4133
اللهم عجل لوليك الفرج
https://youtu.be/EyJpYtifj8s?si=-yKLt3T-ZxXA2vt9
Читать полностью…
وااا جداه .. واااا محمداه
رد الضعن بس ياضعن
رد مترب الارض الوطن
منك مشى بكل هيبه
رد مسبي طب الطَيبه
الردنله مو مثل المشن ..
من ودعينه اترابك ومنه مشينه الكربله
كله جلاله ضعنك وكله مهابه ومرجله
كل هاشمي عين الشمس ايسدها بشروق العايله
هسه رجع ضعنك الك متعذب امن السلسله
مو مثله ردلك يامحمد
ضعنك غريب وماله احد
دينك يجدنه اعلى الهزايل
واليسبي بي بالله تشهد
......
واااجداه ... وااامحمداه
محمره مو سود العبي
ردينه بتراب السبي
من كربله وعاشرها
حمولك عدو أسرها
لا مارعوا حرمة نبي
يال انزلك ربك الى كل البشر رحمه وستر
وخُلقك عظيم اويه الخلك وتكّدر الما له كدر
ما كدرو احسينك يجد فوكاه حوافرهم تمر
وجازو بناتك بالسبي وخدرك يدَخلونه قصر
لا چنه اولادك يجدنه
اولا چنه ربنه راضي عنه
اولادك انذبحوا ضمايه
واللي ذبح يمشي بزجرنه
...........
واااجداه ... وااامحمداه
شفنه اللي محد يحمله
من السبي ومن كربله
لا ضل اخو اولا رايه
ولا ضلت النه حجايه
اولا ضلت النه امدلله
شفنه الي محد شافه من هم وهظم ماينحمل
لو انت بينه اموصي هيجي ينعمل . ما ينعمل
قتلوا حبيبك بالعرا ومثله ابد ما ينقتل
وخدر الي محد شايفه طر المدائن عالهزل
كوا مشينه ومو بأمرنه
وحبل السبي ضّيع كدرنه
مو النه يا أسم السبايا
الخطوه بسبي تكٰبر عمرنه
.........
واااجداه ... وااا محمداه
اشضل بيها يضعون البخت
يا جدنا والعترة انقصت
بكل ديره باقي اثرنه
شكد مَوت النه أسرنه
زينب يجد اتعذبت
بينه جرح خزن قهر ما يّنسي أخر بلد
بينه اشتفه شام العدو وحرا بگلبنه مابرد
حتى مؤذنهم شمت من أذن وباسمك شهد
لا ماله حد شام العذاب اويه الضعن لا ماله حد
الوَكفنه ما بين الشماته
أذنوله وانواها صلاته
بأسمك تشهد واحنه صحنه
التشهدله كدامك بناته
..........
عباس اديب المالكي
بعد ما اطلقوا صراح ضعن الحسين من السبي وأمروهم بالخروج من الشام نادت مولاتنا عقيلة بني هاشم (صلوات الله عليها ) الى العلويات ( سلام الله عليهن )
......
من بعد السبي والشام الابعيد
امن الحادي خلصنه ومن الاحديد
أسرنه انفك وانفك دمع العيون
هذا اول بچي من دون تقييد
جبناها من كرب وبله
للشام بالكوه البچي
واليبچي يستحمل حچي .. الحداي و ارماحه
جبناها نبجي ابلايه حس
مانكدر انون بالدمع
يزعج الحادي هالوضع .. ويقهرنا بصياحه
نوحن .. ياللي مختنكات من درب السبي
نوحن .. بعد ميسكت بچيچن الاجنبي
نوحن .. واشتكن لله ابدمعچن والنبي
وانا اخته واولى بالبچي يالهاشميات
عالميت وباقي عدل بگلب اخته مامات
........
يعلوياتنه الكشفنجن اطفوف
بعد ماكو قلق بالوَن ولا خوف
اعمن بالبجي للعالرمح جان
علينه بالسبي ما غمض الشوف
ياللي احرموجن بالوداع
وبيماء ودعتن حسين
عوضن الايماء ابونين .. وبدموع ملهوفه
وصيحن غريباً واغريب
وبّچن مدنهم والفله
من الخرابه الكربله .. من الشام لطفوفه
ابچن .. ولاتمسحن اي دمع من ايهمل
ابچن .. وعوضن النمسحن بذاك الحبل
ابچن .. وعوضن الطاحن على اضهور الهزل
عوضن البالخفيه انبچن من ضيم حداي
اتهنن بواچي ياللي ماااا تتهنن ابماي
...........
يالجارح دمعچن حجي الشمات
اوصيجن من اتقيمن عزيات
نيابه ابچن عن الضماهن اتراب
مخنوكات ماتن دون دمعات
كل وحده ماتت بالسبي
گلبها ضامي ومنوجع
بس عينها كلها دمع .. وبالدمع مجويه
السكته بجيها امن الهظم
بسكته تموت اعلى الهزل
وندريها من جرت الحبل .. ميته النه علويه
اتذكرن .. شكو وحده ماتت بحسره وحزن
اتذكرن .. عيونها الكلها دموع وتندفن
اتذكرن .. الخانكتها عيون حادي من تون
امن الهظم مو من السبي اتمر المنية
عبرة بجيهن موتت جم هاشمية
.....
مثلجن مايجي بالدنيا مأسور
ياللي ادموعجن عالنوك منثور
براحه لا ايخلص حيلجن نوح
ضمن حيلجن لملاكه الكبور
ابلا حيل مايصلح نصل
لكبور اهلنه اهل الشيم
نتلكه الكبور ابألم ... و نطيح فوكاهم
يانوك اسرعن بالمشي
وليان عدنا وتنتظر
جيتنه من درب اليسر .. من حدر ترباهم
انا ... الماكو بالدنيا بحناني وخوتي
انا ... كربله ادخلها بنعاوي ولطمتي
انا ... روحي اشمر عالكبر مو دمعتي
امن الناكه اطيحله وفه چي ما دفنته
عالهزل من يمه ارحلت وعالكاع عفته
......
عباس اديب المالكي
ياعلي ابن الحسين
من كربله الحد مماته .. ما غمضت عينه بهنه
ابسنتين لاهي وكضاها .. احزانه لاهيه ابسنه
اتلاثين واكثر سنينه .. عايش بعد طف وسبي
اولا ليله نشفت دمعته .. اولا عدل ضهره امن انحنه
لا ماعدل ضهره .. من محنة العاشر
للمنقتل صبراً ... بدموعه ما صابر
ما بردت ايامه .. عاش بگلب فاير
امن الطف والسبي وجروح احباله
عاش اكبر عذاب وحزن وحاله
شما حطو شراب وزاد اكباله
ايصب العين
اينادي يا أبه ما تهنى ايامي
اولا اتلذذ اولا تقوا اعظامي
وانت المنذبح جوعان وضامي
اه يحسين
........
الجان اليشوفه بنحيبه .. من حالته يبجي اله
اتفكده الوعي يا بجيته .. وثوبه ولحيته امبلله
هو البقية وبقاله .. بس الهظم والنايحة
لاضل عزيز ويشوفه .. وبعينه ماكو امدلله
خلصو هله اكباله .. ومآ كدر يبچيهم
لو باليسر ناحوو .. الحادي يأذيهم
قرر لمن يرجع .. بالهيمة ينعيهم
من رد بهله من الشام والضيمه
ما طب داره ضل بشموس الهيمه
بصحراء للبچي والون دك خيمه
بيت احزان
ماباچي بطريق الشام براحه
بخوف وسكته من ايصير انياحه
حاديهم صلف ويأذي اصياحه
اعليهم جان
........
ياهو اليهَون عذابه .. المجروحه بأهله نّضرته
يطلع وأي شي يشوفه .. ايذكره بمصايب عيلته
كل سوك يفضح عبرته.. شما شاف جزار وبچه
بداره يضل حاله يصعب .. لو سمع ونة عمته
يا مغمك جروحه .. ياحيرته حيره
شما صد على عمته .. ابهم ناضره ايديره
يذكرها عالهزله ... من ديره الديره
شما صد عالحرم تزداد احزانه
حجاية فرن اترن ابأذانه
من ركضن سره ونار بصيوانه
وهدت خيل
غصة بگلبه من جرم الخياله
ودمعة عينه من نوك الكزاله
الما خلت خدر عالعتره بحاله
من اتميل
..........
مكسور عاش الليالي .. وبالهظم گلبه منولي
شسوت بعينه البواچي .. بعيونه شمسوي السبي
ياكربله اينادي مرا .. وبـ تلاثه ياشام القهر
شمسويه بيه الخرايب .. شمسوي ياشام ابعلي
شمسوي بعيونه .. ومن البچي غارن
شراويته بعياله .. وجروحه ما طابن
شما صاح بحروفك .. دموع الولي طاحن
مات امن الهظم ياشام امن ايدك
من طب عالهزل لاكيته بعيدك
هيج اتلاكي كل مصيوب تعويدك
ها ياشام
الدنيا الواكفه اعليه وعله انفاسه
الشام ايوكفه ويكعد حراسه
ومن طب خدره قصره دنك راسه
اه الشام
..........
عباس اديب المالكي
وداعاً .. ياخويه من فوك الهزل
وداعاً .. مخنوكه هالجلمة بحبل
حكك عّلي من گلب والسان
لا هذا موش اوداع خوان
........
ياضوه سنيني .. يا أعز ما تملك اخت
من زغري خويه .. الغيرك ابد ما باوعت
من وادعتني ... من ثكل همك دنكت
ورفعت عيني ... لا انت لا خدري شفت
ياغمك جرحي يالاخو
من وجهك الوجه العدو
مصابي .. مو خيمتي الخوه طفت
مصابي .. واختك يخوها اتأسرت
من يمك ايسيروني عدوان
حكك عّلي من گلب والسان
....
ما لحكتها .. ليله ومشت مثل الضوه
اعليك ادور .. لو ضعن تارس نينوه
كلت بصباحي .. اتعنى الك واشبع هوا
توني كمتلك .. والهزل صفوهن سرا
الوداع انادي وانجتل
والعدو اينادي اعلى الهزل
اركبتها .. مجبوره بدموع وقهر
اركبتها .. وتحركت نوك السفر
ايعز غيري ليك ايصير دفان
حكك عّلي من گلب والسان
....
هاي النهاية .. المتخوفه من عدها عمر
ايمروني منك .. وعن موتي يمنعني الصبر
عالكاع اشوفك.. والنوك لا ما تنتظر
يالما عبرتك .. بخدري اعبرك باليسر
خلاني مجبورة الوكت
من يمك اعبر والتفت
عذابي .. يمك وصلت وما طحت
عذابي .. لو بيدي يمك نوخت
مجبورة اعوفنك يعطشان
حكك عّلي من گلب والسان
......
زينب يخوها .. المشاركتك بالنفس
يعني التحسه .. ابألامك انا بيه احس
وبيه ما اتهنى .. الما رطب اشفافك امس
بلا هودج امشي .. جي انت عاري اعلى الشمس
لافياي اريد ولاستر
يالعاري بشموس الضهر
انوحن .. منعوني انوحك وانفجع
انوحن .. وكلت ابسبي ليك انوجع
مو سبي بحزنك غصني ذبلان
وحكك عّلي من گلب والسان
.......
عباس اديب المالكي
كلشي خله ايهون ألا النومة هاي
ما ارضه ابهل حالة وانطيلك كفاي
الما انحبها الغيرك انحبها عليك ؟
المو مقامك يالمربيني ورباي
ياهزل يحبال .. أكلف نومتك
ابهل حال اخليك .. ترفض خوتك
واشرق ضواها. .. الحومة وشافتك
عالشمس ناديت .. ترحم حالتك
ياشمسُ لا تبزغي .. كي لا يُرا حسينا
......
مادري ابليل اهدعش لمن اجيت
الليل تارس عيني وبشوگي التهيت
مادري اعلى الوجه نومك ياحسين
رغم كل البيك بس چا عدليت
چا عدلتلك .. نومك ياكلف
واتحده الاسهام .. واتحده النزف
من بين الاجساد .. بس انت العرف
مختلف بالموت .. ابنومك مختلف
......
الشمس كون اتموت ويعيش الظلام
لحد ما يتواره بترابه الامام
عادي لا تسترنه بس تستر عليك
ابهل وضع وتشوفك الوادم حرام
مو نومتك هاي .. گلي ابهل أمر
ياهو اللي خلاك .. نايم عالصدر
الخيل يحسين .. لو جف الشمر
لو حرك الخيام .. لو طلعت خدر
..........
لحضه يانوك اوكفن گبل الرحيل
لا اودع لا ادفن جسم الخليل
بس اروح اعدل منامه وليج ارد
وما رضا الحادي ومشى بدربه الطويل
شيصبر العين .. شيصبر الگلب
ومابيها دفان .. ياكاع الحرب
ماتقبل اعداك .. تتواره الترب
بس تبقى راضين .. نايم منگلب
.......
العذر خويه الحادي ما خلاني اجيك
وهيج راح اتضل يالمشيمني بيك
من مشى مستحيه غمضت العيون
افتحت عيني ولنه مراني عليك
اتعت بيه النياك .. وعتها امن الخجل
الحادي يحسين .. ما خلالي حل
وتدريني لو ما .. عليلك ما اضل
اعليك اشمر الروح .. من فوك الجمل
.......
عباس اديب المالكي
اللهي. بدم الرضيع. عجل لوليك الفرج
....
اخر جرح ..
ابكلب الوالد المنذبح
بمهده ذبلان الصبح
ضامي ومنكطع حليبه
امناغاه الم ..
وعيونه امبجيه الخيم
جَف گلبه ومهده انلجم
جود العم منو اليجيبه
لا عمه لاجوده ..
بس أه موجوده .. و ماكو ماي
وامه تلوليله ..
بكل يمه تبچيله .. حيره هاي
بالخيمه امه اتون تنعى حاله
يزغير يبني الماكو بجماله
اتغير جماله وغارن عيونه
طفل الحسين العاشر بچاله
.......
أكبر حلم
بعيون امه منرسم
لاكن هالحلم ينهدم
ابلحظه وينتشر حزنها
زاد العطش
بيه وگلب امه ارتعش
وأصبح كاروكه نعش
من عطشه سكت ابنها
بعيون محزونه
تباوع على عيونه .. البيها اه
من حر ضهر عاشر
نحره جمر صاير ... من ضماه
المايحچي بيمن يوصف عذابه
غير البچي ميوصف الي صابه
وعبدالله خلص صوته ودموعه
ذابت مهجته وعذب ربابه
.........
وردة ضعن
ذبلانه وجور الزمن
اعله اولاده كاسر وطن
بعيونه انذبح دلاله
ماضل اله
بس طفله بذاك الفله
وبي حز گلبه حرمله
امشعب سهم العتناله
البيده انذبح گلبه
ايرد للخيم صعبه .. بيا كلام
صاح ابگلب يغلي
شنهو ذنب طفلي .. مو حرام
للماي جبته مو للمنيه
من عنده شنهو البذرت أذيه
من حّر سهمكم فكك كماطه
بيديه ابني وراح امن اديه
..............
بي للخيم
رد مخنوك امن الألم
شلون ايضم عنها السهم
البنحر ابنه والله حيره
كل ماگرب
عيونه يعذبها التعب
دمع ينزف مدري لهب
رضيع ويا جرم مصيره
من وصل خيماته
امغطيه بعباته .. وما حچه
امن عباته من ايده
اينكط دمه اوليده .. وبس بچه
مابي يكلهن ابن الوديعه
من دموعه والدم عرفن رضيعه
مكطوع نحره وعماته ناحن
ومن شافته أمه طاحت صريعه
........
عباس اديب المالكي
ليلة العاشر
ويلي تنعى نفسك .. يبن امي
ودمعك يجري بالاه
بس لا كلت خويه .. غريب انه
الماله ام حتى تنعاه
بأخر خدري جيتك .. انه اصيحن
على المظلوم اويلاه
طريت الگلب .. لمن سمع
تنعى اعلى روحك
جاباني سبي .. بين الخيم
يحسين نوحك
تون وحدك افه .. وعندك اخت
اتغص بجروحك
نعايه اجيت واخت
لچن كوا عّلي مامتت
من دمعك نضرته ايهمل
نعايه اجيت واخت
انعى الذبحك وشيبت
وانت كبالي بعدك عدل
.......
يالمالك ام خويه .. بس عندك
اخت تنعاك للموت
انه المخفي صوتي .. بس لاجلك
اضحي بدمعي والصوت
يالي تزدت باجر .. كل انصارك
وانت ابلايه زاتوت
واحد واحد أ تقدم هلك
ومحد يقدمك
خويه اولا تهم .. عندك اخت
شياله همك
صح حرمه لچن .. كلفت صبر
يالدمي دمك
بجفوفي اجيب المهر
وقدمّك ياشريج العمر
ولا خليك انه تلتفت
بجفوفي اجيب المهر
وأنه اتكّسر ولا تنكسر
انت يالبسع شيبت
.. ...
ياغربت عيونك .. وانت حاير
وميصح ليك نغار
كبال الخيم توكف .. عدو كبالك
وترد للخيمة تندار
الوداع امهلوني .. صحت لچن
العدو بلا غيره من غار
عليك اطفي النضر .. شلي بنضر
يصد ليك حاير
يالتودع ابصبر .. تحارب صبر
وتموت صابر
شبطل يادمع .. وتتفرهد انت
بالحوافر
نتفرهد احنه سوا
انت بخيل وانا بهوا
يكض جدمي امن اريد الحكك
وبحسره نحجي سوا
وينك يحمال اللوا
للمدللتك ودللّك
........
ايعينك الله باجر .. شمس باجر
تخلي الحيل نحلان
وانت بدم وريدك .. عالترابه
وعليك تحوم عدوان
يالتنحرم حكك .. نعش مالك
وما لك خويه دفان
الميت حك اله .. تغسله هله
تجفنه وتشيعه
وانت الميت ال .. الحكه هوا
هويت الدمعه
انت الميت ال .. اليتحمل ال
المحد يجرعه
يالما تفض حسرتك
ميرحمونك بموتتك
يموتونك ابنار الخيم
يالتنجرح غيرتك
ودمك يسبح بدمعتك
من اتصدله فرار الحرم
........
زينب الك عونه .. بكلشي خويه
بس اعذرني بهاي
من اتصيح وانت بدم .. وحك جدي
العطش عاميلي عيناي
ماعندي وكصدلك .. ورويلك ..
شفتك خويه بالماي
وعذرني بعد .. من ينتهي
كلشي بالطفوف
يمنعوني اوصلك .. ودفن جسم
حاضنته السيوف
وعوفنك جبر .. ومشي بهزل
وبنحرك تشوف
مجبوره اعوفك رمي
عاري اعلى الترب ياضمي
وبـ الايماء اخر اوداع الي
عالناكه الك مأتمي
وصبلك روح يالفاطمي
موش دموع ياخر هلي
.........
عباس اديب المالكي
يتمو حنيني بعلي ،، وكسرولي ببني گلب
والكوم بيه أشمتو ،، من ضيعت الدرب
وشلون صارت مدري خطواتي
اركضلك وأمسح ابدمعاتي
ويلي اعله نور الخيم ،، طفوا ضوا بالحرب
أبني واكبر حلم بالعين
كوه مني خذاك البين
يبني ضيعت ابوك حسين
علي علي علي بوية
بدري انت ونسيم الليل
طولك المنطي ابوك الحيل
حيلي عكبك تهدة الخيل
علي علي علي بوية
من ايدي رحت من ايدي
يدورت ضهرك كسرت ضهري وأيدي
يوليدي علي يوليدي
اوكفت وسط الحومة وأصرخ يوليدي
علي يبني علي ،، علي يبني علي
،،،،،،،،،،،
حيرني حيرة علي ،، وبان اعله وجهي الألم
يردونه مني العدا ،،، ومني تريده الخيم
منمن أضمه فرحت عيوني
أذوني ببني هواي أذوني
الخلاني وسط الگلب ،،، خله ابدالي السهم
وين اضمك يلب احشاي
مني من امك امن الماي
ومني طلبت رباي اعداي
علي علي علي بوية
الماحسبتلهه اجتني ابساع
واكف انه وانت اعله الكاع
حسنك اعله السيوف انباع
علي علي علي بوية
هذا أنت صدك هذا انت
الـ أنه الربيته ودللته هذا أنت
معرفته الولد معرفته
جمالك هالوادم ليش امخربته
،،،،،،،،،
كلشي ابأبوك انتهى ،، وبعينه مات النضر
عالدنيا بوية العفه ،،، اخلافك يتعب السهر
يجبير الحسين ارحم حسينك
لا تحجي يكفي بس تفك عينك
شبكته ومتت عالولد ،، ودمه اعله طولي انتشر
عالولد شهكت أنا بهاي
الذوبت دليلي وحشاي
خدك المنجرح يضناي
علي علي علي بوية
وياه نمت انه طول بطول
وأهمس ابأذنه يامدلول
بيا ذنب رمية ومجتول
علي علي علي بوية
يالساكت تون يالساكت
ونينك شيبني ويذبح يالساكت
تباوعلي العدا تباوعلي
بقو يشمتون انهض سكت الشامت
،،،،،،،،
فك ياربيع الضعن ،،، عينك عَلي يالولد
ما لايك اعله الترب ،، نومك شداد الشدد
بس عِين ابوك شوية شد حيلك
ونرجع تتجيلي وأتجيلك
لاحيل عندي بقى ،،، واكدر اشيلك بعد
اوليدي رحمه بس مارحموه
بكد بغظهم ( عَلي) جرحوه
تعبوا ضنايه تعبوه
علي علي علي بوية
فزعو يالهواشم لحسين
وشيلو من ايدة نور العين
انه تيهت دربي منين
علي علي علي بوية
عينوني عليه عينوني
بعد لا جدم اليمشي وهدله متوني
لحكوني هلي لحكوني
من اتشيلون ابني وياه شيلوني
،،،،،،،،،،،،،،
طاح حماي الخيام
وانكسر سيد الزمان
طاح عامود الضعون
اتبدة الخيامة أمان
ومال جدم الما يميل
حسين بيه الحيل خان
شما صرخ خويه يطيح
حسين ضل ابلا خوان
حسين يمشي وطوله مايل
رايح امن ايدة ابوفاضل
راح حيل حسين منه وراح شوف عيونه
بين كل ذيج العساكر
ايصيح أأخ حسين حاير
ينظر العباس مرة وينظر اعله ضعونه
ياخوية ،، يصيح ويلطم الراس
ياخوية ،، انه احتاريت عباس
ياخوية ،،هظمني امضاحك الناس
يابوفاضل ياخوية ،، يابوفاضل ياخوية
،،،،،،، ،،،،،،،
بدمعته يركض عليه
وصار دربة اعليه طويل
اليبچي من يركض ترة
شوفه بعيونة قليل
ردنه گد مابي دموع
اردانه من دمعة ثكيل
العنده عباس ويموت
ايصير بيه المستحيل
السمه بجاهه اعله حاله
منكسر نور الجلاله
شلون صارت محني يركض والعده ايصدوله
المالهم حس ابوجودة
اتشمتوا من طاح جودة
واتشمتوا بحسين كلهم ضلوا ايكلوله
ايكلولة ،، بعد مالك ضهر راح
ايكلولة ،، ويأشروله اعله الرماح
ايكلولة ،، احسب انته امخيمك طاح
،،،،،،،،
وصل يم راسه ولكاه
لا عيونه اولا اديه
وراسه من ضرب العمود
منخسف شمسوي بيه
ابحضنه خلاه الحسين
وسَكت الدنيا ابچيه
الصدره ضماه الحنين
والعدا اتباوع عليه
فدوة ضيمي وتعبي فدوة
يالمشبع حسين خوة
ضل يكله وبيدة يمسح وجهه من ادمومه
ياوطن عمري وبناتي
ياستر خدري وخواتي
خوية ينتضرنه نرجع سوة جم ملجومة
شلون ارجع ،، خلي ابدونك يضرغام
شلون ارجع ،، بعلم متروس اسهام
شلون ارجع ،، شكل لاختك والاخيام
،،،،،،،
منجبر عاف العضيد
ورد وحيد ابغربته
وعلى ضهره امخلي أيد
وأيد تمسح دمعته
اختصر تبليغ الخيام
من وصلهه ابمحنته
اوياه ماجاب الكفيل
لجن جايب مهرته
امن الضمه ونوحه اعله خوته
حسين رد بس ماكو صوته
صوته مذبوح اعله اخيه والضمه شد حيله
وصل الخيامة بعزائه
اتلكته اطفاله ونسائه
بوينه حماي الفواطم وينه روح العيله
وشافوها ،، مهرته البيد الحسين
شافوها ،، اليتامة ولطمو العين
شافوها ،، اونسه اتصيح الله اليعين
،،،،،،،،،،
حسين طب نص الخيام
محني ضهره وكوه صاح
ايناشغ بدمعة ويصيح
طاح كافل خدري طاح
ويه عمد خيمة اخوه
حجه كوه امن الجراح
شنهي نفعك يا عمود
وابو الخيمة ابكبره راح
طَيح العامود بيدة
وطاح ويه خيمة عضيدة
ياخيم تبقين بعده بهيبة هاي ابعيده
اتقربت صوبج قبائل
رافعين اشكد مشاعل
وكلهه متجمعة اعله نحري تريد حز اوريده
ها هيه ،، النهاية اوياج ياروح
ها هيه ،، بعد ساعة ومذبوح
ها هيه ،، وحرم للشام اتروح
،،،،،،،،،
https://youtu.be/yRWZubmrzMI?si=kWTwFmwq00TH7KGG
Читать полностью…
خروج الامام الحسين عليه السلام من مكة المكرمة
....
حّل الحرام ومشى
تحديه عبره
من نداء اهل السمه
مجروح صبره
ياحجة الله يالحبيب
اترك الحج ورحل غريب
الدنيا مره
لابس إحرامه سيدي ... يأدي فريضة ربه
لن صوت جبريل اعتله.. وبينت عليه الغربه
احلل احرامك ياحسين.. اطلع بضعنك سالم
يذبحوك لو متعلقاً ... انت بستار الكعبة
ماكو مثلك غريب
انت. ولاشفت بالعمر
حتى وبحرمة الباري
مارعولك گدر
تستحلك الكوم ليش
وينرعبلك خدر
......
بين الصفا والمروى
هالحجاج تسعى
وحسين يسعى الذبحته
وخطواته دمعه
يسعي وندائه ما يلي
لبيك في نحري وهلي
وبالما اجرعه
لبيك اللهم في .. نحري وشديد ألامي
لبيك في سبي النسا .. ونار التطّيح اخيامي
انه الغريب التنسفك .. بشهر الحرام دمومه
والخالق الأجله العذب .. يَمه يطيح وضامي
أيست انا من عمري
هذا غدر الزمان
ابـ لب أمانك ولي أمرك
ما حضى بالامان
انقتل خايف ابدارك
وعندي بالطف مكان
......
ما انصف وياه الدهر
مهظوم گلبه
گبال الخلك مسرع خرج
والله صعبه
سيد الامان ابلا امان
بيه وبهله ضاك المكان
والموت دربه
المن تحج ذيج الخلك.. والحُجه شال بهمه
والينقبل بي كل عمل .. ماقبلته هالامه
يتردد ابلا حولّ وبـ .. لا قوه ضل السانه
بالخوف بضعونه طلع .. الناس هدرت دمه
التحدي بضعونه آه صدره
خامس اهل الكساء
دافع البلاء مآ شاف
العنه يدفع بلاء
سلم امره بدمع عينه
وناده يا كربلاء
......
محتوم امره وكربله
نيت المضعنين
أكبر گلب متعذب و
متعذبه العين
أشما يصد واحد بچه
يشوفه بخضابه وماحچه
ياكسرت حسين
اعلى اوليده الاكبر لو نضر ..تخنگ عيونه الحسره
والكافل اضعون الشيم .. ينضر ويلزم ضهره
بعيونه شاهد غربته .. بلا هله اولا انصاره
حتى الرضيع البالمهد ...للموت يعرض نحره
مابقى اليومه شي حبيبي
يبقى بالطف وحيد
من مهرته يطيح ضامي
مُنهك امن الحديد
بعينه تتفرهد اخيامه
ويفزعلها يريد
عباس اديب المالكي
.....
الى مولاي جعفر الصادق صلوات الله عليه
مانشفت دمعاتك .. ما بردت اهاتك
اتعيش الهم بنهارك .. وليلك يخلص يحسين
ما تعرفها الفرحه .. گلبك حاضن جرحه
ما منعك عيد مره .. من دمعاتك والونين
سيدي ياجعفر احزانك بحر
يافرح مَر گلبك وبيه ما عثر
العنده مثل حسين ابو ضامي انذبح
ما يكض نوحه تره عيد البشر
حزن ابلا نهايه
وبروحك ضمايه
يالتبچي دم موش دموع
عالما عدها رايه
......
الجزع انت الكرهته.. ولحسينك حللته
رحم الله كل منادي .. اه يحسين اه يغريب
منو مثلك بالعبره .. الدمع ايبلل صدره
وابنيته تموت يمه .. وعالجده يضل بالنحيب
هذا درس احزانك النه بالبكاء
من قرولك على الغريب بكربلاء
ابـ وا ذبيحاه مريمك ماتت مصاب
وما كمت ليها ولا اكضيت العزاء
ياشيخ الأئمة
الماتت بنته يمه
ما هم الها كد ماهم
عالسابح بدمه
........
العاشر ماخذ لونك .. كاعد طف بعيونك
وعماتك والمصايب .. عّيشنك اقسى عذاب
وآه ياذبح حسينك .. المنغصها سنينك
صاحب ملكوت العلىٰ .. باقي ثلاثه اعلى التراب
انت معصوم وعلى حسينك ملت
شلون اصير بحزني انه يالكلت
عالعمر ما انغص ذكر الحسين
يعني حكي عالعطش لو شيبت
حسين العالي كدره
ما ينطونه كطره
والالها العرش يهتز
حافر يدنه صدره
......
والزيدت احزانك .. من شبت نيرانك
بعينك شفت المخيم .. وعماتك منها فرار
اكعدت امدنك راسك .. عالي نوح احساسك
صور دموعك تناثر .. حرب ومذعوره زغار
محترك بيتك اوصوتك ما عله
ابطفو داري بس صحت ياكربله
شكد بچيت بصوت اهل دارك لچن
گلبك اينادي اعله عمه امدلله
من طاحت زلمها
حركوها خيمها
ما خلت عليها النار
شي خاطر يلمها
..........
عباس اديب المالكي
يعطر الدنيا واجمل عشك بالروح
يا أنس وغربه وانته نزف الجروح
والبگلبه علي ثابت يضل دوم
وتره الماله علي اليا متاهه يروح
يضيع بكل متاهه
سنين عمره فناهه
نار سقر اشتراهه ،،، المنامه
الما واله ولينه
وما مدله يمينه
هذا كذب نبينه ،،، بكلامه
قسيم الناري والجنه المحاسب والرحيم
بعد يا جنة يدخلهه اللي ما عشك القسيم
ولي أمر الله مولانا وأله اعظم مثل
الگلب لو ماحمل حيدر هو القلبُ الرجيم
،،،،،،،،،،،،،،،،،،،
يقبلة كل موالي وضوه لكل عين
يكن فيكُن قرارك يبو الحسنين
ينور الله بصباحه وضلام الليل
يباب الله وعليك احنه متوجهين
يـــــــــا حق وحقيقة
وجف رحمه وشفيقة
وللـــــــمؤمن رفيقة ،،، بغربته
يـــادين الغياره
يـــاغيوث الحياره
وجاره الماله جاره،،، بمحنته
علي النسمه الي نشتمهه علي دكة الگلب
علي الدرب الصعب لاجن أحن وأمن درب
علي وبس بعلي تبين الطهاره والحرام
يغربيل البشر وانته اختبار العنده حب
،،،،،،،،،،،،،،،،،،،،،،،،
يقبل الما يكون وبعد ما كان
يمن بيك الله خالق شكو انسان
يجفه القاضي والحاكم اعله الكون
علي الما يخله شخصه من الازمان
يــا مجري القضائي
يـــا مطر البلائي
يــا عطف السمائي ،، العظيمه
الغاضب والرحيم
ابكل مخفي عليم
شعير بجف اليتيم ،، ويتيمه
علي البسمه اعله شفت كل يتيم وضحكته
وعلى كل الخلائق يالوسيعه رحمته
وغداً وكت الحساب امدنكه كل هاي البشر
وفقط مرفوعة الراس بولائة شيعته
،،،،،،،،،،،،،،،،،،،،،،،،،
يصاحب كل رزق صاحب المعروف
يالحروفك طمئنينه من كل خوف
يجمره بجف شكو مؤمن مواليك
يرؤيه بموتتي الموتتي ملهوف
يــا أسر كياني
يــا أغله الاماني
من مات يراني ،، كلتهه
يالبيدك حياتي
وهم وقتي ومماتي
ورحمت امنياتي ،،، العشتهه
ينقطة كل بداية وكل مشيئه وكل فعل
يمن من الاحد واحد علي وأصل الأصل
ابد لا مو غلو هذا ولا شرك وكفر
علي سر الله والماكو بشر للسر يحل
،،،،،،،،،،،،،،،،،،،،،،،،،،
يحير ابأمرك الما أله توحيد
يعالي وما عله من الله فوكك حيد
يهزبر يالي ما زحزحك طوفان
يالمخلي الكفر من رعبهه تبيد
تبيد من المخافه
المعروفه بصلافه
يطيح كلبه الي شافه ،،، بفقاره
لا سيف الا سيفه
اولا حيف الا حيفه
اولا كيف الا كيفه، ،، وقراره
يجبار اللي هّدم كل جبابرة الكفر
يالمهدم حصن خيبر يبو جفوف السمر
يبو الحمله الي ماعنده ابد حمله افشلت
يطوفان الله واليخسف مدائن من يكر
،،،،،،،،،،،،،،،،،،،،،،،،،،،،،
عباس اديب المالكي
https://youtu.be/lpFNvLJCbbY?si=aI1ChZIIz8o21JlM
Читать полностью…
https://youtu.be/VqZlnqguCcs?si=GvWt9amo7hoPqlbh
Читать полностью…
ذيج الشام بينت يا علاوينه
ذيج انشوف بيها الما محسبينه
الشفناه من طلعنه كربله لليوم
يهون اعلينه لو للشام طبينه
.....
ذيج الكاع التضيع اسامينه
ذيج الحتى ملكاها يأذينه
ذيج الطلعتنه وكشفت المضموم
ذيج الحته نسمتها تجوينه
.......
ذيج الكاع راح اتضل جرح بينه
ومابين البشر عمداً تمشينه
نتلفت تخلينه نريد اخوان
امن المابيه حميه يجي يحمينه
........
ذيج الشام الاتزيد بواجينه
الشايب والطفل لينه يفك عينه
ينشرنه اعلى دربه ويجمع الشمات
ويحشم أمائه ويخدر نسواينه
.......
هذيج الكاع الاتغير معانينه
الخوارج والسبايا من تسمينه
ذيج المنها يتعوذ رسول الله
لأنها يالفواطم راح تخزينه
........
اتحملن لا تونن لو قسى بينه
هناك ايعذبونه اليعلى بونينه
اهناك ايضيع كدره الكدراه الله
ويكعد بالخدم واحنه يخلينه
......
هناك ابابه ننسى ايام اهالينه
اهناك انخاف من امخاطفه اعلينه
خرابات وقصر سوك وأذية ناس
ومن اوجوهنه ما تنزل ايدينه
......
هاي السنه شلون البچي
ياجرح ما بّطل نزف .. واللاحه جرحك منطلب
هاي السنه شلون البچي
يا ثار محد طالبه .. اولا بردو الامك گلب
شلون البواچي اعلى الغريب اتصير اله
وأم عنده من شهكاتهه اتضك الفله
ومن البچي ماتتله جم امدلله
وبالسانها من اتموت بس ياكربله
شكد حده جرحه بينه حسين
شكد لطمنه وبچينه حسين
ومن نسولفهن احنه جروحك
نحس الهسه ماباچين
شتكفي دمعة اشيكفي كلام
وعاري عالترب اغلى امام
وجرحو عيون اخيته بجثته
وإله اعلى التله جرحو عين
........
هاي السنه شلون البچي
يالجرحك اكبر من دمع.. ينزل ابخدي وينمسح
هاي السنه شلون الوفه
لمصابك وكل الجرا .. يالبيك ما طايب جرح
بيمن نوافي وبيمن انسدلك جرح
يالميت وعشت المآسي اعلى الرمح
غير اليحب مذبوح لازم منذبح
ويعيش ضامي المآتمك ليل وصبح
يا نبع هايه كسري حسين
ضامي والنهر يجري حسين
يجري بعيونك او يعيونك
امن الضمه بيها قل الشوف
عالجرا الوفه شلون ايصير
شلون اواسي وإليه امير
امه من ذبحه تشهك لسه
وخدره بالغربه شابع خوف
.........
يالماكو شي مثلك ابد
حكي امن احير بدمعتي .. وشلون الك لازم اون
امغير قوانين الخلق
وغيرت كلشي بمقتلك .. المو للحزن صابه الحزن
ربك خلق جنات ما عينًُ رأت
جنة سعادة وراحه بس اتغيرت
امن انحز وريدك ماكو جنة مابجت
والحور مو للطم بس ليك الطمت
مأتم العوالم الحسين
مقتل الفواطم الحسين
الما بجالك عليه اللعنة
رحمة الله بچي المذبوح
بالله شستوعب انا الصار
امبچي حتى اللي طب للنار
يا مصاب اليضاهي امصابك
وانت كلشي عليك اينوح
..........
يالمالك ابموتك اخو
اتعناك شالك من ترب .. وبحجره خلاك وبچه
بس اخت عندك حايره
ما بينك وبين الضعن .. ترجاك ياكفوو الرجه
حيرتها حيره الحره واكلف حيرتك
تنظرها توصل ليك وترد الهّلك
اترد خيل عن ضعنك .. تكصد خيل الك
اي واه محمد صاحت وضج الفلك
اخيول اجتها وتصدها حسين
عن حرم تردها عن حسين
واحد اتنقذه تنظر ثاني
امن الفزع صبح حصت الخيل
راح اخوها وخدرها راح
وحّضر الها حبل ذباح
الوَضح اسلبوها امن الحره
وجابو الها نياك اتميل
.......
عباس اديب المالكي
https://youtu.be/3lS22bcuQ4w?si=9L1EYD-jY9MIues2
Читать полностью…
ياحيرتي .. المن هسه بيه
شلون اجيك ابنص حرب
يادمعتي .. التلزم خطوتي
امن تغوش ابعيني الدرب
غوشت عيني بوداعك
فرصة ما منطيني دمعي
وما لحكت و درت وجهك
وانكسر مثل امي ظلعي
كلشي كض خدري ابطلعتي
من طحت وانجرح سمعي
تراب والنار ودموعي
شلون اجيك بحيرة وضعي
تراب ودمعي سد عيني .. ولهيب الخيام
وعلى التله ادري اتانيني .. عيون الامام
يودع يريد .. اخوي الوحيد
.....
كلشي عفت .. بضهري ونويتك
يانار تمنع منظرك
فدوه الك .. طولي وخطوتي
الماشفهن بس ناظرك
يا خيم تشغلني عنك
يا خدر يمنع طلعتي
والمربي خدري بيده
عالترب ينطرها جَيتي
جايتلك خوه اركض
وخل تعثرني دمعتي
انت مو حصت الوادم
انت لا يحسين حصتي
اجيتك غريبة وطلبتها .. اخوها الغريب
ورضيت اخيامي ينسلبن .. لأنك سليب
.......
يم الخيم .. ويم الضعينه
عيني لچن بالي الك
اخيول وألم .. امن اشتد ركضهن
ارجف ركضت اتأملك
شايطه امن اخيامي اجيتك
صبري يمك خويه وشل
الخيل هدت ليش اضلن
و يوصللك قبلي تقبل
الخيل تدفع وانا ادفع ..
ومنو البينه اليوصل اول
تريد تسحك وانا اشبك ..
حيره صعبه شلون تنحل
اللي ماتعرف مشي بسرعه .. اركضت بالصفوف
لچن وصلن قبل زينب .. خيول الطفوف
شنوحن شكول .. وخذته الخيول
...........
ابنص الحرب .. يا لوعت اختك
من عنها غطاك الفرس
ضاك الدرب .. وضاكت حياتي
يحسين مو بس النفس
بيدي عن عيوني اوخر
ترابها الحومه ارد انضره
الغبار ايزيل لكن
تحجبه عني خيول عشره
كافي صحت اشكد عليهن
كافي رحمن عين خدره
لو تعوفنه وتردن
لو تسحكني اعلى صدره
صبر ماضل وشوفنه .. ايتلوه بتراب
إتركن اخوي وكصدلي .. يخيل العذاب
يخيل الشمات .. اتركنه مات
.........
عباس اديب المالكي
فجيعة الزهراء صلوات ربي عليها
...
ما بطل ادموعي اعليك ... اه يالولد
حد ما ادموعي تشافيك ... اه يالولد
لو بالدمع تتشافه چا مو لليوم
تهتز سمه الله امن ابچيك ... اه يالولد
يادمعه التردك إلي .. ماباقي شي من جراحك
وما تنظر عيوني بعد .. دم يمه تارس صباحك
تردلي متى ابلايه جرح
وعن امك ايفك الرمح
من نوحي افتك والحزن .. ويبني تفك من نياحك
يادمعة تكدر عالعطش وترد جمالك
وترحم گلب متفطر وترحم دلالك
يالطايح ومالك اخو بالحومه شالك
يالذابح ابأمك فرحها
يومك ترا امخزن جرحها
يالمصرعك جارح عيوني
ومطلع المحد لمحها
(( ولدي .. ما انغصَ ذكركَ للعيش ))
..............
هلكانه بالهم وياك ... اه يالولد
صبح ومسه ابچي وانعاك .. اه يالولد
محروم مني بعمرك وانا وياك
حرموني الطم فوكاك .. اه يالولد
يمدلل ومالحكت .. وياك اكمل دلالي
زغير وتركتك للهظم .. من موتي يمه أعتنالي
بس عيني عنك ما ملت
لحد ما من المهره طحت
سديت عيني ابطيحتك .. منها ونغص يمه حالي
يمه العدل معروفه تتنغص حياته
بس جرحك اينغص على الميت مماته
ويلاه على ابني الطايح وراحن خواته
ويلاه على ابني لو عليه
من وين اجتني الغاضريه
اذت بنيني بفترا لكن
عالأم مدا الدهر الاذيه
(( ولدي .. ما انغصَ ذكركَ للعيش ))
.......
يالجرحك امخزن العين .. اه يالولد
ويوَدي بأمك لا وين .. اه يالولد
مكسور ضلعي وجملت فوكه ضلوع
كلما لطمتك يحسين .. اه يالولد
يالماكو ام مثلي احن .. وأم مثلي حبت ضناها
ولا أم تشابهني بحزن .. وقبل الربه اتون رباها
من قبل ليهل عالحضن
بعده بحشاي وانا اون
وكرهاً حملته وانا اله .. ملهوفه بس اشوراها
ملهوفه لكن من اجه وشلته ابأديه
غير افرح ابأبني .. شني عيوني جريه
بس ابني مولودة يهل وادم رزينه
اول طفل يصبح أذانه
خيول وذبح ترست إذانه
ويبقى ثلاثه ومحد ايحن
عالميت الماكو بحنانه
(( ولدي .. ما انغصَ ذكركَ للعيش ))
.......
عطشان ياماي الروح .. اه يالولد
يالماكو مثلك مذبوح .. اه يالولد
ياللطمتها الجنه والنار اعليك
وتشهكلك امك وتنوح .. اه يالولد
دايم عزائك يالولد .. مادام بأمك حزنها
تتحزم ابأرض وسمه .. البالحومه طشرو لبنها
أبچيك انا الفكد الوعي
يالما يردك مدمعي
واعليك اون يالمنهظم .. ونات محد يونها
متكئبه اعلى الماكو منه ومن عذابه
يالميت اشعث مغبر وصبر وكئابه
واللي إله الماي انخلق .. تالي بثوابه
الطم عليه عيني الحزينه
المن العطش معميه عينه
الفَرع رسول الله بذبحته
وطَلع نساوينه ونينه
(( ولدي .. ما انغصَ ذكركَ للعيش ))
.........
مروتك ياعلي الاكبر
جمره بكلبي منين اجتني
حركت روحي وعذبتني
حل أجلي بوداعي الابني ،،، شفت العذاب
لوداعه مابي يكلبي
لرماح الطف يمشي تعبي
وخلاني ما ميزه دربي ،،، جرح الشباب
يافرحة عمري بشبابك ،،، علي يابويه علي
ياعذاب يقارن عذابك ،،، يا حملي ومحملي
ما اكدرله جف مصابك ،،، وبحزنه اضل مبتلي
يّتم حناني فكد اوليدي
او لابيه امشي اولا شيل ايدي
العايش على عيونه جرح عيني
يانار الاكبر بالدم زيدي
علي علي يابويه ،،، علي علي يابويه
،، ، ، ،،،،،،
تلثم للحومه جماله
وتجرحني ميلت خياله
من گلبي ماخذ دلاله ،،، ما ضل الي
شلون الذباحك اسلمك
يانسمة راحه من اشمك
ريت من الموت انه اضمك ،، يبني علي
ياذكرة عمري وشبابي ،، ويا ضحكتي البالزغر
تصبح تاليتك عذابي ،، ويتمنه موته العمر
بالحومه اجمع وصاله ،، الربيته شبر بنذر
ما فّطر اشفافي ضماي انه
فّطر حياتي عذاب السانه
شمس الخيام الضمه كاسفها
وأظلم صُّبح من مشى صيوانه
،،،،،،،،،،،،،،،
يمشي وخلفه اتجرني عينه
شيصّبر روحي الحزينه
العونه مشى ياهو اليعينه .. ابكبر ضناه
يحارب وعيوني تصدله
ولن الخل ناده اعلى خله
ادركني وانه اركضتله .. وبالركضه اه
دوهني وتيهته دربي .. وبنص حرب من صحت
العفه بويه بعد جمالك ،، والدنيه لا ما ردت
عودي الاخضر بوجودك ،، يبسته لمن طحت
من الخيم للمصرع اجيته
عمري الي عشته اويه ابني بچيته
أنا الذي تنخاني الدنيا
بس عينه يفتحها ابني نخيته
،،،،،،،،،،،،،،،،،،،،
ارماح بصدري ياعبرتي
اولا اكدر الزم دمعتي
اولا اكدر اخفي كسرتي ،،، وطولي انحنه
ياسندي وخيمة خواته
ياسر گلبي وأمنياته
اتلكاني وسّكت الشماته .. يغلى ضنه
بس حضني ايلوك المنامك .. عالتربه نومك صعب
وخدك جرحه مدداني .. ويـ طولك اعلى الترب
المحد شايف منه دمعه .. بجيته وسط الحرب
طولي اويه طوله جفيته وانعي
واشتمه وامسح دمه بدمعي
لحكو يهاشم الابني و ليه
كبل الخيول ابني كسر ضلعي
،،،،،،،،،،،،،،،،،،
أبقينة ياخوية أنه اوياك
لا اصحابي اولا عمامي
واكف انه لأن وياي
انت حيلي والمحامي
خوية من تروح عباس
تنكسر هيبة خيامي
وين تريد ،، عني تروح ،،
ويبقى حسينك الوحده بخيامه
ما يروي ،، حسينك ماي ،،
روحتك تروي دلالي ألامه
يَخي صح عطشانين ،، لچن طولك عباس
أمان ايروي اعيالي
يحيلي الواكف بيك ،، اذا من عندي تروح
يستضعفني جتالي
هاي الخيم تطيح ،،
لو سامح الله خوية فوك النهر تطيح
ارحم گلب جريح ،،
يابالفضل حبيبك دونك تميله ريح
،،،،،،،
الطف كسرني هواي عباس
وما ترك بِيديه حِيلة
تمشي عني وابقى محتار
بينك وبين العقيلة
دمعة حسين التحاجيك
سالم اتردله يحيلة
راح وراح ،، عيني اعليه
ومن بعد عيني ضلت على الراية
من اتميل ،، وياهه ايميل
گلبي ولن كسر ضهري بحجاية
سمعتها وطحت عالكاع،،يخوية ادرك عباس
ومنو ايكومني امشيلة
كمت ما ادري شلون ، لجن كل خطوة بموت
مشه حسين ابلا حيلة
ومابيه حيل اصيح
أنه العطش ذبحني وطايح الي ذبيح
ارحم گلب جريح ،،
يابالفضل حبيبك دونك تميله ريح
،،،،،،،
يالي بيك اذراعي مشدود
طيحتك رخت اذراعي
غربتني بطيحتك هاااي
وبَين بوجهي ضياعي
حكي اضيع ابدربي وانهار
بالعمد صوبوا اشراعي
حسين الما ،، ترضه بيوم
تنزل دمعتة وينهظم گلبة
دمعة انشاف ،، بين الكوم
ويعثر امن الخيم ليك خلص دربة
انكشف ضهري والاخيام ،، عليها اتكربت الخيل
ضعنه صار حجاية
الضعن لو رايته اطيح ،، عليه تتزاحم الناس
يخوية انهض بالراية
الما ينكسر . يطيح؟
كاسرني خويه نومك والينكسر يطيح
ارحم گلب جريح
يابالفضل حبيبك دونك تميله ريح
،،،،،،،
امن الخيم ليك الدرب موت
بهالمسافة شيبي بَين
اركض واعثر واناديك
الما يعثرن گبل عثرن
اتشمتوا بحسين بس كوم
عيون جتالك يكتلن
كلشي ايهون ،، بس اتكوم
حجي شماتي خويه اويه عثراتي
لا مو ماي ،، خدري ايريد
طولك اليحمي خدري وعقيلاتي
يخوية بنومك نار ،، تهد صيوان حسين
والحسين ايذبحونة
وحرمنه اتضيع بخيل ،، ركض الاطفال عالنار
واليعثر يسحكونة
يالعالترب طريح ،،
فز رد جمع عدونة وعن الخيم يزيح
ارحم گلب جريح ،،
يابالفضل حبيبك دونك تميله ريح
،،،،،،،
https://youtu.be/aTkq6cC6NNQ?si=SDCBuWpgbXpl_lmO
Читать полностью…
انعادت ايام الي بيها
جروح اتذبلني وتحييني
عاشور الطب گلبي وعيني
وبيه يزكيني دموع
ورديت جروح انه احجيها
ويتجدد حزني ومأساتي
وأبجي العاشر ويـ مولاتي
مثكولة ومفجوع
شُكراً لله على هالنعمة
أكرم عمري بشهر الخدمة
وكحل عيني بدمعة جديدة
وتتسجلي ابلوح الزهرة
شُكراً لله نعمة جبيرة
ما مستبدل گلبي ابغيرة
رغم اذنوبي وتقصيري انه
ما سالب من عندي العبرة
اكرمني ربي بعاشوره
وروحي بعدها مكسوره
ويه نشر ثوبه الدامي
احزاني ودموعي منشوره
،،،،،،،،،،،،
ويـ راياته اترفرف روحي
ويتحول بيتي احسينيتة
معبد ايماني ابتعزيتة
ويرحم ريتي هوا
وما استأنس بس بجروحي
وحزنه اليتملكهه حواسي
وبگلبي اشبك جرحه القاسي
گلبي يعذبه اوياه
طول العام انه الهاي اسعي
بكل عبره انه اربي بدمعي
خاطر من ايحل عاشوره
دموعي اكبار اطيح اليومه
يتقدم اليحب بنوحه
مغبون المتزيد جروحه
يكبر حزن البايع گلبه
للضامي وأمه المهظومه
انه وجودي ابأيامه
البس سوادي الألامه
يكمل وقاري بالخدمه
وايماني يكمل بخيامه
........
بصبح اخدم وخدمله بليلي
تعب الخدمه ايشد ضلوعي
ومن اطيح بجدره دموعي
تسوا عندي حياة
من ام العباس اطلب حيلي
الثكل ايام امصاب العتره
وتجمعني ويه دموع الزهره
الجَمعه هايه نجاة
بهم وغم من نتلاكاها
نبچي وياها وننعى وياها
وبداخلنه نسمع منها
اه يبني المظلوم الضامي
ويفرق لطم صدور مشرعه
عن لطم المتهشم ضلعه
ام بس اينسيها كسرها
اطهر جسد امفرهد دامي
نفزع جزع ويـ واعيته
انلبي نصرته بتعزيته
العالغبرا طايح وبعينه
جفوف الكفر حركت بيته
.........
للصاير ما تهفت ناري
واليومه الماصاير مثله
تعذب بيه وتعذبو اهله
ماكو مثله غريب
ويـ راعي الثار اطلب ثاري
الذابح عينه بعصر العاشر
شاف الخيمه وشاف الحافر
وجده خده تريب
اغلى وأثمن مخلوق ابـ حر
اتلث تيام وعاري وبالبر
واهله اخلافه فوك الهزل
يمشون وبحبال المسرا
من حسين الذابح نحره
نفسه بهزله ذابح خدره
الحارمهن يبچن وينوحن
نفسه الحارم شفته الكطره
ابچي ونادي بكل رزيه
ايعين الله گلب امه الزجيه
عدها ولد ضامي بذبحته
وفوك الهزل عدها سبيه
.......
عباس اديب المالكي
السلام على صادق العترة الطاهرة
الـمعـتـقـد والهويه
المدرسه الجعفريه
ديني منها وحياتي
وحب جماله الأذيه
امن افتحت عيني عالحب شفته
صادق العترة نوره
من وحي حروفه ديني اعرفته
وأشرق الحب شعوره
ومـن جفاف الــحياة وهـمـها
بمايه أروى و سروره
تريد الحقيقة انضر بحروفه
وأقرا كلامه وراح تشوفه
من كل ضياع وتيه وغفله
اتوجهله ويشملك معروفه
.......
الرايد ايحفظه حاله
الـعـظيـــم السلالـــه
ايمدله گلبه ويندبه
نجني امن الظلاله
الخايف اتضيعه دنيا ويبعد
ورحمه ماكو بسنينه
ايــزل قدم الـــه ويـ ساداته
وگلبه ينشف حنينه
عيونه خي خلهن ابعين الله
الصادق هو عينه
ابعين الولي الخلاها عيونه
ميـمــر ظلام الدنيا ابلونه
ميضيعون .. احنه انضيعهم
البيهم لزم همه ايلزومنه
.........
ذكر الله ذكرهم
وعالمؤمن نِعمهم
تسبيح وعبادة
المهموم الظلمهم
اوضح امن الشمس جعفرنه
انطى للحب شهادة
ومـــا ينطق عــن الهـــوا ألا
هو وحي وأرادة
جـــرت النفس بالهـم والغـم
الظلامتنا عبادة
من فتوة الحب همنه وغمنه
وعــالعتــرة بالـــ آه اتعبــدنه
وكال العلينه اطيح دموعه
المــرضا نالـــه وأدا حقنـــه
......
كل بچي كل أذيه
انطاها الكراهيه
إلا على الضامي
بكاع الغاضريه
كل جزع كل عويل وصرخه
مكروها مذمومه
إلا عــــلى ابــنـاء الـــــزهـره
كل صرخه مرحومه
ومــــأجوره كـــل عين اتأذت
لحسين واليومه
مامثله يوم اولا صح مثله
وصعبه أذيته لا مو سهله
فوك الترب متوسده الغيره
طاحن خيامه واخته بهزله
......
بحزانه وحسرته
كالت شي دمعته
عالعيش ما انغص
الحسين وغربته
اينغص العيشه ذكر الغالي
بكربله والجراله
ضامي وجروحه ما ينعدن
وعينه تنظر عياله
يعني ليحب غريب الزهره
أبد ما يهنى حاله
المنهم صعب يتهنى بحاله
وما تنشف عيونه الهماله
اليعرف عظمت حسين وكدره
تسحگ ملذاته الخياله
......
عباس اديب المالكي
https://youtu.be/uKs_PYGavX4?si=M7avY4SFaT_fgIi1
Читать полностью…
الدنيا نار وجرحي نار .
ياهي الميبسه الخضار .
حيره واصرخلك دخيل
ضعت لو هذا اختبار
......
ياعزيز المُعز ناسه وهلا بوجه اليعتنيك
بيه خوف وبيه دمعة حرت بيمن انا اجيك
انه مو ذاك العرفته ابأول دموعه عليك
اختبارك هذا بيه لو امن ايدي شلت اديك
دخيلك انا .. بالرضيع اتوجهت
بمتحانك .. لو طحت وتفشلت
لو أطيبن .. وعن جروحك مّيلت
بوطن حبك غافي ليش ..
مرة اموت ومرة اعيش ..
بيك لو مو بيك اشوف ؟
حالي وين بيا قرار ..
.......
ياحسين احسنت حالي من بعد جور الزمان
ليش احس مو هو گلبي الجان لحروفك مكان
ليش من جرحك اخاف و انا ادري بيه امان
ذنبي المخوفني هذا ؟ لو عشك شابع حنان؟
خوف بيه .. منين صادر بالگلب
ذنب هذا .. يريد يمنعني الحرب
هذا لو حب .. ما يريدك عالترب
رغم كلشي وبيه حال ..
انت حق لازم يقال ..
انت للحب ياحسين
مو تموت ابأنكسار
.......
بعمر واحد يابوالاكبر انا والحب والجروح
ازغار وامك كبرتنه و الربه امجازاته نوح
طفل واجواء الطفوله بحزنك الخلقتلي روح
عِشرة انا وحزني وامك لو أعوفك وين اروح
وين اروحن .. لو طفى بيه الجمر
انا عاصي .. بس احبك وانكسر
ارحم عذابي .. يمن للرادك ستر
بيك لو صار اللقاء
وبيه ماكو كربلاء
وين اضم عيوني وين
الباچيه الحد الحمار
.........
انا واحد اصل ماله وأصلي شفته بمأتمك
اخرس ومن ضاك طعمك انصاب بيك وكلمك
شلون يحتركن هذني بنار مو لمخيمك
وبيش اطفي ذكرياتي الكلها رحمه بعالمك
شلون بيه .. لو لوا اذراعي الزمن
ونشف جفني .. على المن طحت انسبن
يطيب جرحي .. وضهري انطي للضعن
يالمصوب بيه صيب
سهم حزنك ما يخيب
خلني انزفلك ثبات
النزف بالحب انتصار
......
ياللي خالق لك ألاهك شيعة تبچي وتنتحب
امنغص العيشه عليهم طاري ذبحك والعذب
خاف مو من ذولي انا والگلب فتره يحب
الله لا يرحم شبابي لو الغيرك أنسب
بداعة امك .. لا اتهنيني ابعمر
اولا اداوي .. جرحي ويطيب الكسر
هاي دنيا .. وخاف حبي ينغدر
لا تخليني أهيد
اعليك حتى اصبح شهيد
استشهد وچتالي ماي
فطر شفتك بالحصار
.........
عباس اديب المالكي
https://youtu.be/DzfbMAUDuE0?si=k9o9Pw8ajF0jb-yE
Читать полностью…