-
للصداقه💛عنوان💜 - قناه عبارھ عن ↯ ❶ ‹ - عبارآٺ⚚ ❷‹ - خلفيآٺ▽ ❸ ‹ - ڣيډيۅهاℓت🎥 ❹ ‹ - رمزييَاٺム ❺↜نكت 😂 ❻⇇اشعار 🤗 ❼⇦اغاني 🎼 ❽↤صور 📸 مكاوشة الخرفان 👌 للانضمام في قناتي بالتلجرام
بقايا قلب💔، البارت ١٠٠
سجاد بتوجس: ماقالت لها ملاك شي؟
كميل تنهد بقهر وسكت
ياسر قام: اسير اجعل لها تتواله
خرج وكميل تكلم: بيحنجها قوي
اسامة بخفوت: اعز شخص عليها ياسر
تجاهل الغصة الي داهمته ورجع يخزن بهدوء
بيلسان نيمت دعاء وبيان واخذت كتاب الاحياء تراجع
ياسر دق لها الغرفة وحط الدارك شوكلت والكابتشينو جاهز: خصصصصصيصا للبيلسان
قفزت وتعلقت برقبته بدلع: انا فداء لك يا احلى ياسر
قرص انفها وتكلم: موفقة يا عمو
العشي بنات عم ملاك كلهن ملتمات وبيلعبين صراحة
رهف سالت عهد: لو يتقدم لش احد مثل طبع اخوش توافقي؟
عهد ميلت فمها: لا طبع ولا شكل استغفر الله
البنات: ههههههههههههههههههههههههههههههههههههههههههههههههههههههه الان فرح تسال ملاك
فرح: تزوجتي ياسر عن حب
ملاك بغير وعي: عن كره
البنات: هااااااااااااااااااااا
ملاك بتلافي: ههههههههههههههههههههههههههه اكيد عن حب كان ماهو
البنات بحماس: احكي لنااااااااااا
ردت بهدوء: درسني شهر واكتشفت انه عم مرت كميل وسالها عني وتقدم
البنات بانبهار: ابن ناس
لبنى: بنات هيا نفتح لنا اغاني
شلين السماعة وعلين الاغاني وبيرقصين ويجننين بحماس
يوم الخميييييييس سجاد اشترى صبوح لملاك وتكلم: اقطبييييييييييييييي
ملاك عتبكي: مشتيش اكل يماه قوى
ابتسام برجاء: يا بنتي عتدوخي كلي شويه
جلست تاكل بينما بنات عمها بيشتغلين في البيت
ياسر: اخطين البسين ولا تهمين الطباخ جاي الان
بيلسان بقدر ماهي فارحة بقدر القهر الي في قلبها كم تتمنى لو زفوها بصالة ولبست فستان ابيض وابوها يسلمها ليد زوجها ويامنه عليها ويستوصيه فيها خير
صحت من سرحانها على صوت ناهد: عيشلنا كميل
ياسر: قد هو جايي
طلعت غرفتها وبكت بحرقة لما ارتاحت وقامت تلبس
لبس ثوب ابيض واحتزم بالعسيب ولبس كوت اسود وحط على راسه الشال بعشوائية وخرج: كياااااااااااان يا كيااااااااان
كيان نزل من غرفته: هااااااااااااااا
كميل: اخطى لبيت عمو علي انفعهم لو يشتوا شي لما اجي
كيان مشي: حاضر وين كرار
كميل بيغلق الباب الداخلي: خطي مع امي
كيان: سابر
سجاد وصل اخته مع سكينة للكوافير وتكلم بعدما نزل صوت الزفة: تمين واتصلين ولو تحتاجين شي اتصلتين انا موجود
ملاك بحب: تسلم لي يا سجاد
ابتسم بغصة: الله يسعد قلبش
نزلين وسكينة تكلمت: ما احلى اخوش يا بنت
ملاك باستغراب: وكميل مشو هكذا
سكينة: كميل ما انكر انه اب واعظم بس عمره مايبين انه عيشتاق او يفقد احد ومتهور وعصبي
ملاك باستغراب: صددددددددق
سكينة: والله
وصل وبيهز رجله بتوتر ولفت على وصولها بتفتح الباب الخلفي وامنه بسرعة
شافته ما انفتح ودقت الزجاج بعصبيه
كميل فتح الباب الي جنبه وسحب يدها
طلعت بقلة حيلة وشافت الشال الي حول رقبته وقربت تدبعه على راسه
شاف للمراية وباعجاب: ليش ماكنتي تصلحيه وانتي عندي
بيلسان بخفوت: لاني كرهت ابادر من نفسي وانكسف مثل كل مرة
كميل بندم: انا
بيلسان بحرقة: انننننننننت تسكت ولا اسمع لك صوت والا قسما بالله ارجع البيت وما اسير عرس
كميل سكت وناهد طلعت: المعذرة على التاخير كنت بين الهي بيان عشان اخرج وما تبكيش
كميل بهدوء: خذوا راحتكم
تحرك وهي حطت راسها على الزجاج وبكت بخفوت لما وصلوا
الظهر ياسر خلص يتحمم ولبس ثياب العرسان وجاء النشاد زفه عند البيت والرجال حوله وناهد وبيلسان بيتفرجين
مشيوا للصالة واسامة معهم على الكرسي المتحرك
ناهد: بيسو يا قلبي عتقومي نخطى للقاعة شرق نشتي نرجع عشان نجهز الجناح
صلحت الطرحة ولبست برقعها وحضنت دعاء ومشيت
ناهد مشيت بعدها وتحركين للصالة
عند ملاك وصلت الصالة مع سكينة دخلين غرفة العروسه وسكينة تكلمت: افتهني شويه وتغدي عشان تلبسي الفستان
ملاك بارهاق: اقسم بالله راسييييييي عينفجر
سكينة ضحكت: الله يعين هو يوم
ملاك بعفويه: لو الواحدة تسير بيت زوجها بغير كوافير وزفه ولغاجه ساع بيلسان
سكينة بنرفزة: مش مركزة انش زودتيها يا ملاك بيلسان اطهر من الطهارة نفسها وحتىىىىىىى لو رخيصة وبنت شارع مايحق لش تجلسي تعايريها بهذه الطريقة
ملاك: انا قصدي ارتاحت من هم العرس واللغاجة
سكينة: لا تفكريش اني مش داريه انش اخترقتي تلفونها وسحبتي صورها وانتي الي سكبتي الماء والصابون وهي ادربت في اول شهور حملها
انخطف لونها وسكتت بخوف
السجاد شاف كميل وهم مخزنين وهمس له: من صلح لك الصمادة
كميل بيغير الموضوع: القات اليوم ضخم
سجاد دكمه: ب ي
كميل: وكسر يكسر فمك لا تخليني ابتلي بك ذلحين
سجاد: اعرفك ماتقدر تدبعها من وعادك جاهل
كميل دمعته نزلت ومسحها بسرعة: قبل يفلتونا ابي صلحوا لي الشال وحبوا جبهتي وقالوا هيا ويحين عتبسرك بتصلحه لنفسك
سجاد بتنهيدة: الله يرحمهم
كميل بغصة: يارب
نزار وصل وسلم وجلس معهم
بقايا قلب💔، البارت ٩٩
السجاد روح للبيت ومعه عشاء من المطعم
علي تكلم: مابه مع السجاد اليوم
السجاد بحماس: كل شي بوقته حلو
ابتسام: الله يديم فرحتك على طول
بعد يومين واليوم بداية عرس ملاك الي كملت تصطبح ومشيت لحمام البخار مع سجاد
سكينة طلعت معها وشافتها معقدة حواجبها: ملاك مالش
ملاك باقتضاب: ولاشي
سكتت وماعاد كلمتها لما وصلوا
ياسر بيكلم بيلسان: عتسيري العصر عند مرتي
بيلسان: لا
ياسر مسكها: ليش
بيلسان: يوم الابيض وخلاص
ياسر مكنها كيس: هذا كيفهو
مافتحته قدامه: ابسره واحاكيك
ياسر: البسيه ووري امش
بيلسان مشيت باتجاه الغرفة: طيب
كميل وصل مع اسامة الي قد بيحرك ارجله بشويش حطه على كرسيه ومشاه
اسامة: اجلس تغداء معنا
كميل: السجاد مريع لي والله
اسامة: الله يحفظك
رفع نظره لصوت خطواتها وبتنادي: مااااااامي
مارمش وبيبسرها بلهفة واضحة وكانت لابسة الفستان الاحمر طويل ومتناسق على جسمها عليه فتحة جانبية واكمامها مفتوحه
لمحته ووقفت دون حراك وهو قرب منها وتكلم: كيف حالش
جت تمشي وهو مسك كتفها: ارحمي قلب كميل الي ماذاق السعادة بعدش
بعدت يده وتكلمت: رفضوك اهل البنت الي خطبتها ورجعت لي؟
كميل: ما ....
بيلسان: ماشتيش اسمع حرف سيد كميل وخليك آدمي وطلق طللللللللقنييييييييييي
مرت من جنبه وماحس من قهره وتكلم: انا احبش يا بيلسان والله العظيم
ياسر شافه ومسكه: من بتحاكييييييييييييييي
عطاه ظهره ومشي بهدوء
ياسر بتمتمة: ما بينكم
ملاك وصلت واستقبلنها بالزفة والكل بيزغرد
خلصت الزفة ودخلت مع سكينة للغرفة وتغدين وساعدتها تلبس
كميل ما اكل شي وسجاد كلمه: مالك اليوم
رسم على شفته ابتسامة مجبرة: هاه ولاشي
سجاد: كميل حاول تتعايش مع وضعك غلطت ادفع الثمن بفم ساكت
كميل بهدوء: ساكت يا سجاد ساكت
سجاد ابتسم: فك التكشيره والله ماتهون عليا
ابتسم بامتنان: الله يعزك
سجاد: عتخزن
كميل: لو عتخزن عتشتري علاقية لنا الاثنين ماشي ابرد
سجاد: جي نسير بيت الكبش للعشي وروحنا
كميل: هيه
ملاك خرجت من الغرفة على اصوات زغاريد النسوان وكانت لابسة فستان قطيفه اسود وعليه حزام فضي ونقوش فضية على اطرافه ولبست برقع فضي مرصع بالمرجان
بيلسان الي جت بعد الحاح ياسر قربت تسلم: بالمبارك عليش
ملاك بغير نفس: الله يبارك فيش
جلست جنب سكينة وتكلمت: كيف حالش
سكينة باشتياق: الحمد لله فاقدين لش
بيلسان بصدق: وانا فقدتكم قوووووي
سكينة بنذالة: كلنا كلناااااااا
بيلسان بصراحة: كلكم كلكم وهو اكثر واحد
سكينة: وليش ماترجعي له
بيلسان: انتي اكثر شخص ممكن يفهمني
سكينة بخفوت: اي والله بتحبيه بس تحسي لو رجعتي له انش ارخصتي نفسش
بيلسان: الله يسعده مع خطيبته الجديدة
سكينة صاحت بعدم تركيز: كمممممممممممممممميييييييييييييييييل اخيييييييييييي خطب؟
النسوان لفتين لها باستغراب وملاك حركت فمها لبيلسان: تستاهلي
غطت فمها وهمست باحراج: اوووووووووووووف
بيلسان: سخيفه ابسري ملاك بتتشفى
سكينة بصوت تسمعه ملاك: لا تصدقيش بيستفز غيرتش ترجعي والله انه يذكرش ويدمع
ملاك الي هن جنبها تكلمت: عمر الرجال مايغلي رخيصة
قامت بسرعة ولبست عبايتها وتلثمت: ماما انا شا اروح
ناهد بهدوء: ماعتجلسيش
بيلسان عتقرح: دعاء مع بابا وياسسر
ناهد: الله معش
توجهت للباب ومتماسكه غصب
ميرا صلحت كرات الثلج وجلست مع سيدرا وسجى: اطعمين قبلما يجي سيف
سجى بشراهة سحبت واحدة: يممممممممم يممممممممممم والطعم
ميرا شلت صحن وخبته ووزعت لهم الصحنين الباقية
سيف جاء وتكلم: ايش معنا اليوم
سيدرا مدت لفمها قطعة: ذوق حلاوى الميرا
سيف خطفها من يدها: اييييييييييش الطعم الخورافي ذا
ميرا بدلع: شوووووووكرا
سيف اكل معهم لما كملين: كملوووووهن وما شبعت يخ
ابوه: العافيه من الله قوم
سيف بامتعاض: ناهي
سبقها للشقة وهي لحقته: سييييييييييف
سيف: هاااااااااااه
حطت الصحن قدامه: بالعافية
طير لها بوسه في الهواء وهي انسحبت الغرفة
اليوم الثاني قام على صوت قصي الي بيبكي بحرقة وفز للحوش: مااااااااله
اسماء: مارضيش يغير لا تقلق
باسه على راسه بخفة: ادلع يا بابا
اسماء: حليبه تم
نزار بهدوء: من عيني
بلسم نزلت على عجل: دعوووووواتكمممم ي جماعة
الكل: الله معش
ابتسام بتكلم السجاد: سريع اقطب شل اختك الكوافير وجي تصرف وادي الديجي
سجاد: ابشروا
ابتسام لسكينة: هذا قميصها
مدت يدها وشلته: طيب
كميل دخل مكتبه والسكرتارية لحقته بدلع حطت كاس النسكافي والكعك
مسك النسكافي ومده لها: اكتفي بالكعك تسلمي
السكرتارية بدلع: اوه قد صلحته انا
كميل بيمسك اعصابه: ما اشرب نسكافي
سحبته من يده ومشيت بقهر
بيلسان بتاكل دعاء وبيان في الحوش
بيان مدت يدها بتلمس الاشجار الصغيرة: الله
بيلسان بتتحيلا لها: حالي
بيان: بابا ادوهن لنا اتي بابس
بيلسان: ادي لي زغيره
بيان بحذق: ماعه
بيلسان: جي كلي نمنم
لفت راسها وفتحت فمها
بقايا قلب💔، البارت ٩٨
رمت الريمونت من يدها ووقفت بانفعال: وما قلت له
كميل مسكها تجلس وهي بعدت يده: ماااااااااااقلت له
رقية: اجلسي يتكلم طيب
جلست بتتنفس بسرعة وهو تكلم: طبعا انا رافض تماما بس القرار لش
سكينة بحرقة: الان قد انا اشرفه ومن مستواه وقبل شهرين كنت شحاتة وبنت فقر على الطالع والنازل
كره نفسه اضعاف وهمس بانكسار: سكينة
رقية بقهر: ماعاش من يهين عيالي ولا كان
كميل الي نقطة ضعفه احد يعايره بعجزه او يشوف اخوته وهم محتاجين شي وماقدر يوفرره
حط يده حول اكتافها وهمس بنبرة واضح فيها الغصة: ما تنضامي وانا بظهرش يا سكينة
ميلت راسها لكتفه وضمت كفه لصدرها: الله يديمك لي سند وعزوة طول العمر
باسها على راسها وابعدها بهدوء: تصبحوا على خير
طلع دون يسمع ردهم وغلق غرفته ونزلت دموعه: ما قدرت تعيشهم مثل الناس عديييييييييييم مسؤووووولية
برر بصوت مكسور: كنت كنت زغير وحاولت فوق جهدي والله
ياسر بيكلم اسامة: من غد عتبدا التمارين
اسامة بامل: ان شاء الله
بيلسان باست يده وبحماس: اجي معم
ناهد: لا نجلس في البيت لما يفاجئنا ويجي وهو بيخطى
يزن بصدق: ان شاء الله
اسامة بغصة: الله يرضى عليكم
ياسر تذكر: صح انا شا انشغل في المستشفى وكميل عيمر لك
بيلسان قامت: تشتوا شي يا بابا
اسامة بهدوء: سلامتش يا ابي
شلت دعاء من دراجتها وباست خدها: هيا نرقد
الصبح قامت وشافت سيف الي بتتجنبه من بعد امس
سيف بهدوء: اخذت اجازة
ميرا دونما تلفت: ليش
سيف: خطوبتي
شافته بعيون ملان دموع وهمست: مبروك عليك
سيف ارتبك وسكت وهي تكلمت بضعف: بنت رخيصة واهلها مجرمين ما تستاهل شخص بطيبتك وحنانك واهتمامك
سيف بنذاله: صح
نزلين دموعها: الله يعوضك بالاشرف
مسكها من يدها وسحبها لصدره ومسح على ظهرها
ميرا شهقت وتمسكت بكوته بقوة
تردد سيف للمرة الالف وهمس عند اذنها: ومع اني اعرف ان به اطهر واشرف منش بس خلال معايشتي لش هذه الفترة ادركت انش انخدعتي وانجريتي وراء اولاد الحرام بس قلبش انقى واطهر قلب
ميرا بتبكي: والله اني عايشه في عذاب ضمير مايعلمه الا الله
سيف بيمسح شعرها: عمر اهمال الاهل ماكان مبرر لاي بنت تلحق وراء اهتمام احد غريب يا ميرا
ميرا بفضفضة: بيحتاج الشخص احتواء وحب وما اوجع حين ما يلقاهن الا من الغريب
سيف جلس وجلسها جنبه: الشيطان شاطر يا قلبي يدخل للانسان من الفجوة الناقصة في حياته ويجره عبرها لغضب الله وسخطه
ميرا تنهدت: اي والله
سيف: والي مايلقى له خليل ولا ونيس معه كتاب الله اعظم وافضل رفيق
ميرا بكت بصمت ورددت: لا اله الا انت سبحانك اني كنت من الظالمين
باسها على خدودها وجبينها وتكلم: نبدا صفحة جديدة وان شاء الله تكوني تعلمتي من غلطش
ميرا بهدوء: اكيد تعلمت ان الولد الي يحاكيش مايريد لش الخير وانش لو استجبتي وانجريتي وراه فانتي خنتي ربش ووقعتي في مستنقع خسته
سيف وبيهنجم: واحمدي الله عليا لان مش كل البنات معهن سيف
ميرا بحياء: يا هدية قدري واجمل عطايا ربي الرحيم
كميل وصل واتصل لاسامة
اسامة حرك الكرسي ومشي للحوش
كميل نزل من السيارة وساعده يطلع: صباح الخير
اسامة بحب: صباح النور
بيلسان وقفت وهمست: اخدمهم لما تموت والله اني قنعت منك من دااااااااخل قلبي
دعاء صحت وهي اخذتها تغير لها وتشمسها
ناهد شافتها وبحب: مريعه لش نصطبح
جلست جنبها وابتسمت: انا فداء لكم
احلام نايمه بعمق وفزت على فتحة الباب وصوت اخوها العالي: يعنيييييييييييييييييييييي رمااااااااااااش نزاااااااار يخدمنش نسوانناااااااا
احلام مسحت عيونها وتكلمت: سعم ماعيفعلين هو عمل يومميه
اخوها سحبها: وحين هو عمل يوميه تقوووووووووومي تفعليه احسن ما اكسر راسش بتفهمييييييي
قامت بغير نقاش وشافت نسوان اخوتها متكتفات بنصر قلبت عيونها ودعممتهن
العصر سجاد في محل العسل ونزار مر له وتكلم: سلام
سجاد برحابة صدر: وعليكم السلام
جلس جنبه وباسف: سجاد
سجاد ومافارقته بسمة الترحيب: تفضل
نزار بخفوت: ليش انت بهذا القلب الكبير
سجاد: )وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ( صدق الله العظيم
نزار: تحسسني اني حقير
سجاد ببشاشة: حاشا يا نزار الله المستعان ربما تكون اعتراك شي من الغرور بس الاجمل انك اعترفت بخطاك ومابش انسان كامل
نزار: عتسامحني؟
سجاد: مافي قلبي عليك حاجه
مسك يده وتكلم: انا انا داري انه مايسبرش اقول هكذا بس ماشا القى رجال يصون اختي ويحافظ عليها اكثر منك فلو لك خاطر تقدم وشلها بالثياب الي فوقها
السجاد غمض ودموعه بينزلين هذا اخو وجعه وبلسمه الي انحرم منها بسببه اليوم بيطلب منه يتقدم لها همس بحشرجه: مممممخ،طوبة
نزار ندم كيف فرق بينهم: فسخت قبل فترة
سجاد دمووووووعه ملت وجهه وبيتكلم كلام مخربط: خير انا يعني ابي اكلمه وي....
نزار: كلم الاهل وتشرفونا
سجاد: ان شاء الله
بقايا قلب💔، البارت ٩٧
رقية دقت غرفة كميل: كميل
قام بارهاق: ها اماه
رقية شافته وبقلق: كم لك محمي
كميل بيكح: من الصبح
مسكته وردته للسرير: افتهن افور لك ليمون وعسل تخف السعلة
غمض دون كلام وهي تركته وكلمت سكينة: اخوش تاعب
سكينة ما كلمتها انه خرج الليل: اوه ماله
رقية: مستبرد
سكينة: اسير افعل له مطيط يتدفا
رقية: تمام واخلطي له ليمون وعسل
سكينة: حاضر
رجعت من المدرسة واتصلت لبيلسان ووصلها صوتها: حياااااااااااااااااااااااا
نزلين دموعها بفرح بيلسان الي من تزوجت ماتعرف الا همسها الخافت: بييييييييييييسوووووووو جي عندي اليوم قوىىىىىىىىى
بيلسان مارفضت: ونشتري لنا مهيتو ونفعل اندومي
بلسم: اتفقنااااااااااااا
بيلسان فتحت غرفتها تنزل بعدما نيمت دعاء: نلتقي العصر
بلسم بعيون لامعة: ان شاء الله
غلقت ونزلت شافت يزن وياسر وناهد مع ابوها: سلام
الكل: وعليكم السلام
ياسر: بيلسانة البيت
بيلسان جلست جنبه: ولو اني حاملة عليك بس يالله
ياسر مسح شعرها: له له له انا زعلت دلوعتنا
بعدت يده وتكلمت: صيحت فوقي وخليتني اروح مع كميل واليوم الثاني اجبرتني اجاوبه
ياسر بحنان: يا عمو ما اديتي لنا سبب مقنع والولد بيحبش عيب نرده
بيلسان بتصميم: يطلقني لو بيحبني ويشتي راحتي صدق اما حب تملك وانانية ويرتاح هو على حسابي ماشي والله
اسامة بحزم: يطلق لللغاجه وخلاص
بيلسان انعصر قلبها من تخيلت حياتها بدونه وبهدوء: هيا غداء
سيف بيشوف ميرا الي بتكنس الشقة وكلمها: ميرا
ميرا بعفويه: يا قلبها
سيف تاملها بشرود: انا
ميرا بتتحاشى تبسره: ممممممالك
سيف تراجع عن كلامه: حطيتي اوراق الشغل
ميرا: في دولابك مابسرتهن
سيف بارتباك: هاه ماركزت
ميرا بمزح: ما الومك اعماك جمالي
قرب بغير شعور وهمس وعيونه بتتنقل بين عيونها: واحد عنده الجمال هذا وما ينعمي
عجمت وانشلت وهو باسها بين عيونها وتركها على وضعيتها لمدة عشر دقائق كاملة
العصر نزار خرج للحوش وصاح: اباااااااااااااااااااااااااه
قصي النايم في غرفة اسماء فز وبكي بانزعاج
اسماء فتحت الطاقة وكلمته: عجم ان شاء الله نكزت الولد
نزار بيضحك: مادراني وانا
حسام ضربه في رقبته: اخطى يا مدلوز
مشي معه مرتاح وفاتح شيلات وبيسوق بحماس
كميل جالس بعدما شرب المسكن والسجاد جنبه: وووووين كنت امس
كميل بصوت مبحوح مع الزكمه: ضقت وحبيت ابعد عن الناس شويه
سجاد بحنان: ما ضيقك يا اخي
ابسره بعيون تحجرت فيها الدموع: ربما من كثر جلوسك مع ابوك احس فيك عطف الاب
سجاد بيضحك يغير الجو: والقسم مامعي ريال ادي لك يا ولدي تحاكى مالك
كميل: مشكلتي حق كل يوم
سجاد بغرور: عتخطى بعد اخوك
كميل: نخطى
سجاد: خليها تهدا فترة لا تكلمها وبعدين كلمها واسمع كلامها كله ولو رجعت ترجع بقلب صافي
كميل تنهد: احاول
سجاد بعصبيه: والعنجهيه والغرور بطلها يا بن زياد ما تزوجتها تذلها وتستعبدها حرام
كميل بصدق: بين اتخيل لو ترجع لا اخدمها بعيوني بس ترجع
قاطعهم دخول نزار وابوه: السلام عليكم
بلسم وبيلسان بياكلين اندومي في الحوش على العشب ومحاطات بالاشجار من حولهن ومستمتعات
بيلسان بفرح: لو ينزل مطر
بلسم: المطر مش حق مهيتو حق هوت شوكلت والا كابتشينو
بيلسان بقهر: اصلا مش فصل المطر والا كنت اشتريت كابتشينو
بلسم شلت صحن الاندومي بعدما كملين ياكلين وبداين يشربين المهيتو بتلذذ
بلسم: لو تبسري ماوقع يا بنت
بيلسان: ما وقع
حمرت وجناتها وبخجل: هذاك اليوم لما جينا عندكم حين فعلوا ابوش الحادث
بيلسان: ايوه
بلسم: روحت على خروج السجاد وصدمت فيه
بيلسان ضحكككككككككككت: ههههههههههههههههههههههههههههههههههههههههههههه
بلسم غمضت وبهمس: وقف قلبي وجلست شاردة للعشي
بيلسان بتضحك: فجعتي صاحب زوجي يا متوحشه
بلسم بغرور: هههههههههههههههههههههههههههههههههههههه يحصل له اصلا
بيلسان دمعت: الله يجمعكم تحت سقف واحد على طاعته يارب
بلسم: وانتي مش ناوية ترجعي
بيلسان: تقدري تجلسي مع شخص مصمم انش بنت شارع حتى بعدما تاكد بنفسه
بلسم لطمت وجهها: مستحييييييييييل
بيلسان ببكاء: الي تحملته مايعلمه الا الله، تخيلي يا بلسم شكك بشرفي ثلااااااااث مراااااااات واولها لما جاء ياسر يزورني كم بكيت وحلفت الف يمين انه عمي مارحمني يا بلسم وفعل الي في راسه وسط شهقاتي وما رف له جفن
بلسم حضنتها: يا روحي عليش يا توامي معقول صبرتي سنة ونص
بيلسان بشهاق: هذا غير اني كلما طلبته او كلمته شي يقول نغمته المشهورة لا تنسيش من انتي وكيف تزوجتش
بلسم بعصبيه: يلللللللللللللعن شكله
بيلسان باقتناع: مريعه اتطلق انفك من وجهه كل يوم يخ
حسام كلم كميل بعدما خرج السجاد: صل على محمد وآل محمد
كميل: اللهم صل على محمد وآل محمد
حسام: احنا جينا نلم شمل ابني واختك من جديد
كميل ببرود: ومن قال لكم ان معي بنات للزواج
بقايا قلب💔، البارت ٩٦
ملاك بتكلم امها: يعني مالي راي انا
ابتسام بهدوء: راي في ايش
ملاك ببكاء: مشتيش بعد اسبوعين
ابتسام: ماعاد باقي
ملاك: احجز الصالة والفنانة والكوافير
ابتسام: عنتمهن في يومين بالكثير
ملاك قامت للغرفة بنرفزة وابتسمت لما لمحت البيبس الاحمر ومسكته بترقب
ودعوهم ومشيوا وياسر كان اخر واحد
ملاك شافته وحده ابتسمت بشر وسكبته فوقه
لفوا كلهم على شهقة ياسر العالية: ماهو، مالك، ايش وقع
ضحكوووووووا بصوت وملاك مركزه لكميل الي ميت ضحك وضحكت ودموعها بتنزل غصب
ياسر رفع نظره ولمحها كلم كميل: اخطى للسيارة يا زفت
كميل ما رد وبيضحك بهستيريا
مسك كوته وسحبه للسيارة
حسام مافهم شي: مالكم ذلحين ومن فعل هكذا بياسر
ياسر من بين اسنانه: تحرك يا حسام
كميل بهمس: انتقم حين تجي عندك
ياسر عيقرح: ويشهد الله لا ابكيها دم
كميل شافه جدي فماحب يستهبل اكثر
بلسم مع اهلها جالسين بيتكلموا: ايحين عترجع سكينة
شاف لابوه برجاء وابوه رد: غدوه بس كن مستعد لاي رد
نزار بانكسار: لو تطلب الشمس ما اتراجع عنها هي بس ترجع لي ووعد اعوضها عن كل دمعة بكتها
حسام: وانا معك بعدما دريت بغلطك وشا افعل كل جهدي تظل سكينة لك
نزار بخفوت: الله لا يحرمني منكم
بيلسان نزلت لعند ابوها: وما يشتي كميل بن زياد
ابتسم على ملامحها واشر لها تجي جنبه
جلست وهو تكلم بحنان: ما تشتيش تجابريني بمشكلتش معه
بيلسان بكتمان: مشتيهش يا بابا الله يحفظكم، يكفي تحملني سنة ونص لا تجبروه يتحمل اكثر
اسامة: يحبش يا بنتي لا تفرطيش فيه
بيلسان باقناع: مستحي منكم انتوا اطلبوا منه الطلاق وابسروا
ماصدق بس عرف انها كرهته وما تشتيه: خلاص حاضر
ابتسمت براحة انه ما جاء يناولهم ورقة الطلاق وتلاشت بسمتها لما تذكرت انه عيتزوج قريب وقامت للحوش
وصلوا وشافت ياسر معطيها ظهره قفزت وتعلقت برقبته: مبروكات يا قلب بنت اخوك
تصنم وشد يدها وسكت
ميلت راسها وباست خده بس انشلت حركتها لما شافت ملامح كميل المبتسم بحب: اي ا اين عمي
كميل: وكنتي عتدلعي عمش هكذا
تركت رقبته وبعدت بسرعة وقلبها ماعاد مكانه
كميل برجاء: بيلسان انا....
بيلسان بصوت وكان خوفها هجرها وبنظرات كره عظيم: لااااااااا تننننطق اسمييييييييي وانقللللللع يا اخييييييييي بتفههههههههمممم اننننننننقلع
لاول مرة يحس نفسه عاجز يرد عليها او ينهرها همس بخفوت: طيب اهدئي
بيلسان وعيونها بعيونه وبتتنفس بسرعة: واستعجل باجراآت الطلاق لاني ماعدت طايقه نفسي وانا على ذمتك
عطاها ظهره ومشي لوين وكيف مايعرف الي يعرفه انه يختلي بنفسه ويبتعد عن الكل بقدر مايقدر
تابعته بنظرها لما اختفى وهمست ببكاء: ما ما غلطتيش هو يستاهل
العشي سجاد تكلم: يماه
ابتسام: يا امي
سجاد بهدوء: من بيت من خطبتوا لي؟
ابتسام: بيت ال.... هي صاحبة ملاك قوي
سجاد: وداريين انها كاشفة؟
ابتسام باستغراب: يووووووووووووووووه والله ما اعلم
سجاد: وكييييييييييف ما سالتوووووا عليهاااااااا
ابتسام شافت لملاك: قلتي انها بنت مابش منها اخلاق وذوق وميزه وحلا
سجاد ضحك: ههههههههههههه وكله باين ما شاء الله
علي بهدوء: كما قد هي عندك حكمتها
سجاد بانفعال: مشتتتتتتتيهاااااا
علي بحنان: لغدوه ادور تصريفه وغد ماترقد وقد فسخت
سجاد قام: تصبحوا على خير
سكينة بتسير وتجي في غرفتها بقلق وتتصل لكميل: يالله رد ردد رددددددددددددد
خاب ظنها لما سمعت الرد الآلي انه مغلق للمرة العاشرة: اوووووووووف
كيان دخل وهمس: ما جاء كميل
سكينة بكت: لا
كيان بقلق: لا تقلقيش شا اتصل للسجاد لو هو عنده
مسحت دموعها وهو اتصل بسرعة
سجاد الي نايم رد: همممممم
كيان: سجااااااااد كميل عندك
سجاد فز من بقعته وبتماسك: اءاءيوه قد هو راقد
كيان بحلطمة: ليش مايتحاكى عينقص مثلا
سجاد بورطة: ششششششا شكله نسي او كيف
كيان بنرفزه: يحمد الله ان قد امي راقدين والا كان وقع بهم شي من الخوف
سجاد باقتضاب: نااااااهي قل لهم انه حاكاك
سكينة بتحرك فمها: وليش مغلق تلفونه
كيان بقلة صبر: ليش مغلق تلفونه
سجاد توتر هذه المرة وصاح: ياااااااااااااااا اخي طفي التلفون ماتشتيييييييي
كيان: يشلووووووكم الجن مع السلامة
غلق لوجهه وفز يلبس وبخوف: اين ادورك يا اخي
الصبح نايم على تلة في واحدة من القرى المجاورة للعاصمة بعدما حس نفسه لقى مبتغاه ازعجته خيوط الشمس الذهبية الي داعبت عيونه الناعسة
تحرك بصعوبة وحط يده على رقبته: اءاءءه
حس بوجع فظيع داهم ظهره وبيرجف من البرد عطس ومشي ببطء للسيارة
بلسم خرجت من البيت ماشية المدرسة لفتها السجاد الي ماشي بعدم توازن وعيونه حمر من قلة النوم
همست بغصة: ماله هكذا ماحصل معه
علي اتصل له وسال: وين خرجت من الصبح
سجاد بغصة: انا من امس خارج
علي بقلق: لييييييييييش
سجاد: كميل مدري وين هو
بلسم ارتاحت وفي نفسها: ناقص يهم عرج اطول منه ولو يستاهل
علي بخوف: وما لقيته؟
ضرب صدره وبقهر: مااااااااااااشي
بقايا قلب💔، البارت ٩٥
بعد يومين اسامة بيكلم ياسر: ايحين ععرسك يا ولد
ياسر: تشفى ولنا خبر
اسامة بحزم: اتصل لحسام وزوج بيلسان واخطوا حددوا في اقرب وقت
ياسر: لكن....
اسامة بهدوء: ماعنجلس نعلق البنت معنا يا ياسر خطبت وعقدت ايش عاد باقي
ياسر تنهد: ان شاء الله
كميل جهز جناحه الي فيه غرفتين وغرفة نوم كبيرة اختار الوانها رمادي وفضي واسود ومجلس اختاره بيج وازرق والغرفة الاخيرة مفروشة كلها باركي لحمي وفيها كنب والشاشة
التقط له صور ببسمة خبيثة ودخل لمحادثتها واتسعت بسمته لما شافها اونلاين
رسل لها الصور: كيف هو؟
بيلسان بعفويه: واو واو يجنننننننننن😍
كميل: اتزوج فيه او اختار جناح اكبر
بيلسان بكت بس مابينت: ماشي قد هو افخم جناح في الفيلا
كميل: احححححححح صح انها تستاهل ارقى بس ما افعل حدود قدرتي هكذا والا مايغلى عليها
اشتد بكاها وما قدرت تتخيل مرة غيرها بحياته كتبت: تزوج واحدة يغلوها اهلها وما يرموها عليك مثلي تزوووووووج واحدة تدفع مهرها وتجي لك بالفستان الابيض ويوقع لها موكب ويوقع لك عرس تنزف مثل كل الناس تزوج
كميل قراها وشد شعره: اووووووف اووووووف
اتصل لها فيديو وردت وهي منهاره حرفيا
تكلم ماسك ضحكته: قلتي اطلقش وماتشتينيش
بيلسان وبتشهق: ط،لق،ني غدووووووووووه
كميل بنذالة: وليش بتبكي حين شا اتزوج
بيلسان: لاننننننننييييييي اكككككككرهكككككك
جاء يتكلم بس انصدم اول ما شاف المكالمة انتهت وايقونتها اختفت من عنده
همس بعدم تصديق: لا حظرتني
اما هي دفنت وجهها بالمخدة وبكت بنحيب
اليوم الثاني سجاد شاف ملىك في المطبخ تكلم: صباح الخير
ملاك: صباح النور
سجاد بهدوء: من هي الي جت عندش امس
ملاك: خطيبتك
سجاد بنرفزة: انتي داريه كم لعنتها بس لما ابسرتها في الشارع داريه والا مع
ملاك ببرود: تزوجها وخليها تتلثم وما تتمكيج
سجاد: والله يا قمر ناهي قولي لي: كيف جت عندش وهو مايسبر تدخل بيت خطيبها
ملاك بقلة صبر: يوووووووووووه يا سجاد واللغاجة فيك ما تشتيها افسخ الف من يتمناها
لفها له بقوة: البنت المايعة محد يتمناها يا قمر اما الفسخ شا افسخ اليووووووم وازيد ابسرش تصاحبي هذه الاشكال
ملاك بكره: مادخلك
حمي دمه وضربها كف بقوته ومن بين اسنانه: احترمتش خيرات بس شكلش مش حق احترام
مدت يدها لخدها ببطء وتحسسته بصدمة
اما هو مشي قبل يضعف لانه مش متعود يمد يده بس تمادت وتمادت للحد البعيد: هاتي تلفونش بسرعة
ملاك ببكاء: ماعه
سجاد شافها: اخلي ابي يحلوا الموضوع يعني
مسكت التلفون ومن بين دموعها: ها شله ولا تكسرهش
حطه في جيبه ومشي لخارج
سكينة بتكنس مع الشغالة والشغالة بتشوفها بدهشه: كليه ماما انا اندفو
ابتسمت بدفئ: نتساعد سواء عشان نرجع نتعرف على بعض
واصلين شغل وهي معهن بطبعها المرن ويجزمين انهن حبنها وتعلقين بالشغل معها
رقية بتضحك: اجلسي ورجعي ايام ماكنتي اميره
سكينة بزلة لسان: هو هانا وهاناك واحدي سعم اني كان اجلس
رقية بصدمة: ماهو يا سكينة؟
عضت لسانها بورطة: يعننننني هو هو اصلا انتوا داريين مابيعجبني اجلس فكان اقوم اساعدهن فهمتوا
رقية بشك: خير يا امي الله يجبر قلبش ويعوضش
قامت قبل تبكي: دقايق اشحن التلفون
مشيت لغرفتها وغطت فمها بيدها وشهقت من عمق القهر والوجع والضيق واستمرت تبكي لما هدات غسلت وجهها اكثر من مرة وخرجت طبيعي
بلسم في غرفتها بتدور الرسمة وقد عتبكي: ووووووييييين كنننننننت انااااااا ويييييين حطيييييييتهااااااا
تذكرت ان فارس دخل لغرفتها وكانت بيدها ووقف قلبها اول ما تخيلت انه ممكن يكون شلها او تكون معه
نزار دق الغرفة وتكلم: بلسم
بلسم فتحت: ها
نزار مكنها قصي: خليه معش
حضنته بحب: من عيني
نزار باس راسها: اسلمي يا قلبي
بلسم بتلاعبه: برع يا بابي بررررررع
نزار مشي وغلق: الله معش
كميل خلص عمله وياسر اتصل له ورد: ارحب يا نسب
ياسر ببشاشة: المراحب باقية يا وحش كيف انت
كميل: الحمد لله وانت
ياسر: ما رايك تجي تتغداء معنا ونرجع نسير بيت عمي علي نحدد العرس
كميل: جاي الان
بيلسان رضعت دعاء وحطتها على هندولها وباستها: احلام سعيدة يا ماما
سحبت لها كرسي التسريحة وجلست بتتاملها بتعلق
فزت على صوت كميل بينادي: ياااااااااسر
فكرت انه جاء يدي ورقة الطلاق وحاولت تتماسك
ياسر خرج: حياك حياك
كميل مشي يسلم على اسامة وناهد ويزن
ياسر: ثواني ويجهز الغداء
كميل بتردد: اءاء انا شا
ياسر فهم: هيذك في غرفتها
قام بس اسامة تكلم: اجلس لا تضغط عليها يا ولدي
كميل كتم غيظه وجلس
اسامة بسؤال: مابينكم يا كميل
كميل بتوتر: ببببصراحة انا لما عرفت انها قريبتي ومع المشاكل الي وقعت مع امي كنت ما اطيق هذك الاسرة غلطت عليها اعترف
اسامة: وبقية حياتكم طبيعي
رد بعدما بلع ريقه: اكيد
اسامة: خليها ترتاح فترة ولا لك الا مايرضيك
كميل بخفوت: ما انكرش انها استوجعت مني قوي بس شاريها ومستعد ارضيها بروحي لو طلبتها
ياسر: الا ابشر بما يسر قلبك
بقايا قلب💔، البارت ٩٤
سكينة بتردد: اشتي ابسره
بلسم قامت: الان
رقية واسماء وسماح ونسوان اخوال بيلسان مع ناهد بيتجابرين
بلسم دخلت سلمت عليهن وكلمت امها: ماما ادوا قصي يبسرنه البنات
اسماء شلته من حضنها ومكنتها: انتبهي له
حضنته وشلته لسكينة
سكينة مسكته بتتامله بلهفة وكانت اغلب ملامحه لنزار انفه الحاد وخدوده الممتلءة حواجبه الكثيفة وعيونه الواسعات
ضمته وسرعان ما تمسك بفستانها ودفن وجهه بصدرها
نزلت وجهها لعند وجهه وهمست بشهقات مكتومة: ما،ما
بيلسان لفتت لبلسم: الله يسامحش
بلسم ودموعها بعيونها: ماتلوهت
اما هي هزته في حضنها لما غفى بامان ودموعها ملت خده الصغير💭💭💭
فجر اليوم الثاني قاموا بعدما صلوا وجهزوا شناطهم
كميل خرج من جناحهم الي ساكنين فيه على بال مايسافروا وبيصيح: عبااااااااااس يااااااااا عباااااااااس
حمزة خرج بيضحك: قالوا لك اصغر عيالك او كيييييف
عباس لحقه وبيده الشنط: عباس عباس مقبوله يا بزي
كميل مسكهن من يده: اشلهن للسيارة؟
حمزة مشي معه: ايوه هيا
شل شنطتين وسبقه للسيارة وحمزة لحقه
حسن شافه: اصبحت يا قلب خالك
كميل: صبحكم الله بالخير
حسن حط يده على كتفه: دفي السيارة ودقايق وجايين
كميل طلع يدفيها: منتظركم خذوا وقتكم
بيلسان قامت صلحت لابوها بيض بلدي وخلطته بالحليب وشلته له: صباح الخير
اسامة وناهد: صباح النور
بيلسان ببسمة دافية: سويت لكم عصير البيض اللذيذ يمي يمي
اسامة ضحك: تسلم الايادي
ناهد ساعدته يجلس وبيلسان ناولته القلص: عليكم بالعافية يا ابو بيلسان
اسامة رشف وبابتسامة: عافى قلبش يا روحي
ناهد: اين دعاء
بيلسان: راقده في غرفة بيان
ناهد: رقدتي من دونها امس
ردت بغصة لما تذكرت امس: مكنوه بنته وكلموه يطلقني
اسامة بتعجب: عتقدري تفلتي بنتش؟
بيلسان ببكاء: افلت الهواء الي بين اتنفسه لو عيضغط عليا به
اسامة بتروي: اهدئي يا ابي وصلي عالنبي زوجش مايتعوض سيد الرجال لا تتسرعي وتطلبي ....
قاطعته وهي تخطى: زيدوا اظلموني وردوني له
اسامة ناداها بتعب: ارجعي هاه
رجعت وهو سحبها لصدره وتكلم: ماترجعي بغير رضاش وراسي يشم الهواء بس انتي لا تتسرعيش وفكري بروية
مسحت دموعها وراسها على صدره وهمست: حاضر
نزار بيتامل قصي الي بيناغي ببراءة واسماء جنبه بتنتبه له
نزار ابتسم بحب: بابا
بلسم دخلت وتكلمت: الحليب وصل
اسماء رفعته لحضنها وضمته وبترضعه بالرضاعة
نزار بقهر: ما اقسى امك الي فلتتك وما كملت شهرين
اسماء: نزوجك
نزار بخفوت: اشتي سكينة
اسماء بتجابره: امس بسرته وضمته ورقد في حضنها
نزار بلهفة: كيف هي
اسماء: سكينة الي عرفتها بس لوما مشينا نروح شليته من حضنها وهي رفعت راسها وكانين عيونها قطعة دم واحدة
غمض عيونه وهمس بغصة: بكت جعلي مكسر عليها
اسماء بحنان: سير مع ابوك واعقدوا من جديد
نزار بغيظ: عادش عند كميل الزفت مايديها لوما يقلع عيونش
اسماء بحزم: حقه يا حبيبي غلطت تتحمل نتيجة غلطك
احلام لبست وعتخرج عند جيرانهم
مرت اخوها وقفت عند الباب وتكتفت: الى اين
احلام طنشتها ومشيت من جنبها
مرت اخوها دهفتها من كتفها: مابش خرجه
احلام تنرفزت لفت يدها بقوة: مااااااااادخلش
مرت اخوها صاحت ببكاء: اييييييييييييي محممممممد ياااااااااااا محمممممممممد
محمد فز وشافهن دهف احلام للجدر ومرته ارتمت لصدره وبتبكي وهو بيطبطب على ظهرها ويكلم احلام: وكسسسسسسسسسسسر يكسررررررررر يدش يا حيوااااااااانة
احلام ببكاء: يرضيك تتدخل فيني وتامر وتنهى
محمد بعصبيييييه: صفاااااااااء كلمتها ماتوقع ثنتين
احلام بعناد: عاد امي وابي على الحياة
محمد باستعلاء وفخر: اساليهم من هي صفاء لهم
صفاء بدلع: الله يجبرني بك وبامي وابي
باس راسها بعمق: وبش ي قلبي
احلام رجعت غرفتها وبقهر: مش انا الي اسكت عن هذه المهزلة
العصر ريم مرت من جنب بيت ملاك ودقت الباب
سجاد الي كان ساير لكميل فتح ونزل نظره بحياء: تفضلوا
ريم بجراءة: كيفك سجاد
سجاد مثل العادة تنحى لها تدخل وما رد
ريم بدلع: ماعرفتني انا خطيبتك ريم
سجاد بصدددددددددمه اسرع لخارج وتوجه لفيلا كميل
كميل صلح لهم مكان في المجلس الخارجي وفز على دخول السجاد وملامحه ماتطمن
جلس جنبه وتكلم: به شي؟
سجاد عينفجر: كم لي خاطب؟
شاف الجدية فيه ورد بهدوء: حق اربعة اشهر
سجاد منفعل: اننننننننننننننت دااااااااااااااري من هيييييييييي
كميل باستغراب: من؟
سجاد بيتنفس بسرعة: الي ساعدت اختي ينشرين صور مرتك
كميل بيهديه: فترة غيرة من كريمتك وانتهت بعدما ارتبطت بياسر تناسى يا سجاد
سجاد بيفرك ايديه: هذه مشيناها بس ويشهد الله يا كميل لو انعدمين بنات ادم غيرها ما اتزوجها لو اموت
كميل بتعجب: لييييييييييش
سجاد بيقلدها: كيفك سجاد انا ريم خطيبتك اننننننننننننن
كميل بتعجب: احلف
سجاد: هذا غير انها كاشفه وممكيجه ولا عرس خالتها
كميل: كيف ما سالوووووا عليها قبل يخطبوا
سجاد: قصدهم ان بنتهم ملاك بتسصاحب ملايكة
بقايا قلب💔، البارت ٩٣
حسان بخوف: ليش يا حسام حصل شي؟
حسام تنهد: بصراحة البنت من بعد خطوبتها مش مرتاحه وماعاد حبيت اضغط عليها اكثر
هناء الي بتسمعهم من عند الباب تكلمت: الف من تتمنى ابني وماتشرفونا ماغير خطبتها احترام لرغبته
حسام سفهها وكلم حسان: عالعموم موضوع العيال مايؤثر على علاقتنا
حسان بعقلانية: اكييييييييييييييد الله المستعان
ودعه وتحرك لبيت اسامة
فوق السيارة اسامة مغمض بتعب بين احضان كميل وياسر
ويزن وسجاد قدام
وصلوه وحضنوه للبيت وهو تكلم: ما قاااااال الدكتووووووووور ايحييييييييين ششششششا اخطى
انعقدت السنتهم وكميل رد ببسمة دافية: ستة اشهر تداوموا على التمارين وترجعوا احسن ان شاء الله
اسامة براحة تمتم: ان شاء الله
حطوه على سرير الغرفة وتكلم يزن بامتنان: تسلموا يا رجال
جلسوا وردوا: واجب
كميل قام وكلم يزن: يا نسب دقايق
لحقه والبنات وصلين مع النسوان عشان يدخلين عند بيلسان وناهد
كميل ضرب رجله في الارض بقهر: اوووووووووووف
يزن ضحك لما فهم قصده: هههههههههههههههههههههههه اجلس للعشي وانا اخليها تجي لعندك
كميل بغير وعي: وما يصبرني للعشييييييييي
يزن بنذالة: عينقص الاوكسجين
كميل باحراج: بنتي واشتي ابسررها
يزن: تمااااااام
البنات كلهن عاملات حلقة وبيتجابرين
بيلسان خلصت ترضع دعاء وهمست: ثواني احطها في سريرها ترقد
سكينة بنفس الهمس: تمام
بلسم وصلت ووزعت نظرها للبنات وصاحت اول ما وقع نظرها على سكينة: سكيييييييييييييييييييييييننننة
سكينة فزت تحضنها بحب: يااااااااااا نظظظظظظظظرررررر عيووووووووونهاااااااااااا ياااااااا بللللللللسم حيااااااااااااااا
لجين بمزح: بتجامليها عشان تزوجش باخوها هههههههههههههههههههههههه
سكينة ضحكت بتسليك وجلست اما بلسم سلمت على بقية البنات
اما عند الرجال كلهم بيتجابروا ونزار دخل: السلام عليكم
كلهم ردوا ونزار سلم وجلس جنب كميل وهمس: حياك يا نسب
كميل من بين اسنانه: انسى هذه الكلمة احسن ما اكسر لك راسك
نزار ببرود مستفز: ايش اسمي اخو مرتي غير النسب
كميل بنرفزه: مرتك كااااااااانت الان لو تنطبق السماء على الارض مارجعت لامثالك لو ازوجها ب....
نزار برفض: كميييييييييييييييل اسكت
سجاد لفت لهم بنرفزه: مالك انت وهو ذلحين
نزار: انساب وعنسد
لفت لقدام بقهر وهمس: ورجعت تحشر انفك بشي مايخصك تستااااااااااهل
قاطع شروده كميل: سجاد انا وانا السجاد وقسما بالله لو يقرر عن سكينة قرار ان تنفذه بكامل ارادتها
قام بعدما رماهم بنظرات قاتله وتكلم: انا استاذنكم ومعافى يا عم
سجاد تابعه لما مشي وابتسم بنصر وكلم كميل: ما غلطت لما اخترت اخوتك وفخور بها دنيا واخرة ان شاء الله
كميل ابتسم: بقيت لكميل يا رزح ظهره
ميرا وسيدرا بياكلين سكريم وسجى بتصورهن وتضحك
سيدرا ووجهها مخبوص بتبسر للكاميرا: طبعا هذه الصور شا اوري احفادي كييف كانت جدتهم
ميرا الي ماتقل عنها: وانا شا احكي لهم كيف كنت هبلا وبين اخبص بالسكريم حتى بعدما تزوجت
البنات: ههههههههههههههههههههههههههههههههههههه
سجى غلقت التصوير: هيا قومين غسلين يا قمارى
قامين على دخول سيف الي شهق بفزع: لييييييييييييييش وجوهكن ملان دم
البنات ضحكين: ههههههههههههههههههههههههههههههههههههه
سيف حط يده على كتف ميرا وبغير ادراك: اوجعتين شي
ميرا بلطف: هو اكلنا سكريم فراولة بس
عقد حواجبه: اخطين غسلين يا سامجات
مشيين وهن بيضحكين وهو جلس على الكنب براحه وبسمه يحاول ينكر مصدرها
سجاد قام وتكلم: الله يعينكم ي جماعه
ياسر: اسلم يا نسب
سجاد سلم على اسامة: طهورين يا استاذ
اسامة بتمتمة: رضي عليك
بلسم الي ودعت البنات خرجت وتلفونها رن
مسكته وردت: ها جنى
جنى: كيفش يا قلبي
بلسم ابتسمت: الحمد لله وانتي
جنى: الحمد لله كتبتي بعد الاستاذه في حصة الاحياء
بلسم وبتطل نظرها للزهور الي في الحوش: ايوه
جنى: صوري لي
بلسم: طيب يا روحي
جنى: تسسسسسسسلمييييي
ودعتها وبتتفرج للزهور بانجذاب
سجاد ماشي بسكينته المعتادة وهي بتمشي ونظرها ليمينها ماشافته وصدمت فيه
فزت اول ما حست راسها بصدره وبعدت بسرعة
سجاد لحق انفاسه وهمس: انتبهي
اسرعت بلا وجهة لما سمعت صوته
سجاد غمض عيونه وتنهد بحرقة: الناقص
ابتسم بسرحان وهمس: قلبي عيوقف هههههههههههههههههههههههههههه
العشي بعدما ساروا كلهم وما بقي احد غيرت ملابسها لروب بيت ازرق مكمم ومشطت شعرها وربطته منه فيه بتلقائية وحضنت دعاء ونزلت
وصلت وطلت للباب وكميل اتسعت ابتسامته وسرعان ما تلاشت اول ما تراجعت للخلف
يزن: ادخلي مابه احد غريب
بيلسان: الا به
كميل كتم غيظه وسكت
ناهد تكلمت: بيلسان ....
بيلسان ببكاء: ماهووووووووووو
اسامة بتعب: جي يا بابا
مسحت دموعها ودخلت طوالي لابوها
دعاء شافته وبتمد له ايديها: بااااااااااااا
فز وحضنها وضمها بقوة وهمس: يا ابي يا دعاء
بيلسان جلست جنب ابوها وحبت راسه: جعل فيني ولا فيكم يا ضياء عيني انتوا
بقايا قلب💔، البارت ٩٢
عباس بيكلم نزار الي نظره لبعيد: قصة طويلة المهم ان هي بنت اختي
نزار: مش هي اخت كممممممييييييل
عباس باستغراب: الا بس امهم اختنا
نزار بعدم فهم: خير
عباس بسؤال: من اين تعرفها؟
نزار: كانت مرتي
عباس ونظره لقصي: شله لا يستبرد وانا افهم الموضوع من سكينة
سكينة بتسير وتجي في غرفتها وتواسي نفسها: متزوج ومستقر معها انتي الا دخيلة انتي الا بنت فقررررررررررر
مسكت راسها بايديها وانفجرت بكاء
عباس رجع البيت وشاف رقية: سكينة كانت مزوجه؟
رقية: ايوه لبيت ال....
عباس: ليش تطلقت؟
رقية بقهر: بننت اختك كتومة يا عباس ماتبسرهاش حتا تبكي
عباس بخفوت: خير انا كلمت القلاب يجي ينقل ادواتكم غد والشغالة عترتبهن
رقية بامتنان: كثر خيرك
ناهد كلمت بيلسان: قومي نروح مع كميل وياسر عيجلس مع ابوش البنات في بيت الحارس
بيلسان: نروح وحدنا مش مع كميل
كميل بنرفزه: تروح وحدها عشر ونص العشي
بيلسان بعناد: معي ماما ماعليك
ياسر صاح: بييييييييييلسااااااان قووووووووومي معه واللسان الطويل قصيه لا اقصه انااااااااا
مشيت بسرعه وردت ببكاء: لا انت ولا غيرك تتدخلوا مني ماناش مروحه معه
لحقها وسحب طرحتها ورفع يده: كبر راسش الظاهر
كميل مسك يده وتكلم: بس انت وياها هيا عمة
ناهد قامت ويزن همس بخفوت: انا مع ابي
ناهد بوجع: تمام
كميل مشي للسيارة وناهد مسكت بيلسان ولحقته
اليوم الثاني عند ميرا مسكت قلص البن وشربت اول رشفة
سيف جلس جنبها وسحبه: ليش ماسكبتي لي
ميرا حركت شعرها بعفويه: ماقلتلي
سيف: عاد باقي؟
ميرا: ايوه هات حقي وانا شا اسكب لك
سيف: اسكبي لش انتي
ميرا بامتعاض: يخخخخخخخخخخخخخخ يا سيف ما الغجك قلصي قلصييييييييي
حط رجل على رجل وبيشرب بتلذذ
قامت سكبت لها قلص ورجعت جنبه بسعادة ومتاكدة انها حبته بكل مافيها وما كان يحيى الا طيش ولعب
بيلسان بتشمس دعاء في الحوش وبيان بتلعب جنبها
بيلسان بتتحيلا لها: بياني لا تدربي
بيان بدلع: مااااااااعه
بيلسان ابتسمت بحب: ناهي هه
بيان بتكشيره: ادي بابا
بيلسان بوجع: بابا مريض يا بيان
بيان ببراءة: ين
بيلسان: ويزن مع بابا
بيان رجعت تلعب ودعاء بتحبي في الشمس
بلسم بعدما لبست دورت الرسمة للمرة العاشرة همست ببكاء: ياربي وينهي وينهيييييييييييييي
قاطعها ابوها الي نادى من غرفة الاكل: بسبوسه عتصطبحي
بلسم نزلت: جاية
نزار وصل البيت اخذ نفس بعمق ودخل
حسام شافه وابنه بحضنه وتكلم: مالك
نزار تقدم وحضنه وهمس: اباه
ابوه شد عليه وتكلم: يا مال ابوك
نزار بدموع: تاعب
حسام جلسه وبلسم حضنت النونو وتكلمت: وين احلام
نزار بخفوت: طلقتها
اسماء بتعاطف: وشليت ابنها يا ظالم
نزار ضحك: رجمته هي وقالت مايلزمها ولا تتدخل منه
بلسم تاثرت: يا ويييييييييلها من الله
نزار: قسما بالله من يوم ولد ماضمته الا مرة بعدما تصايحنا
اسماء: ماعزه وما اغلى وهو اميرنا الصغير
حسام مسك يده بحنان: ادخل ارتاح وبعدين نتجابر
طلع لجناح سكينة فتحه ومازال على حطة يدها كل شي
تمشى فيه بيتذكر كل شي فعله معها: هانا دهفتها لما اوجعت ظهرها، وهانا سكبت منها البن، وهاناك وهاناك وهاناك، كم عتحسب حقارتك وتفاهتك كممممممم
اشر للكنب: رقدت وهي بتبكي هانا بغير بطانية مافكرت ليش ولا سالت
سجاد وكميل كملوا توصيل الادوات للبيت الجديد وحضنه بضحكه: وقدك صاحب فلل وشركات ماعاد احنا من مستواك
شد عليه: ابقى كميل الكادح المسكين
سجاد ابتسم بسعادة: سكن العافية يا عزيز
كميل بامتنان: عافى قلبك وسلمك
رقية نزلت لعندهم: سجاد قول لامك تجي عندنا اليوم تتغداء
سجاد: ان شاء الله حاضر
اسامة وجنبه ياسر همس بثقل: يييييا ياسسسسرررر
ياسر فز: هااااا
اسامة: اش اششششششتتتتيييي اخررررررجج من هااااااانااااا
ياسر بهدوء: ساعتين ونخرج
يزن ممدد جنب ابوه: فجعتونا عليكم وهيذا انتوا بخيييييير
اسامة بتعب: ااااااالله يرضى عليييييييك يااااااااا ووووووولدي
يزن باس راسه ويده: الله لا يحرمني منكم يارب
قاطعهم الدكتور الي دخل يغير المغذيه ويتطمن على صحته
عباس واخوته في فيلا رقية مع سجاد وكميل وعلي
عباس تكلم: عالعموم يا كميل احنا مسافرين غد ماتحتاج
كميل بامتنان: ماقصرتوا بقيتوا
علي ببسمه: كان نفسنا تجلسوا اكثر
سجاد الي ماحس معهم انه غريب: عادحنا عرفناكم زيد اجلسوا
حسين: على قلوبكم بنجي كل ستة اشهر نغثكم شهر
سجاد بطبعه البشوش: في عيوننا
حسن باعجاب: ابني في الطريق الله يقومه هو وامه بالسلامة وما اسميه غير السجاد
شب صدره بغرور وكميل تكلم: ماعيدي سماية هذا بخييييييييل
حسن بضحكه: احسد احسسسسسد
علي بفخر: محد مثل احد ابني فرييييييييد
حسين: فريييييييييد والا حموووووووود
سجاد بيضحك: ما مع الحاسدين الا الدموع انت وكميل
كميل ونظره لساعته: استاذنكم ياجماعة اسير اخرج عمي مع ياسر
سجاد قام: وانا معك
اخواله وعلي: واحنا عنسبقكم لبيتهم
بقايا قلب💔، البارت ٩١
فزوا كلهم على خروج الدكتور بتعب: طمنا يا دكتوووور
ابعد الكمامة عن وجهه ومسح جبينه بتعب: عملنا الي علينا والباقي على الله لو ما قام خلال ال٢٤ ساعة الجاية بيدخل غيبوبة
يزن بامل: عيقوموا ابي واعرفهم كرههم النوم
الدكتور بحزن: ولو قام عيظل مشلول
ناهد غطت فمها وشهقت بصددددددمه
اما بيلسان تهاوت من طولها مغمى عليها
اسماء بقلة حيلة: ياااااااااااااااا الله ياااااااااا الله
كميل جلس على ركبه وحضنها للغرفة ترتاح
بلسم ماسكه قلمها الرصاص بترسم في ورقة باحترافية
انهت الرسمة وتاملتها بحب كان السجاد واقف بملامحه الراسخة عيونه السوداء الواسعة وحواجبه الي كانها محددة تحديد لحيته الخفيفة وشعره البني وطوله الفارع
ابتسمت بحب وهمست لنفسها بدموع: مايحق لش ترسميه وتتامليه بهذه الطريقة مش حلال
اردفت بضحكه طفولية: خبيها خبيها يا هبلا يمكن تحتاجيها بعدين
فارس وصل للفيلا شاف غرفة بلسم مسرجة ابتسم بخبث وجلس في الصالة قدام غرفتها
خبت الورقة في شنطتها ورجعت خرجتها: حاليه ماسخيت اخبيها
لبست البالطو والطرحة وفتحت تخرج
دهفها لداخل وبشر: ما رايش بما ان مابحد انتقم للاهانة الي فعلتيها
جمدت اطرافها وبلعت ريقها وردت بتحدي عكس الي بتحسه: جرب حظك
دهفها للجدار وقرب منها
بلسم بحركة سريعة سحبت المزهرية وضربته على راسه لما اغمي عليه جاهدت بقوة تسحبه للشارع
بعد جهد وصلت وحطته عند الباب وجرت بقوة للمستشفى حيث امها وابوها
علي والسجاد مشيوا يزوروا اسامة وعلي بيجابره: قلت لي مايقرب لمرت كميل؟
سجاد بوجع: ابوها
علي بحزن: الله يقومه بالسلامة
لفوا نظرهم للبنت الي بتجري بقوووووووووة والدموع ملان عيونها
فز قلبه وهمس بمحاولة يطمنه: مش بلسم يا سجاد مش بلسم
بلسم مواصلة تجري وما انتبهت للورقة الي نكعت من يدها وواصلت طريقها
شاف الورقة ومشي يشلها وانصدم: اباه؟
علي تاملهاااااااااااا وبدهشه: ايحين تصورت
سجاد وعيونه مارمشت: مدري
علي باعجاب: احتفظ بها
عطفها ودخلها جيبه وبهمس: داخل الشريان
كميل جالس على السرير وراس بيلسان على فخذه وبيده كيكة: عتاكلي؟
بيلسان باصرار وفمها مغلق: ممم
كميل بحزم: بسرعة
بيلسان بعناد: بابا
زفر وبقلة حيلة: تشتي تبسريهم كلي الكيكة
فزت وبتعب: قول وعد
كميل بورطة: وعد
عباس الي روح لبيت رقية وكلمهم عن ابو بيلسان
سكينة ردت ببكاء: شلووووووووووني عندهاااااااااااا
عباس مسح شعرها: قومي يا خالو
رقية بقهر: مارتاحت الا ولقت هم جديد الله يعينها
قاطعتهم سكينة الي جت لابسة: هياااااااااااااا
نزار بيجابر قصي الي ماشلته احلام معها: انت داري يا بطل ان امك مارضت تشلك معها قلك تشتي تعيش حياتها ومش ملزمة منك
كمل كلامه بشوق: ماما سكينة احلى منها. عتجي معي اعرفك عليها
سجاد وصل وبلسم متمسكه بامها وبتبكي عرفها وحاول يتجاهل توجه لياسر الجالس بجمود: صل على محمد وآل محمد يا حيدي
ياسر دونما يتحرك: اللهم صل على محمد وآل محمد
سجاد مسكه يقوم: مابلا تقوي مرته وابنه وانك اضعف
ياسر حضنه ونزلت دموعه بصمت لما حس انه هدا وقام جنب يزن وناهد بيقروا قران
حسام تكلم بقلق لحال بلسم: متواصلين
الكل: على خير
مسك بلسم من يد وامها اليد الثانية ومشيوا
ميرا بتتفرج كارتون لحن الحياة على التلفزيون ومندمجة بقوة
ابتسمت اول ماشافته دخل وبعفويه: سسسسسسسيف جي ابسر بيدوا لحن الحياة
جلس جنبها مبتسم: كانت تعجبش؟
ميرا بحماس: يووووووووووه كان اموت عليها
سيف حاوط كتفها: نجلس نبسر
حطت راسها على صدره ورجعت نظرها للتلفزيون لما نامت بامان
سيف قلبه ماعاد مكانه ابتعد شويه ومالاحظ انها نايمة ونكعت من الكنب وشهقت بفزع
سيف نزل بمستواها بخوف: اسم الله
ميرا بتتحسس يدها وكتفها وظهرها وتبكيييييييييي
سيف شلها لحضنه وهمس: كنتي راقده اسف والله ماكنت داري والله
مستمره تبكي وهو تنهد وحضنها للسرير حطها وباس خدها وهمس: جعلي مكسر
تخدرت بكلها وما اصدرت نفس واحد وهو خرج من الشقة ونزل مع اهله
بلسم بانهيار: الااااااااااان الااااااان اتصلوا لعمو حسان وردووووووا الشنطة فاااااااااااارس ماشتييييييييييه
حسام بتمهل: متاكدة ماعتصليش استخارة
بلسم ببكاء: قناااااااااعة من دااااااااخل قلبي مشتيييييييييش فاااااااااارس
اسماء بتاييد: لا تضغطش عليها يا حسام
حسام تنهد: خير
فارس دق الباب وهي قامت للغرفة وحسام تكلم: تفضل
دخل واسماء تكلمت بتوجس: انت ومن تضاربت
فارس بارتباك: هااااااااه هووووووووو سارق دخل للحوش
اسماء قامت: الله يعين كان انا عند البنت
حسام: الله معش
دقت الباب وبلسم فزت برعب: ماااااااااالميت الزجاج
اسماء دخلت وباستغراب: ليش كسرتيا
بلسم بكذب تجنب للمشاكل: شليت دفاتري ونكعت عليا
اسماء بتنظف: فداش يا قلبي لا قدش بخير
بقايا قلب💔، البارت ٩٠
عباس كلم بيلسان:: ليش يا خالو ماتشتيش
بيلسان باصرار: يطلقنيييييي وبس
حسين بضحكه: هي غير تشتي تكسر العين هوذا جاء حاضنها وهي ماسكته
تلون وجهها وكميل ابتسم بفرحه: ايييييييييييووووووووه ماغير ماتشتيش تجابركم
بيلسان بتمسح دموعها: مشتيش اجابر احد يطلقني
حسن بهدوء: بس ارتاحي هذه الفترة وارجعي تمام
بيلسان بتصميم: راحتي بعيد عنه يا خال
بلع ريقه وتكلم: طلاق ماناش مطلق
بيلسان جت تتكلم وقاطعها تلفون كميل الي رن
قام يرد ورجع بملامح مخطوفة وتكلم: يا خال الحقوني اشتيكم
لحقوه كلهم ويزن معهم
كميل كلمه: سير عند بيلسان
بيلسان من وراه: ماوقع يا كميل مالهم بابا
توتر وماشافها: ما ماوقع شي يا حبيبي تطمني
تمسكت بظهره وببكاء: مالهم بابااااااااا تحاكىىىىىىىىىىى
فك اصابعها عن خصره ولفت: ماااااااااابه شيييييييييي ادخليييييييييييييييييييي
تراجعت ببطء وهمست: كككا ك،ذ،اب
كميل ليزن: دخل اختك
يزن مسكها ودخلها وكميل مشي مع اخواله وتكلم: اتصل ياسر
عثمان بقلق: ماحصل خير
تنهد: عمي فعلوا حادث
عباس صاح بخووووووف: لا حول ولا قوة الا بالله ووينهو
كميل: عيجي ياسر ذلحين
ياسر وصل بسيارته: اطلعوووووووووووا
في البيت بتبكييييييييييي وتكلم امها: بابا فيهم شي والله ان فيهم شييييييييي
ناهد بقلق: اذكري الله يا ماما
شلت المصحف وجلست على الكنب بتقرا بسكينة
ياسر وصل المستشفى وسال عن المريض الي دخل قبل ساعة مسوي حادث
دلوه على غرفته واسرع لها بجنون شاف الشخص الي تواصل معه وتكلم: انت الي بلغتني عن اسامة
الرجال: انت اخوه؟
ياسر بلهفة: اينهو
الرجال: الله يصبر قلوبكم عادهو في العمليات
ياسر لفت لكميل: حاكي الاهل
كميل برجاء: ماشي يا ياسر ماشي
عباس تكلم: مابلا كونوا اقوى من هكذا
ياسر ببكاء: تعرف من هو اسامة يا عباس، اسامة ابي قبل اخي اسامة اول شخص احتضضنني بعد موت امي وابي بعد عرسه بشهرين وكان عمري سبع سنوات يا عباس سبع
كميل بتردد: انا شا احاكيهم
حسين: قواك
مسك تلفونه بايدي راجفة وضغط رقمها
سكينة بتلم لداتهم عشان يسكنوا في البيت الجديد وكرار بيقفز بفرح: عنسير بيت عباس
كيان ضحك: ويوقع لنا بيت كبير فيه مداره ومسبح وملعب
سكينة بتنهيدة: والله ما احلى من هذا البيت الي بغير حوش والي مافيه غير الغرفتين والمجلس
كيان بتعجب: صدق يا سكينة
كرار: ليش
سكينة بتفهيم: الحياة البسيطة والشغل باليد والتعب والكدر متعه يا اخوتي
كرار ببراءة حرك راسه: مافهمت شي
ابتسمت لبراءته: تعرف ايهم
كشر حواجبه: كريه مايخلي احد يلعب بسيارته ويجلس يسمينا شحاتين
ردت بغصة لما ذكرت نزار: تماما كلهم هكذا يكرهوا الفقراء ويسموهم شحاتين
كيان: هي كلها ارض الله وكله مال الله عيشله عليهم بعدين يدوروا ايش ياكلوا
رفع ايديه بيدعي: ياربي احنا بنحبك لو عنوقع مثلهم لا تدي لنا شي هذا البيت يوسعنا كلنا حتى بيلسان ودعاء
ابتسمت من قلبها وقامت حضنته: يا كراري فديت القلب هذا ما انقاه
بتقرا قران وتلفونها رن وردت وكانها كانت منتظرة: كميل مالهم بابا قلت لك
كميل بتمهيد: يا روح كميل وقلبه اذكري الله
همست رافضه تسمع شي: ممممماه مات
كميل بيطمنها: ماشي يا قلبي مافيهم شي بس حادث بسيط وهم في ...
قاطعته بعدم تصديق: اين انتوا
كميل: عمي حسام عيجوا لكم
غلقت لوجهه وجلست بتشهق بين الثواني وتحس ماقدرت تتنفس وبتهمس: يييييييييا، ي،ارب
حسام وصل مع اسماء واسماء اتصلت لناهد ومشيوا معهم
فوق السيارة تكلم حسام: احمدي الله واشكريه يا اختي
ناهد بتوجس: ماوقع
اسماء بهدوء: اسامة في غرفة العمليات
صاحوا ناهد ويزن: لاااااااااااااااااااااااااااااااااااا
احلام بتكلم التلفون وقصي بيبكي جنبها: لو انا داريه ان احنا عنعيش في هذا الكوخ ماحطيت حبوب منع الحمل في غرفة نوم سكينة وخليته يطلقها قد كانت بتخدمنا مالها شي
صاحبتها: لكن جهالها عيتقاسموا الورث مع جهالش
احلام بحقد: بعيييييييييد عليها بنت الفقر كنت شا ادبر لها مصيبه تسقطهم ساع المصايب الي كنت افعلهن لها واخلي نزار يبهذل شكلها
نزار الي حضر من بداية المجبر قبض ايديه بقهر: حقير حقير يا نزارررررر
فتح الباب بقوة وهي غلقت التلفون وابتسمت بتوتر: ايحين جيت
قرب منها بابتسامه ماطمنتها: انتي حطيتي الحبوب في الغرفة
احلام بترجع للخلف لما استقرت للجدار
نزار رفع يده وضربها كف بقوته: هذا حق ابني الي بتجابري وتخليه ينتحر بكاء
ضربها الكف الثاني اقوى: وهذا حقي الي كنتي تخدعييييييني وانا اصدقش مثل الحمار
ضربها الكف الثالث لما نزف انفها: وهذاااااااااااااااااا حق سكييييييييينة الي يا كم جرحتهاااااااااا وهنتهاااااااااااااا وذليييييييتهاااااااااااا عشان ارضييييييييي حثااااااااالة مثلش
احلام بانهيار: لاني حبيتك
نزار سحب الشنطة ولم لداتها ووبحرقة: انننننننننننتتتتتي طااااااااااااالق طااااااااااااااالق طااااااااااااااااااااااالق
بقايا قلب💔، البارت ٨٩
كميل اخذ نفس وهمس بغصة: الاب مايتعوض بملك قارون يا خال عن ايش عتكفر
عثمان باسف: صدقت يا ولدي ولو ماعندي الجراة اطلب منك السماح بس سامحني يا كميل
ومثلما حرمتكم من ابوكم عاقبني الله وحرمني احساس الابوة
كميل تقدم منه وباس يده وراسه: انا ابنكم وانتوا ابي
عثمان ودموعه بينزلين بالغصب حاوط كتفه وسحبه يجلس جنبه: الله يرضى عليك يا كميل
رقية بفرحة: الحمد لله سديتوا ذلحين عترجع مرتك
كميل بهنجمة: عيساعدوني اخوالي
عباس بفخر: اشتد يا بزي
كميل ابتسم واختفت ابتسامته اول ما تكلم حسين وهو يضرب عباس: اصبر نبسر ليش انفصلوا من التهور
عض شفته بقوة وتكلم: تزوجتها باختيار امي وماكنا داريين انها بنت خالتي،
عشنا طبيعي لما دريت واديت لها كلام اعترف اني اوجعتها بس احبها وشاريها بالدنيا
عثمان: ماترقد غدوه الا وهي عندك
خفق قلبه وبسعادة: صدق يا خااااااااال
عثمان الي جاهل القصة الحقيقية تكلم بثقة: ابشر يا قلب خالك
اليوم الثاني فارس خرج من البيت منتظر بلسم بحقد
بلسم خلصت تلبس ونزلت كلمت ابوها: انا مريعه لكم خارج يابابي
حسام بيلبس: تمام اسبقي
توجهت للباب فتحته وتفاجات بفارس الي تكلم بهمس: بلسم
غطت فمها وشهقت بكره: ماتشتييييييييي
فارس مسك يدها: اوصلش المدرسة
حاولت تبعد يدها وماقدرت شلت يدها الثانية وضربته كف بقوتها وصاحت: امك ماربتك وجت تربيني ليش تلبسي ليش تفعلي تففففففف على وجهك يا حيوان
تركها بقهر وبيغلي: بنت تهينك يافاااااااااارس بنننننننننتتتتتت
اما بلسم ضحكت ودموعها بتنزل: هههههههههههههههههههه كفووووووووووو يا حيد ابوش كفووووووووو قلعتي عينه
واصلت كلامها بحرقة: ابسرتي يا بلسم ابسرتي كيف خطبوش لهذا الصايع عشان ماترتبطي بالسجاد وتعيشي في فقر
قاطعها ابوها الي خرج: هيا بابا
مشيت معه وحاطه في راسها ان مايمضي اليوم الا وقد انهت هذه المهزلة
ريم ماشيه في الشارع وعطرها سابقها ومكياجها واضح وهي كاشفة
سجاد وملاك كانوا ماشيين السوق شافها وبقزاز: يووووووووووه يا الله استرنا وجيرنا من جهنم يا الله
ملاك تركته: ريييييييم
ريم لفتت: اهلااااااااا ملوكه
ملاك سلمت عليها وسجاد منتظر لها وبيلعنهن في نفسه
تودعين وريم مشيت من جنب السجاد وتقصدت تقرب: كيفك سجاد
سجاد بعد عنها بلا رد وواصل طريقه ومادري انها خطييبته لان مايعرف اسمها ولا حتى شكلها وكل شي اختارته امه
بيلسان مخنوقة من اول ما سافر ابوها وبتحاول تتصرف طبيعي
ناهد شافتها ومسحت ظهرها بحنان: انتي مرتاحه يا بيلسان
ابتسمت بحب: مابلا متوتره من الاختبارات
ناهد جلست جنبها: تخفي على امش
ابتسمت ابتسامة باهتة: متعودة على الحزن ياماما استغربي لو بسرتيني سعيدة
ناهد بمحاولة تخرجها من جوها: جي معي نخرج ناكل سكريم وندخل نشرب كابتشينو ونشتري دارك شوكلت
قفزت لوسط الصالة وبزقرعة: هياااااااااااااااااااااااااااااا
ناهد بفرحة لفرحتها: هياااااااااااااااا
بيلسان كشرت: ودعاء
يزن الي سمع مجبرهن دخل: انا فاضي شا انتبه لهن الثنتين
بيلسان بتتنبع: شكرررررررررااااااااا
يزن بفرحه: وجي وانتي فارحة عشان نتسابق في الحوش واوريش ورود الجوري كيف قد هن
بيلسان طلعت للغرفة بدلت لدعاء ولبست ونزلت تنتظر ناهد
سكينة بتقلب محادثاتها لفتتها محادثة نزار الي مافيها غير التجريح وبتقراها بلهفة
الكريه: اين انتي
سكينة بدلع: في قلبك
الكريه بغرور: قلبي ارقى من ان تدخله واحدة مثلش
تذكرت هذاك اليوم كم بكت لما نشفت دموعها وكم حبته وتمنت من قلبها لو بادلها ربع مشاعرها كانت استكفت وما طلبت اكثر
همست ببكاء: فق،دته
كيان بيناديها من الصالة: سكيننننننننة
مسحت دموعها وقامت تجاوب: ها حبيبي
كيان: لو سمحتي فهميني درس الانجليزي
جلست وسحبت الكتاب: هاتي
ميرا جت تنزل تتغداء وفزت على صوت سيف من وراها: على وين
ميرا ببراءة: غداء
سيف: مابش
ميرا والدموع تعلقت برموشها العسلية: لو سمحت قدني ضابحه وحدي
سيف ابتسم على جنب وشبك يده بيدها: تتغدي اليوم جنبي
ماناقشت ومشيت بانصياع
ابوه ابتسم لما شافهم: الله يسعدكم
سيف: يارب
سجى بدفاشه: والله سيف وميرا روميو وجولييت
سيف بهرر: انا شا اكسر راسش
سجى وقد عتبكي: اسفه
بلسم وصلت مكتب ابوها الي في البيت اخذت نفس ودقت الباب
حسام تكلم: ادخلي
بلسم دخلت وتكلمت: سلام
حسام: وعليكم السلام
بلسم بتفرك ايديها: بابا
حسام: يا ابي
بلسم بهدوء: اشتي افسخ
حسام ارتاح وباستفسار: ليش
بلسم بكت: يا بابا ما ارتحت مشتييييييييييش
حسام ضمها: خلاص يا بابا خلاص ولا لش الا مايرضيش
بلسم بتشاهق: انا فداء لكم الله لا يحرمني منكم
حسام باس راسها: بس يا ابي بس
بيلسان وصلت البيت مرتاحة ومبتسمة بسعادة وبتتفرج للحوش بانبهار الاشجار كبرت والوانها زهت اكثر
يزن نزل وتكلم بحماس: بسسسسسسسسه هيا نتسابق لعند الجوري
بيلسان رسمت بسمة على محياها ووقفت جنبه: ١ ٢ ٣ انطلااااااااااااااق
بقايا قلب💔، البارت ٨٨
سجاد ابتسم بضيق: تشرفت
فارس: وخطيب بنته
سجاد داهمته غصة وجاهد مايبينها: الله يتم لك على خير
فارس بعد عنه: اشوفك
سجاد مشي متشنج وبيتنفس بسرعة: مالقيوا لمن يخطبوها وقسما بالله ان ملاك اختي ارجل منه لابس وردي ورديييييييييي يا ناس وردييييييييي
غادة استقبلتهن بفرحة: حياااااااااا
سجى: الله يحييش
غادة: ادخلين
ميرا بسرعة: اسلمي يا روحي بس ادي ادوات سجى عشان نروح
غادة: ادخلين لللغاجه والله انكن عتتغدين عندي
ميرا بتوتر: سيف....
غادة سحبتهن: ماعليش من سيف انا اجابره
ميرا باستسلام دخلت معهن
سيف ترجل من سيارته بعدما جنبها في الكراج وتوجه للبيت
شاف امه وسيدرا في المطبخ وسال: ميرا مانزلت تساعدكم
امه: ميرا خرجت مع سجى
سيف حس شياطين الجن فوق راسه: وين
امه: لعند مرت سام
سيف بهدوء ظاهري: خير
سيدرا: لو عتسير شل معك عسيبه نسيه هانا
سيف مشي وما شل حتى السيارة وكان يجري بسرعة لما وصل في خمس دقايق
دق الباب وغادة فتحت: حيا بسيف مدري خنجر ههههههههههههههههه
سيف ضحك غصب: بايخة يا بنت العم
غادة بعدت عن الباب: تفضل دقايق ويجي سام وتغدينا
دخل للمجلس وشاف ميرا وسجى وتكلم: اين سرتين؟
ميرا نشف ريقها وسجى ردت: اين عنسير قدك بتبسر
سيف رفع يده بتهديد: واانا عندكن رجل كرسي اومه
ميرا بتبرير: اصلا.....
قاطعها: انتي حسابش معي واوريش كيف تخرجي من البيت
سجى باستغراب: مالك نفسيه هي بس خرجت معي
سيف بنرفزه: اخر مرة لش تخرجي مرتي من البيت بتفهمي
سجى اقتهرت: حاضر
بيلسان بتذاكر ودعاء جنبها بتلعب
بيان دهفت الباب ودخلت: داء داء
بيلسان بنرفزه: يا بيان انزلي عند ماما خليني اذاكر
بيان بعناد: مااااااعه
بيلسان بكت: يخخخخخخخخخ منكم كلكم
بيان مسكت الملخص وقطعته
بيلسان ببكاء: يا بياااااااااان
بيان ضحكت بفرح وبيلسان حضنتهن الثنتين ونزلت: ماماااااااااا
ناهد الي جالسة مع اسامة ردت: يا امي جي انا هانا
بيلسان دخلت لعندهم بتبكي: خلوهن يلعبين عندكم بيان شطت ملخصي
ناهد صيحت: ليش يا وقحة تشطي حق خواوه
بيان بتاشر لها: داء داء هي ماما
اسامة ضحك بحب: تشتي تلعب مع دعاء وانتي قلتي تسير عند ماما
ضحكت من بين دموعها: هيذه دعاؤ عندش العبي
ناهد بحنان: تقطع ملخصش قوي يا ماما
بيلسان ببكاء: ايوه وهو كيمياء
اسامة بتساهل: نزلي من النت شروحات
ما ردت وطلعت غرفتها ومستمرة تبكي وداريه ان الملخص مايستاهل البكاء هذا كله
كميل بيكلم سكينة: دريتي من حاسب قيمة العملية حقي؟
سكينة باستغراب: مشو انت؟
كميل بخفوت: ماشي
سكينة: عمو حسام اكيد
كميل تنهد: ماكلمتش بيلسان
سكينة باستغراب: ايش بتهذي تكلمني من ايش
كميل بغصة: انها كلمت امها يتكفلوا بالعلاج كله
سكينة بصدمة: احححححححححلف
كميل بحنين: والله
سكينة بعتاب: حاكيني انت فكرت يوم تسمع لها او تحس فيها
كميل بهمس: لا
سكينة ببكاء: وليش حبتك ليش ضحت لجلك لييييييييييييش
كميل بغصة: مدري
سكينة بقوة: طلقها
انحبست انفاسه لمجرد التفكير وبانفعال: مستحححححححححيييييييييل
سكينة بانفعال: انانيين كوووووولكم
كميل بصدق: احبها يا سكينة الا اعشق ابسط تفاصيلها بس مشكلتي منفعل ومتسرع
سكينة: لذا امي قالوا لها ماتكلمكش
كميل: وكيف دريتوا
حكت له من يوم العيد لما سالتها عن اخوتها ولما جت ناهد تهنيها بالنتيجة وكلمتهم ان امها من اسرة ....
كميل بخفوت: خير
وصل للشقة وهو ضاغط على ذراعها رزع الباب بقوة وتكلم: اين شليتي اختي؟
ميرا بوجع: بيت اخوك اين عنسير
سيف بحدة: تشتي اذكرش اين بتسيري او مع
ميرا مغمضه بوجع وساكته
سيف دهفها عنه لما ارتمت للارض وجلس بمستواها: من اليوم لاسبوع الشقة ماتنفتحش فاااااااااااهمة
ميرا اشرت بتمام وهو واصل: انقلعي الغرفة لا ابسر صورتش
قامت للغرفة وجلست على الكنب وما بكت دمعة
نزار بضبح وبيسمع ابنه بيشاهق: اي ام انتي رضعيه مالش
احلام: معه اب يشتري له حليب
نزار بقهر: يا مرة افهمي مابش زلط وبعدا الرضاعة الطبيعية اصح له وافضل
احلام: تحجج بتيه المجابر بس
نزار بقلة صبر: ارضعيه امد يهدا وانا اسير اشتري حليب حسبي الله
جت تتكلم وقاطعهم صاحب البيت الي بيرزع بقوته: نزااااااااااااااااااااااار
نزار بتوتر: احلام هاتي خاتمش ا....
قاطعته برفض: مااااااااااااهو
نزار سحبه من يدها بسرعة: هاااااااااااااتي قلنا ماعننكرش اسدد اللغجة هذا
احلام بحلطمة: ياحظ سكينة ارتاحت من وجهك
عباس بيجهز عشان يسافروا اتصل لكميل
كميل رد بهدوء: الو
عباس: كيف انت يا حيد خالك
كميل: الحمد لله وانتوا؟
عباس: الحمد لله مابلا قبلما نسافر نشتي نبسركم ونتكلم بموضوع
كميل باحترام: حاضر
عباس بحب: منتظرينك انت وامك
كميل: طيب
عباس غلق ورمش: سبحان ما غيره ههههههههههههههههههههه
فارس في بيت عمه مع اسماء وحسام وتكلم: يا عم وين بلسم
حسام تضايق: وكيف تقابلك وعادك غير خطيبها
بقايا قلب💔، البارت ٨٧
ملاك بتكلم امها وهم بيتغدوا: بقي لي الاكسسوارات عتجوا معي نشتريهن
ابتسام بتعب: شل اختك يا سجاد
ملاك بسرعة: خلاص خليهن لغدوه
علي بامر: اخطى البس وانتي تلحقيه مفهوم
قامت بقهر: ناهي
سجاد ابتسم بدفئ: حاضر
ابتسام بتعجب: كل الناس بيشكوا من عيالهم ويمدحوا بناتهم واحنا العكس
العصر كلهم مجتمعين وكميل بيبسرهم بقزاز البنات كاشفات مع عيال عمومهن طبيعي واخواله ونسوانهم معهن
بيلسان دخلت لابسه فستان اسود طويل مكمم ومغطيه شعرها بطرحة سوداء عليها نقوش بيضاء
كميل قام وسحبها لخارج ومن بين اسنانه: بتفتشي لهم
بيلسان بعدت يده عنها: الولد صدق انه زوجي يغار كميل ورقة طلاقي توصل هذا الشهر
كميل ضغط على يدها بقوته وهمس: حللللللللللم ومستحييييييل
بيلسان الي كان بيدها خاتم فضي انضغط بين اصابعها همست بوجع: اي ايييييييي يدييييييييي
ترك يدها وشاف الدم عند اصابعها الثلاث تنهد: بتجبريني اوجعش
مشيت تغسل يدها وردت: وانت بتقتل كل حب بقي لك بقلبي
تنهد ورجع لهم وحمزة كلمه بهمس: لا تستغرب كلهن بيقابلنا ويجلسين معنا طبيعي لان احنا في لبنان في بيت واحد
كميل بقزاز: وانا ما افعل؟
حمزة: يا اخي ايش الاخلاق الي عندك
كميل باستفزاز: من بعض ما عندكم
سكينة الي كانت لوحدها ملثمة قامت: شا اسير ابسر بيسو
بيلسان دخلت ملثمة ومسكتها: قد جيت هيا ارجعي
بتول بدفاشه: كان كميل حيموت بلاكي وهوي يلي قلها تيجي تشوف وينك
جلست جنبها بدونما تبسره: خبلااااااااا
بتول ادركت ان بينهم شي وكلمت كميل: كميل تشرب شاي او كافي
كميل انحرج قوي وبهمس: تسلمي
بيلسان قبصتها: كسروا فمش ان شاء الله
بتول بصوت مسموع: ااااااي شبكي قرصتيني ابن عمتي وسالتو شو بيشرب
كميل انفرجت شفايفه ببسمة عريضة وهو بيبسر بيلسان: ماقصرتي يا بنت الخال تسلمي
حسين نبع بفرحة: الكميل ابتسم ي جماعة جوووووا نجابره
سماح جت وحاوطت كتفه: كيف حبيبي
كميل تجممممممد وقشعر كل جسمه وبعد بهدوء
حسن شاف شكله وضحككككككككككككككك
سكينة الي اندمجت معهم بسرعة: ههههههههههههههههههههههههههههههههههههههههههههههههه اول مرة تحضنه غير امي
سماح مسكت اذنه وشدتها: خااااااااااالتك انا خااااااااااااالتك
كميل بيمسك يدها: اي اي ماقلنا شي خالتي
رقية بتضحك: يا عيبتش على ابني يا سماح
بتول بعفويه: لك ليش يا بيسو مادافعتي عزوجك
كميل الي تركت اذنه سماح بيفركها بوجع: هذه كريهة لو اموت قبالها ما تسال
بيلسان قد عتنفجر بس تكلمت ببرود: تزوج واحدة تحبك وتخاف عليك من مسكك
افراح مرت العباس بضحكه: وليش قد عتبكي كان
براءة: الغيرة الغيييييرة
بيلسان بهدوء: ابكي على ايش يشتي يتزوج مقلع الله معه
كميل بخبث: مكتفي بها عن كنوز الارض وما خلق قلبي ينبض لغير بيلسان
كلهم شافوها وتكلم حسن بحب: الله يديمكم لبعض
بيلسان بتمسح دموعها ومنزلة راسها للارض
بتول بفراسة مسحت ظهرها: بيسو انا كنت بمزح
رفعت راسها وابتسمت: حبيبتي خذي راحتش عادي
اسماء كلمت بلسم: عتجي معي نسير نتصرف من سوبر ماركت ....
بلسم قفزت: هيااااااااااااااا
اسماء بتلبس: اقطبي
لبست وتكلمت: تميت
اسماء شلت مفاتيح السيارة: هيا
نزار بياخذ الاكياس من المرة وبيمشي بارهاق
دق عصائر زجاجية نكعين ثلاث واكتسرين
نزل يلم الزجاج ويشل قماش يمسح
المدير جاء وبنرفزه: مابتبسرش انت
نزار بخفوت: ما انتبهت
المدير: قيمتهن من راتبك
نزار تنهد: خير
رفع راسه على نظرات امه وبلسم المليانة قهر وتقدم يسلم عليهن بحنين
اسماء حضنته بلهفة: كيف انت يا امي
نزار بدموع: تاعب
اسماء بتمسح ظهره: ايش جيت تشتري
نزار رفع وجهه: هههههههههه انا اشتري من هانا انا بين اشتغل هانا
بلسم شهقت بصدمة وغطت فمها
نزار لف وسلم عليها بشووووق وبادلته الحضن: ما اخبارك
نزار ببسمه: مرتي ولدت ومعي قصي
بلسم واسماء بفرحه: صدددددددددددددق
بلسم: شلنا نبسره
نزار سبقهن: جوا معي
اليوم الثاني عند بيلسان قامت من نومها على صوت دعاء الي بتناغي وهي جالسة: بابا بابا
ضمتها وتكلمت بغصة: بابا بح يا دعائي عيفلتنا وماعنبسرهش مرة ثانية
دعاء كانها فهمت كشرت بطفولية
بيلسان حضنتها وببسمة: جي ناكل نمنم انتي جاوعة
دعاء شافت الزينة الي في الرف وكانت ورود بنفسجية وسحبتهن وضحكت
بيلسان نزلتهن لها ومسكتهن ونزلت تاكلها
ريم صاحبة ملاك في المعهد واياد شافها وتكلم: اين ملاك
ريم بتبسره وابتسمت: صباح النور كيفك
اياد تنهد: الحمد لله ليش ماعد داومت ملاك
ياسر الي دخل الكلاس على اخر كلمة سحبه بهدوء لخارج: ايييييياااااك تذكر اسمها على لسانك
اياد بقهر: غايتي بريءة انا اشتي اتقد....
ياسر هزره من صدره ومن بين اسنانه: مرررررررررتتتتتييييييي
اياد ابتسم بقهر: توقعتها مش مرتبطة
ياسر دهفه: اذلف من قبال وجهي
اياد خرج من المعهد بيتحلف: تمام اوريك من هي مرتك
كميل جلس على مكتبه وبعد نظارته الشمسية وضحك بسعادة: كششششششششخة يا ولد
بقايا قلب💔، البارت ٨٦
كميل: كيف حالش
بيلسان شافت لعيونه وبقلق: فيك شي؟
غص بالكلام واشر بايوه
بيلسان بخوف: خير سلامات
كميل مسك يدها برجاء: جي معي شويه لو سمحتي
بيلسان بتردد: طيب امسك دعاء
مد يده وحضنها وهمس: هاتي
بيلسان رجعت تكلمهم انها مع كميل وكميل رجع للسجاد يكلمه ينتظره
مسكها للسيارة وطلعت في الخلف وهو حط راسه على فخذها ولف ايديه حول خصرها: تااااااااعب
ضمت راسه لها وهمست بغصة: سلامة قلبك يا وجع قلبي
كميل كلمها بكل شي حصل اليوم
بيلسان ببرود: اخوة ومردهم لبعض
دفن وجهه بصدرها اكثر: مش هم اخوة يا بيلسان مش هم اخوة
بيلسان بتمسح شعره: حقيقة لا انت ولا هم يقدروا يغيروها
رفع راسه وحكى لها بحرقة كل الي صار في طفولته
بيلسان بقسوة ظاهرية وبتلاشي عنه نظرها: طيب ما افعل انا يا استاذ هذه الاحداث مضت وانتهت انساها وعيش
كميل: ماقدرت
ابعدت يده عن خصرها بهدوء: خلاص لا تقدرش ما افعل لك
كميل: حسي فيني
دهفته من صدره وببكاء: ليش عاد خليت فيني احساس يا كميل
مسح راسها وبهدوء: لاعاد تحرقي قلبي الي فيه مكفيه وزيادة
مسحت دموعها وقامت تنزل: وين البنت
كميل نزل معها: مع السجاد بينتبه لها
مشت معه ورجعت عند بلسم
عباس بعدما ودعوا رقية حضنها وتكلم: لا تلومي كميل
رقية تنهدت: ان شاء الله
عثمان وهو عند الباب: مراعيين لكم غدوة غداء هه
رقية بهدوء: ان شاء الله
حسين بطبيعته المرحة: وكميل يجي ونتعرف عليه
رقية باصرار: اكيد عيجوا كلهم
سكينة الي ساكته من لحظة وصولهم تكلمت بسخرية: تشرفنا بمعرفة اخوالنا بعد ٢٢ سنة
سماح مسحت دموعها وقامت معهم يروحوا
نزار ساهر بفرحة وابنه في حضنه واحلام نايمه جنبه بعمق
قصي بكي واحلام فزت: رضعه حليب صناعي
نزار باستنكار: رضعيه انتي
احلام بنرفزه: للمه وانت او مش ناوي تدي قيمة حليب
ضم ابنه بقلة حيلة ورضعه بالرضاعة وتذكر سكينة
💭💭💭 سكينة بغصة وراسها بصدره: نزار
نزار بيمرر يده على خصلات شعرها بحب: هاه
سكينة ودموعها نزلت على صدره: نفسي يوقع لي طفل واضمه احس احساس الامهات
نزار بمواساة رفع راسها وبيضحك: انتي امي او ما اكفيش
ابتسمت ابتسامة كسيرة وتكلمت: ماعتفهمش💭💭💭💭
صحا من شروده لما اختنق قصي بالحليب وبيكح بقوة
نزار ارتبش وبخوووووف: مممماله
احلام بلا مبالاة: امي في المكان الثاني شله لعندها
شله وامها نفخت انفه ورفعته لما رجع نفسه وتكلمت: سير ارقد وانا اوبه له
نزار بتعب رجع غرفته ونااااااام بعمق
الصبح عند بيلسان نزلت تصطبح وناهد شافتها باسى: رقدتي؟
بيلسان بخفوت: ايوه
اسامة تكلم: امس اتصل عثمان عزمنا غداء
بيلسان ابتسمت بحنين للبنات: ايوووووووووه
يزن بفرحة: قومي تجهزي
بيلسان ضحكت: اكمل اكل يا جد
ناهد وبيان في حضنها: ووصلني لبيت اهلي
اسامة: من عيني
بيلسان قامت ودعاء تشتي تلحقها بتحبي
شافتها طرف الكرسي وغمضت بقوة وهمست: يا الله
اسامة حضنها وكلم بيلسان بنرفزة: اوبهي لبنتش
بيلسان مسكتها منه وردت: ما انتبهت لبنتك ورميتها بيدك وتشتي مني انتبه لبنتي الي عتنكع بغير قصد
رفع يده وضربها كف بقوة: نسيت ما اربيش تحترمي ابوش يا بنت الكلب
مشيت لغرفتها وشافت وجهها في المراية واثار اصابعه معلمة همست بحرقة: مكسر ان شاء الله
سيف خارجي للشغل ولابس تيشيرت مقطع رصاصي وعليه خطوط بيضاء وجينز رصاصي مثله
ميرا في الحوش بتشرب البن بروب مكمم وبشعرها
شافها وتكلم: شا اخطى يا بنت
شافته ورجعت نظرها للجو شبه الغايم وبعفوية: البس جاكيت لا ينزل مطر
قرب منها وهمس عند اذنها بتقرف: لا يكون صدقتي انش مرتي؟
ماتماسكت ودهفته بقوتها لما نكع للارض: يا اخي انت حيوان وحتى الحيوان ارحم منك
قام ومسك راسه بوجع: عتبسري الحيوان على اصوله يا بنت المجرمين الساقطين
مارمشت وسكتت بقهر الارض
سيف مشي: قومي من عندش والا متعودة تستعرضي
قامت وبتحس لو تبكي لا تغرق الكون دموع
كميل بيكلم امه برجاء: يماه قوى قوى مشتيش اسير معكم
رقية بغير نقاش: اخطى شغل السيارة بسرعة
استسلم ومشي: حاضر
رقية: سكينة كيان كملتوا
سكينة وكيان بغير نفس: ايوه
مشيوا كلهم للسيارة وكلهم كارهين عدا رقية الي حاسة بفرحة واخيرا عيلتم الشمل من جديد
مدرسة بلسم في الراحة خرجت تشتري شوارما وعصير
سجاد كان قد وصل قبلها ومنتظر يجهز صبوحه بيطقطق على الماسة بملل
بلسم وصلت للكفتيريا وبهدوء: لو سمحت واحد شوارما وعصير فراولة
سجاد رفع نظره وابتسم لا اراديا
بلسم توترت ونزلت نظراتها بسرعة
سجاد قام: جوا اجلسوا بقعتي
بلسم مشيت وجلست بتستنشق عطره الي ايقنت انه تغلغل لكل خلايا جسمها
الجرسون مكنه طلبيته وهو وقف ينتظرها لما شلت صبوحها ورجعت المدرسة
بيلسان وصلت وسلمت عليهم كلهم
حمزة مد يده يسلم: كيفش يا بسه
بيلسان مامدت يدها: الحمد لله وانت
حمزة استغرب: سلمي عليا يا ربحه عادش جاهلة
بيلسان ماجزمت وهو سحب يدها لضحكة: سلمييييييييي عادش جاهلة لقلة العقل
بيلسان ضحكت: يعووووووووه والكسل ماتقدر تلف بكلها
غطت وجهها وحركت راسها بطفولية
رفعت راسها بيدها واكلتها
اسامة الي طاقته مطلة للحوش بيبسرهن: ظلمتش وحملتش مسؤولية بطفولتش ما استحق اعيش ما استحق
نزلت دموووووعه بحرقة وناهد مسحتهن: ما ارضى لمصدر قوتنا يضعف بهذه الطريقة
اسامة بضعف: ناهد
ناهد بحنان: يا نبض ناهد
اسامة: لو ماعاد مشيت بالمرة
ناهد بعفويه: احححححححسن
رفع راسه وابسرها بصدمه
ردت بصدق: تجلس عندي وتهجعني من العمل واللغاجة
العصر عند ملاك نقشت خنصرها ولبست القميص الصنعاني والبرقع وخرجت على انغام الزفة وامها جنبها بتزفها
ملاك كلمت بنت عمها: ادي لي ماء متت عطش
بنت عمها ببشاشة: الا من العيون
السجاد وكميل مع ياسر واسامة مخزنين
اسامة تكلم: بتخزن يا كميل
كميل بهدوء: احيانا
ياسر بسؤال: وين بيان ودعاء
اسامة: عند بيلسان
ياسر: ماسارت
اسامة بعفويه: مااااااااااااشي والله ان هي جت امس بتبكي قوي شكلها تحسست حين ماوقع لها عرس مثل البنات جعلي مكسر
خرج والسجاد غطى وجهه وبدموع: ما اعدلك يااااااااااااااااااارب
سكينة كلمت كميل وهم بيتفرجوا التلفزيون: ابسرت بيلسان اليوم
كميل الي بيتناسى طول اليوم ذكرته سكينة: ماشي تفتهن شويه
سكينة بتشفي: عيس تستااااااااهل تهينها وتذلها وبعدين تمكنها انا اسف انا غلطان
كميل بخفوت: تعطيني فرصة ويشهد الله لا اعوض عيونها عن كل دمعة واجبر قلبها عن كل كسر
سكينة بصدق: الله يجبر خاطرك ويصلح حالك يا نور عيني يا كميل
بلسم بتلاعب قصي بحب ونزار دخل وكلمها: بلسمتي
بلسم: يا روحها
نزار شل منها قصي: سيري سوي لنا شاهي حليب وجي اجابرش
تحركت للمطبخ بفرح وكلمت الشغالة تسوي شاهي
جهزته ودخلت: وافخم شاهي لاهبل نزار
نزار بمحانكه: حين تبسري المفاجاة عتشكريني
بلسم: ماهي
نزار: خليه لوقته
حسام بحنان: انا داري ان نزار غلط وغلطه ما ينغفر بس نزار اليوم فهم غلطه وناوي يصلح كل شي ومستعد لاي شي تطلبوه
كميل: ومع اني مش موافق ولا راضي بس القرار لسكينة
نزار بحماس: وانا اكسيها واشتري لها ذهب وما تجي الا على اثاث جديد
كميل: مشكلتك انك بتفكر الناس كلهم بيمشوا بزلطك لذا ارخصت اختي بهذه الطريقة
سكت بقهر وحسام تكلم: الله المستعان اختك من غلاوة اخوها يا كميل
كميل باحترام: الله يحفظكم يا عم وكلامي عندكم ان وافقت سكينة فما امنعها وان رفضت فما اضغط عليها ابدا
حسام قام: ان شاء الله ما نرجع خايبين
وصل مع ابوه لبيت خطيبته وتكلموا لفترة وعلي بدا: اسمع يا هشام احنا جينا ندي المهر ونحدد العرس
سجاد تفااااااااااجا وبيمسك نفسه بالقوة
هشام: بس معنا شروط
علي: تفضلوا ولو قدرنا مايغلى عليها
سجاد بيطقطق اصابعه بقهر وهشام تكلم: بنتي تشتي بيت وحدها
علي: السجاد وحيد وما في البيت الا انا وامه وهو واخته عتتزوج هذا الشهر
هشام: وبنتي مش ملزمة منكم
سجاد بانفعال: ماشا اتزوجها الا تخدم امي وابي
هشام ببرود: اذا تزوج خدامه مالك عندنا نصيب
علي قام: هيا ابي هيه
قام معه وشد يده: تعدم الزواجة لو شا افلتكم
هشام تجمعت دموعه ماتخيل به اولاد بارين بهذا الشكل: الله يعوضك يا سجاد
العشي سكينة كلمت كميل وهم في الصالة: ليش جاء عمو حسام
كميل: نزار يشتي يردش لعصمته
علي: ووينك ذلحين
سجاد بياس: جاي لعندكم
علي: يالله
دق الباب وسكينة حملت بلهفة: ممممممممممنننن
كميل ببحة: افتحي
فتحت وتكلمت: كميييييييييل ما لانفك وعيونك حمر ماهو
كميل بتعب: مرهق
سكينة: غرفة السجاد باردة شكلها لانك مستبرد
ادرك انهم كلموا السجاد ومشي غرفته يتصل
سجاد رد من اول رنة: وييييييييينك
كميل: قد انا في البيت
سجاد بنرفزه: تاكلك النسووووووور يااااااااا زفففففففففففتتتتتت وييييييين كنننننننت
كميل بتعب: غد شا اجابرك
غلق لوجهه ورجع ينام بعمق تعويض عن الليل
نزار حلق ورتب الجناح بنفسه خلص وكوى ثوبه وبيتذكر سكينة كيف كانت تفعل عملها باكمل وجه وحتى يوم عرسه وفي الاخير لطمها وما رحمها او قدر حالتها النفسيه في اليوم الي عتشاركه معها غيرها
كلم نفسه بعتاب: تخيل نفسك مكانها لو تتزوج عتشلها الكوافير وتوصلها لبيت زوجها وتحط يده بيدها و....
تشنج لمجرد التفكير شل التلفون ورماه لما اكتسر وصاح: لااااااااااااااااااا
ابتسم بخفوت: ان شاء الله
ميرا بتبسر سيف المرهق بعدما جاء من العمل
سيف بتعب: افعلي لي شاهي لو ماعليش امر
تحركت للمطبخ بفرحة واخيرا طلب منها شي
سيف ابتسم بشرود: مايفعل الي تعلق بشخص غلط
رجعت والشاهي بيدها مسكت يده ومكنته
سحبها وبتردد: تجلسي جنبي؟
جلست بترجف كلها وفزت لما مسك يدها: حبيتيه؟
ميرا بخفوت: ما ابرر لنفسي بس لما كلمني كنت وحيدة اخوتي مابحد وامي منشغلة بالناس والتفاريط وابي اما في العمل او مخزن
سيف بقلة صبر: سؤالي واضح
ميرا ببكاء: تعلقت به قوي بحكم انه احتواني
سيف بغيرة: رخيصة وسافلة ومنحطة
ميرا: دارية يا سيف والله دارية بس حاول تتفهمني
قرب منها وبفحيح: انقلعي من وجهييييييييييي
ميرا قامت للغرفة وغلقت بهدوء
العصر وصلوا وكان باستقبالهم علي والسجاد: وارحبووووووا
دخلوا وتكلموا شويه وياسر ناولهم بقية المهر وحددوا العرس بعد اسبوعين
كميل بتنهيدة: احمد ربك عادك خاطب تقدر تفسخ
سجاد: وما اخبار مرتك
كميل تنهد: اجزم انها بكت من اول ما تركتها للصبح
سجاد: وارجع قول ليش بتكرهك وماتشتيك
كميل بتملك: مردها لييييييي كارهة او راضية
سجاد بقلة صبر: من فهمك ان الحياة الزوجية غصب واجبار
كميل بهمجية: فليش وقعت رجال الا يمضي قولي وهي تنفذ بغير نقاش
سجاد باستنكار: وعشت معها سنة وشويه وانت بهذا المنطق العبيط
كميل بفخر: ايووووووووه
سجاد قرب جنبه وبرزانة: الي فهمك انك رجال تمضي قولك وتهنجم وتمد يدك غلطان يا اخي، ما رجال الا الي يعطف ويحن ويسمع ويفهم قبل ياخذ اي قرار
كميل شبه اقتنع وبيكابر: ههههههههههههه توقع سخيف
سجاد: انت السخيف وفكرك، قل لي قل لي قد يوم سالت لو تاعبه او مرهقه او تحتاج شي؟
كميل بفضفضة: والله اني كان اجي وهي عتموت واهزاها ليش ماتساعد امي وتخطى بتبكي
سجاد: وضميرك راضي يا زفت
كميل: ماشي
سجاد حط يده على قلبه وتكلم: ابرز كميل الي اعرفه يا كميل وريهم كميل الحنون المتفهم الهادئ البشوش
كميل بخفوت: ان شاء الله
باس يدها وشد عليها بصمت
كميل جلس معهم شويه وتكلم بتردد: بيلسان شويه
جت ترفض وياسر تكلم بحزم: بسرعة
قامت وهو لحقها ومد لها خمسين الف: حاجتش انتي والبنت ذيه الشهر
ردتها وتكلمت: مش بحاجتك م....
قاطعها لما اعطاها نظرة الجمتها: انا لو ماوقفتش عند حدش مش عشان تتطاولي لا والله اقص لسانش وما ابالي بابوش ولا بمخلوق
كل القوة الي جمعتها تبخرت تيك اللحظة وسكتت
كميل بثقة دفها باصبع: وارتاحي فترة والوقت الي افكر ارجعش عترجعي غصب عنش
تركته وطلعت بسرعة ناسيه دعاء الي في المجلس وصلت لغرفتها وبكت لما غفت
اما عند سكينة على سريرها وبتتذكر كلامها مع بلسم
💭💭💭سكينة بهمس: كيف نزار
بلسم حكت لها قصته كلها: ............. وذلحين مطلق وابنه معه
سكينة بلهفه: اديتوه معكم؟
بلسم: مع امي
سكينة بتردد: اشتي ابسره
سكينة بتتجابر مع البنات وملاك معقده حواجبها بعدم ارتياح
لجين كلمتها: انتي مرت ياسر
ملاك: ايوه
براءة: بس انتي عكسه تماما
بتول: ياسر حباب وفرفوش كان يلاعبنا ويضهرنا ونحنا زغار
ملاك بقلة صبر: تزوجيه انتي يا قمر
بتول انجرحت وامتلت عيونها دموع: انا بس كنت بحكي لك عنو
سكينة: مالش عليها يا ملاك
ملاك قامت: الصدق يا سكينة قدش مغرورة
رمشت بتعجب وسكتت
فوق السيارة تكلم بمحانكة: تجمل معه امد يردها لك ويقول كميل مابش مثله
كميل وقف السيارة وفتش جيبه بضحكه: معك زلط نشتري عصير وحركات
سجاد بسخريه: دورارات انتبه بس ينكعين
خرج ورقة وضحك: وهذا ش....
سكت بصدمه ثواني: من صورك؟
سجاد سحبها منه: هاااااااااااااااااات
شاف الخط الي في النهاية وبيتهجاه بنذالة: ب ل
خنقه وبقهر: اصصصصصصصصصصصصصصصصصصصصصصصصصصصصصصص
كميل بيكح: فلت خلاص
تركه وعطف الورقة: نذل
حسام ونزار وصلوا الشنطة لبيت حسان وتكلم: المعذرة ما لكم عندنا نصيب
بيلسان دخلت بلبس الممرضات شافت ابوها وحوله الاجهزة وراسه وصدره مغطايات بالشاش وتكلمت بهدوء: هذه المرة ما اسامحكم لو تفلتوني ياباه قوموا وانتبهوا لي واحضنوني وذاكروا ليزن ولاعبوا بيان وخرجوا دعاء واسندوا ماما،
ابسروا كم ناس فوق ذمتكم
فتح عيونه وهي حملت بتبكيييييييييي بفرح: فتحووووووووووووووا عيووووووووووووونهم والله
الدكتور فز للعناية والبقية سجدوا بسعادة
بيتفرج الرسمة بحب وكتب نهايتها بخط صغير: ضماد الروح وبلسم القلب المكسور
نزار بيشتري لقصي حليب ولفت على مشية سكينة ماسكه للعباس بيتجابروا
تقدم لهم وسلم على العباس بغصة وتكلم بتردد: تزوجت من جديد؟
عباس ضحك: هههههههه هذه بزيتي
انخطف لونه وتكلم: ككككككككيييييف
اما سكينة بتبسر ابنه في يده وقد عتنفجر سبقت للبيت
وصلت للمستشفى واسرعت تفتح الغرفة بقوة وبتصيح: باااااااااااااابااااااااا ياااااااااااااااااا بااااااااااااباااااااااااااا
كميل حضنها من خلفها وبيحاول يمسكها بقوة
بيلسان بتركله برجلها وتحاول تفلت منه: فللللللللللتنييييييييييي ياااااااااااااااا كككككككممممميييييل فلللللللللللللللتتتتتتتت
قيد ايديها بايديه ومشي معها لبعيد وجلس على الكرسي وهي في حضنه: صلي عالنبي صلي عالنبي
ضربت صدره بعنف وبتصيح بانهيار
ضمها له بقوة وبيمسح ظهرها وهمس: بخير يا بيلسان والله مافيه حاجة والله انه شي بسيط
دفنت وجهها بصدره وبفضفضة: رموني لك وضربوني وبكوني وسمحوا لك تذلني وتقهرني مع ذلك سامحتهم يا كميل من اول يوم والله سامحتهم حاكيهم يقوموا ويرجعوا لي قوى حاكيهم
فزوا كلهم على خروج الدكتور بتعب
وصل مع اخواله جنب السيارة وترجلوا منها ودخلوا
بيسمع ضحكاتها الي خطفت قلبه ولفت لهم: ريعوا هانا
جلسوا على الكراسي وهو واصل يمشي وشاف يزن الي بعدها بمسافه اشر له يسير عندهم
سار وكميل بيجري معها
وصلت للجوري وتكلمت: سبقتك يا يزن الخاااااااسر
كميل مشي بهدوء وهي بتتكلم: ماقد احلى الجوري يا ولد
قرب وطوقها وهمس عند اذنها: مش احلى من البيلسان
رجفت وغمضت بقوة: فلت
كميل شد عليها اكثر: ماعه
بيلسان بحركه سريعه داست رجله بكعبها بقوة
غمض بوجع وبعد بسرعة: اييييييييييي
بيلسان لفتت له وبقوة: خير يا بن زياد
كميل بصدق: فقدتش
بيلسان بتجاهل: اديت ورقة طلاقي؟
مسك يدها وتكلم: جي نتفاهم اخوالي خارج
بعدت يده بقوة وببكاء: وسديت انت واخوالك وانا وبنتي الخاسرات في القصة
شلها لحضنه وسط شهقاتها وبحزم: كميل مايترك شي من املاكه
بيلسان بشهاق: وانا مش سيارة او بصيرة بيت عشان اكون من املاكك
ابتسم باستفزاز: حاشا انتي اغلى واثمن
وصلوا لعند اخوالهم حطها على الكرسي وتكلمت قبلهم: كلموه يطلقني غير هذا ما عندي كلام
يزن برزانة: اقول لكم ابي مسافر يرجع ولنا كلام
اسامة بيسوق بسرعة وجت شاحنة عكست الخط
حاول يوقف بس تعطلت الفرامل وما شاف نفسه الا تحتها
فارس بجراءة: مافيها قد قلتوا خطيبتي
حسام بتصميم: مابش عندنا هذا المجبر
فارس: اذا اعقدوا لنا اذا
اسماء: مااااااااااااااهووووو
حسام بحزم: فارس انسى هذا الموضوع اتفقنا عرس بعد سنتين يعني عقد بعد سنة ونص
العشي كملت تتعشاء ورجعت غرفتها وبتلاعب دعاء: يا نونو يا اغغغغغغغغااااا
فتح الباب ابوها وتكلم: بيلسان
بيلسان: هاه
شل دعاء منها وحطها على السرير الهزاز وجلس جنبها: اسمعيني يا ابي
بيلسان بغصة: ايش اسمع
اسامة: ماسامحتيني
بيلسان من خارج قلبها: انت واختك وكميل الله لا يسامحكم
اسامة حضنها وهمس بانكسار: كذبوا عليا مثلش وخطفوا ابني وقتلوه
بيلسان بدموع: لا تبرر ياباه لاااااااا تبرر
اسامة شد عليها اكثر: الي اشتي اقول لش اني شا اسافر لحضرموت غدوة ولو وقع بي شي سامحيني خليني اموت مرتاح
رجف قلبها وتمسكت به وبكت دونما ترد بكت وبكت ومتشبثه به كانها اخر مرة تبسره
اسامة شاد عليها هو الثاني وبيمسح ظهرها لما غفت حطها على السرير وشل دعاء لناهد تنيمها
عثمان تكلم وهم في المجلس: شركة العقارات وهذا البيت ورثكم انتي وعيالش
رقية ابتسمت: الحمد لله
عثمان باسى: وبما ان ربي مارزقني عيال ادي املاكي لكميل تكفير عن ذنبي
توضع على الكرسي ودار به بفرح
السكرتيرة دقت ووصلها صوته: تفضلوا
دخلت وببسمة: صباح الخير استاذ
كميل الي ماتعود يتعامل بنات رد باحراج: صباح النور
السكرتيرة مدت له الملفات: هولا ملفات الزباين الي عرضوا شققهم للبيع
كميل: مشكورة
حطتهن وشردت فيه للحظات
فرك ايديه بتوتر: تقدري تتفضلي
مشيت بسرعة وضربت على الطاولة بقهر: ايييييييييش الغرور الي فيييييييييه يخ
سجى طلعت لشقة ميرا وميرا بتكنس
سجى بحب: معش عمل؟
ميرا: لا ولاشي ليش
سجى: جي معي لعند غادة مرت سام ادي فساتيني من عندها امد
ميرا: سيف ماعيرضاش
سجى: ماعيتحاكاش عنجي قبلما يجي
ميرا ابتسمت: تمام البس واجي
بلسم خرجت من المدرسة بيدها بليلة وبتمشي مع صاحباتها بفرح
فارس شافها وكلمها: ليش ماتخلي ابوش يجي لش
بلسم مشيت بدعممة وبتقلد انها بتحاكي صاحبتها: ماعليش اروح مع من روحت يخ حشريه
فارس بغيظ: عتبسري يا بنت حسام الجن
سجاد بيبسره بيمشي بعدهن جاء وتكلم: خير ليش ماشي بعد البنات
فارس شافه باحتقار: انا في طريقي وقاصد بيت عمي انت ايش حشرك؟
سجاد حك راسه باحراج: المعذرة منك
فارس الي عرفه تكلم: انا ابن اخو حسام ال.... الي كنت انت سواقه
ابتسم بضيق: تشرفت
فارس: وخطيب بنته
كميل وصل طافش اصلا وزاد وفاها منظر بيلسان وحمزة
سحبه من ياقة قميصه ولفه له: ماوصلك خبر انها حرميييييييي
حمزة اختفت ملامحه وباحراج: هاه
كميل بكره: اصلا مربايين على الدي....
ادركت انه عيخبص قربت منه وقلبها عيوقف وهمست: بس يا حبيبي جي ندخل
شد يدها ومشي معها وكانه تخدر بيمشي بغير وعي مش داري لوين
عباس شاف بيلسان وكميل معها وباستغراب: هذه بنت خالتك حنان
كميل بيمشي: هذه مرتي
رجع نظره لبيلسان وتكلم: هو هذا الي تزوجتيه
بيلسان بهدوء: ايوه
عباس مسك كميل: ادخل عند الرجال امد يجي الغداء
كميل كلمها: اجلسي مع سكينة
بيلسان ابتسمت: حاضر
عند البنات جلسين حول سكينة كلهن وبيتعارفين
بتول ببسمة: معك محسوبتك بتول بنت خالك حسن بس ماما لبنانية لهيك بحكي لبناني
براءة ولجين ونهى ورقية وزهراء عرفنها كلهن وهي دخلت معهن في الجو
كميل جالس جنب اسامة ويزن ومعقد حواجبه
اسامة التفت لسؤال الضيف الي عندهم: من هو هذا
اسامة بفخر: ماعرفته يا دكتووووور هذا النسب كميل زياد ال....
الدكتور بتهور: هاه الي حاسبت له قيمة عملية الانزلاق
كرررررررره نفسه لما عرف ان بيلسان الي طلبت منهم يتكفلوا بعلاجه وزد باعت ذهبها صرفة للبيت خلال مرضه همس بقهر: جوهرة وضاعت من يدك يا وغد
غلق وحط يده على اذنه يحاول مايسمع اصواتهم الي بتزيده اختناق
سجاد وصل واتصل له يخرج
لبس كوته وخرج بسرعة
سجاد شاف شكله وبرعب: اسم الله اسم الله
اعطاه مفاتيح السيارة وهمس: جي نخطى لنا مطعم ونتجابر
سجاد اعطاه ماء: اشرب واهدا
شرب وطلع معه وتحركوا لاقرب مطعم
نزار بعدما ولدت مرته واخيرا دخل مبتسم: الحمد لله على سلامتش
احلام بتعب: قد كنت شا اموت يلعن شكلك انت وابنك
توقعها بتمزح وحضن ابنه: جننت الماما يا اغا
احلام: اقلعه من قبالي
نزار فارح بابنه: ايش نسميه
احلام: مادخلني به
نزار باستبشار: قصي
في المطعم قامت تغسل لدعاء وشافت كميل ماشي وقفت تبسره باشتياق
كميل عرف دعاء وتقدم بلهفة: بيلسان
ماسخيت ترده: هاه
كميل: كيف حالش
بيلسان شافت لعيونه وبقلق: فيك شي؟