-
للصداقه💛عنوان💜 - قناه عبارھ عن ↯ ❶ ‹ - عبارآٺ⚚ ❷‹ - خلفيآٺ▽ ❸ ‹ - ڣيډيۅهاℓت🎥 ❹ ‹ - رمزييَاٺム ❺↜نكت 😂 ❻⇇اشعار 🤗 ❼⇦اغاني 🎼 ❽↤صور 📸 مكاوشة الخرفان 👌 للانضمام في قناتي بالتلجرام
ِ
تـــــوأم أغـــــراب
البارت⑦⑨
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
نزل اوس عيونه بسرعه واللواء انتبه على نفسه وخطي جلس في مكانة والكل جلس وبدأوا الاجتماع..!!!
.
.
العصر..!!!
بيت كريم..!!
جلست جنبها بعدما شلت حجار صغار جدآ وهن في جباء البيت وتكلمت: انتبهي احد يبسرش ارجمي واهربي تمام
كوثر: لا تهمي المهم الحجار مش كبار
فاطمة: لا صغار ما يضرين ههههه
كوثر: اااص اااص به واحد خاطي.. شلت حفنه حجار ورجمتهن للشارع وتخبت بسرعه وهي تحط يدها على فمها وتحضك مع فاطمة بخفوت
سمعين صوت الولد اللي صيح وسب على اللي رجم وانفجرين ضحكةة
فاطمة بضحكة: هذه المره عليااا.. رفعت راسها ببطء وبسرت جهال خاطيين.. وشلت حجار ورجمتهن لا فوقهم وتخبت بسرعه
كوثر: ههههههه شكلش ما اصبتيهم لأنهم ما صاحوا
رفعت فاطمة راسها بحذر ودنت اول مابسرتهم بيبسروا من وين جت الحجار وتكلمت: ههههه لا قدهم يدوروا من وين الحجار.
راعين لدقايق وتكلمت كوثر: دوري يلا بين اسمع صوت نسوان.. شلت حجار ورجمتهن وتخبت اول ما لفين وكانين عيبسرينها
فاطمة: كنتي عتفضحينا..
سمعين صوت النسوان بيصيحين وبسرين بعض وضحكين بتشفي..
.
.
الأوس..!!!
وقف بسيارته قدام بيت قيس بعدما اتصل له وتلفونه مغلق وتقدم من الباب يدقه واتفاجأ اول ما وقعين حجار صغار على راسه ورفع نظره لافوق ب انزعاج وحده بس مابسر احد..
.
.
اما فوق
شهقت كوثر بصدمة وهي تتكلم: يووة وصلين الحجار فوف رجال قدام بيتنا
فاطمة: شلوش قد بين اقول لش ابسري من وانتي ترجمي بدون ما تبسري
فزت كوثر اول ما سمعين دقت الباب وتكلمت: بيدق بابنا عيقول لامهاتنا
فاطمة؛ لاتهميهن همي قيس حرام لا يقطعنا لحم صغار ويطبخنا مرق للناس
كوثر بهبالة: اكيد ان لحمي عيكون اطعم من لحمش الفاسد
فاطمة بقهر: والعكس صحيح خخخخخ
كوثر خطيت وهي جالسه: هيا اخطي ننزل عشان لا اشتكى هذا لقيس ننكر انو احنا مش يمسكنا بالجرم المشهود
خطيت فاطمة نفسها ونزلين لانازل وعلى طول للغرفة بدون ماحد يبسرهن..!!!
.
.
فتح قيس الباب وابتسم اول بسر الأوس قدامه وتكلم: ياحيااا وقوا
اوس ببسمه وهو يضغط بالمنديل على جبينه؛ بقيت ياسيدي وعيني..
قيس: سلامات مالك
رفع المنديل وبسر اثره دم قليل بسبب الرجمه وتكلم: والله مدري اول ماجيت ادق ما ابسر لك الا حجار صغار جين لافوب راسي
قيس: ههههههه من اي جهه
اشر اوس للجباء وتكلم بضحكه: من جباكم شكلهم الجهال حقكم بيلعبوا
قيس : والله.. ههههههه حقك علينااا احنا هكذا نضيف الناس..
اوس: مالت عليكم بسسس
قيس: هههههه تعال ادخل هيااا
اوس؛ لا انا جيت اشلك نتمشى مع بعض
قيس: تمام ريع ادخل اشل الكوت والشال واجي لككك
اوس: لا تتأخر..!!!
.
.
توجه لا غرفتهن بعدما لبس لداته وفتح الباب سكتين ولفين له
قيس بحده: من اللي كانين في الجباء
البنات بسرين بعض ب استغراب وكوثر وفاطمة بتوتر
قيس: مممممممننن
خلود: مدري ايش درانااا
بسر كوثر بشك وتكلم: هاه يا راس المصايب من كان في الجبااااء
كوثر بسرته ببراءة وتكلمت: الله المستعان انا راس المصايب
قيس: لا تغالطي من كان في الجباء
كوثر ببساطه: مدررري
بسر فاطمة بشك وتكلم بتشديد: فطووووم
فاطمة بضحكه توتر: هاه هههههه اسأل البنات كنا عندهن
خديجة: لا تصدق لهت عادهن جين قبل شويةة
انداء: وملابسهن ملان تراب
كوثر بقهر: يا خياناااات وايحين خرجنااا
فاطمة: كذاااابااات
قيس بتهديد: مش وقتكن ذلحين لوما اروح وانا خبر يا قليلات الأدب.. لف وخطي..
كوثر رجمت خديجة بالمخده وبقهر: يافسااادة يقلع وجهش
فاطمة بحده: منااافقااات
خلود:الكذب حرااام
البنات: ههههههههه....!!!
.
.
فوق سيارة الأوس..!!!
تكلم بتذكر وهو يلف بالسيارة: لو تبسر من لقيت اليوم
قيس: من.؟
اوس: هذك المره اللي كلمتني وكلمتكككك
قيس بصدمة.: احححلففف
اوس: والله
قيس: وما قلت لها وايش قالت لككك
اوس: ولاسشي ما رضيت تتكلم بشي قالت بالوقت المناسب عتتكلم وسألت لو لقيتا اختنا وقلت لها ايوة
قيس بقهر: وليييش رضيت تفك لها كان عتخليها تتكلم بالغصب
اوس: ما افعل لها خطيت بسرعه وقالت لوما يجي الوقت المناسب انا عتجي اكلمكم اناااا
قيس بتنهيده قهر: خييير
اوس: ولو تبسر ما بسرت اليوم
قيس؛ هاه من زد بسرت
اوس: اليومكان معانا اجتماع مع ضباط المديرية كلهم وكان من بينهم واحد اسمه اللواء، سياف حسن الـ.....
قيس بتعجب: ايوة ايش الغريب في الموضوع
اوس بتنهيدة: الغريب في الموضوع ان عيونة نسخة مننا
قيس: كيف يعني
اوس لف له ورجع للطريق: بسرت عيونككك
قيس: مالهن
اوس: عيونةة نفسهن بالضبط
قيس بصدمة: امانةةة
اوس بضحكه: والله
قيس: طيب كلمته حاكيته
اوس: ان شاء الله خير مدراك ونلقاها قريب
قيس: يارب...!!!
.
.
ِ
تـــــوأم أغـــــراب
البارت④⑨
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
اوس بهمس: ميـس.
ميس ببكاء: ووووييين انتوووا عني لليووم ووووويييين
اوس بتنهيده: قصة طويلةة لو تعرفي بها بس
بعدت منه وهي تمسح دموعها وتتكلم؛ كلموني بها وذلحين.
لفت لقيس وكملت: وحاكوني عن امي وابي. وعاد معانت اخوة او مع.. طيب ليش فلتوني ووين كنتوا كل هذا الوقت.. امي زاعله عليا ابي بيذكرني او مع..
تنهد قيس بقوة واوس مسك يدها وجلسها جنبه وهو يتكلم: اجلسوا معانو جلسة طويلةة نتكلم فيها بكل اللي مرينا فيه..!!!
.
.
بيت كريـم..!!!
سعاد بصوت عالي من المطبخ: كوووووثر يااااا كوووووثرررر
كوثر وهي تدخل للمطبخ: هاا امه سعاد
سعاد: السكر خلص علينا سي...
قاطعتها بحماس: ايييش نسير نسرررق.. بس احنا قد تبناااا زماااان و...
قاطعتها سعاد بضجر: ااااص خليني اول اكمل اتكلم
كوثر: هاه طيب تفضلي
سعاد: اخطي شلي خمسة الف من بين شنطتي واخطي اشتري هياا
كوثر بغمزة:اوووه زلط وحركااات من وووين لش اعترررفي
سعاد بضحكة: ما ابوش المرحوم.. لمن مات كان معه شنطة في غرفته السريه وفتحتها انا وامش وقيس ولقينا بينها زلط خيرات
كوثر: اوميقااااد. يعني الان قد احنا غنياااا
سعاد: اوووف انتي ذلحين اييش دخلس اخطي ادي سكررر هياااا
كوثر وهي تخطى: تمام من عيوني
سعاد بتحذير: خمسة الف بس قيمة السكر لا تزيدي..
كوثر وهي تفتح الغرفة: حااااضر..
دخلت للغرفة وخطيت شلت الشنطه وفتحتها واول ما بسرت الزلط سرجين عيونهااا.. شلت خمسه الف وغلقتها.. وبسرتها لثواني وهمست: ازيد اشل الفين جعاله لي ولخواتي هههههه.. فتحتها وشلت الفين وخرجت من الغرفة ودخلت لاغرفتهن.. وشلت عبايتها لبستها وهي تسال خواتها: بنات ما تشتين ادي لكن من البقالة
البنات بسرينها بسخرية وما رديين
لفت الطرحه على راسها وتكلمت: هيا ماتشتين من صدق ما تشتين..
خلود بسخرية: امممم انا خاورة ببس اصفر بارد
كوثر: من عيوني. وانتين
فاطمة ببرود: هاتي لي حار نار واسامةةة
انداء بسماجة؛ اسامة ابن الجيررران
فاطمه؛ خخخخخ ما تضحككك
خديجة: انا ادي لي شكلاتات امانه ومقرمشات
انداء: وانا والكل ساعهن هههههههه
كوثر؛ وليش تضحكي
فاطمةة: لانش خراطةة
البنات: ههههههههههه
كوثر رفعت لهن الزلط وهي تتكلم: حاضر من عيوني بتبسرين هذه عادنت قلت بشتري لكن بها بس ما تستاهلين
فزين البنات بسرعه: من ووووين لششش
كوثر بزنط: ما دخلكننن واحلمين ادي لكن حاجةة
البنات برجاء: الله يخلييييش
فاطمة: اسف اسف اسف احنااا اسفات صح يا بنات
البنات: ايوةة
لفن كوثر وبزنط: ما عتبرسين حاجة حق مسخرتكن.. غلقت الباب وخطيت تخرج من البيت.
سعاد على خرجتها من المطبخ بسرتها وبصراخ: عاااادش هانااااا
كزثر سعيت بهربه وهي ترد؛ دقايق وانا عندددش..!!!
.
.
عودة للتوأم..!!!
ختم قيس كلامه بتنهيدة بعدما تكلم.اوس بقصته: وهذه كل قصتي وبالتفصيل الممل
ميس بخفوت:يعني تخلوا عنا احنا الثلاثة
اوس: ب الضبط
ميس بغصة: بس ليييش ليييش
قيس بوجع: يمكن كانوو فقراء وبسروا ان احنا ثلاثة وقالوا من عيربينا وقاموا وزعونا على الجوامع
اوس بنفس الوجع: يمكن
ميس: دامهم مش قد الخلفه لييش يخلفووا ليييش
قيس: هكذة زينةةة هههههههه.. ذلحين اسمعي عرفتي ايش اسمي
ميس ببسمه: قيس..
قيس: صح عليش وهذا نسختي الثانية اوس
اوس: مالت يا تافهه بطل هذه الكلامه
ميس: هههههههههههههه
قيس بحماس: اوس ابسر معاها ثنتين غمازات ليييش ما احنا الا واحده بس
اوس: ههههههههه تدبير الله
ميس: انا بنت عادي يقع لي الثنتين
قيس: ليش محرم على العيال الغمازات
ميس: لا بس تكفيكم واحده بس ههههه
لفوا لدقة الباب وتكلمت ميس: ادخل.
انفتح الباب ودخل صقر عاقد. لحواجبة ب انزعاج وتكلم: السلام عليكم
الكل: وعليكم السلام
فزت ميس بحماس وهي تتكلم: صقر تعااال ابسر اخووتي
تقدم. منها صقر وهي تكلمت بحماس: هذا اخي الأوس وهذا اخي قيس
صقر بسر كمية الشبه بينهم خاصة في العيون مع اختلاف بسيط بينهم وبين ميس اللي ملامحها ملامح بنت ورد: تشرفنا.
وقف اوس وقيس وسلموا عليه باليد وتكلم قيس بسؤال لميس: ما عرفتينا
ميس ببسمه وهي تأشر لصقر: الدكتور صقر زوجي
قيس واوس بصدمة: متزوجةة
ميس بضحكه: ايوةة ابسروا تزوجت قبلكم انن
صقر ابستم لضحكتها ولأول مره يبسر ملامحها مرتاحه بعد اللي وقع وتضحك من قلبها هكذا..
قيس بزنط: انا مشتيش ولو أأشر بس لا يصتفين قدامي طابور من ذمار لا صنعاء.. اسألي اوس المعنس اللي ولا واحده رضت له
اوس بقهر: اسألك بالله يا تافه
قيس وميس وصقر: ههههههههه
ميس: اجلسوا عتضلوا واقفين..
جلسوا كلهم وتكلم صقر: حياكم الله
قيس و اوس: الله يحييك
ِ
تـــــوأم أغـــــراب
البارت ③⑨
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
صباح ثاني يوم..!!!
دخل للمركز وعلى طول لا مكتب الاوس فتح الباب بسرعه وبحماس: منكككك صدق يا اوووس او بتمزح
اوس بفرحة: لا والله مني صدق.. غلق الباب وتعال
غلق باب المكتب وتقدم منه وهو يتكلم: كيف لوما عرفت
اوس: بسرت ذاك اليوم يوم جيت احبسك. عندي. وجت البنت اللي عيونها مثلنا رماديات
قيس بقلة صبر: ايوةة
اوس: اليووم وانا بين اراجع الملفات لقيت ملف اخوها اللي انحبس وقت المضرابه واسمه واسم قريته
قيس بعدم تصديق: قلدك الله
اوس: والله
قيس بحماس: وش عاد. انت منتظر هياا تحركنا للقرية
اوس: الان انا بس منتظر لكك..
خرجوا الاثنين من المركز واتوجه الاوس لابيتهم يغير لداته العسكرية ورجع تحركوا للقرية حيث ميس..!!!
.
.
ميس..!!!
فتحت الباب ودخلت لا بيتهم بعدما اقنعها صقر انها تبسر امها واخوتها.. تقدمت بخطواتها لا داخل ووقفت وهي تبسر امها بتعزف على الطبق كـ العادة وشهد بتكنس
تكلمت بحنين: يمةةةة
فزين ام مجد وشهد بسرعه وبصوت واحد: مييييس
سعت لا حضن امها وانفجرت بكاء وامها تشد عليها وتبكي: مييس يا عيووني يا قلب امش انتي
ميس بشهاق: سامحيني يييمةةة لو غلطت في حقش
ام مجد بغصة: انتي اللي سامحيني مش اناااا
بكت ميس بدون وام مجد تمسح على راسها.
شهد وهي تمسح دموعها: بس بكاء امااانةة
لفت لها ميس ووقفت وحضنتها وهي تتكلم: فقدت لش يا كلبةة
شهد: وانا اكثر ياحمارةة...!!
.
.
دخلوا للقرية بسيارة الأوس اللي بيسوقها قيس بحماس ونظراتهم تدور حول المكان
اوس: ذلحين وين عنلقى بيتهم
قيس: لاتهم عنسأل.. وقف سيارته وهو يداعي ولد: يا ولددد لو سمحت
لف لهم وتقدم منهم متكلم: ارحبوووو
اوس بصدمة: هذا مجد
مجد بتفاجؤ: العقيد والنسخة الثانية منه
ضحك اوس وتكلم قيس بضبح: هو نسختي الثانية مش اناااا
مجد: هههه المهم
اوس ببسمه: تعال اطلع اشتي اكلمك بموضوع مهم..!!.
.
.
ميـس..!!!
تكلمت بتساؤل: يعني لمن لقيني ابي كنتي والده ب ابنش البكر
ام مجد: ايوة عاد كان عمره شهر..
شهد: وابي اداها لاهانا وانتي رضعتيها منش مع اخي
ام مجد؛ ايوة.. رضعتهم الاثنين ولوما كانوا يسألوني من وين جيتي اقول انني خلفت توأم بس اخفيت عشان العين وكذا
ميس: وبعدين ما وقع في اخي
ام مجد بتنهيده: خرج للشارع وعمره سنتين وصدمه سيارة
شهد وميس: يوووة
شهد؛ بس ماقد. كلمتينا عنه
ام مجد: مش مهم كنت اظن
ميس بحزن عميق: تقولين من اهلي وهل معي اخوة او مع معي خوات.. ومن اللي رجمني ابي او امي وهل كان برضاهم الاثنين.. يالله كم اتمنى القاء واحد من اهلي حقيقة واعرف بنت من انااا
ام مجد. بخفوت: ان شاءالله خير..
قامت شهد اول ما اندق الباب وخطيت تفتحه ورجعت مع مجد. اللي دخل بسرعه وهو يتكلم: قالوا مييس هانا
وقف ميس وهي مبتسمه وتكلمت: منوره البيت صح
ضحك مجد وهو يحضنها ويرد: اي والله
ميس؛ هههههه انفدالككك
مجد لأمه: يمه تعالي ثواني اشتي احاكيش لوحدش
شهد: هااااه ايش به للأسرار
مجد: لقاافة ما عليييش.. هيا امه
ام مجد خطيت معه للغرفة دقايق وخرجت بصورة مقلوبه وخطيت مع مجد متجهين لا خارج بعدما قالت لشهد وميس لا يخرجين..!!!
.
.
فزوا اول ما خرجت ام مجد مع مجد ونزلوا الاثنين من السيارة..
ام مجد اول ما بسرت ملامحهم وعيونهم ايقنت فعلآ انهم اخوة ميس..
رفعت الاسوارة حق ميس اللي شلتها من شنطتها اول ما كلمها مجد وتكلمت بتشكيك: معاكم ساااع هذه
خرجوا قيس و اوس الاساور ورفعوهن لهاااا
غمضت عيونها اول ما بسرت الاساور حقهم اللي نفس حق ميس ب الضبط وهمست: اذآ انتوا اخونها فعلآ
اوس بهدوء: ايوةيا خاله ومجد قد كلمنا بلي حصل كله
ام. مجد بغصة: عادها قبل شوية بتقول ليت وتلقتي ب احد من اهلها وبتتسآل كم معاها اخوة
قيس لهفه: ممكن نبسرها ذلحين
ام مجد: حياكم. اتفضلوا للمجلس وانا عتمهد لها الموضوع دخلهم يا مجد. لفت ودخلت لا داخل تكلم ميس ومجد اشر لقيس واوس: تفضلوا اهلا وسهلا..!!
.
.
ميس بعدم تصديق وصدمة: مستحيييل
ام مجد بهدوء: لا مش مستحيل اخوتش ذلحين في المجلس
ميس: بس كيف عرفوا وين اناااا ومن اناااا.. ماااشي كذب صح
ام مجد: كيف عرفوا انتي اسأليهم.. واذا مش مصدقه.. مدت لها الاسواره حقها وتكلمت: هذه حقش تذكريها
مسكتها بين يدها وهزت راسها بمعنى ايوة
ام مجد: لوما لقيش ابوش كانت في يدش وعليها اسمش مع رساله توصينا امش فيها عليش وتحلفنا ما نغير اسمش.. مع اخوتش نفسها بالضبط وهذا اللي يدل انكم اخوة يا ميس وحتى ملامحهم وعيونهم يشبهوا لش وقوي
ميس ببكاء: ووين كانوا لا ذلحيين
ِ
تـــــوأم أغـــــراب
البارت ①⑨
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
ابتسمت بخفوت وبغصة: طلقنــي
صقر بصدمة: اييييش
ميس: طلقني
صقر بحده: وايش مناسبةة هذا الكلاام
ميس: مش انت مضطر تجلس معي وانا بنت لقيطة وبلا اصل وفصل
صقر: اهااا وهذه نظرتش عني يعني.. انني ابسر واهتم بهذه الاشياء، التافهه
ميس بحده ممزوجة ببكاء: هذا مش، شي تافه. وانت من حقك تتزوج بنت تكون بنت اصل وفصل .. مش لقيطة ساااااعي
ابتسم بقهر وخطي جلس قدامها على السجاده وتكلم بهدوء: انتي من قريتنا وعايشه بيننا صح
هزت راسها بمعمى ايوة
قيس مكمل: واكيد من وانتي صغيرة كنتي تسمعي عن مدى حب صقر لميس واللي مستمر لهذه اللحظةة..
ميس: ايش دخ...
قاطعها بجدية: قصدش الان بكلامش وطلبش انني حبيتش لبنت من انتي ولاهلش واصلش وفصلش.. غبيةة وما تعرفي للحب طريق ولا قد جربتيه اصلآ.. الحب الحقيقي ماهو بحب الشكل والاصل والفصل. الحب الحقيقي حب الذات وتقبل حبيبك بكامل عيوبةة.. فاهمه
ميس ببكاء ودموعها بعيونها: بس انا ما استاهل حبككك لي ما استااااهلش كل هذا الحب.. غطت وجهها بيداتها وبكت وهي تحط، راسها على ارجيله وتتكلم: تستاهل واحده افضل مني..مش انااا..
حط يد على اكتافها والثانيه على راسها وتكلم: واذا قلت لش ان صقر ما حب ويشتي الا ميس ايش قولش.. قلت لش لو كنتي تعرفي الحب ما كان قلتي هكذا..!!!
.
.
الساعة 8/00
قيس..!!!
دخل للبيت وبسرهن كلهن سامرات في الصالة وتكلم ببسمه بشوشة ولأول مره بعد. موت كريم ومعرفته للحقيقة: يسعد مساكم
الكل ب استغراب: مساء النور..
خطي وجلس بين كوثر وخلود وهو يتكلم: به عشااااء
سعاد. بلهفه: اكيد يا عيووني الان اديه لك
فاطمة: عتدي له انا يمه
سعاد. وهي توقف: مع عتدي لولدي عشاء انااا
قيس ببسمه: الله يحفظش ي غاليةة
لف لكوثر اللي بتبسره برفعة حاجب وحاوطها من اكتافها وهو يتكلم: اخباركك ياخووي كيف انت
كوثر بصوت ثخين: نحمدالله ياخوي وانت علومكك
قيس بضحكة: زينةةة
فاطمة بسخرية: زينةة ولا لمباااات
قيس بضحكه: قنااااديل
خلود: هاهاهاها والقناديل هن اللمبات
انداء: ارتقوا شوية وقولوا لهن الليت
قيس. الايش البيت هههههه
خديجة: انطقي الاسم سوا بعديت جي تدلعي عندنا ههههههههه
انداء: خخخخخ ما تضحكوااا
نبيلة ببسمه لمجبرهم اللي فقدوه من زمان: الله يديم الضحكةة والفرحه بينكم يارب
الكل ببسمه: يارب
دخلت سعاد ب العشاء وطرحته قدام قيس وهي تتكلم؛ اكل ذلحين قدك جاوع جعلي مكسر
قيس: مكسر في كوثر ان شاء الله ياسين علييش
ضربته كوثر بقهر وبحده: باييييع لي يا حمااااار
قيس: هههههه في سبيل الله
فاطمة: ههههههه قووويةةة
خلود: على ذكر سبيل الله.. دريتوا ان عماد أسير عند العدوان
سعاد ونبيله بصدمة: يووووةة
قيس بتنهيده: ايوةة عارفييين
سعاد: وليش ماقد قلتوا لنا نخطى عند امه عيييب
قيس: ماعاد جاء على بالي بسبب اللي وقع
الكل سكت لذكرى هذه وتكلمت فاطمة: انا مدرؤ اترحم على ابي ولا ادعي عليه لتدميره حياتنا
كوثر: لا درسنا ولا عشنا طفولتنا ولا شبابنا حتى
خلود: ما يجوز على الميت الا الرحمة
انداء بخفوت: الله يرحمةة
خديجة: ليش ومش هو ابي كيف كان عتدعي عليه ما اذكر منه حاجة تشفع له عندي كلها ذكريات موجعه
فاطمة: خلاص الحمدلله قد مات الله يرحمة..
قيس ابتسم بخفوت وهمس: الله يرحمةةة..!!!
.
.
الأوس..!!!
تكلم بعدما صبت له امه شاهي للمره السابعه: بس يمه عتقرح الله يخليش
ام رانيا ومش هي مصدقة انه طلب منها اكل وجالس قدامها لانه من ذاك اليوم ماعاد رجع للبيت الا ب النادر ولا عاد.اكل معاهم.: اكل سوا ابسر كيف قد انت ضعيف من اهمالك لنفسك
رانيا بضحكة: بس يمه بعدين بطنه توجعه
جلال وهو ممد على الكنب: كل الدلع لاوس وحنا لنا الله اه يا دنياااا
رانيا: خلاص حرق كرتنا ياخي جلال
جلال: صدقتي ياختي رانيا
جلال ورانيا: ههههههههههههه
اوس بسخريه: محلاكم ساع المطلقات انت وهي
انفجرت رانيا ضحكه وفز جلال متجلس وهو يرد بقهر: يقلعععع وجهكككك
اوس: هههههههههه ضربت بجبهتككك اووووف
ام رانيا: هههههههه ما انت كلامك جور قووي سا ولدي
جلال بقهر: وعاد انتي تضحكي له
رانيا: ههههههههه يالله كم لي من الضحكه هذه
اوس: المهم بسرنا اسنانس هولا العوج
رانيا بقهر: اايش اييش اسناني عووج
جلال؛ ههههههه ما قال الا الصدق
اوس: لا تصدقي مابش ساعهن والله
رانيا: يييخ وثقالة الددددم فيكككم
اوس وجلال: هههههههههههه..
ِ
تـــــوأم أغـــــراب
البارت ⓪⑨
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
صقر..!!!
غلق باب الغرفةة ولف لامه وام مجد اللي جالسات في صالة شقته منتظرات له بترقب وخوف.. تكلم وهو يجبس قدامهن: سويتها لها حبه منوم بين الماء وشربتها عشان تنام وترتاح من اللي وقع لها
ام مجد ببكاء: وكيف حالتها الان
صقر: تاعبةة ومصدومةة بشكل كبير اول مره ابسر ميس بهذا الشكل
ام صقر بقهر: كله من صفيةة وبناتها الله لا وفقهن
صقر بتنهيده: ليش ما كلمتيني بهذا الموضوع من قبل
ام صقر.: ماله داعي نتكلم فيه
ام مجد: معه حق كان لازم هو يدري لأنه زوجها بس انا قد كلمت ابوك يكلمك ورفض قال المضوع يتقفل.. وذلحين لو انت تبسر بنتي مش من مقامك تقدر تطلقها ما بزعل منك وهذا من حقكك
ام صقر: ايش هذااا الكلااام يا عايشةة الله المستعان
ام مجد: هذا من حقه ياختي ويحق له..
قاطعها صقر بثبات: انا ما حبيت ميس وتزوجتها عشان اصلهت او فصلها وبنت من هي انا حبيت ميس لأنها ميس فاهمات.. وحاجة تافهه مثل هذه ما عتفرقني عنهااا.. قام وتكلم وهو يتجه لاغرفته: عن اذنكن بدخل اطمن على ميس البيت بيتكن....!!!
.
.
الأوس&قيــس..!!!
فزوا على صوت حسين المنصدم: مالكككمم
كل واحد لف لجهه ومسح دموعه وتكلم حسين: من مات ليش بتبكوا
قيس بضحكه ودموعه بعيونه: ماحد. يبكي الا للموت او كيف
حسين؟؟؟؟؟؟
اوس بهدوء وبصوت باين فيه الغصة: اعرفك.. اشر لقيس وكمل.: على قيس اخي
حسين بصدمة: يعني صدقتني وسويتوا فحص الـDNA.. مش انا قت لكك من اول يوم الشبهه اللي بينكم مش طبيعي واكيد. انتوا اخوةة
اوس: لا ما سوينا فحص ولا شي
حسين بتعجب: كان. كيف عرفتوا ان انتوا اخوة
اوس: برجع احاكيك بوووقت ثاني
حسين ببسمه: سابر المهم ان شكي طلع بمحلةة وطلعتوا اخوةة هههههه
قيس ببسمه: عجيبة الدنياء هذه الكل من حولنا كان حاسس الا انا وانت يا اوس
اوس؛ اي والله ههههه
حسين: يلا اخليكم مع بعض واخطى لعملي.. خاطركم
اوس وقيس: في امان الله.
اوس لف لقيس وتكلم: تعال اشتي تحكي لي كل شي و بالتفصيل .
قيس: كلام كثير لازم اكلمه فيه..
اوس: تعال لا سيارتي نتكلم فيها براحتنا.
خطيوا لا سيارة اوس وطلعوا قدام وتكلم قيس بهدوء: اليوم وانا مروح للبيت. داعتني مره ب اسمك وقلت لها مش انا ورجع قالت يعني انت قيس.. قلت تعرفيني. قالت اعز المعرفة. واعرف اوس ايضآ.. ترجيتها تتكلم وما رضيت بس لمن قلت لها انني اكتشفت ان اهلي مش اهلي انصدمت ورجعت وكلمتني وقالت.. الأوس اخوك وانت اخوه انتوا توأم
اوس بصدمة: توأم
قيس: ايوة.. وازيدك من الشعر بيت
اوس: ايش
قيس: احنا ثلاثة توأم
اوس بصدمة كبيره: اسألكككك بالله
قيس: هكذا قالت لي.. وتوأمنا الثالث بنت
اوس ضحك بعدم تصديق: بنت
قيس ببسمه: ايوة بنت واسمها ميس
اوس غمض عيونه وارتزح للكرسي وهمس: اوس وقيس وميس..
قيس بتفكير: اوس وقيس وميس.. لحظة لحظة.. ابسر كيف الاسماء متقاربةة ههههه ونفس بعض
اوس بشتات: وهذا اللي يدل على ان احنا توأم فعلآ..
قيس تنهد بوجع وتكلم: توأم كل واحد بوادي.. واختنا وين عنلقاها ذلحين
تنهد اوس ووجه نظره لقدام بتفكير وفز بفرحة: لقيتهااااا
قيس ب استغراب: من هيييه
اوس: توأمنا الثالث ميييس
قيس بسخرية: والله مسرع لقيتها وانت جنبي
اوس بجدية: تذكر يوووم كنت عندي بالمركز
قيس: ايوة
اوس: وجت هذك البنت لأجل اخوهاا
قيس: اهااا قصدكك هذك اللي لون عيونها ساع عيوني وعيونككك
اوس: بالضبط بسرت كمية الشبه بين عيوننا
قيس: قصدك تقوول انها اختنا
اوس: ايوة واللي يثبت هذا لون العيوون
قيس: بس لون العيون ما يكفي يا اوس
اوس بثقة: احساسي ما يخيب
قيس بتفكير: طيب ووين عنلقاها ذلحين
اوس بتنهيده: هذه المشكلةة مدررري
قيس بخفوت: خير بإذن الله مثلما جمعني بك عيجمعنا ب اختنا..
اوس بأمل: ان شاء الله
قيس بسره بتأمل للحظات وتكلم اوس بضحكه: مضيع شي بوجهي
قيس بهدوء: برغم كل اللي قد مريت به واللي وقع على راسي من مصايب.. اللي هانت بعيوني كلهاا.. كنت لاقبل ساعات مكتئب بعدم. معرفتي من اهلي والحقيقة المره اللي اكتشفتها.. بس الان فارح فاااارح وبقوةةة يا اوووس
اوس ببسمه: نفس شعورك والقسم.. فاهم لك بدون ما تتكلم شعوور لا ينوصف لمن فجأة تكتشف ان اهلك مش اهلك الحقيقيين وتجلس ضايع وتخبط بهذه الدنياء.. بس لوما تكتشف ان لك اخ وقريب منكك قووي. يهووون كل شي والله يهوون يا قيس واحتقره بعيوني..
قيس تنهد بمشاعر كثيرة وماقدر يعبر او يرد ووجه نظره لا قدام و اوس نفس الشيء وعلى وجيهم بسمه طفيفة سرها فرحه وعدم. تصديق للي حصل..!!!
.
.
بعد. المغرب.!!!
ميس: انا لقيطةة.. توصل فيها لاهانااااا
ام هاله بصوت عالي: ف انتتتتتي لقيطةةةةة ف اييييش انتتيييييي..!!!
ِ
تـــــوأم أغـــــراب
البارت ⑦⑧
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
وقت الدفن..!!!
غمض عيونه بألم وهو يبسرهم يرموا التراب للقبر.. وكان متلثم ب الشال و اوس مثلمه وما ظاهر الا عيونهم.. فتح عيونه على صوت اوس الخايف: قيس مالككك
هز راسه بهدوء ورجع نظره للقبر.. ولمن كملوا الدفن بدأوا الناس يعزوه مع اوس اللي واقف جنبه وظنآ منهم اانه يقرب له اكيد لوقوفه معه..!!!
.
.
الساعةة 1.00 الليل..!!!
دخل للبيت بعدما ودع اوس وشكره على تعبه معه..توجه للصاله وبسر سعاد مازالت ذاهنه ونظرها للفراغ وفزت اول ما سمعت وقع خطواته وتكلمت وهو توقف:قيييس وين انت للأن خوفتني عليككك
قيس:كنت مشغول..خطي متجه لا غرفتها وهو يتكلم:تعالي اشتيش اتكلم معش وضروري.
خطيت بعده بقلق وترقب..
جلست قدامه وتكلمت:هاه ايش بنفسك.
قيس بهدوء:ابي قال لي..اكلمش انتي وعتفهميني الموضوع كله.كيف لقيتوني ووين
تنهدت سعاد وعرفت ان مابه مفر من الحقيقة:وعاد كنا عايشين في حارة بعيده عن المدينه شويةة..كان كريم ونصار اخوة خاطيين وبالصدفة سمعوا صوتك بتبكي جنب جامع..نصار كان عقيم وكريم معه اربع بنات رضيعات..كل واحد منهم تطمع فيكك وحصلت مصياحه بينهم من يشلك منهم ويربيك بس كان الفوز لكريم وشلك هو..عادما اذكر لمن دخل بك من باب البيت وامرنا كلنا نرضعك عشان تكون محرم لبناتنا واخ لهن..بس انا تعلقت فيك قوي وبشكل ما تتصوره وقلت لهم انا اللي عتربيك وانتبه لك واكون لك الام اللي انحرمت منها وماحد عارض..وللأن انت ابني يا قيس..حتى لو ما خلفتك انا اللي سهرت عليك وانتبهت لك انا اللي كنت ابكي اذا مرضت وانا اللي كنت اتوجع لوجعك واضحك لا ضحكت انت..
قيس بغصة:والنعم بش يمه..شل نفس بقوة وتكلم:طيب ماكان معي حاجة او شي
سعاد.وهي تمسح دموعها:لا..الا الا..معاك الاسواره حقك كانت بيدك وانت صغير مكتوب فيها اسمك
قيس بتذكر:قصدش هذك اللي تضاربت مع خواتي عشانها وانا صغير وانتي شليتيها وخبيتيها
سعاد: ايوة كانت معاك لمن لقيك كريم ونصار في يدك.. وكان معاك ورقة
قيس بفزه: ورقة وينهااا
وقفت سعاد وهي تتجه لشنطه حديد وتتكلم: مخبايات هانا ريع اديهن لك..
دقيقة ورجعت جلست قدامه ومدت له الاسواره حقه وهو صغير.. وورقع معاها.. شلهن لا يده وبسر الاسواره ببسمه وحنين لطفولته.. فتح الورقة وقري بهمس خافت: السلام عليكم دام انت بتقراء الورقه فاكيد ان ابني اصبح بين يداتك الان امانتك انتبه له وربه واعتبره ابنك اللي ما خلفته لاتظلمه ولا تعذبه.. كون له العون ولبي كل طلباته اللي انا ماقدرت اوفرها له واجرك عند الله.. اسمه قيس واتمنى من قلب ام محروق على ضناها انك ما تغيرة ابدآ.. اهتم ب ابني...
تنهد بقوةة وغصية كبيره تشكلت بحلقه.. عطف الورقة ودخلها جيبه مع الاسواره .. ووقف
وقفت سعاد معه وتكلمت: وين عتسير
قيس بهدوء وهو يخطي: غرفتي... تصبحي على خير..!!
.
.
بعد مرور شهــر..!!!
دخل بعده للمكتب وهو يتكلم: حسييين غلق هذا الموضوع رجاءً
حسين بقهر: وما فيهااا لو كلمته
اوس: ذلحين انت معاك. عقل اخطى اقول له.. يا قيس يمكن انت تقرب لي او اخي تعال نسوي فحص الـ، DNA.. ونبسر
حسين: ايوة تادي لأن كمية الشبه بينكم كبيرة وبشكل لا معقوول وفي نفس الوقت طلعوا اهاليكم مش اهلكم. ركز يا اوس
اوس ب استبعاد: احتمال صدفة سبحان الله
حسين: يا اوس..
قاطعه اوس بحده: حسين غلق هذا المجبر امانه
حسين تنهد بقهر ومستحيل يسكت وهو متأكد ان اوس وقيس يتقاربوا واحتمال يكونوا اخوة اكيد..!!!
.
.
ميــس..!!!
بسرت نفسها برضى بعدما بدلت عشان تخطى للعرس اللي في قريتهم مع صفاء وشهد.. رسلت لنفسها بوسه في الهواء وتكلمت: فديتني بببس اجنن
صقر وهو يدخل للغرفة ويتكلم بسخرية: مجنونه تزيد. تكلم نفسها في المرايةة
ميس بزنط: اتحيلااا لنفسي ابسري محلااااني
بسرها لابسه بلوزه مع بنطلون وهي قمرية فعلآ وما ينكر وتكلم: ياشين الثقةة بس
خطيت تلبس عبايتها وهي ترد: ااصلآ الحساد في حياتي خيرات وانت اولهم
حط شنطته على الكنب ورد بضحكه سخرية: وانا على ايش عتحسدش لخفة العقل
ردت وهي تسبر البرقوع قدام المرايه: مدري الحسد من الله
جلس بطرف السرير وتكلم.: مشكلتش ان الثقة عندش زايده عن حدهااا
شلت شنطتها اليد وهي ترد: ييحق لييي ومن قددي انااااا.. يلا عتخطى مع صفاء وشهد للعرس قد. امي وامك خطيين قبلنا ودك شي
صقر: اوووف من وين الادر اليوم تسأليني لو ودي شي
ميس بقهر: اصلآ ماحد يدي لك وجه ويدلعكك يييخ.. لفت وخرجت من الغرفة وصقر يضحك عليها بصوت عالي..!!!
.
.
السلام عليكم ورحمة الله وبركاته
وبما انه التفاعل اربعين بنزل اربع بارتات 🌝❤🔥
ِ
تـــــوأم أغـــــراب
البارت ⑤⑧
للكاتبـــــة: أميـــــرة اليـــــــــمن
ــــــــــــــــــــــــــــــــــــــــــــــــــــــــــــــــــــــــــــ
بعد. العشاء..!!!
دخل قيس لا مكتب اوس بعدما استدعوه عشان مقتل ابوه وهمس بخفوت: سلام.
وقف اوس وحسين وردوا بهدوء: وعليكم السلام
اوس: تفضل يا قيس
تقدم. قيس وجلس وتكلم بهدوء: طلبتوني
جلس اوس قدامه وتكلم: ايوة عشان مقتل ابوك معانا بعض الاجراءات
قيس: طيب...!!.
.
.
ميـس...!!!
دخل صقر للغرفةة وانصدم وهو يبسر ميس بوسط السرير ولامه ارجلها لا صدرها وبتبكي بخفوت
تقدم. منها بخوف وهو يسألها: ميس مالش بتكبي
ميس.......
جلس قدامها وبقلق ظني انها زعلت لمن صيح فوقها: مييس مالش.. ايش حصل.. زاعله مني حن صيح عليييش
ميس هزت راسها بمعنى لا ومازالت تبكي
صقر بقلة صبر: كان مالش احد. زعلش امي او صفاء
ميس ببكاء: ماااشي
صقر: كاااان اييييش
رفعت راسها له وبغصة وهي تمسح دموعها: مدري بين احس بغصة وزعل وقلبي بيوجعني ومقبوض... غطت وجهها بيداتها ورجعت تبكي من جديد
سحبها لاعنده وحضنها وهو يتكلم بتهدأه: اهدأي وصلِ على النبي.. به حاجة زعلتش
ميس ببكاء: لا بس ضايييقة ضااايقة بقووةة واشتي ابكككي.. دفنت وجهها بصدرة وانفجرت بكاء..
حط يده على راسها وبدأ يقرا قرأن بخفوت...!!.
.
.
المركز..!!!
وقف بهدوء بعدما تمم الاجراءات وتكلم: اقدر اخطى الان
وقف اوس معه وتكلم: ايوة لحظة عتجزع معاك
قيس لف وخرج وهو يتكلم: ماابش داااعي
حسين لاوس: الرجال ضايق من روحة لا تزيدها عليه
اوس وهو يخطى يخرج: هو ما تركني وقت ما احتجته فوقي دين له ولازم ارده..
لحق قيس اللي كان على وشك الخروج. وتكلم: نخطى بسيارتي
قيس ببرود: لا اشتي اتمشى
اوس: تمام نتمشى كلنا..!!
.
.
بيت كريم..
الكل بحالةة سكون وصدمة تامة من اللي حصل ومن الاحداث المتتاليه اللي حصلت خلال دقايق بس..
تكلمت فاطمة بعدم تصديق؛ صدق يمه قيس مشو ابنش ولا هوه اخي
سعاد. وهي رابطه راسها وبتبكي بخفوت: الا ابني واخووش حتى لوما خلفته. انا اللي رضعته وربيته
كوثر: ذلحين هو اخونا والكل او مع
نبيلة: ايوةة قيس رضع مننا كلنا وكلكن خواته
انداء ببكاء: وابي ذلحين ايحين عيقبروه
خديجة بغصة: مدري
خلود وهي تمسح دموعها: وقيس وينه ماقد رجعش
سعاد: عيرجع لا تقلقين .. ذلحين قومين ارقدين عتقومين بحين غدوة عيعلموا الناس ان كريم مات ويجوا كلهم..!!!
.
.
الساعة2/00 الليل..!!!
وقف مع قيس قدام بيتهم وتكلم: يلا ادخل وارتاح احتمال بكره يسلموك جثة ابوك
قيس بهدوء: مشتيش ادخل البيت
اوس: كان تعال نخطى فندق
قيس: مشتيش اماكن مغلقه
اوس: كان ايش
رفع نظره لافوق وتكلم: تعال نطلع للجباء
اوس ب استغراب: الجباء.
تسلق قيس فوق الباب وهو يرد: ايوة تعال هيا
طلع اوس بعده وخطيوا فوق السور لوما وصلوا للجباء.. وخطي قيس للوسط. خلس كوته وحطه تحت راسه وتمدد ويد تحت راسه ويد فوقها..
فعل اوس نفس الشي وتمدد جنبه والكل ساكت ونظرهم للسماء..
قيس بغصة؛ تصدق ما كنت اتمنى وانا صغير
اوس ب اسغاء: ايش.؟
قيس: كنت اتمنى اكون نجمة في السماء بين هولا النجوم.. ماحد يقدر يوصل لي ولا احس واشعر بشي
ضحك اوس بهدوء وتكلم؛ وانت عارف ما كنت اتمنى وانا صغير....
ِ
تـــــوأم أغـــــراب
البارت ④⑧
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
ميس بتوتر: انا خطيت مع عمتي وصفاء
صقر: عارف انش خطيتي مع صفاء وعمتش.. بس من سمح لشششش
ميس بثقة: سمحت لنفسييي
صقر بصراخ: واناااا ايييش هاناااا رجل كرسييي
ميس: لا كوز مركوووز
فتح عيونه بصدمه وبقهر: اللي اعرفه ان امش ربتكم احسن تربية في القرية انتي من وييين ورثتي هذه الوقاحه بكلهااا
ميس ب استفزاز: اكيد منك من وين بورثها بالله
صقر ضحك بسخرية وتكلم بقهر: ويلوموا الرجال لو رفع يده على مرته وضربهاااا
ميس بتحدي: انت الا جرررب حضكككك وارفعهاااا عليااااا
صقر بصوت عالي: ميييييييييييس
ميس افتجعت بس ما بينت:لا ترفع صوتككك.انا عارفة انككك مقهور قصدك ما عرفت بخبرككك كله
صقر بحده:اي خببببر
ميس بسخرية:مقصدك ما عرفت انك تحب سلوى بنت عمك وكنت تشتي تخطبهااا هههههه
عقد حواجبه بتساؤل من كلامها وابتسم بفكره:الحمدلله عرفتي لوحدش..لذلك تجهزي احتمال اتزوج باقرب لحظةة..امممم اكيد.اول ما تخرج عتزوجها ما قصدش اني ميييت علييش
ميس بقهر ما بينته:ههههه الله يهني سعيد بسعيده ما هميتني لا انت ولا هي
صقر: ههههههه طيب عنبسر لوما اتزوجها هو يهمش او لا
ميس؛ عتبسرررر
صقر: المهم هذا مش موضوعنا... عتتجاوز لش هذه المره. لكن. مره ثانية عيكون لنا خبر ثاني.. فلتها وخرج من الغرفةة وهي تنفست براحه وهمست: مالت عليكككك ييييخ...
.
.
قيس&أوس..!!!
رد على تلفونه اول ما اتصل له حسين وتكلم: ارحب..... اها قدكم في المركز........ تمام سابر..... تسلم...... غلق الخط ولف لقيس اللي مرتزح للجدار ولامم ارجله بيداته ونظره للفراغ قدامه
تنهد وهمس: قيـس
لف له بدون كلام...
اوس: قوم معي هياااا.
وقف قيس معه بدون كلام وخطيوا الاثنين وخرجوا من المكان اللي هم فيه واوس خطي للخط يوقف سيارة توصلهم..!!!
.
.
وصلوا لا قدام بيت قيس ولف له اوس متكلم: قيس انت بخير
هز راسه بهدوء وفتح الباب ونزل.. نزل اوس بعده وتكلم: قيس اذا مش انت مستعد للمواجهه....
قيس دعممه وخطي فتح الباب ودخل للبيت..!!
تنهد اوس بزعل لحالته ورجع ركب السيارة متجه للمركز..!!!
.
.
دخل لصالة البيت وبسر امه وامه نبيلة جالسات بيتجابرين واول ما انتبهين له فزين بخوف من شكله: قيييييس ماااااالك
قيس تقدم. من سعاد ووقف قدامها بالضبط وتكلم بهمس مقهور: أبـــن من انـاااااااا.؟
سعاد. بصدمةة: ايييييش
قيس بنفس الهمس؛ ابن من انااااااا
نبيلة بتوتر: ههههه كيف ابن من انت امك سعاد وابووك كريم
قيس بصراخ هز البيت: قققققللللللتتتتتتت ابببببببببننننن مممممننننن انااااااااااااا
خرجين خواته على صوته العالي وانصدمين من منظره ووقفين بخوف
سعاد غمضت عيونها من صوته وتكلمت بصوت مهزوز: ابني انت ابني.
ضحك بقهر وتكلم من بين اسنانه: لا عااااد. تخبي عررررفت ككككل شيييي.. انتي مش اميييي ولا كررررريم اببببببي انتوا لقيتوووووووني لقيتووووني
شهقين البنات بصدمةة قويةةة
ونبيلة لطمت وجهها وهي تتكلم: من قااال لكككك هذا الكلاااااام
قيس بغصة: عمي نصااااار اللي هو اخووو ابي او هذااا عتنكرينه والككككككل
سعاد: وينه ابووووك وايحين لقيت نصار هذا لا تصدقة كلامه كذذذذب
قيس: لا ابشرش كلامه صدق. واللي اكده له كريم قبل ما يقتله نصار
صاحين بصدمه وبصوت واحد: قتتتتتل ابي.. قتل كرررريم..
سعاد مسكته من كوته وهزته بقوة وبعدم. تصديق. ما بتقوووول كريم انقتتتتل منكككك صدددق
رفع لهن يداته واشر للدم اللي بثيابه وتكلم: وهذااا دمه.. دم كرررريم اللي كذبتوا علياااا طول هذه السنين وقلتوا انه اببببي
كوثر ب انهيار: قيييس ما بتقووول مالك جننت
فاطمه: من صدق ابي ماااات
انداء: كيييف مش انت اخونااا مستحيييل
خديجة: بتمزززح صح
خلود ببكاء: ابي ماااات صدق..
نبيلة: وين كررريم الان..
جثى على ركبه للقاع وصاح ب انهيار: قتلةةةة نصااااار قتلةةة بعدما دمروووني وحطموووني.. قتلةة بدم. باااااارد. بعدما عرفونر الحقيقة وخلوووني ضااايع في هذه الدنيااااء.. قتلةةة قبل ما يقووول لي من اهلي وابن من انااااا.. رفع راسه لسعاد اللي بتبكي بصدمة وتكلم برجاء: قال اسألش انتي وانتي عتفهميني... حاكيني كلميني وووين لقيتوني وكيف لومااااا. اشتتتي اعرررف كل شيييي ..
جثت سعاد ب انهيار وبكاء وهي تتكلم: حتى لو ما كنت ابن بطني.. تضل ابني اللي ربيته وبزيته وكبرته واهتميت به ورضعته من صدددري.. تضل ابننني مش ابن احد غيري الام مش اللي خلفت الام هي اللي ربت وبزت يا قييس فاااهم اناااا امككككك اناااااا.. مش هذك اللي خلفتككك ورجمتك بلا قلب ورحمة منهااااا... انا اممككك فااااهم
مـامـتي💗:
ِ
تـــــوأم أغـــــراب
البارت ③⑧
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
قيس بحده: طييبب تكلم ليش بتقووول لا اقول له ابااااه
نصار ببساطة: لأنه مش ابووووك
كريم بصراخ: نصااااااار يااااااا كككككككلبببب
نصار بضحكه: مالكككك هذه الحقيقةة
قيس ببطء وعدم استيعاب: كيييف يعني مش ابي.؟
نصار: سؤال وجيه. كيف يعني مش ابي.. يعني يا عزيزي ان كريم هذا مش ابوككك ولا انت ابنه
قيس: مافهمت للأن
نصار بصراخ مقهور:مش انت ابنه كيف عاد تشتي افهمككك اكثر من هذااا
قيس:وايش وصلني له
كريم بقهر:لا تصدقةةة كذااااب
نصار:لقيككك جنب جاااامع او ب اباحرى لقيناك انا وهو جنب جاااامع مدري من رجمككك هناككك
كربم بعصبية:نصاااار يا كلب لو انت رجاااال تعال فكني عشااان اربيكككك من جديد يا نذل
تقدم قيس من كريم وتكلم برجاء:كلامه صدق او كذب اسألك بالله لا كذبت عليااا واحلفك بكل شي غالي عليككك كلمني بالحقيقة
كريم ماقدر ينكر بعد حلفانه عليه تكلم.بخفوت: كلامه صدق انت مش ابني الحقيقي
غمض عيونه بقوة وابتسم بسخرية وهو يتذكر كلام اوس له لمن عرف ان اهله مش هم اهله اليوم انحط بنفس الموقف وما ابشعه واخسه من شعوور..شعور مؤلم وفظييع بقوةة..فتح عيونه على صوت نصار:كنت خاطي انا وهو في الحارة لمن لقيناك جنب الجامع. وانا عقيم وماقدر اخلف وكريم كان معه بناته منار وخديجة وخلود وهاجر.. كلمته اشلك لي واربيك انا.. لكنه رفض وشلك هو بحجة ان مابش معه عيال وعشان تكون اخ لبناته.. كم ترجيته اشلك وكم انذليت له لكنه كلب فضل نفسه علياااا..
وقف كريم بشكل سريع بعدما قدر يفك الحبل اللي مربط به وتكلم بحده وهو يسعى جهة نصار وبيده مشرط صغير اللي قطع الحبال به؛ زووودت بهااا يا ككككلب..
انتبه له نصار وللي بيده وخرج سلاحه بسرعه وضربه رصاصه قبل يوصل له وارتجم للقاع
فز قيس بصدمةة كبيرة واتجه لكريم اللي سال دمه ب الارض وصاح: ابااااااه...
فتح كريم عيونة بتعب وب انفاس لاهثه: عمري ما بسرتك الا ابني الحقيقي. وعيني اليمنين ياعين ابوكك
قيس بغصة: ابااااه..
مسك كريم يده اللي امتلت دم وتكلم: انت ابني لا تصدق لنصار
نصار بيبسرهم بصدمة ويده ماسكه للسلاح ومنفجع انه اطلق على كريم..
قيس برجاء: اذا انت مش ابي كلمني من اهلي لو تعرفهم من هم.. من انااااا
كريم بتعب: اسأل امك سعاد وهي عتفهمك كل شي
قيس بغصة: لحظةة قوم معي الان عتسعفكك
لف نصار لرجاله اللي دخلوا بعد اطلاق النار واشر لهم يوقفوا عندهم
كريم: ماعاد به داعي ميت انا... اطلب لي السماح من امك وخواتك وخالتك وانت سامحني.. كنت ابني لأخر لحظة من حياتي... غمض عيونه بهدوء وصاح قيس بقووة: اباااااه ابببببييه.. قوووووم... عاد باقي حاجااات خيراااات اشتيككك تفهمني بهن قووووم كلمني اببببن من انااااا لا تموووووت لا تمووووووت.. لف لنصار وبسره بنظرات ناريه وفز لاعنده وضربه بوكس بكل قوةة وهو يتكلم ب انهيار: لييييش قتلته يا ككككلببب لييييش تكككككلمممم.. تحاكىىى ابن من انااااا من وين سرقتوني انت واخوككككك من اهليييي... فلته ورجع لكريم وتكلم برجاء: قوووم وكلمني من انااااا لا ترحلككك وتخليني معلق هكذاااا تحركككك فتتتتح عيونكككك .. لف على صوت اوس الخايف: قيـــــــس.
فز ووقف وهو يبسره يدخل مع حسين واسلحتهم بيديهم وموجهين لها لرجال نصار
تقدم من اوس اللي تقدم. منه وتكلم بهلوسه: اوي تعال ابسر نصار قتل ابي لا لا قال مش هو ابي.. اسمع قالوا انا مش ابن كريم هم لقوني.. بس لا لا انا ولد كريم متأكد.. هههه نصار الكلب حب يلعب ب اعصابي بس.. لف ورجع لاعند كريم وهزه بقوة وهو يتكلم بصراخ ملانه غصة: قووووم مش وقتككك تمووت الان قوووم كلمهم وقووول لهم انكككك ابي ونصااار كذاب وحتىىى انت كذاااااب انا ابنكككك وبناتك خواااتي من لحمي ودمي قوووم كلمهم وقول قيييس ابني... راضي بككك اب لي حتى لو كانت كل عيووب العالم فييككك.. ولو انت قاسي وعصبي وواصل تهزئني. بس المهم انككك ابي.. قووم كلمهم لا تخليني ضااايع هكذاااا لا تخيلني ضااايع هكذااااا لا تخليني.. حط راسه صدره المدمى وبكاء بخفوت وكل قواه انهارت..
حسين لرجال نصار: كل واحد ينزل سلاحه العسكر خااارج والمكان محاصر مابش امل بمقاومتكم الكل ينزل سلاحه.
بسروا نصار اللي مازال واقف مصدوم ونظره لكريم ومش مصدق انه قتل اخوةة بيداته.. نزلوا اسلحتهم بهدوء..
اوس تقدم من قيس المنهار ورفعه من فوق ابوه وهمس بغصة: قيــس
بسره قيس بعيون ملان دموع وحضنه بقوة وهو يتكلم ب انهيار: وانحطيت بنفس موقفكك يا اوس وعرفت شعورك ومدى وجعكك وحرقة قلبككك..
ِ
تـــــوأم أغـــــراب
البارت ②⑧
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
ميس..!!.
سبرت البرقوع ولفت لصفاء اللي مريعه لها وتكلمت: زد اديلي شنطةة هياا
صفاء بشك: متأكدة ان صقر سمح لش تجي معانا
ميس؛ ايوة قلت.. بس حقي العبايات وسخات قلت لش وماعاد فيني من طلع يشل شنطة.. هيا عمني عتصيح
صفاء وهي تمد لها شنطة: شلي هاه وهيااا بسرعه..
لبست الشنطه وخرجت مع صفاء من غرفتها وخطيين مع عمتها لابيت اختها ضاربة لكلام صقر عرض الجدار..!!!
.
.
قيـس..!!!
كان بغرفتة متمدد على فراشة بعدما روح وما بباله الا عماد وكيل حالته الان وهل أسروه وهو جريح او مع.. تنهد بقوة.. وشل تلفونه اللي رن وبسره رقم ابوه ورد بهدوء: هاه اباااه
وصله صوت نصار الساخر: الله والاخلاق لا حرمنا بس
فز قيس وتجلس وهو يتكلم بشك؛ نصار.؟
نصار: بالضبط يا كلب
قيس بحده: ما الكلب الا انت احترم نفسكك
نصار: ههههه ضابح شكلك
قيس: وما دخل جدتكك تكلم تلفون ابي ما بيفعل عندككك ووين ابي
نصار بخبث: ابوك في ضيافتي ومضيل له احسن ضيافة لو تبسر بس
قيس بصدمة: ابي وليش هو عندككك تكلم بوضوح
نصار بقهر: قصدك حركتك حق الملف اللي جبته لي عتمشيها لك انت وابوووك
قيس: اي ملف.؟
نصار بصراخ؛ ملفك الدراااسي اللي اديته لي بدال ملفي اللي عند ابوووك قصدك تستهزء بي يا كلب لكن انتوا عند نصااار
قيس سكت بصدمة وعرف ان اوس لخبط بين الملفات وودى لنصار ملفه الدراسي اللي عاده خرجه من الدرج قبل فترة وحطه بالدولاب
نصار: وين رررحت
قيس: معاااك وين ابي وما تشتي ذلحيين
نصار: ابوك عندي لا تخاف عليه هو عند اخوه
قيس بعدم: من اخوة ايش قصدك
نصار: ههههههه لوما تجي للعنوان اللي بقولك عتفهم كل شي..
قيس: اي عنوان
نصار: عترسله لك الان... تعال وهات االملف معاك ولا ابوك عيصبح في خبر كان فااهم لا تتأخر.. غلق الخط وقيس زفر بقهر وهمس: الله يهديك يا اوس والورطة ورطتني مع هذا الكلب وزد ابي ما عيقول لي... بسر الرساله اللي وصلت له ووقف شل كوته وشاله ولبس العسيب وخرج من الغرفة والبيت بكبره بعدما شل الملف معه ..!!!
.
.
الأوس..!!!
جالس في مكتبةة ونظره للأسواره حقه لمن.كان صغير و اللي فيها اسمه بشكل انيق وسرحان بفكرة من ممكن يكونوا اهله وهل هم عايشين معه اخوة ليش فلتوه واسأله كثيرة بباله قد. توصله للجنون.. فاق من سرحانه على رنة تلفونة وابتسم بخفوت اول ما بسره رقم قيس وفتح الخط ووصله صوت قيس المرح: ياحياا بالنسخة حقي اللي ناسي لييي اسبووع
اوس: ههههههه المعذرة منكم انشغلنا
قيس: افاااا تنشغل عن نسختك الأصلية ما توقعتها منك
اوس: حقك علينا ههههه
قيس بجدية: احممم اسمعني
اوس ب انتباه لوما سمع جديته: تفضل
قيس وهو واقف قدام الموقع اللي حدده له نصار بمسافه: عترسل لك عنوان لمكان داخل له ذلحين واذا مرت نص ساعه وما اتصلت لك تجي لاعنده طيب
اوس بقلق: اي مكان ايش به ياقيس كلمني وين عتسير
قيس: لا تخاف مابه شي بس من باب الاحتياط ومثلما قلت لك اذا ما اتصلت لك بعد نص ساعه من الان جيت للعنوان طيب وءاحين مضطر اغلق لأني وصلت.. وبرسل لك العنوان.. غلق الخط قبل يتكلم اوس الله بسر التلفون بحيرة وقلق على قيس. بسر رسالة قيس له واللي كانت العنوان وهمس: اخطى ذلحين او انتظر نص ساعة يارب الصبر..!!!
.
.
قيس..!!!
وصل للمكان المحدد وعلى طول خرجوا له رجال نصار ودخلوه لا داخل وهم ماسكين له وهو يتكلم بحده: فكككك انت وهو اقدررر اخطى لوووحدي..
بسر نصار قدامه ولف وبسر ابوة مربط على كرسي وشكلهم قد ضربوه وتكلم وهو يحرر نفسه منهم: فككك انت وهو ما فعلتوا ب اببييي
نصار بسخرية: واثق انه ابووووك
كريم بصراخ: نصااااااار
لف له نصار وبضحكه: مالك بتصييح من حقه يعررف الحقيقةةة قده رجااال خلاااص
كريم بتهديد: لو تتكلم بكلمةةة واحدةة ي ويلكككك فااااهم
قيس بعدم. فهم: اي حقيقة..؟ عن ايش بتتكلموا
كريم: دعمم منه واحد مجنون
نصار: اوووف مجنون مره واحده يا اخي العزيز
قيس: اخوكككك.؟ مو بيقول هذاا يا اباااه
كريم من بين اسنانه: نصاااااار
نصار: ههههههه اعصابككك.. لف لرجاله وتكلم. كلكم اخرجوا من هانا معانا جلسة عايليةة انا واخي وابن اخي
الكل بسره بصدمة ان كريم اخوة وقيس فتح عيونه وبسر ابوه بتسآل
نصار بصراخ: تحرررك انت وهو اخرجووا
خرجوا رجاله كلهم وتكلم قيس: ما بيقول هذا يا ابااه اين اخوك
كريم: لا تصدقةة
نصار: افااا ماتوقعتها منك تنكرني بحضووري.. لف لقيس مكمل: المحترم هذا يكون اخي وللأسف الشديد
قيس بصدمة: كيييف كيييف اخوووك.. كلامه صدق يا ابااااه
نصار بضحكه: ويرجع يقوول له ي ابااااه
ابو رانيا:علي اخي وخالتك امال وزوجها فقط
ابتسم على جنب وما علق وتكلم جلال: نضل اخوة مهما كانت الرابطة اللي بيننا
ام، رانيا: اكيد اوس ابني اللي رضعته مني وربيته وكبرته هو ابني فاااهمين
وقف اوس وخطي خرج من الغرفة وداعته رانيا: اوووس
مسكها جلال وتكلم: خليه يحتاج يكون لحاله..!!!
ِ
تـــــوأم أغـــــراب
البارت ⑨⑦
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
لف الاوس على صوت نصار العالي: يا هلا ب قيس يا هلا ومرحبااااا
اوس بهدوء: سلم الزلط تستلم الملف
نصار: اووووف مالك مستعجل هكذا
اوس: تحسبني فاضي لاشكالك جزعني هياا مع اعمال اهم منكككك
نصار: ههههههه لا لا في تطور انتقلت من مرحلة الزبج الى مرحلة الجدية حلو حلو
اوس بقلة صبر: لا حووول ياخي انجزز هيااا
بسره نصار بقهر ولف لسلطان: سلمه الفلوس
تقدم سلطان منه ومد له شنطه وتكلم اوس: افتحها
فتحها سلطان وبسر اوس الزلط.. وشلها لايده يتأكد منها وتكلم: حلو سابر هكذا
نصار؛ الملف
شل اوس الشنطة وخرج لهم الملف وتكلم: هكذا انتهينا. مع السلامةة.. لف وخرج بثقة بخطواته ونصار بيبسر بعده بقهر...!!!
.
.
قيـس..!!!
دخل للمكتب ولف لحسين اللي دخل بعده وتكلم بتشكيك: قيس صح
ابتسم ورد: الحمدلله كيف عرفت
حسين: ما عتعرف صاحبي قده. جنان وينه الاوس
قيس: في بيتنا
حسين ب استغراب: وما بيفعل في بيتكم
قيس: تاعب شويةة
حسين بقلق: تاعب ايش، فيه ما وقع امانه تحاكى
قيس: لا تخاف ماغير شوية ضغوطات
حسين: هيا نخطى لاعنده ممكن
قيس: ورئيسكم ما عيتكلم
حسين: بخطى استئذن منه.. هيا تعال
خطي مع حسين لاعند اللواء يكلموه انهم عيخرجوا.. وسمح لهم وخطيوا بسيارة اوس متجهين لابيت كريم..!!!
.
.
وقف اوس بسيارته قدام الباب وتنهد بحيرة كيف عيدخل للبيت ذلحين وكربم مريع له اكيد.. رفع راسه على صوت سيارة داخله للحاره وبسرها سيارته وتنهد اول ما بسر حسين مع قيس والاكيد. انه عيسأله عن كل حاجة.. فتح الباب ونزل اول ما وقفت السيارة قدامه وهم بدورهم نزلوا ووقفوا قدام بعض
حسين بقهر: وش الحركات البايخه هذه
اوس: اي حركات
حسين: فاهم لقصدي لا تتغابى
قيس: لحظة.. اول تكلم انت من وين جيت بسيارة ابي
اوس لحسين: اطلع سيارتي دقايق واجي اكلم قيس ضروري..
هز حسين راسه بتفهم وطلع سيارة اوس
اوس لقيس: تعال... خطيوا لاورا سيارة كريم وتكلم قيس: هاه من وين جيت وليش سيارة ابي عندك
اوس: ابوك. جاء قومني من غرفتك مقصده انه انت وكلمني اخطى اودي ملف لنصار
شهق قيس بصدمة: يالله كيف نسيييت هذااا.. وما قلت لابي انت
اوس: ولاشي ما ادى لي فرصة افهمه مالقيت نفسي الا اجاريه
قيس: ايوة وما فعلت
اوس: دورت بين لداتك ولقيت الملف وشوفت عينك خطيت وديته لنصار
قيس بصدمة: اوماااا اسألك بالله
اوس وهو يخطى يفتح السيارة ويشل الشنطه ويتكلم: والله
قيس: وما قال لك
مد له الشنطة وتكلم: ولاشي ما سمحت له يتكلم.. شل هذه فلوس ابوك
شلها قيس من يده: اوس انا...
اوس ببسمه: خليني افضى بس ووقتها ما عتفلت لك الا وقد الموضوع كله عندي وعتتكلم غصب عنككك
قيس بتنهيده: خير
اوس: وذلحين. ادخل لاعند ابوك وانا عتخطى مع حسين
قيس: وين تخطى ذلحين غداء هيا انت وحسين ضيفنا
اوس: تسلم تسلم ضروري اخطى لي كلام مع حسين ولنا لقاء مره ثانية
قيس: سابر براحتك.. اخوك موجود. بإي وقت طيب
ابتسم له اوس وحضنه وهو يتكلم: ما تقصر والنعم بك.. فك له وتكلم: مع السلامة
قيس: في امان الله..
طلع اوس سيارته اللي ساقها حسين وخطيوا وقيس لف ودخل للبيت..!!!
.
.
بيت ابو رانيا.!!!
اخذ نفس ودق الباب بهدوء وتكلم لوما ما سمع ردها: رانيا انا جلال افتحي الباب
ثواني وانفتح الباب وارتمت رانيا لاحضنه وهي تنفجر بكاء وتتكلم: اوس يا جلال اووووس
جلال بتنهيده وقد. ابوه كلمه بالموضوع كله: هدي يا قلبي.. هذه الحقيقة ومابه مفر منها
رانيا بجنون: لاا لااا اوس اخييي انا والله انه اخيي واخوككك صح هو اخونا احنا ولد امي وابي..
تنهد بقهر وخطي معاها وجلسوا على الكنب ومازال حاضن راسها لصدرة وتكلم: اكيد. اخونا دامه رضع من امي امل فاحنا اخوة كلنا
رانيا بشهاق: مش مصدقةة انه مش اخي الحقيقي اكيد. انهم بيكذبوا علينا صح بيكذبوا
سكت جلال وما عرف ما يرد وحالة ام رانيا ورانيا يقطع القلب وحتى عمه تاعب وما خطي للعمل والكل بحالة صدمة وعدم استيعاب..
ِ
تـــــوأم أغـــــراب
البارت⑥⑨
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
بعد. العشاء...!!!
دخل قيس للبيت وبسر امه بتمعص اذن كوثر اللي بتصيح وهي تصيح: من سمممح لشش تشلي الفين من شنطتي هااااهه تحااااكي
كوثر بوجع: ااااه يمه سعاااد اخر مره والله ااااااي
سعاد بحده: انا قلت شلي خمسة الف حق السكر بسسسس
كوثر بعيون مدمعه: انا قلت افعل في الوسخات هولا اللي ما فزعين معي خير وادي لهن جعاله
سعاد بصراخ: على حساااااب امششش اييش
نبيلة: وما دخلني ذلحييين
قيس وهو يتقدم. منهن: ههههههههه بس يمه طريقهااا
كوثر: قييس انقذني كله بسبب خواتك
انداء بضحكه: تستاهلي ماحد قلش تسرقي
خلود بدلع: السرق حرام.
كوثر بقهر: ياااي يالكيوتةةة يقلع وجيهككككن محد يفعل فيكن خيررررر
فكها قيس من يد امه سعاد وتكلم: خلاص هذه المره لها يمه ما تعيدها
كوثر وهي تحسس اذنها بألم: ايوة والله ما اعيدها
فاطمة بتشفي: ههههه تستاهلي
كوثر اشرت لعيونها بتهديد
قيس خطي جلس وبجدية: تعالين اجلسين اشتي اجابركن في موضوع مهم
كلهن جلسين بهدوء لوما بسرين جديته.
قيس بهدوء: انا قبل فترة لقيت اخي
الكل بصدمة: اخوككك
قيس: ايوة اخي
سعاد: كيف هذا وكسف عرفت انه اخوك و..
قاطعها قيس بهدوء: الان جايي لكن بالقصة اسمعين......
.
.
نفس الوقت عند الأوس..!!.
ختم كلامه بـ: وهذا كل اللي حصل
جلال: يعني انا قد التقيت بقيس صح
اوس: صح يوم قلت بسرتني في الشارع
جلال: وانا اقوول مالك مملوخ ذاك اليوم ههههه
رانيا: واو يعني به منك نسخه ثانيةة
اوس: نسخ لصق هههههه
ام رانيا بهدوء: واختكم كيف هي
اوس: الحمدلله بخيرة وعافيةة
جلال: الحمدلله اللي جمعكم ببعض
اوس وجه نظره لابوه وتكلم: الحمدلله.. اباااه
ابو رانيا ب انتباه: عيون ابووك
اوس ببسمه: مالك مطنن
ابو رانيا: ولاشي بس بين افكر في كلامك سبحان الله كيف تدبيره وعظمته خلتكم تجتمعوا بهذه السرعة وجبر قلوبكم
اوس: والنعم بالله فعلآ الحمدلله..
.
.
قيس..!!!
كمل كلامه وهو يبسر وجوههن المصدومة وتكلم: مالكككن
سعاد: ذلحين منككك صدق
قيس: ايوةة
نبيلة: ولقيت اختك واخوك
كوثر: وانتوا الثلاثة توأم
فاطمة: وملامحكم نفس بعض
انداء: واختك اسمها ميس
خلود: وقدها متزوجه
خديجة:واجتمعتوا اليوم انتوا الثلاثة ..
قيس:ايوة وهذا كله بفضل ورحمة ربي
الكل:ونعما بالله
سعاد بحزن:قرة عينك ببسرت اخووتككك
نبيلة:وتقر عينك قريب بلقاء امك وابوك
قيس بخفوت:قرت عيونكن ببسرت النبي..ونعم بالله املنا فيه كبيررر..!!!
.
.
بعد يومين الصباح..!!!
وقف سيارتة قدام المركز وامن السيارة ونزل وخطي متوجه لا داخل بس وقف اول ما لمح نفس المره اللي كلمته تقدم. منها بسرعه وتكلم بحماس: يا خالةةة
لفت له بسرعه وابتسمت: اوه اوه اوه العقيد. جايي بنفسه يكلمني
اوس؛ ليش من قد انا
المره: ههههههه امزززح كيف حالك كلمك قيس صح
اوس: ايوة كلمني وعرفنا ان احنا اخوة
المره بأمل: واختكم لقيتوها
اوس: ايوة الحمدلله
المره بفرحه: والله يعني التقيتوا انتوا الثلاثة وعرفتوا ان انتوا اخوة
اوس: ايوة
المره وهي تلف تخطى: كان الحمدلله
مسك اوس بالخمار حقها بسرعه وبرجاء: يا خالةة لحظةةة
لفت له وبسؤال: اييش
فك. لها وتكلم: دامش تعرفي ان احنا اخوة ف اكيد. ان تعرفي من اهلنا ومن يكون ابونا ومن تكون امنا..
المره بتهرب: في الوقت المناسب عتقول لكم اكيد لنا لقاء مع بعض. لفت وخطيت وصاح اوس: ايحين وقته لازم تتكلمي يييييييه ارجعي... خطيت بدون ما تلف له واختفت من قدامةة..
تنهد بقوة وقهر وخطي للمركز.. لقي حسين قدامه اللي تكلم اول ما بسره: وين انت للأن
اوس بضبح: قدنا جييت
خطيوا جنب بعض وتكلم. حسين: انت عارف ان اليوم عيجوا ضباط كبار ومعانا اجتماع مهم
اوس: من اللي عيجي احد. معروف
حسين: اهييي خيرات ضباط وكذا.
وقفوا قدام غرفة الاجتماع.. وفتح حسين الباب ودخلوا وسلموا على الضباط وجلسوا بمكانهم وكان الأوس قدام الباب اللي انفتح ودخل منه اللواء بكل هيبة ووقار.. الكل وقف باحترام وضرب له تحيةة
اللواء ضرب لهم تحيةة بالمثل ووقعت عينه على اوس وحس الزمن توقف عنده و اوس بالمثل فتح عيونه بصدمة لكمية الشبهه بين عيونهم في حال تكلم العسكري معرف له: اللواء سيـــــاف حســن الــ......
ِ
تـــــوأم أغـــــراب
البارت⑤⑨
للكاتبـــــة: أميـــــرة اليـــــــــمن
ــــــــــــــــــــــــــــــــــــــــــــــــــــــــــــــــ
دخلت للبيت بسرعه وللغرفة على طوول فتحت الباب بشكل قوي وبسرتهن ملتمات وبيأكلين الجعاله.. شهقت بصدمة: من سمح لكككن تشلينهاااا
تكلمت فاطمة ب استفزاز وهي متمدده ورافعه رجل فوق رجل وبفمها ابو عودي: اناااا اللي شليتها ما عتفعلي
كوثر بعصبية: وعاد فيهااا ما عتفعل
فاطمة: خخخخ ايوة وريني قووتش
تقدمت كوثر منها بسرعه وفاطمة فزت ومكنت الابوعودي خلود وهر تتكلم؛ هذا امانه عندش لوما تنتهي المعركةة..
كوثر شدت بشعرها وهي تتكلم بقهر: انا اللي اسرف الزلط واسير اشتري وانتي تجي تأكليهن بارد. مبرد مع اخووتس يا سااارقااات
فاطمة شدت بشعرهت ب المثل وهي ترد: كان ما قصدش عنخلي الجعاله هذه بكلها لش
نزلين ضرب في بعض والبنات بيأكلين ويتفرجين ويصيحين بحماس وكل واحده تشجع من صليها
كوثر مددت فاطمة للارض ومسكت براسها ورجلها فوق ظهرها وتكلمت بصراخ: الان ترجعي الجعاله على ما كااانت ولا اقلبش جعالةةة يا سارقةةة
فاطمة بحده: في احلامممش وما سارقة الا انتتتتي
كوثر شدت شعرها اكثر وفاطمة صاحت بوجع ولفت بسرعه ونزلت في كوثر ضرب.. وفزين على صوت نبيلة العالي: وكسسسر يكسرر يدش انتي وهيييي فكككككككييم بععععض
وقفين وهن يتنفسين بقوةة وكل واحده بتبسر الثانية بقهر وتحدي
سعادة بحده: ليش الضرب هذا بكله هاااااه
نبيلة للبنات: وانتب خلوكن للفرجةة يا وسخااات
خلود: واحنا ما دخلناااا
سعاد: بس اااص مالكن. بتتضاربين
كوثر بقهر ووهي تسبر شعرها اللي امتشع كله: سرقين حقي الجعاله هولا السارقات واكلينها علياااا
سعاد: ومن وين لش جعالى وانتي
فاطمة بتحدي: قولي لها من وين لش
كوثر بورطه: هاه.. اداها لي قيس امس
نبيلة: والله
سعاد بشك: متأكده
كوثر: الله المستعان قدبسرتيني كذبت عليش
سعاد: خيرات ياعيني
كوثر بضحكه: هيا بسرتي
سعاد: خلاااص اص واكلين جمعة سمعتين بناااا
خرجت مع نبيلة وكوثر لفت للبنات بقهر
انداء بضحكه: تعالي واذا حسابش مخبى
خلود: وشكرآ على الببس الاصفر
كوثر بقهر: وسخااات يقلع هذه الصووور
سحبتها فاطمة من يدها وهي تخطى اجلس معاها وتتكلم: تعالي هيا قبل ما يكملين علينا هولا المجاعه
كوثر: اي والله صادقة ما ارحم الا انا وانتي يا اختي الحبيبةةة
خديجة: سدين على قلة الخييير
الكل: هههههههههههه
.
.
عودة للتوأم..!!!
وقف اوس وقيس وهو يتكلم: يلا الان نستئذنكم ولنا لقاء قريب بإذن الله..
صقر اللي ما سأل اي سؤال خاص احترام لهم: لا وووين غداكم عندي والله م..
قاطعه اوس برجاء: لا تحلف يا صقر مره ثانية بإذن الله
قيس: ايوة الان ضروري نخطى
صقر: براحتكم
ميي مسكت يد قيس وبرجاء: امانة اجلسوا عندي وين عتسيروا وتفلتوني
اوس بضحكه: المشكلة ان استعجلتي وتزوجتي ولا كنا عنشلش معانا
ميس لفت لصقر وسكتت ولولا اخر مواقفه معاها كانت فلتت وراحت لها بس استحت
قيس: ههههه لاتحرجها يا حمار
اوس: هههههههه يلا هيا تأخرنا.. هاتي لنا رقمش
ميس بخفوت: مابش معي تلفون
اوس بتفهم: عادي ادي لنا رقمك يا صقر
صقر: ابشر سجل عندك..... 77721
قيس حضن ميس على الخفيف وهمس: انتبهي لنفسش لوما نعرف الحقيقة ولنا خبر تمام
هزت راسها بخفوت وحضنت اوس وودعته. وخرجوا مع صقر تحت نظرات عيونها اللي ملان دموع..
دخلت شهد وهي تتكلم بضحكه: اوماااا اخوووتش مزز بقوةة احجزي لي واحد منهم.. ولا لحظةة لا يكونوا متزوجين لاااا ماعلياااا عادي راضيه اكوون الثانيةة
ميس: هههههههه شلوش الجن
شهد: رجعت تضحك انا بين احاكيش صدق
ميس خطيت من جنبها وبزنط: دام اخوتي مزز وحاليين ما عتزوجهم الا مزات وحاليات ساعهم مش انتي هههههههه.
شهد بقهر وهي تلحقها: انا مدررري زنطش هذا ايحييين عينتهي.
ميس وهي توقف قدام صقر اللي دخل بعدما ودع قيس و اوس مع مجد: ولا عينتهي
صقر: وين عمتي
ام. مجد من خلفه: هانا
ضقر وهر يجلس في الصاله: تعالي يا ميس حاكينا ما حاكوش وليش ما ادوا سيرة اهلكم ولا امش ولا ابوش..
تنهد ميس بقوة وخطيت جلس جنبه وكلهم جلسوا حلوهم بترقب وميس بدأت تحكي لهم بالتفصيل..!!!!
.
.
قيس و اوس فوق السيارة مروحين..!!!
لف اوس لقيس اللي نظره للقرية من زجاج السيارة وتكلم: هاه كيف شعوركك
قيس وهو على وضعة: ضخم لكن شعور ناااقص
اوس ب استنكار: ناقص.؟
لف له قيس وبتنهيده: عيضل ناقص دامنا ما نعرف عيال من احنا ومن ابونا وامنا وليش رجمونا هكذا وخلوا كل واحد عايش بوادي بدال ما كان المفروض نعيش مع بعض وتحت سقف واحد
اوس: مدري بس اظن انه شيء قهري اللي خلا امي تعمل هكذا
قيس: اوووف لو عاد هذك المره اللي كلمتني تجي لاعندنا. اكيد تعرف كل شي وتعرف من اهلنا دامها عارفة لنا كلنااا
بارتـات يومنـا قراءه ممتعه 👆🏻😍
8 عشان من تفاعل ربي يسعدكم 😍
التكمليه غدا حسب التفاعل 🌝👏
ِ
تـــــوأم أغـــــراب
البارت ②⑨
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
يا قلم يا بياضـــة يا ورق ســــامحيني
لاقد اخطيت في ماضي مضى من حياتي
كفري عن ذنوبي السابقـة واسعفيني.
بـ البديل لي وانا ارجو من الله نجاتي
ويش سويت وانا الذيب وسط القبيلة
حاصروني ولا حصلت شربي وزادي
كيف أغمض اذا قد شافت الحق عيني
وان تعاميت ويش الفايدة من صلاتي ..
قالت.... سكت ووقف عن الزومله وهو يسمع صوت خلود من وراه مع انداء؛الله الله والصوووت الضخم هذااااا
قيس:ههههههههه كم لكن هانا
جلسين قدامه وهو كان جالس بركن الحوش وبيده عصى بيخطط بها على الارض ويزومل وتكلمت خلود:من اول ما بدأت تزومل
انداء:ماشاءالله والاحساس معاك بحة صوتك تجنن
ابتسم بخفوت وهو يتذكر كلام عمار له كلما زومل وكلامه انه عيطيح عيسى الليث همس بحرقة:ربي يرحمك يالصديق الغالي
خلود:ربي يرحمهم جميعآ يارب..
.
.
الاوس..!!!
نزل الدرج بسرعه وهو يلبس ساعته على عجل ووقف على بعد خطوات بعدما كان بايدق في ابرار وتكلم بنفور:حاسبي
ابرار ببسمه:هلا اوس من زمان عنكك وينك ماعاد تنشاف
اوس وهو يخطى:شي مالش دخل فيه لا تدخلي فيه
لفت له ابرار وبقهر:مستمر بزنطك وغرورك حتى بعدما عرفت من انت
وقف اوس مكانه ولف لها وتقدم.منها بسرعه وهي رجعت بخوف..وقف قدامها وتكلم من بين اسنانه:اكووون من كنت انتي ايش حشر انفش..المهم تخليها ببالش اني الأوس..وحطي تحت اسم الأوس الف خط احمر..فاهمه.بسرها بقرف وكمل:يا عارضة الازياء بهذه العباية قصدي الفستان اللي فوقش وعطرش هذا اللي شمه ساع البصل يصرع الرااااس....ناااااس تقررررف وتعكر مزاجكك يييييييخ..بسرها بتقرف ولف وخطي بتعالي وغرور رغم ان كلمتها طعنته في الصميم..
ابرار مفتحه عيونها بصدمه من كلامه معاها بهذا الطريقة ولأول مره..واصلا اول مره يكلمها ويرد عليها..مسحت وجهها اللي ولع قهر وخطيت راجعه للمجلس حيث امها وخالتها ورانيا...
.
.
ميس...!!!
تكلم وهو يجلس على الكنب جنبها:ليش ما خطيتي مع صفاء عند الخطوبةة
ميس بخفوت وهي لامه ارجلها لا صدرها ويداتها فوقهن وذقنها عليهن :مشتتتيش
بسرها بزعل ولها على هذه الحالة اكثر من اسبوع من لمن عرفت الحقيقة لاعاد دخلت ولا خرجت وحتى امها وشهد ومجد ماعاد رضيت تقابلهم ومعظم وقتها مقضيه له بكاء وهذا الشي مش عاجب له بتاتآ
اخذ نفس وهمس: وليش ما تشتيش
ميس بهدوء: هكذااا
صقر: ميس لش اكثر من اسبوع على هذه الحاله ولايحين
ميس: مدري
صقر بحده: ميييييس ارحمي نفسسسش
ميس بضحكه قهر: انا نااااقصةةة صح
صقر بصراخ: ميييييس
لفت براسها له وهي على وضعها وبضحكه وجع: هذه الحقيقة.. انا بنت ناقصةة.. اللي نفسي ادرى به امي من وين جاء لها قلب ترجمني وانا بنت شهور ابي وين كان وهل كان راضي.. معي اخوة معي خوات او مع..
صقر بحده: لاعاد اسمع مثل هذااا الكللااام فاهمه.. ناقصة ما ناقصةة وافكارش هذه بطليهااا..
تنهد بقوة وما ردت عليه..
وقف صقر وخطي شل عبايتها ومدها لها وهو يتكلم: قومي البسي هيااا
ميس بنفور: مشتيش ما عتخطى الخطوبة افهم
صقر: البسي عتشلش بقعة معي ماعليش من الخطوبةة
ميس: وين مالي حاله
صقر بنرفزه: مييس لا تضبحي بي هيا البسي
زفرت بقهر وقامت لبست العباية والجلباب وتبرقعت بخمول ولفت لصقر اللي لبس العسيب وكوته وشاله وعلى اخر شياكه وتكلمت: جاهزه
صقر ببسمه: هيااا
خطيت معه وخرجوا من الشقةة ومن البيت بكبره..
مسك يدها بين يده وشد عليها وخطيوا في الشارع
ميس ب استغراب: وين عنسير وليش ما شليت السيارة.
صقر: نتمشى في حقول القرية والسيارة ما اشتيها.. خلينا نخطى رجل ونشم هواء
سكتت ميس وهي عارفة مقصده من هذه الحركه اللي من خلالها يثبت لللجميع انه راضي بها بنت من كانت وعشان تواجه الناس وتبين انه ما همها...
خطيوا من جنب بيت هاله وهنادي على خرجتهن من الباب والاكيد انهن عيخطين الخطوبة..
بسرتهن ميس بتعالي وتكلمت بصوت عالي: صقر حبيبي لو تبسر ما تخورت الان
لف لها صقر منصدم..من كلامها
ميس بضحكة: تمنيت لو معي دبابه افحر بها بعض الناس وادعس عليهم الف مره ههههههههههه حشرااات
بسر هنادي وهاله اللي مفتحات وبيبسرينهم مصدومات من ميس واللي ما تغير فيها شيء.. وعرف سر كلامها ورد بصوت اعلى: ما طلبتي شي ياعيوني
ميس: ههههههههههه
يتبع.....
سلمت من صلاتها ولفت لصقر اللي صلى اليوم في البيت عشانها وما خطي الجامع..تكلمت بصوت كسير:صقر
لف له صقر بسرعه:عيييوون صقر
ابتسمت بخفوت وبغصــة:طلقــــــني...!!!
ِ
تـــــوأم أغـــــراب
البارت ⑨⑧
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
ام هاله بصوت عالي: ف انتتتتتي لقيطةةةةة اييييش انتتيييييي..
الكل سكت بصدمة وحاله عدم استيعاب وشهد وصفاء فكين هنادي اللي كان يتضاربين معاها
ام مجد بصوت رافع: صفييييييييةةةةةة
لفت لها ام هاله وتكلمت بحده: اييييشو صفيةةة ياسعم اننننه كذذذذب خليهاااا تدري عشااان تدق راسهااااا وتبطل زنطهاااااا
ام صقر بعصبيه: هذه الامانه اللي الواحد يأتمنش عليهااااا حمى والله
شهد بعدم تصديق: مالكن انتين ما بتقوليييين
صفاء: يعني كلااام هاله وهنادي صحححح
هنادي: ايوةة صدق هي مش بنتهم هم لقيوهااا وربوهاااا مدري من رجمهاااا
ليلى بصراخ: وووووقص يقص لسانشششش يا كلبةةة
فاتن بحده: يا وقاحتككككن ووساختكن اللي ماقد. عيني شافتهااااا بمخلووووق
ميس بثبات ونظرها لامها: يمةةةة
ام مجد بفزه: امي وعيني
ميس بتوجس: كلام صفية وبناتها صدق انا لقيطة ومش بنتش..
هاله بتشفي: قولي لها ماعاد به داعي للكذب خبريها انها بدون اصل وفصل
ميس برجاء: يمةةة
ام مجد بغصة: لا تصدقي لهن انتي بنتي و...
قاطعتها بثباث: اسألش بالله لا كذبتي عليااا وقولي الحقيقة انا بنت او مع
ام مجد ببكاء: بنت بطني لاااا. بس انتي بنت قلبي ورووووحي.. ايوة انا لقيتتتش وانتي بنت شهور. بس انتي بنتي.. بنتي اللي ما خلفتهاااا رغم. انوفهن كلهنننننن
ابتسمت ابتسامه صفراء ولبست عبياتها بسرعه واتبرقعت تحت صدمة الكل صاحبتها وشهد وصفاء اللي من.صدمهن ماعاد.قدرين يتحركين..خطيت من بينهن وخرجت بسرعةة وامها تداعيها وشهد اللي عادها استوعبت انفجرت بكاء وصفاء معاها وهي تحضنها..
ليلى وفاتن لبسين وخرجين بسرعه لحقين ميس اللي بتسعى في الشارع متجهه للبيت وبيداعينها ولا ردت عليهن..وقفين اول ما بسرينها دخلت بيت صقر واطمنين انها ما سارت بقعة ثانية ورجعين لابيت العرس بسرعه يبسرين ما عاد وقع ويطمنين ام مجد عليها..!!!
.
.
صقـر..!!!
كان على مكتبه اللي في ركن الغرفة بيذاكر بهدوء..وفز على صوت فتحت الباب القويةة وغلاقه بشكل اقوووى عقد.حواجبه ب انزعاج ووقف وهو متأكد انها ميس وحلف الا يأدبها هذه المره..
وقف بوسط الغرفة اول ما انفتح الباب وتكلم بحده:انتي ولا.....سكت بصدمةة اول مابسرها..ب العباية بس وشعرها منثور بشكل غير مرتب وجايي على وجهها اللي مشخبط وبعض بقع بيخرج منهن دم بشكل طفيف.همس بعدم.تصديق:ميييس
سعت بسرعه وارتمت لا صدره وهي تحاوطه من ظهره وتبكي بشكل هستيري ويوجع القلب
شد عليها وهو يتكلم بخوف لشكلها وبكاها: مالش ايش حصل ليش انتي هكذا وليييش بتبكككي
ميس استمرت تبكي بدوون رد وكل ثانية يرتفع صوت بكاهااا
صقر بقلة حيلة: ميس يا عيوني حاكيني مالش احد. زعلش بالعرس والله لا اخطى اكسر راسه تكلمي لا تخوفيني عليييش هكذا..
ميس بشهاق: انا لقـيطةةة
صقر بعدم فهم: ايييش
رفعت راسها له ومازالت محاوطه له وببكاء: انااا بنت لقيطةةة امي عايشة مش امي وابي محمد مش ابي شهد ومجد مش هم اخوووتي.. دفنت وجهها بصدرة من جديد. ورجعت تبكي
صقر متصنم مكانه بصدمةة وعدم استيعاب.. رفع يده ومسح على شعرها بشتات وهمس: من قال لش هذا الكلام
ميس بغصة: امي بنفسهااا. وامككك كانت عارفة والكل وام هاله وبناتها تكلمين قدام الكل وفضحين بي ملان القرية وعند النسوان ان انا لقيطةة وبلا ااصل ولا فصل. بكت عند هذه النقطة وتكلم صقر بقهر: ينكسر لقف كل من قااال هكذااا.. انني بنت عمي محمد اللي تعرفه القرية كلها وتعرف اخلاقه والكل يذكره بالخير..
ميس بخفوت: طلعت مش بنته مش بنته يا صقر اناااا لقيطةةة بلا اهل
صقر بحزن لحالتها اللي لأول مره يبسرها بهذا الضعف: انا اهلش وناسش.. انا ابوش وامش. وكل حاجةة لش.. انتي لاعاد تبكي خلاااص..!!!
.
.
الأوس..!!.
خرج من المركز بيتلفت يبسر وين قيس اللي اتصل له وكلمه بصوت لاهث يخرج لاخارج هو منتظر له وتقدم منه اول ما بسره مرتكي لاعرض سيارة وتكلم وهو يوقف قدامه: قيييس
رفع راسه له وبسره بشتات وتقييم لكمية الشبه اللي بينهم
اوس بترقب:قيس مالك فيك حاجةة
قيس حاوطه من اكتافة وحضنه بقوة تحت أستغراب اوس اللي حضنه وهو يتكلم بضحكه:ناقص حنان او اييش
شد.عليه وغمض عيونه بقوةة ولأول مره يحس ب احساس الاخوةة فعلآ
اوس بقلق:قيس انفدالك فيك شي..
قيس بهمس:انـــت اخـــــي..
اوس ببسمه:اكيد.احنا اخوة الله المستعان
بعد.منه بهدوء وخرج ورقة من جيبه ومدها لاوس وهمس:اقراهااا
شلها اوس منه ب استغراب وقريها بصمت وحالما كمل رفه راسه لقيس بصدمةة متكلم:نفس رسالتي اللي لقيوها معي
رفع الاسواره قدام وجهه على اسمه وتكلم:ومعاك نفس هذه صح
خرجها اوس من جيبه بسرعه ورفعها لقيس وبصدمة:ايوة..لحظةةة لا يكوون..يالله
ِ
تـــــوأم أغـــــراب
البارت ⑧⑧
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
قيس..!!!
خرج من البقالة بعدما شل حاجات للمطبخ وخطي في الشارع بهدوء..
صوت من وراه: اوس
لف وبسره مره عجوزة وتكلم: عفوآ
المره: انت الأوس
قيس: لا يا خاله
المره: اذآ انت قيس.
عقد حواجبه ب استغراب وتكلم: تعرفيني
المره بغموض: واعز المعرفةة
قيس بشك : ومن وين تعرفيني
المره : الأوس شبيهك تعرفه
قيس: قصدش الضابط اوس النسخه الثانيه مني ايوة اعرفه
المره: اخوك.؟
قيس: مع صاحبي بس قولي لي من وين تعرفينااا
المره بهدوء: كل شي بوقته حلووو
قيس بأمل: انتي قلتي تعرفيني اعز المعرفه
المره: انت و أوس
قيس بصدمة: اسألش بالله تتحاكي من وين تعرفينا ي خاله
لفت تخطى ولحقها قيس وبرجاء: قبل فترة دريت ان اهلي مش اهلي وامي وابي مش هم امي وابي
وقفت مكانها بصدمة ولفت له: من صدقككك تتحاكى
تنهد ونزل راسه ورد: حتى اوس عرف ان اهله مش اهله وطلعنا مثل بعض بدون اهل ولا هويةة ولا حتى اصل
المره بحده: كسروا لقفةة اللي يقوول هكذاا انتوا عيال اصل وفصل ومعاكم هويةة
قيس برجاء: دامش قلتي هكذا فانتي اكيد تعرفي من هم اهلي صح.؟
المره بتهرب: لا ما اعرف
قيس بتكذيب: كلامش يدل على معرفتش بي
المره بحسم: اللي لازم تعرفه الان دامك انت واوس اكتشفتوا ان اهلكم مش اهلكم.. ان انتوا اخوووة
فتح عيونه بصدمةة وبعدم تصديق: اخووووووة
المره بثقة: ايوةة.. انتوا توأم ثلاثةةة
قيس بصدمة اكبر: توأم ثلاثةة ما بتقووولي انتتتي
المره: مثلما سمعت.. الأوس اخوووك وانت توأمه وعاد معاكم توأمكم الثالث واللي هي بنت واسمها ميس اذا مازال هكذا..
قيس حس تنفسه ضاق والدنياء دارت فيه وراسه وجعه بقووة ومش مصدق اللي سمعه غمض عيونةة بقوة لثواني وفتحهن وبسر المره اختفت من قدامه.همس بضحكه وعدم تصديق:اكيد انها كانت وهم انا ما بسرت احد....خطي بسرعه متجه للبيت..
.
.
عند ميـس في بيت العرس..!!!
جالسه جنب صفاء وشهد وصاحباتها وبيتجابرين ويضحكين مع بعض...
دخلين هنادي وهالة مع امهن اللي خطيت تجلس مع النسوان وهن توجهين حيث ميس والبنات
ميس بهمس حاد:هولا ليش جايات صلينا ذلحييين
شهد:اااص لا تتكلمي معاهن وبس
فاتن: ايوة هجعينا..
ميس بقهر: تمام
وصلين هنادي وهالة لاعندهن وجلسين بينهن بعدما القين السلام وميس بسرتهن بقهر انهن جلسين معاهن وكانت عتقوم بس تكلمت هاله بدقة: اجلسي يا ميس عاد احنا بنات قرية واحده وما فات مات
صفاء بهمس: دعممي واجلسي
زفرت بقهر وجلست
هنادي: الا قولي لنا كيف صقر معش ان شاء الله تمام
ميس بحده: من احسن ما يكوون تطمني
هالة: عاده بيحبش ولا خلاص اكتشف بعد الزواج انه حبه لش كان طيش
صفاء بحده: ازداد حبه لها وهي بالمثل ومن قال لش ان الحب الحقيقي ينتهي او يقل
ميس: اظن هذا شي بيني وبين زوجي وما يحق لش ولاشكالش التدخل فيه فاهمه
هنادي: لييش ايش قالت هي الا سألت
زينات: وهذا السؤال يعتبر خاص تسكت احسن
ليلى: طيب اسكتين خلاص لا تقع مضرابه ذلحيز مش ناقصين
ميس بنظرات غرور لهاله وهنادي: ذا ودهن بالمضرابة يبشرين وهن مجربات من قبل هههههه
هنادي بقهر: شاايفة نفسش علىى ايييش من قد انتي
ميس بزنط: مييس وفخامة الاسم تكفي
هاله بقلة صبر امام غرور ميس المستفز: شايفة نفسش وانتي هكذا.. وما انتي شي.. وعاد لو تعرفي انش بنت لقيـــــــطةةة ما عتقوووولي ..
شهقين البنات بصدمةة وميس فتحت عيونها بصدمة: قددد الكلمةة اللي قلتيهااا
هنادي: ما قااالت الا الحقيقة انتي بنت لقيييطةة مدري ووين لقيوووش واسألي امشش
ليلى بصراخ: بسسس انتي وهي احترميييين انفسكن ما هذا الكلااام
هاله: خليهااا تقووول لامها وهي عتقول لهااا الحقيقةة
فزت ميس وانقضت عليها تضربها وهي تتكلم بحده وصراخ: يا بنت الكككلب يا حقيرره وصلتتت فييش الحقاااارة لاهانااااا. تشككي بنت من انااااا وفي اصلي يا منحطةةةة
هاله وهي تتدافع عن نفسها: فكككي ي كلبةةة ايوةة انتي لقيطةةة واسألي امش وهي عتتقوول لش الحقيقة قولي لهااا وين لقيوووش
تدخلين البنات يفرعين بينهن والنسوان قامين كلهن واصواتهن عاليات بيبسبين بعض..
تقدمت ام صقر وام مجد وام هاله اللي كانين جالسات جنب بعض بفجعه: ايييش، به مالككن
ام مجد بصدمة وهي تبسر ميس وشهد وصفاء يتضاربين مع هاله وهنادي والبنات بيحاولين يفكينهن؛ مالككككن ايييش به فكيييين بععععض..
تقدم ام هاله منهن وفكت ميس اللي كانت شاده لشعر هاله بكل قوتها وهي تتكلم بصراخ: الان اوررريش من القيطةة يا كلبةةة..
دهفتها ام هاله من بنتها وتكلمت بحده: كسروووا يددددش نتفتي شعرهااا
ميس بتهديد: ابسريها اول ما قالت وخليها تثمن كلامهاااا
ام هاله: ما قالت
ِ
تـــــوأم أغـــــراب
البارت ⑥⑧
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
ضحك اوس بهدوء وتكلم؛ وانت عارف ما كنت اتمنى وانا صغير.
قيس: ايش
اوس: اكون غيمةة..
قيس ابتسم وما علق
كمل اوس: احب الغيوم منظرهن يبعث الراحه في النفس خاصة وقت المطر
قيس:.......
اوس: انا ما اقدرش اواسي ساع الناس ولا اقدر اصيغ الجمل.. مصيبتنا واحده يا قيس صح..
قيس ثابت مكانه على وضعيته ونظره فوق ومارد عليه..
اوس: على فكرة حتى انا اكتشفت ان اهلي مش اهلي وطلعت بلا هوية مش انا عارف ابن من انا ومن اهلي مثلككك بالضبط
قيس بهدوء: بس ما عشت اللي انا عشته
اوس: اكيد كل واحد له حياته و....
قاطعه قيس بنفس الهدوء: انت عشت مع عايلة متفاهمه ويسودها الحب والامان.. عشت مع عايلة درستك بارقى المدارس والجامعات.. عشت ببيت كبير ولك غرفتك الخاصة اللي مجهزة بكل شي.. بينما انا.. تنهد وضحك بسخرية: عشت مع كريم اللي رغم عيوبه الا انني تمنيت انه يكون ابي ولا اطلع بلا اصل.. انا يا اوس عشت حياة صعبة صعبة قوي.. ابي اجبرنا على فعل اشياء كثيرة ما تتخيلها وحتى انه جبر خواتي يسرقين تخييل.. كان معه فلوس وكان قادر يعيشنا ببيت افضل من هذا.. الا ماهوه الا سبع غرف.. غرفة لامي وثلاثة لخالاتي. وغرفة صغيرة لي وغرفة واحده لخواتي السبع تخيل سبع اشخاص بغرفة.. والغرفة الاخير كانت له خاصة به هو ماحد يدخل.. تنهد بقوة وكمل: كان بخييييل بخيييل قووي عكس اسمه.. ما كان مهتم بنا اكلنا جوعنا شبعنا معانا مصروف او مع.. انة انشغل معه وما افضى للبيت ومايرضى يدي لي زلط اصلآ وخواتي هن اللي يتكفلين باكلهن ومشربهن ويضطرين انهن... اخذ نفس بقوة وهمس: يسرقين كله عشان يسدين جوعهن ويأكلين.. كوثر وفاطمة تحملين اثقل الحاجات رغم صغر سنهن الا انهن متحملات للبيت كله
اوس بتذكر: كوثر.؟
لف له قيس ورد: ايوة
رفع نفسه ونظره له وتكلم: كأني قد التقيت بهن.. مره سرقيني ومرتين ظنيني انت
قيس ببسمه: سرقينكك
اوس بضحكه: لو احكي لكك القصة لا تضحك عليااا خلهااا مستوره الله يحفظككك
ابتسم قيس ورجع نظره لافوق وتكلم: تقول عيجي يوووم ونعرف عيال من احناا.. من اهلنا او عنجلس هكذا ضايعين
اوس بأمل: ولله في حكمة شؤون بأذن الله خير وفاهنه لا تقلق
غمض عيونه بقوة ودمعه كسيره تمردت من عينه وتكلم بغصة وحرقة: اااااه يا وجع قلبي يا اوس.. ماعد. عرفت الاقيها من وين موت اللي كنت اظنه ابي او معرفتي للحقيقة هذه اللي كسرت ظهري نصين.
اوس وهو يرجع يتمدد جنبه: يهونها وتهون يا قيس عتهون والله رحيم بخلقه...!!
.
.
صباح ثاني يوم..!!!
فتح عيونه وغمض بسرعه من أشعة الشمس القويةة وحط كتفه على وجهه ولف للجهه الثانية وحاسس ظهره مكسر.. فتح عيونه وبسر اوس نايم جنبه وحالته ترحم ابتسم لمظهره الدال على عدم راحته بالنوم..
تحرك اوس من مكانه وفز بألم اول ما دق مرفق يده بحجر صغير وصاح: ااااااخ يمااااااه
ضحك قيس بتشفي واوس فتح عيونه وبسره بقهر وتكلم: عادك تضحك يا اهبل فوق ما خليتنا ننام في الجباء فوق التراب ساع المجانين
قيس: المجانين يناموا في الشوارع في الاجبي
رفع اوس نفسه وهو يحرك نفسه بتعب: اااه يا ظهري تكسر خلااااص
قام قيس وهو يتلمس ظهره بوجع: اوماااا نومه من قلبهااا
اوس؛ ههههه عجبتككك
قيس: نعيدها مره ثانيةة ما رأيك
اوس: توبةةة اعيدها هههههههه
تنهد قيس وهو يسمع اصوات النسوان والرجال اللي اكيد عرفوا بموت ابوه وبدأوا يجوا يعزوا وصوت بكاء امه وخواته. لف لصوت اوس: نزلنا هيااا
وقف قيس وتكلم: نخطى نستلم جثة ابي الان او ايحين
اوس وقف معه وهو ينفض لداته من التراب: ايوة ذلحين عشان الدفن عتدفنوا اليوم
قيس هز راسه وخطي بدون و اوس بعده ونزلوا تسلق من الجباء مثلما طلعوا.!!!
.
.
ميـس..!!!
كانت في المطبخ بتنظف بعدما خطيت صفاء للمدرسة..انتبهت لصوت صقر اللي دخل للمطبخ وهو يتكلم:صباح الخير
لفت له وبسرته لابس لداته ومعه شنطته وعيخطى الجامعه:صباح النور..
صقر تقدم منها وحط يده على جبينها وتكلم:كيفش الان عادش تاعبة وضايقة
نزلت يده من جبينها وردت بخزاء استغربة صقر:لا الحمدلله
ضحك بهدوء للحمرة اللي اكتستها وتكلم:الحمدلله..به صبوح اصتبح قبل اخطى الجامعه
ميس:ايوة ثواني واديه لك للصاله
صقر وهو يخرج للصاله:تسلمي..
بارتـات يومنـا قراءه ممتعه 👆🏻😍
زدت العدد عشان من تفاعل وطلب جبركم ربي يسعدكم 😍🌹
ما رائيكم نختم الجزء الاول غدا وننزل 15الباقي اذا شفت التفاعل 100بنزل 🌝👏
غطى وجهه بيداته وانفجر بكاء وهو يحط راسه بحضن سعاد اللي شدت عليه وبكت بصوت عالي.. والكل من حولها بحالة صدمة من موت كريم وكشف حقيقة قيس... وماعاد عرفين يبكين لموت كريم او لحالة قيس اللي تقطع القلب..
Читать полностью…
شد عليه وتكلم بحرقة لحالته: كل مر عيمر انت قلت لي هكذا تذكر.. محنه وعتعدي.. لف لحسين اللي كلبش رجال نصار ونصار.. وخطى قيس معه وهو يتكلم: تعال اخرجك من هانا مش من صالحك يبسروك هانا..
خطي معه قيس بهدوء ومازال للأن في صدمة كبيرةة..
اوس لحسين وهو يخرج مع قيس: أأمر العناصر يدخلوا ويمشطوا المكان واطلب الأمن الجنائي عشان الجثةة انا عتخطي قيس لا مكان آمن
حسين بتفهم: طيب ابشر..
بسره ب امتنان وخرج مع قيس...!!!
.
.
ميــس...!!!
فتحت باب الغرفة بهدوء وفزت على صوت صقر الحاد: شرررفت المداااام الموقرة والمحترمةة اللي دعست على كلااام زوجهااا وخرجت وبكل وقاحةة
ميس بتوتر؛ انا......
كريم بصراخ وهو يحاول يفك نفسه: اخي وتكلمت بها ومشيتها لككك بس يا ويلككك تتكلم بحاجةة ثانيةةة يا ويلكككك
نصار: يماااه خوفتني يا اخي الصغير ههههههه
قيس بعدم استيعاب: ذلحين انت وهو اخوة.. وبينكم كل هذه العدواة والمشاكل
نصار: بسرت كيف هكذا حال الدنياء ما نفعل المهم نتكلم بالاهم
كريم: اسككككت يا ككككلب
قيس بقلة صبر؛ لا تكلم ايش انتوا مخبيين علياااا...
كريم.. ولا شي كلاام فارغ سلمه ملفه التافه وتعال فك لييي
نصار: لا لا لا خلنا اول نتكلم مع بعض انا اليوم قررت انه يكون يوم كشف الحقايق
قيس بحده: طييبب تكلم ليش بتقووول لا اقول له ابااااه
نصار ببساطة: لأنه مش ابووووك..!!!
ِ
تـــــوأم أغـــــراب
البارت①⑧
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
نصار..!!!
رمى الملف بكل قوةة للجدار وتكلم بصراخ: قييييس النذل هوه وابوووة بيلعبووا علياااا
سلطان ب استغراب: ليش رجمت الملف هكذا
نصار بقهر:قوم شله وابسر ملف ايش هوووه
شله سلطان وبسره وتكلم بصدمة:اوارق قيس الدراسية وشهادات تخرج الثانوية
نصار:قيس الكلب بيلعب بذيله هو وابوه لكن خلاص لاهاناااا وبببس
سلطان: ما عتفعل.؟
نصار بغموض: صبرك عليااا حان الوقت وعتضرب عصفورين بحجر واحد صبركك بس يا قيس انت وابوووك.. حان الوقت لكشف الحقايق..!!!
.
.
بعد مرور إسبـوع..!!!
الاوس ماعاد روح للبيت ومقضي كل وقته بالمركز وبينام هناك.. وماعد التقى بقيس
ميس لاتغيير مازال صقر متجاهل لها تمامآ وازاداد التجاهل لمن رجع يدرس..
قيس عايش بشكل روتيني بدون احداث مهمة..!!!
.
.
العصر..!!!
قيس..!!
خاطي في الحارة وبيده مسبحه صغيرة بيحركها بين اصابيعه ونظره لاقدام..
لف على صوت بيداعيه وبسره قاسم اخو عمار وتكلم: ارررحب
قاسم صافحه وهو يتكلم: وين انت ماعاد تنشاف يا ولد
قيس: والله موجود انت اللي وينك
قاسم بتنهيده: لاهيين بهذه الدنياء دريت ب اخر خبر
قيس: لا ايش حصل
قاسم: عماد...
قاطعه قيس بلهفه: عماد ماله
قاسم بزعل: اسير عند المرتزقةة
قيس بخفوت: لاتقولهاااا
قاسم: له اسبوع وعادهم بلغوا اهله امس
قيس: ايحين حصل هذا وكيف ذلحيييين ما عيفعلوا
قاسم؛ مدري والله بس اكيد خبرتنا عيسووا تبادل اسرى لا تقلق
قيس بسخرية: كيف لا اقلق وهو مأسور انت انجس ما خلق ربي ناس لا فيهم رحمة ولا ضمير احتمال يقتلوه بدم بارد
قاسم: عارفين وداريين ومن يجهل معاملتهم لآسرانا بأسوأ المعاملات.. عكسنا احنا.. لكن ما نفعل
قيس: اوووف ضبحت بي. عماد ما يستاهل
قاسم: ونعم بالله الله يرده بالسلامة
قيس: يارب
قاسم: يلا خاطرك
قيس: الله معاك.. قاسم ناقصكم شي تحتاجوا حاجةة
قاسم: سلامتك الله يحفظك.. مع السلامه..
قيس وهو يواصل طريقة: الله معاك... همس بحزن عميق: الله يفك أسرك يا عماد بحق محمد واله يارب....!!!
.
.
ميـس..!!!
دخلت للغرفة وبسرته بوسط السرير ولابتوبه قدامه وملازمه واوارق كثيرة ومركز على شاشة اللابتوب.. تكلمت بهدوء: صقر
صقر بدون ما يبسرها: هممم
ميس بقهر من رده: عمتي وصفاء عيخرجين بيت خالتك عادي اسير معاهن
صقر ببرود: لاااا
ميس بحده: وليييش ياسعم
صقر: انا حررر
ميس بضبح منه: حررر على نفسكككك مش علياااا اناااااا
رفع راسه لها وبسرها بنظرات حاده: جالسة اخلااقش زفت ولا عدلتيهااا
ميس بزنط قهر صقر: مالهن اخلاقي مابش ساعي في القيةة حلا وجمال وادب والكل بيتمنى كلمة مني يانظر
صقر بسخرية: خفي علينااا ليش من قد. انتي وبنت من
ميس بفخر: بنت محمد الـ...... وانت عارف من محمد الـ.....
صقر: سابر.. ذلحين ما اسوي لششش
ميس بقهر من رده: ولاشي.. عتخطى عمتي مريعه لي
صقر بتهديد: عتبي باب الباب وعتبسري صقر ما عيفعل انا قلت لاااا يعني لاااا فاهمه
بسرته ميس بتحدي ولفت خرجت من الغرفة وطبقت الباب بقوةة
غمض عيونه من الصوت وصاح بصوت عالي: ميييييييييييس...
زفر بقهر وهو يغلق لابتوبه ونفسه انسدت من المذاكرة تكلم بقهر: تجاهلناها قصدنا عتعقل وتعرف غلطها وتكون تثمن كلامها واذا بتزداد وقاحة وطولة لسان اكثر.. كيف اسوي بها هذه... اووووف.. رجع فتحت اللابتوب وهو يتكلم: خلي ميس تولي واهتم للمشروع حق تخرجك اللي باقي له شهر بس يا صقر ..!!!
ِ
تـــــوأم أغـــــراب
البارت ⓪⑧
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
الاوس...!!!
تنهد بهدوء وختم كلامه ب: وهذا كل اللي حصل يا حسين
حسين ساكت بصدمة من كلام اوس وكل اللي حصل
لف له اوس وابتسم لملامحه: مالك انصدمت اعظم مني هههه
حسين: ماشاءالله عادك تضحك
اوس بتنهيده. شكل قيس عداني من الضحك حقه في اسوأ حالتها يضحك ويزبج ههههه
حسين بجدية: اسمع انت لازم ترجع للبيت
اوس: مستحيييل
حسين: لا مش مستحيل انت لازم ترجع وتكلمهم وتخلهم يفهموك كل حاجةة لعلك توصل لحاجةة توصلك لاهلك
اوس سكت بتفكير وهو فعلآ في بالها الف سؤال وسؤال ونفسه يسأل امه وابوه عنهن..
حسين: هاه ما قلت اخطى لابيتكم وتدخل تواجههم
اوس بخفوت: اخطى هيااا..!!!
.
.
ميـس..!!!
تكلمت بحده ونظرها لصفاء:مع يعني مع
صفاء:طيب ليش مافيها لو صلحتش سلوى بنت عمي
ميس بقهر:مشتيها تصلحني ياختي مارتحت لها ولا اشتيها تدخل غرفتي
صفاء بزلفه:ليش تكرهيها قد كلمش صقر انها تحبه وقد امها لمحت لامي وله يخطبوها له
فتحت عيونها بصدمة وتكلمت:ايييش ايييش..تحب صقر يعني طلع شكي في محلةة قليلة الادب هذه ما تستحي على نفسها وانا اقول مال امها تبسرني الصبح بنص عييين
صفاء بورطة:يعني صقر ماقد كلمش بهذا الموضوع
ميس:ماشي ما كلمني بس كنت شاكه من نظراتها وكلامها مع صقر
صفاء: خلاص قد غلقوا الموضوع زمان وصقر رفض لأنه وبصراحة يحبش
ميس بثقة: دارية.. اسمعي ذلحين كلمي ليلى تجي تصلحني هي ماشاءالله عليها وهذه سلوى لا ابسرها
صفاء: ههههه تمام الان اخلي جاهله تخطى تداعيها او عتسير انا ولا يهمش
ميس: تسلمي..
صفاءخرجت من الغرفة والشقه وميس لفت وخطيت للتسريحة بسرت نفسها في المراية وتكلمت بزنط: اصلآ من الاهبل اللي معه ميس ويبسر لاعند. غيرها هع.. بيننا يا سلوى عتوريش حبش لصقر هذا... سكت لفترة وتكلمت: ميس مالش جننتي من ايحين بيهمش صقر هذا وتجنني هكذا لانه هذه التافهه تحبه. خليه يولي هو وهيه.. يييع.. صاحت بحده: بس ولو يضل زوجي ومن حقي اغار عليه ايوة.. ويا ويلها اللي تبسر لا بينها اقلع عيونها.. شلوكك الجن يا صقر ماعاد الا ميس بكلها تفكر فيك....
.
.
الأوس..!!
وقف قدام غرفة امه بعدما دخل للبيت وبسر ابوه وطلع للدور الثاني بدون ما يكلمه.. شل نفس بقوة وفتح الباب ودخل واول ما بسرته امه فزت وهي تمسح دموعها وتتكلم بعدم تصديق: اووووس
وقف مكانه بدون كلام وام رانيا سعيت وحضنته بقوة وبكت بصوت عالي
رفع يداته وحطهن على ظهرها وهمس بهدوء: لا تبكي عشاني.. رفع راسه لصوت رانيا وجلال اللي تقدموا منه ورانيا تتكلم ببكاء: اووس رجعت..
فك لامه وحضنها وتكلم بهدوء؛ مارحت بقعة حتى ارجع..
لفوا كلهم لصوت ابو رانيا اللي تكلم: هذا بيته واحنا اهله وانا ابوه وامل امه ورانيا اخته وجلال اخوه
تنهد اوس وفك رانيا وخطب جلس على الكنب وتكلم بهدوء: كلموني بكل شي من اول ما لقيتوني وكيف لقيتوني ووين لقيتوني
ام رانيا لفت لابو رانيا اللي خطي وجلس قدامهم بطرف السرير وتكلم: اجلسوا عتحكي لكم ااقصة من اولها..
جلسوا رانيا جنب اوس وهو بالوسط وامهم جلست جنب زوجها اللي بدأ يتكلم: في ليلة بعد العشاء وعاد كنا ببيتنا القديم في حارة بسيطه.. خطيت مع علي اخي... ابو جلال.. نصلي العشاء.. مثل كل يوم. خرجنا بعد الصلاة وخطيت معه مروحين للبيت فجأة سمعنا صوت طفل بيبكي تلفتنا حولنا نبسر الصوت من وين واحنا مستغربين .. وتقدمنا لمصدر الصوت... تنهد بقوة وكمل.. ولقينا طفل صغير ملحف فى ومغطى على وجهه وبيبكي.. انا شليته لاحضني بسرعه عشان يسكت وعلي اخي انتبه للورقه اللي نكعت منه.. خرج ورقه من جيبه ومده لاوس اللي شلها وقريها بصوت عالي.: السلام عليكم دام انت بتقراء الورقه فاكيد ان ابني اصبح بين يداتك الان امانتك انتبه له وربه واعتبره ابنك اللي ما خلفته لاتظلمه ولا تعذبه.. كون له العون ولبي كل طلباته اللي انا ماقدرت اوفرها له واجرك عند الله.. اسمه الأوس واتمنى من قلب امه محروق على ضناها انك ما تغيرة ابدآ.. اهتم ب ابني... غمض عيونه بقوة وعطف الورقه وخلاها بيده.. ولف لابوه: كمل
ابو رانيا بهدوء: كات معاك اسواره بيدك ومكتوب فيها اسمك بشكل انيق ومزخرف ﴿الأوس﴾.. واعتقد انها مازالت معاك للأن..
هز اوس راسه بمعنى ايوه وكمل ابوه؛ بعدها شليتك انا وعمك علي للبيت ووقتها كانت امل والده للمره الثالثه والمولود مات بعد الولادة ب اسبوع.. كل ما ولدت ما كان احد يعيش وكان قلبها محروق.. سلمتها انت واضت لها الدنياء وفرحت بقوة.. بس بعدها فكرنا ما عيقولوا الناس والكلام عيأذيك.. ووقتها قررنا نخرج من الحاره اللي كنا فيها وجينا لمدينةة ذمار نفسها وماحد عارف لنا ولا احنا نعرف احد
اوس بحرقة: واهلكم احد عارف
ِ
تـــــوأم أغـــــراب
البارت ⑧⑦
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
قـيس..!!!
وصل للمركز بسيارة اوس اللي شلها معه وعلى طول اتجه لا مكتبه..فتح الباب ودخل جلس على الكرسي خلف المكتب..دقيقة ووقف لدخول حسين اللي تكلم بنرفزه:انت وينككك للأن من فجر بين اتصل لكككك ليش مغلق لتلفونكك وانت عااارف ان معانا اجتماع مهم وقدهم الان كلهم في غرفة الاجتماع ومنتظرين لحضرة جنابكك وانت زد جييت تجلس
قيس بيبسره بهفاوه من هجومه وكلامه السريع: بتكلمني انااا
حسين بنرفزه:لا جدتي بين اكلم ما رائيك انتتت..هياااا اخطى كلهم مراعيين لكككك..انجززز ياخي مالك صنم
فز قيس وخطي خلفه وهو يهمس بورطه:شكل اوس رقد وما اتصل له يفهمه.
وصلوا لغرفة الاجتماع ودق حسين الباب ودخل مع قيس وهو يتكلم:السلام عليكم
الكل: وعليكم السلام
اللواء لقيس: وين انت للأن يا حضرة العقيد.؟
قيس: راحت عليا نومةةة
الكل بسره ب استغراب من رده
قيس بتلافي وبسمه: امزح حنبت بزحمة الطريق شويةة المعذرة منكم
اشر لهم اللواء يجلسوا وخطي مع حسين وجلسوا جنب بعض وبدأوا الاجتماع وقيس مستمع لهم وماهو عارف بإيش يتكلموا وعن ايش..
.
.
بيت كريم.!!!
دخل كريم للبيت وعلى طول لاغرفة قيس فتحها وبسرها مقفله ودق الباب عدة مرات..
داخل الغرفة فز اوس من نومه على دق الباب واستغرب من عيدق عليه وسكت اول ما سمع صوت كريم: قيييس يا حمااار افتح الباب هذا
وقف اوس وخطي فتح الباب وقبل يتكلم دهفه كريم على خفيف لا ورا ودخل للغرفه وغلق الباب وهو يتكلم: راقد لا ذلحيين ما بتظن نفسككك ابن وزير ولا ملك
اوس: هاه
كريم بصراخ: ايييش هاه انا ما قلت لككك امس
اوس: ما قلت
كريم بقهر: بتتهابل هكذا ليييش
اوس: نسيت ذكرني ما قلت
كريم بحده: انت اليوم عتخطى ترجع الملف اللي سرقته من نصار الكلب وتستلم الزلط منه مقابل ارجاع الملف لهم
اوس: اناااا
كريم: لا جدتكك
اوس: هههه زباج
كريم بقهر: قيييس تحرك الان باقي نص ساعه على موعدي مع نصار
اوس:من نصار
كريم بصراخ:نسيييت من نصااار الاااااان
اوس:هاااه لا لا ايوة ما اخطى افعل
مسكه كريم من صدره وتكلم بحده:لا تجنني يا قيس الملف مكنتك امس واليوم موعدك مع نصار تسلمه الملف ويسلمك الزلط وروحت
نزل يداته منه وتكلم بورطه:طيب طيب
كريم:شل الملف واخطى الان هيا نصار لو تتأخر دقيقة عيرحله
اوس:حاضر.وين عتلقاه
كريم:مالك انت امتسحت الذاكره عليك كلمني
اوس:نسيت ما يمانع تذكرني
كريم:في ***.. تحرك هياااا
اوس:يلا الان....خطي لبس كوته وبيفكر وين الملف هذا.. بسر دولاب قيس وخطي فتحه وبدأ ينبش بين لداته وابتسم براحه اول مابسره شله ولف لكريم:يلا هيااا..
خطي كريم خرج من الغرفة وخرج اوس بعده وخطيوا في الصاله واصوات البنات في المطبخ وتورط اوس وخايف لو واحده تخرج منهن او شي..بس الحمدلله ولا واحده خرجت..تنهد رراحه اول ما وصلوا للحوش ورفع راسه لصوت بنت بتكلمه بحده:ع اساس انككك عتخرررج مدري وين مسرع رجعت وايحين جييت
بسرها لثواني ونزل نظره بسرعه وتكلم كريم بحده:مش وقتش انتي ادخلي يا كووثر..هيا وانت تحرككك..خطي خلف كريم اللي مد له مفاتيح سيارته وتكلم:كون حذر لا يضحك عليك نصار
اوس:لاتهم..طلع السيارة واتحرك بها حيث العنوان اللي وصفه له كريم..همس بحيرة وهو يتنهد:من انت يا قيس وايش عملك..الله يستر بس..
.
.
عودة لقيس المفهي فيهم وفي كلامهم ولافهم حاجة من تحقيقاتهم..
انتبه لسؤال اللواء: مالك يا اوس ساكت وما شاركت برائيك حول القضية
قيس: هاه انا...
اللواء: خير من اول ما دخلت وانت مش على بعضك
قيس تنحنح بتوتر وتكلم: لا بس راسي يوجعني قليل
ضابط: طيب ما شاركت وابديت برائيك.
قيس: احمم.. دام والامر قد وصل بهم لاهانا فانا من رأيي نوكل بعض العناصر تتبعهم وتراقبهم بدون ما يحسوا واذا اضطر الامر خلينا واحد من عناصرنل يتداخل معاهم.. علاميد نتوصل لمكانهم وقايدهم.. لأن هذه خلية كبيرة وما يسبرش الاستهانة بها وبقدراتها.. بسرهم بترقب لردهم وهمس لنفسه: شكلك جبت العيد يا قيس
اللواء: انا اوافقك قي كلامك واتفق معاك وخطتك عظيمة وعتسهل لنا الوصول لهم. والباقي ايش قولكم.
الكل: بعدكم
حسين: طيب دام الكل مؤيد لخطة العقيد الأوس فمن رأيي نبدأ التنفيذ من اليوم وعدم التأجيل
اللواء: وهذا اللي عيحصل..!!!
.
.
وصل الأوس للمكان المحدد ووزع نظراته حوله.. شل الملف ودخله بصدره بعدما غلق الجاكت حقه نزل من السيارة وتقدم بخطواته من المكان وقف لثواني محتار وين يخطى ولف على صوت نصار العالي: يا هلاااا بـ قيس يا هلاااا ومرحبااااااا