-
للصداقه💛عنوان💜 - قناه عبارھ عن ↯ ❶ ‹ - عبارآٺ⚚ ❷‹ - خلفيآٺ▽ ❸ ‹ - ڣيډيۅهاℓت🎥 ❹ ‹ - رمزييَاٺム ❺↜نكت 😂 ❻⇇اشعار 🤗 ❼⇦اغاني 🎼 ❽↤صور 📸 مكاوشة الخرفان 👌 للانضمام في قناتي بالتلجرام
ِ
تـــــوأم أغـــــراب 2
البارت127
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
بعد ساعة من البكاء والسكون التام والإنهيار
تكلم اوس بهدوء: قوموا معي هياااا
ميس بخفوت: وين
اوس: قومي البسي العباية واتجهزي وبقول لش هيااا
قامت ميس ب انصياع ولبست البالطو وتبرقعت وشبت شنطتها وهي تتكلم: جاهزة
اوس وقف وخطي مد يده لقيس اللي ساكن. بمكانه:هيااااا
بسره بهدوء ومسك يده و اوس سحبه وقومه معه وخطي فتح الغرفة وخرجوا الثلاثة منها ومن البيت بكبره.!!!
.
.
وقف قدام مطعم وتكلمت ميس: ما كان به داعي والله مابه نفس لحاجة
اوس: ااااص انزلوا سكته هياااا
نزلوا الثلاثة ودخلوا للمطعم.. جلسوا على طاولة وتكلم اوس: ما تشتوا
قيس بهمس: سم الهااااري
ميس: ياليييت
اوس بحده: من الهباله انت وهي وما تشتوا
قيس: اي شي نتسمم به عادي ما تفرق
بسره اوس بحده لكلامه واشر للنادل يجي وكلمه بطلبهم اللي يشتوا..!!!
.
.
بعدما خلصوا غداء..
خطيوا بالسيارة وتكلم اوس؛ هاه وين ودكم نسير
ميس: البيت
قيس بغموض: للمستشفى
اوس بقلق: ليش فيككك حاجةة
هز راسه بمعنى ايوة و اوس تحرك على طول للمستشفى...
وبعد دقايق وقف قدامها وفتح قيس الباب ونزل بدون كلام
اوس فتح الباب ونزل بعده وهو يكلم ميس: قفلي السيارة وريعر لوما نرجع خطي بدون ما ينتظر ردها وهو عارف بلي في بال قيس وليش جاء للمستشفى.. دخل بسرعه وبسر قيس طالع الدرج بسرعه داعاه بصوت عالي وهو يسعى وراه؛ قييييس رييييع....
.
.
سأل عن صقر وينه وخطي اول ما بسره خاطي في الطارود. مع دكتور وعلى طول ضربةة بووكس على وجهه
صقر انصدم وقبل ما يستوعب من ضربه ولأجل ايش مسكه قيس من صدره ورصه للجدار وتكلم بحده: ما عاش ولاقد. خلقته امه اللي عيعاير اختي بحااااجةة وراسي يشم الهوااااء.
صقر بتفهم وهو يحاوة يفكه: قيس لحظة اسمعني انا...
قاطعه بحده وهو يضربه بجبينه على جبينه: ولا كلمةةةة يا نذل ياحقييير كنت احسبككك رجاااال طلعت نذل وتافه
اوس وهو يسعى لاعندهم وبصوت عالي: قييييس صقررررر
صقر بحده وهو يحس بوجع من الضربة: كانت ساعة غضب مش بقصدي.. افهم
اوس سحب قيس من صقر وفك بينهم وهو يتكلم بحده:مشاكلكم حلوهااا بينكم مش هانا وقدام النااااس استحوا على انفسكككم عييييب
قيس بسخرية:ليش وهذا يعرررف العييب
صقر:قييييس احترررم نفسكككك
فك نفسه من اوس وسعي يضربه بس صقر مسك يداته بسرعه وانبطحوا الاثنين للقاع
قيس همس بحده :اختتتتي تطلقها ولا اقسم بالله لايقع اللي ماقد.تخيلته
صقر بصراخ:في احلاااامك والله لو على قطع راسي
دفه قيس منه وبتهديد:معاك.مهله اسبوع بس يا غراب مدري حمامه ولا الوجه من الوجه ابييض
صقر وهو يوقف وبحده:تمام بيننا يا قيس
اوس بصراخ:يقلع هذه الوجيه لميتوا الناااس عليناااا اخطوا يلاااااه... مسك قيس من يده وكلم صقر؛لنا كلام بوقت ثاني يا صقر الان مش وقته...واختي غاليه وغاليه قوي ووراها رجال يسووا الف قبيلة..ما نسمح لاحد.يدوس لها على طرف.ولو كان غالي..سحب قيس معه وخطيوا وصقر واقف ونظره لهم والامور تعقدت اكثر واكثر ...
.
.
فتح اوس باب السيارة وبحده لقيس:اطلعععع هياااا
طلع قيس بقهر وطبق الباب بقوة ولف له اوس اللي طلع مكان السواق وبقهر:رجال الان ماشاءالله..عملت عين الصواب
قيس ب انفعال:عاد.كان بادعس ابوووه دعس لكن انت تدخلت
اوس:الله الله هكذا قدك رجال يعني بالمضرابة
قيس بصراخ:غصبآ عن انفككككك والله لو معي مسدس انني فضيته في راسه النذل التافه
ميس بشك:من هو ايش وووقع مالكم
اوس تحرك بالسيارة وهو يرد عليها:ماحد لاتهمي
ميس؛تضاربتوا مع صقر صح
قيس:عاااد كنت عتقتل ابوه بس هذا الحمار جاء سحبني
اوس: ايوة تقتله ووين عتسير
قيس: جهنم الحمار المهم ابرد قلبي واشفي غليلي بحق الدموووع اللي نزلهن من عيوون ميييس
ميس بحماس: كيييف فحرته بردت قلبك وقلبي
قيس ببسمه: تقدري تقولي هكذا
ميس؛ اناااافداااء للفزعةة فديت يداتكك
اوس بقهر: فاااارحة وانتي عجبش
ميس: هههههه برد قلبي فيه..
قيس؛في الخدمة..ذلحين انت وين عتودينا
اوس بقهر:بستين داهيةة
ميس:ههههه قد احنا فيها ماعاد باقي..وين عتودينا صدق
اخذ نفس وبهدوء:للمقبرة نزور قبر امي
.
.
جلسوا الثلاثة حول القبر والصمت يعمهم..!!!
قطعته ميس بكلامها:تخيلوا لوما رجمتنا امي وعشان كلنا مع بعض كيف عتكون حياتنا
قيس بحنين:كان عنجلس نتضارب يوميةة
اوس بضحكه:وانا افحرك واصل
ميس:وانا الدلوعه حقكم
قيس:وانا المسيطر وكل حاجة تجزع بقولي
اوس:لو شي كان انا ادعسكم واجزعقولي عليكم الاثنين وما تصدوا تفعلوا حاجةة
ميس:كانت عتسير اشتيككم الاثنين لاعند ابي ويضربكم لأني بنت وحبوبة ما عيسخى عليااا
ِ
تـــــوأم أغـــــراب 2
البارت 126
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
.
ظهر
قيـس..!!!
دخل للبيت بتعب وبيده كوته رافع له على كتفه وفز على صوت كوثر: قيس جييت
قيس بسخرية؛ لا عادنا هناككك
كوثر: فاضي تزبج
قيس: لأن سؤالش باايخ سااعش
كوثر بجدية: تمام اسمع. ميس من لما روحت مع صقر وهي بغرفتك مغلقه على نفسها وبتبكي وما رضيت تفتح لنا مدري مالها منهارة قووي
تعداها بسرعه لاغرفته وهو يتكلم بقلق: لييش مالها احد زعلها منكن او شي
كوثر وهي تخطى بعده: بين اقول جت من خارج بتبكي.. حاول معاها لو هي عتفتح لك الباب انا عتخطى معاهن للمطبخ...
وقف قدام غرفته ودق الباب وبهدوء: ميس.... ميييس يا عيووني.. افتحي البااااب ميييس.. مي...
انقطع كلامه اول ما انفتح الباب وارتمت ميس لاصدره منفجرة بكاء بشكل يفجع.. لمها بسرعه ودخلها معه للغرفه وغلق الباب وهو يتكلم بقلق: ميس مالش ليش بتبكي ايييش حصل
ميس مستمره تبكي بدون رد
ارتزح للجدار ومازال حاضن لها وبرجاء: مييس ياعيون اخوش حاكيني احد زعلش ليش هذا البكاء ككككله
ميس بصوت متقطع: صقــــــر
قيس ب استغراب: ماله صقر.. وبقلق.. وقع فيه حاجةة تكلمي
ميس بغصة؛ عاااايرنيييي
قيس: بإييش عااايرششش
ميس بشهاق: بنسبي واصلي وفصلي عااايرني انني بلا اهل وقال ابي محمد مشش ابببيييي.. بكت من جديد وهي تدفن وجهها بصدر قيس اللي تجمدت يده على راسها اللي كان بيمسحه وهمس بعدم. تصديق: عايرش بنسبش
هزت راسها بدون كلام
غمض عيونه بقوةة وقلبه محروق من صوت بكاها وهو مصدوم من صقر اللي ولا توقع واحد بالميه انه يفعل هكذااا ويكلم مع ميس بهذه الطريقةة..
همس بقهر: خسئ اللي يعاير ويتكلم في عرضنا احنا عيال نااس حتى لو ما نعرف منن
قاطعته ميس ب إنهيار: الله ينتقم منهم الله لا يسامحهم الله لايسامح لا ابي ولا امي اكرهمممم يا قييييس اكككككررررهممممم
قيس بوجع: ميس ما يسبرش
ميس بصراخ وهي تفك له: ليييش يفلتوناااا ليييييش ليييييش... يسووا بناااااء.. ليش يجيبونا على الدنياء دامهم مش قاااادرييين يربوناااا
قيس ماعرف ما يرد وكل كلامها صح
ميس بجنون وهي تشل حاجيات قيس اللي في الغرفة وتراجمهن وتبكي وتسب امها وابوها وصقر وهاله وهنادي وكل اللي تعرفهم وشكلها يقطع القلب..
بسرت حالتها ساءت وخطي مسكها من اكتافها ولفها له وبحده: ميييس خلاااااص
ميس وهي تحاول تفك نفسها منه: فككككك لييييي.. خليني...لاتلمسني..اشتي اقتتتل نفسسسييي....صقررر اللي قالوا يموت فيني عااايرني..والله يا وجعي يوم اكتشفت الحقيقة وفضحتني هاله وامها بين النسوان ما يسوى وجع اليوووم وربي ما يسواااه يا قيييس..ما يسوووااه..
رفع يده وضربها كف وهزها بقوة وعيونه بدموعه: مييييس ببببسسس خلاااااص ارحمييي نفسسش وارحمييييني..
سكتت وبسرته بعيون ملان دموع وملامح ذابله وهمست بوجع بان في صوتها: الله لا يسامحهم كلهم الله لا يسامحهم يا قيس كسروا قلبي وحرقوه.. الله ينتقم منهم.. الله ينتقم منهم
شدها لاحضنه وب انهيار: الله يكككسر قلوبهمم سعما كسرووا قلببببش وقلبي وقلب اوس.. الله يكسرهم ب اغلى ما يملكوا
انفجرت بكاء وهي تغطي وجهها بكتفه وبهمس:يا وجعش ياميييس يا وجع قلبش...!!!!
.
.
الأوس...!!!
زفر بضيق وهو يخلل يداته بين شعره ولف لسؤال حسين: مالك من اول ضابح وضايق ايش فيككك
اوس: مددررري ضااابح بين احس ب اختناااق.. وقف وشل تلفونه معه وهو يتكلم: عتخرج اشم هواء هانا قريب اختنقت... فلته وخرج من المكتب. وخطي لاحوش المركز..
ارتزح لاعرض سيارة وهو يتصل لارقم قيس بدون رد وميس نفس للشي.. تنهد بقوة ورفع راسه لافوق وبهمس: يا ضيقااااه.. فز على صوت اللواء اللي تكلم: سلامات من ايش الضيق ياعقيد
ضرب له التحية ب احترام: اهلآ احترامي
سياف: استريح وتكلم مالك
اوس بتنهيده: مدري والله حاسس بضيق واخوتي ما بيجابوا على تلفوناتهم قلق عليهم شويةة
سياف: خير ان شاءالله مابه شي
اوس: ان شاءالله خير
سياف: تشتي تروح تبسرهم وتطمن
اوس بفزه: اقدر
سياف ببسمه: عادي بس لا تتأخر
اوس بفرحة: اكيد تسلم ماقصرت
سياف ببسمه لفرحته: وارجع طمني لوما تجي لاني قلقت عليهم ساعك
اوس: ههههه ابشر..!!!
.
.
وقف بسيارته قدام بيت كريم ومازال يتصل لقيس وميس اللي ما بيردوا.. تنهد ونزل من السيارة وخطي دق الباب ثواني ووصله صوت خديجة: من
اوس: انا اوس قيس وميس موجودين
خديجة: ايوة لحظة بس..
ثواني وانفتح الباب وبسر سعاد اللي باين عليها القلق وتكلم: السلام عليكم
سعاد: وعليمم السلام عيس حين جيت
اوس بتوتر: ليش ليش به ووين اخوتي
سعاد: مابه الا كل خير ادخل واذا هم في غرفة قيس
اوس دخل وهو يتكلم: الله الله
ِ
تـــــوأم أغـــــراب 2
البارت 124
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
ميس..!!!
خرجت من البيت اول ما رن لها صقر وقد سوت رساله لاوس وسمح لها تخطى معه.. بسرته فوق السيارة واتجهت له فتحت الباب وطلعت وهي تتكلم: سلام
صقر: وعليكم السلام
ميس: ما كان به داعي تجي كان عيوديني واحد من اخوتي
صقر وهو يتحرك بالسيارة: اخوتش مشغولين وبعدين انا اللي ملزوم منش مش هم
ميس سكتت وما علقت وصقر واصل سواقته بهدوء بينهم الاثنين..!!!
.
.
قيس& أوس
جلسوا ب المقاعد اللي في ساحة الجامعه
قيس: ارتحت الأن
اوس: قوووي الحمدلله من غدوة تدوام
قيس: طيب والعمل اللي اتفقت مع سند. عشانه
اوس بحده: عنجلس نلغج او ايش العمل انساه بين اقول ذلحين ادرس وأمن مستقبلككك فاااهم
قيس: وانا قلت مشتيش ادرس وانت مش ملزوم فيني تصررف علياااا
اوس؛ الا ملزووووم وعلى لعفي انت اخي فاااهم
قيس: بنفسك قلتهااا اخوككك مش ولدك
اوس من بين اسنانه: كلامي ما اكرره وذلحين قوم نخطى معي عمل
وقف قيس وخطي وراه وهو مقهور ويشاي يتشغل ويعتمد على نفسه مش يجلس اوس يصرف عليه.. كان سرحان وماشي بدون انتباه للي حوله لوما حس بحاجة دقت عرضة لوما وجعت صدره وصوت بنت: اعمىىى ما بتستضي انت
قيس بيبسرها ببلاه مش مستوعب
اوس بحده: انتي اللي خاطية بتسعي ومش منتبه وعاد الفلسفه لش
ردت بقهر وهي تلم ملازمه: وهو ينتبه خاطي مدري وين حسه وعاده يرادد
قيس بسخرية: مال الومش لوما استضيتي وابسرتي سوا كله عمل العدسات اللي بعيونش ساع الصيااااد.. جايه عرس ولا تدرسي لاحول ولا قوة
شهقت بقوة وبقهر: وما دخلككك انت احد أخذ رأيك
قيس: انا اقول رأيي ايحين ما حبيت واللي ساعش تجي تعرض اكيد. عتحصل كلام
اوس: اخطى هيا ماعلينا كل واحد حر نفسه
بسرته بقهر وقبل ترد لفت لصوت مرام اللي وقفت جنبها وهي تتكلم: بتول خير مابه
قيس: مابه شي بس كلمي اختش مدري صاحبتش اذا نظرها ضعيف ماعاد به داعي للعدسات هي بتجي تدرس مش تتفرط لاحول ولاقوة
لف وحطي و اوس معه
بتول بقهر: هذا التافه الحقير والله لا اقول لابي
مرام: وابوش ايش عيفعل هيا اخطي للهباله
بتول؛ ناسيييه ان ابي لواااء او ايش
مرام: واذا ابوش لواء خلااص الناس عندكم عبيد. او اييش
بتول: ابسري ما قال انا ساع الصياد
مرام: على هولا العيوون هو صاادق كل يوم وانتي بعدسات لون يا بنت مضرة على عيوونش افهمي
بتول: اوووف ما دراش انتي بالموضه والتطور
مرام؛ الا عارفة واكثر منش بس هانا جامعه للدراسة مش للعرض وهيا اخطي تأخرنا على المحاضرة
خطيين الثنتين وسألت بتول: وين ماريا
مرام: خطيت مع منار للمحاضرة حقهن. هيا اسرعي والله ان قد تأخرنا صدق..!!!
.
.
طلعوا فوق السيارة وتحرك اوس بها وهو يضحك بخفوت
قيس بنص: ما بيضحك ذلحين
اوس: ههههه ما دريت وين تخرج ضبحك رجعت فوق هذه المسكينة فجعتهااا
قيس: الا سكينةة بسرت على عدسات وكحل يييخ بنات فارغات
اوس: ادري انه غلط بس ما دخلك
قيس: انا هكذا ما اجامل اي حاجة ابسرها غلط اقول غلط ما اسكتش
اوس: هكذا عتتعب وعادك قدام على مشوار طويل
قيس: انت ارتاح بس ما عليك مني..!!!
.
.
ميـس..!!!
واقفه في ساحة المستشفى بعدما شالوا منها الجبس منتظرة لصقر اللي خطي للبوفية..
زفرت بضبح وهي ترفع راسها وبسرته جايي لاعندها بيده صبوح وهو لابس اللاب كوت الطبي
وقف قدامها ومد لها الصبوح متكلم: تفضلي
شلتهن من يده وبسؤال: ليش لابس هذا صح.. قدك موظف هانا
صقر ببسمه: ايوة
ميس: اهااا ماشاءالله.. طيب هيا روحني
صقر بمراوغة: بيتنا
بسرته ب استغراب
صقر غمز لها: القريةة
ميس بحده: وانا مالي وللقرية
صقر: افاااا واهلش وانا وصاحباتش ايش مالش ومال القرية
ميس: انت خلاص كل شي بيننا أنتهى ومن زمان.. القرية واهلي بزورهم كل فترة مادخلك انت..
صقر بقهر: والله
ميس: والله.. انت الا ذلحين جهز ورقة طلاقي واهتم بعرسك مع القمرية هاله اللي جننتك وخلتك تخطبها.. لحظة لحظة.. هههههه الان عرفت
صقر بترقب: ما عرفتي
ميس بسخرية: أنت وهاله وهنادي اللي طلعتوا هذك الخبر فيني
صقر قاطعها بحده: ميييس
ميس بنفس الحده: الا صدددق لا تنكر والدليل انك خطيت تخطبها.. ههههه لأنك تحبها ومخطط معاها من زماان الله الله والخطة البايخةة
مسك يدها وبهمس حاد: عدلي افكارش البايخة هذه احسن ما اعدلهن بطريقتي
ميس بقهر: مقهور لأني عرفت الحقيقة.. اصلآ اكبر دليل انك خطبتها من بين الكل بالرغم السمعة اللي طلعتها عليا وعليككك سرت خطبتها وبكل وقاحة..
ِ
تـــــوأم أغـــــراب 2
البارت 123
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
قيس بحده؛ بسرتني جاااهل قدامكككك عشان تصرف عليااااا
اوس: عن الكلام السخييف بهذه الووووقت
قيس: كلامي مش سخيف بين اتكلم جد انا عتشتغل بعدما اتباخر
اوس: ايوة ووين عتشتغل
قيس: ارض الله واسعه
اوس ببرود: انا قد تكلمت مع عميد الجامعه وسجلتك ولوما تتباخر عتخطى تدوام في الجامعه.. صح ان قد لهم شهر من لما بدأوا السنه بس تفاهمت معه
ميس: الله جامعه وحركاااات
قيس: ومن قال لكككك اني اشتي ادرس جامعه
اوس: اللي خلاك تدرس الثانوية سكته عن ابوك لايعرف وخلاك تتحمل العناء هذك كله. هو اللي كلمني ادرسك جامعةة
قيس: بطلت الشغل افضل
اوس بصراخ: قلتتتت عتدرس جامعةةة يعني عتدررررس انت بتفهممممم
قيس بنفس الصراخ: والجامعة تشتي ككككل حااااجةةةة وانا من وووووين لييييي
اوس بحده: واذا اخوكككك هاااه ما ملاااا عينكككك او ايييش هاااااه
قيس: انت مش ملزوم فيني فااااهم انا رجال واقدر اعتمد على نفسي
ميس: اهدأوا بس مالكم
مسكه اوس من صدره وبتهديد: دراسة وعتدرس وتخلص جامعه والشغل امحيه من بالككك فاااهم.. من الاسبوع الجايي عتدوام سوا تباخرت او مع
قيس بحده: انا الكبييير وكلامي هو اللي عيخطى هاناااا
فك له اوس وبضحكه كلها سخرية: من ضحك عليككك انت واثق من نفسك... وقف وهو يكمل كلامه: الكلام. عندك انا قد سبرت كل حاجة انت الاعليك تخطى تدوام وبس فاااهم ومالك دخل بحاجةة.
قيس بسره بقهر ومارد
ميس وهي توقف قدام اوس: وين عتسير اجلس تغداء معانا
اوس: شااابع تعالي ابسري لي طريييق
ميس بسرت قيس اللي مدعمم وخطيت مع اوس وهي مقهوره منهم الاثنين..!!!
.
.
العصر..!!!
في مجلس بيت كريم..!!!
نزل التلفون من اذنه وبسره وهو يتنهد بقهر و اوس مابيردش عليه وهو يشتيه يجي عنده لأن سند وعماد نبوا عليه مع تخو عماد الصغير انهم يعجوا عنده وقدهم وصالين.. فعل له رساله انه يجي لأن. عنده ناس وقفل التلفون وهو يلف للباب اللي دخل منه سند وخلفه عماد برجله الاصطناعيه واللي بدأ يتعود يمشي عليها...
تكلم مرحب: يالله انك تحيهم ارحبوووا
سند وعماد: بقيت الله يحييك.. سلموا عليه واتحمدوا له بالسلامة وجلسوا جنبه
سند: اخبارك كيف انت الان
قيس: الحمدلله
عماد: كيف لوما وقع هذا كله
قيس: رصاصة طايشة
بسروه بشك وقيس ضحك وهو يتكلم: قصة طويلةةة برجع احاكيكم بها بالوقت المناسب
سند: خير المهم انككك بخير..!!!
.
.
بعد إسبوع.!!!
يوم السبت..!!!
الساعة9/00
وقف بسيارته قدام بيت كريم وشل تلفونه واتصل لقيس اللي اتصل له الصبح يتجهز وتكلم اول ما انفتح الخط:اخرج انا مريع لك في الباب
قيس بعناد:ما عتخرجش انا مشغول عتخكى العمل
اوس بسخرية:الله ومن وين لقيت عمل
قيس بكذب:دبره لي سند انت ما دخلك
اوس بقلة صبر:قيييس اخرررج ب احترامك احسن ما ادخل اسحبككك سحب ساع الثووور بسرعه..غلق الخط ورجم تلفونه جنبه وحط جبينه الدركسون وهو متنرفز من قيس على الاخر..ثواني وسمع فتحت الباب ورفع راسه وبسر قيس اللي تقدم.منه وهو لابس ثوب ابيض مع العسيب وكوت جلد اسود وشال.فتح الباب وطلع جنبه وهو يغلق الباب بقوة
اوس:جايي بثوب ليييش ممكن عارفين خاطيين عرس وانا مش عااارف
قيس ببرود:انااااا حر
اوس شخط السيارة ولف وخرج من الحارة وهو خلاص وصل حده من قيس ورفضة للدراسةة وهو قد.تكلم معه يوم ناموا فوق سطح البيت كيف سوا وخاطر ودرس الثانوية وماحد عارف وكان بس يخطى يختبر ويذاكر بكتب عمار صاحبه وكم تمنى يدخل جامعه ويكمل دراسة..بس الان رافض ويشتي الا يشتغل...!!!
.
.
بيت كريم..!!!
كانت بتصبتح معاهن لومت سألتها خلود:وايحين عتبعدي الجبس هذا
ميس:اليوم عصر ان شاءالله
كوثر:مابش كسر هو الا دلع
ميس:يحق لي ادلع
فاطمة:شلوووش وليش بتقلبي عيوونش هكذا
ميس: هههههه هو ضروري عشان ازنط سوا.. رن تلفونها اللي كان جنبها وغصت بالشاهي اللي كانت بتشرب اول ما بسرت رقم صقر اللي شلته سكته من عند قيس.. وانصدمت ان رقمها عنده من اداه له.. اكيد صفاء الكلبه استاهل من لما كلمتها.. وقفت وهي تتجه للغرفة وتتكلم: المعذرة منكم.
غلقت باب الغرفة وفتحت الخط وهي تتكلم: الووو
صقر: صباح الخير كيف حالش
ميس بغباء: عفوآ من معي
صقر: الله ماعاد عرفتي صوتي
ميس: ومن انت عشان احفظ صوتككك من معي او اغلق
صقر: ميييس عن الهبالةةةة
ميس: اهاااا انت صقر
صقر بقهر: جدتششش كيف حالش كيف يدش
ميس: الحمدلله تمام ويدي اليوم عنشيل الجبس
صقر: يعني عتجوا ذلحين للمستشفى
ميس: لا للعصر لأن قيس و اوس مشغولين شوية
صقر: وين انتي
ميس: ببيت قيس ليش
صقر: عتكلم اوس واجي لش انا اشلش للمستشفى
ميس: لا مابش داعي عيوديني اوس ولا قيس
ِ
تـــــوأم أغـــــراب 2
البارت 122
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
قيس..!!!
فز اول ما سمع ثصوت سيارة اوس وقفت في باب البيت وتكلم: سيارة اوس شكلهم وصلوا.. قومين اخرجين عشان يدخل
قامين البنات خرجين لاغرفتهن ونبيلة خطيت تفتح لهم الباب..!!!
.
.
دخلوا للغرفة وميس بعدت البرقوع وهي تخطى تجلس جنب قيس وتتكلم ببكاء: بسرت كيف خواتك كسرين يدي
كوثر بقهر: كذب عيني عينكككك
اوس وهو يجلس جنب قيس: مطفوقات كلهن
قيس: هههههههه وانشهد
ميس؛ شلوكم الاثنين ييييخ
كوثر: انا عتخطى لو ودكم شي داعيني ياقيس.. خرجت وغلقت الغرفة..
اوس: مصره تجلسي هانا انتي وهو ما عتروحوش للشقة
قيس: انت عارف ان امي سعاد حلفت ما يسبرش
ميس: وانت عتخطى للشغل حقك بعدبن اجلس وحدي مطننه في الشقة للعشي. قدنا اجلس عند قيس وخواته اتواله احسن
قيس: ثلاث اربع ايام ورجعنا للشقة ولايهمك
اوس: سابر براحتكم
قيس: والبيت بيتك بإي وقت
اوس: الله يحفظك داري.. وقف وتكلم: لاتنسوا ما تشربوا ادويتكم واذا احتجتوا شي اتصلتوا لي
قيس بسر ميس وبقهر: من وين وهذه البقرة كسرت التلفون من حق جدتها بتقسم
ميس: فدااااني هههههههه
قيس: فدوش ماعاد انا قااايل.. اشتري بداله يلاااااا
ميس: راعي لوما اشقى في تعز وارجع اشتري لك تلفون..
قيس: يلا اخطي اشقي من غدوة سريع
ميس: ولايهمككك ههههه
اوس: ههههههه خلاص خلاص لا تقومها حرب ذلحين.. تعالي ابسري لي طريق يا ميس..!!!
.
.
الأوس..!!!
دخل لا مكتبة بعدما طلب من العسكري يداعي حسين.. ثواني واندق الباب ودخل حسين وهو يتكلم؛ خير قالوا طلبتني
اوس: كل خير تعال اجلس
حسين: مشغول تكلم وانا واقف
تنهد اوس ووقف وخطي لاقدامه وتكلم بمراوغه وهو يحط يداته خلف ظهره: زاعل يعني
حسين: من انا ههههههه بتتخيل
اوس: كان مالجدتككك مقلب صووور
حسين: انا من قااال
اوس: حسسسييين
حسين: ذلحين داعيتني عشان تقول لي هكذا والله انك فاضي
اوس: قلت اتأكد لو انت زاعل حكمتك لأن قدك هذي الايام تزعل سعما النسوان
حسين: عدل الفاظك لا يقع دعس
اوس: خوفتني ذلحين تعال صدق انت زاعل من ذاك اليوم
حسين بتنهيده: لا مش زاعل ولا شي
اوس: انا اسف كنت منفعل
حسين بقهر: واذا كنت منفعل تجي تتكلم معي هكذا وزد تمد يدك
اوس: قدر وضعي اخوك بين الحياة والموت وبسببك ما عتسوي وانت زد قهرتني لوما ماقدرت تفرق بيننا يعني لاهذه الدرجة ما تعرف صاحبك
حسين: قد انا قلت لك قيس تحاشاني وما تكلم معي كان يتهرب مني علاميد ما اعرفه
اوس: خلاص حصل سوء فهم مننا كلنا واذا زعلتك اعتذر وبطل عقدة الحواجب هذه
حسين: ههههههه والله انك تقهر الواحد وتزعله وفوق هذا تزيد تحمله الحق
اوس بسره برفعة حاجب وبسخرية...
حسين: مالككك.. هيا اعتذر مني
اوس: انقلعععع ومابين افعل اول بين اعصد ايييش
حسين: مالت عليككم حتى في اعتذارك تمنن الواحد
اوس: هههههههه خلاص اليوم معزوم عشاء على حسابي ولايهمك رضاتك
حسين بتفكير: هممم خليني افكر
اوس دهفه وبقهر: انقلععع عاده عيفكررر
حسين: هههههههه خليني اتغلا قليل
اوس: مش على اوووووس اجزززع
حسين: سابر نكمل عملنا ونخطى لاعاد تتراشاني
اوس: يا صبر ايوب.....!!!
.
.
ثاني يوم بعد الظهر...!!!
ابتسم لميس اللي فتحت له الباب وهي تتكلم: ياهلا والله
اوس وهو يدخل: هلافيش كيفش وكيف قيس
ميس وهي تخطى معه لا داخل: الحمدلله كلنا تمام وانت
اوس: الحمدلله..
دخلوا لاغرفة قيس اللي كان نوم وهمس اوس: ليش ما قلتي لي انه نوم
ميس: مدراني انا كنت عند البنات قيييييس
اوس: اووووش خليه ينام
فتح قيس عيونه وابتسم وهو يبسرهم: كم الساعة
ميس: قد تغدوا الناس
جلس اوس جنبه وهو يتكلم: صحيناك
قيسوهو يرفع نفسه: لا اكتفيت نوم ايحين جيت
اوس: ذلحين. تعالي ياميس اجلسي
جلست ميس قدامهم وبحماس: ايييش
مد لها كيس وقيس كيس وتكلم: هذه لكم
قيس ب استغراب: ايش هذا
ميس وهي تفتحه: الله هديةة يعني... شهقت وهي تبسر التلفون: تلفوووووون
قيس وهو يمسك التلفون بيده: تلفون
اوس: ايوة لكم عشان نتواصل اذا كنا بعاد من بعض كم. عنجلس هكذا
فزت ميس وحضنته وهي تضحك: انفدااا لاخي حبيبي شكرا شكرااااا
اوس: هههههه العفو ياعيوني واجبي
قيس: ماكان به داعي كان تدي لميس انا كنت عتشتري لي
اوس: ناهي اهجع واذا شليت لك عادي احنا اخوة مابش بيننا
قيس: يعني وانت من وين لك مش ملزوم فينا تدي لنا كافي الشقة على حسابك والمصروف وكل شي
ميس: كيف من وين له فهو عقيد ومعه معاش من الدولة
قيس: ولو ماهو ملزوم فيني انا بالذات..
اوس بحده: قيييس ايش هذااا الكلاااام
قيس سكت بقهر ومارد
ميس: قيس مالك
ِ
تـــــوأم أغـــــراب 2
البارت 121
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
عودة لبيت كريم..!!!
صاحت ميس وهي تمسك المرجيحه وتتكلم: بس بس خيرات لكوثر هيااااانزلي دوووري وانتي تدفيني
كوثر: عادنا ماقد لعبت الا شويةة بعدي
ميس: والله انش عتنزلي لش خيرات هياااا
نزلت كوثر بقهر وجلست ميس مكانها وهي تتكلم بحماس. دفي قوووي هياااا
وقفت كوثر وراها وبدأت تدفها وهي مقهوره: شويةةة بس
ميس: لاا خيرات دفي قوووي هيا ما بتفعلي يييخ
دفتها كوثر قوي وبشكل متواصل وهي تتكلم؛ هكذااا طاااابت... اهااا ازيددد دفتها اقوى وميس تضحك بحماااس
فاطمة: لا تقطع دلاا يا مجنوناات
كوثر: واذا اقتطعت القااااع قررريب
ميس: ما بتقولين مابين اسمع... ما كلمت كلمتها االا والحبل انقطع ونكعت للقاع وصاحت بصوتها كله والبنات فزين بسرعه وهن يحملين لاعندها
مسكت يدها اللي وقعت عليها وصاحت بوجع: اااااه يمه يدي اكتسررررت ااااااه
كوثر بقلق: اااص خليني ابسر حركيها
ميس بوجع فظيع: ااااه مع مع مع لا تلميسها
خلود: ما بتقدر تحركها انكسرت والله انها انكسرت
ميس انفجرت بكاء وهي تمسك يدها بوجع
خديجة: ما عنفعل ذلحيييين
كوثر وقفت وهي تخطى لا داخل وتتكلم: عتخلي قيس يتصل لاوس يجي يشلها المستشفى..!!!
.
.
طلعت السيارة مع اوس وكوثر معاها ماسكه لها وهي تبكي بشكل هتسيري واوس تحرك بالسيارة
اوس بتألم لألمها: كيف فعلتي لوما نكعتي
ميس ببكاء: هي كوثر الكلبه دفتني فوي لوما انقطع الحبل
كوثر بقهر: هو انتي اللي قلتي دفي قوب مش انا كذابةةة
ميس: لا والله انه حقد. منش دفيتي قوي
كوثر ضغطت على يدها وميس صاحت بقوة ولف لهن اوس وبحده: مالكن
كوثر همست بقهر: تستاهلي
ميس ببكاء: جعل كسروا يدددش يا كلبةةةة.. اسررع يا اووووس عتموت وجعععع..!!!
.
.
في المستشفى.!!!
خطي اوس الاول وميس خلفه مع كوثر اللي ماسكه لها وهي تبكي بخفوت وراسها للقاع.. بس رفعته بقوة اول ما سمعت اوس بيرحب ويتكلم: حيا الله الدكتور صقر كيف حالك
سلم عليه صقر ونظره لميس: ابقاك كيف انتي يا نسب ما بتفعل هانا
اوس؛ الحمدلله. ماغير ميس شكا يدها انكسرت
تقدم. منها صقر بسرعه بقلق ماقدر يخفيه: اين اسكه وريني
ميس وهي تبكي: اليسرى ماعاد بين اقدر احركها اكتسرت يا صقر.. انفجرت بكاء وصقر مسك بيدها اليمنى وخطاها معه وهو يتكلم: لا تخافي يمكن شص او شي ثاني.. تعالي معي لاعند دكتور العظام
اوس بيبسر بعدهم برفعة حاجب وتكلمت كوثر بقهر: وكأنه تم السحب عليناااا
اوس: ساع الذي
خطيت كوثر بعدهم وهي تتكلم: والله ما نفلتهم وحدهم بعدهم بعدهم.
ابتسم اوس وخطي معاها متجهين لاعند ميس و صقر..!!
.
.
بيت كريم..!!!
تكلم قيس بقلق: كأنهم تأخروا
فاطمة: مدري
خديجة: لا انت تتخيل لأنك قلق
قيس: نفسي ادرى كيف لوما نكعت للقاع
سعاد: هن بيلعبين واقتطع الحبل ما يفعلين
قيس: وانتي جواااهل تلعبين مدرايه
انداء: او بتبسرنا عجايز مااالت عليككك
قيس: خخخخ احد يدي التلفون الارضي هذا نتصل نبسر
خلود وقفت وهي تتكلم: عتسير اديه واتصل ريع يا هرم..!!!
.
.
عودة للمستشفى..!!!
وبعد صياح ميس اللي عبى المستشفى وبكاها جبسوا يدها والحمدلله..
مسح دموعها وهو يتكلم بضحك: فضحتي بي عند زملائي وهو الا انحراف قليل لو كان كسر ما عتفعلي
ميس ببكاء: وجعني الحمار ما يقدر يعالج سوا
صقر: هههههههه طيب كيف فعلتي ونكعتي
بسرت كوثر بقهر وتكلمت: كوثر نكعتني للقاع حقوودة
كوثر بحده وهي تسل ابره كبيره لايده: بتبسري هذه اللي في يدي حرام لا اخزق عيونش بها شلوش انتي والعيون هولا ساع القطة
اوس: احمممم
كوثر لفت لع وببرود: يعني عاده كذب او زعلت لان عيونك نفس عيونها
اوس: لاحول ولاقوة الا بالله
كوثر: حسبنا الله ونعم الوكيل
ميس: يحصل لش عيون ساعنا خخخخ بتغاري
كوثر بزنط: انا عيوني سود و واسعات ناعسات رموشي ساع صف الجنود.. ماعاد اشتي اكثر بعدين من قال لش ان العيون الملونه فيهن حلا.. افضل عيون العسلي والبني والاسود عيون عرلية اصيلة
ميس: رجعتي تلقي خطب وحكم انا فاضية لش ياسعم يدي بتوجعني
كوثر: جعل دايم يارب توجعش ههههههه
ميس ببكاء: اوووس ابسرها
اوس رفع يداته ب استسلام: ماقول انا
بسرت صقر بنظرات استعطاف
صقر ضحك وبحده لكوثر: ما اسمح لش تتكلمي مع ميس هكذا..
كوثر بسخرية: قول والله.. هيا اقطبوا كملتوا تعبت اشتي اروح جاء يقول لي
صقر: ههههه الان ماعد به شي
ميس وقفت وهي تتكلم: تعالي سبري لي الطررحه
تقدمت منها كوثر وهي تتكلم: ولو انش ما تستاهلي مساعدة بس طريقش
ميس بزنط: سبري سوا هيااا
كوثر ضغطت على يدها بخفه وميس صاحات بقووووة: ااااااااااااه يا وسخةةةةة
نبذه ومجبر عن الحب الاكتروني
...: مساء الخير انا
....بضبح : مساء الضبح
....:مالش ضابحه من غثاش
....:مدري ماله ... مابيرد عليا من امس
.....: صدقيني الذي بتعمليه غلط عتتندمي هذه العلاقات ماتنجح ابدا مابلا ترجعي تقتهري في الاخير قلي له تشتيني جي من الباب
.... بإنفعال: ابسري انا ماناش من هذك النوع وهذك الخباله.يحبني وعيجي يخطبني وانا واثقه فيه وعيقع زوجي في المستقبل القريب
.... قوست شفايفها: ولو تحبيه الذي بتعمليه خطأ بحقش وحق اهلش والاهم بحق الله هذا حرام انش تكلمي واحد ماله اي علاقه معش بإسم الحب ....لاتنسي الله ماعيوفقكم بعدا ..تحبيه ويحبش تمام مااختلفنا هي الا كلمه باب بيتنا في شارع كذا وكما خطبش قدام الناس كلهم وقدش حقه رسمياً تقدري تكلميه براحتش اذا ودش بإذن اهلش ولكل...اما الان مش هو سابر وماتكلمت هكذا الا لمصلحتش
..بتتبسرها ببرود:كملتي
.. بقهر: بين احاكيش جد مالش انتي بتتمسخري احنا بنات يمنيات بنات رجال مابش عندنا هولا الحاجات و....قاطعتها: الله اللله ماابش وفي كل بقعه قد به روميو وجولييت قفي من قبالي امانه سعم مدري مابنفعل
.. : هولاك ع قولتش روميو وجوليت زاد عليهم الشيطان وخلاهم يقلدوا الغرب بتفاهاتهم ....وبعدا مااقلت انا لاتحبيش او ماااع هذا الامر هو لاارادي حبي ايوه بس بقلبش وارضي بما عيكتبه لش الله اما تدخلي في الحرام صدقيني لاعتتوفقي لااانتي ولا هووو
..بضيق: مالش سعم انقدنا مثل هولاك وقد بين التقي به وقد بين اوريه صوري وقد بين اتجابر معه كلام لايرضي الله ولارسوله هن الا رسايل كيف الحال الحمدلله تطمن بس
.. مسكت يدها: اول مواصلتكم هكذا وبعدها تطورت لااتصال وبعدها يعلم لاوين عتوصلوا صح نيتكم الاثنين صافيه ويمكن تكونوا الاثنين صادقين بمشاعركم ومابش اي مقصد خبيث بينكم ... اكثر مايركز الشيطان على هذه المواضيع عيدخل بينكم ويخليكم تفعلوا حاجات ماش هي من طبعكم ويوصلكم لامرحلة يغضب الله عليكم بدون ماتحسوا ويخليكم تعتقدوا ان هذا الشي عادي
.. بضيق:حبيبي رجال مش حق لعب ببنات لا تفكري بتفكري بهولا الحاجات مابش في باله وكل همه ويحين يخطبني يعني بعيدين كل البعد عن هذه المواضيع الذي بتذكريها
.. : مابين اقول انقد انتوا في هذك المواضيع ولا بين اذمكم انا بين احذرش بس...سابر هو رجال وانتي بنت في الاخير مهمها كان مابش انسان معصوم من الخطأ وطيب طاهر عيجي اليوم الذي يغلط فيه وتغلطي معه....يعني بين اتحاكا لش انا من الحاجات الذي عند الذي تطوروا عاديه وتافههه اتصال صور جراءه وكذا....مابين اقصد لقائات وحرام والخ...الله يجيرنا ماهذه قد هي جرييمه معلنه؛؛ وبعدا اسمعي اخوش لما ادا لش التلفون هو واثق مامعه ورازح ظهره صح انتي نيتش صافيه مع هذا الشخص ويمكن يكون زوجش في المستقبل ووفقكم الله بس قليلي اتخايلي يوم من الايام وقدش مرته اخوش ولاابوش يدرى انش كنتي تتواصلي وتعيشي قصة حب معه قبل ماتتزوجو بالله عليش كيف عيييقع موقفهم عيصفقوا لكم حتتتى لوتزوجتوا عيبسروش بهذك نظرة الخيانة وعيكتسر ظهورهم ... الله ماحرم هذا الشي الا وهو داري مدى أثاره الشوعه على الانسان وبالاخص المره ...يعني انتي جوهره كرمش الله ورفعش وحفظش وخلاش رزح لرجال يفترخوا بتربيتهم لش وانتي تجازيهم بهذا الشي ...حتى الله الذي بيبسرش ويراقبش تجازي نعمه عليش وستره لش انش تعصية وتفعلي هكذا ....صح مقصدش صافي وماقد انتي مثل هوذلاك الذي قدهن في الحرام وقد الله طردهن من رحمته بسبب تمردهن ...بس استشعري رقابة الله وصوني اهلش من وراهم....وفوق هذا كله خليش غاليه قدامه هذا الذي بتحبيه ولو تحبيه وماتقدري تجلسي دقيقه من دونه خليش غاليه وغلي روحش وقلي له ماعتكلمك الا وانا حلالك😍👍
شاركونا رأيكم وتعليقكم ✍
ِ
تـــــوأم أغـــــراب 2
البارت 120
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
بيت كريم..!!!
دخلين للغرفة وكوثر تتكلم بضجر: اوووف واخيرا تكرم اخوووك وخرررج
قيس: هههههه ياحياااا ب حبيبات الروووح
خطيين البنات سلمين عليهن على واحده واحده وعلى ميس اللي بتبسرهن ببسمه
ميس: ماشاءالله كلكن خوات قيس من الرضاع
خلود: ايوة. انتي ميس صح
ميس: ايووة. لفت لقيس وبضحكه: ماشاءالله يعني معاك ست خوات بي والكل
بسر خواته وتنهد بوجع: كانين سبع... ابتسم بوجع وكمل: السبع المثاني..
ميس ب استغراب: سبع.. كان وين الباقيات
خديجة بخفوت: استشهدين في قصف للعدوان السعودي الامريكي
ميس بحزن: انا اسفة ربي يرحمهن ويتغمدهن بواسع رحمته
الكل: يارب...!!!
.
.
قبل العصر..!!!
بيت ابو رانيا..!!!
تكلمت ام رانيا ببسمه: اكل اكل.. كم لك ماعاد تغديت معانا
جلال بنص عين: خلاص قد عيقرح
رانيا: هههههههه اتفق
اوس بسرهم برفعة ومارد
رانيا: الله الله تطور وماعاد بيرد علينا
جلال: شكله عقل والله اعلم
اوس: هههههههه ماحد يدي لكم وجه انتوا
ابو رانيا بضحكه: ماعليك منهم يا ولدي اكل لوما تشبع
اوس: الله يحفظك يا غالي ع اساس عبرت كلامهم
رانيا: اووووف هذا وانا قلت قدك بتحس
جلال: قد بيحس باقي يولد هههههههههههههه
رانيا: قوية هههههههههههه
اوس حقرهم ولف لكلام امه: ابرار واقفت على اللي تقدم لها وخطوبتها الجمعه هذه
اوس بفزه: كلولولوللللللللشششش ووووووولللللليييييي
رانيا طبلت على الماسه بفرحه وهي تصيح
وجلال قااام يرررقص ويحرك يداته
اوس بصراخ: واخيييراااا واخيييرا ووووللللييييي
رانيا ومازالت تطبل: ايوووا ايوووااا عااااشوا عااااشوا ... ابرارو انخطبببتتتت
جلال وهو بيصفق بيداته: هم وانزاح يا اووووس الف الف الف مبروكككككك
اوس: يالله كم انااااا فااااااارح دامت افرااااحنااااا
ابو رانيا: ههههههههههههههه الله يزكينا العقووول
ام رانيا بحنق: والله لو هي بنت يهودي ما تفرحوة هكذا
جلال و اوس ورانيا: ههههههههههههههه...
.
.
بيت كريم.!!!
وقفين قدام المدراية<المرجيحه> اللي سبرتها كوثر ..
كوثر: وهذه المدرايه يا ميس تلعبي
ميس بحماس: اكييد
فاطمة: اطلعي
طلعت وهي تتكلم: من تدفني بسرعه يالله كم انا فاقدة للعبه هذه ههههههه
انداء: انا بدفش.. وقفت خلفها وبدأت تدفها وميس تضحك بصوت عالي وفرحةة..!!!
.
.
المرام..!!!
دخلت للبيت بتعب بعد الجامعه وبسرتهم في الصالة وتكلمت وهي تتقدم. منهم: سلاااام
الكل: وعليكم السلام
جلست على الكنب بتعب وهي تبعد البرقوع والطرحه ولفت لسؤال امها: مع من. روحتي
مرام: مثل العادة مع منار وبتول
حمزة: بدال ما تجلسي تروحي وتجي معاهن نشل لش سيارة مثلمت قلت لش وكوني سوقي انتي احسن
مرام بسرعه: انا اسووق مع مع مشتيش مستحيل اسوووق
حمزة: خوافةة شلوش الجن
ماريا وهي تتقدم. منهم وبيدها عصير: اتفق.. ولا بنت دكتور كبير بالجامعة وجدها عضو مجلس النواب ومابش معاها سيارة قوية والله
مرام بهدوء: عادي ياسعم معجزة
ماريا وهي تجلس وتحط رجل على رجل: تخلف
مرام بسرتها بحده: مالش ددخل كل واحد حررر بحياته
ماريا: انت اشتي مصلحتش بس
مرام: اهتمي بنفسش وبس.. وقفت وشلت ادواتها وخطيت طلعت الدرج متجه لاغرفتها
ام حمزة بحده: كم مره اقول لش ما دخلش منها ما تشتي تسوق براحتهاااا
ماريا بقهر: انت اشتيها تتخطى خوفها من السواقةة كم عتجلس هكذا
حمزة: خليها مع الايام عتنسى وترجع تسوق بإذن الله..!!.
ــــــــــ
تعريف بعائلة مرام.!!!
ابو مرام... اخو اللواء سياف اصغر منه بسنه.. تزوجوا مع بعض لوما تزوج بزوجته الاولى رجاء...
دكتور بالجامعة وله مكانه عاليه..
ام مرام..استاذة في المدرسة
حمزة وعمره 22سنةة بيدرس جامعه هندسة
ماريا20سنة..سنه سنة ثانية جامعه انقلش
مرام 19سنةةة سنة اولى جامعه هندسة ديكور..
ـــــــــ
كوثر وفاطمه بصدمة: هوو انتي مييس
قيس: ههههه ايوة.. انتي كوثر صح بااااين
كوثر بغرور: اكييد وهل يخفىى القمر
فاطمة: شلووووش
ميس: هههههههه
قيس: وجاء من ينافسش بالزنط يا ميييس ههههههه..!!!
صقر: مدري مالش
ميس بزنط: انا لا زنطت يحق لي ماهي على اييش
صقر: وهي يحق لهااا مش الا انتي
فتحت عيونها وبصدمة: الله الله قدك تدافع عنها. لايكون حبيتها
بسرها بمراوغه: يمكن ليش لاااا
ميس بقهر: طلعت نسونجي وانا كنت اظنك ثقيل ورجال
شد. على يدها وبقهر: عدلي فمش وكلامش احسن ما اعدله بطريقتي
ميس سحبت يدها بقوة وبقهر: ومن انت عشان تعدله لي.. انت يلاه كودك تعدل هاله حقك اللي مناسبة لككك.. اما انااا بعيد عليكككك.. وقفت وخطيت من قدامه ورجع لفت له وهو جالس مكانه ونظره لها وتكلمت: صح مشكور لأنك وصلتني وجلست معي للأن.. الف شكر تعبناك.. تقدر الان تروح وترتاح ما قصرت.. وبسخرية: لا تقلق عليك هالة لوما ما تبسرك في القرية.. لفت وخطيت بغرور لاغرفة قيس.
بسر بعدها وضحك وهو ينزل راسه ويهمس: ساع الذي كلامها ملانه غيرة او انا بين اتخيل هههههههه
ِ
تـــــوأم أغـــــراب 2
البارت 116
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
دخل للغرفة وهو يتكلم بسؤال: هاه كيف حالتها الان يا صقر
صقر وهو يسبر لميس السيروم: حاليآ تمام الحمدلله فقدت وعيها بسبب صدمتها
اوس: سلامة قلبها قلب اخوها متى عتفيق
صقر: حطيت لها منوم احتمال بعد ساعتين ثلاث.. كيف قيس الان
اوس بتنهيده: والله لاحد الان ماحد ادى لنا خبر او خرجوا من غرفة العمليات
خطي لاعنده وهو يتكلم: خير ان شاءلله تعال نسير لاهناك..!!!
.
.
جلس جنب صقر في الطارود ولف للواء اللي مازال جالس مكانه وحسين جنبه وتكلم ب احترام: حضرة اللواء تقدر تروح مابه داعي لجلستك كفيت ووفيت وبيض الله وجهك ماقصرت
لف له سياف وابتسم بخفوت وهو يرد: انت عارف ليش قيس اخوك داخل غرفة العمليات ذلحين
اوس بسرها بمعنى ليش
سياف بتنهيده: الرصاصة اللي وقعت فيه كان من المفروض تدخل جسدي انا وتقتلني لكن اخوك البطل انقذني وتلقاها بدالي.. تشتيني اقوم اروح الان وافتهن وانام وقيس داخل بيصارع الموت علشاني. هههه لاوالله اني بكون وقتها نذل و خسيس
سكت اوس وارتزح للجدار وراسه لاعرضة وغمض عيونه بتعب... ثواني وفز على صوت الممرضة وهي تخرج وتتكلم: نحتاج دم للمصلب من زمرة دمه oموجب يتبرع له ضروري.
وقف بسرعه وتكلم بلهفه: انا نفس زمرة دمه اسحبوا مني كما ودكم
الممرضة؛ حلو من عاد باقي دمه نفس الزمره نحتاج قربتين المصاب نزف دم خيرات
صقر:زمرة دمي A سالب
حسين:وانا..ما نقدر نتبرع
سياف بسرعه: معي بنتي زمرة دمها نفس قيس و اوس عتتصله لها الان تجي
الممرضة: لو سمحت استعجل ضروري التأخير خطر على المصاب.. لفت لاوس: وانت تعال معي نسحب القربة الاولى..
خطي اوس مع المنرضة بسرعه وسياف خطي للطرف واتصل لمنار تجي مع واحده من البنات للمستشفى...!!!
.
.
بعد. نص ساعة..!!!
دخل للغرفة وبيده عصير وتقدم منها وببسمه: هاه عيون بابه مناري كيفش الان
منار ويدها على راسها: دايخه شويةة
بيان: طبيعي لأنهم سحبوا منش دم
سياف: الان عتشربي العصير وترتاحي ارفع نفسش شويةة
شلت العصير من يده وشربته وبيان تتكلم: وكيف حالته الان
سياف: ان شاءالله خير
منار: ان شاءالله يقوم بالسلامة قده بالدم اللي تبرعت
بيان: انتي ماهمش الا الدم. حقش الرجال بين الحياة والموت
منار: مش قصدي هكذا...
سياف: خلاص اص... اجلسين هانا انا عتخطى ابسر قد. خرجوا من العمليات..!!!
.
.
الأوس..!!!
جالس على الكراسي قدام غرفة العمليات وبيده العصير اللي اداه له صقر ونظره للباب بثبات
حسين: طيب اشرب العصير لاتدوخ
مابسره ولا رفع عيونه له
صقر اشر له بمعنى يسكت ويخليه براحته
اوس بعد. صمت لدقايق: تأخروا كثير.. والله تأخروا.
صقر: هذا عملهم والعملية خطيرة قوي و..
سكت وهو يبسر اوس وقف وتقدم يدخل وسعي بسرعه سد عليه الطريق: وين عتسير
اوس وهو يحاول يفك نفسه منه: بعد. ابسر هذولا ما بيفعلوا دااااخل لهم عشر ساااعات بعددددد
حسين وهو يمسكه: اوس اهدأ
دفه منه وبصراخ: ما اهدأ ما اهدأ ما بيفعلوا لاخي لهم سااااااعات ولا خرجووووا
سياف وهو يتقدم. منهم بفجعه: خير مالكم
صقر: اوس قدهم في عملهم ما بيلعبوا اعقل
اوس: والله العظيم لو يقع في اخي حاجة لا اقلب هذه المستشفى على روسهم.....
سكت وسكتوا كلهم لمن انفتح الباب وخرجوا الدكاترة.. تقدم. سياف وبلهفه يجهل سببها: طمنا يا دكتور
نزل الكمامه من وجهه وابتسم بتعب وهو يرد: الحمدلله قدرنا نخرج الرصاصة ووضعه تمام حاليآ..
سياف بفرحة: الف الحمدلله يارب الحمدلله
حسين بفرحه لاوس المتجمد مكانه: سمعت ما قااااال قيس بخير الحمدلله
صقر هزه وبصراخ: اوووووس مالككك قيييس بخييير
بسره اوس بشتات وضحك بعدم تصديق وهوه يتعداهم للغرفة ويتكلم بفرحه: بعدوا اشتي ابسرررره... افتحووووا الباب...
ِ
تـــــوأم أغـــــراب 2
البارت 114
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
دخل بخطوات ثابته للمركز.. ووقف محتار مايدري وين مكتب اللواء هذا.. بس انقذه خروج حسين من مكتب اللواء ومعه سياف وبعض الضباط.
تقدم منهم وتكلم اللواء وهي يخطى: تأخرت ياعقيد
لف وخطي معاهم وهو يرد: المعذرة منكم
سياف: حصل خير العناصر جاهزة يلاه كلنا متحركين..
خرجوا كلهم وركبوف فوق الاطقم والسيارات الخاصة بالشرطة وقيس تجنب يطلع مع حسين عشان لا يكشفة وطلع مع اللواء بنفس السيارة..!!!
.
.
ميس..!!!
يدها على خدها ونظرها لصفاء اللي سامره عندهم وهي تتكلم من اول عن صقر ومواصله: ولو تبسري لاعاد بيأكل ساع الناس ولا بيجلس في البيت ولا بيهتم بنفسه واصل راقد وضابح ومابيتكلم الا بصياح
ميس ببرود: طيب
صفاءب استغراب: طيب؟
ميس: ايوة طيب يعني بتكلميني انا ليش ما افعل له انا
صفاء بقهر؛ لان كل اللي فيه بسببش انتي.. كلنا عارفين مدى حب صقر لش من وهو صغير واتتي بإيش جازيتيه
ضحكت بسخرية وردت: وانتي عادش مصدقة انه يحبني
صفاء؛ اكيد يحبش
ميس بحده: لو كان يحبني ما سار خطب عدوتي اللدوده والبنت اللي قذفت في عرضي وعرضة وتكلمت فيني.. ما خطب العن واوقح بنت في القرية
صفاء بتبرير: اصلآ هو...
قاطعتها بضحكة غرور: بس بيني وبينكن تناسب له والله.. صقر ما يستاهل الا هالة. مناسبين لبعض ههههههه
شهد وهي تبسر صفاء تضايقت: ميس خلاص غلقين هذا المجبر..!!!
.
.
قيس..!!!
تمركزوا كلهم في اماكنهم حسب الخطة وقيس حاليآ جنب سياف وبقية الضباط منتشرين بكل مكان..
سياف لقيس: اشر للعسكري يضرب قنبله دخانيه سريع..
قيس: هاه اناااا
سياف بسره بحده.. وقيس لف بسرعه واشر للعسكري اللي عند الباب بمعنى ابدأ
العسكري أشر براسه بمعنى تمام ورمى القنبلة وانفجرت واقتلع الباب ودخلوا العساكر
تحرك قيس وسياف خلفه ودخلوو معاهم واقتحموا المكان بشكل مباغت للي فيه..
نزل راسه بسرعه اول ما ضربوا رصاص وتكلم: هولا بيضربوا رصاص
سياف: احتمي بإي حاجة ودافع بسرعه.. تكلم بصوت رافع لكل العناصر: الكل يثبت مكانه لاتخلوا احد يخرج منهم لا يفلتوا..
تخبى هو وقيس خلف عمود وكل واحد بيضرب رصاص من جهه
قيس وهو يبسر الرصاص من كل بقعة: الله يرحمك ياقيس عتموت وعادك شباب...
سياف بصراخ: بسرعه تعال للجهه الثانية هياااا
سعي سياف وخلفه قيس وهو يوزع نظراته ورافع سلاحه.. وصلوا للجهه الثانية..
سياف: بتبسر هذك اللي بيضرب على رجالنا ارميه برجله بسرعه
وجه قيس سلاحه له على رجله بالتحديد صوبه وابتسم اول ما اصابه وبفرحة: يييس قوة ياقيس.. لف للواء اللي بيبسره ب استغراب واختفت ابتسامته وب ارتباك: ما نسوي الان
سياف: خليك مكانك طيب لا تتحرك.. خطي سياف قيس بيبسر بعده بتعجب.. لف لقدام وفتح عيونه بصدمة وهو يبسر واحد موجه سلاحه لسياف وعيطلق عليه اكيد.. فز بسرعه وسعي بقوة خلف سياف.. وصل له ودهفه بقوة لوما انبطح للقاع والرصاصة اخترقت كتف قيس من الخلف
سياف اللي انصدم اول ما اندف للقاع على وجهه وبهذه الطريقة وحالما استوعب سمع صوت الرصاصة اللي دوت في المكان وقريب منه. فز واقف بسرعه وفتح عيونه بصدمة وهو يبسر قيس مدد على بطنه وسلاحه بيده ودمه حوله..
جلس بسرعه وهو يقلب قيس على ظهره ويرفعه منه اكتافه له وبصوت راجف: اوس.. اووووس.. بتسمعني.... اوووووووس... يالله ياربي.. لييييشش فعلت هكذااا.. لييش تخااااطر بحياتككك عشاااااني لييييش.. كان تخلي الرصاصة تخترق جسمي عادي.. انت عادك شباب وقدامك حياةةة.. اووووووس فتح عيونككك. غمض عيونة بقوة وحط جبينه على جبين قيس اللي مغمض عيونة ب استسلام.. ونزلين دموعه على وجه قيس.. وما يعرف ليش حاسس قلبه موجوع وومتقطع لمنظر قيس المدمى.. بالرغم انه حضر عدة عمليات وانصابوا عدة عناصر والبعض استشهدوا قدامه.. الا ان هذه المره احساسه غير غير وجدآ...
يتبع......
ِ
تـــــوأم أغـــــراب 2
البارت 112
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
تقدم. منه صقر وهو مبتسم؛ ابقاااك ياحيااا الله من جاناااا
ميس لفت ودخلت لابيتهم مدعممه لهم الاثنين
تنهد صقر ونظره لها.. ونزل قيس سلم عليه وهو يتكلم: مبروووك قالوا خطبت
صقر بتلبك: هههه الله يبارك فيك ايوة
قيس: ضخم الله يهنيك تستاهل كل خير
صقر لف بنظراته لابيت ميس وهمس بصوت سمعه قيس: كل خير مع ميس مش غيرها
قيس ابتسم على جنب وتكلم: وايحين العرس.. اكيد. انا معزوم
صقر بسره وبضحكه قهر؛ اكيد انت الاول.. العرس كنت اشتي نهاية الشهر بس رفضوا قالوا مابش وقت اقل شي سته شهور
قيس: حقهم والله.. يلا انا استئذنك
صقر: وييين ضيفنا ي رجال
قيس وهو يطلع السيارة: غير مره.. خاطرك
صقر: في امان الله....!!!
.
.
وقف بسيارته قدام بيت عماد وترجل منها وتوجه للبيت دق الباب وفتح له اخو عماد ودخله للمجلس لوما يداعي عماد اللي دخل بعد دقايق للديوان وهو بالعكاز ورجل واحده
بسره قيس بألم ووقف سلم عليه وهو يتكلم: ياهلا ب البطل كيف انت
عماد: حياك الحمدلله وانت
قيس وهو يجلس وعماد جنبه: نحمدالله.. كيف ايامك وين مقضيها
مدد رجله المقطوعه وكشر بوجع وهو يرد: هانا في هذه الدنياء
قيس: بتوجعك
لف له عماد وضحك بهدوء: تعودنا على وجع اكبر يا قيس فما بالك بهذه
قيس: كيف لوما حصل هذا احكي لي
عماد: ههههه كنت واثق ان فضولك عيديك لاعندي.. عارف لككك ههههه
قيس: ههههههه لا والله جيت اطمن عليك.. ومنها نتجابر.. هاه كيف لوما آسروك
عماد بتنهيده ونظره لقدام وكأن كل شيء حصل امامه الان: كانت الجبهه والعه والعه قوي يا قيس. والطيران حقهم بيضرب من كل بقعة.. انا كنت ساعي بالذخيرة اوصلها للمجاهدين اللي بالطرف الثاني.. مادريت الا برصاصة اخترقت رجلي وخلتني ارتجم للقاع ولاعاد قدرت اتحرك.. المجاهدين اللي كنت خاطي لهم بالذخيرة قصفهم الطيران والجو امتلى غبار خلاص ولاعاد تقدر تبسر شي.. حاولت اقوم وازحف لا بقعة ثانية ماقدرت رجلي خدرت كل جسمي يالله والوجع دمي كان يسيل والرصاصة مستقرة داخلها.. جلست بقعتي. وبعد دقايق ما ابسر لك الا الجنود السعوديين وقفوا فوق راسي واسلحتهم موجه لي
قيس بخفوت: ومن هانا أسروك
عماد: بالضبط شلوني اسير معاهم.. كنت ساني انهم بايعملونا مثل ما بنعاملهم بس طلعوا انذال.. انذال قوي يا قيس الله لاحطك بين ايديهم
قيس: ما فعلوا بك
اشر بوجع لرجله وتكلم: بسبب اهمالهم وعدم اهتمامهم بالجرحى اللي بيأسروهم.. اضطريت لقطع رجلي لأنها خاست وانتهت.. الرصاصة جلست فيها ثلاثة ايام.. كان اصيح واجنن من الوجع ولاحد عبرني او اكترثوا لاحد. هناك كلااااب كلاب لابعد. حد.. والله لو كنا يهود ما يعاملونا هكذا...
قيس: خسيسين.. عليهم غضب الله لو بس يبسروا كيف بنعامل آسراهم
عماد: هههه ما يوصلوا لمستوانا ما يوصلوه يا قيس لو مهما فعلوا
قيس: اكيد. احنا شعب اليمن اللي قال فيه النبي صلوات الله عليه وعلى آله.. اتاكم اهل اليمن أرق قلوب وألين أفئدة. الايمان يمان والحكمة يمانيةة.. النبي.. قال اللهم بارك في يمنا وشامنا.. وقالوا له ونجد.. فرد عليهم.. من هنا قرن الشيطان.. فلا تقارنا بهم يا عماد.. قد النبي وضح بنفسه من احنا ومن هم..
عماد؛ اي والله ونعم باليمن وباهلها رجال وابطال والنعم فينا...
.
.
صباح ثاني يوم..!!!
رفعت الطرحه فول راسها بعدما تلثمت وفتحت باب الشارع وخرجت. غلقته من خارج ولفت لبيت صقر اللي قدامهم وبسرت صقر خارج وشكله مستعجل ومتجه لسيارته داعته بصوتها: صقــــر
فز لصوتها ولف لها بسرعه اشرت له بمعنى تعال وتقدم منها بسرعه
وقف قدامها وهي مدت يدها تصافحه وهي تتكلم ببسمه: مبروككك الخطوبة ولو متأخرة ههه
شد على يدها بعدما خابت آماله في اللي عتقول ورد يقهرها: الله يبارك فيش شكرآ
فكت يده من يده وتكلمت: هال تناسب لك والله ماشاءالله طاسه ولقت غطاها هههه
رفع حاجبه بقهر ورد: والله هالة تسواهن كلهن وان شاءالله الخير فيها بعدما ما لقيناه في غيرها
ميس بزنط: تسواهن كلهن.. بس ما تسوى ميس ركز.. هي وين وانا وووين انا.. ميس.. عارف ايش يعني ميس... يعني الحلا والدلع والرقة والطول والعيون والشعر وكل حاجة زينة فيني ماني مثل غيري ولا الغير مثلي يا صقر.. على العموم قبل عرسك اتمنى هديك لي تكون ورقة طلاقي.. لأنو مش حالي ندخل للمحاكم يا ولد عمي وصاحب ابي.. خاطرك. اعطته ظهرها وهو يبسرها بنظرات قهر من كلامها القوي. ضحك بسخرية وهمس لنفسه: ما كنت ظني يا صقر انها داعتك تعتذر منك او تبكي عندك وتعاتبك ليش تزوجت.. غبي وعتصل طول عمرك.. غبي... وجه نظراته له وبسرها خاطية بكل زنط وغرور ما يليق الا بها همس بعشق وقهر بنفس الوقت؛ فعلآ هي الفارقة وغيرهن كلهن..!!!
.
.
قيس: صحح هو فيلا مش بيت
ميس بزنط: والله يا حبيبي انا واحده ما تقدر تسكت وهي تسمع شخص بيهينهااا والله لا ادعسها وادعس اللي خلفهاااا ياسعم جت تتدلع عندي تنقلععععع
اوس: فضحتوا بي عند اللواء
ميس: هذا اللواء قول له يربي بناته سوا وماحد عيتكلم عليه جين يدلعين عندي لو كان عندهن ذوق ما يتكلمين هكذا وهن فوق سيارتنا..
اوس: ميييس
ميس بقهر: ابسر ي قلبي.. صح انا بنت بس انا واحده تكره ددددلععع البنات وبقوة يعني خصمي ابسر بنت تدلع قدامي وتتمايع.. بابي.. بابا.. يييخ تقول ابااااه ساااع الناااس.. وعاد لو الدلع لاقي لهن شلوهن والصور تافاهات ما مؤدبة منهن الا هذك اللي اسمها بيان
قيس بضحكة: بيان صادر عن القوات المسلحة اليمنية بسم الله الرحمن الرحيم قال تعالى....
قاطعه اوس بقهر: قييييس
قيس: هههههههههههه وانت ابسر اسمها بيااان
ميس: هههه حالي مالها اسمها انا يعجبني اسم بيان
قيس: تمام ههههههه
تنهد اوس بقلة حيلة وجنب سيارته في الحارة وهو يتكلم: عتسير صلاة المغرب انزلوا هياااا وصلنا...!!!
يتبع......
سعاد: مابحد ادخل سيده بس.. دق عليهم الباب لو مم عيفتحوا لك..
اسرع بخطواته بقلق لاغرفة قيس ودق الباب وهو يتكلم: قييس ميييس افتحوا الباب انا اوووس..
ثواني وانفتح الباب شوية ودخل اوس بسرعه وهو يغلقه وراه وانصدم وهو يبسر الفوضى اللي معبيه الغرفة وميس جالسه قدام الطاقه اللي للشارع ومركيه بيدها اللي على خدها عليها ونظرها لا خارج.. وقيس رجع جلس بزاوية الغرفة وهو يلم ارجله لاصدره وينزل راسه على ارجله
تكلم بتوجس: خير ايش ابه مالكم
قيس وميس:......
اوس: اي حصل
قيس وميس:.....
اوس بصراخ هزهم الاثنين: قلتتتت اييييش به تحااااكووووا
ميس انفجرت بكاء وهي تغطي وجهها بيداتها وطرح طرف راسها على الطاقه.. وقيس دفن راسه بين ارجيله اكثر...
انصدم. اكثر وتقدم. من ميس وجلس على ركبه قدامها وبحنيه: مييس ياعيووني ايش به ما حصل
رمت نفسها لاحضنه ومازالت وببكاء: كسروووا قلبي يا اوووووس حرقوووه لي قهروووني
شد عليها وبحده: منهم. تحاااكي
ميس بغصة بكاء: ككككلهم كككككلهم.. حتىىى صقرررر اللي ظنيته غييير الكل طلعععع اخسسسس منهم اكررررره اكرررره واكرههم ككككلهم.. الله يحرررق قلوبهمممم كلهمممممم.. الله يكسررررهم في اغلااا ما يملكووا..بكت اكثر وهي تتمتم بدعاء من قلب محروق
اوس بقهر: طيييب ما حصل تحاااااكي حااااكيني تحااااكى يا قييييس...
رفع قيس راسه له وبعيون حمر وصوت حاد ممزوج بغصة: صقر المصون اللي ظنيناه رجال عايرها ب اهلها وانها بدون اصل وفصل ولا معاها نسب يشرفه ويشرف اهله.. هههههه بسرت كيف.. صقر اول واحد وبعده كم عنلاقي معايره صبركم بس ههههه
ميس انفجرت بكاء من جديد. بسبب كلام قيس واوس شد عليها بقوة وقهره وصل لابعد. مدى وكم تمنى لو صقر قدامه كان نتفه تنتيف صاح بقهر وحده: مااااا عااااش من ينزل دموعكككم او ينزل روووسكم للقاااااع ليييش زاعلين وبتبكوووا ليييييش...
قيس بنفس الصراخ وبصوت ملانه غصة بكاء: لأن هذه الحقيقةة.. احناا الثلاثة بلا اهل ولا نسب مجهولييين ما نعرف من احناااا.. ولا احد يتشررررف فيناااا.. ماحد يا اوووووس ماااااحد..
ِ
تـــــوأم أغـــــراب 2
البارت 125
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
ميس بقهر: مقهور لأني عرفت الحقيقة.. اصلآ اكبر دليل انك خطبتها من بين الكل بالرغم السمعة اللي طلعتها عليا وعليككك سرت خطبتها وبكل وقاحة
سحبها من. يدها وخطاها معه للسيارة فتح الباب لها وهي طلعت ولفت للزجاج بدعممه له
ركب مكان السواق ولف لها وبعصبية: ذلحيييين انتي مصدقةةة لنفسش انتي وافكااارش التافهه هذه
ميس بدون ما تلف له: هذه الحقيقية مش افكااار يا نظرررر
ضرب الدركسون بيده وبصراخ: اصلآ اناااا الغبي اللي حبييييت واحده تافهه مثلش انانيةةة ووقحة وحسوده حقوووودة ومل الصفات الشينةة فيهااااا على ايييش حبيتش مش انااااا عاااارف
فتحت عيونها بقهر من كلامه وردت: ماحد. ضربككك على يداتك وقال لككك حبني واذا انت ناااادم. على حبكككك لي طلقني وارتااااح وسير للي بتحبهاااا هاله الجن حقكككك اللي هي مناسبةة لكككك اما اناااا مش من مستواكككم فااااهم
شغل السيارة وشخط بها بقوة ولف وخطي
ميس: هههههه ماعاد قدرت ترد لأنها الحقيقة صح مااابش معاك جوااااب
لف لها وبصراخ: انتي ليييش اخلااااقش زفت هكذااااا بإيش قصرر عمي محمد معش لوما طلعتي قليلة أدب هكذااااا
ميس بعصبية: ما تذكر تربية ابي لي فاااهم ابي رباني افضل تربيةةة..
ضحك بسخرية ولف لها ورجع للطريق وهو يتكلم بحده: وهذا لو عاده ابوش.. شايفة نفسش على ايييش نفسي ادرررى حتى بعدما دريتي بالحقيقة وانش بلا اهل ولا نسب تتشرفي به جالسه هذككك الزناطة والمغرورة وككككله على الفااااضي
فتحت عيونها بقوة وهي تثبت نظراتها عليه ودقات قلبها ازدادت من كلامه اللي جرحها في الصميم.. غمضت عيونها بقوة ولفت للزجاج وهي تبتسم بسخرية وتهمس لنفسها: هذا اللي كنتي تهربي منه ياميس وخايفة هذا هو اليوم تحقق قده يعايرش من الآن ههههه..
لف لها صقر بنظره خاطفه متندم على كلامة اللي قاله في لحظة غضب.. بسر سكونها التام وعدم. ردها. وهو مش متعود من ميس الا ترد الكلمة بعشر.. عض طرف شفته بقوة وركز بالطريق ويداته يشدين على الدركسون بقوة...
وقف قدام بيت كريم.. وميس فتحت الباب بسرع وبسرته مغلق وبدون ما تلف لصقر: افتح الباب
صقر بتنهيده: ميس لحظة انا..
ميس بحده ممزوجه بغصة: صقرررر افتتتتتح الباب
صقر: ما كان قصدي والله انتي خرجتيني عن طوري وانا....
قاطعته بصراخ وهي تدق الزجاج: قلت افتتتتتح البااااااب يا صقرررر
مسكها من يدها لفها له وبتبرير: صدقيني انا
نفضت يدها من يده بقوة وبصراخ ودموعها نزلين: هذااا اللي كنت خااايفة منه يا صقرررر انكككك تعايرني بنسبي واصلي هذااا اللي خلااااني افضل الانفصال عنكككك هذا اللي خلاني افلت القرية اللي عشت فيها كل حياتي واعيش هاناااا.. هذااا اللي خلاني اطلب الطلاق منكككك.. لانني عارفةة انككك بيوم من الايااااام عتعايرني باهلي يا صقرررر كنت عارفةةةةة كنت عاااارفةة وهذا انا وصلت للي توقعته اليووووم قدك تعاااايرني يا صفر وكأن الأمر بيدي انااااا... شهقت بقوة وببكاء: هذا انت وانت تحبني على قولتككك فكيف باللي يكرهوني وما يطيقوووني.. انت عايرتني وهم ما عيقولوا ما عيقولوا تكككككلمم..
صقر بندم العالم كله وبرجاء:ساعة غضب ما كان قصدي والله..
قاطعته ولفت للباب ودقت الزجاج بقوة وهي تصيح ببكاء: ولا كككلمةةة ولا كلمةةةة وافتح الباب لا اكسرة.. سير اتزوج هاله اللي تشرفك بنسبهااا.. مش انا اللقيطة افتتتتح يا صقررر افتتتتتح...
فتح الباب وهي نزلت بسرعه وحمله لابيت كؤيم دقت الباب بقوة وهي تبكي وصقر مثبت نظراته عليهااا وشعورة ما يقدر يوصفه بهذه اللحظه كمية قهر وندم وحسرة حس الأن أنه خسر ميس وللأبد بكلامه معاهااا.. تحرك بالسيارة بكل قوة وهو يلف بها اول ما انفتح الباب ودخلت ميس للبيت..!!!
.
.
ميـس..!!!
تعدت البنات كلهن وعلى طول لاغرفةة قيييس ودخلت وقفلت الباب بعدت غطاها والعباية وارتمت على فراش قيس وانفجرت بكاء وهي تدفن وجهها بالمخده وتهمس بغصة: كنت خاايفة من هذا اليوم يجي.. اليوم اللي يعايرني فيه صقر بنسبي.. وهذا هو جااااء... اااااه يا وجع قلبي وكسرته.. الله ينتقم منكم كلكم.. الله ينتقمكم كلكم..... الله يسامحش يمةة.. وينككك يا ابااااه ووووييييينككككم ليتتتتك موووجود ما كان حصل اللي حصل.. الله يحرررق قلوبكم سعما انحرررق قلبي يااااارب.....!!!!
.
صقر: هم مشغولين قلتي ومدري ايحين يفضوا تجهزي انا جايي لش.. غلق الخط بدون ما يسمع ردها.. وميس ماعرفت تعاند وما تسير معه او تسير وخلاص لأن قدها ضابحه من الجبس قوي..!!!
.
.
في الجامعةة..!!!
همس قيس لأوس بقهر: ومن قال لككك انني اشتي ادرس ادارة اعمال
اوس: حلم طفولتك لا تعاند
قيس تنهد ومارد عليه
اوس: طيب يا دكتور يعني غير الا يشل ملخصات للدروس اللي قد. اخذوها وما بحدوه ويبدأ دوام
الدكتور: ايوة. عشانك بس ياعقيد اوس سجلته الان ولا ماعاد كان يسبر
اوس: الله يحفظك عارف لك ما تقصر
الدكتور: تعالوا معي بوديكم للقاعة وتكلم مع المهندس واعرفه على قيس... هههه عساه يقدر يفرق بينكم لانكم نسخة ماشاءالله
ابتسم له اوس ومسك قيس المكشر من. يده وخطيوا ورا الدكتور..!!!
قيس بعزم: اول ما اتباخر عتبسر لي عمل واساعدك في ايجار الشقة والمصروف
اوس: ومن طلب منك تشتغل انت
قيس: ماحد ضروري اشتغل واصرف على نفسي
اوس: وانا وين سرت
قيس بحده؛ بسرتني جاااهل قدامكككك عشان تصرف عليااااا....
كوثر: ههههه لوما تتعلمي كيف تتكلمي معي
ميس: والله ماراحت لش خليني اتباخر بس محسوبات كلهن
كوثر: هههههههههههههه
بارتـات يومنـا قراءه ممتعه 👆🏻😍
وزدت لكم البارت تفاعلوا 😍❤
ِ
تـــــوأم أغـــــراب 2
البارت 119
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
نفس الوقت بيـت سياف..!!!
فتحت باب الغرفة وهي تدخل بسرعه وتتكلم: منااار بسرعةة قومي قوووومي
فزت منار وهي تغلق اللاب وتتكلم: ايش، به يا بتول مالش..
بتول: اخوالي هانا
فزت بصدمه وهي تنزل من السرير وبصوت رافع: ايييش واخواااالي ما بيفعلوا هانااااا
بتول بقهر: اكيد انه لنفس الموضوع حقش
منار بحده: واحنا عنجلس نلغج اوووو اييييش هذولا ما يفهمووووا
بتول: مدري ماعد ظهر لي والله
منار خطيت تخرج وهي تتكلم: هذولااا كيف يفهمهم وااااحد
لحقتها بتول وهي تتكلم: اييش عتفعلي يا مجنونه
منار وهي تنزل الدرج: اخطى اكلمهم بنفسي وافهمهم اذا ما فهموا من قبل
بتول بسرعة: جـدي موجود معاهم
تجمدت مكانها ولفت لها بصدمه وبهمس: جدي معاهم
بتول بخفوت: ايوة جاء قبلهم مع اعمامي وبعدين اخوالي.
جلست على الدرج بتعب وببكاء: مادام وجدي دخل بالموضوع خلااااص رحت يا بتول والله ماعاد لي كلمةةة والله لا يزوجني ب ابن خالي غصب ويسحبني على شعر راسي بدون ما يقول لي كلمة
جلست بتول جنبها وتكلمت: اكيد ابي ما عيرضى
ضحكت بسخرية وردت: ههههه ضحكتيني على اساس ابي يقدر يعصي كلمة جدي او يقول كلمة على كلمته. اااص اهجعي جدي داعس للصغير والكبير وكلمته هي اللي تمشي
بتول بهمس: صادقة ومن اللي يصدى يقول كلمه فوق كلمة جدي.
منار بسخرية: كلمي البنات يجهزين لهن فساتين لخطوبتي هههههههه . قامت وطلعت الدرج متجه لاغرفتها..!!!
.
بعد عدة إيام..!!!
بيت كريم..!!!
دخل للبيت و اوس ماسك له وبيخطيه معه وميس خلفهم
سعاد بترحيب: ياحيا الله من جاااء اهلا وسهلا
اوس؛ المرحب باقي الله يحييش يا خاله
نبيلة: تعالوا تعالوا لاغرفته قد. جهزناها.
قيس بألم: اخطى دلا دلا
اوس: حاضر
ميس بتوزع نظراتها بفضول للبيت اللي عاش فيه قيس طفولته وشبابه ودخلت بعدهم للغرفة
تمدد على الفراش بمساعدة اوس اللي تكلم: لو طعتني وخطيت الشقة افضل من هانا
قيس بوجع: لا هانا افضل عشان امي ما سمعت كيف حلفت ما اجي الا عندها
اوس: خير
ميس وهي تجلس جنبهم: هذه غرفتك
قيس ببسمه: ايوة غرفتي.. بسرتي كيف..
ميس: هههههه يعني ماحد عاش مرتاح مننا ومريش الا الأوس
قيس: بالضبط
اوس: هههههه الناس حظوظ هههههه
دخلت سعاد ومعاها عصير طازج وهي تتكلم: حيا بكم
ميس و اوس: الله يبقيكم ياخاله
وزعت لهم العصير وهي تتكلم: غداكم عندنا لاحد يروح
اوس بعدما شرب من القلص: اعذريني ياخاله انا خاطي للمركز ما عتقدر غير مره ان شاءالله
سعاد بسرت ميس وقبل تتكلم تكلمت ميس: من دون ما تعزميني انا جالسه هانا عند قيس اخي اكيد
سعاد: ههههههه حيابش فوق عيني وراسي
ميس ببسمه: ياسين علييش
اوس بهمس: قلة حياا قومي رووحي معي
ميس: مادخلكك ما عتفعلت اخي وهو تاعب هكذا
قيس: انفداااء لاختي بس ههههههه
ميس بزنط: يالله وانت روح اجلس في الشقة وحدككك
اوس: خخخخخ عتروح بيتنا عند امي واختي الثانية
ميس بقهر: ماالت..
اوس وقيس وسعاد: ههههههههههههه
.
.
عند منار..!!!
في الجامعة..!!!
جلست جنبهافي الاستراحه وهي تتكلم: مالجدتش مبرطمه هكذا اووووف
منار بهدوء: مرام لا تكسري راسي انقلعي
مرام: الله الله شكل الاخلاق قافلة من صدق
منار:........
مرام: مافيه ابن خالش والله انه رجال
منار: تزوجي به انتي
مرام ب ارتباك: هاه.. ههههه للأسف جاء لش انتي
لفت لها منار وضحكت بسخرية وهي تكلم: وانتي جالسه مصدقه لعلقش انا ماهر يحبش ههههههه يا بنت اصحي الولد لعاب واكيد بيضحك علييش
مرام بثقة: لا ما اعتقد وبعدين في ايش لعاب.. مابين اراسله ولا بين احاكيه ماغير اخته بتجي تكلمني انه يحبني ويشتي والولد محترم ما طلب رقمي وحتى لو طلب مستكيل اديه له
منار: هو هذا الضرر انه ما طلب رقمش.. الولد حافي منتف وحبه لش واضح انه عشان ثروتش اللي عتورثيها من ابوش مش لله حبه مصلحه يا مرام
مرام: اخته حلفت لي انه يحبني من صدق وقد انتي بتبسري نظراته لي بعدين يكفي انه ماقد. كلمني ولا بحرف ولاحد تجرأ وهذا يؤكد انه محترم وابن ناس وغرضة شريف
منار: نصيحة من اخت لـ اخت لاتحلمي قوي معش جدي حسـن ههههههههه
مرام: ماله جدي
منار بسخرية: طيوب قوي وحبوب عتخطي تقولي له ياجد وافق انا بين احبه وهو محترم ولو هم على قد حالهم ويحضنش ويقول لش ابشري ياعين جدش المهم رضاااش... هههههه قسم بالله غير الا يهفش ملطام لوما يكسر اسنانش
مرام: ماعليش شي وبعدين ويحين ماهر فقير لاهذك الحد مالهم شي حالهم متوسط.. واءا ما تدخل احد من عيال عمي او اخوالي ما عيتكلم جدي
منار: خير انتي اخبر انا خايفة تنكسري بعدين
مرام: على الله ما يقع شيء بإذن الله...!!!!
ِ
تـــــوأم أغـــــراب 2
البارت 118
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
فتحت باب الغرفة وبسرت سياف ووقفت وهي تتكلم: عفوآ ما انتبهت
ابتسم لها سياف وتكلم اوس: تعالي ادخلي اللواء مثل ابوش ياعيني.. عادي.
ابتسمت لهم وتقدمت من قيس وجلست بالطرف الثاني للسرير
قيس بضحكه: طبعآ هذه التوأم الثالث لنااا يا لواء
سياف بصدمة: قووول والله
اوس ميس وقيس: هههههههههههههههه
قيس: والله.. هذولا اللي زاحموني في بطن امي 9 شهور وحانبوني الله يقلعهم
اوس: تتشرف
ميس: يحصل لك اصلآ..
سياف ببسمه: ماشاءالله صلوات على محمد وآله.. الله يحفظكم ويحميكم يارب
الكل: يارب تسلم
سياف بتساؤل: الا يا اوس
اوس: أأمر
سياف: ولو هو تدخل مني وين ابوك مابسرته يعني اخوك متصاوب المفروض يجي يبسره. وامك.. بس للأن ماقد بسرتهم
الثلاثة بسروا بعض بوجع كبير تخفيه نظرات عيونهم المكسورة وسكتوا لثواني وهم يبسروا بعض وكل يبحث عن اجابه
سيياف بعدما بسر سكوتهم ونظراتهم اللي تغيرت للخيبه: انا اسف لو..
قاطعه اوس بهدوء: عادي.. من حقك تسأل.. امي الله يرحمها وابي مسافر الخارج معه عمل
بسروه ميس وقيس وما علقوو على كلامه
سياف بتفهم: الله يرحمها يارب وابوكم الله يعينه اكيد مشغول
قيس وهو يرفع نظره لافوق: ايوة مشغووول مشغول قوووي.. وبهمس ماحد سمعه؛ لدرجة انه تخلى عن عياله من كثر انشغاله...!!!
.
.
بعد يومين..!!!
العصر..!!! بيت كريم..!!!
تربعت وسط الصاله وهي تطرح التلفون الارضي قدامها وتتكلم: خلود. تعالي مليني الرقم اللي اداهولنا قيس وقال نتصل لابينه اذا احتجنا شي لان تلفونه انكسر
خلود وهي تقلب النوته؛ تمام ريعي.. اها هذا هوه سجليي..*. 77711..
حطت التلفون على اذنها وبأمر لخواتها اللي حولها وامها وامها سعاد: اووووص قده بيرن... اها رد..: الووووو..
.
.
الأوس. اللي وقف بسيارته قدام المستشفى وقبل ينزل منها رن تلفونه برقم ارضي غريب فتح الخط واستغرب اول ما وصله صوت بنت: الووو
اوس: اهلا
كوثر: وين قيس
اوس: من قيس
كوثر: قيس ابن الملوح. مدري الملوج.. قيس اخي كيف من قيس
اوس: اهاااا قصدش قيس اخي
كوثر: لا قيس اخي مادخلني باخوك انااا
اوس بقهر: طيب ماقيس اخوش هو نفسه اخي
كوثر: والله عنجد.. يعني انت اخي والكل
اوس بسرعه: لا لا لا.. قيس بس اللي اخي
كوثر: اصلاآ يحصل لك ان كوثر تكون اختك.. ما تستاهل اصلآ لا ينالها الا ذو حظً عظيم
اوس مسك نفسه لايضحك وبجدية: طيب ما ودش الان
كوثر: وين قيس اخي له اربع ماعاد بسرنااه خليه يكلمني الكلب البياع هذا
اوس: عيب تقولي لاخوش هكذا
كوثر: هكذا ونص بياع وكلب فلتنا ولاعاد بسرنا ما عذره
اوس؛ عذره انه في المستشفى
شهقت بقوة وبصدمة: اييش في المستشفى ما بيفعل ايش وقع فيييه تكلم...
اوس: اهدأوا الحمدلله حالته تمام وقده بخيير
كوثر: اااي مستشفىىى تكلم
اوس: مابه داعي...
قاطعته بقهر: ياخي مادخلك به داعي او مع اي مستشفى
اوس بتنهيده: مستشفى الـ....
غلقت الخط بدون ما تشكره و اوس بسر التلفون بقهر وبهمس: الله يعينكك يا قيس هههههه.. شل الفواكه اللي شلهن من السوق وامن السيارة ونزل متجه لاداخل المستشفى حيث قيس وميس..!!!
.
.
قطع له شريحة تفاح ومدها له وتكلم بتذكير:ايوة صح واحده من خواتك اتصلت لاعندي
قيس ب استغراب:خواتي
اوس وهو يأكل موز:ايوة كوثر اعتقد ههههههه
قيس:وما قلت لهااا
اوس:تناقرنا شوية واديت لها عنوان المستشفى
قيس:والله نسيت اكيد.قلقين علياااا
ميس بحماس:الله يعني عيجيين خواتك كلهن
قيس:مدري بس الاكيد كوثر في القايمة الاوله وفاطمة والباقي مدري
ميس:المهم....اشتي اتعرف عليهن..!!!
.
.
وقفين بالتاكس قدام المستشفى وتكلمت سعاد؛ هانا
كوثر: ايوة هيا انزلين..
نزلت سعاد ونبيلة وفاطمة واتجهين لاداخل للمستشفى..!!!
.
.
وقفين قدام الغرفة ودقت كوثر الباب وهي تتكلم: قيس
قز قيس ولف لاوس: خواتي
وقف اوس: تمام بفتح لهن واخرج شلوا راحتكم
ابتسم له قيس ب امتنان.. و اوس خطي فتح الباب وتنحى وهو يتكلم: تفضلوا
سعاد بصدمة: واذا انت بخير مافيك شي
اوس ابتسم وصاح قيس: واذا انا هاااه
خرج اوس وهن دخلين وكوثر تتكلم: وكأنه انت سبحان الله
تقدمين منه وسعاد تحضنه وتبكي: قيس يا قلبي كيف انت ما وقع فيككك
قيس ببسمه: بخير بخير انفداالش لا تبكي
كوثر وهي تحبه على راسه: ما تشوف شر يا غالي
قيس: افااا من وين نزل الادب
كوثر بقهر: مالت ماحد يدلعككك
فاطمة وهي تسلم عليه: الحمدلله على السلامة ي قلب
نبيلة: فجعتنا ياولدي الله يسامحك
قيس؛ الحمدلله سلم الله ياعيوني
كوثر وهي تبسر ميس بنظرات تقييم؛ وهذه من هي
ميس بزنط ك العاده: انا ميس توأمته
ِ
تـــــوأم أغـــــراب 2
البارت 117
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
بسره اوس بشتات وضحك بعدم تصديق وهوه يتعداهم للغرفة ويتكلم بفرحه: بعدوا اشتي ابسرررره... افتحووووا الباب..
مسكه صقر بسرعه وهو يتكلم: ممنوع ما يسبرش لوما ينقلوه لغرفة ثانيةة
فك نفسه منه وبعصبية: ماقد خلق اللي يمنعني من اخي بعددددد.... خطي وفتح الباب والممرضين سعيوا يلحقوه ووقفهم الدكتور: خلوه.. خمس دقايق ما تضر..!!!
.
.
لفحته برودة المكان اول ما استقر في الغرفة وتوجهت نظراته لجسد قيس الممد على السرير بسلام وبدون حراك.. تقدم منه بخطوات هادئةة.. وقف جنب السرير ومد يده ومسك يد قيس وخلل اصابعه معه وبهمس: قيس يا عضـيد اخوك وعينةة..
جلس على ركبه في القاع وخلا يد قيس بين يداته الثنتين وبغصة: ليييش فعلت هكذااا.. ليش تخاطر بنفسك.... انا كنت اسمع عن حب الاخ لاخوه وعن التضحية بين الاخوة بس ما توقعتها لاهذا الحد ولا ظنيتك تسوي اللي سويته... باس يده بعمق ودموعه نزلين وهو يحط راسه بطرف السرير..!!!
.
.
عصر ثاني يوم..!!!
وقف باب الغرفة بفرحة كبيرة وخلفه صقر وميس اللي تكلمت وهي تتعداه: بعد عتجلس تصور او كيييف... بسرت قيس اللي بيبسرهم ببسمه كلها تعب وسعيت لاعنده وحبته على جبينه وهي تبكي وتتكلم: الف الحمدلله على سلامتك ياعيوني انتي ماتشوف شر
قيس بهمس؛ الله يسلمش ويعافيش
صقر وهو يوقف جنب ميس: سلامتك يا بطل هكذا تفجعنا عليكك لا تعيدها
ابتسم قيس ولف لاوس الواقف في الباب وتكلم: وانت ما عتجي لاعندي
بسره برفعة حاجب وتقدم منه ووقف قدامه وبحده: ما بتظن نفسك لوما فعلت اللي فعلت
قيس: قيس مابين اظن نفسي
اوس بقهر: انت عارف اننب قادر احبسك الان واخليك تعفن في السجن بتهمة انتحال شخصية او يحبسوني انا لاهمالي وتغافلي
قيس بضحكه: سهل فداااني صح
اوس بصراخ: قيييس لا تجنني فوق ماقد جننتني
قيس: تمام تمام الناس يقولوا الحمدلله على السلامة اول وسلم عليااا
اوس بزنط: قدك بخير مافيك شي
صقر بضحكة: الله الله اللي يبسرك الان ما يصدق انه انت امس اللي كنت تبكي وجننت وعتكسر المستشفى وكتت عتضارب مع اللواء ومدري ايش
بسره اوس بحده وقهر وضحك قيس بوجع وهو يتكلم: الله طلعت مهم والله
ميس: كان ما بتظن يا اهبل وربي توقف قلبي
قيس: سلامة قلبش.
صقر بسر نظرات اوس لقيس ومسك ميس من يدها وهو يخطيها معه ويتكلم: تعالي اشتيش بموضوع .. خرج معاها تحت اعتراضها..
رفع نظره له وببسمه: مصر للأن ماعتسلم عليااا
ابتسم على جنب وتقدم. منه جلس بطرف السرير وقيس رفع نفسه بسروا بعض بنظرات مطوله وضحك قيس متكلم: ايش جايي تنحتني هههههه
شده على الخفيف لاصدره وحضنه بقوة وبحده ممزوجه بغصة: لا تعيدهااا اقسم بالله اذبحككك يا قيييس ساااامع اذبحكككك يا كلب
قيس وهو يحط راسه على كتفه ويداته على ظهره: انت اخي وشقيقي ومن حقي افديك بروحي يا اوس والروح ترخص لك
اوس: حماااار بين اقول لو تنعاد يا ويلككك مني
قيس بهمس: يصيبني آذى ولا يصيبك يا عضيدي.. جعل كل الاوجاع فيني ولاتجي صوبك و....
قاطعه اوس بحده: قييييس ... كمل بخفوت: حسيت قلبي توقف وعيخرج من مكانه من كثر ما دق بتوتر وخوف.. من امس لليوم وانا في قلق وخوف ترقب.. خوفتني عليك والله خوفتني ولو وقع فيك شي ماكنت عتسامح نفسي
قيس بهمس: سلم الله الحمدلله
تنهد اوس وانفجر ضحكه اول ما تكلم قيس:ولو وقع فيني شي كنت اخنق نفسك ب مسبحة ولا اقلع عينك بمسواك..
اوس: قلعككككك.. ههههههههههه
رفع نفسه من صدر اوس وهو يضحك ولفوا على فتحت الباب ودخول سياف بباقة ورد بيضاء وهو يتكلم: لا الحمدلله دام فيهااا ضحكه فالصحة تمام الحمدلله... تقدم من قيس وببسمه: كيف حال المنحتل الحمدلله على السلامة
قيس بضحكة وهو يصافحه: الله يسلمك ويعافيك تسلم
مد سياف الباقة لاوس وجلس على الكرسي وهو يتكلم: خوفتنا الله يسامحك
قيس وهو يرجع يتمدد وبمساعدة اوس: المهم انكم بخير وعافية وما صابكم آذى
سياف ب امتنان: والله مانا عارف كيف اشكرك وارد لك دينك اللي فوق رقبتي
قيس بضحكه: عادي سدده اقساط كل شهر مية الف
اوس فتح عيونه بصدمة وسياف انفجر ضحكة: هههههههههههه الله يحفظك هههههههه
قيس: هههه الله المستعان مابش بيننا وهذا اقل واجب اقدمه لكم
سياف: والنعم فيكم والله..!!!
.
.
ميس..!!!
شهقت بصدمه وهب تتكلم: اييش اييش واحده من بنات اللواء تبرعت بدمها لقيس
صقر وهو جالس جنبها في الطارود: ايوة هي والأوس
ميس: وليش ترضوا ليش ما سحبتوا مني اناااا
صقر: انتي كنتي تاعبة وفاقدع لوعيش ما يسبرش
ميس: ولو كان تقوموني.. مش تسحبوا دم. من هذك التافهه الزناطه وتدوه لاخي
ابتسم برفعة حاجب وتكلماذا هي بنظرش زناطة انتي ايش تطلعي
ميس: مالي انا
ِ
تـــــوأم أغـــــراب 2
البارت 115
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
الأوس..!!!
فز من نومة وشهق بقوة وهو يفتح عيونة ويوجه نظره للسقف بسرحان... رفع يده لقلبه اللي بيدق بشكل سريع وكأنه عيتوقف.. جلس لثواني يستوعب هو وين وحالما تذكر فز متجلس وهو يوزع نظراته في الغرفة والظلام من حوله.. صاح بصوت عالي وهو ينزل من السرير: قييييييييس.. شغل الضوء للسرير ومابحد. لداته العسكرية ولا تلفونه فتح الباب بسرعه وهو يداعي بسم قيس ولا من مجيب.. خطي بسرعه لاغرفته وشل تلفونه وفتحه واتصل لارقمه وهو خايف من اللي في باله.. اتصل ثلاث مرات بدون مجيب وفي المره الرابعه انفتح الخط وبكل لهفه: قييييس وينككككك
وصله صوت النيرس وهي تتكلم: صاحب هذا التلفون في غرفة العمليات تصاوب برصاصة و..
قاطعها بخفوت: اي مستشفى
النيرس: مستشفى الـ......
غلق الخط وبسر الفراغ بشتات ودقات قلبه سريعه سريعه بشكل ما يتخيله مخلوق..!!!
.
.
ميـس..!!!
تكلمت ببكاء زهي ترفع تلفون مجد عشان التغطية: ليييش ما يجااااوب ليييييش لا قيس ولا اوووووس
مجد: اذكري الله واهدأي مافيهم شي مالش انتي
ميس: مااااشي قلبي حاسس واحد فيهم فيه حاجةة.. مدري ما حصل معاهم احساسي ما يخيب اصلآ انا بين احس ب احساس شوعةةة قوووي
شهد بهدوء: ميس ياعيوني هو الا وسواس لا تقلقي
ميس بقهر: وليييش ما بيجاوبوا ليييييييش.. اتصلت لرقم اوس للمره العاشرة وفزت اول ما انفتح الخط.: اوووووس وينكككك ما بترد
النيرس بهدوء: المعذرة منكم صاحب هذا التلفون تصاوب وحاليا بغرفة العمليات...
قاطعتها بصرخة مفجوعه: ايييييش ما بتقووولي انتي اي مستشفى.....
النيرس: مستشفى الـ......
رجمت التلفون من يدها للقاع وبكت بصوت عالي
شهد بفجعه وهي تمسكها: مالش ما قالوا لشششش
ميس: اووووس اخي اووووس تصاااوب وهو في غرفة العمليااات... رفعت نظرها لمجد ووقفت وهي تتكلم: قم ودني لاعندهم بسرعه هيااا عتدخل اللبس... خطيت للغرفة بسرعه وشهد لحقتها.. لبست العباية واتبرقعت وهي تبكي وشهد تهديها..
خرجت من الغرفة وبسرت امها اللي صحت على اصواتهم وتكلمت ببكاء: هيااا مجد
مجد: طيب وانا فوق ايش عتوديش للمدينة بهذا الوقت
بسرته بعجز.. وفلتتهم وخرجت بسرعه
ام مجد: وين عتسيري تعالي للصبح ويوديش مجد
ميس وهي تسعى: عتبسر من يوديني.. فتحت الباب وخرجت وعلى طول لا بيت صقر وقفت قدام الباب ودقته بقوة وهي تبكي ثواني وفتح صقر اللي مفجوع
مسكت بيده وشدته لاخارج وهي تتكلم ببكاء: بسرعه تعال وصلني للمستشفى بسرعةةة هياااا صقر
صقر مسك يدها وبخوف عليها: ليش المستشفى فيش حاجة تاعبة او...
قاطعته بسرعه: اوس اخي بغرفة العمليات تصاوب.. غطت وجهها بيداتها الثنتين وانفجرت بكاء..
حضنها وهو يتكلم مهدأ لها: ااااوش ليش بتبكي ان شاءالله انه بخير لاتخافي.. لف لامه ورانيا اللي واقفات في الباب وتكلم: هاتي الكوت حقي يا رانيا ومفاتيح السيارة بسرعه
رانيا: عيووني.. لفت ودخلت بسرعه شلتهن ورجعت لاعندهم مكنت صقر اللي لبس الكوت ومسك يد ميس وخطي فتح السيارة وطلعها وغلق الباب ولف لام مجد وشهد اللي واقفات في بابهم وتكلم: لاتخافين انا عتوصلها انااا
ام. مجد: انتبه لهااا
اشر لعيونه وركب السيارة ولف بها وخطي متجه للمدينة..!!!
.
.
المستشفى..!!!
توجه للغرفة بعدما استعلم عنها وهو بيسعى وخفف خطواته اول مابسر اللواء سياف وحسين واقفين والقلق بادي عليهم.. تقدم منهم ببطء ووقف وهو يتكلم: كيييف حالته
لفوا له الاثنين وبصوت واحده: عادهم ماردوا لنا خبر
تقدم من حسين ومسكه من ثياب صدرة ورصه للجدار وتكلم بفحيح وتهديد: اءا وقع في قيييس اخي حاجة قسمابالله ما غريمي الا انتوووا فاااهم
فتحوا عيونهم بصدمة وبصوت رافع: قيييييس
اوس بصراخ: ايووةة قييييس اللي ما قدرتوا تفرقوا بيننا وتعرفوا انه مش العقيد وخليتوه يدخل معاكم في هذه المهمة الخطيرة اللي احتمال يخسر حياته فيهااااا
تقدم. منهم سياف وفك يدات اوس من قيس وهو يتكلم: اوس اهدأ كلنا ما عرفنا على بالنا انه انت لاحد الان والله
بسره بنظرات ناريه وانتبه للدم اللي على ثيابه مد يده ولمسهن ب اصابعه وهمس بغصة: هذا دم قيس اخي
سياف نزل راسه بوجع وحزن
اوس بصوت عالي ملانه غصة: والله ما اسامحكككككم لوووو وقع في اخيييي حاجةةة. والله ما احللكم والله.....
مسكه حسين وهو يتكلم: اهدأ وتعال اجلس لا تنفعل..
دفه منه لاعرض الجدار وبحده: انت اسكككت ماعاد قدرت تعرف من هو صاحبكككك يا نذلماعاد عررررفت
حسين بحده: وانا ايش عرفني بعدين قيس ما جلس جنبي ولا كلمني كان يتحاشاني عشان لا اعرفه.. واذا به احد هانا ينحط اللوم عليه فهو انت فااااااهم
ِ
تـــــوأم أغـــــراب 2
البارت 113
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
الأوس..!!!
دق مكتب اللواء سياف ودخل بعدما سمح له ضرب تحية وهو يتكلم: طلبتني
سياف: ايوة تعال اجلس..
تقدم اوس وجلس: خير
سياف: كل خير معانا مهمة بكرة العشي وهي حساسة للغاية وخطيرة
اوس: طيب
سياف: وانا اخترتك انت وحسين وعدة ضباط ذات كفاءة عشان تنفذوها لأنها مثلما قلت لك خطيرة ومهمة للغاية ولنا نخطط لها كثير
اوس: قصدك عملية الهجوم على عصابة النصب والاحتيال اللي لنا نلاحق بعدهم سنين
سياف: بالضبط احنا والحمدلله قدرنا نتوصل لهم بفضل جهود ضباطنا ودرسنا الخطة بدقة.. ونحتاجكم بالهجوم مع بقية العناصر
اوس: اكيد جاهزين بإي وقت.!!!
.
.
ثاني يوم العصر..!!!
بيت كريم..!!!
تكلمت وهي فوق الشجرة بعدما ربطت الجزء الاول من الحبل: هاتي الشق الثاني يافطومة سرريع
رجمته لها فاطمة وهي تتكلم: شديه سوا لا يقتطع وننكع
كوثر: لا تقلقي انا كووثر مش، حي الله
خلود وهي جالسه بالقاع ومرتزحه لاعرض خديجة وانداء ممده وراسها فوق ارجلها: انا الاوله
كوثر بشراسه: لا والله يا حبيبتي بتبسريني معلقه هانا لي ساعة اربط وتجي تقولي انتي الاوله استحي على نفسش شويةة
خلود: انا اختش الكبيرة على فكرة
كوثر وهي تنزل من فوق الشجرة: والله لو انتي امي.. انا اللي سبرتها يعني انا الاوله.. فطوم هاتي الوساده بسرعه
مدت لها فاطمة الوسادة وهي طرحتها فوق الحبل وجلست فوقه وهي تتكلم بحماس: ايوةة هكذا ضخم.. يلا ادهفي يا فاطمةة
فاطمة وهي توقف خلفها: شوية واطلع انا
كوثر: تمام دفي هيااا قووووي ههههههه..!!!
.
.
الأوس..!!!
دخل للبيت وسمع صوت في المطبخ وتقدم. منه وابتسم وهو يبسر قيس بيتضارب مع الحرض والملعقة. ارتزح للباب وربع يداته وبضحكه؛ ما بتفعل
فز قيس ولذع يده بالحرض وصاح: اااااه يلعنننن..... يا نذل
اوس تقدم منه وهو يضحك: ههههههههههه ما بتفعل صدق
قيس واصبعه بفمه والثانيه بيحرك بها البيض: قدنا جاوع قلت اسبر لي بيض ولا دريت من وين يجو لهن. الله يفتح عليييش يا ميس لوجودها فارق والله عتسير اشلها غدوة
ضحك و طفى الغاز تحت الحرض وتكلم : تعال تعال قدنا شليت غداء، جاهز مابه داعي للبيض حقك هذا
قيس: الله يحفظك بس اكيد. حسيت اننا جاوع. قدناقلت اكيد انه ناسي لي وخطي بيتهم لكن طلعت جيد
ضحك اوس وخطي متكلم:انا انساااك مستحيييل حمىى عليككك بس..هات صحن للرز وتعال هيااا
.
.
بعدما تغدوا ورفعوا مع بعض تكلم اوس وهو يدخل غرفة قيس: قيس تعال
لحق بعدن قيس ب استغراب..
اوس شل بطانية وفرشها بالقاع وهو يتكلم: زيد ادي واحده فوقها هيااا
شل قيس بطانية وفرشها فوق اللي فرش اوس وتكلم: ليش..؟
اوس وهو يحط المخدات: عشان اشتي ارقد وانت ارقد معي
قيس: ليش وغرفتك مالها والسريرات
اوس وهو يتمدد ويتدفى: تخورت انام جنبك عندك مانع تعال اختمد هيا اشتي انام معي العشي عمل واشتي اكون مصحصح
تمدد جنبه وتكلم بسؤال: ايش من عمل.؟
اوس بتنهيده: معانا مهمة خطيرة قوي احتمال نفقد. حياتنا فيهاا
فز قيس وبصدمة: ايييش
لف له اوس وببسمه: مثلما سمعت.. رجع نظره لافوق وتكلم. كنت وانا صغير اتمنى لو معي اخ حقيقي وانام انا وهو واحنا بنتجابر ونتكلم ب اسرارنا لبعض وعن يومنا وكل اللي حصل لنا.. واليوم الحمدلله تحقق هذا الحلم
قيس بخفوت: اوس
اوس بهدوء: امانة اذا لقيت ابونا.. عاتبه كثيرر وقول له اوس مش مسامح لككك
قيس بصراخ: اوووووس بببببس للهباله
ضحك اوس ولف على جنب وهو يتغطى بكله ويتكلم: يلا اص اشتي ارقد..
بسره قيس بنظرات شتات وتفكير من جديته بالكلام.. وتوجع ببقعته وغمض عيونه بقوة وبيفكر كيف يسوي ويمنع اوس يخطى العملية هذه..!!!
.
.
بعد العشاء..!!!
كمل يصلي عشاء ولف لدخول قيس وملامحه ذابله ابتسم له ووقف وهو يتقدم. منه حضنه بقوة وهو يتكلم: احتمال تكون اخر مره ابسرك فيها
شد. عليه قيس وبقهر: تشتي اكسررر لقفككك اناااا ذلحين
اوس: ههههههه... فك له ولف للسرير حيث لداته العسكرية: يلا اخرج ابدل عشان اخطى
قيس مسك يده بسرعه متكلم: اول تعال اتعشى معي هياا امانه
تنهد اوس وخطي معه
ابتسم قيس بفرحه وجلسوا قدام العشاء وبدأوا يتعشوا. وهم يتجابروا..
كملوا ووقف اوس وهو يتكلم بنعاس: ااااه يمه اشتي ارقد
قيس: ما ترقد عادك قمت
فتح عيونه لاكثر من مره ولف خطي وهو يضحك: مدري والله بين احس بنوم فظيع. ااااخ.. دخل للغرفة وقيس ريع دقيقة وخطي بعده وابتسم اول ما بسره مرجوم فوق السرير وداخل بسبات عميق: نجحت الخطة.. يييييس..
ِ
تـــــوأم أغـــــراب 2
البارت 111
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
صباح ثاني يوم..!!!
قيس...!!!
وقف قدام بيتهم ودق الباب بهدوء وبعد. دقيقتين وصله صوت كوثر الحاد: ممممممننننن
قيس: انا قيييس
كوثر وهي توقف خلف الباب: قيس من
قيس: قيس جدتش افتحي
كوثر: من قيس جدتي هذا ما اعرفة للأسف
قيس: كووووثر مش وقت هبالتش
كوثر؛ ماعاد. نشتيك انقلع حيث ما كنت يلااااه
دق الباب وبحده: كووووثر يلعن.... افتحي يا كلبةةة
كوثر ب استفزاز: ماعة اسكه ورني ما عتفعل.
قيس وهو يبسر الباب: الان اوريش ما عتفعل..
مسك الباب وطلع فوق ولما مسك راسه يطلع للسور فتحت كوثر الباب وتعلق بيداته فيه وبصراخ: يا كلبةةة ليييش فتحتي
كوثر بضحكة: هههههههه ياربي محلااكك معلق هكذا ههههههههههه
قيس بتهديد: قربي الباب عشان انزل
كوثر: لا خليك معلق هكذا
قيس: يداتي وجعني غلقي الباب اااه لا راحت لششش
كوثر،بنذاله:تستااااهل..ههههههههه
قيس ماعاد قدر يقاوم نكع للقاع وكوثر فزت تهرب..بس قيس قام بسرعه رغم المه وسعي خلفها..:ريعي وييين عتهربي منيييي..
لفيها ومسكها بسرعه وكوثر صاحت بفجعه:اااااه اخر مره اسفةة والله اخر مره
البنات فزين من صوتها وخرجين للحوش
فاطمة بحماس:امانةة مردغ ابوها تستاااهل
سحبها قيس معه وهو يتكلم:تعالي يا خديجة..
خطيين البنات بعده..وقيس بعد الطرحة حق كوثر وهي تصيح يفك لها
قيس:كل واحده تشل حفنه تراب ولافوق شعرها ولداتها بسرعه
البنات تحركين بحماس يشلين تراب
كوثر وهي تحاول تفك نفسها:لا تصدقييين له فكككك ليييي..
ثبتها قيس والبنات بدأين يطرحين التراب فوق شعرها على واحده واحده وهن يضحكين مع قيس
كوثر بقهر والتراب دخل فمها:انا اختكككن يا وسخااات لا راااحت لكككككن بعينييي ..
الكل:هههههههههههههههههههه
.
.
بيت سياف..!!!
خلونا نعرفكن عليهم ونعطيكم نبذه عنهم..!!!
سياف الاب لواء وله مركزة بالدوله وله هيبة ومكانه رفيعة.
كان متزوج ثنتين الاوله رجاء اللي طلقها
وخلف منها
منار وعمرها 22 سنة..بتدرس سنة ثالثة جامعه
بتول وعمرها 20 سنة... سنةاولى جامعةة
زوجته الثانية رهف وخلف منها
بيان وعمرها 18 صف ثالث ثانوي
علا وعمرها 16 صف اول ثانوي...
عتتعرفوا على اخلاقهن من سياغ الاحداث..!!!
ــــــــــــــــــــــــ
نزلت منار الدرج وهي تتكلم بعجلة: هياا بتول تأخرنا على الجامعة والله لا افلتش
بتول وهي توقف وماقد تمت صبوحها: طيب اصتبحي اول
منار: مابش وقت عتصبتح في الجامعه هيااا
رهف ام بيان: ما يسبرش هكذا تخطي بغير صبوح يومية
منار ببرود: مادخلش.. هيا بتوووول... خرجت وبتول لحقت بعدها بسرعه..!!!
تنهد ام بيان ولفت لبناتها: اقطبين اصتبحين لا تتأخرين على المدرسة
بيان وعلا: حاضر..!!!
.
.
وقفت بسيارتها قدام بيت عمها ورنة لبنت عمها تخرج.. ثواني وخرجت وتقدمت منهن وهي تركب بالخلف: مرحبا صباحكن المــــــــرام وضحكـــــتهااااا
تحركت منار وهي ترد بسخرية: واثقة من نفسش
بتول بحب: يا صباح الورد
مرام؛ ياحبي لش يا بتولة قلبي
بتول: ايلاااافيوو
مرام: ايلاااافيوو توووو
منار؛ يالله احنا والسخافة من صبااااح الصبح
مرام وبتول: هههههههههه..
.
.
بعد اسبوع..!!!
العصر..!!!
ردت البرقوع على وجهها وخرجت من الغرفة وهي تتكلم:هيا انا جاهزة
وقف قيس وهو يتكلم:كم عتجلسي هناك
ميس:مدري كله على حسب مودي
قيس بسخرية:مودي ولا موده
ميس؛مودو هههههه هيا اخطى
خرجوا من الشقة وطلعوا السيارة متجهين لقرية ميس تسير عند امها وشهد لأنها فاقده لهن..!!!
.
.
وبعد سفر لنص ساعةة...!!
وقف قيس بالسيارة في الباب
ولف لميس متكلم:يلاه استمتعي بوقتش واحنا نرتاح منش،شوية ونتنفس لنااا
ضربته على كتفه وبقهر:يا سماجتككك اصلآ انا الاكسجين حقكم
قيس:خخخخخ يلا انزلي قطعتيني
ميس:ما عتدخلش تجلس شوية
قيس:ماشي والله مشغول
ميس:طيب انتبه لنفسك ولاوس وكل واحد يرجع لابيتهم عشان تأكلوا سوا طيب
قيس ببسمه:من عيوني
ميس:يلاه في امان الله..فتحت الباب ونزلت ولفت تغلقه وتسمرت مكانها اول ما بسرت قيس خارج من بيتهم وتوجهت نظراتها لها بعدم تصديق انها في القريةة..قطع نظراتهم لبعض صوت قيس العالي:حيااا دكتورنا الغالي..حيا الله بالنسب
يتبع.....
ِ
تـــــوأم أغـــــراب 2
البارت 110
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
سياف ببسمه وهو يصافحة: ياهلا بالأوس ما بتسوي هانا
الأوس: هلا بك خرجت مع الاهل
سياف: وانا مثلك بس مدري مال السيارة مع رضيت تشتغل معي
وصل قيس وتكلم: سلاااااااام
بسره سياف وببسمه: وعليكم السلام. قيس صح
قيس: هكذا بيقولوا لي الناس ومدري قلدهم الله
سياف: هههههههههههه
اوس: خلاص دام سيارتك خاربه تفضل معانا نوصلك على طريقنا السيارة فاضيةة
سياف: لا لا تسلم مشتيش اغلبكم معي عتتصل لواحد من عيال اخوتي وعيجي بسيارتي الثانية
اوس: الله المستعان.. قده بيأذن عتتأخروا لوما يجي ابن اخوك تفضلوا معانا بعدين سهل
تنهد سياف ولف لبناته اللي فوق السيارة: طيب تسلم خلني اكلم البنات ينزلين..
اوس: طيب.. تنحى مع قيس شويةة وسياف كلم بناته ينزلين.. ونزلين الاربع بعدم رضاء وخطيين خلف سياف اللي خطي مع اوس وقيس..!!!
اوس؛ البنات يطلعين بالخلف مع اختي وانتي تفضل قدام يا لواء
سياف: تسلم.. اطلعين يا بنات..
فتحت ميس الباب وبهمس: تفضلين..
طلعين البنات بضجر وسياف طلع قدام وجنبه قيس و اوس مكان السواق تحرك وهو يتكلم: بيتك في شارع
سياف: في شارع الـ.....
قيس: معروووف تعرفه يا اوس ماشي بجي اسوق بدالككك
بسره اوس برفعة حاجب ولف للطريق
قيس: ما قلت انا
سياف: هههههههه..
بالخلف..
منار بقهر: اوووف لو صدقني بابا وخرجنا بسيارتي ما تحواصنا هكذا
بتول: قرررف
علا: قد عتختنق الله يهديه بابي
بيان بهمس: عيب استحين البنت بتسمعكن.
منار: واذا سمعت عادي عتحشها..
ميس بصوت مسموع: انتي في حلقش حاجة سديه لمخارج الصوت والحروف صح... ياعم ليش ما تسوي لبنتك عملية تبسر ايش علتها وليش صوتها هكذا وكأن به حاجة بحلقها
اوس عض طرف شفته بغيض وقيس ابتسم ورد سياف بتعجب: اين بنتي
ميس: هذه اللي عيونها صغار
منار بقهر: من سمح تكلمي معي هكذا
علا بدلع: بابي قد شختنق اووووف
ميس بسخرية: اكيد. عتختنقي ياعيون بابي من العطورات اللي قد. حممتي نفسش بهن
اوس بحده: ميييييييس
ميس بسرت نظراته من المراية وسكتت بقهر
بيان بتلافي: ههههه البنات بيمزحين مع بعض لا تهتموا
بتول بهمس لمنار: عيونها وكأنهن عيون ابي
منار وقد. لاحظت وانقهرت: ناهي اسكتييي..!!!
.
.
بيت كريم.!!!
خرجت من المطبخ مع خلود وهن يكحين بقوة
خديجة وهي تبسر الدخان طالع من المطبخ: ما فعلتين بالبيتزاء
كوثر ومازالت تكح: تفحمتتتتت
البنات بشهقة: اييييش
خلود: جلسنا نتجابر ونسيناها لوما حرقت
انداء بقهر وهي تقلدهن: وانتين اخرجين واحنا عننتبه لهااا ومدري ايييش
كوثر: ذلحين ما نفعل لشششش
خرجت فاطمة من المطبخ وبيدها الصحن وبحزن: بنات ابسرين خربت من صدق
خديجة: اصلآ احنا هبل ركنا على شويةة بقر ينتبهين لها
كوثر: من البقر اضبطي الفاظش
خديجة بقهر: فانتي بقرة ودابه وحمارة وكلبة وكلهن يا تافهه
كوثر: شكل جلدش بيحكش صح
خديجة: قربي وابسري ما عيقع فيش لاتنسي اننا اختش الكبيرة يا قليلة الادب
كوثر: ما اعرف امي اناااا المهم قد كلامش
خديجة: قده من يووومي
خلود: بنات اهدأين
كوثر؛ انتي اللي جنيتيه على نفسش تقدمت منها. بس تسمرين مكانه اول ما سمعين صوت سعاد ونبيلة داخلات للبيت..
فزين كلهن بصدمة وتكلمت فاطمة وهي تدخل بالصحن للمطبخ: بسرعة جمعين ادوات الجريمةة بسرعةة ..
كلهن انتشرين وبدأين يلمين الادوات اللي ملان المطبخ وينظفينه بسرعه..
وقفت سعاد باب المطبخ وب استغراب: ما بتفعلين..
شهقين بصدمة وتكلمت انداء: هاه ههههه بنظف المطبخ ما بنفعل
بسرتهن بشك: وايشهذا الشم كأن حاجة حرقت
خلود: هي فطوم حرقت ورق من حقهاا
فاطمة: هاه ايوة صح حرقت ورق
بسرتهن بشك لثواني ولفت خطيت وهي تتكلم: ذلحين وقت صلاة قومين صلين..
خرجت وهن زفرين براحةة كلهن انها ما كشفتهن..!!!
.
.
وصلوا لاقدام فيلا سياف وقيس ماقدر يخفي الانبهار اللي في عيونه وتكلم اوس: هانا صح
سياف: ايوة هذا الفيلا البيضاء.. يلا بنات انزلين..
فتحين البنات الباب ونزلين بدون كلام.
بيان لفت لميس وبخزاء: انا اسفة نيابة عن خواتي
ميس ببسمه: لا عادي ليش تتأسفي مابه شي
مدت يدها لها وببسمه: انا بيان وانتي ميس صح
ميس: تشرفنا ايوة انا ميس
بيان: اسمش حلو مثلش ماشاءالله
ميس: هههه شكرآ.
ابتسمت لها ونزلت من السيارة..
اوس ونزل مع اللواء اللي تكلم ب امتنان: شكرآ يا اوس معروفك على راسي
اوس: الله المستعان بالخدمة بإي وقت
سياف: ما تقصر ربي يخليك
اوس ابتسم له وسياف لف ودخل للبيت.
ركب اوس السيارة وتحرك بها وهو يتكلم بقهر: ما تقدري تمسكي لسااانش دقايق لوما نوصلهم. وانت ما تقدر تخبي نظراتك المفشوحه على بيتهم