2411
وەنەدی سنۮۆقڵەی شیشەینوو یاگێ لیرە و جەواهێرینە تاودێ پی نام ونیشانە چێوما پەی کیاندێ @mofahim
🌷️نامێ ئا شار و دەگایا🌷
️کەبە️هۆرامی قسێ کەرا
@vanadihowraman
تۆ واچێ بەشەرێ ئەننۮامێ لاشەیوەبا ؟
دەردەو من تەنیایی نیەنە 🌾
بەڵکوو
مەردەی خەڵکێوەن کەنەبیەیشا
نامێ نیان ساچیای 🌾
بە خوێڕیگەری ماچا : خواینای 🌾
بەخوایچەو ئی گەوجیگەریە :
منیا ملوو حێکمەتوو خوۮای 🌾
(گاندی )
@VANADIHOWRAMAN
ماچا دوێ قوتبێ ،،،،، ئاچی عەرزەنە
شش مانگێش ڕۆن و ششتەر شەوەنە
ئەرێ من جە کام قوتبەنە ژیوو ؟
ساڵەهای ساڵا یەکسەر شەوەنە
(فەهیم )
@VANADIHOWRAMAN
سەنگەرا قەڵاو باوی وێمانەی !
زانایا عیلمی و ئاوۮانی یانەی !
شێرە کناچا ! وەتەنی وەشی !
وەنەشەوباخا وچنوورا کەشی !
هۆرامان چەمش هەرئینا راوە
باڵاتا پێویۆ 🌷 دانشگایاوە
ژیری و ماقوولێ ، بیەن کاڵاتا
وەفا و سەنگینی بڕیان باڵاتا
(فەهیم) @VANADIHOWRAMAN
هۆرامانوو ئەودیمی ، شاروو بیارێ
ئانە وەهاروو ئینەیچە پاییز
خەڵاتی خوۮایی وەتەنی ئازیز
@VANADIHOWRAMAN
ڕوێ جە ڕوا نگارێوە بێ
جەرگەو یارانە دڵدارێوەبێ
ئیسە ها ویەرد زەمانەو جوانی
پەناش بەردێنە عەسا و گۆچانی
( فەهیم )
@VANADIHOWRAMAN
پاییزوو ژیواری👆
ئەوەگێڵای پەی لاو زوانی ڕەسەنی هۆرامی :
گندە = تاباز ، زل و زەلام ، نەپۆڕ
تهدید = هەڕەشە و گوڕەشە
شبح = تاپۆ ، تارمایی
تخت سنگی کە روی آن نماز گزارند : تەوەن نما
تخت سنگی کە روی آن
مردەرا غسل دهند = تەتەشۆر
ستایش = تاریف
هنگام غروب = تاریکان
شب تاریک = تاریکە شەوە ، شەوەزەنگە
مدرن = تازەباو ، تازە بابەت
نوکیسە = تازەپۆرە کەوتە ، وێوە نەۮی ، هەتیمچە
تیغ تازە تیز شدە = تازە ساو
کلاەخود = تاسکڵاو
آرزومندی = تاسه ، عەزرەت ،
خفەشدن = تاسیای ، خنیکیای
آبشار = تاف ، تافگە ، وەزەن
تحمل ، تاقەت ، وەقرە ، گوارا ، وێ گێرتەی
تک و تنها = تاق و تەنیا
تک تک = یوە یوە ، دننە دننە ، دانە دانە ،جیاجیا
@VANADIHOWRAMAN
❤️ دەڵەمەرز ماوا ❤️
بەهەشتم ! ماوام ! ئەروام ! وەتەنم
خەڵاتی خوۮایی ! خوتەن ! ئەرمەنم !
هەریەسێ خاکیت ، کانە گەوهەرێن
هەر گوڵێت جەلام بۆوەش عەنبەرێن
هەتاکە ئەو ڕۆ گیانم مێمانەن
ئاوات و ورکەم وارگەی یارانەن
(فەهیم )
@VANADIHOWRAMAN
🍁 مامۆسا بێسارانی 🍁
و
🍁 وەرزوو پاییزی 🍁
@VANADIHOWRAMAN
مەولوی و :
شاربەدەر کەردەی ئەحمەۮبەگی کۆماسی پەی ڕەشت و گێڵانی🍁
میکس و مونتاژ : سۆران فەهیم
@vanadihowraman
پاییزاو خەزان ڕوەش کەردەو باخا
نەوسوێلی ڕەشت ، دیۮەو ئێڵاخا
هاکا بێ کەس کەوت بڵبڵوو چڵی
هەم بیناش نیاوە شیوەنوو گوڵی
تویچ نەبی غەڕەو مەقام و ماڵی
یام بە زریفی و جوانی جەماڵی
هەر پاییزش مەی ئی دنیای بێ پۆ
بابڵبڵ ئاسا نەبی ڕەنجە ڕۆ
وەشەڵێم پا کەسی ژیوا پاکانە
عەمرش ویارا بە سەر بەرزانە
نەبی خڵاموو ،،،،،، دەسەو زۆردارا
دنیاش بە ساچای و قەناعەت ویارا
( فەهیم )
@VANADIHOWRAMAN
وەختێ نەوسوەیل وەنەخشش مەیلەن
موژانم مووی نەخش ، دەس سوەیلەن
فیۮای باڵات بام وەیتەور کەردەن پێم
سوەیل مایەی ڕەنگ هۆرمەگێرۆ جێم
💐 بێسارانی 💐
ئەوەگێڵای پەی لاو زوانی ڕەسەنی هۆرامی :
مستقیم : ڕاس ، ڕاسا ، ڕاسەڕا
وسط : دلێ ڕاسە
انتها : ئەوپەڕ
فقط : تەنیا
مثلا : بنیەرە ، بنیەیمێرە
عصبانی : قوشقی ، تووڕە ، ئاڵۆز
خون سرد : سەروو وێ ، ئەهوەن ،
عاطفه ، احساس : سۆز
فاصله دار : شاش ، تەنک
شلختە : شپرز ، ڕیپاڵ ،
رودخانە فصلی : شەتاو
مناسب ، شایستە ، شیای ،
تدریج :
کەم کەم ، وەرە وەرە ، شێنەی ، سەروو وێ
اختلال : شێویای ، تێک شیەی ، ترازیای
باز شدە ، نرم : فش ، فشوو فۆڵ
تکبر ، خودنمایی :
فیز ، فیزوو فلاسقە ، قۆز ، وێ بەزلزان
سوت : فێقە
سوت دهنی : فیکە
صرع : فێ
آموختن : مسای ، فێر بیەی ، یاۮگێرتەی
چسپناک : لێق ، لینج
سرازیری ، سەرەو چێرە ، سەرەو وار ، لێژایی
گل و لای : لیتە ، هەڕوو لیتە
اهلی ، رام : لینی
تیرە ، کدر : لێڵ ،
خمرە : همێ ، بەسوە
مبالغە : هووشێ ،
تهدید : هەڕەشێ
@VANADIHOWRAMAN
قازی شاری :
گەرەکش بێ سەرە بنیۆ سەروو بارۆڵی و واتش :
خیاڵمارێ چێوێت وەنە پەرسوو جوابم مۮێوە؟
بارۆڵیچ وات : هەرچێ زانوو جوابت مۮەووە هەرچێم نەزانا پەڕسووش وەنەو وێت ٠
قازی پەرسا : ئەرتووتەیوە بانێوە پڕۆوە پەی بانێ تەری و وایێش چەنەبۆ وە ئا وا بڕیۆ بەکام ساحێب بانی ؟
بارۆڵی وات : بەهەربانێوە نزیکتەر بۆ بڕیۆ پاۮی ٠
قازی وات : ئەر مەۮوو ( فاصله ) دوە بانەکەی پێسەو یۆی با چێش ؟ا
بارۆڵی کەردەو جواب : یۆ نیمەشا پەنە بڕیۆ ٠
قازی ئەزنەو پەرساشەو : ئەر ساحێب یانەکێ نەبا پارە تەگبیر چێشا ؟
بارۆڵی وات : ئیتر ئانە سەروو بەیتولماڵین و بڕیۆ بە قازی 😁
@VANADIHOWRAMAN
🍁🍁🍁 🍁🍁🍁 🍁 🍁🍁
وەنە گەورەکێ ! بەرزوو وەڵاتیم
نیشانەو وەشی و ئامەۮ و هاتیم
کێ بێ کەیش نیای دیارگەو یاراوە
قەرەوڵ ئاسا مردەینی پاوە
چن کەسێت دیێ تۆ جە زۆردارا
داشا ئازارەو بێ کەس و کارا
چ هەژارێت دی بێ بەش جە وەشی
کزۆڵوو خەمین جە دنیا بەرشی
چن زوقموو سرداو کەڕێوە وبۆران
چن دەمە و تۆفوو ملەگاو هەردان
چن عەتروو شەوبۆ و بەرزە دیاران
چن قاقبەو بەقوو ، پاو لانساران
چن سەۮای سەروەش ئاما نە گۆشت
چن شۆخی شۆخان ئەڕفانا هۆشت
ئاخ شەڵڵەی تاوێت چون ئاوەزداران
کەردەیت حەکایەت ویەردەی یاران
هەزاران داخێم فرەت دی بەچەم
وەلێم نەتاوات کۆرنیشەو بەدەم
بازە با سینەت خەزانەئاسا
بۆ بە سننۮۆقڵەو گەوهەر شناسا
تا بەش ئینەخوۮان جەڕۆزگاران
ئاوەزدارێوە نە جەرگەو یاران
دڵسۆزان ئاسا پەرسۆتەو وەنە
زانۆ خەزانەت چێشش هەن چەنە
(فەهیم )
@VANADIHOWRAMAN
پاییز بارخانەش 🍁 پێتەو جە باخان
سەردەن سەرهەردان چۆڵەن ئێڵاخان
هانێ بێ نازێ و بوڵبۆڵ خەم نە کۆڵ
شاروو خامووشان سارا دەرە و دۆڵ
( فەهیم )
@VANADIHOWRAMAN
تەیموورە شەل ( تیمورلنگ )هەڵمەتەش دا وەنە وەڵاتوو عوسمانی و حکوومەتوو عوسمانیش ماڕا و پاۮشاە عوسمانی بە دیلی گیریا ٠٠٠
تەیموور قەسرەنە نیشتەبێرە و واتش : پاۮشاو عوسمانیم باردێ پەی ٠٠٠
شاشا ئارد ، هەکە تەیموو چەمش کەوت پەنە : دەسش کەرد خوای ٠ پاۮشاو عوسمانی چەمێوەش کۆر بێ واتش : بەچەم کۆریم خوی؟! تەیمووریچ واتش : نە
واتش من شاو عوسمانینا پلە و پایەم پێسەن تۆ هەر ئینە زاڵ بیەنی ڕەوا نیا وەرەچەموو گەورا دەرباریتەو سووکم کەری ٠٠٠
تەیمووری کەردەو جواب : لاو منەو قەۮر و حورمەتدارنی !
بە چێوێ تەری خوانێ ٠
شاو عوسمانی وات بە چێشی خوای؟
تەیمووری وات :
بە هەڕ بەسەری خەڵکوو ئێران و عوسمانی خوو کە ئاخر و عاقیبەتشا کەوتەن دەسوو من و تۆی شەل و کۆری ٠٠٠
@VANADIHOWRAMAN
ئی کەلیما وەڵێنە عەرەبی یام فارسیێ بێنێ ، وەلێم ئیسە بیێنێ بە هۆرامی :
تعریف = تاریف
بهرە = بارە
خلعت = خەڵات
كل من الوجه : هیچ کول وەجێ
معشوقە = ماشقە
طعم = تام
محنت = مەینەت
طالع = تاڵە
قناعت = قنیات
سهیل = سوەیل
محبت = مەوبەت
لعل = لاڵ
بعضی = بازێ
کسب = کسم
عبدالان = ئەوۮاڵان
ارواح = ئەروا
قحطی = قاتی
شعلە = شۆڵە
عزیز = ئازیز
معلوم = مالووم
اجل = عەنجەڵ
اهمیت = هەمیەت
کاشف بەعمل آمد = کاشی بە عەمەڵ ئاما
سەباح = سەبا - سەوا
یعنی = یانی
عرق = هارەق
حق = هەق
عالم = ئاڵەم
نونهالان = نەوهاڵان
صحرا = سارا
ضعیف = زاییف
معلق = مەولەق
قهر = قار
فهم = فام
تدبیر = تەگبیر
تٲمل = تامڵ
مٲواء = ماوا
بحث = باس
@VANADIHOWRAMAN
چی قەزەی ئی گاوێ نەگنا وەنەو فرەتەروو ڕابەرا دنیەی ، ئەویشا جەنگی هۆر گیسناو ئێۮە کوشنایش کوشنۆوە ٠
بە فەرمایشوو پیروو شیرازی سەعدی ڕەحمەتی :
هەر و گاوێوە هەرمانە بەرا
ماقووڵ تەرێنێ جە نابەشەرا
@VANADIHOWRAMAN
✍️ قسێوە مەکینە
جە شەورەوی کومونیستینە پیرەژەنێوە ملۆ دەرمانگا و بە مونشیەکەی ماچۆ :
« زەحمەت کێشە وەختێوەم بنیەرە پەی هەتا دۆکتۆروو گۆش و چەمی وینۆم .»
مونشیچ ماچۆ ئەۮا گیان :
«دوکتۆروو گۆش و چەمی ؟!
چێمنە دۆکتۆرێ نیا ، ئیسە ناڕەحەتی تۆ چێشارێ ؟»
پیرەژەنەکیچ کەرۆوە جواب :
« * خەلێوەن چی وەڵاتەنە ئانەی کە مژنەوو نمەوینوو وە ئانەیچ کە وینوو نمەژنەوو * »
مونشیچ ماچۆ : ئەۮالێ گیان !
« نامێ ئی نەوشیە *سوسیالیسما* دەردەی بێ دەرمانەنە.»
#میخائیل_میلنی چینکو
@VANADIHOWRAMAN
#هورامان
دەگاو دێوەزناوی👆
ئەوەگێڵای پەی لاو :
زوانی ڕەسەنی هۆرامی💐
ئا کەلیمێ کەئینەی دلێ شێعرێ شاعێرا ئەوساینە :
سەیوان =
چەترە ، سایەبان ، کەپرە
سێوەنگ =
سیاوی زەریف و وریشەۮار
شاخە نەبات =
نامێ ئاکناچێ بیێنە کەحافێزی شیرازی دڵش شیێنە وەنە
عەرق چین : کڵاوە
عەلیل =
ناساق ، دەردەۮار ، نەوەش ، بیمار
عێشوە = ناز
عیقاب = سزا ، هەقەو سانای
غول =
دیۆ ، درنج ، دەعبا
غەزا =
جەنگ کەردەی جەڕاو دینینە ،
غیلمان =
جەمەعەو غوڵاما ، بەردێ ، عەبدێ ، زەڕخەریۮێ
فانی =
دلێنە شیە ، نەمەنە ، فۆتیا
فریفتە =
خڵەتیا ، کڵاو سەرلوا ،
فەراغ =
ئاسوودە بیەی ، ڕەحەت بیەی ، ئەوە سەیای
فەرخندە =
مەبارەک ، دەرد واردە
قاش = برۆ ، لت ،
قوت =
واردە ، زاۮ ، خوراک
قەڕاڵ = پاۮشا
پیری بێ هاز ، پەک کەوتە ، ئەرەشنیا ،
قەرقەف =
شەراو ، بادە ، مەی ،
قەرە پۆش = سیاو پۆش
قەرەوڵ ، نگابان ، کێشکچی ،
قەرەوڵ خانە = یاگێ نگابانا ،
@VANADIHORAMAN
🍂
قسێوە وەشە :
وێرەگاوە عانێ پیاکە ئاماوە ، ژەنەکێ پەلەپەل کاغەزێوە کە زووتەر چەنەشەنە نویسا بێ : ئیتر گوارات نمەکەروو و بێزارەنا چەنەت و خیاڵما لاتو نەنیش و ئانا لوانیوە پەی یانەو تاتەیم سەروو مێزەکێوە نیاشەرە و وێش چێروو تەختەکەینە شاراوە هەتا بزانۆ شوەکەش چێش کەرۆ ٠
٦
پیاکە مانیا و مەردە هەکە ئاماوە و دیش یانە چۆڵ و هۆڵا ، چڕیش وەنەو ژەنەکێش وەلێم نەبیە ، کوت و پڕ نامەیوەش دی ، وەختارێ نامەکەش وەناوە ، سەرشەو چن کەلیمێش نویستێ و نیاشراوە و گووشیەکەش کیسەشنە بەر ئارد و زەنگش دا و دەسش کەرد قسە کەرەی و واتش : سڵام دڵەکێم ! خاسەنی ؟ من عەلعان ئامانیۆ یانە ٠
ژەنەکێم ڕەحموو خوۮایۆ لوێنەوە یانەو تاتەیش و نەجاتم بی دەسشەو ، تا دە دەیەقێ تەر مەو پەی لایت و یانەنە زیارە ٠
ژەنەکێچ بە ئاڵۆزیەو چێروو تەختەکەینە ئاما بەر و داخێنە لەرزای لەرزیێ ، عانێ لوا سەر وەختوو نامەکەیشەو دیش شوەکەیش نویسەن : قاچێت چێروو تەختەکەیۆ دیارێنێ ئانا من لوانێ نان سانای ٠٠٠
@VANADIHOWRAMAN
هۆرامانی وەشەسیا🍁 پاییزوو زەڵمی🍁
پاییز سەفەری و زمسان ڕاویارەن وەقرەم بێ وەقرەی ، ئامای وەهارن
وەرزاو وەرزەکەو چەرخوو دەورانی ئاساو ئاسایی ،،،، عەمرش هاڕانی
(فەهیم )
@VANADIHOWRAMAN
جوابێوە :
تەمام تایبەت و هەمیتدار سەروو باسوو سەبایای ٠
( ژەنوو زاڕۆڵێ دیلێ جەنگیێ )
💠 مامۆسا عبدالرحمن صدیق
@VANADIHOWRAMAN
هۆرامانوو ئەو دیمی🍁
پاییزوو دەرەو زەڵمی
ئەوەگێڵای پەی لاو :
زوانی ڕەسەنی هۆرامی :
طلسم : چاچۆڵ ،
علاج : چارە
دامن لباس :
چاک ، دامنە ، پاڵدامنە
طرد سگ : چغ
چهچه : چریکە
نیش : چزێ
بدرک :
چش ، بەتوون ، جەحننەمی جار
نخ آب : چۆڕە
زانوو :
چۆک ، زرانی ، زەنگۆڵ
جناغ سینە :
چەڵەمێ سینەی
چگونە : چەنی
مزەکردن : چەشتەی
شغال : چەقەڵ
کاسنی : چەق چەقە
خمیدە :
ئەوەچەمیا ، کووڕ ، کۆم
منحرف :
چەفت ، بەۮڕا ، بەۮ ڕەفت
چمن : چیم ، چیم
@VANADIHOWRAMAN
دەگاو ژیواری :
ئەوەگێڵای پەی لاو :
زوانی ڕەسەنی هۆرامی ❤️
وعدە : واڈە ، قەوڵ
خوراک : واردە
زیستگاە ییلاقی :
وارگە ، هەوارگە ، هۆبە
خواهرزادە : وارەزا
دغدغە : ورکە ، وتوو ویرە
پنبە : وڕێ ، لۆکە
میوە باد ریختە : واڕێزە
درجا : وێحەن
گوش بە زنگ : وازڕ ، گۆش قوڵاخ
درخت نارون : وزمی
بادتند پاییزی :
واگژە ، وەیوڵە جنانێ ، گەردەلوول
بیم و ترس : واهیمە ، خۆفی ، سام
شایعات :
وات و ویت ، شاوارە ، دەنگ وباس ، مقۆ مقۆ
سخنان پوچ و بی مزە :
وڕێ ، ڕێسای ، لاژەلاژ ،
خرت و پرت : وردە واڵە ، خڕ وپڕ
گلە دوستانە :
وردە گلەی . گلە و بناشت
@VANADIHOWRAMAN
کەماڵا 🦋
چون خەزان زەرد ڕەشتەی سوەیلم
جە یاران بڕیا و دوورکەوتەی لەیلم
لەیلم هۆرامان ،، نەجدم کۆ وکەمەر
جوانیم ویەرد ،، عەمرم بێ سەمەر
پیادە ڕۆ تەڵان ،، خیابان سارامەن
گرمەو ماشینا ،،،،،، بوڵبوڵ نەوامەن
دووکانێ کەپرێ ،،،،،، پاساجێ باخێم
پەی مەسکەنوو وێم هەزاران داخێم
(فەهیم )
@VANADIHOWRAMAN
🍁 برایی 🍁
کاکەم سوار بۆ منیچ هەر بە پەی
ئاۮ ئەسپی تاو دۆ منیچ بە ڕەمەی
ئەو یانەوەی بۆ ،، منیچ سواڵکەر
ئەوقەڵەم بە دەس من شۆن کەوتەی هەر
هەر واچوو برامەن ، بە نەزانانە
ئەر ئینە برایین تووتەم ٠٠٠٠ نانە
(فەهیم )
@VANADIHOWRAMAN
هۆرامانی ڕەنگین ، دەگاگا 🌷
ئەوەگێڵای پەی لاو زوانی ڕەسەنی هۆرامی :
آینە : جام
اجازە : ڕادای
احترام : قەۮر
اختلاف : ناکۆکی ، جیاوازی
اخموو : میا چەم تشیا ، دلێ چەم تشیا
ارزن : هەرزنی
ارە : مشار ، شەقە مشار
ارە دستی : دەسەڕە
استخدام : ئەرمەرزیای ، مرزیایرە
استکان : پیاڵە
زیر استکان : چێر پیاڵە
استودیۆ : تۆمارگە
اسفنج : هەور
اسقف : سەرقەشە
اسیر : دیل ، گیریا ،
اشتراک : هامبەشی
اشک : هەرسی ، ئەسرین
اصل : بنج ، بنەڕەت
اصیل : ڕەسەن
اضافه : زیاۮە
اطراف : دەور ، دەورەرە
اطمینان ، دڵنیایی
اعتصاب : مانی ، مانکەردەی
اعتماد : پۆرەپەرمای ، باوەڕ کەردەی
اغراق : هووشێ
افترا : تۆمەتە ، هۆربەس
افسانە : ڕازە
افسار : هەوسار : جڵەو
@VANAFIHOWRAMAN