رِوايات سُودانية🪐🤎!)"

26 February 2025 18:48

فقرة رمضانية سريعة 😁
للترفيه فقط🔥


=رمضانك السنة دي وين؟عرست المفروض اصوم في بيتي بس دا حال المغتربيين😂😂😂😂😂

=انت من النوع البتجرس ف رمضان ولا الموضوع عادي؟ 😂ابدا ماف اي جرسهه☺️☺️

=بتختم كم مرة ف رمضان؟؟ اكثر من مرة الحمدلله 😊


=محافظ على الاذكار؟ يعني مره مره 😭

=دورك شنو أثناء الفطور؟؟اجهز العصاير والصواني وابدا في تجهيز حله العشاء عشان امشيالتراويح
لو من النوع البتقعد ساي وبس تستنى الفطور عشان تطق اوعي ترد 😂


=بتحب العصيدة بملاح الروب ولا التقلية؟؟الاتنين😭😂😂

=بتحب عصير شنو؟ كل القنقليز اكتر شي😭😭


=العدة على منو؟ اسبوع علي واسبوع علي اختي 😂😂


=متابع المسلسلات والبرامج؟ ابدااا

=بتمشي التروايح يومي ولا مرة مرة؟ يومي😊😊


=السهر كيف وكيف؟  لحد 12بسس


=بتتسحر بشنو؟  نشا او رقاق

=واخيرا كلمة لي 😌❤️.استمري ي حلوه😊😊 وربنا يوفقك ويسعدك يارب 😘😘😘

ورمضان مبارك عليكم ❤️ 😊

للمشاركه :
@Toooonaaa99

رِوايات سُودانية🪐🤎!)"

26 February 2025 18:46

فقرة رمضانية سريعة 😁
للترفيه فقط🔥


=رمضانك السنة دي وين؟ في بيتنا💃

=انت من النوع البتجرس ف رمضان ولا الموضوع عادي؟ لالا الحمد لله بنصندد 😂

=بتختم كم مرة ف رمضان؟؟ مرتين او تلاته


=محافظ على الاذكار؟ الحمدلله ✨

=دورك شنو أثناء الفطور؟؟ بطلع الصحانه وبخت العصير😭
لو من النوع البتقعد ساي وبس تستنى الفطور عشان تطق اوعي ترد 😂


=بتحب العصيدة بملاح الروب ولا التقلية؟؟ ولا وحده ما بحب العصيده اصلا

=بتحب عصير شنو؟ المويه البارده بس


=العدة على منو؟ انا واخواتي بالدور🥹


=متابع المسلسلات والبرامج؟ ماف طريقه ممتحنه شهاده وكده يعني🐤

=بتمشي التروايح يومي ولا مرة مرة؟ ما حصل مشيت التراويح قبل كده بصليها في البيت


=السهر كيف وكيف؟  ما تبعي الحمدلله


=بتتسحر بشنو؟  اي شي المهم طقه

=واخيرا كلمة لي 😌❤️. إن شاءالله رمضان الجاي في بيت راجلك🥹✨

ورمضان مبارك عليكم ❤️

للمشاركه :
@Toooonaaa99

رِوايات سُودانية🪐🤎!)"

26 February 2025 18:44

=رمضانك السنة دي وين؟
القمر•

=انت من النوع البتجرس ف رمضان ولا
الموضوع عادي؟

بتجرسني لو قطعت، اما الاكل والشراب
د م بركز معاهم اصلا•

=بتختم كم مرة ف رمضان؟
اتنين اقل شي•


=محافظ على الاذكار؟
اي الحمدلله•

=دورك شنو أثناء الفطور؟
لالا انا بسحرهم بس.
«ربنا يحميني بس»❤️.

لو من النوع البتقعد ساي وبس تستنى
الفطور عشان تطق اوعي ترد
اتحسست.


=بتحب العصيدة بملاح الروب ولا
التقلية؟
بحب الاندومي.

=بتحب عصير شنو؟
اي بدرة..


=العدة على منو؟
اخواتي•


=متابع المسلسلات والبرامج؟
الاتنين•

=بتمشي التروايح يومي ولا مرة مرة؟
يومي.


=السهر كيف وكيف؟
بنوم بعد السحور•


=بتتسحر بشنو؟
م شي معين• 

=واخيرا كلمة لي:
زحي من اخوي•

رِوايات سُودانية🪐🤎!)"

26 February 2025 18:43

فقرة رمضانية سريعة 😁
للترفيه فقط🔥


=رمضانك السنة دي وين؟
في الشمالية ويحليل الخرطوم 😭

=انت من النوع البتجرس ف رمضان ولا الموضوع عادي؟ 😂

عادي 🌚❤️
=بتختم كم مرة ف رمضان؟؟
مرتين واحيانن تلاتة


=محافظ على الاذكار؟
ايوة اكيد ❤️

=دورك شنو أثناء الفطور؟؟
لو من النوع البتقعد ساي وبس تستنى الفطور عشان تطق اوعي ترد 😂

بملا الصبارة😭

=بتحب العصيدة بملاح الروب ولا التقلية؟؟
ملاح الروب الحب❤️❤️

=بتحب عصير شنو؟

التبلدي

=العدة على منو؟

علي الناس دي مفروض تاكل ف كراتين بعد دا 😭😭😭


=متابع المسلسلات والبرامج؟

برامج اكتر 💛

=بتمشي التروايح يومي ولا مرة مرة؟

بمشي طوالي❤️❤️❤️

=السهر كيف وكيف؟ 

لي الفجر😂🔥

=بتتسحر بشنو؟ 

حليب واحيانن مديدة

=واخيرا كلمة لي 😌❤️.
ربنا يوفقك ويحقق الفي مرادك
ورمضان مبارك عليكم ❤️

للمشاركه :
@Toooonaaa99

رِوايات سُودانية🪐🤎!)"

26 February 2025 18:43

فقرة رمضانية سريعة 😁
للترفيه فقط🔥


=رمضانك السنة دي وين؟ الشماليه

=انت من النوع البتجرس ف رمضان ولا الموضوع عادي؟ 😂 جرسه وبس ههههه

=بتختم كم مرة ف رمضان؟؟ ٤


=محافظ على الاذكار؟ نعم

=دورك شنو أثناء الفطور؟؟
لو من النوع البتقعد ساي وبس تستنى الفطور عشان تطق اوعي ترد 😂 انا البسويهو كلوووو


=بتحب العصيدة بملاح الروب ولا التقلية؟؟ الاتنين

=بتحب عصير شنو؟ الابري،والمانجووو


=العدة على منو؟ علي هههههه


=متابع المسلسلات والبرامج؟ لا رمضان ٣٠ يوم مافيهو اي مسلسلات ابدا

=بتمشي التروايح يومي ولا مرة مرة؟ يوميا


=السهر كيف وكيف؟  لا بنوم من ١٢


=بتتسحر بشنو؟  مويه وكبكبي

=واخيرا كلمة لي 😌❤️. منور

ورمضان مبارك عليكم ❤️ وعليكم

رِوايات سُودانية🪐🤎!)"

26 February 2025 18:42

فقرة رمضانية سريعة 😁
للترفيه فقط🔥


=رمضانك السنة دي وين؟ الدويم

=انت من النوع البتجرس ف رمضان ولا الموضوع عادي؟ 😂

بس لو كملت نومة الصباح دي برواقة تاني باقي اليوم قشطة عادي

=بتختم كم مرة ف رمضان؟؟
مرتين الحمد لله

=محافظ على الاذكار؟ ايوا اهم شي

=دورك شنو أثناء الفطور؟؟
لو من النوع البتقعد ساي وبس تستنى الفطور عشان تطق اوعي ترد 😂
لالا يخ معقولة انا. بفرش الفرشة
اهم دور
=بتحب العصيدة بملاح الروب ولا التقلية؟؟
التقلية
=بتحب عصير شنو؟
التبلدي

=العدة على منو؟
خالتي

=بتمشي التروايح يومي ولا مرة مرة؟
ما بمشي بعيدة شديد من بيتنا

=السهر كيف وكيف؟ 
للصباح يخ

=بتتسحر بشنو؟ 
كستر ومرات لبن بارد

=واخيرا كلمة لي 😌❤️.
انت الذيك منو يخ احسن زول
ورمضان مبارك عليكم ❤️

للمشاركه :
@Toooonaaa99

رِوايات سُودانية🪐🤎!)"

25 February 2025 20:07

لا شيء يوازي الألم.
كل التعازي رخيصة.

رِوايات سُودانية🪐🤎!)"

25 February 2025 13:19

الأخضر دا نجح ك لون وك جيش..، نجح كخريطة واشارة مرور وك اشعار بنكي ، و ك كيس إندومى💚💚💚💚💚💚💚💚💚💚💚💚💚💚😌

رِوايات سُودانية🪐🤎!)"

24 February 2025 18:18

مبروك لمرابيع الشريف عقبال كل البلد

رِوايات سُودانية🪐🤎!)"

23 February 2025 20:46

خمسة لا ضرر في خسارتهم وزنك الزائد وضرسك الفاسد وصديقك الجاحد وجارك الحاسد وقريبك الحاقد !!

رِوايات سُودانية🪐🤎!)"

23 February 2025 19:32

باب في جمال اللهجة السودانية:
تقول له حاضر يقولك تحضر ما تغيب
عاوز يقولك واحشني فيقول عاوزين نكحل عيوننا بشوفتكم (تخيل مثلا إن عينك ممكن تتكحل وتحلوّ بشوفة حـد واحشك! أنا في حياتي ما لاقيت وصف بالشكل والجمال والدلال دا)، عاوزين نبل الشوق (نروي الروح المشتاقة)
تمام: يتمك عافية
طيب: يطيب عملك
سمح: تسمح ايامك

زول كان ينادي على بنته كدة: تعالي يا الرايقة المُو مُضايقة، تعالي يا الزينة يا ضوء الرتينة، بتي السمحة لون القمحة، يا قريعة العسل :")

وكلمة الريدة عندهم بمعنى الحب، اللي هو أنا عديت الحب ده أصلا دلوقت يا زول ووصلت للريد خلاص
الله الله!
أظن إن وقع كلمة الريدة أعمق وأكثر حميمية فتحدث أثر بالغ في النفس
الريدة .. حميمة وتلقائية .. وعميقة

وأحبك شَديد دي بقى في عالم موازي للجمال السرمدي.

- مي آل مرشدي

رِوايات سُودانية🪐🤎!)"

22 February 2025 22:53

،في جملة كدا مؤمن بيها جدًا في العلاقات والشغل وأي حاجة
Thank you. NEXT!

علاقات باظت؟ نحزن شوية وشكرًا ويلا اللي بعدو
أبواب اتقفلت؟ نزعل شوية ومع السلامة باي اللي بعدو
فرص ضاعت؟ مع السلامة ونزعل وبعدين يلا نركز على الحاضر👌

Now is the Future

ما تركز في حاجة ضاعت، ركز في الحاجة القدامك هسة، عشان دي هي البتمثلك وبتمثل حاضرك.

_مريم الشبكشي

رِوايات سُودانية🪐🤎!)"

22 February 2025 22:32

الاهتمام لا يُطلب،
إما أن يكون أو لا يكون.

رِوايات سُودانية🪐🤎!)"

22 February 2025 09:03

هل أنتَ بخير؟
أسألك، وأعرف ردّك مقدمًا:
بخير.

أحبك
أحب ما فيك كله
حتى الأجزاء التي تدفنها
في أعماق قلبك المضطرب
معي، لستَ مضطرًا لأن تكون "بخير"
لستَ بحاجة لأن تكون "بخير" حتى أحبك
أنا هنا لأجلك
ربما، لا أستطيع إزاحة ألمك
لا أملك عصًا سحرية
لكن، أعدك أن أقف بجانبك، أن أحارب معك الظلام
يد تحمل المصباح
ويد تمسك بك.. ولن أفلتك أبدًا.

- ألفا هولدن -
#ترجمة_ضي_رحمي
Artwork by: Andrei Popov

رِوايات سُودانية🪐🤎!)"

21 February 2025 10:51

يقول أحدُ الصالحين : ذَهَبَت الصِّحة فلم أَعُد أُصلِّي قيام اللَّيل إلا بالبَقرةِ وآلِ عِمران.

دا إحنا بُعاد جداا يا شباب.

رِوايات سُودانية🪐🤎!)"

26 February 2025 18:48

ركزي مع اخر سطر وادعي منها كتير 😔❤️

رِوايات سُودانية🪐🤎!)"

26 February 2025 18:46

انتي ف الايام العادية بتنومي بعدد الفجر م حيغلبك ف رمضان يعني 😭
زحي هو 🤣

رِوايات سُودانية🪐🤎!)"

26 February 2025 18:44

امين يارب ويحقق اماني الجميع ❤️❤️.

رِوايات سُودانية🪐🤎!)"

26 February 2025 18:43

دكتور السرور انت ي يمة 🙂

رِوايات سُودانية🪐🤎!)"

26 February 2025 18:42

بفرش الفرشة قال ليك هسي دي شغلة ليك😭😭😭
محباتت😂❤️❤️❤️

رِوايات سُودانية🪐🤎!)"

25 February 2025 20:17

انها مثقفة
إذاً هي رعب الرجال الأكبر

رِوايات سُودانية🪐🤎!)"

25 February 2025 18:56

الاكتئاب كان حاصل...

رِوايات سُودانية🪐🤎!)"

24 February 2025 20:43

-في الإعلان بتاع ايفون 16 قال ليك يحتوي على ذاكرة ون تيرا لحفظ لحظاتك السعيدة ، أنت كمواطن سوداني لحظاتك السعيدة كلها ما فايتة ليها 300 ميقابايت
لما ولدوك كنت نايم مرتاح واكلت وشربت
ولما لقيت مواصلات سريع
ولما تركب ملح بدل مواصلات
ولما امك قالت ليك تعال م بدقك والمره دي م دقتك جضمتك بس
ولما تقرا بوستاتي
-عشان كدا جيب ليك قراند برايم واشتغل بيو احسن.

رِوايات سُودانية🪐🤎!)"

24 February 2025 00:16

نفسي البنت تفهم بجد إنها يتعمل عشانها المستحيل
مش هي إللي تعمل عشان حد ولا تقنع حد بيها
و إنها يتمشيلها بلاد لأجل نظره منها !

رِوايات سُودانية🪐🤎!)"

23 February 2025 20:44

إن ربنا ينعم عليكِ باللبس الفضفاض دي نعمة.

أما إنك تشوفى في لبسك الفضفاض شياكة وجمال مبتشوفيهاش فى البناطيل واللبس الضيق ، دى نعمة أخرى وفضل عظيم ، بعد فضل توفيقك للطاعة نفسها.

"ولكن الله حبب إليكم الإيمان وزينه في قلوبكم".

وما الفضفاض إلا قرار نَبع مِن القلب قبل أن يتزين بهِ الجسد ، فَـ أضيئي قلبكِ بِـ حُب الستر.

رِوايات سُودانية🪐🤎!)"

23 February 2025 10:02

"أشكركَ أيُّها الخيالُ
لقد آخيتني مع الذهب، وملأت جيوبي المثقوبة بُلدانًا وقارّات."

- عبد العظيم فنجان

رِوايات سُودانية🪐🤎!)"

22 February 2025 22:33

ثق بنفسك أولًا، فالعالم
يعكس لك ما تؤمن به عن ذاتك

رِوايات سُودانية🪐🤎!)"

22 February 2025 14:03

تعمُّد الغياب بيلغي قُدسية العلاقات"))

غاية الطُمأنينة في الحُب والعلاقات عِموماً إنو الطرف التاني ما يعودك على غيابه!

نحن بننتمي للبنحبهم وبنطمئن بوجودهم حوالينا وما بنتمنى غيابهم عننا بأي شكل من الاشكال!

ما لم يكون الغياب دا ليه أسبابه المُقنِعة واللي بتكون غصب عنك!

وعلى قدر المحبة بتحاول تتجاوز وتتخطى أساليب الغياب المُفاجئة لأنك ما بتحب تخلي الطرف التاني لتساؤلاته ولخوفه وقلقه المُستمر عليك!

صحبتي بداية الحرب وفي أحلك وأمَّر الظروف المرّت عليها وهي في أسوأ حالاتها كانت بتتواصل معاي ولو لوهلة وتطمني!
عندها كُل الأسباب الكافية إنها تغيب، حالتها النفسية السيئة، خوفها، الرعب اللي كان مالي منطقتهم وحتى سوء الشبكة كلهم ما منعوها تختفي وتعمتد الغياب!

على مدار سنة ونُص كاملة ما سمعت صوتها، ما إتكلمنا ساعات زي زمان ولا فضفضنا بس كانت بتفتح الشات وترسل لي ولو رسالة وحدة بداية ونهاية كُل يوم وكانت كفيلة تخلي بالي مُرتاح!

لأنها عارفة غيابها حيأثر علي وحأقلق جداً عليها ..
إتغلبَت على الظروف بسبب محبتها الكبيرة لي!

مع إنو أسباب زي دي أو حتى الأسباب المَرضية أو غيرها نحن بنتقبلها بكل رحابة صدر وبنقابلها بلهفة وكمية أسئلة بنطرحها عليهم بحنية!

يعني مُمكن نقول :
غياب أسبابه مغفورة بكل محبة!

بس في ناس حتى وهم في أحسن حالاتهم بيتعمدو الغياب!
وكُل واحد بيشوف ليه حُجة كدا ويقول ليك خُت لي العُذر وشنو!

واللي بيقول ليك غيب وإختبر قيمتك وهكذا خُرافات بيخدعك، لأن عُمرو الغياب ما كان بيترجم كقيمة للمحبة!

الغياب المتعمد بيخلي العلاقة باهتة وسوداوية ومليانة شكوك وأسئلة وخالية من كُل درجات الأمان!

إنت بتغيب عني بمزاجك وإختيارك ما حأكون مُتطمنة ليك أبداً وحأتوقع غيابك عني في كُل لحظة ومن غير مُبررات!

بالنسبة لي الشخص البيغيب عنك كُل فترة والتانية دا بيقول ليك بكل سهولة " وجودك ما بيهمني علشان اكون حاضر في تفاصيلك دي، فكل ما ألقى فُرصة عادي أغيب ما مُهم رأيك أو حيحصل ليك شنو"

بتختار تغيب لإنو الشخص القدامك ما بيهمك بأي شكل!
ما بتهمك راحة بالهُ!
ما بتهمك تفاصيله!
ما بيهمك إنو تكون معاه وتقاسمه خوفه ولحظاته السيئة!
ما بيهمك تكون شريك الرِحلة ليه بكل بساطة!
حتقول لي ياخي أحيانا الإنسان بيحس إنو حتى نفسو ما قادر يتقبلها وما قادر يتواجد في حياة غيرو وبينسحب علشان يقعد مع نفسو شوية!

بس الطبيعي نِحن وحتى في الحالات الزي دي بنهرب من نفسنا ونمشي للبيحبونا ..

بِيطبطبو علينا وبنتدواى بمحبتهم دي اصلاً!

حتى في أسوأ حالاتي كْنت بلجأ لصديقتي المقربة وما بختار لُعبة الغميضة دي وشوفوني أنا مُختفية وأنا الدُنيا جاية علي وأسيب كُل حاجة فجأة وأخليها في حالة لا يُرثى ليها!

على الأقل ممكن أرسل ليها" انا ما كويسة"
على أسوأ الفروض مثلاً !
"حأغيب لكم يوم ما تقلقي علي"
"انا كويسة بس ما قادرة أتكلم ولا اعمل اي حاجة مُمكن تدعي لي لحدي ما اخلص الفترة دي وأرجع ليك"

دي كُلها عِبارات "تطمين"!
ما إخترت نفسي وبس، إخترت أطمنها!
وياهو بِنعدي كُل حاجة سوا!

لو كُل حاجة بتحصل لينا بنقابلها بالغياب وهجران الأحبة يبقى مافي داعي لوجودهم أصلاً!

اللي عايزك ما بيختبر صبرك بغيابه كُل شوية عنك ويتحجج بظروف واهية!

اللي عايزك بالجد وبتهمه بياخدك معاه في كُل حالاته وبيخلي خِيار إنو يغيب عنك آخر حاجة مُمكن تحصل!

بطلو تختو أعذار لغياب ناس من حياتكم هُم ذات نفسهم ما عارفنها!

لإنهم بإختصار ما عندهم أي أسباب!
فخلوهم على راحتهم!

اللي بيختار يغيب عنك ساي كدا، ما تخليه يجي يلقاك منتظرو كل مرة!

لأنو واضح مستغني عنك!

#وأخيراً ..

‏لا شيء يُثبت بالدليل القاطع أن إنسانًا يحبك بصدق غير أن يفزعه الغياب ♡
#ضُحى_فضل_السيد.

رِوايات سُودانية🪐🤎!)"

22 February 2025 00:06

رضيت بالله ربًّا وبالإسلام دينًا وبمحمد صلى الله عليه وسلم نبيًّا ورسولًا❤️.

رِوايات سُودانية🪐🤎!)"

21 February 2025 10:40

امي سلمو ليها واحكو ليها الحاصل
قول ليها ولدك راجل صان البلد م خانها


من غيرنااا....