-
يا زهره كتبت بدمعي و ونيني اخدم للخدم ارجو تقبليني رابط القناة 👇 https://t.me/Um_Yahya13
عتاب السيدة زينب لأخيها العباس عليهم السلام
يا عباس ....درب المشرعه منين
اجيتك شايطه وبدمعة العين
عباس ونينك //يا ذيني
جيتك شايطه والحيل مهدوم
اعثر بالمشي والگلب مالوم
مطبر علنهر والخبر معلوم
طبوا بالخيم جيش الملاعين
اجيتك يبن ابوي وگلبي ملهوف
بلحومه ركض واللون مخطوف
اخافن علنهر جودك والچفوف
ادور علكفل وسط الميادين
لگيته عالنهر كافل ضعنه
صحت يا من جبتنا گوم ردنه
شلون تنام وي غربه عفتنه
وراسك بالعمد مطبور نصين
تخليني بغربه گلبك اشگال
مو عندي عليل وحرم وعيال
موش انا الوديعه وانت كفال
عليمن منتكل مذبوح الحسين
حقيبتك في المجلس
قناتي (وليال عشر)
التي تتضمن محاضرات ومقتل ونعي وقصائد
وسفرة ام البنين
اسال الله ان يتقبل مني ومنكم صالح الاعمال
/channel/Um_Yahya13
جاءت زينب عليها السلام الى مصرع اخيها ابو الفضل العباس عليه السلام لونها مخطوف
وقلبها يرجف من الخوف
شلون رات اخوها بيا حال
مفضوخ الجبين .... مقطوع اليدين... السهم مستقر بالعين...
يا عباااا س يا عباااا س
يا عباس // صواب اليوجعك وين
اضمده بمعصبي وبدمعة العين
🎤🎤🎤📖📃📖
اجيتك خايفه بدموع عيناي
حركوا كل خيمنا كوم يا عضاي
اخوي موذر وطايح على الماي
وطاحت رايته اويمها جفين
🎤🎤🎤📖📖📖
نصابت جربته الرايه والعين
وشافت عالرمل مشموره جفين
سابح بالدمه مفضوخ الجبين
سمعت ونته يتنخه بحسين
🎤🎤🎤📖📖📖
بيتك فرهدوا يا كمر عدنان
النومه موش الك فارس الميدان
ظل عليلكم وحده وحيران
يا نار الخيم والسبي نارين
🎤🎤🎤📖📖📖
كوم شيل الجود سيفك والعلم
يردوني هديه يا والي الحرم
ترضى يا عباس تحديني الزلم
وانت اعله النهر وبلايه جفين
🎤🎤🎤📖📖📖
حسين تحير // من طاح زماطه
كافلها // بالحومه تدور
انت المعزى مولاي يا صاحب الزمان
بقلم خادمه الخدم ام يحيى الخزعلي
لا اجيز حذف الاسم
/channel/Um_Yahya13
/channel/Um_Yahya13
قصيدة في شجاعة العباس
فزاعيه بقفلة الهوسة
هذا ابن الفحل // وربات سادات
خله بكربلاء ذكرى ورايات
لاك اعليه // السيف ودرعه
🔥🔥🔥🔥
ركب مهره وتعنه القوم ساير
الليله كربلا تصبح مكابر
كولوا لسيدي لا يظل حاير
تباهت بيه // زهره وبتها
🔥🔥🔥🔥
غضبان الولي وحمرت العين
طير رؤوسهم ابن الميامين
هذا الشال هم واحزان الحسين
حاير بيه // شط والملعب
🔥🔥🔥🔥
شايل رايته غاير عليهم
ما جت كربلاء والكاع بيهم
فرسان التراجف ها اشبيهم
طب الميدانه // الموت العاجل
🔥🔥🔥🔥🔥
عزرائيل يستعجل بالارواح
ابو فاضل حصدهم حصد من صاح
اللاحه بضربته نصين من طاح
يعدل ميزانه // بطكة سيفه
🔥🔥🔥🔥
البرق بالسيف والصوت الرعيده
ليضربه ابو فاضل ما يعيده
تظل تاريخ هداته ووعيده
الطف اليشهد // بافعال النيبه
🔥🔥🔥🔥
لليوم اظل /// نذكرها افعاله
ترضة تنشتم // بنت الرساله
انهض ليها // عباس اختك
🔥🔥🔥🔥
انت المعزى مولاي يا صاحب الزمان
بقلم خادمة الخدم ام يحيى الخزعلي
لا اجيز حذف الاسم
/channel/Um_Yahya13
ختامية مجلس العباس عليه السلام
اويلاه طاح الكمر.... اويلاه طاح الكمر
طاح الكمر فوق النهر
والسهم بعيونه استقر
وبالعمد راسه منطبر
والرمح نابت بالخصر
الرايه ظلت عالنهر
اويلاه ..... اويلاه
وحسين هالظهره انكسر
ودموع بعيونه مطر
اوحيد ما بين الكفر
بحبال زينب والزجر
حفاي داسو عالجمر
يزمخ على سكنه الشمر
🎤🎤🎤🎤🎤🎤📃📃📃📃📃📃🎤🎤🎤🎤
يعباس وين الوعد
سكنه ضربها ابن سعد
انهض السبع القنطره
يا حيف جفك عالثره
ظلمت دنيانا // بيوم وطاح الكافل
انت المعزى مولاي يا صاحب الزمان
بقلم خادمة الخدم ام يحيى الخزعلي
لا اجيز حذف الاسم
/channel/Um_Yahya13
عتاب زينب«؏»مع العباس«؏»
اشلون ايشيل//
شيال الكلافات
آ شهيد الجبل لو شال كلفات
اشلون ايشيل
شيال الكلافات
اشلون يموت
شيال الكلافات
جذب مامات
شيال الكلافات
هذا ابو الفضل ماظنتي طاح
يهز الجيش كله لو رجف طاح
يطير روسها من اركابها ماح
تميل جيوشها من الخوف ميلات
اشلون ايشيل
شيال الكلافات
شلون تموت منك خايف الموت
ياكوسج بحر ماشاله تابوت﴿ياآفه الموت﴾
جنت بحماك طرف الخيمه مافوت
هسه لخيمتي حتى الشمر فات
اشلون ايشيل
شيال الكلافات
خويه شلون تقبل بين الانذال
اسيره وانسحبو ابذل الحبال
تخملني يتامه والحمل مال
تقبل غيرتك نمشي اسيرات
اشلون ايشيل
شيال الكلافات
جبتني بصايتك خويه يعباس
ادري بغيرتك نار ومنتجاس
شلون تعوفني مابين الارجاس
ويه موتتك حتى الخدر مات
اشلون ايشيل
شيال الكلافات
شلون يعوفني الجنت بحماه
باب الخيمه مايرضالي ادناه
من شلت جفوف اصيح ويلاه
اشلون ايشيل
شيال الكلافات
من شفت الجفوف ايست رديت
ادورلي ستر لو حركو البيت
من طكني الشمر واشلون ماجيت
ظلت بالگلب مو لجمه لجمات
اشلون ايشيل
شيال الكلافات
انت المعزى مولاي يا صاحب الزمان
بقلم خادمة الخدم ام يحيى الخزعلي
حقيبتك في المجلس
قناتي (وليال عشر)
التي تتضمن محاضرات ومقتل ونعي وقصائد
وسفرة ام البنين
اسال الله ان يتقبل مني ومنكم صالح الاعمال
/channel/Um_Yahya13
مقتل ابو الفضل العباس
بقلم الخادمة ام يحيى الخزعلي
عند سقوط ابي الفضل متاثرا بضربات السيوف ورميات السهام سقط من على ظهر جواده نادى السلام عليك اخي يا ابا عبد الله الحسين
عندما سمع ابي الفضل يناديه باخي وهو كان طول عمره يناديه بسيدي ومولاي فلما سمع الإمام عليه السلام نداءه قال : وا أخاه ! وا عباساه ! وا مهجة قلباه ! فأتاه كالصقر إذا انحدر على فريسته ، ففرقهم يمينا وشمالا بعد أن قتل سبعين رجلا منهم ، ونزل إليه
عندما وصل اليه وجده باي حال مضرجا بالدماء مقطوع اليدين مطبورا الجبين وسهم في العين،، وطعنات رمح ورميات سهم وضربات سيوف وكانت دم يسيل من كل جانب بأي حال العباس عين فيها سهم والعين الاخرى سالت دم عليها فلا يرى طريقه ولا يرى ما امامه
نادى : وا أخاااه ! وا عباسااااه !
جلس بجانبه الحسين عليه السلام يبكي عندما سمع العباس عليه السلام بوجود شخص عند راسه اعتقد ان هذا الشخص جاء لذبحه قال
يا هذا امهلني قليلا حتى يقدم الي اخي وحبيبي الحسين فيودعني واودعه
الحسين باي حال
حط راسه بحضنه ودمعه العين
يا عباس انا اخوك الحسين
بطل الحسره وبطل الونين
انا اخوك هذا اللي يحاجيك
يريت روحي ياخوي تفديك
مطبور راسك ومكطعه ايديك
خويه انت السند وانت التجيه
حزام الاخوه نفل بديه
يا خيمتي وطاحت عليه
يا عباس دير الوجه ليه
بحالك ثقل همي العليه
كسر ظهري نومك على الوطيه
الحسين يرى عضيده وسنده في هذا الحال يئس من العباس وهو غريب وحيد مطلوب من الاعداء يريدون قتله وعنده عوائل ونساء في حمايته واطفال
وهو غريب بين قوم لا يخافون الله ولا فيهم رحمه ولا شيمه العرب
خويه والعرب يردون دمي
خوي انقتل واولاد عمي
دمي تريده التمت الناس
شلون البصر بختك يا عباس
تظل وي قوم الما عدها نوماس
يصعب بهالحال اشوفك
مطبر الراس مقطعه جفوفك
شلون يا ابن ابوي اعوفك
قال الراوي: فانحنى عليه الحسين عليه السلام ليحمله ففتح العبّاس عينه فرأى أخاه الحسين عليه السلام فقال له: إلى أين تريد يا أخي؟
فقال إلى الخيمة، فقال: أخي بحقّ جدّك رسول الله صلى الله عليه وآله وسلم عليك، أن لا تحملني دعني في مكاني هذا، فقال عليه السلام: ولماذا؟ قال لحالتين أمّا الأولى: فإنّي وعدت ابنتك سكينة بالماء ولم آتها به فإنّي مستح منها، وأمّا الثانية فإنّه قد نزل بي الموت الذي لا بدّ منه. فقال الحسين عليه السلام جزيت عن أخيك خيراً.
رحم الله الشاعر
(نصاري)
يخويه حسين خليني بمكاني
يكله ليش يا زهرة زماني
يكله واعدت سكنة تراني
بماي ومستحي منها ومكدر
آجركم الله وبينما الحسين عليه السلام عند أخيه أبي الفضل إذ شهق شهقة وفارقت روحه الدنيا صاح الحسين: واأخاه واعبّاساه.
رجع للمخيم استقبلته سكينه
شفتك يبويه وزاد وني
من رديتلي والظهر محني
كلي يبويه وين عمي
كف كف دموعه بكمه وقال عظم الله لك الاجر بعمك العباس
فتلقته أخته الحوراء زينب عليها السلام وقالت: أبا عبد الله أراك رجعت وحيداً فريداً؟ أين ابن والدي؟ أين أخي
العبّاس؟ قال: عظم الله لك الأجر بأخيك أبي الفضل، وقيل ما كلّمها بشيء، بل راح إلى خيمة العبّاس، فأسقط عمودها فارتفعت الأصوات بالنحيب والبكاء...
وأرادت العقيلة أن تذهب إلى مصرع العبّاس ولكن الإمام عليه السلام منعها قائلاً: لا تشمتي بنا الاعداء
ثم دخل الى خيمه ابو الفضل وسحب عمود الخيمه واسقطها رات العقيله هذا المنظر صاحت واخاه وعباساه وقله ناصراه وضيعتنا من بعدك
جايب رايه العباس جا وين
مكسور الظهر وتدمع العين
انقتل عباس خويه زيدي لونين
لكنها لم تخرج الى مصرع ابي الفضل العباس الا في ليله الحادي عشر رعاية الستر والحجاب فهي مخدرة وعقيلة الطالبيين
لا حول ولا قوه الا بالله العلي العظيم
وسيعلم الذين ظلموا آال محمد اي منقلب ينقلبون
انت المعزى مولاي يا صاحب الزمان
بقلم خادمة الخدم ام يحيى الخزعلي
لا اجيز حذف الاسم
/channel/Um_Yahya13
من المستحب ابتداء المجلس بقراءة القران الكريم
واني خادمتكم حضرتلكم هاي المحاضرة القصيره عن سوره الفجر
قصيده لحميده و اولاد مسلم عليهم السلام
گومي يا حميده وزيدي الونين
من ضاعوا اخوتك دمعة العين
اليتامى وين وانا ما شفتهم
من حرگو خيمنا ضيعتهم
حدر الخيل اضنها ساحگتهم
لو طرو الهيمه وين ناوين
صار غروب همه ما اجوني
لا هيدا ولا تغمض عيوني
يا مسلم اولادك حيروني
غريبه بلا ولي مذبوح الحسين
بعيد بالفله من طاح عباس
ادور اولادي لو الطم على الراس
شلون امشي وخيلهم يهالناس
هذوله من سبي ظل گلبي والعين
عمايمهم خطر والنور بيهم
مسلم وين ما دور عليهم
بهيمه وبالشمس من يباريهم
خافنهم يساره ويه الملاعين
طاح الليل واسمعهم يونون
اخافنه انذبح طاهر زغيرون
صعبه السيف بيهم ما يحملون
مسلم ما دره باولاده ميتين
مسلم وين// ويحميهم
انت المعزى مولاي يا صاحب الزمان
بقلم خادمه الخدم ام يحيى الخزعلي
لا اجيز حذف الاسم
حقيبتك في المجلس
قناتي (وليال عشر)
التي تتضمن محاضرات ومقتل ونعي وقصائد
وسفرة ام البنين
اسال الله ان يتقبل مني ومنكم صالح الاعمال
/channel/Um_Yahya13
اليوم السادس
مجلس اولاد مسلم ابن عقيل عليه السلام
آثار الذنوب
صلى الله عليك يا رسول الله صلى الله عليك يا نبيي الله صلى الله عليك يا ابا عبد الله يا غريب يا مظلوم كربلاء يا ليتنا كنا معكم سادتي فنفوز والله فوزا عظيما
بسم الله الرحمن الرحيم
{ونحن اقرب اليه من حبل الوريد}
سوره ق اية ١٦
الله عز وجل قريب يعلم ما نعاني ونشتكي ويعلم ما نحتاج، الله عز وجل قريب منا لكننا بعيدين عنه لماذا ؟؟
بسبب الذنوب التي نقترفها!
بسم الله الرحمن الرحيم
{ كلا انهم عن ربهم يومئذ لمحجوبون }
سورة المطففين ايه ١٥
فالذنوب هي اجرام بحق النفس وبسببها تبتعد النفس عن الله تعالى ،فهذه الذنوب هي عصيان لله تعالى وتعدي على حدود الله ،كل غيبه هي اجرام كل تهمه على الاخرين كل خداع ونظرة حرام هي اجرام على حدود الله . كل واحدة اذا تحاسب نفسها تجد كثيرا من الذنوب والمعاصي حتى لو تحبس نفسها حتى لا ترتكب الذنوب لكن باتصال هاتفي واحد اذا كان فيه غيبه أو حسد يحرق كل هذه الحسنات بالذنوب..
عزيزاتي المواليات الذنوب تجعل حجاب وحاجز بيننا وبين الله تعالى وهي السبب الامراض والنقم
وايضا تحبس الدعاء ...
في دعاء كميل يقول:
اَللّـهُمَّ اغْفِـرْ لِي الذُّنُوبَ الَّتي تُنْزِلُ النِّقَمَ،
اَللّهُمَّ اغْفِرْ لِي الذُّنُوبَ الَّتي تُغَيِّـرُ النِّعَمَ،
اَللّـهُمَّ اغْفِرْ لي الذُّنُوبَ الَّتي تَحْبِسُ الدُّعاءَ،
اَللّـهُمَّ اغْفِرْ لِي الذُّنُوبَ الَّتي تُنْزِلُ الْبَلاءَ،
لهذا السبب نتخذ الوسيله الى الله بالدعاء في لغفران الذنوب وقضاء الحوائج.
فلا يغفر الذنوب الا الله عز وجل ولكن نطلب الوسيله نطلب من ائمتنا ان يدعو لنا الله عز وجل ان يغفر ذنوبنا ويقضي حوائجنا فاذا غفرت ذنوبنا ارتفع دعائنا فالذنب يحجب ارتفاع الدعاء
{اتقوا الله وابتغوا اليه الوسيله }
سوره المائدة ايه ٣٥
من هم الوسيلة؟
هم محمد وال بيت محمد ،،
واحنه شيعة الحسين منو وسيلتنا؟؟
احنا غير حسييبن ما عندنا وسيييله
والذنوب هواي كفتها ثگييييله
اليوم احنا قاصدين اولاد مسلم هؤلاء ايضا من آل محمد
لما دعوا على ذباحهم ....
اخذهم على شاطئ الفرات واراد ان يذبحهم
قالوا ارحم صغر سننا فلم يرقّ قلبه.
وقالوا احفظ قرابتنا من رسول الله رفض
قالوا اذا كنت تريد المال فانطلق الى السوق وبعنا ولا تكن ممن يخاصمك محمد في عترته رفض وابا الا ان يقتلهم ..
فطلبا منه أن يصليا لربهما سبحانه فقال : صليا إن نفعتكما الصلاة ، وبعد أن فرغا رفعا أيديهما الى الله سبحانه وهما يقولان :
(يا حي يا حليم يا أحكم الحاكمين إحكم بيننا وبينه بالحق).
اجركم الله شيعه يا معزين
فقدّم الى الأكبر وذبحه فتمرّغ الأصغر بدمه وقال : هكذا ألقى رسول الله وأنا مخضّب بدم أخي ، ثم ضرب عنقه ورمى ببدنهما في الفرات وأقبل بالرأسين الى ابن زياد وقصّ عليه ما داره بينهم من حديث.
فقال ابن زياد له : إن أحكم الحاكمين حكم بقتلك ، وأمر به فأخذ الى الموضع الذي قتل فيه الغلامين فضربت عنقه وذبح فيه مكان ذبحهم ونصب رأسه على رمح والصبيان يرمونه بالحجارة ويقولون : هذا قاتل ذرية رسول الله .
نعي
يساعد الله قلبك يا زينب ... آه يا زينب
اطفي الخيم لو ادور عليك
يمدلول قلبي يون ليك
مدري اشسوى الوكت بيك
🔥🔥🔥🔥
ضاعوا بليل وتهت منهم
عيني تهل واتبع ظعنهم
راحوا هلي وبعدت عنهم
🔥🔥🔥🔥
ويه خوه حط ايده بايده
وطرو الهيمه البعيده
والسباع ترست البيده
🔥🔥🔥🔥
ودينا لهلنه وارحم امنه
تهنه بكربلاء من انذبح عمنه
لا يحن كلبه ولا رحمنا
🔥🔥🔥🔥🔥
يحاجونه والدمع طفار
دعوف الذبح والسيف حار
واحنه عالذبح ما نحمل زغار
🔥🔥🔥🔥🔥
الكافر غضب والسيف بيده
حطه اعله نحره وحز وريده
اطفال غربه وهاليهم بعيده
🔥🔥🔥🔥
انت المعزى مولاي يا صاحب الزمان
بقلم خادمه الخدم ام يحيى الخزعلي
لا اجيز حذف الاسم
حقيبتك في المجلس
قناتي (وليال عشر)
التي تتضمن محاضرات ومقتل ونعي وقصائد
وسفرة ام البنين
اسال الله ان يتقبل مني ومنكم صالح الاعمال
/channel/Um_Yahya13
لطمية سريعة لأولاد مسلم عليهم السلام
ضاعت اولادي ياهلي
والعدوان داسوهه
💔💔
ايتام ضاعت وايست
ومن الحزن عيني عمت
ابعدوا والعليله انسبت
ماظن بعد يلكوهه
💔💔
اطفال مسلم ياعلي
محد ايدورهم الي
ظليت ادور بالخلي
راحوا بعد ماجوهه
💔💔
ماادري وين اطفالي
واوحيده مال والي
ذلت ييمه حوالي
ايتام الي ردوهه
💔💔
طاهر ومطهر ما اجو
وبصفحه الشاطي مشوا
اخذتهم الحره ومشوا
والعدوان شافوهه
💔💔
حد سفيه ظالم للذبح
اطفال ماتحمل جرح
كلمن يكول انه اذبح
ركبه اخيي افدوهه
💔💔
يظالم ارحم خوفنه
اولاد مسلم شوفنه
جدنه محمد عوفنه
والجنه هم تلكوهه
💔💔
كلهم يزيد الجائزة
وكطه اركاب المعجزه
والظلم عن حده جزه
يزيد الروس يهدوهه
💔💔
ذبوا الجثه بالنهر
او مارحم زعر العمر
والظلم عن حده عبر
ولاطفال ذبحوهه
اطفال الضاعت // ليش ايذبحوهه
بقلم خادمة الخدم ام يحيى الخزعلي
انت المعزى مولاي يا صاحب الزمان
السلام عليكم ورحمه الله وبركاته
حقيبتك في المجلس
قناتي (وليال عشر)
التي تتضمن محاضرات ومقتل ونعي وقصائد
وسفرة ام البنين
اسال الله ان يتقبل مني ومنكم صالح الاعمال
/channel/Um_Yahya13
تكملة المجلس السادس
مجلس اولاد مسلم بن عقيل عليهم السلام
وجد في تلك القريه بيتا مفتوحا دخل اليه استقبله صاحب البيت راه طفلا مذعورا خائفا هدئه وطمانه وابقاه عنده في البيت الى ان هدئ الطفل جعل يخرج مع اطفال الرجل يرعى الاغنام.
مرت خمس سنين على هذا الحال
شيعه يا موالين خمس سنوات يرعى الغنم ابن رسول الله حر قلبي للسيده زينب عندما كانت تبحث عنه في البراري
بدروب الغرب ضاعوا اولادي
خليـني ادورهـم يـحادي
ما جره اعله احد العلي سادي
نام الولد لو ضال سهران
لو طايح وليدي بيد سجان
مابيهم رحم ظلام عدوان
شال الولد مانام ليلي
من فارگيته انهدم حيلي
بالبـر ادور يا جفيـلـي
في يوم من الايام سمع الرجل يتحدث مع رجال القريه حول رجل اسمه المختار نهض بثورة لياخذ بثأر الحسين وصار الطفل يسمع بمقتل قتلت الحسين فلان قتله المختار فلان قتل. وفي يوم سمع الرجل انه سيذهب الى الكوفه بعدما فرغ المجلس قال يا عم لي عندك حاجه قال ما هي قال سمعتك تريد الذهاب الى الكوفه هل لك ان تصطحبني معك الى الكوفه قال ما تصنع قال اريد ان ارى هذا الرجل المختار الذي اخذ بثار الحسين قال بني وما انت وهذا الامر انت بعيد عن هذا الموضوع قال اقسمت عليك بالله الا ما اصطحبتني قال نعم ثم اصبح الصباح واصطحبه معه يقول المؤرخون وصل الى الكوفه يوم مقتل حرمله ابن كاهل العدو في ذلك اليوم اذن المختار لعامه الناس الدخول اليه احتفالا بهذا اليوم ولا يمنعون احد من الدخول بينما هو جالس دخل هذا الاعرابي ومعه الصبي اقبل الصبي يتخط رقاب الناس وتصدر المجلس وجلس قرب المختار لفت نظر المختار قال بني ممن انت قال يا عم لا داعي لسؤالك هذا انت اليوم في فرح ولا اريد ان احول فرحك الى حزن قال المختار بني لقد زدتني شوقا الى معرفتك
قال اذا كان لابد دعني انتظر حتى يفرغ المجلس،امر المختار بخروج الناس من المجلس
قال عم ان كنت تسال عن البلد انا من بلد يهبط به جبرائيل وان كنت تسال عن العشيره انا من قوم تخدمهم ملائكه السماء يا عم انا هاشمي انا علوي انا احمد ابن مسلم
انا هاشمي وابن الرساله
وعمي حسين وانه من عياله
بچه المختار لمن شاف حاله
تنشدني عن حالي يمختار
فريت لمن شبوا النار
وهجمت علخيم فرسان الاشرار
حال المختار
هل دمعت عيونه ولطم الراس
وگال له حسين وين ووين عباس
ظلن النهر والدرع والطاس
قال بني اين كنت قال عند الاعرابي ارعى الغنم اجلسه المختار الى جنبه وجعل يلطم على راسه وقال ماذا لاقت عترتك يارسول الله
وارسله الى المدينه الى الامام زين العابدين وصلوا وطرق الباب وجدته جالسا والماء بين يديه ويقول اشرب وابن رسول الله مات عطشانا لما وقع بصره على الصبي قال من احمد قال نعم قال اين كنت قال كنت عند الاعراب ارعى الغنم
الحال بكى زين العابدين ضمه الى صدره
انشد عليك الراح والراد
وفراگك تره للگلب مراد
بعيد الدرب ما بعد ينعاد
يگله...
جيتك يعمي بگلب حيران
خمس سنين اون بسكوت حزنان
ابچي اعله الذبيح ان ما عطشان
وتذكر عمته زينب عندما كانت تبحث عنه في يوم كربلاء
بدخان الخيم ضاعت اولادي
ولياني مذبحه والضيم سادي
ادور واصيـحن بالـبوادي
ضاعوا اولادي المداليل
لاوليان عندنا بس عليل
وعلى العلگمي نام الجفيل
ضاع الولد بالبر والدروب
لعب علينه الدهر مگلوب
يمصابكم يشعب الگلوب
تدور العقيله تهل العيون
يولاد مسلم وين ترحون
عدوانه لا ما يرحمـون
صاحت ييمه ردلي الصوت
يزغيـر يمـدلل يمنــعــوت
اظن مذبوح ظل بلايه تابوت
لا حول ولا قوة الا بالله العلي العظيم
انت المعزى مولاي يا صاحب الزمان
بقلم خادمه الخدم ام يحيى الخزعلي
لا اجيز حذف الاسم
حقيبتك في المجلس
قناتي (وليال عشر)
التي تتضمن محاضرات ومقتل ونعي وقصائد
وسفرة ام البنين
اسال الله ان يتقبل مني ومنكم صالح الاعمال
/channel/Um_Yahya13
رابط قناتي على الواتساب 👇
https://whatsapp.com/channel/0029Vb7jrzJDDmFUYoHlW42m
قصيده لاولاد مسلم عليه السلام
دور ايتامكم... خويه يا عباس
ضاعالي ولد ما بين الارجاس
حدر خيولهم ماتوا لك ايتام
واحدهم صباحه چن بدر تام
وضاعوا بالبر محمد وبرهام
فروا من خيمهم عالجمر داس
بعدني بعازة الناموا علتراب
محتاره بيتامه والچبد ذاب
اسمع ونتي يا داحي الباب
مصيبه گطعت قلبي والاحساس
شلون تنام وانت كلفتني
هم حرمه وچبيره وحيرتني
اباريها اليتامى فوگ متني
يمشون بضعنه اعداداك الارجاس
شلون امشي اسيره والگلب نار
بهيمه وبالشمس ضاعوا لي زغار
مصايب مسلم واولاده فلا صار
وبشط المسيب گطعوا الراس
انت المعزى مولاي يا صاحب الزمان
بقلم خادمه الخدم ام يحيى الخزعلي
لا اجيز حذف الاسم
حقيبتك في المجلس
قناتي (وليال عشر)
التي تتضمن محاضرات ومقتل ونعي وقصائد
وسفرة ام البنين
اسال الله ان يتقبل مني ومنكم صالح الاعمال
/channel/Um_Yahya13
رابط قناتي على الواتساب 👇
https://whatsapp.com/channel/0029Vb7jrzJDDmFUYoHlW42m
ختاميه لاولاد مسلم عليهم السلام
ضاع من عندي الولد ... يعباس دليني
الاطفال كلها معوله... يعباس دليني
مرعوبه كلها العايله ... يعباس دليني
انهض يا ابن خير الولا... يعباس دليني
خويه انهض وحاميني..
ضاع من عندي الولد... يعباس دليني
مرعوبه من خيل العده... يعباس دليني
واخوتي كلها امدده...... يعباس دليني
طفالك عطاشه امرده ... يعباس دليني
مرعوبه وتناديني
ضاع من عندي الولد... يعباس دليني
التمت علينه الجيمه ....يعباس دليني
ضاعوا اولادي بهيمه ....يعباس دليني
سحكت الخيل يتيمه ...يعباس دليني
وآنه العطش عاميني ...
ضاع من عندي الولد ... يعباس
سحگت الخيل مدللي ....يعباس
وسكينه تصرخ يا علي ...يعباس
بنت الرسالـه تنـولي ....يعباس
ومن العـدو احميني.....
ضاع من عندي الولد ... يعباس
انت المعزى مولاي يا صاحب الزمان
بقلم خادمه الخدم ام يحيى الخزعلي
لا اجيز حذف الاسم
حقيبتك في المجلس
قناتي (وليال عشر)
التي تتضمن محاضرات ومقتل ونعي وقصائد
وسفرة ام البنين
اسال الله ان يتقبل مني ومنكم صالح الاعمال
/channel/Um_Yahya13
رابط قناتي على الواتساب 👇
https://whatsapp.com/channel/0029Vb7jrzJDDmFUYoHlW42m
فزاعيه لمسلم بن عقيل عليه السلام
يا لعمك علي // فوگ القيادات
يالضمك ذخر ساعه الشدات
🔥🔥🔥🔥🔥
يحزام الحسين بساعة الشده
ابن عمه واخوهم والذخر عده
يمن حير الملعب مسلم بوحده
( حارت بي // گوم اعدائهم )
🔥🔥🔥🔥🔥
التمت عليه صوبين كفار
يطلبونه ببدر وحنين بالثار
بسيفه اليبرج تخيرهم خيار
( ويمينه // يطگ باليسره )
🔥🔥🔥🔥🔥🔥🔥
يصول يجول بالملعب مثل عمه
طير روس من صاروا علي لمه
لهذا اليوم ابو الحسنين من ضمه
(بصولاته // تباهت بته )
🔥🔥🔥🔥🔥🔥🔥
جال الحومه جول ابن الميامين
لا ناصر المسلم لا اله معين
يطگ ويندب بعباس وحسين
(غدروا بي // گوم الكوفه)
🔥🔥🔥🔥🔥🔥🔥
حفروا له حفيره مسلم وطاح
عليه يرمون سهام سيوف رماح
لحد شال نعشه ولا بجه وصاح
( من فوگ العالي // يرمونه )
🔥🔥🔥🔥🔥🔥🔥
صاح بصوت يا سيد المرسلين
غدروا بيه اهل الكوفه الملاعين
خويه للوطن رد النساوين
( اخاف اعداكم // يسبوهن)
انت المعزى مولاي يا صاحب الزمان
بقلم خادمة الخدم ام يحيى الخزعلي
لا اجيز حذف الاسم
/channel/Um_Yahya13
رابط قناتي على الواتساب 👇
https://whatsapp.com/channel/0029Vb7jrzJDDmFUYoHlW42m
قصيدة لمسلم بن عقيل عليه السلام
شعر
لسبع كوفان آنه اليوم متوجهه
حاجاتي الصعبه هواي..
حسره ودمعه امزجها
باب الحاجه وعرفناه..
والصعبه يفرجها
المسلم جايه// وارد اطلب مراد
يا بيت الكرم ها يبن الاجواد
اجيت ابختك .. تگضيها
جيتك حايره المجلسك محتاجه
واسمك بالسمه ياباب للحاجه
والفزعة سفير حسين انه بحاجه
علينا التصعب... سهلوها
احنا احبابكم نسمه شيعتكم
والصعبات نطلب بيها نخوتكم
كل حاجاتنا تگضي بشفاعتكم
ابداعت زينب ... ناخيته
والبيها مرض مد ايدك عليه
وبجاه الجليل انت التشافيها
المايرهم له طب هم تگدر عليها
العله بايده... يشافيها
بهذا المجلس مصاب وعزيه
نذكرك بيه والدمعه جريه
وبجاه النبي سيد البريه
بكرمه يعزب.. من ننخاه
اريد انخاك يا مسلم بالحسين
وبليفدي اعيونه وينطي چفين
اريدك حاجتي تگضيها هالحين
ارد البيتي ... مگضيه
انت المعزى مولاي يا صاحب الزمان
بقلم خادمه الخدم ام يحيى الخزعلي
لا اجيز حذف الاسم
حقيبتك في المجلس
قناتي (وليال عشر)
التي تتضمن محاضرات ومقتل ونعي وقصائد
وسفرة ام البنين
اسال الله ان يتقبل مني ومنكم صالح الاعمال
/channel/Um_Yahya13
رابط قناتي على الواتساب 👇
https://whatsapp.com/channel/0029Vb7jrzJDDmFUYoHlW42m
قصيدة لشجاعة العباس عليه السلام
ابو فاضل برز .... وارتجت الحومه
خيرهم شرد ما شالته هدومه
تباهت بيه/// زينب وامها
ماجت گومها من هد ابو فاضل
هد بالباشط وعالفرس يتمايل
انا العباس منهو وياي يتگابل
تلطم موجاته/// الشط ومايه
سل سيفه ويلوح بيه بالكون
ذوله اهل الهواشم ما يهابون
مسرع بالفرس تجادح عيون
روجات دموم //سواهاااا
هد للمعركه 'خيال الكحيله
يا ويله اليصير گباله يا ويله
يجيب الماي لاطفاله ومداليله
اطفال حسين// ارويهاااا
ذب عمامته ولابس درع والطاس
يرجف شاربه طب مغضب العباس
شجاعة حيدره شايلها راعي الباس
الزود البيه// من حيدر
انت المعزى مولاي يا صاحب الزمان
بقلم خادمه الخدم ام يحيى الخزعلي
لا اجيز حذف الاسم
حقيبتك في المجلس
قناتي (وليال عشر)
التي تتضمن محاضرات ومقتل ونعي وقصائد
وسفرة ام البنين
اسال الله ان يتقبل مني ومنكم صالح الاعمال
/channel/Um_Yahya13
يا العباس // حارت بي العدوان
ابن حيدر علي يا كمر عدنان
*
يكضيها// الحاجه اللعندج
*
امه معدله واخوانه سباع
وابوهم لو غضب أهتزت الكاع
يا حماي الحرم والكافل اشراع
يد ناله //شردوا ومحد
*
صاحن للعطش انهض يا رواي
طر جيش العدو واكف على الماي
غرف بيده يا روحي هوني من هاي
ذب الماي من ايده// وعطش حسين اذكر بي
****
ايد البيرغه والجربه يحميها
وايد بسيفه ضربه ما يثنيها
والموت الحمر هالكوم راويها
عدوانه // يحصد بيهم
***
يحصد بالعدو والغبره عجاها
قباض الارواح الحرب طباها
طير روس واليسره ويمناها
المالاحاه // برمحه يطكه
*
ابن حيدر علي وربات سادات
العم الساده تلوك العراضات
لخواته الروح وجفوفه هديات
تباهت بيه/ اخته وامه
****
يا هذا الماشرب وحسين عطشان
وجبده من العطش يلتهب نيران
وحت بعد الشهادة يظل لهفان
حسين ويشرب بيه// ولما يدنه الكوثر
لا تنسوني ووالدي من دعائكم
انت المعزى مولاي يا صاحب الزمان
بقلم خادمه القدم ام يحيى الخزعلي
لا نجيز حذف الاسم
/channel/Um_Yahya13
السيده زينب تستنهض اخيها العباس عليهم السلام
*
الكوم هجمت// للخيم عنايه
كوم يا عباس شيل الراية
**
كوم يا عباس واندب يا علي
وانده انه حسين يا تالي هلي
كوم رد اعله الكفر يبن الولي
كوم شيل الجود دك الثاية
**
كوم يا عباس وشيل العلم
كوم رد الخيل وصلت للخيم
كوم يا عباس يا شيخ الزلم
يا وسف راسك علمسناية
*
جابوا الهزل يخويه للسبي
وانا بت الطاهرة وبتك علي
ترضى يا عباس اختك تنولي
فرهدوا بيتك اجو عناية
****
تاني يا هزل اسلم عله اخوتي
ويشوفني امشي حزينه بدمعتي
والحبل بايدينه ويلي وهضمتي
ونه بنت النبي مو ودايه
انت المعزى مولاي يا صاحب الزمان
بقلم خادمة الخدم ام يحيى الخزعلي
لا اجيز حذف الاسم
/channel/Um_Yahya13
قصيدة للعباس«؏»
😭😭😭
زينب ونت وصاحت
يوم الطاح كافله
😭💔💔
صاحت اه يانور العين
ظل الوحده الحسين
ظل بعدك يدير العين
منته خوته كلهه
😭💔💔
زينب صاحت تنادي
احا يا خال ويلادي
خويه ردني لبلادي
اختك بنيت ذلهه
😭💔💔
يا عباس يان الذل
مسبيه الدمع يهمل
امشي لليسر تقبل
ماتنهض ياكافلهه
😭 💔💔
خويه انته ونظر عيني
بعدك زايد ونيني
كوم من العدو احميني
يالشايل مراجلهه
😭 💔💔
جيتك والحرم وياي
ريتك تسمع الشكواي
خوفي وشاردة من اعداي
يسبي العايله كلهه
😭 💔💔
يخويه بعدك اطفالس
عطشانه تنادي اعيالي
منته الساكي يالوالي
اشلون اطيح يا صيوانهه كلهه
😭💔💔
يخويه جيت انه بجماك
جيت من المدينه وياك
يخويه والهظم بعداك
يسبوني يا باسلهه
😭💔💔
اسيره بعدك اخذوني
نهضوا يهلي ردوني
ياهو اليعدل ضعوني
لو مالت محاملهه
😭💔💔
من صابوه بعيونه
واليمنه يكطعونه
وبراسه يطبرونه
وسفه انذبح كافلهه
😭 💔💔
وسفه العباس // مطبرينه
انت المعزى مولاي يا صاحب الزمان
بقلم خادمة الخدم ام يحيى الخزعلي
لا اجيز حذف الاسم
حقيبتك في المجلس
قناتي (وليال عشر)
التي تتضمن محاضرات ومقتل ونعي وقصائد
وسفرة ام البنين
اسال الله ان يتقبل مني ومنكم صالح الاعمال
/channel/Um_Yahya13
زيــارة ابي الفضـل العبـاس ( عليه السلام)
اَلسَّلامُ عَلَيْكَ يا اَبَا الْفَضْلِ الْعَبّاسَ ابْنَ اَميرِ الْمُؤْمِنينَ، اَلسَّلامُ عَلَيْكَ يَا بْنَ سَيِّدِ الْوَصِيّينَ، اَلسَّلامُ عَلَيْكَ يَا بْنَ اَوَّلِ الْقَوْمِ اِسْلاماً وَاَقْدَمِهِمْ ايماناً وَاَقْوَمِهِمْ بِدينِ اللهِ، وَاَحْوَطِهِمْ عَلَى الاِسْلامِ، اَشْهَدُ لَقَدْ نَصَحْتَ للهِ وَلِرَسُولِهِ وَلاَِخيكَ فَنِعْمَ الاَخُ الْمُواسي، فَلَعَنَ اللهُ اُمَّةً قَتَلَتْكَ، وَلَعَنَ اللهُ اُمَّةً ظَلَمَتْكَ، وَلَعَنَ اللهُ اُمَّةً اسْتَحَلَّتْ مِنْكَ الَمحارِمَ، وَانْتَهَكَتْ حُرْمَةَ الاِسْلامِ، فَنِعْمَ الصّابِرُ الُْمجاهِدُ الُْمحامِي النّاصِرُ وَالاَخُ الدّافِعُ عَنْ اَخيهِ، الُْمجيبُ اِلى طاعَةِ رَبِّهِ، الرّاغِبُ فيـما زَهِدَ فيهِ غَيْرُهُ مِنَ الثَّوابِ الْجَزيلِ وَالثَّناءِ الْجَميلِ، وَاَلْحَقَكَ اللهُ بِدَرَجَةِ آبائِكَ فِي جَنّاتِ النَّعيمِ، اَللّـهُمَّ اِنّي تَعَرَّضْتُ لِزِيارَةِ اَوْلِيائِكَ رَغْبَةً فِي ثَوابِكَ وَرَجاءً لِمَغْفِرَتِكَ وَجَزيلِ اِحْسانِكَ، فَاَسْاَلُكَ اَنْ تُصَلِّيَ عَلى مُحَمَّد وَآلِهِ الطّاهِرينَ، وَاَنْ تَجْعَلَ رِزْقي بِهِمْ دارّاً وَعَيْشي بِهِمْ قارّاً، وَزِيارَتي بِهِمْ مَقْبُولَةً وَحَياتي بِهِمْ طَيِّبَةً، وَاَدْرِجْني اِدْراجَ الْمُكْرَمينَ، وَاجْعَلْني مِمَّنْ يَنْقَلِبُ مِنْ زِيارَةِ مَشاهِدِ اَحِبّائِكَ مُفْلِحاً مُنْجِحاً، قَدِ اسْتَوْجَبَ غُفْرانَ الذُّنُوبِ وَسَتْرَ الْعُيُوبِ وَكَشْفَ الْكُرُوبِ، اِنَّكَ اَهْلُ التَّقْوى وَاَهْلُ الْمَغْفِرَةِ.
حقيبتك في المجلس
قناتي (وليال عشر)
التي تتضمن محاضرات ومقتل ونعي وقصائد
وسفرة ام البنين
اسال الله ان يتقبل مني ومنكم صالح الاعمال
/channel/Um_Yahya13
سورة{ الفجر}
من السور ذات المكانة العظيمة، وتُعرف بـ "سورة الحسين بن علي (عليهما السلام)". وقد وردت العديد من الروايات عن أهل البيت (ع) في بيان فضلها وخواصها
عن رسول الله صلى الله عليه وآله:
من أدمن قراءتها جعل الله له نوراً يوم القيامة
كما اشتهرت سورة الفجر بسورة الإمام الحسين عليه السلام كما جاء في التفاسير.
يقول الإمام الصادق (عليه السلام): (اقرؤوا سورة الفجر في فرائضكم ونوافلكم؛ فإنها سورة الحسين، وارغبوا فيها رحمكم الله
فقال له أبو أسامة وكان حاضر المجلس:
كيف صارت هذه السورة للحسين (عليه السلام) خاصة؟
فقال الامام :
ألا تسمعْ إلى قوله تعالى: ﴿يَا أَيَّتُهَا النَّفْسُ الْمُطْمَئِنَّةُ * ارْجِعِي إِلَى رَبِّكِ رَاضِيَةً مَّرْضِيَّةً * فَادْخُلِي فِي عِبَادِي * وَادْخُلِي جَنَّتِي﴾؛
إنما يعني الحسين بن علي (صلوات الله عليهما)، فهو ذو النفس المطمئنة الراضية المرضية، وأصحابه من آل محمد (صلوات الله عليهم) هم الراضون عن الله يوم القيامة وهو راضٍ عنهم.. وهذه السورة في الحسين بن علي (عليه السلام) وشيعته، وشيعة آل محمد خاصة
فمن أدمن قراءة الفجر
كان مع الحسين (عليه السلام) في درجته في الجنة،. إنّ الله عزيزٌ حكيم)..
((عجيب ووفير هذا الاجر والثواب ))
فإذن، إن سورة الفجر لها علاقة بصاحب أيام محرم؛ الإمام الحسين (عليه السلام).
الإمام الصادق (عليه السلام) يدعونا لقراءة هذه السورة في الفرائض والنوافل؛
وما المانع في أن يلتزم المؤمن بقراءة هذه السورة في صلاة الفجر!..
ومن الافضل نعلمها لابنائنا حتى ينالون هاي الدرجه مع الامام الحسين عليه السلام في الجنه ..
ومن قرأها في سائر الأيام كانت له نوراً ساطعاً يوم الحساب.
والمغفرة:
ومن قرأها في "الليالي العشر" (العشر الأوائل من ذي الحجة) غفر الله له ذنوبه.الاستحباب في الصلاة
وقيل كذلك: الليالي العشر من أول شهر محرم.
بِسْمِ اللهِ الرَّحْمَـٰنِ الرَّحِيمِ
وَالْفَجْرِ﴿۱﴾ وَلَيَالٍ عَشْرٍ﴿۲﴾ وَالشَّفْعِ وَالْوَتْرِ﴿۳﴾ وَاللَّيْلِ إِذَا يَسْرِ﴿٤﴾ هَلْ فِي ذٰلِكَ قَسَمٌ لِذِي حِجْرٍ﴿٥﴾ أَلَمْ تَرَ كَيْفَ فَعَلَ رَبُّكَ بِعَادٍ﴿٦﴾ إِرَمَ ذَاتِ الْعِمَادِ﴿۷﴾ الَّتِي لَمْ يُخْلَقْ مِثْلُهَا فِي الْبِلاَدِ﴿۸﴾
وَثَمُودَ الَّذِينَ جَابُوا الصَّخْرَ بِالْوَادِ﴿۹﴾ وَفِرْعَوْنَ ذِي الْأَوْتَادِ﴿۱۰﴾ الَّذِينَ طَغَوْا فِي الْبِلاَدِ﴿۱۱﴾ فَأَكْثَرُوا فِيهَا الْفَسَادَ﴿۱۲﴾ فَصَبَّ عَلَيْهِمْ رَبُّكَ سَوْطَ عَذَابٍ﴿۱۳﴾ إِنَّ رَبَّكَ لَبِالْمِرْصَادِ﴿۱٤﴾
فَأَمَّا الْإِنْسَانُ إِذَا مَا ابْتَلاَهُ رَبُّهُ فَأَكْرَمَهُ وَنَعَّمَهُ فَيَقُولُ رَبِّي أَكْرَمَنِ﴿۱٥﴾ وَأَمَّا إِذَا مَا ابْتَلاَهُ فَقَدَرَ عَلَيْهِ رِزْقَهُ فَيَقُولُ رَبِّي أَهَانَنِ﴿۱٦﴾ كَلاَّ بَلْ لاَ تُكْرِمُونَ الْيَتِيمَ﴿۱۷﴾ وَلاَ تَحَاضُّونَ عَلَى طَعَامِ الْمِسْكِينِ﴿۱۸﴾ وَتَأْكُلُونَ التُّرَاثَ أَكْلاً لَمّاً﴿۱۹﴾ وَتُحِبُّونَ الْمَالَ حُبّاً جَمّاً﴿۲۰﴾
كَلاَّ إِذَا دُكَّتِ الْأَرْضُ دَكّاً دَكّاً﴿۲۱﴾ وَجَاءَ رَبُّكَ وَ الْمَلَكُ صَفّاً صَفّاً﴿۲۲﴾ وَجِيءَ يَوْمَئِذٍ بِجَهَنَّمَ يَوْمَئِذٍ يَتَذَكَّرُ الْإِنْسَانُ وَأَنَّى لَهُ الذِّكْرَى﴿۲۳﴾ يَقُولُ يَا لَيْتَنِي قَدَّمْتُ لِحَيَاتِي﴿۲٤﴾ فَيَوْمَئِذٍ لاَ يُعَذِّبُ عَذَابَهُ أَحَدٌ﴿۲٥﴾ وَلاَ يُوثِقُ وَثَاقَهُ أَحَدٌ﴿۲٦﴾
يَا أَيَّتُهَا النَّفْسُ الْمُطْمَئِنَّةُ﴿۲۷﴾ ارْجِعِي إِلَى رَبِّكِ رَاضِيَةً مَرْضِيَّةً﴿۲۸﴾ فَادْخُلِي فِي عِبَادِي﴿۲۹﴾ وَادْخُلِي جَنَّتِي﴿۳۰﴾
اعداد خادمه الخدم ام يحيى الخزعلي
حقيبتك في المجلس
قناتي (وليال عشر)
التي تتضمن محاضرات ومقتل ونعي وقصائد
وسفرة ام البنين
اسال الله ان يتقبل مني ومنكم صالح الاعمال
/channel/Um_Yahya13
رابط قناتي على الواتساب 👇
https://whatsapp.com/channel/0029Vb7jrzJDDmFUYoHlW42m
هوسات ندبة لأولاد مسلم عليهم السلام
الباب اولاد مسلم جيت عنايه
ادخيل ادخيل اصيحن واعگد الرايه
اعرفنهم نشامه وبيهم اكفايه
(( واليطلب منهم..... ينطونه ))
يگضون الحوائج مثل والدهم
يالرايد دوه تلگه الدوه عدهم
يرد فرحان متنومس الگاصدهم
(( والشده ابساع... ايحلوها ))
يحلون الشدايد جربيناهم
ذوله اولاد مسلم موش تنساهم
اذا حملك تضعضع گوم وانخاهم
(( حملك بس ذوله... يعدلونه ))
يعدلون الحمل لو مال عن متنك
بالكلفات محد يعتذر منك
ون الهم يشيعي واجهر بونك
(( صوتك من تبچي... يسمعونه ))
اذكر يومهم وامصابهم وابچي
اشعندك من كلافه صيحهم واشچي
شگول اعله اليتامه احتار من احچي
(( حفاي وركضوا ...بالهيمه ))
ركضوا عالجمر حفاي مرعوبين
وامهم حايره بمصاب اخوها حسين
من حرگت گلبهه اتصيح رحتوا وين
(( بحسين ام طاهر... مشدوهه ))
✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر
/channel/lllakihu
قصيده لاولاد مسلم عليهم السلام
ضاعالي ولد // من طاح عباس
الطم عالصدر ما ادري على الراس
ادور وين وانه بين عدوان
لا عندي ولي ولا الي عوان
ضاع مدللي والعقل حيران
ايتام وضاعت // بالهيمه
بويه ياعلي الحگ عليه
ضاع امدللي من بين ايديه
حرمه ويه الغرب صعبه عليه
انهض يابويه // افزع لينا
من حرگوا خيمنه وشبت النار
هجمت خيل عدواني على الدار
ايتام ونسه صبحنا طشار
انهض يا الوالي // حامينا
من طر الفجر مشونه اسره
ما رد الولد چا وين ادوره
دولاب الوكت دولب الحره
هد حيلي // يوم وليدي
يا ذباح عوف /// اطفال الحسين
بالكافل گوم// افزع لينه
شيل السيف ورج الكون //انهض الكافل
انت المعزى مولاي يا صاحب الزمان
بقلم خادمه الخدم ام يحيى الخزعلي
لا اجيز حذف الاسم
حقيبتك في المجلس
قناتي (وليال عشر)
التي تتضمن محاضرات ومقتل ونعي وقصائد
وسفرة ام البنين
اسال الله ان يتقبل مني ومنكم صالح الاعمال
/channel/Um_Yahya13
فزاعي
وقفلة هوسة لاولاد مسلم (عليه السلام )
عندما عثر الظالم على اولاد مسلم اخذهم الى شاطئ الفرات ليذبحهم ، فقال الاخ الكبير اذبحني قبل اخي الصغير لا يتحمل حرارة السيف او تاخذنا الى يزيد احياء وجائزتك عند رسول الله
💔💔💔💔📖
جر سيفة //يريد يذبحة
زينب عمتي والزهرة جدتنا
اتركنا الك حلت شفاعتنا
هدية من النبي هم من علي جدنا
ندبوا بيه// حيدر جدهم
💔💔💔💔💔
الله يساعد امهم وكت الغروب
تندب بالنبي ويا علي المندوب
يمه يا الطفل ضايع بالحروب
تنوح عليه// امه وعمته
💔💔💔💔💔
اخذهم بالفرات وناوي يذبحهم
على شاطي فرات المات بي عمهم
ما عنده مروه يردهم لامهم
و يحد بيه // سيف الظالم
💔💔💔
احنا اولاد مسلم والميامين
مسلم هو ابونا وعمنا الحسين
بسيف اجدادنا متاسس الدين
حامينا// ان جانك مسلم
💔💔💔
يكللهم هديه يزيد يطيني
افرحنه بذبحكم هم يجازيني
بجاه و مال وبهايه يكر عيني
يذبح بيه // يحد بسيفه
💔💔💔
يكله زغير اخيي والذبح حار
أذبحني الذبح اول للكبار
مثل ليلو رقبته والذبح صار
يتفداه/// اخيه بروحه
💔💔 📖
ودينا اليزيد يكله عدلين
يكلهم جائزه بالذبح ضعفين
احنه جدنا حيدر عمنا الحسين
ندبو بيه //حيدر جدهم
انت المعزى مولاي يا صاحب الزمان
بقلم خادمة الخدم ام يحيى الخزعلي
📃🎤
/channel/Um_Yahya13
قصيدة لاولاد مسلم عليهم السلام
**
اهلكم وين // بس كم لا تونون
يتامة زغار يذبحكم الملعون
❣❣❣❣❣
زغار اولاد مسلم ما ذنب بيهم
ضحايا بكربلاء ظلوا اهاليهم
عمتهم سبية بحكم اعاديهم
بالهيمة // ايتام وظلوا
❣❣❣❣❣❣
مسلم ماحضر بالذبح يا ناس
تمنيته يحضر عمهم العباس
شايل رايته بالدرع والطاس
يحميهم // من سيف الظالم
❣❣❣❣❣❣
يونون الصبايا وتدمع عيون
اهلنا وين عنه ما ينشدون
اريدن يا عمامي النه تحضرون
خلصونه // من ايد الظالم
❣❣❣❣❣❣❣
الظالم ما رحم بيهم ذبحهم
وبنص النهر يشمر جثثهم
هديه الروس للطاغي اخذهم
ماجوني // اولادي الضاعوا
❣❣❣❣❣❣
تدور بالمعاره ما لكتهم
يلهب نار كلبي وي خيمهم
خذوني غصب ميسوره وعفتهم
دلالي // نارك حركت
انت المعزى مولاي يا صاحب الزمان
بقلم خادمة الخدم ام يحيى الخزعلي
حقيبتك في المجلس
قناتي (وليال عشر)
التي تتضمن محاضرات ومقتل ونعي وقصائد
وسفرة ام البنين
اسال الله ان يتقبل مني ومنكم صالح الاعمال
/channel/Um_Yahya13
وليال عشر
الجزء الخامس
مجلس اولاد مسلم عليهم السلام
صلى الله عليك يا رسول الله صلى الله عليك يا ابا عبد الله وعلى ال بيتك المظلومين وعلى آل عقيل واطفالكم المذبوحين لعن الله ظالمكم الى يوم الدين
ياليتنا كنا معكم سيدي فنفوز فوزا عظيما
دمع المحاجر قد تفايض بالدمِ
لمصاب مظلومين طفلي مسلمِ
بدران من بيت النبوة أشرقا
كالفرقدين بجنح ليلٍ مظلمِ
جار الدعي عليهما في سجنه
وقسى ولم يعطف ولم يترحمِ
مكثا بقعر السجن عاما كاملا
وغدا مصيرهما لرجسٍ ألئمِ
رقت لحالهما العجوز وأفردت
بيتا لكي تأويهما بتكتمِ
فإذا الشقي عليه قد غلب الشقا
يرجو العطاء من الدني الآثمِ
فهناك شد عليهما بحسامهِ
إذ لا معين ولا نصير ولا حمِ
ابوذية
حال السيدة زينب
دخان الخيم للراس منطار
ادور اولادي حد الفجر منطار
ناموا مدري منهم راس منطر
ولاد زغـار ماردوا عليــه
ضاع الولد عني وغاب
مدري عدل لو حدر التراب
ما ينحمل يا هذا المصاب
ضاعوا اولادي وين ناوين
وبديره وغرب خلانه الحسين
من عباس مقطوعه چفين
ضاعوا اولادي بظلمه الليل
ومامش ولي ومامش جفيل
وحسين نـام بغير تغسيل
صعبه الموت من ياخذ زغيرون
يهد الوالده ويعميها العيون
شالوا بعيد وما يردون
الاولاد لو رادوا يشيلون
على الوالده لازم يمرون
يحضرونها ويه اليدفنون
يردون لو يعمل عيوني
محله الولد لو مر على امه
وبين ذراعها هي تضمه
تفل العتب وياه تشمه
لا حول
قال الله تعالى في كتابه الكريم
(هل جزاء الاحسان الا الاحسان)
صدق صدق الله العلي العظيم ورسوله الكريم ونحن على ذلك من الشاهدين الشاكرين
هذه الايه الكريمه تطلب ان نقابل الاحسان بالاحسان.
فاذا قدمت لك صديقه او اخت او اخ او جار قدم احسان وقابلته بالمثل كان هديه بهديه او عزيمه بعزيمه هل قدمت احسان ؟
كلا لم تقدمي احسان لان هذا اسمه عدل والعدل ليس كالاحسان.
فالاحسان ان تقدم للمتفضل عليك باكثر مما قدم لك.
وما يقدم الاول هو المحسن لانه بادر بالتقديم، والاحسان مثلا اذا عزمك احد على زيارة على نفقته الخاصة اذا قابلته بالمثل فهذا ليس احسان والاية تقول ( هل جزاء الاحسان الا الاحسان) يعني المطلوب احسان.
فيجب مثلا ان يكون مقابله زياره + غذاء على نفقتك.
إذن كل من حولك يمكن ان تقدم لهم احسان لكن!!!
هل الوالدان يمكن ان نقدم لهم الاحسان؟
الاية ( وبالوالدين احسانا )
وقول النبي صلى الله عليه واله ( رضا الله من رضا الوالدين وسخطه من سخطهما ) .
فمهما نقدم لهم فهو اقل بكثير مما قدموه لك الوالدان
من ولادتك الى الان من ماكل وملبس ومشرب وحب وحنان واطمئنان.
والاب يتعب من الصباح الى المساء يوميا حتى يوفر لقمه العيش.
اما الام الايه ( حملته وهنا على وهن )
( حملته كرها ووضعته كرها )
( وجعل الجنه تحت اقدام الامهات ).
كان احد العلماء شابا ويدرس في الحوزة جاءه المشايخ طرقوا الباب ليذهبوا للدرس فتاخر في خروجه من الدار فسالوه قال كنت اقلب وجهي في الجنه وهي تحت اقدام امي.
فكان يمسح وجهه باقدام امه.
وتقول الاية ( ولا تقل لهما افا ولا تنهرهما قل لهما قولا كريما) .
لا تقل ابسط الكلمات اوف ولا ترفع صوتك او تكلمهم بغلضه وان قصر معك الوالدان.
هنا سؤال؟
الله تعالى قدم لنا الكثير من شكل وعيون ولسان واشكال الاطعمة وايدي واقدام ( وخلقنا الانسان في احسن تقويم )
هل نستطيع ان نقدم الاحسان الى الله؟
فاذا قدمنا الطاعه- الصلاة- الصوم- الحجاب العبادة- المخلصه لله هذا كله ليس احسانا فهو عمل لانفسنا، الله هدانا حتى ينجينا من النار
( وما توفيقي الا بالله) اذا الله هو المحسن وهو الذي قدم الاحسان بهدايته
( الله يهدي من يشاء)
وتقول الاية (لا نريد منكم جزاء ولا شكورا) وجزء الآية ( الا الموده في القربى) . من هم ؟
محمد وال محمد الموده المحبه نحن نحبهم ولكن ماذا نقدم لهم
فهم يعطوننا كل ما احتجنا اليهم بتوسيطهم بالدعاء عند قضاء الحاجة هم الشفعاء والواسطة الى الله تعالى اللهم في محمد وال محمد الذين اخترتهم على علم على العالمين اسالك ان تصلي على محمد وال محمد وان تقضي حوائجنا تيسر امورنا تؤدي ديوننا تبسط رزقنا تشافي مرضانا برحمتك يا ارحم الراحمين
واذا عندكم حاجة قدموا اطفالكم امامكم اطلبوا حوائجكم فانها مجربه لقضاء الحوائج
المصيبة
واليوم واسطتنا اولاد رسول الله اولاد مسلم بن عقيل،يقول الامام زين العابدين كلما مررت بحي ال عقيل خنقتني العبرة لان لم تبقي لهم بني اميه باقية
مسلم عليه وسلم وكل اخوته وكل اولاده قتلوا في كربلاء
بقى طفل اسمه احمد عندما هجم الاعداء على المخيم فر مجموعة من الاطفال على وجوههم في البيداء منهم احمد ابن مسلم ابن عقيل بقي بالصحراء اضنكه العطش والجوع والتعب وحرارة الشمس حتى وصل الى قرية
بديرة غرب ضايعلي اوليد
وميت ولينه واهلي بعيد
مني الدهر يا ناس شيريد
بقلم خادمه الخدم ام يحيى الخزعلي
لا اجيز حذف الاسم
/channel/Um_Yahya13
قصيده لاولاد مسلم عليهم السلام
ضاعالي ولد // من طاح عباس
الطم عالصدر مدري على الراس
ادور وين وانه بين عدوان
لا عندي ولي ولا الي عوان
ضاع مدللي والعقل حيران
ايتام وضاعت // بالهيمه
بويه ياعلي الحگ عليه
ضاع امدللي من بين ايديه
حرمه ويه الغرب صعبه عليه
انهض يابويه // افزع لينا
من حرگوا خيمنه وشبت النار
هجمت خيل عدواني على الدار
ايتام ونسه صبحنا طشار
انهض يا الوالي // حامينا
من طر الفجر مشونه اسره
ما رد الولد چا وين ادوره
دولاب الوكت دولب الحره
هد حيلي // يوم وليدي
يا ذباح عوف /// اطفال الحسين
بالكافل گوم// افزع لينه
شيل السيف ورج الكون //انهض الكافل
انت المعزى مولاي يا صاحب الزمان
بقلم خادمه الخدم ام يحيى الخزعلي
لا اجيز حذف الاسم
حقيبتك في المجلس
قناتي (وليال عشر)
التي تتضمن محاضرات ومقتل ونعي وقصائد
وسفرة ام البنين
اسال الله ان يتقبل مني ومنكم صالح الاعمال
/channel/Um_Yahya13
رابط قناتي على الواتساب 👇
https://whatsapp.com/channel/0029Vb7jrzJDDmFUYoHlW42m
قصيدة لاولاد مسلم عليهم السلام
حرمه تحيرت /// خويه بيتاماك
اگعد لي يخويه اتباصر وياك
ريت الموت اخذني گبل عباس
ولا ظلن غريبه بين الارجاس
وسفه بت علي تلطم على الراس
نايم على الشط /// وخلاها
حرگوها الخيم بالنار وجت
ايتام وبلبراري خويه هجت
انوب صغار حدر الخيل ظلت
عباس مطبر// ما جاها
صار غروب ما ردوا عليه
اگعد لي يكافل دوره اليه
والعدوان ما بيهم حميه
والطفل طاح // يضربونه
زماني شلون حيره حيرتني
حرمه وبضعينه كلفتني
سوط اعداك يلعب فوق متني
يريت الموت يا عباس وياك
اثنين اولاد من ايتامكم ضاع
وحماي الضعن ما گاملي بساع
يا وسفه الكفل خليته على الگاع
يريت اگدر ارد الزند يمناك
حدر الخيل // وسفه ايتامك تموت
ايتام اليوم /// مضيعيها
انت المعزى مولاي يا صاحب الزمان
بقلم خادمه الخدم ام يحيى الخزعلي
لا اجيز حذف الاسم
حقيبتك في المجلس
قناتي (وليال عشر)
التي تتضمن محاضرات ومقتل ونعي وقصائد
وسفرة ام البنين
اسال الله ان يتقبل مني ومنكم صالح الاعمال
/channel/Um_Yahya13
رابط قناتي على الواتساب 👇
https://whatsapp.com/channel/0029Vb7jrzJDDmFUYoHlW42m
قصيدة لوحدة مسلم ابن عقيل عليه السلام
مسلم وحده // يا الماله عوانه
والصوبين حاطت بيه عدوانه
غريب الدار ظل يدير بعيونه
يتمنى بني هاشم يحضرونه
عنه بعيد خوانه ويعينونه
بس طوعه تحشم بيه حيرانه
صاح من لعطش شب بالگلب نار
موش اسلام حاطوا بيه كفار
صالاهم بسيفه ابن حامي الجار
مثل عمه علي وشلون يدنونه
حفروله حفيره وسفه بيها طاح
مگيد ماخذينه للقصر من راح
آ يحسين يا عباس مغضب صاح
وصاح حسين اميري افدي مولانه
سلام الله عليك حسين صاح بصوت
عطشان ووحيد ومثله اريد الموت
من فوق القصر ما اريدن التابوت
واسه بروحه ابن عمه واخوانه
من فوگ القصر وصفه يذبونه
مثل مسلم مگيد من يجرونه
ملتمه الخلگ يمه ويضربونه
حزنانه /// الشيعه عليهم
انت المعزى مولاي يا صاحب الزمان
بقلم خادمه الخدم ام يحيى الخزعلي
لا اجيز حذف الاسم
حقيبتك في المجلس
قناتي (وليال عشر)
التي تتضمن محاضرات ومقتل ونعي وقصائد
وسفرة ام البنين
اسال الله ان يتقبل مني ومنكم صالح الاعمال
/channel/Um_Yahya13
رابط قناتي على الواتساب 👇
https://whatsapp.com/channel/0029Vb7jrzJDDmFUYoHlW42m
وليال عشر الشاعرة الملا ام يحيى الخزعلي:
؛. "مقتل "
مسلم ابن عقيل عليه السلام
صلى الله عليك يا رسول الله وعلى آله المظلومين صلى الله عليك يا ابا عبد الله
السلام عليك يا مسلم ابن عقيل يا مظلوم ياا غريب
يا الله
نحن اليوم اباب مسلم ابن عقيل باب الحوائج اندبوه لقضاء حوائجكم
يا شيعه يا محبين هذا امامنا غريب وحيد
بعد ما قاتل قتال الابطال فقتل الفرسان وجندل الشجعان وحيدا فريدا .
غدره الاعداء وحفروا له حفيرا وعندما وقع فيها توالت عليه الرماح والسهام والسيوف فصار الدم يسيل من كل مكان
ولمّا جاؤوا بمسلم إلى باب قصر الإمارة رأى جرّة فيها ماءٌ باردٌ,
فقال: اسقوني من هذا الماء, فقال له رجل: أتراها ما أبردها, والله لا تذوق منها قطرة حتّى تذوق الحميم في نار جهنّم, فقال له مسلم: أنت أولى بالحميم ونار جهنّم منّي, ثمّ جاؤوا له بقُلّة فيها ماء وقدح فصُبَّ فيه ماءٌ باردٌ, وقالوا له: اشرب, فأخذ القدح ليشرب فامتلأ القدح دماً فلم يقدر على الشرب, ففعل ذلك ثلاثاً, فلمّا كان في الثالثة أدنى القدح ليشرب فسقطت اسنانه في القدح, فقال: لو كان من الرزق المقسوم لشربت,
ثمّ أ ادخل مسلم مقيد على ابن زياد وجرى بينه وبين ابن زياد كلام فغضب ابن زياد غضباً لانه سمع من مسلم كلام الشجعان لم يخاف ولم ينكسر رغم قيده وكثرة جراحه وكثرة اعدائه
وأمر بأن يُصعد بمسلم إلى أعلى القصر ويُضرب عنقه,
فأُصعد مسلم إلى أعلى القصر, ومسلم يسبّح الله ويكبّره ويقول: اللهمّ احكم بيننا وبين قوم غرّونا وخذلونا وكذبونا,
ثم توجّه نحو المدينة نحو الحسين
وسلّم على الحسين عليه السلام..
السلام عليك سيدي ومولاي يا ابا عبد الله لا تقدم فان القوم غدروني
انا مغدور ردوا يلحسين
والتمت علي الكوم صوبين
غدروني بالكوفه رد بالنساوين
يا ابو السجاد خوية لا تجيني
ترى الكوم بعدك غادريني
ولوني واخوتي ما حاضريني
لمه الجيش علي وحاوطوني
من عالي الكصر صاروا يشمروني
تتفرج الوادم يسحلوني
يا ابو السجاد خوووويه
كل من مات بالطف تحضره
وتحط راسه بحضنك تصبره
وبشربه الكوثر تبشره
وحيدي يحسين مالي نصره
ثمّ رفع اللعين سيفه, يا شيعه يا محبين وضرب مسلماً على عنقه فقطع رأسه, ثمّ رمى به من أعلى القصر,
رحم الله من نادى: واامسلمااه أي وااسيّدااه أي واامظلومااه,
ثم ربطوا برجليييه الحبال وجعلوا يسحبونه في الأسواق..."
عادت العربان تحيي الضيف ينساب
ونسب مسلم شرف للعرب ينساب
مثل مسلم صدك بالحبل ينساب (ينسحب)
و تتبارك بكتله آل امية
ولمّا قتل مسلم جاء الخبر إلى الإمام الحسين عليه السلام وهو في الطريق الى كربلاءمع ضعن النساء والاطفال
فأخذ يسترجع ويقول: إنّا لله وإنّا إليه راجعون وبكى بكاءا شديد فقد كان الحسين يحب اخوه وابن عمه مسلم ابن عقيل حبا جما, واشتدّ به الحزن, وقال: رحمك الله يا مسلم, لقد وفيت بعهدك ولقيت ربّك,
فارتجّ الموضع بالبكاء لقتل مسلم ابن عقيل, وصار كلّ واحد يلطم على رأسه وينادي: واامسلمااه,
ثمّ دعا الحسين بطفلة لمسلم اسمها حميدة, فلمّا جاءت إليه أجلسها الإمام في حجره وأخذ يمسح على رأسها كما يُفعل بالأيتام
فقالت: يا عمّ, ما رأيتك قبل هذا اليوم تفعل بي مثل هذا, أظنّ أنّه قد استُشهد والدي مسلم, فقال لها: بنيّة, أنا أبوك وبناتي أخواتك, فصاحت ونادت: واأبتاه, وامسلماه...
يا عمي شو تمسح على الراس
اظنه انقتل راعي الباس
صب الدمع تحبس بالانفاس
****
كلبي علمني الولي مفقود
ما ظني بعد لينه يعود
شيرد ايامنا الراحت اردود
*عندما وصل خبر استشهاد مسلم ابن عقيل (عليه السلام) الى الامام الحسين( عليه السلام) تألم ونادى على حميدة ابنة مسلم ومسح على رأسها وبكى بكاءا شديدا
مسلم ابن عم الامام الحسين وعزيز الحسين
النعي
يعمي شو تمسح على الراس
اضنه انكتل راعي الباس
صب الدمع تحبس بالانفاس
تربية السادة تستحي يطلع صوت بكائها امام هيبة الحسين عليه السلام
لاتبجين ياعمي لتبجين
عمامج كفو العباس وحسين
ويصبرن عليها النساوين
كلبي علمني الولي مفكود
وماظني بعد لينه ايعود
شيرد ايامنة الراحت اردود
حس الكلب ودمعت العين
رايد احبابه وزاد الونين
ميردون ياعيني تأيسين
كابلني نتناوب النوح
دم الولي بالغربة مسفوح
من فوك القصر شمروه ومطروح
اما العقيلة عليها السلام نصبت عزاء ابن عمها مسلم
ماعدنا بالكوفة احباب
لحد شاله ويهيل التراب
خوته وعمامه عنه غياب
شفنا الميت يغسلونه
وبعد الغسل يدفنونه
وماشفنه ميت يسحلونه
يوحيد خويه ومالك معين
غدروك اهل كوفه الملاعين
وحسين لاجله يجري العين
من فوك الكصر وكطعو الراس
يسحلون جثتك تنظر الناس
تمنيت حاضر يومك العباس
لا نايحه يمك الناحت
ولا والده يمك الصاحت
ولا يمك عزه ولا دمعه طاحت
انت المعزى مولاي يا صاحب الزمان
بقلم خادمة الخدم ام يحيى الخزعلي
لا اجيز حذف الاسم
/channel/Um_Yahya13