1638
هذه القناة تتضمن قصائد واشعار ولائية وحسينية في مدح ورثاء ال البيت الاطهار
https://youtu.be/j5VO9KIxxqU?si=ws88X2cEfuc_hpMW
Читать полностью…
(گعديه ) لبيعة الغدير
(على طور مفروض علناس حبك ياعلي)
مشدود بالروح حبك ياعلي
يهواك هذا الكلب يهواك مالحظه ينساك
★★★★★
ياعلي اختارك الباري والله منصف باختياره
وصَوَّرَك من نور طه شمس متفارگ نهاره
وقسَّمٌ الدنيا علمودك ربح سواها وخساره
شخصك علي يوم الفصل
ميزانه. يحكم بالعدل
وقسَّمٌها الله بهلشكل سوه جنته ،، وسوه ناره
عنوان الاسلام حبك ياعلي
بالدنيا گلبي واخره هناك مالحظه ينساك
★★★★★
ياعلي احتاجتك كلها وانته مالك حاجه بأحد
علمك الباهر سماوي لان علمك من محمد
بيك وصه الباري طه وعلولاية بيها أكد
بلغ الناس بهلخبر
بعدك علي سيد البشر
هليوم لاخوف وحذر وانته يا(طه) مسدد
گلهم التنصيب من رب السما
وارفعها چف الوصي بيمناك مالحظه ينساك
★★★★★
ياعلي چم ايه نزلت بالفضل أسمك تصَدَّر
اية التطهير تروي من الرجس طاهر مطهر
واية التبليغ تعلن بعد طه انته يحيدر
وسفه الأمور أتغيرت
انضربت مصالح ونتهت
زمرة خبيثه اتحركت اتقابل الأحسان بالشر
نادم وخسران كلمن حاربك
الحق الله داره ويمشي وياك مالحظه ينساك
★★★★★
ياعلي مركز هدايه وجاذبية انوار فكرك
كعبة عقول الحيارى بلانهاية افاق سحرك
غير بس الله ورسوله أبد محد عرف سرك
معدن مواريث الأدب
تشهدلك بهذا العرب
لادنيا لاجاه وعجب يلي كلشي مايغرك
يامالك الروح شخصك ياعلي
دين الله بيك اكتمل بحماك مالحظه ينساك
★★★★★
احتجوا أصحاب السقيفه بلهجة الشر الرهيبه
نصبه گالوا علينه هذا ابن عمه وقريبه
أطباع وتبَيَّن شكلها. هلطبايع موعحيبه
گالوا محمد كرَّمَه
گالوا علينه قدمه
مانصبه رب السمه. گلوب كلها جفه وريبه
اولاية الكرار من قبل الأزل
عَيَّنَك الله قبل الافلاك مالحظه ينساك
الشاعر حسن لعيبي الحريشاوي
بيعة الغدير
هلت انواره علينه هلت انوار الغدير
المرتضى بعدي خليفه اعلن الهادي البشير
★★★★★
صوت من جبريل اكد بهذا بلغ يامحمد
غير حيدر ماكو احد علبشر يصبح امير
★★★★★
لكل موالي عيد الاكبر من السمه واجب تقرر
وصي للمختار حيدر غيره حيدر مايصير
★★★★★
بهلخلايق منهو غيره من نبع طه وعبيره
نصبه الهادي وزيره حيدر ال (طه) وزير
★★★★★
المصطفى من البدايه اختاره عن فكر ودرايه
لحيدر تلوگ الولايه قرر الباري القدير
★★★★★
ماكو من بين البريه غير حماي الحميه
للنبي يصبح وصيه بهلامر هوه جدير
★★★★★
فرحة الگاع وسماها من رفع چفينه طه
صار عيد وبيه تباهه هوه عيد الله الچبير
★★★★★
للامامه هوه مصدر المايسير بنهجه يخسر
المايوالي بيوم حيدر حظه نيران وسعير
الشاعر حسن لعيبي الحريشاوي
لبيعة الغدير
هاي الولاية عنوان للخير والحق الجلي
موكلمه ينطقها لسان يلي بذنوبك مبتلي
روحك تحب كون الخير عزم وارادة تنملي
موتضل خاضع وتگول ميهمني غير البس إلي
معنى الولاية بالقول والفعل انته وي علي
صوتك على صوت الجور كل وكت لازم يعتلي
ودربك علوم واخلاق مودرب ظالم جاهلي
الشاعر حسن لعيبي الحريشاوي
الشكر للرحمن رب العالمين
سيد حميد جعاوله
الشاعر حسن لعيبي الحريشاوي
بمناسبة عيد الغدير
افضل الاعياد ياعيد الغدير
اصبح الكرار للهادي وزير
★★★★★
آية التبليغ نزلت حاسمه
أمر فوري چان من رب السمه
يامحمد هذا حماي الحمه
ولي بعدك علخلگ هوه امير
★★★★★
يگول بلغ لاتهاب من الخطر
ايعصمك الرحمان من شر البشر
بآية التنصيب بلغ هلخبر
ولي بعدك غير حيدر مايصيير
★★★★★
رغم كل أهل الضلاله والعده
نزلت الآيه الشريفه الخالده
سبعه وستين من المائده
آية التبليغ من ربنا القدير
★★★★★
هذا افضل يوم بأيام السنه
انرفع شان الخير والشر انحنه
هذا يوم الغانمه ويوم الهنه
وهذا يوم الخير عيد الله الچبير
★★★★★
بالسعاده اليوم عشناه وفرح
فرح بيه طير السعد غنه وصدح
كل موالي انسعد گلبه وانشرح
وراح عقل الناصبي يجن ويطيير
الشاعر حسن لعيبي الحريشاوي
ياعلي محير الوجود
ملا ابودريد الشبكي
الشاعر حسن لعيبي الحريشاوي
بيعة الغدير (وزن هجري )
الشكر للرحمان رب العالمين
نَصَّب بهليوم امير المؤمنين
★★★★★
تمت النعمة العظيمه بأمر من ربنا العظيم
وگال طه هالكرامه لعلي من ربنا الكريم
رغم كل حاقد وجاحد حاسد وظالم لئيم
وگال هذا اليوم رحمه الكم وخير ونعيم
تمت النعمه وكمل للباري دين
الشكر للرحمان رب العالمين
★★★★★
بيعته دين الله هيه وهيه عنوان الوجود
خبر واعلام وروايه وبيها تاريخ وشهود
الي نكرها كاره الحق جاحد ومبغض حسود
مايريد الارض رحمه والعدل بيها يسود
نصب الرحمان خير المتقين
الشكر للرحمان رب العالمين
★★★★★
عيدكم يهل الولايه امبارك العيد السعيد
عيد للمخلوق نعمه وزمن كل وكته جديد
يكسر ظهور الضلاله وطعمه للناكر وعيد
شگد بعيد من الله كلمن صار من حيدر بعيد
اليوم عيد الاغر عيد المسلمين
الشكر للرحمان رب العالمين
★★★★★
اوضح من الشمس يومه علخلگ يوم الغدير
يوم گله الباري بلغ بالولاية شمايصير
خاطب الباري نبييه ابوكت حر وهجير
گال ياهلناس بعدي المرتضى اعليكم أمير
بهلولاية شرف كل المؤمنين
الشكر للرحمان رب العالمين
الشاعر حسن لعيبي الحريشاوي
قصيدة (گعديه ) بيعة الغدير
ساعة ولاء ومرحمة ساعه غديريه
جبريل ناده من السمه برحمه الهيه
يوم الغدير حيدر امير
ساعة ولاء ومرحمه. ساعة غديريه
★★★★★
گال يامختار بلّغ بلّغ الآيه العظيمه
بلّغ ولتخاف وادم حاقده النيه ولئيمه
على الوادم بالوصيه نزّل الباري نعيمه
بعدك وصي تبلغ علي
هذا الأمر هوه الجلي
بنوره الحوالك تنجلي وتنبني الدوله الكريمه
بهذا الامر فوز البشر بيه ميه بالميه
ساعة ولاء ومرحمة ساعه غديريه
يوم الغدير حيدر أمير
ساعة ولاء ومرحمه ساعة. غديريه
★★★★★
گال يامختار بلّغ هلوصيه ولا يهمك
يصونك الباري ويحفظك من اذى الوادم يعصمك
لايهمك حچي الگالوا أتحيزييت لابن عمك
بالامر اصدح ونتفض
من الله الأمر هذا فرض
ليهمك الي يعترض اقترن اسمه وي اسمك
لازم أتبين هلامر واشرح معانّيه
ساعة ولاء ومرحمة ساعه غديريه
يوم الغدير. حيدر أمير
ساعة ولاء ورحمه. ساعة غديريه
★★★★★★
بلّغ بأمر الولايه. بدون مهله ولاتردد
خلها كل الناس تدري كرر بقولك و وأكد
العلي هيه الولايه جاوب الي راد ينشد
بهذا الامر بلّغ البشر
ياطه لتخاف الخطر
ميهمك الغظ النظر. الشال غيظ وراح يحقد
امعنونه الحيدر بالاسم والحسبه مگضيه
ساعة ولاء ومرحمة ساعه غديريه
يوم الغدير. حيدر امير
ساعة ولاء ومرحمه ساعة غديريه
★★★★★
وسط اربع طرق طه. (ابخم) يبشر بالسلامه
چف علي ابچفه رفعها وبالامر واصل كلامه
من كنت مولاه حيدر. هوه مولاه وأمامه
أكمل الباري نعمته
اعليكم ونزل رحمته
الباري لجلكم غايته. المسلم يعيش ابكرامه
فوز وسلامه وغانمه ونعمه سماوية
ساعة ولاء ومرحمه. ساعة غديريه
يوم الغدير. حيدر أمير
ساعة ولاء ومرحمه. ساعة غديريه
★★★★★
ويقره حسّان بن ثابت بقول طه ابشعر يبدي
من كنت مولاه حيدر هوه مولى الناس بعدي
تنكر ليش الولايه. وامر. من الباري حَدَّي
بساعتها حال اليعترض
البگلبه افات ومرض
گال الولايه موفرض ابقوله للباري تَحَدِّي
صابته بلوه من السمه الموصافي النيّه
ساعة ولاء ومرحمة ساعه غديريه
يوم الغدير حيدر أمير
ساعة ولاء ومرحمه ساعة غديريه
الشاعر حسن لعيبي الحريشاوي
بمناسبة عيد الغدير الاغر ( ملمع وزن ميمر)
(عن بيعة الغدير يسئلوني ؟ )
(هي بيعة الانوار للعيون )
★★★★★
اولاية علي موعارض ولاصدفه
بچفه النبي من يوم رافع چفه
هذا الامر مثل الشمس مايخفه
عاجز لساني لو أريدن وصفه
(هي صحبة الاشجار للغصون)
(عن بيعة الغدير يسئلوني )
★★★★★
التبليغ آيه على الارض نزلها
رب السمه حتى النبي ايبلغها
خسران كل ناكر ومايقبلها
فاز التمسك بالولايه وضلها
(هي نعمة قصوى مدى القرون)
(عن بيعة الغدير يسئلوني )
★★★★★
اعلان رسمي من السماء اتقرر
منصوصه علوادم ولاية حيدر
نال العذاب الينكر ويتكبر
هيه السلامه من يصير المحشر
(هي صدر أم دافئ حنون)
(عن بيعة الغدير يسئلوني )
★★★★★
أكمال دين الله وتمام النعمه
والمرتضى دربه الامل والرحمه
من طه نهجه والفكر والحكمه
خير ومعارف كل حياته وعصمه
(انكارها الخسران والمنون )
(عن بيعة الغدير يسئلوني)
الشاعر حسن لعيبي الحريشاوي
https://youtu.be/DrGLEgan2U0?si=lrTdyFM76KibRtg7
Читать полностью…
نَعي لاستشهاد مُسْلِم بن عَقيل رَضِيَ اللَّهُ عنْهُ
مافاد النصْح بالخلگ مِن راد
ابوطاهر يوَجْه النَّاس مافاد
ألگالوله أَلَك أَرْوَاح وَأَجْسَاد
بطمَع وبخوف تبعَّوا راي جَلَّاد
مِثْل نار الوعود انگلبت إِرْمادْ
غدْر ذاك الزَمَان الْيَوْم ينعاد
نَفْس ذيچ النُّفُوس وذيچ الأَحْقاد
نْظَرْ صَوْب الْمَدينَة وبلدمع زاد
سَلَامِي علَيَك نَادَة يبو السجَّاد
طبْع الگوم خويه غَدْر وعْناد
الچتل أَهْل الْحَمِيَّة عدهُم أَعْياد
الشاعر حسن لعيبي الحريشاوي
لشهادة مسلم بن عقيل رضي الله عنه
الناعي من وصل لأرض المدينه
ينادي وين ابوالسجاد وينه
گله حسين يلمجبل علينه
شعندك من خبر يلمعتنينه
يگله وللدمع عينه رهينه
بمسلم خانت ارجال الظغينه
مسلم بالحبال امچتفينه
ولاواحد من الوادم يعينه
لعالي القصر مسلم ماخذينه
ابوطاهر عضيدك ذابحينه
وعلى الغبره امدد عايفينه
تخوصر منكسر گلبه ولينه
للكوفه بحزن يرفع يمينه
يودع مسلم ابنوحه اونينه
حميده تعنت العمها حزينه
يعمي والدي شومايجينه
المايسله ولاعنه سلينه
اظن عمي العساكر غادرينه
مسح دمعاتها ودمعته ابعينه
يگلها حسين يبنيتي الحنينه
يريحة فاطمة وشوفة سكينه
امگدر ياحميده اليمر بينه
اصبري وعاقبات الصبر زينه
ابوچ البطل ناذرهن اسنينه
النصرتنه ولجل مذهبه ودينه
الشاعر حسن لعيبي الحريشاوي
لاستشهاد مسلم بن عقيل
ملا حسين الفرطوسي
الشاعر حسن لعيبي الحريشاوي
اجاني العيد واهلي مااجوني
ابعيد الدرب چنهم لو نسوني
بطريج الموسهل شو تيهوني
(خلص مايهن راحن اعيوني)
وحيد الدار ماواحد يجيني
بالمناطر بگت هماله عيني
ايطَيَّح اجبال علراحوا حنيني
(هذا انا وبعد زايد ونيني )
هذا انا ونيني يزيد ويزيد
على الراحوا بعد ماريد كل عيد
الماوياه هله دنياه شتفيد
شريچيين الگلب مو صاروا ابعييد
اجاني العيد بالوحشه يغالين
بعدكم وين اروحن يادرب وين
العين بلاضواها شتنفع العين
بعدكم يااحبابي الحال موزين
الشاعر حسن لعيبي الحريشاوي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
هوسات غديرية
كمل دين الاله وتمت النعمه
بتنصيب الامير الخير والرحمه
بعد النبي حيدر وصي علأمَّه
(مِن الله أتبَلَّغ تنصيبه )
★★★★★
بيوم ثمنطعش من شهر ذو الحجه
حسم كل الامور النبي وكل ضجه
بحق حيدر كلام أواضح اللهجه
(واليكم حيدر من بعدي )
★★★★★
ضمانات الهدايه وحصن من النار
واتمام النعيم وبالظلام أنوار
بولاية علي الكرار حامي الجار
(بالمحشر باچر يحمينه )
الشاعر حسن لعيبي الحريشاوي
الثبات على الولاية وزن تجليبه
اعرفها الولايه وشوف معناها
لمن بالولاية اتريد تتباهه
★★★★★
للحق تعتني ما تقبل ابغيره
بصير الرأي ابد ماتاخذك حيره
اليود خيرك تود بكل وكت خيره
وتسامح غلطة اخوانك وتنساها
★★★★★
تتحمل دواهي السود مهما صار
لجل المرتضى الكرار حامي الجار
مثل ميثم ومالك لومثل عمار
على نهج الامام المرتضى وطه
★★★★★
الولايه جنتك بالك تفارگها
موتقرب الدنيا وتبتعد عنها
تره النعمه بحياتك والكرم منها
ضاع الي مشه وبالظهر خلاها
★★★★★
الغدير افعال موچلمه افتراضيه
المحبه والتسامح والرحم هيه
يريد ارواحنا الباري غديريه
وخلق ارواحنا بهلشكل سوواها
★★★★★
انبايع حيدره ونمشي على دربه
نضد اعداه وانحب كلمن ايحبه
نحبه ونحتمل كل موزمه وصعبه
وهاي ارواحنا للموت مسعاها
الشاعر حسن لعيبي الحريشاوي
لبيعة الغدير الاغر
فرحنه واليحبنا يفرح ويانه
الغدير أحله فرح تنصيب مولانه
★★★★★
مايوسع الكون اشكبر فرحتنه
واملاك السمه اتبارك ابلمتنه
هله بنهج الولايه هوه غايتنه
على درب العدل والخير مشانه
★★★★★
انحبك ياقسيم الجنه والنيران
يلأسمك فخر ومطرز القرآن
وبعد اسم النبي مذكور بالآذان
شنهي بدون حبك شنهي دنيانه
★★★★★
مثلنه بالفرح يفرح إلي ايحبنا
الثبات على الولاية ندعي من ربنا
نحيا لونموت اعليها واجبنا
كل شيعي الولاية بوسط شريانه
★★★★★
ابذكرك هلفرح يابو الحسن يحله
بعيد الله الچبير اي عيد مامثله
دين الله يحيدر حبك ايكمله
گلوب الشيعه هذا اليوم فرحانه
★★★★★
باب الله الغدير ودرب للجنه
درب المانعوفه ونبتعد عنه
بتنصيبك الطير على الشجر غنه
وفرحان الشجر تتمايل اغصانه
★★★★★
گوم الماتوالي حيدر الكرار
خلتحجز مكان هناك وسط النار
گوم الي تخالف ربها والمختار
هاي الگوم يوم الحشر خسرانه
الشاعر حسن لعيبي الحريشاوي
بيعة الغدير (وزن المثلث ثلاث ارباع الشيعتي )
حجة التوديع نزلت بيها آيه
بحق علي الكرار واعلان الولايه
علي للهادي وزير
نزلت بيوم الغدير
بحق علي الكرار واعلان الولاية
★★★★★
اثلث نعم انزلهن الباري برحمته
أكمال دينه وعلارض تمت نعمته
ورضا بالاسلام للناس بحكمته
بالغدير الموعد ويامحله وكته
آيه من رب الانام
باعظم حروف وكلام
بحق علي الكرار واعلان الولاية
★★★★★
حجة التوديع مايخفه خبرها
نقش بالتاريخ مايرحل اثرها
آية من رب السمه الهادي نشرها
دوم مادام الدهر باقي عمرها
آيه ينقلها الرسول
بحق علي عنها يگول
بحق علي الكرار واعلان الولاية
★★★★★
هذا عيد الله الچبير الماله ثاني
أمر من الباري مو فكره وأماني
تبادلت بيه الخلگ اغله التهاني
ولايته وحبه يضل احله المعاني
أمر من الله صريح
نزلت بقول الفصيح
بحق علي الكرار واعلان الولاية
★★★★★
نزل جبريل بأمر رب البريه
يامحمد بلغ بهاي القضيه
ابولاية حيدره حامي الحميه
ولاتخاف اهل العقول الناصبيه
نزلت بهذا النداء
آيه من رب السماء
بحق علي الكرار واعلان الولاية
★★★★★
من لطف رب السمه علينه ونعيمه
المائدة وآيات هلسوره الكريمه
سبعه وستين آيتها العظيمه
الخالف الآيه النبي باچر خصيمه
آيه من ربنا القدير
نزلت بيوم الغدير
بحق علي الكرار واعلان الولاية
الشاعر حسن لعيبي الحريشاوي
ياعيد الغدير
ياعيد الغدير يلمالك نظير
من العالي علي متنصب امير
★★★★
ياعيد السعيد دم البلوريد
كل وكتك جديد ريحان وعبير
★★★★★
ياعيد الامان نَوَّرت المكان
واعياد الزمان مثلك ماتصير
★★★★★
الچلمه الحاسمه من رب السمه
بحق حامي الحمه للهادي وزير
★★★★★
آيه بحق علي من ربنا العلي
علي هو الولي من بعد البشير
★★★★★
الحق وياه يدور شما تفنى الدهور
حب حيدر سرور عايش بالظمير
★★★★★
من بعد النبي معلوم الوصي
من بعده علي والمهدي اخير
الشاعر حسن لعيبي الحريشاوي
بمناسبة بيعة الغدير
القاصي والداني شهود
ياعلي امحَيَّر الوجود
بيك ياحامي الحمه اتحيرت ارض وسمه
ياعلي امحَيَّر الوجود
★★★★★
اليوافق ياعلي والمايوافق
گالها المختار والمختار صادق
اليحبك مؤمن وبالنفس واثق
ومايبغضك ياعلي بس المنافق
احتارت الناس شتگول بيك ياروح الرسول
بيك ياحامي الحمه اتحيرت ارض وسمه
ياعلي امحَيَّر الوجود
★★★★★
لاتخالف حيدر ولتصيير ضده
الأيَّدَه رب السمه واجب تأييده
ليش هذا الأمر تنفيه وترده
ب طه تدري بالخلافه منهو بعده
وهاذي اخبار الغدير بيِّنَت حيدر امير
بيك ياحامي الحمه اتحيرت ارض وسمه
ياعلي امحَيَّر الوجود
★★★★★
موقف اهل النقل محسوم اتفاقه
ليش هلتاريخ ماتگلب اوراقه
وتعرف اهل الباطل وقادت نفاقه
لاتگلي بالامر مالي علاقه
اعرف الحق اليدور وي علي طول الدهور
بيك ياحامي الحمه اتحيرت ارض وسمه
ياعلي امحَيَّر الوجود
★★★★★
منهو يگدر يخفي ويضم الحقايق
اعلام تنشرها المغارب والمشارق
لابعد تعتيم معلومه الفوارق
اتوضحت كل الحجج ضد المنافق
اولايتك حيدر امان بكل مكان وكل زمان
بيك ياحامي الحمه اتحيرت ارض وسمه
ياعلي امحَيَّر الوجود
★★★★★
شلون نهج الباطل الوادم تقبله
أَدُوَّر الزلات علماعنده. زله
والدليل شلون يحتاج الادله
مثل حيدر وين واحد تلگه مثله
اولايتك معنى الثبات وبالحشر هيه النجاة
بيك ياحامي الحمه اتحيرت ارض وسمه
ياعلي امحَيَّر الوجود
الشاعر حسن لعيبي الحريشاوي
بصوت. مسلم المطيري
العيد أجه ابلهفته مثل الورد مياس
محلاه جنه وفرح ويناغم الإحساس
هب النسيم العذب ضل ساكن الأنفاس
أجمل سعاده شفت بأي فرح ماتنقاس
مابين نورين اصبحت رافع بزود الراس
مابين سبط النبي الدگ للمعارف ساس
وباب الحوايج بطل رمز الفخر عباس
وللعيد معنى وشكل مثل الطفل ينباس
وبالخير أدعي صرت يشمل جميع الناس
الشاعر حسن لعيبي الحريشاوي
هوسات غديريه
النبي يوم الغدير امجمع الناس
بصحيح القول مايلزم التصحيح
الچنت مولاه علي ياناس مولاه
وصريحه الآيه من الباري تصريح
الأمر مفهوم مايحتاج تفسير
وللواضح فلايحتاج توضيح
((الخالف حيدر گلي شلون يخلص من النار ))
★★★★★
يناكر بيعة الرب السمه أختاره
روحك لاتضل بالجهل محتاره
روح اقره الصحيح وتابع اخباره
لتغرك نفس بالسوء أَمَّارَه
تره يوم الحشر ماتنفع الچاره
الما والى علي ماتنفع أعذاره
مثل اللي يبدل جنته ابناره
((شلون تعوف الجنة برجلك رايح يم النار ))
★★★★★
گصدتك ياعلي الكرار غيرك ماشغل بالي
شِلَّه بالسواجي الراح گاصد بحرك العالي
النظر لوما الشمس عميان من لون الضوه خالي
ثابت علولايه ادعي شكثر فرحان دَلَّالِي
((الدين بعزمك ثابت وانت الجوهر والاسلام ))
الشاعر حسن لعيبي الحريشاوي
العيد أجه ابلهفته مثل الورد مياس
محلاه جنه وفرح ويناغم الإحساس
هب النسيم العذب ضل ساكن الأنفاس
أجمل سعاده شفت بأي فرح ماتنقاس
مابين نورين اصبحت رافع بزود الراس
مابين سبط النبي الدگ للمعارف ساس
وباب الحوايج بطل رمز الفخر عباس
وللعيد معنى وشكل مثل الطفل ينباس
وبالخير أدعي صرت يشمل جميع الناس
الشاعر حسن لعيبي الحريشاوي
نعي بصوت. مسلم المطيري
لشهادة مسلم بن عقيل رضي الله عنه
الناعي من وصل لأرض المدينه
ينادي وين ابوالسجاد وينه
گله حسين يلمجبل علينه
شعندك من خبر يلمعتنينه
يگله وللدمع عينه رهينه
بمسلم خانت ارجال الظغينه
مسلم بالحبال امچتفينه
ولاواحد من الوادم يعينه
لعالي القصر مسلم ماخذينه
ابوطاهر عضيدك ذابحينه
وعلى الغبره امدد عايفينه
تخوصر منكسر گلبه ولينه
للكوفه بحزن يرفع يمينه
يودع مسلم ابنوحه اوونينه
حميده تعنت العمها حزينه
يعمي والدي شومايجينه
المايسله ولاعنه سلينه
اظن عمي العساكر غادرينه
مسح دمعاتها ودمعته ابعينه
يگلها حسين يبنيتي الحنينه
يريحة فاطمة وشوفة سكينه
امگدر ياحميده اليمر بينه
اصبري وعاقبات الصبر زينه
ابوچ البطل ناذرهن اسنينه
النصرتنه ولجل مذهبه ودينه
الشاعر حسن لعيبي الحريشاوي
مسلم بن عقيل
هيبة عقيل وحيدره
خله العده متكدره
بالساحه مسلم من نزل
مايوگف ابوجهه بطل
خله العده متكدره
★★★★★
هيمه ابحلگ هيمه گطع
شماطال دربه واتسع
ماخانته اجدامه ورجع
ولاكلمه للّايم سمع
ابراي بن عمه التزم
للكوفه متعني الجدم
من حسين اصله ومصدره
خله العده متكدره
★★★★★
كلشي ابكلامه متضح
بيّن تفاصيل وشرح
ولمن نفع بيهم نصح
الاف اجت حد الصبح
نگلبت موازين الفعل
بلاوجه حق ولاعدل
وكل الجره ماغيّره
خله العده متكدره
★★★★★
جم فرصه اجته على العده
بالغدر تنحل لوبده
لاشيمته ولامقصده
ولااصله اعمال الرده
من حيدر اطباع واثر
موشيمته طعن الظهر
من طبع عتره طاهره
خله العده متكدره
★★★★★
لحسين بدموع اعتذر
مامهلته چفوف القدر
ماخاف من جور الدهر
على حسين خاف بكل حذر
خايف يمر ابكربله
اوياه يجيب العايله
رغم السده عليه وجره
خله العده متكدره
★★★★★
عاف العشيره والاهل
ماكو بعد غير الاجل
وفه لابن خير العمل
لعالي المجد اسمه وصل
دين النبي رغم المحن
خالد يظل طول الزمن
قدم رساله ابمنحره
خله العده متكدره
الشاعر حسن لعيبي الحريشاوي
عن لسان حال مسلم بن عقيل
رضوان الله عليه
منشغل بالي. بالغرب حالي
انتظر رد الكتب قابلوني بالحرب
بالغرب حالي
★★★★★
ليش بين الگوم مابَيَّن اثرها
هلرسايل والكتب شنهي خبرها
بياعذر مقبول حتى أقبل عذرها
الناس مدري الكوفه متغير امرها
الچانوا اعواني صفوا عدواني
الچانوا اعوان وصحب قابلوني بالحرب
بالغرب حالي
★★★★★
التفت ماكو جميع العاهدوني
من بعد ذاك العهد كله انكروني
قلة المعروف عدهم لونسوني
ليش بالنكران والصد واجهوني
ابعهد مرواني وطبع سفياني
صفوا مابيهم محب. قابلوني بالحرب
بالغرب حالي
★★★★★
وينهم آلاف شوصاروا عليه
نقدم الارواح گالولي ضحيه
عَلِيَّّ صاروا حيف ساعات المسيه
خانوا بذاك العهد وين الحميه
لليطلبوني وحدي خلوني
وحدي حاير بالدرب قابلوني بالحرب
بالغرب حالي
★★★★★
للعده وسفه بغدرهم قدموني
لبن مرجانه بديهم سلموني
اسروني بدون رحمه عاملوني
باللعن مثل الخوارج حاسبوني
وتالي منعوني ماي ينطوني
ابحجر وبسوط انضرب قابلوني بالحرب
بالغرب حالي
★★★★★
ماخفت عَلِيَّّ جرالي من غدرهم
خوفي لاباچر ابو اليمه . يمرهم
ما اريده يشوف مثل الشفته منهم
ادعي عن حسين ربي يزيح شرهم
منهو يُوصَلَّه بحالتي يگلَّه
لايجي الكوفه ويطب قابلوني بالحرب
بالغرب حالي
الشاعر حسن لعيبي الحريشاوي
لسان حال حميدة بنت مسلم
بن عقيل رضي الله عنهما. (وزن البند)
يگبل العيد مذبوح. بويه لا اجه العيد
فوگ جروح الفراگ بعدك لوعتي اتزيد
يبت مسلم يگولون. ابوچ بعيد مدفون
يگبل العيد مذبوح. بويه لااجه العيد
★★★★★
عنك بويه يحچون. مسلم بالكتب راح
للكوفه تعنيت. وأخذت الصبر مفتاح
سَعْيَّك سَعْيَّ الحسين إلهم. رايد اصلاح
للحگ رايد الگوم . تريد الخلگ ترتاح
صرت مرسول لحسين. قصدك تنصر الدين
يگبل العيد مذبوح. ريته لااجه العيد
★★★★★
خلافك بويه الجروح. جرح ابجرح ملچوم
اناطر واحسب احساب تجيني باچر. اليوم
چن صوتك عَلَيّّ جاي. حميده كافي الهموم
خفت يابويه الفراگ. خوفي لايضل دوم
بدرب ماضنه مامون. رحت ياماي العيون
يگبل العيد مذبوح. ريته لااجه العيد
★★★★★
وانظر عمي الحسين شفته ابحال محزون
يصَبُّر گلبي ويگول. يروحي وضي العيون
اشوفه مثلي مهظوم. دمعه يجرح الجفون
يصبرني على فرگاك. شلون افراگك ايهون
گلبه مثلي ملچوم. تغدرك خايف الگوم
يگبل العيد مذبوح. ريته لااجه العيد
★★★★★
أسمعت ياماي العيون. وگلبي من الأمر خاف
وحيد هناك خلوك. بشر ماعدهم انصاف
بعد ماطحت بالحال. عليك التمت. آلاف
مرمي من القصر حيف على التربان تنعاف
وحيد ومالك انصار. طحت مابين كفار
يگبل العيد مذبوح. ريته لااجه العيد
★★★★★
نسيت الدنيا بجفاك. ونسيت الراحه والروح
انذبحت فرحتي يوم اسمعت بالسيف مذبوح
طحت يابويه عطشان. على التربان مطروح
خلافك بويه. للموت. اضل للونه. والنوح
حسافة بجية العيد. عليه تصبح ابعيد
گبل العيد مذبوح. ريته لااجه العيد
الشاعر حسن لعيبي الحريشاوي
بمناسبة استشهاد مسلم بن عقيل رضوان الله عليه. (شوط كربلائي)
بمصابك ياسديد الراي رسول الغايه والچلمه
وگفنه انحيي هلأيمان. واخلاصك لبو اليمه
★★★★★
ابمصابك ياسديد الراي. بكل حرگه تسيل العين
من مثلك نذر. هلروح باذل مهجته لحسين
صابر علمحن مهيوب شماجار وتماده البين
صبرت وماثنيت الراي
لآل المصطفى. وفاي
ماهمك عطش للماي
صبرك مثل صبر حسين. بالحومه ومثل عزمه
★★★★★
بهلذكره ياابوطاهر. وگفنه انجدد المأتم
جددنا العزاء اليوم. بأحر لوعات نتقدم
تعازي انقدم ابحرگه لبو اليمه دمع من دم
الحزن والنوح حادينه
لهلذكره. يودينه
وعلى مصابك يدلينه
وحيد أصبحت بين الگوم. ماعدهم ولا ذمه
★★★★★
بمصابك يبن عم حسين. اجينه انجدد الذكره
شنوفيلك يبو طاهر. يمن وفيت. للعتره
لجل حسين ميهمك. تعيش تموت الف مره
يمر اسمك مسامعنه
يخلي اتصب مدامعنه
يمعنه انته اباثر معنه
انخط بلوحة التاريخ. مسلم وانحفر اسمه
★★★★★
ايامك ماعبرناها. بوسط كل روح مذكوره
صوره للمجد. ذكراك. ابد ماتنمحي. الصوره
يوفاي ابحزن جيناك. نوفي المجدك. ونوره
يوفاي شنوفيله
لونحزن ألف ليله
وروج المدمع انسيله
انته معدن الايمان سليل العلم والحكمه
★★★★★
حين اتعنتك هلگوم. عزم ماينثني تزيدك
حميده شلون من بعدك. تخاطب عمها وتريدك
اجاها الخبر. گبل العيد اسف ماشاهدت عيدك
عرفت حالتك صعبه
وحيد ابديرة الغربه
أهل مايمك وصحبه
بسيوف الغدر مذبوح. وجسمك علأرض دمه
الشاعر حسن لعيبي الحريشاوي