رِوايات سُودانية🪐🤎!)"
27 July 2025 19:06
"يا ستَّهم، أقنعِي الزولَة دِي أوصِّلها."
"لِيلاس":
"تقنعِني شنُو هي؟"
"بتكلَّم مع حبيبتنَا.. دخلك شنُو؟"
"فوزيَّة" بابتسامةٍ مُشعَّة:
"لِيلُو، أسمعِي الكلام دا أخُوك الكبير."
أغمضت عينيهَا واستغفرت.. من الذِي أقنعهم بتلك الفِكرة، سبقَت كلمتهُ قبل أن تنطق هي:
"خمسَة دقايق وألقاكِ برّة."
قالهَا وهُو يتّجهُ إلى الخارج، دُون افساح المجال لها للجدال ...
•
•
•
ـــــــــــــــــــــ ༺༽❁ ❁༼༻ ـــــــــــــــــــــ
•• منزلُ آل صلاح ••
جلسَت إليهِ وهُو مُستلقٍ على الفراش وزفرت قبلَ أن تلفظ بشك:
"ما مُطمِّنة للضربة دِي يا مُعِيد، مُستحيل تكُون وقعة بس."
التفت إليها وجعلَ يُطالعها بيأس:
"طيِّب أعمَل ليك شنُو عشان تصدِّقِي إنّها ضربة؟"
هزَّت رأسها بعدمِ اقتناع:
"طيِّب، بحاوِل أصدِّق.. طب مُؤلّماك؟"
"أنا حاسِّي بألم فعلًا، لكِن ما فِي رأسِي."
أردفَ وهُو يسحب يدها نحو قلبهِ:
"الألم هنا يا ستَّهم.. داوينِي بقُربك."
سحَبت يدهَا وهِي تُقلِّبُ بؤبؤيها لتُخفِي ابتسامتها:
"تمُوت فِي الدراما."
أردفت بعد استوَت قائمةً:
"حَ أجيب ليك العصِير وأجي."
غمز لها:
"وجيبِي قلبك معاك."
خرجَت وهِي ترسم ابتسامةً مُتكلِّفة.. زالت فورَ ابتعادها عنهُ، وبدأت الشكُوك تزحفُ لتُخيّم على أفكارها ...
•
•
•
ـــــــــــــــــــــ ༺༽❁ ❁༼༻ ـــــــــــــــــــــ
•• فِي مكانٍ آخر ••
•• تحت أشجار النِيم ••
وقَفت أمامهُ وأصابعها مشبوكةٌ ببعضهَا، أطرافها ترتجفُ من الخوف، أسنانها تصطكُّ ببعضها كُلّما تذكَّرت أمرهَا، قال ببرودٍ وهُو ينفخُ دُخان سجارتهِ بعيدًا عن وجهها:
"أنتِ لميس زوجة مُعِيد صح؟"
اومأت بسُرعة:
"أيوا."
"عِكرمة.. العدو الأمقت لمُعِيد."
"ما فاهمَة، أنا مطلوب منِّي شنُو؟"
"تقِيفي معاي، وتشيلِي حقّك..."
•
•
•
يُتّبع ...
{ وَاتَّقُوا يَوْمًا لَا تَجْزِي نَفْسٌ عَنْ نَفْسٍ شَيْئًا وَلَا يُقْبَلُ مِنْهَا عَدْلٌ وَلَا تَنْفَعُهَا شَفَاعَةٌ وَلَا هُمْ يُنْصَرُونَ }.
Читать полностью…
رِوايات سُودانية🪐🤎!)"
27 July 2025 19:06
غيُوم زرقاء
الفصل السابِع عشر {17}
بقلم: رحاب يعقوب
{مُور فِـينَا}
صلِّ على النبي ﷺ
•
•
•
ـــــــــــــــــــــ ༺༽❁ ❁༼༻ ـــــــــــــــــــــ
•• منزلُ آل صُباحِي ••
استلقَى على طرفِ فراشهِ وهُو يُنفّثُ الهواءَ ترويحًا عن نفسهِ، لقد استطاعت سحبهُ من وطأةِ الألمِ القاسيَة بفضل الله، أحضرت لهُ كوبًا من الليمُون ووضعتهُ فِي "الكمُودينةِ" بجانبه وجعلت تجمعُ الأوراقَ المُبعثرة بعشوائيَّة فِي كُلِّ مكان وهِي تمسحُ دمُوعها:
"قُوم أشرب الليمُون دا، وتانِي مرَّة أوعك تشيل الكانيُولا من يدَّك لو ما قالُوا ليك شيلها."
أردفَت وهِي تُرتِّبُ الأوراقَ:
"أنت داير تجنِّن النَّاس معاك؟"
"ناجِد" بتعب:
"تعبت من الكانيُولا والكلام الما جايب حقّهُ دا."
"لِيلاس" بتوبِيخ:
"ما جايب حقّهُ كيف يعنِي؟ أنت مستوعب البتقولهُ دا شنُو يا ناجِد؟ صحّتك تعبانة تقُول لي ما جايب حقّهُ؟"
زفرَ قبل أن يُجِيبها:
"لِيلاس هدِّي هدِّي، خلاص ما قُلت شيء."
استطردَ وهُو يُطالع عينيهَا:
"وبعدِين أنتِ هسِّي بتبكِي ليه؟"
هزَّت رأسها بنفي:
"م.. ما ببكِي، المُهم قُوم أشرب الليمُون دا."
مسحَ وجههُ قائلًا:
"عاينِي، هِي أصلًا العقرب لسعتنِي قبيل ومشيت المستشفى، عشان شلت الكانيُولا جات مُضاعفات، ما شيء كتير."
"والقال ليك شِيلها منُو؟ كمان تقُول؟"
ابتسمَ وهزَّ رأسهُ بيأس:
"طِفلة طُول عُمرك."
"لِيلاس" بعتاب:
"يعنِي هسِّي لو ما جِيت الكان حصل شنُو يا ناجِد؟ أنت ليه بتعمل كدا؟"
استغفرَ طالبًا منها:
"طيِّب على الأقل وقِّفِي بكاء، وأنا بوعدك إنِّي ما أشِيل الكانيُولا لحدّ ما تقُولي لي."
وضعَت الأوراقَ على الطاولةِ أخيرًا وعقدت ذراعيها أمام صدرهَا:
"أشك.. وبعدِين دِي شنُو كميَّة العشوائيَّة الأنت عايش فِيها دِي؟ ما بتعرف تكُون مُرتَّب وتشتغل؟ "
"أكُون مُرتَّب ليه وأنا عندِي لِيلاس؟"
زفَرت بغيظ:
"لا إلهَ إلَّا الله مُحمَّدًا رسُول الله.. وِين خالتُو راويَة؟ أنا جِيت عشان أشُوفها أصلًا."
"طلعت مشت بيت خالِي عبد الملك."
"ارتاح هسِّي.. أنا حَ أمشِي."
استوقفهَا قبل أن تخطُو إلى الخارج:
"لِيلاس."
أجابتهُ باقتضاب:
"أمممم."
"جزاكِ اللهُ خيرًا."
اومأت:
"وجزاك أضعافهُ."
"لِيلاس."
"نعَم."
"ما تنقطعِي يا لِيلاس، رجاءً."
أصابت كلمتهُ أوتار قلبها، خفقَ حتَّى بلغَ خفقانهُ مسامعها، اكتفت بإيماءةٍ سرِيعةٍ وغادرت فِي صمت، بينمَا هُو راح ينظرُ إلى غُرفتهِ المُرتّبةِ، ويتذكّرُ ما حدثَ معهُ بالأمس...
•• فلاش باك - Flash back ••
"مُمكن أفهم دِي شنُو كميَّة البرُود الأنت فِيها دِي؟"
قالتهَا مخطُوبتهِ التِي وقفَت أمامَ مكتبهِ وهِي تعقدُ ذراعيها أمام صدرها، وضعَ الملفّ عن يدهِ ورفعَ عينيهِ إليها يهزُّ رأسهُ باستنكار:
"أيُّ برُود؟"
"الأنتَ بتعمَل فيهُ دا هسِّي أسمِّيهُ شنُو؟"
"إنِّي مشغُول، واضحَة يا نُوف."
"لا ما مشغُول، أنت بتتجاهلنِي عمدًا."
نفَّث عن هواءِ صدرهِ بضيق:
"نُوف، دا ما مكان كلام ولا مكان جدال، رجاءً أجِّلي أيّ نقاش لبعدِين."
"طيِّب جاوبنِي على سُؤال واحِد.. المُزعِّلك شنُو؟"
"نُوووف..."
قاطعتهُ:
"طيِّب جاوِب وبطِّل جُبن وهرُوب."
استفزّتهُ كلمتها الأخِيرة، ليسَ هُو من يهربُ من المُواجهة، قامَ وهُو يرمقهَا بحدَّة:
"تصرُّفاتك يا نُوف، تصرُّفاتك هِي السبب، مع الأسف أنتِ واصلَة مُنحدر حقِير جدًا من اللامُبالاة والأنانيّة."
أردفَ وهُو يُشير بيدهِ:
"ياخِي أنتِ حتَّى ما كلَّفتِ خاطرك تخُتِّي لي اعتبار قدّام زميلك ولا صاحبك ولا أيًّا كان، واصلتِ عادِي فِي البتعملِي فيهُ ولا كأنّهُ الشخص الكان قدَّامك هُو خطيبك."
زفرَ قبل أن يستطرد:
"ياخِي لأ، ما خلِّيتِ لـ حضُورِي معنى أساسًا، وفُوق دا ما فكّرتِ شعُوري شنُو وأنا شايفك واقفة مع زول تانِي ما بتربطك بيهُ علاقة وأنتِ ال حَ تكُونِي زوجتِي وأم أولادِي؟ ما فكّرتِ؟"
أجابتهُ وهِي تفضُّ غيظها فِي وجهه:
"طيِّب ما كان تسأل نفسك السُؤال دا وأنت واقِف مع لِيلاس.. ما فكَّرت شعُورِي شنُو وأنا شايفة خطِيبي وال حَ يبقى زوجي واقِف مع واحدَة تانيَة؟"
"نُوف ما تلخبطِي الكيمان، أنتِ عارفَة كُويِّس إنّهُ ماف علاقَة بتجمعنِي بـ لِيلاس غير الاحترام، وعلمك إنّهُ لِيلاس دِي اتربَّت معانَا من الطفُولة صح ولا لأ؟ طبيعِي حَ تلقِيني بتعامَل معاها ولكِن فِي حدُود."
"نُوف" بتهكُّم:
"حدُود؟ حدُود شنُو وأنت اليُوم كُلّه طالِع نازل توصِّلها حضرة سيادتها.. لأ وكمَان شايفَة نظراتك ليها، ياخ حتَّى نظراتك ليها غير البتعاينهم لي..."
قاطعها:
"ورِّيني يوم واحِد اتجاوزت فيهُ حدُودي معاها وخلَّاكِ تقُولي الكلام الكُلّه اتّهامات باطلة دا؟ كم مرَّة أنا فهّمتك إنّهُ لِيلاس زيّها وزي هِينار عندِي؟ وأكدّت ليك الشيء دا."
ابتسمَ باستخفاف مُواصلًا بعد أن طالع صمتها:
Читать полностью…
رِوايات سُودانية🪐🤎!)"
26 July 2025 15:34
التفاعُل!!
وأسفًا يا كِرام على الأمس.. الظروفُ لا ترحم!
Читать полностью…
رِوايات سُودانية🪐🤎!)"
26 July 2025 15:33
"محلّ العطُور يا مُعِيد، اتحرق."
تسائلَ الآخرُ بتعبيرٍ مُغدقٍ بالصدمة:
"كيف؟؟.. كيف يعنِي اتحرق؟"
تنهّدت:
"زي ما بقُول ليك.. حرقهُ شخص اسمهُ عِكرمة."
"مُعِيد" بتفاجُؤ:
"عِكرمة؟ عِكرمة الرواحِي."
ازدردت "هِينار" رِيقها:
"ياههُ، بتعرفهُ؟"
ضربَ على الطاولةِ بشكلٍ جعلها تفزُّ عن مكانهَا:
"الله ياخدهُ، لسَّة شكلنا ما حَ نخلص."
"هِينار" بقلق:
"مُعِيد، دا الأخد منِّي المطعم، أنا عايزة أعرف قصّتهُ معاك شنُو؟"
"واحِد سافِل وحقِير، لكن صدِّقِيني حَ أندّمهُ على كُل شيء بيعملهُ."
"بس..."
زفرَ قبل أن يُقاطعها:
"قرَّب منّك يا هِينار؟"
رمقتهُ بخوفٍ، كيف ستُخبره عن هوسِ ذلك المجنُون؟ إنَّها تشعرُ بالرِيبة كُلّما تذكَّرت نظراته وتهدِيداته.. هذا ليسَ وقتًا مُناسبًا، لا تعلمُ ما قد يفعلهُ إذا بلغَ أوجَ غضبهِ الآن، زفَرت وهزَّت رأسهَا نافيةً:
"لأ، بس حاوِل أبعدهُ عن طرِيقنا بأيِّ شكلٍ كان يا مُعِيد."
"صدِّقِيني ما حَ يطُول يعمل شيء تانِي، والمطعم حَ يرجع حَ يرجع لك"...
•
•
•
ـــــــــــــــــــــ ༺༽❁ ❁༼༻ ـــــــــــــــــــــ
•• مالِيزيا- العاصمَة كُوالالمبُور ••
•• فِي المشفى ••
نظراتهُ مُشتَّتةٌ فِي وجُوهِ رِفاقهِ الذينَ يُحاولونَ التخفِيف عنهُ، إنّهم أقربُ إليهِ الآن من أيِّ شيء، ولكِن صوتهم أبعدُ ما يكُون، إنّهُ يرزحُ تحت نوبةٍ من الصدمةِ والتفكِير، لا يُصدِّقُ أنّهُ الآن يُصارع ذلك المرض اللعِين، كُلَّما نظرَ إلى التقارِير أعرضَ وجههُ عنها بمرارةٍ، زفرَ أخيرًا ليستغفر مفوِّضًا أمرهُ لله، دلفَت الطبيبةُ إلى الحُجرة بعدَ أن طرقت البابَ طرقةً خفِيفةً وقَالت بصوتٍ جهُوريٍّ:
"معلِيش يا جماعة."
قامَ الشبابُ عن مقاعدِهم وانصرفُوا سريعًا تاركِين المجالَ للطبيبةِ ومرِيضها:
"كيف أمسيت يا جِياد؟"
سألتهُ وهِي تُطالع شاشة الحائطِ خلفهُ، أجابهَا بصوتٍ تُغلّفهُ البحَّة:
"الحمدلله."
اقتربت منّهُ لتتفحَّصَ وجههُ:
"نحنَ مُفترض نباشِر علاج من بُكرة إن شاء الله."
هزَّ رأسهُ بعدمِ اقتناع:
" الكانسَر ليهُ علاج؟"
"هُو فِي مراحلهُ البدائيّة، بسهُولة حَ نتخلَّص منّهُ إن شاء الله."
"ولكِن..."
"شُوف، أنا ال حَ أشرف على عِلاجك بنفسِي، وما عايزَة منَّك ولا شيء مُقابل عملِي دا، مُمكن تسدّد لإدارة المُستشفى إذا دا بيخفِّف حمل عنّك، ولكِن أنا ما عايزة ولا شيء."
"إذن، أفضَل يعالجنِي شخص تانِي بقبل يأخذ أُجرتهُ أو مافِي داعِي للعلاج."
كمَا توقّعت، إنّهُ من النوعِ العنِيد الذِي لا يُحبَّ أن يشعُر أنَّ هُناك شخصٌ يُفضّل عليهِ، لا تدرِي كيف ولكِنّها استطاعت قراءتهُ من المرّة الأُولى، ردّتهُ بهدُوء:
"قُلت لِيك مُمكن تدفع لإدارة المُستشفى لك ذلك إذا شِئت، وبعدين عادِي مُمكن ترجع لي بأجر، لكِن العلاج دا ما ح آخد منّك ولا شيء.. نُقطة انتهَى."
قلَّب بُؤبؤيهِ بملل:
"طيِّب اسمك منُو؟"
"آن"...
•
•
•
ـــــــــــــــــــــ ༺༽❁ ❁༼༻ ـــــــــــــــــــــ
•• منزلُ آل صُباحِي ••
دلَفت على خُطًى خفيفةٍ لا يُسمع لها حسيسًا إلى المنزل، بعد أن وجدَت البابَ مُواربًا غير مُغلق، صفَّقت بيديهَا تنبيهًا لهم.. ولكِن ما مِن استجابةٍ أو حركَة، جوّلت عينيهَا باستغرابٍ فِي أرجاءِ المنزل، حتَّى سمعت صوتًا قادم من المطبخ، تحرّكت نحوهُ فإذا بهِ تراهُ يقفُ عند حافّة مغسلةِ الأوانِي ويُمسكَ يدهُ فِي إعياءٍ شديد، فزّت إليهِ بسُرعة:
"ن ناجِد فِي شنُو مالك د دا شنُو؟"
نطقَ بصعُوبةٍ بالغة:
"لِيلاسس، أنا م ما قادِر."
لم تجد حلًّا آخرًا إلَّا أن تسندهُ إليها، فلا شخص يُجيب نداءها، يبدُو أنّ والديهِ ليسَا بالمنزلِ، أوصلتهُ إلى سريرهِ وجعلت تتفحّصُ عينيهِ وحرارتهُ، سألتهُ بسُرعة:
"مالك يا ناجِد، رُد بكلمة واحدَة بس."
"ل لسعة عقرب."
"لِيلاس" بفزع:
"عقرب؟؟؟"
جعلت تدورُ حولَ نفسها بفزَع، حتَّى أسرَعت بإسعافهِ وعينيهَا تدمعُ ويديهَا ترتجفُ بحركةٍ مُخِيفة ...
•
•
•
ـــــــــــــــــــــ ༺༽❁ ❁༼༻ ـــــــــــــــــــــ
•• منزلُ آل صلاح••
"برجع بعد شويَّة عندِي شيء أقضيهُ وأجِيك."
قالهَا لزوجتهِ وهُو يلوِّحُ لهَا مُودِّعًا، ويتركهَا داخِل الغُرفة وعينيهِ تقدحُ الشرار، لا بُدَّ أن يمُوت ذلك اللعِين اليوم، لقد طفحَ الكيل من تصرُّفاتهِ، قادَ إلى أن وصلَ إلى زقاقٍ ضيِّق، كمَا اتّفقا أن يلتقيَا، وصلَ الآخر فِي غضُّونِ دقائق، ترجَّل من السيَّارةِ وهُو يقذفُ بسجارتهِ:
"أوووو، مُعِيد."
"مُعِيد" بحنق:
"عِكرمة، أنا مُش حذّرتك ما تلعب معاي."
أشعَل "عِكرمة" قدّاحتهُ:
"لعب الكُبار؟"
برقَت لمعةٌ حادَّةٌ فِي وجهِ، وبحركةٍ مُباغتةٍ انقضَّ على عُنقِ "عِكرمة" وقطعَ أوردةَ يده قائلًا بفحِيح:
"حَ أورِّيك ليهُ على أصولهُ."
Читать полностью…
رِوايات سُودانية🪐🤎!)"
25 July 2025 17:56
حسي المهم سعادة الفريق شيبة ضرار
قال ليكم رجعو الكهرباء بديكم 12ساعة بس.
عشان م نرميكم مسيرات وهانفاجئكوم الله ينئلكوم يا ما موسلمين😂😂😂
Читать полностью…
رِوايات سُودانية🪐🤎!)"
25 July 2025 01:45
لو قعدت تركز ف انه تفقد ثقتك من محاسبتك لروحك تبقي حتكون شخص م عندو ثقة اساسا ف نفسه معدوم الثقة لانه سؤالك لنفسك مفروض يخليك تصلح من نفسك
انا عارف فكرتك انك تكون راقد ع سريرك فجاءة يجيك السؤال بتاع ليه وبعده ماسورة بتاعت جلد ذات
Читать полностью…
رِوايات سُودانية🪐🤎!)"
25 July 2025 01:43
انتو الحلوين والله 🌚❤️
كلامكم اللطيف ده اللي بخليني افتح رابط صراحة عشان اتلاقاه ويديني دفعة اني ادخل انشر عشانكم والله 🖤
Читать полностью…
رِوايات سُودانية🪐🤎!)"
25 July 2025 01:42
الليه البتجي دي وقت الفضي دي مرتت ايجابية ومرات سلببة
ايجابية في حالة انك بتجلد ذاتك بطريقة تخليك تتصلح وتمشي لقدام وتطور من نفسك الكنت فيها امس انك تقول ليه انا م كويس ف النقطة دي فتقوم تصلح النقطة دي
اما ليع مشاكل الدنيا والكلام الفارغ ده تقوم تدي نفسك كف لو سالت السؤال ده لانو دي حجات زايلة وف رمشة عين احتمال م نفتح تاني
Читать полностью…
رِوايات سُودانية🪐🤎!)"
25 July 2025 01:37
نقطة اخترقت ضلوع قلبي ياخ🤣
Читать полностью…
رِوايات سُودانية🪐🤎!)"
25 July 2025 01:36
💌 وصلتك رسالة جديدة
⏱ وقت الرسالة: 2025/07/25 - 02:34:10 AM
----
أدعو لي بالنجاح والتوفيق🥹❤️🩹
----
- تبرع لإستمرار عمل بوت صارحني 🎁
Читать полностью…
رِوايات سُودانية🪐🤎!)"
25 July 2025 01:36
💌 وصلتك رسالة جديدة
⏱ وقت الرسالة: 2025/07/25 - 02:32:59 AM
----
كيف اروح الالتهاب😖😖💔
----
- تبرع لإستمرار عمل بوت صارحني 🎁
Читать полностью…
رِوايات سُودانية🪐🤎!)"
25 July 2025 01:30
ولي انا شخصيا ي شباب 😔❤️
Читать полностью…
رِوايات سُودانية🪐🤎!)"
25 July 2025 01:29
فقرة كل سهرة وليلة طويلة
اي شخص عنده شكوة حزين من شي عايز يفضفض عاوز يبكي عنده سؤال استفسار اي شي يتفضل البوت مفتوح ليكم وبكل سرية اسمكم م ح يظهر
Читать полностью…
رِوايات سُودانية🪐🤎!)"
25 July 2025 01:26
الثناة دي فيها 45 الف ياااه لو كل زول رسل لي 100 الف بنكك بس 🫠
Читать полностью…
رِوايات سُودانية🪐🤎!)"
24 July 2025 23:20
التفاعُل!!!
وأسفًا للتأخِير يا كرام♡♡.
Читать полностью…
45563