1638
هذه القناة تتضمن قصائد واشعار ولائية وحسينية في مدح ورثاء ال البيت الاطهار
لسان حال فاطمة العليلة
انا العليلة والوكت ارتاح ما خلاني
وكت اليفرحني مشه وكت المدامع جاني
أنا العليلة
انا العليلة
★★★★★
اتعذبت وتحيرت وتلوعت بعتابي
لمن مشوا عني أبعدوا چنهم سعوا بمصابي
محد سئل من الاهل شنهي الحصل بحبابي
انا العليله اتلوعت محد دره ابلوعاتي
ياطارش يروح الهلي ويشرح جمر چوياتي
انا العليله
انا العليله
★★★★★
بدار الحزن ضليت أون إلهم أحن واتعذب
سيف الهظم حز العظم زاد الظلم وتشعب
بلهم طحت وتمحنت عمه صحت يازينب
انا العليله الياوكت تمطر جروح جروحي
لكلشي نهايه وانتظر ماكو نهايه النوحي
انا العليله
انا العليله
★★★★★
ايام العمر وحشه تمر گلبي جمر من همي
لامن أكو عم واخو لامن أبو ولا أمي
وبحسرتي وبغربتي لاراحتي ولاعزمي
انا العليله من هلي بدار الحزن خلوني
زين ويضل من البچي شوف وضوه بعيوني
انا العليله
انا العليله
★★★★★
حال الگلب كلش صعب وحال الغرب خلوني
صعب السهل عگب الشمل عيوني تهل اعيوني
همه الضوه وشم الهوه الجرحي دوه وعافوني
ايردون ياساعة الأهل والله الصبر تعبني
ماهمني ياذيني المرض فراگ الاهل كاتلني
انا العليله
انا العليله
★★★★★
بغربه صرت من الوكت بيكم چنت اتگوه
هموم الزمن كلهن لفن مثل المحن والبلوه
حال السعد عني أبتعد وعمري بعد مايسوه
أمودع الله يافرح بالك تمر أبابي
ماحاجه تتعنه وتجي راحوا أعز أحبابي
انا العليله
انا العليله
الشاعر حسن لعيبي الحريشاوي
نعي عن العقيلة زينب عليها السلام
تديير العين زينب وين اهاليها
تنادي ولايرد واحد يحاچيها
شحال الحرمه من يروح واليها
اتهز أجبال ونتها ونواعيها
عيون ام عون مَرَدِّهَا بواچيها
وسوده الدنيا صارت كل نواحيها
اتباري ايتام فوگ الماجره اعليها
حيل على المباره مابعد بيها
غربه وشام مامعلوم تاليها
بعد اهل الكفاله من يحاميها
شامت بالشماته الوكت لافيها
شبعد ويلات بالدنيا يراويها
العمر شيفيد من راحوا غواليها
الياحد الوكت ها گد يجافيها
وعمد لهل الشماته اصبح يوديها
وذباح الاهل بالدرب حاديها
ساعات الدرب بالون تگضيها
بردنها تمسح الدمعه وتغطيها
ضجت كربله ومخسوف واديها
لحسين الارض ناحت رواسيها
هاي ام الحزن ياهو اليعزيها
بت حامي الحمه مذبوح حاميها
الشاعر حسن لعيبي الحريشاوي
بصوت. مسلم المطيري
وين الأنتظار ولوعة المضطر
على الغايب يعجل طلعته ويظهر
كلمات الشاعر
حسن لعيبي الحريشاوي
في بطولات مسلم بن عقيل عليه السلام (وزن المثلث ثلاث ارباع الشيعتي )
عالم وصابر مجاهد مسلم وعارف جليل
بدر من نور الهواشم غصن من شجرة عقيل
هذا مسلم
من تقدم
مايهاب المستحيل
★★★★★
حسين يدري المسلم اتلوگ السفاره
ويدري مسلم عالم ابمعنى العباره
ونال كل هاي المعارف عن جداره
فكر وايمان ومصاديق وإداره
ارسله حسين ويريده والي للكوفه وسفير
للمهمه الصعبه جاهز لهلامر مسلم جدير
هذا مسلم
من تقدم
مايهاب المستحيل
★★★★★
تعجز الكلمات تعريف ابخصاله
هذا مسلم وفه واخلاص وبساله
گصد للكوفه ووصل يحمل رساله
يهدي هاي الناس من درب الضلاله
وصل لهل الكوفه مسلم ناصح بقول السليم
مثل نهج حسين نهجه عالم ومصلح حكيم
هذا مسلم
من تقدم
مايهاب المستحيل
★★★★★
من مناهل هاشميه واهل نخوه
بالمكارم والتسامح دوم قدوه
من نسل توحيد من معدن نبوه
اسلاحه كلمه والبلاغه سيف قوه
حَيَّر اجيوش الاعادي بالتحدي والثبات
بعد ماوضح الغايه الهم ايريد النجاة
هذا مسلم
من تقدم
مايهاب المستحيل
★★★★★
خانوا اعهود الامس تبعوا الباطل
بالصدود الجافي نكروها الرسايل
تحت رايه مسلم اتسيير الجحافل
انعاف تالي وحده بالحومه يقاتل
العتب سدوا ابوابه حتى لوبيهم يلوم
انباعت ابساع الظماير للطمع گامت تحوم
هذا مسلم
من تقدم
مايهاب المستحيل
★★★★★
عينه مشبوحه تصد لارض المدينه
لبو اليمه من يوَصلَّه الخبر وينه
يگله خانوها العهود اهل الضغينه
خايف على حسين ماواحد يعينه
هاي آخر ساعه بيها صابته اسيوف وسهام
باالاسر مسلم ينادي اعليك يحسين السلام
هذا مسلم
من تقدم
مايهاب المستحيل
الشاعر حسن لعيبي الحريشاوي
وين الانتظار (وزن تجليبه )
وين الانتظار ولوعة المُضْطَر
على الغايب يِعَجَّل طلعته ويظهر
★★★★★
استاهل عذابي ولوعتي ونوحي
غافل عن حبيبي اليدري بجروحي
العهد وينه ودعاء الندبه ياروحي
اذا تردين روح الغانمه يحضر
★★★★★
التعجيله يروحي گالت الاخبار
الصلاة على النبي وآل النبي الاطهار
وزيدچ راي لا رايچ يضل محتار
الواقع بالتمني شلون يتغَيَّير
★★★★★
وسلامچ وين كل مصباح للقائم
ونصرة دولته وكون العهد دايم
يجول بدولته ومتنعم الظالم
ملاها الدنيا طغيان وعذاب وشر
★★★★★
من بحر الضلاله وأزمتي رايد
نجاتي وما اهاب الظالم الحاقد
وهذي من صفات الناصر القائد
ويريد بمنهجه وبعلمه اتنَوَّر
★★★★★
ابد ميريدني طول العمر حاير
ولا الوم السنين وكل زمن عاثر
بعزم ابني حياتي وانتظر باچر
وماصيرن سبب لوعني يتأخر
الشاعر حسن لعيبي الحريشاوي
گالولي محزون عمرك خلص هم
اداء ولحن ملا حسين الفرطوسي
الشاعر حسن لعيبي الحريشاوي
گالولي محزون (وزن خايف عليها )
گالولي محزون عمرك خلص هَمْ
گلتلهم أسباب لوعة مٌحرَّم
★★★★★
من زغري مهموم ودموعي بالعين
من أهَلِي يحچون بمصاب الحسين
زينب بالعيال تنطي الوجه وين
شخلت بالحمول نار المُخيَّم
★★★★★
من زغري صَدَّيت اهلي يروحون
وبمجلس حسين چانوا يلطمون
والطم مثلهم للباري ممنون
وبصدري لواشوف يتوشح ابدم
★★★★★
گالولي يايوم ياساعه ترتاح
گلتلهم شلون يالوعه تنزاح
بمصاب الحسين مني الفكر راح
اعليه هجمت الخيل وصدره تِهَشَّم
★★★★★
ياضعن الحسين يم شامت يفوت
أيعذب الروح كل ون بلاصوت
هَلوَّعه بحشاي من صغري للموت
من حال الطفوف حيلي تِهدَّم
★★★★★
ماانسه هيهات حد المنيه
بالْمَر على حسين بالغاضريه
بت حيدر شلون راحت سبيه
ليل السبي احزان والصبح أَظلَمْ
الشاعر حسن لعيبي الحريشاوي
لاتهل دمعه الدنيَّاك (وزن ميمر )
لاتهل دمعه الدنيَّاك لحسين ظُم ادموعك
★★★★★
گلبك حسيني خل تصير احزانه
مثل المُخيَّم من توج نيرانه
ماتسوه دنيا فانيه وخلصانه
خل البچي لجل حسين ونار الخيم بضلوعك
★★★★★
مدري دمع مدري الگلب يتگطع
من النواظر مدري روحي التِطلَع
من اذكر جسد بسيوفهم يتوزع
ياجيش قاسي وغدَّار من ياطبايع نوعك
★★★★★
هَدَّوا عليه بسيوف يوم العاشر
سيف اللئيم وسيف للحق ناكر
من ناده ابوالسجاد هل من ناصر
داروا عليه مثل السيل الگالوله احنه ادروعك
★★★★★
فَرقَّوا دين الله بغدر لَمتَّهٌم
وگطعوا چفوف بوكت عازه نطتهم
بسابع ظَهَر هاي الاحقاد العدهم
وادم تحب لون الليل ما تحب نور شموعك
★★★★★
مولاي يابواليمه هاي احزاني
للدوم ماانساها لاتنساني
للموت حبك والدمع عنواني
مولاي يابوالسجاد ايبچي الصخر موضوعك
الشاعر حسن لعيبي الحريشاوي
في حب الامام الحسين عليه السلام
حد الموت خدام وموالين
أبد والله ماننساك يحسين
★★★★★
لبو السجاد حد الموت خدام
شما مرت ليالي ومرت ايام
حب حسين هو معنى الاسلام
وحگ الذاريات وال ياسين
أبد والله ماننساك يحسين
★★★★★
يمأسس فكر يلصانع أمجاد
بدونك لا تظن الدنيا تنراد
روح الروح حبك يا ابو السجاد
يا غالي علينا ابن الميامين
ابد والله ماننساك يحسين
★★★★★
يلحبك سكن بالروح والذات
ما ينوصف بالچلمات هيهات
تعجز كل قواميس وعبارات
لهذا السبب بيك احنه مجانين
ابد والله ما ننساك يحسين
★★★★★
يا شمس الضحى ويا گمرة الليل
هويتنا محبتك جيل عن جيل
يبن بيت التبارك بيه جبريل
يا ابو السجاد يا مجمع النورين
ابد والله ماننساك يحسين
★★★★★
مثل الهيمه گلبي يعيش مهجور
من دونك ينور اليشع من نور
شما بينا يمر الزمن ويدور
تظل بگلوبنا لحبك نياشين
ابد والله ماننساك يحسين
★★★★★
تفك قيود عنه وتكسر اغلال
يا فخر العقيده ومصنع ابطال
بوصفك يا عباره وچلمه تنگال
توصفك يا قصيده ويا دواوين
ابد والله ما ننساك يحسين
الشاعر حسن لعيبي الحريشاوي
گالولي محزون (وزن خايف عليها )
گالولي محزون عمرك خلص هَمْ
گلتلهم أسباب لوعة مٌحرَّم
★★★★★
من زغري مهموم ودموعي بالعين
من أهَلِي يحچون بمصاب الحسين
زينب بالعيال تنطي الوجه وين
شخلت بالحمول نار المُخيَّم
★★★★★
من زغري صَدَّيت اهلي يروحون
وبمجلس حسين چانوا يلطمون
والطم مثلهم للباري ممنون
وبصدري لواشوف يتوشح ابدم
★★★★★
گالولي يايوم ياساعه ترتاح
گلتلهم شلون يالوعه تنزاح
بمصاب الحسين مني الفكر راح
اعليه هجمت الخيل وصدره تِهَشَّم
★★★★★
ياضعن الحسين يم شامت يفوت
أيعذب الروح كل ون بلاصوت
هَلوَّعه بحشاي من صغري للموت
من حال الطفوف حيلي تِهدَّم
★★★★★
ماانسه هيهات حد المنيه
بالْمَر على حسين بالغاضريه
بت حيدر شلون راحت سبيه
ليل السبي احزان والصبح أَظلَمْ
الشاعر حسن لعيبي الحريشاوي
ابوذيات
يراس الفخر وسفه برمح تنشال
چف الشالتك ياريت تنشال
جروح الطف غميجه شلون تنشال
يضل جرحي وعذابي للمنيه
شكثر تحمل قهر روحچ عفاها
الوكت مايوم يازينب عفاها
الدنيا اتبَطَّرَتَ واضح عفاها
يوم الخلتچ بلطف سبيه
الشاعر حسن لعيبي الحريشاوي
هذا شهر اِلمْحَرَمْ (وزن تجليبه )
عَرَفتَّه جروح ماتنِظَم
هذا شهر اِلِمحَرَمْ
لفه روحي
★★★★★
مثل حال الغريب ونار بضلوعه
ولاهوه مثل كل يوم موضوعه
وجفنها العين نار وتمطر ادموعه
ومثل وَنَّة مفارگ ونتي مسموعه
عرفته من وِلاَني الهم
هذا شهر المحرم
لفه روحي
★★★★★
الدنيا من شفتها بعيني مختلفه
ولاروحي زمنها الچانت اتعرفه
بحيره الروح وايام التجي كلفه
وهذا الصار موعارض ولاصدفه
ومنه الحَيل يتهدَّم
هذا شهر المحرم
لفه روحي
★★★★★
أجه شهر الرزايا والحزن والهم
جسوم امگطعه ومنها يسيل الدم
عويل ونايحه ونيران المٌّخَيَّم
غيم الحزن بِيَّه يرعد اتلملم
معناها نهار أظلَم
هذا شهر المحرم
لفه روحي
★★★★★
لفه روحي الحزينه وماجفه عنها
انطاها النوح والراحه أخذ منها
وَنَّي على السبية المابطل وَنَّها
دواهي السود ماشة جمر سَووَّنها
ياريت العمر ماتم
هذا شهر المحرم
لفه روحي
★★★★★
عرفته الوكت شنهي الغَيَّر الوانه
ونشرها على الارض ماتنخفي احزانه
بشريان الگلب حَسيَّت نيرانه
معروف الشهر من شكل عنوانه
جرح للموت مايلتم
هذا شهر المحرم
لفه روحي
الشاعر حسن لعيبي الحريشاوي
قصيدة بحق ابا الفضل العباس عليه السلام
منك اتعلمت يابوفاضل
مااهاب ولا اخاف الباطل
★★★★★
تعلمت منك اذا يلفي العسر
بجدمي ادوس الباطل وماانكسر
وظهري معبر يصفه للخوه وجسر
ومااغض النظر عن العايل
★★★★★
تعلمت منك يسبع الگنطره
مااعيش بروح دوم امحَيَّره
الدنيا ماابيعَن لجلها الاخره
دنيا عنها البشر باچر راحل
★★★★★
علمتني الموت ينطيني الحياة
وميت المهزوز ماعنده ثبات
علمتني بحب ابو اليمه النجاة
وعلى هذا الحال اضل متواصل
★★★★★
علمتني العزم امضى من الجسد
ولايهزه ابطال لوكثرة عدد
والحياة بدون معنى للابد
بلاحسين وتعب ماتستاهل
★★★★★
علمتني يبو الغيره والوفه
التضحيه محلاها لال المصطفى
وعلى الدنيا بعد ابو اليمه العفا
بغير حبه مايشغلك شاغل
★★★★★
منك اتعلمت ياراعي الشِيَم
ماابيع الدين لا اعوف القِيَم
عالم انته وجود من بيت الكرم
يخو زينب والنعم ياكافل
الشاعر حسن لعيبي الحريشاوي
عساكر دارت على حسين (شوط كربلائي جناس )
هذا الي يحد اسيوف ذاك اسهام باريها
عساكر دارت على حسين أبد متخاف باريها
★★★★★
روايه للطفوف هناك گوم أقره يراويها
الوكت وي عتره الهادي مصاب شگد يراويها
الطف ولارِوَّت يحسين من دمك يراويها
صدگ طايح يبواليمه
عليه الگوم ملتمه
سيوف الگطعت جسمه
وتحز نحره بواترهم أكلوب الحقد عاميها
★★★★★
أنته الماخطه نهجك وعن درب النبي مازال
ايَّعَمُر چفك الثابت ولعهود النبي مازال
شماجانت مقاصدهم گلبك علنهج مازال
ناس الرادت الظلمه
وإلهم رايد الرحمه
وادم خانوا الذمه
ومتميز الغلط والصح هاي الوادم أشبيها
★★★★★
زينب نادته منك نشبع شوف خلينه
بياصوچ التفارگنه وعهد البيه خلينه
يبن امي على گبرك گلوب تنوح خلينه
بعد ماترجع العشره
يلي فرگتك مره
وحگ الهادي والزهره
وحگ المرتضى عيوني حد موتي بواچيها
★★★★★
لدمك وگفت الافلاك من ضل علترب جاري
يلرايح لفاني النوح سكن روحي وصفه جاري
اصبرت يبن أمي بغيابك لان حكم القدر جاري
أسووت جمرة اغيابك
يخويه ولوعة امصابك
صعبه من اوصل لبابك
واتذكر خليه الدار فُرغَت من اهاليها
★★★★★
حَضَّر لوعتي دهري وروحي للحرب عَدَّها
شَتحَمَل حرب منه وياروحي اشبگه عدها
جروح اهواي عگب حسين مثل عد النجم عَدَّها
الدهر مهظومه خلاني
الدرب الشام وداني
عگب اعيون ولياني
ادري الوكت ياذي الروح يم شامت يوديها
الشاعر حسن لعيبي الحريشاوي
لسان حال العقيلة زينب تخاطب اباها امير المؤمنين علي عليه السلام (وزن الفايزي )
يابويه حيدر ضاگت الدنيا عليه
التموا على حسين الخلگ بالغاضريه
هلخلگ صوبيين بويه
داروا على حسين بويه
التموا على حسين الخلگ بالغاضريه
★★★★★
هدوا بالسيوف الاجو يابويه آلاف
صلفيين مابيهم رحم لاعدهم انصاف
وحده عزيز الطاهره علغبره ينعاف
ياريت ماصار الجره وبالعين ينشاف
لاشافت العين بويه
داروا على حسين بويه
التموا على حسين الخلك بالغاضريه
★★★★★
كل واحد يريد الغنيمه براس الحسين
وكت البدور على الارض طاحوا مطاعين
اطفال ضلوا بالرعب والحال موزين
افزعلي ياحامي الحمه انطي الوجه وين
لا الف وألفيين بويه
داروا على حسين بويه
التموا على حسين الخلگ بالغاضريه
★★★★★
انظر يبويه الغربتي ولحالتي شلون
ثارات منك ياعلي چنهم يطلبون
ناوين من ولدك ولاواحد يخلون
طحنه بخلگ كلهم ضغينه ومايرحمون
والباعوا الدين بويه
داروا على حسين بويه
التموا على حسين الخلگ بالغاضريه
★★★★★
بخيامنا انظر ياعلي وجت النيران
اصحاب الحسين اتذبحوا وبدور عدنان
رضوا عزيزك بالحوافر مات عطشان
مليت من نار الصبر والگلب خلصان
انطر گلبي نصيين بويه
داروا على حسين بويه
التموا على حسين الخلگ بالغاضريه
★★★★★
سيفك ارواح اجدادهم وداها للنار
بكل دار خليت النوايح تون كل دار
هليوم يابويه أجوا بوجوهم ثار
ذبحوا اولادك بلطفوف اكبار وصغار
عگب الميامين بويه
داروا على حسين بويه
التموا على حسين الخلگ بالغاضريه
الشاعر حسن لعيبي الحريشاوي
في حب سيد الشهداء عليه السلام
أذا موللشهيد حسين وعياله
المن يادموع. العين همَّالَه
★★★★★
ياروحي إذا مو للشهيد حسين
المن چا بعد محتاره وتنوحين
من العين تسچب كون مية عين
وانوحن للغريب النهبوا ارحاله
★★★★★
بس لحسين تسوه دمعتي ونوحي
وفوگ الحد تصير وتكثر. اجروحي
يبو الاكبر فداك اهلي وفده روحي
مصابك بالگلب. لوعاته. چتاله
★★★★★
جروح الماتهيد بگلبي المكسور
بهجمات المصاب مهدمات السور
گبل عاشور لوعاتي وبعد عاشور
وبعاشور أعيشن شوغة اهواله
★★★★★
بعشر خيول جسمك علارض مطبوع
وراس الحگ تهشم. علرمح. مرفوع
اذوبن من اشوفن حالك المفجوع
واصيحن آه. يبو السجاد واحواله
★★★★★
العمر منذور للدوم العمر منذور
بحب حسين دمي للمنيه ايفور
عرفت نفسي صدك يوم اعشگت عاشور
جميله شگد عليه. وخيره وافضاله
★★★★★
تنادي ام الخدر وبعبره مخنوگه
ضعاينه انسبت. وخيام محروگه
السمه ياريت فوگ الگاع مطبوگه
ولابيك الجره ولاشفنه هلحاله
★★★★★
أون للطاهره. البلخيم مهظومه
انچفت للگاع هاي الخيم مهدومه
يبن امي تنادي طالت النومه
وابن زياد. خويه هجمت ارجاله
الشاعر حسن لعيبي الحريشاوي
يا ايران
انتم صوت الحق القادم
انتم من انصار القائم
شگد مارايد يعلَه الباطل
ويحكم هاي الدنيا الجاهل
ينذل لازم صوت العايل
وصوت الخايف والمتخاذل
والحق هو الحل الدايم
الخامنئي ياصوت الضارب
مسدد بالله من كل جانب
وبأنفاس الحِجَّه انت الغالب
بأييد وكلمه إنَّصرَك واجب
ياغِيره ويانخوه وعالِم
الخامنئي وَفَّه اعهوده
جنود الحق للموت اجنوده
على اسرائيل بعزمه وزوده
سَوَّه الدنيا اعليهم سوده
سوده الدنيا بوجه الظالم
هز اسرائيل ومابيها
وامريكا الگالت نحميها
بعون الله الباري يمحيها
لكل ظالم عبرة ايسوويها
انتم جيش النخوه الحازم
اسرائيل الشر وناموسه
حالتهم صعبه وميئوسه
خطتهم گالوا مدروسه
ايران من الشر محروسه
رَدَّها الغالب دوم وحاسم
الشاعر حسن لعيبي الحريشاوي
يوم ذبحوا مهجة الزهرة البتول ( موشح )
يوم ذبحوا مهجة الزهره البتول
هلمصيبة الماتهون على الرسول
واحسيناه
واحسيناه
★★★★★
هلعساكر بيهم اثلاثين الف
والنوايا سوده أبد ماتختلف
صارت الاحزاب بالعاشر حلف
بمنهج الهادي النبي ماتعترف
على الذبحوا سلوة الهادي شگول
هلمصيبة الماتهون على الرسول
واحسيناه
واحسيناه
★★★★★
هلمصيبة الماتهون على النبي
ينگطع راس الشريف الطالبي
ارحاله منهوبه وحريمه تنسبي
ويحرگ خيامه اللئيم الناصبي
والعساكر علخيم گامت تجول
هلمصيبة الماتهون على الرسول
واحسيناه
واحسيناه
★★★★★
وبعزم شيطاني مرفوعه السيوف
لغاية الشر چان لمتها الالوف
ينگطع نسل النبي بيوم الطفوف
گوم مد البصر والينه يشوف
من الارض دين النبي رادوا يزول
هلمصيبة الماتهون على الرسول
واحسيناه
واحسيناه
★★★★★
وبجمع معلوم معروف الگصد
جابهم غيظ الامس اهل الحقد
صف يرامي اسهام والثاني يهد
گوم عن راي الظلاله ماترد
غير ذبح حسين ماعدهم حلول
هلمصيبة الماتهون على الرسول
واحسيناه
واحسيناه
★★★★★
كل دوه لگلوبنه لامايصح
كل جرح ملچوم بيه مية جرح
ياعشيرة الي گظوا كلهم ذبح
كسر بالاسلام ابد ماينصلح
شمايمر بيها الزمن حسبه تطول
هلمصيبة الماتهون على الرسول
واحسيناه
واحسيناه
الشاعر حسن لعيبي الحريشاوي
عنّ ارقيّه أُوگف سَل ابُوها
اشكِثر نور ابوَجِهها سلّه ابُوها
الترَاچي الّي بذِنها سلّبُوها
وبچَت مابطِّلَت حَد المِنيّه
مجموعة القصائد الحسينية لشهر محرم الحرام ١٤٤٧ هـ
للشاعر لقمان لعيبي البدران
على قناة التليگرام .
/channel/lukmanbdran1970
وين الانتظار (وزن تجليبه )
وين الانتظار ولوعة المُضْطَر
على الغايب يِعَجَّل طلعته ويظهر
★★★★★
استاهل عذابي ولوعتي ونوحي
غافل عن حبيبي اليدري بجروحي
العهد وينه ودعاء الندبه ياروحي
اذا تردين روح الغانمه يحضر
★★★★★
التعجيله يروحي گالت الاخبار
الصلاة على النبي وآل النبي الاطهار
وزيدچ راي لا رايچ يضل محتار
الواقع بالتمني شلون يتغَيَّير
★★★★★
وسلامچ وين كل مصباح للقائم
ونصرة دولته وكون العهد دايم
يجول بدولته ومتنعم الظالم
ملاها الدنيا طغيان وعذاب وشر
★★★★★
من بحر الضلاله وأزمتي رايد
نجاتي وما اهاب الظالم الحاقد
وهذي من صفات الناصر القائد
ويريد بمنهجه وبعلمه اتنَوَّر
★★★★★
ابد ميريدني طول العمر حاير
ولا الوم السنين وكل زمن عاثر
بعزم ابني حياتي وانتظر باچر
وماصيرن سبب لوعني يتأخر
الشاعر حسن لعيبي الحريشاوي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
هذا شهر المحرم
اداء ولحن ملا حسين الفرطوسي
الشاعر حسن لعيبي الحريشاوي
هذا شهر اِلمْحَرَمْ (وزن تجليبه )
عَرَفتَّه جروح ماتنِظَم
هذا شهر اِلِمحَرَمْ
لفه روحي
★★★★★
مثل حال الغريب ونار بضلوعه
ولاهوه مثل كل يوم موضوعه
وجفنها العين نار وتمطر ادموعه
ومثل وَنَّة مفارگ ونتي مسموعه
عرفته من وِلاَني الهم
هذا شهر المحرم
لفه روحي
★★★★★
الدنيا من شفتها بعيني مختلفه
ولاروحي زمنها الچانت اتعرفه
بحيره الروح وايام التجي كلفه
وهذا الصار موعارض ولاصدفه
ومنه الحَيل يتهدَّم
هذا شهر المحرم
لفه روحي
★★★★★
أجه شهر الرزايا والحزن والهم
جسوم امگطعه ومنها يسيل الدم
عويل ونايحه ونيران المٌّخَيَّم
غيم الحزن بِيَّه يرعد اتلملم
معناها نهار أظلَم
هذا شهر المحرم
لفه روحي
★★★★★
لفه روحي الحزينه وماجفه عنها
انطاها النوح والراحه أخذ منها
وَنَّي على السبية المابطل وَنَّها
دواهي السود ماشة جمر سَووَّنها
ياريت العمر ماتم
هذا شهر المحرم
لفه روحي
★★★★★
عرفته الوكت شنهي الغَيَّر الوانه
ونشرها على الارض ماتنخفي احزانه
بشريان الگلب حَسيَّت نيرانه
معروف الشهر من شكل عنوانه
جرح للموت مايلتم
هذا شهر المحرم
لفه روحي
الشاعر حسن لعيبي
حسين هاذي رايته المرفوعه ( موشح)
حسين هاذي رايته المرفوعه
على الگبه اتسولف بموضوعه
★★★★★
جينه ننشد ليش أسود لونها
وبالدموع الشيعه يتلگونها
والزچيه البچي امذبل اعيونها
ولبچيها الشيعي حمره ادموعه
★★★★★
رايه فوگ الگبه للمعنى مثال
تجزي عن القول واحزان السؤال
بيها قصة تنصدع منها الجبال
اي وحگ بت فاطمة المفجوعه
★★★★★
راية حمرة اتبدلت راية سواد
تحچي قصة ثار بعده بلاحصاد
وبحزنها توشحت سبع الشداد
وبينه من هذا الحزن چم لوعه
★★★★★
رايه تحچي عن نوايب كربلاء
على الشافوا باالارض اصعب بلاء
وعن عطش اطفال بلطف ابرياء
وعن ذبيح امهشمات اضلوعه
★★★★★
راية الحق بأسم رب العالمين
راية ضد اهل الظلم والظالمين
على نهجك قسم نهتف ياحسين
وبچفوف الكافل المگطوعه
الشاعر حسن لعيبي الحريشاوي
انت الحسين ثورة لاتنتهي(موشح ملمع)
(أنت الحسين ثَورةٌّ لاتنتهي)
(انت الحسين ثورة لاتنتهي)
★★★★★
شگد علينه امسوي يلغالي جميل
ولمحبتك گلب كل عاشگ يميل
بالمشاعر عايش وإلهن دليل
(تلك الحنايا قائمات بِهِ)
(انت الحسين ثورة لاتنتهي )
★★★★★
ظلم واستعباد ميريد الحسين
ثورة الاصلاح ضد الظالمين
غَيَّر ابصبره مفاهيم السنين
(ليوم يغدو الامر كالروض البهي)
(انت الحسين ثورة لاتنتهي)
★★★★★
انت مصباح الهداية والكمال
من جمالك يطلب العالم جمال
ثورتك يبن النبي اقدس مثال
(يومك لم يأتي الوغى بمثله)
(انت الحسين ثورة لاتنتهي )
★★★★★
انت معنى للوجود ولليقين
واحد من اعجاز رب العالمين
غِزَهَ گلوب الناس حبك ياحسين
(بحبك الاملاك أمست تزدهي)
(انت الحسين ثورة لاتنتهي )
★★★★★
يلي حبك وين توسعله حدود
صار مثل انفاسنه ومثل الوجود
الك كل ثوره حقيقية تعود
انت المضحي للهدى بنحره
انت الحسين ثورة لاتنتهي
الشاعر حسن لعيبي الحريشاوي
لاستشهاد الامام الحسين عليه السلام (نصاري ) تصلح نعي اومنبرية
انجلت ياوادم الغبرة بلطفوف
اعيون المرتضى امگطع بالسيوف
وگمر مصيوبه عينه بيمن يشوف
وسبايا والعليل بحبل مچتوف
★★★★★
الغبره ,انجلت صار المنظر ايلوح
لن سبط النبي علغبره مطروح
خيول اعتلت جسمه تلفي وتروح
زينب لاتظن بحسين مجروح
★★★★★
زينب لاتظن مجروح ويگوم
جسمه على الثرى بالخيل مهشوم
لاجرح اليطيب أنچان ملچوم
برض الخيل أبد ماظلت ارسوم
★★★★★
ماعدهم رحم مابيهم إسلام
گوم اتحزموا علباطل احزام
على صدر ابو اليمه تمطر اسهام
ومن بعد السلب حرگوها الخيام
★★★★★
عجب بسيوف مرفوعه يهدُّون
الگبل غير الهزيمه مايعرفون
لوما القدر خلاهم يطيحون
بحسين وعضيده مايمرون
الشاعر حسن لعيبي الحريشاوي
يانفس من بعد الحسين هوني لسان حال ابا الفضل العباس عليه السلام المستهل ارجوزة ابا الفضل العباس عليه السلام في واقعة الطف (وزن ميمر )
(يانفس من بعد الحسين هُوني )
(وبعده لاكنتي اوتكوني)
(هذا حسبن وارد المنون)
(وتشربين بارد المَعينِ )
★★★★★
ياروحي من بعد الحبيب الطاهر
ماريد عمري ولاسلامة باچر
محله المنيه وهله بيوم العاشر
نحري فداه ومهجتي وعيوني
(يانفس من بعد الحسين هُوني )
★★★★★
روحي لبو السجاد روحي افديها
جيوش التجيني بيمنتي افنيها
بكووس المنايا هلعده اسگييها
من المشرعه لورادوا ايمنعوني
(يانفس من بعد الحسين هوني)
★★★★★
لوالف مره انذبح واتگطَّع
عن نصرتك مولاي ابد ماارجع
بارض الطفوف الجسم لويتوزع
محد يَغَيَّير بالعشگ مضموني
(يانفس من بعد الحسين هوني)
★★★★★
للنهر گاصد جربتي أمليها
وعيال ابوالسجاد ماي أسگيها
ماتوگف بوجهي الجيوش ادريها
ابن الصميده حيدر ايعرفوني
(يانفس من بعد الحسين هوني)
★★★★★
خلها السيوف شماتسوي ابحالي
وخل الاعادي شماتصيير أگبالي
سالم ابوالسجاد كل آمالي
بخيولهم ميهمني لو رَضوَّنيَ
(يانفس من بعد الحسين هوني )
الشاعر حسن لعيبي الحريشاوي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
اجمل قصائد محرم كذلك يوجد قصائد شور
/channel/muhamed11117
{عتاب مع سنة 61 للهجرة }
واحد وستين يلگلچ كدر
ياسنة لوعات وهموم وقهر
واحد وستين للهجره جرح
صدفه مضمونچ تصَوَّر لوقَدَر
★★★★★
واحد وستين ايامچ محن
شلون مدري شلون عن زينب گضن
حسين چان السلوه من بعد الحسن
فارگتهم أثر من بعد الاثر
★★★★★
ليش مختلفه ولامثلچ شكل
بس نوايب جَيَّتْچ ماتنحمل
ايامچ الصعبات مابيهن سهل
علغريبه الودعت شمس وگمر
★★★★★
ياسنة شوغات. ياريتچ حلم
مقصدچ حيل العقيله ينهدم
من الهظم والظيم ظلت بس رسم
ياگلبها ام الخدر حيف انكسر
★★★★★
ليش زينب من بعد ذاك الخدر
تحدي بيها الگوم بدروب الاسر
شبعد عندچ من عذاب ومن غدر
شافت من الصار ماشافه بشر
★★★★★
بمجلس الطاغي صدگ زينب تطب
بس زجر عدوان بديار الغرب
عفيه بس شوغات يحمل هلگلب
ياهو يوصل يم علي بهذا الخبر
★★★★★
كل شهورچ ظيم وايامچ دمع
بيت بأفعال الخوارج ينفجع
ياسنه الخلت شملهم ينصدع
جَيَّتْچ لم الخدر كسرت ظهر
الشاعر حسن لعيبي الحريشاوي
في ايام محرم
شفت بيه شكثر تغيير حالي غير حال يصير
أشوف الدنيا واقع طف
عدها شكثر اتوقف
حالي غير حال يصير
★★★★★
اشوف حسين يتقرب
على الناس ويخاطبهم
يذكرهم عطايا الرب. .
بنعيم الرب يذكرهم
رغم احقادهم تلهب
يريد حسين يصلحهم
اهل الحقد واهل السب
مثل جده يعاملهم
خلاني اگولن وين
العالم يلگه مثل حسين
شاغل كلبي والتفكير
حالي غير حال يصير
★★★★★
اصحابه مابقه منهم بعينه الموقف ايشاهد
واخوه على الجرف طايح ماشارب عذب بارد
اهل بيته ضحايا اتروح ودخان الخيم صاعد
طفله بالحظن مذبوح لاچن موقفه واحد
لجل الدين والاصلاح
ماهمه نزف لوطاح
بدمه من كتب تعبير
حالي غير حال يصير
★★★★★
اجاهم يشرح ابرهان بس لله العبوديه
من يتعلم الانسان تصير قيوده حريه
حسين على الجهل بركان أعلن فكره ثوريه
حل الوسط مايرضاه مو كل ثوره سلميه
يبوالتسعة صغت ثوره
بمحرم من جزت عشره
يخامس ايه التطهير
حالي غير حال يصير
★★★★★
وعلمني شهر عاشور. ادروس شكثر علمني
مراحل ماوصلتلها الافضل حال وصلني
الكلمه سيف ارفعها على الي رايد يذلني
واضحي ماتعز روحي على كلمن يصاحبني
حسين شكثر علمني
قريب ومابعد عني
علمني على التدبير
حالي غير حال يصير
★★★★★
ومن زينب اخذت دروس ام الصبر والاحزان
زينب للصبر ايات لو وج الگلب نيران
الظنوا بالسبي تنذل بكلمه طيحت تيجان
ماخذ من عزم زينب عزمي وقوة الوجدان
اگوم شماعثر جدمي
من زينب خذت عزمي
والشر مايوگف الخير
حالي غير حال يصير
الشاعر حسن لعيبي الحريشاوي
لفه شهر المدامع ( وزن تجليبه)
لفه شهر المدامع والحزن ياروح
اغتنمي ايام حزنچ وابچي علمذبوح
★★★★★
دار احزان صيري لولفه عاشور
بدمي يفور دوم وبالخلايا يدور
للمكسور ضهره هلگلب مكسور
وهظم بالروح دايم للابد ميروح
★★★★★
ميزول الحزن بالروح ساكنها
ومن الحزن صارت والحزن منها
شگولن عن مصايب كربلا وعنها
طاريها بوسط گلبي الحزين يفوح
★★★★★
روحي امعذبه لحال الضعن منهوب
امخيم محترگ والجيش من كل صوب
ذبحوا مهجة الزهره الوگع مسلوب
عفيه شلون تتحمل عذاب ونوح
★★★★★
اسووت كربلا بعيالك الغالين
مذبوحين مثلك علترب يحسين
ابدور ثمنطعش واصحابك السبعين
شحال ام الحزن من شافتك مطروح
★★★★★
اريد ابچي وزيد النوح والحسره
لاولاد الزچيه الطاهره الزهره
بنيران الفجيعه الروح مستعره
شيطفيها ودمع عيني جمر مسفوح
الشاعر حسن لعيبي الحريشاوي