1638
هذه القناة تتضمن قصائد واشعار ولائية وحسينية في مدح ورثاء ال البيت الاطهار
أوگف يم ضريح حسين
أوگف يم ضريح حسين واتمعن يزاير زين
مطلعها الحياة اهنا وهنا موجبات الدين
★★★★★
هنا مجد وشرف وأصرار
هنا فخر وعلم وأسرار
هنا عطر النبي المختار
وهناه هيبة الكرار
تلگه شگد معاني اهواي
سطعت علأرض شمسين
★★★★★
أهناه أطياب قدسيه هناه روضات ورديه
هنا نفحه حسينيه كنانية ونزاريه
جنه كربلا وبيها بيها نَوَّرَت جنتين
★★★★★
أهنا نور السمه اتبسم
أهنا عطر الورد نسم
هنا تلگه الصفا وزمزم
هنا ربنا علينه أنعم
اوگف يم ضريح النور
يملي مهجتك والعين
★★★★★
هناه بحسين رفعة رأس
هناه نور الگمر عباس
هنا جنة وعطر وإحساس
هنا تتعطر الانفاس
يرحل كل ظلام الروح
لمن تنظر النورين
★★★★★
هنا تتجسد النعمه
وهناه معدن الحكمه
وهناه حوزة العصمه
مصدرهن ابو اليمَّه
يارب خدمته ارزقنا
يارب العرش آمين
الشاعر حسن لعيبي الحريشاوي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
لاستشهاد مسلم بن عقيل رضوان الله عليه
أول من رفع بالكوفه رايه
رفعها مسلم بأسم الولاية
وبسم الباري والدين
رافع راية حسين
اول من رفع بالكوفه رايه
★★★★★
للثوار ابوطاهر مناره
للاحرار عنوان وصداره
لمن سار تخطيط وإداره
رغم الصار خلاهم حياره
لهل الغدر والكلهم صلافه
گلهم ماتصح يوم الخلافه
الخلافه للميامين رافع راية حسين
اول من رفع بالكوفه رايه
★★★★★
رغم الحال ماچانت عسيره
صار أگبال الجيوش الچثيره
مسلم صال مندوب العشيره
بغدر چتال نصبوله حفيره
وگع مسلم أسير بحبل مچتوف
بغدرهم طاح لاموزود السيوف
من طب للميادين رافع راية حسين
اول من رفع بالكوفه رايه
★★★★★
الچان يريد للباطل يزيحه
مهما يعيد بالچلمه الصريحه
لاميفيد بالغادر نصيحه
اتباع أيزيد وادم مو مريحه
مافاد الحچي ولامايفهمون
بس مال وطمع بالدنيا يردون
واگف بين صَفَّيْن رافع راية حسين
اول من رفع بالكوفه رايه
★★★★★
بيهم لوم ما فاد وعتابه
ضده الگوم من چانوا أصحابه
شر مظموم ماحاسب أحسابه
بفعل محسوم يسعون المصابه
مافاد النصح بيهم ولافاد
تصد عينه ويناطر لبو السجاد
صابر تهمل العين رافع راية حسين
اول من رفع بالكوفه رايه
★★★★★
أهل الزيف ماعدهم عباره
غير السيف والباطل انصاره
أبحر وصيف لورايد أخباره
مرمي حيف من قصر الاماره
شابح عين ينظر للمدينه
لبو السجاد شوغاته وحنينه
الچان يعاند البين رافع راية حسين
اول من رفع بالكوفه رايه
الشاعر حسن لعيبي الحريشاوي
لاستشهاد مسلم بن عقيل عليه السلام.( موشح)
للامام الحجة لبينا النداء
بمسلم نواسيه ونقيم العزاء
★★★★★
هذا يوم النوح والهم والحزن
شجرة الخير انكسر منها غصن
نجدد الآهات لمصابه. ونوون
المرتبط اسمه بمواقف كربلاء
★★★★★
بهلفجيعه اليوم نجريه الدمع
الناصر الاسلام وأحكام الشرع
المفرد الطشر بيمناه الجمع
مسلم الايمان والحق والاباء
★★★★★
للوحيد نعيش لوعات ونحيب
الگضه نحبه بين هلوادم غريب
للذبيح وعلثرى أموسد خضيب
معنى للجود وعناوين الوفاء
★★★★★
كل موالي اليوم گلبه منكسر
عليك ياشمس الضحى ونور البدر
يوم منك نالت چفوف الغدر
ياحبيب حسين يارمز الولاء
★★★★★
بالعزاءات ومراسيم اللطم
نقيم مأتمنا ويعذبنا الهظم
يبو الرحمه ذبحتك چف الظلم
قدمت روحك لبواليمه فداء
الشاعر حسن لعيبي الحريشاوي
قصيدة ( گعديه ) عن مسلم بن عقيل
سلام الله عليه
باخلاص وعبوديه صنع ثوره حسينيه
مسلم مبدء ودين ماخذ من الحسين
بهلغيره الولائيه صنع ثوره حسينيه
★★★★★
مسلم المعروف أصله وهلطبايع هاشميه
انفاسه من عطر النبوه الرشف منها المنهجيه
الماخذ من حسين علمه والمبادئ حيدريه
للكوفه قاصدها ابعجل
يطوي الارض حد ماوصل
لوقَصَّر ايكون ابخجل من كلفه بهاي القضيه
ثقه من حسين جانيها مسلم يفتخر بيها
حلف لوعنده الف روح لبو اليمه فده تروح
سفير وعاقد النِّيَّه صنع ثوره حسينيه
★★★★★
عن درايه وعلم سابق حسين مدروس اختياره
دز فقيه الكله تقوى يقود كلشي بكل جداره
عالم بتكليفه عارف لسانه متخونه العباره
حامل تعاليم وقيم
بسم الله من راح اعتصم
بعزمه الصعب فض وانحسم المسلم تلوگ السفاره
بهذا الحال مايقبل ابوطاهر فلاينذل
يگلهم دنيا مدوم ماتنصف بشر يوم
بهلخطبه المثاليه صنع ثوره حسينيه
★★★★★
من وصل للكوفه مسلم جَمَّع الكوفه بأهلها
حمل من حسين امانه وكل نواياه وشكلها
من بعد كثر الرسايل تنادي باسم حسين كلها
ابكل سجالات وطرح
كلشي تبين واتضح
أبمنطق الحكمه صدح واضع الكلمه بمحلها
يريد الخلگ ماتندم ولا علجور تتعلم
يگلهم لاتندمون بوضع مؤسف تصيرون
يدرون بمساعيه صنع ثوره حسينيه
★★★★★
جَمَّع الالاف مسلم واطمئن يكتب رساله
يخبر حسين بجمعهم والامر حتما صفاله
بعد ماصله بخشوعه يشكر الباري تعالى
لاچنهم اصحاب الطمع
واهل الظلاله والخدع
ماهمهم الدين انصدع. وترجع ايام الظلاله
مسلم من يخاطبهم ولاناصر لگه منهم
انقلابات وغدر ليش بيها الوادم تعيش
رغم زمره انتقاميه صنع ثوره حسينيه
★★★★★
روس للشر ماحصدها بالغدر فرصه رفضها
موسجيه وطبع عنده ولاعليه واحد فرضها
غدروا بمسلم وضاگت هلسمه عليه وارضها
فعل الغدر منهم صدر
خافي الحقد تالي ظهر
من اول السابع ظهر الحيدر أُتَّرْجَم بغضها
يريد وبالجفن دمعه يشوف حسين ويودعه
اهل شوفتهم يريد مسلم من بقه اوحيد
بجثه اصبحت مرميه صنع ثوره حسينيه
الشاعر حسن لعيبي الحريشاوي
نعي لاستشهاد الامام الباقر عليه السلام
الشاعر حسن لعيبي الحريشاوي
لاستشهاد الإمام محمد الباقر عليه السلام
مهظوم مهموم الگلب مكسور حيل الخاطر
مفجوع ذبلان وغده ناحب حزين وحاير
علروح چن حال الأرض ليل المواجع داير
وعيوني تنظر للسمه بيها الحزن موعابر
كلشي بهظم حال وشكل بلكون اشوفن صاير
البجروحه ظلت كربله ولوعات يوم العاشر
الدين والحق والمجد. ينعى الامام الصابر
والعلم واحكام الفقه. وَدَّع النور الزاهر
شجره انكسر منها غصن سابع غصنها الطاهر
اتباع الضلاله والظلم. سَمَّوْا أمامي الباقر
الشاعر حسن لعيبي الحريشاوي
لاستشهاد الامام محمد الباقر
عليه السلام - ( تجليبه )
الشاهد كربله وعايش مواجعها
اليوم بلوعته الباقر يودعها
★★★★★
يودع كربله باللوعه. والحسره
وكل ذكره توجر بالگلب جمره
ويودع ايام بالطف گصَّرت عمره
ونوايب كربله البلگب جامعها
★★★★★
جامعها النوايب بالگلب ظلت
من شاف الاطفال وي الحرم هجت
يصد محتار نيران الخيم وجت
چفوفه شما دنه من النار تلسعها
★★★★★
تلسع بالچفوف وروحه مذعوره
بعمر الاربعه وشيب ابعاشوره
من البال ابد ماتنمحي الصوره
تهد الحيل كل ذكره اليراجعها
★★★★★
اليراجعها صور مرت على الباقر
بذبح حسين لمن يذكر العاشر
چم طعنه يعد ابصدره چم حافر
شلون على الارض مطيح سابعها
★★★★★
سابعها السمه ظلت عليه تنحب
دموع الصادق ابنه چن جمر تلهب
على النوره بظلام اللحد يتغّيب
سموم اهل الغدر بحشاه جارعها
★★★★★
جارعها السموم بعاشر محرم
لحد سبعه بشهر ذو الحجة المحتم
النهايه لوقتل محسومه لوبالسم
يدري العتره ماتخلص فواجعها
الشاعر حسن لعيبي الحريشاوي
3.دگات بصوت. مسلم المطيري
ياروحي گولي شبيچ بالحسره والهم
كلمات الشاعر
حسن لعيبي الحريشاوي
بمناسبة استشهاد الامام
محمد الباقر عليه السلام (وزن التجليبه )
چم محنه شفت ياسيدي الباقر
على بلوه زمانك والقدر. صابر
يقيت بدمع ساچب
على فراگ الحبايب
على بلوه زمانك والقدر صابر
★★★★★
شسولف علمصايب من اعددهن
عليك بكربله من اتوالمن كلهن
سهام الماخطه جدك سهم منهن
لفن بالموت غير الموت ماعدهن
اخذ عمرك كدرها
يهد أجبال اثرها
على بلوه زمانك والقدر صابر
★★★★★
سودأيام مرت مامثلها ايام
من اهل الضلاله ولوعة ألحكام
لگيت سيوف شرهم تذبح الاسلام
ولگيت اعياد من طف كربله للشام
شفت اهلك ضحايه
وشفت ضعن السبايه
على بلوه زمانك والقدر صابر
★★★★★
سلامي عليك يانور وضوه الگمره
يافخر الهواشم باقر العتره
حبنه عن علوم ومبدء وفطره
بمكان السيف علمك علظلم ثوره
اوضاع الماردتها
ابعلمك غيرتها
على بلوه زمانك والقدر صابر
★★★★★
سلامي أعليك امام الخير والتقوه
ياحجه على اهل الدنيا ياصفوه
بالغت النصح وأصبرت علبلوه
وعلمت البشر هلدنيه ماتسوه
بدون الله وكتابه
واهل بيت النجابه
على بلوه زمانك والقدر صابر
★★★★★
الله للامامة اختارك وخلاك
يلي نطيت ربك ميزك ونطاك
دنياهم مثلها تصوروا دنياك
وياهم مارحت همه الاجو وياك
صرت قطب الهدايه
وتحديت الرزايا
على بلوه زمانك والقدر صابر
الشاعر حسن لعيبي الحريشاوي
لاستشهاد الإمام الباقر عليه السلام
لسان حاله يقول
بعد المصيبه. روحي غريبه
من كربله للموت
روحي غريبه
★★★★★
من شفت وكتي وعذابه وشوگي لهلي والحنين
ولوعة الطف وجرحها وغربتي وليل الونين
خاطبت دهري وگلتله أي وحگ جدي الحسين
الباقر انا وماتهمني وماتحيرني السنين
لاكن حسره تعيش بگلبي
وزادت گلبي بهلوعات
شمل احبابي الرايح مني
هم يرجع ماظن هيهات
ومنين اجيبه. روحي غريبه
من كربله للموت
روحي غريبه
★★★★★
اربع اسنين وشفتها. وتمر بعيوني وتلوح
لوعة الطف وحربها. منها أتعذب وانوح
خيام محروگة ويتامى وروح مهظومه على روح
وداست الخيل على جدي تلفي اشوفنها وتروح
ذيچ الساعه الماانساها.
عن بالي مالحظه تغيب
أهلي الراحوا كلهم مني
انوار الدين واهل الطيب
بدنيا عجيبه. روحي غريبه
من كربله للموت
روحي غريبه
★★★★★
للمنيه اتضل غربتي ولوعتي لأجل الغريب
للحسين ابن الزچيه. علارض طايح خضيب
يملي هذا الكون نوحي. وحرگتي وكثر النحيب
حرگتي للموت تبقه. علحبيب. أبن الحبيب
اشكر ربي وكثرة صبري.
وعزم الروح على الأيام
اتهدم اجبال احزان بروحي
واكثرهن لوعات الشام
العاشت حبيبه روحي غريبه
من كربله للموت
روحي غريبه
★★★★★
والدي السجاد شفته . ينظر الجدي الذبيح
الثأر ابواليمه تعنه. بخنگة الفاگد يصيح
من المخيم شفته طالع بسيفه يتوچه ويطيح
وعمتي للخيمه ترجعه. دموعه فوگ الخد تسيح
دارت كل الناس اعلينه.
علينه التمت كل الناس
بعد احسين الگطعوا نحره
ومن طاح الكافل عباس
گلبي ابنحيبه. روحي غريبه
من كربله للموت
روحي غريبه
★★★★★
أنظر أيامي الاخيره وهاذي ساعات الرحيل
من بعد شمل الأحبة. الراحه صارت مستحيل
چم حبيب الفارگيته. بلطفوف وچم. خليل
ماتركلي بعمري راحه يوم ابد. ماله. مثيل
عدوان الشر تترصدني.
من ذاك اليوم الهليوم
أعلم بالسم يخلص نحبي.
وهذا المني تريده الگوم
الچانت قريبه. روحي غريبه
من كربله للموت
روحي غريبه
الشاعر حسن لعيبي الحريشاوي
لاستشهاد الامام محمد الباقر عليه السلام
يابحر الفضل (وزن نصاري )
يابحر الفضل يامنبع النور
بعيوني المدامع لجلك تفور
يبو الصادق يمظلوم
اليوم الدين مهظوم
بعيوني المدامع لجلك تفور
★★★★★
يانور الهداية وشمعة الدين
ياثاني بدر من نور الحسين
لجلك كل جرح يندار جرحين
يامنهل عذب شفت الأمريين
يبوالصادق يمولاي
يبن الماشرب ماي
يوم الطف غريب وگلبه مكسور
★★★★★
كلمن حاربك نال الخسارات
مايجني ولا ايشوف السلامات
بدرك من سطع خير وكرامات
حقد شالوا عليك وغدو شمات
كلمن حاربك صار
حطب ملموم للنار
وعلى الباغي النوايب لازم ادور
★★★★★
يلبطف شفت مولانا لوعات
من عدوان ماترحم وشمات
عساكر للعلم نظمت حملات
نهج حسين شامخ بيك مامات
تشهد دوم الايام
عزمك يبني الاسلام
وعلم آل النبي بكل بلد منشور
★★★★★
الطمعوا بالمناصب والإمارات
المعارف شافت من الگوم ويلات
صارت بس عناوين وشعارات
گضيت ايامك وياهم معانات
صاروا حرب للدين
گوم الذبحوا حسين
أمية بچفها صار الدين منحور
★★★★★
ينعاك الشرع والدين مولاي
ياطيب عهد للخلگ وفاي
الناس بدون رايك مالهم راي
بيك الموت عنهم صار حداي
الصادق عاش الايام
بعدك حزن وآلام
گلبه من القهر واللوعه مفطور
الشاعر حسن لعيبي الحريشاوي
بمناسبة استشهاد الامام محمد الباقر عليه السلام (لسان حاله في واقعة الطف )
اربع سنين وشفت لوعاتها
لحظه لحظه الطف عشت ساعاتها
حرگوا علينه الخيم
وبينه ماواحد رحم
لحظه لحظه الطف عشت ساعاتها
★★★★★
اصغار نتراكض معسكرهم هجم
بلايه رحمة الخيل وصلت للخيم
حيلي من هول الجره كله انهدم
والعده من گلوبها انشال الرحم
شاف ابوي الخيم گطع حبالها
وشاف زينب ماتسر احوالها
شافها وحيله انهدم
بينه ماواحد رحم
لحظه لحظه الطف عشت ساعاتها
★★★★★
والدي السجاد حاير يلتفت
وين يلباقر يضي عيني رحت
انهدم حيله شافني لمن طحت
بين نار الخيم والعسكر صرت
يانهار الدنيا يشبه ليلها
والعساكر بينه تسحگ خيلها
العسكر علينه هجم
وبينه ماواحد رحم
لحظه لحظه الطف عشت ساعاتها
★★★★★
وي نهاري الليل بعيوني انطبگ
الضوه بيّن من مخيمنه احترگ
جدي بخيول العده شفته أنسحگ
ونحر عبدالله الطفل بالدم غرگ
صدگ تالي ام الخدر يسبونها
صدگ تبچي والدمع بعيونها
چم جرح بيه انلچم
وبينه ماواحد رحم
لحظه لحظه الطف عشت ساعاتها
★★★★★
بدور هاشم جمله طاحوا علثره
وطاح يم النهر سبع الگنطره
شلون حالي شفت كل هذا الجره
وبينه ترعه ام الخدر متحيّره
هجّوا وگامت تلم بايتامها
هيمة والسوط وشمر گدامها
وبقت مرعوبه الحرم
وبينه ماواحد رحم
لحظه لحظه الطف عشت ساعاتها
★★★★★
عاشت بعيني وبقت هاي الصور
تاكل بروحي ويعذبني. القهر
من محرم شيّب الراس وصفر
بكسر ماينجبر دلالي انكسر
بكربله الماكو مثل ايامها
رافگتني للمنيه آلامها
شكثر ياگلبي انهظم.
وبينه ماواحد رحم
لحظه لحظه الطف عشت ساعاتها
الشاعر حسن لعيبي الحريشاوي
لاستشهاد الامام محمد الباقر عليه السلام
إمامي وسيدي الباقر
يبن المصطفى الطاهر
إمامي وسيدي الباقر
★★★★★
الحكيم العالم العابد
الوجيه العارف القائد
الكريم الطاهر الماجد
على بلوه الزمن صابر
إمامي وسيدي الباقر
★★★★★
البليغ ونافذ الكلمه
الهادي الداعي للحكمه
وجودك للخلگ نعمه
سيف المعرفه الباتر
إمامي وسيدي الباقر
★★★★★
شكثر شايف غصص مره
الطفوف او وقعة الحره
يمن هز الجبل صبره
ولاعاش العمر حاير
إمامي وسيدي الباقر
★★★★★
استبداد وعذاب وشر
أمية بالظلم تفخر
متريد العلم يزهر
يلعلمك يضل زاهر
إمامي وسيدي الباقر
★★★★★
تهل لمصابك ادموعي
مصابك هوه موضوعي
الك تتوجر ضلوعي
يگلب الذاب بالعاشر
إمامي وسيدي الباقر
الشاعر حسن لعيبي الحريشاوي
✍🏻قناة الشاعرحسن لعيبي الحريشاوي كتابة أنواع القصائد في مدح ورثاء ال البيت الأطهار
✨معرف القناة🌹 /channel/a3lei
✨معرف التبادل🌹 @ha_aliebee
رابط قناتي على اليوتيوب
https://www.youtube.com/channel/UC_qMISpvnKnqhS-LTnV3thw
اذا ادور قصائد لمحرم مرتبة وحلوة تفضل هذا رابط القناة
/channel/abbmmnn
لفاني العيد (نعي )
لفه عيدك يگلبي منيلَّك عيد
على حملي يحط حملين ويزيد
أخذ كلشي من أديه وفرغت الأيد
بالناس التهمني غَرِّب ابعيد
★★★★★
بيه ايلوم اجاني المادره إصار
الچفه ابماي وانا أچفوفي بالنار
يصبرني ويگلي ليش تحتار
بيها الريح تصفر ضلت الدار
★★★★★
اجاني العيد وانا السهم بچلاي
يموصاحب عليمن معتني وجاي
بهيمه اووشلت من جربتي الماي
يلماخذ هلي اشخليت من راي
★★★★★
اجاني العيد وانا ابحال متعوب
من كل صوب عشر اسهام مصيوب
چني للدهر ثارات مطلوب
من العدليين مدري شلون محسوب
★★★★★
بيكم لويرد الوكت يومين
بشوفتكم اريدن تنملي العين
بلياكم اليوم إعدال سنتين
غريب اخلافكم والحال موزين
★★★★★
ادعي لاتمر ياعيد مريت
ولاشفتك ولابالدار مريت
حنظل باللسان وبعد مريت
أعايدمن هلي تحت الوطيه
الشاعر حسن لعيبي الحريشاوي
لاستشهاد مُسْلِمُ بْنُ عَقِيلٍ رَضِيَ اللَّهُ عَنْهُ (ملمع) بَيْن قَوْسَيْن فُصْحَى
(نبكي قَتِيل الكوفه)
(ذو المهجة الروؤفه )
(واَمسلماً وامسلمآه)
★★★★★
منْ الله كَرَامَه وَنِعْمَه
مُسْلِم سَفِيرٌ الرَّحْمَه
خَيْرٌ وَشَرَف لِلْأُمَّه
رَاح . ابصموده وَعَزْمُه
لحسين ناذر دَمه
إصْلَاح . الْجُمُوع ايْهمَه
(أهل الْهَوَى وَالْكُفْرِ )
(تسلحوا بِالْغَدْرِ . )
(وامسلماً وامسلمآه )
★★★★★
رَاح وَتحَمَل غُرْبَه
وَأَيَّام ضيج وَصَعْبَه
يدْرِي بمخاطر دَرْبَه
ميهمه تَالِي الْحَسبَه
وشلون يگضي نَحْبَه
لِلدَّيْن رَاحَةٌ گلبه
(لم يَخْش مِنْهُم حربا)
(لوقطعوه إرَبا . )
(وامسلماً وامسلمآه )
★★★★★
وَصَلَت رَسَايل كَثْرَه
مِن الگوم لَبَن الزَّهْرَه
كلنه نَسِير ابأمره
وكلنه فده للعتره
مُسْلِم گصد يَتحَرَّه
شَاف النوايا الْخَطِرَه
(ما أَخْطَر النوايا )
(كأنها الْمَنَايَا )
(وامسلماً وامسلمآه )
★★★★★
شَاف الخلگ مجْتَمعَه
وبمسعه واحد تسعه
لحَدْ النِّهَايَة اتَّبَعَه
ثاري الخلگ موطبعه
بِالشِّدَّة تَالِي اتخدعه
بِسَيْف الضَّلَال اتگطعه
(خُضَّب بِالدِّمَاء . )
(ملقى عَلَى الْغَبْرَاءِ )
(وامسلماً وامسلمآه )
★★★★★
مِنْ بَعْدِ هاي الشِّدَّه
وآلآف خَانُوا عهْدَه
بالحومه مُسْلِمٌ وَحْدَهُ
يتمنه چان وَقَصْدَه
منهو لحسين يگصده
وَعَن الْمَسِير أيردَّه
(بلوَعةِ الْحَنيْنِ)
(يبكي عَلَى الحُسينِ)
(وامسلماً وامسلمآه )
الشَّاعِر حَسَنٌ الشاعر حسن لعيبي الحريشاوي
لاستشهاد مسلم بن عقيل رضوان الله عليه
٣دگات (وزن الدارمي )
مسلم وجاهه وخير حكمه وسفاره
ابن العزم والجود سيف وصداره
★★★★★
أتوكل سفير حسين گاصد أَبهمَّه
متوَجَّه على الگوم بأشرف مهمه
گاطع فجوج البيد ماتعب عزمه
مخلص لابو السجاد رهن الأشاره
★★★★★
أنداروا عليه الناس الچانوا وياه
صد عنه كلمن چان بالغربه يرعاه
حظهم خساره او ويل الصاروا أعداه
شَنَّوها غاره أعليه من بعد غاره
★★★★★
ياما نصح متفيد حتى الملامه
بكلمن ذليل الحال عاف الكرامه
لكل غادر ومهزوز وَضَّح كلامه
المامشه ابنهج حسين نال الخساره
★★★★★
لجل الطمع والمال چانت الغايه
عافوا الناس ابساع درب الهدايه
سهام وحجر ورماح تالي النهايه
مسلم رموه من فوگ قصر إلاماره
★★★★★
من الله عالي الشان رب المعارج
مثل الوصي مسعاه حرب الخوارج
مسلم سفير حسين باب الحوايچ
بالكوفه نال أمراد المشه وزاره
الشاعر حسن لعيبي الحريشاوي
بصوت. مسلم المطيري
جنه عباس بمشيته
كلمات الشاعر
حسن لعيبي الحريشاوي
نعي لاستشهاد الامام محمد الباقر عليه السلام
مامر كل وسن بالعين مانام
الباقر يحتضر ياروح الاسلام
سريع السم مشه مبحر بالعظام
مثل عملات يوم الغاضريه
يلصادق ونينك زادني جروح
عليه لاتون ياسلوة الروح
خل يبني ونينك على المذبوح
واخته المشت بالغربه سبيه
الباقر گال للصادق يوصيه
أكصد يبني درب حسين وامشيه
وعمرك بالعلم والصبر تگضيه
تهد أعروش للشر جاهليه
الشاعر حسن لعيبي الحريشاوي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
لاستشهاد الامام محمد الباقر عليه السلام
اتعَلَمِت من الامام الباقر
اقتدي بنهج الرسول الطاهر
★★★★★
اتعلمت من العلِم راي وقرار
وصِفَه كون يصير مو صوره وشِعار
وفهمَّاني العلم للجنه منار
وبالمعارف مايخيب الذاكر
اتعلمت من الامام الباقر
★★★★★
عَلِمَّاني الباقر القول الصريح
وابد ماامشي بطريق الموصحيح
ومااميل الريح سوده ولا اطيح
ومااعيش بذلَّه عمري وحاير
اتعلمت من الامام الباقر
★★★★★
قدوتي الاطهار اصحاب الكساء
وتسعه من ولد الحسين الاوصياء
خذت عزمي من نوايب كربلاء
شماتمر بيه النوايب صابر
اتعلمت من الامام الباقر
★★★★★
عَلمَّاني ما اهاب المستحيل
لاي درب بيه ذِلَّه لو شر ما اميل
وابقه صاحب موقف وصاحب دليل
وبالشدد عندي الجواب الحاضر
اتعلمت من الامام الباقر
★★★★★
عَلِمَّاني الباقر القول السديد
وصار تحقيق الاماني موبعيد
بمنهج العباس وحسين الشهيد
السطرووها ادروس يوم العاشر
اتعلمت من الامام الباقر
الشاعر حسن لعيبي الحريشاوي
(لجلك سيدي الباقر )
بلوعه يسچب الناظر
لجلك سيدي الباقر
★★★★★
گلوب الشيعه حزنانه
لمصابك يامولانه
وحشه العلم ميدانه
يانوره الچنت حاضر
★★★★★
من شفت الخيم تلهب
ومسبيه مشت زينب
حسين على الثرى امسلب
وجيش على الخيم داير
★★★★★
شحالك من شفت بلطف
ابوك البلنسه امكلف
بحبال العده امچتف
عليل ويلتفت حاير
★★★★★
ازغير وشفت بالحومه
جدك ذبلت ارسومه
ذبيح امسلبه اهدومه
بصدره يخسف الحافر
★★★★★
كلشي يبچي لمصابك
وتنحب ضلت احبابك
الصادق عذَّبَه اغيابك
ضل ابلوعته صابر
★★★★★
بالسم يلگضه نحبك
ويله الطاغي من ربك
يامن ذوبت گلبك
الطف ولوعة العاشر
الشاعر حسن لعيبي الحريشاوي
لاستشهاد الامام محمد الباقر عليه السلام
يهل دمعي. بحزن وانعي
الرابع الاطهار من ولد الزچيه
★★★★★
زمن غابر على الباقر لفه العاشر
كسر خاطر. گلب صابر
علحزن والنوح حد يوم المنيه
الرابع الاطهار من ولد الزچيه
★★★★★
الف حسره والف جمره. اسنين عمره
وأشد ذكره على الغبره
يوم طاح حسين ابن حامي الحميه
★★★★★
گلب صابر جمر صاير. يصد حاير
علعساكر. جيش داير
يحرگ وينهب خيام الهاشمية
★★★★★
بزمن جارح. فكر سارح. صوت صايح
للنوايح. يوم طايح
جده مرضوص الجسم فوگ الوطيه
★★★★★
أشكد تعذب راسه شيب. خيم تلهب
گوم تنهب عمته زينب
باليتامة اتكفلت بالغاضريه
★★★★★
يابوجعفر ناره تسعر وقائد الشر
ماتأخر. يوم قرر
ابجرعة السم يحجب انواره الزهيه
★★★★★
العده رادت واستراحت يوم طاحت
روحه فاضت. شده چانت
صعبه علاسلام چانت هلرزيه
الشاعر حسن لعيبي الحريشاوي
لاستشهاد الإمام محمد الباقر عليه السلام
الفوگ الصبر صبره. ابسم انختم عمره
ويلي على الباقر
★★★★★
شحال اليودعونه. لمن يشوفونه
الْهَمّْ سلب لونه. والدمعه بعيونه
لجل اليحبونه. حظروا يشيعونه
بالدمعه والحسره
ويلي على الباقر
★★★★★
ازدحمت ابابه الناس واحبابه
بدموع سچابه تنحب على اصوابه
كل حزنه واسبابه لحسين ومصابه
المذبوح علغبره
ويلي على الباقر
★★★★★
ياحسرة الباقر. لبدر السمه الزاهر
بيه الوكت غادر. يتذكر وصابر
جرح الامس حاضر بيه لوعة العاشر
علمنگطع نحره
ويلي على الباقر
★★★★★
يتذكر الغربه. وايامها الصعبه
حسين الگضه نحبه ضربه بأثر ضربه
بسيف الدعي وحزبه.واللحيه متخضبه
ماواحد يحضره
ويلي على الباقر
★★★★★
ماتنگضي احزانه. يوم الدهر خانه
من غَيَّر الوانه. والطف على السانه
وحسين عنوانه. ساكن بوجدانه
عين الدمع حمره
ويلي على الباقر
الشاعر حسن لعيبي الحريشاوي
معاناة الفراق (ملمع )
منتظر ملهوف وبگلبك حنين
أسوت ابحالك يمولاي السنين
(انت دوماً باشتياق ومعاناة الفراق )
اسوت بحالك يمولاي السنين
★★★★★
سنين منتظرين يامن تنتظر
ننتظر ملگاك من فجر الفجر
لاحجاب يغطي نورك يابدر
منك انريد السماح ونعتذر
(ايها البدر المنير صاحب القلب الكبير )
اسوت بحالك يمولاي السنين
★★★★★
اليمته يامولاي ياراعي الشيم
أمفارگ ومهموم وتعاني الألم
المهم راحتنا عندك والأهم
بدونك الدنيا يبوصالح عدم
(ان رؤياك الحياة وكمال الأمنيات )
اسوت بحالك يمولاي السنين
★★★★★
كل امانينا نعيش بخدمتك
جنود وترفرف علينه رايتك
يلي نهج حسين منهج ثورتك
بالعدل تملي الأرض كل غايتك
(يامعز الاولياء لمتى هذا العناء )
اسوت بحالك يمولاي السنين
★★★★★
الدهور اشماتاخرك والزمن
رغم كلشي صابر بوجه المحن
بشوگ النه مازلت يبن الحسن
علينه خايف لاتغيرنه الفتن
(نتمنى كمناك ان ترانا ونراك )
اسوت بحالك يمولاي السنين
★★★★★
چم لسان بأسمك الطاهر لهج
يدعي رب الكون تعجيل الفرج
عشگ فطري سالب گلوب ومهج
حجة الله آخر انوار الحجج
(ايها الحق الرشيد قاصم الظهر العنيد )
اسوت بحالك يمولاي السنين
الشاعر حسن لعيبي الحريشاوي
لاستشهاد الامام محمد الباقر عليه السلام
تضل دوم لوعة الباقر
بدت يوم من بده العاشر
★★★★★
بدت من حطوا اخيام
احسين الماغفه ونام
خاف ايضيع الاسلام
شاف الباقر ايام
سبايا وغربة وايتام
ورحلة حزن والآم
جمع گوم حاقد وغادر
بدت يوم من بده العاشر
★★★★★
بدت من گطع النحور
لوعة يوم عاشور
الاكبر گلبه مفطور
يعاني العطش ويفور
الباقر گلبه مكسور
ويتامه ابحال مذعور
بلانوم والجفن ساهر
بدت يوم من بده العاشر
★★★★★
بدت عباس من راح
أسف يم النهر طاح
يلوع الباقر وناح
طير وفاگد اجناح
همومه اشلون تنزاح
وگلبه شوكت يرتاح
يملچوم بلوعته وصابر
بدت يوم من بده العاشر
★★★★★
بدت من دمهم ايسيل
وعليهم داست الخيل
زلم طاحوا مچاتيل
اطفال مهدمه الحيل
عليهم خيم الليل
الكون شعجب ميميل
والنجوم والدرب غابر
بدت يوم من بده العاشر
★★★★★
بدت لوعات الايام
بحبل مچتوف للشام
وأميه رفعت اعلام
طغوا عدوان الاسلام
حرب صاروا للاحكام
ذول اتباع الاصنام
يمظلوم بنظرته حاير
بدت يوم من بده العاشر
الشاعرحسن لعيبي الحريشاوي
https://youtu.be/PCxI8OzueXk?si=t7LSAIXDzuHX91Oc
Читать полностью…
للعليلة | احمد عزيز | حسن لعيبي الحريشاوي
Читать полностью…