836
«مهد تمدن» گۆننامه‌سی‌نین تۆرکجه صفحه‌لری بیزیمله بو آدرسدن ایلگی قۇرا بیلرسینیز: @Susenrazi @Buqday @tansu6252 تۆرکجه تایپ، کؤچۆرمه ترجمه سفارشلرینیز قبول اوْلونور. @Susenrazi
⭕️ دکتـر محمد‌حسین مبیّـن، «شیمشک»ین یاشامێـنا «آواوا» رومانێـندا اسطوره گـؤزۆیله بیر آلقێـشلی باخێـش.
✍️ یازان: #عسگر_حسن‌پور
ایکینجی بؤلۆم
آی رومانێـن بـؤیـۆک میتیکال آنلامی اوْلاراق چوْخ زادلاری آچێـر یا دکتـر مبیّـن، جذامی‌لر آتاسێـنی اوْنلان تانێـتدیرماق یا آغێـرلاماق یا اوْنا بوْرج اؤده‌مک باشارێـق ایله ایشی یئرینه قوْیماقدێـر. دئمک ائله دوْغا یا طبیعت هر یئرده یا هر واخت هامێ‌نین یاردێـمینا گلمه‌ڲـی اسطوره بیر آیدێـن زاد اوْلسا دا، ایڲـیدلرین یا قهرمان‌لارێـن بولاغێـن دیبینده یا آغاجێـن آلتێـندا یا ائله داغ باشێـندا یاردێـم‌لارینا گلمک یا اوْنلاری اێـشیق‌لیغا یا خئیره ساری آپارماق‌لاری نئچه قات یوخاری اوْلور. بو روماندا دا بو قوْنو دکتـر مبیـن آتانی آی ایله آدلاندێـرماق یا سئوگی یا محبّت دبلرینه یا آیین‌لرینه باغلاماغێـیلا اوْلور. آی دکتـر دئمک ائلین دیلیندن گـۆنده‌لیک چاغدان یا ساده زاماندان چێـخیب بیر اسطوره سایاغی یاشاتماقدێـر. نییه کی دکتـر مبیـن کـؤنـۆللرده- دیللرده قالان بیر قوْچاق ایڲـیددیر.
بابا باغی‌نێـن آتاسی سایێـن دکتـر محمد‌حسین مبیـن 1306 تبریز ده چرنداب محله‌سینده آنادان اوْلوب، ایللر بوْیو انسان‌لارا دایاق اوْلوب، یوْل گـؤرسه‌دیب، اللریندن یاپێـشیب، یا دیلیمیزه- کـۆلتوروموزه یانێـب یا او ساحه‌ده یازێـب- یارادێـب. دۆزدور کی، 1394 ایلده دۆنیادان گـؤزۆنو یوموب آنجاق کـؤنـۆللرده یاشایاجاق‌دیر. دیللرده ده آلقێـشلاناجاق‌دیر.
🔻 *: منظوری، ناصر، 1384 آواوا، تهران، اندیشه نو.
@SancaqDergisi
/channel/Sancaq_media/8532
■ 2869 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز پنجشنبه 30 مهرماه 1405
🔹فایل pdf صفحات نشریه در لینک کانال تلگرام مهدتمدن⬇️
/channel/mtnewspaper
🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews
🔳 اۆره‌ڲینی ساهمان توت!
📚 (تبریزیم کیمی کتابێـندان)
✍️ شاعر: #سوسن_نواده‌رضی
📸 عکاس: تبریزلی اۆلکر
اۆره‌ڲینی ساهمان توت،
هر آن
قوْناق گله‌بیلر غفیلدن!
سَماوریوی
قوْی قاینار قالسێـن،
خیالێـوی بلکه دَمله‌ین اوْلدو!
قاپباجاندان
قوْی بیر اَسینتی گلسین،
آز – ماز تبریز لهجه‌سی،
بیر خێـردا دا اورمو سویو،
آخا بیلر دیلیندن!
*
آغاجلار گۆل آغلایێـر بۆسبوتون
اۇموپ کۆسن اوْلار هاااا....
اۆره‌ڲینی ساهمان توت،
هر آن
قوْناق گله‌بیلر غفیلدن!
@SancaqDergisi
/channel/Sancaq_media/8529
⭕️ دکتـر محمد‌حسین مبیّـن، «شیمشک»ین یاشامێـنا «آواوا» رومانێـندا اسطوره گـؤزۆیله بیر آلقێـشلی باخێـش.
✍️ یازان: #عسگر_حسن‌پور
بیرینجی بؤلۆم
دکتـر «محمد‌حسین مبّین»، «بابا باغی‌نێـن آتاسی» آدام‌لارا یاردێـم ائتمکده بیر یئکه تمل یارادێـب. اوْنون اێـشیغیندان دانێـشماق یا اۆره‌کلره یایدێـغی محبّت‌لردن یا گـؤزلره ساچدێـغی شافاق‌لاردان تـۆکنمز بیر دالغالی دنیزه اوْخشار. او سایێـن آتانێـن، یاشادێـغی گـۆنلردن هره اؤز باشارێـغی ایله بیرزاد سؤیله‌ییب. بو یوْل او وار ایکن باشلانێـب یا دئمک او قدر گـؤزل ائتگیسی چوْخ اوْلوب کی، هامێـلاری دیریلیڲـینده آلقێـش‌لاماغا ساری آپارێـب. آقای دکتـر گـؤردۆڲـو ایشلر، یازێـلارا، دفترلره سێـغینماسا دا، یار- یوْلداش یا اوشاق‌لاری یا اوْنلان اێـشیق‌لانانلار اللریندن گلن چالێـشیبلار اؤز پاێـلارینی اؤده‌سینلر. آنجاق کی بو یازێـلاری، یا ائله دانێـشیق‌لاری ایکی یئره بؤلمک اوْلار. بیری ائله گرچک یوْل ایله دکتـر گـؤردۆڲـو ایشلری یاددان چێـخماسین، ایتمه‌سین باتماسێـن یازێـیا آلێـنیب یا دیلده گلیب اوْجۆر کی بیر خسته، بابا باغێـندا دئییب: «باخ ایندی بئله قبله‌یه ساری دورموشام ... دکتـر ... بیزیم آتامێـز ایدی ...» یا ائله کی یازێـلاردا اوْلا، درگی یا کتاب شکلینده دئییلیب کی اوْنلارین باشێـندا اؤزۆنون بیر ده حیات‌یوْلداشی‌نێـن یاشامی، ایشلری دۆزگون یێـغیلیب یازێـلیب. دب سایاغی دا یادنامه آدی وئریلیب کی، سایێـن استاد «محمد‌حسین قابل‌نژاد سردرودی» زحمتینی چکیب، دۆزگون باشا آپارێـبلار. دکتـرون آبیده‌سین یا ائله بیر یئرلر آدێـنا وورماغی یا ائله آغێـرلاماسین دا بوجۆر بیر زادلار سانماق اوْلار. یا ائله مستند فیلمده ده اوْجۆردور. آماج او گـؤزل آنێـلاری دیری ساخلاماقدێـر.
ایکینجی‌سی ائله او قوْجامان آتانی باشقا بیر یوْل ایله آغێـرلاماق- خاطێـرلاماقدیر. بو یوْلدا ائله سؤیله‌نن سؤزلر، دڲـرلی یئر توتورلار. بو یوْلدا اوْنون اێـشیق آچدێـغی یوْلو سئونلر چالێـشیبلار دکتـر مبیّـن جنابلاری‌نێـن یوْلونو آچێـق‌لاسینلار یا اوْنون شانلی وارلێـغی یا درین دویغولارێـنی شعر ایله دئسینلر. او گـؤزل سؤزلردن- سؤیلردن استاد «کریم مشروطه‌چی» (سؤنمز)ین بیر پاراسی بئله‌دیر:
«قارداشێـم سئوگیلی شیمشک!
اێـشیغین، اوْد- آلوْوون قایناغی شیمشک دی دئییبلر
اوْدو شیمشک کیمیلر آزدی، و یا، تک دی دئییبلر
کامیل انسان‌لێـغا اؤرنک دی دئییبلر
خلق‌سیز، حقّه قوْووشماق دئدین اوْلماز بو محال دی ...»
کی بیر پاراسێـن دکتـرون آغری‌لارێـن آلێـشیب یانمالارێـندا دیله گتیریر:
«...سارانێـن دردینی منجه سارادان یاخشی قانێـبسان ...»
بئله دڲـرلی آلقێـشلار ائله دکتـرون شأنینه ده یاراشاندێـر. آنجاق بوردان بو ایکیمجی یوْلدا بیر گـؤزل، دڲـرلی یارانان ایشین آدێـنی توتمالییێـق او دا سایێـن استاد «ناصر منظوری»نین درین باخێـشلی، یازێـب- یاراتدێـغی «آواوا» رومانی‌دیر.
#دوامێ_آشاغێـدا...👇
@SancaqDergisi
/channel/Sancaq_media/8528
ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۸۶۸. سایینداکی تۆرکجه صفحه
@SancaqDergisi
🌐 https://www.instagram.com/sancaq2
🌐 https://instagram.com/asanews.ir
ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۸۶۷. سایینداکی تۆرکجه صفحه
@SancaqDergisi
🌐 https://www.instagram.com/sancaq2
🌐 https://instagram.com/asanews.ir
■ 2866 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز دوشنبه 27 مهرماه 1405
🔹فایل pdf صفحات نشریه در لینک کانال تلگرام مهدتمدن⬇️
/channel/mtnewspaper
🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews
⭕️ مشه قوربوشون آپارتمان حکایه‌سی
✍️ یازان: #آیدین_خلفی
مشه قوربوش (قوربان‌علی) بیر آز ناخوْشلامێشدی. کندده اوْلان قوْهومو اوْنون گؤرۆشونه بیر توْیوق گتیرمیشدی. توْیوغو حیطده اوْلان آلما آغاجێـنا باغلایێب، قاباغێـنا دن تؤکمۆشدولر.
قوربوش اۆچ مرتبه‌لی آپارتمانێمیزین بیرینجی طبقه‌سینده اوْتورور. بالاجا کؤهنه‌کلّه و گؤنۆقالین آدامدیر. سلام سؤزۆندن باشقا هر سؤز ائشیتدیڲینده اوّل بیر گؤزۆنو قێییب، ایری – ایری باخاجاق، سوْنرا ائشیتدیڲی‌نین ترسینه بیر سؤز دئیه‌جک.
دئدیڲین سؤز عمومی بیر مصلحت ده اوْلسا، اوْنا دیره‌نه‌جک. داها دوْغروسو «قابێـرغا وئره‌جک».
قوربوش توْختامێشدی، توْیوق ایسه آلما آغاجێ‌نین دیبینده سبدین آلتێندا ایدی.
بیر گۆن حیطه گئتدیڲیمده، بالاجا باخچامێزدا سبدین یئرینده توْردان و تاختادان دۆزلمیش لؤله بنزر بیر شئی گؤردۆم. قوربوشون توْیوغو اۆچ اوْلموشدو.
باشێـنیزی آغرێتماییم. یایێـن اوْرتالارێندا اوْن‌بیر دنه توْیوق – جۆجه‌یه او لؤله بنزر توْر دار گلیردی.
****
آخشام‌اۆستو ایدی، ایشدن ائوه گلیردیم. حیطده اوجا تاققا– توق سسی منی اوْرا چکدی.
مشه قوربوش حیطده، ایکی متر ائنینده اۆچ متر اوزونلوغوندا اوْلان باخچامێـزین دؤرد جونجونه آغاج سانجێب، دؤره‌سینه توْر چکیب، اۆستونه ایسه دمیر و رنگلی ایرانیت برکیدیردی.
پارکینڲین قاپێـسیندان اوْنا حیرتله باخدێغیمی گؤز آلتی گؤرسه ده، منه سارێ باخمادێ.
سوْنرا، «سلام مشه قوربوش! یوْرولما» دئییب، اوْنو منه سارێ باخماغا مجبور ائتدیم.
«سلام! ساغوْل.» - دئیه‌رک، گؤزۆنو قێییب، منه باخدێ.
«ایشی بؤیۆدوبسن، خئیر اوْلا، نه دۆزلدیرسن» - دئدیم.
«گؤرۆرسن دای، توْیوق‌لارێن یئری اوْلموردو، اوْنلارێن لؤلۆنو بؤیۆتدوم» - دئدی.
«آما منجه چوْخ بؤیۆکدور، آز قالێـر طؤیله‌یه بنزه‌سین! اوْردا توْیوق یوْخ، قوْیون دا ساخلاماق اوْلار. ایڲیرمی توْیوق‌دان سا، ایکی قوْیون آل، ساخلا.» - دئدیم.
قوربوش منه ایری – ایری باخدێ. عادتاً بیر گؤزۆنو قێیاردی! بو دؤنه او بیری گؤزۆنو ده بیر آز قێیدی، الینده‌کی چکیجی یاواشجا دبرتدی، ساندێم کی، منه سارێ توللاماغا حاضێرلاشیر.
بئینیمده «قاچاق یوْلو» آختارێردیم.
بیردن خێـردا قێـزیم آرخادان «آتا، آنام دئییر چؤرک ده آلارسان» - دئدی.
بو سؤز سانکی سؤنمک اۆزره اوْلان «چێراغیما نؤووت تؤکدۆ». الیمه گیره‌وه دۆشدو!
«یاخشێ. یاخشێ.»- دئییب، محیطی ترک ائتدیم.
۱۴۰۵/۰۳/۲۳
@SancaqDergisi
/channel/Sancaq_media/8523
ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۸۶۵. سایینداکی تۆرکجه صفحه
@SancaqDergisi
🌐 https://www.instagram.com/sancaq2
🌐 https://instagram.com/asanews.ir
⚫️ قوْجامان شاعر اوستاد «آیرێلماز» حیاتێـنی دڲیشدی.
اوستاد «یعقوب احمدوند اردبیللی» آیرێلماز تخلّوصو ایله اوزون مدّت مریضلیکدن سوْنرا مهر آیی‌نین ۲۴.جۆ گۆنو تهراندا «ایرینده» دۆنیاسێـنی دڲیشدی.
مهد تمدن و اوْنون تۆرکجه صفحهسی - سانجاق - مسئوللاری و اکیپی بو ایتگینی ملّتیمیزه و ادبیاتچێ‌لاریمیزا تسلیت دئییب، مرحومون عائله‌سینه باش ساغلێغی وئریر و جناب حقدن صبر و تسلّی ایسته‌ییر.
******
🔳 داغچی یوْلداشیم
✍️ #آیریلماز
تمیزله داغلاری داغچی یوْلداشیم،
بلکه گؤزللیکلر قالا داغلارا،
سنی آلقیشلاسین گؤزل داغ – داشیم،
گئدنده اوجا بوْی، بالا داغلارا،
بلکه گؤزللیکلر قالا داغلارا
گزه‌نده داغلارین دره‌سین – دۆزون،
اؤزۆن تک یوگیلان طبیعت اۆزون،
گۆللره پای آپار بۆلبول‌لر سؤزۆن،
وێرسین اؤز بزه‌ڲین لالا داغلارا،
بلکه گؤزللیکلر قالا داغلارا.
چالیش گؤزللشسین گؤزل طبیعت،
زیر – زیبیل داغلارا اوْلماسین محنت،
آشیق‌لار آراسی باشلانا صحبت،
یئنی بیر هاوانی چالا داغلارا،
بلکه گؤزللیکلر قالا داغلارا.
قار یاغیب ائل داغی اوْلا چال پاپاق،
توتا اینجه‌بئللر داغلاردان سوْراغ،
«آیریلماز» دا گله ائل‌لره قوْناق،
قارتال تک سسینی سالا داغلارا،
بلکه گؤزللیکلر قالا داغلارا
@SancaqDergisi
/channel/Sancaq_media/8520
■ 2864 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز شنبه 25 مهرماه 1405
🔹فایل pdf صفحات نشریه در لینک کانال تلگرام مهدتمدن⬇️
/channel/mtnewspaper
🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews
⭕️ هفته‌لیک فالێـنیز
✍ حاضرلایان: #اوْلجای_مرآتی
🔶 آزر (یای، آذر): سوْروشماق، اؤڲـره‌نمک و چئشیدلی باخێـش آچێـلارینی ائشیتمک، یئنی یوْللار اۆزوزه آچار. لاپ بئله اؤنجه‌دن اوْلان قرارێـزدا دورساز دا، یئنه هر زادی اینجه‌لیین، سوْنرا قرار وئرین. تئزلیکده ایشلریزین بهره‌سینی گـؤرۆب، باشی اوجالێـغا چاتاجاقسێـز. نیازی اوْلانلارا یاردێـم ائدین، انسان بیر الی ایله باغێـشلاسا، او بیری الی ایله آلار. دئمه‌یین منیم نه‌ییم وار نه باغێـشلاییم؟ پیامبر بویورموش کیمی، نه‌ییز وار اوْندان باغێـشلایێـن. علم، سئویملی داورانێـش، خوْش دانێـشیق هامێـسی انسانێـن وارلێـغی حساب اوْلور.
🔶 چیلله (اوْغلاق، دی): اؤزۆز یا باشقاسێـنی دانلاماق یئرینه، بیر ایش گـؤرۆن. اڲـر بیرزاد برنامه اۆزویله قاباغا گئتمه‌ییب، علتینی تاپێـن و گلن سفر همان سهوی تکرار ائتمه‌یین. هرزادا اوْلومسوز باخماق و اوْلومسوز دۆشونمک انسانی اۆمودسوزلوڲه دوْغرو آپارار. آما اوْلوملو باخێـش، سئوینج و قازانج گتیره‌ندیر. استرس و اضطرابدان اوزاق اوْلون، یوْلداشلار و عائله‌نین اۆستونده حساب گئدین و لازم اوْلان زمان اوْنلارا سؤیکه‌نه‌رک آغێـرلیغیزی آزالدێـن.
🔶 دوْندۇران آی (قـوْوا، بهمن): سئچیم سیزینله‌دیر. هر کسین سؤزلرینی دینله‌یین، نظرلرینی ائشیدین، آنجاق سوْن قراری دوروم، باشاری و حقیقی ایستکلریزه باخاراق، اؤزۆز وئره‌جکسیز. سیز تجربه‌لی و بیلگین بیر انسان‌سیز. تئزلیکده کـؤنلـۆزده اوْلان ایسته‌ڲـیزه چاتێـب، بئله‌لیکله آرامشه یئتیشه‌جکسیز. فقط بیر سؤزۆ اونوتمایێـن، انسان نه قدر خرج‌لسه یئنه ده آز گتیرمک احتیمالی وار، بو اۆزدن لوطفاً قازانجلارێـزین بیر مقدارینی گلهجک گـۆنلره ساخلایێـن.
🔶 بایرام (بالێـقلار، اسفند): کیچیک الده ائتدیکلریزی جدی توتمالێـسیز. چالێـشمالاریزین دڲـرینی بیلمک اۆچون، بـؤیـۆک یئرلره چاتماغێـز لازم دڲـیل. دؤزۆم و اؤڲـره‌تیم ده حیات سۆره‌جینده باشاری حساب اوْلور. فکریزی بیر یئره یێـغماغا چالێـشین یوْخسا ایشین کنترلو الیزدن چێـخار. یاشامێـزا اوْنملی تصمیملر توتمالێـسیز، بونا گـؤره بیلگین و تجربه‌لی آداملارلا دانێـشین و اوْنلارێـن سؤزلریندن فایدالانێـن. انسان هر زادی اؤزۆ تجربه ائده‌جک قدر فرصت و امکاناتی یوْخدور.
@SancaqDergisi
/channel/Sancaq_media/8516
⭕️ هفته‌لیک فالێـنیز
✍ حاضرلایان: #اوْلجای_مرآتی
🔶 آغلار- گـۆلر (قـوْچ، فروردین): آماجلارێـزا چاتماق اۆچون کیچیک آددێـملارلا باشلامالێـسیز. یوْلون هامێـسینی اؤنجه‌دن بیلمک لازم دڲـیل. یئتر ایلک ایشی بیلیب، اوْنو یوْلونا سالا بیله‌سیز. داها سوْنراسی دوروما گـؤره ایره‌لی‌لمک اوْلار. بو هفته معنوی گۆجلر سیزه یاردێـما گلیب، آرامشه چاتدێـراجاق. ایش و مالی باخێـمدان گـؤزل گلیشمه‌لر گـؤرۆنور طالعیزده. سیز گـؤرستدیڲـیزین ترسینه اؤرکده اؤرکک بیریسی اوْلاراق، اؤز باشارێـلاریزی آز گـؤرۆسوز. آنجاق نه ائشیکدن گـؤرۆندوڲـو قدر چوْخ، نه ده اؤزۆز قبول ائتدیڲـیز قدر آز دیر. یئتر کی اؤزۆز اوْلاسێـز و اؤزۆزه ایناناسێـز.
🔶 گـۆلن‌آی (بۇغا، اردیبهشت): بو هفته اؤزۆزه فرصت وئرمه‌لیسیز. بیر قوْنو سیزه آیدێـن‌لاشمایینجا، اوْنا گـؤره قرار وئرمک مجبوریتینده دڲـیلسیز. داها آرتـێـق اینجه‌لمک، سئچیم‌لریزی راحاتلاشدێـرار. اۆمودسوزلوڲـو اؤزۆزدن اوزاقلادێـن، نه قدر خوشبین اوْلا بیلسز، بیر او قدر خوشبخت‌لیک و آرامش سیزه ساری چکیلر. کاش انسانێـن دۆشوندوکلری‌نین نه قدر اؤنملی اوْلدوغونو بیله‌سیز، اوْندا بیرده هئچ زمان پیس دوروملارا فکرلشمزسیز.
🔶 قیزاران آی (ائکیزلر، خرداد): سؤزلریزی آچێـق- آیدێـن دئیین. ایسته‌مه‌یین چئورزده‌کیلر سیزین اۆره‌ک سؤزۆنو اؤزلری بیلسینلر. ایستکلریزی سایقێـلی اوْلاراق، هر بیر کنایه‌دن اوزاق دیله گتیرین. حیاتێـن چتین‌لیکلریله ساواشێـب، اؤزۆزو ایسته‌دیڲـیز یئره چاتدێـریب، آرامشه یئتیشه‌جکسیز. بورا کیمی سارسێـلماز روحیه‌زی هر کس گـؤرۆب و سیزین باشارێـلاریزا اینانێـب، آنجاق اوزون مدت آغێـرا دۆشدوڲـوزون یوْرقونلوغونو چئورزده‌کیلره یانسێـتمایین، هر کسین حیاتی‌نێن خوشلوغو دا، تورشلوغو دا اؤزۆ اۆچوندور، بیرینی چتین‌لیکلریمیز اۆچون سوچلایانمارێـق.
🔶 قـوْرا پیشیرن (یئنگج، تیر): آرامشیزی جدی توتمالێـسیز. بیرآز خلوت، استیراحت و شلوغلوق‌لاردان اوزاقلاشماق باعث اوْلار فکرلریزی سهمانا سالاسێـز و ایشلریزه داها آرتـێـق اوْداقلاناسێـز. باشێـزدا بعضی فکرلر وار، بو فکرلر سیزی آماجلارێـزا دوْغرو آپارێـر. اوْنلارا چاتماق و ان یاخێـن زماندا سئوینجینی دادماق یالنێـز اؤز الیزده‌دیر. اوْلا بیلر آدامێـن یاخێـنلاری- یوْلداشلاری بعضی وقتلر الیندن توتسونلار، آما سوْنوندا هر ایش اوْنون اؤزۆنه باغلێـدیر.
#آردێ_وار...
@SancaqDergisi
/channel/Sancaq_media/8516
⭕️ قوْنشودان گلن سسلر ندیر؟
✍️ یازان: #دکتر_شایان
ایکینجی بؤلۆم
نردیوان گتیریرلر، یئنیدن پئتی‌نی تایا باشێنا قوْوزایێریلار. پئتی‌نین گؤزۆ قاماشێب، آرخاسێ اۆسته یئره اوچور! آللاه رحم ائله‌ییر بو دفعه سامانلێغا دۆشور.
آلتی بارماق گۆموش: هه قاغا، بو دفعه نه گؤردۆن؟
تای‌قولاق پئتی: اوْن قات خانلار، آغالار!
سوْخولجان تاراو: ایه! قوْناقلاردان دئگینن، کیملردی؟
تای‌قولاق پئتی: بۆتون دۆنیا اؤلکه‌لر بـڲی، خانێ، آغاسێ!
سوْخولجان تاراو: نه؟!
تای‌قولاق پئتی: هه، دده‌م گوْرو حاققی دۆز دئییرم.
سؤزبازلار دۆشونمه‌دن بیر بیری‌نین جانێنا دۆشورلر؛
آخساق قولو: دده یاناسان، اینـڲیمیز دوْغدو.
چئری زئدی: آللاه آمان اوْی، کارکاسێبین فاتیحه‌سی اوْخوندو.
دوْمباگؤز قێـزقاییت: آللاه ظۆلوم ائلییه‌سن، ظالیملر یێغینجاغیندان قان قوْخوسو گلیر.
توْخماقلێ گۆللو: اوْلوب قالان یئر – یوردوموزو بیزه چوْخ گؤردۆلر، کسین یئنی پیلانلار قورولاجاق.
چه‌ول قالسین: دۆنن آخشام کند ایچینده قاب – قاشێق یێغیلیردی، دئمه خانلێـقدا اسکیکلیک وارایمیش.
چئری زئدی: هه قالسین باجی! من‌ده گؤردۆم قوروت، آیران، قارتره‌سی، یوْغورت، گؤی، گیردکان، اریک، یئمیش، بۆتون تره‌وزلر یێغیلیب آغا گیله گؤندریلیب.
مرێق میرواری: په دۆبردین داغێلسین آغا، منیم آزغامێ قوْناقلارێـنا یئدیردیرسن؟ آللاه بوْیونونا قوْیسون!
سوْخولجان تاراو: تێـفاغین دارباداغێلسین خان! گئده به سن قوْناقلێغا کندین اوْلوب قالانێن گرک یوْخ ائتمه‌لیسن؟
تای‌قولاق پئتی: فیتیل – فیتیل بورنوزدان گلسین، کؤپک اوشاغێ، یئیین کاسێبین یاوانلێغین پئیسر بسله‌یین، بیزی ده یاوان چؤره‌ڲه محتاج قوْیون.
آخساق قولو: آللاه، حرضه‌تاباس! (حضرت عبّاس) یێخ بئله خانلێغین ائوین. کارکاسێبا آج – سوسوز، یئر – یئتیمه ده بیر گؤز آچدێر، بلکه ظالیملرین ظۆلمونو چکه‌بیلک.
کوْر قوبو: نه خانێ؟ نه آغاسێ! هامێسی آرالێق اوشاغێ‌دیلار!
تای‌قولاق پئتی: نه!؟ کئشگه آرالێق اوشاغێ اوْلسایدێلار. اۇلان! بونلار هالای‌‌پوْزاندێلار، آت اوْغروسوندان، تای باشێ، یوْل‌کسن، دوزاق قورانلارداندێلار. هئچ بیری دده‌سی اوْغلو دئییللر، چوْخون تانیێرام، قدیم منیم بؤیۆک بابامێن نؤکر، چوْبانی‌ایدیلار.
سوْخولجان تاراو: تای‌قولاق! سنین بؤیۆک بابان قدیم بیر بئله حشملی، وارلێ – کارلێ اوْلاراق ایندینی دئه، ایندینی! یازێق! آجێندان قارنێن بئیلیوه یاپێـشیبدی.
تای‌قولاق پئتی: کس سسینی! آخماق کوْله فساد، ایچین فساددی، ایچین قارنێ قورتدو.
کوْر قوبو: داش اوْلوم دۆشوم باشێـزا، نه اۆسته بیر بیریزی آلچاقلایێرسیز؟! باخێن گؤرۆن سیز نه گۆنده‌سیز! خان اؤز گۆلون وورماقدا.
توْخماقلێ گوللو: به اؤزۆن نه گۆنده‌سن، خانا یالتاقلێق ائدیرسن!؟
کوْر قوبو: الیمه دؤنۆم، خان ایله قان باغلانتێـمیز وار.
مرێق میرواری: نه قان یالاتاقلێغی، گئده؟
کوْر قوبو: بی‌بی قێـزیم، خان چوْبانێن کۆلفتی‌دیر.
چه‌ول قالسین: خانێن چوْبانێ‌نین آروادێ، سنی خانا باغلاداندێر؟ عاغلێوا داش باغلایێم، گئده کۆل باشدێ سن‌ده بیزه تای قارا گۆنلوسن، نه خان باغلێسی؟
تای‌قولاق پئتی: دوْغور دئییر، خان باغلێسی‌دیر. خان بعضی ایت‌لرین قودورماسێن، خالقێ قاپباسێن دئیه، آیاق یوْلوندا باغلار.
کوْر قوبو: کس سسینی ائششک اوْغلو ائششک! گئت کسیلمیش قولاغێنی تاپگینان....!!!!
تای‌قولاق پئتی: کؤپولو! آغزێـندان چێخان... ایله بورانی مێندارلاما.
سوْخولجان تاراو: اَیه قوْدوقلانمایێـن! دورون خانلێقدان بیر خبر بیلین گتیرین، گؤره‌سن ایندی نه دئییرلر؟ نه یئییرلر؟ نه ایچیرلر؟ خوْش حاللارێـنا؟
مرێق میرواری: قادام دۆشسون اوْنلارین حاللارێنا، حارام یئییب، حارام ایچیرلر.
آلتی بارماق گۆموش: آللاه هردن ظالیملره میدان وئرر، سوْن‌اوجو گؤزله‌یین.
توْخماقلێ گۆللو: قاغا وآللاه، آللاه هر کسه‌نین اۆره‌ڲیجه وئرر، یۆز ایلدن سوْنرا دا خان ائله خاندێر، کاسیب ائله کاسێبدیر.
کوْر قوبو: رحمت آتاا، سؤزۆن جؤهرین تاپدێن. آللاه داغێـنا باخار، قارێـنی سالار.
#سون
@SancaqDergisi
/channel/Sancaq_media/8512
ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۸۶۳. سایینداکی تۆرکجه صفحه
@SancaqDergisi
🌐 https://www.instagram.com/sancaq2
🌐 https://instagram.com/asanews.ir
⭕️ دکتـر محمد‌حسین مبیّـن، «شیمشک»ین یاشامێـنا «آواوا» رومانێـندا اسطوره گـؤزۆیله بیر آلقێـشلی باخێـش.
✍️ یازان: #عسگر_حسن‌پور
ایکینجی بؤلۆم
منظوری جنابلاری دا بو ایشی ایله، چوْخ یئکه بیر آددێـم ادبیاتێـمیزدا گـؤتـۆروب. دئمک ادبیات یوْلو ایله کی قالارقی بیر یوْلدور یا ائله گـؤزللیڲـه چوْخ یئر وئرن یوْلدور، بیرین آلقێـش‌لاماق چوْخ بـؤیـۆک بیر ایشدیر. یا بوجۆر ده دئمک اوْلار کی، بو یوْل هرزادان تئز ائلین خاطیرینه یوْل آچێـر و دئییلن‌لری ایللر بوْیو یاددا ساخلایێـر.
آنجاق ایشێـن گـؤزل پاراسی یا پارلاق یئری یازارێـن باشقا سئچدیڲـی یوْلدور کی، دکتـر مبیّـن کیمی بیر تایسێـز انسانی اسطوره یا میت گـؤزۆیله تانێـندیریب. بونو آرتێـرمالییێـق کی آواوا رومانی اسطوره سایاغی یازێـلیب. «آی» بیر ده آیین یا سئوگی تمللری یا دبلر یا اوْنون سومرلره باغلی کـؤکـۆ ایشین ان یئکه آنلامی‌دێـر یا بینؤوره‌سی‌دیر. دکتـر مبیـن ده رومانێـن سوْنلارێـندا بو آنلام ایله تانێـتدیریلیب. اؤنملی‌سی بودور کی، بوردا دکتـر مبیـن‌ین شعرده اوْلان شیمشک «تخلّصی» چوْخ دیله گلیر، آی آنلامی ایله اسطوره‌لره دۆڲـونله‌نیر. بئله کی:
«قاشی باشی آغارمێـش پروفسور شیمشک گیریر ایچه‌ری. سانکی هریان اێـشیق‌لانیر. یـۆزدن ده یوخاری اوْلان «تیلیمخان» اوْنو باغرێـنا باسدێـقدا: دده‌م گلدی! دده‌م گلدی! دئییر. ... آند اوْلسون هامێـمیزی یارادانا هر یئرده اؤتورموشام باخ بو سؤزۆ دئمیشم کی شیمشک کیشی بو قێـزین آمانات اوْلدوغونو اؤزۆ هامێـمیزدان یاخجی بیلیر ده آماناتێـن آغێـر اؤلدوغونو هامێـمیزدان یاخجی آنلێـییر دا. آخی بابام، من بو یاشدا اوْنو دده چاغێـراندا او اوشاغێـن (هومای)ین وظیفه‌سی بللی‌دیر ده.» و «سوْنا بڲـیم پروفسورا اۆز توتاراق: سنین او قدملریوه قوربان! دئییر بیزلرین ده سندن سووای کیمیمیز وار کی. ازل آللاه، اوْندان دا سؤرا سن، کیشی!» (منظوری، 1384: 260 و 261) یا «تیلیمخان: من دئییرم ائله هر بیرزادی قوْیاق سنین اؤز بوْینووا. سن ائله -باشێـوا دؤنـۆم- هم عالیم‌سن هم ده آغ ساققال، هم ده دۆنیانێـن ایشلریندن چوْخ باشێـن چێـخیر. ایندی گـؤر نه مصلحت‌دیر اؤنو گـؤر ده!» (منظوری، 1384: 262) یا «پروفسورون ان بـؤیـۆک هۆنری قره خالقێـن داغارجێـغیندا گیزله‌نن فلسفه‌نی آچا بیلدیڲـی ایمیش. او کۆل آلتێـندا قویلانان او سیرّلره یوْل آچان قێـلیق‌لارین وار اوْلدوق‌لارێـنا اینانێـرمیش. تیلیمخان کیمیلرین ده یـۆزدن چوْخ یاشادێـق‌لاری بیر سیرّ ایمیش.» (منظوری، 1384: 264) یا گـؤردۆم بونلار [سوْنا بڲـیم، تیلیمخان] دا آقای دکتـر یئرینه آی دکتـر دئییرلر. بئله ائشیدنده آیێـن بیر سیما یارانێـردی. پروفسور شمیشڲـین آیێـن سیماسی داها دا آتالانێـردی. من ده احترام‌لا بلی دئدیم. گئتدیم آی دکتـرون قوللوغونا» (منظوری، 1384: 329) یا «دئمه‌لی، سوْنایین اؤلکه‌سینده کیشی‌لرین «آی»-ا منسوب اوْلماق‌لاری شن بیر تاپێـنتی ایدی اۆره‌ڲـیمی قێـزیشدیریردی.» (منظوری، 1384: 332)
بئله بیر یوْل یئنی بیر یوْل اوْلاراق، آچێـق‌لامالی‌دیر. دکتـر مبیّـن روماندا بیر اسطوره کیمی تانێـنیر. اوْنا آی دئمک، اوْنو دا ائل طرفیندن بیر بـؤیـۆک آلقێـش‌لاماق سایاغی‌دێـر یا ائله سؤنمز دئدیڲـی کیمی دکتـر مبیّـن گـؤردۆڲـو ایشلر ائله بئله آلقێـش‌لانمالی‌دیر یا ائله هامی بو یوْلدا اوْلمالی‌دیر. نئجه کی سؤنمز دئییر: ائل سنی آلقێـش‌لایاجاقدێـر.
#دوامێ_آشاغێـدا....👇
@SancaqDergisi
/channel/Sancaq_media/8532
ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۸۶۹. سایینداکی تۆرکجه صفحه
@SancaqDergisi
🌐 https://www.instagram.com/sancaq2
🌐 https://instagram.com/asanews.ir
⭕️ دکتـر محمد‌حسین مبیّـن، «شیمشک»ین یاشامێـنا «آواوا» رومانێـندا اسطوره گـؤزۆیله بیر آلقێـشلی باخێـش.
✍️ یازان: #عسگر_حسن‌پور
بیرینجی بؤلۆم
منظوری جنابلاری بو یاراتدێـغی ایشده گـؤزل و اؤزل بیر یوْل ایله دکتـر مبیّـن‌ین درین‌لیڲـی یا ایشی‌نین دڲـرینی گـؤز اؤنـۆنه قوْیوب. دئمک آواوا رومانێـندا دکتـر مبیّـن ایکی جۆره گـؤز اؤنـۆنه قوْیولوب. بیری گرچک یا رئال یوْل ایله دیر. بیری ده، میت یا اسطوره یوْلو یا باخێـشی ایله.
دکتـر مبیّـن آواوا رومانێـندا ایلک یوْل بیلیم‌یوردوندا «پیس‌لیک» مرضین «آیا خانیم کیمیلرین خسته‌لیڲـین» آچێـق‌لاماغا گـؤره اوْرایا چاغێـریلیر کی، اوْردا جذامی‌لردن ده وار یا ائله چاغێـریلان یئرده یوْلداشی دکتـر «علی‌اکبر ابوترابی» شعرده «حلاج‌اوْغلو» تانێـنان دا اوْردادێـر. دئمک اوْنون استادلێـغییلا او اوْتوروم قورولوب.
بو گـؤرۆنمه‌ده رئال بیر زادلار گـؤز اؤنـۆنه قوْیولور. بئله کی:
«ساچی چاللانمێـش آزجا دوْلو گـؤرۆنن ووقارلی بیر کیشینی درین حؤرمت‌له کیلاسا گتیردی. اوْنو گـؤرجڲـین پروفسور حلاج‌اوْغلو قالخدی اوْنو گلدین‌لمک اۆچون قارشێـلادی. پروفسور حلاج‌اوْغلو اوْنون کیلاسا گلمه‌ڲـینی اؤزۆ اۆچون بـؤیـۆک بیر فخر ساندی. حؤرمت‌له ده اوْنو پروفسور حلاج‌اوْغلویلا یاناشی اڲـله‌شدیردیلر... قولاغێـم منیم، تانێـدیغینی تانێـییردی آنجاق پروفسورون دانێـشیغی اؤزۆ اۆره‌ڲـه یاتان بیر مئلودییا ایدی. او فضایا حزیندن اعتیماد یاغدێـردی. دۆنیانێـن دردلرینی چکمه‌ڲـه نه یاخشی کی بئله آدام‌لار دا واراێـمیشلار!» (منظوری، 1384: 162) یا «پروفسور منی اؤز ائوینده قبول ائتدی. سؤزلریمه حؤرمت‌له قولاق آسدی. متانت‌له اؤز سؤزلرینی دانێـشدی. اوْنون دانێـشیق‌لارینی ائشیدندن سوْنرا، جذام‌لێـلار نچۆن اوْنو اؤزلرینه آتا ساندێـق‌لارینی باشا دۆشدوم» (منظوری، 1384: 251)
بوردا آماج خسته‌لیڲـی تانێـتدیرماق یا خسته‌لریله ایلیگی یا باخێـشلاری دڲـیشمک سؤزۆ بیر علمی ایش کیمی سؤیله‌نیر. بوراجان رومانێـن چالێـشدیغی زاد، دکتـر مبیّـن جنابلارێـنی رئال اوزده ایشده یئرلشدیرمه‌سی دیر. اوْنو دا ائله اؤز ساغلێـغیندا. دئمک بو بیر بـؤیـۆک یا یاخچی یوْل آچماقدێـر دیلیمیزده، ادبیاتێـمیزدا. نئجه کی ائله «ستارخان» کیمی بـؤیـۆک بیر کیشینی «عباس پناهی ماکویی»نین ایشی هرزاددان چوْخ تانێـتدیریب.
#آردێ_وار...
@SancaqDergisi
/channel/Sancaq_media/8528
■ 2868 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز چهارشنبه 29 مهرماه 1405
🔹فایل pdf صفحات نشریه در لینک کانال تلگرام مهدتمدن⬇️
/channel/mtnewspaper
🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews
■ 2867 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز سه شنبه 28 مهرماه 1405
🔹فایل pdf صفحات نشریه در لینک کانال تلگرام مهدتمدن⬇️
/channel/mtnewspaper
🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews
⭕️ لای لای چالدێم یاتاسان
✍️ یازان: #عزیز_سلیمانی (آراز)
ایکینجی بؤلۆم
قوْجا آتاسێ کی، هله اوْیاق قالێب قالین کتاب‌لارێنی واراقلایێب اوْخویوردو، کتابێ قاتلایێب نوه‌سی‌نین الیندن توتوب ماسا* اۆستونده اوْتوردوب، ساچلارێنی تومارلادێ.
اوْردا کتاب‌لارا باخدێـقجا «سانای»ێن ساغ گؤزۆ آچێلی، سوْل گؤزۆ یومولو ایدی! هردن ایکیسین ده آچێب، یا دا باغلایێردی. قولاغێ‌نین بیری یاتمێشدی، بیری اویاق ایدی. قوْجا آتاسێنا: «آتاجان! سنین کتاب ائوینده ناغێل کانێ وارمێ؟» - سوْروشدو.
قوْجا آتاسێ: «هه، آنجاق سؤز وئر قاپێسینی بیر کیمسه‌یه گؤسترمه‌یه‌سن!» - دئییب، باشلادێ:
"بیری واریدی، بیری یوْخ ایدی. بیر گۆن بیر بالاجا اوشاق واریدی. اوْ قدر خێرداجا ایدی، آدێـنا جێرتدان دییردیلر! بیر گۆن جێرتدانین دوْستلارێ گلیب؛ «جێرتدان! گل گئدک مئشه‌دن اوْدون یێـغاق.» - دئدیلر.
جێرتدان؛ «نئینک. قوْی آنامدان یاغ بلله‌سی آلێم، گلیم گئده‌ڲین» - دئدی.
جێرتدانین آناسێ هم جێرتدانا، هم اوشاقلارێن هر بیرینه بیر بلله وئردی. اوْنلار یئیه – یئیه مئشه‌یه طرف گئتدیلر. آز گئدیرلر، چوْخ گئدیرلر، بیر یومورتا بوْیو یوْل گئدیرلر مئشه‌یه چاتێرلار.
مئشه‌ده جێرتدانین دوْستلارێ اوْدون یێـغماغدا، جێرتدان اڲلشیب، الینی آغدان – قارایا وورمور! دوْستلارێ دئیه‌نده: «جێرتدان! گل سن‌ده اوْدون یێـغ!» جێرتدان: «یوْخ! آنام سیزه یاغ بلله‌سی وئریب، منیم ده اوْدونومو یێـغاسینیز.» - دئییر.
اوْنلارێن علاجێ کسیلیر دییه، جێرتدانین دا اوْدونونو یێـغیرلار! یوبانێرلار. قاش قارالێ.ر ائوه قایێـتماق ایسته‌ییرلر. اۆز توتوب: «جێرتدان! داها قارانلێقلاشیر! دور اوْدونووو گؤتۆر گئدک.» - دئییرلر.
جێرتدان: «یوْخ! آنام سیزه یاغ بلله‌سی وئریب، منیم ده اوْدونومو گؤتۆره‌سینیز.» - دئییر.
اوْنلارێن یئنه چاره‌سی کسیلیر. جێرتدانین دا اوْدونو گؤتۆروب قایێدیرلار. قارانلێـغا قالێب، یوْلو آزێرلار.* اوْرا – بورا باخێب گؤرۆرلر بیر یاندان ایت هۆروشو سسی گلیر. بیر یاندان چێراغ اێشیغی گؤرۆنور. آوارا قالێب، یئنه جێرتداندان سوْروشورلار:
- «جێرتدان! هانسێ طرفه گئدک؟ ایت هۆرن یئره یا چێراغ یانان یئره؟»
جێرتدان: «اێشیق گلن طرفه!» - دئییب، یوْللانێرلار.
گئت ها گئت بیر دئوه راست گلیرلر. داها قاچا بیلمه‌ییب، گئجه‌نی دئوین ائوینده قالێرلار. دئو گۆدور – گۆدور گئجه یارێدان کئچیر. ایلک سوْروشور:
- «کیم یاتێب! کیم اوْیاقدێ؟»
دئمه سنه ایسته‌ییر بیلسین، اوْنلارێ یوخو آپارمێش اوْلسا بیر به بیر توتوب یئسین! کیمسه دینمیر! آنجاق جێرتدان: «هاممێ یاتێب، جێرتدان اوْیاقدێ» - دئییر. دئو: «جێرتدان ندن اوْیاقدێ؟» - سوْروشور.
«جێرتدانا هر گۆن آناسێ یاغ بلله‌سی یئدیردیر یاتێردیر، یئدیردیر یاتێردیر.» - دئییر.
دئو قالخێب، بیر یاغ بلله‌سی توتوب گتیریب جێرتدانا وئریر. «بلله‌وی یئه، داها یات.» - دئییر.
بیرآزدان دئو یئنه قوْی گؤرۆم یاتێبلار دییه، سوْروشور:
- «کیم یاتێب! کیم اوْیاقدێ؟»
جێرتدان: «هاممێ یاتێب، جێرتدان اوْیاقدێ» - دئییر.
دئو: «جێرتدان ندن اوْیاقدێ؟» - دئییر. «جێرتدانا هر گۆن آناسێ بولاغدان الک‌ده سو گتیریر ایچیردیر یاتێردیر، ایچیردیر یاتێردیر.» - دئییر.
دئو قالخێب الَکـی گؤتۆروب بولاغا سو گتیرمـڲه گئدیر. وور های دوْلدورور، آنجاق الک‌ده سو قالمێر! دوْلدورور الک‌ده سو قالمێر! اوْ آرادا جێرتدان ماجال تاپێب، تئز دوْست‌لارێنی اوْیالدێب: «دورون! بوردان قاچماساز، دئو سیزی یئیه‌جک.» - دئییر.
اوْنلار دوروب قاچێب، چایێـن سویونو اوْتایا کئچیرلر. دئو گئندن گؤرۆر جێرتدان‌لا دوْستلارێ سویون اوْ تایێندا گئتمکده‌دیلر. سوْروشور:
- «جێرتدان! سودان نئجه اوْ تایا کئچدینیز؟»
جێرتدان: «گئت بیر دڲیرمان داشێنا مین، اؤزۆنه برک – برک باغلا، سن‌ده گل بوتایا کئچه بیل!» - دئییر. دئو قاچێب دڲیرمان داشێن اؤزۆنه باغلایێب، تئز چایێ کئچمک ایسته‌ییر. دئو آغێر! دڲیرمان داشێ آغێر! دئو سویا باتێب، بوْغولوب اؤلۆر. آنجاق جێرتدان‌لا دوْستلارێ سودان کئچیب، ساغلام قالێرلار. (فوْلکلورێمیزدان، ناغێلی تعریفله‌ین: خانێم راحله فرامرزی)"
سانای اوْ گئجه‌نی ماسانێن اۆستونده یاتێب قالدێ. قوْجا آتاسێ اۆستونه بیر یوْرقان چکیب، باشێ‌نین آلتێنا قێرمیزی گۆللو بالێنجینی قوْیدو.
«لای لای بئشیڲیم لای لای،
ائویم ائشیڲیم لای لای ...»
🔶 آچێقلامالار؛
ماسا: میز
یوْلو آزێرلار: یوْلو ایتیریرلر
(۱۴۰۵ ایل – خیاو شهری)
#سون
@MuncuqAz
/channel/Sancaq_media/8525
«#سانجاق»، سیاسی- اجتماعی مهد تمدن گۆنده‌لیگی‌نین ۲۸۶۶. سایێنداکی تۆرکجه صفحه
«مونجوق» صفحهسی، تۆرکجه یازێب - اوْخوماغێ سئون اوشاقلار و یئنی‌یئتمه‌لریمیز اۆچون چێخیر.
@SancaqDergisi
@MuncuqAz
■ 2865 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز یکشنبه 26 مهرماه 1405
🔹فایل pdf صفحات نشریه در لینک کانال تلگرام مهدتمدن⬇️
/channel/mtnewspaper
🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews
⭕️ مقدس مدافعه اؤنجۆل‌لرینی آغێرلاما و ایثارگرلر ایله جانبازلارێن دڲرلندیرمه مراسمی، یوْخسا بزه‌کلی سۆفره‌لرله مدیرلرین کارنامه‌لرینی تکمیل‌لتمک؟
✍️ یازان: #جواد_نیکبخت
وار سؤزۆم باشلایێرام. دوْستلار اۆچون یاشلێ گؤزیله، قان اۆرک داغلێ سؤزیله
لای‌لای ای جبهه‌لرین یوْرغونی ای خسته جوانلار
لای‌لای ای شهد شهادتدن ایچیب کامه چاتانلار
لای‌لای اروند کنارینده قێزیل قانه باتانلار
خوْش یاتێـن، یاخشێ یاتێـبسیز
دۆزدی سس‌سیز یارالاندوز، سووا باتدوز، قانوز آخدێ
دۆزدی ظالیم قودوروب، خنجرینی سینه‌زه تاخدێ
دۆزدی سیز، جان وئره‌لی بوْینو یوْغونلار هامێ باخدێ! نیسگیلوز عالمی یاخدێ.
بو بولاقلار سیل اوْلوب، کۆفر ائوی برباد اوْلاجاقدور
اوْ یانێـق قلبلرین، آهێ دا فریاد اوْلاجاقدور
بئله مظلوملارێن آهێ‌نی آللاه یئره سالماز. پوْزولار ظالیمین ارکانی، بو ظۆلوملر سوْنا چاتماز...
***
بو گۆنلر عراق جنگی‌نین ایل دؤنۆمودو و تمام اداره‌لر – سازمانلاردا مراسیم گئچیردیلیر. هر حالدا اؤزلۆڲومده بو مراسیمی گئچیرئلردن تشکر ائله‌مک ایستردیم. آما بیر سؤال منه، جاوابسێـزدی کی، نه قدر بو مراسیم مقدس مدافعه (دفاع مقدس) و اوْنون آدسێز یارادانلارێ، ایثارگرلر و جانبازلاردان اؤترۆدور!؟ نه قدری جلسه‌نین تزئینی و کارنامه تکمیلی اوچوندور!؟
ایندیکی مسئوللار، نه قدر ب«اکری و تجلّایی»لرین اؤزلرین و یوْللارێن تانێییب، آنلایێب و اوْنلارێن یوْللارێن گئتمکده‌دیرلر!؟
«باکری» حق‌النّاس و حق عامه‌دن اؤتۆر سوْیونوب، سۆپورگه الینه آلێب، چالێشماغینان اجازه وئرمیردی بیر ایشچی‌نین مرخصی‌سی ایشی آخسادا..! او سحر تئزدن اؤز همرزم‌لرینه روحیه وئرمک اۆچون باشماقلارێن واکس وێریردی و اوْلار یئدیکلری یئمکلردن یئییردی. بیر لشکره یئمک پایلانێـردی، بیر نفر بیر لاواش‌دان چوْخ گؤتۆرمزدی. اضافه‌کار و تشویق مسئولارین یوْخ، عادّی‌لرینکی ایدی.
«باکری»لر تکجه مسئول‌ایدیلار کی، فیکرلری آلچاق‌گؤنۆللوک، خدمت اؤز ال آلتێـنداکیلارایدی تا اوْنلارینان اینانێلماز ایشلر باشارالار و اوْنلار دا فرمانده، سرلشگر، دکتر، مهندیس، رئیس یوْخ! «آقا مهدی» مقامێـنا چاتدێریلمیشلار.
باکری و باکری‌لر؛ قوْجا ننه‌نین شهردارا قارغێش ائتمه‌سینده، اوْنا باغێرمیردی! دئمیردی «اوْنون حقّین کسیب و اوْنا آد قوْیون!» مظلۆمجا ساکت اوْلوب، دییردی: «ننه‌جان! دعا ائله آللاه باکری‌نین تقصیراتێندان گئچسین.» اوْنلار ستار العیوب‌یدیلار یوْخ، مکشف‌العیوب، خالق العیوب، افتراء العیوب ایدیلار.
اوْنلار ایرادی اؤزلرینده آختارێردیلار، نه اؤزلریندن آشاغێ مقامدا ایشله‌ینلرده!!!
تکجه فیکرلری و عمللری حق، عدالت یوْلو... چالێشماقلاری خلقه خدمت، اوْنلارێن رضایتین اله گتیرمک‌ایدی. ان‌شاء اللّه ایندیکیلر ده بئله‌دیرلر...
@SancaqDergisi
/channel/Sancaq_media/8521
⚫️ آجی خبر
🔳 دکتر «آقشێن آغکمرلی» (محمد قاسمی) مع‌الاسف دۆنیاسێـنی دڲیشدی!
سوْن خبر اساسێندا دکتر قاسمی چهارشنبه (٢٢ مهر ١۴٠۵) آذربایجان جمهوریتی «باکی» شهرینده قان تانسیوْنو (قان فشارێ) نتیجه‌سینده وفات ائتمیشدیر.
دکتر قاسمی، «آقشێن آغکمرلی» آدێ ایله ایللر بوْیو دیلیمیز، ادبیاتیمیز و مدنیتیمیز یوْلوندا چالێشمیشدی.
او، اوزون ایللر تهراندا یاشادێ و مطبی شاعرلر، یازیچێ‌لار و مدنی یوْلدا چالێشانلارین گؤرۆش مکانێـنا چئوریلمیشدی.
دکتر قاسمی سوْنرالار قوزئی آذربایجانا گئدیب، اوْردا ادبیات و مدنیت یوْلوندا چالێشاراق دیش حکیم‌لیڲی ایله ایلگیلی ایشینه داوام ائتمیشدیر.
سایێـن دکتر «آقشێن آغکمرلی»نین وفاتێـنی حؤرمتلی عائله‌سینه، قوْهوم – اقربالارێـنا و ادبیات دۆنیامێـزا باش ساغلێغی وئریرم.
ابدی یئری جنّت و مزاری اێـشیقلی اوْلسون.
*******
آقشێن آغکمرلی (محمد قاسمی) شاعر و یازێچی، میشوْو کۆلتور درنـڲی‌نین قوروجوسو، میشوْو داغێ درگیسی‌نین باش رئداکتوْرو.
١٣٣٩. هجری شمسی ایلینده گۆنئی آذربایجانێن مرند شهری‌نین ایسکمر (سفید کمر) کندینده دۆنیایا گلمیشدیر.
🔶 بیر نئچه کتابێـن مؤلیفی و ترجمه‌چیسی و کؤچۆرنی اوْلموشدور:
«دنیزدن بیر داملا» شعر و حکایه توْپلوسو
«کیربیتچی قێـز» هانس آندرسن‌دن ترجمه
«دوْندورماچێ» اوشاقلار اۆچون یازێلان حکایه
«شنگول – منگول» کؤچۆرمه
«بیزی یاشادان تاریخ – ایسکمر» تحقیقی کتاب کیمر تۆرکلری و بیر کند اۆزره آراشدیرما
«سؤیۆد آغاجی» نریمان حسن‌زاده
«۸۰ ایللیک عؤمۆر یوْلو»
دکتر آقشێن قاسمی «دیش حکیمی» ایدی و قوزئی آذربایجاندا بو حرفه ایله مشغول ایدی.
🔻 قایناق؛ @yurddash
@SancaqDergisi
/channel/Sancaq_media/8518
ٰ«#سانجاق»، سیاسی- اجتماعی مهدتمدن گۆنده‌لیگی‌نین ۲۸۶۴. سایینداکی تۆرکجه صفحه
@SancaqDergisi
🌐 https://www.instagram.com/sancaq2
🌐 https://instagram.com/asanews.ir
⭕️ هفته‌لیک فالێـنیز
✍ حاضرلایان: #اوْلجای_مرآتی
🔶قۇیرۇق دوْغان (آسلان، مرداد): اؤز باشارێـلاریزی دڲـرسیز سانمایێـن. گئریده قوْیدوغوز تجربه‌لره بیر داها دقت ائدین، اوْندا اؤزگـۆوه‌نیز چوْخالار و اؤز گۆجلریزه اینانارسێـز. یاخێـندا بیر قوْناقلێـغا دعوت اوْلوناجاقسێـز. اوْردا سئودیڲـیز بیرینی گـؤرمکدن چوْخ سئوینه‌جکسیز. بو گـؤرۆشون گلهجک اوْغورلارێـزا چوْخ ائتگیسی اوْلاجاق. بلکه همن آداملا بیر ایش اوْرتاقلێـغی یا عاطفی بیر ایلیشگی، سیزی آماجلارێـزا دوْغرو گئتمکده گۆجلندیردی و حیاتێـزی باشقا بیر مسیره سالدی.
🔶 زۇمار (باشاق، شهریور): نظملی و دۆزه‌نلی اوْلماق ایشلری راحاتلاشدێـرار. ایشلرین هامێـسینی بیرلیکده گـؤرمک یئرینه، اوْنلاری اولویت اساسێـندا دۆزه‌نله‌یین و اؤنجه اۆچ اؤنملی اولویتدن باشلایێـن. دۆز یئرلرده اقتصادی یاتێـریم ائتمکله، داها چوْخ آرامش و آسایشه چاتماق اوْلار. بو هفته‌دن اعتیباراً ایشلریز آزالاجاق و سیز داها چوْخ سئوینج‌له اوغور یوْللارێـنی طی ائده‌جکسیز. دئمک ایلین ایکینجی یارێـسی سیزه داها اوغورلو اوْلاجاق.
🔶 خزل (ترازی، مهر): اؤزۆزو یاددان چێـخارتمایین. باشقالارێـنا فکر وئرمک یاخجی‌دێـر آما اؤز نیازلارێـز داها اؤنملی‌دیر. سیزه انرژی باغێـشلایان هر بیر زادا آز دا اوْلموش اوْلسا زمان آیێـرین. یاواش- یاواش قازانجلارێـزین چوْخالماسێـنی گـؤرۆرسوز بو دا حیاتێـزین آراملاشماسێـنا سبب اوْلور. سیز چتین‌لیکلره غلبه ائتمه‌ڲـی اؤڲـره‌نیر، اوْنلاری حیاتێـزدا ایشه توتورسوز. بو اۆزدن ده، مانع‌لری بیر- بیر اوْرتادان قالدێـریب، آداق- آداق آماجلارا یاخێـن‌لاشێـرسیز. آفرین سیزه.
🔶 قیروْو (عقرب، آبان): هر بیر دڲـیشیم بیر سئچیمدن باشلانار. بعضی عادتلردن یوْرولوبسوز سا، اوْنو بیردن- بیره ترک ائتمک چتین اوْلار، کیچیک و عملی دڲـیشیملرله باشلایێـن. حیاتێـن آلچاق- اوجاسی اوْلار نگران قالمایێـن، تئرلیکده بو دوروم گئچر و سیز بیر داها آرامشه چاتارسێـز. البته بو آرامش مالی باخێـمدان قناعت، احساسی باخێـمدان دؤزوملو اوْماق و اجتماعی باخێـمدان سارسێلمازلیغا باغلێ‌دێـر. یوْخسا حالوا- حالوا دئمکله آغێـز شیرین اوْلماز.
#آردێ_وار...
@SancaqDergisi
/channel/Sancaq_media/8516
🔳 سئون انسان
✍️ شاعر: #سوسن_نواده‌رضی
📸 عکاس: #تبریزلی_اۆلکر
یئنه- قالخا اۇزون یوْللار گلمیشم
گاه آغلایێب، گاه یاشامدا گۆلموشم
من سئوگینی اینانمێشام، بیلمیشم
سئون انسان گؤزللشیر گۆن به گۆن
نیفرت ساچان اؤلۆب، دۆشور تۆن به تۆن!
@SancaqDergisi
■ 2863 مین شماره روزنامه سیاسی واجتماعی مهدتمدن در 8 صفحه به زبان‌های ترکی و فارسی روز پنجشنبه 23 مهرماه 1405
🔹فایل pdf صفحات نشریه در لینک کانال تلگرام مهدتمدن⬇️
/channel/mtnewspaper
🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews
⭕️ قوْنشودان گلن سسلر ندیر؟
✍️ یازان: #دکتر_شایان
بیرینجی بؤلۆم
خانلێقدا گؤره‌سن نه خبردی؟ بیر بئله گل – گئت، وور – سێندیر، چئشیدلی آراجلار، قوربانلێقلار، آت اوْیناتمالار، هالای چکمه‌لر، گؤزآلێجی تدارۆکلر، قاپ‌باجا سولامالار، سۆسلنمه‌لر، بزه‌مه‌‌لر، گۆللو چیچکلی ماسالار، زێرنا قاوال چالێنمالار، هالایلار، یاللێ‌لار چکمه‌لر، فیلم یێـغمالار، شکیل چکمه‌لر، قازان آسمالار، دادلێ دوزلو قیدالار، کابابلار، کۆفته‌لر، بالێق‌لار، بریانی عطیرلی قوْخولار، آغێز سولاندێران بیشمه اییسیلر.
کند اتڲینده‌کی یئرسیز – یوواسێز، چلیمسیز، چولسوز یێغینتی، چێپیلداق، دال‌بورون، آج آوارا، اوْغرو، یالانچێ، سؤزباز کندین هر ایشینه گیرن، هر دلیڲه بورون سوْخانلار، اللریندن بیر ایش گلمه‌دن کۆزه یوْخ کی، قولپ قوْیمایالار. سوْنوندا دا ایش – ایشدن کئچندن سوْنرا، کوْر پئشمان بارا قوْیوب، آغزێ یانێق، قێوریلیب سیچان دلیڲین ساتێن آلێرلار.
کوْر قوبو، تای‌قولاق پئتی، آخساق‌قولو، چئری زئدی، سوْخولجان تاراو، آلتێ بارماق گۆموش، دوْمباگؤز قێـزقاییت، چه‌ول قالسێن، مرێق میرواری، توْخماقلی گۆللو، خانلێـق تؤره‌نینی ائشیدیب، اؤز ایچلرینده دئدی – قودولاشێرلار؛
تای‌قولاق پئتی: منجه توْی تؤره‌نی اوْلمالێ!
آخساق قولو: یوْخ ائلچیلیک حاضێرلیغی!
چئری زئدی: عاغلێـزا بانلایێم! نه توْیو؟ نه ائلچی‌لیڲی؟
آخساق قولو: به نه؟
چئری زئدی: اۇلان! دؤلتلی‌یه آللاه بالام دئییبدیر دا! هر شنلیک تؤره‌نینه، بیر ماهنا قاباغا هیتیلتمزمی؟
سوْخولجان تاراو: اۇلان! بو سن اؤله‌سن، او سن اؤللره بنزه‌ین دڲیل، منجه آغێر بیر آشێرمادیر.
آلتی بارماق گۆموش: گؤره‌سن خانلێغین وارلێغینا، یئنیدن نئچه پارا کند داها آرتێلیبدیر!
دوْمباگؤز قێـزقاییت: یوْخ ای گۆموش خالا، من بیله‌نی بیلدیرلریمه دؤلته آغێر حاصیل دریب، یئتیشدیریب، وئردیکده، وزیرلر آغانێن ال اؤپمه‌سینه گلیبلر!
چه‌ول‌قالسین: آ قێـز! من دئییرم گؤره‌سن خانێـن هانسێ کنده زیانلێغی توْخونوب، یازێق کتدی‌لری گتیریبلر آغانێن ال اؤپمه‌سینه بلکه اوْنلاری باغێشلاسین!
مرێق میرواری: دئییرم بلکه یئنی اکینجک قورغولار، شرکتلری اۆرونلرینی خانا ساتماق اۆچون، اوْنا قوْناق گلیبلر.
توْخماقلی گۆللو: آی پئتی قاغا! بیر چێخ داما، تایا اۆستونه بوْیلان گؤر نه های – کۆیدو؟
تای قولاق پئتی دێرماشیر داما، قوْناقلێغین باسا‌باسێندان، گل – گئدین چاخناشماسێندان بیر شئی آنلامایێـر، اوْردان دێرماشیر تایا اۆستونه، بیردن الی سیریلیر تپه‌سی اۆسته توللانێـر یئره، کارکاسێب – سؤزباز قوْنشولار تای‌قولاغێن تاپپێلتیسینا چؤله آغنایێرلار. چئوره‌سینی آلێرلار، آللاه اۆزونه باخێب، بیر آز بئل – بوخونو، ازیلسه ده هله‌لیک ساغ قورتارێب.
چئری زئدی: ایه! نه گؤره بیلدین؟
تای‌قولاق پئتی: یالنیز خان!
آلتێ بارماق گۆموش: ایه! نه خانێ؟ هامێمیز خانێن آنادان اوْلما رعیتی اوْلاراق، دئییرسن به خانێش‌خانی تانێمیریق؟
مرێق میرواری: خان‌دان سووای نلر گؤردۆن؟
تای‌قولاق پئتی: یالنێز خان!
آخساق قولو: ایه! بونون بئینی یئریندن اوْینایێب ای، عاغلی پوْزولوب ای، گئده خانلێقدا نلر گؤردۆن؟
تای‌قولاق پئتی: خان، خان، خان هر یانا باخێردیم خان گؤرۆردوم. دۆنیانێن خانێ بورا یێغیلیب!
چه‌ول‌قالسین: من دئییرم، پئتی‌نین کلّه‌سی لاخلایێب، سیز اینانمێرسیز.
سؤزبازلاردان بیر ایکیسی چؤل بایێرا چێخیب، نه قدر بوْیلانێرلار، بوْیلارێ قێسا اوْلماق سببیندن، آغێر یێغینجاقدان بیر شئی آنلامێرلار! یالنێز خانلێغین بۆتون چئوره‌سینده بوْی – بوخونلو ایری یئکه‌پر، قوْروجولارێن گؤرۆنمه‌سی اوْنلارێ چاشدێریر.
تای‌قولاق پئتی دئییر:
- یاردێم ائدین بیر ده چێخیم تایا باشێنا...
#آردێ_وار...
@SancaqDergisi
/channel/Sancaq_media/8509