1638
هذه القناة تتضمن قصائد واشعار ولائية وحسينية في مدح ورثاء ال البيت الاطهار
موعظه حسينية
حسين لورايد تِنصرَه نصرته موبس كلام
انطه كل ماعنده لجلك صدره مهبط للسهام
كون صبرك مثل صبره
حسين لورايد تنصره
نصرته موبس كلام
★★★★★
يلي بالعاشر تون تبچي وحزين
وانت چاويلك گلب ومبچي عين
وعلى اسرار الناس گلبك مو امين
بكلشي متحسر عليها دنيا باچر للزوال
باقي حالك ينتظرها وهيه ماتبقه على حال
بيها دينك لاتخسره
حسين لورايد تنصره
نصرته موبس كلام
★★★★★
حسين بلسانك شعار وبيه تعيد
وانت عن حسين ياغافل بعيد
يلي متربع وسط گلبك يزيد
وعلضوه والخير تحچي وگلبك انت بلانهار
سَلَّمِت للدنيا گلبك بعيد عن الرحمه صار
طبعك الموصح تِغَيَّرَه
حسين لورايد تنصره
نصرته موبس كلام
★★★★★
تجربه الدنيا وحلم باچر تصير
بالعساكر والمخيم لاتحيير
الياهو منهن انت ويامن تصيير
ناس ماتعرف دربها دوم تنصر بالطغاة
تذبح الخير ونعيمه تريد ناس بلاحياة
أخذ من دنياك عبرَه
حسين لورايد تنصره
نصرته موبس كلام
★★★★★
كون چلماتك على اخلاقك دليل
مومثل سعفه بهوه العالي تميل
وتخلط الهيهات بالفعل الذليل
باليسر تِدَّعي الرحمه وبالعسر طبعك جحيم
تنصر الظالم ودمعه تعوفها بخد اليتيم
اطلب من الباري نظره
حسين لورايد تنصره
نصرته موبس كلام
★★★★★
بصدر ابواليمه سهم من تستغيب
وانت ضده مره راعي ومره ذيب
شوكت توصل ذره من جون وحبيب
شوكت بالمعروف تأمر وترفض دروب الهوان
وعلى المنكر دوم تنهي شماصعب وجه الزمان
وربك الباري تذكره حسين لورايد تنصره
نصرته موبس كلام
الشاعر حسن لعيبي الحريشاوي
ثكيل - بحق الحسين
أداء : احمد عزيز
كلمات : حسن لعيبي الحريشاوي
لسان حال الامام السجاد عليه السلام عند دفن جسد ابيه الامام الحسين عليه السلام (وزن النصاري)
ياوسفه بديه دفنت ابن الزچيه
تعوفه بگبره وتروح ماظلت بعد روح
دفنت ابن الزچيه
★★★★★
دفنت الروح والدنيا والاحلام
ودفنت السلوه والراحه والايام
دفنت الطيبه والجنه والانسام
شيصبر الروح هاگد تحمل آلآم
محبوبي دفنته وخليته بغربته
تحمل ها كثر نوح ماظلت بعد روح
دفنت ابن الزچيه
★★★★★
انا السجاد اجيت الغاضريه
دفنت حسين وايامه الزهيه
دفنته وطاوعتني شلون اديه
تمنيت وردت گبله المنيه
ياكسري شيجبره بديه حفرت گبره
تشوف حسين مذبوح ماظلت بعد روح
دفنت ابن الزچيه
★★★★★
شنهي المايون لحسين وينوح
دفنت ايام عمري وسلوة الروح
ابوي الماحظه بالماي مذبوح
ثلث تيام فوگ الگاع مطروح
مگطعته البواتر وطاحنته الحوافر
تشوفه شلون مطروح ماظلت بعد روح
دفنت ابن الزچيه
★★★★★
يا نجم السمه الطايح بالتراب
نجم الماخفه وعن بالي ماغاب
هذا الماجره ولامر بالحساب
عليك ادري صعب يابويه العتاب
دنيا الفارگتها تلوعني عفتها
تحمل هظم وجروح ماظلت بعد روح
دفنت ابن الزچيه
★★★★★
يبو اليمه الجره مامر على البال
يطيبة خاطري وياسلوة الحال
عليل الوحدي مچتوف بحبال
بس الحرم ظلت عندي واطفال
ماظلت مدينه مابيها مشينه
تمشي جبال وسفوح ماظلت بعد روح
دفنت ابن الزچيه
الشاعر حسن لعيبي الحريشاوي
على طور شلون ليله لحمزه الصغير (گعديه) عن دفن السجاد لجسد أبيه الامام الحسين عليه السلام وباقي الاجساد الطاهره
اهواي صعبه المحب من يدفن حبيبه
هلمصيبه. المامثلها كل مصيبه
تهمل السجاد عينه
جسم أبوه اموذرينه.
اهواي صعبه
★★★★★
انطوتله الأرض لمن. رجع لأرض الغاضريه
بنظرة الملهوف گاصد. نار البگلبه سريه
وين ريحانة الهادي ومهجة الزهره الزچيه
شاف الجسم حين التفت
السجاد ناره. اتوجرت
شيحسب بطعناته الصفت. الف طعنه وتسع ميه
اهواي صعبه من نظر فخر الهواشم
كل كتر مهشوم. ماضل كتر سالم
شخلت بجسمه الحوافر وذيچ طبرات البواتر
اهواي صعبه
★★★★★
شلون منظر لو اوصفه. تسبگ الدمعه المشاعر
من يلم جسمه ويچفنه. الداسته خيول العساكر
سمه انحط ابلحد وسفه. حسين نوره اليشع زاهر
مكسور گلبه وممتحن
السجاد ساعات الدفن
من المدامع والحزن. اصبحن بيض النواظر
اهواي صعبه يدفن الروح الحنينه
نزلت املاك السمه تبچي وتعينه
مابعد يحصل الملگه. فرگه المحبوب فرگه
أهواي صعبه
★★★★★
يذكر السجاد زينب. بالظعن مكسوره خاطر
شلون لوتدري العقيلة. شحال جسم حسين صاير
علارض مفروش جسمه. من كثر دوس الحوافر
لا له ملامح لارسم
لاصوره ضلت لاجسم
اتموت ويفارگها العزم. لون زينب تدري باچر
اهواي صعبه. بياخبر زينب يگلها
ارماد صارت ياحسافه. اجسوم اهلها
وياه من ينصب عزيه الحال ابن خير البريه
اهواي صعبه
★★★★★
الدين والايمان كله. العدل وأحكام الشريعه
ومنظر الحق وجماله. النوره من نور الوديعه
بالسيوف امگطعينه. وماسلم حتى رضيعه
السجاد روحه معلعله
صوته حزن يملي الفله
هذي فجيعة كربله اعظم واكبر فجيعه
اهواي صعبه من يرد للضعن باچر
ولوعته ابوسط الگلب مثل الخناجر
من التعب مهدوم حيله ومن يصد حال العقيله
اهواي صعبه
الشاعر حسن لعيبي الحريشاوي
بعد ما تحتاج تنشر قصيدتك بغير قناة انشرها بقناتك ودز الرابط فقط واحنة انروجها اعلان حقيقي عراقي مشاهدات او مشتركين للتواصل
@ahmed_alziwar0
نعي بحق العقيلة زينب عليها السلام
على يامنهن أم الخدر تنحب
رزايا اهواي منها الگلب شَيَّب
على الماشاف گطرة ماي يشرب
وجسمه على الثرى طاح وتسلب
لوحامي الضعن علجيش من طب
گطيع ازنود وبعينه تصوب
لو عريس بدمومه تخضب
لو الاكبر هوه على الگاع كوكب
لوطفل الرضيع ابحال الأصعب
لولضعون بيها الگوم تنهب
لولخيام بيها النار تلهب
لونسوان فوگ الهزل تركب
ها گد مايله الدنيا وي زينب
الشاعر حسن لعيبي الحريشاوي
بصوت. مسلم المطيري
اويلاه ياكربله. اويلاه ياكربله
كلمات الشاعر
حسن لعيبي الحريشاوي
بندرية- بحق الحسين
أداء : احمد عزيز
كلمات : حسن لعيبي الحريشاوي
ليلة الوحشه
يااهل بيت الهدايه منين اجتكم هلرزايا
شلون ليلة مظلمه والله اصعب خاتمه
منين اجتكم هلرزايا
★★★★★
شلون ليل المر على العين ولفه
چم گمر منكم على الغبره غفه
چم گلب مثل الخيم وج ماطفه
وچم يتيمه بالحبال امچتفه
شلون بيكم يليتامه الليل غطاكم ظلامه
كون تدري فاطمه. والله اصعب خاتمه
منين اجتكم هلرزايا
★★★★★
السمة وي هاي الارض نصبت حداد
خيام وجت واصبحت مثل الرماد
خَيَّم الليل ومحه الگمرة السواد
ولا الكم ناصر بعد بين العباد
لووصل بالحال طه دعى على الدنيا وفناها
شنهو ذنب القدَّمَه والله اصعب خاتمه
منين اجتكم هلرزايا
★★★★★
ليش هاي الدنيا موبرد وسلام
علحرم سهرانه زينب ماتنام
لاستر من الترابه ولاخيام
غاب اخوها حسين وي بدر التمام
اه يابنت النجابه. گضَّت الليل بخرابه
بلاكفيل ولاحمه والله اصعب خاتمه
منين اجتكم هلرزايا
★★★★★
منين اجاكم واعتنه هذا العذاب
لاكهول البقت لاظلت شباب
گمر هاشم عن سماكم وسفه غاب
ومهجة المختار ظل فوگ التراب
والعليل شلون حاله. من الأهل محد صفاله
شلون حاله مؤلمه والله اصعب خاتمه
منين اجتكم هلرزايا
★★★★★
اهدعش مر ابزينب وجاب الحزن
تختنگ لمن على الراحوا تحن
بياذنب مفجوعه تاليها وتون
لااخو الظل عدها حيف ولاابن
من بعد ذيچ الجلاله. بيها تحدي أهل الظلاله چفوفها تنزف دمه والله اصعب خاتمه
منين اجتكم هلرزايا
الشاعر حسن لعيبي الحريشاوي
أويلاه يابوعلي. نزله. وزن الحدي
اويلاه يابوعلي. اويلاه يابوعلي
انظر ولاظلت خيم
ارماد وصفت مثل العدم
هجت تره اطفال وحرم
بس العليل الهن ولي
اويلاه يابوعلي
لمن طحت فوگ الثره
چثه سليبه. اموذره
فوگ الأرض دمك جره
وبرمح راسك معتلي
اويلاه يابوعلي
زينب وحيده تلتفت
صاحت يمن عني رحت
ياخويه ريتك لو شفت
سلبوا أضعوني ومحملي
اويلاه يابوعلي
راحوا هلي كلهم ذبح
بسيوف وسهام ورمح
اظلم علَيَّّ نور الصبح
بس ليل موحش ظل إلي
اويلاه يابوعلي
بعد الدلال ام الخدر
مسبيه من كتر الكتر
ماتنوصف حال الأسر
ياهو المثلها مبتلي
اويلاه يابوعلي
احمر صفه لون السمه
حتى الحجر يبچي دمه
أكبر فجيعه مؤلمه
لوعتها أبد ماتنجلي
اويلاه يابوعلي
الشاعر حسن لعيبي الحريشاوي
نعي بحراني - بحق الحسين
أداء : احمد عزيز
كلمات : حسن لعيبي الحريشاوي
شور - بحق الحسين
أداء : احمد عزيز
كلمات : حسن لعيبي الحريشاوي
نعي بعد استشهاد الامام الحسين عليه السلام
اجن من طاح ابو اليمه ربّات الخدر يمه
وحده تسكب الدمعات وحده تنحني تضمه
وحده ناحت وصبغت هدمها من نزف دمه
وحده قبّلت نحره اهبطت من رگبته تشمه
وحده بالعويل اصيح وحده گامت تحشمه
غدن من الرعب والخوف حرمة اتلوذ بلحرمه
وزينب نادته يحسين وعليها احزانها مخّيمه
شسوي بدنيتي بعدك يبوالاكبر علي ظلمه
مني الروح كون تروح وعيني ريتها تعمه
يخدري وهيبتي ودنياي ودلالي وزودي والحشمه
يابوگلب الچبير شلون يابوالطيبه والرحمه
اضعونك علي هذا اليوم واجب صارن وذمه
من بعدك عفت روحي بحبل الصبر ملتزمه
وليالي الحزن من بعدك عليهن صرت متعلمه
الشاعر حسن لعيبي الحريشاوي
لمصاب واستشهاد الامام الحسين عليه السلام في يوم العاشر
اويلاه ياكربله اويلاه ياكربله
★★★★★
يادم على الغبره جره يانور گطّعوا منحره
وياجسد طايح علثره ماظل كتر سالم اله
اويلاه ياكربله
★★★★★
يادم جره فوگ الارض مفروض دمه ينحفظ
ارض وسماها تعترض والكون بالغيظ امتله
اويلاه ياكربله
★★★★★
دم الوصي لودم نبي من سال دم الطالبي
دم الرفض طاري السبي علرمح من يوم اعتله
اويلاه ياكربله
★★★★★
اتوسد على حر الرمل ابن النبي خير الرسل
بصدره نفذ حر النبل ابن الزچيه الفاضله
اويلاه ياكربله
★★★★★
جسمه توذر ونسلب التمت عليه ليش العرب
ياثار عدهم ياطلب وياشرع دمه حللّه
اويلاه ياكربله
★★★★★
لاناصر الظل لامدد لامن اخو لامن ولد
ماسلم حتى البلمهد بالسهم صابه حرمله
اويلاه ياكربله
الشاعر حسن لعيبي الحريشاوي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
حسين گال بكربلاء
حسين گال بكربلاء
گال لأخته بهلنداء
استعدي للبلاء آه يزينب
★★★★★
گال يازينب يبت خير العمل
ودعت بحماچ ودعت الاهل
صبري يختي شماجره اعلينه وحصل
لكل أجل حتماً كتاب الكل أجل
نايبتنه ابكربله
اعلينه يختي امسجله
عينچ على العايله آه يزينب
★★★★★
صبري يوم الطف إذا مسچ قهر
وگلبچ من الفاجعه المره انكسر
الله حاميكم اذا يلفي الخطر
والله حافظكم يبت خير البشر
تگضي هاي الموزمه
الصبر احسن خاتمه
يبت حماي الحمه آه يزينب
★★★★★
صبري يابت علي ويابت فاطمه
الله ينجيكم وحگ رب السمه
ومايمسكم شر بعد لاموزمه
عاقبتكم خير وانتي عالمه
ربچ الباري الجليل
يعوفكم لامستحيل
والخصم باچر ذليل آه يزينب
★★★★★
صح يزينب باچر يمرچ عسر
وتمشي وياچ الحراير للأسر
وعينچ تشوف الزمان المايسر
يكسر الريح الجبل ماينكسر
جبل انتي من الصبر
بوجه كل شده تمر
ولله تاليه الأمر آه يزينب
★★★★★
صح تمرچ باچر هموم السبي
وبلضعن حداي يمشي الأجنبي
صبرچ على الهظم يابنت النبي
باچر اگبالچ ذليل الناصبي
والنصر يصبح حليف
وموقف الظالم ضعيف
وموقفچ بالغربه سيف آه يزينب
الشاعر حسن لعيبي الحريشاوي
قصيدة لدفن الاجساد على طور مر بيه لوطيف
لباسم الكربلائي. حال لسان السجاد عليه السلام
يابويه رديت. من الأسر جيتك
ياشمعة البيت. تعذرني ياريتك
مااحمل احزان. ياگمر عدنان.
★★★★★
عليل بفرگتك والدهر عذبني
ودروب الأسر نيران چوَّني
أريد اوصاف إله ماينوصف حزني
اسمعك من تناديني علي يبني
يابويه چتال. فراگك على روحي
بويه انظر الحال. شگد لوعتي ونوحي
والگلب خلصان. ياگمر عدنان
★★★★★
اجيت الدفنتك حاير يبو اليمه
كون اليندفن ناس وأهل يمه
وسالم كل كتر لوگلبت جسمه
وذر يابويه جسمك لو ردت لَمَّه
لاظلت ارسوم. لاخنصر العندك
عليها العفه دوم. هلدنيا من بعدك
ريت الاجل حان. ياگمر عدنان
★★★★★
يبويه اليوم جيت بروح حيرانه
من كثر القهر. والنوح. خلصانه
من شفت الجسد ورسومه ذبلانه
يمن راسك اسير ابولية اعدانه
يلمثل عباس. كاسرني الف كسره
جسمك بلاراس. ياضنوة الزهره
يلمتت عطشان. ياگمر عدنان
★★★★★
اودعك يلچنت هلروح ترعاها
من اودعك جيت اودع الدنيا. معناها
يدنيا الروح بعدك شنهي دنياها
تبث للباري بعدك روحي شكواها
دمعاتي بالعين. متفارگ اعيوني
لمصاب الحسين. ماتغمض جفوني
وبگلبي نيران ياگمر عدنان
★★★★★
جوه التربان وسفه ادفن الجنه
شگل لأم الخدر لوناشدت عنه
دفت الماكتر سالم بعد منه
اخاف اتموت بعد الحسره والونه
متحير اشلون خوفي على خاطرها
من تسئل شلون. حاير. شخبرها
مابقوا خوان. ياگمر عدنان
الشاعر حسن لعيبي الحريشاوي
الامام السجاد عند دفن ابيه الحسين عليه السلام
يدفن حبيبه ومهجته
تعنه العليل أبلوعته
متعني مكسور الگلب
حد كربله يطوي الدرب
متعني ودموعه تصب
الله يافرگه المحب
والله اتموت فرگته
تعنه العليل بلوعته
متعني مهدود العزم
من الجسم مدري شيلم
كل كتر وصله من الجسم
ماكو معاني ولارسم
وماكو ملامح صورته
تعنه العليل بلوعته
لمن وصل يم الجسد
الطعناته ماالهن عدد
السجاد علرمله گعد
من الأمر ماكو أشد
مطحونه ينظر جثته
تعنه العليل بلوعته
معقوله ابن المرتضى
ظلوعه الشريفه مرضرضه
ونحبه على الغبره گضه
بهلحال لمن لاحظه
مخنوگ ظل بعبرته
تعنه العليل بلوعته
لاظهر ظل ولاصدر
بدوس الحوافر منكسر
بحفره نجمع نور البدر
ويلاه ناده أم الخدر
يبچي ويحشم عمته
تعنه العليل بلوعته
جيش الكدر يمك لفه
امگطع ينور المصطفى
والهم نهب ظعنك صفه
ينادي على الدنيا العفه
بعدك يگلبي وسلوته
تعنه العليل بلوعته
صعبة وأشد من الصبر
حالة گلب مثل الجمر
يدفن سمه بوسط الگبر
والجنه وسنين العمر
للباري يشكي حالته
تعنه العليل بلوعته
الشاعر حسن لعيبي الحريشاوي
مصائب العقيلة. وزن المثلث
شگد نوايب مَرَّن اعليها الغريبه
ويا أشد هاي المصايب. يامصيبه ؟
علثره عافت اخوها شلون ليله
بعد مارد الفرس عالي صهيله
لوأشد من ركبت النوگ الهزيله
صاحت الكرار ابوي منين اجيبه
لوأشد مرفوع فوگ الرمح راسه
يامنار الخير والدين واساسه
من يزيد بمخصره يضرب اضراسه
ناسي روح المصطفى حسين وحبيبه
لواشد حالات من سلبوا اهدومه
وبالجيوش الظالمه انترست الحومه
بالدِمَه ولون الثرى ذبلت ارسومه
سهام ورماح الغدر صارن نصيبه
لواشد من الشمر داس عل جسمه
من گطع نحره وهدر علگاع دمه
خنصره مگطوع والظالم. يشتمه
شلون دورات الزمن والله عجيبه
لوأشد من داسته الخيل عل صدره
كسرت ضلوعه لفتله خيول عشره
گضه نحبه بين طعنه وبين طبره
بهلشكل لمن گضه بلطف نحيبه
لوأشد من طبعوا سياط بضهرها
وبالشتم مسوا علي وحامي خدرها
والشماته نار ماتطفه جمرها.
گلب زينب بالاسر يسعَر لهيبه
الشاعر حسن لعيبي الحريشاوي
نعي لسان حال العقيلة زينب عليها السلام
حيرني الدهر يحسين
الدهر يحسين حيرني
وبدرب السبي الچتال
الف فره الوكت فرني
منين الگه گلب ينسه
شهر عاشور مرمرني
شنسه من الهظم يحسين
شنهي المايذكرني
يگلب الماخطنه اسهام
من انوح اعليك تعذرني
صارت سلوتي بالنوح
وعلى فراگك يصبرني
خطاني الموت چم مره
شوكت بغيابك يمرني
الشاعر حسن لعيبي الخريشاوي
قضية الحسين عليه السلام
ياقضية حسين اكبر من تفاصيل الكلام
حسين فكره منهجية للمحبه. والسلام
فلسفة دين اووجود ابد ماالها حدود
ياقضية حسين اكبر من تفاصيل الكلام
★★★★★
القدم الحريه بيده للاسير
والنفوس تعيش يملكها الظمير
خله ايده ابعزم علجرح الخطير
ويشعر بروحه غني خله الفقير
حسين موسوعة معارف تعبر حدود الجواب
وللوجود البيه كرامه حسين للحريه باب
ثورته إصرار وجهاد. حجة الله على العباد
ياقضية حسين اكبر من تفاصيل الكلام
★★★★★
حسين صفعة صابت الشربالصميم
حسين مبدء خطه واضح مستقيم
حسين دمعه اطفي نيران الجحيم
يعني رحمه ودين للرب الرحيم
هوه منظومة مبادئ منها يصدر كل قرار
حسين يا تفصيل شفته ماقبل يوم اختصار
حسين عنوان الحياة. من ملك هاي الصفاة
ياقضية حسين اكبر من تفاصيل الكلام
★★★★★
يامناهل خير متحدها الحدود
لخص الدين الحقيقي بهلوجود
بيّن الحريه ماتقبل قيود
ولاضياع بدين طه ولاجمود
حسين يرفض كل عبوديه وتنازل لوهوان
حسين صرخه تنبه المظلوم صرخة بكل زمان
حسين عنوان الدعاء. اليفتح ابواب السماء
ياقضية حسين أكبر من تفاصيل الكلام
★★★★★
بگلبه من الخوف بيه مية كسر
لاتطب الناس نيران الحشر
يدعي للناس التعنتله بغدر
امطوگ بهلگوم ويصلي الظهر
حسين مايرضه السكوت بيوم مرفوض السكوت
ولايهاب الموت واحد كل بشر باچر يموت
صعبه عليبقه ذليل. بعمر تاليته الرحيل
ياقضية حسين أكبر من تفاصيل الكلام
★★★★★
حسين بالطف رسم للحاضر وجود
وخنگ ريح الباطل الرادت تعود
وزمن لايرجع جهل وأيامه سود
مثل صالح مبتلي صار بثمود
هو الاجراء السريع الماقبل ذل الظروف
وكتب للعالم بدايه من نهايات الطفوف
تفوز علسيف الدماء. أعلنت من كربلاء
ياقضية حسين أكبر من تفاصيل الكلام
الشاعر حسن لعيبي الحريشاوي
حال العقيلة زينب سلام الله عليها بعد مقتل الامام الحسين عليه السلام
وينك يخويه حسين زينب تناديه
ضل وحده بالميدان تنشدمن اعليه
★★★★★★★
رد المهر للخيام.
والظهر متروس سهام
رد علزينب
المهر خالي ومتعوب.
والسرج فوگاه مگلوب
رد علزينب
من كل كتر ظهره جروح.
سابح بدم المذبوح
رد علزينب
رد المهر من الگوم.
امهبَّط الراس ومهظوم
رد علزينب
حتى الفرس مصيوب رد على الخيام
يتمايل على الگاع من كثر السهام
★★★★★★★
المهر للخيمه ايريد.
لمن اجاها من ابعيد
امجَّرح بالسيوف
ياحال مثله ياحال
عنه السرج لمن مال
امجَّرح بالسيوف
ابحال الصعب لكن صار
يادرب يگصد محتار
امجَّرح بالسيوف
چنه يصيح بلوعات
حسين يرجع هيهات
امجَّرح بالسيوف
چن الظليمه يصيح علخيمه من طاف
سبط النبي ذبحوه ماعدهم انصاف
★★★★★★★
بالخيمه تعثر واطيح.
وينك يبواليمه اتصيح
وينك يغالي
هليوم يوم الاحزان.
والگلب بعدك خلصان
وينك يغالي
تمطر على اخيمنه اسهام.
تنادي عليك الايتام
وينك يغالي
من الخيم تطفي النار.
وتدفع اخيول الكفار
وينك يغالي
صاحت يماي العين يبن الزچيه
اتفرگ شملنه اليوم بالغاصريه
★★★★★★★
بالعاشر تنادي ام عون.
عگبك يبواليمه شلون
يابوالمحنه
خلافك ولتنه الكفار.
وينك يبن حامي الجار
يابو المحنه
علغبره طَوَّلت النوم.
بعدك تولتنه الگوم
يابو المحنه
من كل كتر جتنه الگوم.
علينه يبو الغيره اتحوم
يابو المحنه
عگبك لفتنه الگوم تحرگ بالخيام
ماكو مثلهم ناس ياخويه ظِلَّامَ
★★★★★★★
لوتنهض تشوف الحال.
والله غيابك چتال
يبن الزچيه
جمر الموادع حراگ.
ماتحمل الروح افراگ
يبن الزچيه
للشام باچر ممشاي.
ماترضه يحسين ابهاي
يبن الزچيه
ياريت ماظلت روح.
اگبالي شفتك مذبوح
يبن الزچيه
للغربه راح انروح وي وادم اجناب
والشمر يحچي بزود يحديها الرچاب
الشاعر حسن لعيبي الحريشاوي
لاستشهاد الامام الحسين عليه السلام (موشح)
شنهي ذنب حسين روح المصطفى
جيش ماينعد تعناله ولفه
شنهي ذنبه الگوم لمن عادته
بالسيوف اعتنوا حزوا رگبته
بعد گطع النحر خيل الداسته
بلارحم من داسته ولاعاطفه
گلوب سوده اليوم علشر تعتزم
شعدها ضد حسين ملتمه الزلم
هلحقد عن علم لوموعن علم
وهلحقد عن جهل لوعن معرفه
عن جهل لومعرفه هذا الحقد
والمكاسب شنهي من هذا القصد
ياوكت يردون بالدنيا يرد
وياحكم يردون شكله بياصفه
شلون يردون الزمان بياشكل
بعيد عن العاطفه وعن العقل
حلم عدهم ترحل ايام العدل
شوكت نور الحق تراجع ونطفه
بدنيا ماتسوة ولامره وفت
كل ظمير انباع ونعاف البخت
حاربوا ساداتهم حد ماصفت
دنيا ظلمه وليلها موحش صفه
شنهي وجه النفع من هذا الجره
عافوا اجسوم الهواشم علثره
حسين فوگ الدوس گطعوا منحره
وزينب الراحت يسيره امچتفه
يوم بلتاريخ اسود سجلوا
وكثرة الاطماع منها شحصلوا
على الحظ الردي تالي تعجلوا
وعلنهايه الكلها شر ومؤسفه
الشاعر حسن لعيبي الحريشاوي
زينب تنادي مهر الحسين بعد رجوعه من ارض المعركة خاليا بدون الإمام الحسين عليه السلام
يمهر حسين خيَّالَك نكرته
اظن طايح بنص الگوم عفته
خالي جيت موگلبي كسرته
عويلك يامهر منكر عرفته
سرج مگلوب بس وياك جبته
وخيَّالَك على الغبره تركته
ويلي علذبيح شحالها اخته
عفتها بگلب ماتطفه جمرته
وعفتها بجفن ماتنشف دمعته
يخويه حسين موگلبي شعبته
غيابك ياشهم موهذا وكته
يحلو اطباع ماتنمل عشرته
الشاعر حسن لعيبي الحريشاوي
نعي بعد استشهاد الامام الحسين عليه السلام
اجن من طاح ابو اليمه ربّات الخدر يمه
وحده تسكب الدمعات وحده تنحني تضمه
وحده ناحت وصبغت هدمها من نزف دمه
وحده قبّلت نحره اهبطت من رگبته تشمه
وحده بالعويل اصيح وحده گامت تحشمه
غدن من الرعب والخوف حرمة اتلوذ بلحرمه
وزينب نادته يحسين وعليها احزانها مخّيمه
شسوي بدنيتي بعدك يبوالاكبر علي ظلمه
مني الروح كون تروح وعيني ريتها تعمه
يخدري وهيبتي ودنياي ودلالي وزودي والحشمه
يابوگلب الچبير شلون يابوالطيبه والرحمه
اضعونك علي هذا اليوم واجب صارن وذمه
من بعدك عفت روحي بحبل الصبر ملتزمه
وليالي الحزن من بعدك عليهن صرت متعلمه
الشاعر حسن لعيبي الحريشاوي
ثكيل - بحق الحسين
أداء : احمد عزيز
كلمات : حسن لعيبي الحريشاوي
نعي وزن الدارمي
يادهر هٌونَك ليش رَوَّعت الايتام
من بعد ذبح حسين ورماد الخيام
لا الاكبر وعباس لاباقي جسام
ونحر الطفل صاباه سهم من السهام
وضعن النبي منهوب بيه طبوا الشام
اگبر فجيعه ناس صارت بالاسلام
ماضن مثلها يصيير يوم من الايام
دارمي نعي - بحق ليلة العاشر
أداء : احمد عزيز
كلمات : الشاعر حسن لعيبي الحريشاوي
أويلاه يابوعلي. نزله. وزن الحدي
اويلاه يابوعلي. اويلاه يابوعلي
انظر ولاظلت خيم
ارماد وصفت مثل العدم
هجت تره اطفال وحرم
بس العليل الهن ولي
اويلاه يابوعلي
لمن طحت فوگ الثره
چثه سليبه. اموذره
فوگ الأرض دمك جره
وبرمح راسك معتلي
اويلاه يابوعلي
زينب وحيده تلتفت
صاحت يمن عني رحت
ياخويه ريتك لو شفت
سلبوا أضعوني ومحملي
اويلاه يابوعلي
راحوا هلي كلهم ذبح
بسيوف وسهام ورمح
اظلم علَيَّّ نور الصبح
بس ليل موحش ظل إلي
اويلاه يابوعلي
بعد الدلال ام الخدر
مسبيه من كتر الكتر
ماتنوصف حال الأسر
ياهو المثلها مبتلي
اويلاه يابوعلي
احمر صفه لون السمه
حتى الحجر يبچي دمه
أكبر فجيعه مؤلمه
لوعتها أبد ماتنجلي
اويلاه يابوعلي
الشاعر حسن لعيبي الحريشاوي
سلامي يخص ابوالاحرار (وزن التجليبه )
سلامي أيطول للمنحر
على المذبوح ابوألاكبر
شمامر الزمان ودار
سلامي يخص ابوالاحرار
على المذبوح ابوألاكبر
★★★★★
عشگتك مثل عشگ الثاكله للنوح
ومثل مجروح يعشگ لوعته المجروح
بشرايين الگلب انته وخفايا الروح
تعيش بمهجتي يلي متت مذبوح
يعيش بدمي والخاطر.
التل وليلة العاشر
من گلب استعر بالنار
سلامي يخص ابوالاحرار
على المذبوح ابوألاكبر
★★★★★
الجرح ماريده يشفه خل يضل للدوم
للصابر على البلوه. انذبح. مظلوم
وماريد الحياة بلاهواه ادوم
ويضل عاشور عندي بالعمر كل يوم
تصب ادموعي هَمالَّه
من أذكر غربة اعياله
اسلم والدمع مدرار.
سلامي يخص ابوالاحرار
على المذبوح ابوألاكبر
★★★★★
خلي يضيع عمري والعذاب يطول
واتحمل زمن كل وكته مامقبول
حياتي زيارته وبيها الفكر مشغول
نسايمها تداوي كل جرح. ويزول
كلشي زيارته ابعمري.
حياتي ومنهجي وفكري
عن فطره وعلم واصرار.
سلامي يخص ابوالاحرار
على المذبوح ابوالاكبر
★★★★★
معاني زيارته بيها وألف مضمون
خامس نور لأسباب الأرض والكون
مثل الحر اصيرن لوزهير وجون
ومثل عابس اصيرن ونحسب مجنون
يريت وهاذي آمالي.
فده هلروح للغالي
سلامي الخامس الانوار.
سلامي يخص ابوالاحرار
على المذبوح ابوألاكبر
★★★★★
لبو اليمه اضل طول العمر مشاي
للشيب الخضيب المارووه الماي
صور حرگ الخيم طول الدرب وياي
انوح بأربعينك وانتحب. مولاي
خالص لوعتي أوحزني.
وسلامي ودمعتي أو وني
لحبيب المصطفى المختار
سلامي يخص ابوالاحرار
على المذبوح ابوألاكبر
الشاعر حسن لعيبي الحريشاوي
لاستشهاد عبد الله الرضيع عليه السلام
مفطوم بسهم الاحقاد
ياخو الاكبر والسجاد
يارمز المظلوميه
★★★★★
ياشر الافعال من الميرحمون
تهتز منها الگاع يهتز منها الكون
بيه ذبح الاطفال ياحقد المدفون
من بيه رد حسين حال الام اشلون
بياحال الام تتلگاه
والدم الطاهر غطاه
يارمز المظلوميه
★★★★★
ياسهم الچتال حقد اسنين وياه
شذنبك يامظلوم بنحرك تتلگاه
ايصدع گلب حسين يتفطر خلاه
بنحرك سهم الطاح چن طايح بحشاه
مذبوح ودمك مسفوح
وياروح حسين بلاروح
يارمز المظلوميه
★★★★★
وين اهل الانصاف يشوفون المظلوم
طفل وست اشهور عمره المامفطوم
بسهم الشر مذبوح ومن المي محروم
لاغيره وايمان ولارحمه ابهلگوم
لادين اليقبل واعراف
اليذبح جنه بياانصاف
رمز المظلومية
★★★★★
يامذهب يادين وياحكم وقانون
يحرمون الاطفال من الماي يشربون
طفل الراد الماي بسهم الشر مطعون
توضح زين الحال ثارات يطلبون
چم ثار يطلبون وثار
ذبحوا ثمرات الكرار
رمز المظلومية
★★★★★
يحسين يطلبون عدهم لازم ثار
ثارات الاجداد من سيف الكرار
سيف الحق من صال وداهم للنار
واتنوح النسوان خلاها بكل دار
جدك ياعبد الله هناك
بماي الكوثر يتلگاك
يارمز المظلوميه
الشاعر حسن لعيبي الحريشاوي