1638
هذه القناة تتضمن قصائد واشعار ولائية وحسينية في مدح ورثاء ال البيت الاطهار
نعي عن لسان العقيله زينب
تخاطب ابيها امير المؤمنين عليه السلام
بياحال زينب تغفه وتنام
صاحت صدگ ياراعي الايتام
صدگ مطبور يابويه على الهام
يطيبة خاطري وراحات الايام
يرجواي الرحت يافرح مادام
عجيد الگوم بويه انهض يضرغام
عليه الدنيا بعدك شدة احزام
يمن كملّت دين الله والاسلام
رحت ماكملّت ياحيف إلاصيام
الشاعر حسن لعيبي الحريشاوي
لاستشهاد أمير المؤمنين علي عليه السلام
رأس ابوحسين انطبر
بليلة التاسع عشر
★★★★★
يوم مامثله يصير. مابقت بالدنيا روح
اصبح الكون بظلام. بالسمه أملاك التنوح
وگلبي من كل الجهات. التمت عليه الجروح
الحزن چم مره چواه. من الحزن المن يروح
بعالي صوتي گمت اصيح.
الجبل ياوسفه يطيح
اه منك يادهر.
بليلة التاسع عشر
★★★★★
غفله المرادي اجاه. من رفع سيفه اللئيم
للهداية بهلمصاب. حقد للظالم قديم
ماختم شهر الصيام وانختم عمره الكريم
المارهم لعيونه نوم. من عظم جرحه الاليم
الشرب من چفه ماي.
ينتقم من عنده جاي
بسيف المرادي انغدر.
بليلة التاسع عشر
★★★★★
بوصفك الماله حدود احتارت الناس اشتگول
ما اله حد الكلام. ولانهايات. وفصول
نور الاسلام وضواه. ومهجة الهادي الرسول
ثاني أصحاب الكساء. ويانظر عين البتول
منهو يستوعب ضواك.
الرفع سيفه ولفاك
من طبع قاسي الأثر.
بليلة التاسع عشر
★★★★★
بلاشريعه ولاظمير. للعدو حطوا صفات
گالوا أصحاب الرسول. كلهم إيمان وثبات
حتى لاحيدر يصير. اول بكل الجهات
طعنوا الحق والصلاه العدل والحج والزكاة
طعنوا الگلب الحنين.
صابوا الحبل المتين
بساعة الشر والخطر.
بليلة التاسع عشر
★★★★★
تساندوا أهل النفاق. علمحبه والسلام
بين من يكره النور. وبين من يهوه الظلام
بغفله وبوسط الصلاه طبروا البدر التمام
موغريبه الماله ذات. يصحه ظالم لوينام
بسيف المرادي لفاه.
خضب اللحيه بدماه
مارحم نور الگمر.
بليلة التاسع عشر
الشاعر حسن لعيبي الحربشاوي
لعمل هندسة صوتية مع مونتاج لاستشهاد الامام علي( ع )وانت كاعد بالبيت وترويجها على الفيس بوك للوصول لكثر من 10 الف متابع من خلال الهاتف التواصل مع
@ahmed_alziwar0
العقيله تخاطب ابيها قبل خروجه للمسجد
الليله يبويه شلون ليله
بعيني مظلمه وجنها ثگيله
وين حماك ياحامي دخيله
ينور على الارض ماكو مثيله
اشوفنه العدو ناوي علحيله
الشاعر حسن لعيبي الحريشاوي
رابط القناة @a3lei
ياعلي واگف ابابك
سيد حسن البوحمد الموسوي
الشاعر حسن لعيبي الحريشاوي
نعي بحق امير المؤمنين عليه السلام (وزن الفايزي )
وين المشه ايخبر النبي من بعد الغياب
صح الخبر حيف وأسف علهام الصواب
الشيبه الكريمه تخضبت والدم غده خضاب
اركان الهدايه تهدمت ياجمر المصاب
ون اليتامى مابطل والدمع سجاب
شحال العقيله من درت منها الگلب ذاب
كسرين كاسرها الوكت ماحسبت احساب
الطبره وي كسر الظلع من دفعوا الباب
والحسن مهظوم الگلب والچبد لَهَّاب
وحسين دمعاته جمر يلهج بالعتاب
زينب تنادي ياعلي ياشم الاطياب
تكتل يبوية فرگتك ياشمل الاحباب
ياحيف يابدر السمه غطاك التراب
الشاعر حسن لعيبي الحريشاوي
نعي لاستشهاد أمير المؤمنين علي عليه السلام
مصابك ياعلي هَوِّنْ علينه
كل أمصاب حل وحصل بينه
ما جاب البچي الراح من ادينه
نريدك ياعلي الفاگد تعينه
★★★★★
يمك ياعلي خلينه الأحباب
چم شاب الدفناه من بعد شاب
أخذ منه شكثر حلوين التراب
وخلانه ابونين ودمع سَچاب
★★★★★
فدوه انروح يابوالحسن لسمك
يمنور النجف ياحيد رسمك
صدگ من الله هاي وفيض عزمك
كل ضغطة گبر تنشال يمك
الشاعر حسن لعيبي الحريشاوي
https://youtu.be/iiAZS1yEDxU?si=xa4LF3RvUYuaml7g
==========================
حيدر حيدر حيدر. حيدر كلمات الشاعر حسن لعيبي الحريشاوي أداء الرادود سلمان المغلق
https://youtu.be/R3PJFFj9_M4?si=i7f21GPra5TrZTSB
==========================
وينك يَشراي المنيه وبايع الروح كلمات الشاعر حسن لعيبي الحريشاوي أداء الرادود سلمان المغلق
في امير المؤمنين علي عليه السلام ( ملمع )
((ياوراء العقل يافوق الكلام
ياامام الكل يانعم الامام
يارحيما بالفقير ايها القلب الكبير
ياامام الكل يانعم الإمام))
★★★★★
ياهو منهم وفَّه وياك ابعهد
بنعمه رايد حالهم اهل الحسد
ظنوا الحق بالرجال وبالعدد
الشهد لجلك بلطمع ضدك شهد
(( انكروا فضلك عن جهل عقيم
خان حظ القوم شر مستديم
شرهم شر قصير ايها القلب الكبير
ياامام الكل. يانعم الإمام ))
★★★★★
من عرف سرك امامي وسيرتك
دارت اعليك بأهلها ديرتك
أموجره لاجل اليتامه غيرتك
اللوعة المظلوم تخنگ عبرتك
((اثروا عن نصرة الحق اجتنابا
غير لؤم لا ترى منهم جوابا
سعيهم سعي خطير ايها القلب الكبير
ياامام الكل يانعم الإمام ))
★★★★★
هذا اعظم قول من رب السمه
الولايه حصني يوم الموزمه
خسر كلمن مايحب حامي الحمه
ولايأمنها الجحيم الحاطمه
((انت ياخازن اسرار النبوه
قد حفظت الدين عن علم وقوه
وتحملت الكثير ايها القلب الكبير
ياامام الكل. يانعم الإمام ))
★★★★★
انصاغ نورك من ضوه الهادي انسج
يابلاغه تسلب اعقول ومهج
مصدر الانوار ياخير الحجج
ب اخر انوارك نتانيه الفرج
((يافيوض الرب للناس جميعا
طائعا لله لم يلقى مطيعا
زاده قرص شعير ايها القلب الكبير
ياامام الكل يانعم الإمام ))
★★★★★
مشت درب العدم ناس العادتك
حوبه من الله لگوها وشارتك
وين حالتهم فرق عن حالتك
مابعازة ناس. كلها ابعازتك
((ياامام الكل معصوم الخطى
خلفك الماشي الى الخير مشى
انك البدر المنير ايها القلب الكبير
ياامام الكل يانعم الإمام ))
الشاعر حسن لعيبي الحريشاوي
لاستشهاد امير المؤمنين علي عليه السلام (گعده )
مابين حكام وسلاطين ياعلي مثلك ياعلي وين
ياهو السهر لأجل الرعيه
مثلك يحماي الحميه
ياعلي مثلك ياعلي وين
★★★★★
وين يابوالحسن نلگه بميزتك يحمل علامه
وين حاكم جاع مثللك شابع بطون اليتامه
وبالطبايع من يشبهك فعله ميخالف كلامه
لاسلطه همك لاامر
وايامك بلوعه تمر
كل همك بهذا العمر الوادم تعيش ابسلامه
ماتغفه عينك لحظه وتنام
لجل الرعيه ولجل الايتام
وين الحمل جور واذيه مثلك يحماي الحميه
ياعلي مثلك ياعلي وين
★★★★★
قدمت اسمى المعاني بكل صلابه وكل شجاعه
وقدمت للباري وكتك مايمر ابدون طاعه
زاهد وعابد وقانع صرت مضرب للقناعه
اهل المنافع بس خطر
صعدوا على ارگاب البشر
مثلك ولاواحد نظر وگال هاي الدنيا ساعه
ميهم تصير الناس ياحال
بالدنيا همهم جمع الاموال
محد حمل نار الرزيه مثلك يحماي الحميه
ياعلي مثلك ياعلي وين
★★★★★
يقتبس افعال منك يصير مثلك ياهو يگدر
ماهدالك بال تسمع بشر مظلوم وَتَكَدَّر
اقل ثوب تلبسه وافضل ثوب كون يلبسه قمبر
وين المثل حيدر اكو
من مثله بالدنيا منو
لكل اليتامه اصبح ابو ياهو گلبه گلب حيدر
ياعلي انته مثبت الدين
ضحيت لجله سنين وسنين
منهو العشك يوم المنيه مثلك يحماي الحميه
ياعلي مثلك ياعلي وين
★★★★★
تمشي وحدك ما يهمك دون حراس وحمايه
ماتهم شماجرالك عندك بهلدنيه غايه
رحت الهن لواجَنَّك ماتهاب من المنايا
چم حاكم بقصره جلس
درع الحذر لمن لبس
من كل كتر عنده حرس يخاف من شر النهايه
چم حاكم بلذاته محكوم
مانسه الدنيا ساعه لايوم
منهو النسه الدنيا الرديه مثلك يحماي الحميه
ياعلي مثلك ياعلي وين
★★★★★
ياهو حاكم طين قصره ايام ماشبعت اولاده
وثوب متواضع يلبسه وزاده خبز شعير زاده
ساهر بمحرابه يبچي انحنه ظهره من العباده
صبرك جبل يابوالحسن
بالصبر بچيت الزمن
لاماتهمك كل محن تنظر اليوم الشهاده
مفجوعه وتنوح المساكين
جمر المدامع يحرگ العين
ياهو الهم بهاي البريه مثلك يحماي الحميه
ياعلي مثلك ياعلي وين
الشاعر حسن لعيبي الحريشاوي
لاستشهاد أمير المؤمنين علي عليه السلام (موشح )
ياعلي معليك مولانا العلي
بناس كلها احقاد گلبك مبتلي
ياعلي
★★★★★
عرفوا اهل الباطل واهل الغرور
عرفوا الحق ياعلي ويامن يدور
وعلصراط بيااسم يحصل عبور
من العلي اسمك تمَيَّز ياعلي
ياعلي
★★★★★
حصن دين الله وأمانه وهيبته
يعني روح الدين انته وقوته
الحاربك للگاع نزلت رايته
وراية الاسلام بيدك تعتلي
ياعلي
★★★★★
ماقرينه البارزك سالم رجع
من الضهر طعناتهم اهل البدع
العلم والإسلام والخير انفجع
وجرح بالتاريخ ابد ماينجلي
ياعلي
★★★★★
مبتلي بهل الحسد يابو الحسن
يوم چفك هدمت بيها الوثن
واگف ابحلگ المنايا والمحن
يوم گال المصطفى انته الولي
ياعلي
★★★★★
يابيان العلم ياعالي الصرح
وصفك لكل حرف يحتاج الشرح
ليش طبرة موت موطبرة جرح
صابك بسيفه المرادي الجاهلي
ياعلي
الشاعر حسن لعيبي الحريشاوي
لاستشهاد أمير المؤمنين علي بن ابي طالب عليه السلام
ياامير المؤمنين
ياامير المؤمنين
★★★★★
سلبوا الضحكات من وجه اليتامه
أبد ماخافوا عبارات الملامه
من جرح چتال ليلك ماتنامه
اليوم حالك ياعلي ماكو سلامه
الكون بغيابك حزين
ياامير المؤمنين
★★★★★
هظمواالدين الچنت انته حياته
وروحك الدين وتعاليمه وثباته
العدو بهليوم حَصَّل امنياته
من لفه فرحان بعيونه الشماته
هذا طبع الحاقدين
ياامير المؤمنين
★★★★★
الكوفه غطاها الظلام وماجفاها
من رحت ياعينها ومصدر ضواها
يادوه المعلول يتألم گظاها
ليش بيك جروح مايحصل دواها
جروح ضَجَّت بالونين
يا امير المؤمنين
★★★★★
مابقه برمضان ايام القليله
السلامه اعليك صارت مستحيله
شحال وِلِدَّك ياعلي وحال العقيله
بلاعلي كل ليله مرت بالف ليله
شلون تگظيها السنين
ياامير المؤمنين
★★★★★
ماتأخر يومها اعليك المنايا
انهدم ركن العافية وركن الهداية
لاذنب عندك وياهم لاجناية
ليش رادوها الك هاي النهاية
ياگلب طاهر حنين
يا امير المؤمنين
للشاعر حسن لعيبي الحريشاوي
لاستشهاد أمير المؤمنين علي عليه السلام وعلى طور يمه ذكريني للمرحوم حمزة الزغير (گعديه )
بسيف المرادي اتخَضَّب الراس الشريف
بهلجرم مقصود يهدم الدين الحنيف
اهدافك ياحيدر مايغيروها
ماجزع گلبك للصبر گلبك حليف
بسيف المرادي اتخَضَّب الراس الشريف
★★★★★
ياعلي شغيروا منك وانته الاسلام بصفاتك
انته عنوان الصلابه اهتزوا الگوم ابثباتك
لجل دين النبي الهادي أدوَّر الموت ابحياتك
مليت من اهل الغدر
يردون عزمك ينكسر
يوم الشهادة تنتظر وهاي اعظم أمنياتك
حبك يحيدر حبك اسرار الخلود
بالگلب شلناه ما إله حبك حدود
وياعلي ذاتك مايعرفوها
ماجزع گلبك للصبر گلبك حليف
بسيف المرادي اتخَضَّب الراس الشريف
★★★★★
احقاد بدريه سببها وانته بيهم زين تدري
هند من ونت لهلها دمهم على الكاع يجري
ياعلي صاحت ابحرگه بيهم انته اكسرت ظهري
وَدَّهَّ الجموع الظالمه
سيفك يحماي الحمه
صوب الجحيم الحاطمه سيفك الهاشمي البدري
قاصد ابسيفك ينتهي عهد الظلام
وينغلق بابه وينفتح باب السلام
اطباع الصحيحه مايثمنوها
ماجزع گلبك للصبر گلبك حليف
بسيف المرادي اتخَضَّب الراس الشريف
★★★★★
ياهمام وسيف باتر ضيغم وفارس الحومه
بسيف حيدر لايأمن من حمل سيف الخصومه
اليقترب من سيفه حتما موبعيد يصير يومه
اهل الغدر واهل الفشل
وين الغدر بيهم وصل
طبروا بدر نوره اكتمل للاسف ماكمل صومه
وسفه ياحيدر چانوا الناس ابحماك
صوبوا هامك علارض تنزف دماك
وهامتك بالدم من يخضبوها
ماجزع گلبك للصبر گلبك حليف
بسيف المرادي اتخَضَّب الراس الشريف
★★★★★
شنهو ميحبك يحيدر وانته للوادم سلامه
يلي انته الزمن كله شبعجل گصرت ايامه
تسئل على الناس دومك ياحنين على اليتامه
اول امام على الارض
حبه على الوادم فرض
وخسران كلمن يعترض خصمه حيدر بالقيامه
العروة الوثقى ياعلي بيوم الحساب
الحاربك محروم بيسرته ينال الكتاب
حبك عوالم مايفهموها
ماجزع گلبك للصبر گلبك حليف
بسيف المرادي اتخَضَّب الراس الشريف
الشاعر حسن لعيبي الحريشاوي
لاستشهاد أمير المؤمنين علي عليه السلام
جبريل النزل مكسور الجناح
انهدم ركن الهدايه ياخلگ صاح
علي مطبور راسه على الارض طاح
لاطب النفع لافاد جَرَّاح
حل وكت البواچي او وكت النيَّاحَ
علي هلراح ياشيعه علي راح
الشاعر حسن لعيبي الحريشاوي
نعي لسان حال العقيلة زينب بعد استشهاد امير المؤمنين علي عليه السلام (فائزي )
يابويه دارك موحشه ابهاي المسيه
روحي ردت گبلك تمر. بيها المنيه
مامر عليه وماجره من نار المصاب
لوحل على اجبال الأرض چا صارن اتراب
للعيد كلمن ينتظر بيه لمة احباب
والعيد اجاني والأبو تحت الوطيه
تدري الليالي ياعلي. يابويه صعبات
مات الفرح حين اسمعت صاحوا علي مات
هيهات يرتاح الگلب للموت هيهات
گلبي تعلم علهظم عگب الزچيه
صعبه الليالي من تمر من بعد فركاك
واصعب عليه مايصح للدوم ملگاك
راحت الراحة وگوطرت يابويه وياك
الدار البعد مابيها أبو. وحشه وخليه
جروح الگلب يتلاچمن ماواحد أيهيد
كل يوم فاجعني الدهر من حالي شيريد
عيدي وأخذته لاتجي. للدار ياعيد
راح الحنين الكل وكت ينشد عليه
اشلون ما انوحن وأون واشهگ بلدموع
يمبچي املاك السمه. وجبريل مفجوع
نيران دمعي چملن. نيران الظلوع
واشگد رزايا أدري بعد هاي الرزيه
الشاعر حسن لعيبي الحريشاوي ✍️
https://youtu.be/2ul-FE_Hs6I?si=ty0vHmpiRoIF70KM
Читать полностью…
لأستشهاد أمير المؤمنين
علي بن ابي طالب عليه السلام
موحش وجه الدين
بدونك يابوحسين
بدونك يابوحسين
★★★★★
بلاحبك للموت ابنادم حتماً مايكمل اسلامه
موحش بعدك شهر الطاعه شهرالماكمّلت اصيامه
مارايد من وكتك دنيا ولاراحه اتمر بأيامه
جازاك المايعرف قدرك بطبرة وصارت فوگ الهامه
مايكمل اسلام
ولاتشبع ايتام
بدونك يابوحسين.
★★★★★
يلمهتم بالوادم حتى راحتهم صارت آمالك
من تشوف الفقره ابراحه عندك تكمل راحة بالك
مامرتاح الاابراحتهم وتنظر كلها الناس اعيالك
بظهرك هلدنيا مخليها دوم مخلي الموت اگبالك
لايفرح مهموم
ولاينهض مظلوم
بدونك يابوحسين
★★★★★
انته وايتامك هلمره. مختلفين بهاي الحاله
فرحان وهمه ابلوعتهم دموع المانشفت همّاله
خسروا نسمات الحنيه الفاگد ياعمر اليحلاله
بحال الفايز عاف الدنيا الشاف الجنه تلوح اگباله
لمصابك يبچون
ياراحه يشوفون
بدونك يابوحسين
★★★★★
الكون واملاكه بدونك محتارين اليوم ابابك
زينب تتمنه وي اخوتها بيهم ريت يصير اصوابك
يلماغايب عنهم لحظه ياهو اليحمل نار اغيابك
شحالت زينب لمن صدّت مهظوم وموحش محرابك
زينب وين اتروح
شتسوي بهلروح
بدونك يابوحسين
★★★★★
اسخط رب الكون الظالم يوم القاصد يهظم دينه
هدّ اركان الدين ابغدره علشر سيف ابليس ايعينه
المثل الكون واكبر گلبه ابيالحد الغالي امخلينه
حتى الموت اتعذر منه شلون الموت يصد بعينه
مفجوعه الايام
مهظوم الاسلام
بدونك يابوحسين
الشاعر حسن لعيبي الحريشاوي
لاستشهاد أمير المؤمنين علي بن ابي طالب عليه السلام
ليش دنياه خانت وياه
وآعلياً وآعلياه
★★★★★
هدّوا اركان الهدى ونور البدر
المذنب بياعذر باچر يعتذر
فجعوا افلاك السمه ابهذا الغدر
بياذنب هام الشريعه ينطبر
الچان بحماه غدر جازاه
واعلياً واعلياه
★★★★★
اجت اقدار الزمن ليلة قدر
گلوب اهل البيت بيها تنكسر
ضربته علهام قران الفجر
ايساعد الله علمصيبه ام الخدر
بعد فرگاه تصيح ويلاه
واعلياً واعلياه
★★★★★
شوكت غدّار بضوه الحق يهتدي
العنده مبدء بالغدر مايبتدي
وصاحب الحق مايخون ويعتدي
هذا فعل الغادر وطبعه ردي
بسيف خلاه تنزف ادماه
واعلياً واعلياه
★★★★★
صوت للحق ياعلي ماينكتم
ومايهاب الموت لوكثرت زلم
لفوا اهل الغدر ماخذهم عزم
للهدايه اركان رادوا تنهدم
الچان يرعاه غدر مولاه
واعلياً واعلياه
★★★★★
يلرفعت الدين ياحيدر طحت
منطبر بالسيف علراس انصبت
شلون حال ام الخدر لمن رحت
من بعد عينك اشظملها الوكت
شلون تنساه وتنسه ملگاه
واعلياً واعلياه
★★★★★
وگفت الدنيا وجره راسك دمه
انته يارحمة الباري من السمه
وداع دنيا بيه ملگه فاطمه
وفزت يابوحسين باجمل خاتمه
رغم بلواه لله شكواه
واعلياً واعلياه
الشاعر حسن لعيبي الحريشاوي
https://youtu.be/S6BtdZK4Pso?si=RhJ-IwcaijR1Vdw9
Читать полностью…
دگوا الصدور يخدام لاستشهاد أمير المؤمنين علي عليه السلام
دگوا الصدور يخدام على امصاب الولي
★★★★★
دگوا الصدور يخدام لجل خير العمل
حامي الاسلام والايتام علي الوالي رحل
على الايمان والاحسان لفه الموت ابعجل
وسفه مخضوب الجبين
بسيف المرادي اللعين
بهاي الافعال وويلاه انگصد بيها علي
دگوا الصدور يخدام على مصاب الولي
★★★★★
دگوا الصدور يخدام لجل معنى الوفه
على المطبور على الراس حبيب المصطفى
راح الايثار والإخلاص على الدنيا العفه
انطبر علراس الشريف
نور الاسلام الحنيف
ومن الاشرار ابوحسين يعاني ومبتلي
دگوا الصدور يخدام على مصاب الولي
★★★★★
ساعدي العين يلدموع فلاجودچ يشح
وخلي نيشان يلچفوف على صدري جرح
لحال الاحباب بلفراگ ولا راحه تصح
ياجرح بينه يهيد
بعد عينك ياشهيد
وجهك النور بلدموم حسافه ينملي
دگوا الصدور يخدام على مصاب الولي
★★★★★
نزل جبريل يون صار ينوح من الالم
صاح ياحيف للاسلام ركن منه انهدم
ايتامك اليوم يصيحون تره الدنيا عدم
ضلوا بنوح ونحيب
بعد عينك يلحبيب
الگبل بحماك فلايوم حزنهم ينجلي
دگوا الصدور يخدام على مصاب الولي
★★★★★
السيف الاسلام وويلاه لفه سيف الغدر
حقد لوثار يطلبون وكت عَملَة بدر
اتيتم الدين والاحكام اسف ساعة فجر
ماكمل شهر الفضيل
ياعلي وتم الرحيل
يلي متريد حكم جور يقوده الجاهلي
دگوا الصدور يخدام على مصاب الولي
الشاعر حسن لعيبي الحريشاوي
لاستشهاد أمير المؤمنين
علي عليه السلام
انقدم اليوم عبارات العزاء
الصاحب الشان معز الاولياء
★★★★★
انقدم اليوم عبارات الحزن
الصاحب الشان على جده يحن
بألم وبنوح مثل حاله نوِّن
براسه مصيوب امام الاتقياء
★★★★★
لادوه اليوم على جرحه يصح
سيف چتال نزف منه الجرح
ريت ماصار ولايطلع صبح
علي بالسيف تخضب بالدماء
★★★★★
صاحب الشان يهل دمعه دمه
وگلبه ملچوم على حامي الحمه
ليله علمهدي حزينه ومظلمه
صواب چتال مثل طف كربلاء
★★★★★
الحجة مهظوم حزين و منفجع
انصاب علراس يحماي الشرع
اليوم لوعات يّگضَّيْه ودمع
اصوابه چتال نزل حكم القضاء
★★★★★
بجرح المصاب نعزي المنتظر
فرگه الاحباب تره كسرت ظهر
أشد كل حال ابوحسين انطبر
علي الكرار خلاصة انبياء
★★★★★
اعلن اليوم ابوصالح حداد
بهلمصيبه نرتدي وياه السواد
مظلم الليل يمر على العباد
جرحه مخطور ولايحصل شفاء
الشاعر حسن لعيبي الحريشاوي
https://youtu.be/6gUj4at-ujw?si=k68izgQLEeySUjY_
==========================
يابويه دارك موحشه ابهاي المسيه كلمات الشاعر حسن لعيبي الحريشاوي أداء الرادود سلمان المغلق
لاستشهاد أمير المؤمنين علي عليه السلام
السلام عليك. يإإمام المتقين
السلام عليك. يامنار الصالحين
السلام عليك. ياامير المؤمنين
★★★★★
يا امين الله على أرضه ونور من طه انشطر
وفي للرحمن انته من المهد للمستقر
وبكتاب الباري نهجك. واتبعت سيد البشر
السلام عليك. ياوصي الاوصياء
السلام عليك. ياعماد الأتقياء
السلام عليك. يا أمير المؤمنين
★★★★★
ياجمال وصفوة احمد. سيرته ونهجه السوي
والعلومه الباب انته. ومن علومه. ترتوي
يمن فاتح باب خيبر. بيدك الشر ينطوي
السلام عليك. ايها الحق المبين
السلام عليك. ياسراج العابدين
السلام عليك. ياامير المؤمنين
★★★★★
ياوليد الكعبه منهو. نال مثلك هلفخر
يلبتت بفراش طه. ماخفت لحظه الخطر
وبالمعارك انته الأول. بيك دين الله انتصر
السلام عليك أيها القلب الكبير
السلام عليك. ايها البدر المنير
السلام عليك يا امير المؤمنين
★★★★★
دنيا مانصفتك لحظه. بلوعه ايامك گضن
ومنهدم ركن الهدايه. ابطبرتك يابوالحسن
صعب مثلك يبوالحمله مثلك يجيب الزمن
السلام عليك. ايها السر العظيم
السلام عليك. ياصراطا. مستقيم
السلام عليك يا امير المؤمنين
★★★★★
يلشفت ياما رزايا. وجور ياما اتحملت
ناكث وقاسط ومارق. للضلاله حاربت
حسد واحقاد وخيانه. وناس ماترحم شفت
السلام عليك ياوريث الأنبياء
السلام عليك. ياصفي الاصفياء
السلام عليك يا امير المؤمنين
الشاعر حسن لعيبي الحريشاوي
لاستشهاد امير المؤمنين علي عليه السلام
( ٣ دگات ) وزن الدارمي
خلّصها حامي الجار بالحسره دنياه
من المهد للموت مانصفت وياه
★★★★★
علراح ادگ من راح حامي الحميه
دار الوكت علدار صارت خليه
العاش بكدر دنياه بعد الزچيه
وزادت عليه الگوم بلوه على بلواه
★★★★★★
بسيف الغدر مطبور ياسيف الاسلام
وسفه لفاه الموت ماكمل اصيام
جارت عليه الناس والنوب الايام
وي الخلگ محتار ياذنب سوّاه
★★★★★
ياذنب المسويّه وي الخلگ يوم
ثابت حقدهم ليش وي الوكت دوم
بياذنب حتى انگول يستاهل اللوم
جود وكرم علناس ماتمل يمناه
★★★★★★
زينب جفاها النوم ماغمضت عين
وحشه وخليه الدار مابيها ابوحسين
چن تنظر المحراب ينشد علي وين
صعبه تصد للدار مابيها تلكاه
★★★★★
مالت سبع ميلات ياوسفه دنياك
صار التريده عليك وتهمها بلواك
لمت سيوف البين وتحشم اعداك
يوم الرهنت الروح والكلب لله
★★★★★
هدموا ركن الدين يمهدم الاصنام
ليش الوكت وياك طبراته علهام
يمدلل المسكين ومشبع الايتام
ظالم غدر جازاك والفضل ينساه
الشاعر حسن لعيبي الحريشاوي
لاستشهاد أمير المؤمنين علي بن ابي طالب عليه السلام
ألف بعد الألف لورايد دليل
علي خير الناس حَمَّاي الدخيل
كل تعاليم السمه تگول حَمَّاي الحمه
علي خير الناس حماي الدخيل
★★★★★
قَدَّمُوا مَا أخَّرَه رب الكرم
كل ضعيف الراي ماعنده قِيَمْ
الينهب أموال اليتامه ابلارحم
والأحق بالامر من حقه انحرم
ومادروها الموزمه تگول حَمَّاي الحمه
علي خير الناس حماي الدخيل
★★★★★
عن مناقب حيدر الهادي ذكر
گال لواقلام يندار الشجر
ولوحبرللخط صفه ماي البحر
عِجَزْ لَوْ كتَّابْها جن وبشر
كل فضيله ومكرمه تگول حَمَّاي الحمه
علي خير الناس حماي الدخيل
★★★★★
استغنى عن الكل عظيم المنزله
لچن هاي الناس محتاجه إله
كل علم بالكون حيدر أوله
ماعجز عن كل جواب ومسئله
وياما چانت فاطمه تگول حَمَّاي الحمه
علي خير الناس حماي الدخيل
★★★★★
يامذل اهل الكفر طول الوكت
يلي عنوان البطوله انت صرت
مثل ماراد النبي الهادي ردت
عنه مالحظه غبت وتأخرت
كل بطوله وملحمه تگول حَمَّاي الحمه
علي خير الناس حماي الدخيل
★★★★★
يااسد مقدام مكي وأبطحي
اطحنت ايام الجهل طحن الرحي
ليث وأمجادك أزل ماتنمحي
وجوه صلفه غدرتك ماتستحي
والمصادر حاكمه تگول حَمَّاي الحمه
علي خير الناس حماي الدخيل
الشاعر حسن لعيبي الحريشاوي
شكرا ياعلي حبك چنت تايه ودلاني
شال الظلمه من عيني امشي بنور خلاني
بنورك عثر وتهدم الجهل لمن تلگاني
لان متسلح بعلمك يعلمك علم رباني
بخلايا الدم جرى حبك وسكن حبك بوجداني
بحل الوسط مااقبل ومني اتهاب عدواني
وكلها تحسب احسابي شيعي وثابته اركاني
ال عنك رادوا ينشدون اگلهم انته عنواني
الشاعر حسن لعيبي الحريشاوي
بصوت. مسلم المطيري
نعي عن لسان العقيلة زينب عليها السلام تخاطب ابيها امير المؤمنين علي عليه السلام
روحي الظيم ماترصه يمرها يمرها
زينب بنتك شظل ابعمرها
وكتي بروحتك روحي كسرها
كسر ماينجبر حد المنيه
★★★★★★
ترضه ياذخر داري وعمدها
ويعطر امي الچنت اگعد ابسدها
گبل روحك ردت روحي لحدها
يمن فركاك موهيّنه عليه
★★★★★★
يريت النوح يابويه يگعدك
ودمع الماهجر عيني يردك
حسبالي گلت غافي وندهك
صدگ بويه متت يابوالحميه
★★★★★★
تختّل ظالم ابسيفه تعنه
طبر راس الوفه الكلّه محنه
فزت انته يبو الحسنين واحنه
خسرناك وصفت دارك خليه
★★★★★★
لنبي داود باسمك كل صعب هان
ليّنت الحديد الموسهل چان
شعجب سيف المرادي عليك مالان
صدگ روحتك بويه ابغير جيه
الشاعر حسن لعيبي الحريشاوي
لاستشهاد امير المؤمنين علي
عليه السّلام (وزن نصاري)
اشبيها ياعلي وياك الايام
منها ماشفت بس غير الالام
الطبره للاسف صارت على الهام
★★★★★
ياثارات اجوا بيها يطلبون
منك ياعلي الگوم شيريدون
اتوَضَّح معدن الچانوا يكرهون
مابيهم وفه لوتفدي العيون
حقدهم من ضهر سابع بالظلوع
إلهم لوتوج ايامك اشموع
وسفه بياجزه جازوه الاسلام
الطبره للاسف صارت على الهام
★★★★★
طبعك وين من صلفين الاطباع
يردون الضماير كون تنباع
متوالم وضعهم هاي الاوضاع
فرح عدهم اذا دين النبي ضاع
لايام الصنم گاموا يحنون
الضلالات الزمان الفات يردون
تدري ياعلي حنوا للاصنام
الطبره للاسف صارت على الهام
★★★★★
مارد الجميل الي توافيه
حته الي يضدك نصح تنطيه
المتَيَّه طريقه دوم تهديه
وحتى المارواك الماي ترويه
وحتى الچان ضدك عاش بحماك
تاليت الوكت ماانصف وياك
وابعزم الغدر متحزم احزام
الطبره للاسف صارت على الهام
★★★★★
شوكت مثلك علي الوادم يصيرون
شاركت اليتامه ابفرد ماعون
و مثلك ياعلي وين اليحكمون
وبگرصة خبز بالدنيا يرضون
يَكَفَّال اليتامه والمساكين
يتامه من صدگ صاروا ياابوحسين
واشد حاله ومصيبه حال الايتام
الطبره للاسف صارت على الهام
★★★★★
خوارج اصبحوا علغدر ناوين
واصحاب الجمل وازلام صفين
حتى مايضل فوگ الارض دين
فجعوا كل محب والحسن وحسين
من ذاك الزمن احقاد لليوم
الچتلك سيفهم مولاي مظموم
والينفذ الجريمه حاكم الشام
الطبره للاسف صارت على الهام
★★★★★
نيران الحقد شطفي يانار
شعندك من ذنب ياعلي الكرار
يمخلي النوايح تون كل دار
غضب للدين سيفك چان بتار
كل توضيح ماتحتاج الاحقاد
اطباع اتوارثوها من الاجداد
طبع بيهم قساوه وحقد واجرام
الطبره للاسف صارت على الهام
★★★★★
ظموها الك ياحيف الارجاس
طبرت شر غفل من دَموَّا الراس
باخر نفس وانته تنصح الناس
حتى لاديانه وقيم تنداس
ولا ساعات مابيها يفكرون
ويافرصة تجي بشخصك يغدرون
خيانه ونفذوها ابشهر الصيام
الطبره للاسف صارت على الهام
الشاعر حسن لعيبي الحريشاوي
*سلام علیکم
ارجو النشر لحب الامام علی ع
فضلا ولیس امرا
🌹🙏*