-
للصداقه💛عنوان💜 - قناه عبارھ عن ↯ ❶ ‹ - عبارآٺ⚚ ❷‹ - خلفيآٺ▽ ❸ ‹ - ڣيډيۅهاℓت🎥 ❹ ‹ - رمزييَاٺム ❺↜نكت 😂 ❻⇇اشعار 🤗 ❼⇦اغاني 🎼 ❽↤صور 📸 مكاوشة الخرفان 👌 للانضمام في قناتي بالتلجرام
اوس ببرود؛ سمحت لنفسي
حسن: ومن انت حتى تسمح لنفسككك
اوس بصراخ وحده:انا الأوس لو مش انت عااااررف.. ودام اختي ما تشيته والله ما تنغصب عليه دام راسي يشم الهوااااء فاااااااااهم..
ِ
تـــــوأم أغـــــراب 2
البارت 181
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
قيس بهدوء: ايوة وتجهز عرسنا الاثنين بعد شهـر بالضبط
اوس بصدمة اكبر:ايييييييش..؟
قيس: مثلما سمعت
اوس ضحك وبسخرية: انت بتمزح صح
بسره قيس بحده وبقهر: فارح بروحككك اجي امزح معااااكككك
اوس بنفس الحده: وانت تكلم ساع الناس ايش خطبت ما خطبت
قيس اخذ نفس وبهدوء: تذكر هذك الولد الكلب اللي تضاربت معه اول يوم في الجامعة لانه بيهدد بنت بصورها
اوس: ايوة هذك اللي اسمه ااا..ايش كان اسمه
قيس: ماهر
اوس: ايوة ماله
قيس؛ اكثر من مره اسمعه يتكلم مع بنت واحده يهددها وواحده يغازلها
اوس: يعني لعاب وكلب
قيس: تخيل انه نفسةاللي جاء يخطب بنت عمك تخييل
اوس بصدمة: اسألكك بالله
قيس: اي والله
اوس بفهم: وانت فزعت ومارضيت وقلت بنت عمي لي صح
قيس بتنهيده؛ بالضبط وحسن كود الا وقعت له وقال العرس بعد شهر
اوس بضحكة: انت فيك جاذبية للمصايب
قيس: الله يحفظك ادري هههههههههه
اوس: خير خليه يفعل اللي وده
قيس: ايوة انت ايش عليك متخرج ومتوظف مابلا انا
اوس: وانت مالك. بيت ودراسه وكل شي متوفر ماعاد تهم.. المهم ايحين عترودا لي بالموافقة
قيس بزنط: عاد اختي تفكر اسبوع ونبسر يا ايوة يا مابش نصيب
اوس بقهر وهو يسحبه لوما نزل من السرير: مالت عليككك قم انقلع قوووووم
ضحك قيس وهو يخطى: طيب تصبح على خير.. ودام وحسن حدد العرس غدوة بعد الجامعه اخطى لا بيتنا ابسر الخبر
اوس ببسمة: وانت من اهله. طيب.!!
.
.
ثاني يوم في الجامعة..!!!
ختم كلامه بـ: وهذه كل القصةة يا حمزة
حمزة بقهر: الكلب ابن الـ****، وعاده بكل جرأة جايي يطلب اختي
قيس؛ حتى انا انصدمت من جرأته
حمزة: لا وعاد اصحابه الكلاب يشهدوا له ب اخلاقه وحارتهم
قيس: اصحابه كلاب ساعه وااهل الحاره ايش، عرفهم ما بيفعل هانا
حمزة؛ الحمدلله وتخارجنا منه النذل
قيس: الحمدلله
حمزة بتوجس؛ وذلحين ايش عتواصل الخطوبة او..
قاطعه قيس بثقة؛ ايوة. هي كلمة من رجال مش لعب جهال. الا اذا ماودك تناسبني
حمزة؛ هههههه الله المستعان انت عارف لمكانتك عندي من قبل ما اعرف انك ابن عمي
قيس ببسمة: والنعم بكك..
.
.
قبل العصر.!!
بيت كريم..!!!
سعاد بصراخ وحده: يا بنت اعقلي خزيتي بناااااا بببسسس
كوثر بحده: وانتوا ليش عاد عتماطلوا الناس اسبووع خلااااص انا موافقةة ردوا لهم وقولوا لهم نشتي الخطوبة الجمعة هذه
نبيلة: الله يزكينا العقول ماعاد الا احنا نحدد الخطوبة
فاطمة: يمةة قلت لكم هذه خفيفة عقل
انداء: الله يستر لاعاد تخطى لا بيت اوس هي
كوثر بتفكير: والله فكرة اسير لاهانك اقول لهم موافقة.. لفت تخطى للغرفة وسحبتها سعاد من فنيلتيها وبصدمة: وين عتسيري
كوثر: البس العباية واسير
نبيلة بحده: وين تسيري جعلش العمى فضحتي بناااا
سعاد: ذلحييين انتي بعلقش او مع.
نبيلة: ماشي ماشي هذه البنت انا غاسله يدي منها اتصلي لقيس وقولي له مابش نصيب هذه فضيحةة
فتحت عيونها وبصدمة: ايييش مابش نصيييب.. لا لا خلاص بتأدب واسكت ولا عاد تسمعوا لي نخس. اهه. طرحت يدها على فمها
لفين لصوت قيس اللي دخل وهو يتكلم: السلام عليكم
الكل: وعليكم السلام
سعاد: عيس حن جيت كنت اشتي احاكيك
كوثر مسكت يدها وبرجاء: مع يمةة سعاد حفظش
قيس: ما تقولوا لي انا جيتكم اليوم بموضوع
نبيلة: ايش هوه
قيس وهو يجلس بتعب: اشتي رد كوثر على اوس اليوم
كوثر بفزه وهي تجلس جنبه: قصدك ردي على الخطوبة
قيس: ايوة
كوثر ببساطة: موافقة يا غالي ولاتهم
نبيلة؛ هاه كودين وقعت لهااااا
سعاد؛ هههههههههه
قيس ببسمه: واثقة من كلامش
كوثر: افااااعليك دامه اخوك اوافق وانا مغمضة
قيس: بياعة كلام هههههههه. سابر الله يوفق
. المهم اليوم عترد لهم الموافقة بس حبيت اتأكد منكم.. واحتمال يجوا يدفعوا عشان الخطوبة والعرس
نبيلة: وما دخل العرس الان
قيس بتنهيده: عرسي انا واوس بعد شهر
البنات بصدمه: عرسكككككك
قيس بفجعه: ايوةة مالكككن
انداء: يا خايييين
خديجة: يا تافه
فاطمة: يا نذل
كوثر: يا قلبي انت يعني عرسنل مع بعض عيكون
سعاد بقلة صبر: كووثر انقلعي وانت تعال هكذاا اين عرسكك ما بتقول
قيس بهدوء:امس خطبت بنت عمي و..
قاطعته سعاد بحده:هكذا من راسكك وبدون شورنا يعني احنا ولا عاد نعني لك شي خلااااص
قيس بسرعه:ماعزس وما اغلا يمةة ايش هذا الكلام بس كل شي حصل فجأة وقصة طويلة برجع احاكيش انتي وامي نبيلة بها..بس الان خلونا في الاهم
كوثر:ايوة قلت العرس بعد شهر اشتي شرطي سته مليووون
نبيلة من بين اسنانها:شلوها من قدامي لا اقوم اتحمل بظلمها
كوثر:هذه حقوق مالكم
قيس:ناهي تمام ولايهمش ههههههههههه..!!!
السلام عليكم ورحمة الله وبركاته
كيف حالكم 🌝🌸
قيس:عترجع احاكيك بوقت ثاني مافيني طافه الان والله
حمزة:سابر غدوة في الجامعة تحاكيني
قيس:ابشر ولايهمك
حمزة:تصبح على خير
قيس:وانت من اهله..
غلق الخط ورفع نظره للباب اللي انفتح وعرف انه اوس من قامته لان الضوء مقفل..
شغل اوس الضوء ولف وفز وهو يبسر قيس ممد على سريرة:اعوذ بالله فجعتنييا كلب ما بتفعل هانا
بسره قيس لثواني وتكلم:اليوم خطبت بنت عمي عبدالله
اوس ب استغراب وهو يجلس بطرف السرير:اين بنت عمك ما بتقول
قيس:مرام اللي كانت عتنخطب اليوم لماهر الكلب..طلبتها من ابوها ووافق هو وجدي
اوس بصدمه:منك صدق ذلحين امانه
قيس بهدوء: ايوة وتجهز عرسنا الاثنين بعد شهـر بالضبط
اوس بصدمة اكبر:ايييييييش..؟
ِ
تـــــوأم أغـــــراب 2
البارت 179
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
ميس ورهف ببسمه: وعليكم السلام الله يحييش
سلمت عليهن وسألت رهف ب اعجاب: انتي كوثر
كوثر بأدب فاجئ امها وخالتها: ايوة يا خالة انا كوثر. ودكم حاجة قبل اخرج انا بس جيت اسلم عليكن
رهف ببسمه: تسلمي لي ياقمر
ميس: وين خليش جاهزة
كوثر: لا شلين راحتكن خاطركن..
خطيت بهدوء ورزانه لوما وصلت للصالة وسعت للغرفة فتحت الباب بقوة وهي تتكلم: ييييس وغرزت السنارة
البنات بصدمة: ايش من سنارة
فاطمة بشك: دخلتي لاعندهن
كوثر وهي تجلس: ايوة سلمت عليهن وخرجت
خديجة بصدمة: يا فضيحتناااا قوولي والله
كوثر بثقة: والله العظيم
انداء بقهر: يووةة وايش عتقول لش امي سعاد ونبيلة
كوثر بضحكه: والله لو النظرات تقتل كان قتليني
خلود: والله انش ما تستحي
كوثر: عارفة الله يحفظني بس ههههههه..!!.
.
.
مجلس الرجال.!!!
بعدما جاء عماد وجلس معاهم و اوس وقيس مخليين للوضع عادي بينهم وبين سياف قدام عماد
تكلم سياف: فخر لك يا ولدي جريح حرب وراسك مرفوع ولا مرتزق بايع لنفسه
عماد: والنعم بالله الحمدلله على نعمة الهدايةة
قيس: ذكرتني بالجبهه ياشوقي لها
سياف بتفاجؤ: ليش انت قد سرت الجبهه
اوس وقيس وعماد بسروا بعض وانفجروا ضحكة: هههههههههههه
سياف برفعة حاجب: مالكم
عماد: لو تسمع بالقصص اللي حصلت لنا بالجبهه يا لواء لا تجنن
سياف بفضول: ايش من قصص ما وقع
عماد:قل عمار صاحب قيس الروح بالروح خطي الجبهه بعدا ولا عاد. جاء منه خبر فقيس قرر بخطى يبسره وبما ان لي مكانه هناك وموقع طلب مني اوديه وكنت همي ما عتقول القيادة خاصة انه دخل للجبهه على طول
سياف بترقب؛ ايوةة
عماد بضحكه؛ والحمدلله اول ما وصلنا الكل ضرب له تحية وياحضرة العقيد وحابك ياعقيد وتعال ارسم لنا خطة ياعقيد
سياف ضحك بعدما فهم انهم ظنوه اوس: ههههههههههه والله وكيف فعل بعدين
عماد: بعدا.....!!!
.
.
بعدما روحوا سياف واوس وميس ورهف ..!!!
دخل للبيت وبسر امه وامه نبيله واقفات باب غرفة البنات وبيصيحين ويدقين الباب؛ كوووثررر افتتتتحي الباااااب يا قليلة الادب
كوثر من داخل: ماااااعةةةةةة
قيس وهو يوقف جنبهن: مالكن
سعاد بقهر: هذه البقرة دخلت لاعندنا وسلمت على خالتك واختك خزت بنا
كوثر من الغرفة: انا قلت يبسروني مش بعدا يقولوا غشيناهم
نبيلة بحده؛ كنا عنداعيش احنااا اكيد مش تدخلي وعادهن ماقد. تكلمين بالموضوع
قيس: ههههههههههههه هذه كوثر وحركاتها مابه غرابةة...
.
.
بعد العشاء..!!!
توجه لا غرفة اوس وفتح بعدما دقة وبسره بالزي العسكري وسأل: عتخطى المركز
اوس: ايوة. بسره لابس ومتشيك وتكلم: وانت وين عتسير
قيس: بيت الدكتور عبدالله حمزة اتصل لي قال احضر معاهم
اوس: اها اليوم خطوبة اخته
قيس: ايوةة.. ايوة صح نسيت اسألك
اوس: ايش
قيس: ليش ما جت امك امل واختك وابوك يونس معاك اليوم
اوس وهو يشل تلفونه ومفاتيحه: مش هم في ذمار نزلوا إب يومين ثلاث ويجوا
قيس وهو يخرج معه من الغرفة: اهاا قد تعجبت
اوس: هههههه لاتهم لو كانوا هانا كانوا اول الحضور
قيس؛ والنعم... ميس روحت صح
اوس: ايوة جاء لها صقر مغرب
قيس: الله معاها وصلني معاك..
اوس: حسستيني ان البيت اخر الدنياء واذا هوه خطوتين
قيس؛ ههههههه ولو هياااا...!!!
.
.
بيـت عبدالله.!!!
غرفة مرام..!!!
تكلمت بتوتر ونظرها لماريا ومنار: بنات متوتره
منار؛ طبيعي سهل
ماريا؛ انا للأن مصدومة أن ماهر اوفى بوعده وجاء خطبش
منار: والصدمة الكبرى ان جدي راضي
مرام؛ هههههه حتى انا مستغربة
ماريا: يعني طلع كلام وعد اخته صدق
بتول وهي تدخل للغرفة: يا بنات وصلوا
مرام: صددددق
بتول: والله دخلوا للمجلس
منار بنظرات شك لمرام: مرام اسألش سؤال
مرام: ايش
منار؛ تحبي ماهر
مرام بصدق: ابسري حب والله مابين احبه تقدري تقولي شوية اعجاب من كلام اخته عنه وكذا اما انني احبه لا والله
منار: على بالي ههههههه
ماريا: طمنتيني عشان لا ماوقعش نصيب ما ترجعي تبكي
مرام: والله انه عادي وكنت متوقعه من جدي يرفض وما تأملت قوي..!!!
ِ
تـــــوأم أغـــــراب 2
البارت 178
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
ضربه على جبيته وبقهر؛ خطبت مش انخطبت
ميس بصدمه: اييش ذلحين منكم صدق
اوس: ايوة
ميس: بمن
قيس: بكوثر اختي
ميس: اييش ايييش كوووثر
قيس: مالجدتش ماعجبتش
ميس بقهر: انتوا عتجننوني فهموني ساع الناس كوثر والنعم بها الف من يتمناها
قيس برفعة حاجب:ياسعم قلت
اوس بهدوء: هذا يا طويلة العمر حسن اليوم......... حكى لها القصة كامله
ميسب انفعال: هذا الناقص ماعاد الا اخوي يتزوجوا ماريا وتسنيم البايخات هولاك والله ما وقعت انا عتجي واوري حسن هذا كيف يتشرط
اوس: هههه لا تخافي وفينا وكفينا
قيس: مقصدش عنرضخ له والله لو ماعاد احتزمت بالعسيب
ميس: كفو هذا العشم فيكم.. اسمعوا انا عتجي غدوة مع صقر ابسر الوضع كيف
اوس: حيا بش تمام.. وقده منها تخطي العصر لابيت قيس انتي وخالة رهف تطلبوا اخت قيس لي
ميس بضحكة: والله... تمام سابر ابشر بس قيس كلم امك وخالتك من قبل تمام وفهمهن عشان ما نظهر قدامهم كذابين
قيس: لاتهمي العشي اخطى لاعندهن
ميس: هكذا سابر خلاص موعدنا غدوة وانت لاتهم يا قيس والله ما يقع الا اللي بنفسك ماعاد الا تسنيم يييخ
قيس: ههههههه لا تقلقي معش قيس
اوس: هههههههه واثق
ميس: طيب الله معاكم صقر جاء ودكم شي
اوس وقيس؛ سلامتش..!!!
.
.
العشي..!!!
بيت كريم..!!!
جمعهن قيس كلهن وكلمهن ب اختصار ان اوس بكره عيجي يطلب يد كوثر بدون ما يذكر اي شيء من اللي حصل تحت صدمة الكل من الموضوع واختيار اباوس الكوثر..
قيس:المهم بكره العصر عتجي ميس وخالة رهف ويتكلمين معاكن طيب
سعاد بهدوء:تمام
نبيلة:الله يقدم مافيه الخير الاوس والنعم به
فزت كوثر وهي تصفق وتصيح بصوت عالي:ايووووا عااااشوواا ويييين الصفقةةة يا بنااااات كووووثر انخطبببت قبلكن كلككننن ولولووووووللللللللييييييي صفقة يلااا صفقةةة وزغرودةةة ووووووللللللييييي...
قيس: ههههههههههههههه يلعن ام الفشاااحةةة
فاطمة بقهر: وعادهم عيزوجها
كوثر فحست يداتها ببعض وبزنط: مووتي بغيييظش يلااااه
سعاد: فضحتي بناااا اول من انخطب
خديجة: الله يزكينا العقول
انداء: هههههههههه
قيس ببسمه: المهم غدوة جهزوا انفسكم
جلست كوثر جنبه وبسؤال: ذلحين منك صدق
قيس: ماحد يمزح بهذه المواضيع
كوثر: ذلحين اوس اخوك ذاك الهيبة والعقيد يشتيني انا.. عدم المواخذه انا كامله والكامل الله والف من يتمنى كوثر بس ايش ادا اخوك لاعندي
قيس: النصيب
كوثر: امممم خلوني افكر وارد لكم خبر
نبيلة: ما كأن لها ساعة ترقص وقد عتطير وعادها ذكرت تفكر الان
الكل: ههههههههههه..!!!
.
.
صباح ثاني يوم..!!!
نزل الدرج وهو يلبس ساعته بعجله وخطي في الصالة بعدم انتباه لوجود جده اللي تكلم: افسخ وبزوجك سيد سيدهاااا
اوس بهدوء: الكلام منتهي منه بالنسبة لي.. لف وخطي خرج من البيت..
دقايق ونزل قيس اللي جلس على الكنب وبصوت: هاتوا الصبووووح
حسن: اليوم عيجوا يطلبوا بنت عمك رسمي كون حاضر
قيس: وهو ضروري حضوري يعني
حسن: عشان تتعرفوا على الرجال
طرحت الخدامه الصبوح قدامه ورد بعدم. اهتمام: عتبسر
حسن: وان شاءالله بعدها نخطب لك بنت عمتك سارة
طرح الخبزه من يده وبقهر: هذا الناقص نتصابح بهذا الكلام الزفت... كيف افهمك انا خطوبة ما عتخطب
حسن ببرود: غصب عنك مش بكيفك
وقف وشل شنطته وهو يرد بحده ويخطى: سابر عنبسر بكيف من هوه بيننا..!!!
.
.
العصـر..!!!
تكلمت ميس وهي تبسر رهف نازله: تأخرنا على اوس هياااا
رهف: يلاه قد. انا هه
خطست معاها وهي تسألها: وين البنات ما بسرتهن من لما جيت
رهف: عند مرام
ميس: ليش
رهف: اليوم عيجوا يطلبوها ناس
ميس وهي تفتح باب السيارة: اها ماشاءالله
طلعين الثنتين ورا وتكلمت ميس: يلا اخطى
قبل يشغل السيارة انفتح الباب الامامي وطلع سياف وهو يتكلم: وين خاطيين بدوني
انصدم. اوس وميس وضحكت رهف متكلمه: نخطي لاوس
سياف: انا عارف يلا اخطى مابش ولد يخطى يخطب بدون ابوه
لف اوس لقدام واتحرك بالسيارة متجهين لا بيت كريم..!!!
.
.
بيت كريم..!!!
غرفة البنات...!!
لفت لهن كوثر وهي لابسه فستان اسود طويل وانيق عكس بياضها وشعرها مفرود كله ومغطي ظهرها بأمر من امها:كيف انا
خديجة بحب:قمر ماشاءالله
فاطمة:لو معانا مكياج كان فعلت حتى روج شبابي
انداء؛ما يحتاج كوثر حاليه من دون
كوثر:شكرا ههههههه
خديجة:صوت ميس شكلهن جين اااص انتي اجلسي لوما تجي واحده تداعيش
كوثر:تمام
.
.
دخلوا للمجلس بعدما استقبلهم قيس وجلسوا الثلاثة..
وتكلم قيس:حياكم الله
اوس وسياف:الله يحييك
قيس برسمية:تفضلوا ايش تشربوا
سياف:سلمت..مابه داعي..خلنا ندخل بالموضوع دغري
قيس:تفضل
قيس: انا اسف بس قهرتني يعني ما توقعت تذكر كوثر وتقول انك خاطب لها
اوس: خلاص انسى دامك تشوف انني مش مناسب لاختك
قيس؛ افااا واحد يلاقي واحد مثل اوس لاخته ويرفض.. عقيد وله هيبتة وطوب وعرض وجمال وكل الصفات الحسينه فيه ماعاد نشتي
بسره اووس برفعه حاجب.. وقيس ضحك بتعب وهو يتمدد ويطرح راسه على ارجل اوس ويهمس: قسم اننا تاعب تاعب قوووي يا اووس
طرح يده على شعره وبتنهيده: سلامتك من التعب يا عضيد
قيس وهو مغمض لعيونة: ليت وانا ضليت ابن كريم قيس البسيط اللي كان ملان هموم بس عايش براحه ومابش حاجة تعكر مزاجة
اوس بهدوء: مقادير الله لا اعتراض لحكمه محنه وعتزول ياعيني
سكت قيس وبعدها تكلم: نشتي الشرط والمهر عشرة مليون
ضربه على جبينه بخفه لوما فتح عيونه وبقهر: هذا وانا اخوك وتقول تشتي عشرة مليون مني لو كان غيري ما عتقول
قيس بضحكه: كوثر غالية وتستاهل اكثر والله
اوس بسخرية؛ ليش او زايده عين او يد
قيس؛ هههههههه لوما تجب عندك انت عتدري.. وبهمس.. الله يعينك بس...
اوس ضحك وشل تلفونه اللي رن وبسرها ميس وفتح الخط وقبل يتكلم تكلمت ميس: سريع ايش به قلبي مش مطمن انتوا غاثيين صح
اوس وقيس: ههههههههههههههه
ميس بقلق: امانه حصل لكم شي
اوس ببسمه: سلامتش ما عيقع بنا
ميس: قلبي حاسس ما وقع هياااا
قيس: باركي لاوس انخطب
حسن بحده:ليش مش وقت او عادهم بيرضعوا البز..قدهم رجال
اوس بهدوء:هذا شي خاص فينا واحنا اللي نقرر
حسن:لا انا اللي اقرر هانا
قيس بسخرية:والله
حسن بحده:اييووةة الكلمة كلمتي وادعس اللي يخرج عن شوري وعتزوجوا يعني عتزوجوا
اوس ببسمه ورفعه حاجب:ايوة وبمن عتزوجنا
حسن بثقة:انت بـ ماريا بنت عمك عبدالله وقيس بتسنيم بنت عمتكم سارة
البنات فتحين عيونهن بصدمة
اوس وقيس بسروا بعض وانفجروا ضحكة:هههههههههههه
حسن بحده:قلت نكته لوما بتضحكوا يا قليلين الادب
قيس:احلامك واسعه يا استاذ حسن
اوس:اولا من هي تيه ماريا وتسنيم
حسن:اللي قلت لكم وان شاءالله بعد.خطوبة مرام نطلبهن رسمي
قيس بحده:يييييه هذا قده منه صدق
حسن بصراخ:كان بسرتني بين امزززح يا كلببببب
اوس ضرب الماسه وبصراخ:ايوةة لام مالككك اي حق تتدخل في حياتنا فاااااهم
سياف:اوس عيب ترفع صوتككك
اوس بحده:ابسر ابوككك ما بيقول وقول له ما دخله بحياتي انا واخوووتي
سياف:الرأي لكم لاتهموا
حسن بحده:الرأي لي انا وما عيتزوجوا الا بلي قلت لهم
اوس بتهور:اذا مش انت عارف انا خاطب لواحده من خوات قيس اخي بالرضاع.. ومتممين كل حاجةة
قيس فتح عيونه بصدمة والكل بسره بعدم تصديق وسألت بيان بحماس:من منهن
اوس بدون ما يبسر قيس وبتهور اكبر:الكوثر..!!!
ِ
تـــــوأم أغـــــراب 2
البارت 175
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
بغرفة ميـس..!!!
تكلمت كوثر وهي قدام الطاقة: واووو غرفتش تجنن احلا من غرفة قيس
ميس وهي تمشط شعرها قدام التسرحيه: انتي الحاليه والله
كوثر ونظرها لحوش الفيلا: داريةةة
ميس: شلوش الجن ماحد يجامل معش
كوثر لفت لها؛ هههههه انتي ما اديتي الا الصدق ما اقول
ميس: هههههه تمام كيف شكلي
كوثر: تجنني
ميس؛ صدق انزل هكذا
كوثر: ايوة هيا يا مزززه
ميس؛ فدوووة هيااا جدتي عتصيح تأخرت..
خرجين الثنتين ونزلين لانازل ودخلين للمجلس اللي ملان من النسوان العايلة القريب والبعيد ميس بصوت عالي وثقة: السلام عليكم... ردين السلام وهي خطيت لاعند جدتها وامها اللي جالسات جنب بعض وتكلمت جدتها وهي توقف قدامهن؛ ماشاءالله الزين كله مجتمع فيش
ميس ضحكت لوما باينين غمازاتها: تسلمي لي وراثينه منش يا غاليه
الجدة: ههههه بياعة كلام ساع ابوها سياف
ام مجد: ههههههههه صدقتي
ميس: ماحد يدلعكن عتقوم اخطى اجلس مع البنات....
خطيت من جنب عمتها سارة وبنتها تسنيم ومرة عمها عامر ورفعت شعرها بدلع ومشت بغرور حناك فيهن وضحكت لوما سمعت اف أفتهن وخطيت جلست مع خوات قيس ورانيا واختها وصفاء.. ومرام ومشيرة وعلا وبيان.. اما وجدان ومنار وبتول وماريا جالسات لوحدهن بالطرف...!!!
.
.
8_العشي..!!!
دخلوا الاوس للصاله بعدما كل واحد وصل اهله وصلوا وجلسوا هناك شوية بس اتصلت لهم ميس يجوا لان الجدة والجدة قرروا يجلسوا هذه الفترة في بيت سياف اما سارة روحت مع ليث وتسنيم وزوجها عشان عمل ليث وابوه..
بسروا جدهم جالس بكل عنجهيه وتكلموا: مساءالخير
الكل: مساءالنور
الجدة بسخرية: من اولها هكذا هياته وصعلكه وينكم من قبل المغرب
جلس الاوس وقيس جنبه وهو يرد: اظنه شي ما يخصك
الجد: ما قلت عيد
قيس: قال اظنه شي ما يخصك
الجد لف لسياف وبحده: بسرت والعيال معاك
سياف بهدوء: هم خطيوا يوصلوا اهلهم واكيد جلسوا هناك
ميس: تعيشتوا او ادي لكم عشاء
اوس وقيس: الحمدلله
الجد لميس: اناما اعجبني زوجش هذا باين هم ناس وسطيين مش مستواهم عالي
ميس بحده: مستواهم عالس واطي متخفي ما دخلك من زوجي واهله ولا لك حق تتكلم عليهم
الجد بصراخ: الا دخلني ولو ودي الان اطلقش منه وازوجش بلي ودي واللي يناسب مستوانا مش هولاك
اوس بحده: هذا اللي عاد كاااان ناااااقص
قيس بنفس الحده: ابسر يا هذا خليها ببالك اختي واخي وانا مالك اي دخل فينااااا فاهم
حسن: ونعم التربية تربية شوارع تردوا على جدكم هكذا
ميس: سبحان الله امس ماكنت معترف فينا واليوم قدك جدنا
الجدة؛ بس خلاص مالكم وهذا الكلام
بتول بهمس لمنار: ابسري كيف بيردوا على جدي بدون خوف
منار: خليهم بس بردوا قلبي يكفي تحكم منه
بيان بهمس: حتى ميس قوية ماشاءالله لو هي واحده مننا ما تدي كلمة
علا: عجبوني هههههههه.
سياف: العيال ذلحين تاعبين من عمل اليوم خلهم يرتاحوا و...
قاطعه حسن ونظره لاوس: انت ايش تشتغل
اوس بهدوء.: عقيد ركن
حين تفاجئ بس ما بين وسأل قيس: وانت
قيس بدون نفس؛ سنة اولى ادارة اعمال
حسن برفعة حاجب: وليش عادك تدرس الان
قيس بسخرية: لاني كنت عايش بقصر والزلط بيدي ساع التراب ماكنت اعرف وين اوديها.. كنت عايش امير انا
سكت سياف وحسن سأل ميس.: وانتي
ميس: خلصت الثانوية
حسن: وليش ما كملتي دراسة
ميس بضحكه سخرية: لاني نفس قيس كنت عايشه بقصر واميرة ههههههه
حسن بحده: مايسبرش، هكذا احفاد حسن ومستواهم الدراسي لا هانااااا
قيس: العفو منك لو كنا نعرف انك جدنا كنا عندرس غصب هههههه
ميس: اي والله اعذرنا
سياف بتنهيده: حصل خير يا اباه وقد قيس يدرس والحمدلله وميس متزوجه الله يسترها بس لو ودها تدرس تأشر بس وتبشر بافخم جامعه
ميس: لاشكرا النفس طابت من زمان
الجدة: الدراسة مش معيار
حسن بحده: وانتوا مرتبطين
قيس بسر يداته بهباله: ماشي مفكفك وانت يا اوس مربط
اوس بضحكه: لامفكفك ساعككك
حسن بقهر: سؤالي واااااضح لكككك انت وهو
اوس بنرفزه: لا واظن هذا شي شخصي ماحد له دخل فيه
حسن رفع حاجبه بتفكير لثواني وابتسم وهو يتكلم: سابر ههه
وقف اوس بضبح وتكلمت ميس: وين عتسير
اوس: خاطي المركز
وقف سياف معه: وصلني معاك
اوس: طيب.. لف لقيس: اطلع غرفتك وذاكر بكره معاك امتحان وماقد ذاكرت
قيس: تمام..
خرج مع سياف وقيس وقف وهو يتكلم: خاطركم بطلع اذاكر
الكل عدا الجد ومنار: الله معاك....!!!
مع الله يا قومي وناسي وبالخير ياربعي اذكروني
ويا سايق الطقم المموه لصرواح بالله اصلوني
الشباب:لصرواح بالله اصلوني
ويا من يريد العز وقته معي يالنشامى سايروني
مع جند ربي في سبيلة في الصف الاول قدموني
الشباب.في الصف الاول قدموني
ارى كل من شمر لثاره ومن حلف نتقاضى ديوني
ننكل في الجيش السعودي جزاء من تعدى واعتدوني
الشباب:جزاء من تعدا واعتدوني
صبرنا بما فيه الكافية ولكنهم ما قدروني
عليا العار ما ارضى بالمذله ولا اهتز مهمها يقصفوني
الشباب:لا اهتز مهما يقصفوني
على الوعد يا صرواح جينا عزيزة علينا ما تهوني
يماني على موقف ومبدأ وسلمان وابنه يعرفوني
الشباب؛وسلمان وابنه يعرفوني
وبالنصر ولا بالشهادة هلي في اليمن يستقبلوني
الشباب وقيس: وبالنصر ولا بالشهادة هلي في اليمن يستقبلوني..
قيس؛ يكفي وسلامتكم
الكل؛ سلمككك ربي
ليث: ماشاءالله والصوت
حمزة: طلع عندك مواهب يا نذل
قيس: ههههههههه..
.
.
بالطرف الثاني
طفى تسجيل الفيديو وهو مبتسم بقوة ولف لسؤال عبدالله: بتصور يا سياف
سياف ببسمه: سمعت والصوت
عبدالله: ايووه ماشاءالله حتى ابي اندمج معه. ههههه
سياف ونظره لاوس وقيس: ربي يحفظهم من كة شر
عبدالله: يارب.....!!!
منار بقهر: مش هم قصدي البرنسيسة ميس
مرام: عيب عليش البنت ضيييف هانا
وجدان؛ ولو هو بيتهم المفروض تقوم وتفعل
ماريا: عتدي واذا احنا نكفي
بتول: كان يخلوا الخدمات لكن ما يشتوة طبخهن اوووف
ام حمزة: هدراكن اكثر من عملكن كل واحده تبسر عملهااا واااااص للهدار..!!!
سياف كمية شعور بشع اجتاحه بهذه اللحظة وهو يبسر عياله يقولوا للغير ابي وكل واحد له اب لوحده.. وهو ماقد. سمع منهم كلمة ابه وكم يتمنى يسمعها منهم
رهف وهي عارفة بإيش فكر سياف الان وايش، شعوره بعد كلامهم: حيا بهم كلهم عادي كلموا كل اهلكم وكل النسوان نفسي اتعرف عليهن والكل
قيس: ابشري تمام.
ميس: انا غدوة عتروح مع صقر بعد. دوامة للبيت
سياف: خليش لا بعد الحفلة
ميس؛ ماقدر
بيان: سهل يوم الجمعه جي بدري الصبح
ميس: مدري صقر مابش معه دوام الجمعة
وقف سياف وبحزم: انا عتجي لش الصبح بدري لاقريتكم.. انتهى الكلام.. لف وخطي
رهف؛ وين عتسير الان
سياف بدون ما يلف: لاعند ابي طلبني. وعشان اكلمهم عن موضوع العزومة.. خاطركم..!!!
ِ
تـــــوأم أغـــــراب 2
البارت 171
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
العصـر...!!!
بيـت كريـم..!!!
حوش البيت..!!!
جالسات البنات في الجلسة البسيطة اللي سوينها لهن.. وانداء بتعزف طبق وكوثر شلت حق امها وبتحاول فيه لها..
فاطمة بسخرية: خلاص ما تقدري ليش اللغاج
كوثر بتركيز؛ ارتزعي ماتدخلي... اووووف وهذه الابرة ليش ما تدخل
انداء: دخليها في المكان الصحيح وانتي
رجمت الطبق للقاع وبقهر: الله يقلعها شغلة اوووف
خديجة: هههههههه اللي مش حقه مش حقه
اندق الباب وتكلمت انداء: واحده تقوم تفتح
كوثر: قوومي يا فطوووم
فاطمة: وانتي ما يفعلوا بش
كوثر بسرتها بحده وفاطمة قامت بقهر وخطيت تفتح وبعصبية: ممممنننن
قيس بضحكه: اعصااابش مالجدتش
فتحت الباب بسرعه وبضحكه: ياحيااا بالغااايب
دخل قيس وهو يرد: الله يحييش مالش معصبة
فاطمة بعدما غلقت الباب خطيت وراه وهي تتكلم: من غيرها كوثر الزفت
كوثر وهي متممده: مالها كوثر يحصل لكم واحده ساعي
قيس: خفي علينااا
كوثر: انت اوووص ماعاد بيديك عندنا يلا رحلكك ماجيت تفعل
سحبها من يدها لوما قامت وجلست بقعتها وهو يتكلم: عادنا اول من امس هانا يا كذابة
كوثر بقهر: قومتني من بقعتي ليش
قيس: اخوش الكبير ادب
خديجة: عادك جيت من الجامعه صح
قيس: ايوة قدش تبسري الشنطة معي
انداء: وهذا اللي بين الكيس ايش
قيس: اندومي واحده تقوم تسبره لي انا جاوع
كوثر بتهرب: مابعد طبخ البنات طبخ خاصة انداء
انداء: التلميح مش حالي
فاطمة: انتي فاضية افعليه انتي
كوثر: وانا من ايحين اقدر اطبخ
خديجة: احنا عارفين ما فالحه الا بالاندومي بس
قيس: شليهن واخطي افعليهن لنا كلنا هيا
كوثر شلتهن وبقهر: انا عتفعلهن وانتتي يا فاطمة تعالي سبري الشاهي هيااا
وقفت فاطمة معاها وخطيين لا داخل البيت
قيس بسؤال: المامات تبعي وين
البنات بسرين بعض وانفجرين ضحكه: هههههههههههه
قيس بضحكه: مالكن
خديجة: حركات قدك تقول الماما هههههههه
قيس: اختصار ههههههه
انداء: ام محمد تاعبة عادها خرجت من المستشفى وخطيين يبسرينها
قيس: اها الله يشفيها ويعافيها..!!
.
.
بيـت اللواء.!!!
دخل الأوس للبيت وخطي من الصاله ونزل راسه اول مابسر نسوان وخطي بسرعه بس وقفه صوت سارة الساخر: اووف والادب نزل راسه ما كأنه الصبح فاتح لقفه شبرين هو واخته
رفع حاجبة ب استغراب ولف لها واشر لنفسه: انا اعرفش
سارة؛ مدري اسأل نفسككك يامحترم
اوس: يا خاله شكلش مخربطة
سارة: ههههه اسم الله على الادب
رهف وهي تنزل الدرج وخلفها ميس: هذا الأوس واللي بسرتي الصبح كان قيس.. قدش بتبسري لبسه العسكري
سارة سكتت متفاجأة كمية الشبه اللي بينهم ولفت لبنتها بتعجب
اوس: من هذه
رهف: هذه عمتك سارة اخت ابوك سياف
لف لها اوس وبسؤال: يعني انتي ام الليث
سارة بسخرية: وانت من وين تعرف الليث يا عيني
ميس بحده: انتي ممكن تقولي لنااا ما تشتي من الصبح وانتي تجنني ما بتدوري
سارة بنفس الحده: بين ادور عيال من انتوا ومن وين جيتوا وضحكتوا على اخي سياف
اوس بهدوء: سياف اخوش مش جاهل عشان ينضحك عليه
سارة: والله شوية عيال سوق يقدروا ليش لا ساعكم بالضبط....
قاطع كلامها صرخة سياف اللي هزت البيت؛ وقطعععع يقطع لساااااانش يا قليلة الأدب
لفوا له كلهم واوس ابتسم على جنب من ملامح سارة اللي تكلمت: سياف جيت
سياف بحده: انتي كييق تسمحي لنفسش تتكلمي مع عيالي هكذا
سارة بحده: وانت مصدق انهم عيالك
سياف: لا ما رأيش انتييي
سارة: من رأيي انهم عيال شار...
قاطعها بصراخ: الزمي حددددش احسن ما افعل حاجة تندمي عليهاااا
سارة بريحمه: هذا وانا ضيفه عندك تتكلم معي هكذا حتى ما سلمت عليااا
سياف بحده: اللي يمس عيالي بكلمة اقطع لسانه واللي يشتي يجلس ببيتي يحترم كل اللي فيه
لفت سارة لبنتها وب انفعال: هيا بنتي قومي نرحلنا مابش لنا مكان وجلسه هانا
سياف ببرود وهو يخطى يطلع الدرج؛ الله معش كما تعلمتي الادب بيتي مفتوح لش بإي وقت
خطي من بين اوس وميس اللي واقفين بهدوء وطلع الدرج وبسر بناته الاربع اللي بيبسرين بترقب تعداهم كلهم ودخل لاغرفتة وغلق الباب..
سارة وهي تشل شنطتها؛ هيا تسنيم هذا البيت ماعاد. ندخله
ميس بسخرية؛ وفرتي تفعلي خير فينا الله معش
تسنيم بقهر: قليلين ادب ووقحين كلكم
ميس ببرود: يلا يلا ورا امش ياقمر مش فاضيين لش
بسرتها تسنيم بقهر وخطيت ورا امها وخرجين من البيت متجهات لا بيت الجد
رهف ببسمه.؛ اول مره سياف ينفعل هكذا ويدافع عن احد هكذا ويغلط على اخته
اوس: لانها تستاهل فعلا
ميس: طويلة لسان
منار من راس الدرج؛ طالعه لها انتي
ِ
تـــــوأم أغـــــراب 2
البارت 182
للكاتبـــــة: أميـــرة اليـــــمن
ـــــــــــــــــــــــــــــــــــــــــــــــــــــــــــــــ
بيت عبدالله..!!!
غرفة مرام..!!!
حمزة ب انفعال: ممكن ادرى ليش ما تشتي قيس
مرام ببرود: هكذا ما اشتي
حمزة: على فكرة جدي قال كلمتة وحدد العرس وانتي عارفة لجدي ماحد يقدر يوقف بطريقة
مرام بقهر: ماله دخل مني
حمزة بحده: اسمعي اذا كنتي زاعله عشان ماهر الكلب.. ف اسمعي هذه الكلمتين.. قيس انقذش منه فاهمه
مرام بترقب: انقذني منه كيييف
حمزة بقهر: الكلب هذك طلع حق بنات ومراسلات وبيهدد البنات بصورهن ويضحك عليهن قد شبك نص الجامعة. ومره تضارب مع قيس بسبب انه بسره بيلاحق بنت ويهددها
مرام بصدمة: كذااااب
حمزة بحده: وعادنا كذااااب.. وعلى فكرة زد اليوم تأكدت بنفسي في الجامعة وطلع الخبر كله صدق.. وعلى العموم احتمال الخطوبة قريب عشان العرس بعد شهر في العطلة النصفية...!!!
.
.
قيـس..!!!
جالس في الصالة على تلفونه لوما دخل أوس وهو يتكلم: سلام
رفع نظره له وقفل تلفونه وهو يرد: وعليكم السلام واخيرا جيت
جلس جنبه وهو يسكب له ماء للقلص: ليش ما ودك مني
قيس: ولاشي بس قلت اقول لك تم البيت موافقين
اوس شرب القلص وحطه على الماسه وهو يرد: اي بيت
قيس بقهر: الاخضر
اوس: اهاا... قصدك. من الخطوبة ههههه تحاكى سوا وانت
قيس: ما اقول يعني
اوس: قول الف مبروك اختي موافقه
قيس: اللي هوه المهم.
اوس: خير ان شاءالله غدوة ندفع ونحدد كل شي
قيس: يعني عنرضخ لحسن والعرس بعد. شهر
اوس: مهما كان يضل جدنا ولكلمته احترام جزعها له هذه المره
قيس: سابر..!!!
.
.
ظهر ثاني يوم..!!!
المركز..!!!
كان الأوس في مكتبة لوما رن تلفونه برقم غريب.. فتح الخط وبهدوء: ارحب
وصله صوت بنت ببكاء؛ اوس وين انت
اوس بشك: منار
منار: ايوة منار وينك
اوس: في العمل خير ليش مابه ليش بتبكي
منار بكت وبرجاء: جي للبيت ذلحين احتاجك الله يخليك
فز اوس وهو يرد: ابشري ثواني وانا عندش..!!!
.
.
بيت اللواء..!!!
غلقت الخط ولفت لبتول اللي تكلمت: يعني بالله ما عيفعل اوس ولا قيس اتصلتي لهم ذلحين وخوفتيهم
منار وهي تمسح دموعها: يجوة يوقفوا قدام جدي ويفسخوا خطوبتي
بتول: وما تحركتي الا لوما قال جدي انهم الليلة عيجوا يدفعوا وعرسش مع اوس وقيس ومرام
منار: مشتيييش والله ما اتزوجه فاهمه.. اوس وقيس يثبتوا اخوتهم ويفعلوا حاجة من اجلي.. غطت وجهها بيداتها وبكت...
.
.
تلاقى اوس وقيس في الباب وسأل اوس ب استغراب: خير ليش مش انت في الجامعه
قيس: عادنا جيت اتصلت لي منار بتبكي
اوس وهو يسرع بخطواته لا داخل: ايش به حتى انا اتصلت لي..
طلعوا الاثنين الدرج بسرعه ولا غرفة منار على طول فتح اوس الباب وهو يسمع بكاء منار وبلهفة: منار.. اييش به
فزت منار ووقفت وسعت لاعنده وارتمت لاصدره وهي تتكلم ب انهيار: مشتيةة قووول لهم يا اوووس الزواجة مش بالغصب والله اقتل نفسي والله
اوس وهوه يحضنها يهديها: من اللي ما تشتيه اي زواجةة
منار ببكاء: قال جدي الليلة عيدفعوا بيت خالي لي ويكون عرسي معاكم
قيس: وانتي ما تشتيه
منار: ايوةة
اوس: طيب ليش وافقتي عليه من اول
منار ببكاء وغصة: وعند جدي هل لنا رأي كله على قولة وخطبني ب ولد خالي بالغصب وما عبرني حتى ابي ما صدى يدي كلمةة. وانهيار؛ وانا م اشتي ما اشتي اسير لاعند هذك الاسرةة مشتييييي..
اوس: اهدأي ياعيني اهدأي مالش الا اللي يرضيش ابشري
منار وهي ترفع راسها وببكاء: يعني عتفسخوها
اوس: غصب عنهم كلهم
قيس: ماعاش من يغصبش على حاجة واخوتش بظهرش الليلة وانتي محررة
ضحكت منار ببكاء وهي ترجع راسها لاصدر اوس اللي تكلم: هاتي الدبلة حقهم وكل شي يرجع لهم الان..!!!
.
.
الساعة. 4العصر....!!!
وقف الجد حسن وسط الصالة وبصوت عالي: ويييين جووووا هولاااااا اوووووووس قييييييييس .... ييييييييييييهه
سياف اللي عاده داخل للبيت: خير يا ابه مالك بتصيح
حسن بحده: وين جوا عيالككك هولااا
سياف: ليش ما حصل
حسن: داعيه وعتدرىىىى يا قيييييسسسس انزلووووا لانتوا رجاااااال...
.
.
طالع...
فتح اوس غرفته بنفس اللحظة اللي فتح قيس غرفته وهو يسأل: هذا صوت حسن او بين اتخيل
منار بتوتر وهي تتقدم منهم: الا صوت جدي بيداعيكم شكله عرف انكم فسختوا الخطوبة ورديتوا كل شي
خطي اوس ينزل وتكلمت بتول: لا تنزلوش لا فعل بكم شي
قيس وهو يخطى بعده:ههههههه وما عيفعل بنا لاتخافين ولا واحده تنزل طيب
البنات: حاضر..!!!
.
.
تكلم اوس وهو يتقدم من سياف وحسن: خير ماهوه هذا الصياح بكله اييش به
حسن بحده: جيت يا نذل انت واخوككك هذا
قيس بسماجة: قصدك انا. سهل جزاك الله خير
حسن بصراخ: من سممح لككك انت وهو تفسخوا الخطوبةةة بأمر مننننن
مساء الخير
امس خلص عليا النت ولا حد فزع ورسل لي نت ولا دريت كيف ارسلها لكم حاولت ارسلها بلوتوث ما رضي حظكم مثل حمار الزبيب 🥲😂
ِ
تـــــوأم أغـــــراب 2
البارت 180
للكاتبـــــة: أميـــرة اليـــــمن
ـــــــــــــــــــــــــــــــــــــــــــــــــــــــــــــــ
وقف قيس في الباب وخرج له حمزة وهو يرحب به: حي الله ولد ليش ما تدخل
قيس ب احراج: ما اعرف الطريق للمجلس.. بعدين والله ما كان به داعي لجيتي
سحبه معه وخطيوا وهو يتكلم: الله المستعان مابش معي اخ قلت تكون انت جنبي
قيس: ابشر ولايهمك..
دخلوا للمجلس وبصوت واحد: مساءالخير
الكل لف لهم وردوا: مساء النور
خطيوا الاثنين وجلسوا جنب بعض
وحسن وسياف وعبدالله كانوا بصدر المجلس وماهر وابوه وخاله في العرض..
رفع قيس نظراته لهم وانصدم لوما بسر ماهر بينهم وحس الزمن توقف لوما تكلم ابوماهر: وهذا ابني ماهر تقدروا تسألوا عنه وعن اخلاقةة..
همس لحمزة ونظراته النارية على ماهر اللي توتر لوما عرف قيس: هذا اللي عيخطب اختك
حمزة: ايوة
قيس: وانت سألت عنه
حمزة: اكيد ما قالوا عنه الا كل خير
قيس: من سألت بالضبط
حمزة: اصحابة وخبرته
ابتسم قيس بسخرية وهو يسمع عبدالله يرد: حياكم بكم والبنت بنتكم واحنا بعد ما سألنا عن ابنكم نتشـ.....
قاطعه قيس بحده: بعد اذنك ياعم
الكل لف له ب استغراب ورد عبدالله: تفضل
قيس بثقة؛ هم يقولوا البنت لولد عمها وهو اولى بها من غير ة وانا اليوم طالب يد بنتك مرام على سنة الله ورسوله
الكل بسره بصدمةة من كلامه وحمزة فتح عيونه مستغرب ليش قال هكذا.
ابوماهر بحده؛ مل يصلح على خطبة على خطبة يا ولد
قيس بحده: ماهي خطبة على خطبة ماقد سدينا على شي وبنت عمي ما عتكون الا لي او ما قلت ياعم
عبدالله بسرعه: الله المستعان لك من الان ومن افضل منك لبنتي
سياف بيبسر قيس بتعجب والجد رافع حاجبة ب استغراب..
ابو ماهر وقف وبقهر: ما يسبر منكم هذه الافعال و..
قاطعه قيس بحده وهو يوقف: قبل تدق بيوت الناس وتشهد ب اخلاق ابنك تأكد من افعاله وسوابقه فاهم. وعندنا مابش بنات لان احنا نزوج بناتنا برجال مش نسوان ومبتزين
ماهر بتوتر: انت اييش بتقوول
قيس؛ خل المغطى مستور واخطى من هانا
خرجوا اهل ماهر وحمزة خطي يوصلهم تحت صدمة الكل من كلام قيس
عبدالله: انت من صدق خطبت بنتي او بس قدامهم
قيس ب اصرار: شاريها على سنة الله ورسوله
سياف: دام وقيس يشتيها ماعاد لك كلام يا عبدالله البنت لابن عمها
حسن: اكيد وهذا كلام مابه عليه خلاف
عبدالله: والنعم والله بس نسأل البنت
وقف حسن وبهيبة: ومن ايحين بنستشير بناتنا في هذه الامور خلاص تم مرام لقيس والخطوبة الجمعه الجاية والعرس بعد شهر
قيس انصدم من سرعة العرس وتكلم سياف؛ شهر يا اباه قليل مسرع
حسن وهو يخطى: كلامي ما اعيده عرسه وعرس الأوس مع بعض والكلام منتهي منه وبلغوا الكل..!!!
.
.
المـرام..!!!
همست بصدمة بعدما كلمتها امها بلي حصل: مستحيييل
بتول: قيس اخي خطب مرام
منار: قيس قيس ماغيره
ام حمزة: ايوةة قيس خطبها من ابوها وتموا على كل شي. والعرس بعد شهر قال جدكن
البنات بصدمة: شهررررر
مرام ب انفعال: لا ماهذه قد زيدووا فيهاا وانا ايييش هانا رجل كرررسيييي على الاقل يستشيروني
منار بسخرية: ومن ايحين جدي يستشيرنا بهذه المواضيع نسيتي خطوبتي من ابن خالي كيف ماحد عبر رأيي
ماريا: طيب وماهر ايش موقعه
ام حمزة: مدري رحله لمن خطب قيس
مرام ب انفعال: وهذا قييس من وين طلع لنا ذلحين وليش يخطبني
بتول بحده؛ يحصل لش قيس اخي انتي وماهر الزفت حقش الف من تتمنى قيس
منار بقهر: ايوة وقارنر وانتي عتشوفي فرق السماء عن الارض بين قيس اخي وماهر الزفت.. هياااا بتول رسلي لقيس لو عاده هانا يراعي لنا نروح معه
ماريا: بنات مرام مش قصدها بس لأن كل شي حصل فجأة...
منار وهي تلبس البرقوع: قصدها واضح وطز فيها... هيا بتوووول....!!!
.
.
بيـت سياف.!!!
فزت علا وبيان وبصوت رافع: ايييش خطبت مرام
قيس هز راسه وتكلم سياف: ايوة
رهف؛ كيف لوما مش على اساس اليوم مدري من جاء يطلبها
سياف: ايوة بس قيس قال يشتيها والبنت اولى لابن عمها
بتول: وما قال جدي مش ع اساس يخطب له تسنيم
سياف: ما تحاكى ابي وحدد العرس على طول.. لف لقيس وبسؤال؛ قيس انت واثق من اختيارك
قيس لف لها وبهدوء: ايوةة
سياف: اكيد. انك تعرف ماهر وبسرت عليه حاجة لوما انفعلت هكذا وتكلمت معه ب الغاز حاكيني ماله
وقف قيس وهو يتكلم: مابه داعي للكلام قد سار بحال سبيلة الله معه.. تصبحوا على خير...!!!
.
دخل لاغرفة اوس واتمدد على السريى بتعب وهمس بقهر:ورطت نفسك يا قيس انت مالك وللزواجة اووووف...بس مستحيل كان ارضى لها ترتبط بالنذل هذك حق البنات... رن تلفونه وبسره رقم حمزه فتح الخط وبهدوء:ارحب
حمزة؛ممكن تفهمني ايش اللي حصل اليوم
قيس بتنهيده:ايش حصل
حمزة:قيييسس من وين تعرف ماهر وما بسرت عليه لوما انفعلت هكذا ودخلت بالوسط
سياف:احنا جيناك اليوم طالبين راغبين يد اختك المصون كوثر للأبننا الأوس ولكم ما طلبتوا
قيس بسرهم وبجدية:حياكم الله والنعم بكم وبنسبكم لكن نشاور البنت ونرد لكم خبر
اوس ماعاد يقدر يصبر وهو يبسر جدية قيس وانفجر ضحكة:ههههههههههههههههههههههههههههه
قيس انفجر ضحكه مثله:ههههههههههههههههههههههههههههه
سياف ببسمه وتعجب:مالككم
اوس وهو يمسح دموعه ويضحك؛ما اقدرت اصدق انه بالجدية هذه
قيس بضحكه:اخي ويخطب مني كيف انا جدي معاك
اوس:ههههههههه
سياف:على فكرة انا عارف انك مش خاطب لكوثر ولا شي وانك بس سكت ابي.
اوس بهدوء:بس انا فعلا عتخطبها وعنتم كل شي اليوم ايش شروطك يا قيس
قيس بغمزة:قدنا قلت لكك
شل المخده ورجمه وبقهر:مالت عليك انت وشروطكك
قيس:ههههههههههههه
سياف:هههه طيب خلونا نتكلم بشكل جدي
اوس وقيس:طيب..!!!
.
.
عند النسوان.!!!
كانين بيتجابرين بمجابر عاديه لوما دخلت كوثر وهي تهلي وترحب تحت صدمة امها وخالتها سعاد القويةة:يا حي الله من جاء حي الله ميس وخالتها ارحبين....!!!
ِ
تـــــوأم أغـــــراب 2
البارت 177
للكاتبـــــة: أميـــرة اليــــــمن
ـــــــــــــــــــــــــــــــــــــــــــــــــــــــــــــــ
مد يده وقرص قيس المنصدم بدون ماحد يبسره عشان ينتبه ولا يفضحهم..
قيس ب انتباه: هاه.. ايوةة اةس خاطي لكوثر اختي من زمان وقد سدينا على كل شيء
منار: بس كوثر صغيره اظن لو عادها خديجة او انداء
اوس: الحب من الله وانا ما ماحبيت الا كوثر وطلبتها من قيس
حسن ب انفعال: وايحين حصل هذااااا
اوس: قلت لك من زمان
حسن؛ الان تفسخ هم مش من مستوانا ولا مناسبين لنااا
قيس بحده: اعذرنا لوما تمينا الخطوبة ما كنا نعرف انك جدنا.. وبعدين مالهن خواتي مش من مستواك علر فكرة خواتي يسوينك ويسوين كل قبيلتكككك فااااهم
اوس بحده: قد سدينا مع الناس وكل حارتهم تعرف انني خاطب لكوثر ومستحيل اتراجع فاهم
الجدة: لا والله انه عيب دام قد سديتوا بين الناس يا ولدي
بتول بصدق: بعدين كوثر ماشاءالله جمال وحلا وطول ايش ماريا جنبها مع احترامي
بسرتها منار بقهر وهمست بتول: ماقلت الا الصدق..
سكت الجد بقهر بعدها تكلم وهو يوقف: خلاص اوس بستين داهية جهز نفسك يا قيس عنخطى بعد. خطوبة بنت عمك نطلب لك تسنيم بنت عمتك من ابوها واخوها
فز قيس وب انفعال: واقسم بالله ما دخلت لي راااس فااااهم وانت ما يحق لك تتحكم فيني
رفع عصاته لاصدره وبحده: انا متحكم بلي اكبر منك واعلى منك ما عتجي انت توقف بوجهي يا بيبي الكلام منتهي انقلع من قدامي.. لف وخطي وقيس يصيح ويجنن وشل الصحون راجمهن بقوة وقف اوس ومسكه بسرعه: قيييس اهدأ
سياف وهو يمسكه؛ قييييس
دهفهم منه وبصراخ: كلمووه ان ماقد خلق اللي عيتحكم في قييييس.. شكله ماقد تعرف على قيييس سوووا خلوه يتخبر الناااااس وعيقولوا له من هوه قيييس
سياف: اهدأ ما عيقع الا اللي ودك فيه
قيس ب انفعال: اكيد ماعيقع الا اللي ودي فيه مش ابوووك فاااهمين.. فلتهم وطلع الدرج بسرعه متجه لاغرفتةة ولحقه اوس بسرعه..!!
الجدة: قد بين اقول له ما عيرضوا لكن ما صدقنر
رهف بتوتر؛ ذلحين ايش انتوا لعمي ما يمشي الا اللي براسه
منار؛ على اوي وقيس ما اعتقد يقدر لهم بسرتي كيف صيحوا
بتول؛ ايوة لو هوه واحد ثاني حمزة او ليث ماحد يقدر يرد عليه بكلمةة
علا بحماس: امانه رجال
بسرها سياف وتكلمت بوهقه؛ قصدي ما يصلح يرفعوا اصواتهم على جدهم الصدق......
.
.
دخل لاغرفة قيس وغلق الباب وهو يتكلم؛ قيس..
فز قيس اللي كان قدام الطاقه وتقدم منه بسرعه مسكه من كوته ورصه للجدار ومن بين اسنانه: انت ليييش قلت انك خاااطب لكوثر هااااه ما بتظن بناات الناس عندك لعبةة او ايييييش
اوس.؛ انا
هزه بقوة وبحده: انت اييييش من بتظن نفسككك تدخل بنات الناس بعلبتك وتكذب ظني ان خواتي سلعه رخيصة اووو ايش تتكلم على كيفكككك
نزل يداته منه بحده وبصراخ: من قال هذا الكلاااااام
قيس بنفس الصراخ: انت يا تافه مقصدك تتخارج من حسن الجن وتلعب بسمعة بنات الناااااس
اوس ب انفعال: انا ما لعبت ولا كذبت وفعلا عندي اخطب واحده من خواتك ولا اللي اختارها لي حسن
قيس بحده: وخواتي مش اختيار ثاني ولا بديل فاااهم ماعزهن وما غلا ورعتزوجين سيد سيدككك انت وجدككك التافه
اوس بحده: قيييس انا فعلا واعي لكل كلمة قلتها وواثق من نفسي واختك اشتيها على سنة الله ورسوله مش لعبه مني افهم
قيس: ايييش معنى كووثر وهي الصغيرة منهن ايش معنىىى هاه
اوس؛ لأني ما اعرف من خواتك الا هيه واعرف ما اسمها وجت على بالي
قيس بسخرية: اها حبيت تنقذ نفسك على حساب اختي انا يا نذل
مسكه اوس من صدره ومن بين اسنانه: انت قد بتتمادى وتغلط قوي.. وقلت لكك اختك انا طاالبها على سنة ورسوله ولو ودك بكرة نعلن الخطوبة علناها
سحب نفسه منه وبحده: في احلامكك انقلع سير ابسر لك بنت ثانية
اوس بقهر؛ ليش انا ما اشرفككك استاذ قييس.. ما تتشرف فيني لاختك المصون.. قول هكذا من البداية واهجع.. لف وخطي خرج من الغرفة وطبق الباب وراه بقوة..
غمض عيونه بقوة وتنهد بقهر وهو يشد شعره وكل حاجة تلخبطت عنده..!!!
.
.
بعد العصر.!!!
دق الباب وفتحه واستقر نظره على اوس اللي جالس على السجاده وبيده مسبحته ونظره للقاع بهدوء.. غلق الباب وتقدم. بخطواته منه وجلس قدامه واوس مدعمم له
شل نفس وتكلم: ايحين عتجي تخطب رسمي
اوس:......
قيس: معي شروط خيرات لا تظن لأنك اخي عتتساهل معاك
اوس......
قيس: نشتي حب الخال والخاله والجد والجدة والعم والعمة والخوات واعمل حسابك معاها ثنتين امهات.
اوس بيستغفر بالمسبحة ومدعمم له
قيس بتنهيده: انا محكم لك اعتذر واسف... اوووووس.. حط يده على كتفه: من بين اكلم
اوس ببرود: مش فاضي لككك قووم انقلع من قدااامي
قيس: وتسخى عليا.. قلت لك انا اسف كنت منفعل وانت دخلت كوثر بالوسط
رفع نظره له وبحده: وانت ظنيت فيني الشينه واننا مدري ايش ولعاب
ِ
تـــــوأم أغـــــراب 2
البارت 176
للكاتبـــــة: أميــــرة اليـــــمن
ـــــــــــــــــــــــــــــــــــــــــــــــــــــــــــــــ
الأوس..!!!
دخل لا مكتبة بعدما وقف مع سياف وسلموا على بعض الضباط اللي ما قدروا يحضروا العزومة والكل منصدم ان الاوس ابن سياف وعدة اسأله ببالهم جاوب عليها سياف ب اختصار..
تقدم من مكتبة ووقع نظره على اسمه اللي على المكتب وبسره تغير.. شله لا يده وقري بهمس: العقيد ركن/الأوس سياف حسن الـ.......
ابتسم بسخرية متى لحق يغيرها بس ما يدري ليش لاسم سياف هيبة بجنب اسمه لف لفتحت المكتب وبسره حسين اللي تكلم: ياهلا بالعقيد ابن اللواء واخيرا تكرمتوا وجيتوا انت وابوك
رفع له الاسم وضحك حسين وهو يشله من يده: اووووف ايحين غيرت
اوس: مش انا
حسين: اللواء ههههه الا ضخم وقع لأسمك هيبة
اوس: هيبة من يوم يومي
حسين: خف عليناااا
اوس: ههههههههههههه
.
.
بجناح الجد والجدة اللي بفيلا سياف..!!!
تكلمت الجدة ونظرها لحسن اللي متمدد على السرير ويده تحت راسه ونظراته لافوق بتركيز:خف على عيال سياف لا تكون تقهرهم قدك متأكد انهم عياله بعدمت خليت سياف يسوي الفحص هذك هو وهم ماعاد باقي
لف لها وبمابغته: عتزوج قيس واوس
الجدة بصدمة: ايييش
تجلس وبجدية: العيال متمردين وبيردوا الكلمة لي بعشر وما بيحترموني
الجدة: لو انت عاملتهم سوا كان الان يحترموك بس انت نبذتهم
حسن: هم متمردين وما عتكسرهم واخليهم تحت امرتي الا لا زوجتهم بلي في بالي واخليهم تحت شوري واجزع كلمتي عليهم واخليهم تحت رجلي
الجدة بعدم. اعجاب: هم رجال وكبار ومن حقهم يختاروا اللي يشتوا مش انت تختار لهم
حسن بحده: انا اللي كلمتي عتجزع على الكل
الجدة بمحاولة: بس ما يسبرش هكذا عيكرهوك اكثر
حسن: طز المهم افرض سطيرتي عليهم واعلمهم ان انا ماحد يقدر يخرج من شوري او يعصيني
الجدة: وسياف ما عيقول
حسن بحده: ما عيقول يكفي اللي قد فعله زمااان وعياله ماعتزوجهم الا اللي اشتي اناااا
الجدة: وبمن عتزوجهم
حسن ببسمه نصر: قريب وتعرفوا كلكم الان طفي الضوء ارقد تاعب...!!!
.
.
ثاني يوم..!!!
في الجامعة..!!!
جلس على المقاعد بتعب بعدما شلوا محاضرتين ورا بعض.. شل تلفونه اللي اعلن وصول رساله وبسرها من ميس:انا روحت مع صقر بيتنا
رد عليها:توصلوا باالسلامة..غلق تلفونه ولف للي جلس بالمقاعد خلفه..ورجع نظره لقدام بعدم اهتمام وابتسم بسخرية لوما سمعه بيتكلم:انا والله ماقد.احد دخل قلبي الا انتي ولا قد حبيت احد ساعش انتي.........لاتصدقي لهم.........مرام....من مرام.........هههههههه لا تصدقي وينهم ووين انا..........ايوة مثلما قلت لش ي قلبي.......... طيب لاتنسي اليوم العشي بتصل لش............تمام انا الان في الجامعه..........انتبهي لنفسش يا حبيبتي مع السلامة...
هز راسه بسخريةة وسمع واحد جاء بيداعيه بسرعه:ماهر تعال بسرعه مرام القلب حقك خاطية مع بنت عمها لحالهن...
رفع حاجبه من الاسم ولف لهم بسرعه وبسرهم خطيوا..
وبهمس:مرام وين قد سمعت هذا الاسم.؟
وقف بعدم اهتمام وشل ملازمه وخطي..!!!
.
.
البتول والمرام.!!!
شدت على يد بتول بقوة لوما سمعت صوت ماهر بيداعيها:مرام ممكن دقيقة.
بتول بفجعه:لاتصدقي اخطي
مرام بخوف؛اول مره يجي يتكلم معي
ماهر وهو خاطي بعدهن:مرام..بس كنت اشتي اقول لش انني خلال هذا الاسبوع عتجي اطلب يدش من اهلش عشان تعرفي ان حبي صادق واختي ما كذبت بكلامها معش..
سحبتها بتول وخطيين بسرعه..
وقف ماهر مكانه وابتسم بخبث:وقربت توصل لحلمك يا ماهر هههههههه..
صاحبه بضحكه:مسكينة ذلحين مصدقه انك تحبها
ماهر: اختي ما قصرت معاها واصل تكلمها واعتقدت بدأت ادخل بالها
صاحبه: وعتسير تتقدم صدق
ماهر: اجرب حظي اذا وافقت عتغتني للرقبة صبرك بس ههههههههههه..!!!
.
.
بعد مرور إسبوع روتيني لا يخلوا من المشاكل بين الجد واوس وقيس..!!!
وقت الغداء بيت سياف..!!!
تكلمت رهف بسؤال:خلاص مرام وافقت على هذا اللي طلب يدها
سياف؛والله مدري قال عبدالله عيجوا غدوة يطلبوها رسمي ويتموا على كل شي
رهف؛الله يوفقها
منار بهمس لبتول:للأن مش مصدقة ان جدي مارفض ماهر مصدومة
بتول:حتى انا ساعش بس حاسه ان جدي مش في تو مرام باله مشغول بحاجة الله يستر بس
منار:حتى انا..لو مان منتبه ماكان وافق والله
بتول:سبرت لمرام ههههه
سياف:ما رأيك يا اباه
حسن:هاه قد.عبدالله اخبر قلت له يخلي حمزة يسأل عن الولد وخير
سياف ب استغرب:الله يقدك.مافيه الخير
حسن وجه نظره لاوس وقيس اللي بيتغدوا بهدوء وتكلم:باقي الأوس وقيس نزوجهم
شرغ قيس وكح وعلا صبت له ماء بسرعه
سياف والجده بفجعه:بسم الله
ضربه اوس على ظهره وشرب الماء وبهدوء:خلاص
رهف:مالك
قيس:احمم.ولاشي
حسن:نرجع لكلامنا
سياف:مش وقت يا اباه العيال اخبر
ِ
تـــــوأم أغـــــراب 2
البارت 174
للكاتبـــــة: أميــــرة اليــــــمن
ـــــــــــــــــــــــــــــــــــــــــــــــــــــــــــــــ
وقت الغداء..!!!
فتح باب الغرفة وبحده:هيااااا قد اللواء يصيح يا قيس
قيس بضبح وهو يرجم الشال:ياخي مدري مالي ماقدرت اليوم ادبعه الشال ساع الناس اووووف
خطي اوس وشله من القاع وتكلم:تعال اوقف قدامي هياااا.
وقف قيس قدامه واوس بدأ يدبع له الشال
دخل سياف وبعجله:هيااا الناس ملان منتظرين لكم..بسرهم بتأمل لثواني واوس يرد وتركيزه على الشال:يلا ثواني ندبع للحريو حقنا
قيس:قولك لو انت حريو عتخليك تدبع لي انت
اوس بقهر:يحصل لك اصلاااا
سياف:ههههههه مش وقت حناك هيااا
اوس:هاه ابسر في المرايه سابر
قيس ببسمه؛الا قوةة تسلم لي.
دخلت الجدة وخلفها ميس بالمبخرة واول ما بسرتهم تكلمت؛صلوات على محمد واله الله يحرسكم من كل عين
ميس بحب؛يارب
سياف بهمس:يالله
الجدة شلت المبخرة من يد ميس:تعالوة ابخركم قبل تنزلوا تعالوا
تقدموا منها اوس وقيس وهي بخرتهم وسمت عليهم
اوس:خلاص اسلمي
قيس:اختنقت ايش هذا الشم
الجدة:هذا مر يحميكم من العين
قيس؛كح كح اهاا كح..لف للتسريحة وشل من عطره وتش شويه واوس قرب لاجنبه وفعل له بدون ما تعرف الجده اللي بتبخر سياف اللي تكلم:خلاص هياا والله انه عيب
اوس:هيااا..خرج سياف وخطيوا بعده
الجدة؛ الله يحرسهم ويحميهم يارب
ميس: يارب
الجدة: هاه قد احد جاء من اهلش
ميس: رسلت لي صفاء قالت قد عيوصلوا
الجدة: تعالي ننزل هيا لا يجوا اهل قيس ولا اوس وماحد يستقبلهم..!!!
.
.
بمجلس الرجال دخل سياف وجنبه اوس وقيس لابسين اثواب بيض مع عسوب ويلاقات بنيات وبصوت واحد: السلام عليكم
الكل: وعليكم السلام..
اللي قد. سمع بالقصة ما استغرب من تواجد قيس واوس واللي ما يعرف جلس يسأل منهم خاصة انهم يشبهوا لسياف كثير..
سياف؛ يا حي اللع من جانا واهلا وسهلاااا
الكل: بقييت
سياف: قوموا يا عيال قربوا الغداء هيا
قام حمزة وليث وجواد وبعض عيال العايلة وخطيوا يقربوا.
وسياف دخل مع عياله وهو يهمس لاوس؛ وينه
اوس ب استغراب: من هوه
سياف بقهر: ابوك
اوس: اهااا.. هانا.. تقدم من يونس وابتسم وهو يتكلم: يا حي الله الغالي.
وقف يونس وهو يحضنه ويرد: بقيت ياعين ابوك كيف انت
اوس: الحمدلله بخير ونعمة... لف لعمه ابو جلال وسلم عليه..
وبسر جلال اللي وقف وهو يتكلم: كيف العقيد حقنااا
حضنه اوس وهو عارف انه مقصر معاهم كلهم باخر فترة: الحمدلله يسأل عن اخوةة
جلال؛ سلم حالك يا غالي...
وقف سياف وقيس عندهم وهو يتكلم: حي الله من جااء
يونس وهو يصافحه: بقيت الله يحييك
اوس: اعرفكم اللواء سياف
ابوجلال وهو يسلم عليه: غني عن التعريف ياهلا بك
سياف: بيقتوا الله يحييكم..
سلم قيس عليهم ورجع خطيوا الثلاثة يسلموا على الباقي وصقر وابوه ومجد واصحاب قيس عماد وسند..!!!
.
.
داخل البيت...!!!
جلست بين كوثر ورانيا وهي تتكلم: حي الله من جاء حي الله خواتي اخوتي ههههه
رانيا ببسمه: الله يحييش
كوثر: الله يحييش ساعها
ميس: ههههههه كيفش يا كوثر
كوثر: الحمدلله
شهد: ذلحين من اخت قيس ومن اخت اوس
صفاء؛ نفس السؤال ههههه
ميس: كوثر اخت قيس. وباقي خواتها اللي جنب خاله سعاد ونبيلة وامي.. ورانيا اخت الأوس الوحيدة..
شهد: اها ماشاءالله
كوثر: وانتي اخت ميس صح
شهد: ايوةة
كوثر: وانتي
صفاء: انا صفاء اخت صقر زوجها
كوثر؛ اهااا طيب اخووذ هذا البقرة مالقي الا تيه ميس يتزوجها
صفاءوشهد: هههههههههههههههههه
ميس ضربتها وبقهر: يحصصصل له اصلااااا
كوثر: اااخ كسروو يدش
ميس.: كلبةةة
كوثر: الحقيقة موجعه... دخلين بنات بالاكل ورهف معاهن وهي ترحب بهن كلهن وهمست كوثر: اين خوات قيس
ميس بهمس: هذه بيان وهذك بتول وهذك الثالثه مرام بنت عمهن. وهذك مشيرة بنت عمهن الثاني اعتقد. تعرفت عليهن اليوم.
كوثر: اها بس قيس خواته اربع قال
ميس: ايوة باقي ثنتين يمكن بالمطبخ..!!!
.
.
بعد العـصر..!!!
بمجلس الرجال..!!!
الكل مخزن بعدما تكلم سياف قدام الكل وعرفهم على اوس وقيس انهم عياله وذكر ميس والكل والكل عرف انهم عياله...
جالسين اوس وقيس وعماد وسند وليث وحمزة وجلال ومجد وصقر بطرف المجلس مع بعض وبيتجابروا..
حمزة: يعني انصبت وانت في الجبهه بعدها آسرت
عماد؛ ايوةة وما انتبهوا للجرح واضطروا يقطعوها
ليث: قطع الله انفاسهم..
قيس: يارب
سند: قيس ايش رأيك تزومل
الكل: ايوةة
ليث: ليش صوته حالي
اوس: اووف لو تسمعه بس
حمزة: حركات سمعنا
قيس؛ والله مالها داعي اص
صقر: لا والله لها داعي سمعنا هيا ملينا
عماد: هيااا
قيس بهدوء: تمام.. شل نفس وبدأ بصوت عالي خلا الكل يلتفت له ب اعجاب
ِ
تـــــوأم أغـــــراب 2
البارت 173
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
صباح يـوم الجمعة..!!!
وقف قدام بيت صقر بسيارتة بعدما دلوه اهل القريةة على البيت وطرق بالسيارة ثواني وخرج صقر وهو نزل من السيارة وتقدم منه
صقر سلم عليه وبتفاجؤ من حضوره: ياحي الله اللواء نورت وانرت
سياف: ابقاك يا نسب كيف انت
صقر: الحمدلله تفضل تفضل ادخل حياك الله
سياف: زاد فضلك تسلم مستعجل داعي ميس بنتي جايي اشلها عشان عزومة اليوم.. اكيد كلمتك بها والعيال عزموك انت واهلك
صقر: ايوة اكيد.. طيب تفضل داخل امد تغير لداتها
سياف: والله مالها داعي عنتأخر انت ادخل كلمها الان
صقر: براحتك طيب ثواني بس...!!!
.
.
في المطبخ..!!!
ميس بصدمة:ايييش اللواء هانا
صقر:ايوة جاء يشلش قال اقطبي عيب هو في الباب
ام صقر:يوة وليش في الباب قول له يدخل
صقر:مارضي قال مستعجل..هيااا وانتي جالسه بقعتش
فزت ميس وخرجت من المطبخ بسرعه متجه لاغرفتها وقلبها رفرف بفرحه ان ابوها صدق وجاء،يشلها هو بنفسه..يالله والشعور عندها..
غيرت لداتها بسرعه ولبست العباية وشلت الشنطة اللي جهزت بينها ملابسها اللي عتلبسهن العصر..وشنطتها اليد وخرجت من الغرفة ونزلت الدرج بسرعه وهي تتكلم:لا تنسوا ما تجوا ياعمه وادوا صفاء والكل
ام صقر؛ تمام الله معش..!!!
.
.
خرجت للشارع وبسرت سياف واقف مع صقر بكل هيبة ومن ما خطي من القرية بسر لاعنده ب استغراب والقى التحية عليه وخطي...
لمحت صفية ام هاله وهنادي خاطيه ب اتجاههم ونظرها لهم ب استغراب وتكلمت بصوت عالي:ما كان به داعي تتعب نفسك يا ابه وتجي نفسك كان صقر عيوصلني لا بيتنا
رفع سياف عيونه بصدمه انها قالت يا ابه
وصقر بالمثل بس فهم اول ما خطيت صفية من جنبهم وملامحها تغيرت بغيظ..
سياف بحب؛ولو تعبش راحة يا عيون ابوش تستاهلي من يتعنى لأجلش
ابتسمت لكلامه وخطيت فتحت باب السيارة وطلعت قدام.
صقر عظ.شفته بقهر انها ما سلمت على ابوها وتكلم سياف:يلاه في امان الله وهالله الله ابسرك اول الحضور
صقر:اكيد ابشر
سياف:ولا تنسى اهل ميس اللس ربوها
صقر:لا تقلق
سياف:في امان الله
صقر:الله معاكم..!!!
.
.
قيـس..!!!
نزل للصاله ببجامته وعيونه ملان نوم وبصوت:يعني قدها عطلة مابش دووام ماحد يقدر يرتااح وينام ساع النااااس ايش هذه الاصوات من صباح الصبح قامت القيامه....!!!
.
.
داخل المطبخ.!!!
تكلمت مرام ب استغراب وهي تقطع البصل مع بيان:من هذا
بيان بضحكة:قيس اخي..اليوم مأجز من الجامعه وشكله ماقدر يرقد هههههه
علا:عتخرج لاعنده ابسر لو يشتي صبوح...
خرجت للصاله وبسرت قيس متمدد على الكنب ورجله للقاع وتكلمت:قيس..قييس
قيس وهو مغمض:قيس مات
علا:ههههه ومن بيكلمني
قيس بضحكه:روحةةة
علا:ههههههه مالت..تشتي صبوح ادي لككك
قيس فتح عيونه:ايوى شي كبده
علا:ايوةة
قيس:طيب هاتي وينه اوس قد نزل
اوس من خلفهم وهو بـ لباسه العسكري:واذا اوس هاه ما تشتي منه
قيس:لا بس فقدتك
علا:هههههه ريعوا عتدي لكم صبوح انتوا الاثنين خطيت واوس جلس جنب قيس وضربه على رجله:قوم اجلس سوا
قيس:اخوك الكبير مادخلك مني
اوس:ابسر عيال عمك من الصبح سيره جيه ينفعوا وانت راقد سعما الثور
قيس:العزومه على شرفي يا بقره يعني انل ما دخلني من حاجة
دخلت علا بالصبوح وطرحته على الماسه وهي تتكلم:يلا قوموا اصتبحوا
فز قيس وتكلم اوس:دلاااا هههههه
قيس:والله ان شمها دوخني والجوع كافر
بدأوا يأكلوا وعلا رجعت للمطبخ ورفعوا روسهم على صوت ميس وشهقتها:تصتبحوا من دوووني يا خونةةةةة
قيس؛اعوذ برب الفلق
اوس: ههههههه يا حيا تعالي عاد احنا بدأنا
جلست جنبهم بعدما بعدت برقوعها والطرحه شلت خبزه وهي تتكلم: الله يحييك اوووف كم للكبده بنفسي
قيس: افااا كان تتصلي لي وانا اشل زلط من اوس واشتري لش من عيوني
اوس: وعاده شحت مني
ميس: هههههههه
قيس: ههه من اداش صقر
ميس: لا اللواء
اوس: امانه
ميس: والله
قيس: ووينه الان
لفوا على صوته وميس همست: كان بيكلم اخوه وانا دخلت
سياف ببسمه: صباح النور
الكل: صباح الخير
رفع الورق اللي بيده وتكلم: نتيجة التحاليل اللي سويتها انا وانتوا قبل يومين طلعت اليوم
قيس بترقب: وش هيه
سياف بضحكه: اكيد ايجايبة وانتوا عيالي فعلا.. وانا متأكد. بدون هذا الفحص بس عشان نسكت كل ناعق ومنافق
اوس: ضخم..
ميس بهدوء: طيب.. تعاب اصتبح حياك
سياف وهو يوقف: بالعافية على قلوبكم معي شوية عمل خاطركم
الكل: الله معاك..
خرج وهم تموا صبوحهم وكل سدلحظة وقيس يرفع ضغطهم واصواتهم عاليه..!!
.
.
في المطبخ.!!!
منار بقهر وهي تغسل الرز: هاه احنا نتعب ونشتغل عشانهم وهم يأكلوا ويفتهنوا
مشيرة: ما رأيش يجي قيس واوس يطبخوا لش
ِ
تـــــوأم أغـــــراب 2
البارت 172
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
سياف بهدوء:هي غلطت وانا...
قاطعه بصراخ:وانت سبيتها يا كلب..
سياف بحده: عشان تفهم ان اللي يغلط على عيالي يغلط قبلها علياااا انااااا ولازم الكل يفهم انه ةاجب عليهم احترامهم لان احترامهم من احترامي
حسن بقهر؛ ماعاد الا جي اضربني الاا الا جي اضربني
سياف بتنهيده: معزك وما اغلا يا ابه بس هي تمادت
حسن: الان تجي للبيت وتعذر منها وتطيب بخاطرها
سياف منهي للنقاش: حاضر الان مقدر لوما افضى واجي..
غلق حسن الخط وسياف طرح تلفونه وتمدد على السرير وغمض عيونه بتعب..!!!
.
.
بيـت كريـم..!!!
دخلت كوثر للصاله وبيدها الاندومي وهي تغني بروقان: امتى انا اشوفك يا كامل وصوفكك... متى متى قلي باتسمح ظروفك.. انسى اسى الدنياء من ساعة ما اشوفككك متى متى قلي يا سيد المضانين....
قيس برفعة حاجب؛ من هوه هذااا اللي فاقده لشوفته
كوثر وهي تطرح الاندومي قدامهم وترجع تغني وهي تصب الشاهي اللي دخلته فاطمة: يا بنت يا خيزران يا عودي الريحان.... ياسين على قامتش لا عارضش.. ياسين على قامتش لا عارضش شيطان..
ايووووا ايوووا هههههههه
خديجة:لمن بتغني
كوثر بفخر:لنفسي او ما استاهل
قيس: هههههههه لو عاد به صوت حالي ساع الناس
كوثر:بتقلد لان صوتك حالي انا دارية
قيس وهو يشل اللقمه ويبدأ يأكل:صوتي انا عارف ماعليه خلاف
كوثر:كلك تواضع الله يحفظك
قيس:من تواضع للناس رفعة الله
كوثر:شلوا خفيفن العقول اللي يصدقوا انفسهم سريع
قيس:ههههههههه
انداء:بس ليش الكذب قيس صوته ضخم ويجنن
فاطمة:لوما تتزوج كوثر ارجع سوي لها زفه
قيس؛لا انا ما اقدر الا ازومل تشتي زامل ابشري.ههههههه
كوثر:شبت نار الحرب شبت..يلا تغدوو سكته..!!!
.
.
قبل المغرب..!!!
دخل للبيت وخطي من الصالة وبسر بتول وبيان وتكلم وهو يجلس على الكنب:سلام
البنات:وعليكم السلام
قيس:وين باقي القوم
بيان:منار وعلا بغرفهن يذاكرين وميس جاء لها زوجها وخرجت معه الأوس رجع عمله قبل نص ساعة
قيس:اهااا..لف لبتول متكلم:مع من خطيتين اليوم
بتول:بسيارة منار احنا وماريا ومرام بنات عمي
قيس:اهاااا
بيان:وين انت للأن
قيس:عند خواتي
بتول ب استغراب:خواتك.؟
قيس:ايوة
بتول:خواتك من وين
قيس:اللي عشت وتربيت معاهن ورضعت من امهاتهن.
بيان بحماس:ماشاءالله كم هن
قيس:كانين سبع الان خمس
بتول وبيان:ماشاءالله
بيان:ليش ثنتين وين سارين
قيس بوجعبان بصوته؛استشهدين اثر قصف للعدوان السعودي
بيان وبتول:الله يرحمهن يارب..
سكتوا لثواني وتكلمت بيان بترقب:لو تبسر ما وقع اليوم
قيس:ما وقع
بيان:عمتي سارة
قيس:صح وينها هي وبنتها
بيان:هههههه جايه لك بالخبر.
قيس:تحاكي طيب
بيان:تصايحت مع اوس وميس العصر..واشتدت الكلام بينهم وابي جاء لك بعدين سبها ونزل عليها قوي وطردها من البيت
قيس بتفاجؤ:امانه عليش
بيان:والله العظيم وقال اللي ما يحترم عيالي ماله مكان عندي
ابتسم قيس بشعور جميل ان به احد بيدافع عنهم وتكلمت بتول:اعتقد ان عمتي سارة ما عتسكت وعتكلم جدي
بيان:هو اكيد وعادها عتزيد تكذب.
قيس:باين كريهه
بيان؛ههههه مش باين هو اكيد
قيس:الله يعين بس..وقف وتكلم:بطلع غرفتي..
بيان؛الله معاك...
.
.
وقف بالصاله الطالعية وسمع منار بغرفة علا بتترجاها تنفعها للمكتبة وعلا رافضة..وداعى:منااااااااار
خرجت منار وبنرفزه من علا:هاااه
قيس:ما تشتي من المكتبة
منار بقهر:اشتي دفتر اتقل المحاضرات وهذه الزفت ما رضيت تنفعني
لف قيس وهو يرد:خلاص انا عتخطى اشتريه لش ماعليش منها..
بسرت بعده بتعجب ولفت لصوت علا:بسرتي انه طيب وحبوب
منار بحده:ارتزعي قليلة ادب ييييخ..ما تنفع احد..خطيت غرفتها وعلا تضحك عليهاااا..!!!
.
.
8 العشـي..!!!
كلهم حول السفره بيتعشوا بهدوء لوما تكلم...
سياف بهدوء:ايش اليوم
بيان.: ثلوث
سياف: يوم الجمعة اعملوا حسابكم كلكم عتكون هانا بالبيت عزومة غداء كبيرة وجلسه عصرية للنسوان والرجال يخزنوا عندنا والكل
منار ب استغراب وخافت لو قد خالها عيدفع شرط عرسها: ليييش
سياف: عزومة بشرف اوس وقيس وميس وبمناسبة رجوعهم لي ولقاءنا مع بعض
اوس بهدوء.: ماله داعي هذا كله
سياف؛ له داعي ونص لازم الكل يعرف انكم عيال اللواء سياف وايضا نسبكم للعياله وبطايقكم عيطلعين يوم السبت ويتم كل شيء بإذن الله
قيس: سابر ضخم
سياف: اعزموا اهلكم اللي تربيتوا عندهم والكل نفسي اتعرف عليهم واشكرهم على حسن صنعهم
ابتسم اوس بسخرية وتكلم قيس: للأسف ابي مات قبل شهور
ميس: وابي له كثير من لما مات تربيت يتيمة يعني
اوس ببسمه قهر: شبسر ابي لو هو عيجي
ميس بسخرية: سمعتهم يمدوح السكوت.. اااااا صح وانا بس اقول منار لمن طلعت وقحة ما كنت اعرف ان معاها عمه اخس والعن منها
منار بحده: احترمي نفسش لا انزل لش
ميس: تعالي يا قلبي
منار؛ ريعي
اوس بحده: بسسس انتي وهي هذا النااااقص ماعاد الا تتضاربين قدامي يلا كل واحده لا غرفتهاااا.!!!
.
.
سيـاف...!!!
جلس بطرف السرير بعدما شل دش وغير لداته بينشف شعره بالمنشفه لوما رن تلفونه برقم ابوه.. فتح الخط وهو متأكد ان سارة قد عبته فل وصله صراخ ابوه الحاد: يا عاااصي يا عاااااق هكذا تطرد اختككككك من وسط بيتككك عشان عيال ما نعرف ايش اصلهم من فصلهم يا كلب.هكذا تهينها قدام الكل وتشفي التافهين حقكك فيهااااا
سياف بهدوء:هي غلطت وانا...
قاطعه بصراخ:وانت سبيتها يا كلب...
﷼ مجلد 𝑨𝑳𝑴𝑨𝑫𝑨𝑵𝒀 المطور للدعم الجماعي ☢️🚸
لإضافة قناتك بالمجلد : @almisraty_vib
اوس:معانا ما يكفي مش محتاجين لاحد
سياف بقهر:بس انا ابوكم وملزوم فيكم
لف له اوس بعدما طرح ملابسه على السرير وابتسم بسخرية:ابونااا..هههههه والنعم..فلته وخطي دخل للحمام..
وقف سياف مكانه لثواني وبهمس:عاد المشوار قدامك طويل يا سياااف طووويل..!!!!