1638
هذه القناة تتضمن قصائد واشعار ولائية وحسينية في مدح ورثاء ال البيت الاطهار
خطاب عن لسان حال العقيلة زينب لأمير المؤمنين علي عليه السلام بعد استشهاده
يبوالغيره العمر حيره
بعد عينك علي بويه
★★★★★
شوف اعيوني مايسوه اذا مايوم اشوفنك
اعرفك ماتجافيني ولا هذا الطبع منك
يلمبعد عليه اشلون بويه اليوم اريدنك
شكثر وني يعذبني
بعد عينك علي بويه
★★★★★
عليه بس حزن تمطر الدنيا لوصفت غيمه
وهيمه اتصير اشوفنها واتيه ابوحشة الهيمه
مايسوه العمر بعده ياناس الأبو خيمه
بلا ملگه العمر حرگه
بعد عينك علي بويه
★★★★★
ومن العالي للهيمه الدنيا صارت اتذبني
صرت بعدك يبو الطيبه بحال المايناسبني
سيف الصوبك بالراس ابلب أحشاي صوبني
واتگوه على البلوه
بعد عينك علي بويه
★★★★★
ريت اندارت ابراسي بوية طبرت اصوابك
ولااشوفن خلية الدار موحش ليل محرابك
شوصف حالة ايامي سنه كل يوم بغيابك
كثر صبري كسر ظهري
بعد عينك علي بويه
★★★★★
شنهي المابچالك دم ولونه اندار وتغير
بوجودك چنت اتمنه يطول العمر ياحيدر
هسه اتمنه بغيابك ياريت العمر يگصر
صعب أمري وگضه عمري
بعد عينك علي بويه
★★★★★
من الموت لوتنظم ابلب احشاي ظميتك
مثل كل يوم يابويه اليتامه وصلوا البيتك
گبل زادك يبو الغيره اجوا يردون حنيتك
يذكروني ويبچوني
بعد عينك علي بويه
الشاعر حسن لعيبي الحريشاوي
https://youtu.be/BvlglwXtWns?si=qRszajpBWAGxlW70
Читать полностью…
https://t.me/joinchat/RynYgUHcC3vUu1Jt
كلمات الشاعر
الشاعر حسن لعيبي الحريشاوي
لحن وآداء
ملا عدي الربيعي
نعي عن لسان العقيلة زينب بحق امير المؤمنين علي عليه السلام
يبويه حيل دوهني زماني
سهم فر گاك بضلوعي رماني
جمر دمعي فطر گلبي و چواني
مدري منين ابن ملجم اجاني
طبر والدي وچمل احزاني
هذا الي خفت منه لفاني
فرا گك ياعلي بويه عماني
الشاعر حسن لعيبي الحريشاوي
استشهاد امير المؤمنين
علي عليه السلام
علي يامنبع الجود بهاي الليله موعود
طحت يلماطحت يوم
بطبرة سيف مسموم
بهاي الليله موعود
★★★★★
منيتك كسرت اگلوب اليتامه
ابسلامه مانظن يابو السلامه
شعجب ماحست الدنيا بندامه
عتب مافاد بيها ولاملامه
يوم الطحت مصيوب
ذابت مهج وگلوب
طحت ماظنك تگوم
بطبرة سيف مسموم
بهاي الليله موعود
★★★★★
گلتها من عرفت اليوم رايح
صوايح بعد تتبعها النوايح
ركن الدين يوم الطحت طايح
من دم جبهتك مولاي سابح
ترضه عيونك تنام
امسهر عيون الايتام
ولحية مخضبه ادموم
بطبرة سيف مسموم
بهاي الليله موعود
★★★★★
اجت ساعة الموت شلون تنرد
الليله الواعدك بيها محمد
روحك للجنان اليوم تصعد
لبس دين الهدايه الثوب الاسود
الماخذ منك العيد
طبرة راسك يريد
هذا الغدر مظموم
بطبرة سيف مسموم
بهاي الليله موعود
★★★★★★
مثل ناطر محب تنتظر جيه
اجاك الخاسر بفوز المنيه
امتانيك النبي وبنته الزچيه
وتودع دنيه غداره ورديه
بميلة غدر بالسيف
علباري تحل ضيف
حال العمر محسوم
بطبرة سيف مسموم
بهاي الليله موعود
★★★★★
شخذ منك السيف وربك انطاك
كلشي نطاك رغماً على العاداك
ذلهم للحضيض وفوگ علاك
متاخرت رب الكون ناداك
حبيب ونادى محبوب
شگصرها اتصير الدروب
وعندك صار معلوم
بطبرة سيف مسموم
بهاي الليله موعود
الشاعر حسن لعيبي الحريشاوي
لاستشهاد امير المؤمنين علي عليه السلام
لامن وفه ولاعاطفه
بسيف الغدر ظالم لفه
وكت الفجر لاح الغدر
راس الشريعه منطبر
اه ياعلي يابوالحسن اه ياعلي يابوالحسن
★★★★★
وسفه نوايب هلزمن ماتنحمل
ادوّر على الطبعه وفي وگلبه سهل
راعي اليتامه الماجفه وعنهم يمل
ناذر حياته من المهد حد القتل
شبيه الزمن كله فتن
ماانصفك يابوالحسن
لوانصفك ماخالفك
هذا الزمن ماوالفك
اه ياعلي يابوالحسن اه ياعلي يابوالحسن
★★★★★
وسفه نوايب هلوكت ماتنتظر
ماامهلت طيب گلب كلها غدر
سيوف المنايا تحظرت ليلة قدر
تريد بغدرها ينجلي نور البدر
لسيف البده ابركن الهدى
مستبشره اكلوب العده
لمن طحت وتخضبت
صحت بشرف والله فزت
اه ياعلي يابوالحسن اه ياعلي يابوالحسن
★★★★★
سيوف الظلاله جسدّت معنى الظلم
حكم الجهاله بالعلم اصعب حكم
وليش التداري حالته يطلع خصم
ترضه اليتامه ياعلي تبقه ابهظم
زينب تون ليك وتحن
يلغمضت عنها الجفن
حيف الجره دمك جره
باچر سمه تحت الثرى
اه ياعلي يابوالحسن اه ياعلي يابوالحسن
★★★★★
بيت النبي مافارگه يوم الحزن
باچر سمه تحت الثرى من تندفن
لوجه المحنةوالعطف زينب تحن
وناتها اتصدع الجبل لمن تون
يلمنطبر نار الصبر
نادت بعد شنهي العمر
بعدك گضه عمري ومضه
ون ودمع يلمرتضى
اه ياعلي يابوالحسن اه ياعلي يابوالحسن
★★★★★
رادوا زمن يلقررت لامايرد
اصنام الكفر يامن گلت ماتنعبد
لهذا السبب يابوالحسن شالوا حقد
العاش ابظلاله ابمنهجك ماينسعد
اهل الجفه ابلامعرفه
نور الازل ظنوا طفه
لهل الجهل تضرب مثل
وي الزمن اسمك يظل
اه ياعلي يابوالحسن اه ياعلي يابوالحسن
الشاعر حسن لعيبي الحريشاوي
نعي. لاستشهاد أمير المؤمنين علي عليه السلام
ياسمه زيدي حزن يا گاعنه اتزلزلي
يادنيا صيري دمع بالنايحه اتعجلي
وياليل طوّل بعد خل الصبح ينجلي
وياروح ودعي الفرح لحزانج استقبلي
وجروح خلي الگلب فوگ الجرح ينملي
بلواه ماتنوصف. حال الگلب مبتلي
كهف اليتامه رحل هليوم ماكو علي
الشاعر حسن لعيبي الحريشاوي
لاستشهاد أمير المؤمنين
علي عليه السلام (گعديه)
علوجه ينزف جبينه بلارحم طبروا ولينه
اتعلموها من زمان. مالهم رحمه وامان
بلارحم طبروا ولينه
★★★★★
شعشع الاسلام نوره عالجوه ابليله سوده
عرفوا أدَّهَوَر وضعهم من علي وقيمة وجوده
وبرحيله تبدي عدهم دولة الشر الحقوده
الله رحمهم بالوصي
من يوم ماراح النبي
صار بطبعهم مبتلي من الدسايس ذبل عوده
ابد ماوگفوا بصدره اجوا لمن دارظهره
طعنوا الحق والبيان. مالهم رحمه وامان
بلارحم طبروا ولينه
★★★★★
للمضره ودرب عاثر التمت اوجوه الضلاله
غصه صارت بالحناجر نور الاسلام وجماله
حرب حيدر مادروها حرب للباري وجلاله
گلب المحبه والرحم
شاف شكثر جور والم
من ناس عشرتهم وهم كلمن ايدور مناله
من الصفر جابوها حيله وعرفوا اشلون الوسيله
الخافي مومثل اللسان. مالهم رحمه وامان
بلارحم طبروا ولينه
★★★★★
حاولوها اچم طريقه غيروا للحق ملامح
علي موگد الخلافه علي لوسولف يمازح
عمره ميناسب خليفه عدنه درب الشورى راجح
وسط السقيفه اتجمعوا
شگد قيم للحق ضيعوا
أبشرالكلام اتوسعوا اتبادلوا حق المصالح
قرروا صارت فرض ماله حق اليعترض
ولاله من عدهم ظمآن مالهم رحمه وامان
بلارحم طبروا ولينه
★★★★★
خطوا اثار الدربهم شكلوا درب المذاهب
تمجد ارجال الكراسي كل حكم شرعيته واجب
اتبع الحاكم الجائر هذا قانون المناصب
الهم ملك هاي الارض
اتبعهم ولاتعترض
قانون خلوه وفرض لاتجادل لاتحاسب
وبهلطريقه المؤسفه انصاب راس المعرفه
علي بالباري استعان. مالهم رحمه وامان
بلارحم طبروا ولينه
الشاعر حسن لعيبي الحريشاوي
لاستشهاد أمير المؤمنين علي عليه السلام لسان حال العقيلة زينب سلام الله عليها
ملا ابوجليل الدردوشي
الشاعر حسن لعيبي الحريشاوي
ودعتك الله ياضوه العين
ودعتك الله ياضوه العين
★★★★★
چن الزمان اتعاند وياي
وگلي يزينب هذا منواي
ماخلي من البيت حَمَّايِ
ولاالچ كافل من تحشمين
★★★★★
خالي مچانك بويه ياحيف
ضليت اشوفك شوفت الطيف
الله يجازي ضربة السيف
يابويه راسك صار نصين
★★★★★
بگلبي احسها طبرت الراس
اي وحگ ربي خالق الناس
شحال الكفيل اشحاله عباس
وشحال گلب الحسن وحسين
★★★★★
ماخلص بويه شهر الصيام
محروم منك صار الإسلام
مثلي تون اعليك الأيتام
وأبابك اتنوح المساكين
★★★★★
يوم الكدر چاوين مظموم
أبجَيَّت الغادِر جَيَّت الشُوُم
گالوا يبويه السيف مسموم
سَيف الْمِنيَّه حَزَّمَه الْبَين
★★★★★
غاب النهار واظلم الكون
خلافك يبويه بحالتي شلون
صاح الطبيب بصوت محزون
حالك يبويه ايگول موزين
الشاعر حسن لعيبي الحريشاوي
لاستشهاد امير المؤمنين علي عليه السلام. ميمر
چفوف المحن. يابو الحسن
بسيف الغدر. يمك لفن
بياذنب الهم مطلوب. وشنهي الذنب واسبابه
★★★★★
ياناس مظلومه وصدگ ظالمها
جارت عليك الوادم الراحمها
يلخبزتك وي قمبر امقسمها
اهل البغض. كلهم رفض
ليش العهد. ماينحفظ
يانعمة الله الوهاب. ياحيدر انته وبابه
★★★★★
چاوين ناس الي چنت راعيها
بگلب الحنين من الوكت حاميها
گلوب وجفت بس الغدر حاديها
ناس الاجت. وبلابخت
راحت گلب. منك خذت
ياثار عدهم ونگول الوادم. اجت طَلَّابَه
★★★★★
غير الغدر يابو الوفه ماشفته
يامن لأجلهم. هلعمر. قدمته
ولاذاك قالع باب خيبر أنته
جوك بغدر. وكت الفجر
وانته الچنت. الهم ستر
وذاك التربع بحماك. برأسك يغمج اصوابه
★★★★★
انظر يصاحب گبر ظهر الكوفه
جنة عدن ماتشح يوم اچفوفه
ماينحصي وماينتهي معروفه
والمبتلي. وماتنجلي
ناره. يظل. يندب علي
حتما يسعفه الكرار. مايوم عاف أحبابه
★★★★★
مبخوت كلمن معتنيله وزاره
وبحقه عارف ملتزم باكتاره
يوم الحشر هنيال كلمن جاره
يوم الحشر. ماينكسر
يلگه علي بيوم العسر
فاز اليوالي الكرار. بيمنته يشيل اكتابه
الشاعر حسن لعيبي الحريشاوي
بصوت. مسلم المطيري
عظم الله الباري يمهدي
اجرك ابهدا بهذا المصاب
كلمات الشاعر
حسن لعيبي الحريشاوي
لاستشهاد أمير المؤمنين علي عليه السلام موشح
اليوم ياشيعه وداع المرتضى
بسيف المرادي آسف نحبه كضه
★★★★★
ياهو بالاسلام مثلك وثبته
يادليل احتاج. أكثر وثبته
دگ اساس الدين انته وثبته
ليش شخصك بالغدر منهم حظه
★★★★★
يامصيبه علينه صارت نازله
جمر خلتها المدامع. نازله.
ياعلي المايوم واحد نازله
من الظهر صابته الناس المبغضه
★★★★★
وحده حيدر بعد طه منصفه
الحاكم بحكم المصالح منصفه
ياهو شايل مثل حيدر من صفه
تشهد بفضله المعالي. والفضه
★★★★★
ها مته يصفون وياه هامته
الما أبد فديوم تضعف. هامته
بالغدر مطبوره صارت هامته
ماشفت مطبور ينطي. موعظه
★★★★★
احبابه جمرات المدامع هلته
تراب گبر الوصي لمن هلته
طبروا القران طبروا هل اتى
بوجه الابيض راح للباري ومضه
★★★★★
للنبي بكل راي حيدر عادله.
ومثل روح النبي روحه. عادله
مايهم من حاربه ومن. عادله
ومايهم من رضا عليه ومارضا
الشاعر حسن لعيبي الحريشاوي
ياامير المؤمنين
قليل شماتألمنه وبچينه
ابمصاب الطاهر الروحه حنينه
الماهاب المنايا وكثرة الناس
ولاشك اليمر ساعه بيقينه
بهجير ايصوم ويأدي العبادات
يناجي الباري ماغمضت عينه
علي رمز العباده ومنهل الخير
نذر روحه وحياته لجل دينه
بسيف الغدر وبچف الضلالات
تخضب بلدمه ينزف جبينه
ماكمل اصيامه وعَيَّدْ العيد
لفه الموت وأخذ بيده ولينه
من ذاك الوكت مولاي لليوم
مصابك ياعلي شمسوي بينه
الشاعر حسن لعيبي الحريشاوي
لاستشهاد أمير المؤمنين علي عليه السلام لسان حال العقيلة زينب سلام الله عليها
ودعتك الله ياضوه العين
ودعتك الله ياضوه العين
★★★★★
چن الزمان اتعاند وياي
وگلي يزينب هذا منواي
ماخلي من البيت حَمَّايِ
ولاالچ كافل من تحشمين
★★★★★
خالي مچانك بويه ياحيف
ضليت اشوفك شوفت الطيف
الله يجازي ضربة السيف
يابويه راسك صار نصين
★★★★★
بگلبي احسها طبرت الراس
اي وحگ ربي خالق الناس
شحال الكفيل اشحاله عباس
وشحال گلب الحسن وحسين
★★★★★
ماخلص بويه شهر الصيام
محروم منك صار الإسلام
مثلي تون اعليك الأيتام
وأبابك اتنوح المساكين
★★★★★
يوم الكدر چاوين مظموم
أبجَيَّت الغادِر جَيَّت الشُوُم
گالوا يبويه السيف مسموم
سَيف الْمِنيَّه حَزَّمَه الْبَين
★★★★★
غاب النهار واظلم الكون
خلافك يبويه بحالتي شلون
صاح الطبيب بصوت محزون
حالك يبويه ايگول موزين
الشاعر حسن لعيبي الحريشاوي
لاستشهاد أمير المؤمنين علي عليه السلام
(فزتُ وربِّ الكعبه )
ناده علي ابهلضربه. (فزتُ وربِّ الكعبه )
★★★★★
من تخضب حيدر ابدمه يگول
هاي ليله البيها واعدني الرسول
طبرتي قربان وأتمنى القبول
جرحي لجل الباري أنساه ويزول
شما ليله چانت صعبه. (فزتُ وربِّ الكعبه )
★★★★★
وبمنامي زارني الهادي الحبيب
گال هاي الجنة بوجودك تطيب
بطبرتك لمن تجي الربك خضيب
وياي ياكرار بالجنه قريب
لونلت هاي الرتبه. (فزتُ وربِّ الكعبه )
★★★★★
گضه بالتهليل وكته وبالدعاء
احشرني ربي ويه خير الانبياء
بهلمصيبه انفجعت أملاك السماء
طبر راس الخير أشقى الاشقياء
حيدر ينادي ربه. (فزتُ وربِّ الكعبه )
★★★★★
اجت زينب والدمع علخد يسيل
گلها يابويه دنه يوم. الرحيل
صبري يابت فاطمة الصبر الجميل
راح ماظل بالعمر الا القليل
من بعد جور وغربه. (فزتُ وربِّ الكعبةِ )
★★★★★
الدهر بيك اسوة ياگلب الحنون
عادته وياك كل مره. يخون
گال يارب الفرج بعد المنون
بعد هاي الشده كل شده تهون
بحب الرسول وحزبه. (فزتُ وربِّ الكعبةِ )
الشاعر حسن لعيبي الحريشاوي
نزلة بحق أمير المؤمنين عليه السلام
أداء : احمد عزيز
كلمات : حسن لعيبي الحريشاوي
في شهادة أمير المؤمنين علي عليه السلام
اتلوعت أم البنين. ظلت بنار الونين
عگب حماي الحميه شلون تگضيها السنين
★★★★★
من بعد حامي الحميه. عينها لدرب المنيه
علي مابيه بعد جيه. تلتفت يسره ويمين
★★★★★
من بعد روحة الغالي. للمنيه اتعد ليالي
تنظر المحراب خالي. من عگب حيدر حزين
★★★★★
راس شايل دين ربه. بسيف بن ملجم يضربه
بياطلب ظالم يطلبه. منين اجاه وچان وين
★★★★★
نادته ابفيض المآسي. افراگك يشيب الرواسي
دون راسك كون راسي ينطبر يابوالحنين
★★★★★
خطه بيها نهدر دمه. دبروها ابوكت ظلمه
ونفذاها الماله رحمه وصوباه الماله دين
★★★★★
هامته الظالم طبرها. بالگلب ظلت أثرها
اعليه تون گضت عمرها فاطمه أم البنين
ألشاعر حسن لعيبي الحريشاوي
لاستشهاد امير المؤمنين علي عليه السلام
على طور ملا وطن
يلي رحت للمشرعه عود علينه
اركان الهدايه اتهدمت. والله مصيبه
والدنيا چنها اتغيرت . والله مصيبه
★★★★★
لمن رحت يابوالحسن. كلشي تغير
الليل طالت وحشته والصبح مامر
خَيَّم الليل على الخلگ طال وتكدر
دنيا وصفت يوم الرحت. دنيا غريبه
اركان الهدايه اتهدمت. والله مصيبه
★★★★★
يابوالمحنه والعطف ياراعي الايتام
مووكت روحه ياعلي لوتغفه وتنام
لادنيا تسوه من رحت ماتسوه الايام
تقرب منيته كل محب يرحل حبيبه
اركان الهدايه اتهدمت والله مصيبه
★★★★★
ابچتالك اتوصي چنت. اتوصي وتعيد
ضربه ابضربه لومتت حد هذا ميزيد
حتى بعدوك ماعلت لابيه اذه أتريد
يلفزت بالجنه وگلت. صارت قريبه
أركان الهدايه اتهدمت. والله مصيبه
★★★★★
يمطشر بروس الكفر محد دنالك
لامرحب ولاعامري. يوگف اگبالك
الراعيتهم بس الغدر. منهم صفالك
بسيف الغدر يلهامتك بالدم خضيبه
أركان الهدايه اتهدمت. والله مصيبه
★★★★★
يابوالحسن يوم الطحت. مفجوعه الافلاك
گلوب ومهج ياسيدي. ماخذهن. وياك
ارواح ذوبها الحزن. كاتلها. فرگاك
وجبريل مكسور الگلب. طول نحيبه
اركان الهدايه اتهدمت. والله مصيبه
الشاعر حسن لعيبي الحربشاوي
ابوذية لاستشهاد أمير المؤمنين عليه السلام عن لسان العقيلة زينب سلام الله عليها
اتحزم بالكدر دهري وجاني
يبويه ونار الموادع وجاني
وي الگوم شمسوي. وجاني
لفوك بسيف بيه تحدي المنيه
ملا هاشم البزوني🎤🎤🎤
الشاعر حسن لعيبي الحريشاوي✍✍
هوسات تأبينيه لاستشهاد امير المؤمنين علي عليه السلام
شنهي المابچالك يا ابوالايتام
بچه الكون المصابك ناحت الأحكام
بچه المحراب لفراگك بچه الاسلام
(مهظوم الدين وأحكامه )
★★★★★★
على فراگك يون وينوح ياحيدر
محراب الصلاة والدين والمنبر
بنوايا السود خصمك معتني ويفتر
(ضم سيف الشر تحت اكتاره)
★★★★★
شنهي المابچالك ياعلي الكرار
الجن والانس يبچي يحامي الجار
والمي والأرض والطير والأشجار
(حيدر بچه الكون مصابه )
الشاعر حسن لعيبي الحريشاوي
لاستشهاد أمير المؤمنين
علي عليه السلام (گعديه)
علوجه ينزف جبينه
بلارحم طبروا ولينه
اتعلموها من زمان. مالهم رحمه وامان
بلارحم طبروا ولينه
★★★★★
شعشع الاسلام نوره عالجوه ابليله سوده
عرفوا أدَّهَوَر وضعهم من علي وقيمة وجوده
وبرحيله تبدي عدهم دولة الشر الحقوده
الله رحمهم بالوصي
بحيدر ابن عم النبي
صار بطبعهم مبتلي من الدسايس ذبل عوده
ابد ماوگفوا بصدره
اجوا لمن دارظهره
طعنوا الحق والبيان. مالهم رحمه وامان
بلارحم طبروا ولينه
★★★★★
للمضره ودرب عاثر التمت اوجوه الضلاله
غصه صارت بالحناجر نور الاسلام وجماله
حرب حيدر مادروها حرب للباري وجلاله
گلب المحبه والرحم
شاف شكثر جور والم
من ناس عشرتهم وهم كلمن ايدور مناله
رفضوا الحق ودليله
وعرفوا اشلون الوسيله
الخافي مومثل اللسان. مالهم رحمه وامان
بلارحم طبروا ولينه
★★★★★
حاولوها اچم طريقه غيروا للحق ملامح
علي موگد الخلافه علي لوسولف يمازح
عمره ميناسب خليفه عدنه درب الشورى راجح
وسط السقيفه اتجمعوا
شگد قيم للحق ضيعوا
أبشرالكلام اتوسعوا اتبادلوا حق المصالح
احكام سووها وفرائض
ماله حق كلمن يعارض
ولاله من عدهم ظمآن مالهم رحمه وامان
بلارحم طبروا ولينه
★★★★★
خطوا اثار الدربهم شكلوا درب المذاهب
تمجد ارجال الكراسي كل حكم شرعيته واجب
اتبع الحاكم الجائر هذا قانون المناصب
الهم ملك هاي الارض
اتبعهم ولاتعترض
قانون خلوه وفرض لاتجادل لاتحاسب
وبفكر ظالم مخالف
صوبوا راس المعارف
علي بالباري استعان. مالهم رحمه وامان
بلارحم طبروا ولينه
الشاعر حسن لعيبي الحريشاوي
نعي عن لسان العقيله زينب
تخاطب ابيها امير المؤمنين عليه السلام
بياحال زينب تغفه وتنام
صاحت صدگ ياراعي الايتام
صدگ مطبور يابويه على الهام
يطيبة خاطري وراحات الايام
يرجواي الرحت يافرح مادام
عجيد الگوم بويه انهض يضرغام
عليه الدنيا بعدك شدة احزام
يمن كملّت دين الله والاسلام
رحت ماكملّت ياحيف إلاصيام
الشاعر حسن لعيبي الحريشاوي
ابوذيات لاستشهاد أمير المؤمنين علي عليه السلام
يدنيا ليش بس حقدچ علينه
لان ناصي العدو واحنه علينه
بشهر رمضان صوبتي علينه
فجعتي گلوبنه بحامي الحميه
عليك الحقد مثل المطر منصاب
راسك لواساس الدين منصاب
علي مارايد من الناس منصاب
علي رايد الخير الهلبريه
بحقدهم اسسوا دوله وجبهه
والناتج طبر هامه وجبهه
محبتك ياعلي الباري وجبهه
اساس الدين والاسلام هيه
الك يابو الحسن بالحرب وثبات
ادله بهاي مايحتاج وثبات
باسمك علولايه اظل وثبات
لان حبك رضا الباري ونبيه
هامه لكل نبي ترجع وصلها
سيفه شلون المرادي وصلها
الدنيا إلي گطع حيدر وصلها
عليه صارت حلف وي ال اميه
الشاعر حسن لعيبي الحريشاوي
لاستشهاد امير المؤمنين علي عليه السلام
غدر واضح خطته مرسومه
برأسه حيدر طبرته مسمومه
★★★★★
بطبرتك والينه
نار تسعر بينه
وبهظم ضلينه للحزن ردينه
السهله دوم اطباعه
صعبه ليش اوضاعه
الوالي حان اوداعه وهاي اخر ساعه
طلعت احقاد الامس مظمومه
برأسه حيدر طبرته مسمومه
★★★★★
عينك الباريها
الدنيا مالك بيها
قصدك تجافيها وطي سجل تطويها
ايتامك امخليها
ليش ياواليها
غيابك امأذيها افراگك امبچيها
ايتام من شوفة علي محرومه
برأسه حيدر طبرته مسمومه
★★★★★
وين يابوالطيبه
رايد بهلغيبه
الفارگك ياهيبه منين صبره يجيبه
انشده زينب بالها
ماتسر احوالها
يلطريح اگبالها والهظم يبرالها
زينب تنوح وتظل مهظومه
برأسه حيدر طبرته مسمومه
★★★★★
اليوم منتظرينه
اعداك ومدبرينه
القاتل امحظرينه راسك امطبرينه
يلصعب مظمونك
وين اليفهمونك
ابد ميعرفونك ذوله اليعادونك
ياسمه الدين وضواه ونجومه
برأسه حيدر طبرته مسمومه
★★★★★
ياضواه وانسامه
الشهر تبچي ايامه
ماگضيت اصيامه طبرتك علهامه
كتابك ومحرابك
يبچي نار غيابك
الجنه وصلت بابك يلفزت بصوابك
الشيعه بغيابك غدت مهمومه
برأسه حيدر طبرته مسمومه
الشاعر حسن لعيبي الحريشاوي
فِي مَدْحِ أَمِيرَ الْمُؤْمِنِينَ عَلِيٍّ عَلَيْهِ السَّلَامُ
ياوراء الْعَقْلِ يافَوق الْكَلَامْ
ياٍامام الْكُلّ يانِعْمَ الْإِمَام
يارحيماً بِالْفَقِير أَيُّهَا الْقَلْبُ الْكَبِير
ياأمام الْكُلّ . يانعم الْإِمَام
★★★★★
سَهْم حُبٍّ نَالَ قَلْبِي بِالصَمِيمْ
أَنَّهُه سِحْرٌ مَنْ الْبَارِي عَظِيمٌ
زَالَ عَقْلِيٌّ وَالْهَوَى فِيه مُقِيمٌ
يانعيماً دُونَه الْعُمْر جَحِيم
انْتَهَى الصَّبْرَ دُمُوعًا فَجَرَى
ياإماما أَوَّلًا قَبْلَ الْوَرَى
كَيْف عَدْوِّكَ أَخِير. أَيُّهَا الْقَلْب الْكَبِير
يَا إمَام الْكُلّ . يانعم الْإِمَام
★★★★★
بَيْن إقْصَاءٌ وَهَجَر وَجَفاء
وَحُقُوق سلبتها الادعياء
عِشْت مَرّ الصَّبْر مِثْلُ الْأَنْبِيَاءِ
تَارِك الْحَرْب إلَى سَيْفِ الدُّعَاء
أَنْكَرُوا فَضْلِك عَنْ جَهْلٍ عَقِيمٌ
خَان حَظّ الْقَوْم شرّ مُسْتَدِيمٌ
شَرِّهِم شَرّ قَصِيرٌ أَيُّهَا الْقَلْب الْكَبِير
ياامام الْكُلّ . يانعم الْإِمَام
★★★★★
اسْتَقْبَلُوا خَيْرُك هُجْرًا وَوَدَاع
أَنَّهُم لِلْخَيْر فِي حَالِ امْتِنَاع
لَيْس للجدب مِنَ الْغَيْثِ انْتِفَاعٌ
قُلْت لاامر لَهُ مِنْ لايطاع
آثَرُوا عَنَّ نَصْرُة الْحَقِّ اجْتِنَابا
غَيْرِ لَوْمٍ لَا تَرَى مِنْهُم جَوَابًا
سَعْيُهُم سَعْيٌ خَطِير أَيُّهَا الْقَلْب الْكَبِير
ياامام الْكُلّ يانعم الْإِمَام
★★★★★
أَيْن فَضْل الْقَوْم فَاحْتَجُّوا عَلَيْك
يَهْجُر الْمُخْتَار قَالُوا لِأَخِيك
كَيْف تَحْتَاج الَّذِي احْتَاجَ إلَيْك
أَيْ عَقْلٌ ياامامي يحتويك
أَنْت ياخازن أَسْرَار النُّبُوَّة
قَدْ حُفِظَتْ الدِّينِ عَنْ عِلْمٍ وَقُوَّة
وَتَحَمَّلَت الْكَثِير أَيُّهَا الْقَلْب الْكَبِير
ياامام الْكُلّ يانعم الْإِمَام
★★★★★★
أَنْت حَصِّنِّي قَالَهَا الرَّبّ الْمُجِيب
آمِنًا مِنْ يَدْخُلُ الْحِصْنَ الرَّحِيب
كَيْف عادوك وللرب حَبِيب
يالقوم أَمَرَهُم هَذَا غَرِيبٌ
يافيوض الرَّبّ لِلنَّاس جَمِيعًا
طَائِعًا لِلَّهِ لَمْ يُلْقَى مُطِيعًا
زَادَه قُرْص شَعِير أَيُّهَا الْقَلْب الْكَبِير
ياامام الْكُلّ . يانعم الْإِمَام
★★★★★
ياعلي ياامير الْمُؤْمِنِين
قَطَعُوا وَصَلَك ياحبلا مَتِينٌ
بؤسهم إذ خذلوا الْحَقُّ الْمُبِينُ
وَمَشَوْا خَلْفَ هَوَاهُم بائسين
ياامام الْكُلّ مَعْصُوم الْخُطَى
خَلْفَك الْمَاشِي إِلَى الْخَيْرِ مَشَى
إِنَّك الْبَدْرِ الْمُنِيرِ أَيُّهَا الْقَلْب الْكَبِير
ياامام الْكُلّ . يانعم الْإِمَام
الشَّاعِر حَسَنٌ لعيبي الحريشاوي
لاستشهاد امير المؤمنين علي عليه السلام
عظم الباري يمهدي. اجرك ابهذا المصاب
وسفه حيدر جنة الله يندفن تحت التراب؟
★★★★★
عظم الله يمهدي أجرك ابطبرة علي
بالدمه تخضب جبينه تخضب اليوم الولي
يابشر مثلك حياته ابهلنوايب مبتلي
گلبك ايساعده الباري اشكثر يتحمل عذاب
عظم الله يمهدي اجرك بهذا المصاب
★★★★★★
لوقريناها المصيبه. اهواي منك نعتذر
ينهدم حيلك ياامامي مصيبته من تنذكر
خاطرك مكسور منها. والكسر ماينجبر
بلزمن مانفع لومك. لا ولا فاد العتاب
عظم الله يمهدي اجرك ابهذا المصاب
★★★★★
بالدمه اتخضب جبينه تخضب بسيف الغدر
بهامته الضربه اللعينه گبل ساعات الفجر
دنت ساعات المنيه. العاده حيدر مبتشر
انطبر حماي الحميه. العنده كل علم الكتاب
عظم الله يمهدي اجرك ابهذا المصاب
★★★★★★
ياامامي الحجة صبرك. عابراحدود الصبر
اتهدم اجبال وتهدها. هلمصايب من تمر
گد سمه الموصوف گلبه. شلون ينحط بگبر
واليتامه شلون تصبر. تحتمل نار الغياب
عظم الله يمهدي اجرك ابهذا المصاب
★★★★★★
يعينك الله علمصيبه اليوم يا أبن الحسن
طبرة الكرار جمره. ومايطفيها. الزمن
يصير تگضي العمر حسره ولوعه وهموم ومحن
الراحه من بعد الاحبة للابد مثل السراب
عظم الله يمهدي. اجرك بهذا المصاب
الشاعر حسن لعيبي الحريشاوي
علي صوت العدالة
لاستشهاد أمير المؤمنين علي عليه السلام
تجليبه
علي صوت العداله
علي روح الرساله
علي حرب الضلاله
علي ياابوالحسن
★★★★★
الميت والعدل يابوالحسن يمك
ياجنة عدن حيف الترب ضمك
فداك دمومنه يمخضب بدمك
وكلنه انروح فدوه ياعلي لأسمك
علي عشگ اليتامه
علي ركن الامامه
علي درب السلامه
علي يابوالحسن
★★★★★
بسرَّك مابقه مخلوق مامحتار
ياشاغل الوادم ياعلي الكرار
بس الله اليعرفك والنبي المختار
يدور الحق يخصك وين ماتندار
علي حكمه وفراسه
علي فوگ السياسه
علي هيبه وقداسه
علي يابوالحسن
★★★★★
نشف سيل المحابر تعبوا الكتَّاب
لاتفصيل صاب المعنى لا اسهاب
يلجرحك غميج اهواي ياابو اتراب
ياراس الكرامه بلاسبب ينصاب
علي تاج الشهاده
علي صوله وقياده
علي عزم واراده
علي يابوالحسن
★★★★★
يامحور الخير ومعدن الايمان
تريد بضل كرامه ينهض الانسان
يانور الامامه ومنقذ الحيران
حد خليت لهل الكفر والطغيان
علي الرايد اوصافه
علي فوگ الخلافه
علي قوه وترافه
علي يابوالحسن
★★★★★
مايقبل علي بحل الوسط هيهات
الموالي كون متسلح ظمير وذات
ولامن عثر ينهض يوگع ابعثرات
ولايوم اليجي متساوي مثل الفات
علي قول وفصاحه
علي حكمه ورجاحه
علي جود وسماحه
علي يابوالحسن
الشاعر حسن لعيبي الحريشاوي
ام البنين تودع أمير المؤمنين
علي عليه السلام
ام البنين أتودعه. بلوعاتها وبالدمعه
سيف الغدر من صابه ظلت تون بغيابه
بلوعاتها وبالدمعه
★★★★★
بلوعاتها وبالدمعه ظلت تون مفجوعه
من غاب حيدر عنها. احبال الوصل مگطوعه
عاشت عمرها بحرگه وچم لوعه تتبع لوعه
وچف الحزن اثاره بوسط الگلب مطبوعه
من بعد نار الطبره ام البنين بحسره
ومن بعد جمر مصابه. ظلت تون بغيابه
بلوعاتها وبالدمعه
★★★★★
نادت صدگ ياحيدر نورك يفارگ داري
اتمنيت گبلك روحي. تروح بعجل للباري
ولاشوف طبرة راسك لاشوف دمك جاري
ماهودت لچماتي. بالگلب تلهب ناري
اتهدم الحيل الفرگه. ومايوم يحصل ملگه
وگفت حزينه ابابه. ظلت تون بغيابه
بلوعاتها وبالدمعه
★★★★★
علونه زينب چانت لو ونت اتساعدها
وياها تبچي افراگه. لوتلگه دمعه ابخدها
ايام المضت وي حيدر وسفه بعد شيردها
تفدي الولد غايتها. وسالم يظل سيدها
والحيدر اتمنتهم. كلهم فده السيدهم
بدموعها السچابه. ظلت تون بغيابه
بلوعاتها وبالدمعه
★★★★★
بدار الحزن مهظومه نور البدر فارگها
والنار شيطفيها دموع التصب تحرگها
نارالنواظر تجري. شلون الجفن تطبگها
التفگد مثل وإليها. للموت تحزن حگها
العين الشمس ردتله. مايرد حيف الأهله
المايرد صوب احبابه ظلت تون بغيابه
بلوعاتها وبالدمعه
★★★★★
بعد الوصي وايامه. چف الحزن حاديها
وعيونها بياساعه. . كثر البچي يعميها
تگول العفه على الدنيا يوم الرحل واليها
من بعد حيدر ظلمه. غير الكدر مابيها
وشلون مايتكدر. من بعد شوفة حيدر
خالي تصد محرابه. ظلت تون بغيابه
بلوعاتها وبالدمعه
الشاعر حسن لعيبي الحريشاوي
لاستشهاد امير المؤمنين علي بن ابي طالب عليه السلام
من شر الناس مطبور الراس
راسك ياحيف اطبّر بيش ايطلبونك حيدر
مطبور الراس
★★★★★
يچفك دوم تنطي وما گلت اني
ولاچلمة شكر من واحد اتاني
فضل طبعك نبوه ولطف ربّاني
يطيب وعاطفه وياجانب انساني
ينهجك من محمد نهج قراني
بعد طه ولامثلك يصح ثاني
تنطّي المحروم حاكم مظلوم
علنايم عينك تسهر بيش يطلبونك حيدر
مطبور الراس
★★★★★
تود جمع البشر بالدنيا خّوانك
مضمونك وفه والخير عنوانك
ياماقابلت كل جور باحسانك
صاروا ها كثر چاليش عدوانك
اليشتمك بالظهر وإلي مشه وخانك
ولامّر الشتم لحظه على السانك
بس ذم ولوم شفت من الگوم
شگد جازوا طيبك بالشر بيش يطلبونك حيدر
مطبور الراس
★★★★★
صرت ذّباح عن دم الخلگ مسئول
وصار الغير سيف الخالق المسلول
وقوايم للچذب منهم شرحها ايطول
بسلاسل نار ابوطالب الناس اتگول
والمقصود انته اتصير مامقبول
بغربيل الشمس ماتنحجب وتزول
اطبّاع الشمّات عدهم غايات
الحق باطل يتغيّر بيش يطلبونك حيدر
مطبور الراس
★★★★★
قليل بانبياء الباري من قاسك
الحديد اتليّن الداود بانفاسك
وحديد السيف وسفه ماخطه راسك
يمهيوب الوجه ماهاب من جاسك
ولايدري الورد يخجل من احساسك
مثل الموت دنياهم صفت ناسك
بوسط المحراب راسك ينصاب
بمصابك شامت يفخر بيش يطلبونك حيدر
مطبور الراس
★★★★★
المجد والدين يابوالحسن والاملاك
كلها اليوم مفجوعه اجت تنعاك
ليش اطباعها الوادم غدر وياك
طبر راسك الايّذ ياعلي بحماك
والخافي الظغينه وبالوجه يهواك
لان دنياه ابد ماوالمت دنياك
شنهي الاسباب ياداحي الباب
هلحقد المايتفسر بيش يطلبونك حيدر
مطبور الراس
الشاعر حسن لعيبي الحريشاوي