-
للصداقه💛عنوان💜 - قناه عبارھ عن ↯ ❶ ‹ - عبارآٺ⚚ ❷‹ - خلفيآٺ▽ ❸ ‹ - ڣيډيۅهاℓت🎥 ❹ ‹ - رمزييَاٺム ❺↜نكت 😂 ❻⇇اشعار 🤗 ❼⇦اغاني 🎼 ❽↤صور 📸 مكاوشة الخرفان 👌 للانضمام في قناتي بالتلجرام
ِ
تـــــوأم أغـــــراب 2
البارت 168
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
بغرفـة الأوس..اللي متمدد بطرف السرير وهو ضايق بقوة وكتفه على عيونه وقيس وميس واقفين قدامه..
بعد يده وبرفعة حاجب:مالكم جايين تصوروني او كييف
ميس:ليش انت ضابح الان
اوس:مش ضابح من قال
قيس؛ع اساس احنا توأم ونحس ببعض
اوس وهو يتجلس ويتكلم:جاني الضيق هانا كم اتمنى نرجع شقتنا
ميس جلست جنبه وقيس جلس بوسط السرير ورد:يا ليت بس لازم من جلوسنا هانا
اوس:هذا اللي قاهرني
ميس:فترة وتعدي بإذن الله
قيس بغمزة: بعدين حركات ياعم فجعت منار ونكعت بطونها
ميس:افتجعت انا عادما هي هههههه
اوس ببسمه:تستاهل اكره لقافة البنات
قيس:ماعليك ربيها بس.باين يشتي لها كسار راس
ميس:اتفق معاك
قيس:اسمعوا بصراحه مش انا عارف كيف عتنام اول ليلة هانا ايش رأيكم ننام كلنا بغرفة
ميس:بغرفتي
اوس؛لا بغرفتي..انتي نامي على السرير وانا وقيس عنفرش لنا على الارض
قيس:لا هي تنام على الكنب وانت على الارض وانا لي السرير
ميس بقهر:شلوككك الجن تافه
اوس وقف وهو يخطى للدولاب:هههههه يمزح معش..خلوني ابسر لو به بطانيات..
فتح الدرج الاسفل وبسر بطانيات وشلهن وهو يتكلم:تعال افرشهن هانا يا قيس
وقف قيس وشلهن وفرش واحده بالارض وتكلم:عاده قحز شوية عتسير ادي اليرقان حقي نفرشه والكل
اوس:تمام لا تتأخر
ثواني ورجع به وفرشوه فوق البطانيه
اوس:لو عاد اديت المخدات
قيس:اوووف نسيت
ميس اللي فوق السرير رجمت لهم مخده:شلوا هذه
مسكها اوس وسحبها قيس منه وهو يطرحها تحت راسه ويدفى:تسلمي
اوس بنص عين؛على فكرة عادها غرفتي اخطى ادي حقككك
قيس:انا ضيف عندك استحييي
ميس:هههههههه ناموا فوقها الاثنين
وسع قيس شوية وببسمه:طريقك.اطرح راسك هانا
طرح راسه بطرف وقيس بطرف وهو يدفى وتكلم قيس وهو يغمض عيونه:تصبحوا على ملامحي وجهي الجميل
اوس بقهر:ساع البنات
ميس وهو مغطيه لراسها باليرقان:هههههههه مش وقت المناقره ناموا هيا وراكم قومه بحين..
سكتوا كلهم وناموا بتعب بعد هذا اليوم المتعب لهم بقوة..!!!
.
.
من الصبـح..!!!
سياف.!!!
توجه لاغرفة ميس ودقها بهدوء وفتحها واستغرب وهو يبسر السرير مثلما ما هوه.. تقدم بخطواته وهو يداعي بسمها واتجه للحمام بس مابسر احد او جاوبت. عقد حواجبه ب استغراب وخرج متجه لاغرفة قيس.. دق الباب وفتحها ودقات قلبه ازدادت لوما بسرها فاضية وبهمس مخذول: معقول راحوا لهم وما عجبهم العيش معي.. غلق الباب واتجه لاغرفة اوس بيأس وغصة كبيره بحلقه من عدم تواجدهم والاكيد انهم رجعوو شقتهم..
فتح الباب بدون ما يدق لانه متأكد مابحد بس تفاجئ وانصدم وهو يبسر قيس واوس راقدين على الارض وجه نظره للسرير وبسر ميس اللي شعرها كله مغطي على وجهها رجع نظره لاوس وقيس وابتسم بقوة وهو يبسر رجل قيس على بطن اوس اللي مغطي لوجهه بيده وراسه بالقاع بدون مخده.. دقات قلبه ازدادت لمنظرهم الثلاثة ودموعه تجمعت بعيونة همس بوجع: وين كنت عنهم كل هذه السنين يا سياف وين كنت.؟
مسح وجهه بعشوائية وتقدم للسرير حيث ميس جلس بالطرف ورفع شعرها عن وجهها وبهدوء: ميس.. ميس.. ميس ياعيون بابا
تحركت ب انزعاج وفتحت عيونها وبسرت سياف قدامها ومبتسم
سياف: قومي يلاه الساعة تسع
وجهت نظرها لاخوتها وضحكت بخفوت وهي تبسر شكلهم
ابتسم سياف وتكلم: لو يقوم العقيد اوس ويبسر وين رجل قيس ما عيفعل
ميس ماردت ورفعت نفسها وهي تلم شعرها..
تنهد سياف وهو يوقف ويخطى لاعند العيال.. جلس قدام اوس وبهدوء: اوووس..... اوووس
فز اوس وفتح عيونه وتكلم سياف وهو يمسكه؛ اهدأ اهدأ.. هوه انا
رجع راسه للقاع وهو يمسح وجهه بتعب رفعت نظراته للشي اللي على بطنه وبسرها رجل قيس مد يده وقرصها بخفه لوما فز قيس وهو يمسك رجله بوجع: ااااااااييي
رفع اوس نفسه وهو يتكلم بقهر: لوما تتعلم وين تكون تطرح رجلك
قيس بسر سياف اللي ضحك بهدوء وسمع ضحكة ميس وبقهر: انا راقد يا بقرة ايش دراني
اوس وهو يوقف: ولو حس على نفسك وقوم
سياف وقف وهو يتكلم: سهل انتوا اخوة.. يلا غسلوا وانزلوا الصبوح جاهز
رفع قيس نفسه وبخمول: اااااااا.. عاد فيني نووم
اوس: عتتأخر على جامعتك قووم هيااا
ميس: عتخطى لاغرفتي وانتوا غيروا لداتكم وانزلوا هيا والغرفة عترجع انظفها
سياف: مابش داعي الخدامات موجودات
ميس وهي تخرج؛ وانا ما يفعلوا بي
قيس: اسمع يا عقيد اشتي حقك الكوت الاسود
اوس: عاد الرمادي والبني عندك
قيس: وعادك تحسبهن حقك لا يا حبيبي هولاك قدهن حقي
اوس:ههههه سابر يفدين راسكك..اليوم عتجي للجامعه حقك اسدد القسط حقك طيب
قيس وهو يشل الكوت من الدولاب:تمام لان ادوا لي اشعار
اوس:ايوة عارف
سياف:انا بدفع ماعليك يا اوس
قيس وهو يخرج:لا شكرا اخي متكفل انت استريح
ِ
تـــــوأم أغـــــراب 2
البارت 167
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
في الصالة...!!!
منار بقهر: وعادها وصلت تتشرط انا الكبيرة وكلامي مسموع لا وهذك الاهبل الثاني يقوة لا انا اكبر ع اساس عنطيعهم
بتول: خليهم يفرحوا لهم هذي اليومتين وانتي
رهف: الاحترام للكبير واجب خاصة لو كان لرجال
منار: انتي ما دخلش خليش بنفسش
رهف: تكلمي معي بأدب
منار بسخرية: ولا ما عتفعل
بسرتها رهف لثواني ووقفت خطيت طالعه الدرج مدعممه لها
منار بقهر: بين اقول لمن طلعين بناتها هبل اثاري طلعين لها.. ابسري كيف هن معاهم من اول ما جوا
بتول: مدري ايحين عيوقعين حاذقات ويعرفين انهم جوا يشلوا كل شي ويسطيروا بس
منار: دواهن عندي لاتهمي..!!!
.
ِ.
دخلوا للمركز الاثنين مع بعض وسياف يتكلم: انا بدأت في معامله رد نسبكم لي وان شاءالله خلال اسام تجهز وتتعدل اساميكم وبطايقكم
اوس ببرود: طيب
تنهد سياف وهو من اول بيكلمه ويحاول يفتح معه مواضيع بس اوس رافض ويرد ب اختصار: طيب انا في مكتبي لو احتجت شي
دعممه اوس وخطي لا مكتبه
سياف بسر بعده لثواني وتوجه لا مكتبه وهو يهمس: مصيرها بتزين مع الايام...!!!
.
.
بيـت جواد..!!!
وجدان بقهر: التوأم قدهم بييت ابي سياف
مشيرة: امااانه
وجدان: ايوةة رسلت لي منار
جواد بقهر وهو متمدد على الكنب: انا مش مصدق ولا دخل راسي ان هولا عيال عمي.. اصلا هم اقل ممنا
مشييرة: اقل مننا في ايش.. كاملين والكامل الله لا كان جمال او طول او حلا كلهن فيهم
جواد بحده: وانتر تدافعي عنهم ليييش
مشيرة: كلمة الحق تنقال
وجدان: انا متأكده انهم كذابين
مشيرة بسخرية: ياحبيتي اكبر دليل على صدقهم عيونهم وعيون ابي سياف.. وحتى ملامحهم ساعه
وجدان سكتت بقهر ولفوا لامهم اللي جلست على الكنب وسألها جواد: من بتكلمي من اول
ام جواد: عمتكم سارة
وجدان: ما كلمتيها
ام جواد: كلمتها عن المهزله اللي وقعت امس
مشيرة: اي مهزله
ام جواد: مهزله عيال سياف
جواد تجلس وبحماس: وما قالت اعرفها عمتي ذيبه
ام جواد ببسمه: يومين بالكثير وهي هانا وعتحة الموضوع
وجدان: قوووة
مشيرة بسخرية: اي موضوع عتحل
جواد بقهر: انتي افعلي فينا خير وحلي عن وجيهنااا
مشيرة: حل عن وجيهنا انت وسير ابسر مع من تتضارب اليوم يا مضربة
فز جواد وبحده؛ يا كلبةةةة
هربت مشييرة بسرعه وهي تصيح: عاده كذب انت المضربة حق الاسرة كااااامل
جواد بصراخ: مشيييييرررررررة...!!!!
.
.
الأوس..!!!
فرك جبينه بألم ورفع راسه للي دخل وبسره حسين اللي تكلم: سلامات فيك شي
اوس: لا بس راسي مصدع
حسين وهو يجلس على الكنب: من كثر العمل والتفكير ريح نفسك شويةة
اوس: خير
حسين:بسرتك جيت انت واللواء خلاص سرتوا بيته
اوس:ايوة خطينا اليوم عصر
حسين:الا قوة شلوا حقوقكم الضايعة وكيف بسرتك اسرة الوالد
اوس بسخرية:همجيين الا البعض
حسين:من منهم سابر
اوس:على حسب ما بسرت..زوجة سياف مالها شي الدكتور عبدالله وجدتي.عامر ذاك مادري عنه.حمزة والنعم جواد حدث ولا حرج..الباقي ماقد اعرف ايش ردة فعلهم
حسين:طز مصيرهم يرضخوا للأمر الواقع وجدك
اوس:حسن..ههههههه خله بس دوره جايي هو اساس كل المصايب ولولا خوف ابي منه ومن تسلطه ما وصلنا لا هانا
حسين:ههههه الله يستر شكلك انت وقيس ما عتقصروا فيهم
اوس:هههههههههههه اشتد بس...!!!
.
.
الساعة9 العشي..!!!
التموا كلهم حول السفرة بعدما جاء الأوس ومنتظرين لسياف اللي قال ثواني وهو عندهم.
قيس بيبسر اصناف الاكلات وكميتها ميل على ميس وبهمس:عايشين بعز ونعمه وانا وانتي كنا بحاله لا يعلم بها الا الله
ميس بهدوء:الحمدلله على كل حال المهم الاكل الحلال
دخل سياف للصاله بعجلة وهو يتكلم:مساءالخير اسف خليتكم تنتظروا
الكل عدا التوأم:مساء النور
رهف:عادي هيا تعال لا يبرد الاكل
سياف:يلا ثواني اغسل يداتي
جلس براس الطاولة بعدما غسل متكلم:سموا بالله واكلوا
الكل بدأ يأكل بهدوء لدقايق قطعها سياف بسؤاله؛عجبكم الاكل او بنفسكم حاجة ثانية
قيس دعمم وبيأكل وميس بالمثل وتكلم اوس ببسمه سخرية:عيب هذا الاكل كله والاصناف وما يعجبنا
منار بقهر:مابش داعي للسخرية بكلامك رد ب احترام مع ابي
اوس بنظرات ناريه:لوما يتكلموا الرجال انتي ما تدخلي تعلمي الادب واسكتتتي
منار بحده: يماه خوفتني..
طبق الطاوله بيده بقوة لوما فزوا كلهم وبصوت عالي:كلامي ما اعيييده مرتييييين فاهمةة
بلعت ريقها من حده نظراته وسكتت
ميس ابتسمت بنصر وتكلم قيس:لقافة مدري وقاحة
سياف ب انزعاج:خلاص اااص تعشوا سكته ومشتيش اللي حصل يتكرر
وقف اوس وخطي متجه للدرج وتكلم سياف:ما كملت اكلك يا عقيد
اوس خطي بدون ما يرد عليه
ِ
تـــــوأم أغـــــراب 2
البارت 166
للكاتبـــــة: أميـــرة اليـــــمن
ـــــــــــــــــــــــــــــــــــــــــــــــــــــــــــــــ
بعد العشاء..!!!
بيـت كريم..!!!
كوثر بضحكه: حركات وقدك عتعيش بفيلا يا قيس الخادم
قيس: ذلحين انا خادم
كوثر: اوووف ماشي بس بنقول هكذا المهم ما تفكر تشلني معاك ي قلب
خديجة: شلها خدامة لكم تطبخ وتكنس وهجعنا منها
كوثر بقهر: اميرتش يا كلبة وتاج راسش ماخدامه الا انتي
انداء: هههههههههه
سعاد: خلاااص اص خلينل نسمع قيس سكتةة.. ايوة يا ولدي ما قالوا لوما بسروكم
قيس بكذب: فرحوا وجدي بكي والنسوان زغردين
فاطمة: كم اسرتكم كبيرة.. كم به بنات وعيال
قيس: والله اللي لاحظته ان اسرتهم يسود عليها البنات يعني البنات اكثر من العيال ههههه
كوثر؛ اكششخ سيطررررةة
قيس: ههههههههه
نبيلة: ذلحين خلاص عتسيروا غدوة
قيس: ايوة
سعاد: الله يوفقكم عيس شلوا حقكم من هذا الاب الظالم
قيس؛ اكيد
كوثر: هيا ما قلت عتشلني اعيش معاكم اصلا انا ما خلقت الا للقصور والفلل بس الباري مدري كسف رجمني هانا
قيس: ههههههههههه خلاص ولايهمش ازوجش بجواد ما رأيش
البنات: ييييييخ
كوثر: هذك التافه اللي كلمتنا عنه
قيس: ايوة
كوثر: على بركة الله ايحين العقد والعرس
قيس رجمها بالمدكى اللي مركي به وبضحكه: قليلة ادب ماعدبش حياااا هذه الايام
خديجة: وانت تتوقع من كوثر تستحي
كوثر بقهر؛ طيب انت خطبتني وانا وافقت فيها شي
قيس: فيها زبيب اخضر
كوثر: هاتهاااا
قيس: كووثر قومي من قدامي
كوثر بقهر: شلوك الجن اصلا يحصل بككم اسكن معاكم واجلب لكم الخير والبركة انا الا امزح ابسر ما عتقول ولا مابه احلا من بيتنا اللي ورثة لنا بابا كريم
قيس والبنات: ههههههههههههه..!!!
.
.
عصر ثاني يوم..!!!
غلق خانة السيارة ولف طلع مكان السواق ولف لاوس اللي جنبه: نتحرك
اوس: توكل
ميس بالخلف: تقولوا جهزوا لنا غرف او دعمموا
قيس: ان جهزوا عادي وان ماشي شلي اقرب غرفة تعجبش
ميس: ههههههه صدقت
اوس ونظره لا تلفونه: اللواء سياف رسل في انتظاركم
قيس: دعمم لك منه...!!
.
.
وقف قدام فيلا اللواء وبسروها لثواني وتكلم اوس وهو ينزل: هيااا انزلوا
نزلوا الثلاثة وخطي اوس قدامهم
اشر للحارس يفتح الباب وفتحه بسرعه وهو يرحب بهم بتوصية من سياف. ووصلهم للباب وهو يداعي سياف اللي خرج بسرعه وب ابتسامة عريضة؛ ياحيا وقووا تو ما نوور البيت
اوس بهدوء: بنورك..
سياف: تفضلوا ياحيااا.
دخلوا الثلاثة خلف سياف وبسروا البنات اللي جالسات في الصالة بأمر من سياف ورهف زوجته معاهن..
قيس بصوت: السلام على من اتبع الهدى
الكل: وعليكم السلام
وقف كلهم قدام بعض وسياف بينهم وتكلم وهو يأش، لرهف: هذه خالتكم رهف زوجتي... وهذه اختكم منار الكبيرة. وهذه البتول الاخت الثانية.. وهذه بيان
قيس بهمس: بيان صادر عن...
دكمه اوس بقهر وكمل سياف: وهذه علا اخر العنقود
علا بلقافه؛ ودلوعه بابا وماينرفض لي طلب
ميس برفعه حاجب: وليش بتتكلمي ب اعاقه هكذا
علا: ما دخلش
سياف: علاااا.. اختش الكبيرة عيييب..اشر لاوس وتكلم:وهذا العقيد الأوس اخوكن.وهذا قيس المهندس حقنا..وهذه ميس.
رهف بهدوء: ما ودش تفتشي يا ميس نعرفش
ميس وهي تنزل البرقوع: طبيعي بس ما انتبهت
ابتسم سياف بحنين وهو يبسر فيها ملامح من امها
وهمست منار لبتول: طلعت مزه مش الا عيونها
بتول: ماشاءالله
رهف ببسمه: ماشاءالله قمر الله يحرسش من العين
ميس: تسلمي
سياف؛ ليش واقفين تفضلوا اجلسوا ارتاحوا
جلسوا على الكنب قدام بعض.
وميس بين اخوتها حطت رجل على رجل وهي تتكلم بزنط كـ العادة: طبعا وبما ان انا الكبيرة منكم كلكم فأي حاجة اقولها تمشي هانا
منار بقهر: الله.. ومن انتر حتى نطيعش
ميس: مثلما قلت لش عزيزتي اختكم الكبيرة فالكلمة عتكون لي هانا
ضحك سياف وهو يبسر نفسه فيها لوما كان يهنجم على اخوته انه الكبير ولف لقيس اللي تكلم؛ لا تصدقوا لها انا الكبييير هانااااا وكلمتي هي المسموعه
ميس بحده: لا والله انت الصغير اسكت
قيس: صغييير في عينننش انا الكبير دعمموا منها
بيان: هههههههه سابر من ما كان الكبير الاحترام لازم يكون بيننا كلنا
اوس؛ عين الصواب..
بيان بحماس وهي توقف: تعالوا معي اعرفكم على بيتنا واوريكم غرفكم هياااا
وقفت ميس وهي حبت بيان من اول لقاء لهم من قبل ووقف معاها.. اما اوس وقف وهو يبسر ساعته: انا مضطر اخطى الان معي عمل بوقت ثاني
بيان؛ طيب
اوس لميس وقيس: انتبهوا لانفسكم تمام
ميس وقيس: حاضر..
سياف: ريع اخطى معاك طريقنا واحد
بسره اوس لثواني وتكلم وهو يخطى: هياااا
سياف لقيس وميس: شلوا راحتكم البيت بيتكم حبايبي خاطركم..
الكل عدا ميس وقيس: الله معاك..!!!
سياف نزل راسه وغصة كبيرة وسط حلقه من صوت بكاء ميس وكم تمنى لو يحضنها ويخفف عنها بس هو عارف ما عيلقى الا الصد.
ماريا بهمس للبنات:من ذلحين بدأ الدلع والكذب اوووف
منار:بسرتي على مسرحيةة
مرام وهي تمسح دموعها:والله يقطعوا القلب مساكين كيف وقع بهم
مشيرة بهدوء:مدري كيف مادخلش عقلي
وجدان بسخرية:الله يستر لاعاد يطبع مع ابي وابوش يا ماريا عيال والكل
ماريا:قلب الله فالش تتتتف.
الجدة وهي تخطى وبيدها ميس:تعالوا معي لاغرفتي اشتي اتكلم معاكم يا عيال سياف
خطيوا اوس وقيس بعدها ب انصياع وخرجوا من المجلس
ام حمزة بهدوء:قرة عينككك ببسرت عيالك يا سياف
سياف:تسلمي
ام جواد:ما دخل راسي الصدق كيف هكذا فجأة يطلعوا لنا
سياف بحده:يدخل راسش او مع العيال عيال ويا ويله اللي ابسره يتكلم غير هذا الكلام او يجرحهم بكلمة
جواد:لازم تسووا تحاليل وتتأكدوا..
قاطعه سياف:ما تدخل بكلااام اكبر منكككك يا ولد
عامر:جواد ما عليكككك من هذا المجبر
حمزة بهمس:واصل يعجبك تتبهذل
حسن:اسمع عيالك هولا وقحين وما عجبوني ابسر وين توديهم فاهم
وقف سياف منهي للنقاش:عيالي ما عيعشوا الا ببيتي وتحت ظلي كافي سنين البعد اللي عشتها بدونهم والكلام منتهي عندي ولا احد له دخل بي وبعيالي...خطي خرج من المجلس متجه لاغرفة امه يبسر العيال وفرحته مش واسعه له ببسرتهم اليوم واخيرا....
هزه وبعنف: انقعها واشرب ماها الاسف حقككك هذه.... وعيالك هولا اللي فااارح بهم لا تحلم. انهم يدخلوا اسرتي وعائلتي او يحملوا اسمي فاااااهم.. لان امهم ماتشرفني ولا اتشرف بنسب عايلتهااا.. هذا اذا كانوا عيالك فعلا..
سياف بقهر: عيالي وما عيحملوا الا اسمي ولقب قبيلتي..
فك له وببرود: في احلامككك يا سياف عيال هولا اللي تتكلم عليهم ما يشرفوا حسن ولا قبيلته واتأكد من اي زباله طلعوا لك وجوا قالوا لك انت ابونا وانت من فرحتك صدقت يا ابو البنات.. فرحت بالعيال يمكن
بسره سياف بقهر وحرقةة ولف خرج من المكتب وحسن صيح:يا ويلككك يدخلوا بيتكك او احد يعرف بهذا المجبر الباااايخ يا ويلكككك..!!!!
ِ
تـــــوأم أغـــــراب 2
البارت 162
للكاتبـــــة: أميـــــرة اليــــــــمن
ـــــــــــــــــــــــــــــــــــــــــــــــــــــــــــــــ
جواد..!!!
دخل للبيت والمنديل على أنفه وفز على صوت مشيرة اخته اللي ملان سخرية: اووووف يا مضربة من قد ضربككككك
جواد بحده: انقلععي من قدااامي لا اخرج ضبحي فوووقش
مشيرة:يمااااه خوفتني شلوك الجن.. كان عتخرج ضبحك فوق اللي فحرك مش اناااا
فز لها وهي هربت بسرعه وهي تضحك واتلاقت مع اختها وجدان اللي تكلمت؛ مالش طايرة هكذاا
مشيرة بهمس: ولا شي بس المضربة حق البيت رجع من الجامعه ومدري من قد فحره ههههه
وجدان بقهر: وعادش فارحه انهم ضربوا اخوش
مشيرة: يستاهل امس مارضي يشتري لي معه وقد. خرج نذل كلب
وجدان بتنهيده: يقلع وجهش.. هيا اطلعي وابسري ريتال بنتي لا تقوم وتبكي
مشيرة: ما قال لش زوجش ايحين عيرجع من الحديدة
وجدان: وليش تسألي
مشيرة وهي تطلع الدرج بسرعه؛ لان قد. احنا ضااابحيين منش لش شهر عندنااا يييخ..
وجدان بقهر وصياح: انا اوررريش يا كلبةةة.. عاده بيت ابي سعما هو بيت ابوووش...
نزلت الدرج وهي تنفخ بضيق وبسرت تسنيم اللي داخله للصاله وهي بتسحب شنطتها سحب والحجاب قده حول رقبتها وحالتها حاله وبسؤال: مالش قدش هكذا ولا تقول الا بعثوش من القبر
فلتت شنطتها في القاع وارتمت للكنبه وبصراخ:اناااا تعبببتتتت ايحين عتكلم الدراااااسةةة الزفتتتتت هذذذه
وجدان وهي تجلس جنبها: بدري ياعيونس عادش الا صف خامس ماقد درستي
غدير: أهئ أهئ.. مشتي ادرررس من يفهم ابي
وجدان: اووووص لا تسمعش امي.. كان ما تشتي تفعلي
غدير بحالميه: اجلس فوق الايباد والشاشة والعب وافتهن لاهم مذاكرة ولا كتابة واجبات
وجدان؛ والنعم هذا وابي متأمل فيش تقعيكتورة وترفعي راسه
غدير: هنيت لششش اووووف.. وقفت وخطيت متجهه للدور العلوي
وجدان: ريعي شلي شنطتش لاغرفتش
غدير بعدم لا مبالاه: طلعيه انتي لاغرفتي ما يفعلوا بش هانا كااان
وجدان بقهر: ككككل واحد في هذا البيت اووووقح من الثاااااني
غدير بصراخ وهي اعلى الدرج: انتتتتتتت معلم واحناااا منكككك نتعلممممم ههههههههههه
وجدان بنفس الصراخ: حااااضر اناااا اورررريش...!!
.
.
بيت اللواء.!!!
نزلت اخر درجة ووقفت قدام البنات اللي بيبسرينها بأمل وتكلمت: راقد ولا رضي يقوم او يأكل حاجة وصيح لاعاد ادخل للغرفة او اوريه صورتي
منار بقهر: اووووف انا عارفة ان صورتش تقطع الرزق وتجيب الغثى بس مش لاهذا الحد.
بيان بحده: منااااار ةحترمي نفسسسش
رهف: خليها متعودين على وقاحتها
منار: بفضلش وفضل تربيتش
رهف: لا والله بفضل تربية امش الحسينه
منار بحده: لا تذكررري اميييي
بتول: اووووف ابي مدري ماله من فترة متغير وامس قوي وانتين حانبات هاناااا
علا: ما نفعل الان ونرجع بابا الاول لنا
رهف: اكيد انه مضغوط مع العمل خلينه فترة يرتاح بعدين نكلمه ايش حصل معه لا نضغط عليه ذلحيين..!!!
.
.
قيـس..!!!
كان في الصالة متممد في القاع ويحضنه لابتوب اوس ورافع ارجيله لافوق الكنب وبيبسره فسه وكل ثانيه يبستم لوما يتذكر كيف ضرب جواد. وفز على صوت اوس اللي تكلم وهو يجلس على الكنب بتعب: ضحكنااا معاكككك
قيس ببسمه: حياااا حياااا بالعقيد حقنا ابن اللواء
بسره اوس برفعة حاجب وضحك
قيس بتقرف: انت عارف ايش اخس حاجة في هذه الدنياء
اوس: ايش
قيس: خفيف العقل اللي يجلس يتفاخر ب ابن من هوه ومن ابو ومكانته.. تحسهم ناس ناقصين ياخي.
اوس: الموضوع فيه جواد ماقد حصل
قيس بضحكه: اوووف لو تبسر بس
اوس: خير اللهم اجعله خير
قيس: قول هذا التافه تضارب مع اثتينعيال من الجامعه واخوك القحم والبطل تدخل وخطي يفزع معه ويضارب.. قام النذل هذا قال.. مادخلك يا ولد الفقر. ومعاك قيس ماقصرت فيه
اوس: هههههه ما فعلت فيه
قيس: خليت الاثنين العيال يتنحوا ووريته العمل ضرب من. مل بقعة ولطم وسكع لوما دوووخ هههههههههههه
اوس: يستاااهل
قيس؛ ولد تافه ياخي قد. فزعت معه المفروض يشكرني ماهذا عاده يتمسخر.. قمت وفيت له الضرب الاول هههههههههههه
اوس: والنعم والله هههههههههه
قيس: المهم قول لي سياف جاء للمركز
اوس: لا اليوم ما داوم قالوا تاعب
قيس بحقد: جعل دااايم
اوس بحده: قييس عيب
قيس: ماعليككك مني
اوس؛ لا تأدب ولابتوبي ما بيفعل عندك
قيس: اومااا لو تبسر على فيلم ضحم نزلت تبسره معي
اوس بسخرية: يااحبيبي قلت انك عتقول بين اذاكر منه بحوثاتي
قيس.: هذا الناااقص.. اوووص عتشغله لاعاد تكلمني وتشتت تركيزي..
اوس وقف وهو يهمس: فااااشل
قيس: سمعتككك.. هههههههه
ليـلـة الـنصـف مـن شـعبان الدعاءفيها مستجاب لا تنسوني من دعائكم
اللهـم بـــلغنا رمـضــان🥺♥
ميس بخفوت: الحمدلله ولو ماحد. يتشفى بس فعلا الحمد اللي ما ضيع حقي وجازاهن في الدنياء قبل الاخرة.. الحمدلله..!!!
Читать полностью…
فاطمة بصراخ: يا وااااثقةةة انتتتييي شلوش الجننن فاااارحه بروحهااااا هي وعيونهاااا
كوثر بغيظ وهي تحرك حواجبها: اكيد العيون العربية الأصيلة فديتني بس عاد شعري الاسود الطويل حكاية لحاله.. وبهمس: بين افكر اقصة كاري ما رأيش
فاطمة بنذاله؛ يماااااه نبيلةةةة يمةةة تعاليييين ابسري كوووثر تشتي تقص شعرهاااااا كاااااري بسررررعة الحقيييين
فزت كوثر وهي تبسر امها دخلت من الحوش وسعاد خرجت من المطبخ وبيدها الملعقه وبصوت واحد: اييييييش قلتتتتتي
فاطمة: كوثر قالت تشتي تقص شعرهاااا كاري
نبيلة بحده: لا قد ودهااا اقص رقبتهاااا
تقدمت منها سعاد ورفعت الملعقه قدام وجهها وبتهديد: اقسم بالله اقطعش واطبخش مندي وارجم للكلاب
كوثر بهباله: وربيان اضخم.. داااعش على اصولهااااا عندناااا
سعاد بصراخ: كووووثرررررر.....
خرجوا ميس وقيس من غرفهم وميس سعت لاحضن اوس وافنجرت بكاء وهي تتكلم: مش انا مصدقةة كل اللي حصل
حط يده على شعرها ولمها من اكتافها وتنهد بقوة ولف لقيس الواقف مكانه: قييس
قيس بضحكة سخرية: عاد كان نفسي ابرد قلبي فيه بس ماعاد قدرت اصمد اكثر
اوس: جاه اللي يكفيه و زود
قيس بتوعد: والقادم اعظم..!!!
.
.
العصـر..!!!
سيـاف..!!!
دخل للبيت بشكل ذابل وعيونه حمر بشكل يفجع سمع صوت بناته ملتمات في الصالة وبيتكلمين مع بعض ويضحكين.. وقف مكانه وهو يبسر الحلويات اللي قدامهن واللي من اغلا الانواع واللبس اللي فوقهن واللي من اغلى الماركات والتلفونات اللي فوق الماسات والفوضى حولهن..تقدم منهن ووقف قدامهن وهن سكتين وبسرينه بصدمه لشكله وتكلمت منار:اباااه
بتول:اييش فيك هكذا
سياف بحده ولأول مره:ليييش الفوضىى هذه كلهااااا حولكككن
البنات بسرينه بصدمه بدون رد وهو صاح:من بيييين اكككلمممم
بيان:عتجي الخدامه وتنظف ال..
قاطعها بحده:ليش وانتين مش نسوان تنظفين لانفسكن ولا ساع البقر تراعي للناس يجوا ينظفوا تحتهاااا
البنات فتحين عيونهن بصدمة وسياف كمل:وهذا الاكل ليييش كله اييييش هذا التبذيرررر لمن هذا من عيأكله انتين الاربع
منار؛نفس ما بنأكل يومية..
قاطعها بصراخ:ويومية بتبذرين هكذااا لييش وغيركن بيتمنى اللجع اللقمه وانتين نص اكلكن للزباله وبكل بساااطةةة.
علا: بابا..
قاطعها بحده: اووووص ولا كلمةةة مش ناقصني دلعششش.. الصالة تتنظف والاكل يتوزع لا يرجع للقمامه يا ويلكن فاهماااات... اعطاهن ظهره خطي طلع الدرج بتعب بان في خطواته والبنات بيبسرين بعده بصدمه قويةة ولاول مره بتكلم معاهن ابوهن بهذه الطريقةة..!!!
ِ
تـــــوأم أغـــــراب 2
البارت 158
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
ومن الصبـاح..!!!
دخل للمكتب وبيده نسكافيه بيشريه بهدوء... جلس على الكرسي بهدوء وحط الصينية قدامه وسحب الملف اللي قدامه وانتبه للورقه اللي كانت تحته. شلها لايده وهو عاقد لحواجبة ب استغراب.. فتحها وقريها بهدوء وحالما فز بصدمة وبهمس: مستحيييل.. ياارررربيييي.. قري الورقة مررره ثانيةةة وبسر ساعته وكانت تسع وبقهر: باااقي ساعة يعني.. ما يصبرني انااااا... جلس على الكرسي ومسك راسه وبألم: يالله من يكوووون معقووول انتصاااار..!!!
.
.
قيـس..!!!
فتح باب الشقة وتكلم وهو يبسر ميس اللي دخلت بسرعه؛ تأخرتي وينش للأن
ميس وهي تدخل وتبعد البرقوع الطرحه: عاد الساعة تسع ونص ماقد. به.. بعدين تعال سلم علياا اول نسيت انني اختك الكبيرةة
قيس وهو يوقف قدامها: يا الله ذليتونا انا الكبير واما الكبيرةة اوووف
اوس وهو يخرج من غرفتة: هههههه ساعك لمن كنت تجننا تتذكر
قيس: انا الكبير وللأن لو مهما فعلتوا.. سلم على ميس وهو يتكلم: وحشتيناااا يا قمررر
ميس: ما يوحشك غالي يا رووحي
اوس وهو يحضنها: الليت يقع بارد كما مابحد انتي
ميس: انفدالكمم ايش افعل سنة الحياةة
قيس بقهر: ايوة غراب شلش علينااا
ميس بقهر: غراااب في عينكككك
قيس: اخسس والدفاااع والغيرة
اوس: هههههههه زوجها كان ما رأيكككك
ميس بسرت ساعتها وتكلمت: الساعة 9/50 باقي عشر دقايق
قيس بهدوء: الله يعين
ميس: جهزتوا الشنطة اللي ادتها امي ونيسة
اوس: ايوة
ميس: ودفتر ذكرياتها والكل
قيس: كل حاجة لا تقلقي.
ميس: حلووو...!!!
.
.
اللواء سيـاف..!!!
خرج من المركز قبل نص ساعه عن الموعد وحاليًا واقف بسيارته قدام البيت ونظره مثبت عليه بسر ساعته قلبت للعشر ونـزل من السيارة وتقدم من البيت بخطوات ثابته بينما قلبه بيدق بشكل قوي وبكل توتر وترقب رن الجـرس ودق الباب بيده ثواني وانفتح الباب وظهرت له ميس لابسه العباية ومحجبةة وب ابتسامة: ياحياا وقووا باللواء سياف نوورت
سياف بصدمة؛ ميـس
تنحت من الباب واشرت بيدها لا داخل: تفضل حياك الله
تقدم بخطواته لا داخل وهو مستغرب وانصدم اول مابسر قيس و اوس جالس على الكنب في الصالة: قيـس أوس.. ما بتفعلوا هاناااا..
اوس ببسمه: حي الله اللواء سياف ولو ماهذا بيتنااا
قيس: يعني وين عيجلس الواحد غير ببيته
لف لميس اللي خطيت جلست بين اخوتها وهي تتكلم: تفضل اجلس
خطي وجلس على الكنب مقابل لهم وبسؤال: انا اسف بش شكلي خلبطت بالعنوان انا جتني دعوة اجي لا...
قاطعه اوس بهدوء: لا ما خبطت انت وصلت للعنوان الصح..
بسرهم بحيرة وراسه عينفجر من افكاره الكثيرة وتكلم: اناا كاان توصلني... اوووف كيف افهمكم ماااقدر
ميس ببسمه: مابش داعي تفهمنا لأن احنا فاهمبن وفاهمين قوووي يا حضرة اللواء
سياف بعدم صبر: كيييف كيييف من انتوووا ومن كان. ييفعل كل هذا معييي لكم يد بالموضوع تكلموا
قيس ببرود: هوووب خذ نفس لا تنفعل وتنجلط عاد احنا نحتاجك
سياف بسره بحده وقبل يتكلم تكلم اوس: الان عتفهم كل شيء يا لواء.. مكنه الشنطة يا قيس
وقف قيس وشل الشنطه اللي على الماسه وطرحها على حضن سياف
ميس: افتحها عشان تبان لك الحقايق وتنكشف..
فتحها بسرعه وخرج الورق اللي بينها وبسر عقد. زواجة الاصلي من انتصار والبوم صور عرسهم واللي ناقص منه الصور اللي كان يطرحوها له.. وبعض الشيكات اللي كان يكتبهن لا انتصار رفع راسه لهم وبصراخ وعدم. فهم: ما وووصل هولاااا لكككمم تكلموووا
اوس؛ اهدأ وتابع ابسر مافي الشنطة وعتدرى ما وصلهن لنااا
شل دفتر المذكرات وفتح اول ورقةة وقريها بشكل سريع.. وكانت انتصار كاتبه فيها كيف هربت من البيت وكيف سياف هددها تسقط حملها ووبن جلست وكل الصفحات كانت تكتب عن معاناتها في الحمل وكيف كانت تتعب وايش المشاكل اللي واجهتها.. لوما وصل للصفحة اللي كتبت فيها..
مرحبًا... اليوم قد. رزقت بثلاثة توأم ولدين وبنت ويالكبر سعادتي وفرحتي وعظيم حزني بذات الوقت.. اولاد كـ القمر قد. أخذوا لون عيون والدهم وهذا ما كنت اخشاه.. البنت تشبهني قليلآ لكن الاولاد يشبهون والدهم اكثر مني.. كم تمنين ان يكون سياف بجانبي في مثل هذه اللحظات ويشاركني فرحتي ب اولادنا الثلاثة.. اممم لقد أسميت البنت الاولى ميـس والأبن الثاني الأوس والشقي الاخير قيـس....!!!
دقات قلبه ازدادت بشكل سريع عند هذه الكلمااات وتنفسه ضاااق غمض عيونة بعدم تصديق... وقلب الصفحة الثانية بسرعه وقري كلام كثير.. لوما وصل لايوم تخلت عنهم وكتبت..
ِ
تـــــوأم أغـــــراب 2
البارت 156
للكاتبـــــة: أميـــرة اليـــــــمن
ـــــــــــــــــــــــــــــــــــــــــــــــــــــــــــــــ
بعد مرور شهـر بالتمام.!!!
سيـاف..!!!
شد على الصورة بيده وصااااح بقوة: عسككككررررررري
دخل العسكري بسرعه: احتراااامي
سياف: دااااعي كل العناصر اللي هانا الكل يتواجد في مكتبي بسرعةةةةة
العسكري وهو يخرج: حااااااضر
دقايق وكل العناصر في مكتبة ومن بينهم حسين و اوس اللي عارفين ليش داعاهم
سياف بحده: ممكن اعرف من اللي بيدخل مكتبي في فترة غيابي
الكل:......
ضرب المكتب بيده وبصراخ: من الككككلب اللي بيدخل مكتبيييي يوميةةةة
واحد من العساكر: ماحد من اللي عيدخل سيدي
سياف بسرهم كلهم بشك وبسر اوس وشاح نظره عنه
اوس بهدوء: ممكن تفهمنا ايش اللي حصل حضرة اللواء
جلس سياف على المكتب ومسك راسه بألم وبخفوت: ولاشي الكل يرجع لعمله..
كل العناصر خرجوا وبقي حسين واوس اللي تقدم من سياف وب اهتمام مزيف: تاعب تحتاج مساعدة
سياف؛ لا تسلم يا اوس
حسين: طيب ممكن نفهم ليش بتسأل ان احد دخل مكتبك.. انسرق عليك اووو شيء.؟
سياف: لا لا.. بس بين ابسر الملفات مش بمكانهن
اوس: يمكن انت بتنسى ترتيبهن من اللي عيدخل مكتبك مستحيل
سياف: يمكن
حسين: يلا احنا نستئذن نرجع لعملنا واذا لحتجت شي كلمتنا
سياف: الله معاكم.
خرجوا الاثنين وسياف رجع نظرة لصورتة اللي بيده وهذه الصورة التقطتها له انتصار وهمس بجنون: من اللي بيدخل مكتبي مممننن.. ياااارب باااقي شويةة وجننت ولاقدرت اعررررف ولا قدررررت.....
.
.
دخلوا مكتب الأوس وانفجروا ضحكه الاثنين وحسين يتكلم: رحمتةة يا اووووس
اوس: بسرت كيف قده بيشك بالكل من حوله
حسين: مسكين من يصدق ان احنا نلعب باللواء سياف بهذه الطريقة
اوس بتشفي: خله يذوق ما ذاقت امي
حسين: وايحين عتكلموه انكم عياله
اوس ببسمه؛ في الوقت المناسب لاتهم مخطط لكل شيء..!!!
.
.
العصـر..!!!
بيـت كريـم...!!!
فتحين عيونهن بصدمة وهن يبسر خلود ترفع تلفونها قدامهن وتتكلم بضحكة:تخيلين حق من هوه
البنات:حقققققش
خلود:ايوةةة
فاطمة:من اداااه لششش
خلود ببسمه:من غير عمادد
خديجة؛اووووف حركات بركااات
انداء:احرجتوناااا
خلود ونظرها لكوثر اللي نظرها للتلفون:كوثر ما عتباركي لي
كوثر ب انتباه وبقهر:ذلحيين هذا زوجش التافه ليييش يدي لششش تلفوووون واناااا ماااااشي هو يستحييي على نفسةةة معه دددددم ولا بيمشي مرق في عروقةةةةة
البنات بيبسرنها بصدمة وتكلمت خلود:يدي لش ساعي
كوثر:ايوةة ما يسبرش يدي لش وانااا معععع ما يسبررررش
انداء بسخرية:لا تكوووني زوجته الثانيةة واحنا مش عارفاااات
كوثر بقهر:اخته مرته هذا النذل المفروض ايش ما اشترى لها اشترى ليييي
فاطمة:هذاا اللي عاااد كان ناااااقص شلوووش الجن
كوثر بصراخ:ما علياااااا واناااا اشتتتتي تلفووووون ليييش ماهيه يقععع لهاااا تلفوووون وانا مععع
خديجة:عادش صغيرةةة قررري للزقعةة
خلود بحناك:ايوة عادش بيبي لوما تتزوجي وزوجش يدي لش
فزت كوثر وسعت لافوقها وخلود خبت التلفون بسرعه وكوثر بتحاول تشله وهي تتكلم:والله ما سبرت يقع لشش تلفووون وانااا مااااشي..هاااااتي والله لا اكسررره هااااتيه
خلود:ااااهه يا كلبةةة فككككي لا تكسريةةةة
وقفين البنات وحاولين يسحبينها من فوق خلود اللي اختنقت وهي تصيح والبيت كله تعبى صياح للبنات وما سكتين الا على صوت سعاد الحاد:بببببببنننتتتتت انتي وهيييييه
خلود ببكاء: امةة سعاددد ابسررري كوووثررر
كوثر بحده: تبسرش انتي مش اناااااا
سعاد بحده؛ ااااااص ولا كلمةةة مااالكن ليش بتتضاربيييين
انداء: هذه كوثر قالت ليش عماد يدي لخلود تلفون وهي ماااشي وتشتي تكسر التلفون حق خلود
سعاد فتحت عيونها وبصراخ: عشناااا وشفنااااا هذا الناااقص يا رووووحييييي
نبيلة وهي داخله: ايش به مالكككن
سعاد: تعالي ابسري بنتش قالت ليش عماد يدي لخلود تلفون وهي ماشي لاتكون خلود طبينتها واحنا مش داريين
كوثر: ايوةةة ما يسبرش يقع لهااا تلفون وانااا مع هذه وين قد وقعت
خلود وهي تبسر يداتهت اللي شخطتهن كوثر: ابسرين كييف فعلت ب ايدي . ووبكاء.. هذا جزاتي انني جيت ابسركن واجلس عندكن
كوثر: لاعاد تجي ولا نبسر لش صورةة قووومي انقلعييي يلااااه
نبيلة: كوووووووثرررررر.. وكسر يكسر لقفش يا قليلة الاددددب
سعاد ب انفعال: بسرتي الحوش الخارجي حق البيت قسم بالله لا تكنسيه كله لوحدش عقااااب لش فااااهمه
كوثر بصدمة: ايييش وحدددي وبين هذا الشمس
سعاد: ايووة لوماااا تتعلمي الادب لان قدش قليلة ادب هذي الايام
فاطمة: اتفق هو صح كانت قليلة ادب من قبل بس زاد هذه الايام
كوثر بصراخ: ااارتزززززعيي ااننتتتييي
نبيلة: وعادها تصيييح يلاااا اخرجيي كنسييي هياااا
كوثر برجاء: تعب يمه وانا..
وقف قيس وميس معه وتكلم سياف:وين وانتوا
قيس بسخرية:اعذرنا يا لواء اكلنا خفيف وقليل مش متعودين على هذا كله..كنا ننام احيان بدون اكل فعادي عندنا..تصبحوو على خير..
خطي هوه وميس وطلعوا الدرج بعد اوس
سياف بسر منار وبحده:ضروري اللقافة حقش
منار بقهر:ايش قلت انا بس دافعت عنك
سياف:وما دخلش انتي..ابني بيتكلم معي لا تتدخلي وتعلمي الادب
بتول:هي غير...
قاطعها بحده وبتهديد وهو يوقف:يا ويلكن ازيد ابسر هذا التعامل لاخوانكن العيال او حتى ميس هم الكبار ولهم احترامهم فاهماتتت مشتي اللي حصل يتكرر..فلتهن وخطي بقهر
علا:نزعتي العشاء ضروري طولة لسانش هذه
منار بحده؛انتتتي ارتزعيي مكاااانش
رهف:خلاااص اص كملين عشاكن بهدوء
وقفت منار وتكلمت بقهر وهي تخطى:من وين عاد به نفس الله يسد نفوسهم..!!!
.
بعد الفه حول البيت مع بيان وعلا وقفوا في غرفة قيس وبيان تتكلم: وهذه غرفتكك. وبذوقي انا كيف ضخمه
قيس ببسمه وهو يبسر الرماديه المدموجه باللون الاسود. عكس غرفة اوس اللي يسودها اللون الاسود: تجنن سلمتي
بيان: ولو الله يسلمك.. بسرته لثواني
وتكلم قيس بضحكه وهو يحك خلف راسه: مالش بتبسريني هكذا
بيان برجاء: ممكن احضنك
قيس بضحكه وهو يفتح يداته: افاااا وهذه فيها طلب تعالي
حضنته بيان بقوة وهي تتكلم بغصة: ما تتخيلوا كم اتمنى لو معانا اخ واحد على الاقل والحمدلله ربي اكرمنا ب اثنين
قيس وهو يحط يده ظهرها: ياعين اخوش انتي
بيان: كان جدي واصل يعاير ابي بنا احنا البنات وانه ماقدر يخلف عيال ونبسر القهر والزعل بعيون ابي بس ما يتكلم ويبوح.. اما الان الحمدلله على وجودكم
قيس بهدوء: الحمدلله الذي لم شملنا
علا بقهر: بس حضووونه يييخ
ضحك قيس وهو يفك بيان ويشد علا لاحضنه ويتكلم: قووولي انش غيرانه عادي ي قلب
ميس وبيان: ههههههههههههههه
علا بضحكه وهي تلمه: الحمدلله عرفت من نفسككك
قيس: في الخدمه حمى عليش هههههههههه..!!
السلام عليكم ورحمة الله وبركاته كيف حالكم🌝🌸
Читать полностью…
ِ
تـــــوأم أغـــــراب 2
البارت 165
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
بغرفـة الجـدة..!!!!
قاطعتها الجدة بتفاجئ: ماشاءالله انتي متزوجه
ميس ببسمه:ايوة
قيس: مستعجلة ولا كان المفروض ما تتزوج الا بعدنا
اوس: هههههههه
ميس: ييييه شلوكم الاثنين
الجدة: هههههههه كما جاء النصيب ماحد يقدر يرده
ميس: قولي لهم ياجدة.. قد بين اقول لهم ازوجهم لو تبسري كيف بيتبهذلوا ومابحد انا عندهم
اوس: مش وقت اص
قيس: لا انا مستعد عادي بس اشتي بنت حاليه وقمرية ساعي
اوس: الجمال مش مقياس
قيس: داري يا اهبل المقياس هو هذك اللي يقيسوا به اما الجمال جمال
بسره اوس برفعة حاجب وضحكت ميس وتكلمت الجدة.: ما ذلحين خلاص قدهم عيعشوا هانا عندنا وما يحتاجوا لحاجةان شاءالله
دق سياف الباب ودخل ببسمه متكلم: سلام
الكل: وعليكم السلام
وقف اوس متكلم: يلا هياا خطينا
وقفوا ميس وقيس معه وتكلمت الجده: وين وين
اوس: شقتنا
سياف: مش ع اساس خلاص عتسكنوا عندي
قيس: ايوة اكيد لان هذا حق من حقوقنا الضايعةة
اوس: بس لا بكرة امد جهزوا اموركم واحنا ايضا.. هيا اخوتي.
خطيوا وتكلم سياف: سابر بكرة وغرفكم الثلاثة جاهزة
ميس لفت له وببسمه قهر: انا لاتسوي حسابي
سياف ب استغراب: لييش كان وين عتجلسي
قيس: ميس متزوجع ومعاها بيت
سياف بصدمة: متزوجةة
ميس بزنط: ايوة متزوجة وزوجي الدكتور صقر
اوس: يلا هيااا مش الكلام هذا معانا عمل
خرجوا الثلاثة و سياف واقف مكانه بصدمة
الجدة؛ سياف مالك
لف لها وضحك بوجع: بنتي متزوجة يمةة.. انعقد لها وانزفت بدوني متخيل حجم الوجع اللي انا فيه الان متخيله يمه
الجدة أشرت له: تعال تعال ياعيوني.
خطي وتمدد على ارجلها وغمض عيونه وبغصة؛ يكرهوني يمةة
الجدة ويدها على شعره؛ لا تلومهم يا ولدي اللي لاقوه مش قليل واكثر ماكسرهم هو تخليك. عنهم وامرك ل انتصار تتخلص منهم
سياف: كلما ذكرت هذه النقطة احتقرت نفسي وربي مدري كيف كنت افكر الله يشلك يا سياف خسرت كل شي
الجدة: لاتدعي على نفسك.. مصير عيال يتقبلوك مهما حصل ادر لهم وقت بس.!!!
.
.
البنات في غرفة من الفيلا..!!!
وجدان: اووف والله ما دخل عقلي من وين جوا لنا هولا فجأة
ماريا: بسرتين على زنط فوقهم
مرام: يحق لهم قمارى وربي
مشيرة: هذولا العيال عاد لو بسرنا البنت ما عنقول
مرام: اكيد قمري.
منار: ناهي جنة لككن لا تعظيمن حلاهم طبيعي
بتول: لو جينا للصدق هم حاليين ماشاءالله يكفي لون عيونهم
بيان: كان اتمنى لو عيوني طلعين لابي اثاري قد جاء اللي اخذهن مننا
علا: قهررر. بس اكثر حاجةة عجبتني انه طلع معي اخوة عيااال
غدير: باين هذك الولد زناط قوي ومغرور
منار: تقصدي اوس
غدير: مدري بس كان يبسر الكل بنص عين
بتول: الا هوه اوس
مرام: لحظةلحظة.. تذكري يا مرام يوم هذك الثاني صيح عليش بالجامعه وكانوا الاثنين
بتول بقهر: ايوةة.. تخيلي طلع اخي
منار: ويوم شل لنا الصبوح تذكري
بتول: ايوة
وجدان: يعني اعرفينهم من قبل
بيان: ايوة مره روحنا بسيارتهم
بتول: وبين ابسر قيس احيان في الجامعه
غدير: ايش اسم البنت
منار بسخرية: ميس
مشيرة: اسم يجنن
منار: تافه
بيان: مالش على الاسم احلا من اسمش اص
البنات: ههههههههههه..!!!
.
.
ارتمى على السرير بتعي ولف لاوس وميس اللي دخلوا وتكلم: اتعب يوم في حياتي
اوس: مر على خير الحمدلله
ميس: ذلحين ايحين عتسيروا
اوس: بكرة انتي اجلسي هانا وانا عتكلم صقر تجلسي يومين ثلاث عشان تجي معانا وعشان تلمي لدات لنا انتي وقيس
قيس: يا حبيبي وانت ما عتفعل
اوس: خاطي المركز يا بغل خاطركم.. اقطبوا يجي الصبح وكل شي جاهز
ميس: نخطى ونقلع عين الجد هذك اللي طردنا
قيس: اووف لو يسمحوا لي كيف عتفعل به
اوس: ههههه الله يستر منكم.. خاطركم..!!!
ِ
تـــــوأم أغـــــراب 2
البارت 164
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
بعد مرور اسبوع أسبوع روتيني..!!
عصـر الجمعـةة...!!!
دخل للغرفة وبسره قدام التسريحة بيدبع الشال وتكلم؛هياااا قدك جاهز استاذ قيس
قيس بتركيز للمراية:يلا ثواني ميس جاهزة
ميس وهي تدخل:ايوة جاهزة باقي الا انت اقطب
قيس وهو يلف لهم: جاهز كييف انااا
تقدم منه اوس ورفع له الشال شوية وهو يتكلم؛ هكذا سابر هياااا.. خطينا..
.
.
وقفوا قدام فيلا الجد وسألت ميس: حق من هولا كلهن
اوس: هذك حق اللواء وهذك حق اخوة عبدالله وهذك حق اخوه عامر.. اما هذه اللي قدامنا حق الجد حسن وتعتبر بيت للكل على ما قال لي ليث
قيس: على سيرة ليث هوه موجود اليوم
اوس: ما اعتقد
ميس: طيب ننزل الان انا خايفة
اوس: من ايش خايفةة
ميس: من المواجه خايفة يكسرونا
قيس بحده؛ اكسر روسهم كلهم.. المهم متأكد ان اللواء موجود معاهم
اوس: ايوة يلا سموا بالله وانزلوا..!!!
.
.
خطيوا خلف الحارس للمجلس بعدما فتح لهم الباب وتكلم اوس: خلاص احنا ندخل تقدر تتفضل
ميس بتوتر: ايش رأيكم تدخلوا انتوا وانا ارجع للسيارة
قيس:هذا واحنا شادين الظهر بش للمواجهه يا شرسه.. هيا تعالي لاتخافي.. مسك بيده وخطي اوس قدامهم..
دق باب المجلس ودخل بكل هيبة وثقة وبصوت ضخم: السلام عليكم
فز سياف بصدمة وعدم تصديق مع عبدالله والباقي بسروهم ب استغراب وردوا السلام
حمزة ببسمه: حي الله قيس نورت
جواد بسرهم بزنط وقلب عيونه
حسن بشك وهو يبسر الشبه بينهم وبين سياف: من انتوا
اوس ببساطه: انا الأوس وهذا قيس وهذه ميس اولاد اللواء سياف واحفادك يا حاج حسن
عامر وحمزة وجواد بصدمة: ايييييييييش
تقدم سياف منهم وبترحيب: ياحي الله عيون ابووهم تفضلوا اجلسوا
تقدموا لا داخل وصاح حسن: مكاااانكم وين يدخلوا
جلس اوس ورفع رجل فوق رجل وميس جنبه وقيس جنبها وتكلم قيس ببرود: اعصابك يانظر لا يقرح لككك عرق وتموت عاد نشتيك تقسم الورث بيننا ههههههه
عبدالله: قيس تأدب
قيس بسره ببرود وأشر لجواد وحمزة اللي بيسبروا بصدمة وبضحكه: حي الله عيال العم كيفكم
عامر: لحظةة لحظةة كيف عيالك يا سياف ايش هذا الجنان من وين عيالكك
قبل يرد سياف تكلم قيس: سؤال وجيه يا عزيزي وبنفس الوقت غبي.. كيف عياله ههههه.. اكيد تزوج وخلفنا كان ما رأيك اوجدتنا الطبيعة
حسن بانفعال: وفوووق هذاا كله قلة أدب ووقاحةة.. سيييااااااف خرج هولاااامن عندي من زباله اديتهم
ميس بحده: من نفس الزباله اللي جيت انت منهاااا
فتح عيونهم بصدمة من ردها عدا قيس و اوس اللي ابتسموا بتشفي
حسن بصراخ: حتى البنت اوقح من العيااال
ميس بسخرية: طالعين لككك تاج راس عيالككك
اوس بجدية: على العموم العلم معاكم من زمان حاج حسن ان احنا احفادك وابناء ولدك.. واظن هذه حقيقة ظاهره واذا ودكم نسوي تحاليل عادي.. المهم الان كل حقوقنا ترجع لنا و..
قاطعه جواد ب انفعال: اي حقوق وابن من انت جيت تتمسخر هاناااا
قيس ببرود: شكل جلدك قد بيحكك انا عارف لك كما قدك تشتي تنضرب تتفلسف بشكل غلط
حمزة: اااص اهدأوا الاثنين وفهمونا القصةة
حسن بحده: لا قصةة ولا جدتي الكل يخرررج كن هاناااااا
سياف بحده: قووم يا حمزة اخطى داعي كل بنات ونسوان العايلة يجين لاهانا.. اليوم عيبان المخبى وينكشف المستور..!!.
.
.
بعدما اجتمع الكل في المجلس حتى الجدة تحت استغراب بنات اللواء من تواجد التوأم معاهم. بس ما طال لوما بدأ سياف يتكلم بكل حاجة من اول ما تزوج ب انتصار لاحد اللحظة هذه تحت صدمة الكل..
منار بهمس لخواتها:مستحيل هذولا اخووتي
بتول بنفس الهمس؛يااااي ذلحين هذولا القمارى اخوتي مش انا مصدقة
بيان؛بنات ركزين معي.بعدما كان يقولوا لابي ابو البنات اصبح معه اثنين عيال مره واحده
علا:مش مصدقةة والله العظيم..
رهف ساكته بهدوء تبسر لاوين عتوصل النهاية معاهم
عامر بهدوء:طيب وليش ما كلمتنا بهذا الموضوع من قبل
حسن:وليش هذا شي يرفع الراس حتى يتكلم فيه
الجدة ونظرها للتوأم بعيون ملان دموع ومش مصدقة ان هولا عيال سياف اللي ياما تمنت له الولد واليوم اكرمه الله ب اثنين ياكبر فرحتها وهي تبسرهم..وقفت بخطوات بطيئة ووقفت قدامهم وببسمه وبكاء:يا حي الله ضنى سياف حي الله عياله بيننا حيا وقوووا
وقف اوس ب احترام وحبها على راسها ويدها وببسمه:الله يحييش ياجدة بقيتي
وقف قيس والكل وهي دخلت قلبه وزعلته دموعها وسلم عليها نفس اوس.
وقفت ميس وبسرتها الجده لثواني وفتحت لها حضنها وميس ارتمت لاحضنها وبكت وهي تشد عليها بقوة وتتكلم:لو تبسري كم تعذبنا يا جدة لو تعرفي كيف عشنا وكيف وقع بنااا
الجدة بحنيه:ياعيون جدتش انتي يا بنت الغالي.
ِ
تـــــوأم أغـــــراب 2
البارت 163
للكاتبـــــة: أميــــرة اليــــــمن
ـــــــــــــــــــــــــــــــــــــــــــــــــــــــــــــــ
10العشي..!!!
سيـاف..!!!
لف لرهف اللي دخلت وهو قدام التسريحة بيغلق ازار زيه العسكري بعدما اتصلوا وطلبوا منه يحضر ضروري ورجع نظره للمراية
رهف: وين عتسير ذلحين
سياف: العمل وين عتسير
رهف: بتبسر كيف انت تاعب مابش داعي
خطي فتح الكوميدينه وشل سلاحه وحطه بخصره وهو يرد: ماهوه على كيفي وكيفش.. خطي خرج من الغرفة بهدوء ونزل للصالة وبسر بناته بيبسرين الشاشة ودعممهن وخطي خرج من البيت...
علا بقهر: قلت لكن بابا مدري ماله متغير
بتول: معلومة جديدة داريين انه متغير
منار: اوووف الله اعلم مابه
بيان: رغم انه لو حصل ما حصل ما يتعامل معانا هكذا...!!!
.
.
وقف بباب المركز وهو يبسر اوس متقدم منه خارج من المركز وبيتكلم مع حسين ويضحكوا واول مابسروه سكتوا
ضرب حسين التحية ب احترام وخطي واوس دعمم وخطي من جنبه بس وقفته يد سياف اللل مسكت يده وبهدوء: لازم نتكلم مع بعض
اوس وهو يسحب يده بهدوء: مابش بيننا اي كلام
سياف؛ الا بيننا وكثير كثير يا اوس
اوس: طيب ما تشتي اختصر
سياف: اشتيكم تحت جناحي وببيتي
ضحك اوس وبسخرية: اكيد ماهذا كان ما قصدك..
سياف برجاء: طيب ايحين عتجوا عندي
اشر لاعند راسه وب استفزاز: ايحين ما نوينا وقررنا.. وبسخرية: اوووه لحظة معقووة مش انت خايف من ابوك المتسلط حسن
سياف بحده: اووووس احترم جدك
اوس بضحكه: جدي.. ههههههه الله يا دنياء ماقد انا معترف ب ابي عاد بعترف بجدي.. على العموم بلغ ابوك المحترم.. ان حقنا منك ومنه ومن كل اشرتكم عنشله غصب او رضى.. يعني على انفوووكم كلكم... خاااطرررككك..فلته وخطي وسياف بيسبر بعده بتمعن في مشيته وهيبته بالزي العسكري وطوله الفارق وابتسم بفخر وبهمس: هذا ابنكك متخيل يا سياف.. ان العقد اوس طلع ابنككك هههههه. وكأنه انا بوقت شبابي بس الفرق انه اشجع مني اشجع بكثييير..!!!
.
.
صباح ثاني يوم..!!!
فتح باب الغرفة وبسره مازال نوم وتقدم منه وبصراخ وهو يسحب البطانيه منه: عادككك راااقد كم لييي اقومكككك كككمم قيييييس
قيس ب انزعاج وهو يغطي راسه بالمخده: مالجدتكككك
اوس: اكثررر من ماال جدتككك عتتأخر على الجامعةة
فتح عيونه بقوة وبسؤال: اووووس
اوس: ايييش
لف له وبجدية: تقول ايييش اسمها جدتنا ام ابونا سياف..
اوس بقهر: وانا ايييش دراااني ما اسمهااااا
تجلس قيس وبضحكه: تقول اسمها محصنه.. لا لا حظيةة هههههههه
اوس بضحكة: اسمها قماااش لاتقلق
قيس: ههههههههههههه يمه قماااش الله..
اوس: ذلحين انت فااارح بروحك قمت من الصبح تسأل هذا السؤال السامج .. قووم هيااا عشان اوصلكك معي
قيس وهو ينزل من السرير: ايوة صح عتتأخر.. جهزت الصبوح او مع
اوس بسخرية: هذا الناقص والله
لف له قيس وهو يطرح لداته فوق السرير:اييش هذا الناقص مش انا سبرته امس انا واليووم عليكككك
اوس:اوووف ناهي ادخل غسل وتعال للصاله هياااا..دوري قال دورك اقتلبنا نسوان
قيس:ههههههههههههه..!!!
.
.
سياف..!!!
فيلا ابوه..!!!
وقف قدام مكتبة بعدما كلمته امه انه فيه.. شل نفس ودق الباب ودخل وبهدوء؛ صباح الخير
حسن بدون ما يبسره: صباح النور ما اداك بهذا الوقت
تقدم منه وجلس قدامه على الكنب وبهدوء: جيت اتكلم معاك بموضوع مهم قوي
حسن بعدم اهتمام: اهمممم
سياف: الموضوع يخص زواجي من انتصار بنت علي الـ.....
حسن ومازال نظرة للورق اللي بيده: ماله..
سياف ومستعد لأي ردة فعل: قبل فترة عرفت أن معي ثلاثة اولاد توأم منها ولدين وبنت
رفع راسه بقوة ووجه نظراته الحاده عليه وبصوت رافع: ايييييييش..... ماااااقلتتتتت
سياف: طلع معي ثلاثة عيال من انتصار توأم...
قاطعه بصراخ وهو يوقف: حلو حلووو حلووو امس طلعت لناااا بخبر زواجتكك واليوووم جيت تقووول معاك ثلاثة عيااال هكذا مره واحدددده هههههههههه ضخم ضخم
سياف بدعممه: العيال عيالي ومن لحمي ودمي وقريب عتديهم بيتي ويسكنوا عندي
وقف حسن وخطي لاقدام سياف ومن بين اسنانه: ومن ما جاء وقال لك انا ولدك صدقت وقلت طيب انت ولدي.. لا وبعدين لا ولد ولا اثنين ثلاثة مره واحده ههههههه ايش اللي خلاك تتأكد انهم عيالكك
سياف: واثق انهم عيالي وكل الأدلة معي واكبر دليل عيونهم اللي نسخه مني
حسن بحده: العيوون مش حجه كااافيةة
سياف بصراخ مقهور: بيييين اقووووول عياااالي عياااالي.. وانا متأكددد وواثق.. انا بس جيت اديلككك خبر عشان لمن يجوا يكون عندك علم وتعلم كل العائلةةة بهذا الشي.
مسكه حسين بالشال حقه وبفحيح: طالت وشمخت وقدك ترفع صوتك يا كلب هذه اولها كيف تاليها
سياف بتنهيده: انا اسف انفعلت
ِ
تـــــوأم أغـــــراب 2
البارت 161
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
كوثر بهباله: وربيان اضخم.. داااعش على اصولهااااا عندناااا
سعاد بصراخ: كووووثرررررر
كوثر بقهر: لا تصدقينهااا والله انهاااا كذابةةة
فاطمة؛ احلفي ما قلتي انش تشتي تقصية كاري
كوثر: قلتها من باب الضحكة مش قده صدق يا فتااانه
نبيلة: ياسعم قلت لاقد. جننتني رجعنا لش عقلش..
سعاد؛ شعرش حالي وطويل وسلس يا بنتي لا تخربية
كوثر: لا ابدا ولايهمكن زينة البنت شعرها اكيد
نبيلة: الله يرضى علييش وين باقي البنات
فاطمة: عادهن نوم
رجعين كل احده من حيث جت وكوثر بسرت فاطمة وبنظرات تهديد: ماقد احد قلش ايش عقاب اللي يكذب على كووثر
فاطمة بتحدي: لا ولا يشرفني اعرررف
كوثر وهي تتقدم منها: الان عتعرفي يا كذابة..
فزت فاطمة وجلسين يتضاربين الثنتين.!!!
.
.
الجامعـة..!!!
وقف قدام القاعة وقد اتأخر نص ساعة ولولا اوس غصبه يداوم ما كان حضر..اخذ نفس ودق الباب ولمن سمع صوت الدكتور عبدالله يأذن له فتح الباب ودخل وهو يتكلم:السلام عليكم
الكل مع الدكتور:وعليكم السلام
عبدالله بسر ساعته وبهدوء:ليش متأخر للأن يا قيس
بسره قيس برفعة حاجب وابتسم وهو يشيح نظره ويتكلم:ظروف
عبدالله بسره بمشاعر مختلطة مايدري يفرح ان الله من على اخوه وكرمه ب اثنين عيال مثل اوس وقيس وبهدوء او يزعل لحالتهم واللي وقع فيهم وقد كلمه سياف امس بكل حاجة حصلت للتوأم عياله :تفضل ادخل
خطي واتجه لمكانه تحت استغراب الطلاب اللي منصدمين انه سمح له يدخل بعدما تأخر هكذا وزد مارد بعذر مقنع
.
.
بعد الظهـر..!!!
خرج من باب الجامعه بعدما قرر عدم حضور المحاضرة الاخيرة.. بس وقف وهو يبسر جواد واقف مع اثتين عيال وبيتكلموا وشكل الكلام قوي بينهم لان اصواتهم رافعه وفز اول مابسرهم مسكوا جواد وتضاربوا وسعي لاعندهم بسرعه وهو يلبس الشنطة على ظهره وصل لهم ومسك واحد منهم وبحده: ييييييييه مالجدتكككككك انت وووهووووو اثنيييين علىىىىى وااااااحدددد يا كلااااااب
....... وانت ما دخل امكككك انقلع
قيس هانا عنده امه خط احمر ما درى بنفسه الا وهو ضارب له بوكس كسر اسنانه ورجع تضاربوا
جواد وهو يتضارب مع الثاني: انتوووا ما تعرفووا ابن من اناااااا زمن ابي وجدي
قيس كتف يدات الولد ورا ظهره وبسر جواد وبصراخ: انت ما فاااارح الا تتفاخر ب ابوك وجدك اما المرجلةة مابش
جواد بقهر: انت مادخلككك خليك بنفسك يا ولد الفقر
قيس فك للولد وتقدم من جواد والولد الثاني وبحده: بعد بعد لو سمحت انا اربيه بدالك لاتتعب نفسكك ما قصرت انت خلي الباقي علياااا
الولد فك لجواد ب استغراب.. وقيس مسك من كوته وضربه على وجهه ومن بين اسنانه؛ هذه عشان تبطل تفاخر بنسبك واصلك وفصلككك..
ضربه من الجهه الثانية وبحده: وهذه عشاان توقع رجاال وتشتحط يا رخووووة يا مفحرةةةة
رجعوا العيال الاثنين الي ضربوا جواد يفرعوا بين جواد وقيس اللي رجعول يتضاربوا مع بعض....!!!
.
.
ميـس...!!!
ختمت كلامها بـ: وهذه كل اللي حصل يمةة وطلع سياف ابونا وامس واجهناه بالحقيقة
ام مجد وهي تمسح على شعر ميس اللي راسها فوق ارجلها: الحمدلله المهم عرفتوا من ابوكم وعيال من انتوا وجبر الله قلوبكم
شهد بضحكه: وطلع ابوش لواء وجدش عضو مجلي النواب. حركاااتش يا ميس
ميس بضحكه: بسرتي كييييف
شهد: هيا ما ذلحين لا زنطتي وتفاخرتي فيحق لش قدش تتفاخري لا طريق وعلى حق
ميس؛ هههههههه صدقتي وبحقد: احرق قلوب هاله وهنادي الكلبات اللي عايريني..
ام مجد؛ ماقد. علمتي بلي حصل
ميس بعقدة حاجب: لا ايش حصل
شهد بهدوء: هاله حرقت بالزيت ومن الفجعية والةجع انخرست ماعاد قدرت تتكلم
فزت ميس وبصدمة: ايييحين حصل هذاااااا
ام مجد: اول امس العشي واسعفوها ذاك الساع ماخطيتي المدينة الا وقدها مرقده من العشي
ميس: وكيف حرقت
شهد: قالوا كانت بتشبس هي وهنادي اختها بعدين هي جلست في القاع مدري ما تشل ومدري كيف فعلت هنادي ولوما نكع الساج لافوق هاله زهو بيغلي وهنادي سعيت تمسكه لوما دخلين يداتها لابين الزيت وحرقت
ميس بألم: اوووف وهاله وين حرقت
شهد: انسكب الزيت من نص وجهها وصدرها ويدها وارجلها.. حرقت قوي ماهي.. ومن الوجع والصدمة لوما بسرت لحمها ذاب من الزيت قالوا ما قدرت تصيح وزد كان تبسر هنادي تصيح وتتلوى من يداتها اللي شواهن الزيت لوما انخرست من الفجيعة ولاعاد اتكلمت
ميس غمضت عيونها وبألم: يوووه يالله
ام مجد بهدوء: بسرتي كيف الله ما يضيع حق احد يا ميس هن شوهين سمعتش وطلعين فيش كلام باطل وطعنين في شرفش انتي وصقر.. وزد عايرينش ب اهلش والباري ما قصر معاهن
شهد: اي والله يمهل ولا يهمل اقتص لش منهن زايد هاله الكذابه والنمامه.
ِ
تـــــوأم أغـــــراب 2
البارت 160
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
بعد العشاء..!!!
سياف...!!!
واقف قدام فيلا عبدالله اخوة بسيارته بعدما اتصل له وزفر اول مابسره خرج من الباب وبقهر: واخيرآ
لف له اول ما طلع وتكلم: كان ما خرجت افضل
عبدالله: انا اسف اتصلت فجأة وقلت عنخرج واضطريت اغير ملابسي خير مالك ليش صورتك هكذا
تنهد سياف ووجه نظره لقدام وبهدوء: لقيـتهم
عبدالله ب استغراب: من هم.؟
سياف بوجع: عيالـي
عبدالله بعدم فهم: اين عيالك.. قصدك بناتك لبش او كانين ضايعات
ابتسم سياف وبغصة: لا عيالي يا عبدالله عيالي وبنتي
عبدالله بقلة صبر: كيييف عيالكككك وبنتكككك ما بتهدر انت الان تكلم ساع النااااس
سياف لف له وبضحكة مقهورة: طلع مع اخوك اثنين عيال وبنت يا عبدالله.. تخييييل اللواء سياف بعدما كان يداعوه ابو البنات وابي واصل يعايرني بعدم خلفتي للعيال طلع معي اثنين عيال طول وعرض وهيبة وجمال وكل حاجة فيهم.. ومعاهم بنت تقول للقمر انزل وبجلس مكانك
عبدالله بصدمة: ما بتقول انت كيف اثنين عيال وبنت اكيد. خرررفت
ضحك سياف ولف بنظره لقدام وتكلم: لمن هربت انتصار مني كانت حامل بثلاثة توأم ولدين وبنت
فتح عيونه وبصدمه؛ مستحيييل قووووول والله اسألگ بالله
سياف: والقسم بالله والقسسسم
عبدالله:ايش دراك ومن قال لكككك يعني عرفت من اللي كان يطرح لك الصور هولاك
سياف:ايوة
عبدالله:من
سياف ببسمه:العيد أوس
عبدالله بصدمة:اووووس..وما دخل اووووس
سياف بوجع:دخله انه ابني
عبدالله بعدم تصديق:لا قول بغيرهاااا
سياف:هههههه وزد قيس أبني والكل واختهم ميس
سكت عبدالله بصمت ونظراته لسياف اللي ضحك وتكلم:ما انصدمت انا ساعككك
خرج عبدالله تلفونه وفتحه على صورة لقيس و اوس كان قد نزلها حالته ومد تلفونه لسياف يبسر وبخفوت:هذولا عيالككك
شل التلفون من يده وبسر صور قيس و اوس خلف سيارة الاوس ب اثواب بيض ويلقات سود مع العسوب والشيلان مطقمين الاثنين وطولهم وشكلهم مثل بعض نسخة مكرره فقط تلمسها بيده وعيونه امتلين دموع وبغصة:تخيل ان هولا عيالك ولهم فترة قدام عيونك وانت ما تعرف..كم عتكون كمية الوجع فيك لوما تعرف كم عينحرق قلبكك حط نفسك مكاني..معاك عيال وراثين منك كل حاجة وينشد بهم الظهر ومحزم لك وانت ما تعرف عنهم.ااااه يا وجع اخوكك يا عبدالله يا كبررر وجعه
عبدالله بغصة مماثلة:في الاخير جبر الله قلبك ولقيتهم والتقيت بهم وبدال الولد اكرمك ب اثنين
سياف: حاقدين علياا وبقوةة الكره في عيونهم لي خاصة قيس لو احد يسمح له اعتقد كان قتلني حاملين عليا وبشكل قوووي. امهم كتبت لهم كل شي سويته فيهاا وكرهوني فوق الكره كره
عبدالله.: طيب وامهم وين التقيت فيها كلمتها
رفع نظره وعيونه امتلين دموع وبغصة: ماتت
عبدالله عظ طرف شفته بصدمه وآسى لأنه يعرف مدى حب سياف لـ انتصار وبهمس: ربي يتغدمها بواسع رحمته
سياف: يارب
عبدالله: طيب ما كلمتني كيف لقيتهم وكلموك ووين كانوا عايشين وكيف عاشوا
سياف تذكر كلام قيس وميس وتنهد بوجع وبخفوت؛ بحكي لك كل شي من الاول للاخير..!!!
.
.
التوأم..!!!
دخل صقر وبيده اثنين أكياس وتكلم وهو يجلس جنب ميس: يلا قوموا تعشوا اديت لكم شوارما وعصير
الكل:.......
صقر؛ ووووو مالكم من بين احاكي
اوس بهدوء: تسلم يا صقر والله مابه نفس لحاجة
صقر؛ لا والله ضروري تأكلوا حتى غداءما تغديتوا
قيس: ومن وين عاد عتجي النفس
ميس بضحكه تعب: ابسروا وجهي وتذكروا اننا اختكم ونفسيتكم عتنفتح
قيس؛ ترديها لي يعني
ميس: هههههههه لا
ابتسم اوس وتكلم قيس وهو يفتح الكيس: خلاص بما انني اخوكم الكبير أأمركم تتعشوا والان ولا ابسر احد يعترض
سحب اوس الكيس منه يده وبقهر: قر الصغير ما يشل حاجة قبل الكبير تأدب
قيس بسره بقهر وميس سحبت الكيس من يد اوس وبضحكه؛ قر واتأدب انا الكبيرة هانا وانا اللي عتوزع لكم
اوس بسرها برفعة حاجب وضحك قيس بتشفي: هههههههههه
شل صقر الكيس من يدها وبضحكة: ولا تتضاربوا ولاشي.. انا اللي عتوزع لكم وهجعونااا
اوس: عين الصوااااب..!!!
.
.
في الصباح..!!!
بيت كريـم..!!!
صاحت كوثر بحده وهي تبسر فنيليتها الخارجيه فوق فاطمة: جعلش السااااحق والمااااحق والبلااااء المتلاااااحق. جعل لواحد يدهفش لابين بير وتأكلش الحنشان ونرتاح منش
فاطمة بحده؛ ماااالجدتش بتدعي ساع المطلقاااات والمرملات
كوثر بشهقة: انااا ساع المرملات ياللي صورتش ساع عجوز في التسعينااات
فاطمة: اااااص اااص هذا وعيونش باقي شوية وترقدي اللي يبسرهن يقول انش منعسةة
كوثر بزنط وهي ترفع مقدمه شعرها: حبيبتي انا عارفة انش بتغاري من جمال عيوني ووسعهن ونعوستهن بس مش لهذه الدرجة فديتش
ِ
تـــــوأم أغـــــراب 2
البارت 159
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
قيس بسخرية: اوووف قطعت قلبي بس يكفي بكاااء الرجال ما يبكوا يا حضرة اللواء
لف سياف نظره لهم وبسر الحقد والكره في عيونهم الثلاثة وهذا اللي كان خايف منه من زمان من اول ما عرف ان انتصار هربت منه
اوس بهدوء: امي ماتت بسبب مرضها بالفشل الكلوي
قيس مكمل: ولأنها ماكنت تملك الزلط عشان تسوي كل الجلسات للغسيل ماقدرت تقاوم المرض
ميس بغصة؛ وماتت بمرضها وتعبها.. ماتت لعدم توفر العلاج لها وعدم. قدرتها شراء كلية بدال كليتها..
اوس: وانت اييش. ضحك بسخرية كمل؛ لواء ولك مركز عالي وعايش حياتك عرض بطول
قيس؛ فيلات وسيارات وارصده بالبنوك
ميس: ومتزوج وعايش حياتك وخلفت ومدلع لبناتك اخر دلع سيارات وتلفونات ولبس اخر موديلات وشياكه ودراسة ب افضل الجامعات
اوس: بينما احنا الثلاثة وييين
قيس بضحكه كلها وجع: كل واحد منا عاش وتربي بوادي وب اسرة غير.. بينما كان المفروض نعيش كلنا تحت سقف واحد وتحت ضل امنا وابونا
ميس ببكاء: كان نتمنى اللقمة نأكلها والماء نشربهن عشنا انا وقيس في اسر فقيرة وعلى قد حالهم نلبس ارث الملابس وننام جاوعين ونصحى على نفس الجوع.
اوس: بينما انت عايش حياتك واكل من اضخم المطاعم. وخدم وحشم
قيس بقهر: بسببك وبسبب تخليك عننا عشت اسوأ ايامي والعنها.. بسببك وقعت سااارق وكنت اسرق غصبًا عني عشان اعييش انا وامي البي ربتني وخواتي اللي تربيت معاهن..
ميس: كم عانيت بهذك القرية وكم وماقدرت اتم حتى دراستي وكم جاهدت لوما خلصت الثانوية
اوس: كنا...
قاطعهم سياف بصراخ وبكاااء: بسسس بببببببسسس ارحموووونيييي ببببس خلاااااااااااااص
قيس بضحكه قهر: ههههههه عادك ماقد سمعت شيء مسرع ما ضقت صبرككك القادم اعظم
سياف ببكاء: انا نذل وتافه وكلب وكل الصفات السيئة فيني بس ارحموووني شويةةةة، لا تحرقوا لي قلبيييي لاهذا الحد
ميس: خليه ينحرق سعما انحرق قلوبنا سعما حرقت قلب امي وقطعته وخليتها تتخلا عن عيالها بسبب الجوع والاكل والملابس بينما انت ابن عضو مجلس النواب ولكم مكانه والزلط في ايديكم ساع التراب..
سياف بغصة: ما كنت عااارف انها عتهرب ما كنت عاارف.. وانصدمت يوم رجعت للبيت وقد راحت لهاااا
اوس بحده: هددتها تسقط حملها لأنك ما تتشرف به ولا بها ما كنت منتظر منهاااا مابش ام تتخلى عن ظناهااا
سياف: كنت وقتها طاايش.
قاطعه قيس بسخرية: قصدك تقول انك تزوجت امي طييش
سياف بحده؛ لااااا ويشهد الله اننا حبيتها من اعماااق قلبي ومازلت لاحد الان احبهااا واتمنى ابسرهاااا.. بس كنت خايف من ابي..
قيس بضحكه: اخس خف علينا يالبيبي
سياف بقهر: ابي رجال قاسي وله نفوذة ومكانته لمن كلمته عن انتصار وحبي لها ثار وجنن وهددني يسحب مني كل حاجة ويحرمني ورثي لو تزوجتها
اوس: ولان امي كانت يتمية وعمها كلب وطماع ضحكت عليه بشوية زلط ورضي يزوجك بامي بالسر
سياف نزل راسه وبخفوت: حبيتها ويشهد الله انني حبيتهاااا
غز قيس وهو يشل القلص اللي فوق الماسه ويرجمه للقاع لوما تكسر ويتكلم ب انفعال: ولانك تحبهااا فعلت بهااااا اللي فعلت لأنكككك تحبهااا.. تخليتتت عنهااااا. وخليتها تضيييع في هذه الدنيااااء لانك تحبهاااا امرتها تتخلص من حملها اللي فرحت فيه لأنك تحبهاااااا.. ماكنت تتشرف بها كزوجة لك قدام الناس ولا ام لعيالكك مع انهاااا تسواك وتسوااا كل قبيلتكككككك المريضةةةةة
اوس وقف ومسك قيس يهدأه: قيييس اهدأ
لف قيس للجهه الثانيه وشد شعره بيده وبغصة: اوووس قول له يخرج بين ابسره ويجيني الضيييق قووول له يخرررررج
سياف نظره للزجاج المنتاثر اللي كسره قيس ابتسم بوجع لكلام قيس ووجهه نظره له وبغصة: ما عتجوش لاحضن ابوكم والمكم لاصدري
ضحك قيس بسخرية وتكلم:ههههههههههههههههه اي اب ودك نحضن اااي أب
ميس؛ الأب اللي احتوانا وربانا ولبى لنا كل طلباتنا وما حرمنا من شي
اوس: ولا الاب اللي كان حاضر معانا وقت فرحنا وحزنا ومرضنا وتعبنا.
قيس: قلككك تعالوا لا حضن ابوكم
وقفت ميس وهي تتكلم: انا تعبت عتدخل غرفتي.. خطيت لاغرفتها ودخلت وغلقت الباب
قيس بسر سياف لثواني وخطي غرفته وهو يتكلم: انتهى لقاء اليوم..
سياف بسر اوس وبرجاء: اوس انت اكبرهم و..
اوس بنفور: نشتي حقوقنااااا كلهاااااا
سياف: تأمروا بها
اوس ببرود: لنا كلام بوقت ثاني
وقف سياف وهو يتكلم: موجود بإي وقت ولحظة ودكم فيها
بسره اوس بهدوء ومارد
خطي سياف يشل دفتر الذكريات وتكلم اوس بحده: لا تلمسه
وقفت يده بالهواء وتنهد بقوة وبهدوء: طيب
اوس: تقدر تتفضل الان
سياف: لنا لقاء ثاني انتبهوا لانفسكم وانتبهوا لميس
اوس......
خطي بخطوات هادئة وخرج من البيت مغلق للباب خلفه
اوس: تعالوا رحله خلااااص
ساعه استجابة♥.
-لا تنسوا اهل فلسطين وأهلنا المسلمين المظلومين في كل مكان وادعوا لموتاكم وموتى المسلمين وكل من لهُ حقٌ عليكم
ولا تنسونا وعائلتنا من طيب دعواتكم في ظهر الغيب🥺♥.
انا اليوم قد تخليت عن اولادي الثلاثة لعدم قدرتي على توفير الاكل والملابس لهم ولعدم قدرتي على توفير المصاريف التي يحتاجونها وضعت كل واحد منهم امام جامع لعل احد الاشخاص الاغنياء يأخذه ليربيه فيأمن لهم كل ما يحتاجونه ولم اقدر انا على توفيره لهم... قلبي يتقطع ويحرق بشكل بطيء جدآ.. لا اصدق انني فعلت هذا.. ولكن هذا كان افضل حل حتى يعيشوا ولا يموتون من الجوع عندي.. وكل الحق يعود لسياف حسن الـ.... الذي تخلى عنهم وهم مازلوا نطفه في احشائي لن اسامحه مهما حييت.. اكرهككككك.. واذا التقيت بيوم من الايام بـ ميس و اوس وقيس سأكلمهم بكل شي فعلته بي وبهم ولن نسامحك كلنا... قلب الصفحة.. وبسر صورة لهم الثلاثة وميس كانت بالوسط وقيس يده على وجهها وهي منزعجة واوس بيبسر بهدوء..
نزل للقاع وجثى على ركبةة وبيده الصورة وهو يسبرها بعيون ملان دموع رفع نظره لهم وبسرهم نفس العيون بالضبط ورجع نظره للصورة ضم الصور لا صدرةة وصرررخ بقوةة ودموعة نزلييين بغزاااارة: لااااااات مستحيييييل ياااااالله.. اااااااااه مش انااااا ظاااالم لا هذه الدرجةةة يالله.. ياااااااارب.. ثلاثة عيااااال يالله ثلاثةةة..عياااااال مادري بهم لليوم يالله....اااااااه يا وجععع قلبييييي..طلع معااااك اثنين عيااال يا سياف بعدما كان الكل يعايرك ويداعوك ب ابو البنااااات.. اااااه ياااااربي...والوجععع فيني الااااااان
ميس غطت وجهها وبكت
وقيس زاح بنظره بعيد وهو مبستم بسخريةة
وسأل اوس بوجع:ما ودك تعرف وين امي الان
سياف بلهفه ودموعه ملان عيونة:وينهاااا..وين انتصاااار
قيس بقسوة:ماتت.وكلةةة بسببك ماااتت بدون ما تسامحك وقلبهاااا ملان منككك يا ظاااالم
فتح عيونة بصدمةة وبعدم تصديق:لا مستحيل انتصار ماتت...لا مستحييل..رفع نظره لافوووق وبصوت عالي:ضربتين في نفس الوقت توووجع والله تووووجع وبقوةة يا الله ماقدرت استوووعب الاوله عشااان استوووعب الثانيةةة ااااااه يالله..والله كثييير عليااا كثييير.. غطى وجهه بيده وبكي بعدم.تصديق لكل اللي حصل...
ِ
تـــــوأم أغـــــراب 2
البارت 157
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
قيـس..!!!
كان في غرفة اوس بيكوي الاثواب حقه وهو بيزومل بخفوت لوما دخل اوس وهو يتكلم: ما بتفعل
لف له قيس وبسخرية: بين العب مقاليييح
اوس وهو يجلس بطرف السرير: والله
قيس: وانت قدك بتبسر
اوس وقف وخطي شل ثوب من حقه وطرحه عند الاثواب حق قيس اللي بيكويهن: اكووي لي هذا معااااك
قيس بدون ما يلف له: انقلععع مش انااا خدااااام عندكككككك
اوس بحده: عتكووي وغصبآ عنكككك
قيس: عنبسررر
اوس: على فكرة اذا انت ناااسي اانااا اخوككك الكبييير
قيس: لا يا حبيبي انااا الكبير انااااا
اوس: والله انه باااين جالس تضحكك على نفسكككك.. اسمع كلاااام اخوككك الكبيررر واكووي لي هيااا انا تااااعب
طفى الكوايه ولف له وبجدية: تصدق حتى انا تاعب
اوس ب اهتمام: سلامتك من ايش
قيس: من كل شي حوووولنااا لايحين عنجلس هكذااا
اوس: ايش قصدككك
قيس:اظن ان الوقت حان ان احنا نكشف الاوراق لـ ابي
اوس بهدوء: تقووول
قيس: ايوةة.. تعبت تعبت.. كل يووم ابسرهم قدامي في الجامعه وابسر عمي وعيال اعمومي خواتي ولا اقدر اتكلم واقول انا ابنكم ومنكم وفيكم.. لازم نتكلم ونواجه ونشل حقنااا لايحين عنجلس هكذااا خلاص كفاية لازم نحط النقاط على الحرووف
اوس: وكيف نفعل
قيس: مدري فكر معي..
اوس سكت للحظات بعدها تكلم: نتصل لميس ونبسر لو عندها فكرة
قيس: طيب اتصل لها وحطه سبيكر
اتصل لها الاوس وردت ب اول رنه: ياحيااااا اكيد كنت تفكر فيني سعما اناااا
اوس بضحكه؛ يا واثقةة انتي
قيس: ههههههههه
ميس: ههههه الله الله حتى قيس معاك
قيس: كيف حاالش يا قطةة لششش وحشةة يا حمارةة
ميس؛ اسلم الله يحفظكك رجعتني حديقةة حيوناااات
قيس: ههههههههه بين ادلعش تحمدي لله
ميس بقهر؛ شلووككك انت ودلعككك
اوس: خلاص اسكتوا مش وقت محانبتكم
ميس: ايوة تكلموا ما معاكم انا عارفة ما تتصلوا لي الا لمصلحةة
قيس؛ اليككك من هذا ليييت وانتي قدااامي كيف عتفعل بش
ميس: قد ستر الله هههههههههه طيب تكلموا مابه عسى ماشر
اوس بهدوء: قررنا نواجه الكل بالحقيقة ونكلم اللواء ان احنا عياله
ميس سكتت لثواني وتكلمت: خير ما تفعلوا وانا من رأيي هكذا
قيس: بس كيف عنكلمه معش طريقة
ميس: انا قد فكرت هكذا من قبل
اوس: ايش
ميس: شل ورقة واكتب فيها عنوان بيتنا.. الشقةة واكتب اذا كان ودك تعرف من اللي بيرسل لك كل معلوماتك مع زوجتك انتصار تعال للعنوان هذا عشان نحط النقاط على الحروف
قيس: والله فكرة ونتجمع كلنا هانا ونكلمه برواق
اوس: وايحين اطرحها له
ميس: اليوم العشي. بس اكتب انه ما يجي الا الصباح الساعه عشر.. عشان انا عتكلم صقر يطلعني معه المدينة واتواجد معاكم
اوس؛ اكيد هو ضروري
قيس: خلاص تم.. انا عتكتب الرساله لان اللواء احتمال يعرف خطك يا اوس
اوس: طيب تمام
ميس: اتفقناااا...!!
.
.
بيـت كريـم....!!!
لفت كوثر اول ما سمعت صوت خلود وبسرتها بتكنس وهي تتكلم: ما سخييت عليش برغم اللي فعلتيه فيني
انداء وهي تكنس والكل: وانا والكل
خديجة: هاتي المكنس قدش تاعبه احنا عنكمل بدالش
مدت لها المكنس وهي تتكلم: اوووف واخيرا حسيتين على انفسككن قد ظهرري انكسررر.. بسرت فاطمة جالسه بالدرج وصاحت: وانتي مال جدتتش ما تجي تكنسي
فاطمة رفعت رجل على رجل وبزنط: هذا عقابش انتي انا ما دخلني اشله بدالش.. وبعدين لاتذكري جدتي يا تافهه
كوثر: من حلاهاااا جدتتتتش
فاطمه بشهقه: تسبي جدتي وجدتش
كوثر؛ قصدي ام امش مش امي ابي
فاطمة؛ وهي والكل بحسبة جدتش مش انتي رضعتي من امي
كوثر؛ ناااهي من المماطلة قوووومي كنسي
فاطمة: في احلااااامش...
.
.
12العشي..!!!
فتح باب السيارة وطلع جنبه ولف لسؤال اوس: هاه بشر قدرت تطرحهااا
حسين: ايوةة كان في مكتب العميد وانا دخلت بسرعه وخرجت
اوس؛ متأكد ماحد بسرك
حسين: لا ماحد تطمن
اوس: تسلم لي يا حسين تعبتك معي هذه الفترة
حسين: الله المستعان يا رجال مابش بيننا.. يلا اخطى هياااا تأخرنا..!!!
صلوا علئ رسول الله عليه افضل الصلاة والسلام
عارفه انه البارتات قليله
انه ما عاد يرضيكم هذا ماجهزته الكاتبه
تاعبه والله قوي لذا لا تصرعونش بتعليقاتكم الليله ادعوا لي 🥹♥
وك مراضه لكم في روايه ضخمه جهزتها لكم وكنت بنشرها بعد تؤام اغراب بس دام قولكم انه اعذبكم بي تؤام اغراب
اعوضكم بهذه الروايه برسل عشره بارتات كل يوم
المهم لا تلومني علئ شي خارج عن اردتي ومش بيدي ولو قد انا هذيك المدبره برسل لكل واحد لحاله 🥲❤🔥
اللي حابب يقراها يكلمني في الخاص او البوت /channel/M32d3d0598d142BOT
وبرسلها له من غدوه وغدوه برسل 30بارت الانه الليله بغلق مريضه قوي دعواتكم اتفقنا 🤝♥