1638
هذه القناة تتضمن قصائد واشعار ولائية وحسينية في مدح ورثاء ال البيت الاطهار
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
زواج النورين
شكراً يچف الزمن لمساتك الناعمه
اليوم اصبحت محتفل يامحله هلغانمه
والسمه نور ازدهت فوگ الأرض حالمه
معناها ماكو حزن فرحانه أرض وسمه
يعني بداية فرح وللهم صفه خاتمه
اليوم قاد الفرح ضد الحزن ملحمه
من اقترن نور الوصي بنور ام حسن فاطمه
الشاعر حسن لعيبي الحريشاوي
https://youtu.be/qq1OGeN72IQ?si=IUEMj94gv3LU-urB
Читать полностью…
لاستشهاد الامام محمد الجواد عليه السلام على طور قصيدة يحسين ياوالينه للمرحوم حمزة الزغير
سَمَّوك يابوجعفر زمرة الباطل والشر
شم الهوه ايحرمونك اسوَّويت ويطلبونك
زمرة الباطل والشر
★★★★★
يبن الرضا يامظلوم شعندك ذنب سويته
وشنهو العدو وغاياته
دارك محط الانظار واصعب عدو لاگيته
ضدك رفع راياته
طبعك جلد ماهَزوَّك والجور ماخاويته
وماهزتك حالاته
لاماخطت من بالك دوم الاحقاد أگبالك
بحال الصعب يردونك اسوويت ويطلبونك
زمرة الباطل والشر
★★★★★
يبن المجد والاطياب ضدك حرب شنووَّها
من اهل الضلاله اتعاني
ظالم أيعيين الظالم بانوارك ايطفووها
واحد يوصي الثاني
رادووك تخضع هيهات هلغايه ماوصلوها
بدرب الصبر متفاني
اتحملت هاي الزمره بزود وصبر وبقدره
ماچنهم ايعرفونك اسوويت ويطلبونك
زمرة الباطل والشر
★★★★★
جاهدت من باع الدين وبَدَّل اقوال الهادي
وغَيَّر النور بظلمه
وحاربت هاي الافكار للعلم صوت ينادي
بفقه وعقيده وحكمه
شما واجهنَّك صعبات بالفكر عزمك حادي
تگطع ادروب الازمه
كل مسئله الماتنحل عالمها انت الاول
بكل ازمه يحتاجونك اسوويت ويطلبونك
زمرة الباطل والشر
★★★★★
يبن الحبيب المختار مرفوع راسك عالي
يبن الوصي والزهره
يبن الرضا ماترتاع وبكل جمع متبالي
من اعمالهم تتبره
يلموتك ايريدونه والموت اول تالي
موت المجد تنتظره
الشايل حقد من جودك بالسم يذبل اورودك
الباري يكون بعونك اسوويت ويطلبونك
زمرة الباطل والشر
الشاعر حسن لعيبي الحريشاوي
لاستشهاد الامام محمد الجواد
عليه السلام على وزن قصيدة
رحنه بظعينه هليوم اجينه
للمرحوم ملا وطن
اليتعنه وينه. لأرض المدينه
ينعه الامام المظلوم. بالسم گضه نحبه اليوم
مشبوحه عينه. لأرض المدينه
★★★★★
يتعنه ياهو بلخبر ذيچ الدار
دارالزچيه وحيدره. والمختار
ويوصل علي الهادي ويخبره بلصار
ضل الجواد بلاعشيره. وأنصار
غربه على غربه. وأيامه صعبه
دمع النواظر سچاب. ينتظر جية الاحباب
شوگه وحنينه. لأرض المدينه
★★★★★
وين اليخبر الهادي ويوضح الحال
حال الجواد الشاف بالغربه أهوال
ذكر الأهل مايوم ينساه. البال
واصعب دربهم لوصفه بعيد وطال
ابعيد الدرب صار. ماتوصل اخبار
الدار الاحباب الطيبيين ايصد ودمعته بالعين
بنظره حزينه. لأرض المدينه
★★★★★
مفرد غريب ولله يشكي احواله
لوعاته تجوي على الأهل چتاله
من كل كتر أهل الظلم تبراله
ضد مبدءه وفكره وجمال أفعاله
أول شبابه. رحلة عذابه
اسنينه خلصها افراگ لأهل المدينه مشتاگ
مرجع اسنينه. لأرض المدينه
★★★★★
شذنب الامام انصبت عليه احقاد
مگيود من أرض المدينه البغداد
استكبار زاد المعتصم واستبداد
من شاف نهجه الموعظه والإرشاد
زادت احقاده. ضد العباده
روح الامام بهلحال. فراگ التحبهم چتال
ظلت رهينه. لأرض المدينه
★★★★★
لهذا السبب احقاد أل العباس
سحر الامامه ملكت گلوب الناس
سمته الماعدها ظمير واحساس
بأمر إلي ماعدهم حميه ونوماس
فوگ الحصيره. بحر الهجيره
فوگ السطح ضل مطروح. بأخر نفس ضل ينوح
نوحه اونينه. لأرض المدينه
الشاعر حسن لعيبي الحريشاوي
لاستشهاد الامام محمد الجواد
عليه السلام نزله
علجواد بن الرضا وحامي الحمه
نوحوا ياشيعه على بدر السمه
موحشه بغداد صارت مظلمه
نوحوا ياشيعه على بدر السمه
راح فخر الجود راعي الغانمه
نوحوا ياشيعه على بدر السمه
لجل فگده الهدى اركانه مهدمه
ياذنب ياصوچ شنهي القدمه
سمته بنت اللئيم المجرمه
ينقل الناعي اشجره من خاتمه
للمدينه ينادي بأهل الموزمه
گظوا سم وذبح ولدچ فاطمه
وخبر الهادي بدمع ينزف دمه
ابخبر هد حيل ألامام وألمه
ضلوعه من عظم المصاب مهشمه
اموجره نار ابدليله ومضرمه
بالگلب للموت ناصب مأتمه
نوحوا ياشيعه على بدر السمه
الشاعر حسن لعيبي الحريشاوي
نعي للامام محمد الجواد عليه السلام
خليه الدار والحسبه طويله
يبوالهادي ولا بالأمر حيله
وحشه و مامثلها شلون ليله
ولايمك اهل وكت المنيه
وين ابنك الهادي صار ماوين
على يوم المصيبه جزن يومين
يلحالك مثل ماصار بحسين
ثلث تيام وانته بهلرزيه
العلم يبن الرضا ينعاك والدين
بچتلك كل نواحي الگلب والعين
شبابك فرهداه الدهر والبين
عليك اتامروا أهل الرديه
خناجر بالگلب حطن وخلن
النوايب وأثرن بيه وخلن
يلمالك أهل تحظر وخلن
غريب تموت اسف يبن الزچيه
الشاعر حسن لعيبي الحربشاوي
لاستشهاد الامام محمد الجواد عليه السلام
شلون حاله بهلمسيه ثامن اولاد الزچيه
صارت الدنيا ظلام من بعد سم الامام
ثامن اولاد الزچيه
★★★★★
ايام من حرالشمس ذبلت ارسومه
ذبل يازهر الشباب وگرب يومه
يوم عاش بعيد عن ديرته وگومه
ياجواد الخير ماتنحصي اهمومه
ياعلي الهادي شيجيبه. ينظر الحالة حبيبه
دنيا موبرد وسلام. من بعد سم الامام
ثامن اولاد الزچيه
★★★★★
بيت جود وللكرم اجمل أسبابه
عمره ماينسد ولاينكر احبابه
ثلث ليالي شو جزن مسدود بابه
ماطلع للسائل وطول اغيابه
هناك معناها جريمه. . سمته المرأة اللئيمه
وشجنت بنت اللئام. من بعد سم الامام
ثامن اولاد الزچيه
★★★★★
الغريب العاش. بالديره الغريبه
ودنيا بس ظيم وغدر دنيا عجيبه
علي الهادي منين هلساعه يجيبه
ابعازة التوديع ويودع حبيبه
وشبح عينه للمدينه. بلوعته وشوگه وحنينه
الدنيا ماتسوه ملام. من بعد سم الامام
ثامن اولاد الزچيه
★★★★★
اي يدنيه الغدر ماتسوة الملامه
ابد مابيها على الطيب سلامه
الجواد بعيد عن اهله وعمامه
بغربته وليل البعد يجرح ظلامه
المعتصم هذا مرامه. ينگطع نسل الامامه
عنده غايات ومرام. من بعد سم الامام
ثامن اولاد الزچيه
★★★★★
هاي ام الفضل من نسل الظلاله
حاكت خيوط الغدر لهل الرساله
للمنيه باعت. الدين وجماله
عاجلت بالسم على نهج العداله
من طبع جعده ومثلها هزت الكون بفعلها
ياعذر عدها وكلام. . من بعد سم الامام
ثامن اولاد الزچيه
الشاعر حسن لعيبي الحريشاوي
لاستشهاد الامام محمد بن علي الجواد عليه السلام على وزن راية محمد حمزة الصغير
(بالغربه والالام چبدك تمرد)
(مرن عليك ايام مامرن احد )
أيام الخليفه السود. بيهن صرت موعود
مامرن احد
★★★★★
غايات معقوده بمقاصد واسباب ضدك فعلها
عدوان تطلب چنها من داحي الباب ثارات أهلها
كل مسئله اتحير عقول وألباب ميزك حلها
(وبدولة الطاغين حافل سجلها )
(مرت عليك سنين ماكو مثلها)
بيها الأمن مفقود بيهن صرت موعود
مامرن احد
★★★★★
دمعاتنا لجلك جرت هذا اليوم تجرح جفنها
بارواحنا يجري الحزن يامسموم واگف زمنها
وگلوبنا طول الوكت يامظلوم لجلك حزنها
(تتحمل الارجاس لاجل الرساله )
(بالظلم ماينقاس وجه العداله )
يا اية المعبود بيهن صرت موعود
مامرن احد
★★★★★
اتمناها يوم المعتصم والمامون هاي النهايه
مسموم ماتغمضلك الليله اعيون لا لك رعايه
ابابك مراصد للخليفه ينظرون اهل الوشايه
( سلطة غدر وعناد علمك يذلهم )
( مابطلوها احقاد مثل الگبلهم )
ماغيرك المقصود بيهن صرت موعود
مامرن احد
★★★★★
لاحتنا نيران المگابر جمرات سرها وعلنها
بفگد الجواد ارواحنا بالحسرات لاگت محنها
هاذي السمه وهاي الارض باللوعات مابطل ونها
( ذابت يبو الاطياب زهرة شبابك )
( تريد العلم طلاب وگفت ابابك. )
بجيش وحرس مرصود بيهن صرت موعود
مامرن أحد
★★★★★
من سالف الازمان هاي الالام باقي اثرها
اتبين باهل البيت هاي الايام كثرة غدرها
الدار الجواد اليوم يبچي الاسلام غايب گمرها
(غايب گمرها اليوم مهظومه داره )
( وظل الگمر محروم غابت انواره )
عليك المنايا جنود. بيهن صرت موعود
مامرن أحد
الشاعر حسن لعيبي الحريشاوي
لاستشهاد الامام محمد الجواد عليه السلام
(وزن الدارمي )
بضلوعي شبت نار لوعة مصابه
أبن الرضا سموه بأول شبابه
★★★★★
أبچي على البلكون تبچيله الاملاك
وگفت بحيره أليوم محبوسه الافلاك
ياگلبي ظل مهموم وابچي على مولاك
لجله الشرع مفجوع نهجه وكتابه
★★★★★
زادوا بني العباس جور واذيه
اكثر ظلم وإجرام من آل أميه
مقصدهم يعذبون ولد الزچيه
ابدور السمه الصافيين واهل النجابه
★★★★★
فاگد أبوه الچان خيمه ومحنه
غربه ومواجع شاف من صغر سنه
بدار الغرب مهظوم ماغمض جفنه
الفاگد اعزاز شلون يخلص عذابه
★★★★★
لا غفر رب الكون إلهم ذنب يوم
الخلوه عليل الحال والچبده مسموم
إلهم عذاب النار وكت الحشر دوم
المعتصم يوم الدين شنهي جوابه
★★★★★
شنهي جوابه يصير يوم القيامه
الخلاها تلهب نار چبدة أمامه
بحبل الكفر والجور چان التزامه
الخان الجواد النار باچر أحسابه
الشاعر حسن لعيبي الحريشاوي
بمناسبة استشهاد الامام محمد الجواد عليه السلام
شما لاگيت اخطار
ياشبل الكرار
عزمك ماينهار
★★★★★
تدريها وياك الخلگ ماتلتزم
تدريها ماتملك اعنان العزم
تدريها ايسيّر امرها المعتصم
تدريها موبالعدد هيه الزلم
مابيهم احرار
ياشبل الكرار
عزمك ماينهار
★★★★★
يدرونك عزمك يبوالهادي خطر
يدرونك بايعها روحك للخطر
يدرونك عزمك ولايوم انكسر
يدرونك ماهزتك ريح القدر
ومن هذا الاصرار.
ياشبل الكرار
عزمك ماينهار
★★★★★
عدوانك من حيدر الهذا الوكت
عدوانك شماعانى من شرهم شفت
عدوانك رادوا عكس كلما ردت
عدوانك الهم هدف تالي صرت
معروفه الادوار
ياشبل الكرار
عزمك ماينهار
★★★★★
معروفه تصير النوايا بهلشكل
معروفه المابيها رحمه ولاعدل
معروفه فكرة غدر صارت فعل
معروفه اتنفذ الجريمه ام الفضل
من دون استنكار
ياشبل الكرار
عزمك ماينهار
★★★★★
هلساعه مرت على عيونك صور
هلساعه چن الشمرگاطع نحر
هلساعه طايح گمر يم النهر
هلساعه بأم الخدر جار الدهر
اخيام اشتعلت نار
ياشبل الكرار
عزمك ماينهار
★★★★★
هليله منك دنه وحان الاجل
هليله محد حظر من الاهل
هليله فوگ السطح جثتك تظل
هليله هز السمه بيك الحصل
وحشة وظلمه الدار
ياشبل الكرار
عزمك ماينهار
الشاعر حسن لعيبي الحريشاوي
لاستشهاد الامام محمد الجواد عليه السلام
(وزن تجليبه)
بغربه خلصت العمر ماتعبت من الصبر
ردوا عليك الفضل سمتك ام الفضل
ماتعبت من الصبر
★★★★★
اشظمالك يبو الهادي الزمان شظم
بعد غربه طويله ونايبات الهم
لااحباب يمك لاشمل ملتم
لا اخوان عندك لا ابن لاعم
اعداك هاي بكل كتر حاقده وكلها غدر
وين تلگه راحتك يوم طالت غربتك
ماتعبت من الصبر
★★★★★
سنين الجور لهل الجور ودنَّك
گلب ملچوم مامرتاح خلنَّك
شتنسه من الهموم المايعوفنَّك
جروح الطف خذن كل العمر منك
بدنيا مالحظه تسر مثل غصن المنكسر
ابلااهل يم الغرب علاهل دمعك يصب
ماتعبت من الصبر
★★★★★
هذا المعتصم من ارسل اذنابه
مراصد شر تراقب طلعته وبابه
من شعت علومه وفاحت اطيابه
خايف من صلاته وصومه وكتابه
العدو مايوم اعتذر شامت وگلبه حجر
ياعمر لون الورد ماشفت بس الحقد
ماتعبت من الصبر
★★★★★
ياكسر الزچيه الزاد من كسرك
وطبرة حيدر المافارگت عمرك
وذبيح حسين لمن وكتك يذكرك
گبل نحره تحس چن منذبح نحرك
ومن دريت ام الخدر ظعونها بيد الشمر
طيحت الاكبر طحت العفا على الدنيا گلت
ماتعبت من الصبر
★★★★★
ليالي على السطح يبن الرضا مطروح
مثل جدك الظل بكربلا مذبوح
لايمك اهل تبجي وعليك تنوح
وياهو بخبر عنك للمدينه يروح
من يروح بهلخبر غاب من هاشم گمر
گمر طاح على الارض ليش محد يعترض
ماتعبت من الصبر
الشاعر حسن لعيبي الحريشاوي
لاستشهاد الإمام محمد الجواد عليه السلام (شوط كربلائي)
حگها من تذوب الروح وعيني تسكب العبره
على النور الگظه مسموم من عمر الورد عمره
★★★★★
اله ارض وسماها اتنوح ولجله يغضب الباري
امام البلغدر مسموم عليه حكم القدر جاري
ماعنده ذنب معلوم طبع بالوادم ايداري
لكن ذنب بالعدوان تكره للشرف طاري
بالسم ينمرد چبده
بقه بدارالصبر وحده
غريب ولااهل عنده
يلوب من الالم معلول طريح ولوعته بصدره
★★★★★
يبوالهادي بقه الهادي خلافك حاير وبلهم
بظهر محني وسط عدوان لهجتها الذبح والدم
كل يوم الطفوف تعود بصدرك نار المخيم
غبت عنه ابحلات الشوگ ذاك الشمل مايلتم
شباب تفرهد ابغفله
عليه ايام موسهله
على الماواحد من اهله
يگطعها فجوج البيد وكت النايبه يحظره
★★★★★
مهظوم العلم هليوم تموج الدنيا مختَلَّه
راح الجود عن الناس ماينطي الوكت مثله
المساكين بهظم تنعاه اليتامه تنحب ابذله
صعبه جنازته المظلوم غريب المايجون اهله
بغداد اشجره عليها
بحزن ضجت نواحيها
الگمر فارگ لياليها
ضجت شيعته تندب عليه بگلوب مستعره
★★★★★
ابد مامعتصم بالله البلله معتصم اسمه
شَيَّبها الليالي السود بجوره وسلطته وظلمه
طفح كيل الحقد مدفون ذاك اليدعي الحكمه
الطبعه شوك مايهتم تمر لوماتمر نسمه
القليل وجوهره خالي
ويحن لبليس ويوالي
يغار من النجم عالي
اشجاب الشوك للقداح وليالي السود علگمره
★★★★★
خطه اتنفذت بالحال لفت ام الفضل بالشر
ماعدها رحم وانصاف غير الغدر ماتگدر
طلعت من اصل معروف صلف مايوم يتغَيَّر
ثلث تيام سيدها بيه جمر الشمس تصهر
بالسم ختمت الرحمه
سمت تاسع اليمه
ولاواحد بقه يمه
ياهو للمدينه يروح لابنه الهادي ويخبره
الشاعر حسن لعيبي الحريشاوي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
بصوت. مسلم المطيري
منك اتعلمت يابو فاضل
ما اهاب ولا اخاف الباطل
كلمات الشاعر
حسن لعيبي الحريشاوي
سيتم نشر قصائد محرم جديد للرجال والنساء وكذلك هناك ديوان جديد سيتم نشره للنساء
/channel/Jafar_Jafar_ssss
هوسات لذكرى زواج النورين عليهما السلام
طلبوا أييدها الزهراء من أبوها وهوه يتعَذَّر
گال الباري يامختار بالك لحظه تتحَيَّر
من حامي الحمه الكرار انهض زَوَّج الكوثر
(حتماً حيدر يستاهلها)
★★★★★
بذو الحجة واحد بالشهر بثنين من الهجره
نور الوصي بيه اقترن بنور الزچيه الزهره
وأثمروا من هذا الشرف اقدس واطهر عتره
(ميزان الدين وساداته )
★★★★★
هله بنور الزچيه علارض أزهر
الما إلها كفو غير الوصي حيدر
يانورين منهم چم گمر نَوَّر
(يانور الدين واسبابه )
الشاعر حسن لعيبي الحريشاوي
لاستشهاد الامام محمد الجواد عليه السلام
شلون حاله بهلمسيه ثامن اولاد الزچيه
صارت الدنيا ظلام من بعد سم الامام
ثامن اولاد الزچيه
★★★★★
ايام من حرالشمس ذبلت ارسومه
ذبل يازهر الشباب وگرب يومه
يوم عاش بعيد عن ديرته وگومه
ياجواد الخير ماتنحصي اهمومه
ياعلي الهادي شيجيبه. ينظر الحالة حبيبه
دنيا موبرد وسلام. من بعد سم الامام
ثامن اولاد الزچيه
★★★★★
بيت جود وللكرم اجمل أسبابه
عمره ماينسد ولاينكر احبابه
ثلث ليالي شو جزن مسدود بابه
ماطلع للسائل وطول اغيابه
هناك معناها جريمه. . سمته المرأة اللئيمه
وشجنت بنت اللئام. من بعد سم الامام
ثامن اولاد الزچيه
★★★★★
الغريب العاش. بالديره الغريبه
ودنيا بس ظيم وغدر دنيا عجيبه
علي الهادي منين هلساعه يجيبه
ابعازة التوديع ويودع حبيبه
وشبح عينه للمدينه. بلوعته وشوگه وحنينه
الدنيا ماتسوه ملام. من بعد سم الامام
ثامن اولاد الزچيه
★★★★★
اي يدنيه الغدر ماتسوة الملامه
ابد مابيها على الطيب سلامه
الجواد بعيد عن اهله وعمامه
بغربته وليل البعد يجرح ظلامه
المعتصم هذا مرامه. ينگطع نسل الامامه
عنده غايات ومرام. من بعد سم الامام
ثامن اولاد الزچيه
★★★★★
هاي ام الفضل من نسل الظلاله
حاكت خيوط الغدر لهل الرساله
للمنيه باعت. الدين وجماله
عاجلت بالسم على نهج العداله
من طبع جعده ومثلها هزت الكون بفعلها
ياعذر عدها وكلام. . من بعد سم الامام
ثامن اولاد الزچيه
الشاعر حسن لعيبي الحريشاوي
لاستشهاد الامام محمد الجواد
عليه السلام (موشح)
خلت داره وارتحل عنها الجواد
ابوالهادي ابن الرضا خير العباد
موحشه بغداد هذا البيها صار
صب ظلام الليل لونه على النهار
دار تضوي كل وكتها وهسه دار
اموشحه بثوب الحزن لبست سواد
ياجبال التحمل بصبره وتشيل
من هظم من جور من وادم تعيل
بالخيانه ردوا اعليه. الجميل
وقابلوا إحسانه بالشر والعناد
رحل من احيا الصلاه والموعظه
ناشر علوم النبي. والمرتضى
گضه نحبه الجود راح ابن الرضا
تاسع الاطهار عنوان الرشاد
مهجة الأسلام وأسباب الوجود
ونعمة الايمان خير ابلاحدود
قابلوا فضل الامامه بالجحود
وزاد حقد المعتصم عن غيره زاد
گضه نحبه بعيد عن اهله غريب
غاب عنه كل حبيب وكل قريب
گضه بالسم لامداوي ولاطبيب
أبحر هجير الشمس ظل باب المراد
الشاعر حسن لعيبي الحريشاوي
ابوذيات لاستشهاد الامام محمد الجواد عليه السلام
ثوبك كل رزيه الصبر ورداك
عشرين على خمسه وذبل ورداك
راواك الخليفه الحتف ورداك
يبو الهادي يبن خير البريه
يگلبي علجواد اليوم ونهاك
ولا علنوح لحظه اعترض ونهاك
بالسم يبوالهادي ارداك ونهاك
العاداك وكسر گلب الزجيه
الجواد انته الكرم طبعك وجودك
سبب للناس والدنيا وجودك
اشرب جيت من كاسك وجودك
يجود وخير بارض الكاظميه
الشاعر حسن لعيبي الحريشاوي
يمن دار الوكت ضدك تجهله
بحاجاتك لبوالهادي تجهله
الجواد ابسم گضه وناطر تجهله
بعيد اهله ولا بالاهل جيه
الشاعر حسن لعيبي الحريشاوي ✍️
لاستشهاد الامام محمد الجواد عليه السلام (ملمع)
( السلام عليك ياامامي الجواد. )
( السلام عليك يا أمامي الجواد )
★★★★★
تاسع الاطهار يانعم الولي
بزمرة الاشرار گلبك مبتلي
يا محمد سيدي يابن علي
صوت للحق على الباطل معتلي
(طالبا للسلام داعيا للسداد )
(السلام عليك ياامامي الجواد )
★★★★★
زيارتك من الگلب تمحي التعب
ياوجيه الگلب بيه لله اقترب
والظلام بنورك أَعليه احتجب
شوگي واجب بالعشك مومستحب
(جئت شوقا اليك يبن خير العباد )
( السلام عليك ياامامي الجواد )
★★★★★
عارف بحقك اجيت وملتزم
بشوگ مايعرف حدود ولاحجم
منهجك شلال من نور وعلم
وارث من حسين ثورات وعزم
(واقفا في خشوع قرب باب المراد )
( السلام عليك ياامامي الجواد )
★★★★★
علسطح ايام مرمي عافتك
ام الفضل بالغدرلمن سمتك
مثل ابوها ماتدور راحتك
زادت الغربه عليك بغربتك
(في فؤاد كئيب قد اقمت الحداد )
(السلام عليك ياامامي الجواد )
★★★★★
بعيد عن احبابك ودمعك يهل
بلاذنب مجبور عنهم. ترتحل
شكثر صعبه الدنيا علگلبه سهل
شگد مسامح سيدي وي اليزل
(لك نجري الدموع ولبسنا السواد)
(السلام عليك ياامامي الجواد )
★★★★★
ياوجيه ابزمرة الشر امتحن
الخلوا الدنيا جحيم من الفتن
شموع عمرك حيف بالغربه طفن
خمسه وعشرين باللوعه كظن
(لك حزن عميق في صميم الفؤاد )
(السلام عليك ياامامي الجواد )
الشاعر حسن لعيبي الحريشاوي
نعي لاستشهاد الامام محمد الجواد عليه السلام
مهموم الجواد وناره نارين
زمان الغربه وفراگ الميامين
ناده بلوعته والدمعه بالعين
علي يبني جمر لوعات الونيين
طالت غربتي وانتم بعيدين
عليه ايام مرن چنهن اسنين
ابدار الموحشه والحرس صوبين
على قهري وعذاب الگلب ناوين
امحزم شامتي ومسلح البين
اموت بغربتي وين الأهل وين
غريب الحال غربة جدي ألحسين
الشاعر حسن لعيبي الحريشاوي
لشهادة الامام محمد الجواد عليه السلام( ملمع)
(وزن المثلث )
جئت يبن الكرام ياامامي الجواد
باكيأ في خشوع. قد اقمت الحداد
★★★★★
جيت انوح عليك ياتاسع العتره
ما اتيهن دربك يدليني عطره
يلي من عطفك ردت مولاي نظره
گلب المفارگ يظل ملتهب جمره
لهفة في العيون لوعة في الفؤاد
جئت يبن الكرام. ياأمامي الجواد
★★★★★
اعتله الشوگ الروح وجروحي لچمها
روحي لمصابك. ولايرحل هظمها
گاطع دروب السفر كّطعني همها
عرفت معنى الروح يمك من عدمها
ليس لي من هجوع. ليس لي من رقاد
جئت يبن الكرام ياأمامي الجواد
★★★★★
يبو الهادي من الرضا طبعه وصفاته
كملّت درب العلم ساعة وفاته
ناظرت كلمن اجاك ابمعظلاته
رجع متّحير عليه تاهت جهاته
عصفت بي تدور عاتيات الوداد
جئت يبن الكرام. ياأمامي الجواد
★★★★★
وين ابن اكثم نواياه اكشفتها
حرج نفسه والمسائل فسرتها
لهلسبب احقاد منهم واجهتها
كل نوايا المعتصم انته اعرفتها
شره مستطير. شره بازدياد
جئت يبن الكرام ياأمامي الجواد
★★★★★
عارف بحقك اجيتك معتنيلك
بين اشوفك سيدي وبين اشتكيلك
من زماني ومن ذنوبي انا دخيلك
اقبلني خادم سيدي واشكر جميلك
ذاب قلبي أسى. وغدا كالرماد
جئت يبن الكرام. ياأمامي الجواد
الشاعر حسن لعيبي الحريشاوي
لاستشهاد الامام محمد الجواد عليه السلام
شلون حاله بهلمسيه ثامن اولاد الزچيه
صارت الدنيا ظلام من بعد سم الامام
ثامن اولاد الزچيه
★★★★★
ايام من حرالشمس ذبلت ارسومه
ذبل يازهر الشباب وگرب يومه
يوم عاش بعيد عن ديرته وگومه
ياجواد الخير ماتنحصي اهمومه
ياعلي الهادي شيجيبه. ينظر الحالة حبيبه
دنيا موبرد وسلام. من بعد سم الامام
ثامن اولاد الزچيه
★★★★★
بيت جود وللكرم اجمل أسبابه
عمره ماينسد ولاينكر احبابه
ثلث ليالي شو جزن مسدود بابه
ماطلع للسائل وطول اغيابه
هناك معناها جريمه. . سمته المرأة اللئيمه
وشجنت بنت اللئام. من بعد سم الامام
ثامن اولاد الزچيه
★★★★★
الغريب العاش. بالديره الغريبه
ودنيا بس ظيم وغدر دنيا عجيبه
علي الهادي منين هلساعه يجيبه
ابعازة التوديع ويودع حبيبه
وشبح عينه للمدينه. بلوعته وشوگه وحنينه
الدنيا ماتسوه ملام. من بعد سم الامام
ثامن اولاد الزچيه
★★★★★
اي يدنيه الغدر ماتسوة الملامه
ابد مابيها على الطيب سلامه
الجواد بعيد عن اهله وعمامه
بغربته وليل البعد يجرح ظلامه
المعتصم هذا مرامه. ينگطع نسل الامامه
عنده غايات ومرام. من بعد سم الامام
ثامن اولاد الزچيه
★★★★★
هاي ام الفضل من نسل الظلاله
حاكت خيوط الغدر لهل الرساله
للمنيه باعت. الدين وجماله
عاجلت بالسم على نهج العداله
من طبع جعده ومثلها هزت الكون بفعلها
ياعذر عدها وكلام. . من بعد سم الامام
ثامن اولاد الزچيه
الشاعر حسن لعيبي الحريشاوي
مدح الامام محمد الجواد عليه السلام (نصاري)
جواد الخير والرحمه والاحسان
يمنبع للفقه والعلم. والحگ
مايلحگ مناظر بيك مولاي
أخير يصير كلمن يظن يلحگ
شطر علمك علوم الوادم وزاد
عصا موسى التخلي البحر ينشگ
يابحر الكرم والجود والخير
ابحر جودك تره المحتاج يغرگ
مِايحوَّج يدگ الباب محتاج
شوكت مسدود بابك حتى يندگ
الشاعر حسن لعيبي الحريشاوي
لاستشهاد الإمام محمد الجواد
عليه السلام. ( عگيلي )
يابوالهادي بيوم غيابك .
نار وجمره گلوب أحبابك
يابو الهادي بيوم غيابك
★★★★★
ايامك من غربه الغربه.
مفارگ خلانك والصحبه
جابوك البغداد برهبه .
لاعن شوره ولاعن رغبه
ملتمه الحراس ابابك
★★★★★
يالهجه الي عدهم ترهم
غير السيف.وجريان الدم
جلمود گلوب الماترحم
يم دارك عسكرهم ملتم
ماعدهم غير استجوابك
★★★★★
چم خطه الدرسوها بخطه
بالتهديد وفرض السلطه
يلمالك وياهم غلطه.
بجلد الريم الذيب تغطه
بحد السيف يريد اعتابك
★★★★★
بمنطق سلبي وسابق فكره
ظل الحاكم حقده بصدره
يوم الجَمَّع ذيچ الزمره.
كل عالم رد حاير بأمره
خجلَّهم علمك وآدابك
★★★★★
اتواكبهم رادوا چم مره
رادوا تضعف يبن الزهره
علمك اصبح الهم عثره.
غير السم ماعدهم فكره
هز الكون اليوم مصابك
★★★★★
ياخمسه وعشرين اسنينك.
ناذرهن للباري ودينك
وسفه العدوان مخلينك
ظلمه ورهبه الدنيا بعينك
بالقوة الحاكم من جابك
★★★★★
ناتج اهل الشر واصحابه
بصدرك نار السم لهابه
مثل حسين ونار مصابه.
حسين بسهم الطف صوابه
وانته بسهم السم صوابك
الشاعر حسن لعيبي الحريشاوي
قصيدة وعظيه (وزن هجري)
ريت يرجعلي شبابي واشتكيله من المشيب
صار وكت غروب عمري والشمس عنه تغيب
★★★★★
راحت ايامي وضواها بظلمه امشي وعزمي راح
گوه انهض للنوايب طير مكسور الجناح
يوم يوم اغصاني تذبل چم ركن من حيلي طاح
يوم واحد من شبابي لهلعذاب منين أجيب
★★★★★
چادر على ايام راحت ناصب وثوبي الحداد
زاد لون الشعر الابيض وزاد ليلي بالسواد
الدهر من شاف حملي مال فوگ الحمل زاد
بديرتي خلاني امشي مثل مايمشي الغريب
★★★★★
ياهو ياخذ كلشي مني ويرد يوم من الشباب
من التعب شيبي فتحلي باب يفتح الف باب
من المشيب الروح صاحت هاي دنيا لوعذاب
بهيمه چني وليل مظلم لوصحت ماكو مجيب
★★★★★
صح شبابي بلوعه خَلَّص هموم واحزان اووداع
انهض شماطحت وامشي ماتكض جدامي گاع
يامشيب الغفله اجاني چم حلم بعيوني ضاع
افواج هاي جروح گلبي لكل جرح رايد طبيب
★★★★★
رمح يتلگاها روحي وين ماچانت تميل
شيب خلاني بغربتي امشي بدروبه عليل
سلاحي دمعه ورمحي ونه وجيشي مهزوم وقليل
لابراءة ذيب يوسف عنده لاجَيَّة حبيب
الشاعر حسن لعيبي الحريشاوي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
قناتي القديمة انحذفت وهسه رجعت سويت قناة جديدة بديت من الصفر اريد فرعتكم خدام الامام الحسين ع
/channel/hhghhjkobbihcjkjhk