265
الرادود والشاعر علي الذبحاوي الخاص. @malhali
ماهجرتك ياحسين
ماهجرتك يا حسين
ماهجرتك يا حسين
..............................
يحسين اعله بابك عايف الروح
ضريحك حاشه يامولاي عفته
هجرك موسهل يااغله معشوگ
انته اقرب بشر يحسين شفته
دخيلك..لايذ بسدك
دخيلك..ارتجي ودك
ماهجرتك ياحسين
............
متهمني المسافه دومك وياي
ازورك وانهضم وعيوني شمعه
حلم عندي ارش دموعي عالباب
يجي يوم الخميس بالف دمعه
دخيلك.. خذني للحضره
دخيلك..دمعتي جمره
ماهجرتك ياحسين
.................
سلامي لحضرتك تدريني مشتاك
احس ترد يبو الاكبــــر سلامي
اسولف من بعيد اعذرني يحسين
تدري بحالتي وشوكي وهيــامي
دخيلك..بعدك بغربه
دخيلك..حالتي صعبه
ماهجرتك ياحسين
٠
الملا علي الذبحاوي
٢٠٢٠ النجف الاشرف
كتبت هذه الكلمات
في ايام اغلاق مدينة كربلاء المقدسه
ايام انشار فايروس كارونا
حيرت السجان بامرك
ليلك صبحك تون
كل عمرك خلصته
مناوب غربه ودمعه وسجن
....١
مرات الوجع ينشاف من اتعاين اعله الشيب
وطبع العين من تحجي تلجم بالجرح وتصيب
ناس الاذتك مولاي خذت اطباع من الذيب
هوه الينكر المعصوم ماكو بكلبه ذرة طيب
الله يعينك موسه الكاضم
حته بصوتك حزن...
كل عمرك خلصته
مناوب غربه ودمعه وسجن
..........٢
من يكبل عليك الليل ياخذ بالدمع سكته
وشل جفنك ومابيك حيل اعله الذي شفته
عانيت السجن اعوام ولحضه الفرح ماضكته
العايش بالضلام سنين ابد ماينجرع وكته
عينك بيهه اهواي سوالف
تحجي وبتبجي وتحن....
كل عمرك خلصته
مناوب غربه ودمعه وسجن
............٣
يعينك الله يامضلوم عله سنين الحزن والنوح
يجي طيف الاهل والبيت بعيونك حلم مذبوح
يمبجي البجي ومتعوب تتوجع هضم وجروح
السلاسل تستعر والعين تدمع والجفن مفضوح
بحزنك جفنك ماضم دمعه
دم عيونك جرن
كل عمرك خلصته
مناوب غربه ودمعه وسجن
.............٤
كلبك ذاب من الضيم وروحك تشتهي الدفان
ومن سم الغدر ملجوم وجهك وسفه يطي الوان
حنينك فجر اشجم بير ولجرحك بجه السجان
فتت جبدتك هارون وفجع بيك الانس والجان
تنادي املاك الباري بحسره
جبد الوالي انطعن...
حيرت السجان بامرك
ليلك صبحك تون
كل عمرك خلصته
مناوب غربه ودمعه وسجن
........٥
من صبح صباح الموت صفه حالك مثل شمعه
ذبل عودك يبو الحاجات وجفنك مايضم دمعه
سوال احبابك بيا يوم يبن جعفر الك طلعه
من رد الخبر للناس موعد طلعتي الجمعه
وللجمعه اتانيك احبابك
تالي عيونك غفن
كل عمرك خلصته
مناوب غربه ودمعه وسجن
..........٦
بيوم الفاجعه الاملاك نصبت مأتم الوحشه
مات الوالي يا هل ناس ضل فوك الجسر نعشه
طير النايبات ايحوم ابسمه بغداد من غبشه
وسافه العمره خلص ليل مالاح الضوه رمشه
تتنقل من ضلمه لضلمه
آه سنينك كضن
كل عمرك خلصته
مناوب غربه ودمعه وسجن
..........
تمت الملا علي الذبحاوي
ناعي المصيبه هالمسه ينعه
وين الهواشم تحضر اتشيعه
خلهم يحضرونه
بنعشه يشيعونه
وين الهواشم تحضر اتشيعه
........................
گَربتْ ساعات الاجل والدمع عالخد
جبد ابن جعفر ياخلگ بالسم تمرد
يتلوه مسموم الولي والحاله تشتد
فت جبدته سم الغدر بهمه يتوسد
...................
شاعت اخباره بأخر انفاسه
ينخه عمامه وشيعته وناسه
بلكي يتلگونه
بنعشه يشيعونه
وين الهواشم تحضر اتشيعه
...................................
عاده اليموت اول فرض لازم يغسلوهْ
مو بالسلاسل والحديد بنعشه يرموهْ
وين العشيره التحضر وخلي يشيلوهْ
صاحو امام الرافضه وين اليشيعوهْ
عايش غريب ومات بالغربه
مسموم تالي وحالته صعبه
وين اليغسلونه
بنعشه يشيعونه
وين الهواشم تحضر اتشيعه
............ ..........................
نادو طيب وگالو يگوم بسلامه
وتبين بوجهه العجب باول علامه
لن ينده ودمعه جره خبروا عمامه
ضجت الوادم تلطم بدمع الملامه
...........
صاح الطيب الراح شيرجعه
احشائه بالسم ويلي متكطعه
نادوا اليدفنونه
بنعشه يشيعونه
وين الهواشم تحضر اتشيعه
............................................
يشبول هاشم عالجسر جثته رهينه
لازم تجون بكل عجل سكن ونينه
بالسم گضه ومحد اجه غمضله عينه
ضل مرمي جثه عله الجسر الله يعينه
..................
ميت وحيد بعازت اعزازه
وين اليجي ويشيل الجنازه
اهله يشيلونه
بنعشه يشيعونه
وين الهواشم تحضر اتشيعه
...........................................
ال لا رشيد اصدر جتل خير البريه
قرر يسم ابن النبي وشن الرزيه
بهذا الامر صوب گلوب الجعفريه
وامست حزينه وضلمه ارض الكاضميه
.....................
ابشع فعل سم الحقد دسه
للخلص سنينه بحلم شمسه
تالي يغدرونه
بنعشه يشيلونه
وين الهواشم تحضر اتشيعه
..........................................
مات بدمعته وعبرته دمعاته حراگه
مشتاك لهله وماطفت ملهوف باشواگه
بكل سجده يتامل فرج والماخطر ضاگه
احبابه ضلت تنتضر ساعات الا ملاگه
............
ماشافت اعيونه الضوه بعمره
وجفونه تجري الدمعه محمره
.............
والغمض اعيونه
بنعشه يشيلونه
وين الهواشم تحضر اتشيعه
علي الذبحاوي
#جديد_2020
سچة شذر
اداء علي الذبحاوي
كلمات ايهاب عيال الضالمي
رابط المشاهده بالكامل
https://youtu.be/QJ8I7fV0gHU
#جديد
#الاصدار_الثاني
#لاتزعل_دخيلك
#كلام_واداء
الملا علي الذبحاوي
رابط المشاهده https://youtu.be/XkclT50GVCM
ياعالم شذنب الطفل
متمدد بطوله النبل
هاي اني امه العشكته
جاوبني يادم ركبته
........
يااول واخر حلم ..ماصدكت بيك انلجم..بالغاضريه
دمك اشمه ويه الهوه..وبنينوه ذبحو ضوه..آ يالمنيه
عبدالله يااترف غصن..بفراكك عيوني عمن..يمه شبديه
يوليدي يااغله عشك..لا نبضي لاكلبي يدك..بهجرك عليه
كون الله لا ينطي الذبَحْ
والمَوت بكلبي الفرح
والنوم عيني نزعته
جاوبني يادم ركبته
.......
يلحلل اكماطك سهم..يزغير كلبك عالالم..جرحك عذابي
عبدالله يادامي النحر.دم ركبتك شفته يخر.هيج مصابي
بيه ولابيك الجره..مومال ينزف منحره..ونحرك سهم بي
يالناوي تتروه بعذب.بس عالزمن ابدي العتب..اياعتابي
يايمه اغفه بحضنتك
بالبال ضلت صورتك
كل نفس اشتم ريحته
جاوبني يادم ركبته
.......
جاوين يوليدي الربه..كلبي مصابك شيبه..والليل اساهر
وجناتي ماكلهه الدمع..حسبالي اعلكلك شمع..دلالي حاير
كل البنيته اصبح عدم..ناتج تعب بس الندم..علهم اكابر
يالجمة الفكدت ابن..جاوب انشدك يازمن..وبكلب شاجر
من اللطم متني هدل
اتمنه يايوم الاجل
يادهري اصحه بشوفته
جاوبني يادم ركبته
......
قرر قرارك ياكلب..لاتنبض وخلك تشب ..بجمر المصيبه
يارب رفعت ايدي الك.ام وغريبه اتوسلك ..ياربي جيبه
جلمه اجاني بلاوعي..رد الجواب بمسمعي..اعلن مغيبه
ياروحي وهواي العلل..معناهه ضيعت الامل.وبقه غريبه
.....
يالغير ارسومه النزف
كلشي بمعاني مختلف
لون الوداع بضحكته
جاوبني يادم ركبته
........
جلمه دللول الولد..ماتت وائيس ماترد..بس الندامه
لبجيلك بطول العمر..والليل اخلصنه سهر.لاماانامه
والفاركت مثلك ورد.للاه والهم تستعد .بلايه ابتسامه
يالغافي بعيونك فجر..وني اسهر وكلي جمر.رد بسلامه
جارحني ياطاري البعد
راح ابقه اهزن بالمهد
يافجر اتاني الطرته
جاوبني يادم ركبته
..........
اتمنيت اصيرلك نده.يالعمرك ستوه بده..باول حياتك
يالتسعة شهورك ضمه.صوبني يوليدي العمه.اه بمماتك
كلما اذكرك انفجع..واعلكلك بخور وشمع..جنت شحلاتك
ياعبرتي وياحسرتي.يااغله من كل دنيتي..يبني شغلاتك
ونيت وابدي النايحه
مهضومه اقره الفاتحه
ودلالي تسعر جمرته
جاوبني يادم ركبته
٢٢ ذو العقده
علي الذبحاوي
لغة جرحك
راسك المرفوع منصوب برمح
لغة جرحك
مفردك مسلوب جمعك منذبح
واحسيناه واحسيناه
....
فعل ماضي الماي والحاضر سراب
اقره بجروحك فعل سلب الثياب
منين ما اقراك صفحاتك مصاب
حرت يبن المصطفه ومامش جواب
.......
لبيك...بكطع المنحر
لبيك..بكطع الخنصر
لغة جرحك
منين ماشوفك يبو الاكبر جرح
مفردك مسلوب جمعك منذبح
واحسيناه واحسيناه
......
واقره فعل الخيمة من صارت رماد
واقره عن اطفال اكو بخدهم سواد
والي يهضمني طفل دامي بمهاد
ولسه ينزف جم نحر وبلا ضماد
لبيك...بسحكت صدرك
لبيك...ينزف نحرك
لغة جرحك
انته لوقران دامي ومنطرح
مفردك مسلوب جمعك منذبح
واحسيناه واحسيناه
.......
اهواي موضوعاتك تذوب الحديد
وحده منهن حاير وطاح العضيد
وحده منهن طفل مكطوع الوريد
والي زاد اهمومك الكافل بعيد
لغة جرحك
لبيك...بفكد اعضيدك
لبيك...يجري اوريدك
انته ويه الدهر ماعندك صلح
مفردك مسلوب جمعك منذبح
واحسيناه واحسيناه
......
منين مااطوي سهم افتح سهم
بيوم شح المستحه بوجه الزلم
بيوم هجمو سلبو وحركو خيم
بيوم زينب تنتضر رفت علم
لبيك...بصدرك نبله
لبيك...ابروحك عله
لغة جرحك
ليله خنكه وريته ماطر الصبح
مفردك مسلوب جمعك منذبح
واحسيناه واحسيناه
........
ليله كل مابيهه بس نار ودمع
وزينب بوحدهه من صار الفزع
خايفه ومذهوله ليتيه الجمع
خيم الليل وطفه حته الشمع
لبيك...ابسبي اعيالك
لبيك...تلبي اوصالك
لغة جرحك
مبتداء هم والنفي صارالفرح
مفردك مسلوب جمعك منذبح
واحسيناه واحسيناه
........
علي الذبحاوي
ياخويه جابو راسك اكبالي
كالولي هذا حسينج الغالي
*وأيسي يزينب راح عباس*
........................
عالرمح جابولي راسك شيبتك تنكط ضوه
مامصدكه وروحي ذابت واختنك حته الهوه
يبو اليمه ويابوفاضل كمت احشمكم سوه
مچلبه بذيالي رقيه الخدهه بالجمرة انچوه
واهنا شطت عالتل
من جابو الهزل
اركض ولااندل
عباس اصيح ومره يحسيني
ارماد المخيم سد نضر عيني
*وضليت ادور والطم الراس*
.................................
هوه لو عباس يمي ياشمر ياحرمله
ابو فاضل حامي خدري جابني ومدلله
جفوفه تنكط بس محنه ضلل عله العايله
وهسه ادورك ياجفيلي وخل نرد من كربله
خويه حرت بامري
انه مره تدري
يااغله من عمري
ياهو اليردني اخلاف ابو الرايه
للمشرعه هل جيت شجايه
*جيتك يخوي بأخر انفاس*
.........................................
لرمح البكلبك تصوب بيك ماخله نفس
ولني اسمع شهكه منك ماتحملت الشمس
فوك كل هذا يضامي بصدرك شخله الفرس
عالرمل طشر اضلوعك وانه بضلوعك احس
جروحك كان بيه
الف وتسع ميه
كل هذا مسبيه
رضرض اعضامك عالثره الحافر
وانته ابغربتك بالفله حاير
*وضدك يضامي فزعت الناس*
......................................
حيره حيرني زماني وكمت اجمع بالحرم
الف موته ولاني اسمع شامت يمر عالخيم
صار جرحي بثكل هجرك آيشيال العلم
اعثر وانهض واطيحن هيج صرت من الالم
تلجمني شماتي
تجرحني أهاتي
تخنكني عبراتي
بطول النهر صارت جراحاتي
بدمعي اكتبتلك هم معاناتي
*واشكد نخيتك يبو النوماس*
............
خويه عباس اعله بختك يمك وحنيت الك
كوم ردني لدار اهلنه راح اضل اتوسلك
والنعم هاي الشوراب نعم بطن النكلتك
ياكمر خويه شعلامك صدك (طروا) هامتك
مااكطع الدمعه
هذا العتب سمعه
بلجن الك رجعه
خليني انصب عالنهر خيمه
اشلون اعوفك وامشي بالهيمه
*انته الجبتني وتمطر احساس*
.................
يابو فاضل راح اروحن روحي ضلت عالنهر
الفرگه راح اتخلي كلبي يذوب ويفسر الحجر
وياك احسن عمري لحضه وغيبتك جنهه دهر
من نزل سوط اعله متني جتافي صاحت ياگمر
وطفله ابواجيهه
جروا تراچيهه
اهواي التعب بيهه
عمة ابوي حسين چا وينه
وحنت رقيه وحنت سكينه
*مادرن بالخيل الولي انداس*
تمت علي الذبحاوي
قريبا۔۔۔۔محرم الحرام ١٤٤١
اداء▪︎ سيد حميد الطويرجاوي
كلام▪︎الشاعر علي الذبحاوي
ذابل عله شفافي..شوك وعشك دافي
ارحمني موكافي بعيد
يالمهدي وين انته..صار البجي سكته
والسهر ماعفته بعيد
جم دعاء ودعاء الفرج اقره
عالدمع والمصايب خذت شمره
.............
تعال الجفن بعدك ذابل و محمر**
ومثل طش الخرز بالفركه اتطشر
ابيا ديره يمهدي بيا بلد يابر
ادورك وين واني بحزني اتعثر
جوه انته ياغيمه..لوكاعد بخيمه
لوتدعي بالهيمه غريب
شيخفف الالامك..احسبهن ايامك
متوجره اخيامك غريب
عالجفن دمعتك سيدي حمره
عالدمع والمصايب خذت شمره
...............
عله امتون الرمش دمعاتي تتمرجح**
والصفصاف ما فَيَ وحرارة غيبتك تذبح
ومو اله الجرح سجين جلمه شامتي تجرح
استخاره وافتح القران وتطلعلي الم نشرح
اتوسلك ارجع..بدمعاتي اتبربع
خليني بس اقنع ترد
صرت انه مجنونك..عالغيبه خي عيونك
عافيتي بعيونك ترد
حالي حال الذي قابض الجمره
عالدمع والمصايب خذت شمره
....................
شاطي الدمع طافح من مراسيلي**
انخلط لون الحزن يلمهدي وي ليلي
ناعور المصايب هدم كل حيلي
كل ليله شكل دمعاتي تحجيلي
.........
بس موضوعي...ليش انه بدموعي
تتنكع ضلوعي..وأذوب
لومرت طيوفك...اصرخ ولااعوفك
بالطيف لو اشوفك اذوب
شيبه شيبه تطك جن ورك شجره
عالدمع والمصايب خذت شمره
...........
تعال اقرالك الندبه بخلك شايب**
كاتبلك قصيده بكل حرف ذايب
خذاني الشيب الك يبن الحسن كاتب
والسجه ورد بس ردلي يالغايب
...............
بس اقره مكتوبي...وارجع يمحبوبي..
لسه الحزن ثوبي..وانوح
والندبه لطميه..بروحي حسينيه
كل الحزن بيه..وانوح
بروحي مجلس الك والكلب حضره
عالدمع والمصايب خذت شمره
..............
اجيت ابالي مره بخيمة احزانك**
والوان المصايب خطفت الوانك
آيا يحسين ومصابه عله السانك
ركضت اعليك بس مااندل امجانك
.........
الطف وبلاويه..بالف وتسعميه
ارويحتك مسيه..وحيد
اسمعهن أهاتك..شيطفي جمراتك
وتخمد جراحاتك...وحيد
افزع ابثارك واصعد الشكره
عالدمع والمصايب خذت شمره
........................
تغفه الدمعه كل ليلة بتجاعيدي
جزاني الريل وانذبحت مواعيدي
واكض الشيب ينشاف الوجع بيدي
صايم شوف وجهك ماشفت عيدي
.........
طيفك ترس عيني..اغفه وتصحيني
ودموعي ترويني..تسيل
ارحم جفن ساهر..وارحم كلب حاير
وبوجنتي حافر..تسيل
..........
خل اشوفك يمهدي ولو نضره
عالدمع والمصايب خذت شمره
تمت بحمده
علي الذبحاوي
لتعجيل ضهور الامام الحجه (س)
تقيم هيئة مواساة اهل البيت ع
مأتم حسيني مبارك يوم الخميس المصادف ٦/٢٠
الساعه الثامنه مساءا (في جامع السيد علي العميدي)
والدعوه عامه للجميع
https://youtu.be/M0_poVVPPqk
ياصاحب الزمان
قناة خادمكم في اليوتيوب، ،لي الشرف بان اكون بينكم ،،يرجى الاشتراك
https://www.youtube.com/channel/UCYWAzEJdErhyv2ciyAWpDag
يبن جعفر عالعهد خادم
........١
يارهين الدمعه
هذا صوتي وسمعه
وحق ضلع البضعه
*خادم الخدامك*
عايش ابفكاري
دمعي لجلك جاري
ابجي ليلي نهاري
*تعيش بيه الامك*
وادري ماتنساني
يجري دم شرياني
ورافضي عنواني
*وانه ضد ضلامك*
* مااعوفك سيدي الكاضم*
..............٢
يالكضيت اسنينك
الدمعه شلت عينك
بحسرتك وونينك
*روحي الك محتاره*
كل حياتك غربه
والليالي الصعبه
ارويحتك متعذبه
*والكلب شب ناره*
ياكثرهه اجروحك
ماتخفف نوحك
الحزن عاش بروحك
*ياغريب ادياره*
*يعاني كلبك زمرة الضالم*
.............٣
ياامام الشيعه
امرك احنه نطيعه
كل سنه عله البيعه
*شيعتك وفايه*
من تمر الذكره
بينه تلهب جمره
وحق روح الزهره
*ونعتني مشايه*
مانبالي الناصب
نعتني للراهب
من ضريحك راقب
*رايه تسبك رايه*
*شما منع وشماحجه اللايم*
...........٤
الشيعه الك تتباهه
التخدم بمولاهه
تلعن العداهه
*وماتهاب اليمنع*
ياحبيب احبابك
كلهه اجت يم بابك
تنحني اعله عتابك
*حته طفل اليرضع*
الرافضيه تعنت
ولضريحك حنت
بالمناحه او ونت
*يجري دم المدمع*
*كل موالي بدمعتهه عازم*
...........٥
بضلمة الطاموره
دمعتك منثوه
وضجت المعموره
*لهل مصيبه الكبره*
مارحم سجانك
تغيرت الوانك
طفح بير احزانك
*حسره تتبع حسره*
بالسجون مغيب
وحشه ليلك تنحب
بياذنب تتغرب
*والحنين اتفجره*
*تعاني من ضيم العدو الغاشم*
..........
الليله صارت وحشه
موسه شالوا نعشه
الموت صبح غبشه
*وسفه جفنك ودع*
كل ملك با لامه
يلطم اعله الهامه
بهل جرح لطامه
*وبالغرب تتشيع *
وجثتك مطروحه
وجبدتك مجروحه
العرش امسه بنوحه
*بهل رزيه اتروع*
الكون بعدك مضلم وغايم
(تمت علي الذبحاوي)
هوه اليحلهه اكبر طلابه
باب الحوائج مايسد بابه
لكلمن تعنه سلم وزار
..................................١
يامن الك حاجه وطلب اكصد لبو اعتاب الذهب
بــــلا تكلفه وبلا تعب لموسى ابن شيخ العرب
تكضي وتهون باول احجايه
اتعنه زوره واعكد الرايه
لا مايرد خايب الخطار
...............................٢
يامن شكيت من العلل ومهما عليك الهم ثگل
يم كبره ابجي ابلا خجل جفه دوه وبابه امل
طبع الچريم ايعزب بروحه
ابوابه رحمه ودوم مفتوحه
هوه الطبيب وفاتح الدار
...............................٣
الكاضم ابن خير المله بس طلبتك تحچيهه اله
موسى عضيم المنزله بصحنه ويناديلك هله
اطلب الحاجه وهمل الدمعه
جفه السخي للسابعه يرفعه
ميخلي زاير يمه محتار
...............................٤
يستاهل الكاضم دمع وكسر له من تلطم ضلع
خل صوت حزنك يرتفع يعلگلك ابگبرك شمع
يحضر الك يامن طفت كبره
ماينسه كلمن يحتمي ابكتره
ميعوف خادم ابن الاطهار
...............................٥
كل عمره ماشاف الضوه انفاسه ماضاكت هوه
بقعر السجن عوده التوه مايرهم العلته دوه
اعله المات ضلماً اجذب الحسره
موسى امامك خنكته العبره
ضامي وغريب وجبدته نار
...............................٦
حمل السلاسل موسهل جتفه انحنه وحيله ذبل
كيد الحديد اشينحمل شاف بحياته ابشع فعل
حكه امامك لو نفذ صبره
سموا جبدته سابع العتره
لچمة عذابه بنعشه آثار
علي الذبحاوي
يالمهدي رد لينه..مات الصبر بينه
للندبه ماباقي شمع..ضلمه ليالينه
مركب حزن شاطي الدمع ماخله عدنه عيون
........
چني طفل ماعندي موعد بالبجي
كل دمعه قصه ويوجع السان الحجي
يالغالي كمت اعله المصايب انتجي
وبحلك كل شامت يبو الغيره انحجي
يالمهدي شماتي
تلجم جراحاتي
مليت من هذا الوضع..ضلمه ليالينه
......
يالمهدي كل يوم اني ادورنك واحن
واشكيلك ابدمعاتي من جور الزمن
وعيونك اعيوني بغيابك وجرن
حد ما احمرن يابو صالح وانجون
من بعدك بذله
وبمسجد السهله
لليوم اضن باقي دمع..ضلمه ليالينه
.....
سير عله السان الضمه برد ونده
مو حلوه عاشك يبكه يبجي الوحده
اصرخ تعال بوجهي يرجعلي الصده
كلبي اعله فكدك كافي كافي اتعوده
روف الجرح وارجع
يمته الشمس تطلع
وانحلفك بكسر الضلع..ضلمه ليالينه
.......
كل جمعه اتانيك بأمل وبفرح
تاليهه يغفه اعله العيون الجرح
واكعد يلاكيني صبح موصبح
صدكني يلمهدي غيابك ذبح
وينك يمحبوبي
صار الحزن ثوبي
عدت يمهدينه الجمع..ضلمه ليالينه
........
وين انته عايش ياحبيبي بلايه أهل
كل لحضه اتوسل واناديك العجل
دليني بيتك غربتك ماتنحمل
واحبابك اتانيك ياخير العمل
يلماخذ انفاسي
شيبي صبغ راسي
دلالي يالغالي انفجع ..ضلمه ليالينه
..........
يالمهدي اشكيلك وضعنه بالعتب
كامو يساون التراب ويه الذهب
الحكنه امشي عليك جسم المنسلب
مانشف دمع الهجر لاضل يصب
عمري عله عمرك
رحت ابقه منتضرك
يالغالي للنوح استمع..ضلمه ليالينه
علي الذبحاوي
بعد مرور عام على السيده زينب (س)
وكأني بها تخاطب هلال محرم قائلاً :-
يهلال اشوفنك نهر ضامي
لاتطلع وتحرك الي اخيامي
وبطلعتك چنك نحر دامي
.........................................................١
حط روحك ابعيد وابد لاتكرب
وابطلعتك اسال شصار بزينب
كد ماتون حته الحجاب اتشيب
عاشور خلاهه غريبه وتنحب
وسال عليهه اخلاف ابو فاضل
حكهه تنوح ابروحة الكافل
*وتصيح لاطالت عسه ايامي
.............................................................٢
دارت سنه اعليهه وبعدهه ابرهبه
كلمن فكد اهله يموت ابغربه
شما شوف يهلال المصايب صعبه
حال الغريب احبابه تلجم كلبه
يهلال بيك انذبحت العشره
وحسين دامي ومنكطع نحره
*ضليت وحدي وتنحب ايتامي
.............................................................٣
ماريد اشوفك بالسمه روح ابعيد
لسه الحبل طابع تره فوگ الائيد
لسه الشماته واستمع صوت ايزيد
وللشام من طبينه جن عدهم عيد
(بيا) وكت زينب تنرمي حجاره
لو يمي كافل (ماني) محتاره
*فوك الشريعه ماتت احلامي
.............................................................٤
من عسن يهلال المحرم لاجيت
اهلي اخوتي ؟بيه كلي شخليت؟
اصفگ بديه وبالغرب لن ضليت
هم عندك اخبار المسه لوحنيت؟؟
بكل مغربيه اشتاك لحسيني
وابجي لحد ماتنطفي عيني
*خلاني وحدي بحيرة اوهامي
.............................................................٥
اَرجع واكولن بكلي اجاني العباس
ميت لجن ميموت البروحه احساس
خويه اعله بختك ترضه تحجيهه الناس
چفال زينب لاحه عامود الراس
زودي وازامط بيك عباسي
اخلافك يخويه ضاكت انفاسي
*يالدللتني ودوم گدامي
.............................................................٦
اطفال تركض جن اشوفن بسماي
وسكنه ورقيه تصيح وين الوفاي
عباس ارجع هوه بس شوفك ماي
حركوا خيمنه وتاه من عندي الراي
وصاحت رقيه بحرگه وبهضمه
اخذوا التراچي وخلو ابو اليمه
*والخيل جنهه رضت اعضامي
تمت
علي الذبحاوي
فضلك جبير اعليه مولاي
تايه اخلافك فاكد الراي
اقبلني..سجلني..
بداعت رقيه
..........
بديوانك اقبلني عبد وانته ابو الچلمه
حته الهوه لو ماحسيني ابد ماشمه
اترخص من الله واندبك ياولي النعمه
للباري اتقرب بأسمك شكبر هالرحمه
انه بخدمتك عايش..
ومن دم النحر ناقش..
احسبني خادم من الخدام
ارزقني جويه بجمر الخيام
ياعيني..يحسيني يبن الزجيه
........
يحسين مامحتاجني وشتسوي بيه
اله بكلب صافي الك انويّ النيه
ماعندي غيرك بالحشر وانته ادره بيه
يوميه احاسب ضامري ونته ادره بيه
اليريد الخدمه مايزعل
موبس يسمع المقتل
......
كون اليخدمك كلبه مجمور
حته بطريقه تشعل النور
يالغالي يالوالي..وكلك حميه
........
كلمن خدم موبالاسم لابل فعاله
حمزه الزغير مازغر رمزاً تعاله
عايش يضل لليوم رغم الضلاله
والحاكم المعبود جله جلاله
اهز مهدك يعدالله
صوت يشافي كل عله
حمزه الزغير وشيخ ياسين
وعبود غفله ومحي الدين
عالفطره..للزهره..الدمعه جريه
.......
من سيد جاسم للنعي ابيات كثره
يفت الصخر لمن يون عصرو الزهره
ولمن يصيح حسين عاري انكطع نحره
لاشك يبجي المهدي ويهيجله عبره
بأنفاسه الحسينيه
والدمعه البيهه حنيه
ناعي الزجيه ونبرته جروح
طعم لمحرم ينطي بالنوح
بأشعاره..واطواره..يجسد العزيه
........
ازرقني سحكه من الفرس وارزقني حركه
ونطيني نبله بمنحري وخل موتي شهكه
ليش اني اعيشن وانته ميت بالف سحكه
حكي من اذوبن بالعشك والكلب حكه
يرخص لجلك المنحر
وادري بخدمتك اكبر
كل عمري..وي نحري..خذهن هديه
......
علي الذبحاوي
انطيني من جرحك لجمه وعذاب
بروحي الف عاشر دلالي ذاب
انه زينب انه زينب
.....
صار الهوه يلجم والفركه سيف
دمعي شلع عيني ماردلي طيف
زينب يبعد اختك سيرلي ضيف ١
حل ياهوه اعذيبي رد ياخريف
دايني من اسهامك خليني اموت
بعيني حلم ضايع وابجي بسكوت
يلمعتب انه زينب
.......
لسه الضوه مسافر وبالي خيل
طبو عله خيامك والدنيه ليل ٢
والدله من سلبوهه تتباجه هيل
يصرخ شمر ضربوهه هالحرمه حيل
اشفافي تتفطر محتاجه ماي
دهري فجع كلبي وبايك ضواي
موتي كرب انه زينب
......
حنيت الك ارجع بسك غياب
انته الوحيد الشابع جسمك تراب ٣
كلبك ذبل ضامي وابلا ثياب
وعينك عله سكينه ورمله ورباب
دامي عله الغبره وكلبك جريح
انهضلك ابحسره اعثر وطيح
ناري تلهب انه زينب
...........
بالشام اموت غربه بهمي الجبير
اتمنه اجي مشايه بصحنك اصير ٤
اقبل يبو الاكبر كلبي اسير
انته الحمه وزودي وانته الامير
ارحم كلب حاير ينبض غريب
يالضلت ارسومك دامي وسليب
ابقه انحب انه زينب
.......
يالرجعت يوسف ردلي الحسين
بعيني دمع يعكوبي ومعميه عين ٥
يالغالي اشوف عيونك ماادري وين
يالتنكط أمروه وكلبك حنين
نتلاكه وين كلي واحزاني بير
وادري سبب هجرك لمك حصير
يالمسلب انه زينب
..........
متغيره ارسومك دمك يفور
من صار الامحاچه بلهجة نحور
شال الرمح راسك والشيبه نور ٦
يالوالي وثيابك فاحت بخور
سيف الكطع نحرك حاقد عليك
رَد سلب الخاتم شافه بديك
راسي شيب انه زينب
تمت
عبد زينب
الملا علي الذبحاوي
ياابا عبدالله
ندعوكم لحضور المجلس الحسيني
يوم الاثنين المصادف ٧/٢٢
الساعه الثامنه والنصف
ناحية الحريه
في مقام وجامع السيد علي العميدي
لاتقصروا بحضوركم
خذاني الشيب يالمهدي
واكف وكفة مجدي
اجدي شوفت عيونك
تموت بكلبي الاشلونك
...........
شنو ذنبي يمهدي شعطلك عني
صرت ابن المواجع والالم ابني
ليش من الزغر والشيب ماخذني
اسولفلك محب و الزمن دولبني
............
غارك بالدمع والهم
وهاي الدنيه ماترحم
يحسدوني ويحسدونك
تموت بكلبي الاشلونك
..............
شوكت يوم الملاگه مانويت تعود؟
يمهدي من انتضاري يبس بيه العود
صرت من النوايب شاعر او رادود
افزع لوتجيني فزعت البارود
اهيم بمسجد السهله
اغمض عيوني واندله
وازور ويه اليزورونك
تموت بكلبي الاشلونك
................
ياسچة ورد تاخذني للمحبوب
ياطرة فجر تلكاني لون اغروب
واتلگاني شايب منحني ومتعوب
وتلكاني حر نادم يريد ايتوب
...............
خل نتلاكة دمعه وهيل
عُبرني بدنيتي جم ريل
شكثر مشتاك لعيونك
تموت بكلبي الاشلونك
...............
من همي وعذابي عودي جن سعفه
من اقره بندبتك اذبل واغفه
والفاكد عزيز من الصعب يشفه
وحرت يبن الحسن يلشوفتك كلفه
..............
بجَيت البجي بطرواك
واگل للگلب هاك وهاك
وانه الحنيت لرسومك
تموت بكلبي الاشلونك
..........
اللهم عجل تنحجي ابحرگه
شحلاة الدنيه لو مامش دمع فركه
شكد اكتب تعال وماكو كل ملگه
والشامت يمهدي شلون اسد حلگه
..............
يكول المهدي مايرجع
وحق عيناك واتكطع
يجرحوني ويجرحونك
تموت بكلبي الاشلونك
.............
عشطانك تجي وضني اشوفك ماي
وبجرحي ملح وبروحي دكت ناي
وفورت دله دمعي وتاه مني الراي
وحرت يالمهدي اخبرك بين ذيج وهاي
وجمرات الكلب چانون
تاه الالف من النون
يبو الغيره ينكرونك
تموت بكلبي الاشلونك
.........
تمت علي الذبحاوي
موعدنا غدا
بحيل مولانا علي
لاتقصرو في الحضور
شور
حيرت السجان بأمرك
ملا حسن العرداوي
كلمات ملا علي الذبحاوي
هيئة سلطان الدموع ع
النجف الاشرف _ناحية الحريه