1638
هذه القناة تتضمن قصائد واشعار ولائية وحسينية في مدح ورثاء ال البيت الاطهار
نعي وزن الدارمي
يادهر هٌونَك ليش رَوَّعت الايتام
من بعد ذبح حسين ورماد الخيام
لا الاكبر وعباس لاباقي جسام
ونحر الطفل صاباه سهم من السهام
وضعن النبي منهوب بيه طبوا الشام
اگبر فجيعه ناس صارت بالاسلام
ماضن مثلها يصيير يوم من الايام
الشاعر حسن لعيبي الحريشاوي
عن شجاعة علي الاكبر سلام الله عليه
قضية حسين دربه ومنهجه ومسعاه
ابن زود المعارك لوردت معناه
شوصف علي الاكبر ياوصف الگاه
(ياچلمه أتوصف شخصيته )
نور من النبي فوگ الأرض ازهر
وشجاعة جده ذاك المرتضى حيدر
نزل يفني الصفوف بصولته الاكبر
(صولات الأكبر معروفه )
هوسات - بحق الأكبر
أداء : احمد عزيز
كلمات : الشاعر حسن لعيبي الحريشاوي
يامحرم
انت مدمع لوجرح
لوظلام بلاصبح
سيف باتر لورمح
تذبح بگلبي ذبح يامحرم
★★★★★
بيك يهلال الشهر هل المدامع
وزيديت الروح لچمات ومواجع
شوكت عنه رحت حتى انگول راجع
انته لهل البيت حسرات وفواجع
جددت حزن الگلب
بجيتك دمعي يصب
سبي وشمات وغرب
وخيم وجيوش وحرب يامحرم
★★★★★
نار ماتجمد تسيل دموع عيني
اسنيني اولهن مثل آخر سنيني
عن يساري جمرك انته وعن يميني
من المهد للموت علطاهر ونيني
النشف ريجه من الضمه
والتخضب بالدمه
ابن حماي الحمه
نذبح مهجة فاطمة يامحرم
★★★★★
أبچي علاسلام واحكامه العظيمه
للشهيد چفوفه تمطر مثل غيمه
النهبوا وحرگوا خيامه خيمه خيمه
احقاد من سابع ظهر وادم لئيمه
ناس ماعدهم رحم
ولاتعاليم وقيم
فزعوا الحرگ الخيم
هجت اطفال وحرم يامحرم
★★★★★
حسين يدري الدين ينهض يوم عاشر
بهلفجيعه ينبني وگطع المناحر
عزت ارواح الخللگ من راد ناصر
عترته وسبعين بدروب المخاطر
چم كهل طايح صريع
وشاب من عمر الربيع
اهوال والموقف فضيع
ماسلم حتى الرضيع يامحرم
★★★★★
يابداية حزن يلمالك نهايه
ذبحوا القرآن آيه بعد آيه
بدور هاشم علثرة طاحوا ضحايه
ضعون منهوبه وحرم راحن سبايه
ياجرح منك شفه
شهر مثلك مالفه
بيك ياجفن الغفه
ازل جمرك ماطفه يامحرم
الشاعر حسن لعيبي الحريشاوي
ابوذيات عن علي الاكبر رضوان الله عليه
عيون حسين من البچي راحات
وبعدك ما إله بالعمر راحات
حگه لوينوح ويدگ راحات
اموذر ياعلي فوگ الوطيه
★★★★★
بجلال القدر نوگفلك ولكبار
اصغار من الشدد تجلي ولكبار
علي انته حبيب الله ولكبار
شبيه المصطفى سيد البرية
ابوذيات - بحق الأكبر
أداء : احمد عزيز
كلمات : الشاعر حسن لعيبي الحريشاوي
يبواليمه ياغريب وياوحيد
گلوب عدوانك أشد من الحديد
لاتخاف من الله لايوم الوعيد
اطفالهم بالراحه والحال السعيد
بلاعطش للماي عنهم موبعيد
وطفلك العطشان إله گطره تريد
من الوريد انذبح تالي للوريد
الشاعر حسن لعيبي الحريشاوي
نعي زينب نخاطب أخيها بعد ذبح الرضيع
مابيه اصد للطفل يحسين
يريد الماي خويه شابح العين
ابنحره طاح سهم الكدر والبين
وصار الماي بيد المايرحمون
انطيني الطفل خويه يرجواي
طفل مذبوح ماصارت گبل هاي
چن ماله نصيب بشربة الماي
ابدال الماي بالدم ينسگي شلون
صرت غافي يعمه وما الك روح
ماظلي گلب يتحمل اجروح
شحال امك تشوفك بديَّ مذبوح
تموت امك اظن لوتعمه العيون
الشاعر حسن لعيبي الحريشاوي
نعي حوار بين علي الاكبر و الامام الحسين عليه السلام
ألوف من العساكر ماتهمني
غير العطش بويه ماكتلني
لواني العطش يم الخيم ردني
گلبي من العطش بويه تهدم
يگله الماي بويه منين اجيبه
گلبي اشترك وي گلبك لهيبه
مصيبة حالتك عندي شمصيبه
وأشدهن فرگتك لورحت وأعظم
يشاري الموت والسيف بيمينك
على العشرين ماعبرن اسنينك
علي اظلم الكون اخلاف عينك
حرمني شوفتك شهر المحرم
الشاعر حسن لعيبي الحريشاوي
ختام مجلس عبدالله الرضيع
آه يعبد الله تولَّاك الدهر
ياوجيها منذبح من النحر
ياشفيع. ونور من نور الگمر
اتوجهينا بجاهك الرب البشر
توسلينا مايضل للهم أثر
تنگضي حاجات كل واحد حضر
مجلسك مهموم. ودموعه مطر
وتنجلي كل نايبه اتهد الظهر
ياوجيها. منذبح من النحر
الشاعر حسن لعيبي الحريشاوي
ابوذيات عن علي الاكبر رضوان الله عليه
عيون حسين من البچي راحات
وبعدك ما إله بالعمر راحات
حگه لوينوح ويدگ راحات
اموذر ياعلي فوگ الوطيه
★★★★★
بجلال القدر نوگفلك ولكبار
اصغار من الشدد تجلي ولكبار
علي انته حبيب الله ولكبار
شبيه المصطفى سيد البرية
الشاعر حسن لعيبي الحريشاوي
عن لسان ليلى ام علي الاكبر
لايبني يلمهيوب تعوف الگلب مصيوب
لايبني لايبني
★★★★★
وينك يلاكبر وين. غايب يروح حسين
شلي بعد بالعين وعني صرت محجوب
★★★★★
ياسلوتي ودنياي شلي بعد بالماي
وشلي بزماني الجاي حيره وظعن منهوب
★★★★★
ادعي وغيابك طال سالم ترد بالحال
ادعي بدمع همال دعوة نبي يعقوب
★★★★★
من خيمتي صديت بحسره وهظم ظليت
رد مهرك وماجيت رد السرج مگلوب
★★★★★
لمن نويت تروح وياك اخذت الروح
أعرفتك ترد مذبوح هذا العلي مكتوب
★★★★★
ياهيبة العباس. بخيل العده تنداس
يلتجري بالانفاس. وي كل نفس محسوب
★★★★★
يلماعفاك السيف جيت ورحت چن طيف
لهل الذنب ياحيف شلك ذنب مطلوب
★★★★★
وسفه يماي العين مني خذاك البين
ماكملت عشرين اشموعك حسافه اذوب
الشاعر حسن لعيبي الحريشاوي
نزله عن علي الاكبر (وزن الهجري )
چنه عباس بمشيته من توجه للقتال
تمايلت بيده الكتايب. هذا الأكبر بالنزال
★★★★★
أتوجه الأكبر ينادي وينها وين الزلم
أنا من حسين زودي ومن ابوفاضل عزم
تعلمت بالحرب منهم أنا للموت ابتسم
انبنى الدين بعزمنه وللابد ماينهدم
مااهاب من العساكر ولاعدد هاي الرجال
تمايلت بيده الكتايب. هذا الأكبر بالنزال
★★★★★
علي الاكبر هذا اسمي اليوم اسطر ملحمه
الحومه اگلبها عليهم وحگ جبار السمه
جدي ابوالحملات حيدر ذاك حماي الحمه
دون ابوي حسين عندي. روحي ترخص والدمه
والحتف لأجله اشحلاته اصفه من ماي الزلال
تمايلت بيده الكتايب هذا الأكبر بالنزال
★★★★★
انا ابن سيف وملاحم ماتهم روحي الصعاب
انا ابن وحي ورساله وأنا ابن حكمه وكتاب
ناذر الديني حياتي وناذر أيام الشباب
سيفي للكافر نهايه وصاعقة وموت وعذاب
مايهز روحي جمعكم لاوحگ جدي محال
تمايلت بيده الكتايب هذا الأكبر بالنزال
★★★★★
هاشمي وسيفي بيميني واگطع ارگاب العده
من اجل مهجة أمامي. روحي والعالم فده
الينصر حسين ويعينه الفوز باچر موعده
ماينال الجنه كلمن. صار للباطل صده
ماتهمني هلعساكر. ولومطر صب النبال
تمايلت بيده الكتايب. هذا الأكبر بالنزال
★★★★★
هاي اول روح روحي. للحرب مستقبله
عمري لحسين وحياتي. وروحي ناذرها اله
بزود افعالي تسولف. راح تشهد كربله
ارگابهم يحصدها سيفي فوگ كل سيف اعتله
لازمن لهل الصلافه ولاحكم لهل الضلال
تمايلت بيده الكتايب. هذا الأكبر بالنزال
الشاعر حسن لعيبي الحربشاوي
لاستشهاد علي الاكبر عليه السلام
(وزن نصاري )
گال حسين من شافه توذر
على الدنيا العفا بعدك يلاكبر
طحت يازهره الروح
طحت يوليدي مذبوح
على الدنيا العفا بعدك يلاكبر
★★★★★
لجدي المصطفى من گلبي يشتاگ
نهر وجهك يطفي نار الفراگ
من فرگاك يوليدي الصدر ضاگ
جروحي والمدامع الهن اسباگ
بعد هاي الرزيه
بعد شيصيير بيه
على الدنيا العفا بعدك يلاكبر
★★★★★
بعد شيصير بيه ياضوه العين
من وكتي شفت بويه الأمرين
جدي چن فگدته اليوم مرتين
ياوجه النبي وشم الرياحين
طحت ياتچوة الحيل
صرت وي المچاتيل
على الدنيا العفا بعدك يلاكبر
★★★★★
ياسلوة الروح وراحة البال
دمي علثرى لودمك السال
فراگك مرد چبدي حيل چتال
ايهدم الحيل مني ايعذب الحال
سيف الشر تلگاك
بكاس الموت رواك
على الدنيا العفا بعدك يلاكبر
★★★★★
علي فراگك يبويه يهدم الحيل
النهار بعيني اصبح مظلم وليل
ويل اهل الغدر من صاحب الويل
ودنيا الچانت الهم ضدهم اتميل
ابث شكوتي وشكواك
يم المصطفى اهناك
على الدنيا العفا بعدك يلاكبر
★★★★★
أصبر ياعلي يبني يمظلوم
يابدر السمه علگاع مرسوم
يابويه العلينه صار محتوم
وعلى كل حال هاي الدنيا مدوم
اعدانه وين يرحون خصمهم سيد الكون
على الدنيا العفا بعدك يلاكبر
الشاعر حسن لعيبي الحريشاوي
نعي لاستشهاد علي الاكبر رضوان الله عليه
متكدر الحال حسين ابهظم متكدر البال
والدمع همال. لبنه يصد والدمع همال
متغير الحال. الاكبر صفه متغير الحال
وكثر الاهوال. ماهمه جيش وكثر الاهوال
العطش چتال گلبه انفطر والعطش چتال
فَطَّر الدلال. سهم القدر.فَطَّر الدلال
من الفرس مال انصاب ابرمح من الفرس مال
من حر الرمال. جسمه انچوه من حر الرمال
ياكتر ينشال. امگطع وصل ياكتر ينشال
الشاعر حسن لعيبي الحريشاوي
يارب السمه الوسعه (وزن الطويل)
الاكبر سالم أترَجَّعَه يارب السمه الوسعه
وِيَّاه مهجتي وگلبي حسين ينادي ياربي
يارب السمه الوسعه
★★★★★
توَجَّه للعده الاكبر والمخيم صفه ابظهره
ماهاب العده والموت للباري ترك أمره
دمعاته تهل لحسين خاف الوادم اتغدره
خايف لاوحيد يصير لمن تنجلي الغبره
يدعي الأكبر الباري يدعي والدمع جاري
يدعي ومانشف دمعه يارب السمه الوسعه
★★★★★
برز وتقدم الاكبر بسيفه زلزل الميدان
حَيِّرْهُم مثل حيدر يوم البارز الفرسان
مرد چبده العطش لمن رد على الأبو عطشان
گله ارجوك يابويه گلبي من العطش خلصان
اتمسك بالصبر يبني يگله والظهر محني
أدعي خالق السبعه يارب السمه الوسعه
★★★★★
للعطشان أجه العطشان ماي ايريد من عنده
أيهَوِّن الحال علأكبر حسين ودمعته ابخده
على المكتوب يبني أصبر الصبر يجليها كل شده
يثبت ربك ويمحي هو ابحكمته وحده
قريبه رحمته منك يدفع جيشهم عنك
لوفزعو فرد فزعه يارب السمه الوسعه
★★★★★
منبع من شجاعه وزود بوجهه من وگف واهم
مثل جده الشطر مرحب جندل سيفه ابن غانم
ياهو البارزه ويرجع من هول الحرب سالم
هذا مهجة الكرار مايصبر على الظالم
يدعي حسين والمدمع يصب وينتظر يرجع
يدعي وروحه منفجعه يارب السمه الوسعه
★★★★★
الغبره أنجلت والاكبر چتيل على الثره طايح
شافه مگطع ومذبوح جسمه بلدمه سابح
العفا يبني على الدنيا يانور البصر رايح
فلا يرحمهم الرحمان لا بالعايل ايسامح
الطفوا مهجتي وشمعي عليهم بالجحيم ادعي
وشملهم ما إله جَمِّعَه يارب السمه الوسعه
الشاعر حسن لعيبي الحريشاوي
ياعلي الأكبر دخيلك
ياعلي الأكبر دخيلك
★★★★★
هذا الأكبر يومه
واضحات اعلومه
وصولته المحسومه
من يطب للحومه
صاح كلمن شاف ويلك
ياعلي الأكبر دخيلك
★★★★★
الجيش صار أگباله
بحيره مؤسف حاله
وين زود أبطاله
ارتعبوا من افعاله
احتارت الگاع التشيلك
ياعلي الأكبر دخيلك
★★★★★
مادنو ميدانك
تراجعوا عدوانك
بعزمك وايمانك
حَيَّراهُم شانك
من ابو الحسنين حيلك
ياعلي الأكبر دخيلك
★★★★★
مانفعهم راصد
ولاخبير وقائد
والطفوف الشاهد
مايهمك واحد
الگوم كلها لو تجيلك
ياعلي الأكبر دخيلك
★★★★★
حسين ينظر دربه
ونار يسعر گلبه
گال يبني الغربه
من تروح وصعبه
الدنيا ماتسوه ابرحيلك
ياعلي الأكبر دخيلك
★★★★★
للشهادة ينادي
دون سبط الهادي
عزمي واستعدادي
مثل عزم أجدادي
ياعلي شمكثر جميلك
ياعلي الأكبر دخيلك
الشاعر حسن لعيبي الحريشاوي
https://youtu.be/lEMfXfFYRjU?si=dwJc4zugkFa_KcGU
Читать полностью…
لاموحرب مجزره
بلطف شگول وجره لاموحرب مجزره
حتى الرضيع انذبح ياحيف بلدم سبح
لاموحرب مجزره
★★★★★
بگلوب جيش الحِظَر
للرحمه ماكو أثر
ذبحوا منار الفخر
وأنووب ذبحوا گمر
الجيش لمن هجم نيران وج الخيم
لاموحرب مجزره
★★★★★
جيش العدو من أجه
بخيوله المسَرجَّه
بس بلغدر بيه رجه
حقد وظلم منهجه
ذبحوا ولد فاطمه الأرض صارت دمه
لاموحرب مجزره
★★★★★
كلمن أجاه ابغدر
الرب السمه شيعتذر
اتجمعوا من كل كتر
قاد الفجيعه الشمر
ابن النبي المصطفى ذبحوه من الگفه
لاموحرب مجزره
★★★★★
موحرب يوم انجلت
بدور السمه اتذبحت
هجت اطفال ومشت
وسط البراري صفت
وابطال فوگ الثره فوگ الثره اموذره
لاموحرب مجزره
★★★★★
عاشور ماينوصف
فزعوا اثلاثين الف
مابين غادر صلف
بالدين مايعترف
علصار بالعايله تشهد أرض كربله
لاموحرب مجزره
الشاعر حسن لعيبي الحريشاوي
لاستشهاد الطفل الرضيع
(وزن الفايزي)
باطل جمعهم گوم مارحموا طفل
يكشف طبعهم نابت ابنحره النبل
ابحضن ابوه وماسلم
الطفل صابوه ابسهم
باطل جمعهم
★★★★★
جاب الطفل كل القصد يعرف وضعهم
قصده يوضح هلخصم شنهو طبعهم
انسانيه ماعدهم. ابد ملتم جمعهم
حتما طلع نفس الاصل ظالم فرعهم
ابسهم المنيه. بدلوا ماي العذب
أهل الرديه منين جابوله ذنب
ابلاظمير ولاندم
الطفل صابوه ابسهم
باطل جمعهم
★★★★★
حسين قدم للخصم روحه ومهجته
الطفل گلهم هلعطش. مرد چبدته
احتار كلمن راي أله. وكلمن چلمته
بالحل تعجل حرمله. وحضر جعبته
حظر جعبته. ايدور ابسهم الغدر
هاذي فكرته. . يسلب أنوار البدر
گوم ماعدهم ذمم.
الطفل صابوه ابسهم
باطل جمعهم
★★★★★
البلسقيفه للظلم بذلوا مهجهم
فرع من ذاك الاصل واحد نهجهم
الطفل يشكي من العطش لاماحرجهم
شعذر عدهم بالحشر. شنهي حججهم
هذا فعلهم طفل وبنحره انرمه
اه من عملهم. ضجت املاك السمه
گلوب مابيها رحم
الطفل صابوه ابسهم
باطل جمعهم
★★★★★
جم شهر عمره للاسف حسموا حياته
المثل الگمر وسط السمه نوره وصفاته
مكسور كسرات الغصن. حانت وفاته
شربة الماي من العطش. كل امنياته
ودع حياته. بسرعة ذبلان الورد
لامه وخواته. حسين بوليده يرد
مذبوح ويعاني الالم
الطفل صابوه ابسهم
باطل جمعهم
★★★★★
اليدَّعُون المرحمه وحگ الضيافه
وبدولة الحق والعدل وأهل الخلافه
گطع المناحر بالطبع. عاده وصلافه
طبع التسامح والرحم عنهم تجافه
ردوا نفسهم. الچانوا احزاب وربع
من ذاك امسهم واليومهم نفس الطبع
الچانوا يعبدون الصنم
الطفل صابوه بسهم
باطل جمعهم
الشاعر حسن لعيبي الحريشاوي
لاستشهاد الطفل عبد الله الرضيع.( وزن هجري )
حسين من قدم گمر طفل عمره اچم شهر
بلامخافه ولاندم. حرمله صابه ابسهم
طفل عمره اچم شهر
★★★★★
قصد للعالم يبين شنهو معدن هلالوف
مهجته يقدمها الهم شاله مابين الچفوف
شذنبه ياوادم يگلهم بالعطش يجني الحتوف
تحركت بعض المشاعر والمواقف كلها خوف
بلامخافه ولاخجل. صوبوه سهم الاجل
طفل عمره اچم شهر
★★★★★
راد ابو اليمه يوضح. كل حقيقه وكل وهم
اليامدى انسانيه عدهم وأصبح الواقع حكْمْ
إلهم يقدم رضيعه من العطش يشكي الالم
ترجموا بالطف نفسهم ترجموا كلشي ابسهم
عن حقدهم عبروا. لا أبد مافكروا
طفل عمره اچم شهر
★★★★★
عن سبب قدم رضيعه كشف للخافي شكل
همه نفس البلسقيفة والفعل نفس الفعل
يعني عدهم قابليه ينذبح حتى الطفل
وكشف للعالم حقيقة ناس ماعدهم عدل
بياذريعه وياسبب. بالسهم نحره انضرب
طفل عمره اچم شهر
★★★★★
راد للعالم يوضح ماتموت أهل الشرف
تضحيات بلانهايه شماجره الدم ونزف
بيت بيه الباري ربنا علارض أسمه انعرف
بيت عن الناس كلها تميز شگد واختلف
الهلسبب باقي الحقد بسهم ظالم ينقصد
طفل عمره اچم شهر
★★★★★
حرمله ابسهمه تقدم بالغضب صد للرضيع
من حسم كلشي بفعلته من برز دون الجميع
بالنحر صابه على غفله اتلوع ابسهمه صريع
حسين ضل بألم ينظر الموقف الشر الفظيع
هذا فعل المايصح. بياجريمه ينذبح
طفل عمره اچم شهر
الشاعر حسن لعيبي الحريشاوي
,مسمومه النبله الچتاله
لاستشهاد الطفل الرضيع ( عگيلي )
مسمومه النبله الچتاله.
اسوت هلمظلوم بحاله
سيل الدم من شافه بعينه
ماي الدم ظل يتراواله
مسمومه النبله الچتاله
★★★★★
ذابت هلروح العطشانه
ياوردة وصارت ذبلانه
طفل المارحموه عدوانه
بس الموت يلوح اگباله
مسمومه النبله الچتاله
★★★★★
بلوعه حسين ايصد لوليده
المتلوع والماي ايريده
شال اسهام الظالم بيده
بنشابه الغادر يبراله
مسمومه النبله الچتاله
★★★★★
بنحره الظالم حط النبله
عن احدود الرحمه اتخله
اهتز الكون بهاي الفعله
سهم المايرحم وداله
مسمومه النبله الچتاله
★★★★★
وداله السهم المايرحم
لون الماي تبدل بالدم
حيل حسين بهاي اتهدم
شگد شافوا لوعات اعياله
مسمومه النبله الچتاله
★★★★★
ست اشهور الماكملهن
عاشور الطف صار اخرهن
اشفافه الظالم من ذبلهن
ياتهمه الظالم خلاله
مسمومه النبله الچتاله
★★★★★
ياطفل المثل الريحانه
صار الدم مغير الوانه
حسين الماتبرد نيرانه
شماتجري دموعه الهماله
مسمومه النبله الچتاله
الشاعر حسن لعيبي الحربشاوي
لسان حال ام الرضيع. (وزن المجرشه )
عبد الله ماي عيوني من شوفتك حرموني
علصار مابطل النوح يوليدي شفتك مذبوح
من ضحكتك حرموني
★★★★★★
من يمي يبني للسهم بيدي رحت وديتك
ماشوفّتهم حالتك لوادري ماراويتك
وماطلعيتك يلولد وبمهدك امخليتك
من الماي تشرب كَيَّفْت ياماي انا البديتك
فكري انشده يلغالي بس الله يدري ابحالي
وياروح مثلي ياروح يوليدي شفتك مذبوح
من ضحكتك حرموني
★★★★★★
ياريت هاذي خيمتي بعيد الوكت خلاها
وبيك ابتعد ياسلوتي. ويامهجتي ودنياها
ولارحت عني يلولد روحي شكثر بلواها
ياكربله يومچ صعب ايامچ صعب ملگاها
فراگك هظم راواني امتيهه الفكر خلاني
راح الفكر مني يروح يوليدي شفتك مذبوح
من ضحكتك حرموني
★★★★★★
من الدنيا هاذي حصتي كثر البواچي ودمعي
شلون من ايدي رحت يانور داري وشمعي
للماي ودوك وشفت. اندار وتغير وضعي
جابوك مذبوح النحر. شبت النار بضلعي
طال السهر بجفوني هلنوح غير لوني
شلون يمه ما انوح يوليدي شفتك مذبوح
من ضحكتك حرموني
★★★★★★
وحسين گلبه علطفل مصدوع ذايب گلبه
شوغات كلها بكربلا. لاچنها هاي الصعبه
ابحظنه مذبوح الطفل. ياريت يعرف ذنبه
اگلوب صلفات شكثر. من ابليس ذول وحزبه
عبد الله ذايب گلبي اذكر دلالي وتعبي
وعليك دمع المسفوح يوليدي شفتك مذبوح
من ضحكتك حرموني
★★★★★★
ابغفله گالوا حرمله. بالنحر لمن صابه
اتحظر الظالم للغدر. وي زمرته السلابه
اشدلاه ماعنده رحم. ومنين وكتي جابه
يعذبني ياربي الصبر موسهل والله اغيابه
باچر تسير ضعوني الدرب السبي ايودوني
علگاع تبقه مطروح يوليدي شفتك مذبوح
من ضحكتك حرموني
الشاعر حسن لعيبي الحريشاوي
عن لسان ام الرضيع
يعبد الله بسهم غفله ليش نحرك ينگطع
نزل دمعي فوگ خدك خفت يچويك الدمع
ياحصاد الماجنيته وياعمر مثل الشمع
شلون يلمذبوح يمه يلگمر وجهك يشع
شفافك الحلوه حسافه گطرة المي تنمنع
ماغده النسيان طبعي منين اجيبن هلطبع
بعيني ردتك كون تكبر تلعب وعدك ربع
ياذنب سويته يمه وجاروا عليك الفزع
جابك ابدمك امغسل حسين مكسور الظلع
حسين رد مكسور ظهره وبيك گلبي منفجع
راي ماظل يعبد الله وبالگلب ميّة صدع
الشاعر حسن لعيبي الحريشاوي
عن لسان ام عبدالله الرضيع
(٣ دگات) وزن الدارمي
نومتك طالت ليش عبدالله يبني
اگعد يماي العين كونك تحبني
★★★★★★
يم المهد لاجيت لامنه شلتك
شفت العطش چتال فطْرَّها شفتك
تبچي وتريد الماي عبدالله شفتك
انطيتك صدگ للموت بچفوفي ذني
★★★★★★
بيك ارجه يادنياي هلبت بعد روح
مابيه اصدگ العين گدامي مذبوح
الكاسرني ابوك حسين لفراگك ينوح
وانا الردت بالشيب زودك يلمني
★★★★★★
مومن عطش مكسور لامن لهب صيف
بعدك ييمه حسين يتوچه علسيف
منكسر گلبه عليك يلجيتك طيف
ومرادف الشوغات هلشيبني
★★★★★★
ماحسبت تلفيك چف المنيه
عبد الله ليد الموت تنطيك اديه
وتالي بنحر مذبوح ترجع عليه
ريت السهم يخطيك كون وذبحني
★★★★★★
غافي وتفز للموت ياسلوة احشاي
ردتك ترد عطشان مالازم الماي
ينفجع گلب حسين قصد العده بهاي
وحيله يرد مهدوم والظهر محني
★★★★★★
حسين اعتنه للگوم عبد الله وداه
ماصارت ولتصير هلطفل بلواه
طفل اليريد الماي يسگونه بدماه
حسين الطفل مذبوح رَدَّه على حظني
الشاعر حسن لعيبي الحريشاوي
على وزن دهري ذبني لحمزة الصغير حول الامام الحسين عليه السلام يخاطب ابنه علي الاكبر سلام الله عليه
الاكبر گصد للگوم تنعاه الاملاك
ناده عليه حسين گلبي مشه وياك
ناده يبني عيوني يلاكبر بلسم جروحي
★★★★★
موسهله يبني تروح متعني للگوم
كطّعني صبري عليك ظل حيلي مهدوم
ماكو رحم بعداك ماترحم اليوم
گبلك امرها الروح ياريته محسوم
ناده يبني عيوني يلاكبر بلسم جروحي
★★★★★
امك حزينة حال بس تنحب عليك
منها الگلب مصدوع لاتنفجع بيك
ماتصبر على الجور بالدنيا تدريك
ابدال العذب عدوان بالحتف ترويك
ناده يبني عيوني يلاكبر بلسم جروحي
★★★★★
يابويه روحي وياك ماظلي كل لون
امخاطف عليك اسيوف يلاكبر شلون
بيا لحظه بيك اعداك خايف يغدرون
بعيني ينور العين بيها اظلم الكون
ناده يبني عيوني يلاكبر بلسم جروحي
★★★★★
وجهك يبعد الروح يلعني ابعد
أيذكرني بالمختار جدي محمد
بعدك ينور العين بيت وتفرهد
لاانته لاعباس ماظلي احد
ناده يبني عيوني يلاكبر بلسم جروحي
★★★★★
للخيمه لورديت امك شكّلها
ملت صبر ودموع لجلك تهلها
وانا ابحزن ظليت حاير مثلها
عليه العفه دنياي بعدك شملها
ناده يبني عيوني يلاكبر بلسم جروحي
★★★★★
عليها العفه دنياي بعدك يلاكبر
من شفته بالميدان مهرك تگنطر
گطَّعَن بيك اسيوف جسمك توذر
بخيل العده مرضوض صدرك تكسر
ناده يبني عيوني يلاكبر بلسم جروحي
الشاعر حسن لعيبي الحريشاوي
نعي عن لسان ام علي الاكبر
مامرت مثل هاي الرزيه
على ليلى التون ونه خفيه
ابنها للحرب طر الثنيه
بگلبها اتوجرت نار السريه
بشوغتها دعت رب البريه
شبيه المصطفى ترده عليه
دليلي وسلوة ايامي الزهيه
عليه اتجمعت فرسان اميه
الغدر مافارگ انفوس الرديه
من سابع ظهر بيهم سجيه
على ابني تلملمت چنها المنيه
يربي عليك ابن حامي الحميه
وعليك بغربته وظلع الزجيه
سالم كون الاكبر يرد ليه
تدري الحال ياربي ترده
ردت سالم علي الاكبر ترده
باب الشر ردت عنه ترده
ابني وسلوتي وحيل العليه
الشاعر حسن لعيبي الحريشاوي
لاستشهاد علي الاكبر عليه السلام.(وزن تجليبه،)
بظهرمحني اجاه حسين يتعثر
على الدنيا العفا من طحت يلاكبر
★★★★★
خصمهم ياعلي باچر تره المختار
وإلي خاصمه جدك مصيره النار
گبلك كون بيه الي جره والصار
وجسمي گبل جسمك ياعلي موذر
★★★★★
اذا اشتاگ اشوفن طه واتمنه
انظر وجهك المايختلف عنه
يانور وملامح يابدر منه
چن طاح النبي گدامي واطَّبَر
★★★★★
ياماي العيون وسلوتي يبني
ادعي الله على فراگك يصبرني
عشرينك گضن يامن رحت عني
طالت لوعتي وحبل الامل يگصر
★★★★★★
يايوسف زمانك للعدو مطلوب
گبل العين گلبي من البواچي يذوب
رجع يوسف ورداله النظر يعقوب
وانته على الترايب يصعب المنظر
★★★★★
اذاتشكي العطش هدني العطش مثلك
واذاگبلي تروح احسبني من بعدك
سلامي على النبي يم العذب جدك
عذب يسگيك لمن توصل الكوثر
★★★★★
قدر مكتوب يبني ماترد سالم
بعد ماگنطرت بالسيف بن غانم
عليك غيوم سوده يابدر هاشم
تمطر بالرماح وبالنبل والشر
الشاعر حسن لعيبي الحريشاوي
عن لسان ام علي الاكبر
چان كل ظني ترد سالم يلاكبر
دامي نحرك ياعلي وجسمك توذر
يوليدي ناديت ترجع تمنيت
سالم يلاكبر
★★★★★
بيه مامرت مثل هاي الرزيه
يمه مالت الف مره الگاع بيه
گبال عيني يلرحت صوب المنيه
بالعساكر منگطع دربك عليه
الف وصله الگلب يوليدي تگطع
يلرحت درب المنيه شوكت ترجع
ياشمعة البيت ترجع تمنيت
سالم يلاكبر
★★★★★
دموع عيني چملت گلبي نحيبه
راح الاكبر للعدو طول الغيبه
ادعيت ربي دعوة الام الغريبه
يرد الاكبر سالم عليه يجيبه
اتعبت اناطر ياعلي وعيوني تربي
بدنيتي اخلافك يظل مكسور گلبي
من صبري مليت ترجع تمنيت
سالم يلاكبر
★★★★★
شلون تگدر علعطش يوليدي والحر
من رحت لسيوفهم وحدك يلاكبر
نكسر ظهر حسين وگليبي تفطر
ياهو يگدر على افراگك ياهو يگدر
رحت لهل الغدر ياسلوة زماني
لاتظن عدله اظل بعدك تراني
انتظر ماجيت ترجع تمنيت
سالم يلاكبر
★★★★★
لاتطول غيبتك يبني دخيلك
خوفي من رد السيوف نهدم حيلك
رد يوجه المصطفى الماكو مثيلك
خوفي عن مهرك رمح غادر يميلك
شلي بالدنيا بعد عينك يغالي
اگضي بالدمعات والحسره الليالي
بربي تنخيت ترجع تمنيت
سالم يلاكبر
★★★★★
اشبال هاشم جابتك مطبور جسمك
مگطعه اوصالك يصب للگاع دمك
شلون اطلع واعتني يوليدي يمك
ارد انوحن وانتحب وابچي واشمك
العمر مني راح يوم الرحت مني
من السمه للگاع چن الوكت ذبني
وبونتي ظليت ترجع تمنيت
سالم يلاكبر
الشاعر حسن لعيبي الحريشاوي
عن شجاعة علي الاكبر سلام الله عليه
قضية حسين دربه ومنهجه ومسعاه
ابن زود المعارك لوردت معناه
شوصف علي الاكبر ياوصف الگاه
(ياچلمه أتوصف شخصيته )
نور من النبي فوگ الأرض ازهر
وشجاعة جده ذاك المرتضى حيدر
نزل يفني الصفوف بصولته الاكبر
(صولات الأكبر معروفه )
الشاعر حسن لعيبي الحريشاوي
علي الاكبر
مجد سَطَّر
علي الاكبر
★★★★★
ابوجهه سيل الغيظ بادي
زحزح جيوش الأعادي
عاقبتهم شر ينادي
چنه وجه النبي الهادي
وچنه حيدر
علي الاكبر
★★★★★
العاش بديار الكرامه
ونهل من عذب الامامه
من اجل نصرة إمامه
ما يفكر بالسلامه
أسد زمجر
علي الاكبر
★★★★★
مايهمه الجيش داير
اسهام ورماح وبواتر
البارزه مجبور صابر
منحرج خلاه وحاير
موت الاحمر
علي الاكبر
★★★★★
للحتف مَرجَعْ الظالم
مارجع للگوم سالم
من برز بكر بن غانم
جندلاه بسيف صارم
ماتأخر
علي الأكبر
★★★★★
أبد موزود الكتايب
من تگنطر علترايب
قدر متحتم او واجب
گلبه من العطش ذايب
من تگنطر
علي الاكبر
الشاعر حسن لعيبي الحريشاوي
نعي لاستشهاد علي الاكبر
اجنه امخالفات اشفار السيوف
بجبينه الدم نزل هاطل على الشوف
ياهو الي يمهله وبيه معروف
ايودع والده ساعه يخليه
★★★
اجاه حسين مغضب وصل يمه
خيول الگوم رضن وسف جسمه
مايلگه كتر سالم يلمه
يشيله شلون للخيمه ويرد بيه
★★★
يبويه اشلون اعدلنك واگعدك
وعلى امك ياعلي بياحال اردك
خصمهم بالقيامه اهناك جدك
كلمن گطعَّك باچر يجازيه
★★★
باد الحيل مني شلون اشيلك
يحيلي انهدم بويه گبل حيلك
ابدليلي سهم المفطر دليلك
شگل لمك اوجهي وين اوديه
★★★
اعتنوا ليه الهواشم وصل شالوه
جريب على الخيم بالحال خلوه
عن شوف الحرم بأيزار غطوه
خاف اتموت امه من تصد ليه
★★★
يويلي شافته زينب امگطع
المثل جده بدر بالكون يسطع
تون بهداي ليلى خاف تسمع
تصيح ومايرد زينب تحاچيه
★★★
ليلى تنادي الاكبر ياضوه العين
وعدني بهاي ابد ماخالف البين
طحت فوگ التراب وشابح العين
يحر الگاع جسمك خاف يچويه
★★★
صدگ يمه رحت عني يمهيوب
جم اصواب فوك اصواب مصيوب
رجع مهرك يخط والسرج مگلوب
امدمه اسهام عدوانك تراميه
★★★
صدگ يمه چتيل وي المچاتيل
صدگ يمه على صدرك داست الخيل
نحل جسمي ييمه ومابقه حيل
هذا الخفت منه وصار تاليه
الشاعر حسن لعيبي الحريشاوي