رِوايات سُودانية🪐🤎!)"

24 May 2025 12:11

ودائع الآخرة
اترك وديعة لاخرتك لعلها تنير لك قبرك
*"يأيها الذين آمنوا انفقوا مما رزقناكم من قبل أن يأتي احدكم الموت "قال رسول الله صلى الله عليه وسلم[ *إن الصدقة لتطفئ عن أهلها حر القبور وإنما يستظل المؤمن يوم القيامة في ظل صدقته* ]
صدقة لروح المغفور لها بإذن الله جميلة معتصم يوسف
بنكك 9614460 باسم الاء احمد علي سعيد
فوري 51816429باسم أرام احمد هاشم كباشي
رقم الاشعار0998328925
الدال على الخير كفاعله شير وربنا يجعلها في ميزان حسناتكم

رِوايات سُودانية🪐🤎!)"

24 May 2025 07:19

يا كليبُ، ما للدهرِ بعدكَ أظلمَا
وسوادُ يومِكَ في الديارِ تعظَّمَا

كنتَ السنامَ لمن أرادَ مهابةً
والناسُ بعدَك لا مقامَ ولا حِمَى

سقطَ اللواءُ فأينَ تُرفعُ رايةٌ؟
ومتى يُردُّ لمن يُذَلُّ تَكرُّمَا؟

كُسِرَ السلاحُ، وهاهُنا متفرّقٌ
قومٌ إذا نوديْتَ، لم يتقدَّمَا

قُتلتَ غِيلةً، لا سيفُ خصمٍ ظاهرٌ
بل غدرُ من باعَ الوفاءَ وسلّما

أبكيكَ لا خوفاً، ولكن حُرقةً
من بعدِكَ العزُّ الأبيُّ تَهَدَّمَا

رِوايات سُودانية🪐🤎!)"

24 May 2025 01:17

الأقدار دائماً ما تأتي عارية
غير عابِئة بمن ينظُر إليها
ولا تُعيرُ عَورتها اهتماما.
ترمي بوجهك ما جادت به
بوجهٍ يخلو من المشاعر.

الأحاسيس يمكنها الكَذِب
والحدْسُ يُخطِئ ويُصيب.
القلب دائما ما يكون صادِقاً
لذلك كثيراً ما يتم خِداعُه.

رِوايات سُودانية🪐🤎!)"

23 May 2025 19:34

قصي : اسمعي كلامي انا حا اوديك عند ناس بيتكم ، امشي مشوارك عادي و انا حا اتصل بالهادي يجيني و نمشي مجرد م نستلم العنوان !
وصال : ااه طيب طالما الهادي حيكون معاك تمام ! بس ممكن تسوقني و تخليني في العربيه ؟
قصي : لااااا - ابعدي شويه من الحاصل دا ، انتي حتى اخوك ما باركتي ليه و لا اي حاجة دخلتي في دوامة لا يد لا كراع ليك فيها .. ارح ارح شوفي حتشيلي شنو معاك ؟؟
وصال : جاهزة انا اصلاً من قبيل ما حا اشيل حاجة !!

قصي : طيب ارح … ( طلعوا و قفلو البيت وراهم )

#سلاف_بتقول

كان لازم اتصرف بي اي طريقه ! شلت رقم منيرة دخلتو في تلفوني التاني حق الشغل و رسلت ليها على اساس اني دليفري و عندها معاي شحنة جايه بي اسمها و طلبت منها العنوان … اخدت قريب ساعه حتى ردت لي ، دي حتى ولا سألتني من منو الشحنة و لا فيها شنو و لا اي تفاصيل ! النوع دا شكلو بيحب الاكل …
طوالي اتصلت على وصال في تلفون سهاد و اديتا العنوان زي ما كتبتو لي - و بكدا اتمنى المشكلة الوقعت فيها بت الناس دي تتحلا عشان ضميري يرتاح …

#قصي_بيقول

وصلت وصال بيتهم ، و مجرد م استلمنا العنوان ، هي نزلت و انا كنت بحاول اتصل على الهادي ما كان بيرد علي و ابيت اقوليها كدا عشان حا تقلق و ما حترضى تخليني براي ..

و انا فعلاً ناوي و لسه عندي امل انه يرد علي رغم اني مسكت الطريق على العنوان ، و عارف حالتي الصحية م حتنفع لي وضع ممكن يكون فيه اشتباك او ماشابه و م كنت ناوي اوصل للمرحلة دي اصلاً بقدر اني احل الموضوع بصورة ودية ….
فعلياً لحد ما وصلت الهادي م كان بيرد و بعدها انتظرت مسافه في الشارع و برضو ما رد و لا رجع لي .. نزلت شباك العربيه و سألت واحدة من شفع الحلة البلعبو .. و اكدت لي ان البيت التاني بيت ناس منيرة يعني م محل انا واقف .. خليت العربية في حتتا و نزلته
و اصلاً الباب حقهم كان فاتح شارع !
" بابا خشم تقيل وسخان كدا " خبطت الباب كتير عشان زول يجيني طالع !! طلعت لي مرة بي صحة كدا !! قالت لي :
__ مرحب ؟؟؟
** ازيك ؟
__ حمدلله داير شنو ؟؟؟
** بردي نفسك معاي انا ما جاي لي مشاكل ! جاي داير افهم !
" جا راجل نفس الهيئة ماسك الابريق في يدو و ماسك عراقيهو بي يدو ، قالي " : خير ؟؟؟
قلت ليهو : ممكن تطلع معاي برا ؟؟ عندي معاك كلمتين ؟؟؟
( لسه م كملت كلامي ، جات عربية بي صوت البوري شغاله وي وي وي … و نزلو منها تلاته حريم و راجلين ، و شغالين زحو زحو للعريس - و داك ليهو راجل شيخ كدا ماسك ليه دفتر سايقو شافع و جاي على البيت ، و شابكنو شيخنا وصل شيخنا وصل ، ديل طوالي اتجاوزرني و داك جدع الابريق و نزل عراقيهو و مشى يرحب و بفضل الجماعه و دفروني انا و دخلو !!! بقيت م عارف اقول شنو ، شغال ليهو يا عمنا .. يا عمنااااا … دايرك في كلمتين .. و لا كأني بتكلم !! لحد م شفت منيرة جات في نص الحوش بتضحك دايرة تسلم على الجماعه ديل )

من شافتني وقفت حتتا بي خلعه ، وقتها تلفوني رن .. طلعتو من جيبي و لقيتو الهادي ، رديت و عيني فيها ما كترت معاه و قلت ليهو تعال لي سريع امسك شارع ( …) و حرسل ليك الباقي اسي ….
هو بقول لي في شنو يا قصي و انا بقوليها تعال سريع …و رسلت ليه العنوان و رجعت تلفوني في جيبي -

لقيت منيرة فجأة اتوترت و جات علي !! قبل تتكلم قلت ليها :
__ شكلك عارفه الجايبني شنو

منيرة : سهاد مش !!! ابعد من الموضوع دا يا قصي ابعد و خليك في بيتك و في حالك احسن ليك !
__ ممكن افهم المشكله شنو و الحاصل شنو ! انا كنت حابي كلامي يكون مع ابوك لكن يبدو انه مهتم بي ضيوفو !
منيرة " قربت على الباب و عايزة تقفلو " !

__ خلي عندك أدب ! كان رباك ابوك على الاقل ختي مساحة لتربية الدنيا ! ما علموك لمن ما يكون عندك رد ما تخافي ما تهربي !
منيرة : انا حمدلله متربيه و متربية كويس شديد
__ ما حا اخد و ادي معاكي في امور زي دي في النهايه انتي مفروض بت ناس ! اسمعيني مشكلتك شنو مع سهاد ؟
منيرة : ليه مشكلتي ما حكاها ليك صحبك قبل يموت ؟؟؟ و لو انت م عرفت مشكلتي م اظن في زول غيرك حيعرفا لانك اقرب زول ليهو حتى اقرب ليو من مرتو !!

( وقتها الهادي كان وصلني و فضل واقف وراي و من شافها شبه فهم الحاصل )

__ (بعد كلامها استحضرت جزء من كلام احمد يوم جاني و تقريباً بديت استوعب ) انا ما عارف مشكلتك شنو بالضبط بس ممكن تسلميني سهاد لانها امانة المرحوم و بهمني اهيئ ليها حياة مريحه لو عندك اي مشاكل معاها بسبب المرحوم في النهايه هو راح ! النزاع لشنو ؟؟؟
منيرة : اتطمن حنهيأ ليها احنا الحياة المريحه دي ! اهو زي م شايف جا المأذون و داك العربس بي نساوينو حتربعهم و تقعد معاهم زي العجب !

رِوايات سُودانية🪐🤎!)"

23 May 2025 19:34

**سهاد !! انتي الموقفك برا كدا شنو ؟؟
__ خبطت الباب كتير و مافي زول فتح لي !!
** " بي استغراب " : و انتي كنتي وين اصلاً مش كنتي نايمة ؟؟؟؟
__ " هزت راسها انه لا " : طلعت بدري مشيت الشقه و في الرجعه سلاف وصلتني لحد الحته ديك " اشرت بي يدها " و فاتت !!
** " فتحت الباب " : تعالي تعالي ادخلي ، يعني الحمدلله انا رجعت سبحان الله ربنا رجعني عشانك ، يعني يا سهاد كان تنبهيني انك طالعه و لا اي حاجة الظروف م معروفه ..طيب و مشيتي عملتي شنو في البيت ؟
__ اتونست مع سلاف شويه و ياهو لسه بتمنى اصحى على امل ان القى الحاصل معاي دا كلو لو كان كابوس !!
** معليش كلها مسألة زمن !يا سهاد. - ما اكلتي حاجة طبعاً صح ؟
__ " بتعاين لي وصال بي اعجاب " : لبستك حلوة !
** حلوة عيونك تاني لبسه ليها لو م عندك مشكلة بديك ليها …

__ لالا تسلمي هي حلوة عليك
** و حتبقى عليك احلا برضو ..
__ انا محتاجة ادخل استحمى " اتحركت جهة الغرفة "
** دقيقه يا سهاد ! في شي حاصل عليك ؟؟
__ لا
** م حاسة كدا لكن م مشكله ! … ااا طيب انا كنت ماشه لي امي و بعد طلعت نسيت حاجة و جيت راجعة ، عايني اخدي راحتك قصي م مافي و ما حايجي اسي اكلي و افتحي التلفزيون و اخدي راحتك لحد م ارجع لو م مضطرة ما بمش و اخليك و الله !!
__ طيب !
** الاكل ثم الاكل يا سهاد ! اتفقنا ؟؟
__ طيب

وصال بتقول :

وشها شاحب و غريبة كدا زي الحاصل معاها شي و ما حابة تحكي عنه ، داغيز أن ما قادرة اتجاهل الحقيقه و لا قادرة اتجاهل كلام ام قصي اللي اصلاً هو ما رايح علي .. بس للاسف كل ما اعاين ليها بنسى الصح و الغلط و بلقى نفس متعاطفه معاها لي ابعد درجة !! ما قادرة اخد موقف معاها غير الطبطبة !
دخلت الغرفة شلت الظرف اللي فيهو المبلغ ، و مشيت على الباب و مع فتحتي كدا للباب لقيت ناس في وشي !!!!
اتسمرت مكاني و نططت عيوني !! بعاين فيهم لحد م لمحت فيهم وحدة انا بعرفها !!! و معاها راجل اخدراني قصير و مليان كدا اصلع و عنده سنتين واقعات لابس قميص ازرق كاروها دقاق واسع و كذالك بنطلون اسود مغبش و معاهو مرة نفس الشي بي صحة و خدرا افتح منو حبة لابسه ليها توب هزاز مكرمش عينو طالعه ، و مكرمش ما مكرفس ،، و مشلح فيها كدا لي فوق ، و في نصهم منيرة !!
مسكت اكرة الباب حاولت اجر الباب اضاري الجوا لانه عيونهم زي السهم جوا البيت ! الا انه جاني صوتو و هو بقول لي : نادي لينا سهاد !!!

" و هم بتلفتو و بعاينو في البيت بي نظرات مُريبه "
بقيت بتمتم من الخوفه قلت ليهو : سهاد !!!! سهاد منو ، اا لل ليه في شنو ؟؟؟

لسوء الحظ ! سهاد جات بي وراي و هي بتقول لي :
وصال ! انتي لسه ما مشيتي ؟؟؟
بس لقيت يد الراجل دي واصله سهاد و كاريها لي برا كيف و متين ما فاهمه ! لقيت نفسي شهقته و خاته يدي في خشمي و بعاين ! و انا ما قادرة اعمل حاجة … بقيت بقول ليهو فكها .. فكها ! عليك الله فكها
يا سهاد دا منو و في شنو .. لالا م تجرها كدا براحه عليك الله !!!
منيرة : انتي خليكي في حالك و ما تجيبي لي روحك المشاكل !
سهاد " بتحاول تتفكا منو " : فكني يا عم ابراهيم
وصال : بب بب بتعرفي انتي ؟؟ طيب شوفي عايز شنو اتفاهمو براحه ليه بيعمل كدا ؟؟؟

الراجل : البخليك تقعدي شنو مع ناس غرباء هاه ؟؟؟ ردي لي بتكلم معاك انا !!
سهاد : طيب فكني ! بتستقوى على مرة ؟ قادر على مرتك و على بتك انت ؟ اقدر عليهم اول بعداك شوف البرا !! ااا و لا حرشوك و نفشو ليك ريشك ؟؟؟
__ " طاخ اداها كيف "
وصال : لالالا ما تدقها كدا سهاد اسكتي م تستفزيهو م ترددي عليه كدا … " جريت دخلت جوا " : تت تلفوني وين انا تلفوني يا الله " ولافه في حتة وحدة حولين نفسها " يارب ختيتو وين انا !! " بعد شويه استوعبت انه في الشنطة ، و طلعتو و بقيت بحاول اتصل على قصي بديني مشغول … مشغول مكالمة و را التانيه .. و سامعه صراخ سهاد لمن اعصابي باظت - قصي رجع لي بعد مسافة رديت ليهو حسيتهم انه زي البحاولو يسوقو سهاد -

** الو حبيبي معليش كنت بتك#قاطعتو
__ قق قصي حصلنا حصلنا انت وين ؟؟
** في شنو ؟ وصال في شنو اتكلمي ؟
__ مم معارفه في ناس جو هنا و معاهم راجل اتهجمو على سهاد واقع فيها دق انه ليه و ليه تكون قاعده معانا انحنا غرباء منها !!
** دا كلام شنو !! جاي جاي .. عايني ما تقفلي الخط خلي الخط فاتح و اقيفي بعيد فاهمه ما تدخلي فاهمة ردي علي ؟؟؟
__ طط طيب ط طيب تمام ما تتاخر عليك الله يا قصي !!
** روقي رروقي ! في زول هبشك ؟؟
__ لا لا بس دقاها خخ خفته تموت في البيت الشووم دا !
** طيب معليش حقك علي !! انا قريب من البيت ، مقرب عليكي ما تخافي !!
#صراخ
___ وااااي واااي يا قصي !!!!
** في شنو يا وصال ؟؟؟
__ بتصرخ ما سامعا الراجل دا عايز منها شنو يا قصي واااي واي حتموت كداااا واااي !!!

#عند_سهاد
"واقعه في الارض "

رِوايات سُودانية🪐🤎!)"

23 May 2025 19:34

#مندرين
بقلم سحر سمير وفاطمة قسم الله
-٢٦-


#مندرين26

#سهاد_بتقول

مصطفى " فتح الباب طلع و قفلو وراه "

ما كنت فاهمه انا ليه بيحصل معي كدا ؟ ليه انا من ضمن الناس حظي كدا ؟؟ هل انا فيني غلط و لا مالي ؟؟؟
كنت مصدومة في مصطفى و ااي نعم انا ما بعرفو معرفة اقدر اسند عليه فيها ثقتي الكاملة او كل شي كويس تجاهو !
بس كنت متوسمة فيه الخير ! كنت عشمانة شديد انه ينقذني من الانا فيه … م كنت متخيله يعمل معاي كدا ابداً ما كان عندي ذرة شك ولا واحد في المية !!!
فضلت قاعده بس بحاول استوعب كمية الحاجات الحصلت معاي في فترة بسيطه و كنت وين وبقيت وين !!!!
كل مرة بتأكد اكتر ان الام و الاب ضُل ، سند ، ركيزة ….

" ! نقزت من الخوفه ،مع دقة الباب ، قمت سريع سريع وقفت ورا الباب و قلته " :
سهاد : منو ؟؟؟
__ انا سلاف يا بت افتحي افتحي ….
سهاد " بقيت بمسح في وشي و بعمل حاجات بتوتر حتى فتحت ليها " : تعالي تعالي
__ تعالي شنو انتي لسه ما خلصتي ؟؟ ارح خليني اوصلك عشان طلع لي مشوار !
سهاد : لالا امشي انتي خليني انا قاعده شويه !
__ سهاد قاعده شويه عندك شنو ؟؟ حتقعدي تتزكري احمد و تقعدي تبكي ، و بعدين انتي مالك فيك شي ؟؟ ارح قدامي ! " بتعاين حوليني " وينو كيسك ولا حاجاتك ؟
سهاد " بي توتر" : لالا مم مالي مافيني حاجة ، دقيقه طيب !! ولا اقول ليكي خلينا نمشي !؟
__ سهاد ! في حاجة ؟؟
سهاد " بي توتر " : لالالا حاجة شنو !!! خخ خلينا نمشي !! ارح ارح
"طلعنا و قفلنا الباب "

#جانب_سلمى

سلمى " شالت شنطتا و وقفت " : عايني ارح خلينا نمشي انا اتذكرت حاجة ؟؟
رزة " رافعه راسها بتعاين ليها بي استغراب " : نمشي ؟؟
حنين : بسم الله في شنو ؟ ياداب اكلنا ما لحقنا نتونس يا سلمى !!
سلمى : معليش مرة تانيه قومي يا رزان ارح !!
حنين : طيب خلوني اطلع معاكم اقدمكم " تلفونها بيرن"
سلمى : عايني انحنا بنمش ردي على تلفونك !! " طلعوا طوالي مشو "

" بعد مشو "

حنين : الووو ايوا يا سراج ؟
__ في شنو ؟
حنين : في شنو ؟ في شنو ؟؟؟
_ نبرة صوتك ما ياها !!
حنين : صوتي عادي ، عاين كدي اقفل حرجع ليك !!!
__ اقفل ليه في شنو ؟؟؟
حنين : مافي حاجة انت قلقان كدا لشنو ؟؟
__ و ليه ما اقلق ؟
حنين : طيب حرجع ليك و نتكلم دقايق بس !
__ تمام

#سراج_بيقول :

لو كانت سلمى براها كنت حا اتطمن لكن طالما الموضوع فيهو رزة و برة البيت ! انا م متطمن و كمان صوت حنين م مطمني زي الفي حاجة ، طلعت من شغلي و مشيت على البيت ، و كانو لسه ما رجعو البيت ، حتى امي لقيتا طلعت مع عمتي !
اتصلت على وصال كمان لقيتا بعد كانت جايه علينا قالت نست حاجة في البيت ، حترجع تجيبا و تجي راجعه ، فضلت قاعد مستني بي قلق داير ياكلني … لحد ما جو !!
مجرد م دخلو ! سلمى كملت دخلت لكن رزان عملت حركة مجرد ما شافتني نظام انا اصلاً كنت ماشه بيتنا ، مجرد ما قبلت عايزة تطلع قلت ليها :
** رزان ! تعالي دقايق عايز اتكلم معاك !!
سلمى " متداخله " : سراج انا عايزة اقوليك حاجة !!
** انا العايز اقوليك حاجة يا سلمى !
سلمى : طيب قول
** عايز اقول ليكي أن انا اخوك ، اخوك الكبير مستوعبة النقطه دي ؟؟
سلمى : طيب و انا عملت شنو عشان تقول لي كدا ؟
رزان : انا عايزة امشي ممكن ؟؟
** لا ما ممكن ! بعد اخلص كلامي ابقي امشي … انا عارف انتو كنتو وين بس نيتكم شنو الله اعلم ! دا الداير افهمو انا !
رزان " بي استفزاز " : هه لحقت تكلمك !!!
** لا هي ما كلمتني ! انا عندي عقل زي زيك !!
رزان " ب استهتار و استفزاز " : واضح
سلمى : سراج ! الفكرة كانت فكرتي انا رزة ماليها دخل ! و الفكرة انا اتراجعت عنها في اخر لحظة لانك اخوي و لان حنين زولة أصلية و طيبه مع الكل من قبل علاقتكم و من بعدها !
رزان : و انا ؟؟ ما بعني ليكي حاجة يعني صح هه ؟؟؟
سلمى : انا ما قلت كدا يا رزان بس انا ما بقدر ااذي او اضر زول و قلت ليكي الكلام دا و احنا راجعين اسي و قلتو ليكي قبل اللحظة دي بس انا حتى الكلام مع حنين شايفاه اذى و ضرر ! انتي شايفه كمية الطيبه و البراءة الموجودة في وش الانسانه دي ؟؟

" تلفونها رن ، طلعتو من الشنطة و زحت من جمبهم "

** رزان حدك وين انتي يا رزان ؟ اكتر من الكلام القلتو ليك تاني اقول شنو ؟
دايرة شنو انتي بالضبط ؟ يا بت الحلال لو عايزة تسديني معروف اقبلي بالحقيقه و ال#قاطعتو و هي
"واقفة مربعة يديها بتعاين ليه"
ـــ انت لو عاوز تسديني معروف اقبل بشروطي
** ال هي؟!
ـــ نعقد صفقة؟!
** صفقة؟!
ـــ ايوة
تتزوجني!! انا و تخليها هي !

رِوايات سُودانية🪐🤎!)"

23 May 2025 19:34

سلاف بتقول :
كنت ماخدة قرار انه اتكلم مع سهاد انا بطريقتي و من غير ما اجرحا بس غيرت رأي لانه حسيت مصطفى اتفهم رغبتنا و قدر يستوعب حقيقة الحاصل …

#بيت_وصال

" في المطبخ "

قصي : لا حول ولا قوة الا بالله العلي العظيم !! ان شاءالله الهادي يكون قدر حل الموضوع !
وصال " ماسكة علبة اللبن في يدها و خاته الكوباية في الرخامة "
قصي: وصال !!! " قرب عليها ضماها " .. اتطمني انتي ما ذنبك حاجة كله حيعدي ان شاءالله ….
وصال " م ردت "

" جاهم صوت سهاد "
سهاد : احمم احم معليش بس جيت اسال من الشنط ! موجودة في البيت ؟؟ لانه قبيل سمعتك قلت انه اتسهلت و كدا بخصوص المخزن ؟
قصي : شالو جزء من الاثاث بس ، و اايوا صح " طلع برا عند الجزامة شال مفتاح و جا اداه ليها " : دا النسخه الشلتها !
سهاد : تمام حتى الشنط ؟
قصي " عاين لي وصال " : لا الشنط موجودة على حد علمي مش قلتو حاتطلعوها لله !!؟
سهاد : ايوا - " مشت "

#سهاد _ بتقول
رغم الضلام الفي كل مكان بتقع عليه عيوني الا ان كان في نور صغير
متوسمة فيه الخير انه ينور لي باقي عتمتي !!
م قادرة انتظر لحد م تصبح عشان امشي بيتي ! ماقادرك انتظر لحد ماااا … " اتذكرت تلفوني و قمت اتنفضت افتش ليه ! لحد ما لقيتو تحت المخدة محل قاعده اصلاً "
فتحتو على أمل القى رسالة او مكالمة من النور الصغير دا يكمل بيها باقي الخطوة التانية البتقربو لي ، لكن للأسف ما لقيت حاجة !
افكاري ملخبطة و حاسة ان كُلي مُنهك و تعبان ، تعبان شديد كل ما اتذكر جزء من المكتوب في نوتة احمد !! انا لازم اقراه و افهم الحاصل شنو !! م ينفع اظلمو قبل افهم .. لازم لازم بكرة احسم تفكيري تجاه كل حاجة … " رقدت على امل و عشم كبير شديد في مصطفى بعد رب العالمين " ….

#صباح_اليوم التاني
وصال بتقول :

بعد صحينا انا و قصي ، وقتها قصي كان اتجهز عشان كان لازم يمر الصيدلية محل شغلو ، قلت ليه :
__ انا محتاجة اطلع على ناس البيت لي كم يوم بحاول و م لاقيه طريقه اوصلهم ، و ما عارفه اخلي سهاد وين و لا اعمل شنو !! صراحة كدا يا قصي ما عارفه طيب وبعدين ؟ القصه دي حدها وين
انا عندي ناس في حياتي مهمين بحبهم و م بقدر اتحمل تكون في حاجات عاملة حاجز بيني و بينهم ! يعني قصدي رأي خالتي فوزيه و الكلام حق امس القالتو لي م ينفع أتجاهلو ، دا غير ان حاسه نفسي مقيدة !
قصي " اتلفت ليها " : يبقى نأجر ليها بيت و نشوف ليها شغل !!
__ " بتقوم من السرير " اوكي حاول تستعجل ! في أسرع وقت ياريت ! ، يلا انا حا اقوم اتطمن عليها !

قصي : قبل تطلعي ! وصال انا بحبك شديد
وصال " مشت قربت عليهو ، صلحت ليهو لياقة القميص بي ابتسامة ، جرتو منها " : و انا بموت فيك يا قلب وصال و روح وصال !
" طلعت "
قصي : دقيقه دقيقه ! وصال بمناسبة اهلك ! انتي عارفه انكم خطبتو مننا حنين !؟
وصال " بتنطط " : احلف !!!! عرفت من وين ؟؟؟؟؟؟
قصي : ابوي كلمني بليل
وصال : واي و من بليل و م كلمتني !!!؟ و لا في زول من ناس بيتنا يكلمني يعني انا آخر من يعلم ! اليصبرو لي والله اللليله م بخليهم !!
قصي : اتلخمت والله ! المهم يا عمري ربنا يتمم ليهم على خير يارب ..
وصال : حنون الكلبه ههههه وافقت ،، امين يارب !!
قصي " بأستحضار " : دقيقه قيقه !!! وصال في فرق عمر بيناتم سراج عارف كدا ؟؟؟؟
وصال : ايوا عارف و حابي كدا شديد هو .. ما تدقق في النقطه دي !!
قصي : اكيد ايوااا … هههه حنين كتكوته زاتا هه -
وصال " يلا طيب خليني امشي اشوف البت دي "

#جانب_سهاد

بتقول :
طلعت من الصباح بدري مشيت على بيتي - من غير ما اكلم زول ، كنت في حيرة من امري اذا ادخل البيت اول و لا اشوف موضوع مصطفى أول !!!
في نفس لحظة تفكيري ، لقيت سلاف كان جات علي ! سلمت علي سلام بايخ و ما اخدت و ادت معاي في الكلام زي كل مرة ! قالت لي :
__ سيد البيت حيجي يستلم بيتو متين ؟
** ما عارفه والله - تعالي ادخلي معاي
__ " بي تردد " تمام
** سلاف ! مصطفى موجود في البيت ؟
__ " بي ضيق " : لالا طلع ! ليه ؟؟
** عايني ما عارفه اقول ليكي شنو بس اموري جايطه شديد و كان كلمتو بي شغل و كدا و قال حيشوف لي !
__ موضوع شغل يعني ؟
** ايوا و ….. اااا
__ لمن يجي حا اكلمو ! بكون طلع مع زولتو ديك !
** " بي اهتمام " : زولتو منو يا سلاف ؟؟
__ ما تركزي ما تركزي دا موضوع يخصو ! حتدخلي و لا حا نقيف في الباب هنا ؟
** لا دقيقه بالجد زولتو منو لانه ااااا #قطعت الكلام !
__ لانه شنو ؟
** مصطفى فاتحني في موضوع كدا و … #سكتت
__ مصطفى ! لالا اكيد فهمتي غلط يا سهاد ، مصطفى دا زي اخوك يا زوله و لا كيف ؟!

رِوايات سُودانية🪐🤎!)"

23 May 2025 19:34

#مندرين
بقلم سحر سمير وفاطمة قسم الله
-٢٥-
مساء الجمال على ناس المجان الحُنان 🐚🥲

الناس البقولو الحلقة حبة و الله ياخ يكفي انها مكتوبة بي حب 😅♥️

لا شيء نكتبه بدون قصد، كل الكلمات نعنيها بدقة؛ إما لأنها تؤذينا أو أن أحداً ما عليه أن يفهم ما نرد قوله ✨

الاقتباس مشاركة من : um sara / من قناة التيلجرم

#مندرين25

فجأة لقيت يد بتدقني من كتفي من ورا …
شهقت كا ردة فعل و إتلفت وراي …. قلت …

أنت ِ ؟؟؟؟؟؟
__ بتعرفيني يعني ؟؟؟؟
سلاف ( بي ضيق ) : ما علينا ! خير ؟؟؟
__ عندي كلمتين ليك و لي اخوك حابة تسمعيهم ولا عندك رأي ؟
سلاف " بتعاين في ساعة يدها " : متأخرة عن شغلي
__تمام مع اني ما حأخرك لكن جيبي رقمك او شيلي رقمي
سلاف : تمام اديني رقمك …
__ اوكي 09!….
سلاف : تمام … " شالت حاجاتها و دورت العربيه و فاتت خلتها واقفه بتعاين للبيت من برا "

" بعد مشت قالت " : صبرك يا سهاد كان ما ادبتك ما ابقى أنا منيرة !!

#جانب_وصال

" بتخبط في الباب " : في شنو هو ؟ مروة افتحي الباب !! يا مروة !!!
الهادي : وصال … وصال ….
" جهر فيهم نور عربيه "
الهادي : وصال بتكلم معاك انا ! قصي جاكم .. سوقي سهاد و امشو لو سمحتي !
وصال " بي ضيق شديد و توتر " : يا الهادي انا والله مافاهمه في شنو و لا الحاصل شنو بس انا اسفه ! اسفه بالجد و م كنت عارفه ان الموضوع للدرجة دي او ممكن اصلاً دا يحصل !!
" جاهم صوت قصي "
قصي : مالكم واقفين برا كدا حاصل شنو ؟؟

الهادي " متفادي الحاصل " : كانو طالعين كويس جيتهم ! اتاخرت كدا ان شاءالله انجزته ؟
قصي : ايوا حمدلله " عينو في وصال "
سهاد " بي انكسار و ضيق و صوت مبحوح و مخنوق " : قصي ممكن توصلني بيتي ؟
قصي " عاين لي وصال " : في شنو ؟؟؟
الهادي : سوقهم و امشو !
وصال : لا انا ما ماشه محل ! انا لازم ادخل جوا و اتكلم مع مروة ما بقدر امشي كدا زي الما حاصل حاجة !! الجوطة الحصلت دي انا سبب فيها عشان كدا انا عايزة افهم في شنو ؟
الهادي : وصال مروة اصلاً كدا انفعاليه و جايطة و فاهمه غلط و انا عارف فهما كويس ، فا انا حا احل الموضوع بطريقتي ممكن تمشوا ؟
وصال : لا ما حا امشي في حته انا !!

قصي " مافي زول عايز يرد يعني !! تمام … ( بقى يخبط في الباب و بعدها طلع المفتاح من جيبو و فتح الباب ، و دخل )
الهادي : قصي !! الموضوع عندي و ليهو علاقه بي مروة ممكن تفهمني انت عايز تعمل شنو ؟
قصي " وقف " : اعمل شنو لمن اكون فاهم اصلاً حاصل شنو !!!!
الهادي : تمام سوقهم و امشو على البيت لمن تمشو وصال حتفهمك الحصل ! ممكن ! " عاين لي وصال " لو سمحتي ممكن ؟؟؟ لانه الزمن اتأخر !!

قصي " طلع راجع و اتقدم قدامهم " : يلا
وصال " إتلفتت وراها بجمبة ، بي استغراب و خلعه ! " : دقيقه !!! دقيقه ، سهاد وين " بتتلفت " !!
الهادي " بقى يتلفت هو كمان و يتحرك حولينو " : كيف يعني !!!! اسي مش كانت واقفه هنا !!!
قصي " مسك راسو و وقف "
" بقو يلفو حولين البيت و يفتشو ليهاا و ينادو عليها "

" سهاد .. سهاد ..سهاد "

قصي : تعالي اركبي يا وصال خلينا نتحرك بالعربيه انا ما قادر اللف برجولي !!
الهادي : اجي معاكم ولا كيف ؟
قصي : لا ارجع بيتك و شوف موضوع مروة !

" دورو العربيه مهدين السرعة و لافين بفتشو ليها "
"بعد مسافة "
وصال : دقيقه يا قصي !! دي مش هي ؟؟؟
قصي : ماعارف اصبري نقرب !!
وصال "فتحت الشباك و بقت تنادي ": ايوا ايوا ياها سهاااد سهااد اقيفي اقيفي !!! يا بت اقيفي ماشه وين .. دقيقه يا قصي !
قصي : لا حول و لاقوة الا بالله العلي العظيم
وصال "فتحت الباب و نزلت عليها " : الله يهديك قطعتي قلبنا كيف تمشي كدا انتي و ماشه وين اصلاً ! يا سهاد ؟
سهاد : ماشه بيتي ….
قصي " بي ضيق " : اركبو
وصال " جرتا من يدها " : اركبي اركبي بطلي البتعملي فوقو دا …
سهاد : وصال انا #قاطعتا
وصال : ولا انتي و لا انا .. اركبي لو سمحتي ، في بيت نقدر نتكلم فيه !!!

" ركبو و اتحركو "

#جانب_تاني !!

منيرة : يا ابوي انا وريتك ! ما عندك حل الا سهاد تجيبا من شعرها تختها قدام الامر الواقع انا وريتك ! يا اما مصلحتنا و شغلك حيقيف و انت بعد عمرك دا حتلقى زول يشغلك ؟ اكيد لاااا
امها : جبتيها والله !! لكن نلم فيها وين ؟
منيرة : خلوها علي انا ، دا كان ما لقيناها عرست مفتحه ما بتضيع زمن ، بتتحامى في الرجال ، و النصيحه سوقا في الرجال زاتو نار !!
ابوها : منيرة ! عرسي انتي و ريحينا ؟
منيرة " بي فزعه " : اعرس منو يا ابوي ؟؟ امي انتي سامعه ابوي دا بقول في شنو ؟؟؟
امها : خلي اليتكلم ساي زول شغال بيو مافي !!!!
انسيك منو خلينا في سهاد ناويه على شنو ؟
منيرة : اسمعوني و ركزو معاي … الحا يحصل كالآتي
(…………….)

#جانب_ الهادي
#الغرفه !!

رِوايات سُودانية🪐🤎!)"

23 May 2025 19:34

امها : اخوك في حياتو م قطعنا كان عندنا و لا ماعندنا بيرسلو في تلفونك انتي دي و بدل الاشعار عندك مية اشعار كلها من بنكك !!! اسمعي انا ما دايرة معاك كلام كتير !!
خلي سهاد في حالها و انحنا في حالنا .. خلينا نريح اخوك في تربتو .. قومي غسلي يدك و تعالي وزعي معاي و ساعدي اختك .. يلاااااااا !!

ناديه " بي ضيق هفهفت و قامت " !!

#جانب_سراج
#مكالمة

سراج : وينك ؟
__ مع امي كنا بنتعشى !
سراج : بالعافيه عليكم ، بس لانه دي المكالمة التالته أستغربت
__ كنا بنتكلم عشان كدا " احم "
سراج : و تاني ؟
__و تاني شنو ؟؟ عرفت حاجة بخصوص الرقم ؟
سراج : لسه ما قعدت ليه
__ سراج ! في منو من الحولينك انت كلمتو بي قصتنا و خصصت معاه موضوع العمر دا ؟ و قبل ترد ادي نفسك فرصة تفكر !!
سراج : موضوع العمر انا اصلاً م كنت عارفو عشان اكلم بيه زول
__ اممم معليش ممكن تفكر ؟؟
سراج " بإستحضار " : عايني الموضوع زاعجك ؟
__ لا بس من حقي أعرف !
سراج : طيب م حا أقدر اديكي رد قبل اتأكد
__ يبقى حا أنتظر منك رد !
سراج : طيب جاتك رسالة تاني ؟
__ لالالا ابداً ما جاتني رساله والله …
سراج : طيب أبوك ما قاليك حاجة ؟؟
__ " بي ابتسامة مدسوسة " : احم ، ما قال لي أنا لكن كلم أمي !
سراج : و امك رأيها شنو ؟
__ قالت رأيها من راي بس قالت لي انها عندها نية تمشي تقعد في مدني مع خالاتي كلو كلو بعد الزواج ان شاءاالله !
سراج : طيب حلو تطمني عليها اكتر
__م قايلاك مستعجل للدرجة دي اتوقعت على الاقل اسبوعين
سراج : لا ما للدرجة دي انتي كمان ! اسبوعين يا لطيييف ما قادر اتخيل !!
__سراج ! بتحبني لي ياتو درجة؟
سراج : أكبر من خيالك
__ حتتمسك بي ؟
سراج : انا البسألك السؤال دا ! حتتمسكي بي ؟؟؟
__ ايوا انا ما بفك يد مسكتني !
سراج : اتذكري كلامك دا و ما تنسيه ! لأن يديني الاتنين ما حيفكوك لو مهما حصل .. انا بالجد بحبك شديد بالجد بحبك يا حنين من لحظة شوفتك لحد اللحظة البكلمك فيها دي ! انتي ماخدة كل تفكيري !!
__ طيب استسلمتا ها أعترف … انا كمان من يوم طلعنا داك م فارقت تفكيري …اتملكتني !!
سراج : اااااااه بس اااااه ههههههههه

" صوت زعاريدت "

__ دا شنو ؟؟؟ كأنه في صوت زعاريدت ؟؟؟
سراج : هههههه دا ابوي بكون كلم امي ههههههه
__هي لسه لكن على الدغاريدت هههه
سراج : ما لسة يا زوله ههه
__ الله يسعد قلبها و يفرحا بيكم كلكم يارب …
سراج : يا رب يا حبيبتي ! يارب ….
__حبيبتي ! هه
﮼سراج : و حبيبتي جداً كمان … خلينا نفرح
__ بحبك طيب !
سراج : اقوم ازغردت زي امي ولا كيف ههههههه ياخ بحبك زاتا شويه .. ربنا ما يحرمني منك يارب يا حنين يجعلك نصيب الفرح كله في حياتي …

#جانب_قصي
#مكالمة

" كان مبتسم و خاتي تلفونو في اضانو ، قال " :

__ والله يا حاج ماعندي اي علم بالموضوع دا ..
حاج محمد : ما مشكلة المهم دا الحصل ، و انا قلت ليهو بشاور البت و بشاور اخوانها لكن مبدئياً ما عندنا مشكلة و انت عارف سراج مافيهو كلمة ، راجل بمعنى الكلمة !
__ انا شهادتي فيو مجروحة والله ياحاج لو قلت فيهو رأي و لا كلمة حتقولو لي عشان اخو مرتك ، اها بخلي ليكم الكلام انتو ..
حاج محمد : زي م قلت ليك البهمني رأي حنين لو قالت دايرة انا طوالي بنجز ليهم ديل ناسنا ما محتاجين برتكولات و كلام بالشكل دااا !!
__ على بركة الله .. تم
حاج محمد : على بركة الله .. يلا في امان الله
__ في حفظ الرحمن يا حاج !!

#الهادي بيقول :

عرفت ان الموضوع حيجيب جوطة و كلام ما كان عندي استعداد اني اسمعو - لمن لقيت أبوي بيدق علي قلت بس جا في وقتو ، شلت تلفوني و اتمشيت على مسافة منهم ، لقيت صوت امي برضو كان عالي - رديت عليهو و انا بحاول اجابد في صوتو اللي حسيت بيه فيهو نبرة انبساطة و سعادة كدا … قلت ليهو :
__ يا حاج ابسطنا معاك !!؟
حاج محمد : حنين جاها عريس !

" لقيت نفسي طلعت على الحوش برا بالباب التاني ، و انا كنت سامع جملة أبوي حقت حنين جاها عريس - لمحت سهاد واقفة جهة الباب حق الهول الفيهو ناس امي …لقيت نفسي بقول لي ابوي "

الهادي : دقايق يا حاج انا حا أقفل برجع ليك برجع ليك ( مشيت عليها )

#جانب_وصال

بتقول :
قعدت بي تُقلي كله في الكرسي ! بستوعب كلام خالتي فوزية النزل علي رب رب رب زي الصاقعه !! بقيت لا عارفه افرز الصح من الغلط ، في حين ان مافي كلمة بتدل على انها دايرة لي الضرر او الاذى او مقصدها انها تضايقني و خلاص …
دايماً لمن كنت بسمع كلام امهاتنا و الناس الكبار ديل ، بقول ياخ كلامهم م منطقي و بشوفو غريب ! لحد م يلف الزمن و القاه صح و حاصل … م قدرت ارد على كلامها دا كلو فا كل القلتو ليها :

وصال : خير يا خالتي … " قمت طوالي و مشيت جهة الباب "
مروة " جات محصلاني " : دقيقه دقيقه يا وصال اقدمك …

رِوايات سُودانية🪐🤎!)"

23 May 2025 19:34

سراج : انشغلت شديد يا حاج والله لكن تاني ما بتتكرر ان شاءالله !
الطاهر : ان شاء الله " بيتناول الكباية و بياخد رشفه بعد استنشق ريحة البُن " اهااا كمل لي كلامك !
سراج : المهم بعد دا كلامك يا حاج ! بس ما داير جرجرة نرد ليكم و ياخدو شهر و شهرين اظن عارفننا كويس و اصلاً بينا نسب ! قوليهم عديل انتو شلتو وصال مننا و احنا اسي عايزين نشيل حنين منكم عديل ههه

الطاهر : هاهاهاها … الله يسعدكم يارب ! يعني بالواضح مستعجل
سراج : اي لانو مافي داعي البت دايرة و انا داير و الاسر عارفه بعضها تاني شنو ؟
الطاهر " طلع تلفونو من جيب الجلابية " : ابشر بي سعدك
سراج " رجع بي يدينو لي ورا في السرير و كسر رقبتو يمينو و ابتسم ابتسامة طويلة شديد لحد م جاهو صوت ابوهو البقول :

( حاج محمد ، السلام عليكم )
سراج " رجع لي قدام تكل كيعانو في رجولو و اتناول كباية القهوة و بقى يهز في رجلو الشمال بي توتر "

#الغرفه

سلمى : انتي كمان اتشطري يا رزان يعني حاولي تغيري من نفسك شويه ! و الصراحة سراج بحب اللبس الساتر !
رزان " بي نقزة لي فوق مع عقدة حواجبيها " : اجي ! على اساس حنين ماشاءالله عليها لبسها كاري في الارض صح ؟؟؟ و بعدين لبسي مالو ما ياهو زي لبسك و لبساها نفس الفهم !
سلمى : ياخ براحة انا بس قاعده احاول اساعدك !
رزان " بي تردد " : اسمعي كلامي ! اوريك انا ليه قنعانه من موضوعي بي سراج دا !!!
سلمى " خبطت يدها في السرير " : ايواااا كدا تعالي لي عديل !! في شنو انا م بعرفو لاني حاسسسه ! بس ساكته و عايزة اشوف آخرك !!

رزان " اخدت نفس " : تتذكري البرنامج اياه !! حذريتيتي منو ايام الونسه و كلامي الكتير داك مش كان عندي واحد بتكلم معاه طوالي ؟ المهم كان مصورني من مكالمتنا و بعداك طلع واطي و دعسني و عمل اظن حسابات برا بي اسمي بي صوري ، و اظن سراج لمح حساب فيهو صوري و بدا يشكك لانه الصور ما واضحة شديد لانها من مكالمات فيديو و منها مرسلاهم انا
و اها سراج وراني …و كدا !!

سلمى : و انتي اعترفتي ليه ؟
رزان : ماف مجال انكر المهم م دايرة اتكلم في الموضوع دا و حتى وصال عارفه … المهم انسي الموضوع دا و اسي انتي احكمي تفتكري سراج ممكن يعاين لي ؟؟؟
سلمى ( بي زعل ) : صراحة مافي راجل بيقبل بالكلام دا يا رزة يعني كدا الموضوع بقى معقد بس مافي حل غير حنين هي تبعد منه و انتي تدخلي في النص !!!
رزان : تمام .. اخر محاولة …. في حاجة اخيرة م كلمتك بيها !

سلمى : اهاااااا!!! شنو تاني ؟
رزان : رسلت لي حنين كم رسالة من تلفون امي حاولت اضايقا بس ما كانت بترد ولا ما واصلنها ما عارفه !
سلمى : حرام عليكي ! شوفي نتفق .. انا م دايرة ااذي مشاعر زول و حنين قلت ليك انا بحبها !! لو سمحتي جرح مشاعر او ضرر واضح لا و لا حا تلقيني ضدك و ما حيفرق معاي شي فاهمه ؟؟؟ و كدا انتي جبتي لنفسك مشكلة ! عارفه كدا و لا لا !!!!
رزان : عارفه !
سلمى : ادعي ربنا بس الرسايل دي ما تكون بتوصلها !!
رزان : يارب ….

#جانب_بيت_فوزيه

( مروة جايه بتنزل الصينيه )
وصال : يعني يا مروة انا غريبه ، انا براي بقوم بجيب لي نفسي ! بالغتي والله !!
فوزيه : ما دي المشكلة زاتا ! انك ما غريبه رغم ذلك بتجي طلات زي الغريبه يا وصال يا بتي !
وصال : انتي اكتر زول عارف وضعي و عارف المارة بيه انا شنو ، اخر من يلومني يا خالتي ، و كان حصل و سهيت مالو تنبهيني ؟؟ مافيها حاجة براك قلتي لي يا وصال يا بتي ..
( مروة شالت كورة فيها كاسترد من الصينيه ودتو لي الهادي )
الهادي : اقعدي اقعدي ارتاحي ! انا جيعان ما بقدر اكل سكر !!
مروة " ما ردت ، رجعتو الصينيه "

وصال : هسي حاسه نفسك كيف يا مروة ؟
مروة " بتقعد جمب فوزيه " : الحمدلله بخير ! شكلو لذوك علي لذ !
وصال : انتي زي سلمى واحد حاولي تعامليني على الاساس دا ي مروة ! نفس الكلام القلتو لي خالتي بقولو ليك !
مروة : زي اختك بتضربي لي اقلاها تلفون لحد ما تصليني يا وصال لو ما العشم و لو ما عاداك زي اختي انا ما بلومك ! لكن انتي ساكة سهاد الغريبه و ناسيانا !
وصال " بتنزل الكورة من يدها في الصينيه و بتقول ليها " اسألك سؤال يا مروة !! انتي وقت الله رزقك و ظهر ليك حِمل ! هل رفعتي تلفونك دا و بشرتيني !؟؟؟ هل انا اصلا عندي علم انك حامل لمن اعرف انك اجهضتي ؟؟
مروة " بي نحنحة و توتر و تصلح في جلبابها " :
ما انا قالو لي ما اتكلم لحد ما يثبت الحمل و غير كدا خفتك تفهميني غلط !

وصال " و هي بتقوم بتنجهز للمشي " :
ربنا يعوضك كل خير ! و عايزة اقوليك م شايفه حاجة في الموضوع دا ممكن تتفهم غلط و كان قصدك علي انحنا م مفكرين في الموضوع دا حالياً .. المهم بجيكم تاني ( مشت لي فوزيه حبت على راسها ) : حقك علي … ( باست مروة في خدها ) سلامتك يا ست البنات عوض ربنا حيكون عظيم شديد إتأكدي ان شاءالله …
فوزيه : سمح بيتي معانا الليله
وصال : ما بقدر ، سهاد معاي !!

سهاد بتقول :

رِوايات سُودانية🪐🤎!)"

23 May 2025 19:34

فوزية : شرفتونا والله بالزيارة دي لينا زمن 
امال : المشاغل والعيال ومشاكلهم وخدمة البيت الما بتخلص 
زينب : اسألي امال دي كل يوم في سيرة الجية ليك الله ما سهلها لينا
فوزية : انا زاتي متلومة معاكم لوم شديد لكن اها عاد نسوي شنو ما لقيت لي طريقة اطلع من البيت
"مروة بتجي خاشة بالعصير والموية بتختهم على التربيزة الكبيرة وبتجيب تربيزة كبيرة تختها قدامهم وتجيب العصير"
اتفضلو 
امال : كيف ناس امك يا مروة ان شاءالله شديدين
مروة : الحمدلله يا خالتو سائلين عنكم والله
فوزية : مروة دي قبل كم يوم زاتا حصل ليها اجهاض كانت في المستشفى والله تعبت جاها نزيف 
امال وزينب : يا ساتر يارب الف سلامة عليك
امال : الحمدلله على سلامتك ربنا يعوضكم يارب بري وصال ما كلمتني ولا جابت لي السيرة ما عارفة
فوزية بعدم رضى :  هي وصال اتحمدنت السلامة لي مروة عشان تكلمك يا امال!! 
امال : اجي 
فوزية : النصيحة بتك بقت عايشة في وادي براها لا بتجيني ولا بترفع التلفون دا تسأل عني
امال : دا كلام شنو يا فوزية المنك انتي شفتيها مختفية ترفعي التلفون دا تفقديها ما زي بتك هسي اكان عندك بت ما بتفقديها؟! 
فوزية : هههه دا ما القصد يا امال ردك ما يبقى حار كدي بس انا قلته مروة في مقام اختها ما اهتمت بيها
امال : امكن ما عارفة هي مروة ولا انتي كلمتنها ولا لوم ساي بس
فوزية : ما كلمناها لكن امس جات مع راجلها وحلفت تنزل تسلم علينا .. 
زينب : انتي يا فوزية عايزة تبدي مشاكل النسابة ولا شنو ، وقت ما نزلت انتي الكبيرة اطلعي وامسكيها من يدها دي وعيها وقولي ليها الحاصل منك كدا كدا 
فوزية : ما خلاص "بتعوج خشمها"
امال : لا ما خلاص الناس بقو اهل بعد كدا ونحن زاتنا كان جينا للجد ما هدا ولدك قصي يوم واحد ما جا يقول اتونس معاهم ساي مرتو بتجي وتمشي ومرات يوصلها لخشم الباب ما بخش علينا مالنا ما لومناه ولا سمعناه فارغ وقلنا كلام مسيخ... 
كلهم شباب ما بعرفو الحاجات دي لسه انتي دورك كلميهم ولا شنو يا فوزية. 

"بنحنحة وعدم رضى"
فوزية : صحي
"مروة ساكته تعاين ساي بعيونها وكلامهم ما عجبها"
✎﹏﹏﹏﹏﹏﹏﹏﹏﹏﹏﹏﹏﹏﹏
#جانب_ناس_سهاد

سلاف : صاحبتك دي وينا نامت بره ولا شنو ما جات خاشة تاني
وصال : بري كدي اشوفها "بتقوم وسلاف بتقوم وراها"
سلاف : هو انتي بتتونسي ونحن منتظرنك يختي
سهاد : لا والله "بتضحك"
سلاف : ما اها الجواب باين من عنوانو
مصطفى : عن اذنكم يا جماعة "بمشي بدخل الصالة"
"وصال منتبهة مع كلام سلاف وفي نفس الوقت بتقول ليها
صحي ما انسى اديني رقم تلفونك 
مع كلامها تلفونها بضرب بترد
#الووو قصي اها جيت؟! 
[ لا ما لقيت فرصة ما اتفقته مع بتاع عربية عشان كدا ح يجيكم الهادي ما أأخركم ، تقريبا بكون قرب يصلكم يرجعكم برجع ليك حبيبي بحبك يلا سلام]
اها يا سلاف مليني ليه
سلاف : اكتبي عندك صفر تسعة.... 
وصال : تمام حفظتو حعمل ليك جرس " تلفونها بضرب " سجليني "بتعاين جهة سهاد يلا نحن نمشي بعد دا 
سلاف : كان قعدتو حبة 
وصال : بالود والله لكن ماف طريقة ابقى بينا تواصل ان شاءالله
[سهاد اتقدمت قدامهم بتطلع بعد قالت لي سلاف مع السلامة ما انتظرت تمشي معاهم]
سلاف ماشة مع وصال جهة الباب بتقول ليها :  سهاد مالا ما حاساها براها
وصال : اتزكرت احمد بعد رتبت حاجاتو صراحة ليها حق ماساهل عليها 
سلاف : العليها كتير يا وصال ربنا يعينها ويعوضها خير يارب ، سمح بنتواصل وابقي عشرة على سهاد ما بوصيك عارفاك ما قصرتي . 
وصال : في عيوني ما تخافي عليها يلا مع السلامة

" بطلعو بتقفل الباب وبترجع تخش بتلقى مصطفى قاعد على السرير "

بقول ليها:
انا فاتحت سهاد في الموضوع ومنتظر ردها للعرس. 

على الخير والمحبة نلتقي✎﹏﹏﹏﹏﹏﹏﹏﹏﹏

.💭

لا شيء نكتبه بدون قصد كل الكلمات نعنيها بدقة إما لأنها تؤذينا أو أن أحداً ما عليه أن يفهم ما نريد قوله.


#مندرين
#سحر_سمير
#فاطمة_قسم الله

رِوايات سُودانية🪐🤎!)"

23 May 2025 19:34

بتعاين ليها  مسافة وبترجع تقراها مرة اتنين تلاتة ..
ما مصدقة "دموعها جارية " اول مرة أعرف ان احمد بكتب خواطر ما حصل جاب لي سيرة عن كتاباتو لي ؟!... 
ولي حاشر النوته دي هنا تحت كدا كأنها مدسوسة
حتى ما فهمت هو قاصد شنو للدرجة دي ما كنت مركزة في تفاصيل تانية بتخصو .. 
"بتقلب صفحات تانية عينها بتقع على كلام مكتوب بتبدا تقرا ضربات قلبها بتذيد مع كل كلمة... 

بتقيف لحدي نص الكلام

 
"العبرة بتخنقها بتقوم على حيلها وبتقعد تاني"
مع سيلان دموعها 
بتقفل النوته 
ااااه ياقلبي اااه "بتخت يدها على خشمها اييييي بكاها البتوقف فيه وبتكتم في صوتو" 
 
"بتدنقر على شكل قعدت ركعة الصلاة ومغطية عيونها بيديها الاتنين"
بتكتم صوت بكاها "
.... 
"وصال خشت وعينها على سهاد بخلعة بتسرع عليها

سهاد سهاد مالك فيك شي؟!قاعدة كدا مالك؟! 
وصال بتهبشها من كتفها

"سهاد بترفع راسها وبتقوم طوالي"

انا انتهيت "بتلملم في الحاجات وبتقش في وشها" اتزكرته احمد بس "بتحاول تبتسم قدام وصال رغم ملامح ما مفهومة ظاهرة عليها" ما تقلقي ماف شي تاني خلينا نطلع بتتحاشى تعاين ليها في وشها"
"بتشيل شنطة النص بتحشرها في الجيب البره بتاع الشنطة الصغيرة"
وصال : سهاد انتي كويسة مالها ملامح وشك فجأة اتغيرت كدا؟! 
سهاد : كويسة شديد يا وصال صدقيني يلاكي ورانا شغل كتير بس عشان مواعدين سلاف نغشاها اول ما نتأخر عليها ونرجع نلملم العدة في كراتين جوه انا خاتاهم في المطبخ. 


وصال : لالا اسمعيني قصي قال لينا حدكم الدولاب بس  هو ح يجي معاه واحدين بشيلو الشنط الستفناها دي قال حجز مخزن وبفتش هسي  ل عربية كبيرة يجيبهم يشيلو العفش والعدة وكل شي . 

سهاد : طيب كتر خيرو..
يلاكي

"وصال بتمشي وراها بتعاين ليها بوجع وانها ما قادرة تواسيها او تخفف عنها إحساسها بفقد اعز انسان عليها"

#عند_ناس_سلاف

"داخلين على الحوش"
" اتنين زير باللون البني مختوتات في مزيرة حديد تحت الشجرة الكبيرة
سهاد : الله يا سلاف الازيار الفيهم ماسورة ديل جبتوهم متين؟! 
سلاف : ايييك طول ياخ عشان تعرفي روحك بقيتي كعبة ما بتجينا
سهاد : ههه انا عاوزة اشرب منهم ملانات؟!  "بتمشي عليهم"
سلاف : اي ، اتفضلي اتفضلي جوه يا وصال ، الحقينا جوه الصالة  يا اخت " بتضحك معاها"
وصال : بيتك سمح عندك حوش احلى حاجة الشجر الفيه دا وفريقكم زاتو رايق
سلاف : الله يسمح ايامك ،  الشجر دا نافعني مرات الكهربا بتقطع نقعد تحتو ومرات ساي نتونس بره ونشرب القهوة فيه
وصال : بتك وينا؟! 
سلاف : براءة بتقعد هي من حبوبتا تجي تدينا طلة بتطلع معاها في طرفها لناس اختي ما بعيدين مننا
وصال : ههههه اخير ليها مفسحة روحها

#بره_الحوش
سهاد بتمسك كباية الفخار المختوته في الزير وبتقعد في السرير التحت الشجرة بتغسل وشها وبتسرح بعيد بتحاول ما تبكي وتتماسك قدرتها  .. 
"بجيها صوت"
** احم احم سهاد قاعدة هنا مالك سلاف جوه خشي ؟! 
"بنطة وصوت زي منتظر حد يسألو ويتفقع بالبكى" 
__ اي جينا هسي انا شربته موية وقعدته حبة "دنقرت راسها"
**يعني خلاص قررتي ترحلي من الفريق دا؟! 
__ايوة 
**معليش للسؤال حتمشي وين؟! 
__ياهو زي ما قلت ليك حاليا قاعدة مع ناس وصال لما القى لي سكن مناسب برحل
واقف جمب الشجرة للحظة حصل سكات بتقول ليه
مصطفى 
**نعم 
__بتعرف ليك شركة او جهة عاوزين ناس لشغل ؟! 
**والله ما عارف ، ما عاوز اكون حشري لكن شغل ليك انتي؟!  ممكن اشوف ليك!! 
__ايوة "بصوت يأس غريب"
**سهاد انتي كويسة؟! 
__"بدت تبكي" لا
"بتوتر ملحوظ منو ما عرف يسوي شنو"
**طيب انادي ليك سلاف دقيقة
__لا ما تناديها اصلا انا قعدت بره هنا عشان اشم لي هواء قبل اخش ليهم جوه 
**طيب سهاد انا عاوز اقول ليك كلام ومع اني عارف الوقت امكن يكون ما مناسب بس انا يابت الناس داير اخش بالباب عديل ما شايف في مبرر للإنتظار ودا ما بيعني عدم مبالاة للحصل ليك او شفقة مني بالعكس انا مقدر الحزن والوضع الانتي فيه ك شي طبيعي بس الحياة دي كدا كدا  بتمشي وحتستمر مرة حزن ومرة فرح بس كيف نحن نقدر نتخطى كل العقبات دي ونتعايش ونعيش حياتنا وفي الاخر كلو ببقى زكرى بنخصص ليها جذء بين كل فترة وفترة بنطراه ، انا ما حضغط عليك وكمان ما عاوز استعجل او استعجلك بس كان لازم اتكلم معاك واقول ليك إحساسي اني رايدك ودايرك على سنة الله ورسوله . 
وكلامي دا ليك قبلو كان في خلفية او مفهوم غلط مني فيما بعد ححكي ليك .. يعني ما بين يوم وليلة انا قررته افاتحك عن مشاعري. 

"بعدها حصل هدوء وعدم استيعاب ما عادي من سهاد بتقول :
لأول مرة ارفع راسي واعاين ل مصطفى واملي عيوني منو حقيقة الموقف الاتختيت فيه حاليا خلاني بتكلم من جواي لي انا بالتحديد في الوقت دا بتحصل لي كل الحاجات الاكبر من طاقتي دي
اذا انا لسه ما مستوعبة موت احمد ومن كم لحظة قريت مزكرات كاتبها واتمنيت لحظتها لو كنت عارفة ادق تفاصيلو لي كان مخبي عني؟! هل انا كنت عايشة معاه كمصدر حماية وبيت ماسكني؟!... 
ههه ما اكتر!! 

رِوايات سُودانية🪐🤎!)"

23 May 2025 19:34

**اصلا ما حاولت ارد على الرسايل لاني خفته غرضو شنو يرسلها لي وعرف من وين اصلا؟! تفتكر حد بعرفنا؟! ما هو لازم 
__ انا حشوف الموضوع دا انتي ما تقلقي بيه راحتك انسيه وخليه علي.
**حاضر نسيتو "بتضحك"
__ ايواا شايفة حتى ضحكتك احلى 
**احم احم احترم نفسك
__ههههه احترمتها طيب اسمعيني بالنسبة لي عشان اكون واضحك معاك انا كان عندي نية ارجع بورتسودان او اسافر بره السودان ودا كلو خليتو عشانك من اول يوم شفتك ما بكذب لو قلت قلبي نقز ليك انتي  وامكن تحديد مصيري واتخاذ قراري الفضل برجع ليك فيه بعد فترة تردد .. 
**طيب عشان اكون على بينة انت هسي ناوي على شنو؟! 
__ناوي افتح مشروعي الخاص بتاع التيم القلت ليك عليه وزي ما عارفة اشتغلت عليه من بدري عملت دراسة المشروع وختيت التكلفة الكلية وحددت المكان وحاليا باقي مجرد اجراءات ورقية مع المحامي عشان الايجار والضرائب وبعدها ح افتح معاينات الوظايف وتكون الانطلاقة بإذن الله. 
**ما عاوز ليك وظيفة مسؤول إعلامي ح افيدكم شديد
__تشتغلي معاي؟! 
**هههه ياود انا بهظر معاك ساي
__بس انا جادي عاوزك معاي رايك شنو تبقي شريكتي؟! 
** بس انا ما عندي راس مال اشاركك بيه
__انا عاوزك كشريكة حياة في كل خطوة بعملها تكوني معاي برايك بتشجيعك بمساندتك لي انا حابي نعيش حياتنا من الصفر خطوة خطوة نبنيها مع بعض الحاجة دي تهمني شديد في كل التفاصيل البتجمعنا فيما بعد . 
** اممم موافقة
__اقول على بركة الله يعني
** ايوة وربنا يجعل ليك في كل خطوة بركة يارب
✎﹏﹏﹏﹏﹏﹏﹏﹏﹏﹏﹏﹏﹏﹏

"قدام بيت ناس سهاد بتنزل هي ووصال  ، الهادي فاتح قزاز العربية وبتكلم معاهم"
الهادي : اجيكم على الساعة كم كدا؟! 
وصال : تقريبا قصي حا يغشانا ، 
ربنا يعوضكم يا الهادي معليش اتلومته انا ما عرفته الا بعد رجعنا البيت بالليل ، الليلة بغشى مروة اطمن عليها. 
الهادي : ما عليك لوم ، المهم كان احتجتو حاجة اتصلي بي انا زاتي  بقابل قصي اشوفو عمل شنو يلا معاكم سلامة " بدي سهاد لمحة سريعة وبتحرك بعربيتو"
سهاد :  مرتو مالا اجهضت وقعت ولا شنو؟!
وصال : لالا تقريبا عندها مشكلة كل ما تحمل بحصل ليها اجهاض ربنا يرزقهم بالزرية يارب ما تستاهل والله
الهادي ومروة ديل طيبانين بطريقة ومروة دي حتى صوتها رايق كدا ربنا يكتب ليهم السمح 
 بعد تلاقيها حتحبيها شديد زولة الله . 
سهاد : اهاا ان شاءالله

سهاد "بتكركب بالمفتاح بخشو بقولو بصوت واحد"
بسم الله الرحمن الرحيم
__لما اخش البيت باقي لي مسيخ متخيلة احمد حا يطلع قدامي في اي لحظة
** عارفة طلوعك من البيت دا لخير انا شايفة احسن ليك 
__تلفوني امس نسيتو هنا "بتمش على الكرسي مكفي بالجمبة بتفتحو تعاين ليه" عايني سلاف ضاربة لي كتير بتكون امس قلقت لانو قالت لي تجي تنومي معاي
**دي جارتك البجاي دي اللاقيناها ايام الوفاة
__اي ياها زاتا 
**حبابة بطريقة هي وامها 
__اي ياها الوحيدة العرفتهم بمش ليها وبتجيني طوالي عندها بنوته صغيرة اسمها براءة واخوها مصطفى قاعد معاها في البيت وامها دي بتجيها طوالي ، راجلها مغترب.. المهم متونسة بيهم حيفقرقو علي شديد ما عارفة اقول ليها شنو
**اي متزكراها كانت تمشي توديها لاختها وترجع تاني 
هي هي وسائل التواصل دي قربت بين الناس كل ما تهف ليك اركبي زوريها الزي جيرة سلاف ديل نادرين .. 
__سمح بعد نطلع نغشاهم بالمرة 
**طوالي ما عندي مانع ، عايني حا اجر الكرسي احاول انزل الشنط الفوق ديل 
"سهاد واقفة غازة يديها في نصها"
__ما حتلحقيهم يا وصال الدولاب دا طويل والشنط ديل كبار واتخيل لي زاتي ما فاضيات تقومي تقعي ساي
**اها طيب نسوي شنو الهادي زاتو فوتناه 
__اقيفي انا بتصل بسلافة مصطفى اخوها دا طويل يجي معاها وينزلهم لينا
**ما عارفة بس ننتظر قصي احسن
__ ما معروف قصي يجي بتين ديل ستة ضلف حا نفضيهم " ماسكة تلفونها وقبل تضغط على رقم سلاف جاهم صوت الباب بدق"
وصال : شايفة مستعجلة ساي دا قصي جا 
خليكي انا بفتح
__السلام عليكم هي وصال
**سلاف تصدقي بت حلال هسي في سيرتك
"بسلمو على بعض بالاحضان"
خشي لي جوه 
__وينا فلانة دي انا جاية اديها شكلة
"سهاد جاية طالعة بتضحك"
سلاف مخلوعة بتعاين فيها 
 واي وشك دا مالو مظلط كدا ومورم وقعتي ولا في شنو 
سهاد : اسكتي ساي موضوع طويل
سلاف : لا جد طبعا كنت ما عايزة اسلم عليك ما بتردي على تلفونك مالك؟!  بس هسي بعد شفت وشك مورم ومظلط قلقتي بي جد الحصل شنو؟! 
و امس بالليل انا ومصطفى رجعنا ودقينا وفترنا  
"وصال بترد عليها"
بتحكي ليك براها برواق بس هي  تعبت بالليل وكان ما قصي والهادي جو بالصدفة ما عارفة الحصل شنو كان 
 وانا تاني مسكتها عندي ما خليتها تجي براها جسمها مرهق .. 

رِوايات سُودانية🪐🤎!)"

23 May 2025 18:27

امشِ في الدرب، ذاك الذي يُطابق فيه
خطاك صهيل الكرامة، ودَوِّيَ التاريخ،
ونبض الحوافر التي ما خانت ترابها يوماً…

ففي زمن كُسرت فيه الموازين، وغابت فيه
فضيلة الحياء عن مراكز القرار الدولي، باتت
القضايا تُقاس بحجم المدفع، لا بعدالة القضية،
وبعدد الطائرات، لا بنبل التضحيات.

يا للمهزلة…
صرنا نُقتل، ويُطلب منا الصمت.
نُحاصر، ويُطلب منا التفاوض.
نُباد، ويُتهم جيشنا إن أنقذنا.
تُقصف مدننا، ويُقال لنا:
لا تزيدوا الوضع اشتعالاً!

فيا سادة العالم الأنيق، إذا كان العدل لا يُسمع
إلا بصوت القنابل، فدعونا نُتقن إيقاع البارود
وإذا كانت شهادة البراءة لا تُوقّع إلا بفوهة
دبابة، فدعوا المشاة يكتبونها بسنابكهم لا
بأقلامكم!


فكوننا سودانيين، مجردين من أبواق الغرب
وميزانياته، لا يعني أن نُدفن أحياء، ثم نُدان
على صراخنا.

نحن لسنا مجرمين، بل من أُجبروا على حمل
السلاح ليحافظوا على حقهم في أن يُولد
أطفالهم دون قصف، ويعيشوا في وطن لا يُباع
في غرف العمليات الإقليمية.

غردون الذي أخضع أفريقيا، سال دمه في
شوارع الخرطوم… فهل تظنون أن تُركعها
"مليشيا تحت الطلب"؟

أنتم لم ترسلوا غردونًا، بل أرسلتم خيبتكم
فارتدت عليكم.

لا، لن ننكسر لا لعقوبات، ولا لحملات إعلامية،
ولا لصفوف الخونة…
نحن لا نخوض معركة من أجل حاكم، بل من
أجل ألا يُحكم السودان بالوكالة، من أجل ألا
يُختزل تاريخنا في نزوة تمويل أو موجة
تدويل.

نحن لا نسعى للحرب، لكننا لن نقف أعزلين
بين أنيابها.
ولأن موازين هذا العصر لا تُنصف الضعيف،
فلا عدل إلا إن تعادلت القوى…
ولا حقّ يعود إلا إذا اصطدم الصمصام
بالصمصام.

*الحمد لله الذي أعزّنا بنصره،
وأذلّ من ظنّوا أن السودان
سيُكسر بلا مقاومة!❤️.

رِوايات سُودانية🪐🤎!)"

23 May 2025 12:08

ينام على معصية وتراه ينفض الفراش، يستمع إلى الأغاني، ويستمع كذلك إلى القرآن..

يتقرب إلى الله بالنوافل بالرغم من انه مُقصر في الفرائض، يعلم من نفسه ما لو علموه الناس ما صافحوه..

ولكنه يريد أن يترك أبوابا مفتوحة بينه وبين ربه..

لعله يدخل من أحدهم يوما ما.

قال الله تعالي

وَآخَرُونَ اعْتَرَفُوا بِذُنُوبِهِمْ خَلَطُوا عَمَلًا صَالِحًا وَآخَرَ سَيِّئًا عَسَى اللَّهُ أَن يَتُوبَ عَلَيْهِمْ ۚ إِنَّ اللَّهَ غَفُورٌ رَّحِيمٌ 🤍

رِوايات سُودانية🪐🤎!)"

24 May 2025 08:54

- أتُحبها ؟
= لا أدري ..
ولكن غيابها يجعل وجوه الناس شاحبة ..
ورائحة الهواء مُغبرة ..
- إذاً فأنت تُحبها !
= دعك من تضخيم الأمر ..
فقط غيبتها تبدو كثقب أسود يبتلع ألوان الكون حين يطل عليّ ، ثم يعيد ما اختلسه من البهجة حين تعود !
- بالتأكيد أنت تُحبها !
= دعنا لا نتسرع في الحكم ، رجاءاً ..
كل ما في الأمر أن غيابُها .. غربتي !!

- أحمد خالد توفيق | Artwork By Robert Bechtle.

رِوايات سُودانية🪐🤎!)"

24 May 2025 07:12

شبب، عايزاكم ف حوجة ضروري ل صحبتي!


ممتحنة ووضعها كعب شديد وهي برلومة

زول يشرح ليها محاسبة ورياضيات متقطعة

ضروري البقدر عليكم الله🙏.

@esraa24bot.

رِوايات سُودانية🪐🤎!)"

24 May 2025 01:02

بعد منتصف الليل
أحاول نبش ذاكرة السماء
حيث لا وجود لنصف القمر
و لا معنى للمعان النجوم
إن لم تكن تنظر إليها.

أصغي بناظري
لعل المجرة تخبرني
بعض قصص المستقبل
ولكن ضوضاء الفضاء
لا تنبئ إلا بحكاياتٍ مضتْ
وصور باهتة على جدران الكواكب.

وأخيراً
أعود أدراجي
إلى باطن الأرض
حتى لا تراني الشمس بعينيها
ليخبرني الظلام
بما لم يجرء عليه الكون

رِوايات سُودانية🪐🤎!)"

23 May 2025 19:34

سهاد : دقني دقني لسسسه دق اكتر ! اصلاً انا قنعانه من الدنيا دي دق ! عامل فيها راجل ، صصحي ! لابس قميص و بنطلون لشنو ؟؟ "عاينت ليها " : كان تديو عباية من حقاتك و اهم شي الطرحه ههه
" رفع يده داير يضربا - منيرة مسكتو "
منيرة : كدا بتموت تحت يدك الراجل كان شافها بي منظرها دا م بعرسا ! خلونا نمشي العربيه حقت عماد واقفه بي ورا ارح …
منيرة : قومي على حيلك امشي بي الادب احسن ليك قومي …
سهاد : ما ماشة مكان !
راجل خالتها " جراها و طلع بيها لي برااا "
سهاد : فكني فكني …..

" مسكوها بالقوة ركبوها العربيه و دورو فاتو بيها "

"وصال لي جوا البيت "
وصال : قصي شكلو ساقوهااا في صوت عربيه مشت و صوتهم راح
" طلعت عند الباب " مم مافي ودوها وين ؟؟؟؟
قصي : انا قريب من البيت ! مافي عربية طلعت قدامي فاتو بي ياتو شارع ؟
وصال : م شفتهم بس سمعت الصوت جاي من مربع سته ورا نخية دكان العربي !!
قصي : ديل عرفو درب سهاد كيف و لشنو هما بيعملوا كدا اصلاً ما فاهم انا ! لا حول ولا قوة الا بالله نلقاها من وين و لا من وين !!! اقفلي اقفلي انا قدام البيت !
وصال : ااي سامعه صوت عربيتك ! تمام ! " قفلت الخط "

" قصي جا داخل ، قفل الباب و مسك وصال ضماها "

قصي : خايفة انتي حبيبي ! بترجفي ؟ معليش حقك علي .. روقي روقي
وصال : انا مرعوبه ! البت حتموت في يد الراجل دا !! يا قصي
قصي " مسكها من وشها و قاليها " : م سمعتي اي حاجة عن مكانهم او عنوانهم او اي حاجة توصلنا لي سهاد ؟
وصال : يا قصي انا ما عارفه منيرة دي عايزة شنو و لا فهما شنو. من سهاد !! و بعدين ما عارفه حاجة م كنت مركزة بب بس ممكن نفتش تلفونها !!

قصي : " تعالي جراها خفيف على الكنبه " : اقعدي
وصال : اقعد كيف يعني ؟ يا قصي سمي الرحمن الله اعلم بعملو فيها شنو اسي مافي زمن !!!
قصي " بي توتر و حيرة " : لانه انا ما عارف اسوي شنو ولا ابدا من وين !! ما عارف البلاوي دي حدها وين - طيب تلفونا وين ؟
وصال " قامت دخلت الغرفه محل سهاد بتنوم ، فتشت تمام لمن لقتو تحت مخدتها و جات طالعه جابتو ليه "

عاين مافي رقم في السجل مسجل بي اسم منيرة حرفياً المكالمات كلها عبارة عن احمد - و حاجات بسيطه من سلاف و رسالة من رقم مكتوب فيها ( اعفي لي على الحصل - و كاتب ليها تحت انا مصطفى )
حتى الرساله دي انا يادوب فتحتها هي ما شافتها …

قصي : طيب اتصلي على سلافة دي شوفيها يمكن عندها فكرة ؟
وصال : سلاف جارة سهاد ، و قبيل سهاد قالت جات وصلتها لحد هنا !
قصي : طيب اتصلي عليها دردشي معاها احتمال تكون بتعرف حاجة !!
وصال : من رقم سلاف زاتا ؟؟
قصي : ايوا
وصال " ضغطت اتصال … جرس جرس في اخر لحظه حتى ردت "

سلاف : هلا سهاد كيفك ؟
__ انا وصال يا سلاف كيفك ؟
سلاف : اوه وصال الجميلة ! الحمدلله بخير في نعمة والله
__ تدوم يارب ! عايزة اسألك معليش بتعرفي حاجة عن اهل سهاد و تحديداً الاسمها منيرة دي ؟؟
سلاف : لا - ليه حاصل شنو ؟
__ جونا مرة و راجل و منيرة معاهم اتهجمو على سهاد و دقوها شديد و موضوع م بيتحكي والله يا سلاف لحد اسي انا مصدومة و ما قادرة استوعب ، و اخدوها بالغصب و الله اعلم محل ودوها وين اسي !! #الخط قفل

#جانب_امال

امال : انتو اختكم دي نصيحة ؟ ليها اسبوع كل يوم جايه جايه م بنشوفها لا هي لا راجلها !! كدي يا سراج قوم ودينا عليها خلينا نشوف الحاصل عليها شنو ! حتى موضوعك انت و حنين دا م جابت طاريه و لا جات جاريه تشوف الحاصل !
سراج : امي انتي عارفه جلسات قصي لسه م انتهت و الفترة الفاتت دي قصرو لكن كدي نضرب ليها اول قبل نمشي احتمال مافيشين !
امال : سمح اتصل ! خلينا نتطمن اصلو م بتغيب كل الفترة ددي !

" بتتلفت " : اختك التانيه دي وين كمان … سلمى … يا بت ……

سلمى : جايه يا امي جايه جايه ……

امال : ما عارفه مالكم مجدعين كدا كل زول في حته ، يا حليلك يا زينب كنتي مفرقه علي و مونساني !
سراج : ما بترد وصال
امال : جرب .. جرب تاني ….

#جانب_وصال

قصي : في شنو قفلت ؟؟؟
وصال : ما عارفه
" التلفون ضرب " : اهي بتتصل ….
قصي : افتحي الاسبيكر … افتحي افتحي …
وصال : طيب

وصال : ايوا يا سلاف
سلاف : شكلو رصيد سهاد قطع
__ بالجد ! م عارفه والله
سلاف : عايني يا وصال بصراحة انا الوصفت ليهم البيت بس قسماً بالله ما قايله الموضوع كدا هم قالو لي سهاد طلع ليها ورث من جهة امها و كلام بالشكل دا ، و انتي عارفه وضع سهاد انا كمان فرحته و وصفت ليهم و ابيت اكلم سهاد قلت احسن تتفاجأ منهم !
يعني اسي احساس بالذنب معذبني عذاب و كتمت بي عديل ….
__ لا حول ولاقوة الا بالله يا ريتك ما وصفتي ليهم يا سلاف !! انتي م شفتي الحصل بالجد شي محزن و مؤسف شديد !

سلاف " بي ضيق " : عايني يا وصال ، انا زي ما طينتها حا احلها ! حا اجيب ليكي عنوان منيرة دي اسي !!
__ عارفة دربها انتي يعني !
سلاف : لا بس حا اتصرف
__ تمام منتظراكي !!

رِوايات سُودانية🪐🤎!)"

23 May 2025 19:34

** اول حاجة معلومة ختيها في راسك ، ان الزواج عمره م كان مجرد صفقه ، حاولي تختاري كلامك قبل تقوليه ، و تانياً ليه انتي عايزاني انجبر اوصل الموضوع لي عمتي !! طالما الكلام ما مفهوم بالنسبه ليك او ما واصلك ليه عايزة تجبريني اسوي حاجة انا ما عايزها !
__ بس يا سراج انا هنا قبلها ! انا البناسبك م هي انا اقرب ليك و انسب ليك من كل النواحي ! هل الصور و الحاجات الشفتها هي الخلتك م تعاين لي هاه ؟ رد لي ؟؟؟
** رديت ليكي قبل كدا و قلت ليكي من يومك انا م شايفك غير زي سلمى و وصال ! و القلتي عليه موضوع الصور و الكلام دا م ليه علاقه كدا استوعبتي ؟
__ ايوا استوعبت … و انا اوعدك ان بابك اقفلو مرة وحدة … وعد مني يا سراج !!! و اتطمن انا حنين تاني ما حا اقرب ليها ! " عايزة تمشي "
** رزان ! ما كنت متمني يحصل بينا كدا لكن قدر الله و ماشاءالله فعل ! خليكي طبيعيه لى عايزة تسديني معروف للمرة التانيه بقولها ليكي ! انحنا اخوات احلا حتلقيني زي مجاهد واحد !! ممكن ؟؟

__ اممم اديني وقت … حا تلقاني اختك ان شاءالله ..
** طيب اقعدي ماشه ليه ؟
__ بجي راجعه
** تمام -

رزان بتقول :

كلامو فعلا من اول مرة كان واضح شديد بس انا القررت اني ما افهم غير رغبتي و الفي نفسي ، كفايه اهانة اكتر من كدا ، انا كمان استحق لنفسي التقدير و الحب و الاحترام و دي حاجات انا ما بقدر اجبر زول انه يقدما لي ، اكيد حا القاها بس في الوقت المناسب .. مجرد م اتمنى الخير لي غيري اكيد ربنا حيديني انا كمان خيري …
فعلاً كنت صادقه لمن قلت لي سراج اديني وقت لانها فعلاً مسألة وقت - الاستمراريه في النزاع دا م حيعمل حاجة غير حيهدم علاقة متينة شديد بين خالو و خالتو امال و امي و علاقة اسرية جميلة شديد و انا الحا اخسر في النهايه - اخير اخسر مشاعري و لا اخسر مشاعر الحوليني كلهم … سأتعافى اكيد ….

سلمى بتقول :
مجرد ما شفت وش حنين البريئ الطيب و ملامح الفرح في وشها لمن شافتنا خلتني اكره نفسي انا كيف فكرت في كدا و كيف قدرت اشجع رزان على حاجة زي دي حتى لو كنت في صفها دا تصرف غلط مفروض انا م تكون لي اي ردة فعل في الموضوع دا !
بحبهم كلهم و كلهم بتمنى ليهم الخير … حتى مجاهد !!!

#الشارع
سلاف بتقول :

بعد وصلت سهاد عند بيت وصال و مشيت مشواري و جايه راجعة ،

انا دخلة بيتي بتبدا من بيت سهاد هما اول ناصية شمال ، و بيتها اول بعداك لي جوا بيتي ، و انا داخله بالشارع داا ..
لمحت راجل و مرة كبار في السن كانو بخبطو في باب سهاد !!
وقفت عاينت ليهم مسافه ، و نزلت الشباك و من العربية اتكلمت معاهم !! و بديت كلامي معاهم بالسلام عليكم !
ردت لي المرة :
__ و عليكم السلام
سلاف : عايزين منو انتو ؟؟؟
الراجل : سهاد
سلاف : في خير يعني يا عمي ؟؟
الراجل " بي مُكر " : ايوا ايوا انا خالها يعتبر و كان ظهر ليها ورث من جهة امها و لينا زمن بنفتش ليها عشان نديها نصيبا ! و ما لامين فوقا ! اها في جماعة وصفو لينا البيت دا ! الظاهر ضيعنا الوصف !

سلاف " استغربت لان شكلهم يدل على انهم قدر حالهم و في نفس الوقت انبسطت لانه حا تفرج عليها و تقدر تأسس نفسها و من ناحية تانية لمصلحة مصطفى انها تنشغل في حياتها عشان م يجيه فضول في يوم بحجة انة يتطمن عليها او يعرف الحاصل عليها شنو ، قلت ليهم " :
سلاف : سهاد ما قاعده هنا من بعد وفاة زوجها.
المرة " بي ملامح غريبة " : عندك علم بي مكانا مشت وين ؟؟؟؟
سلاف " اتوقفت شويه و تاني قلت ليهم " : طيب ممكن اوصف ليكم العنوان !!
الراجل " بي نفس المُكر قرب عليها جهة الشباك و قاليها " اكتبي لي في ورقة …
" المرة🐍 جات وقفت وراهو "

سلاف" بي حماس و هي بتكتب في العنوان " : طيب طيب و الله يا عمي لو ما مشغولة كان وصلتكم لحد عندهااا ..
الراجل " بي تهرب " : لالا مشكورة
سلاف " بي انبساطة " : اتفضل " مدت ليه الورقه "
و دورت فاتت

" بعد مشت طلع تلفونو و اتصل و قال "
__ منيرة اللبسي سريع تعالي طايرة طيران كلمي عماد ( جارهم ) بالبوكس يجيبك و حصلينا جمب ال …. #قفل " عاين لي مرتو بي انتصار و قاليها " ارح ارح يا مرة …

#وصال_بتقول
بعد طلعت بمسافة ، رجعت البيت اتذكرت ان عندي مبلغ مالي كان سحبتو لي عمتي و ما اتوفقته وقتها ان اودي ليها ، فا نسيتو و انجبرت ارجع البيت عشان اشيلو ، و انا متابعه مع ترحال قلت ليهو نزلني في ناصية البيت الابيض دا بي زاوية كان من الباب ، نزلت سريع و ماشة على باب البيت و انا بطلع المفتاح من الشنطة ! لمحت سهاد واقفه برا جمب الباب و تاكله على الحيطه !! اتخلعته قلت ليها :

** سهاد !!
__( اتلفتت عاينت لي )

رِوايات سُودانية🪐🤎!)"

23 May 2025 19:34

** " بي ضيق " : اها اي صح فعلاً " دخلت جوا البيت و احساس ان جزء من العفش ناقص كان مؤلم شديد و احساس فراقو حار حار شديد ، دا غير النار الشبت في صدري من كلام سلاف "
__ انتي جايه تشيلي غيارات ؟
** " بي توتر " : اي اي …. ( في نفسي قلت م حقدر اخد الحاجات دي من الشنطة قدامها احتمال تركز ، دخلت اتمحركت قدرتي جوا عشان تقول ماشه ، لكن المرة دي قعدت و اصلو ما فكرت تمشي لحد ما قالت لي ) :
__ حا اوصلك انا طالما جيتي براكي و بالمرة اعرف مكانك عشان اقدر اجي اشقر عليكي !!
** لالا ما تتعبي نفسك ساي انا بوصل ، و لمن تكوني جاياني بوصف ليكي !
__ ما شغاله بكلامك دا كتير ! شيلي حاجاتك و انجزي !
** جادة والله
__ بلا جادة ! اديني دقايق حكلم امي و اللبس لي عباية غير دي و اجيب العربيه من عند البيت ! و بجيكي
** تمام ( ما صدقته ، طلعت من هنا طوالي دخلت جوا محل الشنط ، لسه بحاول استحضر في ياتو شنطة و بديت افتش ! لقيت الباب بيخبط خفيف ! قلت متين لحقت تمشي و تجي … حاولت اتأخر ما افتح عشان افتش اكتر ، بس تاني خبط .. مشيت فتحت و دايرة ادخل جوا على اساس تدخل ! لقيت يد مسكتني قوي ، شهقت و عاينت بصدمة قلت ليه) :
مصطفى !!!! " عاينت لي يدو القابضاني بقوة ، نفضت يدي منو ! بعاين ليه " و قلت ليه !!!
في شنو ؟؟؟
مصطفى ( ما رد علي ، دخل و قفل الباب )
سهاد : مصطفى انت بتعمل في شنو افتح الباب دا !!!!
مصطفى ( كان بقرب عليها )
سهاد : مصطفى احكي في شنو ؟؟ و بعدين انت مش عندك زولت#قاطعني ب " خت يدو في خشمي ، و مسكني "

#جانب_تاني

#الشارع
" بتتلفت "
بيان : انت تاني ؟؟؟؟
__ ايوا انا تاني !
بيان : ياخ الف مرة قلت ليك حتجيب لي مشاكل مع الجيران
و ان ما تجيني و توقفني الوقفه دي هاه ؟؟
__ انا ما قادر افهم انتي خايفه من شنو ؟ اخوك و راح كم مرة قلتها ليكي ! و مش متفقين نتكلم و قلتي لي وعد ؟
بيان : مجاهد ! انا عندي أب اسمو عثمان تقدر تمشي عليهو ، بطل تفضل ترازيني من العيد ساعة عرس بت عمك وصال و تضيع وقتك في المساككة ! كان تختصر و تمش لي ابوي !!
__ مجاهد انا ما بعرفك عشان طوالي اتقدم ليكي ، عايز اتكلم معاك اول ! و اعرفك و تعرفيني !
بيان : و انا ما عندي كدا معليش و للمرة الخامسه ، ما تفكر تجيني عند البيت و لا توقفني في شارع ! انا بت ناس برضو !! مفهوم ؟؟؟؟
" مشت خلتو "

#جانب_حنين
#مكالمة
حنين : حبيبي بتوصي فيني كدا زي ال اول مرة امرق براي هههه
سراج : لي مراد اجيبك و اوديك و رجلك م تلمس الواطه دي كلو كلو
حنين : كلها مسألة زمن !! المهم انا حأقفل
سراج : صحباتك جوك ؟؟
حنين : سراج ركز صحبات منو قصدي ليك سلمى و رزان حا الاقيهم هنا و بعدها حا أمشي البيت ! يلا سلااام حا اقفل !!
سراج : دقيقه دقيقه …. حنين … الوووووووو

" بعد المكالمة "
حنين " وقفت على حيلها " : ياخ انتو مواعيد بي تعريفة ما عندكم
تعالو تعالو اقعدو ، كيفكم تمام ؟؟ ( بتسلم و بتبوس فيهم بي ترحاب شديد )
سلمى " بي تأنيب و تراجع واضح عليها بتقعد و بتبتسم خفيف " معليش خليناك تنتظري كتير
حنين : عادي يعني انا قاعده في الشارع مثلاً هههههه " بتعاين لي رزة القالبة وشها " رززة ؟؟؟ هي مالك ؟
رزة " بتصلح قعدتا " : لالا مافي شي السخانه و احنا جاين بس زهجتني ! والشمس سخنه شديد …
حنين : المروحة ما واصلاك ؟
رزة : لالا واصله
حنين : نطلب شنو طيب ؟؟؟

حنين بتقول :
ما عارفه ليه ما كنت مرتاحة و قلبي كان ماكلني شديد ، و جية سلمى و رزان و انه نتلاقى برا دي كانت غريبه لكن حبيت اخت جواي اسباب كتيرة حلوة ، منها ان قعدت البيت ممكن تكون ممله او مثلا حابين يتعرفو علي أكتر ، بعد ما سراج اتقدم لي .. قلت في نفسي الافتراضات ما حبابها ، القعدة معاهم بالدنيا و انا زاتي محتاجة ليهم و لي شوفتهم و ياريت لو معانا وصال …

حنين : رايكم شنو ندق على وصال ؟؟

#جانب_وصال

وصال بتقول :
بعد قصي طلع ، مشيت على غرفة سهاد ، خبطت عليها ما ردت
مشيت و قلت تاخد راحتا بتكون مرهقه !!
عملت كم حاجة في البيت و جهزت ملابسي و لبسته و كل دا هي ما صحت ! قلت انا ما عندي حل غير انزل مشواري حق ناس البيت ، كدا كدا قصي ما حيرجع اسي ، احسن شي هي تاخد راحتا و بالمرة الموقف دا لي حاجة في نفسي من كلام خالتي فوزيه ..

خليت ليها الفطور مغطى ، و كتبت ليها جمبو ورقه
اني طلعت على ناس امي و ما حتأخر ان شاءالله ……..

يتبع ….

{ في الحلقة الجاية }

سهاد : دقني دقني لسسسه دق اكتر ! اصلاً انا قنعانه من الدنيا دي دق ! عامل فيها راجل ، صصحي ! لابس قميص و بنطلون لشنو ؟؟ "عاينت ليها و قلت ليها " : كان تديو عباية من حقاتك و اهم شي الطرحه ههه

#استككانة🔥🦭

#فاطمة_قسم_الله
#سحرالقمر😌

رِوايات سُودانية🪐🤎!)"

23 May 2025 19:34

الهادي : بتكلم معاك انا !!! يا مروة !!
_ ( راقدة و مقبلو منو ) : نعم !!
الهادي : قومي اقعدي عديل و اتكلمي معاي !!!
__ " قامت قعدت و مقبله وشها منو " : نعم !!
الهادي : راسك دا قاعد يقول ليكي شنو عشان انا احسم الامور البتسوي فوقا دي !!!
__ " بقت تدعك في عيونا " :انت ناوي تعرس سهاد ؟؟؟
الهادي : القاليك كدا منو ؟
__ لصيقك الكتير دا انت شايفو عادي ؟
الهادي : الرحمة حلوة يا مروة ! و احمد دا كان زول اخونا و سند و بنلقاهو في الحارة و الباردة ، اسي بعد اتوفى انتي شايفه صح مننا نخلي مرتو دي كدة ؟؟؟
__ خالتي فوزية قالت البت دي عندها عداوات وو كلام عنها م مريح و انا زاتي ما مرتاحه ليها ، اسي انت ما رديت لي انت ناوي تعرسا ؟ و قول الحقيقه !
الهادي : ما ملاحظة انك اختلقتي موضوع العرس دا من راسك و عملتي منو برنامج و موضوع و منكدة بيهو علي و عليك ؟؟؟
__ بس انت وافقته تعرس لمن قلت ليك عرس !
الهادي : عشان تعرفي ان كلامك كان فارغ و انا لو داير اعرس عارفو تماماً دا من حقي ، انا ما معرسك لي سنة و لا اتنين لو داير الجنى من غيرك بمش اعرس م حنتظرك لمن تقولي " بحاكي فيها " لي امشي عرس ! بس انا الما داير
الله قسم لينا حمدلله خير و بركة ما قسم كمان نحمدو و نشكرو اهم حاجة عافيتك بخير و عافيتي بخير !
__ بالجد !!
الهادي : شوفي يا بت الناس ! العملتي و القلتي لي قدام الناس دا انا ما حعديه على خير !! و انا ما جيت اتكلم عشان شايف نفسي غلطان و جيت اصلح غلطي ! انا جيت اوضح و انتي حرة تاني … تصبحي على خير !!
__ لا يا الهادي !! يعني انت عايزني اعمل شنو الغيرة اكلت قلبي مفروض تتفهمني انا ياتو يوم بتعامل كدا و لا بنفعل كدا ، والله غصب عني ! معليش ما تزعل مني انا بس خفته شديد !
الهادي : اها انتي وقت ما قدر سيرة العرس بتجيبها ليه ؟؟
و اعتذارك دا مفروض تعتذري لي وصال ما لي انا ….

#جانب_سلاف

داخله و مارقه .. داخله و مارقه في الصاله ….

" باب الشارع فتح "
سلاف " بي لهفه ": مصطفى ! اخيراً جيت !!!
مصطفى " بي استغراب " : في شنو ؟؟ انتو كويسين
سلاف : كويسين كويسين اتطمن … ادخل ادخل تعال اقعد عايزة اتكلم معاك !!
مصطفى : ان شاءالله خير يا سلاف نشفتي لي دمي !!
سلاف : معليش .. بس اقعد اقعد اول ….
مصطفى " خت المفاتيح في التربيزة و قعد " : احكي في شنو ؟
سلاف " بي توتر " : سهاد … سهادد
مصطفى : سهاد مالها ؟؟؟
سلاف " فتحت تلفونها و وجهة عليه الشاشة " : بتعرفو المع البت دا منو ؟؟
مصطفى : ما عارف لكن البت دي زي الشايفها قبل كدا في الوفاة اظن ، " شال التلفون بقى يكبر و يصغر في الصورة " الصورة قديمة شديد " رجع ليها التلفون و تاني شالو بي تركيز اكتر " ديل منو ؟؟
سلاف : دا احمد المرحوم ! راجل سهاد !
مصطفى : هو دا راجل سهاد ؟؟ صراحة م عارف زي الشايفو في جامع الحلة كان. ما عارف والله م مستحضر لكن في شنو الحاصل ؟؟
سلاف : البت المعاهو دي بت خالة سهاد ! امها و ام سهاد بنات خالات ! ياهم ربو سهاد ، و الزول دا كان خاطب البت دي اسمها منيرة و انا شفتها ساعة العزاء ! و الحصل ان سهاد بعد اهلها اتوفو قعدت عند خالتها دي ، و في مشكلة عادية حصلت في نضافة البيت ياها زي مناقرة الاخوات ، حصلت بين سهاد و البت دي منيرة ! فا سهاد حقدت على منيرة و غيرة و امور بنات كدا و قامت عملت مشاكل بين منيرة و خطيبا دا اللي هو احمد ربنا يرحمو .. و عرستوو !!!
عشان كدا اهل احمد رافضنها و في مشاكل بينهم و منيرة طول الفترة دي كانت بتحاول تثبت للمرحوم انها اتظلمت بس سهاد كانت مضللة ليه عيونو ، و ديك عرست ليها واحد كمان م بعرف كيف و سافرت معاه السعوديه و بعدها اتطلقت منو و ما نست احمد ! فهمته ؟؟؟؟

مصطفى " بدعك راسو و بقوم يقيف على حيلو و يفضل ماشي و جاي قدام سلاف " : و انتي صدقتي ؟
سلاف : انا بصدق المنطق و العقل ! البت دي الليله الصباح لقيتا منتظراني برا و شلت رقما لانه م كان عندي زمن اتكلم معاها و لمن رجعت البيت اتواصلت معاها و رسلت لي الصورة دي و حكت لي الموضوع كلو و في تسجيل ليها كمان !!
مصطفى : طيب و ليه كلمتك انتِ بالتحديد ؟
سلاف : عشانك .. و قالت لي انتو احرار لو عايزين تصدقوني و لا لا بس البت دي ما سهله ! و بصراحة يا مصطفى في حاجات كتيرة حصلت من سهاد م ليها مبرر زي انها متزوجة و زي الزولة الاتهجمت عليها دي طلعت عندها اسبابها ، و زي معاداة اهل المرحوم ليها يعني دي كلها اسباب مفروض تخليك تتراجع من فكرة الزواج دي ، و انا اسفه بس انا ما موافقه لا انا لا امي … مستحيل نوافق بحاجة زي دي يا مصطفى انحنا زول ساي بسمع لينا حس ساي مافي محل ما بنمشي م بنلقى غير الاحترام من المجتمع …

مصطفى " بي ضيق شديد " : كلمتي امي يعني ؟!
سلاف : ايواا ، كانت قاعده معاي وقت اتصلت عليها …

مصطفى : تمام … " فتح الباب و طلع "
سلاف : مصطفى !! ماشي وين ؟؟؟
مصطفى : ….. " م رد عليها "

رِوايات سُودانية🪐🤎!)"

23 May 2025 19:34

وصلت الباب البنطلع منو على الحوش و منو على باب الشارع ؟ لقيت في وشي سهاد و الهادي واقفين بتكلمو !!!
ما عارفه شنو خلاني اتلفت وراي مباشرتاً لقيت مروة في وشي ! واقفه مصدومة و خاته يدها على خشمها !!!!

مروة : ما شايف أنك كترتها و مسختها ؟؟

وصال " مسكتها من يدها لسه بقول ليها " : يا مروة ان#قاطعتني بي صوت عالي و حاد لأول مرة أسمعو !!
مروة : لا مروة و لا زفت انا في اللحظة دي ما مروة فاهمه !؟؟؟
لو انتي ما باقيه على بيتك و عايزة تخربيهو بالمرة الشوم دي اخربيه بعيد عن بيتي فاهمه و لالا ؟؟؟؟؟
" عاينت للهادي و قالت ليهو " : و انت .. حسابك معاي ما حتقدر عليهوو ! كلام دا واضح و ما ليهو ضُل !!!!؟؟؟ #دخلت
و قبل تقفل الباب قالت : خليك برااا اصلاً الكلاب مكانها الشارع !! و #رزعت الباب !!

#سلاف_بتقول

جيت تاني يوم الصباح - لبست و اتجهزت و كان يوم مهم بالنسبه لي ، كنت بشيل ملفات عندي في البيت و اثناء ما انا بجهز في حاجاتي كنت بتونس مع مرتضى راجلي و موصلة السماعة في اضني و بنحكي ، و كنا مبسوطين شديد و بديت احكي ليهو عن موضوع مصطفى و لقيت رأيه من رأي قبل ما يعرف انا رأي شنو …
المهم مواضيعنا كانت كتيرة و نخش في موضوع و نمرق من موضوع ، لخد ما لقيتو بيقول لي انه بيجهز لينا في أوراقنا انا و براءة و حنسافر ليهو في الفترة الجايه و انه عامل حساب شغلي ! انبسطت كتير لأنه كان لي سنوات م اتلاقينا و تفاصيل كتيرة شديد ..

قلت ليهو : يلا يا غالي انا طالعه بعد دا في الباب
__ خلي بالك من نفسك !!

بتقول : قلت اصل العربية و اشيل السماعات من اضاني لان يديني كان وحدة ماسكة بيها الابتوب و التانيه الملفات .. وصلت عربيتي و ختيت الحاجات دي فوق الكبود حق العربيه و بفك في السماعه و بدخل التلفون جوا الشنطة …

فجأة لقيت يد بتدقني من كتفي من ورا …
شهقت كا ردة فعل و إتلفت وراي …. قلت …

أنت ِ ؟؟؟؟؟؟
__ بتعرفيني يعني ؟؟؟؟

يتبع ….

#أستككانة🌙🏙️ …

#سحر_سمير
#فاطمة_قسم_الله

رِوايات سُودانية🪐🤎!)"

23 May 2025 19:34

قعدتي طولت براي و انا في العربيه و وصال إتأخرت علي شديد و كنت محتاجة حمام ، حاسه بي قلبة البطن البتجيني ديك ! و حاولت استحمل لكن ما قدرته ، عشان كدا انجبرت و نزلت و مشيت قلت اتوكل بس رغم اني محرجة شديد …
الباب البرا حق الحوش اصلا كان مُتاكى .. دخلت و كل ما امشي خطوة بجمع اصواتهم و كلامهم ، الصوت كان عالي ، لحد م وصلت للباب الجوا اظن محل قاعدين و الباب برضو كان فاتح و بقيت سامعه كلامهم … لقيت نفسي وقفت مكاني غلبني ادخل ..

#جوا البيت

فوزيه " اتنفضت وقفت " : قلتي شنو ؟؟
وصال : قات ليكي سهاد معاي ما بقدر اقعد !!
فوزية : و نعلو سايباها بي وراك في البيت !!!!!!
وصال : لالا يا خالتي *قاطعتها*
فوزية : انتي غبيه !! معليش على الكلمة دي بس البتسوي فيو دا غلط ! و غلط كبير
" مروة بتعاين للهادي المسك راسو بي اصابعينو و بدا يفرك ، منه و تلفونو بدا يدق … عاين ليهو صمتو و قام على حيلو طلع برا "
وصال : خالتي استهدي بالله !
فوزيه : لا إله الا سيدنا محمد رسول الله ! اسمعي كلامي دا ! دا ما زمن طيبه و مسكنه و حننتني و كسرت بخاطري و كلام زي داا ! مخك دا وين هاه !؟ عقلك دا وين ؟؟ ما هدا واعيه و متعلمة و فاهمه الدنيا دي ماشه كيف ! وريني بس البخليك تجيبيها تحشريها في نصكم انتي و راجلك شنو ؟؟ ليه انحنا قصرنا معاها في شنو ؟؟؟؟
انتي عارفني كويس انا بيتي دا ما بخليهو و لا ببيت لي ليله وحدة برا منو ! الا يوم احمد دا مات قعدت و شبعت قعاد
اها قدرت دا ؟ مافي النهاية طردتنا ! قبل اليوم و لحد اليوم قصي ولدي دا رقد بين الحياة و الموت ليه ما قلنا المرحوم سبب في الحصل ليهو ما كلها اقدر ربنا !
المهم فتحي عقلك دا ! المرة دي وراها شي ما مفهوم و اي شي م مفهوم انتي ما مجبرة تدخلي نفسك و حياتك فيهو !
دابك انتي و قصي شميتو نفسكم من بعد زواجكم و الفترة دي مفترض تكون حقتكم براكم ! شبعتو مصايب … كلام اخير اسمعيهو مني انا عشت قدامك و جيت الدنيا دي قدامك ! ليكي و لي زمانك ما تدخلي ليك مرة و تجيبيها تقعديها في نص بيتك بينك و بين راجلك !!
انا ما دايرة اضغط عليك لو كلامك القلتو دا كلو ما وقع ليك لسه يا وصال و اقوليك انا ما بقبل تجي مرة غريبه في بيت ولدي و استخدم الاسلوب دا رغم انه لي مصلحتكم !
بس اتذكري انتو م قصرتو معاها …. قلبي كلامي دا في راسك كويس
و اتذكري برضو ان ما غالبني اجيبا اقعدا هنا براك شايفه البيت يسرح فيهو الخيل عادي جداً نفتش فيو بعض !!
ما غالبني اقول مالو تخدمني و تساعدني .. ما غالبني اعاين للموضوع انه أجر … تفتكري فايت علي ؟؟ انحنا الحريم معروفين بي عاطفتنا غلابة علينا ، لمن نحن و نشفق تاني لا بنشوف عقل لا بنشوف منطق ، كلمة بتجيبنا و كلمة بتودينا ! لكن الذكية البتقدر تتحكم في زمام امورها ….. كلامي خلص تقدري تمشي بعد دا …….

وصال " بي استغراب و صدمة و تضارب قعدت بي حيلها كلو في الكرسي "!

#جانب_اهل_احمد

امهم " قاعده في البمبر و قدامها حلة رز بلبن كبير و صحانة ألمنيوم كمية قاعدات في تربيزة مطاولة ، و تشيل و توزع في الصُحانه "
بتها الكبير " بتغطي في الصُحانة و تمسح دموعها " !
امها : في شنو انا ما بعرفو ؟؟؟
__ بس اتذكرت احمد ، رغم انه غيابه مفروض ما يأثر علي لانه اساساً كان شبه منقطع مننا و متعودين على غيابه لكن فكرة الموت زاتا حارة شديد ، و احساسي بالذنب م داير يفارقني مافي حاجة حتشفع لي العملتو !
امها " بتخلي الكمشة جوا الحلة و بتدعك عيونها بطرف التوب " :
عايني دا امر الله و انا عافيه عنه و عنك لله و الرسول !!
__ بس يا أمي بتك ما ناوية خير !! خلتنا مشينا بهدلنا سهاد بهدلة شديدة ، رغم كل شي الا اني بحس فيها ريحة احمد يكفي انه كان بريدها شديد و انحنا رغبتنا ضللتنا و عمت عيونا عن راحتو ، ما احترمنا رغبتو يا امي ، اسي بعد راح انا بقيت بشوف الحاجات بنظرتن هو و بلوم نفسي و بلومكم !
امها " بي ضيق بقت تكورك " : يا نادية …. نادية ………

__ امي !! امي خليها عليك الله ما دايرين معاها موضوع !
امها : ناديه بنادي فيك انا !!!
" نادية جات من جواا وقفت في طرف الباب البمرق للحوس " : ايوا يا امي !!!
امها : مشكلتك شنو مع سهاد ؟
ناديه " جات طالعه قعدت في طرف السرير " : و انتو كانت مشكلتكم معاها شنو ؟
امها : ما تردي لي السؤال بسؤال !
ناديه : طيب انا جادة والله في سؤالي يا امي ! انتو مشكلتكم كانت معاها شنو !!
امها : سبب المشكله و راح ، يبقى كدا بقت مافي مشاكل !!
ناديه : لا في .. اي زول بيموت بيخلي وراه حاجة تتورث صح !؟ و سهاد يوم جاتنا اخر مرة مع احمد كانت لابسه دهب صح ؟ اها دا جابتو من وين ؟؟ مش ياهو حق اخونا و من حقنا ؟؟؟؟

رِوايات سُودانية🪐🤎!)"

23 May 2025 19:34

#مندرين
بقلم سحر سمير وفاطمة قسم الله
-٢٤-
💞ناس المجان الحُنان ..

الانسب افضل من الأكثر.
نفر و لا اثنين يكملوا معاك للنهاية افضل من ناس زيهم زي قلتهم. كلمتين تلاثة طالعين من القلب احسن من رغي ساعات يتوهك. فرصة على مقاسك و لايقة عليك افيد من فرصة اكبر منك و ما تقدر تسد فيها. ما بتتحسب بالأكثر بل بالأنسب
الأنسب افضل و اريح و بيكــمّل

#مندرين24

بقول ليها:
انا فاتحت سهاد في الموضوع ومنتظر ردها للعرس.

سلافة " وقفت بي حيرة كدا " : مصطفى حبيبي ! عاين ما عايزاك تفهم غلط او تفتكر اني بتراجع عن كلام اديتك ليهو ! بس ممكن نتمهد شويه ، يعني الفضول ماكلني في حاجات م مفهومة و عاين برضو لي ان سهاد لحد اسي م عارفين قصة اهلها وين يعني اضعف الايمان اسي لو وافقت و بقيتو على العقد ! اهااا حتمسك يد منو ؟؟؟
دا غير انه وشها و العنف الاتعرضت ليهو الظاهر على ملامح وشها دا ما ليهو اي مبرر غير انه في قصة وراه!! الغرض من كلامي انه لازم نكون واعين و عارفين لانه دي حياة و أسرة ، دا غير انه
م تنسى اني دكتورة و طبيعي الاحظ لي حتة انه م عندها جنى و يمكن تكون بتعاني من حاجة دا م معناتو انه سبب للرفض لالا بس للعلم و كل شي ليه علاج في مجالي ! بس انا بحب الوضوح فهمته ؟ !!

مصطفى : تفتكري انه رايح علي كلامك دا !!
بس انا م حقدر اقعد معاها و لا اخد و ادي معاها في الكلام ! عشان كدا اخدت الرقم لان برضو حابي افهم الحاصل شنو ! ما تشيلي هم انا مركز و واعي جداً يا سلاف ! اتطمني ….

#الشارع

وصال " بتعاين لي سهاد اللي ماشة اتجاه البيت " :
سهاد ! دقيقه ماشه وين انتي الهادي هداك ليهو !! يا بت …
سهاد " بدون تتلفت " : دقايق و جايه يا وصال
" الهادي بضرب فيهم نور و بضرب بوري و بقول ليهم ".

انا مستعجل الله يرضى عليكم ! يلااا …
وصال : طيب طيب ! سهاد الهادي مستعجل يلا خلينا نمشي !
سهاد " بي احباط جات راجعه و مشت اتجاه الباب الورا فتحتو و ركبت ، و بالجهه التانيه وصال فتحت الباب و ركبت جمبها "
وصال : في شنو ؟؟
سهاد " بي توتر " : نسيت شاحن تلفوني بس !
وصال " كدي تلفونك … عاينت ليهو " : الدنيا كلها اظن بتشحن بالسوكت دا ! عندي في البيت واحد حق تلفوني القديم ! اشحني بيه !
سهاد " سكتت "

#تلفون_وصال

" ترررن ترررن ترررن " وصال بترد …
( هاه حبيبي - ايوا اتحركنا مع الهادي حالياً - طيب م عارفه والله لو سهاد بتاكلها ولا لا .. جيبا على كل حال بعدين نشوف - ايوا حوصل مع الهادي و بعدها برجعنا البيت ولا حاتجي انت ؟ .. خلاص تمام م تتأخر .. امي داخله في الخط يا حبيبي اقفل من عندك برجع ليك بعدين .. اوكي يلا باي خلي بالك من نفسك و بحبك …. )

" بتقفل و بترد على امها "
( هاه حبيبة قلبي كيفكم ؟ )
امها ( الحمدلله بخير كيفكم انتوو ؟ )
( في نعمة والله يا غاليه )
امها ( في صوت هواء عندك انتو برا ؟ )
( ايوا اديني ساعتين كدا و ارجع ليكي )
امها ( لالا اسمعيني ، قبل شويه جينا من فوزيه ! انتي ما كفرتي لي مروة يا وصال ليه ؟ زي المقاطعاهم كدا حاصل شي انا م بعرفو ؟ على كلاً عشان م حينفع تردي لي اسي اكيد ، المهم اسي من دربك دا اغشيهم لحد م نتلاقى و نتكلم )
وصال ( امممم فهمته ! اي لالا تمام ، خلاص سلمي عليهم انا ححاول اجي عليكم بكرة ان شاءالله ، يلا سلام )
امها ( سلام حبيبتي ) قفلت !!!!

( بعد قفلت المكالمة ).
الهادي ، انت عارف انه حنوصل معاك اول و من هناك بنرجع مع قصي تمام ؟
الهادي : حبابكم
سهاد " بي نظرات م مفهومة بتعاين و بتفكر "
وصال " لي سهاد " :حنوصل لي ام قصي دي و نرجع على البيت تمام ؟
سهاد : ينفع انتظر في العربيه ! لانه ما حابة اقابل زول بي وشي دا انتي فاهمه علي صح ؟
وصال " اتذكرت موقف فوزيه من سهاد و اخدت ليها سكته ، و عاينت للهادي بالمرايا و شبه فهم قصد وصال "
الهادي : لو ما حتتأخري معاهم ممكن سهاد تنتظر في العربيه مافي مشكله !

سهاد : ياريت … ( تكلت راسها جهة الشباك ) !
" ساعه الا ربع و كانو وصلو .. نزلت وصال و الهادي و خلو سهاد في العربيه "

#بيت_حاج_الطاهر
#الصالون

" سريرين مقاصدين بعض مفروشات بي ملايات بيج بالبُني بي مخداتهم ، و تربيزة طقطاقه في النص فيها صينية فيها كُبايتين قهوة تركي بي وش و كاسة موية مُندية .. و قدام في كنبة و كُرسيين صالون دهبي مورد بالبني الغامق و الفاتح .. جمبهم كان في سراج البوسوس بالحمدلله و استغفر الله والحمدلله و الله اكبر و لا حول و قوة الا بالله العلي العظيم ، اللهم اني استغفرك و اتوب اليك ، و بيلبس في شبشبو و بيطبق في المصلاية … "
الطاهر : ربنا يتقبل ان شاءالله ، تأخير الصلاة ما حبابو عارف كدا

رِوايات سُودانية🪐🤎!)"

23 May 2025 19:34

وفجأة يجيني طلب زواج؟!! 
عاوزة اضحك بالجد .. بس في نفس الوقت مصطفى ورقة رابحة لي امكن يكون المنقذ لكل الانا فيه دا. 

[بجيني صوتو البصحيني من سرحتي]

مصطفى : سهاد سارحة وين كدا ؟!! 

سهاد : ااا انا اسفة يا مصطفى بس حقيقي اتفاجأته بكلامك انا ما عارفة اقول ليك شنو بالضبط
مصطفى : طيب ما طالب منك اجابة هسي انا كنت داير اوصل ليك حقيقة مشاعري كل الطالبو منك تاخدي زمنك وتفكري على اقل من مهلك انا ما مستعجل وحنتظر يا سهاد عايزك تعرفي دا
" بتوتر"
سهاد : شكرا على تفهمك 
مصطفى : طيب بدون تخطي للحدود انا حابي اشيل رقم تلفونك وعادي اذا ما بتديني ليه ما تتحسسي
"بتضحك"
اااا في حاجة في كلامي؟! 
سهاد : لالا بس انتبهته لطريقة كلامك الجادة واتزكرت كلام سلاف وهي بتحكي عنك كتير انك يعني فاهمني نوع الاخوان الهزلي داك
"بضحك" 
مصطفى : هو فعلا انا كدا لدرجة زاتي مستغرب في نفسي هسي انا بتكلم كدا مالي؟!!  
سهاد : هههه ما يهمك ما تركز ، طيب 09***

"بسجل و بعمل حفظ بإسم "

بتقول ليه : على فكرة الازيار دي حلوة شديد جبتهم من وين؟! 
مصطفى : عجبوك تتفضليهم طوالي ما يغلو عليك

"بتسكت وبتنزل راسها جهة الكباية تحرك فيها يمين شمال"

مصطفى بقول :
رغم اني ما لقيت اي رد ودا المتوقع بس كنت عاوز انطط لاني قدرت اتخذ خطوة وافاتحها بالجواي تجاها ، اول مرة اركز في ملامحها بالطريقة دي مع انها نظرتين ما اكتر بس حرفيا قدرت احدد معالم  وشها معقول  كل البراءة دي تجي عليها قساوة الدنيا دي .. شعور المسؤولية الجاني تجاه سهاد هو الخلاني اتكلم معاها في الوقت دا و انها من حقها تعيش حياة كلها حب وأمان. 
✎﹏﹏﹏﹏﹏﹏﹏﹏﹏﹏﹏﹏﹏﹏
"واقفات بدقو على جرس الباب"

امال : خلاص يا زينب دقيناه تلاتة مرات ما شكل الناس ديل قاعدين ارح نرجع
"متقدمات لقدام"
زينب : يكونو رحلو يا امال؟! 
امال : لالا يرحلو وين الا كان مشو البلد ساي ،لكن غريبة منهم فجأة كدا الا عندهم حاجة 
زينب : العلم عند ربنا ، وقت طلعنا ارح اركبي العربية دي نمش لناس فوزية ديل طولنا منهم 
امال : يختي انتي ما عندك موضوع الليلة دايرة تسوقيني من مكان لمكان معاك هي فوزية بتعرف درب الناس هسي عشان نمش عليها
زينب : عارفاها ما بتعرف لكن عشان بتك نمش نشوف نوايا المرا دي حتجدعي بتك كمان ليها
امال : بتي ببيتها ما ساكنة معاها
زينب : ودي امو مالك ناسية انك ام ولد كمان
امال : ما ناسية سمح ارحكي ان شاءالله نلقاها هابطة في بطن بيتها
زينب : بتضحك بري عليك كلام تعرفيه براك

امال :  "افتحي التأمين دا خليني نركب نمشي سرعة ونجي"
[ زينب بتتحرك بالعربية بتمشي وما بمر زمن كتير الا وعربية ناس وداد بتقيف قدام الباب].

#جوه_البيت
__سلمى انا عاوزة اقول ليك شي!! 
** على فكرة انا عارفة يا رزان 
__ها القال ليك منو؟! وصال؟! 
** لا عرفته من الورقة 
__انتي بتتكلمي عن شنو؟! اي ورقة؟! 
**يوم شلتي شيتاتك من الدرج الورقة الكاتبة فيها ل سراج وقعت منك وانا شفتها
__اهااا انتي قاصدة دا
**ما فهمت عليك!! بس على العموم انا اتكلمت مع وصال وقلت ليها اني مستحيل اقيف في صف حنين على حسابك
__سلمى "بتقوم تحضنها" انتي احلى بت خال عارفة كدا
**عاوزة الجد انتي المفترض سراج يحبها ما بقول كدا عشان انتي بت عمتي لا والله بس ما حنلقى احسن منك اصلا 
__احيي بس يا سلمى انا عايشة في نار حتى ماما ما قدرت احكي ليها مالي وكل يوم في الاسئلة الما بتنتهي مالك مالك انا تعبته "بحزن" لدرجة بفكر اقدم لجامعة بره السودان ، صدقيني ما حقدر اتعايش في البيت دا تاني عادي اذا سراج وحنين "سكتت" 
**رزة انتي غير بت عمتي اقرب صاحبة لي حياتنا كلها سوا نايمين وصاحيين بأسرار بعض اوعى تفكري في انك تسافري حتنسحبي وتخلي ليها ود خالك بالبساطة دي؟! 
__هو رايدا يا سلمى واهلك تقريبا حيمشو يخطبوها ليه ، ح اغصبو علي وهو اصلا خاتيني زيك واحد اخت صغيرة
**طيب رايك شنو نقلب الموضوع لصالحك؟! 
"بتقوم تتعدل بحماس" 
__قصدك شنو ؟! 
**ما تفهمي غلط ما حا نضرها اكيد في الاخر انا بحب حنين لكن كمان انتي بتهميني اكتر منها وما حابة اشوفك مكسورة كدا 
نحن نلاقيها ونتكلم معاها بس والموضوع بنتهي
__لالا انتي بتقولي في شنو يا سلمى وافرضي هي كلمت سراج او وصال موقفنا شنو نحن تاني .. 
**سمح يا فاهمة انتي ابقي بت امك زينب بجد وخلي يعرسك انتي ما هي. 
✎﹏﹏﹏﹏﹏﹏﹏﹏﹏﹏﹏﹏﹏﹏
في شارع اتجاه واحد زينب بتنزل اول شارع على يمينها وبتمشي لقدام بتقيف قدام بوابة البيت الصغيرة باللون البني المحروق ... 
"بنزلو وبضغطو الجرس وكلها لحظات الباب بفتح وبخشو"
جوه هول كبير قاعدين على كراسي جلوس فخمة 

رِوايات سُودانية🪐🤎!)"

23 May 2025 19:34

سهاد : وكان على تلفوني خليتو في البيت هسي دي دخلتنا وكنت جايبة وصال وجاياك
سلاف : وااي لكن اعفي لي هسي انتي بقيتي كيف ، ظاهر عليك وشك شاحب انا كلمتك يا سهاد وملاحظة ليك ما بتاكلي كويس وقت تجينا تهبشي هبيش في الاكل .. 
سهاد : انا كويسة هسي الحمدلله ووصال جات معاي ياهو الم حاجات احمد وحاجاتي لانو سيد البيت مصر افضي ليه قبل يوم بكرا دا 
سلاف : هيي انتي جادة كيف يعني حتمشي من هنا؟! 
سهاد : بحزن للأسف ما عندي حل تاني 
سلاف : سهاد بتعاين ليها وبتجي عليها تحضنها قوي ما قادرة اصدق طيب تعالي اقعدي معاي جادة معاك 
سهاد : ياريت يا سلاف ، اسمعيني مصطفى قاعد يجي ينزل لينا الشنط دي من راس الدولاب؟! 
سلاف : قاعد كان بره وهسي جا دقيقة اتصل بيه يجي 
"ماسكة تلفونها بتعمل مكالمة لمصطفى"
ربع ساعة والباب بدق بتفتح ليه سلاف"
"بدخل جوه"
__السلام عليكم
"وعليكم السلام ورحمة الله"
"مركز في وشها "
سهاد كيفك ان شاءالله كويسة؟ ! ان شاءالله عافية شايف وشك اااا !! 
سهاد : عافية الحمدلله مجرد حادث بسيط بس الحمدلله في نعمة ، ومعليش حنعذبك معانا شوية زي ما شايف كلنا ما طوال
"بضحك" لالا مافيها تعب ،  والف سلامة
سلاف : هاك اطلع في الكرسي 
مصطفى : زحو شوية كدا
ببدا بنزل في الاربعة شنط كبيرة واقل منها ووسط والصغيرة
اي خدمة تانية انا موجود
سهاد : شكرا ليك يا مصطفى
لا شكر على واجب ما عملت شي بس ممكن سؤال الشنط دي لشنو؟! 
سلاف : سهاد حترحل من البيت سيدو قال ليها تطلع
مصطفى : ااا طيب وين حتمشي لقيتي ليك سكن ولا كيف؟! 
سهاد : حقعد مع وصال الفترة دي ، طبعا دي زوجة قصي اخو الهادي بتكون لاقيتهم
مصطفى : "بعاين لوصال " اها اي شفتك ايام الوفاة كيف قصي بالله ان شاءالله كويس
وصال : كويس الحمدلله 
مصطفى : طيب انا بستأذن 
سلاف اقيف سوقني معاك عاينو انا ما شاردة لكن عندي حاجات عاوزة اخلصها  المهم اغشوني عليكم الله قبل تمشو انا منتظراكم يا وصال وياسهاد جيبيها وتعالو
"بتبوسهم وبتطلع ورا مصطفى الطلع قدامها"
وصال : انا ح الم ملابسك وينها ضلفك؟! 
سهاد : البجاي ديل 
بفتحو الشنط بنضفوها وصال بتبدا تطلع الملابس وترص"
سهاد فاتحة الدولاب الاول حق احمد وفجأة بدت تبكي وتشهق 
وصال : سهاد "بتجي عليها تحضنها" ربنا يرحمه ويغفر ليه كان ما بتقدري تطلعيهم خليني انا بدخلهم الشنط 
سهاد : الحمدلله والشكر لله ربنا يرحمك يا احمد ويسكنك فسيح جناته يارب ، لالا بطلعهم بطلعهم
"بدو يطلعو ويرصو ويرتبو ما حسو بالزمن البمشي بين ونسة وضحك وزكريات وبكى من سهاد كان شبه إنتهو باقي ضلفة دولاب واحدة وتلفون وصال بضرب بتقول
دا قصي ح ارد واجيك نتم الفضل " بتطلع بره"
سهاد بتفتح الضلفة الاخيرة من الدولاب من رفين وفيها شماعة فوق .. 
بتنزل الاقمصة المركبة في الشماعات بتفك وتطبق وتدخل في الشنطة الصغيرة . 
 وتحتهم في الرف طوالي كان في شرابات وجلاليب وشالات مطبقة . 
في الرف الاخير تحت في فايلات بلاستيك بكذا لون احمر وازرق واخضر معاهم ورق ابيض ساي تلاتة باكيت بتطلعهم بتشوف شنطة نص صغيرة مختوته تحتهم بتجرها تفتحها بتلقى جواها نوته ومعلق فيها قلم حبر و جزلان وجواز سفر وظرف صغير حق صور.. 
"خايفة اشوف صورك اقعد ابكي يا احمد "
"بتاخد نفس هوووف وبتفتح الظرف بتطلع كل الصور بتقع في كفة يدها بتبدا تزح تعاين فيهم 
ههه دا قصي " بتتلفت جهة الباب وينا وصال تجي تشوف صورة راجلها"
دي ام احمد 
اختو نادية
بت اختو 
دا منو ما عرفتو 
"بتلاقيها صورة احمد بتقعد تبكي بتلمهم ما بتشوف الباقيات وبترجعهم في الظرف من تاني ... 
بتشيل النوته وبتفتحها من قفلها " طق"
اول ورقات فاضية بتمرر اصابعها "وررر على الورق بتلقى صفحة فيها كتابة

بتتخيلها بصوت احمد و بتقرا :
... 
مرحلة انو انا انسان ما كامل وعندي عيوب كثيرة جدا ومعترف فيها وبصراحة العيوب دي ما عملت لي أزمة في حياتي للآن ، لانو ما مؤثر فيها على حد. او إمكن ستر ربنا لي.. 
موضوع الانسان المثالي  انا خليتو للناس ال بتحب الأدوار المزيفة انا ما حا اكذب ولا مجبور امثل اكتر ادوار عشان اعجب شخص. عشان كدا منتظر اليوم المناسب واعترف بحقيقة مشاعري... 
فكرة إنك بتحبني او بتكرهني ف دا شي برجع ليك، لكن احترامك لي ولشخصي واجب عليك شنو ما كانت مشاعرك اتجاهي، لو انا بهمك بتعمل قيمة لزعلي ما ح  تلف وشك وتستناني انا اصلح الموقف عشان متعود انو انا ال دايما متمسك بيك وانت الغلطان .
أخيرا:
انا ما مجبور ابرر تصرفاتي ولا ليك الحق انك تعرف أي شي عن حياتي الا لما انا احب احكي ليك بمزاجي ف الوقت ال بعجبني غير كدا انت ما بخصك؟؟

وكلمة ما بخصك ما بتزعل على فكرة. 

رِوايات سُودانية🪐🤎!)"

23 May 2025 19:34

#مندرين23

بيت_ناس_الطاهر

"في الصالة البقعدو فيها طوالي"

امال بتتكلم بالتلفون وزينب قاعدة جمبها مركزة مع كلامها ورزان وسلمى بتكلمو جمبهم ماسكات التلفون

**مبروك ليه والله عجبني وسر بالي ربنا يتمم ليهم على الخير اها والبت ناس منو؟! 
زوجة اخوها: دكتورة ماشاءالله اجي نحن كمان بنقع ساي ولا ولدي عمر بقع ساي يا امال. 
بت حسب ونسب جاه وجمال اهلها ناس الباشا ديلك امها لاقيتيها مرة في مناسبة ناس هديل عرس بتها رتاج 
امال :  اي عرفتها اها وخطوبة بس 
زوجة اخوها : خطوبة لكن ما بتطول ياهو نجهز حالنا ويشترو شنطتهم والعقد والعرس طوالي بكون وبعدها حيسافرو لشهر العسل طوالي بره السودان "بتضحك" ، دايرة اقول ليك عليك الله كلمي زينب 
معاك وكلمي وصال ونسابتها والبنات سلمى ورزان عقبالهم كدي.. 
امال : الله يسعدهم ماشاءالله سمح ان شاءالله بكلمهم 
الله يسلمك الله يبارك فيك "بتقفل منها"
زينب : البركة الخطبت لي عمر دا ساي كان تتفشى شوية مرة اخوك دي ، "بتحاكي فيها" عقبالهم عليك النبي هسي رزان وسلمى بنات متين كان تردي ليها المرا المهبوشة دي 
"امال بتضحك"
ما برد عليها عشان عارفة عقلها صغير ها ههههه يجازيك يا زينب ، النصيحة عمر مهذب وراجل الا امو الحمدلله . 

زينب بتعاين لي تلفونها ، بتك دي وينا يختي ما جات لي هسي وحالتي من صباح الرحمن قايمة ومنتظراها لا حس لا خبر هسي
امال : بري كدي اضربي ليها 
زينب : اضرب ليها شنو انا ماشة المحل الاهملناه دا قومي يابت رزان ارحكي خليها بعد تجي تصلني هناك 
رزان : انا قاعدة يا ماما عاوزة وصال زاتي
زينب : "واقفة على حيلها " انتي يا امال جيرانكم ناس وداد ديلك وين الحي بيهم بقيت ما شايفاها نهائي
امال : بري قلبي يقول لي افقدها زاتي بقيت ما شايفاها زمن مختفيين لا حس لا خبر منهم 
زينب : "بتقعد تاني" سمح ورحكي ليها مهما كان والله كانت بتواصلنا ، حق الجار يا امال يختي ما صاح مننا 
امال : بتضحك سمح ما قلتي هسي لاحقة محلك الاهملتيه
زينب : المحل ملحوق ها ما طاير قومي على حيلك ورح ليهم
امال : قلتي كدي سمح النلم شعري دا واخد لي حمام والنمش عليها نفقدها. 
✎﹏﹏﹏﹏﹏﹏﹏﹏﹏﹏﹏﹏﹏﹏

"الهادي واقف مع قصي بره الشارع بتكلمو"
"مهموم باين عليه"

الهادي : اسكت بس امس انا ما نمته من مروة والله قربته اطلع اخلي ليها البيت "بضيق واضح" حرفيا بقينا كل يوم في حالة نقة ومشاكل اسوي شنو انا يا قصي عشان هي ترتاح والله غلبتني وغلبني البسويه معاها ، قلت اسايرها ما نفع ، امشيها على قدر فهمها ما نفع اوووف ياخ 
قصي : ياالهادي انت براحة عليها ليها حق وهي في ظرف زي دا طبيعي تكون عصبية ومتضايقة هي محتاجة ليك الايام دي طول بالك عليها الحصل ليها دا ما هين ولا شوية ، وبعدين زاتا قعدت البيت وعدم الموضوع بدخل ليها وساوس كتيرة شوف ليها شغل او حاجة تنشغل بيها انت زاتك مرات غريب 
الهادي : بس دا ما كان موضوعنا يا قصي ، مروة ختت في بالا حاجة وصدقتها براها ، لا انت عارف رايي في موضوع الشغل دا وانا لما عرستها هي كانت زولة بيت ف بلاي دا ما سبب.. 
قصي :  ما فهمت عليك
الهادي : يعني هي ما مشكلتها قعاد البيت كل النقة دي قالت انا مهتم ب سهاد اكتر من اللازم قلت ليك امس ما نمته معاها تلف وتدور في الموضوع دا  وكلام زاتو غريب 
قصي : الله يعين ، طيب وامك لسه في موقفها ما عاوزة تقعد سهاد معاها
الهادي : صبحت عليها الصباح قالت لي قول لاخوك ومرتو يمرو علي الليلة وخشمها تاني ما فتحتو لي وانا حاسي امي ومروة عاملات حلف والله العظيم من القاهم الاتنين قاعدات سوا ويتوسوسن ويسكتو لما يشوفوني قلبي ما بطمن
قصي : "بضحك" الله يستر 
"صوت بتنادي  تعال يا قصي"
بتناول منها الحاجات
 الهادي منتظركم يلا هوي مع سلامة بينا اتصال يا وصال "بعاين ليها بديها غمزة بتضحك معاها وبأشر ليها بيدو شكل تلفون على اضانو"
✎﹏﹏﹏﹏﹏﹏﹏﹏﹏﹏﹏﹏﹏﹏
#جانب_ تاني
#مكالمة_صوتيه
__قلتي شنو ؟! 
*امم والله يا سراج كدا حتختني قدام الامر الوقع وانا لسه 
"بقاطعها"
__ما ختيتك قدام الامر الواقع بالعكس انا عاوز نتقدم خطوة جادة مش انتي رديتي علي انك دايراني كمان تاني شنو يا حنين؟! في حاجة انا ما عارفها ممكن تعطل علينا او شي؟! 
**اممم مافي شي مهم بس في حاجة غريبة بتحصل بتجيني رسايل من رقم غريب كل محتواها فرق العمر بيني وبينك والناس صراحة دا المقلق بي والرقم دا شكلو مفعل بيه واتس ووقت ارجع فيه طوالي بلقاه مقفول بس حرفيا موترني لدرجة مفكرة اغير رقمي وارتاح من الرسايل البتجيني منو
__طيب رسلي لي الرقم هسي في الواتس انا بشوف الموضوع دا وانتي ما تتصلي فيه ولا ترجعي فيه برسالة او شي

رِوايات سُودانية🪐🤎!)"

23 May 2025 17:03

أشياء لن يفهمها سوي من مر باضطرابات القلق
_رنة الموبايل متعبة جدا، غالبا ما يكون صامت
_من ينادي عليك و يسكت، يفتح على عقلك أبواب الجحيم
_تشعر أن أمامك شيء يجب عليك إنهائه، و شيء ما يلاحقك، وانت لا تعرفهم، ولا تعرف ما هو المطلوب منك!
_دماغك مزدحمة بالأفكار، ولكنها ليست زحمة ساكنة، بل كإزدحام قطرات الماء في الموجة.
_أفكارك تتجه لأسوء الاحتمالات، و بالنسبة لهذا السوء فهو كالواقع سواء لديك دليل عليه أم لا
_تركيزك أقل، نسيان أعلى، طاقة أقل في كثير من الأحيان، كأن مخك آلة تم إستهالكها
_شعور كأنك تحمل صخرة على صدرك
_تضطر لتأجيل أشياء أنت متقنها، لكن عقلك يوهمك بأن التأجيل سيجعلك مثاليا فيما بعد
_يقلقك عدم اليقين، رغم عدم قدرتك كبشر على اليقين
_الاكتئاب زائر متكرر
_كثيرا ما تشعر بنبضك كأنك تجري، رغم أنك في مكانك...

رِوايات سُودانية🪐🤎!)"

23 May 2025 11:56

"رسمت لعشريناتي آلاف الصور
ولم تكن أي منها تشبه ما أعيشه اليوم."