوان
هايليل الاحزان
ريض عليه
ه ه ه ه
طول ياليل الموادع
وريض عليه وتهون
وانته تدري ابفجر باجر
بيه ساعاته شيسون
وهاي خيماتي برگبتك
لو رحت ياليل يدون
باجر يليل اشكد صعب
باجر سبي وعدنه حرب
وريح المصايب من تهب
اجبال عدي هوايه يهون
طول ياليل هواي خليني يمك
ماتشوف الدمعات يجريهه نجمك
والكمر شو زعلان
هايليل الاحزان
ريض عليه
ه ه ه ه ه
طول ياليل الموادع
ماتشوف دموعي تجري
وين اروح اوين امشي
حايره هواي انه بمري
لو رحت لحسين ادري
گلبه مايحتمل ادري
باجر عله حسين انكسر
من يگطع النحره الشمر
ومن ينسحگ منه الصدر
وينذبح وياه عمري
هايليل انت تشوف حال ابو اليمه
كلهه باجر ياليل تنكتل يمه
تروح كل الشبان
هايليل الاحزان
ريض علينه
ه ه ه ه ه
هايليل اشحال فجرك
لو يودع گمر باجر
من عكب كفال خدري
ماتضل عدي نواضر
اشلون باجر لو اودعه
عالنهر وبعمري اخاطر
روحين انه ويا سوه
وبضلمتك هوه الضوه
لو للنهر باجر نوه
كلشي من عدي يغادر
لو يروح العباس امشي سبيه
ومن عكب جفه ايصير كيد اباديه
وادخل اشجم ديوان
هايليل الاحزان
ريض عليه
ه ه ه ه
طول ياليل عله بختك
شوف جم ام وابنهه
ليله للاكبر تحضنه
وهوه بالمدمع يضمهه
ورمله وي جاسم تسولف
عن فرحهه وعن حلمهه
وهاي الرباب ابكل حزن
تحضن العبد الله حضن
ماغمض من عده الجفن
والسهم باچر سهمهه
وسكنه كعدت ياليل هيه ورقيه
ولحميده بدمعات نادن يخيه
ليش عودچ ذبلان
هايليل الاحزان
ريض عليه
ه ه ه ه ه
والله ياليل المصيبه
جروحي مااگدر اعدهن
وباچر مصايب جبيره
تعتنيني ومن يردهن
وذيچ خيل العده اگبالي
اتكربت لينه اصدهن
ياليل باجر ننولي
بس ما ضلامك ينجلي
ماتضل من هذي هلي
ونخيل عدواني تطرهن
ابقه ياليل ارجوك خلني ويه اخوتي
وخاف باچر ياليل ينسمع صوتي
وتنسبي هالنسوان
هايليل الاحزان
ريض عليه
ه ه ه ه ه
المصيبه
خلص ليل الغاضريه واجت ضهرية العاشر
سهام ورماح وعساكر
وخيل وسيوف وحوافر
ومابگه يم العقيله
جثث محزوزه النواحر
احا يعملة كربله
اشسويتي باطهر عايله
مابين شمر وحرمله
زينب الحره العقيله تنسبي بين العساكر
ابو احمد الهنداوي
٦٣
گعده عبد الله الرضيع
ه ه ه
عبد الله نور عيوني ياعبد الله
يوليدي عكبك هالعمر شيحمله
يازهرة ايامي ذبحوك يالظامي
يوليدي عكبك هالعمر شيحمله
ه ه ه
ياوليدي العمر عكبك تصعب أيامه عليه
وريت ياعبد الله كبلك آنه اروحن للمنيه
اشلون يمه يطيب جرحك وناره كلسا توج بيه
عكبك فلا يسوه العمر
والليل ظل بلا فجر
والفجر بهمومه يمر
ايفزز احزان المسيه
شلي ابحياتي ياوليدي بعدك
والكلب من يوم الرحت ظل عدك
بلا نحر جدامي ذبحوك يالظامي
يوليدي عكبك هالعمر شيحمله
ه ه ه
ياعزيز امك وامك عكبك اتعيش بحزنهه
انه ماانساك يبني العين ماتنسه الجفنهه
الروح يوليدي غريبه وامك الاضلم سجنهه
يوليدي ياشمامتي
وحدي عفتني بحيرتي
وشتفيد عكبك دنيتي
لو رحت يلغالي عنهه
اكبالي اشوفك تضحك وماشوفك
وبجفوفي احضنك واصحه لنهه طيوفك
وختنك بحلامي ذبحوك يالظامي
يوليدي عكبك هالعمر شيحمله
ه ه ه
يعبد الله ولسه عمرك بعده ماتمم أيامه
ولسه يوليدي لسانك مانطق يمه ابكلامه
ولسه جفينك ييمه يرفرفن جنك حمامه
ياغصن بعده مرتفع
وباول أيامه انكطع
للكوم سنه ماشفع
وبالبدايه اصبح ختامه
سهم الذبح نحرك ذبح دلالي
وكل يوم اموت وياك يبني الغالي
وماتهجع الامي ذبحوك يالظامي
يوليدي عكبك هلعمر شيحمله
ه ه ه
سهمك الصوبك يبني أطول من سنين عمرك
ياعطر زهرة الجوري هسه عطر الكبر عطرك
هذا حضني الجان بيتك اقبل انه يصير كبرك
ريت بدليلي تندفن
ياعيني وصبحلك جفن
حته اسمعك من تون
ومسح الدم عله نحرك
ايامي عكبك لبست اثياب السود
وكلبي يظل يتنطرك يمته تعود
شو طالت ايامي ذبحوك يلظامي
يوليدي عكبك هالعمر شيحمله
ه ه ه
للكبر رايح ابسرعه اشويه يايمه تمهل
اكماطك وكاروكك امسن ذكريات اشلون اقبل
وثغرك العطشان يبني من دمه نحرك تبلل
يلرحت عني للابد وكلسا اهز ذاك المهد
ماكو دلولك بعد ونومك امجانه تبدل
هنيالك انت فوك صدر المظلوم
وانه الجفاني خلافك وماضل نوم
وبنبلة الرامي ذبحوك يالظامي
يوليدي عكبك هالعمر شيحمله
ه ه ه
المصيبه
عكب عينك يعبدالله شيبكه عندي ياحبيبي
وياسنين العمر روحي وياشمس امالي غيبي
عليك يوليدي يغالي ابد مايبطل نحيبي
ياعيني سيلي للدمع
وياوني ابد لاتنكطع
ومايهده كلبي المنفجع
عكب عبدالله حبيبي العمر ماتسوه ايامه
ابو احمد الهندداوي
/channel/aboahmed1956
الليله العاشره
عبد الله الرضيع والوداع
٦٠
ه ه ه
نزلة علي الاكبر
ماخاف من عدهم. بالحرب سيدهم
هذا على الأكبر برز. جنه البطل حيدر
ه ه ه
من مثله طب المعركه جنه كمر زاهي
لامو زغير عله الحرب هذا الولد راهي
بذاكه جماله وطلعته من حكه متباهي
من كثر حسنه وهيبتنه حته الحجي فاهي
متوسط الحومه. وترفرف هدومه
جنه الأمير بطلعته ومن حكه يتبختر
ه ه ه
طلعة كمر لمن طلع للحومه متبسم
وسجدة شكر لله سجد وعالمصطفه يسلم
وجن َمو فته وتوه يطب للحرب متعلم
شد راسه بعمامة على وبالرايه متحزم
جنه رسول الله. حيدر علي وصله
من هيبته ومن صولته محتار هالعسكر
ه ه ه
من طب عليهم وابتسم مستصغر الحومه
سيف وكعد صله الفجر واركابهم نوَمه
سبعين الف بيهم يلف هدم المنظومه
وبكر بن غانم من برز يبلع ابلعومه
بضربه وفلاثنه. وكص راسه وتعنه
يم والده ذبه بفخر. ومن عده يتعذر
ه ه ه
شد مهرته وليهم رجع وتزاحمو ضده
خزرة علي بيهم خزر واخذتهم الشرده
مو حرب هذي ومعركه عليهم غدت شده
ودرب الهزيمه بهيبته عليهم علي يسده
سيفه فلايشبع وعليهم تربع
يهم بيهم بسيفه علي والركب تتطشر
ه ه ه
عطشانه كيعان الرمل رواهه من دمهم
المارحمو ال المصطفه حالف ميرحمهم
شي بالرمح شي بالسهم والسيف قسمهم
واشكد شوارب يم علي نزعو مثل عمهم
ماثبتو اكباله. راجله وخياله
هذا البطل مثل الوصي بالجيش لوكبر
ه ه ه
ثكل الحديد التعبه ويه العطش والحر
وسبعين الف. وكفت اله والواحد شيكدر
شي بالحجار تكاطفه ورمي السهام اكثر
وضربة العبدي طيحته وتحاوطه العسكر
وحسين ينضرله وياميت المثله
الأكبر فلا مثله انكتل وانذبح وتوذر
ابو احمد الهنداوي
/channel/aboahmed1956
٥٨
قصيدة الاكبر
المستهل
يبني ماريد خلافك الهذا العمر ايلكبر
امك وياك رايده اتطب الكبر
ايلكبر
وما خذتني يلعفتني
آيلكبر آيلكبر
ه ه ه ه ه
انت ياوجه الرسول اليطرد الهم
ياعلي وانت علي ابهذا المخيم
اني جنت بدنيتي يوليدي احلم
تالي يبني يذبح الحلمي محرم
وانت وياي عيني ماتغفه وتصد آيلكبر
ومن عفتني تاه من عكلي الرشد آيلكبر
صوبتني يلعفتني
آيلكبر آيلكبر
ه ه ه ه ه ه
امودع الله يلكصدت الموت وحدك
وهمه سبعين الف قاتل كلهه ضدك
انت دعوة ام غريبه تنوح عدك
وشايل ابجفك دمه امودي الجدك
الله وياك يلمشيت عله الحرب آيلكبر
ودمعة امك ترافكك طول الدرب آيلكبر
مرمرتني يلعفتني
آيلكبر آيلكبر
ه ه ه ه ه
انضر بعيني عله العسكر تحضر
وانضر بعيني عله حسين التغير
منحرك يبني اشمه وروحي تشغر
لان بس تروح تبقه ابلايه منحر
ابين اديه وعينك لصوب العده آيلكبر
وعله ثغرك اسم ابوك تردده آيلكبر
اودعتني يلعفتني
آيلكبر آيلكبر
ه ه ه ه ه ه ه
يلمشيت وماترد ادري عليه
وادري بيك انت التمنيت المنيه
عكبك حسين انذبح فوك ا لوطيه
وام علي الأكبر مشت يبني سبيه
عكبك الكوم لليسر يبني خذتني آيلكبر
وراسك وياي ينضر الشمر اليعتني آيلكبر
وظلعي محني يلعفتني
آيلكبر آيلكبر
ه ه ه ه ه
يلمشيت وخلفت حسره ابدليلي
عليك ياعمري وحياتي انهدم حيلي
سيلي يادمعات حزني هوايه سيلي
وانتضر يبني علي يمته تجيلي
يللي رديت يوسف اليعكوب سالم آيلكبر
ابجاه الحسين وبعطش جبد الفواطم
آيلكبر
شيبتني يلعفتني
آيلكبر آيلكبر
ابو احمد الهنداوي
/channel/aboahmed1956
٥٦
گعدة الاكبر
ه ه ه ه
يبني ويعمري عليك
كلبي تفطر
وماغمض جفني بليل
يبني يالاكبر
لاماتجف العين عايفني رايح وين
يبني يالاكبر
ه ه ه
ياعزيز امك وامك تظل يوليدي بحزنهه
اشلون هاي عيوني تغفه ويطبك ابلحظه جفنهه
تبقه دمعتهه عله خدهه الوالده التفكد ابنهه
كل والده تفكد ولد تبقه حزينه للابد
والدنيه ماتسوه بعد ومايبطل ابد ونهه
يوليدي كبلك ريت صارت منيتي
ومثل الكبر بجفاك يوليدي بيتي
يلرافكت للبين
عايفني رايح وين
يبني يالاكبر
ه ه ه
اه يااجمل وليد وياامير الحسن يبني
والله ماصدكت يوم تروح يامحبوبي مني
عله تراب الموت نايم ومنك الظالم اخذني
انضرلك بعين الدمع والروح مني ترتفع
راسك ييمه منكطع ريت ذباحك ذبحني
يوليدي عالتربان نايم ييمه
متوذر انه شلون جسمك اضمه
ومكسور اشوف حسين
عايفني رايح وين
يبني يالاكبر
ه ه ه
ابد ماانسه مصابك يلفديت الدين دمك
يلكصدت الموت تركض ماحسبت حساب امك
ماكلت تبقه غريبه ولا المهه اللي يهمك
كلت انه امضي للحرب من اجل ديني راح اطب
كتلك تره فراكك صعب ودمع عيني مايلزمك
كتلك ييمه الروح ماتبقه عكبك
وسبعين الف هالجيش كلهه تطلبك
مابين. هالنارين
عايفني رايح وين
يبني يالاكبر
ه ه ه
رحت عالمعركه وعينك شابحه الصوب ابو الاكبر
وسيفك البيدك يلوح شك طريقه بالمعسكر
انته يلتشبه الجدك حته بالصولات حيدر
ماوكف واحد من تشد توصل للحدود وترد
واني لبو اليمه اصد وشفت دمعه بخده سدر
بكر ابن غانم كال هالبرز يمه
ياليله ادعي كون الله اليسلمه
يافتشة العينين
عايفني رايح وين
يبني يالاكبر
ه ه ه ه ه
بدمع عيني وبحسرتي اتوجهت لله بدعائي
جفي مديته ورفعته يالهي اقبل رجائي
بجاه ابو اليمه وغربته
احضرني في هذا ابتلائي
وليدي وموت بروحته
وعداك هيه تولته
بجاه الحسين ودمعته
هون عليه عزائي
بدمعاتي اني اترجاك يارب يدايم
تحفظ علي وتنجيه من ابن غانم
كربله جانت وين
عايفني رايح وين
يبني يالاكبر
ابو احمد الهنداوي
/channel/aboahmed1956
٥٥
عگيلي للقاسم
يامحله الزفه البلحومه
ه ه ه ه ه
بيهه العريس محزمينه
وفرحه ودمعه نشوف بعينه
لابس. درعه وسيفه الزينه
جاسم لابس احله هدومه
ه ه ه ه
حنة جاسم بين سيوفه
وساحة حربه تصير الحوفه
ومن دمه يحنوله جفوفه
والزفه تصير آخر يومه
ه ه ه ه ه
شمعة جاسم سيفه بچفه
شايلهه وفرحان بلهفه
اسهام تهلهل وسط الزفه
وسيوف الترگص مسمومه
ه ه ه ه ه
جاسم بالحومه ويتبختر
وشع جبينه بين العسكر
ياهو الينضر حسنه اتقهقر
وجوه الشر اتظل مهزومه
ه ه ه ه ه
عسكر مايملك أي ذمه
تعوف الخير تناصر خصمه
اشلون النور يساوي الظلمه
والاخيار ويه المذمومه
ه ه ه ه ه
القاسم ينضر اهل الباطل
السيد اهل الجنه تقاتل
من كل حاقد من كل جاهل
ظلام ويه الشر ملمومه
ه ه ه ه ه
طب للحومه يحارب جاسم
عالحومه زغير بس راهم
الجيش اكبر منه وميقاوم
اليشرد منه لا منلومه
ه ه ه ه ه
هلوادم ماعدهه مروه
التگتل هاي الطلعه الحلوه
ضامي ومن الموت تروه
ماتحلالك هاي النومه
ه ه ه ه ه
القاسم ضحه بروحه ونفسه
وظل واضح للعالم درسه
كل مؤمن واجب يقتبسه
ويجسد فكره ومفهومه
ابو احمد الهنداوي
/channel/aboahmed1956
٥٣
القاسم
ه ه ه ه ه
حنة عزاك اليوم. وهاي المنيه تحوم
باجر يزفونك. وبالحومه يلكونك
وهاي المنيه تحوم
ه ه ه ه ه
باجر عاشر بعاشور ياويلي
تعال اكعد يجاسم يمه واحجيلي
يجاسم لو رحت يبني شتخليلي
ياليل المنيه طول ياليلي
باجر زفافك وين معقوله صوب البين
وجنهم يذبحونك بالحومه يلكونك
وهاي المنيه تحوم
ه ه ه ه ه
يجاسم ياحبيبي وشمعة امالي
يانبض اليعيش وياه دلالي
يافتشة عيوني يبني يالغالي
اموت انه ابدالك والله اشوالي
عني تريد اتروح شلي بعد بالروح
عمري فده دونك بالحومه يلكونك
وهاي المنيه تحوم
ه ه ه
يجاسم انت يمي ومبعد عليه
يجاسم انت مني النفس والريه
الكمر ماينعرف لو مابزغ ضيه
انه بدونك اعيش بدنيه ماهيه
ياجاسم انت الماي وانت الضوه بعيناي
ومغمض عيونك بالحومه يلكونك
وهاي المنيه تحوم
ه ه ه ه ه
ردت يبني اشوفك تفرح وافرح
لجن شفت الحلم ياجاسم امجرح
احس انه المنيه الليله الك تشبح
يريت الليل يبقه ولا صبح يصبح
شفت الفرح مذبوح ويمه الكلب مذبوح
باجر يگطعونك. بالحومه يلكونك وهاي المنيه تحوم
ه ه ه ه
اشوف الجيش يمنه الليله يتكرب
وباجر عالمنيه مايظل مهرب
المثل حسين وحده زحمه يتغرب
وهنانه الوفي يوليدي يتعتب
عمك ييمه وحيد وكلبي بعذابه يزيد
وعداه يحيطونك بالحومه يلكونك وهاي المنيه تحوم
ابو احمد الهنداوي
/channel/aboahmed1956
٥١
القاسم
مستهل
القاسم ابعاشر محرم حنته
ورايد بوسط المعاره زفته
مايهم للنايبه هذا شبل المجتبه
رايد بوسط المعاره زفته
*ه
القاسم ابن المجتبه وروحه الابيه
غصن من دوحة علي ومن الزجيه
رسم درس التضحيه بالغاضريه
ويحله ذكر القاسم ابهاي المسيه
عمره مايتجاوز الثالث عشر
لاجن اكباله انحنه عمر الدهر
ابدمه خط هالمرتبه هذا ابن المجتبه
رايد بوسط المعاره زفته
ه ه ه ه ه
القاسم بعاشر محرم عده زفه
بيهه بس رماح وسيوف التحفه
كل هذاك الجيش مايكدر يخوفه
هذا عريس الشهاده وعرسه طفه
اتعنه للموت بشرف جنه الحسن سيف ابو وعمامته ويا مشن
اتحزم بذاك الابه هذا شبل المجتبه
رايد بوسط المعاره زفته
ه هههه
القاسم بيوم الحرب جانت فرحته
ومامشه للموت جن ماشي عله حنته
حسين صد للقاسم ونزلت دمعته
جنه اخيه الحسن من ينكل خطوته
اتوجه حسين البقيعه ابكل حزن
وسلم عله الحسن بجروحه التون
وبالدموع يخاطبه. هذا شبل المجتبه
رايدبوسطالمعارهزفته
ه ه ه ه ه ه
رمله من شافت ابنهه ابهذا وضعه
للشهاده معتني علكتله شمعه
هاذي اول ام لبنهه من تودعه
تبتسم وعيونهه ماتجري دمعه
كامت ابجف الامومه نحزمه
اتكله يلبيك افتخر يم فاطمه
وللمنيه ترتبه هذا شبل المجتبه
رايدبوسطالمعارهزفته
ه ه ه ه ه
طب عله الحومه وهتف هذا انه جاسم
انه نجل الحسن انه ابن الاكارم
سيفه واحد ضده سبعين الف صارم
وكلهه مبهوره بحسن هذا المهاجم
حاصروه اهل الغدر واهل الحقد
وكطّعو بسيوفهم غصن الورد
وجثته المتخضبه. هذا ابن المجتبه
رايد بوسط المعاره زفته
ابو احمد الهنداوي
/channel/aboahmed1956
٤٩
كعده جاسم
ه ه ه ه ه
كعده القاسم
جاسم شاب. وضحه الدينه بعمره
يامحلاه. اليفدي الحك دم نحره
والطف اكبر شاهد. ويبقه القاسم خالد
يامحلاه. اليفدي الحگ دم نحره
ه ه ه
شاب جاسم واحله شاب. تلطعش وردات عمره
النسمه لومرت تجرحه. الشمس ماتكدر تعبره
عطر ابوه الحسن جنه. تشتم الناس ويه عطره
القاسم يشابه للحسن. واطباعه منه توارثن
وحسين ينضرله بشجن
يشوف اخيه من ينضره
حسين يشوف. ذيج المشيه الحلوه
جن للموت. ينكل اجمل خطوه
الموت وياه متواعد. ويبقه القاسم خالد
ويامحلاه. اليفدي الحك دم نحره
ه ه ه
القاسم يشوف. الطفوف. الناس بي نصرت الظالم
ومن اجل لكمه ذليله قبلت يزيد الهه حاكم
التقبل الذل والرذيله. هاذي مامحسوبه وادم
جاسم الشاب العنده امل. وحلمه الزغير ماكمل
.فرحان رايح هالبطل وكصد للميدان هايم
جاسم راد. نتعلم من عده
نصير احرار. ونخذل اهل الرده
ومانقبل كل فاسد. ويبقه القاسم خالد
ويامحلاه. اليفدي الحك دم نحره
ه ه ه
الدنيه ماغرته الجاسم لا ولا تجذبه بحسنهه
وندري احنه الدنيه حلوه. وبيهه يامكثر فتنهه
والسنين اكصار وتمر. ومحد يعوض ثمنهه
والشاب بينه خل يجد ومن الفتن خل يبتعد
وللدنيه لايصبح عبد. وينحكم تالي بسجنهه
واحنه نشوف. الناس الفسدت بيهه
بيا سلات. التاريخ مخليهه
وعالذل تبقه تزايد ويبقه القاسم خالد
ويامحلاه. اليفدي الحك دم نحره
ه ه ه
طلع من الخيم جاسم. سيفه يتخطه ويه جدمه
كمر طالع يطرد الشر. وهالبشر رايد الظلمه
عين ظلت عالمخيم. وعين ينضر بيهه عمه
جاسم عله المهره صعد. . بثوب الزفاف الهم كصد الالاف مترد هالولد
العاف حنته وجاب دمه
طفه شموع. وسيوف العلكوله
الزفه. هناك. مذبوحه ومكتوله
وبيهم ظل يهادد. ويبقه القاسم خالد
ويامحلاه. اليفدي. الحك دم نحره
ه ه ه
القاسم الكلب الحرايب كصدليها ابكل بساله
وحاطته ناس اهل غدره عن يمينه وعن شماله
سيوفهم ذيج القبيحه رايده تذبح جماله
والقاسم اعليهم هجم وامه تشوفه من الخيم
وابسيفه طاح اشجم صنم وانكسرجيش الظلاله
ورمله هناك. تتنطر بالدمعه
جف لله. وجف رفعت بي شمعه
يارب رد هالواحد. ويبقه القاسم شاهد
ويامحلاه. اليفدي الدين بنحره
ه ه ه
رمله تتنطر ولدهه يرد من ذيج المعاره
بدمعة الام الحزينه هواي ضلت بنتضاره
ومايرد لمه اليموت. المات ماترجع اخباره
لامايرد جاسم الج
ومن عكبه اظلم منزلج
وللسبي حضري محملج
عله تراب الموت نايم هالشباب الجنه ورده
ابو احمد الهنداوي
/channel/aboahmed1956
٤٨
العباس
نزله
ه ه ه
الليله وياك يعباس يبن حيدر علي
صعب فركاك يعباس يبن حيدر علي
ه ه ه ه
الليله وياك يخويه يبن فارس مضر
وباجر شلون يخويه اشيصير عله النهر
حسين من هسه اشوفه اشو محني الظهر
يلجبتني امخدره خاف اضل امحيره
كوم ردني يخويه المدينه يم هلي
ه ه ه ه
الليله وياك يخويه عزيزه امدلله
وباجر اشلون يعباس اظل اموجله
امنين اجتني يخويه مصيبة كربله
ياكمر ليلي اشبعد كلبي بالهم انمرد
ياكفيلي بلياك يظل ياهو الي
ه ه ه ه
الليله وياك يخويه يبن حامي الحمه
وباجر اتصول علينه الجيوش الظالمه
اشلون تبقه وحيده عزيزة فاطمه
وانته طايح عالنهر حسين مكطوع النحر
باجر اشلون يخويه ترانه ننولي
ه ه ه ه
الليله وياك يخويه يسبع الكنطره
وباجر اعداك يخويه علينه غايره
وانه ياخويه اضلن وحيده محيره
وتحترك هاي الخيم. وللسبي تروح الحرم
باجر يطيح عكبكم عليه منزلي
ه ه ه ه
الليله وياك يخويه يشيال العلم
وباجر عداك يخويه تجي وتسبي الحرم
عينك انت يخويه يطفيهه السهم
جفوفك المتكطعه وعيلتك متروعه
وعالشريعه اعوفك يخويه وكافلي
ابو احمد الهنداوي
/channel/aboahmed1956
٤٦
العباس
قصيده رئيسيه
ه ه ه ه ه
عله الوفاي يادمعاتي سيلي
عگب عباس والله انهدم حيلي
راح منين اجيبه. واظل انه غريبه
عكب عباس والله انهدم حيلي
ه ه ه
راح ابو الغيره
وراحت وياه الاخوه والامانه
مايرد ليه
الجان يمي يفيض ويلمني بحنانه
ينهر العلكمي ماريد منك ماي
ردلي للاخو المهيوب والوفاي
بعد مااحمل جروح العليه هواي
انادي والصده يرجع يعباس
تعال ابزينب اختك دارت الناس
جنت يمه جريبه واظل انه غريبه
عكب عباس والله انهدم حيلي
ه ه ه
هوايه تانيته
وهوه كلي خويه لحظات وارد
شنهي يازينب
العلكمي ومايه تحت جدمج امد
عله العباس انه هوايه مشدوهه
الخيم خافنهم عليه يوجوهه
وخافن عكب اخوي اخته يشوفوهه
صحت عباس خويه وياضوه العين
اشهگت من شفت لازم ظهره الحسين
الكلب زايد لهيبه واظل عگبه غريبه
عكب عباس والله انهدم حيلي
ه ه ه
الفارك عزازه
للهوه اليتنفسه بي يختنك
الموت اهونله
من الحزن والهضم دلاله يطك
راح الجان يمي رافع الرايه
راح الجان اشوفه بكل وكت ايه
راح واخذته مني المسنايه
يخويه وياك راحت امنياتي
ولاعكبك بعد تسوه حياتي
الدنيه شكد عجيبه واظل عگبه غريبه
عكب عباس والله انهدم حيلي
ه ه ه
ظاله بحيره
عكب عباس انكسر بيه الوكت
الجان كافلني
خلافه بس عيوني مدمعهه يكت
راسه عله الرمح ويصدلي بدموعه
اعاين الطبرته والسهم مفجوعه
الشمر ظل يفتر براسه عله ربوعه
ينضرني ويشوف الحبل بجفوفي
ولم بحجابي وانه بحيرتي وخوفي
يدنيتنه العجيبه. واظل عكبه غريبه
عكب عباس والله انهدم حيلي
ه ه ه
ياعزيز اختك
كوم رد الگوم يابو المرجله
اشسوت بحالي
انت رحت وانه لسه بكربله
لسه اسكينه ورقيه يتانونك
والاطفال والنسوان يبجونك
واضلمت الدنيه بغمضة عيونك
اختك يابو فاضل طاحت بحيره
وماظلت بهاي الكوم اي غيره
وادفع جم ضريبه. واظل عكبه غريبه
عكب عباس والله انهدم حيلي
ابو احمد الهنداوي
/channel/aboahmed1956
٤٤
قصيده
العباس
ه ه ه ه ه
العباس اجه بعين الخجل يم حسين
ايكله يخويه ارخصني بدموع العين
وعينه تصد صيوانه أطفال وحرم عطشانه
دموع العين
ه ه ه ه ه
امدنك اجه العباس خجلان هواي
عسكري من القائد واجه يريد الراي
ماكله خويه ايكله ها يامولاي
للهاشميات ارد اجيبلهن ماي
جاوبه حسين بدمعه من عينه تلوح
لو رحت ياخويه اظل بلا روح
خليك خويه ويانه أطفال وحرم عطشانه
دموع العين
ه ه ه ه ه
العباس ينضر لبو اليمه ابدمعه
وحسين بالكوه الكلامه يطلعه
ساعه يكله روح ساعه يرجعه
وعباس مره يشبكه مره يودعه
ايكله يخويه تروح وابكه انه شلون
ناوين جنكم وحدي اليه تخلون
ومتحير ابكه انه أطفال وحرم عطشانه
دموع العين
ه ه ه ه ه
عباس اجاه برايته وجاب الجود
وماراكب عله المهره للمهره يكود
رايته ترفرف فوك ذاك العامود
وحسين ينضرله الاخيه بكل زود
ينضرله جنه الحسن موجن عباس
وضمه عله صدره ويشم ذيج الانفاس
بذرعانه حط ذرعانه أطفال وحرم عطشانه
دموع العين
ه ه ه ه ه
عباس ينضر للحسين بحسره
ايكله اختي مهضومه العقيله الكبره
هاي الجبتهه ويايي جنهه الدره
مااكدر انضرهه بحزن متحيره
خليني اخذ ثاري من الضلام
واخذ بثار الأكبر ودم جسام
وارخصه يطب ميدانه أطفال وحرم عطشانه
دموع العين
ه ه ه ه ه
شد بيد اخوه وكاله ابعين الله
وعباس كبر يم اخوه وصله
هد عالعساكر جن أبو بالحمله
ماواحد يلاكيه اله يكتله
جن مودرب للموت جن دربه ورود
والخيل والفرسان والموته تزود
وناده ابوسط عدوانه أطفال وحرم عطشانه
دموع العين
ه ه ه ه ه
عباس فوك النهر والمي جواه
والماي راد شفافه بس ماخلاه
عطشان شط العلكمي ومارواه
وصوت الأخت اسرع يحس بي ناداه
رد علمخيم والعده صفوف صفوف
رادو زكاة الماي ذبلهه جفوف
والكمر طاح اهنانه أطفال وحرم عطشانه
دموع العين
أبو احمد الهنداوي
/channel/aboahmed1956
٤٢
گعدية العباس عليه السلام
ه ه ه ه ه
وياج اجيت ابعهد. وتدرين بعهودي
الخدرج ميوصل خطر
وانه ابن فارس مضر. وتدرين بعهودي
ه ه ه ه
وياج اكتب عهد وانه. ابن حماي الضعينه
الماتراجع ماتهاون. عن عهد خطه بيمينه
وانه شبل الاسد حيدر وارث العزمه ويقينه
يازينب وهذا العهد. وياي وبروحي انعقد
ماازل عنه للابد واحنه عالمبدأ ربينه
انه شبل للاسد. حيدر علي عودي
رفيت الج رايتي. وافديج دم ركبتي
وتدرين بعهودي
ه ه ه ه
خويه يازينب وانتي. وياي من الوطن سرتي
ماطلعتي الا بعهودي. ابغير عهدي ماقبلتي
وانه حدي للمنيه. اوياج خو تدرين يختي
اتكفلتج عليه الضمن. اوياي اجيتي من الوطن
جدامج عيوني مشن. وذمه عهدج في ركبتي
المحملج انه العمد. ولخدرج زنودي
وهذي اخوتي الج. حراس يم محملج
وتدرين بعهودي
ه ه ه ه
وانه يازينب بايدي كمت شديت المحامل
من طلعنه من المدبنه. وياي اجيتي وانه كافل
وعهدج انخط بضميري. وعهد ثاني وياي شايل
عهد ويه حيدر وانكتب. من الزغر ويايه شب
ماارد لحسين اي طلب. امر امامي عليه ماثل
لو دنت منه الشدد مستعد حاصودي
افديله برويحتي. وبساري وي يمنتي
وتدرين بعهودي
ه ه ه ه ه ه
وبعد موصلنه يخويه الكربله وطف المصيبه
وشفت بعيونج الحيره. وجنج امسيتي غريبه
جيت الج كتلج اامري يلاميره ويالحبيبه
ياخويه شنهي رادتج وياهو اليكرب خيمتج
وفدوه انه اروح الدمعتج
شنهي التريدي اجيبه
سبعين الف بالعدد. ماتوصل حدودي
تريدين ماي العذب. شوفيني لمن اطب
وتدرين بعهودي
ه ه ه ه
وصلت يم ماي الفرات. وعالجرف رفت الرايه
وجبدي من العطش يلهب. وغرفت بجفوفي مايه
وصورتج صارت اكبالي. وصورة اطفالي الضمايه
ورميت من جفي العذب. وبكلبي نار الهم تشب
لازم عله عيالي اطب. اشماتهم بيه المنايه
والجيش كله يصد. يشوفه انمله جودي
سيوف ورماح ونبل. وكل همي جودي يصل
وتدرين بعهودي
ه ه ه ه ه
وصممت ارجع بجودي. وياهو اليعطل قراري
عفت اطفال بظماهه. هناكه ظلت بانتظاري
وعظش عبدالله الرضيع. الزاد من حركتي وناري
والتمت جيوش العده. والجود مملي ترصده
والنبل يتكاطر غده. عن يميني وعن يساري
وانه العليهه اشد. من حيدره زودي
اشماكثر جمع الغدر. صوت العدل ينتصر
وتدرين بعهودي
ه ه ه ه ه
المصيبه
بالغدر طاح ابو فاضل. والعلم طاح علهجنبه
ابلا جفوف الكمر مدمي. وتسجب دموع اله الحربه
وسهم وسط العين نابت. وهشمت جبهته الضربه
وبصوته مخنوك الكمر
ادركني يبن فارس مضر
لارايه لا جف لانضر
صاح سلملي يخويه واعتذرلي من العقيله
ابو احمد الهنداوي
/channel/aboahmed1956
برنامج محرم ١٤٤٦ _٢٠٢٥
١_هلاليه لمة (هلال الحزن هليت)
٢_هلاليه قصيده(انشد وادور عالعزه وين)
٣_نزله (مجلسك النه ذخر)
٤_گعديه (اسم غالي احنه)
٥_الليله الثانيه موشح
٦_قصيدة يالمطيني كلشي
٧_نزلة (نادينه)
٨_كعديه(ياشهر جن رديت)
٩_نزلة (ياحسين اقبلني)
١٠_كعديه رفع العلم
١١_ولائيه(اكتبلك ولائي)
١٢_ولائيه(يومك مانسيناه)
١٢_كعديه (مجالسنه مدارسنه)
١٣_نزله (رافع رايتي)
١٤_زنجيل(دمع الوفه يسيل)
١٥_نزله(الحمدلله والشكر)
١٦_مجلس استقبال محرم(يالغايب هواي)
١٧_ولائيه(نادينه وبدمع العين)
١٨_نزله(ابد والله ماننسه حسينا)
١٩_العليله كعديه(راحو اهلي)
٢٠_العليله(هلي الرحتو من اديه)
٢١_العليله(يلرايح شخليت)
٢٢_تجليبه العليله(عله حسين)
٢٣_العليله(يلماخذ الروح وياك)
٢٤_العليله (شلون اهاليهه)
٢٥_ثلاثيه العليله(يابويه اخذني)
٢٦_العليله موشح(عيني ماتكدر)
٢٧_مسلم (بويه يامسلم بعد شمتاني)
٢٨_مسلم موشح(ياحرح مسلم)
٢٩_مسلم قصيده(مسلم الاده الامانه)
٣٠_مسلم وحميده(عله الكوفه)
٣١_مسلم كربلائي(سفير حسين)
٣٢_عگيلي مسلم(هالليله المسلم)
٣٣_كعدية( مسلم سفير الشرف)
٣٤_مسلم حميده(يعمي حسين)
٣٥_الانصار موشح (الدين رايد)
٣٦_الانصار تجليبه (خل كل الكره)
٣٧_الانصار(ياحبيب ابن مظاهر)
٣٨_كعدية الانصار(يحسين بالدم)
٣٩_الانصار نزله (نادينه)
٤٠'زينب والانصار(احنه انصارج)
٤١_الانصار موشح(كبر شيخ)
٤٢_العباس كعدية (وياج اجيت)
٤٣_العباس (جيش وخيل)
٤٤_العباس(العباس اجه بعين)
٤٥_العباس نزله (هايعباس)
٤٦_العباس(علله الوفاي)
٤٧_العباس(درعك والرمح)
٤٨_العباس نزله(الليله وياك)
٤٩_القاسم كعديه(جاسم شاب)
٥٠_القاسم(عيني مليانه)
٥١_القاسم(القاسم بوسط المعاره)
٥٢_القاسم زنجيل(حيدر حيدر)
٥٣_القاسم (حنة عزاك اليوم)
٥٤_القاسم نزله (اليوم نرفع للوه)
٥٥_القاسم عگيلي (يامحله الزفه)
٥٦_الاكبر(يبني ويعمري)
٥٧_الاكبر(الله اليعين)
٥٨_الاكبر(يبني ماريد)
٥٩_الاكبر(عقلي تحير)
٦٠_الاكبر نزله(ماخاف من عدهم)
٦١_الاكبر(الاكبر ترخص)
٦٢_الرضيع كعديه(هايليل الاحزان)
٦٣_الرضيع كعديه(عبد الله نور)
٦٤_ليلة الوداع (هالليله الوداعيه)
٦٥_زينب ليلة العاشركعديه(هايليل)
٦٦_الرضيع(شلتك تسع تشهر)
٦٤
ليلة الوداع (ليلة العاشر)
تصلح (زنجيل)
ه ه ه ه ه
هالليله الوداعيه الوداعيه
اصبر عالجره عليه الجره عليه
ه ه ه
ياخويه شلون
باجر ترحون
وبين العدوان
ابقه الوحدي
اطفال وخوف
والجيش آلوف
وعگبك يحسين
شيضل عندي
لاديره عندي ولااهل
وانتم مشيتو للاجل
ياحسرتي ويادمعتي
وجم جرح بكليبي انشتل
وياكلبي ونواعيه ونواعيه
اصبر عالجره عليه الجره عليه
ه ه ه
طول ياليل
ماظل كل حيل
باجر ماريد
يطلع صبحه
تروح الاخوان
تموت الوليان
وكلبي المهموم
يكبر جرحه
باجر اودع اخوتي
باجر اموت بحيرتي
ومن تحترك كل الخيم
ياهو اليطفي الخيمتي
ياصبح اختنك ضيه اختنك ضيه
اصبر عالجره عليه الجره عليه
ه ه ه
وين العباس
يمرني الوهواس
باجر هالناس
ماترحمني
خليني وياك
وبفي الواك
والله بلياك
ياهو يلمني
باجر يشيال العلم
منهو اليظل يم الحرم
عامودك يطر هامتك
وبعينك تضيف سهم
وجفوفك المرميه المرميه
اصبر عالجره عليه الجره عليه
ه ه ه
بظهره العاشور
ياهو المنحور
والجيش يدور
ونحره الدامي
وخيل العدوان
تسويه ميدان
وراسه عله الزان
ونار خيامي
يحسين امشي ميسره
ولايمي سبع الكنطره
وراسك عله راس الرمح
وشمر الضعنه يسيره
واشگف سوطه بيديه بيديه
اصبر عالجره عليه الجره عليه
ه ه ه
باجر احتار
بوسط الاشرار
كلشي ينهار
بس احزاني
والدرب بعيد
منا ليزيد
مجتوفة ايد
من عدواني
عيون الشماته تصد الي
موهيه هاذي بت علي
وانضر لخوي بدمعتي
وينك يعزي وكافلي
وبدمعه يصد ليه يصد ليه
واصبر عالجره عليه الجره عليه
ابو احمد الهنداوي
/channel/aboahmed1956
گعديه وداع ليلة العاشر
ه ه ه
هايليل الاحزان ريض عليه
عندي لوعات هواي بالغاضريه
خل اودع الخوان
هايليل الاحزان
ريض عليه
ه ه ه ه
طول ياليل الموادع
وريض عليه وتهون
وانته تدري ابفجر باجر
بيه ساعاته شيسون
وهاي خيماتي برگبتك
لو رحت ياليل يدون
باجر يليل اشكد صعب
باجر سبي وعدنه حرب
وريح المصايب من تهب
اجبال عدي هوايه يهون
طول ياليل هواي خليني يمك
ماتشوف الدمعات يجريهه نجمك
والكمر شو زعلان
هايليل الاحزان
ريض عليه
ه ه ه ه ه
طول ياليل الموادع
ماتشوف دموعي تجري
وين اروح اوين امشي
حايره هواي انه بمري
لو رحت لحسين ادري
گلبه مايحتمل ادري
باجر عله حسين انكسر
من يگطع النحره الشمر
ومن ينسحگ منه الصدر
وينذبح وياه عمري
هايليل انت تشوف حال ابو اليمه
كلهه باجر ياليل تنكتل يمه
تروح كل الشبان
هايليل الاحزان
ريض علينه
ه ه ه ه ه
هايليل اشحال فجرك
لو يودع گمر باجر
من عكب كفال خدري
ماتضل عدي نواضر
اشلون باجر لو اودعه
عالنهر وبعمري اخاطر
روحين انه ويا سوه
وبضلمتك هوه الضوه
لو للنهر باجر نوه
كلشي من عدي يغادر
لو يروح العباس امشي سبيه
ومن عكب جفه ايصير كيد اباديه
وادخل اشجم ديوان
هايليل الاحزان
ريض عليه
ه ه ه ه
طول ياليل عله بختك
شوف جم ام وابنهه
ليله للاكبر تحضنه
وهوه بالمدمع يضمهه
ورمله وي جاسم تسولف
عن فرحهه وعن حلمهه
وهاي الرباب ابكل حزن
تحضن العبد الله حضن
ماغمض من عده الجفن
والسهم باچر سهمهه
وسكنه كعدت ياليل هيه ورقيه
ولحميده بدمعات نادن يخيه
ليش عودچ ذبلان
هايليل الاحزان
ريض عليه
ه ه ه ه ه
والله ياليل المصيبه
جروحي مااگدر اعدهن
وباچر مصايب جبيره
تعتنيني ومن يردهن
وذيچ خيل العده اگبالي
اتكربت لينه اصدهن
ياليل باجر ننولي
بس ما ضلامك ينجلي
ماتضل من هذي هلي
ونخيل عدواني تطرهن
ابقه ياليل ارجوك خلني ويه اخوتي
وخاف باچر ياليل ينسمع صوتي
وتنسبي هالنسوان
هايليل الاحزان
ريض عليه
ه ه ه ه ه
المصيبه
خلص ليل الغاضريه واجت ضهرية العاشر
سهام ورماح وعساكر
وخيل وسيوف وحوافر
ومابگه يم العقيله
جثث محزوزه النواحر
احا يعملة كربله
اشسويتي باطهر عايله
مابين شمر وحرمله
زينب الحره العقيله تنسبي بين العساكر
ابو احمد الهنداوي
/channel/aboahmed1956
٦١
الاكبر
ه ه ه ه
الاكبر ترخص بالصوله عالعسكر
ويكله بويه گلبي تره توجر
صوت الوفه يناديني
افدي الامامي وديني
هذا انه الاكبر هذا انه الاكبر
ه ه
يبويه ارخصني اجيتك ادخل الحومه
مااكدر اشوفن عمتي مهضومه
اليضحي الدينه بويه ياهو اليلومه
وكل انسان لابد مايجي يومه
يابويه يحسين. مادامنه عله الحك
ماارهب الموت. وانه عليه الحك
وانته الذي مربيني.
فدوه الامامي وديني
هذا انه الاكبر هذا انه الاكبر
ه ه ه
يبويه اشلون اشوفك بالحرب وحدك
ولامن ناصر الظل يمك وعدك
الف موته اموت ولا اظل بعدك
ولا شوفن رقيه بمدمع تصدك
وحدك تنادي. ولاناصر الدينك
وانه ابنك وزين. تدريني اگر عينك
ادخل يبويه بعيني
فدوه الامامي وديني
هذا انه الاكبر هذا انه الاكبر
ه ه ه
اتشرف اكون الهاشمي الاول
استشهد وياك هوايه اتوسل
تردني الخيمتي يابويه مااقبل
وجر ايده لبيه ودنك وقبل
وصدله بدموعه وبثنين اديه ضمه
ابنحره يقبله لحسينه ويشمه
ويگله كل سنيني.
فدوه الامامي وديني
هذا انه الاكبر. هذا انه الاكبر
ه ه ه
توادع ويه ابوه ونزل للعسكر
جن جده الرسول وموعلي الاكبر
هز سيفه بيمينه وكام يتبختر
حيدر طب عليهم لابس الاصفر
جيش ال اميه. متعجب بحسنه
وينادي لاوين ومحد گرب منه
ذوقو الحتف بيميني.
فدوه الامامي وديني
هذا انه الاكبر هذا انه الاكبر
ه ه ه
نزل للحومه الاكبر جن علي جده
اسد والاسد ياهو اليكرب الحده
هالسبعين الف جنهم صفر عده
يجيب الميمنه وعالميسره يرده
والسبع عطشان وثكل الحديد اثر
وجروحه الهواي. والتمت العسكر
وناده العطش ياذيني.
فدوه الامامي وديني
هذا انه الاكبر
ابو احمد الهنداوي
/channel/aboahmed1956
٥٩
ليله والاكبر
ه ه ه ه ه
عقلي تحير. يبني يالاكبر ياعظم بلواي
ماصدكت سالفتك عايفني لو عايفتك
يبني يالاكبر يبني يالاكبر
ه ه ه ه
جنت احسب حسابي واعد وغالطني ذاك حسابي
ربيتك بذاكه التعب وضاعت وياك اتعابي
يا اجمل وجه يالكلك مروه
يبو الطول الجميل وطلعة الحلوه
عفتني ورايح عله الموت بالكوه
عكبك دنيتي يوليدي ماتسوه
ضاعت الاحلام ودارت الايام وياغدر دنياي
واشكد اظل ناطرتك ياريت ماعايفتك
يبني يالاكبر يبني يالاكبر
ه ه ه ه
ام وابن عين وجفن يااغله واحد عدي
كلما اشوفك انسعد والدمع يترس خدي
عايش يبني يمي ومالي وجداني
ينساني العمر لو انت تنساني
لو تكبل عليه تروح احزاني
اشلون اقبل تروح وتسد بيباني
ماصدك تروح جاشلي بالروح
ماصدك بهاي
ياشمعتي وامنيتي. يوكع خلافك بيتي
يبني يالاكبر يبني يالاكبر
ه ه ه ه ه
ربيتك وماحسبت ياغالي تبعد عني
ماانصف وياي الدهر يوليدي رايح مني
حسين المابكاله صاحب وناصر
ينضرني ويشوف الدمعه بالناضر
عله وليدي بقيت بكسرة الخاطر
الجيش الاف ومخيمنه متحاصر
متحير حسين ويداور العين ومتغير هواي
يدري العده ماترحم ينضرلك ويتالم
يبني يالاكبر يبني يالاكبر
ه ه ه ه
شمعة حياتي تنطفي جاشلي انه بعمري
جنت انه اناطر وانتضر تباريني ساعة كبري
هذا الجنت احن النضرة عيونه
هذا الجنه طه لو يوصفونه
ومثل حيدر علي جانو يشوفونه
وحده وبالسيوف اعداه يكطعونه
مكدر بلياك موتني وياك ماتسمع بجاي
ارحم ييمه بحالي. حاجيني يبني الغالي
يبني يالاكبر يبني يالاكبر
ه ه ه ه ه ه
عكبك يالاكبر مابكه وبس القهر خاواني
وي راسك بذاكه اليسر. تالي الظلم ماشاني
من ديره لديره يبني مشوني
وعله الهزل هذيجه الكوم صعدوني
وللشام ابحسرتي يبني ودوني
وراسك عالرمح اربيله بعيوني
ياغربتي هناك ومااكدر ادناك وماظل بعد راي
صواب الدهر صوبني. وبمحنتك دولبني
يبني يالاكبر يبني يالاكبر
ابو احمد الهنداوي
/channel/aboahmed1956
٥٧
قصيدة الاكبر
ه ه ه ه
الله اليعين الماخوذ من امه ولصوب الموت
وتشوفه عالكاع اوذار ومجبوره من يمه تفوت
بيا نايبه ويامنظر. ليله تودع الاكبر
يمه تموت يمه تموت
ه ه ه ه ه
هالليله خلينه بألم نقره الحروف الدامعه
ونلطم صدرنه وننجرح وصوت النعي منقاطعه
لطمنه هوايه مايكفينه هالليله
ولو كل الدمع بعيونه انسيله
الاكبر راح منهه وصافنه ليله
بالدمعات والحسرات تربيله
ساعه تصد عالعباس ساعه تصد عله حسين
ياحسرة الأم الشاب بچفهه توديه للبين
بحسراتهه التتوجر ليله تودع الاكبر
يمه تموت
ه ه ه ه ه
اكبر مصيبه ونايبه طف كربله واحزانه
وعاشر محرم للابد ماتنطفي نيرانه
عله الودّت ابنهه الساحة المصرع
وتدري لومشه منهه فلايرجع
عليه محتاره ظلت تجري للمدمع
مره تگله روح ومره يبني ارجع
بيديهه حطت ايديه وتنضر إله بحنيه
ساعه تمسد شعره ومتونهه محنيه
وچفوفهه تتعثر. ليله تودع الاكبر
يمه تموت
ه ه ه ه
ام وابن ليله وعلي واحد يصد للثاني
هيه تعاني بنضرته. وهوه بنضرته يعاني
مايگدر يودعهه ويأذيهه
عله فراكه متصبر زين يدريهه
ونضرة عين الاكبر جن تبچيهه
فراگ وليدهه شگد يصعب عليهه
رايح علي صوب الموت وروح امه وياه راحت
وچفينه مليانه دموع والخيمه من طر ناحت
ونار الگلب تتوجر. ليله تودع الاكبر
يمه تموت
ه ه ه ه ه
راح الولد صوب الحرب وليله بگت محتاره
سيوف ورماح ومعركه وخيل وزلم غداره
واحد راح ضد سبعين الف واحد
ورفعت چفهه لله بمدمع تناشد
ولزم گلبه الحسين بحيرته تشاهد
يگلهه البرز لبنج فارس وقائد
سالم علي ادعيله من بكر يرجع سالم
وبالدمعه صدت لحسين ومنهه الدمع ظل ساجم
أمّن يجيب المضطر. ليله تودع الاكبر
يمه تموت
ه ه ه ه ه
الاكبر رجع لاچن رجع عطشان وبذاكه الحر
والجيش متحضر اله وللموت هوه تحضر
علي الاكبر وحيد وعالعده تصدّر
طب للحومه چنه بطلعته حيدر
تجمعت كلهه ضده وحاطته العسكر
وبذيچ السيوف الاكبر توذر
جابه الحسين ابهالحال بالخيمه وامه تنضره
الله اليعين امه شلون ماماتت من الحسره
تنضر ابنهه اموذر ليله تودع الاكبر
يمه تموت
ابو احمد الهنداوي
/channel/aboahmed1956
الليله التاسعه ليلة
علي الاكبر
عليه السلام
/channel/aboahmed1956
٥٤
نزله للقاسم
اليوم نرفع للوه اليوم كل دمعه ضوه
اليوم كلحنه سوه بالميادين
ه ه ه ه
اليوم حي عله المحبه والامانه
وكل سنه نتنطر الغالي واجانه
الليله للقاسم تجمع كل عزانه
وحي على خير العمل يصدح اذانه
انشوف نجل المصطفه انشوفه شايل مرهفه
انشوف دمعات الوفه تجري لحسين
ه ه ه ه
عدنه مو عريس عدنه احنه مقاتل
صله فرض المعركه ويه النوافل
كلمن يلاكي يلاكي الموت عاجل
السيف حاصوده ورؤوس اعداه سنابل
ايصيح بيهم ياهله ايصيح زلزل كربله
ايصيح شمر وحرمله المفر لاوين
ه ه ه ه
القاسم اتلطعش عام اسنين عمره
الحومه ظلمه وطلع بيهم جنه كمره
عيونه سوده حجابه سيف خدوده حمره
وعله جبينه من العمامه نزل شعره
الجيش للقاسم نضر الجيش من حسنه انبهر
الجيش طالعله كمر من الصواوين
ه ه ه ه
الجيش كل الجيش محتار بنزاله
من الشجاعه من البساله ومن جماله
حسين ينضرله ودمع عينه تلاله
يشوف اخوه الحسن متجسد كباله
عليه دمعاته تصب عليه مفطور الكلب
عليه كطعوله الدرب يروح لاوين
ه ه ه ه
الليله الله يعين كلب الامه رمله
اشلون تتحمل اظن تموت كبله
اتحضنه ساعه اتقبله ومدري اشتكله
هذا يوم ومايصح هليوم مثله
راح يارمله الولد راح مايرجع بعد
راح ماجنه انولد انولد للبين
ابو احمد الهنداوي
/channel/aboahmed1956
٥٢
القاسم
مشق وتقرأ زنجيل
ه ه ه ه
حيدر حيدر حيدر
ه ه ه
ياحي شباب القاسم عله الطبر
عريس ابن الحسن يوفي الاجر
هذا الينكط حسن وجه البدر
وللظامي باجر عده حوض ونهر
حيدر حيدرحيدر
ه ه ه
حك الشباب عله الشباب العزه
والموكب الليله نشد مركزه
كلمن بهذا الدرب سار . وجزه
فاز عله مرضاة النبي وافتخر
حيدر حيدر حيدر
ه ه ه
نطب لك الهامه يبن فاطمه
اتلطعش عام. وخضت للملحمه
هالليله تبجي عليك ارض وسمه
ولو يصح نضرب الك وسط النحر
حيدر حيدر حيدر
ه ه ه
هاي الشباب عليك يبن الحسن
اتعاهدك ماتنساك طول. الزمن
عالروس هالقامات مهما هون
مانوفي جسمك من توذر وذر
حيدرحيدرحيدر
ه ه ه
يلقاسم وماننسه جبنه الشمع
والورد كام عليك يجري الدمع
وجم والده بحسراة ماتنسمع
وجم كلب هاي الليله يمنه انكسر
حيدر حيدر حيدر
ه ه ه ه
زفتك يبن الحسن وسط الحرب
وماتم وفرحه انصب نص الكلب
وياك احنه ونمشي هذا الدرب
والطبر يمك عالمذله انتصر
حيدر حيدر حيدر
ه ه ه ه
دمك عزيز علينه يبن النبي
وللموت كاصد وانت بعدك صبي
ومن عكب عينك امك التنسبي
لاجن نواسي ابهلعزه المنتظر
حيدرحيدرحيدر
ابو احمد الهنداوي
/channel/aboahmed1956
٥٠
القاسم بن الحسن
المستهل
عيني مليانه عتب ويه الدمع
لو اوج الروحي لو وج الشمع
جروحي مليانه عتاب ياحسافه عله الشباب
ياحسافه ياحسافه
ه ه ه ه ه
من على ناگة رحيلي روحي عثرت من شفت
عالترب نايم حبيبي من عله الناگه طحت
من رحت للموت يمه اوداعة الله ماگلت
هايبعد الروح نايم لو يبعد امك متت
عالتراب شلون نايم يالورد
والله حر الظهر يكتل كل برد
ابخدك اشسوه التراب ياحسافه عله الشباب
ياحسافه ياحسافه
ه ه ه ه ه
گلبي حسرة ام چبيره ابكبر هم المگبره
واليفارگله عزيز وياه يرحل ناضره
انت اخذوك وعفتني واني اخذوني تره
انت عالتربان تبگه وآنه ابقه ميسره
مصابك ايعايشني يبني للابد وجرحك النام بدليلي ماگعد
وبعد شيفيد العتاب ياحسافه عله الشباب
ياحسافه ياحسافه
ه ه ه ه ه
العدهه واحد ماتعوفه ايروح للموت وتظل
كون ويه صوابه تنزف وتمشي وياه للاجل
والله دلالي بغيابك يبني لسا ماعدل
ونكتل يوليدي كلشي عندي وياك انكتل
آنه عفتك لا معفتك من رحت
آنه بين السيف مابينك صرت
ومن مصاب امشي المصاب ياحسافه عله الشباب
ياحسافه ياحسافه
ه ه ه ه ه
انكسر ظهر امك ييمه يلچنت الهه سند
منين اجيبن انه مثلك انت يااحله ولد
للحرب طبيت ظامي لاچن ابهيئة اسد
اويه ماشافوك صاحو قل هو الله احد
يلجمالك مثل ايات الحسن
راحت الدنيه اباهلهه وماطفن
يلتمر مر السحاب ياحسافه عله الشباب
ياحسافه ياحسافه
ه ه ه ه ه
يلله يلقاسم امشينه وعوف موتك اجله
ثوبك اتوصخ ييمه ومن دمع عيني اغسله
انت مثل الحسن يبني بطارف السانك هله
ليش متحاچيني يمه وهلسكوت اشيحمله
يلعفتني ابغربتي وحال اليسر
گوم شوف الصار من اهل الغدر
عشت كل عمري اغتراب ياحسافه عله الشباب
ابو احمد الهنداوي
/channel/aboahmed1956
الليله الثامنه
ليلة القاسم عليه السلام
/channel/aboahmed1956
٤٧
العباس عليه السلام
ه ه ه ه ه ه ه
درعك والرمح والسيف
كلهه بخدمة يمينك
والريشه عله ذاك الراس
تتلاوح عله جبينك
وعلشاطي اشكثر الاف
طلعت عليهه متبسم
يعباس يعباس
ه ه ه
ياغيرة الله عله الارض
يالعندك الخوه فرض
سيفك ركض طول وعرض
يمخرس السباع
من تنزل السوح الحرب
تتطاير هناكه الكتب
وتنزع من عداك الكلب
وتحكم وتنطاع
عالمشرعه. تحل فاجعه بخيالك خيالك
حته النهر بيك انبهر اجالك اجالك
وماثبتت الفرسان من جمالك جمالك
من نهر الفرات الاف
ركضت وانته هازمهه
ومن كثر الرعب والخوف
طاحت كل صوارمهه
هاي انته ابهذاك الحال
لساعك ممتحزم
يعباس يعباس
ه ه ه
ياكمر واحله من الكمر
بس شايل الموت الحمر
كاتب عله جفوفك خطر
ويارافع الراس
عندك اسم كلش مهم
زينب ويا اجمل اسم
كافلهه بالحرب وسلم
تموت ومتنجاس
بعيونك مخليهه مو بالخيمه بالخيمه
ولو عطشت تنزل عليهه الغيمه الغيمه
تضحي بحياتك بس تضل سليمه سليمه
طبيت انته بالميدان
وانت الفارس الاول
مدري النهر صار بعيد
مدري العسكر تحول
والماي بيسر مجبور
كبالك منحني إمسلم
يعباس يعباس
ه ه ه
شمرتك من حيدر علي
اليوكف اكبالك يبتلي
هدومه ويه عقله ينجلي
يا زود ابو تراب
هزيت بيهم كربله
ونكلة اجدامك زلزله
وزينب تكلك ياهله
بكطاع الركاب
اليمنه اصبحت من الرعب ميسره ميسره
والميسره ردت زحف ليوره ليوره
كسر بجمع لمتهم امطشره امطشره
مهرك مايلوح الگاع
يحوم عليهم وغاير
والجود انترس بالماي
وجرف النهر ظل حاير
وبس عبد الله جدامك
وانت هواي متالم
يعباس يعباس
ه ه
عالماي تترس جربتك
والعطش حارك شفتك
وجفك رجف من غيرتك
يمحير الماي
مادام ابو اليمه بظمه
ويصد عليك مخيمه
واختك عليك مالمه
وصارن تره هواي
ام البنين اتذكرتهه وكمت وكمت
الصوب النجف درت الوجي وسلمت سلمت
وبعيون عبد الله ورقيه همت همت
من الشاطي طلعت والكوم
ماكدرت الك تكرب
بس بالحجر والنشاب
وسيفك غضب وتكلب
وماهمتك كل هالناس
عله الكلفات متعلم
ه ه ه
جفك بحر وانته الكمر
الرايد يعبرك ماكدر
انت الامن ويه الخطر
مرهب وشفاف
عالمهره راجع والعلم
جايب الماي عله الخيم
صابو العينك بالسهم
ذولاك الاجلاف
الماكدرو مكابل اجو بالغدر بالغدر
كطعو يمينك يسرتك تنتضر تنتضر
ومن صابو الجربه انتهه كل امر كل امر
العامود الوصل راسك
وطحت عله الارض مدموم
حسينك لزم ظهره وصاح
توهه استوحدتني الكوم
وفوك المشرعه ظليت
جسمك وصل متخذم
ابو احمد الهنداوي
/channel/aboahmed1956
٤٥
نزلة العباس او لمة
ه ه ه ه ه
هايعباس جم حريمه
خلافك اختك بلايه خيمه
ه ه ه
اجيت وياك ياعباس محميه
ورحت للعلكمي وماظن الك جيه
جنت وياي گمره وخيمه مضويه
هسه خلاف عينك جني مسبيه
هايعباس اشهلضليمه
خلافك اختك بلايه خيمه
ه ه ه
بعدني اتنطرك ياخويه وبهمي
كلشي وياك رايح خويه من يمي
اشوف الجيش گرب خويه لخيمي
ويمي توصل سهامه لون يرمي
تناشد عليك جم يتيمه
خلافك اختك بلايه خيمه
ه ه ه
اجيت وياكم امشي ماتخلوني
تاليهه يبو الغيره يركضوني
يسهم الصاب عينك ريته بعيوني
وحبال السبايه وصلن متوني
امخدراتك بالهضيمه
خلافك اختك بلايه خيمه
ه ه ه
اجيت العلكمي وانده يبو النوماس
وينك يابو فاضل كوم ياعباس
زنودك وينهن ياخويه وين الراس
وصدرك خويه شو مكسور جنه انداس
انه زينب يبو الشيمه
خلافك اختك بلايه خيمه
ه ه ه
تيهت الدرب عكبك وماظل راي
وشسوي يابو فاضل بعدك بعيناي
من اشرب الماي انه اغص بالماي
ماضل كلشي عندي وانته جنت هواي
عكبك النوح انه اقيمه
خلافك اختك بلايه خيمه
ابو احمد الهنداوي
/channel/aboahmed1956
٤٣
قصيده
العباس
ه ه ه
جيش وخيل هواي لزمت ذاك الماي
بجوده ابو فاضل طلع طر العساكر
وطلعت وياه النواظر والمشاعر
والمشاعر
ه ه ه ه ه ه ه
حرم واطفال عطشانه بلهيب الحر
ومن كثر الظمه شفايفهه تتفطر
الفرات ومايه ملزومات بالعسكر
والعباس اجه ترخص لبو الاكبر
جايب جوده وياه وخجلان بممشاه
يم اخيه ينتضر منه الاوامر
وطلعت وياه النواظر والمشاعر
والمشاعر
ه ه ه ه ه ه
اجه العباس يطوي الدرب بجدامه
كايد مهرته ومدنج الهامه
جندي وقائده جن وكف جدامه
وجف لازم علم والثاني صمصامه
دمعاته بعيناه مدنك يحجي وياه
يكله للحومه اطب هذا انه حاضر
وطلعت وياه النواظر والمشاعر
والمشاعر
ه ه ه ه ه ه
زينب كصدت الاخوتهه متحيره
وحسين الحضنهه وحاطهه بصدره
والعباس ينضر ليهم بحسره
وكل لحسين خويه ارخصني هالمره
وحسين يصد ليه. وبالدمعه يحاجيه
لو رحت ياخويه مايبقالي ناصر
وطلعت وياه النواضر والمشاعر
والمشاعر
ه ه ه ه ه ه
مشه العباس صوب المشرعه بهمه
عكب ماودع الزينب وابو اليمه
عله الماي الكتايب كلهه ملتمه
وماثبتت اكبال الفارس وعزمه
طب عالماي بزود
ويملي بذاك الجود
وجبده من ذاكه العطش جن جمره صاير
وطلعت وياه النواضر والمشاعر
والمشاعر
ه ه ه ه ه ه
شال الماي بيده وكربه الثغره
وذكر عبد الله والأطفال تنتضره
عاف الماي واتحدر عله المهره
وكل ذيج الجيوش كباله منكسره
اشكد ذيج الالاف. شردت منه تخاف
وسيفه حاصوده ويشامر بالمناحر
وطلعت وياه النواضر والمشاعر. والمشاعر
ه ه ه ه ه ه
طلع من النهر والجربه بمتونه
وكل ذيج العساكر مايلاكونه
بسهام الغدر كامو يرامونه
والعباس يجدح غيظ بعيونه
كطعوله الجفين. وسهم الصاب العين
وجربته صارت وصل بين الحوافر
وطلعت وياه النواضر والمشاعر. والمشاعر
ابو احمد الهنداوي
/channel/aboahmed1956
قصائد الليله السابعه
ليلة العباس عليه السلام
/channel/aboahmed1956