-
للصداقه💛عنوان💜 - قناه عبارھ عن ↯ ❶ ‹ - عبارآٺ⚚ ❷‹ - خلفيآٺ▽ ❸ ‹ - ڣيډيۅهاℓت🎥 ❹ ‹ - رمزييَاٺム ❺↜نكت 😂 ❻⇇اشعار 🤗 ❼⇦اغاني 🎼 ❽↤صور 📸 مكاوشة الخرفان 👌 للانضمام في قناتي بالتلجرام
ِ
تـــــوأم أغـــــراب 2
البارت 145
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
12الليل.. وبعدما زفوا.. خلود..!!!
دخل للبيت وبسر امه ونبيلة جالسات في الصالة بيبكين وتكلم: مالكن ذلحين انتين والبكاء هي تزوجت ما ماتت
سعاد وهي تمسح دموعها: فضي البيت من بعدها
نبيلة بغصة: والله ان خرجتها من البيت ساع خرجت الروح من الجسد
سعاد: ليت وامها كانت عايشة كانبسرت بنتها وهي حريوة
قيس بهدوء: الله يرحمها.. وادعين لها ربي يوفقها مش تبكين الله يحفظكن. وين البنات
نبيلة؛ في غرفتهن حالتهن حالة اخطى كلمهن..
توجه للغرفة دق الباب ودخل وغلقه وهو يبسرهن كل واحده ببقعه وبتبكي وتكلم بضحكه: يالله وخفة العقل في البنات خفيفات عقول من صدق
انداء ببكاء: تشتي تخلينا ساع الرجال قلوبهم حجر
ضحك وهو يجلس بين خديجة وكوثر ويتكلم: البنت تزوجت الله يسترها مالكن تبكين ما ماتتش. لف لكوثر اللي تبكي وتكلم: الله حتى كوثر تبكي معجزة
كوثر بسرته وبقهر: تخيل يا قيس خلود الوسخة مارضت تدي لي فستانها العنابي عجبني قوي. وجلست اتراشها بس ولا رضييت كلبة وسخةة
بسروها بصدمةة ثواني وانفجر قيس ضحكة والبنات بيبسرينها بقهر
كوثر: خير مالكن تبسيرني هكذا وانت مالك تضحككك
قيس: هههههههه ما انتي الا لحالش ظنيتش بتبكي على خلود قد. انصدمت..
كوثر: وابكي عليها ليش ما خف خف مع السلامة عقبى للباقي
قيس: هههههههههههههههههههه
خديحة بحده: مشااااعرش ميته انتي
فاطمة: اتفق معششش
انداء: ظنيتش قد بتحسي
كوثر بسخرية: الا قد. حسيت باقي اولد ههههههههههههه
قيس: قويةةة هههههههه
خديجة: يقلعكم الاثنين ولا بذهنكم
قيس بهدوء: والله اننا زاعل وما يهون عليا خروج اختي من البيت وماعاد ابسرها قدامي كل لحظة.. لكن هذه سنة الحياة وما للمره الا بيت زوجها.. وعقبى لوما ازفكن كلكن وارتاح لوما ابسركن عايشات براحةة
البنات سكتين وردت كوثر: يارب ما عنقووول
قيس؛ مفشوحةة قري عادش صغيرة..
كوثر: دخلت الـ١٦ ياعمري اهجع
قيس: يعني كبيرة
كوثر بفخر: اكيد كان ما رأيكك
قيس: ههههه كان يلاه تغطي انت وفطوم
كوثر؛ لا مستحييل... تخيلوا انا اتغطى ما اتخيل نفسي ههههههه عتجلس هكذا وبس
خديجة: خليها براحتها الله يوصلني لوما تتزوج وزوجها يغصبها تتغطى وهي تقول حاضر من عيوني
كوثر بزنط: يحلم بس هذه وانا عتجلس هكذا طول عمري
فاطمة: اصيلةةاختي كفوو
قيس: هههههههه يا ثقتكن بس...
.
.
عصر اليوم الثاني..!!!
مكتب الأوس..!!!
شل تلفونةة ووقف وهو يكلم حسين: يلا انا خاطي وانت لا تتأخر روح ارتاح عشان نرجع بعد. العشاء معانا عمل
حسين: سابر شويةة واروح
اوس: خاطركك... خطي وخرج من المكتب والمركز بكبره واتجه لسيارتةة.. وقبل ما يفتحها لف لصوت مره: واخيرآ خرجت كم لي منتظرة لككك
فتح عيونة بصدمةة وبصوت رافع: انتتتتتتي
المره ببسمه: ايوةة انا... انا ونيسةة اللي عتكشف لكم بقية الحقيقة كلهااااا
تقدم. منها بسرعه وبعدم تصديق: صددق يعني عتكلميني بالحقيقة ما عتخطي
ونيسة: ما عتكلمك لوحدك.. انت وقيس وميس لازم الكل يكون متواجد.
اوس بلهفة: اكيد اكيد.. تعالي معي هيااا
ونيسة: هيا ياولدي.. اليوم عتنفذ وصية امكم وارتاح واريحهااا..!!
.
.
وقف قدام الجامعة وهو يتصل لقيس اللي ما بيردش. واضطر انه ينزل بعدما كلم ونيسة تراعي له.. وسعي لا داخل الجامعه غير مهتم للطلاب والطالبات اللي بيبسروه ب استغراب.. خاصة وانه بالزي العسكري.!!! وقف قدام قاعة قيس ودق الباب وفتحه لوما سمح له الدكتور وبهدوء: السلام عليكم..
قيس رفع راسه بسرعه وصدمةة والكل رد: وعليكم السلام..
عبدالله وهو يصافحة: حي الله العقيد اوس
اوس: بقيت كيف حالك
عبدالله: الحمدلله وانت
اوس: الحمدلله.. ممكن قيس يروح معي احتاجه ضروري
عبدالله وهو يبسر ملامحه: عادي بس ان شاءالله خير
اوس: كل خير.. لف لقيس وتكلم: قيس تعال هياااا
لم قيس ملازمه للشنطة وشلها بيده وتقدم منهم هامس لاوس: خير ايش حصل
مسكه اوس من. يده وبنفس الهمس: نتكلم بعدين اخطى هياا... خاطركم يا دكتور وتسلم
عبدالله؛ الله يسلمك ولو..!!!
.
.
فتح باب السواق وكلم قيس اللي واقف قدام الباب الثاني: اطلع هيااا.. ركى وقيس فتح الباب وطلع.وهو يتكلم: ممكن افهم ايش به وقع حاجة او شي حاكيني..
ونيسة من المقعد الخلفي: كيف حالك يا قيس
فز ولف لها وبصدمةة وعدم تصديق: انتتتتتتتي..
ونيسه: ههههه ايوة اناااا.. ونيسة صاحبة امكم
لف لاوس بسرعه وتوتر: كيف لقيتها ووين ايحين
اوس ونظره لقدام: هي اللي لقيتني مش انا
لف لها قيس وبرجاء.: دامش قد. جيتي لاعندنا ولنا منتظرين لش خيرات.. قولي لنا عيال من احنا من ابونا..
ِ
تـــــوأم أغـــــراب 2
البارت 143
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
وقف جواد وبصراخ: انا استااااهل.. لييش او كلامي غلط.. ايوةة هم مش من مستوانا واخوه التافه هذك ما يناسبنا ولا يشرفنا نتكلم معه و....
قاطعه سياف لومت ضربه كف من قوته لف وجهه للجهه الثانية وبحده: ولا كلمةةةةة زياااااادة
فتحوا عيونهم بصدمة ولاول مره ابوهم سياف يمد يده على واحد منهم..
جواد حط يده على خده وماصدي يتكلم بس كره اوس وقيس ازداد بقلبه
سياف بصراخ: انقلععععع من قبااااال وجهي ادييت عليااااا الضيق
فز جواد وخطي بسرعه متجه لابيتهم اللي جنب بيت سياف.. والاخوه الثلاثه بيوتهم جنب بعض ما تفرق عنهم الا السور
ليث بقهر: يا خزانا من اوس وين اودي وجهي منه
سياف لحمزة: ماقال هذه قليل التربية
حمزة: كلام ساع وجهه.. ان قيس مش من مستوايا ولا يشرفني اجلس جنبه واكلمه وكلام طالع نازل..
ليث: يقهر الوااااحد هذا جواااد
سياف: لي كلام ابوه لازم يأدبه
ليث: على العموم انا تأخرت استئذنكم الان
حمزة وهو يسلم عليه: لا تطول علينااا
ليث: بإذن الله.. سلم على سياف وخطي ركب سيارته واتحرك بهااا.!!!
.
.
فتح باب الشقة ودخل متجه لاغرفة قيس.. فتح الباب وبسر مابحدوه ونفس الشي في غرفتة وغرفة ميس.. بسر المجلس وتقدم منه فتح الباب واستقر نظره على قيس اللي متممد على الفرش ومغطي لوجهه بالمخدة وارجله لافوق المدكى.. خطي وجلس جنبه عند راسه وتكلم بضحكة: لو تبسر كيف فعلت به وربي انني قتلته ضرب اوووف بس لوما تدخل اللواء سياف كنت انهيته..
فز بسرعه وبعد المخده من وجهه وهو يتجلس ويلف لاوس وبصدمه: من هوووه
اوس بفخر: جواد الزفت
قيس: ما فعلت به
اوس وهو يمسك. فكه اللي ضربة عليه جواد ضربة خفيفة: أدبته لك وبردت قلبي فيه اصلا قلبي ملان من يوم حبسته
قيس؛ يا مجنون سرت تضاربة
اوس: وعتضارب اكبر كبير هانا.. اي واحد يزعلككك ويغلط عليكك ولو بكلمة وربي لا امحيه من على وجه الارض.
بسره بمشاعر كبيرة ما قدر يتكلم ويعبر عنها او يوصف احساسه بهذه اللحظه.. كل اللي فعله انه حط وجهه على ارجل اوس وبهمس يلاه ينسمع: يا عضيدي وولفي خاطي وسندي يا اوس
حط يده على راسه وتكلم ببسمه: يا روح اخوككك وعينه.. وربي اكسر اكبر راس زعل قيسنا الغالي ورجعه نكدي بعدما كان فرفوش..
وضع راسه على ارجل اوس ورفع نظره له وبسؤال؛ ما قال اللواء
اوس بضحكه: رفعت صوتي عليه وهددته الله لا وراك كيف فعلت
قيس بصدمة: اسألكككك بالله
اوس: وربي هههههههه ماعاد ركزت انه اللواء.. وهذك جواد الاهبل مسكين ولاقدر يدافع عن نفسه وحمزة وليث يحاولوا يفكوا بيننا ولا قدروا ههههههههه
قيس: هههههههه المهم بردت قلبي فحرته سوا
اوس: الله المستعان معاك اوس وربي لوما قلت ليش ولا كان كسرت عظامه التافه هذكك
بسره قيس بنظرات وهو يتخيل حالة جواد و اوس صاحب البنيه العسكرية والمتدرب يضربه
اوس بضحكه: مالككك
قيس ببسمه: ولاشي.... بسروا بعض لثواني وانفجروا ضحكةة الاثنين: ههههههههههههههههههههههههههههههههه..
.
.
عصر ثاني يوم...!!!
بيت كريم.!!!
قيس ب استغراب: ليش ما تشتي عرس فهميني
خلود بغصة: نسيت ان عاد امي وامي دولة وخواتي منار وهاجر استشهدين وعاد ابي مات والكل
خديجة: ايوة الا صدق ما يسبرش
انداء بوجع للذكرى هذه: كيف عنقدر نفرح بعد كل اللي وقع
كوثر: هن شهيدات عز وفخر
فاطمة: عارفين بس وجع الفقد يضل مهما كانت طريقة الموت
قيس: طيب ما حفلة بسيطه هو ضروري
خلود: ولاااا
سعاد: ما عليك منهااا ايحين قالوا عيدفعوا
قيس: ليلة غدوة.. والعرس نهاية الشهر
خلود: قلت مشتيش عررس
نبيلة: ما حفلة صغيرة هو ضرووري
قيس: عادي نسوي حفلة بسيطه يوم واحد لش هانا في الليت ونزففش لابيت زوجش مثل اي عروسةة انتي مش ناقصة عشان ماتفعليش عرس
كوثر: ايوة صدق.. حفلة صغيرة تليق بش
سعاد: ماعليكم منها الا عتفعل كل شي
نبيلة: ماعاد عنسوي عرس كامل.. نفعل يوم الزف وتلبسي الفستان الابيض
خلود؛ وازيد البس فستان ابيض لا مستحييل
خديجة: وعماد. ايش ذنبه ما يقع له عرس سااع الناس
خلود: اذا هو يشتي عرس يبسر له بنت غيري
قيس: خلود يا عيوني.. يوم واحد بس تفرحي به وتفرحينا معش.. اول عرس بهذه العايلة واول فرحة خليها تكمل وتمضي على خير
بسرت نظرات الرجاء في عيون خواتها وخالاتها وتكلمت بخفوت:طيب حاااضر
فزت كوثر وبفرحه: ايوةةة وانشهدددد وعيقع في بيتناااا عررررس
البنات: ههههههههههههه
سعاد ببسمه: خير ان شاءالله اول ما يدفعوا عنبدأ نتكسى لها
نبيلة: جعلها زواجة الدهر والعمر يارب
الكل من القلب: يارب...!!!
ِ
تـــــوأم أغـــــراب 2
البارت142
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
قيس تنهد ووجه نظراته لافوق وبخفوت: احنا ليش خلقنا هكذا وليش وقعت حياتنا هكذا.
ليش به غني وبه فقير ليش ما وقعنا كلنا سوا
ابتسم اوس بهدوء وتكلم: لو كان كل الناس سوا ما خلقت الجنة والنار... وقف ومد يده له وب امر: قوم معي هياااا
مسك بيده واوس سحبه لوما وقف.. وفك له وشل ملازمه وخطي وهو يتكلم: كم لك هانا
قيس: من عصر
اوس: مجنون بين الشمس هذه عتتعب بعدين
قيس: عادي
طلعوا فوق السيارة ولف اوس بها وخطيوا من طريق غير طريق البيت
قيس ب استغراب: وين عتسير
اوس ونظره لقدام: نتغداء انا بغير غداء..!!!
.
.
بسره بيلعب بالملعقه وتكلم: قيس
رفع نظره له بمعنى ايش
اوس: مالك ما تأكل ساع الناس
طرح الملعقه من يدة وبهدوء: شابع
اوس: كلمني مالك ايش حصل.. متأكد ان احد زعلككك
ابتسم بقهر وتكلم: ذلحين احنا مش من مستوى احد.. او اقول لك اناااا مش من مستوى احد صح
اوس برفعة حاجب: من قال هذا الكلام
قيس بدعممه: بغض النظر عن كوننا نجهل نسبنا. والكل مش عارف بهذه القصة.. انت عقيد وتربيت ب اسرة ماشاءالله عليها ولها سمعتها وابوك يشتغل في شركة نائب مدير وامك مدري من وكلكم ماشاءالله... على الاقل معك نسب تتفاخر به واب
اما انا ايش.. خلني ساكت افضل
اوس: لا تكلم اما انت ايش
قيس بحرقة: سااارق واب سارق واسرة فقيرة ما تلقى ايش تأكل وثياب باليه وقديمه وبيت عادي.. وكل حاجة.... انت عارف كلام التافه جواد صح.. انا مش من مستوى احد.. حمزة ابن عمه.. ابوه دكتور جامعي وجده عضو مجلس مدري ايش.. وعمه لواء والثاني مهندس ومدير شركة جدهم.. كل حاجة ضخمه وغاليه معه.. من انا عشان يصاحبني ويتكلم. معي مع جواد حق لاول مره...
قاطعه بحده: غلق لقفككك واسكت احسن ما اقوم اوريك العمل واعدلكككك ساع النااااس
قيس ضحك بسخرية؛ الحقيقة موجعةة وهذه هي لسش تنفعل
اوس: قييييييييس
ضرب الطاوله بيده وبصراخ: ااييييييش قيييييس اييييش .. كلامه صح اناااا من مستووووى ابن عمةة وووينهم ووين اناااا. اصلا من اناااا حتى اتقارن بهم
اوس وهو يبسر الناس انتبهوا لهم بسبب صوت قيس العالي: وطي صوتك يا كلب فضحت بناااا
وقف قيس وبسخرية موجعه: اوووه صح فضحنا بالعقيد وخربنا برستيجه ومكانته.. بصوتنا العالي وبوجودنا معه... شل الكوت حقه وخطي بسرعه..
وقف اوس بصراخ: قييييس ريييع وين عتسيرر.
خطي للمحاسب بسرعه ودفع الحساب وخرج لا خارج وزع نظراته حوله وما بسر لقيس اثر وضرب يد بيد بقهر... خطي بسرعه ركب سيارته ومشى ونظراته تتوزع لعله يلمح قيس.. بدون فايدة.
بسر تلفونه اللي، رن وبسره ليث ورد: ارحب
ليث.: حياك كيف انت
اوس: تمام وانت
ليث: الحمدلله فوق السيارة صح
اوس؛ ايوةة أأمر يا غالي
ليث: ما يأمر عليك ظالم.. انا مروح الان وقلت اشتي ابسرك قبل اخطى
اوس مان عيتعذر منه بس سمع اصوات عنده وسأل؛ من عندك
ليث: جواد ابن خالي وحمزة
ابتسم بقوة ورد: ثواني وانا عندك وين انت
ليث: قدام بيوت اخوالي برسل لك العنوان
اوس: تمام دقايق وانا عندك... غلق الخط واول ما وصلته رسالة ليث لف متحرك لاحيث ليث وهو يهمس بوعيد: حاضر يا جواد شكلك ما تأدبت المره الاوله.. الان اوريك ايش جزات اللي يزعل قيس اخي..!!.
.
.
وقف بسيارتةة وهو يبسرهم واقفين جنب سيارة ليث الي بيبسر ساعته منتظر له.. ترجل من سيارة وتقدم. منهم
ليث بترحيب: حياااا تأخرت
اوس دعممه وتعداه متجه لجواد اللي مرتكي للسيارة وبيده تلفونه بيقلب فيه بعدم اهتمام للي حوله.. وعلى طول مسكه بكوته وضربه بوووكس على وجهه متكلم: انتتتتت من بتظن نفسكككككككككك
فزوا حمزة وليث بسرعه وسعيوا يفكوا اوس عن جواد اللي متفاجئ
اوس رصه لاعرض السيارة وبتهديد: وقسما بالله لو عاد ادرى بسس انككك ضايقت قييس اخي ولو بكلمةة واحده لا تبسر مني اللي ماقد بسرته في حياتكك
ليث وهو يحاول في اوس يفك جواد: اوووس اهدأ مالك ايش به
حمزة شك انه بسبب كلام جواد لقيس في الجامعه وسكت
جواد بتكبر وهو يحاول ينزل يدات اوس منه: بعددد مني.. مم انتتت عشااان تهددني يا تافهه
ضربه اوس بجبينه على جبينه ولكمه في بطنه لوما انحنى وهو محروق من كلامه وبيتذكر كلام قيس ونظراته المخذوله.
جواد بيدأ يدافع عن نفسه بس مش بقوة اوس اللي برد قلبه فيه.
ليث وحمزة تدخلوا بسرعه وبيحاولوا يفكوو بينهم بس ماقدروا لاوس.. وما فكوا بعض الا على صووت اللواء سيااااف: وووولددددددد.. انت وهوووووووه
دهف جواد بقرف ولف بوجهه عنهم وهو يأخذ نفسه بقوة ويمسح على فمه
جواد جلس بالقاع وهو يمسك بطنه بألم وجسمه مكسر
سياف بحده:من اننتتتتت وايييش به ليش المضرابة هذه
مساء الخير
بعتذر عن غياب امس
وهي الظروف تحكم لو كنت قادره بنزلها التمس العذر منكم 🥲❤🔥
معوضين الليل وبقلكم بشاره انسيه عتلتقي الاوس وقيس وميس
وعيعرفوا منها كل الحقيقه
موقف اوس وصدمته حين يعرف انه اللواء سياف ابوه وهو واصل. يساله عن ابوه
وهو يمكنه معه عمل
قيس اللي جواد كسر راسه انه مدري ابن من هو ويتفاخر وطلع ابن عمه
وميس بتصدق انه اللواء سياف ابوها او عتكذبهم🌝🌸
بارتـات يومنـا قراءه ممتعه 👆🏻😍
وزدت لكم عشره حسب الطلب الحين بقولا منين عشره وهم ثمانيه
طبعا اضيفوا الاجراء الصغيره تصير عشره 🌝😂👏
ِ
تـــــوأم أغـــــراب 2
البارت128
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
لفوا كلهم على ظل فوقهم وبسروه سياف اللي تكلم ببسمه لهم:السلام عليكم
وقف اوس بسرعه وردوا ب احترام: وعليكم السلام
اوس بتوتر: ما بتفعلوا هانا
جلس سياف وهو يرد: المقبرة حقكم وحدكم
اوس: لا
سياف: خلاص
قيس ببسمه: قوية يا اوس
سياف: هههههه تعال اجلس يا اوس
اوس جلس وب اعتذار: انا اسف ماعاد. قدرت ارجع او ارد لك خبر
سياف بهدوء: عادي حصل خير مقدر ظروفككك بس ما تتكرر
اوس: اكيد. ان شاءالله
بسر القرب واللي مازال تراب وتكلم: قبر امكم صح
اوس: ايوة
سياف: وليش ماقد. صلحتوا له مشهد
قيس: ان شاء الله خلال يومين عادهم يصلحوه
سياف: خير ان شاءالله
اوس: الا ما قلت لنا ماجيت تفعل في المقبرة
سياف: ازور جدي
قيس: الله يرحمه ههههه
سياف: موتانا وموتاكم يارب... انا بسرتكم بالسيارة وانا خاطي و اوس مسرعي واشكالكم ما تطمن فقلقت وقلت ابسر مالكم لاقدر الله وحصل معاكم شي ولمن وقفتوا قدام المقبرة ارتحت شوية
اوس: الله يحفظك ما انتبهت لسيارتك
سياف: ههههه على هذك السرعه كيف عتنتبه.. لف لميس اللي بتمسح القبر بسكون وتكلم: ميس كيف حالش يا بنتي
رفعت راسها له وبغصة لكمية الحنان اللي بصوته: الحمدلله وانت ياعم
سياف وحس بشعور فظيع من الدموع اللي عالقات بعيونها: الحمدلله
ميس: يستاهل الحمد... رجعت نظرها للقبر وسكتت
سياف؛ الله يرحمها ايحين توفت
قيس: قبل اكثر من شهرين
سياف: الباقي وجه الله... الله يرحمنا جميعآ..
وقف وهو يتكلم: يلا انا استئذنكم الان
وقف قيس و اوس معه وتكلم اوس: شوية وعتجي للمركز
حط يده على كتفه وشد عليه: خليك اليوم مع اخوتك ومن غدوة تعال للعمل... يلا خاطركم انتبهوا لانفسكم
الكل: في امان الله..
تكلمت ميس ونظرها لسياف اللي خاطي بكل هيبة بالميري العسكري: ليت وهو ابي
ابتسم اوس وضحك قيس بقهر وهو يركل الحجر برجله لابعيد
ميس بخفوت: لون عيونه نفس لون عيوننا ما لاحظتوا
اوس: الا لاحظنا ولاحظنا قوي ولنا خيرات.. بس عادي لون العيون مش دليل كم يا ناس لون عيونهم نفس بعض
ميس بخيبة: ما قلت انه ابونا بس قلت عيونه ساعنا.. وبعدين مستحيل واحد ساعه متعلم ومثقف ولواء كبير في الدولة يرجم عياله ويتخلى عنهم.. بسرت تعامله مع بناته وكيف بيخرجهن بنفسه وكيف يحبهن ويدلعهن.. طيب وحنون قوي
قيس بقهر من السيرة هذه: عتخطى للجهه الثانية ازور خالاتي وخواتي..!!!
.
.
الساعةة8 العشي..!!!
صقــر..!!!
وقق بسيارته قدام بيتهم وعلى طول اتجهت نظراته لابيت اهل ميس وتنهد بقوة وهو ينزل راسه على الدركسون بتعب من الاحداث اللي حصلت معه اليوم...
تذكر كلامه لميس وحس نفسه خسيس ونذل لابعد حد.. تذكر كلامها له وردها وكيف اتضح له سبب طلبها للطلاق وليش ماعاد جت للقرية.. هربت من كل حاجة حولهااا وما تشتي تواجه الحقيقة مكتفيه بحياتها مع اخوتها.. اخذ نفس بقوة ورفع راسه لاعرض الكرسي بتفكير لمدة دقايق.. نزل من السيارة وامنها وخطي متجه لابيت اهل هالة ينفذه حاجة في باله..
.
.
في الشقة..!!!
تكلمت ميس وهي تصب الشاهي وتمده لاوس: كنت متوانسه مع البنات في بيت كريم
اوس: تشتي ترجعي عندهم
قيس؛ لاعييب الضيافه ثلاث ايام وهي قد جلست نص شهر
ضربته ميس على كتفه وبقهر: شلوووك اصلا يحصل لك اننا اجلس في بيتكم
قيس: خخخخخ.. كل واحد يعز نفسه في بيته يلااااه
اوس: هههههههه واذا بيتنا هذا ويعزنا كلنا ويؤينا مع بعض
ميس: اي والله هذا بيتنا الحقيقي
قيس: اول بيت آوانا مع بعض احنا الاشقاء التوأم
اوس: انا قررت لو مهما حصل خلاص هذا البيت عيجلس مكانه وكل واحد معه مفتاح
قيس: وذا قال صاحب البيت يشتيه
اوس: لا تهم عيسهل الله ونشتريها
ميس: بإذن الله.. ذلحين انت عتدوام من غدوة
قيس: لا
اوس: ايوة كان ما عيفعل
ميس: الساعة تخطى عشان اقوم اسبر لك الصبوح
اوس: محاضراته من 8
ميس: ضخم نفس دوامك..
اوس: ايوةة عنخطى جمعه
ميس: وما سجلت
قيس: ادارة اعمال
ميس: الله الله حركاتك يا شيخ
قيس: هههههههه عقبى لش
ميس بخفوت: مشتيش
اوس: لوما كنتي متزوجه كنت سجلت لس ما قيس بس قلت مدري ما عتقولي ويقول زوجش
قيس بحده: وما دخله زوجها لو ودها تدرس درست
ميس.: حاليآ ولا بنفسي حاجةة..
اوس: ليش يعني
ميس بصراحه: مشتيش ادرس واتخرج بشهاده ماتحمل اسمي الحقيقي
قيس: بس ما عنوقف حياتنا عشان هذا الشي
ميس: عارفة بس هكذا افضل
اوس: براحتش انتي اخبر...!!.
.
.
صقـر..!!!
دخل للبيت وبسرهم في الصاله سامرين وتكلم بهدوء: مساء الخير
الكل: مساء النور
ام صقر: وين انت للأن تأخرت اليوم
صقر ومازال واقف: كنت في اهل هاله
ِ
تـــــوأم أغـــــراب 2
البارت127
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
بعد ساعة من البكاء والسكون التام والإنهيار
تكلم اوس بهدوء: قوموا معي هياااا
ميس بخفوت: وين
اوس: قومي البسي العباية واتجهزي وبقول لش هيااا
قامت ميس ب انصياع ولبست البالطو وتبرقعت وشبت شنطتها وهي تتكلم: جاهزة
اوس وقف وخطي مد يده لقيس اللي ساكن. بمكانه:هيااااا
بسره بهدوء ومسك يده و اوس سحبه وقومه معه وخطي فتح الغرفة وخرجوا الثلاثة منها ومن البيت بكبره.!!!
.
.
وقف قدام مطعم وتكلمت ميس: ما كان به داعي والله مابه نفس لحاجة
اوس: ااااص انزلوا سكته هياااا
نزلوا الثلاثة ودخلوا للمطعم.. جلسوا على طاولة وتكلم اوس: ما تشتوا
قيس بهمس: سم الهااااري
ميس: ياليييت
اوس بحده: من الهباله انت وهي وما تشتوا
قيس: اي شي نتسمم به عادي ما تفرق
بسره اوس بحده لكلامه واشر للنادل يجي وكلمه بطلبهم اللي يشتوا..!!!
.
.
بعدما خلصوا غداء..
خطيوا بالسيارة وتكلم اوس؛ هاه وين ودكم نسير
ميس: البيت
قيس بغموض: للمستشفى
اوس بقلق: ليش فيككك حاجةة
هز راسه بمعنى ايوة و اوس تحرك على طول للمستشفى...
وبعد دقايق وقف قدامها وفتح قيس الباب ونزل بدون كلام
اوس فتح الباب ونزل بعده وهو يكلم ميس: قفلي السيارة وريعر لوما نرجع خطي بدون ما ينتظر ردها وهو عارف بلي في بال قيس وليش جاء للمستشفى.. دخل بسرعه وبسر قيس طالع الدرج بسرعه داعاه بصوت عالي وهو يسعى وراه؛ قييييس رييييع....
.
.
سأل عن صقر وينه وخطي اول ما بسره خاطي في الطارود. مع دكتور وعلى طول ضربةة بووكس على وجهه
صقر انصدم وقبل ما يستوعب من ضربه ولأجل ايش مسكه قيس من صدره ورصه للجدار وتكلم بحده: ما عاش ولاقد. خلقته امه اللي عيعاير اختي بحااااجةة وراسي يشم الهوااااء.
صقر بتفهم وهو يحاوة يفكه: قيس لحظة اسمعني انا...
قاطعه بحده وهو يضربه بجبينه على جبينه: ولا كلمةةةة يا نذل ياحقييير كنت احسبككك رجاااال طلعت نذل وتافه
اوس وهو يسعى لاعندهم وبصوت عالي: قييييس صقررررر
صقر بحده وهو يحس بوجع من الضربة: كانت ساعة غضب مش بقصدي.. افهم
اوس سحب قيس من صقر وفك بينهم وهو يتكلم بحده:مشاكلكم حلوهااا بينكم مش هانا وقدام النااااس استحوا على انفسكككم عييييب
قيس بسخرية:ليش وهذا يعرررف العييب
صقر:قييييس احترررم نفسكككك
فك نفسه من اوس وسعي يضربه بس صقر مسك يداته بسرعه وانبطحوا الاثنين للقاع
قيس همس بحده :اختتتتي تطلقها ولا اقسم بالله لايقع اللي ماقد.تخيلته
صقر بصراخ:في احلاااامك والله لو على قطع راسي
دفه قيس منه وبتهديد:معاك.مهله اسبوع بس يا غراب مدري حمامه ولا الوجه من الوجه ابييض
صقر وهو يوقف وبحده:تمام بيننا يا قيس
اوس بصراخ:يقلع هذه الوجيه لميتوا الناااس عليناااا اخطوا يلاااااه... مسك قيس من يده وكلم صقر؛لنا كلام بوقت ثاني يا صقر الان مش وقته...واختي غاليه وغاليه قوي ووراها رجال يسووا الف قبيلة..ما نسمح لاحد.يدوس لها على طرف.ولو كان غالي..سحب قيس معه وخطيوا وصقر واقف ونظره لهم والامور تعقدت اكثر واكثر ...
.
.
فتح اوس باب السيارة وبحده لقيس:اطلعععع هياااا
طلع قيس بقهر وطبق الباب بقوة ولف له اوس اللي طلع مكان السواق وبقهر:رجال الان ماشاءالله..عملت عين الصواب
قيس ب انفعال:عاد.كان بادعس ابوووه دعس لكن انت تدخلت
اوس:الله الله هكذا قدك رجال يعني بالمضرابة
قيس بصراخ:غصبآ عن انفككككك والله لو معي مسدس انني فضيته في راسه النذل التافه
ميس بشك:من هو ايش وووقع مالكم
اوس تحرك بالسيارة وهو يرد عليها:ماحد لاتهمي
ميس؛تضاربتوا مع صقر صح
قيس:عاااد كنت عتقتل ابوه بس هذا الحمار جاء سحبني
اوس: ايوة تقتله ووين عتسير
قيس: جهنم الحمار المهم ابرد قلبي واشفي غليلي بحق الدموووع اللي نزلهن من عيوون ميييس
ميس بحماس: كيييف فحرته بردت قلبك وقلبي
قيس ببسمه: تقدري تقولي هكذا
ميس؛ اناااافداااء للفزعةة فديت يداتكك
اوس بقهر: فاااارحة وانتي عجبش
ميس: هههههه برد قلبي فيه..
قيس؛في الخدمة..ذلحين انت وين عتودينا
اوس بقهر:بستين داهيةة
ميس:ههههه قد احنا فيها ماعاد باقي..وين عتودينا صدق
اخذ نفس وبهدوء:للمقبرة نزور قبر امي
.
.
جلسوا الثلاثة حول القبر والصمت يعمهم..!!!
قطعته ميس بكلامها:تخيلوا لوما رجمتنا امي وعشان كلنا مع بعض كيف عتكون حياتنا
قيس بحنين:كان عنجلس نتضارب يوميةة
اوس بضحكه:وانا افحرك واصل
ميس:وانا الدلوعه حقكم
قيس:وانا المسيطر وكل حاجة تجزع بقولي
اوس:لو شي كان انا ادعسكم واجزعقولي عليكم الاثنين وما تصدوا تفعلوا حاجةة
ميس:كانت عتسير اشتيككم الاثنين لاعند ابي ويضربكم لأني بنت وحبوبة ما عيسخى عليااا
ِ
تـــــوأم أغـــــراب 2
البارت 126
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
.
ظهر
قيـس..!!!
دخل للبيت بتعب وبيده كوته رافع له على كتفه وفز على صوت كوثر: قيس جييت
قيس بسخرية؛ لا عادنا هناككك
كوثر: فاضي تزبج
قيس: لأن سؤالش باايخ سااعش
كوثر بجدية: تمام اسمع. ميس من لما روحت مع صقر وهي بغرفتك مغلقه على نفسها وبتبكي وما رضيت تفتح لنا مدري مالها منهارة قووي
تعداها بسرعه لاغرفته وهو يتكلم بقلق: لييش مالها احد زعلها منكن او شي
كوثر وهي تخطى بعده: بين اقول جت من خارج بتبكي.. حاول معاها لو هي عتفتح لك الباب انا عتخطى معاهن للمطبخ...
وقف قدام غرفته ودق الباب وبهدوء: ميس.... ميييس يا عيووني.. افتحي البااااب ميييس.. مي...
انقطع كلامه اول ما انفتح الباب وارتمت ميس لاصدره منفجرة بكاء بشكل يفجع.. لمها بسرعه ودخلها معه للغرفه وغلق الباب وهو يتكلم بقلق: ميس مالش ليش بتبكي ايييش حصل
ميس مستمره تبكي بدون رد
ارتزح للجدار ومازال حاضن لها وبرجاء: مييس ياعيون اخوش حاكيني احد زعلش ليش هذا البكاء ككككله
ميس بصوت متقطع: صقــــــر
قيس ب استغراب: ماله صقر.. وبقلق.. وقع فيه حاجةة تكلمي
ميس بغصة؛ عاااايرنيييي
قيس: بإييش عااايرششش
ميس بشهاق: بنسبي واصلي وفصلي عااايرني انني بلا اهل وقال ابي محمد مشش ابببيييي.. بكت من جديد وهي تدفن وجهها بصدر قيس اللي تجمدت يده على راسها اللي كان بيمسحه وهمس بعدم. تصديق: عايرش بنسبش
هزت راسها بدون كلام
غمض عيونه بقوةة وقلبه محروق من صوت بكاها وهو مصدوم من صقر اللي ولا توقع واحد بالميه انه يفعل هكذااا ويكلم مع ميس بهذه الطريقةة..
همس بقهر: خسئ اللي يعاير ويتكلم في عرضنا احنا عيال نااس حتى لو ما نعرف منن
قاطعته ميس ب إنهيار: الله ينتقم منهم الله لا يسامحهم الله لايسامح لا ابي ولا امي اكرهمممم يا قييييس اكككككررررهممممم
قيس بوجع: ميس ما يسبرش
ميس بصراخ وهي تفك له: ليييش يفلتوناااا ليييييش ليييييش... يسووا بناااااء.. ليش يجيبونا على الدنياء دامهم مش قاااادرييين يربوناااا
قيس ماعرف ما يرد وكل كلامها صح
ميس بجنون وهي تشل حاجيات قيس اللي في الغرفة وتراجمهن وتبكي وتسب امها وابوها وصقر وهاله وهنادي وكل اللي تعرفهم وشكلها يقطع القلب..
بسرت حالتها ساءت وخطي مسكها من اكتافها ولفها له وبحده: ميييس خلاااااص
ميس وهي تحاول تفك نفسها منه: فككككك لييييي.. خليني...لاتلمسني..اشتي اقتتتل نفسسسييي....صقررر اللي قالوا يموت فيني عااايرني..والله يا وجعي يوم اكتشفت الحقيقة وفضحتني هاله وامها بين النسوان ما يسوى وجع اليوووم وربي ما يسواااه يا قيييس..ما يسوووااه..
رفع يده وضربها كف وهزها بقوة وعيونه بدموعه: مييييس ببببسسس خلاااااص ارحمييي نفسسش وارحمييييني..
سكتت وبسرته بعيون ملان دموع وملامح ذابله وهمست بوجع بان في صوتها: الله لا يسامحهم كلهم الله لا يسامحهم يا قيس كسروا قلبي وحرقوه.. الله ينتقم منهم.. الله ينتقم منهم
شدها لاحضنه وب انهيار: الله يكككسر قلوبهمم سعما كسرووا قلببببش وقلبي وقلب اوس.. الله يكسرهم ب اغلى ما يملكوا
انفجرت بكاء وهي تغطي وجهها بكتفه وبهمس:يا وجعش ياميييس يا وجع قلبش...!!!!
.
.
الأوس...!!!
زفر بضيق وهو يخلل يداته بين شعره ولف لسؤال حسين: مالك من اول ضابح وضايق ايش فيككك
اوس: مددررري ضااابح بين احس ب اختناااق.. وقف وشل تلفونه معه وهو يتكلم: عتخرج اشم هواء هانا قريب اختنقت... فلته وخرج من المكتب. وخطي لاحوش المركز..
ارتزح لاعرض سيارة وهو يتصل لارقم قيس بدون رد وميس نفس للشي.. تنهد بقوة ورفع راسه لافوق وبهمس: يا ضيقااااه.. فز على صوت اللواء اللي تكلم: سلامات من ايش الضيق ياعقيد
ضرب له التحية ب احترام: اهلآ احترامي
سياف: استريح وتكلم مالك
اوس بتنهيده: مدري والله حاسس بضيق واخوتي ما بيجابوا على تلفوناتهم قلق عليهم شويةة
سياف: خير ان شاءالله مابه شي
اوس: ان شاءالله خير
سياف: تشتي تروح تبسرهم وتطمن
اوس بفزه: اقدر
سياف ببسمه: عادي بس لا تتأخر
اوس بفرحة: اكيد تسلم ماقصرت
سياف ببسمه لفرحته: وارجع طمني لوما تجي لاني قلقت عليهم ساعك
اوس: ههههه ابشر..!!!
.
.
وقف بسيارته قدام بيت كريم ومازال يتصل لقيس وميس اللي ما بيردوا.. تنهد ونزل من السيارة وخطي دق الباب ثواني ووصله صوت خديجة: من
اوس: انا اوس قيس وميس موجودين
خديجة: ايوة لحظة بس..
ثواني وانفتح الباب وبسر سعاد اللي باين عليها القلق وتكلم: السلام عليكم
سعاد: وعليمم السلام عيس حين جيت
اوس بتوتر: ليش ليش به ووين اخوتي
سعاد: مابه الا كل خير ادخل واذا هم في غرفة قيس
اوس دخل وهو يتكلم: الله الله
ِ
تـــــوأم أغـــــراب 2
البارت 124
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
ميس..!!!
خرجت من البيت اول ما رن لها صقر وقد سوت رساله لاوس وسمح لها تخطى معه.. بسرته فوق السيارة واتجهت له فتحت الباب وطلعت وهي تتكلم: سلام
صقر: وعليكم السلام
ميس: ما كان به داعي تجي كان عيوديني واحد من اخوتي
صقر وهو يتحرك بالسيارة: اخوتش مشغولين وبعدين انا اللي ملزوم منش مش هم
ميس سكتت وما علقت وصقر واصل سواقته بهدوء بينهم الاثنين..!!!
.
.
قيس& أوس
جلسوا ب المقاعد اللي في ساحة الجامعه
قيس: ارتحت الأن
اوس: قوووي الحمدلله من غدوة تدوام
قيس: طيب والعمل اللي اتفقت مع سند. عشانه
اوس بحده: عنجلس نلغج او ايش العمل انساه بين اقول ذلحين ادرس وأمن مستقبلككك فاااهم
قيس: وانا قلت مشتيش ادرس وانت مش ملزوم فيني تصررف علياااا
اوس؛ الا ملزووووم وعلى لعفي انت اخي فاااهم
قيس: بنفسك قلتهااا اخوككك مش ولدك
اوس من بين اسنانه: كلامي ما اكرره وذلحين قوم نخطى معي عمل
وقف قيس وخطي وراه وهو مقهور ويشاي يتشغل ويعتمد على نفسه مش يجلس اوس يصرف عليه.. كان سرحان وماشي بدون انتباه للي حوله لوما حس بحاجة دقت عرضة لوما وجعت صدره وصوت بنت: اعمىىى ما بتستضي انت
قيس بيبسرها ببلاه مش مستوعب
اوس بحده: انتي اللي خاطية بتسعي ومش منتبه وعاد الفلسفه لش
ردت بقهر وهي تلم ملازمه: وهو ينتبه خاطي مدري وين حسه وعاده يرادد
قيس بسخرية: مال الومش لوما استضيتي وابسرتي سوا كله عمل العدسات اللي بعيونش ساع الصيااااد.. جايه عرس ولا تدرسي لاحول ولا قوة
شهقت بقوة وبقهر: وما دخلككك انت احد أخذ رأيك
قيس: انا اقول رأيي ايحين ما حبيت واللي ساعش تجي تعرض اكيد. عتحصل كلام
اوس: اخطى هيا ماعلينا كل واحد حر نفسه
بسرته بقهر وقبل ترد لفت لصوت مرام اللي وقفت جنبها وهي تتكلم: بتول خير مابه
قيس: مابه شي بس كلمي اختش مدري صاحبتش اذا نظرها ضعيف ماعاد به داعي للعدسات هي بتجي تدرس مش تتفرط لاحول ولاقوة
لف وحطي و اوس معه
بتول بقهر: هذا التافه الحقير والله لا اقول لابي
مرام: وابوش ايش عيفعل هيا اخطي للهباله
بتول؛ ناسيييه ان ابي لواااء او ايش
مرام: واذا ابوش لواء خلااص الناس عندكم عبيد. او اييش
بتول: ابسري ما قال انا ساع الصياد
مرام: على هولا العيوون هو صاادق كل يوم وانتي بعدسات لون يا بنت مضرة على عيوونش افهمي
بتول: اوووف ما دراش انتي بالموضه والتطور
مرام؛ الا عارفة واكثر منش بس هانا جامعه للدراسة مش للعرض وهيا اخطي تأخرنا على المحاضرة
خطيين الثنتين وسألت بتول: وين ماريا
مرام: خطيت مع منار للمحاضرة حقهن. هيا اسرعي والله ان قد تأخرنا صدق..!!!
.
.
طلعوا فوق السيارة وتحرك اوس بها وهو يضحك بخفوت
قيس بنص: ما بيضحك ذلحين
اوس: ههههه ما دريت وين تخرج ضبحك رجعت فوق هذه المسكينة فجعتهااا
قيس: الا سكينةة بسرت على عدسات وكحل يييخ بنات فارغات
اوس: ادري انه غلط بس ما دخلك
قيس: انا هكذا ما اجامل اي حاجة ابسرها غلط اقول غلط ما اسكتش
اوس: هكذا عتتعب وعادك قدام على مشوار طويل
قيس: انت ارتاح بس ما عليك مني..!!!
.
.
ميـس..!!!
واقفه في ساحة المستشفى بعدما شالوا منها الجبس منتظرة لصقر اللي خطي للبوفية..
زفرت بضبح وهي ترفع راسها وبسرته جايي لاعندها بيده صبوح وهو لابس اللاب كوت الطبي
وقف قدامها ومد لها الصبوح متكلم: تفضلي
شلتهن من يده وبسؤال: ليش لابس هذا صح.. قدك موظف هانا
صقر ببسمه: ايوة
ميس: اهااا ماشاءالله.. طيب هيا روحني
صقر بمراوغة: بيتنا
بسرته ب استغراب
صقر غمز لها: القريةة
ميس بحده: وانا مالي وللقرية
صقر: افاااا واهلش وانا وصاحباتش ايش مالش ومال القرية
ميس: انت خلاص كل شي بيننا أنتهى ومن زمان.. القرية واهلي بزورهم كل فترة مادخلك انت..
صقر بقهر: والله
ميس: والله.. انت الا ذلحين جهز ورقة طلاقي واهتم بعرسك مع القمرية هاله اللي جننتك وخلتك تخطبها.. لحظة لحظة.. هههههه الان عرفت
صقر بترقب: ما عرفتي
ميس بسخرية: أنت وهاله وهنادي اللي طلعتوا هذك الخبر فيني
صقر قاطعها بحده: ميييس
ميس بنفس الحده: الا صدددق لا تنكر والدليل انك خطيت تخطبها.. ههههه لأنك تحبها ومخطط معاها من زماان الله الله والخطة البايخةة
مسك يدها وبهمس حاد: عدلي افكارش البايخة هذه احسن ما اعدلهن بطريقتي
ميس بقهر: مقهور لأني عرفت الحقيقة.. اصلآ اكبر دليل انك خطبتها من بين الكل بالرغم السمعة اللي طلعتها عليا وعليككك سرت خطبتها وبكل وقاحة..
ِ
تـــــوأم أغـــــراب 2
البارت 123
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
قيس بحده؛ بسرتني جاااهل قدامكككك عشان تصرف عليااااا
اوس: عن الكلام السخييف بهذه الووووقت
قيس: كلامي مش سخيف بين اتكلم جد انا عتشتغل بعدما اتباخر
اوس: ايوة ووين عتشتغل
قيس: ارض الله واسعه
اوس ببرود: انا قد تكلمت مع عميد الجامعه وسجلتك ولوما تتباخر عتخطى تدوام في الجامعه.. صح ان قد لهم شهر من لما بدأوا السنه بس تفاهمت معه
ميس: الله جامعه وحركاااات
قيس: ومن قال لكككك اني اشتي ادرس جامعه
اوس: اللي خلاك تدرس الثانوية سكته عن ابوك لايعرف وخلاك تتحمل العناء هذك كله. هو اللي كلمني ادرسك جامعةة
قيس: بطلت الشغل افضل
اوس بصراخ: قلتتتت عتدرس جامعةةة يعني عتدررررس انت بتفهممممم
قيس بنفس الصراخ: والجامعة تشتي ككككل حااااجةةةة وانا من وووووين لييييي
اوس بحده: واذا اخوكككك هاااه ما ملاااا عينكككك او ايييش هاااااه
قيس: انت مش ملزوم فيني فااااهم انا رجال واقدر اعتمد على نفسي
ميس: اهدأوا بس مالكم
مسكه اوس من صدره وبتهديد: دراسة وعتدرس وتخلص جامعه والشغل امحيه من بالككك فاااهم.. من الاسبوع الجايي عتدوام سوا تباخرت او مع
قيس بحده: انا الكبييير وكلامي هو اللي عيخطى هاناااا
فك له اوس وبضحكه كلها سخرية: من ضحك عليككك انت واثق من نفسك... وقف وهو يكمل كلامه: الكلام. عندك انا قد سبرت كل حاجة انت الاعليك تخطى تدوام وبس فاااهم ومالك دخل بحاجةة.
قيس بسره بقهر ومارد
ميس وهي توقف قدام اوس: وين عتسير اجلس تغداء معانا
اوس: شااابع تعالي ابسري لي طريييق
ميس بسرت قيس اللي مدعمم وخطيت مع اوس وهي مقهوره منهم الاثنين..!!!
.
.
العصر..!!!
في مجلس بيت كريم..!!!
نزل التلفون من اذنه وبسره وهو يتنهد بقهر و اوس مابيردش عليه وهو يشتيه يجي عنده لأن سند وعماد نبوا عليه مع تخو عماد الصغير انهم يعجوا عنده وقدهم وصالين.. فعل له رساله انه يجي لأن. عنده ناس وقفل التلفون وهو يلف للباب اللي دخل منه سند وخلفه عماد برجله الاصطناعيه واللي بدأ يتعود يمشي عليها...
تكلم مرحب: يالله انك تحيهم ارحبوووا
سند وعماد: بقيت الله يحييك.. سلموا عليه واتحمدوا له بالسلامة وجلسوا جنبه
سند: اخبارك كيف انت الان
قيس: الحمدلله
عماد: كيف لوما وقع هذا كله
قيس: رصاصة طايشة
بسروه بشك وقيس ضحك وهو يتكلم: قصة طويلةةة برجع احاكيكم بها بالوقت المناسب
سند: خير المهم انككك بخير..!!!
.
.
بعد إسبوع.!!!
يوم السبت..!!!
الساعة9/00
وقف بسيارته قدام بيت كريم وشل تلفونه واتصل لقيس اللي اتصل له الصبح يتجهز وتكلم اول ما انفتح الخط:اخرج انا مريع لك في الباب
قيس بعناد:ما عتخرجش انا مشغول عتخكى العمل
اوس بسخرية:الله ومن وين لقيت عمل
قيس بكذب:دبره لي سند انت ما دخلك
اوس بقلة صبر:قيييس اخرررج ب احترامك احسن ما ادخل اسحبككك سحب ساع الثووور بسرعه..غلق الخط ورجم تلفونه جنبه وحط جبينه الدركسون وهو متنرفز من قيس على الاخر..ثواني وسمع فتحت الباب ورفع راسه وبسر قيس اللي تقدم.منه وهو لابس ثوب ابيض مع العسيب وكوت جلد اسود وشال.فتح الباب وطلع جنبه وهو يغلق الباب بقوة
اوس:جايي بثوب ليييش ممكن عارفين خاطيين عرس وانا مش عااارف
قيس ببرود:انااااا حر
اوس شخط السيارة ولف وخرج من الحارة وهو خلاص وصل حده من قيس ورفضة للدراسةة وهو قد.تكلم معه يوم ناموا فوق سطح البيت كيف سوا وخاطر ودرس الثانوية وماحد عارف وكان بس يخطى يختبر ويذاكر بكتب عمار صاحبه وكم تمنى يدخل جامعه ويكمل دراسة..بس الان رافض ويشتي الا يشتغل...!!!
.
.
بيت كريم..!!!
كانت بتصبتح معاهن لومت سألتها خلود:وايحين عتبعدي الجبس هذا
ميس:اليوم عصر ان شاءالله
كوثر:مابش كسر هو الا دلع
ميس:يحق لي ادلع
فاطمة:شلوووش وليش بتقلبي عيوونش هكذا
ميس: هههههه هو ضروري عشان ازنط سوا.. رن تلفونها اللي كان جنبها وغصت بالشاهي اللي كانت بتشرب اول ما بسرت رقم صقر اللي شلته سكته من عند قيس.. وانصدمت ان رقمها عنده من اداه له.. اكيد صفاء الكلبه استاهل من لما كلمتها.. وقفت وهي تتجه للغرفة وتتكلم: المعذرة منكم.
غلقت باب الغرفة وفتحت الخط وهي تتكلم: الووو
صقر: صباح الخير كيف حالش
ميس بغباء: عفوآ من معي
صقر: الله ماعاد عرفتي صوتي
ميس: ومن انت عشان احفظ صوتككك من معي او اغلق
صقر: ميييس عن الهبالةةةة
ميس: اهاااا انت صقر
صقر بقهر: جدتششش كيف حالش كيف يدش
ميس: الحمدلله تمام ويدي اليوم عنشيل الجبس
صقر: يعني عتجوا ذلحين للمستشفى
ميس: لا للعصر لأن قيس و اوس مشغولين شوية
صقر: وين انتي
ميس: ببيت قيس ليش
صقر: عتكلم اوس واجي لش انا اشلش للمستشفى
ميس: لا مابش داعي عيوديني اوس ولا قيس
ِ
تـــــوأم أغـــــراب 2
البارت 122
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
قيس..!!!
فز اول ما سمع ثصوت سيارة اوس وقفت في باب البيت وتكلم: سيارة اوس شكلهم وصلوا.. قومين اخرجين عشان يدخل
قامين البنات خرجين لاغرفتهن ونبيلة خطيت تفتح لهم الباب..!!!
.
.
دخلوا للغرفة وميس بعدت البرقوع وهي تخطى تجلس جنب قيس وتتكلم ببكاء: بسرت كيف خواتك كسرين يدي
كوثر بقهر: كذب عيني عينكككك
اوس وهو يجلس جنب قيس: مطفوقات كلهن
قيس: هههههههه وانشهد
ميس؛ شلوكم الاثنين ييييخ
كوثر: انا عتخطى لو ودكم شي داعيني ياقيس.. خرجت وغلقت الغرفة..
اوس: مصره تجلسي هانا انتي وهو ما عتروحوش للشقة
قيس: انت عارف ان امي سعاد حلفت ما يسبرش
ميس: وانت عتخطى للشغل حقك بعدبن اجلس وحدي مطننه في الشقة للعشي. قدنا اجلس عند قيس وخواته اتواله احسن
قيس: ثلاث اربع ايام ورجعنا للشقة ولايهمك
اوس: سابر براحتكم
قيس: والبيت بيتك بإي وقت
اوس: الله يحفظك داري.. وقف وتكلم: لاتنسوا ما تشربوا ادويتكم واذا احتجتوا شي اتصلتوا لي
قيس بسر ميس وبقهر: من وين وهذه البقرة كسرت التلفون من حق جدتها بتقسم
ميس: فدااااني هههههههه
قيس: فدوش ماعاد انا قااايل.. اشتري بداله يلاااااا
ميس: راعي لوما اشقى في تعز وارجع اشتري لك تلفون..
قيس: يلا اخطي اشقي من غدوة سريع
ميس: ولايهمككك ههههه
اوس: ههههههه خلاص خلاص لا تقومها حرب ذلحين.. تعالي ابسري لي طريق يا ميس..!!!
.
.
الأوس..!!!
دخل لا مكتبة بعدما طلب من العسكري يداعي حسين.. ثواني واندق الباب ودخل حسين وهو يتكلم؛ خير قالوا طلبتني
اوس: كل خير تعال اجلس
حسين: مشغول تكلم وانا واقف
تنهد اوس ووقف وخطي لاقدامه وتكلم بمراوغه وهو يحط يداته خلف ظهره: زاعل يعني
حسين: من انا ههههههه بتتخيل
اوس: كان مالجدتككك مقلب صووور
حسين: انا من قااال
اوس: حسسسييين
حسين: ذلحين داعيتني عشان تقول لي هكذا والله انك فاضي
اوس: قلت اتأكد لو انت زاعل حكمتك لأن قدك هذي الايام تزعل سعما النسوان
حسين: عدل الفاظك لا يقع دعس
اوس: خوفتني ذلحين تعال صدق انت زاعل من ذاك اليوم
حسين بتنهيده: لا مش زاعل ولا شي
اوس: انا اسف كنت منفعل
حسين بقهر: واذا كنت منفعل تجي تتكلم معي هكذا وزد تمد يدك
اوس: قدر وضعي اخوك بين الحياة والموت وبسببك ما عتسوي وانت زد قهرتني لوما ماقدرت تفرق بيننا يعني لاهذه الدرجة ما تعرف صاحبك
حسين: قد انا قلت لك قيس تحاشاني وما تكلم معي كان يتهرب مني علاميد ما اعرفه
اوس: خلاص حصل سوء فهم مننا كلنا واذا زعلتك اعتذر وبطل عقدة الحواجب هذه
حسين: ههههههه والله انك تقهر الواحد وتزعله وفوق هذا تزيد تحمله الحق
اوس بسره برفعة حاجب وبسخرية...
حسين: مالككك.. هيا اعتذر مني
اوس: انقلعععع ومابين افعل اول بين اعصد ايييش
حسين: مالت عليككم حتى في اعتذارك تمنن الواحد
اوس: هههههههه خلاص اليوم معزوم عشاء على حسابي ولايهمك رضاتك
حسين بتفكير: هممم خليني افكر
اوس دهفه وبقهر: انقلععع عاده عيفكررر
حسين: هههههههه خليني اتغلا قليل
اوس: مش على اوووووس اجزززع
حسين: سابر نكمل عملنا ونخطى لاعاد تتراشاني
اوس: يا صبر ايوب.....!!!
.
.
ثاني يوم بعد الظهر...!!!
ابتسم لميس اللي فتحت له الباب وهي تتكلم: ياهلا والله
اوس وهو يدخل: هلافيش كيفش وكيف قيس
ميس وهي تخطى معه لا داخل: الحمدلله كلنا تمام وانت
اوس: الحمدلله..
دخلوا لاغرفة قيس اللي كان نوم وهمس اوس: ليش ما قلتي لي انه نوم
ميس: مدراني انا كنت عند البنات قيييييس
اوس: اووووش خليه ينام
فتح قيس عيونه وابتسم وهو يبسرهم: كم الساعة
ميس: قد تغدوا الناس
جلس اوس جنبه وهو يتكلم: صحيناك
قيسوهو يرفع نفسه: لا اكتفيت نوم ايحين جيت
اوس: ذلحين. تعالي ياميس اجلسي
جلست ميس قدامهم وبحماس: ايييش
مد لها كيس وقيس كيس وتكلم: هذه لكم
قيس ب استغراب: ايش هذا
ميس وهي تفتحه: الله هديةة يعني... شهقت وهي تبسر التلفون: تلفوووووون
قيس وهو يمسك التلفون بيده: تلفون
اوس: ايوة لكم عشان نتواصل اذا كنا بعاد من بعض كم. عنجلس هكذا
فزت ميس وحضنته وهي تضحك: انفدااا لاخي حبيبي شكرا شكرااااا
اوس: هههههه العفو ياعيوني واجبي
قيس: ماكان به داعي كان تدي لميس انا كنت عتشتري لي
اوس: ناهي اهجع واذا شليت لك عادي احنا اخوة مابش بيننا
قيس: يعني وانت من وين لك مش ملزوم فينا تدي لنا كافي الشقة على حسابك والمصروف وكل شي
ميس: كيف من وين له فهو عقيد ومعه معاش من الدولة
قيس: ولو ماهو ملزوم فيني انا بالذات..
اوس بحده: قيييس ايش هذااا الكلاااام
قيس سكت بقهر ومارد
ميس: قيس مالك
ِ
تـــــوأم أغـــــراب 2
البارت 121
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
عودة لبيت كريم..!!!
صاحت ميس وهي تمسك المرجيحه وتتكلم: بس بس خيرات لكوثر هيااااانزلي دوووري وانتي تدفيني
كوثر: عادنا ماقد لعبت الا شويةة بعدي
ميس: والله انش عتنزلي لش خيرات هياااا
نزلت كوثر بقهر وجلست ميس مكانها وهي تتكلم بحماس. دفي قوووي هياااا
وقفت كوثر وراها وبدأت تدفها وهي مقهوره: شويةةة بس
ميس: لاا خيرات دفي قوووي هيا ما بتفعلي يييخ
دفتها كوثر قوي وبشكل متواصل وهي تتكلم؛ هكذااا طاااابت... اهااا ازيددد دفتها اقوى وميس تضحك بحماااس
فاطمة: لا تقطع دلاا يا مجنوناات
كوثر: واذا اقتطعت القااااع قررريب
ميس: ما بتقولين مابين اسمع... ما كلمت كلمتها االا والحبل انقطع ونكعت للقاع وصاحت بصوتها كله والبنات فزين بسرعه وهن يحملين لاعندها
مسكت يدها اللي وقعت عليها وصاحت بوجع: اااااه يمه يدي اكتسررررت ااااااه
كوثر بقلق: اااص خليني ابسر حركيها
ميس بوجع فظيع: ااااه مع مع مع لا تلميسها
خلود: ما بتقدر تحركها انكسرت والله انها انكسرت
ميس انفجرت بكاء وهي تمسك يدها بوجع
خديجة: ما عنفعل ذلحيييين
كوثر وقفت وهي تخطى لا داخل وتتكلم: عتخلي قيس يتصل لاوس يجي يشلها المستشفى..!!!
.
.
طلعت السيارة مع اوس وكوثر معاها ماسكه لها وهي تبكي بشكل هتسيري واوس تحرك بالسيارة
اوس بتألم لألمها: كيف فعلتي لوما نكعتي
ميس ببكاء: هي كوثر الكلبه دفتني فوي لوما انقطع الحبل
كوثر بقهر: هو انتي اللي قلتي دفي قوب مش انا كذابةةة
ميس: لا والله انه حقد. منش دفيتي قوي
كوثر ضغطت على يدها وميس صاحت بقوة ولف لهن اوس وبحده: مالكن
كوثر همست بقهر: تستاهلي
ميس ببكاء: جعل كسروا يدددش يا كلبةةةة.. اسررع يا اووووس عتموت وجعععع..!!!
.
.
في المستشفى.!!!
خطي اوس الاول وميس خلفه مع كوثر اللي ماسكه لها وهي تبكي بخفوت وراسها للقاع.. بس رفعته بقوة اول ما سمعت اوس بيرحب ويتكلم: حيا الله الدكتور صقر كيف حالك
سلم عليه صقر ونظره لميس: ابقاك كيف انتي يا نسب ما بتفعل هانا
اوس؛ الحمدلله. ماغير ميس شكا يدها انكسرت
تقدم. منها صقر بسرعه بقلق ماقدر يخفيه: اين اسكه وريني
ميس وهي تبكي: اليسرى ماعاد بين اقدر احركها اكتسرت يا صقر.. انفجرت بكاء وصقر مسك بيدها اليمنى وخطاها معه وهو يتكلم: لا تخافي يمكن شص او شي ثاني.. تعالي معي لاعند دكتور العظام
اوس بيبسر بعدهم برفعة حاجب وتكلمت كوثر بقهر: وكأنه تم السحب عليناااا
اوس: ساع الذي
خطيت كوثر بعدهم وهي تتكلم: والله ما نفلتهم وحدهم بعدهم بعدهم.
ابتسم اوس وخطي معاها متجهين لاعند ميس و صقر..!!
.
.
بيت كريم..!!!
تكلم قيس بقلق: كأنهم تأخروا
فاطمة: مدري
خديجة: لا انت تتخيل لأنك قلق
قيس: نفسي ادرى كيف لوما نكعت للقاع
سعاد: هن بيلعبين واقتطع الحبل ما يفعلين
قيس: وانتي جواااهل تلعبين مدرايه
انداء: او بتبسرنا عجايز مااالت عليككك
قيس: خخخخ احد يدي التلفون الارضي هذا نتصل نبسر
خلود وقفت وهي تتكلم: عتسير اديه واتصل ريع يا هرم..!!!
.
.
عودة للمستشفى..!!!
وبعد صياح ميس اللي عبى المستشفى وبكاها جبسوا يدها والحمدلله..
مسح دموعها وهو يتكلم بضحك: فضحتي بي عند زملائي وهو الا انحراف قليل لو كان كسر ما عتفعلي
ميس ببكاء: وجعني الحمار ما يقدر يعالج سوا
صقر: هههههههه طيب كيف فعلتي ونكعتي
بسرت كوثر بقهر وتكلمت: كوثر نكعتني للقاع حقوودة
كوثر بحده وهي تسل ابره كبيره لايده: بتبسري هذه اللي في يدي حرام لا اخزق عيونش بها شلوش انتي والعيون هولا ساع القطة
اوس: احمممم
كوثر لفت لع وببرود: يعني عاده كذب او زعلت لان عيونك نفس عيونها
اوس: لاحول ولاقوة الا بالله
كوثر: حسبنا الله ونعم الوكيل
ميس: يحصل لش عيون ساعنا خخخخ بتغاري
كوثر بزنط: انا عيوني سود و واسعات ناعسات رموشي ساع صف الجنود.. ماعاد اشتي اكثر بعدين من قال لش ان العيون الملونه فيهن حلا.. افضل عيون العسلي والبني والاسود عيون عرلية اصيلة
ميس: رجعتي تلقي خطب وحكم انا فاضية لش ياسعم يدي بتوجعني
كوثر: جعل دايم يارب توجعش ههههههه
ميس ببكاء: اوووس ابسرها
اوس رفع يداته ب استسلام: ماقول انا
بسرت صقر بنظرات استعطاف
صقر ضحك وبحده لكوثر: ما اسمح لش تتكلمي مع ميس هكذا..
كوثر بسخرية: قول والله.. هيا اقطبوا كملتوا تعبت اشتي اروح جاء يقول لي
صقر: ههههه الان ماعد به شي
ميس وقفت وهي تتكلم: تعالي سبري لي الطررحه
تقدمت منها كوثر وهي تتكلم: ولو انش ما تستاهلي مساعدة بس طريقش
ميس بزنط: سبري سوا هيااا
كوثر ضغطت على يدها بخفه وميس صاحات بقووووة: ااااااااااااه يا وسخةةةةة
نبذه ومجبر عن الحب الاكتروني
...: مساء الخير انا
....بضبح : مساء الضبح
....:مالش ضابحه من غثاش
....:مدري ماله ... مابيرد عليا من امس
.....: صدقيني الذي بتعمليه غلط عتتندمي هذه العلاقات ماتنجح ابدا مابلا ترجعي تقتهري في الاخير قلي له تشتيني جي من الباب
.... بإنفعال: ابسري انا ماناش من هذك النوع وهذك الخباله.يحبني وعيجي يخطبني وانا واثقه فيه وعيقع زوجي في المستقبل القريب
.... قوست شفايفها: ولو تحبيه الذي بتعمليه خطأ بحقش وحق اهلش والاهم بحق الله هذا حرام انش تكلمي واحد ماله اي علاقه معش بإسم الحب ....لاتنسي الله ماعيوفقكم بعدا ..تحبيه ويحبش تمام مااختلفنا هي الا كلمه باب بيتنا في شارع كذا وكما خطبش قدام الناس كلهم وقدش حقه رسمياً تقدري تكلميه براحتش اذا ودش بإذن اهلش ولكل...اما الان مش هو سابر وماتكلمت هكذا الا لمصلحتش
..بتتبسرها ببرود:كملتي
.. بقهر: بين احاكيش جد مالش انتي بتتمسخري احنا بنات يمنيات بنات رجال مابش عندنا هولا الحاجات و....قاطعتها: الله اللله ماابش وفي كل بقعه قد به روميو وجولييت قفي من قبالي امانه سعم مدري مابنفعل
.. : هولاك ع قولتش روميو وجوليت زاد عليهم الشيطان وخلاهم يقلدوا الغرب بتفاهاتهم ....وبعدا مااقلت انا لاتحبيش او ماااع هذا الامر هو لاارادي حبي ايوه بس بقلبش وارضي بما عيكتبه لش الله اما تدخلي في الحرام صدقيني لاعتتوفقي لااانتي ولا هووو
..بضيق: مالش سعم انقدنا مثل هولاك وقد بين التقي به وقد بين اوريه صوري وقد بين اتجابر معه كلام لايرضي الله ولارسوله هن الا رسايل كيف الحال الحمدلله تطمن بس
.. مسكت يدها: اول مواصلتكم هكذا وبعدها تطورت لااتصال وبعدها يعلم لاوين عتوصلوا صح نيتكم الاثنين صافيه ويمكن تكونوا الاثنين صادقين بمشاعركم ومابش اي مقصد خبيث بينكم ... اكثر مايركز الشيطان على هذه المواضيع عيدخل بينكم ويخليكم تفعلوا حاجات ماش هي من طبعكم ويوصلكم لامرحلة يغضب الله عليكم بدون ماتحسوا ويخليكم تعتقدوا ان هذا الشي عادي
.. بضيق:حبيبي رجال مش حق لعب ببنات لا تفكري بتفكري بهولا الحاجات مابش في باله وكل همه ويحين يخطبني يعني بعيدين كل البعد عن هذه المواضيع الذي بتذكريها
.. : مابين اقول انقد انتوا في هذك المواضيع ولا بين اذمكم انا بين احذرش بس...سابر هو رجال وانتي بنت في الاخير مهمها كان مابش انسان معصوم من الخطأ وطيب طاهر عيجي اليوم الذي يغلط فيه وتغلطي معه....يعني بين اتحاكا لش انا من الحاجات الذي عند الذي تطوروا عاديه وتافههه اتصال صور جراءه وكذا....مابين اقصد لقائات وحرام والخ...الله يجيرنا ماهذه قد هي جرييمه معلنه؛؛ وبعدا اسمعي اخوش لما ادا لش التلفون هو واثق مامعه ورازح ظهره صح انتي نيتش صافيه مع هذا الشخص ويمكن يكون زوجش في المستقبل ووفقكم الله بس قليلي اتخايلي يوم من الايام وقدش مرته اخوش ولاابوش يدرى انش كنتي تتواصلي وتعيشي قصة حب معه قبل ماتتزوجو بالله عليش كيف عيييقع موقفهم عيصفقوا لكم حتتتى لوتزوجتوا عيبسروش بهذك نظرة الخيانة وعيكتسر ظهورهم ... الله ماحرم هذا الشي الا وهو داري مدى أثاره الشوعه على الانسان وبالاخص المره ...يعني انتي جوهره كرمش الله ورفعش وحفظش وخلاش رزح لرجال يفترخوا بتربيتهم لش وانتي تجازيهم بهذا الشي ...حتى الله الذي بيبسرش ويراقبش تجازي نعمه عليش وستره لش انش تعصية وتفعلي هكذا ....صح مقصدش صافي وماقد انتي مثل هوذلاك الذي قدهن في الحرام وقد الله طردهن من رحمته بسبب تمردهن ...بس استشعري رقابة الله وصوني اهلش من وراهم....وفوق هذا كله خليش غاليه قدامه هذا الذي بتحبيه ولو تحبيه وماتقدري تجلسي دقيقه من دونه خليش غاليه وغلي روحش وقلي له ماعتكلمك الا وانا حلالك😍👍
شاركونا رأيكم وتعليقكم ✍
ِ
تـــــوأم أغـــــراب 2
البارت 120
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
بيت كريم..!!!
دخلين للغرفة وكوثر تتكلم بضجر: اوووف واخيرا تكرم اخوووك وخرررج
قيس: هههههه ياحياااا ب حبيبات الروووح
خطيين البنات سلمين عليهن على واحده واحده وعلى ميس اللي بتبسرهن ببسمه
ميس: ماشاءالله كلكن خوات قيس من الرضاع
خلود: ايوة. انتي ميس صح
ميس: ايووة. لفت لقيس وبضحكه: ماشاءالله يعني معاك ست خوات بي والكل
بسر خواته وتنهد بوجع: كانين سبع... ابتسم بوجع وكمل: السبع المثاني..
ميس ب استغراب: سبع.. كان وين الباقيات
خديجة بخفوت: استشهدين في قصف للعدوان السعودي الامريكي
ميس بحزن: انا اسفة ربي يرحمهن ويتغمدهن بواسع رحمته
الكل: يارب...!!!
.
.
قبل العصر..!!!
بيت ابو رانيا..!!!
تكلمت ام رانيا ببسمه: اكل اكل.. كم لك ماعاد تغديت معانا
جلال بنص عين: خلاص قد عيقرح
رانيا: هههههههه اتفق
اوس بسرهم برفعة ومارد
رانيا: الله الله تطور وماعاد بيرد علينا
جلال: شكله عقل والله اعلم
اوس: هههههههه ماحد يدي لكم وجه انتوا
ابو رانيا بضحكه: ماعليك منهم يا ولدي اكل لوما تشبع
اوس: الله يحفظك يا غالي ع اساس عبرت كلامهم
رانيا: اووووف هذا وانا قلت قدك بتحس
جلال: قد بيحس باقي يولد هههههههههههههه
رانيا: قوية هههههههههههه
اوس حقرهم ولف لكلام امه: ابرار واقفت على اللي تقدم لها وخطوبتها الجمعه هذه
اوس بفزه: كلولولوللللللللشششش ووووووولللللليييييي
رانيا طبلت على الماسه بفرحه وهي تصيح
وجلال قااام يرررقص ويحرك يداته
اوس بصراخ: واخيييراااا واخيييرا ووووللللييييي
رانيا ومازالت تطبل: ايوووا ايوووااا عااااشوا عااااشوا ... ابرارو انخطبببتتتت
جلال وهو بيصفق بيداته: هم وانزاح يا اووووس الف الف الف مبروكككككك
اوس: يالله كم انااااا فااااااارح دامت افرااااحنااااا
ابو رانيا: ههههههههههههههه الله يزكينا العقووول
ام رانيا بحنق: والله لو هي بنت يهودي ما تفرحوة هكذا
جلال و اوس ورانيا: ههههههههههههههه...
.
.
بيت كريم.!!!
وقفين قدام المدراية<المرجيحه> اللي سبرتها كوثر ..
كوثر: وهذه المدرايه يا ميس تلعبي
ميس بحماس: اكييد
فاطمة: اطلعي
طلعت وهي تتكلم: من تدفني بسرعه يالله كم انا فاقدة للعبه هذه ههههههه
انداء: انا بدفش.. وقفت خلفها وبدأت تدفها وميس تضحك بصوت عالي وفرحةة..!!!
.
.
المرام..!!!
دخلت للبيت بتعب بعد الجامعه وبسرتهم في الصالة وتكلمت وهي تتقدم. منهم: سلاااام
الكل: وعليكم السلام
جلست على الكنب بتعب وهي تبعد البرقوع والطرحه ولفت لسؤال امها: مع من. روحتي
مرام: مثل العادة مع منار وبتول
حمزة: بدال ما تجلسي تروحي وتجي معاهن نشل لش سيارة مثلمت قلت لش وكوني سوقي انتي احسن
مرام بسرعه: انا اسووق مع مع مشتيش مستحيل اسوووق
حمزة: خوافةة شلوش الجن
ماريا وهي تتقدم. منهم وبيدها عصير: اتفق.. ولا بنت دكتور كبير بالجامعة وجدها عضو مجلس النواب ومابش معاها سيارة قوية والله
مرام بهدوء: عادي ياسعم معجزة
ماريا وهي تجلس وتحط رجل على رجل: تخلف
مرام بسرتها بحده: مالش ددخل كل واحد حررر بحياته
ماريا: انت اشتي مصلحتش بس
مرام: اهتمي بنفسش وبس.. وقفت وشلت ادواتها وخطيت طلعت الدرج متجه لاغرفتها
ام حمزة بحده: كم مره اقول لش ما دخلش منها ما تشتي تسوق براحتهاااا
ماريا بقهر: انت اشتيها تتخطى خوفها من السواقةة كم عتجلس هكذا
حمزة: خليها مع الايام عتنسى وترجع تسوق بإذن الله..!!.
ــــــــــ
تعريف بعائلة مرام.!!!
ابو مرام... اخو اللواء سياف اصغر منه بسنه.. تزوجوا مع بعض لوما تزوج بزوجته الاولى رجاء...
دكتور بالجامعة وله مكانه عاليه..
ام مرام..استاذة في المدرسة
حمزة وعمره 22سنةة بيدرس جامعه هندسة
ماريا20سنة..سنه سنة ثانية جامعه انقلش
مرام 19سنةةة سنة اولى جامعه هندسة ديكور..
ـــــــــ
ِ
تـــــوأم أغـــــراب 2
البارت 144
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
حاليآ وبعد مرور شهر..!!!
صباح يوم زفاف خلود و عماد..!!!
بيت كريـم..!!!
بغرفة البنات...!!.
صاحت كوووثر بحده: بسسس خيراااا لشششش وهاتي الاستشوار يا زفتتتت لش من الصبح تمشطي هذا الشعر المعفن حقش
انداء بحده مماثلة: اصلا ماحد خلا قيس يشتري لنا استشوار الا انااا لذلك اووووص
كوثر: اكيد ما عتخليه يشتري الا انتي لان شعرش ساع المكنسه المحروقةة
انداء بشهقه: اييييش اييييش
كوثر: مثلما سمعتي
فاطمة: ههههههه قويةةة
انداء بقهر: قد بنبسر شعرش الحالي
كوثر بزنط وهي تخلل اصابعها في شعرها: ايش فيه شعري سلس واسود مثل عيوني ومطروح طىح مش ساع بعض ناس
انداء بصراخ: اختش الكبيرةةة تأدبي
كوثر: اااااوووص واقطبي هيااا احسن ما اشله بالغصب
خديجة: وانتي ما عتستشوري فيه وهو سلس ومطروح من دون شي
فاطمة: مدري على الفاضي والله
كوثر: ولو ضروري نفسي افعل
انداء: اوووف طيب شوية واكمل
فاطمة وقفت وهي تتكلم: عتخطى للمطبخ ابسر لو يشتين حاجة..
خديجة: ايوة عيب ميس معاهن من الصبح واحنا هانا
كوثر: وابسري هذه الكوافير المعفنه اللي ما خلتنا ندخل عند خلود قد تمت
فاطمة: هههههه ايش عتم وعادها جت اهدأي
كوثر: اووف.. وانتي هياااااااا قدها لغاااجةةة والله
انداء: شلوش الجن هااا شليه كسرتي راااسي ..!!!
.
.
بعد الظهر..!!!
وقف بسيارته قدام بيت كريم ونزل منها وهو يتجه للخانه وقيس معه نزلوا الكراتين الماء والببس ودخلوهن للبيت بعدما بسرت لهم نبيلة طريق.
قيس: قد به غداء
نبيلة: ايوةة
قيس: طيب اعزلوا لي انا واوس نتغداء عشان نخطى نزف عماد معاهم
نبيلة: حاضر من عيوني ادخلوا للمجلس وعتخلي ميس تديه لكم.!!!
.
.
العصر..!!! وبعدما زفوا عماد الكل في الصالة مخزنين والنشاد بينشد والبرع صوته عالي..
وقفوا اوس وقيس اللي كانوا جنب بعض اول ما بسروا اللواء والدكتور عبدالله وحمزة دخلوا للصالة.. وهمس قيس لاوس: عزمت اللواء صح
اوس: ايوة اكيد. عيب هو يعرفنا.. تعزم على دكتورك وولده وهو مع
قيس: راح عن بالي والله..
اوس: خلاص اص وصلوا... يا حيااا واهلا وسهلا
سياف وعبدالله وحمزة: ابقاك الله يحييك.. سلموا على بعض وتكلم سياف: مبارك عليكم زواج اختكم والعقبى لكم ان شاءالله
قيس: الله يبارك فيك تسلم
اوس: تسلم.. تفضلوا اجلسوا حياكم الله
جلسوا حمزة وعبدالله وسياف سأل بهمس: ابوكم موجود وينه نفسي اتعرف عليه وابسر ابو هولا النسختين كيف هو ساعكم او مع هههه
قيس و اوس بسروا بعض ورجع لفوا له وتكلم قيس: بصراحة ماقدر يفلت عمله لانه مهم ولان المطار مغلق قدك عارف وقعت جيته اصعب قوي
سياف: اها يعني هو في الخارج
اوس: ايوة عمله هناك
سياف: الله يعينه.. كان نفسي اتعرف عليه والله
قيس ببسمه قهر: مره ثانيه ان شاءالله
سياف ببسمه: ان شاءالله في عرسكم لانه اكيد عيجي هههه
اوس: هههه اكيد..
سياف: يلا اخليكم
قيس: حياك ارتاح واي حاجة تحتاجوها كلمونا
سياف: ما تقصروا..!!!.
.
.
عند البنات..!!.
كوثر للمره الألف: طلعتي مزززه يا ميس خطيرةةة
ميس بضجر: انتي مركز كم قد قلتي هذه الكلمة
كوثر: هههههه انا هكذا يعجبني اكرر كلامي ب الاعجاب عشان يترسخ عندش
فاطمة: لغجة بس بشكل أأنق
ميس: هههههههه..
كوثر ونظرها لخلود: وخلود الكلبة طلعت حلوه خاصة مع عيونها العسلياات تجنن
فاطمة: هي حلوة من دون فديتهااا
ميس: ماشاءالله الله يحرسها من العين
فاطمة وكوثر: يارب..
كوثر: صح مش انتي قلتي اهلش عيجوا ليش ماعاد جوا واهل زوجش
ميس: انشغلوا قالت شهد ماعاد. جاء الا مجد وصقر وهن ماعاد. قدرين
فاطمة: خسارة كنت اشتي اتعرف عليهن
ميس بغمزة: ان شاء الله بعرسكن
كوثر بضحكه: ان شاءالله
فاطمة: اضاء الحيااااء
ميس: ههههههه
كوثر: الجلسه معاكن تدي الضيق.. اخطى اجنن خلود شوية هههه...!!!
لف له اوس وبحده متناسي انه اللواء:اذا ما عرفتوا تربوا ولدكم هذا فعادي بفضي نفسي واجي اربيه لكم في اليوم عشر دقاااايق
جواد بحده:تربي من يا كلبببب
فز له اوي يضربه ومسكه حمزة بسرعه واوي يتكلم:شكل الدرس حق قبل شوية ما قد فاد بالغرض
سياف بصدمةة:اووووس هذا انت.
اوس:ايوة انااااا..وكلم ابن اخوككك ان اي احد يتطاول على قيس اقص له لسانه..هذه المره عتمررها له مره ثانية لا تلومني بلي عتسويه.. فلتهم وخطي من بينهم بكل هيبة مطنش لهم كلهم.. وقف بنص الطريق ولف ورجع لاعند ليث وحضنه وهو يتكلم: الله معاك وتوصل بالسلامة لا تطول علينا يا غالي... فك له ولف خطي قبل يسمع رده.. طلع سيارته وشخط بها بقوة وهو يلف ويخطى مبتعد عنهم
لف ليث لجواد وبقهر: الله يسود وجهك دامك سودته وجيهنا مع العقيد الله يخزيككك يا تافه
حمزة: عترجع تنتكس على راسك وبيننا
جواد بتمرد: ااااص انت وهو لو فيكم خيير كنتوا فكيتوه عني مش تبسروه يضربني ومقعيين لابيننا
ليث؛ لانك تستاهل
وقف جواد وبصراخ: انا استااااهل.. لييش او كلامي غلط.. ايوةة هم مش من مستوانا واخوه التافه هذك ما يناسبنا ولا يشرفنا نتكلم معه و....
قاطعه سياف لومت ضربه كف من قوته لف وجهه للجهه الثانية وبحده: ولا كلمةةةةة زياااااادة...
ِ
تـــــوأم أغـــــراب 2
البارت 141
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
بعد. مرور إسبوع...!!!
ميـس...!!!
بسرت صقر نازل من الدرج بسرعه وصيحت: صقررر رييييع اصتبح
لف بها وبقهر: لو شي شوية اهتمام انش قمتي تسويه لي من قبل مش لوما قدنا عتخطى
ميس: انا اسفةةة راحت علياا نومه والله العظيم مش بقصد..
صقر بتنهيده؛ خلاص عتصتبح في المستشفى
ميس: لاااا ريع وانا ما يفعلوا بي هانا... ثواني اتم اسبر لك السندوتش.. لفته بسرعةة وخطيت مكنته: هاه اكله هانا بسرعه
شله من يدها وتكلم ببسمه: أكل وانا بين اسوق لاني متأخر والله ماعدبش وقت
ميس: سابر المهم تأكله تمام
صقر: من عيوني.. مادري لش معي
ميس بسرعه: غزززل البنات
صقر بحب: هههههههه ابشري وتدللي
ميس ببسمه: خلاك لي..
ام صقر من خلفهم: دامكم عتجلسوا تتغزلوا هكذا الدوام عيقرح عليككك
ضحكوا الاثنين وخطي صقر بسرعه وهو يتكلم: خاااااطرككم..!!!
.
.
في الجامعة..!!!
بسره جالس في ساحة الجامعه وخطي لاعنده وهو يتكلم: واخيرا لقيتككك مهندس قيس
رفع نظره وببسمه: ياحيا بالحمزة خير ليش بتدورني
جلس جنبه وهو يرد: مش لشي مهم بس لي فترة ماعاد بسرتك
قيس: فقدتني يعني
حمزة: هههههههه واثق من نفسككك
قيس: اكيد هههههه
حمزة؛ كيف ايامك والجامعه معاك
قيس: ماشي الحال الحمدلله
حمزة: الحمدلله....بسر جواد اللي جايي لاعندهم وبسره بترقب ما عيقول..وغمض عيونه بقهر اول ما وصل وتكلم:ليش جالس مع هذا اللي مش من مستوانا
قيس بقرف:فعلآ أنت مش من مستوايا لانك بالقاع وبين التراب..اما انا ما يوصلك لي وانا بسابع سماء
جواد بقهر:ومن انت عشان تقول لي هكذا
وقف قيس قدامه وبان له طوله لان جواد اقصر منه وبثقة وحده في نظراته:انا قيس وحط تحت اسمي الف خط احمر...يا ذكي..
حمزة:شباب اهدأوا مش وقت للصياح الان
جواد: مستغرب منك انت ليش مساير لهذه الاشكال
قيس جمع قبضة يده وسعي يضرب جواد بوكس اللي خاف ورجع للخلف بس حمزة فز ودخل بينهم ومسك قيس بسرعه وهو يتكلم:قيس لا تتهور انتوا بجامعه
قيس بحده:بختي بالهبل والمجانين والصعاليك وين ما سرت ووين ما جيييت...مدري ما فعلت في حياااتي عشان يبليني الله والتقي بهذه الاشكال...فلتهه ولف خطي من عندهم..
جواد بقهر من كلامه:سمعت ما قال عليااا
حمزة رفع يده قدامه وبتهديد:واقسم بالله لو عاد تنعاد هذه الحركات اللي بتفعلها والكلام وتحقيرك للناس ان الخبر كله يوصل لاعند جدي وبعدها يربيك بنفسه فاااااااهم.... فلته وخطي بعد.قيس بسرعه يلفاه يعتذر منه..!!!
.
.
الساعة 5 العصر..!!!
وقف بسيارته قدام روضة الشهداء بعدما دور على قيس بكل مكان واتصل له ولا بيرد عليه وبيدعي الله يكون هانا... ترجل من سيارتة وتقدم بخطواته لا داخل الروضة وبالتحديد لا ضريح عمار...
وقف اول مابسر قيس متممد جنب ضريح عمار على الارض ويد تحت راسه والثانيه على عيونه وملازمه وكتبه جنبه..
اخذ نفس وتكلم بهدوء: ما بتفعل هانا
قيس:.....
اوس: قيـس.. بين اكلمك ليش متممد في القاع هكذا شمس.. عليك... قيييس
قيس بخفوت وهوه وضعه: فاقــــــد له وربــــــي
جلس جنبه وبهدوء: ادعي له بالرحمة بكره تتلقوا في الجنة
قيس بغصة: كان الوحيد اللي فاهم لي.. والوحيد اللي متقبل لي بكل عيوبي وسيئاتي.. عمار ما كان صاحب يا اوس عمار كان اخي واعظم من الاخ.. لو تبسر ما كان يسوي لي وكيف كان يفعل معي..
اوس بحزن: قيس...
قاطعه بنفس الغصة: كلما ضقت وضبحت سرت له ويفهم عليا من نظره عيوني بدون ما اتكلم... مهما تكلمت عن عمار ما عتقدر اوفييه حقه...
اوس: ربي يرحمه ويجمعكم في الجنة..
قيس: قول لي ما حيلة اللي يشتاق يحضن شخص ميت
مسك يده وتكلم: حاسس انك زاعل وبقوة احد. غثاك في الجامعه كلمني
بعد يده من وجهه وعيونه ولف له براسه فقط وابتسم على جنب ومارد
اوس: قيس كلمني احد زعلك والله لا اخطى اكسر راسه
قيس بهدوء: مابش حاجة مهمة لاتهم.
اوس؛ والصدق ايش هوه..
قيس تنهد ووجه نظراته لافوق وبخفوت: احنا ليش خلقنا هكذا وليش وقعت حياتنا هكذا.
ليش به غني وبه فقير ليش ما وقعنا كلنا سوا...
حتئ بصلاه علئ النبي بخيلين 🥲
اذا الليله ما في روايه تصبحوا علئ خير 😕💔
صفاء وامه ب استغراب وصدمه: وما بتفعل هانكككك
اخذ نفس بقوة ووجه نظره لابوه منتظر ردة فعله وبهدوء: فسخـت خطـوبتي بـ هالهةة..
قيس بضحكة:الله كان عتنتف شعر راسش واااصل وابكيش يوميةة
ميس:هههه كنت عتحتمي ب اوس ويوريك العمل صح يا اوس
اوس:افااا اشتدي بس الا ادعسه لش يوميةة
الثلاثة:هههههههههههههه
لفوا كلهم على ظل فوقهم وبسروه سياف اللي تكلم ببسمه لهم:السلام عليكم...
سعاد: مابحد ادخل سيده بس.. دق عليهم الباب لو مم عيفتحوا لك..
اسرع بخطواته بقلق لاغرفة قيس ودق الباب وهو يتكلم: قييس ميييس افتحوا الباب انا اوووس..
ثواني وانفتح الباب شوية ودخل اوس بسرعه وهو يغلقه وراه وانصدم وهو يبسر الفوضى اللي معبيه الغرفة وميس جالسه قدام الطاقه اللي للشارع ومركيه بيدها اللي على خدها عليها ونظرها لا خارج.. وقيس رجع جلس بزاوية الغرفة وهو يلم ارجله لاصدره وينزل راسه على ارجله
تكلم بتوجس: خير ايش ابه مالكم
قيس وميس:......
اوس: اي حصل
قيس وميس:.....
اوس بصراخ هزهم الاثنين: قلتتتت اييييش به تحااااكووووا
ميس انفجرت بكاء وهي تغطي وجهها بيداتها وطرح طرف راسها على الطاقه.. وقيس دفن راسه بين ارجيله اكثر...
انصدم. اكثر وتقدم. من ميس وجلس على ركبه قدامها وبحنيه: مييس ياعيووني ايش به ما حصل
رمت نفسها لاحضنه ومازالت وببكاء: كسروووا قلبي يا اوووووس حرقوووه لي قهروووني
شد عليها وبحده: منهم. تحاااكي
ميس بغصة بكاء: ككككلهم كككككلهم.. حتىىى صقرررر اللي ظنيته غييير الكل طلعععع اخسسسس منهم اكررررره اكرررره واكرههم ككككلهم.. الله يحرررق قلوبهمممم كلهمممممم.. الله يكسررررهم في اغلااا ما يملكووا..بكت اكثر وهي تتمتم بدعاء من قلب محروق
اوس بقهر: طيييب ما حصل تحاااااكي حااااكيني تحااااكى يا قييييس...
رفع قيس راسه له وبعيون حمر وصوت حاد ممزوج بغصة: صقر المصون اللي ظنيناه رجال عايرها ب اهلها وانها بدون اصل وفصل ولا معاها نسب يشرفه ويشرف اهله.. هههههه بسرت كيف.. صقر اول واحد وبعده كم عنلاقي معايره صبركم بس ههههه
ميس انفجرت بكاء من جديد. بسبب كلام قيس واوس شد عليها بقوة وقهره وصل لابعد. مدى وكم تمنى لو صقر قدامه كان نتفه تنتيف صاح بقهر وحده: مااااا عااااش من ينزل دموعكككم او ينزل روووسكم للقاااااع ليييش زاعلين وبتبكوووا ليييييش...
قيس بنفس الصراخ وبصوت ملانه غصة بكاء: لأن هذه الحقيقةة.. احناا الثلاثة بلا اهل ولا نسب مجهولييين ما نعرف من احناااا.. ولا احد يتشررررف فيناااا.. ماحد يا اوووووس ماااااحد..
ِ
تـــــوأم أغـــــراب 2
البارت 125
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
ميس بقهر: مقهور لأني عرفت الحقيقة.. اصلآ اكبر دليل انك خطبتها من بين الكل بالرغم السمعة اللي طلعتها عليا وعليككك سرت خطبتها وبكل وقاحة
سحبها من. يدها وخطاها معه للسيارة فتح الباب لها وهي طلعت ولفت للزجاج بدعممه له
ركب مكان السواق ولف لها وبعصبية: ذلحيييين انتي مصدقةةة لنفسش انتي وافكااارش التافهه هذه
ميس بدون ما تلف له: هذه الحقيقية مش افكااار يا نظرررر
ضرب الدركسون بيده وبصراخ: اصلآ اناااا الغبي اللي حبييييت واحده تافهه مثلش انانيةةة ووقحة وحسوده حقوووودة ومل الصفات الشينةة فيهااااا على ايييش حبيتش مش انااااا عاااارف
فتحت عيونها بقهر من كلامه وردت: ماحد. ضربككك على يداتك وقال لككك حبني واذا انت ناااادم. على حبكككك لي طلقني وارتااااح وسير للي بتحبهاااا هاله الجن حقكككك اللي هي مناسبةة لكككك اما اناااا مش من مستواكككم فااااهم
شغل السيارة وشخط بها بقوة ولف وخطي
ميس: هههههه ماعاد قدرت ترد لأنها الحقيقة صح مااابش معاك جوااااب
لف لها وبصراخ: انتي ليييش اخلااااقش زفت هكذااااا بإيش قصرر عمي محمد معش لوما طلعتي قليلة أدب هكذااااا
ميس بعصبية: ما تذكر تربية ابي لي فاااهم ابي رباني افضل تربيةةة..
ضحك بسخرية ولف لها ورجع للطريق وهو يتكلم بحده: وهذا لو عاده ابوش.. شايفة نفسش على ايييش نفسي ادرررى حتى بعدما دريتي بالحقيقة وانش بلا اهل ولا نسب تتشرفي به جالسه هذككك الزناطة والمغرورة وككككله على الفااااضي
فتحت عيونها بقوة وهي تثبت نظراتها عليه ودقات قلبها ازدادت من كلامه اللي جرحها في الصميم.. غمضت عيونها بقوة ولفت للزجاج وهي تبتسم بسخرية وتهمس لنفسها: هذا اللي كنتي تهربي منه ياميس وخايفة هذا هو اليوم تحقق قده يعايرش من الآن ههههه..
لف لها صقر بنظره خاطفه متندم على كلامة اللي قاله في لحظة غضب.. بسر سكونها التام وعدم. ردها. وهو مش متعود من ميس الا ترد الكلمة بعشر.. عض طرف شفته بقوة وركز بالطريق ويداته يشدين على الدركسون بقوة...
وقف قدام بيت كريم.. وميس فتحت الباب بسرع وبسرته مغلق وبدون ما تلف لصقر: افتح الباب
صقر بتنهيده: ميس لحظة انا..
ميس بحده ممزوجه بغصة: صقرررر افتتتتتح الباب
صقر: ما كان قصدي والله انتي خرجتيني عن طوري وانا....
قاطعته بصراخ وهي تدق الزجاج: قلت افتتتتتح البااااااب يا صقرررر
مسكها من يدها لفها له وبتبرير: صدقيني انا
نفضت يدها من يده بقوة وبصراخ ودموعها نزلين: هذااا اللي كنت خااايفة منه يا صقرررر انكككك تعايرني بنسبي واصلي هذااا اللي خلااااني افضل الانفصال عنكككك هذا اللي خلاني افلت القرية اللي عشت فيها كل حياتي واعيش هاناااا.. هذااا اللي خلاني اطلب الطلاق منكككك.. لانني عارفةة انككك بيوم من الايااااام عتعايرني باهلي يا صقرررر كنت عارفةةةةة كنت عاااارفةة وهذا انا وصلت للي توقعته اليووووم قدك تعاااايرني يا صفر وكأن الأمر بيدي انااااا... شهقت بقوة وببكاء: هذا انت وانت تحبني على قولتككك فكيف باللي يكرهوني وما يطيقوووني.. انت عايرتني وهم ما عيقولوا ما عيقولوا تكككككلمم..
صقر بندم العالم كله وبرجاء:ساعة غضب ما كان قصدي والله..
قاطعته ولفت للباب ودقت الزجاج بقوة وهي تصيح ببكاء: ولا كككلمةةة ولا كلمةةةة وافتح الباب لا اكسرة.. سير اتزوج هاله اللي تشرفك بنسبهااا.. مش انا اللقيطة افتتتتح يا صقررر افتتتتتح...
فتح الباب وهي نزلت بسرعه وحمله لابيت كؤيم دقت الباب بقوة وهي تبكي وصقر مثبت نظراته عليهااا وشعورة ما يقدر يوصفه بهذه اللحظه كمية قهر وندم وحسرة حس الأن أنه خسر ميس وللأبد بكلامه معاهااا.. تحرك بالسيارة بكل قوة وهو يلف بها اول ما انفتح الباب ودخلت ميس للبيت..!!!
.
.
ميـس..!!!
تعدت البنات كلهن وعلى طول لاغرفةة قيييس ودخلت وقفلت الباب بعدت غطاها والعباية وارتمت على فراش قيس وانفجرت بكاء وهي تدفن وجهها بالمخده وتهمس بغصة: كنت خاايفة من هذا اليوم يجي.. اليوم اللي يعايرني فيه صقر بنسبي.. وهذا هو جااااء... اااااه يا وجع قلبي وكسرته.. الله ينتقم منكم كلكم.. الله ينتقمكم كلكم..... الله يسامحش يمةة.. وينككك يا ابااااه ووووييييينككككم ليتتتتك موووجود ما كان حصل اللي حصل.. الله يحرررق قلوبكم سعما انحرررق قلبي يااااارب.....!!!!
.
صقر: هم مشغولين قلتي ومدري ايحين يفضوا تجهزي انا جايي لش.. غلق الخط بدون ما يسمع ردها.. وميس ماعرفت تعاند وما تسير معه او تسير وخلاص لأن قدها ضابحه من الجبس قوي..!!!
.
.
في الجامعةة..!!!
همس قيس لأوس بقهر: ومن قال لككك انني اشتي ادرس ادارة اعمال
اوس: حلم طفولتك لا تعاند
قيس تنهد ومارد عليه
اوس: طيب يا دكتور يعني غير الا يشل ملخصات للدروس اللي قد. اخذوها وما بحدوه ويبدأ دوام
الدكتور: ايوة. عشانك بس ياعقيد اوس سجلته الان ولا ماعاد كان يسبر
اوس: الله يحفظك عارف لك ما تقصر
الدكتور: تعالوا معي بوديكم للقاعة وتكلم مع المهندس واعرفه على قيس... هههه عساه يقدر يفرق بينكم لانكم نسخة ماشاءالله
ابتسم له اوس ومسك قيس المكشر من. يده وخطيوا ورا الدكتور..!!!
قيس بعزم: اول ما اتباخر عتبسر لي عمل واساعدك في ايجار الشقة والمصروف
اوس: ومن طلب منك تشتغل انت
قيس: ماحد ضروري اشتغل واصرف على نفسي
اوس: وانا وين سرت
قيس بحده؛ بسرتني جاااهل قدامكككك عشان تصرف عليااااا....
كوثر: ههههه لوما تتعلمي كيف تتكلمي معي
ميس: والله ماراحت لش خليني اتباخر بس محسوبات كلهن
كوثر: هههههههههههههه
بارتـات يومنـا قراءه ممتعه 👆🏻😍
وزدت لكم البارت تفاعلوا 😍❤
ِ
تـــــوأم أغـــــراب 2
البارت 119
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
نفس الوقت بيـت سياف..!!!
فتحت باب الغرفة وهي تدخل بسرعه وتتكلم: منااار بسرعةة قومي قوووومي
فزت منار وهي تغلق اللاب وتتكلم: ايش، به يا بتول مالش..
بتول: اخوالي هانا
فزت بصدمه وهي تنزل من السرير وبصوت رافع: ايييش واخواااالي ما بيفعلوا هانااااا
بتول بقهر: اكيد انه لنفس الموضوع حقش
منار بحده: واحنا عنجلس نلغج اوووو اييييش هذولا ما يفهمووووا
بتول: مدري ماعد ظهر لي والله
منار خطيت تخرج وهي تتكلم: هذولااا كيف يفهمهم وااااحد
لحقتها بتول وهي تتكلم: اييش عتفعلي يا مجنونه
منار وهي تنزل الدرج: اخطى اكلمهم بنفسي وافهمهم اذا ما فهموا من قبل
بتول بسرعة: جـدي موجود معاهم
تجمدت مكانها ولفت لها بصدمه وبهمس: جدي معاهم
بتول بخفوت: ايوة جاء قبلهم مع اعمامي وبعدين اخوالي.
جلست على الدرج بتعب وببكاء: مادام وجدي دخل بالموضوع خلااااص رحت يا بتول والله ماعاد لي كلمةةة والله لا يزوجني ب ابن خالي غصب ويسحبني على شعر راسي بدون ما يقول لي كلمة
جلست بتول جنبها وتكلمت: اكيد ابي ما عيرضى
ضحكت بسخرية وردت: ههههه ضحكتيني على اساس ابي يقدر يعصي كلمة جدي او يقول كلمة على كلمته. اااص اهجعي جدي داعس للصغير والكبير وكلمته هي اللي تمشي
بتول بهمس: صادقة ومن اللي يصدى يقول كلمه فوق كلمة جدي.
منار بسخرية: كلمي البنات يجهزين لهن فساتين لخطوبتي هههههههه . قامت وطلعت الدرج متجه لاغرفتها..!!!
.
بعد عدة إيام..!!!
بيت كريم..!!!
دخل للبيت و اوس ماسك له وبيخطيه معه وميس خلفهم
سعاد بترحيب: ياحيا الله من جاااء اهلا وسهلا
اوس؛ المرحب باقي الله يحييش يا خاله
نبيلة: تعالوا تعالوا لاغرفته قد. جهزناها.
قيس بألم: اخطى دلا دلا
اوس: حاضر
ميس بتوزع نظراتها بفضول للبيت اللي عاش فيه قيس طفولته وشبابه ودخلت بعدهم للغرفة
تمدد على الفراش بمساعدة اوس اللي تكلم: لو طعتني وخطيت الشقة افضل من هانا
قيس بوجع: لا هانا افضل عشان امي ما سمعت كيف حلفت ما اجي الا عندها
اوس: خير
ميس وهي تجلس جنبهم: هذه غرفتك
قيس ببسمه: ايوة غرفتي.. بسرتي كيف..
ميس: هههههه يعني ماحد عاش مرتاح مننا ومريش الا الأوس
قيس: بالضبط
اوس: هههههه الناس حظوظ هههههه
دخلت سعاد ومعاها عصير طازج وهي تتكلم: حيا بكم
ميس و اوس: الله يبقيكم ياخاله
وزعت لهم العصير وهي تتكلم: غداكم عندنا لاحد يروح
اوس بعدما شرب من القلص: اعذريني ياخاله انا خاطي للمركز ما عتقدر غير مره ان شاءالله
سعاد بسرت ميس وقبل تتكلم تكلمت ميس: من دون ما تعزميني انا جالسه هانا عند قيس اخي اكيد
سعاد: ههههههه حيابش فوق عيني وراسي
ميس ببسمه: ياسين علييش
اوس بهمس: قلة حياا قومي رووحي معي
ميس: مادخلكك ما عتفعلت اخي وهو تاعب هكذا
قيس: انفداااء لاختي بس ههههههه
ميس بزنط: يالله وانت روح اجلس في الشقة وحدككك
اوس: خخخخخ عتروح بيتنا عند امي واختي الثانية
ميس بقهر: ماالت..
اوس وقيس وسعاد: ههههههههههههه
.
.
عند منار..!!!
في الجامعة..!!!
جلست جنبهافي الاستراحه وهي تتكلم: مالجدتش مبرطمه هكذا اووووف
منار بهدوء: مرام لا تكسري راسي انقلعي
مرام: الله الله شكل الاخلاق قافلة من صدق
منار:........
مرام: مافيه ابن خالش والله انه رجال
منار: تزوجي به انتي
مرام ب ارتباك: هاه.. ههههه للأسف جاء لش انتي
لفت لها منار وضحكت بسخرية وهي تكلم: وانتي جالسه مصدقه لعلقش انا ماهر يحبش ههههههه يا بنت اصحي الولد لعاب واكيد بيضحك علييش
مرام بثقة: لا ما اعتقد وبعدين في ايش لعاب.. مابين اراسله ولا بين احاكيه ماغير اخته بتجي تكلمني انه يحبني ويشتي والولد محترم ما طلب رقمي وحتى لو طلب مستكيل اديه له
منار: هو هذا الضرر انه ما طلب رقمش.. الولد حافي منتف وحبه لش واضح انه عشان ثروتش اللي عتورثيها من ابوش مش لله حبه مصلحه يا مرام
مرام: اخته حلفت لي انه يحبني من صدق وقد انتي بتبسري نظراته لي بعدين يكفي انه ماقد. كلمني ولا بحرف ولاحد تجرأ وهذا يؤكد انه محترم وابن ناس وغرضة شريف
منار: نصيحة من اخت لـ اخت لاتحلمي قوي معش جدي حسـن ههههههههه
مرام: ماله جدي
منار بسخرية: طيوب قوي وحبوب عتخطي تقولي له ياجد وافق انا بين احبه وهو محترم ولو هم على قد حالهم ويحضنش ويقول لش ابشري ياعين جدش المهم رضاااش... هههههه قسم بالله غير الا يهفش ملطام لوما يكسر اسنانش
مرام: ماعليش شي وبعدين ويحين ماهر فقير لاهذك الحد مالهم شي حالهم متوسط.. واءا ما تدخل احد من عيال عمي او اخوالي ما عيتكلم جدي
منار: خير انتي اخبر انا خايفة تنكسري بعدين
مرام: على الله ما يقع شيء بإذن الله...!!!!