2411
وەنەدی سنۮۆقڵەی شیشەینوو یاگێ لیرە و جەواهێرینە تاودێ پی نام ونیشانە چێوما پەی کیاندێ @mofahim
پاوه ، دره نیشه👆
ئەوەگێڵای پەی لاو :
زوانی ڕەسەنی هۆرامی
ئاشنایی چەنی :
ئا کەلیما کە ئینەی دلێ شێعرا هۆرامینە :
پاۮشای شاهان :
شاو شایا ، ئیشارە بە خوۮای گەورەین🌺
عەر عەر :
چناری ساف و باڵا بەرز و ڕێکا کەئەوسا پەی داروو سەروو یانەی و بەرە ودەلاقەی بەکارش بەرێنێ ، ئی نەوعە چنارە هۆرامانوو ژاوەرۆینە فرە وفراوانا 🌿
سەیاۮ :
ڕاوچی ، کەشەوان ، شکارچی 🍁
شاتوو شووت :
قسێ هەڵیتوو پەڵیتێ ، قسێ جۆڕانێ 🙈
شام :
شاروو دێمەشقی پاتەختوو سوریەی ، نانوو وێرەگای 🌸
شکۆفە :
هەراڵەو درەختی 🌾
شەقایەق :
گۆراڵەسوورێ ، نان و دۆ بڕە ، گوڵوو چارە چەقیلێ🌺
شەم :
شەمعە ، مۆم ، کوڵەو کریاو شەمسیێ ، نسار 🌸
شمشاد :
درختێوە باڵابەرز و زەریفا 🌼
شەمیم :
بوەی وەشە ، عەترین 🌷
شەودێز :
نامێ ئەسپەکەو شیرنەو ئەرمەنی بیێنە ☀️
عەلیل :
نەوەش ، عەیبۮار ، دردەۮار ، زەرێڵ 🍁
فەرسەخ :
مەۮوو ٦ کیلوومێترین 💐
فەرق :
تەوقەو سەرەی ، سەرە ، جیاوازی🌼
فێراق :
دووری ، جە یۆبڕیای ❤️
قاخ :
کۆمیاوە ، خەم بیەی ، ئەوەچەمیای ، کووڕبیەی🌿
@VANADIHOWRAMAN
😂 هامسەیوەما واچێ :
عالتەرین دەرمانوو قۆزەی شەربەتێوەنە بەنامێ" نەعنابایجانی " ئێمە هەر عانێ واردێنەما پێسەو ئاوی کەری ملوو ئەوریرە قۆزەما ساڕێژ بیەن ٠ هێزی منیچ ئەرمانام پەی ڕەفێقێوەم ٠ ئارۆ تەلەفوونش کەرداوە پەی و هەزار قسێش واتا پەنە ٠
واتش : لوانێ دەواخانەو واتم : شەربەتەو نەعنا بایجانیم گەرەکەنە ٠
دۆکتۆروو دەواخانەکەی ئاننۮە خوا هەرسی پڕەی چەمێش و واتش : کاکە گیان ! شەربەتێ عالەنە وەلێم ئا چێوە ئینا پاڵوو نەعناکەینە بایجان نیا ٠٠٠٠ عەکسوو چەمچەین ))
@VANADIHOWRAMAN
گۆچان بە دەساو ، پاڵوو دیواران
خەزانەو ڕازاو ، ویەردەو یاران
تافوو جوانی 🌷 لواو بڕیاوە
مەحاڵەن ئیتر 🍁 گێڵۆ دماوە
هیچ کەس نەنازۆ بە جوانی باڵایش
یام بە دەبدەبە و سەروەت وکاڵایش
جوانی مەمەنۆ ، بە کەمتەر یاوێ
لافاوو نەبیەیچ ، بەرۆش بە تاوێ
(فەهیم )
@VANADIHOWRAMAN
✍️ئازیز دووری وەسێشا ...
🎙ئارمان سەلیمی
@VANADIHOWRAMAN
برای کۆچ کەردە :
سەباح خارگێڵانی و
سەعدی نەوسووۮی
@VANADIHOWRAMAN
💐 شاروو نەوسووۮێ 💐
زوان جە باسش ، هەڵای بێ زوانەن
قەڵەم سەرنێشش ، سویای سۆهانەن
نەقاش سەرسامی ،.، مینا کاریشەن
خیاڵ جە وەسفش ،، بێ قەراریشەن
دووروین عاجزەن ،، گێرۆ تەسویرش
مەژگ هەراسانەن ،،، نەشۆجە ویرش
ئاوەز بێ ئاوەز ،،،،.،،، خۆ ناتەوانەن
تەنیا مەر واچوو : ،،،، یە هۆرامانەن
(فەهیم )
@VANADIHOWRAMAN
🌷 پیەیوە ۹۳ ساڵەی ئیتالیایی دماو ئانەیە بیمارستاننە وەش بۆوە و مەی بزیۆرە ماچا : خەرجوو ڕۆیوە دەسگاو ئاهەوا دەسکردیە ( مەسنۆعیە ) کە نیانیشارە پەی 500 یۆروێ کەروو ئینا پاو تۆنە !
ڕیش چەرمەیچ دەس کەرۆ گرەوای ، دۆکتۆرەکەیچ ماچۆ : ئینە گرەوایش پەی چێشی پەی زڕەکەیش گرەوی ؟
ڕیش چەرمەکەیچ دەسوو دۆکتۆرەکەی ماچ کەرۆ ماچۆ : نا قۆربانەت بوو زەڕکەش لامەو بێ هەمیەتارێ زەڕیچم هەن خەرجوو گردوو ڕوەکاش حەساب کەروو ، پەی چێوێ تەری گرەوو ٠ من پەی ئانەی گرەوو 93 ساڵی هەواو پاکوو خوۮایم مفتە هۆرلووشان و داواو چێوێم وەنە نەکریان ،
پەی ڕۆیوە دەسگاو بیمارستانی 500 یۆروێشا گەرەکا !
پی حسابە زاندێ چن قەرزاروو خوۮاینا ؟
من تەنانەت شکورانەو خوۮایچم بەیاگی ناردەن٠
ئی جوابە گردوو دۆکتۆرە کەرۆ گرەوای ❤️
@VANADIHOWRAMAN
چیش کەرمێ :
هەتا چینەی زیاتەرجە یۆترینی نەبڕیەیمێ :
ئێمەی کرۆڵ ئەر خودا نارۆملەرە ،کەسی پیسەو دەگاکێما قسیش نە کەردێ بە هۆرامیش نمەزانمێ هەرچن مامۆسا بێسارانیچ بۆ ، ئاوەزداری زانا
جیای فیفی کەردەی بەهام زواناش
سەرەنج مدۆ بزانۆ چ چێوێ تازە جەشێوە زوانوو خەڵکی تەرینە دەس گنۆ کۆشۆ فێرش بۆ ، بیەی ئی شێوە زوانا نیشانێ دەوڵەمەننۮی زوانینە ،
زوانی هۆرامینە کوچک یا کوچولوی فارسی زیاتەر جە22 نامێش هەنێ :
وردیلە ،
وردیلە ، وردی ، وردیکڵانە ، کڵانە ،
مچکلە، مچکلانە ، میکلە ، میکلانە ، مچقلە ،
مچقلە ، مچقلانە مێقلە ، مێقلانە ،
میتلە ، میتلانە ،گولانە ، گولالە ،
گلانجڵە ، گلوولە ، رێزڵە ، ڕێزڵانە ،
🌻کنولەیێ بە چیوی وردی ماچا : جن ،
ئەها وێما ماچمێ جن جن ، یانی ورد ورد 🍁
وەیا کە لیمێ ئاتەشی فارسی هۆرامینە ئی نامێشە هەنێ :
ئایر ، ئاویر ، ئەور ، ئەێر ، ئاهێر ، ئاتر 🍀🍀🍀
@VANADIHOWRAMAN
ئەوەگێڵای پەی لاو :
زوانی ڕەسەنی هۆرامی🌺
ئاکەلیمێ کە ئینەی دلێ
شێعرئ شاعێرا ئەوساینە :
داروون = هەنم
نەۮاروون = نیام ، نیەنم
دارا = ماڵدار ، دەس لوا ،
نەۮارا =
کەم دەس ، دەس نەویەردە ، نەبیە
دانشمند =
کەسێوە کە کەیلوو زانایی و عێلمین ،
پێسەو دەریای مەننوو پەڕا ٠
دایرالبشر =
تەماموو بەشەرا سەرزەمینی ٠
دڵڕێش = دڵ زامۮار ، دڵ زەخمین ٠
دەرساعەت = دەموو دەس ، گورج ،
دەمساز = هامدەم ، دۆسی گیانی گیانی٠
بە دوان دو =
بە بڕمای و نمردای٠ ڕەمەڕەمالێ
ڕەمەق = گریک ، هازی ، تەوانایی ٠
ڕەند = شۆخ وشەنگ ، زیرەک ، وریا ٠
ڕیشخەند = گەمەپەنەکەردەی ، تیتاڵی = فیفی کەردەی
سولالە = نەوە ، ڕەگەز ، بنەچە ، وەچ
سەندەل = درختێوە وەش بۆن ٠
سەنجووق = بەیۮاخە ، پەڕچەمە
عاج = کەڵبەو فیلی ، شفرەو فیلی
غەزاڵ = ئاهوو
قەتران = ڕەنگی سیاو ، دەرمانێوە سیاوا جە گرینای چۆسنۆبەری وەش بۆ ٠
قەرقەف = شەراب ، بادە ، مەی ، هارەق
لێوە = شەیدا ، شێت ، سەروەنە شێویا
@VANADIHOWRAMAN
ڕێژاو دەگا هۆرامی زوانەکێ ئەوسای
بێ جەهەت نەبێ ،،، پیروو پیرانیم
چەمەو ئاوەزی و کەیلوو عێرفانیم
دیۮەش ڕێژاو بێ و ڕوخسارش زردە
دووری یارانیش ،، پەی بیەبێ دەردە
( فەهیم )
@VANADIHOWRAMAN
پەرسام درەختی زامۮاری تەوەر :
چ جەفا کارێ ؟ ئینەش ئاردی سەر
واتش دەس مەۮە جە دەرد کاریم
جە چارە سیاوی و ئێقباڵ لاریم
زەۮەی زام دەس بێ وەفا مایەم
شەرای هامنان نیشێ جە سایەم
(فەهیم )
@VANADIHOWRAMAN
تاتەیوە بە کناچەکێش ماچۆ :
کناچەکێم (لێوانێوە) ئاوی باره پەی تاتەیت !
کناچەکێ کەرۆوە جواب :
تاتە تەماشەو تەلەوێزیۆنی کەروو
کناچڵێوە وچکلەتەرەشا ماچۆ :
تاتە گیان کارت نەبۆ سەروو ئی بێ تەربیەتێوە ، هۆرزەو وێت وەرەشەو و چەولایچەو پەی منیچ بارە 🥹
@VANADIHOWRAMAN
هۆرامان 👆
ئەوەگێڵای پەی لاو :
زوانی ڕەسەنی هۆرامی 🌼
بین : مابەین ، ئاشنایی ،
معطل : ماتڵ ، دەس بەتاڵ ،
همدیگرا بوسیدن :
ماچ ماچانی ، ماچ و مووچ
مار گزیدە : ماران گاز
مارماهی : مارماساو
مار مولک : مارمزووک ، مزووک
ساق پیچ نمدی : مارنەگەز
خزندە :
مار و موور ، جڕ و جانەوەر
آماسیدن : ماسای ، هۆرماسای
مرغ ماهی خوار : ماساو وەرە ،
فشار آوردن آب راکد : ماش
آش ماش : ماشەینە ،
آش ماش آبکی : تەڕە ماش
روبیدن و تمیزکردن :
ماشایۆ ، ئەوەماشای ، ماشتەیۆ
کرم کشندە دام کە بر علف مینشیند : مافەتە
خیرە ، متعجب : ماق ، واق
محترم و معقول : ماقووڵ
دام : ماڵیات ، گەلە و گاوەل ،
مادر بزرگ : ماما ، ئەۮا گەورێ
پدر بزرگ : بابا ، باوا
بازی چرخش بە دور خود : مامالەگێجێ
تاوان پشیمانی : مامەڵە پەشیمانی
استاد ،
معلم : مۆچیار ، مامۆسا
خستەشدن : مانیای
از رفتن خوداری کردن : مان کەردەی
@VANADIHOWRAMAN
قسێوە مەکینە :
بە پیەیوە ماچا : تائیسە کەسێوەت جە مەردەی نەجات دان ؟
ماچۆ ئەرێ ، سەۮ هەزارێم دا بە سوواڵ کەرێوە ،
مەحەل بێ وەشینە شاۮی مەرگ بۆ ، چەنەم ساناوە !
😂😂😂
@VANADIHOWRAMAN
ئەوەگێڵای پەی لاو زوانی ڕەسەنی هۆرامی 🌾
چپق = سەبیلە
تحمیل کردن =
بڕیەی ملەرە ، سپنای
پەخمە = سەپۆل
عصر هنگام =
دەمەو وێرەگا ، سەروێرەگا
طرف بالا ، شمال =
سەرئاون ، لای سەری
سرافراز = سەربەرز
سراشیب =
سەرو چێرە ، سەرەوار
سربالایی =
سەروکۆ ، سەرەو کۆیایی
پوشیدە و پنهان =
سەربەسە ، پەنانە
سردستەنظامی = سەرپەل
تمرد =
سەرپێچی ، مل نەۮای ، ململانێ
رئیس راهزنان = سەرتەریۮە
همەباهم ==
سەرجەم ، پێوەرە ، ئاواجەمی
حرف نشنو ولجباز =
سەرەخەر ، کەللە شەق ،
خان ایل و رییس عشایر =
سەرخێڵ ، سەرعیل
انعام شاگرد خیاط = سەردڕانە
رییس گروە = سەردەسە
مات و متحیر =
سەرسام = واق پڕا ،
خل و نیم دیوانە =
سەرشێت ، نیمچە شێت
@VANADIHOWRAMAN
داسانێوە زەریفە :
پاۮشەیوە کەوت دلێ یاگێ ٠ دۆکتۆروو سەرەبەرشیەو شاریشا ئارد پەی لایش ٠ دۆکتۆری وات : مشیۆ تەماموو ونەو کوڕێوە جوانی کریۆ دلێ بەۮەنیش هەتا گریکش گنۆنە و وەش بۆوە ٠
شا پەی زیننۮە مەنەیش فتواو مەرگوو جوانیش جە قازی شاری سانا ٠ ئەۮا و تاتەو کوڕێشا ئێستێوە کە جە نەۮارینە مرای مرێنێ ٠
بە زەڕ ئاۮیشایچشا ڕەزاکەردێ هەتا کوڕەکەیشا ورەشا ٠
کوڕی جوانشا ئارد و لاو شاینە پاڵشا وس هەتا ونەکێش گێرا و بۮاش وەنەو شای ٠ْ جوان دیا پەی ئاسمانی و چێروو لچاوە دۆعەیوەش کەردە و چەمێش پەڕێ بیێ هەرسی ٠
شا هەکە هەرسی کوڕەکەیش دیێ لەرزی گێرت و پەرساش چ دۆعەیوەت کەردە پاسە هەرس پەڕەی چەمێت ؟
جوانەکەی کەردەو جواب : چی دما هەناسەو ژیوایمنە واتم : خوۮایا
ئەۮا و تاتەم ئەوەجەشا بە زەڕوو شاین و بە مەرگیم ڕەزەینێ ٠
قازی شاریچ ئەوەجەش بە پلە و پایەو شاین کە بە فتواو مەرگوو من بە دەسش مارۆ ٠
دۆکتۆریچ ئەوەجەش کەوتەن بە مرگوو من هەتا نامێ وزۆرە و واچا شاش جە مەردەی نەجاتدا ٠
شایچ پەی ئانەیە نەمرۆ ئەوەجش کەوتەن بە ونەو من ٠
واتم یاڕەبی وێت ئاگانی تەماموو ئی مەخلۆقیتە پەی پلە و پایە و شۆرتی و دوێ ڕوێ عەمری خوێڕیگەرانەی ئەوەجەشا کەوتەن پا نەیە من بۮا کوشتەیرە ٠
ئی پەروەردگاروو من ، تەنیا تۆنی کە منت پەی ئەوەجە و نیازیت وەش نەکەردەن و بێ ئەوەجەو هەر بەننۮەیوەنی ٠ تەنیا تۆنی کە من هیچ خەیر و زەرەرێوە ئەر گەرەکیچم بۆ نمەتاوو یاونووت لا ٠
ئەی بێ ئەوەجە کەرەش خاترەو بێ ئەوەجەییت بەزەیت بەیوە پۆرەمرە و دەسوو ئی ئەوەجەداراتەو پارێزنەم ٠
پاۮشا هەکە دۆعاو جوانەکەیش ژنیە
شیوەنش بەرز بیەو واتش : هۆرزە و لوە ! من مەردەیم پەنە وەشتەرا هەتا پی جۆرە ژیوو ٠
شا بە چەمێ هەرسینێوە باوشیش کەردە جوانەکەیرە و واتش : دڵت پاکارێ لاڵیەوە خوۮای بێ ئەوەجەی ، بێ ئەوەجەم کەرۆ جە ئەوەجەدارا و شەفا کەرۆ خەڵاتم ٠
جوانیچ لاڵیاوە وەنەو خوۮای و بەینێ دماتەر شایچ وەش بیەو ٠
@VANADIHOWRAMAN
ئەوەگێڵای پەی لاو :
زوانی ڕەسەنی هۆرامی 🌻
عاقبت = ئاخرسەر
غریبە =
غاوارە ، خاوارە ، بێگانە
گذشتە =ٓ
ویەردە ، ئەوسا ، وەڵتەر ،
آینده =
دماڕۆ ، چیۆدما ، چیۆلای
عشیرت =
خێڵ ، هۆز ، قەوم وقەلاجە
وسائل = کەل وپەل
بڕیدەگی =
کەلەبەر : یاگێ کەل بۆ چاوە بلی بەر
کمک کردن =
کەل گێرتەی ، یانێ یاگێ کەلی گێری و پەڕش کەریۆ
کج و کولە =
کەل وکۆر ، لار و وێر
چنبرە چوبین غربال = کەلەوێچن
دسبند زندانی = کەلەبچە ، دەس بەنۮ
حجامت =ٓ کەڵەشاخ
بیمار بدحال =
کەلەلا ، لاکەوتە ، بەترەف
لا ٱبالی ، کەمتەرخەم ، گۆش نەۮەر ، سەرەخەر ،
پوستە گردو = کەم کۆڵی ، هوڵ
خجالتی =
کم روو ، شەرمین ، بێ ڕو و ڕەۮا
@VANADIHOWRAMAN
✍ مەولەوی و زمسان
🎙 وەنایەو :
حەمەی فەهیمی
🎙میکس و مونتاژوو دەنگی :
سۆران فەهیم
📹 ئامادەکەردەی وئەوە ڕازنای :
دەنگوو نوریاوی 🌷
@VANADIHOWRAMAN
فەراۮ بێشۆن بی و قوڵنگەش سوویا
شیرینە مەردە و لاشەیچش پوویا
بیستوون مەنەن واچۆ : بە یاران
چەرخ و زەمانە وەفا نەۮاران
( فەهیم )
ئەوەگێڵای پەی لاو :
زوانی هۆرامی ☀️☀️☀️
گذشته :
ویەردە ، ئەوسا ، چەیوەڵ
رهگذر : ڕاویاڕ ، ڕاڕەو
گذرانیدن : ویارای
رهنمایی : ڕاموونە
آراستن :
رازنایۆ ، ئەوەڕازنای
آراسته :
ئەوەڕازیا ، ڕازیاوە
امین سڔ : ڕازدار
داستان : ڕازە
صیاد :
ڕاوچی ، ڕاوکەر ، نەچیرەوان ،
کفایت کنندە : ڕەسا
اصیل و نجیب :
ڕەسەن ، تان و پۆ هەورێشم
دسگیری عمومی : ڕەش بگیر
لاغر :
لەڕ و لاواز ، ڕەقۆڵ ، ڕەق وتەق ، لەجەر
ساق استخوان : ڕەقێنە
رنگا و رنگ : ڕەنگامە ، ڕەنگین
رگبار : ڕەهێڵە
سر وسیما :
ڕێخت ، سەروو مێقن ، سەر و سەکوت ، قڕو قیافە ، تەرح و تووز
شلختە :
ڕیپاڵ ، شپرز ، شل و شیواڵ ، شل و ول
رودە :
ڕێخۆڵە ، ڕێڵەخۆ ، لێڵەخۆ
نخاع : ڕەزڵە
قطع نخاعی : ڕەزڵە بڕیا
@VANADIHOWRAMAN
قسێوە وەشەی دانمارکیە :
*پێرە ژەنێوە* گۆچان بەدەسە گەرەکش بێ خیابانێوە کەرۆوە ئەوۮەس ، وەلێم وەروو ماشینا نەیارێ ٠
کابرەیوە سیاستمداری شۆرەتی ئاۮیچ کەرای کەرێ ئەوۮەسەو ،
هەکە دیەش لوا چێروو باڵیشوو و پڕناشەو،
پێرە ژەنەکێ وات : ڕۆڵە یاخوۮا عەمر درێژ بی !
سیاسەتمداریچ وات : ڕەنگا : ئی ئێنتخابەتەو ڕەیێەم دەی پەنەو قەربووش کەریوە ٠
پیرە ژەنەکێچ بە خوەیوە واتش : تاتەو تاتەکەیم چانەی مەشۆ !
پەیم عەیبۮارێنێ مەژگم بێ عەیبارێ !
@VANADIHOWRAMAN
❤️ شاروو نەوسووۮێ ❤️
وەتەن ! زریفیت ،،،،، مایەو شاۮیمەن
هەوای ڕۆح ئەفزات ،،،،،، ڕۆ ئازاۮیمەن
وەڵاتی فەرەنگ ،،،،،،، یام چین ماچین
یاخەیر وەشتەرین،، ماوای سەرزەمین
ئەر سەۮ وەشێنێ و بەهەشت ئاسەینێ
هەرکام بەشێوە ،،،، جە بەشا خوۮەینێ
پەی من کەی وەشەن ؟ بە بێ یارام بۆ
بێ هام زوان و ،،،،،، کەس و کارام بۆ
منی هۆرامی ،،،،،،،،،،،،، قانع و ساچیا
نەمەبێزیۆم وەتەن ،، تا چەمێم مۮیا
( فەهیم )
@VANADIHOWRAMAN
# عەباس_غەریبی 👆
عەباس ! دەنگەکەت ئاشنا دەنگێ بێ
سەحەری ئاساو ، خەمین چەنگێ بێ
یادوو هەیاسیش ،، ئاردەو خیاڵم
هازێ بێ پەرێ ،،،، حاڵ بێ حاڵم
واتم یاڕەبی ! هەزار شکورانە
بڵبڵ نەبڕیان ،،، چا گەورە یانە
ئەێروو ئۆجاخا هەر نەکوشیانەو
شۆڵەش دیارەن ، جە هۆرامانەو
دەنگت سوکناییش داوە بە دڵیم
ئەجیام نەمەرۮن مێمانوو گڵیم
( فەهیم )
@VANADIHOWRAMAN
بە قەوڵوو قەۮیمیا :
هەر بیەن تا بیەن *
*ماڵیات دای ئەولقاسمی ؟!*
ماچا شاه عەباس گەرەکش بێ چێوێ بەخشۆ بەکەسێوە و واتش :
داواو چێوێم وەنە کەرە ٠
ئا کابرایچە کە هۆشش لاو دەرامەۮێ سەرە مڕیەو بێ واتش : حوکمێوەم بۮە پەنە هەرکەس هەرێش بۆ درهەمێ و ئەر هەرەکەیچ ماهەرە بۆ دوێ درهەمێم بۮۆ پەنە ٠
شا عەباسیچ واتش : چێوێ فرەت دەس نمەگنۆ ٠
واتش : حوکمەکەنە بنویسە ئەر ساحێب ئۆڵاخەکە دوێ ژەنیش با دوێ درهەمێ ئەر ژەنێوەش بۆ درهەمێوە و ئەر شەلیچ بی درهەمێ تەرم بۮۆ ٠
شا عەباس ئەزنەو پەرساشەو وەنە : ئیتر جە ساحێب ئۆڵاخی چێوێ تەرت گەرەک نیارێ ؟
کابرایچ کەردشەو جواب :
بنوسە ئەر نامێچش ئەولقاسم بۆ درهەمێ و ئەر چەمێوەش کۆربۆ درهەمێ تەر بۮۆ ٠ شا حوکمش نویسی پەی ٠
کابرا حوکمش گێرت و ڕووبە خیابانوو چوار باخی جمارە ٠
ئەوەڵین هەر سوارێوە کە چاوە ویەرد وەرش گێرت و واتش : بە پاو
ئی حوکموو شایە مشیۆ درهەمێوە بۮەی !
کابرایچ کەوت ئەوەلاڵیای و واتش :
کەرەش ڕەزاو خوۮای هەرەکە وێش درهەمێ نمەیژۆ ٠ چی قسانە بێنێ
مالووم بی کابارا چەمێوەیچش کۆرا ، حوکم بەدەسی وات : پەی چەمەکەیچت درهەمێوە تەریچ بۮە ٠
هەر سواریچ واتش : سەرکار پاێم شەلا و مجبوورنا بە سواری ئیلا و ئەولا کەروو ، بەزەیت بەیوە پۆرەمرە و وازم چەنە بارە ٠
حوکم بەدەسی وات : مشیۆ درهەمێ تەریچ بابەتوو شەلیەکەیت بۮەی کە گردش سەرجەم کەرۆ یەرێ درهەمێ ٠ چی وار و چوەرنە بەرکەوت هەرەکەیچ ماهەرەنە ٠
حوکوم بەدەسی وات : درهەمێوەتەرش پەنە زیاۮبی و بی بە چواردرهەمێ ٠
ڕاویارێ پارە ڕەۮ بی و یاوانە حەکایەت چێشا بەکابرای حوکم بەدەسیش وات : بەزەیت بەیوە پی هەڕ بەسەریرە دوێ ژەنیش هەنێ ٠
ساحێب حوکمیچ واتش : مشیۆ پەنج درهەمێ بۮەی ٠ گرم و قاڵ بەرز بیەو خەڵکێوە فرە مرۆشیاوە دەورشا ، کابرەیوە هەکە دوورەو ئاما و هەر سوارش دی شناساشوو واتش : ئەولقاسم چێشا ؟
حوکم بەدەسیچ واتش : مەبارەکا نامێچت ئەولقاسما پاو حوکمەکەو شایرە بۆ بە شش درهەمێ ٠
هەرسواری هەڕبەسەریچ واتش :
دەی واچە : * ئئ جەریمەو ماڵیاتە پەی ئەولقاسمی بڕیانەو * سەروو هەرەکێوە پەڕارە و هەرەش جیا ئاسەو شلەشەل بەرشی*
@VANADIHOWRAMAN
❣ داستانێوە زەریفە 🌷
🌼🍃 ئەر خاس سەرنجت دابیەی ناخوونێ هەرمانبەری هەڵای گچشا پۆ بێ و کناچڵەکێچش وروو ئینەیە ئەۮاش دوە گیانە بێ و براڵەیوەش پەی دنیا ئارێ وەشینە پەیش زەمین نەگنێنێ ٠ تاتەش ڕوەوە وەشحاڵ ئەرمانێ وەلێم دەروونەو وێران بێ٠
🌼🍃 ئەۮاو کناچڵەکێ چن تیکێ جلێ کوڕانێ هەرزانێش هۆرگێرتێبێنێ و کناچڵەکێ پەلە پەل جلێ گرانێ نیێ سەروو مێزەو دوکاندارەکەیەو و ئەۮاش ئەزنەو نیێشاوە یاگێ وێشا و واچێ : کناچڵەکێم ئی جلێ لالۆی دووکانداری پەی زاڕۆڵەکا وێش ئاردێنێ ! کناچەکێچ واچێ : دەی چێشا نمەبەرۆوە پەی یانەو وێشا؟
🌼🍃 منیچ پێسەو دووکاندارێوە کە جنسەکەش ورەشیۆ مشیەی وەشحاڵ بیەینێ وەلێم ناڕەحەت بێنێ ٠ بەلاچەم تەماشە کەرێنێ ئەۮا و تاتەو کناچەڵەکێ خەفەتبارێ و کناچڵەکێ وەشیش بێ ٠
🌼🍃 چ کەسێ وە یام چ چێوێ کەردەبێش کارێ ئی ئەۮا و تاتە کە خوۮا زاڕۆڵەی تەرشا پەنە مۮۆ نگەرانێ با ؟
نایلۆنێوەم نیا سەروو مێزەکێوە هەتا ئەۮاکێ زووتەر ئاجلا کە جیەیش کەردێ بێنێوە پێچۆشاوە ، منیچ چن تیکێ جلێم نیەی دلێ نایلۆنی ٠
🌼🍃 پیاکە ئاما وەروو دەمیموو واتش : لالۆ گیان چن کەرۆ ؟ واتم قابلوو تۆش نیارێ سەۮو پەنجا هەزار تمەنێ ٠ پیاکە کارتە بانگیەکێش دانێ پەنەو واتش : ئینشائەڵڵا ئاننۮەش چەنە مەنە بۆ ٠
🌼🍃کارتەکێم کێشتە وسەۮ و پەنجا قەرانێم داوەنە و هیشتای ڕەسیدوو دەسگاکێ ناما بەر پیاکە گووشیە قەۮیمیە مەڕیاکێش کیسەنە بەرئاردە و تەماشەیوە پیامڵەکەو بانگیش کەرد ٠ منیچ گورج قاقەزەکەم دەسگاکێوە کەندەو چەنی کارتەکێش نیەیم مشتەش و هەتا ئاما واچۆ : کەمت کێشان و جیاتی تمەنی ڕیاڵت حەساب کەردەن؟ دەسم فشارا و چەمێم وەنە گێرتەرە و واتم : خوۮا بەرکەت بۮۆ ٠
🌼🍃 ژەن و کناچڵەکێ نایلۆنەکەشا هۆر گێرت و خانە ئاواییشاکەرد وزیەیرە و پیاکەیچ وێش خڵاونا هەتا کارتەکێش نیاوە کیسە و دیش ژەن و زاڕوەکەش زیەنێرە واتش : ئینشائەڵڵا خوۮا ئانە خاسا بارۆت ڕا مانگێوەن بێ کارنا ٠
🌼🍃 واتم : پا و قەۮەمش خەیر بۆ چێشم کەردەن ؟ دالەیۆ کەمتەرم چەنە سانەیندێ ٠
کابرا لوا و منیچ واق و سەرسام ٠
ئاڕوە یەکەم ڕۆ بێ کە زەرەرێوە پەڕ خەیر و بەرکەتم کەرد ٠
❣ چ وەشا چی بارە ناوەشەنە ئاگاما یۆترینیەو بۆ ٠
@VANADIHOWRAMAN
هۆرامان چەمەو زەڵمی ❤️
ئەوەگێڵای پەی لاو
زوانی ڕەسەنی هۆرامی :
گارە : دنگوو کەرگەی هێڵەکەرێ
رمە گاو : گاوگەل ، گاوەل
گل گاوزبان :
گۆزربانە ، گوڵ گاوەزوان
صدا زدن بز وبزغاله : گدێ گدێ
گرانفروش : گرانجان
چشمە آب معدنی و درمانی : هانەوا
گردباد :
واگژە ، گەردەلوول ، وەی وڵە جنانێ
شعلە آتش : گڕ ، شۆڵە ، کڵپە
شرط بندی : گرەو
تاب و توان :
گریک ، هازی ، قۆرەت
گرەکور :
لکەکۆرێ ، گرەکۆرێ
حیلەگر :
گەڕباز ، فێڵباز ، چاچۆڵباز
جارو : گزی
درختچە گز : گزی چار
گزگل :
باوەقۆرەت ، باواعەمرە ،
پادو کدخدای آبادی ، گزیر ، پاکار
مو فرفری : چزڵیکەسەرە
نباتات علفی :
گژ و گیواو ، گژ و گیاو ، گزرە
صدای وزش باد : گژە ، گیڤە
بادتند پاییزی :
واگژە گەردە لوول
بیماری مالیخولیا : گلاراو
چشم درد : گل ، چەم ئێشە
@VANADIHOWRAMAN
جە وەڵاتێوەنە :
کە ژەنی بەزەریفیشەو مێژۆ 🌸
پیا :
بە داراییشەو پیان 🌸
چا وەڵاتەنە :
مەگێڵە شۆنەو ویر وباوەڕ و پیایەتی وئینسانیەتیرە ۰۰۰۰!
@VANADIHOWRAMAN
💢 ڕۆی بارامی گور
چەنی دەرباریا لوا پەی ڕاوێ . کەشەو لوا شۆنەو نەچیرێوەرە ، شەوە ئاما ملەرەو ڕاش وڵانا و دەسش جە هامڕایا بڕیا ٠ هیچش پەی نەکریا هۆساروو ئەسپەکەیش شل کەرد و هەتا ڕوەش کەردە هەریاگێ ئێۮیچ بلۆ ٠
💢 فرەیوە ڕاوە بێنێ هەتا بیابانەو یاوێ لاو دەوارێوە ٠ بارام چڕیش ئاوەۮانی مێمانێتا گەرەکا ڕاش وڵاونەی بۆ ؟ پیرە ژەنەیوە بە دەنگێ کزەو واتش : مێمان وەشەسیاو خوۮاین فەرماوە ٠ بارام لوا چوەر ٠
💢 پیرە ژەنەکێ کۆرە بێ و چن بزەێش بێنێ و تەنیا چەنی کناچڵێوە ژیوێ ٠ هەکە بارام ئاما چوەر پیرە ژەنکێ بە کناچڵەکێش وات : ڕۆڵەگیان لوە کوچالەی شۆت دۆشە بارەش پەی ئی مێمانیە ، کناچڵەکێچ چون بارام جلێ ڕاوێش پورە بێنێ نەزاناش پاۮشان ،
کناچڵێچ شۆت ئارد و بارام شۆتەکەش وارد و یاگێشا پەی یاوارە و ئێژیارە ٠
💢بارام هەڵای نەوتە بێ و تەماشەو ئاسمانی کەرێ ، وەروو وێشرە واتش : ئی حێواندارا ماڵیاتشا چی لەوەڕگایانە لەوەڕیا مشیۆ چی پووشانە( ۱) نەۮا ؟ ساعبێ یاونیەو قەسرە مشیۆ پووشانەشا پەی بنیەورە ٠
💢 ڕۆ بیەو پیرە ژەنەکێ بە کناچڵەکێش وات : ڕۆڵە گیان لوە شەوت دۆش پەی وەردڵوو مێمانەکەیما ! کناچڵەکێ نەما باۮیەوە لوا شۆت دۆشای ، دەسش دا گۆانوو هەر بزێوە دیش شۆتش نیا و وشکش کەردەن ! دەسی هاڵی بە سەرسامییەو گێڵاوە و واتش : ئەۮا سەمەرەن هیزی شەوێ بزەکێ گوانێشا پەڕێ بێنێ وەلێم ئیسە وشکشا کەردەن !!!
پیرە ژەنەکێ وات کناچڵەکێم ! سەرەت سڕ نەمەنۆ ، دڵنیەی بە شا ورمێ خرابش دیێنمێ پەی ٠
💢 بارامیچ کە گۆشش چی قسێوە بێ سەرەش سڕمەنە و وەروو وێشرە واتش : خۆ من جلێ پاۮشاییم نیەنێ پۆرە و هەڵای چێوێم نەدرکنان؟ ئی پیرە ژەنێ کۆرەیچەنە چەنیش زانا من نیهاۮم بەۮا ؟ پەرساش وەنەو پیرە ژەنەکی : ئەۮا گیان چی تۆ پاۮشات دیەن یام مشناسیش ؟ چەنی ئی قسێ کەری؟!
💢 پیرە ژەنەکێ کەردشەو جواب : لالۆ گیان وێت زانی من کۆرەنا چکۆتاوو پاۮشا وینوو تەنانەت بە عەمرم نزیکیچەو نەیاوێنا بە هیچ پاۮشەیوە وەلێم بە تەجرەبەرە زانوو هەر عانێ پاۮشا زڵم و زۆر کەرۆ وەنەو ڕەعیەتی عاسمان و زەمین و حێوانیچ وەرچەم تەنگێ با و وشکەساڵی و نەوەشی سەرانسەروو وەڵاتی گێرۆرە ٠٠٠
@VANADIHOWRAMAN
( ١ ) پووشانە زەڕێوە بێ دریێ بە ساحێب ئاڵف جاڕێوە کە حێوانەکەشا چا ئاڵف جاڕەنە لەوەڕنابێ ٠
نمەز کام زاڵم ؟ یا کام دڵ ڕەقا ؟
چەنی زێڵیش مەی کوشۆ ئی بەقا؟
ئی بەقێ دەنگوو هۆرامانینێ
پەی ساحێب زەوقی مایەو گیانینێ
لالۆ چن حەیفەن چون نەزانکارا
بی هەم قەتاروو زاڵم و زۆردارا
بازە با وەنا سەروو تاشاوە
چۆپی مەگێرە سەروو لاشاوە
دڵ وەش مەکەرە پی دوە ڕوە عەمری
ئینا ڕاتەنە چوەو دارە تەرمی
( فەهیم )
@VANADIHOWRAMAN
هێزی :
چەنی هام کارێوەم دەم بۆڵەیوەما بی و سووکیش پەنە کەردا و جوابم نەۮاوە 😎
ڕەفێقەکەم واتش :
ئافەرەم بێ دەنگیت سەلەمناش ئاوەزدارنی 👏
ئارۆ هەرئا ڕەفێقمە چەنی ئاهامکاریمە
دەم قڕەیوەشا بی و کەردشەو جواب :
من فڵانی نیەنا پێسەو بزێ بۮیۆت پورەو نق نەکەرۆ
دەموو سەقەڵت ماڕوو پێوەرە 😱
@VANADIHOWRAMAN
هۆبەنشینا
نویستەی : یەرە قۆڵی
حەمەی فەهیم
ڕەحمەتی هەیاس غەریبی
دلێر ئەداک
@VANDIHOWRAMAN