2411
وەنەدی سنۮۆقڵەی شیشەینوو یاگێ لیرە و جەواهێرینە تاودێ پی نام ونیشانە چێوما پەی کیاندێ @mofahim
دماڕۆ وەشەسیایی :
لەیلێ و مەجنوون پیرێ باو لەیلێ گنۆ حاڵیەتەو مەرۮی و ماچۆ : لۆدێ واچدێ مەجنوونی ئازاۮەم کەرۆ ٠
دوە یەرە کەسێ ملا پەی لاو مەجنوونی و ماچا : لەیلێ واتەن : ئازاۮەم کەرۆ ، مەجنوونیچ کەرۆوە جواب : ئیسە ئازاۮەش نمەکەروو ٠
پیاکیچ بە سەرسامیەو ماچا : کابرا !
تۆ وەروو لەیلێ شێت بیەیی ئیسە ماچی ئازاۮەش نمەکەروو ؟
مەجنوونیچ ماچۆ : ئاخر ژنیەنم چەو دنیانە ئانێ کەهەقشا ئینا سەروو یۆترینیەو ڕووبەڕوێ باواوە ، ڕەنگا واوەی لەیلێم چەم پەنە کەوتەوە❤️
@VANADIHOWRAMAN
ژیوایتانە :
چەنی هەژار وفەقیریچ هۆرزاو نیشت کەردێ ٠
دڵنیەی بیدێ هەر ئا هەژار و
فەقیرانێ کە سەبای ملانە چێروو تەرمەکەیتا وەئیللا دارا و دەس لوەی بەجلێ گران قیمت و ئتوو کریەیوە قەراخەو مردا نەکای تۆزینێ نەبا !!٠٠
( حسەین پەنایی )
@VANADIHOWRAMAN
🌺 بەبۆنەو ڕۆ جەهانی ژەنێوە 🌺
باروو محاڵوو هۆرامانی جۆرێ هۆرکەوتەن کە کڵفەتوو یانەی بە ئاواجەمی بە ژەن و پیا و گەورە و وردیەو شان بەشانوو یۆترینی ئەرکوو یانەی بەرا ڕاوە ٠
ژەنەی هۆرامیە :
چون جە ئەۮا و تاتەیوە ڕەنج دەری بیێنە شەو و ڕۆ نەژناسەو بێ مردامان شان بەشانوو پیای هەرمانەش بەردێنە و هارەقوو میاچەماش وەشک نەبیەنەو🌷
ژەنوو کناچەو هۆرامانی دەس ڕەنگینێ و دڵسۆزێ و خەمەوەرێ یانەینێ 🌺
چەپەوانەو محاڵاتەری کە ژەنی لاشاوە بێ قەۮرە بیێنە ،
ژەنەی هۆرامیە بیێنە بەدەسڵاتدارە 🌸
سکەیوە قەۮیمیشا دیەنەو کە دیمێشەو نامێ ژەنێوە هۆرامیەبەنامێ (( ئاداد )) ێ هۆرکنیان و چەودیمەکەشەو وێنەو ژەنەکێنە ، کە سەلەمنۆ ئاژەنێ دەسڵاتدارە و فەرمان ڕەوەی بیێنە 🌼
خراب نیا زانمێ :
فرەتەروو پادشایا ئەشکانی (( داد)) ئینا ئاخروو نامەکێشاوە ٠
ژەنی هۆرامانەنە بیێنە بە بەسانە (( سوڵتان ))
پێسەو :
خاتوو هۆریزاۮسانە کە شۆنەو ئەسکەندەرسانوو هۆرامانیرە جە ساڵەو 1225 ی مانگینە بیێنە بەسانەو هۆرامانی🌟
خاتوو مونیرەسانە زیاتەر جە ساڵێوە سانە بیێنە
👇👇
ڕاز و نیاز و ئەوەلاڵیای رەحمەتی :
مامۆسا مەڵڵا محەممەۮی ڕەبێعی
ئاسانەو پەروەردگاروو بیەینە❤️
@VANADIHOWRAMAN
ئی قسە وەشێ:
کاکە هادی لالۆ قالەمراۮی
زاوەری کیاسێنە 💐
ئاخرمانگوو زمسانوو ساڵە ٦۳ڕۆجیاری زقموو بۆران بۆ وەلێم وەروەێ فرەێ زەمینەنە نمەبۆ ، شەوەو هەشتوو سیاوکامی نۆتشەنە دەنگوو باس گنۆرە کە ڕادیۆ بەغۮای واتەن : سەباێ شش تەیارێ نۆتشەی بۆم وارن کەرا ٠
سەعات یانزەۮەو شەوێ خەڵک دەسەدەسە جە وارانگور و مەحمووۮ سەرواڵەوە نوتشەنە مزیارە تەنانەنت نەفەرێوەیچ یانەنە نمەمەنۆ ٠
لالۆ حاجی سڵێمان یۆ چی بەرشیەیا بۆ وەلێم نمەتاۆ فرە دوور گنۆوە ، دەمەو ساعب بەینوو چن تەوەنانە جە( ڕوەو دەگەیوە ) نیشۆرە هەتا ڕۆ بۆوە ، هەکە ڕۆ بۆوە پەی ئینەی بۆم وارورانوو نۆتشەی وینۆ هەر نمەجمۆ ٠
بەڵایێرێش پەنە مشۆ هیچ خەبەرێ نمەبۆ ،
لالۆ حەمەڕشێۮیچ پارە ویەرۆ ،
لالۆ،حاجیچ ماچۆش پەنە:
،، بۆ دیار ئی گرۮوو سەخڵەتیما کێشا ئی سەگ بابەیچە نەکۆش ،،
@VANADIHOWRAMAN
یاۮێوە :
ڕادیۆ مەریوانی و
بەرنامەوهۆرامی ئەوسای
@VANADIHOWRAMAN
نیشانەی نەورۆز وادٚەی وەهارەن
یا نەشئەی ئامای نامەی نیگارەن
❤️ مەولەوی ❤️
منیچ خزمەتوو مامۆساو ناسک خیاڵانە بێ ئەدەبیم کەردەن و واتەنم :
نیشانەی نەورۆز کابرای پووڵدارەن
کۆچ و کڵفەتش ،،، پەخش بازارەن
نگارەو نامەش بێ شۆن و پەینێ
وێم ئاسا هەڵای گیرۆۮوە دەینێ ۱
( فەهیم )
۱ دەی ئەوڵ مانگەو زمسانی
@VANADIHOWRAMAN
بۆنەو 2 سیاوکامیەوە :
رۆجەهانی زوانی ئەۮایی و
ڕۆ کۆچوو یەک جاری مامۆسا هەژاری ڕەحمەتی 💐
@VANDIHOWRAMAN
🌼 ئەوەگێڵای پەی لاو :
زوانی رەسەنی هۆرامی 🌼
۱ صدای کفش کهنه = چەکە چەکە
۲ پچ پچ زیاد =
چرپ و هۆڕ ، فیشق وهۆڕ
۳ چین وچروک = چرچ و لۆچ
۴ صدایی کە از تماس آب باجسم تافتە برخیزد = چزە چز
۵ چز و وز = چز و هۆڕ
۶ گل و لای =
چڵپاو ، هەڕ و چڵپاو ، هەڕو لیتە
۷ صدای آب خوردن سگ وگربه = چڵپ و لێس ، چڵپە چڵپ
٨ خالی از سکنه =
چۆڵ و هۆڵ ، هاڵی وهەواڵە
۹ چشیدن = چشتەی ، چەشکە
۱۰ ابزاری در آسیاب قدیمی = چەق چەقە
۱۱ هو و جنجال =
چەق چەق ، گرموو قاڵ ، حەمەرەمزێ ، هەراو بەزم
۱۲ خرت وپرت منزل =
چەک و پووش ، خڕ وپڕ
۱۳ کج و کوله =
چەفت و چوێڵ ، لار و وێر ،گێڕو گواڵ
۱٤ اتاقی که قبلا در کنارشبستان مسجد برای بحث و اظهارنظر ساخته میشد = چەقەخانە
۱٥ کف زدن دسته جمعی =
چەپڵە رێزان
۱٦ شر شر آب =
چۆڕە چۆڕ ، تکە تک
@VANADIHOWRAMAN
ماچا :
ئی دوە بەیتێ شاعێرەکەشا ئەحەمەۮ بەگی کۆماسین ، جە هەرحاڵنە شاعێرەکەشا هەرکەسێ بۆ بەڕاسی زریفیشا چەنە وارۆ :
ساتێ وەرجە مەرگ هەی مەلەک چارەم
موژەت بەر ئاوەر ،،،،،،،،،،، نە دڵەی پارەم
موژەی تۆ حەیفەن ،،،، ئاهوی نەساسڵ
چەنی ئازای من ،،،،،،،،،،،،،، بڕێزۆ نە گڵ
@VANADIHOWRAMAN
قسێوە وەشەو سەمەرێ مامۆسا ( هەژاری ) ڕەحمەتی :
فەرماوۆ ڕوێ بەغۮانە پەشتەو شیشێ دووکانێوەنە چەقەڵێوە مۆمیایی کریا نریابێرە ، چێروو قاچیشەو نویسیابێ :
"ویس و پەنج دینارێ تەمام "
منیچ بە سەرسامیەو زوانوو وێم گەسوو ئاما دڵمرە ، هەی یاران !
ئی مامۆ چەقەڵە پایەبەرزە چانەی مشۆ بە زیننۮەی سەرەو شاعێر و نویسەننۮە و هونەرمەننۮوو کوردی بیە بۆ ، ژیواینە ئاورایی و تەرسینە وەقرەش نەبیەبۆ و ئیسە لاشەش بیەبۆ پی مودە گەمەجاڕە ، یۆ چووزانۆ ؟ هەزارێشا بە زیننۮەیی فلسێ نمەیژا و کەچی یۆشا بە مەردەیی ویس و پەنج دینارێ کەرۆ٠
بەدرێژایی تارێخوو پەڕ نەگبەتوو کوردی هەر شاعێر و هونەرمەندێوە کوردی واتەو شێعرەکاش بەزوانەکەو وێش نیابۆرە هیچ کەسێ لێوە خەیریش وەنە نەکەردەنەو بە سۆکیچ دیەینێش پۆرە ، بیەن بە مەسەڵەو قسێ دەموو خەڵکی : هەرکەسێ پینێ جلەکاشەو باو پاڵەی چەکێ و لارو وێرێش پانەبا ماچا : گم بە تەرح و تووزت ئەو شاعێری مشۆ و کەسێچ ماچۆ : هەرت بە چن ؟
@VANADIHOWRAMAN
من جە جەنگی تەرسوو :
چون جەنگ سەواۮش نیا ؛ چون شناسنامه بەشەرەکا نموانۆوە ، دەفتەروو مەشقوو زاڕۆڵەکا نموانۆ ، قەباڵە شووکەردەی تازە وەیوەکا نموانۆ ، باوەڕنامەو دانشگاهی دەرز وەنەکا نموانۆ ٠
من ئەو جەنگی تەرسوو :
چون جەنگ کۆرارێ ، جوانی کوڕا نمەوینۆ ، زەرێفی کناچڵەکا نمەوینۆ ، سەباو زاڕۆڵەکا نمەوینۆ ،
ئاواتی بەشەری نمەوینۆ ، دڵتەنگی و خەفەتی نمەوینۆ٠
من جەنگی تۆقنانا :
چون بێ ئەۮەبا ، پاش منیۆ بانوو یانا و سەروو شاراو ڕوەو بنیاۮەمەکارە ، سەروو دڵارە وسەروو وەشەسیاییرە ٠٠٠
من جەنگی تۆقنانا چون وێمانە بێگانەی نمەشناسۆ و خاس و خرابش حاڵی نیا ، دیندار وبێ دینی نمەشناسۆ ، پیر وجوان لاشەو بە هەمیەتارێ ، باسواد وبێ سەواد نمەشناسۆ ، دارا و نەۮاری نمەشناسۆ ، تەڕ و وشکی نمەشناسۆ ، پاش کەوت هەریاگێ گردی سۆچنۆ ٠
من جە جەنگی تەرسوو :
چون هەر جلێش پۆرەبا و هەر نقابوو ڕوومەت بەننۮێوەش دابۆ هەر قسێوە کەرۆ دیسان جەنگا و جەنگیچ هەر بارێرە بنویسیش نمەبۆ بە گەنج و هەر ڕەنجا ٠
من جەنگی تۆقنانا :
چون جەنگ هەقە جە گرۮی سانۆوە پەوکای منش زاڵەترەک کەردەنا ٠ .
عێرفان نەزەر ئاهاری
شەڵڵەی:
تاوابیەیم زاڕۆڵەکا هەتا تەمامیای جەنگا دڵمەنە شارەینێوە ٠
@VANADIHOWRAMAN
👆هۆرامان ، زەڵم 👆
سەرچەمەو زەڵموو ، تافوو جوانیم
خەڵاتی خوۮایی🌷 پەی هۆرامانیم
پەوکایش ئەرمانای ،، خوۮای تاقانە
بی بە بەڵگەیوە ،،،،، تۆ چی دنیانە
تا واچوو بەهەشت حاشا نەۮارۆ
ئانا نموونەش .،، ئاشکران ئارۆ
( فەهیم )
@VANADIHOWRAMAN
بۆنە، نزیکی ساڵەی تازێوە سەرەیوە کێشمێ دلێ عەنتیکەخانەو شێۮاکەو گەرمیانی هەسارە پەڕ شەوقەکەو ئاسمانوو ئەدەبی هۆرامی :
سەی فەتاحی جەبباری کەرکووکی
@VANADIHOWRAMAN
ژەنێوە پێسەو خاتوو مینای کناچێ ڕۆسەم سان🌼
ئامینەخانە کناچێ ئەفراسیاوی ژەنەوحەمەمین سانی
ئافتاوخانەوغەفاربەگی کە بەخانمێ هۆرامانی شۆرەتش پێۮا کەردەن 🌺
جە باری زانایی و دینیچەو هۆرامان ژەن وکناچی فرێش چەنە هۆرکەوتێنێ پێسەو :
خانمە گەورێ تەوێڵێ بە نامێ خەڵیفە لەیلێ کە دەرزش واتەن بە فرەیوە جە کوڕ و کناچا هۆرامانی🌼
خاتوو خاڵێ کناچێ پیر جارۆڵڵاو هۆرامانی 🌻
جە ئاسمانوو هۆنەریچەنە :
ژەنەشاعێرێما هەسارەئاسا پێویەینێ پێسەو :
جەهان ئاراخانمە کناچێ مەڵڵا نەشئەتی پاوەیی 🌙
کەوکەب خانمەو هۆرامانی ☀️
هۆرامیێ بێژ تاک وتراکێ گیل و بێ ئاوەزی
جیاوازیشا نەوسەن بەینوو کوڕ و کناچینە 🌟
عانێ ئەۮا سەروو بێشکێوە ئەڵڵا ئەڵڵاش کەردەن پەی کۆرپەیش کناچێش بەسۆزتەر لاونەینە ⭐️
چی بەرەگایچەنە :
ئەو خوۮای زیاۮبۆ ژەن و کناچێ هۆرامانی جە باروو هۆنەر و عیلمیوە نە تەنیا جە پیایا کەمتەرێ نیەنێ بەڵکوو جە فرەیاگێنە ئینەی سەرتەرەو ٠
ڕۆ ژەنێ جە گردوو ئەۮا و واڵەکاما مەبارەک بۆ💐
@VANADIHOWRAMAN
ئا پەنجا مەڕیا و ورد و هانێ با
دەس مۮا ماشە ،، تا بێ گیانێ با
هەقوو کێشا وارد ،،، زڵمشا ئەوکێ کەرد؟
یام دزان ئاسا ماڵوو کێشا بەرد؟
گێل حاڵی کەردەی ، سەخت و دشوارەن
کوشیا بێ کەس و قاتڵ بێ عارەن
(فەهیم )
@VANADIHOWRAMAN
مەولەوی و قافڵەیوە وەهاری🌷
میکس و مونتاژ سۆران فەهیم
@VANADIHOWRAMAN
برای وەش زەوقما کاکە ئیبراهیمی ستوودە :
دەگاو بڵبەریەو ئی قسە وەشێشە بە دیاری کیاسێنە پەی کاناڵەو ( وەنەدی ) :
ماچا : کابرەیوە فەقیری دەس تەنگ چی محاڵوو وێمانە بۆ کەیوانوەش نەوشە گنۆ و بەراش پەی بیمارستانی ،
دماو ئانەی دۆکتۆر موعایێنەش کەرۆ
ماچۆ : شکەم پەی سەرەتانی ملۆ ، وەلێم پەی ئینەی دڵنیەی بیمێ دوێ یەرێ ئازمایێشێش منویسوو پەی مشیۆ جوابەکەشا باردێ ٠ شوە فەقیرەلەکەیچش پەنا بەرۆ بە کەس وکاری و ڕەفێق و دۆسی و زەڕێوە قەرز کەرۆ و ئازمایێشەکا مۮا و مەینێوە یانە ٠ شەوێ عاڏتوو ژەنوو شۆی دەربارەو نەوەشیەکەرە گنا قسێرە ، کابرا بەژەنەکێش ماچۆ : ئیسە کێ وەختوو نەوەشی بێ ئەپی کۆکەنە و پی دەس تەنگی وبێ زەڕی منە ؟
خوۮام ئاخوۮانه سەرەتانت نەبۆ جا من مەنوو و تۆ ؟
@VANADIHOWRAMAN
❤️ مەولەوی و مانگەو ڕەمەزانی ❤️
میکس و مونتاژ : سۆران فەهیم
@VANADIHOWRAMAN
🔴 # حەکایەتۆە پەڕجە مۆچیاریە
🔹هەرێ ، پۆسوو شێرێوەش کەردەنەو هەڵمەتەش دا وەنەو ماباقی حێوانا ، چێش جانەوەر بێ حەیبەتیێنە ڕەمای ڕەمێ ، ئەیۮیچ وەشیێنە پەیش نەگنێنێ زەمین و هەروێشەو نەڕنای نەڕنێ ٠
🔹 ڕواسێوەیچ پێسەو ماباقی تەرسەی بێ بەڵایێرێ متش کەرد ، وەختارێ خاس گۆشش گێرت دیش ئی نەڕە ئەو نەڕەو شێری نمەشۆ ٠ نزیکوو هەرەکەی بیوەو بە خوەیوە واتش :
« ئەگەر دەمت بینا بیەی ڕەنگا تەرسنەینێت وەلێم بەنەڕەکەتەرە زانام کێنێ گێل و گەوج !"
👈 ئەحمەقێوە ڕەنگا بە جلێ و ڕواڵتی عال ماباقی خڵەتنۆ ، وەلێم دەوام نمارۆ ، چون قسەکەردەی گرچێ ئاشکرا کەرۆ !
@VANADIHOWRAMAN
✍ مەولەوی و زمسان
🎙 وەنایەو :
حەمەی فەهیمی
🎙میکس و مونتاژوو دەنگی :
سۆران فەهیم
📹 ئامادەکەردەی وئەوە ڕازنای :
دەنگوو نوریاوی 🌷
@VANADIHOWRAMAN
شاهۆ و کۆساڵان گۆششا چەنە بۆ
کوڕە مریەمیچ ، حەتمش وەنە بۆ
هەر هۆرامیێ ،،، لادۆ جە زوانیش
مەردەو مەزارین هەر چن مەنە بۆ
( فەهیم )
گر ڕوێما ڕۆ زوانی ئەۮایی بۆ
@VANADIHOWRAMAN
بۆنەو ساڵڕۆ کۆچوو شێرە پیاو کوردی و مامۆساو پایە بەرزوو شەرەفی و زوانی ئەۮاییەو یاۮمانێوە(خاطره) چا ڕەحمەتیتا کۆرنووە پەی :
ساڵەو ۱۳٥٨ ڕۆجیاری بەرنامەو (برون مرزی) تارانی بەشی کوردینە بێنێ ٠ حەفتەی دوێ کەڕەتێ مامۆسا هەژاری دارا تەشریف ئارێ و بەرنامەیوە تارێخی دەربارەو کوردەواریەو پێشکەش کەرێ ، فرە وەختێ دماو برنامەکەیش دەورەش وەنە دێنمێ باسێوە وە یام قسێوە مەکینەی پەڕ مۆچیاریەما جە ژیوای پەڕ سەخڵەتیش عەنتیکەخانەو ویروو هۆشیشنە ئارێ بەر و کۆرنێماوە پەی ٠ جارێشا فەرماواش : چواڕ دەوڵەتەکەو : ئێران و عێراق و تورکیە و سووریەینە قاچاخ بێنێ ٠ ڕوێ دێمەشقنە ماشینوو خەتینە بێنێ و کەل و پەلێوە فرەم پەنە بێ ، ڕایچ نەبێ بنیشورە ، کەل و پەلەکەم نیا وەروو پەیاموو دەسێوەم گێرت مێڵەو ڕاڕەوەکەی و کاتیلەی ماسیچ پەو دەسەکەمەو هەتا نەمجیۆ ٠ دلێ ڕەینە ڕانندەکە تورمزێوەش گێرت ، پاسەش شۆکنانیوە کاتیلە ماس دەسمەو پڕا و مجیا سەرەو کابرای عەرەبیرە ، منیچ نە ڕوەم بێ سڕووش وەنە پەڕکێشی کەرێنێ داواو چەنە ویەردەیش وەنەکەروو،
کابرا دماوئانەیە چڕو چەمەش پاک کەردەو دیام پەی و واتش : هەژار ئەم پەنەیشت دا !
مەگیرە کوردا 😳
@VANADIHOWRAMAN
ئەوسا دوورئیسەی ئینە زوانمابێ
ئامێتەو هۆشی و هەم ڕەوانمابێ
ئەوسا ئیسە
وەزەرە پیادەبە
ڕاسەڕا موستەقیم
دلێ ڕاسە وەسەت
پانایی عەرز
درێژایی توول
بەرزی ئێرتێفاع
پەلە عەجەلە
خواینە
بخەینە سەبرکەرە
داخەم مەشۆ موتەئەسێفانە
دادەنگ ساکت بە
دارسان جەنگەڵ
ڕازە داستانە
وەر دڵ سوبحانە
گۆشتینە ئاوگۆشت
چاشتە تەڕێ چاشتەی ئاوەکیە
کوشنەشەو خامووشش کەرە
گیسنەشەنە
گریسنەشەنە ڕۆشنش کەرە
تشی تورشی
تازیەبار عەزادار
شێت بیانی ئەعسابم ورد بی
قنیات قەناعەت
دەس پۆگێرتەی سەرفەجویی
نمەسرەوو ئارام نمەگێروو
ویرت نەشۆوە فرامۆشش نەکەری
واچەشەو پەنە یادئاوریش کەرە
@VANADIHOWRAMAN
ماچا : فەتعەلی شاو قاجاری
بازەجارێ شێعرێ واچێ ٠
ڕوێوە دەسە شێعرێ وەنۆوە پەی شاعێرێوە
دەرباری و ماچۆ : چەنیێنێ ؟
شاعێریچ شێعرەکێش بەدڵێ نەمەبا و بێ پەروا
ماچۆ : ناڕێکێنێ
فەتعەلی شایچ دەسوور مۮۆ وزاش تەوێڵەو بیناش ئاوڕەو ئەسپاوە ٠
شاعێریچ چن سەعاتێوە تەوێڵەنە بۆ هەتاشا واوەی دەسوور مۮۆ باراشەو حوزوورش ٠
ئەزنەو شا شێعرەکا وەنۆوە و پەرسۆشەو وەنە
ئیسە چەنینێنێ ؟
شاعێری کرۆڵیچ بێ ئانەیە جوابێ بۮۆوە ٠ هۆرمێزۆوە هەتا بزیۆرە ٠ شایچ پەرسۆ کۆگە ملی ؟
شاعێریچ ماچۆ : تەوێڵە !!😂😁😂
@VANADIHOWRAMAN
تەوێڵە :
گەوڕوو هەر و هەسەرێ و ئەسپی
گەلە بێ شۆت و بڕیا ماس و دۆ
ماچی وێرانەن سارا و کەش و کۆ
شوانە مەرد و هەوارگە ماتەم
دما گەلەو یاران پێوارەن نەچەم
بێرە و بێرەگایچ ،، فاتێحەش ونیا
دەوارەو شاۮێ ، چێخەش هۆرکنیا
پەچە بێ ئاسار ، سکۆڵە خاپوور
ئایر مەردەرەو ئارگا خاکێ سوور
هلێزە کەوتە ،،، جە هاوار و دەنگ
کاسیارە بێ نق وینەی سیا سەنگ
هەتیمان ئاسا ،،،،، هۆبێ بێنازێ
گر کۆرێ بیێوەچەمێ و ڕێوازێ
هۆبە نشینا ،،،، هەرکام فیاتێ
بیێ مێمانوو ،،،، خاکوو وەڵاتێ
#فەهیم
@VANADIHOWRAMAN
🔹ماناو سفەری
🔸 کەلیمێ سەفەری : ( جە زوانوو عەرەبینە یانی : بەرکەوتەی و ڕۆشنایی ) وەروو ئانەیچە پەنەشا واتەن سەفەر ، چوون سەفەرەنە ئەخلاقوو تەبێعەتوو ڕاویاری و کەردەوەو ڕەفتاروو دەروونیش پەی ماباقی هام ڕاویارا ئاشکرا بۆ و یۆترینی مژناسا ٠
@VANADIHOWRAMAN
زمسانەن ، سەردەن ، زقم و بۆرانەن
دەمە و کرێڵە و کڕێوەی کەلانەن
چوار وەرزوو عەمریم ویەرد یاوا دەی
بێ تفاق و زمهاڕ وەی وە یانەم وەی
( فەهیم )
@VANADIHOWRAMAN