-
للصداقه💛عنوان💜 - قناه عبارھ عن ↯ ❶ ‹ - عبارآٺ⚚ ❷‹ - خلفيآٺ▽ ❸ ‹ - ڣيډيۅهاℓت🎥 ❹ ‹ - رمزييَاٺム ❺↜نكت 😂 ❻⇇اشعار 🤗 ❼⇦اغاني 🎼 ❽↤صور 📸 مكاوشة الخرفان 👌 للانضمام في قناتي بالتلجرام
ِ
تـــــوأم أغـــــراب
البارت ⑨⑦
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
لف الاوس على صوت نصار العالي: يا هلا ب قيس يا هلا ومرحبااااا
اوس بهدوء: سلم الزلط تستلم الملف
نصار: اووووف مالك مستعجل هكذا
اوس: تحسبني فاضي لاشكالك جزعني هياا مع اعمال اهم منكككك
نصار: ههههههه لا لا في تطور انتقلت من مرحلة الزبج الى مرحلة الجدية حلو حلو
اوس بقلة صبر: لا حووول ياخي انجزز هيااا
بسره نصار بقهر ولف لسلطان: سلمه الفلوس
تقدم سلطان منه ومد له شنطه وتكلم اوس: افتحها
فتحها سلطان وبسر اوس الزلط.. وشلها لايده يتأكد منها وتكلم: حلو سابر هكذا
نصار؛ الملف
شل اوس الشنطة وخرج لهم الملف وتكلم: هكذا انتهينا. مع السلامةة.. لف وخرج بثقة بخطواته ونصار بيبسر بعده بقهر...!!!
.
.
قيـس..!!!
دخل للمكتب ولف لحسين اللي دخل بعده وتكلم بتشكيك: قيس صح
ابتسم ورد: الحمدلله كيف عرفت
حسين: ما عتعرف صاحبي قده. جنان وينه الاوس
قيس: في بيتنا
حسين ب استغراب: وما بيفعل في بيتكم
قيس: تاعب شويةة
حسين بقلق: تاعب ايش، فيه ما وقع امانه تحاكى
قيس: لا تخاف ماغير شوية ضغوطات
حسين: هيا نخطى لاعنده ممكن
قيس: ورئيسكم ما عيتكلم
حسين: بخطى استئذن منه.. هيا تعال
خطي مع حسين لاعند اللواء يكلموه انهم عيخرجوا.. وسمح لهم وخطيوا بسيارة اوس متجهين لابيت كريم..!!!
.
.
وقف اوس بسيارته قدام الباب وتنهد بحيرة كيف عيدخل للبيت ذلحين وكربم مريع له اكيد.. رفع راسه على صوت سيارة داخله للحاره وبسرها سيارته وتنهد اول ما بسر حسين مع قيس والاكيد. انه عيسأله عن كل حاجة.. فتح الباب ونزل اول ما وقفت السيارة قدامه وهم بدورهم نزلوا ووقفوا قدام بعض
حسين بقهر: وش الحركات البايخه هذه
اوس: اي حركات
حسين: فاهم لقصدي لا تتغابى
قيس: لحظة.. اول تكلم انت من وين جيت بسيارة ابي
اوس لحسين: اطلع سيارتي دقايق واجي اكلم قيس ضروري..
هز حسين راسه بتفهم وطلع سيارة اوس
اوس لقيس: تعال... خطيوا لاورا سيارة كريم وتكلم قيس: هاه من وين جيت وليش سيارة ابي عندك
اوس: ابوك. جاء قومني من غرفتك مقصده انه انت وكلمني اخطى اودي ملف لنصار
شهق قيس بصدمة: يالله كيف نسيييت هذااا.. وما قلت لابي انت
اوس: ولاشي ما ادى لي فرصة افهمه مالقيت نفسي الا اجاريه
قيس: ايوة وما فعلت
اوس: دورت بين لداتك ولقيت الملف وشوفت عينك خطيت وديته لنصار
قيس بصدمة: اوماااا اسألك بالله
اوس وهو يخطى يفتح السيارة ويشل الشنطه ويتكلم: والله
قيس: وما قال لك
مد له الشنطة وتكلم: ولاشي ما سمحت له يتكلم.. شل هذه فلوس ابوك
شلها قيس من يده: اوس انا...
اوس ببسمه: خليني افضى بس ووقتها ما عتفلت لك الا وقد الموضوع كله عندي وعتتكلم غصب عنككك
قيس بتنهيده: خير
اوس: وذلحين. ادخل لاعند ابوك وانا عتخطى مع حسين
قيس: وين تخطى ذلحين غداء هيا انت وحسين ضيفنا
اوس: تسلم تسلم ضروري اخطى لي كلام مع حسين ولنا لقاء مره ثانية
قيس: سابر براحتك.. اخوك موجود. بإي وقت طيب
ابتسم له اوس وحضنه وهو يتكلم: ما تقصر والنعم بك.. فك له وتكلم: مع السلامة
قيس: في امان الله..
طلع اوس سيارته اللي ساقها حسين وخطيوا وقيس لف ودخل للبيت..!!!
.
.
بيت ابو رانيا.!!!
اخذ نفس ودق الباب بهدوء وتكلم لوما ما سمع ردها: رانيا انا جلال افتحي الباب
ثواني وانفتح الباب وارتمت رانيا لاحضنه وهي تنفجر بكاء وتتكلم: اوس يا جلال اووووس
جلال بتنهيده وقد. ابوه كلمه بالموضوع كله: هدي يا قلبي.. هذه الحقيقة ومابه مفر منها
رانيا بجنون: لاا لااا اوس اخييي انا والله انه اخيي واخوككك صح هو اخونا احنا ولد امي وابي..
تنهد بقهر وخطي معاها وجلسوا على الكنب ومازال حاضن راسها لصدرة وتكلم: اكيد. اخونا دامه رضع من امي امل فاحنا اخوة كلنا
رانيا بشهاق: مش مصدقةة انه مش اخي الحقيقي اكيد. انهم بيكذبوا علينا صح بيكذبوا
سكت جلال وما عرف ما يرد وحالة ام رانيا ورانيا يقطع القلب وحتى عمه تاعب وما خطي للعمل والكل بحالة صدمة وعدم استيعاب..
جدة صقر: الله يحفظكم ويحرسكم من العين.. لفت لسلوى وبمغزى فهمته ميس.: ويبعد. عنكم كل حاقد وحاسد
ميس بصوت: امييين يارب ويخليش لنا يا جدة
جدة صقر ببسمه حب: حتى منطوقها عسل خير ما اخترت يا صقر
ابتسم صقر بهدوء وبنفسه لو تسمع مراددها له بس.انتبه على صوت سلوى تسأله:صقر ودك حاجة او شي
ميس بسرعه:سلامتش ما يشاي حاجة واذا وده شي واذا مرته قدامه عيطلبها منها انتي استريحي وخليش على جنب بس
بسرتها سلوى بقهر من ردها وقامت خرجت من المجلس. وصقر ابتسم على جنب وبسر ميس برفعة حاجب وميس بسرته بنفس النظره ولفت تجابر الجدة بدعممه له..!!
.
.
اوس بتنهيده: والله مالي نفس لشي
قيس: ابسر لابيني ونفسيتك عتنفتح صدقني.. هاه ابسر محلااااني..
بسره اوس وابتسم بهدوء
قيس بضحكه: الله يحفظني بس.. جميل صح
اوس بضحكه: لا انت قيس من قال جميل
قيس: شلوووك قصدي ملامحي يا اهبل قم اصتبح هيااا انا جااوع
قام اوس وغسل يداته وخطر جلس مقابل قيس اللي مد له الخاص وتكلم: سم بالله.. ولو هو صبوح متواضع وانا عارف انك متعود على اللحم الصغار والكبده
اوس: ههههه مش لهذه الدرجةة مالك
قيس: داري هههههه
بدأوا يصتبحوا بهدوء وصمت تام. لدقايق وقطعه اوس بسؤاله: انت كيف تقدر تضحك وتزبج هكذا وكأنك ما مريت بحاجة ولا حصل لك شي...
من يشتي 8بارتات 😍❤️🔥
لاعجبني التفاعل عتنزل لكم🌝👏
ِ
تـــــوأم أغـــــراب
البارت ⑤⑦
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
تقدم بخطواته وبسر ميس متلحفه بالسواد سلمينها له ومسك يدها وخطاها معه للمجلس..
جلست جنبه بمساعدة صفاء وجلس جنبها
صفاء بهمس وهي تنحني له: مكن اختها الفتاشة وافتش لها هيااا
خرج زلط من جيبه ومكن صفاء اللي ناولت شهد
قري عليها صقر لدقايق وفتش لها وابتسم بهدوء وحبها على جبينها وجلس جنبها.. خمس دقايق ووقف ومسك. يدها وخرج معاها من المجلس وطلعوا الدرج متجهين لشقته ومعه صفاء وشهد اللي دخلين ميس للغرفة وخرجين بسرعه...
دخل للغرفة بعدما غلق باب الشقة وبسرها بطرف السرير تكلم بهدوء عكس مابداخله: شلي راحتش وغيري لداتش وابعدي المكياج هذا..ولمن تكملي داعيني عشان نصلي انا في الصالة..خرج بدون ما يسمع ردها وغلق الباب..
شلت نفسها بقوة ووزعت نظرها في الغرفة وهمست ب اعجاب:واو طلع ذواق بقوةة وقفت بتعب وخطيت للتسريحة وبدأت تمسح المكأب...
.
.
نفس الوقت..!!!
الأوس...
دخل للبيت بهدوء وبدون صوت عشان لاحد يقوم خطي في الصاله وانتبه للأصوات اللي في المجلس ورفع حاجبة ب استغراب وتقدم منه ووقف في الباب سمع صوت ابوه وعمه ابو جلال اللي تكلم: يعني ايش ولايحين عتجلسوا مخبيين على الولد
ابو رانيا بحدة: بين اقول افهم اوس ابني لو مهما حصل ويا ويله اللي يقول غير هذا الكلام
ابو جلال بهدوء: انا داري اوس ابننا كلنا بس انا خايف يرجع يدرى من الناس والله اننا خايف من النقطة هذه قوي
ابو رانيا:وحتى لوما كان الأوس ابني الحقيقي يكفي انه ابني بالرضاع وانا اللي ربيته وكبرته وبزيته
ابو رانيا:والنعم والله....
انقطع كلامهم اول ما سمعوا حاجة نكعت للقاع وفزوا الاثنين وتجمدوا مكانهم اول مابسروا اوس اللي جامد مكانه ونظره للمزهرية اللي نكعت للقاع
ابو رانيا بتوجس:اوس كم لك هانا
وجه نظره له وابتسم بغموض وهو يرد:من وقت ما قلت يا ويله اللي يقول انا مش ابنك..زحتى لوما كنت ابنك الحقيقي يكفي اننا ابنك من الرضاع
ابو جلال نزة راسه بصدمة انه سمعهم وما تكلم
ابو رانيا بتوتر:هاه من قال هكذاا شكلك فهمت غلط انا..
قاطعه اوي بهدوء مخيف:أبن من انا.؟
ابو رانيا:ابني انت ابني اناااا فاااهم
اوس بصراخ وعصبيه:ااااااااابن من اناااااااا تككككلللممم
ابو رانيا بنفس الصراخ:ابببببني انااااا فااااهم انتتت ابني حتى لومااا خلفتتتتك تضل ابببببنيييي
لفوا على صوت رانيا وامها الللي قامين مفزوعات من الصراخ وتكلمت ام رانيا:مالكم ليش اصواتكم رافعه.بسرت اوس وتكلمت بعتتاب:مالك يا اوس اول مره ترفع صوتك على ابوك...
قاطعها اوس ب انفعال:مشششووو ابببييي...قاااال مش انااا ابنه الحقييييقي..
شهقت ام رانيا بصدمة ورانيا فتحت عيونها من كلامه وبرعب:ايش قصدك مش انت ابنك ما بتقول انت
اوس بنظرات نارية لابوه:انت قلت مش انااا ابنككك اللي خلفته اذآ قووول لي ابن من انااااا حاااكني تككككلم
ام رانيا ببكاء:ليييش تكلمه ليييش مش احنا اتفقنا ما نتكلم بهذا الموووضوووع ونغلقه للأبد يا يونس
ابو رانيا بقهر:ما تكلمت هو اللي سمعني
رانيا ب انهيار:مالكم انتواا ما بتقولوا اوس ااااخي وانت ابوه وانتي امه مالكككككم
اوس بحده وصوت عالي:ببييين اقووووول ابن من اناااااا تحااااكوووا كيف وصلت لككممم من ابي من امممي من اهللللي ابننننن من انااااااااا
ابو جلال:اوس اهدأ.
اةس ب انفعال:سؤااالي واااااضح من اااااهلي تحاااكوا من امي وابي
ام رانيا جلست وبكت ب انهيار وهي تتكلم:انت ابني اناااا..ابني يا اووووس
اوس بقلة صبر: من ووووين شليتوووني من اهللللي
ابو رانيا بهدوء:مدري
اوس بصراخ:كيييف مددددري كييييييف..انا كييف وصلتتت لكم
ابو رانيا بقهر:لقيتككك
اوس:ووييين
ابو رانيا بتنهيده:جنب جااامع
ابتسم اوس بقهر العالمين كله..ولف وخرج من البيت وابوه وعمه ابو جلال لحقوه يرجعوه بس طنشهم وركب سيارته وشخطها بقوة وخطي من قدامهم..
.
.
صقر&ميس..!!!
كمل يصلي ولف لها وهمس بهدوء:تقبل الله
ميس:منا ومنكم
وقف صقر ورفع السجادة معه وميس وقفت بعده ورفعت سجادتها
صقر ببرود:تشتي عشاء
ميس:مع
صقر:وفرتي
فتحت عيونها بصدمة من كلامه وصدمها من جديد بكلامه:تنامي على السرير ولا الكنب
ميس بهفاوه:هاه
صقر بحده:كلامي واضح
ميس بخفوت:السرير
ابتسم بسخرية من ملامحها وهي خطيت وجلست بطرف السرير ونظرها له
جلس على الكنب وبسرها برفعة حاجب وتكلم:خييير
ميس؛خير
تمدد وهو يتكلم:طفي الضوء من عندش وارقدي شرق
ميس بهدوء:طيب..طفت الضوء واتغطت ب اليرقان..وغمضت عيونها بهدوء وهي مستغربة بقوة..
تنهد صقر بقهر ولف بوجهه للكنب مدي لميس ظهره وهمس بخفوت:عادش ما بسرتي شي..!!
ِ
تـــــوأم أغـــــراب
البارت ③⑦
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
قيس: ودام امي خيرية وامي دولة ومنار وهاجر شهيدات لازم نفررح لهن لأنهن للجنة فازين وربحين والله
فاطمة بشهاق: بش مانا مصدقة ان هاجر اختي ماعد عترجعش ولا منار وامي خيرية ودولة.. البيت بدونهن ولاشي ماعد للحياة بدونهن
كوثر بغصة: ماعاد به احد نتضارب معه ونتحانك معه ونرفع ضغطه.. راحت منار الهادئه والرقيقة واللي كان تخاف من اقرب شي وهاجر الحساسة والطيبة واللي قلبها على الكل..مش مصدقةة والله
تنهد بعجز ونزل راسه لخلود واللي متأثرة اكثر من الكل وهمس:خلودي ياعين قيس..ابسريني هاااه
رفعت راسها له وبسرته ببكاء
ابتسم بخفوت وتكلم وهو يمسح دموعها:ما يحق لش تبكي عيونش العسليات الحاليات هولا وترهقيهن هكذااا
ابتسمت بغصةة وهي تهمس:حتى امي عيونها عسلي وحلوات وماكان يحق لأحد يزعلهن ويدفنهن تحت التراب
قيس:كلنا حق الله ماحد مخلد ياعيني
دفنت وجهها بصدرة من جديد وهي تبكي وتصيح:لا سامح الله آل سعوووود..شلوا مني امي وخواتي لا ساااااامح الله تحالفهم الباطل وعدوانهم الغاشم علينااااا
قيس بخفوت وحرقة:لا سامحهم الله ولا غفر لهم..!!!
.
.
9-00 العشي..!!!
دخلت مت شهد للمجلس وهي تجلس جنب امهل وتتكلم بترقب:هاه امه ما يشتي صقر وابوه
اشرت لها للدعايه اللي قدامها وتكلمت:جو دفعوا الشرط حقش ويشتوا العرس بعد شهر
سكتت ميس بصدمة وتكلمت شهد بحماس:والله واخيرااا عيقع عندنا عرررس
ميس ب انفعال:مش على اساس لوما يتخرررج ومدري ايييش مسرع قدموه
ام مجد:باقي ثلاثة شهور وتخرج وقال يشتي يعرس ذلحين وكل شي جاهز وما ناقصة شي وهذا من حقه
ميس:بس انا مش موافقةة
ام مجد بحده:القول مش قولش العرس تحدد وخلاص ومن بكرة تبدأي تتكسي
شهد:وانا عتخطى معاها للمدينه ونتكسى لها اممم ونكلم ليلى وفاتن والكل
ميس بصراخ:انتتتي اسكككتي فارحة بروحهااا تخطى تتكسى لجدتمهاااا
ام مجد:ومالش بتصيحي ذلحين
ميس:يمةة مشتي عررس ذلحيين خليهم يأجلوه
ام مجد:مابش تخلينا نأجله والعرس تحدد وخلاص من الهدار والدلع
سكتت ميس بقهر وتكلمت شهد:وين مجد
ام مجد:خرج معاهم يجزع للبقالة يدي سكر
شهد:اهااااا لفت لميس الغاضبة وابتسمت بضحكه
ميس بحده:خير به حاجة تضحككك
شهد:ههه لا ولاشي بس من الان اقول لش مية الف حقي من الراس كسوتي لعرسش
ميس:فلااا استعدي بس والله ماتبسري ريال من حبي حناك لششش
شهد:امااه قولي لهااا
ميس:الزلط حقي ما دخل امييي
شهد:امااااه
ام مجد:ناهي اص انتي وهي كلكن عتتكسين هجعيني
شهد خرجت لسانها لميس تحانكها وميس قلبت عيونها بزنط وهمست لها:مطلبة..!!!
.
.
عصر ثاني يوم.!!!
وقف بسيارته قدام المحلات ولف لأوس: ذلحين ما قلت ايش اشتري لها
غلق تلفونه ولف له: قلت لي خطوبة اختكك وتشتي لها هدية ضخمة صح
حسين: ايوة
اوس بتفكير: امممم.. مابه هدية ضخمه الا الذهب
حسين: طيب ما اشتري لها سلس ولا خاتم ولا ايش
اوس: سلس عيكون اضخم سلس حالي وانيق
حسين: تم بعدك يلا انزل هيا ندخل محل الذهب هذك..
نزلوا الاثنين واتجهوا لمحل الذهب اللي قدامهم..!!!
.
.
داخل محل الذهب..
همست ميس بضجر: ما اعجبنيش هذا الشكل يمه اشتي واحده أأنق منها
ام مجد: طيب اختاري انتي هيااا وجزعينا
ليلى بهمس لها: يقلع طبعش الخايس والله انها ضخمه
ميس: اص والله مافيها حلا... لفت تبسر اللبات المعروضات لو به واحده عتعجبها ووقعت عينها على اوس اللي دخل للمحل وخلفه حسين.. رفع نظراته لها وفهى فيها لثواني وميس شاحت بنظرها بسرعه ولفت لقدام
حسين بهمس لاوس: مالك تصنمت ومن ايحين بتقعي للبنات هكذا
اوس بتوتر: هاه.. احمم.. ادخل هيااا
بسره حسين ب استغراب ودخل خلفه ووقفوا يختاروا سلس لاخته..
دقايق وشلت ميس اللي ودها وخرجت مع امها وليلى من المحل بسرعةة ..!!!
ِ
تـــــوأم أغـــــراب
البارت ②⑦
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
صقر..!!!
وقف بسيارته قدام بيت ميس بعدما وقفوا لعصام عند بيتهم وتكلم بهدوء:انزلي
ميس اللي كانت بالخلف تكلمت بتبرير ما تعرف ليش: اصلآ ماعاد فكرت بحاجة اول ما قال ان اخي محبوس ومدري من. طعنوا ماعاد فكرت بشي وخفت لو تعرف امي ويقع بها حاجة
صقر بقهر: ليش ما كلمتيني انا واصلآ من ايحين النسوان عندنا بيدخلين مراكز الشرطةة من ايحيييين
ميس: ما جاء على بالي اكلمك
ضحك بسخرية ورد: داري على اساس انتي مديه لي قيمة وحاسبه لي حساب
ميس بقهر: فكر كيف مو تحب طز انت اخبر..
مجد اللي كان قدام: صلوا على النبي واله انت وهي مابه شي ذلحين
ميس وهي تفتح الباب تنزل: كلمه هو لانه مكبر لموضوع تافه
صقر لف لها وبصراخ: موضوع تافه تدخلتش للمركز ووقوفوش بين الرجاال تافه كأن ما وراش رجال ولا شي
ميس بحده: وين هولا الرجال ما بسرتهم.. نزلت وطبقت الباب وخطيت للبيت
تنفس صقر بقهر العالمين بعد كلمتها.. ايش قصدها مشو رجاال.. كبر حسابش يا ميس كبر وكثييير
مجد بتدارك: اعذرها هي منفعله بسببي ماعاد دريت ما تقول
ابتسم بسخرية ورد: عادي هذه ميس وهذه اخلاقها معروفة لسانها متبري منها.. يلا انت انزل ذلحين عمتي منتظره لك
مجد: حياك انزل معي
صقر: ابقاك بوقت ثاني مشغول مع مشروع التخرج
مجد: الله يعينك ونبسرك احلا خريج
صقر: يارب..
فتح الباب ينزل وهو يتكلم: تسلم ياحيدي تعبناك معانا
صقر: الله المستعان احنا اهل.. يلا في امان الله
مجد: الله معاك.. دخة للبيت وصقر تحرك لابيتهم اللي بعد. خطوات من بيت ميس.!!!
.
.
داخل البيت..!!!
ميس بحماس وهي متربعه قدام امها وشهد: وتخيلين الاثنين وكأنهم واحد شبحان الله العيون والملامح اول مابسرتهم انصدمت وقلت من الضابط يالله والشبه بينهم
شهد: اكيد انهم توأم واخوة دامهم يتشابهوا هكذا صح يمة
ام مجد: الظاهر اكيد. ماشاءالله
ميس: وازيدكم من الشعر بيت
امها وشهد: ايش
ميس بحماس؛ تخيلين ان عيونهم ساع عيوووني بالضبط وكأنهن عيوني يمةةة لو تبسري
مجد وهو داخل لاعندهن: ايوة صدق الضابط لون عيونه ساع ميس ب الضبط وكأنهن هن.. بس ان عيون ميس اوسع ومكحلات
شهد بفزه: اسألكم بالله ساع عيوون ميس
ميس: والله قلت لش الاثنين لون عيونهم ساعي بالضبط ويشبهوني هههه الحمدلله لقيت من اشباهي اثنين باقي 38 هههههههه
ام مجد بتوتر من الافكار اللي جت ببالها: احم.. هاه مجد تعال هانا وفهمني ايش وقع ب الضبط..
.
.
ثاني يوم بعد الظهر..!!!
دخل للمكتب وبسر قيس مازال نوم على الكنبه اللي بالطرف تقدم منه وجلس بالطرف وقومه: قيييس.. قييس يا استاااذ قييس
تحرك قيس ولف له وفتح نص عيونه وهمس: ما تشتي من صبح يالله رضاك
اوس برفعة حاجب: لاتكون في فندق خمسة نجوم وانا مش عارف
قيس وهو يمسح وجهه: لا عشر نجوم
اوس بسره بنظرات قهر وقيس ضحك وهو يرفع نفسه ويتجلس متكلم: وين الصبوح
اوس: الله وعاد الصبوح علياااا
قيس: اوووف ما ابخلككك
اوس: هههههههه قوم قوم صبوحك جاهز
قيس: ايوة هذا العشم فيككك يا صاحبي
اوس: وبعدها وين عتسير
قيس: اروح البيت دام. قد. تنفذ اللي ببالي
اوس: مصر ما تكلمني
قيس بسخرية: السودان خخخخخ
اوس: يا سماجتك
قيس: ههههه بالوقت المناسب
سكت اوس ونظره له بهدوء.. بسر مدى الألم والوجع في ملامحه مهما ضحك وزبج وتكلم لازالت عيونه تحمل ألم كبير وفقد موجع.. ومن خلال معرفتة بقيس القصيرة عرف انه يتخطى او يحاول يتخطى ويتناسى ويتعايش مع الدنياء وهذه ميزة نادرة فيه وبقوة.. انتبه على صوت قيس الساخر: داري اننا حالي بس مش لدرجة تفهي فيني هكذا هههههه
اوس بضحكه: فاااارح بروحككك قوم غسل وتعال اصتبح هياااا..!!
.
.
الساعة 2 الظهر..!!!
دخل للبيت بخطوات هادئه ومترقب لظهور ابوه.. وقف في الصالة وتنهد بقوة من الهدوء اللي في البيت بعدما كان اصوات خواته لا اخر الشارع ضحكة ولعبة وضياح.. بس من بعد استشهاد امه خيرية ودولة ومنار وهاجر اصبح البيت هادئ وخالي من الفرح وخواته اصبحين اكثر هدوء وقليلات كلام.. حتى كوثر وفاطمة اللي كانين اشغب بنات.. صاح بصوت شبه عالي والغصة خنقته: السبــــــع المثانــــــي وينكـن..
ثواني وانفتح باب غرفة البنات وبدت خلود وعيونها حمر من بكاها اللي ولا وقف من يوم موت امها وخواتها وامه دولة تكلما بغصة: ماعاد احنا السبع المثاني. اصبحنا خمس بس يا قيييس ماعاد بحد منارة القلب وهاجر الروح..
تقدم بخطواته للغرفة وسحب خلود لاحضنه وهي انفجرت بكاااء بشكل يوجع القلب وتكلمت من بين بكاها: اششتتتي اميييي يا قيييس هاتوهاااا ليييي اشتي خوااااتي ادوهن لي فااااقده لامي دولةةة فاقده لهن كككككلهن رجعووووهن لي كككلللهن رجعووووهن
ِ
تـــــوأم أغـــــراب
البارت ①⑦
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
قيس:اشكررك..طيب اتصل لابي وكلمه انني محبوس عندكم ومدري ايحين عتخرج لحظة قول له ان انا اشتي غرامة لوما اخرج وكذا عجزه المهم
اوس: طيب طيب ونبسر اخرتها معاك.. وقف وخطي لا مكتبه وهو يشل التلفون الثابت: مليني رقمه
قيس وهو يتممد على الكنب ويحط يداته خلف راسه: *7796
ضغط اتصال على الرقم وتكلم اول ما انفتح الخط: السلام عليكم
كريم: وعليكم السلام
اوس: معاكم مركز المديرية معانا الاخ.. رفع نظره لقيس وهو يسد سماعة التلفون وهمس بسؤال: ايش اسم ابوك
قيس بنفس الهمس: كريم الـ.....
بعده وتكلم: العفو منك الاخ كريم الـ....
كريم ب استغراب: ايوة خير
اوس: كل خير ابنكم قيس الان عندنا قبضنا عليه قبل شويةة
كريم بصدمة: قبضتوو عليه لييش.؟ ما فعل
اوس: تضارب مع شباب ورفع جنبيته على واحد منهم وطعنه وحاليآ في المستشفى بس تقدر تخرج بكفاله او دفع فلوس امد تنحل القضيةة
كريم: هاه زلط.. لا لا خله يجني ثمار اعماله الكلب يستاهل ادبوه.. غلق الخط واوس بسر قيس اللي سمع المكالمه وتكلم: متأكد ان هذا ابوك
قيس بسخرية: دعمم ياعم
قبل يتكلم اوس اندق الباب ودخل العسكري اللي ضرب التحية وتكلم: سيدي به بنت و ولد يشتوا يتكلموا معاك بخصوص المضرابة اللي وقعت في قرية الـ.... والعيال المحبوسين
اوس: دخلهم..
اعتدل قيس في جلسته ولف لدخول ميس ومعاها عصام وهي تتكلم بثقة: السلام عليكم
قيس و اوس: وعليكم السلام
ميس بسرت قيس بنظره خاطفه ورجع اوس وانصدمت وهي ترجع نظرها لقيس: عفوآ من الضابط منكم
ضحك قيس ولف لأوس اللي بسر ميس وتكلم ببسمه حالما اختفت لوما اتضح له لون عيونها البارز: انا تفضلي..
ميس: بخصوص مجد اخي ايش تهمتة لوما حبستوه
اوس نزل راسه وغمض عيونه بقوة وهو يبسر كمية الشبهه بين عيونها وعيونه وعيون قيس..
قيس بسره ب استغراب وهو ماركز على ميس اصلآ: مالك البنت بتسألك
لفت له ميس بعفوية والتقت عيونهم مع بعض وكل واحد فتح عيونه بصدمة وتعجب فاقوا منها على صوت عصام المتحمس: سبحان الله وكأن عيونكم عيون شخص واحد نفس اللون والشكل..
ميس نزلت خنة البرقوع بسرعه وقيس نزل راسه بدون كلام
اوس بتدراك: هاه.. قصدش مجد الـ......
ميس بتوتر: ايوةة
اوس: ما يقع لش
ميس: اخي ممكن اعرف ليش حبستوه
اوس: حسب المعلومات اللي وصلتني تضاربوا مجموعة عيال وتدخلوا ب الجنابي مجد معاهم.
وقف قيس وهو يتكلم: انا عتسوي لفه حول القسم وراجع لك ابسر عملك.. خطي وخرج من المكتب وعلى طول دخل صقر بعده وملامحه ما تتفسر: السلام عليكم
نكزت ميس وغمضت عيونها بقوة وهمست: يا سواد ليلش يا ميس
عصام و اوس: وعليكم السلام
اوس: تفضل
تقدم منه صقر وهو يتكلم: انا الدكتور صقر الـ..... جيتكم عشان مجد الـ... ممكن تشرح لي ايش حصل ب الضبط
اوس: اكيد تفضل استريح
صقر لف لميس ومد لها مفاتيح السيارة وتكلم بحده خفيفه: شلي مفاتيح السيارة واخطي اجلسي فيها لوما اجي وانت اخطى معاها ياعصام وراعي جنب السيارة
عصام: تمام
شلت المفاتيح من يده وخطيت بدون كلام ولأول مره تخاف منه ومن نظراته الناريةة
لف وجلس على الكنب متكلم: تفضل فهمني لو سمحت..!!!
.
.
قيس..!!!
وقف مكتب لضباط وهو يبسر من خلال الطاقة بيتجابروا ومجموعين حول مكتب واحد ويضحكوا وابتسم بخبث ولمعة فكرة براسه..
خطي وفتح الباب ورسم على وجهه ملامح الجديةة والعصبية
الضباط الثلاثة بسروه ووقفوا بتوتر وب اصوات مختلفه؛ احترامي..
قيس بحده: ما بتفعل انت وهو عندكم معاكم حفلة شاهي ولا اييش
الضباط:......
قيس بصراخ: ما تنطق انت وووهوو لييييش ما كككككل واحد بمكتبةة
واحد منهم: احنا كنا بنبسر في اللابتوب
قيس بحواحب معقودات: وما بتبسروا
......: معلومات يا سيدي معلومات
قيس: معلومات عن اييش ب الضبط
بسروا بعض بورطه وتكلم قيس بعصبية متقنه: شتغاضى هذه المره عنكم لكن المره الجايةة فصل وتسريح على طووول احناااا هانا للعمل والجد وعملنا حساس مش لمجبارة النسوان فاااهمين.. قالوا قالت خلوها للنسوان
الكل:........
قيس بحده: فاااااهميييين او مع
الكل: فاهميييين
قيس: يلاااه كل واحد يرجع عمله
كلهم تحركوا على مكاتبهم وبدأوا يشتغلوا وقيس بيبسرهم بحده ورفعة حاجب لدقايق ولف خرج وغلق الباب خلفه واول ما بتعد عن المكتب تمردت منه ضحكه على اشكالهم وخوفهم منه.. ومل من بسره ضرب له تحيه ب احترام ظنآ منهم انه اوس وهو يأمر هذا وهذا وبكل زنط لوما وصل لا مكتب اوس.. فتح الباب بعدما دق وتكلم وهو يوزع نظراته: راحت لها هذك البنت والولد
اوس: ايوة ادخل
دخل وغلق الباب وتكلم وهو يجلس: ما فعلت لاخوها
وقف اوس معه وهو يشل كوته ويلبس العسيب:عنخرج مع بعض هياا..
طبعآ قيس قد.غير لداته قبل يصلي بثوب اسود مع كوت وشال اسود..خرج مع اوس للشارع وبسر الناس وعرف ان العزاء ببيت الـ..... جيرانهم.. لف لاوس وتكلم:تسلم يا اوس تعبتك معي وكثير ما اقدر ارد لك جميلك..
اوس:الله المستعان مابش بيننا عيب
قيس:اكيد.اهلك عيسألوا وينك وانت تاعب لو ودك روح..
اوس:عتروح الان اغير ثياابي واكلم الاهل وامر المركز سريع وراجع لكك
قيس:ما تقصر
اوس:ودك شي قبل اخطى
قيس:سلامتككك...!!!
يتبع.......
ِ
تـــــوأم أغـــــراب
البارت ⑧⑥
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
شد عليه أوس بقوة وهمس بغصةة: مأجور عند ربي... شهديات يا قيس شهيدات
قيس بحرقةة: وجعوووا لي قلبييي بهن والله وجعوووة واحرقوووه.. ايييش ذنبهن.. ليش يقصفوهن لييييش ما سوووين حاااكينيييي.. فهمنييي..
تنهد بحرقةة وما عرف اييش يرد ويتكلم ولا به اي عبارة توصف ما بداخله ولا يكفي الـ28 حرف لوصف الموقف الحااصل حاليآ..
لمن فجأة وبين دقايق تبسر اهلك ضحايا وقتلى بلا اي ذنب ولا اي سبب.. تبسرهم مقطعين لإشلاء ودماؤهم مبعثرة بكل مكان.. لن يكون هناك عبارات لوصف ما بداخلك والتعبير عنه.. تعجز الحروف كلها امامك.. ولا يسعنا ان نقول في هكذا مواقف مدميه للقلب.. لن نسامحكم مهما حيينا.. لن ننسى مهما مرت العصور علينا.. لا سامح الله السعودية وحلفاؤها...!!!
.
.
بـ الله قول لي أيش عـاد بـ اللـه ❤️🩹
في ذا الـــشعــب مــا جـــــــــاه💔
ـــــــــــــــــــــــــــــــــــــــــــــــــــــــــــــــ
بعد.. العشـاء
شدت من حضنها لسعاد وهي تنتحب بشكل يوجع القلب: رااااحت امييييي يمةةة سعاددد رااااحت علياااااا.. قتلوهااااا.. شلوهااا عليااااا من يدي لي اميييي ممممنننن
سعاد اللي ما تقل عن حالتها في الأنهيار: الله ينتقمهم الله يصيبهم..
خلود: خواتي هاجر ومنار وامي دولة.. ماتييين .. دفتت وجهها بصدرها وبكت من جديد وبشكل يقطع القلب..
فاطمة اللي بحضن نبيلة تكلمت ببكاء: كيييف كييف.. ماتين هكذا وبسرعه.. عاد كنا كلناا مع بعض عصر.. ونتكلم. صح يا كوووثر قولي لهم
كوثر اللي جالسه وراسها للجدار ودموعها بطولها: كنا بنزبج عليهن ونضبحهن ليش عيخطين العزاء مش احنا عارفين ان العزاء بعد. دقايق عيكون عليهن.. غطت وجهها وبكت بقوووة.. . والكل على صوتها ب البكاء ونسوان االحارة ملان البيت والكل بكى بتأثر وألم
انداء بحده ممزوجة ببكاء: والله ما اسامحهم قتلوا امي وخالتي وخواتي بلا ذنب قتلوهن تعسف.. والله ما اسامح السعودية والأمارات اللعينات.. شلييين مني امي وخوووواتي.. الله ينتقم منهم الله يورينا فيهم عجابب قدرته . رفعت وجهها لافوق ودعت من داخل قلبها المحروق: يالله انتقم لنا منهم يالله احرقهم واوجعهم سعما وجعونا وحرقونا. يالله قطع قلوبهم ب اعز اهاليهم سعما قطعوا قلوبنا على امهاتنا وخواتنا وكل اهالينا.. انسفهم يالله وعجل بزوال آل سعود وزايد ياااارب يااااارب.. غطت وجهها وبكت بكل قوتها وشهقاتها ترتفع وتملي المكان.. سحبتها خديجة لاحضنها وانفجرين يبكين مع بعض والكل بحال بقطع القلب...!!
.
.
قيـس&أوس..!!!
تنهد بحزن وهو يبسره على جلسته جنب بيتهم من لما روحوا وفضل يخليه لحاله وخطي صلى ب الجامع معحسين اللي خطي للمركز وهو بقي وما سخي يفلت قيس بهذه الحاله وحس نفسه مسئول عنه.. تقدم منه وجلس جنبه بدون اي كلام وقيس مازال محدق بنظراته لاقدام بلا هدف
سكت اوس احترام لحالته اللي بيمر فيها بس لف له اول ما تكلم بخفوت ومازال محدق قدامه: كان معي صاحب من وانا صغير اسمه عمار. كنت انا وهو اعظم من اخوة وهو الوحيد اللي يعرف قيس على حقيقته ومتقبل له بكل عيوبة ومعتبره اخ له.. كل ما ضاقت بي الدنياء كنت القاه حيد قدامي ومرزح لي.. شلته الحرب مني واستشهد في الجبهه وراح اخي وصاحبي وكل حاجة كانت حلوة في حياتي.. بس الحمدلله رضيت وتراضيت وفرحت له بالشهادة اللي هي عز وفخر ورفعة للشخص.. لقيت سيف وفترة صحبتي معه قليلة بس كان اخ فعلآ وحسيت اني لقيت عمار من جديد.. بس رجعت الحرب وشلته مني جديد.. واليوم.. اخذ نفس بقوة وكأن الهواء انعدم عليه.. وكمل بخفوت وغصة: واليوم.. الحرب شلت مني خواتي الثنتين وامهاتي اللي ربيني واعتبرين اعظم من ولد لهن.. ولا بيوم حسيت انهن نسوان ابي او خالاتي.. الاربع كانين ام لي.. خواتي منار وهاجر.. ضحك بوجع وهو يتذكر مواقف لهن معه.. وهمس بحرقةة: حرقوووا قلب قيس يا اوووس والله حرقوه بشكل ما تتخيله
شد على كتفه وتكلم بعزم؛ شهداء كلهم فازوا وسعدوا وهم اللي خسروا وخابوا ومصيرهم جهنم وبئس المصير
تنهد بقوة وحط راسه على كتفه وغمض عيونة وهو يهمس بتعب: تاعــب وربي تاعـــــب...!!!
.
.
ميـس..!!!
دخلت لاعندها للغرفة وانصدمت اول ما بسرتها بتبكي وتقدمت منها بسرعه وهي تتكلم: ميييس مااالش بتبكي اييش به حصل حاجةة
ميس وهي تمسح دموعها وبشهاق: ولاشي بس بين احس بضيقةة مدري ليش
شهد: ضيقة من أيش
ميس: مدري هكذا فجأة حسيت بغصة واشتي ابكي
شهد: متأكدة ماحد غثاااش من البنات لمن جين العصر
ميس وهي ترجع تبكي: ماشي ماشي.. مدري مالي اشتي ابكي وغاثيةة وكأن احد مات لي
حضنتها شهد وهي تهديها ومستغربه من هذه الحاله اللي تجي لها احيانآ تبكي فجأة وتزعل بدون اي سبب..!!!
.
||❃||
❁| ريـت الجبـال ﭑلعاليـهہ
⇜- #تســرج ⁽🍂₎
❁| قد طالت ﭑلفُرقهہ يارب
⇜- #فــــرج ⁽☹️₎
ـــــــــــــــــــــــــــــــــــــ
╭─═┅┅┅═─╮
•🇾🇪 @Abbotrr 🇾🇪 •
╰─═┅┅┅═─╯
❥ ⁽🇾🇪₎┊
❥ ┋متستضيش هذا الڪلام مايمشيش
خلــي الربيش وابرد قلــيل لاتحميش⇣⁽🌚♥️₎⇣
❥ ┋انتا بديت واللي بدا لايبڪيش
قاقلتــو لك ڪما اشــتقول ماقلــيش ⇣⁽🌚♥️₎⇣
ـــــــــــــــــــــــــــــــــــــ
╭─═┅┅┅═─╮
•🇾🇪 @Abbotrr 🇾🇪 •
╰─═┅┅┅═─╯
•
#يوميات_مشعفلهہ 🤪✌🏻
الـيــوم خـلــي زارنــــا ☺️
حـل الضـيا فـي دارنــا ✨
يسـئل يشوف أخبارنــا 😍
طبعهہ النشم والقبيلهہ ⁽😎₎
يـبـسـر ويـتـلـفت يشوف 🤭
ولا مـبـالـي دون خــوف 🙁
قد أبسروه كـل الضيـوف 😳
ضحكـوا وقالوا ما أجـهلهہ ⁽🤷🏻♂️₎
لا زد طـعـم لـقمهہ وماء 😿
ولا زد رقـد نـوم الـهـنـاء 😴
حسهہ مطـنن في الغناء 🤩
والـوضـع قـد هو بـهـذلهہ ⁽😞₎
الـحب دهـفف بهہ دهوف 🤕
يقسم ويحلف لهہ حلـوف 🤨
لا هيهہ أمل ولا الـهـنـوف ☹️
قلبهہ يدق لـ #مشعفلهہ ⁽😂👻₎
#مساڪـم_الله_بالخير 😻.
ـــــــــــــــــــــــــــــــــــــــــــ
╭─═┅┅┅═─╮
•l @Abbotrr ـ🇾🇪🎈
╰─═┅┅┅═─╯
ِ
تـــــوأم أغـــــراب
البارت ⑧⑦
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
قـيس..!!!
وصل للمركز بسيارة اوس اللي شلها معه وعلى طول اتجه لا مكتبه..فتح الباب ودخل جلس على الكرسي خلف المكتب..دقيقة ووقف لدخول حسين اللي تكلم بنرفزه:انت وينككك للأن من فجر بين اتصل لكككك ليش مغلق لتلفونكك وانت عااارف ان معانا اجتماع مهم وقدهم الان كلهم في غرفة الاجتماع ومنتظرين لحضرة جنابكك وانت زد جييت تجلس
قيس بيبسره بهفاوه من هجومه وكلامه السريع: بتكلمني انااا
حسين بنرفزه:لا جدتي بين اكلم ما رائيك انتتت..هياااا اخطى كلهم مراعيين لكككك..انجززز ياخي مالك صنم
فز قيس وخطي خلفه وهو يهمس بورطه:شكل اوس رقد وما اتصل له يفهمه.
وصلوا لغرفة الاجتماع ودق حسين الباب ودخل مع قيس وهو يتكلم:السلام عليكم
الكل: وعليكم السلام
اللواء لقيس: وين انت للأن يا حضرة العقيد.؟
قيس: راحت عليا نومةةة
الكل بسره ب استغراب من رده
قيس بتلافي وبسمه: امزح حنبت بزحمة الطريق شويةة المعذرة منكم
اشر لهم اللواء يجلسوا وخطي مع حسين وجلسوا جنب بعض وبدأوا الاجتماع وقيس مستمع لهم وماهو عارف بإيش يتكلموا وعن ايش..
.
.
بيت كريم.!!!
دخل كريم للبيت وعلى طول لاغرفة قيس فتحها وبسرها مقفله ودق الباب عدة مرات..
داخل الغرفة فز اوس من نومه على دق الباب واستغرب من عيدق عليه وسكت اول ما سمع صوت كريم: قيييس يا حمااار افتح الباب هذا
وقف اوس وخطي فتح الباب وقبل يتكلم دهفه كريم على خفيف لا ورا ودخل للغرفه وغلق الباب وهو يتكلم: راقد لا ذلحيين ما بتظن نفسككك ابن وزير ولا ملك
اوس: هاه
كريم بصراخ: ايييش هاه انا ما قلت لككك امس
اوس: ما قلت
كريم بقهر: بتتهابل هكذا ليييش
اوس: نسيت ذكرني ما قلت
كريم بحده: انت اليوم عتخطى ترجع الملف اللي سرقته من نصار الكلب وتستلم الزلط منه مقابل ارجاع الملف لهم
اوس: اناااا
كريم: لا جدتكك
اوس: هههه زباج
كريم بقهر: قيييس تحرك الان باقي نص ساعه على موعدي مع نصار
اوس:من نصار
كريم بصراخ:نسيييت من نصااار الاااااان
اوس:هاااه لا لا ايوة ما اخطى افعل
مسكه كريم من صدره وتكلم بحده:لا تجنني يا قيس الملف مكنتك امس واليوم موعدك مع نصار تسلمه الملف ويسلمك الزلط وروحت
نزل يداته منه وتكلم بورطه:طيب طيب
كريم:شل الملف واخطى الان هيا نصار لو تتأخر دقيقة عيرحله
اوس:حاضر.وين عتلقاه
كريم:مالك انت امتسحت الذاكره عليك كلمني
اوس:نسيت ما يمانع تذكرني
كريم:في ***.. تحرك هياااا
اوس:يلا الان....خطي لبس كوته وبيفكر وين الملف هذا.. بسر دولاب قيس وخطي فتحه وبدأ ينبش بين لداته وابتسم براحه اول مابسره شله ولف لكريم:يلا هيااا..
خطي كريم خرج من الغرفة وخرج اوس بعده وخطيوا في الصاله واصوات البنات في المطبخ وتورط اوس وخايف لو واحده تخرج منهن او شي..بس الحمدلله ولا واحده خرجت..تنهد رراحه اول ما وصلوا للحوش ورفع راسه لصوت بنت بتكلمه بحده:ع اساس انككك عتخرررج مدري وين مسرع رجعت وايحين جييت
بسرها لثواني ونزل نظره بسرعه وتكلم كريم بحده:مش وقتش انتي ادخلي يا كووثر..هيا وانت تحرككك..خطي خلف كريم اللي مد له مفاتيح سيارته وتكلم:كون حذر لا يضحك عليك نصار
اوس:لاتهم..طلع السيارة واتحرك بها حيث العنوان اللي وصفه له كريم..همس بحيرة وهو يتنهد:من انت يا قيس وايش عملك..الله يستر بس..
.
.
عودة لقيس المفهي فيهم وفي كلامهم ولافهم حاجة من تحقيقاتهم..
انتبه لسؤال اللواء: مالك يا اوس ساكت وما شاركت برائيك حول القضية
قيس: هاه انا...
اللواء: خير من اول ما دخلت وانت مش على بعضك
قيس تنحنح بتوتر وتكلم: لا بس راسي يوجعني قليل
ضابط: طيب ما شاركت وابديت برائيك.
قيس: احمم.. دام والامر قد وصل بهم لاهانا فانا من رأيي نوكل بعض العناصر تتبعهم وتراقبهم بدون ما يحسوا واذا اضطر الامر خلينا واحد من عناصرنل يتداخل معاهم.. علاميد نتوصل لمكانهم وقايدهم.. لأن هذه خلية كبيرة وما يسبرش الاستهانة بها وبقدراتها.. بسرهم بترقب لردهم وهمس لنفسه: شكلك جبت العيد يا قيس
اللواء: انا اوافقك قي كلامك واتفق معاك وخطتك عظيمة وعتسهل لنا الوصول لهم. والباقي ايش قولكم.
الكل: بعدكم
حسين: طيب دام الكل مؤيد لخطة العقيد الأوس فمن رأيي نبدأ التنفيذ من اليوم وعدم التأجيل
اللواء: وهذا اللي عيحصل..!!!
.
.
وصل الأوس للمكان المحدد ووزع نظراته حوله.. شل الملف ودخله بصدره بعدما غلق الجاكت حقه نزل من السيارة وتقدم بخطواته من المكان وقف لثواني محتار وين يخطى ولف على صوت نصار العالي: يا هلاااا بـ قيس يا هلاااا ومرحبااااااا
aмeera"aℓyeмeи:
ِ
تـــــوأم أغـــــراب
البارت ⑦⑦
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
بدأوا يصتبحوا بهدوء وصمت تام. لدقايق وقطعه اوس بسؤاله: انت كيف تقدر تضحك وتزبج هكذا وكأنك ما مريت بحاجة ولا حصل لك شي
ابتسم قيس بوجع وتكلم: انا هكذا عايش مع الدنياء والدنياء عايشة معي
اوس: كيف يعني
قيس: يعني يا صاحبي زعلي وضيقي على اللي حصل وراح ما عيرجع لي شي ولا عيفيدني.. ماغير انكد على نفس لذلك انا عايش على مبدأ اضحك للدنياء تضحك لكك
اوس؛ ولو جلست ضابحه ولا رضيت تضحك لك
قيس: لا ماعليك ارقص لها وهي تضحك عليك مش لككك
اوس: هههههه قلعككك من صدق
قيس: هههههه هيا اقطب اصتبح وخليها على الله بس.. عتخطى عملك او مع
اوس بحيره: مدري مع ان معي عمل مهم
قيس: طيب لازم تسير
اوس بتنهيده: مابه نفس لشي
قيس: طيب والحل
اوس بسره وبتفكير: انت عارف كيف
قيس: لا مش عارف
اوس ببسمه: اخطى بدالي انت
قيس: اووووف والفكره الجهنميةة
اوس: قيس مني صدق ضروري اسير وانا والله مالي نفس لشي ومعانا اجتماع مع الضباط
قيس: معاكم اجتماع وتشتيني اخطى بدالك معاك عقل
اوس: انت اخطى وبس وانا عتتصل لحسين صاحبي وافهمه وهو عيدبرها المهم ان اللواء يبسرني قدامه.. هاه ما قلت عتسير
قيس بتفكير: امممم.. وكم عتحاسبني
اوس بضحكه: كما ودك انت الا اخدمني
قيس: ههههه سابر طريقك عشان عيونك الملونات بس
اوس: شكرآ يابو عيون ملونات ما عتنساها لك
قيس بحماس: اسمع اكتشفت اليوم حاجة. قصدي مش اليوم الان اكتشفت.
اوس: ما اكتشفت اتحفني
قيس: اكيد اكيد ان امك توحمت فيني لمن كنت صغير وخاصة عيوني لونا انت جيت مثلي هكذا
اوس بقهر: وليش ما تكون امك هي اللي توحمت فيني وجيت انت ساعي
قيس: لاانا اكبر منككك
اوس: ومن قال انك اكبر مني كيف دريت
قيس: قلبي بيقول لي هكذا.. احتمال انا اكبر منك بسنه سنتين
اوس: مش ع اساس عمرك 23 سنة
قيس: ههههه ايوة وانت عمرك 20 صح
اوس بصراخ: قيييس يلععن ماعاد انا قااايل قم انقلع من قدامي
وقف قيس وهو يضحك ويتكلم: اعصابكك امزح معاك مالك كبريت
اوس: غثيث ياخي اوووف
قيس وهو يشل كوته من العلاقة ويلبسه: هذا شيء يطمني والحمدلله ههههه
اوس ببسمه: مشكلتك انك واثق بنفسك زياده
قيس: هذا شيء يطمني اكثر
اوس: يااااارب الصبرررر والقوووة
قيس: ههههههههه يلا انا عتخطى بدالك.. انت عتجلس هانا او ودك تخرج
اوس بخزاء: عادي لو جلست يعني
قيس: الله المستعان البيت بيتكك
اوس: تسلم.. خلاص عترجع انا لاني ملان نوم وانت قفل الغرفة معاك لوما تروح
قيس: قفلها انت من داخل وانا بنبه البيت ما يزعجوك وانت شل راحتك. يلا خاطرك. قوم قفل..
شل صحن الاكل وخرج و اوس قفل الباب ورجع للفراش ارتمى عليه بتعب وغمض عيونه متناسي كل شي حصل معه...!!
.
.
في الطبخ..!!!
كوثر بنرفزة: ماشاءالله والضيف عاده عينام لاظهر ولا خزاء ولا شي
قيس: وطي صوتتتش الرجال نوووم
كوثر: انا نفسي ادرى من هو هذا اللي جاء يتضيف عندك. من نص الليل وللأن ماقد رحله
قيس: ما دخلش وانتي
كوثر: يشلوك انت وهو بس ما عليا لو تضاربنا وسمع اصواتنا انا وفطوم
قيس بتهديد: بسرتين الشجرة اللي في الحوش قسمآ بالله اربطكن عرضها لو ادري ان صوتكن طلع
كوثر بقهر: استغفر الله العظيم
قيس وهو يخطى: كلمي البنات ونبهي عليهن وامي وامي نبيلة انا مشغول عتخرج الان.. خاطرش..
.
.
عودة لـ ميـس..!!!
لفت الطرحه على شعرها بتثبيت وبسرت نفسها برضى بعدما لبست روب شبابي انيق وحالي مع طرحه بنفس اللون وكوت جلد نص لونه اسود...خرحت للصاله وتكلمت لصقر اللي فوق تلفونه:جاهزه هيااا
قفل تلفونه ووقف بدون ما يبسرها وخطي..
بسرت بعده بقهر وخطيت بعده ينزلوا يسلموا على جدته ام امه اللي كانت في المدينه عند.ابنها وجت عشان عرس صقر...!!
وصلوا لاقدام باب المجلس واول ما ميزت صوت سلوى بنت عم صقر..فزت ودخلت كتفها بكتف صقر وشبكت يدها مع يده تحت صدمته منها وقبل يتكلم همست:ادخل..سكته
بسرها بقهر ودخل للمجلس وبصوت رافع:السلام عليكم
الكل لف لهم وبصوت واحد:وعليكم السلام
جدة صقر بترحيب:يا حيااا ب الغالي وزوجته يا حياااا
تقدموا منها صقر وميس اللي بسرت سلوى بنظره خاطفه وابتسمت بزنط..سلم صقر على جدته وبعدها سلمت عليها ميس باحترام.. وجلست جنبها بعدما مسكت يدها. وصقر جنبها
جدة صقر بنظرات تقييم لميس:ماشاءالله ماشاءالله..ما الومك يومك متخبل عليها ومجنون بحبها يا صقر
ميس بسرت ميس بنظرة انتصار مفادها.. ابسرت ان كلامي صح.
صقر نزل راسه بقهر من كلام جدته لثواني ورفعه وهو يتكلم ببسمه: اكيد يا جدة ميس تستاهل كل الحب والدلال
ِ
تـــــوأم أغـــــراب
البارت ⑥⑦
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
ارتمى لاصدر قيس وشد عليه وبصوت كسير وبغصة: اخوك تاعب يا قيس تاعب
قيس هو يحط يداته على ظهره: سلامتك من التعب ياغالي ايش حصل.. تعال تعال لا داخل ونتكلم
اوس: لا تعال نجلس هانا في الشارع
قيس وهو يخطى معه: ابشر تعال.
جلسوا جنب جدار بيتهم وقيس ساكت منتظر لاوس يتكلم بتفسه.. وبعد دقايق تكلم.
اوس شل نفس بقوة وبصوت كسير: هههه تخيل تكون عايش ومرتاح بسن اهلك وناسك ومع ابوك وابوك واخوتك اللي هم اهلك وكل شي بحياتك.. دارس متعلم مثقف متخرج متوظف وعايش افضل حياة.. بس فجأة... سكت والغصة بحلقه.. رفع راسه لافوق عرض الجدار ومسح على حلقه بتعب والدموع متحجرات بعيونة
قيس بترقب: فجأة ايش.؟
غمض عيونه بقوة وهمس: تطلع مش ابنهم وانهم لقيوك جنب جامع ولاتربطك اي صلة بهم تطلع لقيطة تخيل ياقيس.. الأوس طلع لقيطة
قيس فتح عيونة بصدمة وبهمس: ما بتقول انت.؟ متأكد
فتح عيونه ولف له وعيونة ملان دموع على وشك النزول: طلعت مش ابنهم ي قيس لقيوني وربوني تخييل ما ادري من اهلي ومن امي وابي.. احتمال اكون ابن.......
سحبه قيس لاحضنه وهمس بحده: حتى لوما طلعوا اهلك الحقيقن تضل ابن ناس وقبايل لا تقول هكذذذااا فاااهم
انفجر الاوس بكاء وهو يشد على قيس ويتكلم بتخبط: ليش يرجموني .. دامهم مش حق جهال ومسئوليه ليش يخلفوا يا قيس لييش.. انا ذلحين بلااا اصل ولا فصل ماعرف من اناااا. كيف عتكون نظرة الناس لي و.... سكت وبكي بخفوت ومابه كلام يوصف شعورة الان
قيس بغصة وهو يمسح على راسه: صلِ على النبي واهدأ اذا الله كتب لك تعرف انهم مش اهلك الحقيقيين فاكيد عيكتب لك لقائك باهلك الحقيقيين لا تيأس من قدرة الله
اوس.......
قيس: الله المستعان بس ما توقعتها منك انت اوس الضابط واللي الكل عامل له الف حساب تبكي وتنهار خليك جبل قاسي وحيد عالي
اوس بخفوت وصوت ملانه بكاء ومازال راسه بصدر قيس: لو تبسر كمية الوجع اللي بقلب اوس الان لو تشوف كيف قلبه متقطع لإشلاء لو تعرف كيف اوس متمني الموت بهذه اللحظة
تنهد قيس وهمس: استغفر ربك محنه وعتعدي.. ذلحين قوم تعال معي للبيت ارتاح عندي والصبح لنا كلام..
وقف معه اوس بدون اعتراض وخطيوا لابيت قيس ودخلوا غرفته...!!
.
.
صباح ثاني يوم..!!!
ميـس..!!!
لفت له اول ما دخل للغرفة وهي من لما قامت مابسرته في الغرفة ولا تعرف وين سار تكلما بهدوء: وين كنت
صقر وهو يفتح دولابه ويشل له لدات: شيء ما يخصش
ميس بنرفزة: الا يخصني ونص ممكن ادرى وينك من صبح ربي
طبق باب الدولاب ولف لها وتكلم بحده: لا ما يخصش ياقمر ولا لش اي دخل مني فاهمه.
ميس بقهر: الله.. ع اساس انا زوجتك اذا ماعندك علم
صقر بسخرية: هههعع مصدقة لنفسش انتي
ميس بحده: وضح كلامك ما قصدك وليش تزوجتني دامك هكذا عتعاملني..
خطي ووقف قدامها بالضبط بعدما وقفت لمن بسرته تقدم. منها تكلم بكل برود: اذا انتي ناسيه كلامش لي بعد. عقدنا فانا ما نسيت للأن واذا انتي ناسيه كلامش يوم المركز فانا ما نسيته.. وعلى فكرة.. عارف انش عتقولي ليش ما طلقت ومدري ايش.. اولآ احترمت الصحبة اللي كانت بين ابي وابوش وثانيآ لأجل امش التاعبة. وثالثآ واخيرآ
عشان سمعتش لاتضيع بين الناس فوق ماهي ضايعةة.. ولا انتي ماعاد تلزميني والنفس عافتش من زمان
ميس بصدمة من كلامه: النفس عافتني.؟
صقر ببرود اكبر: وبقووةة ولا عاد. انا طايق ابسر صورتش حتى..
ميس بحده: ع اساس انا اللي ميته عليكك واحبككك.. على فكرة الف مره وانا اطلب من امي تفسخ العقد واطلق منك لكن. رفضت وما رضيت..
صقر بقهر اخفاه ب ابتسامته: الحمدلله شعور متبادل...
قاطعته ميس بثقة: لا مش شعور متبادل الكل عارف وداري مدى حبك لميس وجنونك عليها ومن لما كنت صغير وللأن وانت تعشقها مش الا تحبها..
ابتسم برفعة حاجب وهو عارف ان الكل عارفين مدى حبه الكبير لميس: كنت احبش يا ميس وكنت فعل ماضي.. تأكدي ان قلب صقر عافاش من اول ما استهزئتي بحبه لش ونقصتي من رجولته..
ميس بقهر: ما قلت الا الصدق...
قاطعها بصراخ: احد. قلش قبلي انش قليلة ادب ولسانش طويييل ويشتي قص
ميس ببرود رفع ضغط صقر: خيرات قالوا لي والحمدلله
صقر بقلة صبر: انتي بنت تافهه و.... سكت اول ما اندق باب الشقة.. بسرها بقهر وتكلم: الكلام ما خلص بيننا.. رجم. لداته للكنب وخطي يفتح الباب وميس تبسر بعده بقهر وغضب من. كلامه لها..!!!
.
.
قيس& الأوس..!!!
فتح الغرفة ودخل وهو يغلق الباب برجله لأن بيده صحن الصبوح وبسر اوس قد قام ونظره مثبت في الفراغ.. طرح الصبوح في القاع وتكلم ب ابتسامه: يسعد صباحكك
رفع نظره له ورد بهدوء: وصباحك
قيس وهو يتوضع ببقعته: يلا مد يدك واصتبح هيا وغسل يدك بين هذا الماء اللي اديت
السلام عليكم ورحمة الله وبركاته
كيف حالكم إن شآء الله بخير 😍🌸
.
الاوس..!!!
وقف قدام بيت قيس وهو ماحس بنفسه الا هانا تنهد بقوة ونزل من السيارة وتقدم بخطواته للبيت وقف قدام الباب واتصل لرقم قيس اللي رد ب اخر رنة وبصوت ملانه نوم:الوو
اوس بصوت مخنوق:اخرج لي انا في باب بيتكم
غلق الخط وارتزح للجدار ممنتظر له.. دقايق وانفتح الباب وظهر قيس اللي ملامحه خايفه من وجود اوس هانا بهذا الوقت تكلم بترقب:اوس سلامات ايش حصل.
رفع نظرة له وبسره بعيون حمر ونظرات مخذوله ومكسوره
قيس بصدمة من ملامحه:اوس ا..
ارتمى اوس لاصدره وشد.عليه بقوة وبصوت كسير ملانه غصة:اخـوك تاعب يا قيـس....!!!
ِ
تـــــوأم أغـــــراب
البارت ④⑦
للكاتبـــــة: أميــــرة اليــــــمن
ـــــــــــــــــــــــــــــــــــــــــــــــــــــــــــــــ
صباح ثاني يوم.!!!
بيت الاوس..!!!
دخل جلال. للبيت وهو مشغل زامل وبيبترع والجنبيه في يدة ويزومل معه:
سبحان من يجعل الاحداث تتشقلب
امس الدول تضربه واليوم يضربها
لاقد تصيح السعودية ولا تغضب
ولا الصواريخ باتوصل تحببها
ابتسم اوس ووقف يبترع معه بعدما كان جالس مع امه ورانيا يبسروا بيان العميد يحيى سريع..
اوس مع جلال والزامل:
بطل خبل واوقف الغارات واتأدب
وارفع حصارك ومجموعاتك اسحبها
ولا لنا العار يعورنا في العسوب
ويسود الوجه والرجله يكذبها
لاما سرحنا نغلقها من المندب
ونحاصر الارض مشرقها ومغربها..
جلال بحمااااس:ياااااااااقووووة الله
رانيا بفرحة كبيرةة:امانةةة اخباااار تشفي الصدووور
اوس ببسمه:ارامكو انتهت خلاص حرقوا ابوهااا
جلال:والقاااادم اعظم بإذن الله انتصارات بكل بقعةة
ام رانيا:الحمدلله وربي بردوا قلبي.!!!
.
.
قيس..!!!
دخل للبيت وهو بيسعى وبسر خواته في الحوش وتكلم بحماس:خبررر بمليوون دولاااار يابناااات
البنات بصوت واحد:اييييش
قيس بفرحة:دكووور ارامكو بالمسيرات واحرقوا نفطهم
البنات بفرحة:اسألككك بالله
قيس:والله العظيم عاد سريع النصر كمل البيان وقال ضربوا ارامكو واشعلوا نفط السعوديةة
خلود بضحكة:ههههههه يالله لككك الحمد بردت قلبي
كوثر:سررريع نصر من صدددق يحرقووا
فاطمة:باقي الامارات نفسي يزد يرسلوا لابوها صاروخ
خديجة:قصدش بلد الزجاج هذك..هي عاد حاجتها صاروخ جنب الصواريخ اللي قد رسلنا لها وانتهت هههههههه
انداء:بلدان الزجاجات قريحه حمراء وبح مع السلامةة
قيس ولأول مره يضحك من قبل بعد الحادثه:هههههههههههههههه وربي صادقات هههههههههههههه
خلود:يارب كثر ولا تقلل اللي قد.فعلوه فينا مش قليل
الكل:يارب...!!
.
.
العصر..!!!
خرج الاوس من المركز وكان بالميري العسكري وكوفيته على راسه ايضآ وشكله يدل على الهيبة والوقار.خطي برزانه متجه لسيارته اللي مجنبه في الشارع..وقف خطواته اول ما سمع صوت مره بتداعيه:قيـس
لف لها وبسرها مره عجوزة وتكلم بتداعيني يا خاله
المره بتردد:انت قيس
اوس ببسمه:لا
المره:اذآ انت الأوس
اوس ب استغراب:تعرفيني.؟
المره:بالاول قول لي انت الأوس اسمك الأوس
اوس:ايوة بس من وين تعرفيني يا خاله ومن وين تعرفي قيس
المره بصدمة:يعني انت تعرف قيس
اوس:اكيد اعرفه
المره بتوجس:اخوك صح
اوس:هههههه لا صاحبي تعرفت عليه قبل فترة
المره بتفهم:اهااا
اوس:بس ما قلتي لي من وين تعرفينا
المره بغموض:مش مهم انت ضابط صح
اوس ببسمه: ايوة قدش تبسري لبسي
المره: طيب في امان الله.. خطيت من جنبه واوس واقف ب استغراب بس ما اهتم وخطي طلع سيارته وتحرك..
تكلمت اول ما خطيت السيارة من الخط: وكبروا عيالش يا انتصار واصبحوا رجال وكلهم رجولة وهيبة يارب عجل ب اللقاء يارب..!!
.
.
بعد. مرور شهـر..!!!
واليوم عرس ميس&صقر.!!!
طبعآ عتجزع احداث العرس الروتينية ونكتفي بذكر يوم الزف فقط..!!!
العصر..!!!
طلعت فوق جنبها المرتبة وشلت الواهفه وهي توهف لها وتتكلم: كنت داريه انش قمرية وحالية وماحد قدش بالحلا في القريةو..
ميس مقاطعه لها بزنط: وخارجها
ليلى بقهر: مالت.. على العموم ما توقعت توقعي حلوه هكذا بصراحة مززززة وتجنني
ميس ببسمه بينت غمازاتها: قولي ماشاء الله
ليلى بصوت مقهور: ااااوف لوما انتب حريوة كان وريتش العمل
ميس: ههههههههه ابسري فاتن ورحمة
بسرتهن ليلى وهن يرقصين وابتسمت: فارحات لش وتزوجتي دكتور القرية من قدش
ميس اللي فعلآ بدأت تشوف نفسها انها عتزوج بصقر: يموتين هالة وهنادي
ليلى: ههههههههه مدري ليش ما حضرين العرس
ميس بقهر: هذا الناااقص
ليلى: هههههه... اها واخيرآ جت زينات بالمنديل وشهد بالماء
ميس: عاطشة هاتي لي صحة ماء
ليلى: من عيوني تدللي يا عرووس..!!
.
.
الساعة11 الليل..!!
عملوا لفة لميس حول القرية عشان يزفوا ميس بشكل مطول لأن البيوت جنب بعض وبعد ءاعة وقفوا قدام بيت صقر. ونزلت ميس بمساعدة شهد وفاتن ودخلينها لاداخل مع باقي النسوان..!!
.
.
صقر اللي مش قادر يحدد شعورة يفرح لزواجها من البنت اللي حبها من. طفولته وياماا تمناها له او ينقهر من كلامها له اول ما عقدوا ويوم قللت من رجولته لمن روحوا المركز.. بس شعور الفرح طغى عليه ومهما حاول يخفيه ما يقدر.. فز قلبه اول ما سمعهم وقفوا قدام البيت وصوت المحجرات ملان المكان رفع راسه لصفاء اللي دخلت تداعيه بحماس: صقر سريع اخرج استقبل ميس هيااا...
حط راسه على كتفها قبل يلمحين دموعه اللي نزلين بتمرد وشد من حضنه لها ومابه اي كلمه توصف وضعهم حاليآ..
فاطمة كانت جالسه وبحضنها المخده وظهرها للجدار.. دفنت وجهها فيها وبكت بخفوت..
اما كوثر كانت متممده وراسها على ارجل خديجةة غطت وجهها بيداتها وانفجرت بكاء بعد. كلمة قيس المعروفة لهن واللي يداعيهن بها اول ما يدخل البيت وما يبسرههن.. السبع المثاني.. وكلام خلود وفا بالبكاء والغصةة
تقدمت انداء من قيس وخلود وهمست: خلود..قيس
شهقت خلود بقوة ودفنت وجهها بصدر قيس. اللي رفع راسه وخطاها معه وجلس معاها بين البنات ومازالت دافنه لوجهها بصدرة وتكلم بحزن لحالتهن: ما يفيد البكاء الا نزعلهن مننا
خديجة بغصة: والله مانا مصدقة للأن مش مصدقةة حاسه اننا في حلم وبقوم منه باي وقت
قيس: قضاء الله وقدره ولا اعتراض لحكم الله
انداء: ونعم بالله
قيس لفاطمة اللي دافنه وجهها بالمخدة: فطوم.. فطووومي
لفت له براسها وبسرته عيون ملان دموع..
ابتسم بغصة وتكلم: الشهادة منحة آلهيهـ من الله وشرف عظيم صح
هزت راسها بخفوت وما تكلمت
قيس: ودام امي خيرية وامي دولة ومنار وهاجر شهيدات لازم نفررح لهن لأنهن للجنة فازين وربحين والله ...
اوس: خرجناه طلع ماله دخل بالموضوع ضارب معاهم بس ما كان معه جنبيه
قيس: الحمدلله
اوس: ما لاحظت حاجة في البنت
قيس: ما عتلاحظ عيب عليككك ترفع
بسر اوس بإيش يرجمه وتكلم بضبح وهو يرميه بالقلم: كييف فهمت يا نذل انتتتت
مسك القلم من القاع وتكلم بضحكه: ادري ادري قصدك عيونهاااا
اوس: بالضبط
قيس: اعيد واكرر لك يخلق من الشبهه اربعين ما خلق لون العيون هذا الا لك او ايش
اوس بتشتت: مدري بس كمية التشابه عجيبة حتى انني حسيت ب احساس غريب
قيس حس بنفس الاحساس بس حب ما يتكلم؛ لايكون قلبك دق لهااا
اوس بقهر: دقوووا راسككك يا حمااار لا وووين بتفكررر
قيس: هذا اللي توصلت له هههههههه
اوس: يقلع تفكيركككك ما انت
قيس: هههههههههه الله يحفظني بس...
ِ
تـــــوأم أغـــــراب
البارت⓪⑦
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
دخل لمجلس العزاء والكل وقف يعزيه وهو خاطي حيث مكان ابوه اللي علامات الحزن مرسومه على وجهه ولأول مره يبسر ابوه زاعل هكذا..تفاجأ بنصار اللي وقف قدامه وهو يمد يده ويسلم عليه:عظم الله اجرك يا قيس البقية بحياتك
رد بخفوت:اجرنا واجركم عظيم ماكان به داعي تتعب نفسك بالجيةة
نصار بغموض:ولو نضل اهل مهمت وقع بيننا
هز راسه بهدوء وخطي جلس جنب ابوه اللي همس له:كانوا عيقوموك تتغداء وما خليتهم قلت تنام لك تغديت قبل تجي انت وصاحبك
تذكر الأوس وانه ما صبحه حتى واتحسر على غفلته وتكلم:ماشي والله
كريم:ووينه ذلحين
قيس:روح للبيت والله انه خزاء منه نسيت
كريم:خير ما عليك ملام.وانت للأن ما اكلت
قيس بتنهيده:مابش نفس لشي
سكت كريم ووقف مع قيس يسلموا على المعزيين اللي دخلوا..
انتبه قيس لأوس اللي بدى من الباب وأشر له يجي لاعنده استئذن من ابوه وخرج من المجلس وبسر اوس اللي لف وخطي متجه للغرفة وهو يتكلم:تعال للغرفة
دخلوا للغرفة وغلق اوس الباب وتكلم قيس:ليش اديتنا لاهانا
اوس وهو يجلس ويفتح الكيس اللي معه:تعال اجلس
جلس جنبه ومد له اوس الشوارما
قيس ب استغراب:ايش هذا
اوس وهو يفتح حقه:شوراما نتغدا يلا افتح حقك وتغداء
قيس:مابش نفس والله
اوس بحده:كل للهباله لك من امس الغداء بغير اكل لايقع بك شي وبعدين كل عشاني هيا حتى انا بغير غداء
قيس:انا اسف راح عن بالي والله.خازي منك والله
رفع الببس وتكلم مهدد:كل سكته لا اهفك بالصحةة هذه
ابتسم قيس بذبول وبدأ يأكل بهدوء مع الأوس..!!!
.
.
بعد مرور شهر بالتمام.!!!
قيس..!!!
وقف قدام كريم و ب انفعال:انا قلت انك خلاااص تبت بعد موووت امي وخواااتي وانككك زدت اخسسس
كريم بحده:وطييي صوتككك
قيس:ما عتوطييه ولا عتستمر في اللي بتعمله او اسكت عنه يا اما تبطل او بخطى للمركز واقول لهم بكل شي
رفع يده وضربه كف قوي لوما لف وجهه وتكلم بتهديد:اشوووف لسانككك قد طااال وقدك تقدر ترادد
رفع وجهه له وهو ماسك لخده وابتسم بقهر وهو يتكلم:من زماان اقدر اطول لساني وارادد بس بين احترم انككك ابي لاغيير
كريم:والان ايش نسييت انني ابوووك
قيس بصراخ:لا ما نسيييت وهذا اللي بيكسر ظهررري
كريم ببرود:لاتنسى الموعد وتتأخر عنه انت عتسلمهم البضاعة بنفسكك..فلته وخطي وقيس بيبسر بعده بقهر وهمس ب اصرار:حلم ابليس بالجنة والله لو على قطع راسي..!!!
.
.
العصر.!!.
ميـس..!!!
وقفت خلف الباب وهي تهمس:من
صوت ولد:انا عصام وين خالتي ام مجد
ميس:مابحد خارج ليش ياعصام
عصام:اسمعي مجد اخوش تضارب مع فهد وتطاعنوا وبعدين جوا عسكر وشلوهم للمركز واهل فهد قد.ساروا وقلت اقول لكم لو عتحطوا تبسروا اخوش
ميس بصدمة؛منككك صدق
عصام:والله
ميس: طيب عتراعي لي البس العباية وتوصلني للمركز
عصام:تمام اقطبي..
دخلت بسرعه للبيت ولبست عبايتها واتبرقعت وهي تكلم شهد بلي حصل وحذرتها لا تكلم امها وانها عتحلها بنفسها..
غلقت باب الشارع ولفت لصوت عصام:ما عتكلمي امش
ميس وهي تخطى جنبه:مع وانتبه تحاكيها لا تتعب علينا فيها جلطة
عصام:تمام..واذا المدينه قريبة عشرين دقيقة واحنا هناك رجل..
ميس:الله يستر يارب..!!!
.
.
الاوس..!!
رفع راسه على دقة الباب وتكلم:ادخل
دخل قيس وهو منزل الكاب على وجهه وتكلم:سلام
اوس بتفاجؤ:قيييس ما بتفعل هانا
رفع الكاب من وجهه وتكلم:رد السلام ياخي وبعدين كيف عرفت انه انا
اوس: ههههههه وعليكم السلام يعني عتنسى صوتك مستحييل
جلس على الكنب واوس وقف وخطي جلس قدامه وهو يتكلم: هاه خير ايش معاك
قيس بجدية: اسمع ضروري تبسر لي اي تهمة عشان انسجن عندكم هانا لابكره حتى
اوس برفعة حاجب: تهمة ونحبسك ليش..؟
قيس: هكذا تخورت احتبس احبسوني بإي تهمة
بسره برفعة حاجب وتكلم: قيس بلا لف ودوران. ايش، حصل
قيس بتنهيده: اوس صدقني عترجع احاكيك بالوقت المناسب.. بس اليوم احبسوني عندكم على الاقل لا غدوة وقت الظهر
اوس بتفكير: صعبة والله
قيس: عيب عليك صعبةة عليك وانت ضابط لاحد يسمعك
اوس: هههه قلعككك طيب عندبرها
قيس:اشكررك..طيب اتصل لابي وكلمه انني محبوس عندكم ومدري ايحين عتخرج لحظة قول له ان....
ِ
تـــــوأم أغـــــراب
البارت⑨⑥
للكاتبـــــة: أميـــــرة اليـــــــــمن
ـــــــــــــــــــــــــــــــــــــــــــــــــــــــــــــــ
صباح اليوم الثاني..!!!
وقف معاهم بالصف الاول وجنبه اوس اللي ما تركه من امس وابوه جنبه من الحال الثاني والجنايز قدامهم وعيونه حمر من القهر وعدم بكاه للأن.... صلوا بهم. صلاة الميت وبعد الصلاة الكل شلوا الجنايز وخرجوا من الجامع مشيعين لهم.. واوس ماسك ليد قيس وشدي لها بقوة ومنتبه له..
.
.
كملوا الدفن والكل بدأ يخطى من المقبرة.. وقيس واقف قدام الاربعة القبور ونظراته ملانها شتات..
وقف اوس جنبه وهمس: هيا روحنااا
قيس بخفوت: دفنوا روحي مش هن يا اوس
اوس: حق الله كلنا عنموت الدايم الله
جلس قيس بتهاوي بين القبور وتحسس التراب بيداته وهمس بغصة: خلاص ماعاد شي منار ولا هاجر ولا امي خيرية ولا امي دولة
جلس اوس جنبه والمقبرة فضت تماما من الناس وتكلم: الباقي وجهه كلنا فانيين يا قيس اذكر الله
رفع يداته لاوجهه وغطاه بهن وبكي بخفوت وما ينسمع الا صوت شهقاته..
زفر اوس براحه انه واخيرآ بكي من امس.. وسحب راسه لاصدره وشد على اكتافه وهو يهمس: اذكر الله وقول إنا لله وانا إليه راجعون.
قيس بغصة ملانها بكاء ووجه مدفون بصدر اوس : إنا لله وانا إليه راجعون... يالله ياااااارب.. الصبر والقوةةة يالله...
.
.
بدأ العزاء ببيت كريم والسنوان داخلات خارجات والبنات وسعاد ونبيلة بحال يتقطع له القلب..
دخلوا اوس وقيس للحاره بعدما جلسوا ساعتين بالمقبرة..
وصلوا للباب وتكلم اوس: يلا انا اخليك الان وانت ادخل نام لك لا بعد الدهر انت بدون نوم من امس
قيس بخفوت؛ خليك معي لا تروحش
اوس ب احراج: بس انا..
قيس: عارف انك تاعب واشكرك على وقفتك. معي من امس بس تعال ونام معي بغرفتي
اوس ب استسلام: طيب ابشر
ماقدر قيس يبتسم له وخطي واوس خلفه وكلمهن يفتحين طريق يدخل لاغرفته..
لف لاوس اللي غلق باب الغرفة بعدما دخلوا وتكلم: حياك الله بغرفتي المتواضعة
وزع نظراته على الغرفة وكانت بسيطه فعلآ فراش على الارض ودولاب صغير بركن الغرفة مع ماسه بحجم متوسط فوقها حاجات وكتب لقيس..كانت عكس لغرفته الفارهه وسريرة ودولابه الكبير مع التسريحه ومساحه غرفته الكبيرة تكلم ببسمه: بقيت ياغالي..
تمدد قيس على الفراش بتعب تعال نام لك شوية
خلس الكوت حقه والعسيب وحطهن بالعلاقة.. وخطي تمدد جنب قيس اللي طارح ليد تحت راسه والثانيه فوق عيونه.. سكت وما تكلم ومرت دقايق وهم على وضعهم ونظره لافوق بسرحان.. ما فاق منه الا على صوت شهقات قيس الخافته..
همس بتوتر: قيـس
كان جاوب قيس انه لف لجهة الجدار مدي لاوس ظهره ومازال يبكي بخفوت..
تنهد اوس بقوة وهو مقيد. مش عارف ايش يسوي عشان يخفف عنه ويهون مصيبتة وزعله.. وهو عارف انه كثير على قيس.. خالاته اللي رضعينه وبمثابة امهات له وخواته الثنتين وزد اصحابه الاثنين مره واحده وخلال اشهر قليلة.. ضربة قويةة ووجع كبير لقلبه.. الله يصبره ويثبته بس..
.
.
عند البنات بغرفتهن.!!!
كوثر برجاء لخلود: كلي حتى لجعين هياا
خلود بصوت يلا طلع وهي ممده ونظرها لافوق: مشتيش
كوثر ببكاء: عشاني هياا. لايقع بش شي من. امس ماقد اكلتي
خلود انفجرت بكاء: جعل سممم يا كووثر جعل سممم
خديجة ببكاء: من وين عاد يهنى الاكل وعاد. احنا دفنا قطعة من ارواحنا
فاطمة بخفوت: شهيدات يا بنات شهيدات فازين والله والمعتدي من خسر ومصيرة جهنم
أنداء بغصة وهي تأشر لفراش هاجر: هانا كانت بقعتها. وهانا بقعة منار كنا نجلس جمعه كلنا هانا تضاربنا وهانا ضحكنا وهنا رقدنا جنب بعض وهانا وهانا.. وكل شبر في هذا البيت لهن بصمة فيه تربينا وكبرنا كلنا مع بعض ما افترقنا.. لوما جاء الموت وشلهن عليناا ليش ما قصفوا بيتنا ومتنا كلنا افضل من وجع القلب هذااا... غطت وجهها ودخلت ببكاء مرير وحضنتها فاطمة اللي بدأت ب البكاء معاها وكلهن رجعين للبكاء من جديد.. اما سعاد ونبيلة فاكانين بالمجلس عند النسوان اللي جين يعزين..!!!
.
.
الساعة2/30 بعد الظهر..!!
فز من نومه ولف لقيس اللي مازال بسبات عميق .. مسح وجهه ورفع يده اليسار يبسر الساعه كم وفز اول ما بسرها وقوم قيس بهدوء: قيس... قيييس.. يا قيييس..
تحرك قيس بتعب بدون ما يفتح عيونه
اوس:قيس قووم قده عصر
فتح عيونه بتعب وكانين مايلات للحمره:كم
اوس.ثنتين ونص.عيأذن عصر وما قد.صلينا..
رفع نفسه بتعب وتكلم:لحظة ابسر طريق نتوضى ونصلي..
خطي فتح الباب وبسر الصاله فاضية واصوات النسوان في المجلس ولف لاوس:تعال هياا
قام اوس ورفع اكمام ثوبة واتجه مع قيس يتوضوا..
.
.
لف له بعدما كملوا يصلوا وتكلم:ماعاد بسرنا وين عيكون العزاء ومن قام به ذلحين ابوك لحاله
قيس وعاده تذكر ابوه:ابي...
اوس ب استغراب:ايوة
وقف قيس وهو يتكلم:عتخطى ابسر ذلحين
||❃||
❁| غبني على مـن حب
⇜- لـهہ #غزالـهہ ⁽😩₎
❁| لو حملوهہ حِمل
⇜-الجبال #شالهہ ⁽😥₎
ـــــــــــــــــــــــــــــــــــــ
╭─═┅┅┅═─╮
•🇾🇪 @Abbotrr 🇾🇪 •
╰─═┅┅┅═─╯
||❃||
❁| سبعهہ نجـوم
⇜- ونجمي #ﭑلمعلـي ⁽🌟₎
❁| يابحر رجـرج
⇜- زفـروا #بخلــي ⁽🙈₎
ـــــــــــــــــــــــــــــــــــــ
╭─═┅┅┅═─╮
•🇾🇪 @Abbotrr 🇾🇪 •
╰─═┅┅┅═─╯
❥ ⁽🇾🇪₎
- #وبالتعـــــــزي .. 😻⇩
❥ ┋ڪما اشتقول مقليش
ڪما العصيد من غير وقيد ماتلصيش⇣⁽🌚♥️₎⇣
❥ ┋انا فدى ياصاحبي لاتنسيش
تشتي تعيش امشي دلا لاتجريش⇣⁽🌚♥️₎⇣
ـــــــــــــــــــــــــــــــــــــ
╭─═┅┅┅═─╮
•🇾🇪 @Abbotrr 🇾🇪 •
╰─═┅┅┅═─╯
❥حبيبي مالك والملام
انا من الفرقا #حزين
❥اذا .. يصحيك الدوام ؟
انا يصحيني .. #الحنين !
ـــــــــــــــــــــــــــــــــــــــــــ
╭─═┅┅┅═─╮
•l @Abbotrr ـ🇾🇪🎈
╰─═┅┅┅═─╯