2411
وەنەدی سنۮۆقڵەی شیشەینوو یاگێ لیرە و جەواهێرینە تاودێ پی نام ونیشانە چێوما پەی کیاندێ @mofahim
پاییزاو خەزان ڕوەش کەردەو باخا
نەوسوێلی ڕەشت ، دیۮەو ئێڵاخا
هاکا بێ کەس کەوت بڵبڵوو چڵی
هەم بیناش نیاوە شیوەنوو گوڵی
تویچ نەبی غەڕەو مەقام و ماڵی
یام بە زریفی و جوانی جەماڵی
هەر پاییزش مەی ئی دنیای بێ پۆ
بابڵبڵ ئاسا نەبی ڕەنجە ڕۆ
وەشەڵێم پا کەسی ژیوا پاکانە
عەمرش ویارا ،،،، بە بێ باکانە
نەبی خڵاموو ،،،،،، دەسەو زۆردارا
دنیاش بە ساچای و قەناعەت ویارا
( فەهیم )
@VANADIHOWRAMAN
هۆرامان ڕەنگین کویسان خاڵ‌خاڵا
دمـاو ئازیـزام ،، شـادٚیـم بەتاڵا
بێهرووز بەڵخەیی
@VANADIHOWRAMAN
دیمەنێوە سەمەرە :
جە دنیاو پەلەوەرا !
دارەکۆ هەتا تاوۆ بلوێ گلێرێ کەرۆوە و دلێ قڕۆڵوو درەختانە هۆرشا گێرۆ پەی ڕۆ تەرۆ و تووشی و سەخڵەتی ٠ ئەردارەکوێ چن ڕوێ واردەشا نەبۆ ماباقی پەلەوەرا گێراو و ئاننۮە ماڵا تەوقەو سەرەیشارە هەتا کاسەو سەرەیشا مەڕیۆ و مەژگەکەیشا وەرا ٠
+ بەیاگێن زانمێ : دارەکوێ سانیەیوەنە 20کەڕەتێ دەنووک مۮا وەنەو درەختێوە ٠
@VANADIHOWRAMAN
❤️ مەڵڵا عۆمەری ڕەنجوری زەنگەنەیی❤️
و
🍁 فەسڵوو پاییزی 🍁
واتم ئەی نەمام نادرەی داران ڕەنگین چون قوماش خاسەی تجاران
باڵا وە کاڵای قیمەت دارەوە
قامەت وە قوماش یەمەن شارەوە
سەۮ شکۆر وە فەیز کارساز کاران تۆکەردەن وە شەوق باڵای وەنداران
یە چێشەن بەی تەور مەلەرزی وە لەرز
لەرزان تەر جە تووڵ تاف پای قەڵوەز
دیم ئاما بە دەنگ وات ئەی دەردەدار
ڕەنجووری ئەوڵاۮ قەیس هێجران بار
ڕاسەن هام وە بەرگ سوەیل ڕەشتەوە
بەکاڵای واڵای نوور پێ وەشتەوە
بەی تەور بەی قانوون تەمام تۆفمەن وەلێ جە وای سەرد تەمام خۆفمەن
مەتەرسوون نەبا جەی جای ڕەواندا بۆزۆم وە کۆسی دەردێ گراندا
عوریانم کەرۆ چون وەنی دڵگیر
بکەرۆم وە پەنۮ هەر جوان و پیر
واچان نامامێ جە پای هەردەی هەرد وەیشووم ناهاڵ ، کاڵاش غارەت کەرد
@VANADIHOWRAMAN
حەکایەتێوە مەکینە :
واچێ بەینێ چەیوەڵ تارانەو سواروو ئوتووبووسی بیەیەیمێ پەی ئەهوازی ، پیرە ژەنێوە پەشتەو سەرەو ڕانەندەکەیۆ نیشتێبێرە ٠ ئەوەڵوو جاۮەو قومینە بە ڕانەندەکەیش وات : کوڕەکەم یاوەیمێ برووجرد واچەم پەنە ! ڕانەندەیچ واتش : سەروو چەما
یاوەیمێ قوم پیرە ژەنەکێ پرساش نەیاوەینمێ؟ ڕانەندەیچ واتش : مەنەنما
نزیکی ئەراکینە واوەی پەرساشەو : نیاوەینمێ ؟
ڕانەندەیچ کەردشەو جواب : سەعاتێ تەر یاومێ ٠ هیشتای مەنەبێما پەی برووجری پیرەژەنەکێ وەرمی بەردەوە ،
ڕانەندەیچ ویرشیەو هایش کەرۆوە ٠
نزیکی خوڕم ئاواینە پیرە ژەنەکێ چڵاکیارە و واتش : نەیاوەیمێ برووجرد؟ ڕانەندەیچ وات : جیاما ئاس ! پیرە ژەنەکێ دەسش کەرد هاوار و بێۮاۮ کەردەی و ڕاویارەکیچش یاس و هەراسان کەردێ ٠ ڕانەندەیچ ڕووبە برووجرد دەورش داوە و ئاماوە پەی دلێ شاروو برووجردی ، جا واتش مەتیلێ ئێگە بروو جردا وەزەرە !
پیرە ژەنەکێچ وات : کێ ماچۆ برووجردنە وەزوورە؟ من پەی ئەندیمشکی ملوو دۆکتۆرەکەی تاراننە واتا پەنە یاوەی برووجرد حبەکات وەرە ئیسە بێ زەحمەت لێوانێ ئاویم دە با قورسەکام وەروو!!
@VANADIHOWRAMAN
🌙
💎 ڕۆ چوارشەممەی :
دۆکتۆر حسابی سەرووکەلاسیەوبەشاگردەکاش وات : زاڕۆڵەکا ڕۆ پەنج شەممەی ئیمتحانتا وەنە گێروو ئاۮیچ بەدەمی پەرسووتاوە وەنە ! دەموو دەس دۆکتۆری وات : ئەوجەش بە سەبای نیا هەر ئارۆ ئیمتحانی کەتبیتا وەنە گێروو !
شاگردێ دەنگشا بەرز بییەو !
دۆکتۆریچ وات : هەر ئانەن کە واتم !
هەر کەس ناڕەزان بەی وەروو بەرەو کەلاسینە مردۆرە!
جە 50 کەسا تەنیا یەرێ کەسێ لوێ وەروو بەرەی ماباقی دۆکتۆر ئیمتحانش وەنە گێرتێ !!!
دماو ئیمتحانەکەی ڕوەش کەردە ئا مسیارا کە ئیمتحانشا دابێ و واتش : یۆ ۱۰ نمرێتا چەنە کەم کەروو !
گردشا هاوارشا بەرز بیەو ، دۆکتۆری وات : نمرەو ویسیچ منیەورە پەی ئی یەرە شاگردا کە نامێ سەروو کەلاسی !
مسیارەکێچ ( دانشجوەکێچ ) ئاننەیتەر قوشقیێ بیێ ٠٠٠
دۆکتۆری وات : وەروو ئینەیە ئارۆ ملتا نامنارە پەی زۆر و زڵمی ٠٠٠
" ئارۆ دەرزوو ملەجێڕێ چەنی زۆر واتەیما بێ "...
@VANADIHOWRAMAN
ڕەحمەتی برای کۆچ کەردە کاکە جافری زەلکەیی 🌷❤️🌷
@VANADIHOWRAMAN
👤شیخ عبدالسلام :
جە پاک و دیندارینە نامۮار بیەن . پاسەشۆرەت وزۆرە کە سەروو مینبەریەو زەمینێ بەهەشتی ورەشۆ !!!
ڕوێ دلێ نماینە دەس کەرۆ : "چخە چخ کەردەی"
شۆنەو نماکێرە خەڵکەکە پەرساش وەنە : چی ئا چخە چختە کەرد ؟
ماچۆ : هەرچن ئینانا بەسرەنە وەلێم چەمم مەکەیەو بێ دیم تووتەیوە گەرەکشابلۆ دلێ مسجدالحرامی ، چخەم وەنە کەرد و بەرم کەرد ! مەردمەکەیچ حاڵشا مەی وەنەو ئیرادەتشا فرەتەربۆ ٠
یۆ چا موریۮا ئی داستانێ کۆرنۆوە پەی ژەنەکێش و ماچۆ : ژەنەکێ حەیفارێ تویچ نەبی بە مریەۮەو ئی شێخیما ٠
ژەنەکێ کەرۆوە جواب : قەیۮوو چێشی کەرۆ بە شەرتێ شێخی و موریەۮەکاش پەی نانوو نیمەڕۆی باریەو پەی یانەی ٠
شوەکەیچش بە وەشحاڵیەو شێخ و مریەۮەکاش نیمەڕۆ مارۆوە ٠
عانێ سفرە یاوارە ژەنەکێ بەشە گۆشتووهەرکامی منیۆ سەروو برنجەکەیشاوە، وەلێم بەشەگۆشتوو شێخی کەرۆ چێروو برێنجەکەیەو ٠
شێخ تەماشەو ماباقی چاشتەکا کەرۆ وینۆ تەنیا دەوریەکەو ئاۮی بێ گۆشتارێ ٠ ڕوەکەرۆ ساحێب یانەی و ماچۆ : ئینە بێ حورمەتیا پەی من
ژەنەکێچ کە چەمەڕاو ئی قسێ بۆ ماچۆ : تۆ بەسرەوە پا گردە مەۮوە تووتەیوە مەکەنە وینی چەنی چی نزیکەو گۆشتووچێروو برنجەکەیت نمەوینی؟ !!!
شێخیچ بە ئاڵۆزی و دژمان دایەو پاڵەی کەرۆنەو مزیۆرە ٠
مەۮ = فاسڵە
@VANADIHOWRAMAN
چەنی سڵامێوە گەرمی و مەبارەک باۮیی جەژنەو قوربانی
ئازیزەکام گەرکما وردە گلەیێ کەروو وەنەو کاناڵدارا تەلگرامیی محاڵەکەیما کە هەرشێعرێشا دەس گنۆ بێ لەیەکدایەو و یاواینە جە ماناو شێعرەکێ پەی پەڕکەردەیەو کاناڵەکێشا منیاشەرە ٠ پەی نموونەی گۆش گێردێ پەی ئی برادەریە کەئی شێعرەو جەژنەو قوربانوو مامۆسا مەولەویشە وەنێنێوە ، خواۮیەکەش زڵم و جەفا و سووکی کەردەین بە گەوهەروو کەم وێنەو پیروو پیرا و قافڵەچی قافڵەو ناسک خیاڵا هۆرامانی ، پاسە دەس وپاش ماڕەینێ کە سەۮ شکسەبەننۮێ ئەدەبیێ مەتاوا گێراشاوە ، تکانە ئی ئازیزا هەر باس و شێعرێوە منیارە کوچالەی سەرنج و درۆسی و نادرۆسیش گێرا ٠
@VANADIHOWRAMAN
ماچا :
کابرەیوە تورکیەیی دەسوو وڕاجی ژەنەکێشەو هەراسان بۆ ، بڕێۆ وەنە کارێوە خیلاف کەرۆ هەتاچن مانگێ زینۮانش کەرا و نەلۆوە یانە ٠ وەلێم چون وەڵتەر بێ تاوان بیەن دادگاە یەرێ مانگێ زیننۮاننش یانەو وێشانە بڕۆوە پەی و هەقوو ئەرزیایش نەبۆ ،
@VANADIHOWRAMAN
سەعات :
۵ ساعبێ کناچڵەکێم های کەرداوە و واتش : تاتە من یاونی سەروو کاری ؟ واتم : سەروو چەما کناچڵەکێم ، عانێ وەروو بەرەینە دلێ ماشینەکەیمنە چەمەڕا بێنێ هەتا یانەنە بزیوەرە دیم ئاغەیوە سپوروو شارەداری ناشیانە خجڵوو تەمیس کەردەی کوجی و کۆڵانین ،
من ئاغەی عەزیزی سپوری مژناسوو ڕیش چەرمەیوە سەر و زوان وەش و کارزان بێ ٠ وەلێم گزی دای ئێۮی کوچالەی ناشیانە بێ ، من سپوورێ فرێم دیێنێ و زانێنێ ئی ئاغە پیاو ئی هەرمانێ نیا ، کناچەکێم یاونا سەروو کاری و گێڵانیەو دیم هەڵای خەریکا بە شەخەڵەکا گەمە کەرۆ ٠
بەرەو ماشینەکەیم کەردەو چڕیم وەنە : ئازیزەکەم وەشنی؟
تاوێ تەشریف ماری ؟
ئاۮیچ بە روو وەشیەو ئاما وەرەو واتش : سڵام ئەمرێوەت بێ ؟
کەردەوەش نەوعێ بێ دالەی ئامانێ وێرەو بەزوانێ وەشتەر واتم : مانی نەبی بۆ با پێوەرە چی چێروو کەپرێنە قاوەیوە وەرمێ ؟ کوچالەی دیام پۆرەو ئاماو نیشتێمێرە ٠ ئەو هێدفۆنەکەیچش گۆشەو بەرئارد ، بەچەم کەوتا شەونەو ئەوسەروو سیموو هێدفۆنەکەی دیم دلێ یەخێ جلە نارنجیەکا شارەداریرە ملۆنە کیسەش ٠ پەرسام وەنە : چێشی گۆش مۮەی ؟ واتش : (( کتێبێوە دەنگیی بە زوانی ئینگلیسی )) واتم : ئینگلیسی ؟! باسوو چێشی کەرۆ؟
واتش:دەربارەو(ئێقتێسادسەنجیەو)
واتم : بێ ئەۮەبی نەبۆ چیش وەنی؟
بە زەردە خوەیوە واتش : چی سپوور نمەتاوو کتێب وان بۆ ؟
پێوەرە قاوەیما وارد و بەسەرە سڕمەنەیەو واتم : نەیاوانینە ئی ئێقتساد و سەنجێش و ئی داستانێ کارش چێشا سەروو ئی کسموو تۆوە ؟ کوچالەی مات بی و واتش :((ئوستادوو دانشگاینا))
وەڵێ ئانەینە چێوێتەرش پەرسوو وەنە زاناش سەرسام بیەنا واتش : من تاتەم سپوروو ئی مەحلێنە ٠ ئاغەی عەزیزی٠ دەربارەو جەنابیت و ڕەحمەتی کوڕەکەیتەو باسش فرەش کەردێنمێ پەی ، هەمیشە ماچۆ : پاڵەوانێوە ئینا چامەحەلێنە ماقووڵینە قسێش نمەکریا ٠
ئێشەو هەکە دیەیم شناسایم چون وەڵێنە عەکسەکەتم دیەبێ ٠
جەنابوو خومارلوی من دۆکتۆراو ئێقتێسادینا ، دوێ برەیم هەنێ یۆشا موهەندێزا و ئەویچشا خەریکا دۆکتۆرا سانۆ ٠ هەرچی ماچمێ بەتاتەیم وێت بازخەرید کەرە گۆشما مەۮارۆنە ، ئێمەیچ هەرمانگێ بازە ڕوێێ جیاتی تاتەیم مەیمێ گزیدای هەتا کوچالەی سەیۆوە ٠ هەم یاردیش مەۮێمێ و هەم تاویرما نەشۆوە تاتەما بە چ زەحمەت و مەینەتێ یاونەینمێش پایە ٠کوچالەی واقێ بیەیمێ یۆترینیرە و پیاڵەکەم نیارە و باوشیم پۆرەکەرد و واتم : سەۮ سڵام وەنەو شەرەفیت ٠ قەۮروو تاتەیت بزانە ٠ تا دڵت وازۆ دەس و چەم پاک وسەروو زوان وەشا٠٠٠
@VANADIHOWRAMAN
شیوەنوو لالۆی کۆماسی
سەروو گڵکۆ دەسگیرانەکێشەو🍁
میکس و مونتاژ : سۆران فەهیم
@VANADIHOWRAMAN
" خورشیدی "
شێعرە :
مەولەوی
دەنگ :
شوعەیب خالدی زاد
@shoaib_khaledi
🥀🌹🥀🌹🥀🌹🥀
@VANADIHOWRAMAN
کۆنە هەواران
دەنگوو برای کۆچ کەردەی :
سەباح هۆرامی
@VANADIHOWRAMAN
جوانیم بی شەمعەو ڕاو زینۮەگانیم
نەۮیم زیننۮەگی وڵاونام جوانیم
هەراسان جەتەن دوورکەوتەو یاران
وێم وس ئاسانەو شاو کەرەمداران
فەهیم
یاۮێوە ڕادیۆ مەریوانی و
بەرنامەوهۆرامی ئەوسای
@VANADIHOWRAMAN
نامەو : ✍
مامۆسا رەنجووری کەرکووکی
پەی وەلی دێوانەی
@vanadihowraman
(تەڵقینەی هۆرامیە :
به شێوە زوانوو هۆرامیاو زەنگەنەو محاڵوو کەرکووکی ،
ماواو و مەکانەکەو مەڵڵا عۆمەری ڕەنجووری ، خەمە وەرەکەو وەلی دێوانەی 🌷
@VANADIHOWRAMAN
کەلاسوو چواری ڕیازی بێنمێ ٠
دوە یەرە ڕوێ جە ساڵەی تازێ دەرز وەنای نەویەردە بێ ٠ ئاردەی نەوارەی کاستێ پەی مەدرەسەی نیمچە قەتڵێ بێ !
نازمێما بێ بەنامێ ئاغەی شەریفی کەتازە شاروو(( بابەکییەو)) ئامابێ ٠ پیەیوە سەختگیر و دڵپاک بێ٠
ڕوێ یۆ جە مەدرەسیەکا نوارێوە تازێ (شارام شب پەڕەیش ئاردێ بێوە پەی مەدرەسەی و ڕاڕەوو مەدرەسەینە کیسەشنە کەوتەرە ٠
دەموو دەس ئاغەی شریفی پێسە واشەی پێۮا بی وەلێم ڕەحموو خوۮایەو دلێ قەربالغیی زەنگوو تەفرێحینە نەزاناش کیسەو کینە کەوتێنەرە ٠ پەرساش وەنەو سەعیدی کە هەر هینوو وێچش بێ ،
ئینێ هینوو کێنە؟
ئاۮ یچ کەردشەو :جواب ئاغە هینوو هەرکەسی بۆ نامەکێش ئینا سەرشەو!
ئاغەی شەریفیچ ئیتر نقش نەکەرد هەتا ئاما سەروو کەلاسی ، ئاوەخت بە دەنگی بەرز واتش : سەرگەورەو کەلاسی کێن ؟ منیچ هۆرساوە واتم : بەڵێ ئاغە ٠
واتش شارامی شەب پەڕە کامشانە ؟!
واتم ئاغە ئارۆ نامان ! واتش هەرعانێ ئاما نازی بەی سەروو کەلاسی ، بارەش پەی دەفتەری! واتم سەروو چەمی ٠
ئی قسێ کەوتە دەموو مەدرەسەیاو بیە بە گەمەجاڕوو زاڕۆڵا ٠
چن ڕوێش پەنەشی ئاغەی شەریفی چڕیاش پەی دەفتەری و بەتووڕەییەو واتش : ڕەزا !
من چەمەڕا نەبێنێ دروێم چەنی کەری !
منیچ واتم ئاغە دروەو چێشێ ؟
واتش جەریانەکەو شارام شەب پەڕەی ،ناقم چنیا و دڵنە واتم یۆ دانش پامەو ، بە پرتە پرتێوە واتم : ئاغە مەر چێش بیەن ؟
واتش : من پەرسام وەنەو زاڕۆڵەکا واتشا ئێساڵ هەر چی مەدرەسەنە نامێش نەنویستێنە و لوان پەی دەبیرستانوو واعێزی !
هەناسەم ئاماوە وێرە و واتم ئاغە من ئەوڵ ڕۆ دیم ئەجیام هەڵای ئینا چی مەدرەسەنە ٠
واتش : ئەو خاستەر زاڕۆڵا مەردمی جەڕابەرێ ٠
جە ویرە وەریەکا ڕەزا عەتارانی ٠
@VANADIHOWRAMAN
بەشەرێ یەرێ جۆرێ مرا :
مەردەی ڕۆحی
مەردەی ویژدانی
مەردەی لاشەی
مەردەی روحی یانی :
ماڕای کەسایەتی وسەربەرزی ئینسانێوە بەدەسوو یۆتەری ٠٠٠
مەردەی ویژدانی :
یانی ئیستیفاۮەکەردەی جە بەشەراتەری پەی هەرمانەو وێت بێ ڕەحمانەو بێ پەشیمانی ٠٠٠
مەردەی لاشەی :
یانی بڕیای هەناسەی و مردای دڵی ...
سەخەڵەت تەرینوو مەرگا مەردەی ڕۆحین ،
سامناکتەرینوو مەرگا مەردەی ویژدانین ،
ئاسانتەرینوو مەرگا مەردەی لاشەین ٠
@VANADIHOWRAMAN
جەژن و جەژنانەم هەر یەک جەردەیێ
بەردەوە پەی هەرد موترێب پەردەیێ
💐مەولەوی💐
جەژنەو بەخشای و قوربانی وەنەو تەماموو باوەڕدارا ئیمانداری مەبارەکە بۆ🌷❤️🌷
@VANADIHOWRAMAN
شەراکەو دووری سۆچنان دەروون
خیاڵوو یاران ، پەیم بیەن سەبوون
تاروو تاقەتیم ، ناکۆکەن تارش
کەمانچەو شاۮیم کزەن بازارش
تەموورەو زەوقیم بێ زەوقی ماڕان
دایرەو شەوقیم بێ شەوقی هاڕان
دیوانوو وەشیم ، ناوەشی ژەنۆ
باخچەو عەمرینە بایە قوش وەنۆ
ناڵەم نەی ئاسا ناڵەش سەۮ تەرزەن
سنتوروو سینەیم زایڵەش بەرزەن
شنیای شەماڵوو ، پەیاموو یاران
ئاۮیچ وەنم بی ، بە بەختەوارن
( فەهیم )
@VANADIHOWRAMAN
زاڕۆڵەیوە بەتاتەیش وات ؟
کێ هەرا ؟
تاتەکەیچ وات :
هەرئانەن خڵکی بەگاو زانۆ 😳
@VANADIHOWRAMAN
🌹✍🏻 پیەیوە واچێ :
ژەنەکێم ئیجازەش دانێ پەنە کە شۆنەو چن ساڵارە پەی نانوو وێرەگای و سینەما لوای چەنی ژەنێوەتەرێ بزیۆرە ٠
ژەنەکێم وات : پیاکە ! من وەشم مسیەی وەلێم دڵنیەینا ئی ژەنێچە تۆش گەرەکنی و حەزکەرۆ چەنیت گێڵۆ ٠
ئاخانمێ کە ژەنەکێم گەرەکش بێ چەنیش بلوو بەر ئەۮام بێ ، ئەۮام ۱٨ ساڵێ بێ شۆنەو مرۮەی تاتەیمرە تەنیەی بێ وەلێم دەردی سەرا ژیوای و کڵفەتباری ناسەبێ سەرەمڕ سەرش دەو وەنە ، تەنیا بەین بەینێ سەروو پایەیۆ هەواڵێوەش پەرسێنێ ٠ هەر ئاشەوە کە ژەنەکێم وات تەلەفوونم کەردە پەی هەتا واچووش پەنە : پەی نانوو وێرەگای و سینەما لوای بلمێ بەر ٠ ئەۮام بە پەشۆکیاییەو پەرساش : چێش بیەن ؟ ئەۮام تەلەفوونێوە شەوێنە و یام خوڵکێوە کتووپڕیە لاشەوناوەش هەواڵێ بێ ٠ واتم ئەۮا گیان ! وەروو وێمرە ویرێم کەردێ ئەر ئێشەو پێوەرە بیمێ وەشارێ ٠ ئەۮایچم کوچالەی ماتش کەرد و واتش : گیانوو ئەۮالێ منیچ حەز کەروو ٠
عانێ لوانێ شۆنەش دیم جلەکێ ئاخرەمین جەژنەو زەماوەننۮیش ئینەی پۆرەو چەمەڕەیمەنە و بە خوەیەو پێسەو مەلایەکا ئاما پێوایمەو ٠ عانێ سواروو ماشینەکەی بیە واتش : واتم بە ڕەفێقەکام ئێشەو چەنی کوڕەکەیم ملای ملمێ گێڵای ، ئاۮیچێ فرە پەنەشا وەش بێ ٠ لوەیمێ ڕەستوورانێوە بێ قرم وقاڵ ٠ پاسە دەسش گێرتە بێنێ هەر ئەجۆش مەلەکەو سەرزەمینینە ٠ دماو ئانەیە نیشتێمێرە دەسم کەرد بە وەنایەو سوورەتەو واردەمەنیەکا ڕەستوورانی ، عانێ سوورەتەکێ وەنێناوە بەلاچەم دیانێ پەی ئەۮایم دیم بە خوەیوە تەماشەم کەرۆ و واتاش پەنە : تۆ زاڕۆڵە بێنی پێوەرە ئێنمێ پەی ڕەستوورانی من
سوورەتەو واردەمەنیەکا وەنێنێوە ٠
منیچ واتم :ئەۮا گیان ! ئیسە مشیۆ تۆ ئیسراحەت کەری و دەسوور فەرماوی من خزمەتکارت بوو ٠ شۆنەو نان واردەیرە ئاننۮە کەوتیمێ قسێرە کە نەیاوەیمێ سینەمارە ٠٠٠٠
عانێ بردەمەو یانە واتش : دیسان حەزکەروو پێوەرە بزیەیمێرە وەلێم پاشەرتێ من حەسابش کەرۆ ، منیچ واتم سەروو چەمام ٠ عانێ ئامانیەو یانە ژەنەکێم وات : وەش ویەرد ؟ واتم : هەزارجارێ خانەت ئاوابۆ هەرتەمام وەش بێ ٠
چن ڕوێ دماتەر ئەۮام دڵش جە وەنەدای کەوت و پەی هەمیشەی جیاش ئاستیمێ ٠
چن ڕوێش پەنەشی پاکەتێوە چا ڕەستوورانەو کە ئاشەوە چەنی ئەۮایم نانما واردەبێ یاوا دەسم ، عانێ پاکەتەکەم کەردەو دیم نامە و ڕەسیۮێوەش چەنەن ٠ نامەکەنە نویسیا بێ : نمەزانوو مەنوو یام نە وەلێم زەڕوو دوێ دەسا واردەمەنیم دان ، دەسێش پەی وێتوو ئەو دەسەکەش پەی خانمێت ٠
مەرەجیۆم بزانی ئاشەوە کە چەنی تۆ بێنێ چن وەشم بێ ؟
ئاچا وەنەم حاڵی بی بە وەختوو وێش واچمێ بە ئازیزاما وەشێما مسیا و حەزکەرمێ هەرچەنیشا بیمێ ٠
هیچ چێوێ ژیواینە هەمیتدارتەر جە کەس وکاری و ئازیزا نیارێ ٠
هەرئارۆخاسەن هەی هووتا سەوای
کێ زانۆ چێشەن ئێراۮەو خوۮای؟
@VANADIHOWRAMAN
گەلە بێ شۆت و بڕیا ماس و دۆ
ماچی وێرانەن سارا و کەش و کۆ
شوانە مەرد و هەوارگە ماتەم
دماگەلەو یاران پێوارەن نەچەم
بێرە و بێرەگایچ ، فاتێحەش ونیا
دەوارەو شاۮێ ، چێخش هۆرکنیا
پەچە بێ ئاسار ، سکۆڵە خاپوور
ئایر مەردەرەو ئارگا خاکێ سوور
هلێزە کەوتە ،،، جە هاوار و دەنگ
کاسیارە بێ نق وینەی سیا سەنگ
هەتیمان ئاسا ،،،،، هۆبێ بێنازێ
گر کۆرێ بیێوەچەمێ و ڕێوازێ
هۆبە نشینا ،،،، هەرکام فیاتێ
بیێ مێمانوو ،،،، خاکوو وەڵاتێ
#فەهیم
@VANADIHOWRAMAN
تەڵانەو تەڵان ، باخانم کەرد تەی
وەهارم سەرشی ، عەمرم یاوا دەی
وەرزا وەرزەکەو چەرخوو دەورانی
ئاساو ئاسایی ، عەمرش هاڕانی
فەهیم
هەستیم بێ شمار مەستیم وە کۆبێ
توغیانم چون تاف جوانی تۆ بێ
فەڵەک شی وەقین جەور و ستەمۮا
ئەوبەزم و ئەو زەوق گردا وەهەمۮا
( مەوەلوی)