2411
وەنەدی سنۮۆقڵەی شیشەینوو یاگێ لیرە و جەواهێرینە تاودێ پی نام ونیشانە چێوما پەی کیاندێ @mofahim
ڕەمەزان تلۆع .،، سوبح شاۮیشەن
شەواڵ شام شووم نامورادیشەن
من وێنەی شەواڵ ئای زام سەخت وێم
تاڵەم چون شەواڵ ئای بەۮ بەخت وێم
غوڕەی ئەو قیبلەی من وە یەک تارەن
وە نام ئێمەو ،،،،،،،،،، کام ئەغیارەن
جەژنەو :
ڕەمەزانی و زاڵ بیەی سەروو نەفسی سەرکەشیرە وەنەو ئیماندارا مەبارەکە بۆ 🌸🌸
@VANADIHOWRAMAN
هەریۆ مەگێرا ،،،، خەمێ من و تۆ
سفرەی هاڵیم و سفرەو پەڕوو تۆ
ڕوێ مەی وەرەۆ ،، قازی خوۮا بۆ
مەر ئاوەخت پینەو دەسام جیا بۆ
( فەهیم )
@VANADIHOWRAMAN
🔸کەسێوە :
کە فرە سەروو زەڕی و هەقەدەسیش یەک و دوو نمەکەرۆ ، هەر نیا ، نەجیبی نەجیبا ۰
🔸کەسێوە کە سەروو واۮەی حازربۆ و پەی فیز و دەماری خەڵکی ماتڵ نمەکەرۆ ، گێل و گەوج نیارێ ، رێک و پێک و ئاوروو دارا ۰
کەسێ کە کەلوو خەڵکی گێرۆ و قەرزشا پەنە مۮۆ یا بۆ بە زامنشا و بە درۆ مەواچۆ نیام و ئەوگارنا ، ئەحمەق نیا . نان دەروو کەلگیرا ۰
🔸کەسێوە کە پا منیۆ ناۮانی و نەزانای و خرابی خەڵکیرە ، هەر نیا ، پاک و شەریفا ۰
🔸کەسێ کە جوابوو ئەتک و بێ حورمەتی بە ماقووڵانە مۮۆوە و پێسە وێشا مەجمۆوە ، نەزان حاڵ و دماکەوتە نیا ، شەرمین و ئەسڵ زاۮەن ۰.
🔸کەسێوە کە خوەش مەی بە بەۮ واچی ئێۮ و ئەوی ، بێ خەبەر نیا ، دەرووندارا ۰
🔸ئینسان بیەی خەرجش گرانا ❤️
@VANADIHOWRAMAN
ئێگەیچ زەمانێ ، چەمەو بڵی بێ
سەرچەمەو عەشقی و لانەو دڵی بێ
ئیسە بێ ناڵە و بێ هاژە و ماتەن
گوزەرگاش بینیا و راویارش قاتەن
نقموو خیاڵاو بەحروو دەورانین
بێ بەش جە نیگاو ، دیۮەو یارانین
مەرەجیۆت رۆی گەرم بێ بازارش
سەروەشان ئاسا ، بەرزبێ هاوارش
زەمانە ئینەن ، باوش هەر پاسەن
یۆبازارش گەرم ئەوتەر کەساسەن
( فەهیم )
@VANADIHOWRAMAN
واوەی ساڵ تەر ئاما جە ڕاوە
پەڕەی تەر عەمری هەم هۆر دریاوە
دەوران هەر ئینەن هەر ئینەن کارش
هەر پێسەن باو و بەزم و بازارش
ئەر سەۮ وەرزشەن شنیای شەماڵی
هۆرامان بیەنەو ماواو خیاڵی
بەڵام پەی کەسێ ئاوەزێ دارۆ
ئەستەمەن ئەگەر وەشش بۆ ئارۆ
گێلان ئاسایی و بێ دەردان سفەت
نەژناسۆ ئێشی و نەوینۆ سەخڵەت
شەو و ڕۆ داییم زکرش یازەڕ بۆ
جە زوان لاڵ و جە گۆشی کەڕ بۆ
پینەچی بۆ پەی کەتنەو زۆردارا
یام بەڵایێ بۆ ، پەی دەردەدارا
سەرباروو باری پەی ئەوگارا بۆ
یاروو تەریۮا و مێملوو یارا بۆ
(فەهیم )
ساڵەی تازێ و ئەوەژیوای تەبێعەتی و نەورۆزووساڵەو ۱٤۰٤ ڕۆجیاری وەنەو یوە یوەو شمەی وەشەسیای و ئازیزی مەبارەک بۆ ٠ خوڏاو ئازاۮی ساڵەی تازێ کەرۆ بە ساڵەو ئازاۮ بیەی بەشەرا دەسوو دەرد و مەینەتا و نابەشەراوە ❤️
@VANADIHOWRAMAN
ئوستاد سەر مەشق نەقش نەقاشان
بەرئارەندەی گوڵ جە تاقڵەی تاشان
ناسکی گوڵی و سەختی تەوەنی
سەلەمناش پەنەم بیەنی و هەنی
( فەهیم )
@VANADIHOWRAMAN
بۆنە، نزیکی ساڵەی تازێوە سەرەیوە کێشمێ دلێ عەنتیکەخانەو شێۮاکەو گەرمیانی هەسارە پەڕ شەوقەکەو ئاسمانوو ئەدەبی هۆرامی :
سەی فەتاحی جەبباری کەرکووکی
@VANADIHOWRAMAN
ژەنێوە پێسەو خاتوو مینای کناچێ ڕۆسەم سان🌼
ئامینەخانە کناچێ ئەفراسیاوی ژەنەوحەمەمین سانی
ئافتاوخانەوغەفاربەگی کە بەخانمێ هۆرامانی شۆرەتش پێۮا کەردەن 🌺
جە باری زانایی و دینیچەو هۆرامان ژەن وکناچی فرێش چەنە هۆرکەوتێنێ پێسەو :
خانمە گەورێ تەوێڵێ بە نامێ خەڵیفە لەیلێ کە دەرزش واتەن بە فرەیوە جە کوڕ و کناچا هۆرامانی🌼
خاتوو خاڵێ کناچێ پیر جارۆڵڵاو هۆرامانی 🌻
جە ئاسمانوو هۆنەریچەنە :
ژەنەشاعێرێما هەسارەئاسا پێویەینێ پێسەو :
جەهان ئاراخانمە کناچێ مەڵڵا نەشئەتی پاوەیی 🌙
کەوکەب خانمەو هۆرامانی ☀️
هۆرامیێ بێژ تاک وتراکێ گیل و بێ ئاوەزی
جیاوازیشا نەوسەن بەینوو کوڕ و کناچینە 🌟
عانێ ئەۮا سەروو بێشکێوە ئەڵڵا ئەڵڵاش کەردەن پەی کۆرپەیش کناچێش بەسۆزتەر لاونەینە ⭐️
چی بەرەگایچەنە :
ئەو خوۮای زیاۮبۆ ژەن و کناچێ هۆرامانی جە باروو هۆنەر و عیلمیوە نە تەنیا جە پیایا کەمتەرێ نیەنێ بەڵکوو جە فرەیاگێنە ئینەی سەرتەرەو ٠
ڕۆ ژەنێ جە گردوو ئەۮا و واڵەکاما مەبارەک بۆ💐
@VANADIHOWRAMAN
ئا پەنجا مەڕیا و ورد و هانێ با
دەس مۮا ماشە ،، تا بێ گیانێ با
هەقوو کێشا وارد ،،، زڵمشا ئەوکێ کەرد؟
یام دزان ئاسا ماڵوو کێشا بەرد؟
گێل حاڵی کەردەی ، سەخت و دشوارەن
کوشیا بێ کەس و قاتڵ بێ عارەن
(فەهیم )
@VANADIHOWRAMAN
مەولەوی و قافڵەیوە وەهاری🌷
میکس و مونتاژ سۆران فەهیم
@VANADIHOWRAMAN
برای وەش زەوقما کاکە ئیبراهیمی ستوودە :
دەگاو بڵبەریەو ئی قسە وەشێشە بە دیاری کیاسێنە پەی کاناڵەو ( وەنەدی ) :
ماچا : کابرەیوە فەقیری دەس تەنگ چی محاڵوو وێمانە بۆ کەیوانوەش نەوشە گنۆ و بەراش پەی بیمارستانی ،
دماو ئانەی دۆکتۆر موعایێنەش کەرۆ
ماچۆ : شکەم پەی سەرەتانی ملۆ ، وەلێم پەی ئینەی دڵنیەی بیمێ دوێ یەرێ ئازمایێشێش منویسوو پەی مشیۆ جوابەکەشا باردێ ٠ شوە فەقیرەلەکەیچش پەنا بەرۆ بە کەس وکاری و ڕەفێق و دۆسی و زەڕێوە قەرز کەرۆ و ئازمایێشەکا مۮا و مەینێوە یانە ٠ شەوێ عاڏتوو ژەنوو شۆی دەربارەو نەوەشیەکەرە گنا قسێرە ، کابرا بەژەنەکێش ماچۆ : ئیسە کێ وەختوو نەوەشی بێ ئەپی کۆکەنە و پی دەس تەنگی وبێ زەڕی منە ؟
خوۮام ئاخوۮانه سەرەتانت نەبۆ جا من مەنوو و تۆ ؟
@VANADIHOWRAMAN
❤️ مەولەوی و مانگەو ڕەمەزانی ❤️
میکس و مونتاژ : سۆران فەهیم
@VANADIHOWRAMAN
🔴 # حەکایەتۆە پەڕجە مۆچیاریە
🔹هەرێ ، پۆسوو شێرێوەش کەردەنەو هەڵمەتەش دا وەنەو ماباقی حێوانا ، چێش جانەوەر بێ حەیبەتیێنە ڕەمای ڕەمێ ، ئەیۮیچ وەشیێنە پەیش نەگنێنێ زەمین و هەروێشەو نەڕنای نەڕنێ ٠
🔹 ڕواسێوەیچ پێسەو ماباقی تەرسەی بێ بەڵایێرێ متش کەرد ، وەختارێ خاس گۆشش گێرت دیش ئی نەڕە ئەو نەڕەو شێری نمەشۆ ٠ نزیکوو هەرەکەی بیوەو بە خوەیوە واتش :
« ئەگەر دەمت بینا بیەی ڕەنگا تەرسنەینێت وەلێم بەنەڕەکەتەرە زانام کێنێ گێل و گەوج !"
👈 ئەحمەقێوە ڕەنگا بە جلێ و ڕواڵتی عال ماباقی خڵەتنۆ ، وەلێم دەوام نمارۆ ، چون قسەکەردەی گرچێ ئاشکرا کەرۆ !
@VANADIHOWRAMAN
✍ مەولەوی و زمسان
🎙 وەنایەو :
حەمەی فەهیمی
🎙میکس و مونتاژوو دەنگی :
سۆران فەهیم
📹 ئامادەکەردەی وئەوە ڕازنای :
دەنگوو نوریاوی 🌷
@VANADIHOWRAMAN
شاهۆ و کۆساڵان گۆششا چەنە بۆ
کوڕە مریەمیچ ، حەتمش وەنە بۆ
هەر هۆرامیێ ،،، لادۆ جە زوانیش
مەردەو مەزارین هەر چن مەنە بۆ
( فەهیم )
گر ڕوێما ڕۆ زوانی ئەۮایی بۆ
@VANADIHOWRAMAN
😄 قسێوە وەشە 😃
کابرێوە ریش چەرمە مانگەو رەمەزانی مڵچەو دەمیش ئێ ، یۆش یاوا پەنەو واتش : ئانە تەرێق مەبیەو ڕۆچێ نیەنی ؟ ریش چەرمەکە کەردشەو جواب : خوۮا زانۆ رۆچێنا
ئەو کابراکەی وات : چی دروێ کەری تۆخەریکنی چیۆ وەری !
ریش چەرمەکەی وات : چەموو لالۆیش ! ددانێم نەمەنێنێ ئانە کەشکێوەنە نیەینەم دەمم بەش فیسیۆوە پەی وەر بانگیم !!
@VANADIHOWRAMAN
هەواروو گۆڵی :
وەتەن ! ئارامگەی دڵەی پەڕ دەردم
وەتەن ! دەرمانی هەناسەی سەردم
وەتەن ! شفای زام ،،. ناسۆر کاری
وەتەن ! بەهەشتوو پەروەردگاریم
عانێ تۆم هەنی پەی چێشیم ئەرمەن
قەۮرت نەزانوو ،،،، بێۮاریم وەرمەن
(فەهیم )
@VANADIHOWRAMAN
چەنی سڵامێوە :
گەرمی و مەبارەکبای واتەی دووبارەو نەورۆزی و ئامای ساڵەی تازێ ،خەێلێوەن دەردێوە ئازارەم مۮۆ : جگە چانەی کە گۆرانێ هۆرامیێما هەر پێسەو ساڵەها چەیوەڵی شێعرەکاشا ئەجۆ مزە ئاسوو ئەوساینێ و خەلەی هەڕەمەن و هەرکەسێ هەرچی مەی دەمشرە ماچۆش ، یەک دوە ساڵێن ، بازێ جە گۆرانی واچەکاما جیاتی ئانەی کەمانچە و ویەلۆن و تەموورە و دیوان و لوولێ و تار و سەتار دەسشاوە بۆ هەتا زاڕۆڵێ هۆرامیێ دڵوەشوو هۆنەری کەرا ، تەزبێحێ نیم متری و یەک متری گێرا دەسەو دەس کەرا گۆرانی واتەی ، پەرسی وەنەو هەرکامیچ برا ئی تەزبێحا چی گێری دەسەو وێچش مەزانۆ ! ئەی هاوار زاڕۆی هۆرامی چەم بڕۆ وەنو چێشی هەتا ئاۮیچ ڕوەکەروو هۆنەری وێمانەی و نەلۆ بەرەوبێگانا ؟ تکانە ئی برایا کوچالەی ویرێ کەراوە ئەر پەی ئی هەرمانێشا دلیلێشا دیەوە واچاش بائێمەیچ زانمێش ٠ ئێمە دەرهەق بە مووسیقی هۆرامانی بە زانا و شاعێر و دوڵەمەننۮ و ژەنیاروو مووسیقای و گۆرانی واچەو خەتابارێنمێ کە نەکۆشما گۆرانیێ هۆرامی بابە ئارۆیانێ و چەنی هامسایەکاما بلا وەرەو زاڕۆڵەیما دوورێ نەگناوە جە هۆنەرە ڕەسەنەکەیما ٠
@VANADIHOWRAMAN
پەرسام :
وەنەو کەفەن ورەشی :
جنسەکەش ئەسڵا ؟
کەردشەو جواب :
تا ئیسە :
هەر کەسی بەرۮەن ناردەنشەو ٠٠٠
@VANADIHOWRAMAN
دماڕۆ وەشەسیایی :
لەیلێ و مەجنوون پیرێ باو لەیلێ گنۆ حاڵیەتەو مەرۮی و ماچۆ : لۆدێ واچدێ مەجنوونی ئازاۮەم کەرۆ ٠
دوە یەرە کەسێ ملا پەی لاو مەجنوونی و ماچا : لەیلێ واتەن : ئازاۮەم کەرۆ ، مەجنوونیچ کەرۆوە جواب : ئیسە ئازاۮەش نمەکەروو ٠
پیاکیچ بە سەرسامیەو ماچا : کابرا !
تۆ وەروو لەیلێ شێت بیەیی ئیسە ماچی ئازاۮەش نمەکەروو ؟
مەجنوونیچ ماچۆ : ئاخر ژنیەنم چەو دنیانە ئانێ کەهەقشا ئینا سەروو یۆترینیەو ڕووبەڕوێ باواوە ، ڕەنگا واوەی لەیلێم چەم پەنە کەوتەوە❤️
@VANADIHOWRAMAN
ژیوایتانە :
چەنی هەژار وفەقیریچ هۆرزاو نیشت کەردێ ٠
دڵنیەی بیدێ هەر ئا هەژار و
فەقیرانێ کە سەبای ملانە چێروو تەرمەکەیتا وەئیللا دارا و دەس لوەی بەجلێ گران قیمت و ئتوو کریەیوە قەراخەو مردا نەکای تۆزینێ نەبا !!٠٠
( حسەین پەنایی )
@VANADIHOWRAMAN
🌺 بەبۆنەو ڕۆ جەهانی ژەنێوە 🌺
باروو محاڵوو هۆرامانی جۆرێ هۆرکەوتەن کە کڵفەتوو یانەی بە ئاواجەمی بە ژەن و پیا و گەورە و وردیەو شان بەشانوو یۆترینی ئەرکوو یانەی بەرا ڕاوە ٠
ژەنەی هۆرامیە :
چون جە ئەۮا و تاتەیوە ڕەنج دەری بیێنە شەو و ڕۆ نەژناسەو بێ مردامان شان بەشانوو پیای هەرمانەش بەردێنە و هارەقوو میاچەماش وەشک نەبیەنەو🌷
ژەنوو کناچەو هۆرامانی دەس ڕەنگینێ و دڵسۆزێ و خەمەوەرێ یانەینێ 🌺
چەپەوانەو محاڵاتەری کە ژەنی لاشاوە بێ قەۮرە بیێنە ،
ژەنەی هۆرامیە بیێنە بەدەسڵاتدارە 🌸
سکەیوە قەۮیمیشا دیەنەو کە دیمێشەو نامێ ژەنێوە هۆرامیەبەنامێ (( ئاداد )) ێ هۆرکنیان و چەودیمەکەشەو وێنەو ژەنەکێنە ، کە سەلەمنۆ ئاژەنێ دەسڵاتدارە و فەرمان ڕەوەی بیێنە 🌼
خراب نیا زانمێ :
فرەتەروو پادشایا ئەشکانی (( داد)) ئینا ئاخروو نامەکێشاوە ٠
ژەنی هۆرامانەنە بیێنە بە بەسانە (( سوڵتان ))
پێسەو :
خاتوو هۆریزاۮسانە کە شۆنەو ئەسکەندەرسانوو هۆرامانیرە جە ساڵەو 1225 ی مانگینە بیێنە بەسانەو هۆرامانی🌟
خاتوو مونیرەسانە زیاتەر جە ساڵێوە سانە بیێنە
👇👇
ڕاز و نیاز و ئەوەلاڵیای رەحمەتی :
مامۆسا مەڵڵا محەممەۮی ڕەبێعی
ئاسانەو پەروەردگاروو بیەینە❤️
@VANADIHOWRAMAN
ئی قسە وەشێ:
کاکە هادی لالۆ قالەمراۮی
زاوەری کیاسێنە 💐
ئاخرمانگوو زمسانوو ساڵە ٦۳ڕۆجیاری زقموو بۆران بۆ وەلێم وەروەێ فرەێ زەمینەنە نمەبۆ ، شەوەو هەشتوو سیاوکامی نۆتشەنە دەنگوو باس گنۆرە کە ڕادیۆ بەغۮای واتەن : سەباێ شش تەیارێ نۆتشەی بۆم وارن کەرا ٠
سەعات یانزەۮەو شەوێ خەڵک دەسەدەسە جە وارانگور و مەحمووۮ سەرواڵەوە نوتشەنە مزیارە تەنانەنت نەفەرێوەیچ یانەنە نمەمەنۆ ٠
لالۆ حاجی سڵێمان یۆ چی بەرشیەیا بۆ وەلێم نمەتاۆ فرە دوور گنۆوە ، دەمەو ساعب بەینوو چن تەوەنانە جە( ڕوەو دەگەیوە ) نیشۆرە هەتا ڕۆ بۆوە ، هەکە ڕۆ بۆوە پەی ئینەی بۆم وارورانوو نۆتشەی وینۆ هەر نمەجمۆ ٠
بەڵایێرێش پەنە مشۆ هیچ خەبەرێ نمەبۆ ،
لالۆ حەمەڕشێۮیچ پارە ویەرۆ ،
لالۆ،حاجیچ ماچۆش پەنە:
،، بۆ دیار ئی گرۮوو سەخڵەتیما کێشا ئی سەگ بابەیچە نەکۆش ،،
@VANADIHOWRAMAN
یاۮێوە :
ڕادیۆ مەریوانی و
بەرنامەوهۆرامی ئەوسای
@VANADIHOWRAMAN
نیشانەی نەورۆز وادٚەی وەهارەن
یا نەشئەی ئامای نامەی نیگارەن
❤️ مەولەوی ❤️
منیچ خزمەتوو مامۆساو ناسک خیاڵانە بێ ئەدەبیم کەردەن و واتەنم :
نیشانەی نەورۆز کابرای پووڵدارەن
کۆچ و کڵفەتش ،،، پەخش بازارەن
نگارەو نامەش بێ شۆن و پەینێ
وێم ئاسا هەڵای گیرۆۮوە دەینێ ۱
( فەهیم )
۱ دەی ئەوڵ مانگەو زمسانی
@VANADIHOWRAMAN
بۆنەو 2 سیاوکامیەوە :
رۆجەهانی زوانی ئەۮایی و
ڕۆ کۆچوو یەک جاری مامۆسا هەژاری ڕەحمەتی 💐
@VANDIHOWRAMAN