رِوايات سُودانية🪐🤎!)"

20 May 2025 18:03

ناس الولايات جزاكم الله خير
انتو ف ولاياتكم، ونحن في دولتنا.

ومن حسي خراب وش.
شوفو لبكم جامعات ومستشفيات
وبزنسات ف بلدكم.

ناس الإيجارات والمليار واتنين
وكل شهر بتضاعفو...

انتو ب الذات، بنحرس ليكم شفعنا ف
الظلط قبل تدخلو يرموكم ب حجار.

رِوايات سُودانية🪐🤎!)"

20 May 2025 16:19

سراج " عاين ليها شديد و قاليها " : صح يا رزة !!
اجهزو " عاين لي حنين " : اطلعي مع البنات غيري جو شويه ! و ( مشى )

#سراج_بيقول :

دخلت رقدت في السرير ، و في حاجة غلط في رزة ، ما قادر افسرها !!
قدر ما حاولت افسرها م عرفتها متأكد اني شايفها قريب دا !!
اما حنين - ما قادر افهم لهفتي تجاهها دي شنو ؟ دقات قلبي البتسابق بعضها دي ليه ؟؟ ليه برتاح لي شوفتها - ليه بحب اسمعا لمن بتتكلم ؟؟ يا الله — طلعت لي من وين دي خلتني غيرت كل حساباتي .. اعمل شنو يا ربي
كل الحاسي بيه انه نفسي اتكلم معاها وقت اطول ، عندي فضول اعرفها ، منجذب ليها بطريقه مخيفه و م عارف الاحساس دا حدو وين خصوصاً اني ما صبور ، و في نفس اللحظه م عارف اعمل شنو و لا ابداً من وين !!!!

لقيت نفسي قمت ، قلبت في دفاتري القديمة
قطعت لي ورقه مخططة بالازرق و قلم حبر خط عربي بالاسود ، و بالمقص قصيت الورقه مستطيل عريض متواسي ..
و قررت اني اعمل الفي نفسي من غير تردد .. و كتبت فيها جملة وحدة بس كانت :

{ عندي رغبة قوية اعرفك من قريب - ممكن تحققي لي رغبتي دي ؟ } سراج الدين ..
طبقتها نصين و ختيتا في جزلاني -

#جانب_وصال

اخر حاجة كنت ممكن اتخيلها اني فعلياً اقدر انوم في اللحظة ديك ! صحيت قبلو و كان غرقان في النوم ، نايم زي الطفل الصغير ، كنت بعاين لي ملامح وشو الاتغيرت مع آثر الحادث ، و العوجة البقت موجودة في عمود الانف ، بواقي الكدمات المزرقه و اتحولت لرمادي لانها ماشه تختفي في وشو ، نسبتاً لي ان قصي لونو فاتح شوية فا الاثر ظاهر عليهو ..
سرحت شديد في تفاصيلو اللي بالجد انا عشقتها اكتر لان كل خدشه في جسمو كان وراها معاناة ، كان وراها الم .. كانت وراها حياتو
يمكن انا عكس ناس كتيرة ، اني ممكن اتغير او حبي ليهو يتأثر بعد التغيرات الحصلت ليهو دي ، بس الحاجة دي خلتني احترم ذاتي و احترم تربيتي لان دا كان اختبار لي و عرفت ان حب الروح هو البدوم !
و ان مهما حصل انا سندك و معاك !
منو القال الراجل هو بس اليسند المرة ! لا انحنا ربنا خلقنا عشان نكمل بعض ، البحب بعرف يسند و يدعم و يكمل …
انا ما حا اكذب عليكم و اقوليكم انا ما حزينة للتغير الحصل في حياتي و اني اتخليت عن حلم سفري و شغلي مع عمتي ، لا م هين علي خصوصاً انا زولة م بعرف اقعد ساي ، م بعرف اعيش يوم يعدي علي من غير م انجز فيو حاجة عشان كدا الوضع دا كان صعب علي بس م اصعب من شوفة قصي و هو بالحالة دي -
عشان كدا انا لازم اساعدو بأي شكل من الاشكال ، م ينفع اسمح للضعف يتمكن منه ..

قمت من جمبه براحة - مديت يدي شلت الحاجات الختيتا فوق الكومود ، و اتسحبت و طلعت برا …

#في_جانب_قريب

عثمان : انتي شايفه دا حل يا وداد ؟
وداد : حل يا عثمان ، اصلاً كان لازم يحصل من زمان .. يا ريت تمنع منه اي قرش داخل و مارق منك ! و تخلي يعرف الدنيا دي ماشة كيف لعل و عسى يتأدب و يرجل !
عثمان : ما اتوقعتك في يوم تعملي كدا يا وداد !
وداد : مافي شي خربو غير الحنيه و تعلقنا بيهو عشان ولدنا الوحيد ! لكن بقدر ريدتنا ليهو عشان يتصلح و يعيش صح لازم نقسى ! و ياريت تساعدني !
تقى: انا لي هسي قلبي بضرب لمن امي ساقتني غرفتو و شلت ليها الكرسي عشان انزل ليها الشنطة من راس الدولاب و نكتنا ملابسو دي كلها في الشنطة دا غير الختتهم ليهو جوا كيس … وااي م متخيله مرعوبه منه

بيان : الله يستر
وداد : مرتو وين ؟
تقى : نامت يا حليلها …مسكينه والله ..

يتبع …

{ في الحلقة الجاية }

__ و ناوي على شنو ؟؟
** ناوي أطلقا … م ينفع تقعد على ذمتي !!

#استككانة🐻‍❄️🤍

#سحر_سمير
#فاطمة_قسم_الله

رِوايات سُودانية🪐🤎!)"

20 May 2025 16:19

غريبه !!!! ماشايفه ليك شفع بتجارو في البيت .. ااه ياربي بكونو نايمين جوا ؟؟ هيييي وينكم ؟؟ بسبسبس … ااا سميتيهم منو يا سهاد ؟ اكيد جبتي بت و سميتيها علي صح ؟؟ لانك بتحبيني شديد عارفه انا … يا منيييييييرة يا بت سهاد …. ( فجأة بقت تضحك ضحكة صُخرية و استهتار ، و مشت على سهاد و مسكتها من حنكها بأستفزاز ) - وينهم شفعك ؟ امي قالت لي معرسه ليك زمن ؟
ما والدة هاه ؟؟؟ عارفة ليه ؟؟ عشان جواك وسخان
دا عقابك - انتي لو جواك دا نضيق ما بتظلمي راجلك معاك المنك كان اتطلقت عشان يشوف التجيب ليهو الجنى هاه - لسه في انانيتك دي ما خليتيها يا سهاد - حزينة منك هاهاها-

سهاد ( جرت يد منيرة من حنكها و لوت ليها صباعها و قالت ليها ) :
م عندي جناح عشان ينكسر ليك تاني !! سهاد الزمان ديك تاني تشوفيها في أحلامك و ما اي احلام !! لا - في كوابيسك يا منيرة !!
و القطع خلفي و ما اداني الجنى ياهو زاتو الكتب ليك تطلقي و ما تنستري ليك مع راجل و شوفنا وشك دا !!!
ولا شنو يا ست البنات ؟؟؟؟
__ ( بي تحذير مدت ليها صباعا السبابه بي تهديد ) سهااااد !!

سهاد : اتخارجي براا بيتي انتي و صباعك دا - لميه عليك عشان م اكسرو ليك عِبرة و بالمرة حاجة م تنسيك لي كلوكلو - ما أصلو شكلي ماخدة عقلك تهاتي بي بالسنين ما نسيتيني !
دي الحالة ما عملت ليك شي ! و العجب لو عملت ليك ! هاهاها - بالجد انا قوية … ( دفرتها جهة الباب و رزعت الباب ) انقلعي الله لا جاب عقابك … هفففففف

" و بدت ترجف و جرت على الكنبه حضنت المسند و قعدت تبكي بي حرقه - عشر دقايق مافي و الباب فتح ، سهاد وقفت مخلوعه على حيلها ، لمن شافت احمد جاي داخل "
احمد : بطنك كيف اسي طمنيني ! بتصل ليك م بتردي كويسه انتي ؟
سهاد " بي قلق و توتر و بتعاين وراه قبل يقفل باب الشقه " : كك كويسه انا حمدلله !
احمد : في شي !! مالك ما على بعضك ؟
سهاد : مافي حاجة اها اديت الراجل الايجار حقو ؟ و قاليك شنو ان شاءالله ما يكون زعل !!
احمد : لالا م زعل الامور طيبه -
سهاد : جايب لينا معاك شنو " بي تفادي شالت الكيس و دخلت جوا " ..

#الساعه11:28AM-الصباح

امال : من بليل داير بيض بالطوة في الفطور - اسي دا اكلك يا سراج يا ولدي ؟؟
سراج " سرحان " !
سلمى : دا في عالم تاني هههه
امال : سراج .. هي " خبطتو في يدو "
سراج : هاه !
امال : سرحان في شنو ؟ كمل اكلك بقول ليك
سراج : اي حا اكل
رزة : سراج ، وصف لي بورتسودان و اماكن الفسح الفيها زي شنو و شنو كدا مثلاً ؟
سراج : حتاتا م كتيرة بس هي حلوة باللمة - في السقالة دي عائلية مكان اكل سمك و بحر و اجواء زي دي ، دي مكاني المفضل ، لكن ناوي اوديكم زي رحلة نمشي كلنا ان شاءالله !
رزة " بي فرح " : بالجد !!
سلمى : ياريت ياخي ، بس خسارة وصال م حتمشي معانا !
سراج : بكون قصي اتحسن و نمشي كلنا ان شاءالله
امال : المرة دي اقعد معانا م تمشي البورت دي عليك يا سراج يا ولدي - انت عندي واحد ياخ تعال شغلك دا اشتغلو هنا مع ابوك و جمبنا هنا !
سراج " بي ابتسامة " : ما راجع اصلاً يا امي تاني !
رزة ( بي فرح ) : قول والله !
سلمى " قامت على حيلها بي نطة " : كذاب والله ي سراج لالا انا ما مصدقاك ، عليك الله م تهظر كداا
امال : ما تلعب بي مشاعرنا يا ولدي
سراج : طيب اسألو ابوي ، اصلا وريتو - انتو عمتو زينب وين ؟

زينب " جاية من جوا ماسكة سبحتا " : عمتك هنا ، قربت اقطع صلاتي ! وحاة الله يا امال انا قلته ولدك دا الا كان عنده وحدة ماسكاهو في بورتسودان دي ، الجامعه و قلنا خلاص خلصتها ليك مدة ، اها سبب يقعد بهناك تاني ماف ، ليهو كم و لسه قاعد فيها و عمل برنامج شغل و موضوع ، اقعد جمب امك دي م تبقى لي زي مجاهد ولدي دا تطلع عيني !
رزة " بي توتر و ترغب لي رد سراج "
سراج : ههههه لالا مافي اي بت في بورتسودان يا عمتو ، لو في البمنع شنو اكلمكم ، انا لمن القا البت البتمناها دي م بدسها من اي زول و بمشي ليها عديل -
سلمى : اششي اششي ههههه ، اها خليك من دا بالمناسبه دي يلا ما نفسك تحوم بينا و تفسحنا انا و رزة والله يا سراج عينا طلعت من القرايه !
سراج : عينك طلعت متين امبارح كنا في برنامج وصال اختك م شفت ليك اي عصرة في اي كتاب !
سلمى : ياخ خلاص المهم طلعنا بدون حجج !
سراج : ايوا كدا انعدلي ، المهم بطلعك لكن بي شروطي احم !
سلمى : موااافقه قبل اعرف !
سراج : اتذكري انك وافقتي ! و انا بطلعكم محل عايزين !
رزة: يا سلاااااام هههههه
امال : اها افرحو هههه -
رزة : تلفونك دا بضرب يا سلمى ما سامعاهو - " مشت جابتوا ليها "
سلمى : جيبي منو ؟
رزة : دي حنين

رِوايات سُودانية🪐🤎!)"

20 May 2025 16:19

#مندرين15

‏اختارو صح عشان بعد م يروح الانبهار وشغف البدايات ما حيبقي معاك الا السند البتكون عارف انو حايكون معاك في المره قبل الحلوه اللي براعي ليك في الصغيره والكبيره البحترمك قدامك ووراك.
‏إختارو الهين،اللين،رقيق القلب❤️

‏
#مندرين15

#جانب_تاني

البيت حا يبقى لي خفيييف
مصطفى : عادي ههه بكرة تتعودي تفتشي للتجوطي فيهو ما تلقي ، الخلا لمبة المطبخ و لمبة الغرف مولعه منو ، الما قفل الماسورة كويس منو ، ال اكل وًخلا الصحن حقو في المغسلة منو ! و الشرب و ما رجع القزازة التلاجة منو هههه المجدع شراريبو منو !
غلبة زي دي بتك ما بتسويها هه
سلاف : وحاة الله انت غياظ و امشي اتخارج يا مصطفى يلا شيل شنطتك دي و طير من قدامي اسي دي!
امهم : مافي زول راسو حينقطع قدري ، البعصر لي رجولي و بمسحني ، البناولني القريب و البعيد .. اشوفك في خير و على خير و افرح بي جديدك يا ولدي ، يرزقك بالهدية الرضيه يا مصطفى يا ود بطني !
سلاف : الهدية الرضيه ما داير يعرفنا بيها داسيها مننا ، سفرو دا خلا عشانا و بعد دا م شفنا آخر لي موضوعو دا !
جد كدا يا مصطفى لو خليتنا مشينا ليهم و مرة وحدة تسافر و انت متطمن ما كان أخير ليك يا اخوي ، تجي تاني زول عرس بس ، و كان لقيناهم ناس كويسين نعقد ليك اسي طوالي ! رايك شنو ؟

مصطفى : وريتك رأي ي سلاف ، انا ماعارف عنها حاجة لحد اسي و ما بستحمل رفض من غير توضيح لا قدر الله ، عشان كدا خايف اخت نفسي في حتة ضيقة زي دي !
سلاف : حتعرف دا كلو كيف و انت صامي خشمك عليك لا بتتلحلح زي الشباب و لا داير تلذنا احنا ! اها مش اخير من تجي جيتك المرة الجايه تلقى عرسوها !؟ و تندم على سكوتك دا ؟
مصطفى :يا زولة كلها اقسام ، مع اني ناوي اقلعا من الظروف و م اخلي مجال لي حاجة بس داير املأ يدي منها ، و هسي لو ما انضغطت م حرجع الكويت ، لكن كلها كم شهر و راجع السودان - ماشي اخلص التزامات م ناوي اطول .. المهم في كم حاجة كدا في بالي نقول الله يسهل بس .. انتو ادعو لي و الباقي ربنا بجيبو خير ان شاءالله ..

سلاف : غريبه امي دي اصلو ما جرجرتك زي عوايدها و ضغطت عليك عشان تعرف بتك دي ! لكن خير بس نصبر مع الصابرين مستعجلة لشنو انا زاتي !

امهم : انا عارفه يا سلاف يا بتي لكن مافي داعي للضغط ، نخلي يسوي حاجة و بعدين نندم عليها ، احنا بس نقول ربنا يكتب ليه الفيهو خير و اهم حاجة اسي يصل بالسلامة و نتطمن عليه و الباقي هين يا سلاف !
سلاف : خير يا امي يا مشكلة !
"مصطفى و سلاف بي حس واحد " : اللهم امين يارب العالمين
مصطفى : هوي يلا بعد انا ابقى مارق ، ان شاءالله ما آخر وداع ، و نتلاقى في ساعة خير ..

#وصال_بتقول :

بقدر ضيقي من تحول قصي الغريب ، بقدر استيعابي للاسباب
يمكن مصدومة لان م اتوقعت القى نفور و تصرف زي دا من قصي ! لكن كان لازم اعمل حاجة -
رجعت الغرفه لقيت الباب متاكى .. خبطت الباب و قلت ليهو :
وصال : قصي ممكن ادخل ؟
قصي : تعالي
وصال " لقيتو مقرب الكرسي حقو من السرير كان بيحاول يتحول من الكرسي على السرير ، جريت عليهو مسكتو ، قلت لهو "
الله يهديك يا قصي اسي لو لا قدر الله الكرسي دا رجع لي ورا يعني حيحصل شنو ؟ ياخ ناديني انا هنا لشنو ؟؟

قصي : انتي هنا مفروض مرتي ! ما خدامتي
وصال : انت الطِلق الفكوها لينا ساعة العقد دي كان طارت من السماء و نطت و دخلت ليك قي مخك دا و هبشت ليك اسلاكك دي ، بالله كلمني عشان اكون فاهمه الحاصل !
" جريت نفس ، و قعدت على رجولي جمب الكرسي حقو " بالله عليك بطل يا قصي .. بطل و بس … الفينا مكفينا انا هنا مرتك لان دي المرحلة الوحيدة البوصل ليها الانسان بتجرد فيها من كل الاقنعه و الزيف و التحسس و التُقل النفسي و الارهاق و كل حمول الانسان البلقاها برا حدود الزوجية !
انا هنا ليك و معاك و بيك ، انا هنا عشان اكون نصك التاني ، انا هنا عشان نكمل بعض لانه لو لا قدر الله الحادث دا لو كان حصل لي انا
" بسرعه خت يدو في خشمها "

قصي : تفي من خشمك حمدلله البقت فيني و لا فيك انتي مجنونه !
وصال : وجعتك مش !!؟ اها يلا دا احساسي اسي !
ضيق و البتعمل فيهو دا ما حيغير حاجة بالعكس بيصعب الامور ، الضحك بيجدد طاقاتنا و بخلينا غير محدودين في عطائنا لي حياتنا و لي ظروفنا - انحنا احلامنا حقت بكرة !

للحظة لقيتو شداني عليهو و حضني شديييييد ، حضن اتمنيتو لي سنين في كل لحظة حلوة و مرة كنت بكون متمنيه اقدر اخد الاحساس دا من الحضن و الاحساس بالطبطبه و الامان ، المشاعر الما بقدر اعبر عنها لمن يفرحني و لمن احسو جمبي و في كل احساس انا حسيتو قبل كدا بكون نفسي اعبر عنه بالحضن دا ، دفئ و امان و راحة ما بقدر احكي عنها - ضماني كأني ضماد لي كل أوجاعه ، خلا الكلام و اختار يعبر لي مجاز عن مشاعره المقيدة ، عبر لي عن كلام كتير م قالو بي لسانه ، لكن انا حسيتو .. حسيتو كلوو

رِوايات سُودانية🪐🤎!)"

20 May 2025 16:19

يعني الفي وضعهم اسي ديل مفروض يكونو في شهر العسل مسافرين و مبسوطين ، يعني يقضو مرحلة شبابهم دي و ايامهم دي و يستمتعوا بيها لانه بتقعد بعدين في الذاكرة بعد يشيلو مسؤلية حياتهم لقدام .. ! لكن للاسف شوفيها مشت من بيت لي بيت و لا بيت زاتو ! لي غرفه
و فوق لي دا مسؤلية راجل ، هي هنا في البيت ما كانت شايله ربعها لا في البيت و لا في المطبخ دا غير احتياجات قصي الخاصه !
يعني م عارفه وصال رمت بي شبابها و بي حياتها في خيارات م معروفه اذا حتعاني منها و لا ربنا حيجازيها خير !!! " اتنهدت مسافة و كملت قايله "

كمان حاسه بتغير من قصي ! يعني ما قصي الزول البنعرفو داك حاسة بيه غريب كدا حتى دخلتو علينا ما هو الزول داك !
و ما قصة حادث و ظروف عشان ما تقولي لي واحد في حتتو طبيعي يكون كدا .. لالالا -

زينب : دي الحالة بلوم في نفسي قلت شيلتك هم بتك في يوم زي دا اتاريك شايله جواك جبال هموم !
على العموم " بتطبطب عليها " ما تشيلي هم وصال زولة واعيه ، العملتو دا م اتخيلت يجي يوم و ممكن تعملو ، ما رضاني ولا عاجبني بس طالما قالت نزرت انه لو قصي عاش حتتم عرسهم في وقتو و تقيف فيهو و تراعيهو يبقى انتي عرفتي تربي بت رجال يا امال ، م حنقدر نبقى ضد رغبتها عشان بكرة م تقول اهلي ما دعمو قراري او قصرو معاي في حاجة !
نتمنى ليها السعادة و الخير و قصي راجل ما منو خوف و في النهاية انحنا بنقول قول و ربنا بقول قول يا اختي .. قومي على الحريم ديل

امال " جرت نفس " : قمنا ..
ديل فاتو قبل اجيك كنت بودع فيهم " بتصلح في خلالة التوب "
زينب : ناس منو قصدك ؟؟ فوزيه ولا منو ؟
امال : ااي
زينب : دايرة الجد ! امه دي زاتا ما مريحاني والله امال شفتي من قلتي كلامك داك لي حنين قامت تفرفر و تلولو في القدوم - غايتو اخير لي أمشي عشان انا لو بديت انظر حتعب قلبي و حتعبك معاي !
امال : امش امشي … اختك م فايت عليها شي لكن كله بأمر الله !
زينب : و نعم بالله .. أمرقي

#جانب_الهادي !
" العربية "

مروة : ابوي بيتصل ! مستعجلين على جيتنا
الهادي : ااي إتأخرنا عليهم
فوزيه " ماسكة سبحتا و بتسبح "
الهادي " بيصلح في مراية العربية " : امي
فوزيه " عاينت ليهو " !
الهادي : حنرجع البيت بعدين عشان علاجاتك و كدا !
فوزيه " ضحكت " : عشان علاجاتي متأكد ؟
الهادي " احم " : اكيد .. اا اها يا مروة اهلك عاملين لينا شنو اكل مستعجلين على جيتنا دي كدا ؟
فوزيه : زوغتا يا ود بطني ! انا امكم .. امكم عارف يعني شنو ؟؟؟
و رجوع البيت مافي ، خلي قصي يضرب راسو في الحيطه ! كفايانا تقصير في حق البنيه !
مروة : ان شاءالله تزبيطاتي للغرفه تعجبهم !
الهادي " مسك يدها " : انتي منك مافي ! يدك تتلف بالحرير في كل حاجة بتمسكيها و بتعمليها ! قلبك دايماً كبير يا مروة ، شكراً ليكي !
فوزيه : ربنا يبل ريقكم بالذرية الصالحه يارب !
الهادي : امين
مروة " بي تحسس " : امين يارب !

#جانب_مبهج

( غرفة واسعه ، فيها سرير دبل بني و جمبو الكومود و دولاب جرار طقم و تسريحه فيها مراية طولية بي المقعد حقها فيها كمية من العطور الراقيه الخاصه بي وصال ، و بلتكانه ستاير كبدية مع حواف دهبية فخمة مع لون ستاير شيفون بيج سادة قصاد الشباك البفتح على الحوش ، و ملاية سيتان كبدية بي تطريز بارز و فاخر بالاطراف ، و ورد مجفف على ارضيه الغرفه و صحن صغيرون في الارض عليهو ملح ..و كنبة بيجية بي كرسيها طقم ماخد دوران زاوية جمب باب الغرفه .. و صورة من صور الخطوبة حقت قصي و وصال متوسطة الحيطه في برواز دهبي كبير و مقاصدة السرير شاشة سمارت كبيرة ، و ريحة بخور صندل فواح و عطر - )

" إتلفتت بي ضحكة على حركة الكرسي حق قصي و هو داخل الغرفة "
وصال : قصي ! هه جيت ، تعال تعال وريني انت الزبط الغرفه دي كدا منو ؟؟ مبالغه جد جد
قصي : اكيد حا تكون مروة
وصال : يا الله .. عاين حتى رتبت لي شنطتي في الدولاب .. يا سلام ياخ ، يسلم ايديها ياخ انت عارف ! أنا لازم ادق ليها اشكرها - عارف يا قصي بيتكم مريح نفسياً شديد و هادي و رايق شديد يعني رغم المرات القليله الجيت بيتكم دا فيها لكن حاسه بي ارتباط كدا بيني و بينه … " قربت جمبه و مسحت على راسو "
يمكن عشان دا بيتكم و انت حته منو ؟ و ريحتك فيهو ؟ ولا عشان ليك في كل ركن فيهو ذكرى ؟؟؟
دي كلها اسباب مثلاً هههه " سكتت شويه "
قصي ! مبسوط ؟ يعني حققنا حلمنا ، جد جد كدا اوصف لي احساسك شنو ؟ دقيقه اقعد عشان اسمعك بي مزاج !! " قعدت و جرت الكرسي حقو قريب "
ياخ التوب دا تقيل تقل الحياة ، بالجد وزن اتقول كان بياكل مع العمايا هههه ما ممكن كمية الخرز الفيهو دي ، اوفف
متعب ههههه اها ما رديت لي على سؤالي !!

رِوايات سُودانية🪐🤎!)"

20 May 2025 16:19

سهاد : ابداً ما ليه علاقه اتعاطف ولا لا ، انا بس بقول بت الاصول و المتربية صح حتعمل كداا - وبعدين المواقف دي هي البتظهر البني آدم على حقيقتو - المهم انا بطني بدت تقلب تاني ! م عارفه لكن يا رب يا احمد يكون حِمل !

احمد " بي توتر " : ما عارف طيب اعمل ليكي شنو ؟
اسوي ليكي نعناع دافي ؟ ولا ليمون ولا شنو ؟؟
سهاد : جيب لي جهاز اختبار من الصيدلية
احمد : لا يا سهاد
سهاد : ليه ؟
احمد : عشان م دايرك تتعشمي - لو م طلع حِمل حتضايقي نفسك يا سهاد - عشان كدا خليها على الله لو الاعراض زادت عن حده ، نمشي الدكتورة عديل بس !
سهاد " بي احباط ملحوظ " : طيب
احمد : اها نعناع ولا شنو ؟
سهاد : يانسون من غير سكر
احمد : م عارف دا اعملو كيف ؟ اغلي في البراد الصغير داك بس ولا كيف ؟
سهاد : عاين م تتعب نفسك ، خت موية بس في الغلايه و معلقتين صغار يانسون و كب لي المويه فيهو و خلاص ؟
احمد : حاضر " قام على حيلو " -
سهاد ( بأستحضار ) : احمد صحي نسيت ما وريتك ، قبيل سيد البيت دا جا و قال داير القروش حقت الشهر الفات و الشهر دا ! و قال كلمك و زعل لمن قلت ليه انك مافيش !
احمد ( خبط يده في جبهتو بي استيعاب ) : تصدقي نسيتو !
سهاد : قروشو جاهزة ؟
احمد : ايوة ايوة جاهزة من بدري !
سهاد : خلاص اتصل اعتذر ليه و امشي وديها ليه !
احمد : اي حا اتصرف ، يلا طيب حمشي اعمل ليكي الزعفران دا و امشي عليهو
سهاد ( ضحكت ) : ما زعفران ياخ ! يانسون ههههههه اسمع كلامي
عارف شكلو و لاحتجيب لينا العيد !
احمد : عيب عليكي عارفو تب هههه … ( مشى ) !
سهاد : حلاتو حبيبي

#بيت_المناسبه
" المطبخ"

رزان " بتصلح في الشيالة " : سلمى ! سلمى …..
__ هاه !!! نعم
رزان : ممكن طلب ؟
__ قولي لي - كدي خلي الطلب ، انتي وين مكالماتك و وين تلفوناتك و وين تلفونك اصلاً !!
رزان : ياداب انتبهتي ي سلمى ؟؟ انا لي شهرين من غير تلفون ..
__ م عارفه قايلاك خففتي منو و مسكتي الكتاب بدلو ، دا غير انك من بقيتي تبيتي في بيتكم بقيت م عارفه حاجة واضحة كدا عنك !
رزان : امممم - المهم خليني اقوليك طلبي !
سلمى : سبحان مغير الاحوال زولك النقناق داك خبرو شنو ؟
رزان : استغفرالله العظيم شكلو حيبقى لي نقطة سوداء في حياتي ! سلمى ممكن تنسي الفترة ديك و الكنت بعملو ؟ لاني بالجد انا بعدت عن كل الكلام دا و بديت من جديد …
سلمى " ضحكت " : مبسوطة منك - اها قولي لي طلبك و انتي عاملة فيها مؤدبة كدا هههه
رزان : حاضر
سلمى " بتاخد ناعمايه من الشيالة " والله محتارة فيك التلفون دا كان زي البزازة في يدك 24 ساعه - لكن م علينا خلينا في طلبك !
رزان : مصرة يعني ي سلمى ؟
سلمى : ههه بهظر معاك خلاص معليش معليش قولي .. اها !
رزان : عايزة ابيت معاكم الليله ممكن تكلمي امي !
سلمى : يعني البشوفك يقول طلب قدر الليله و بكرة ، طيب عادي ياريت والله .. حاضر بكلما ، حتى حنين عايزة اخليها تبيت معانا !
رزان " بي ضيق مدسوس " : امم تمام " شالت الشياله و طلعت برا المطبخ " …

#في_نفس_الجانب
" دخلت البيت لي جوا "

سراج " بنق في جوطة جيرانهم " : يا سلمى …. سلمى
(وقف في دخلة البرندة عشان الحريم ) سلمى … ياخ ديل مشو وين ! هفف ( شاف حنين ) : هي هي يا حنان .. حنااان ! ممكن تنادي لي وحدة من البنات سلمى و لا رزان ؟

حنين : هه حنين .. اسمي حنين ما حنان ! حاضر بناديها ليك اقوليها شنو ؟
سراج " مسح راسو بخجل و ابتسم " : اسف - حنين طيب
سراج " مد ليها الحفاظة " بس خليها تملا لي دي ! و قولي ليها سراج قاليك كتري التلج بس ..
حنين : طيب بملاها انا و بجيبا ليك خليك واقف هنا !
سراج : حاضر
" سمع صوت وحدة من الحريم بتقول "

— انتي يا فوزية حنين دي بتك ؟
فوزية ( ام قصي ) : ايوا بتي
__ تبارك الرحمن ، هميمة و سميحونه ربنا يخليها ليك يارب
فوزية (طبطبت عليها بي شُكر ) : تسلمي يارب و يحفظ البنيات كلهم

زينب ( لمحت سراج ) : سراج ..هي يا سراج يا ولد
اجيب ليك حاجة ؟
سراج : …..
زينب : سرااج … يا ولد …. اجي دا مالو ! سرااااج
سراج " ناقز بي استيعاب " : ها يا عمتو ايوااا ..
زينب : عمتو شنو يا ولدي سرحان في شنو قدر دا من قبيل بنادي ليك واقف كدا اجيب ليك شنو ؟
سراج " لمح حنين جاية " : حنين جات
زينب " عاينت وراها " : اجي !
سراج " مشى سرعة اتناول منها الحفاظه " : شكراًشكراً .. نقيف ليك و نخدمك في عرسك يارب !
حنين : عرس شنو كمان انحنا ناس قراية ساي هههه
زينب " مشت قعدت و هي بتضحك "

مجاهد ( عند الباب ) : سرااااج الدين .. يا سرااااج شنو ياخ سنة عشان تملى ليك صبارة موية !
سراج " بيضحك و بيعاين وراهو محل حنين و بيمشي تجاه الباب محل واقف مجاهد " : جيت جيت

رِوايات سُودانية🪐🤎!)"

20 May 2025 16:19

لبسته توب حرير احمر انجليزي فيه فواريز بالدهبي مع شبط دهبي مع عالي شديد واكسسوارات خفيفة وحنين عملت لي مكياج خفيف وبقينا منتظرين
كنت على اعصابي وكأني مخدرة قصي بتصل يطمني مع اني مفروض اطمنو بس كنت خايفة خايفة شديد...
وجود حنين معاي وونستها لي خففت عني كتير..
لما جاتني فجأة
#مكالمة
همسته #قصي
#الووو
"سامعة صوت كلام قلبي عمل شححح"

بسم الله الرحمن الرحيم والصلاة والسلام على رسول الله سيدنا محمد وعلى اله وصحبه وسلم اما بعد فاني قد انكحتُ وزوجتُ موكلتي البكر البالغة وصال الطاهر محمد علي الى قصي محمد عمر عبدالمحمود بولاية والدها وعلى الصداق المسمى بيننا في الحال على كتاب الله وسنة رسول الله واجماع العلماء والحاضرون يشهدون على ذلك والله خير الشاهدين.
بسم الله الرحمن الرحيم والحمدلله رب العالمين والصلاة والسلام على رسول الله صلى الله عليه وسلم اما بعد فإني قد قبلت زواج موكلي قصي محمد عمر عبدالمحمود الى وصال الطاهر محمد علي بولاية والدها وعلى الصداق المسمى بيننا في الحال على كتاب الله وسنة رسول الله واجماع العلماء والحاضرون يشهدون على ذلك والله خير الشاهدين
الفاتحة🤲
في الساعة ديك قلبي دقاتو زادت وانا بعاين لي مكالمة قصي الفاتحة وسمعني العقد عقدنا "بقيت بتمتم"
سامعة صوت طلقات النار "طق طق طق "
وصوت الدعوات والتبريكات وصوت الزغاريد ..
حنين بقت تنطط وانا قاعدة منططه عيوني وحاسة بجضومي وصلو فوق ..
عقدو عقد يا وصال عقدو
عقدو عقدو
الف مبروووك الف مبروووك ربنا يهنيكم ويسعدكم يارب
"حضنا بعض وبكينا قدرتنا بس كانت دموع فرح"
ايوووووي يووووي يوووي
الا ونسمع بعدها صوت بوري "تيت تيت تيت "
طلعنا على الباب وسامعة صوت سراج
ابشر يا عريس ابشر ابشر
"تيت تيت"
طلعته بره وانا شايفاه بعاين لي بقزاز العربية "خجلانة مشيت عليه"
ركبته وقعدت جمبو
قرب علي وهمس براحة بكلام
"بقيت بضحك وابتسمته"
"مسافة الشارع وصلنا البيت "
مع نزلتي والزغاريد دي بدت اول واحدة مسكتني امي بالدموع وبعدها ابوي سلم لي على راسي وسراج
وعمتو وسلمى ورزان ...
الناس دخلت تبارك 💍👰
‌الف مبروك ياعروس بيت مال وعيال
‌ماشاءالله زواج مبارك
‌ربنا يهنيكم ويسعدكم
"بعد فترة ونسة وضحك ومباركات"
"دخلته بدلته التوب بفستان كبدي وطرحة مستردة وشبط نفس لون الطرحة ..
طالعة مع قصي الكان منتظرني بره ومعاي خالتو فوزية ومروة وحنين ماسكاني من يدي
امي : بتبكي ماشة مخلياني ومخلية البيت مسيخ يا وصال
عمتو: قولي ربنا يسعدها ويهنيها يا امال يوم زي دا افرحي ما تبكي ، كلها ساعة وبتجيك وتمشي ليها ما ماشة منك بعيد
وصال : " بقيت ابكي وماسكة في امي ونبكي"
طلعته العربية واتحركت بينا
بقول لي:
__الف مبروك يا مرتي
**مبروك علينا يا راجلي

اول ما وصلنا بيتهم ونزلنا على الباب قصي مسك يدي شديد "وهو قاعد في الكرسي رفع راسو عاين لي عيني في عينو جات"
قولي بسم الله الرحمن الرحيم
"بهمس مع كلامو"
بقول :
اللهم إني أسألك خير المولج وخير المخرج بإسم الله ولجنا وبإسم الله خرجنا وعلى الله ربنا توكلنا..

وعلى الخير والمحبة نلتقي✎﹏﹏﹏﹏﹏﹏﹏﹏

#مندرين
#سحر_سمير
#فاطمة_قسم_الله

رِوايات سُودانية🪐🤎!)"

20 May 2025 16:19

هي ها وصال يا وصال اصحي ما سامعة صوت منبهك دا بضرب
"بتهب من السرير"
__الليلة بخرجو قصي من المستشفى
سلمى : انتي نمتي بالخبر دا معاك ولا شنو اي حا تمشي هسي؟!
__اي حا اطلع طوالي عاوزة اصل قبل الدكتور يمر عليه
"مسافة بتتجهز وتلبس عبايتها وطرحتها وتطلع"
كان أمي صحت كلميها وانا بضرب ليها تاني اني حا امشي معاهم البيت تمام ضروري ، عارفة امي حا تنق وعمتو برضو كان عرفت بس بتفاهم معاهم بعد ارجع "
"ساعة زمن وكانت في "

#المستشفى

وصال : السلام عليكم ورحمة الله
__ وعليكم السلام ورحمة الله

"لقيت عمو محمد وخالتو فوزية وحنين والهادي "
مع دخلتي دكتور مؤمن جا خاشي وراي

"حصل هدوء غريب لانهم متوقعين يتكتب لي قصي خروج الليلة .
بس في نفس الوقت منتظرين تقرير الطبيب شنو عن حالتو"

__دكتور مؤمن
"بعدل نظارتو وبعاين لفايل قصي"
خلاص انت والله الليلة حا نكتب ليك خروج الف حمدالله على السلامة وتلحق ال15 رمضان الباقية مع ناس البيت "بعاين على جهتهم بإبتسامة" تقلية الوالدة والابري ولا شنو
فوزية : كفاه مستشفى بعد دا
"بضحك"
فااا واا يعني مع العلاجات بس انت لازم تواظب تاخدها وتستمر لينا في الفترة بتاعت العلاج الطبيعي لفترة ال هي ستة شهور وانت لازم تجي مقابلة انا بتكلم مع الممرضة بتاعتي تحدد ليك موعد كل تلاتة اسابيع عشان تجي تتابع معانا ونقدر نعمل Asses للحالة بتاعتك وانت لازم تتبع التعليمات النحن حا نكتبها ليك نحن ما عايزين نستعجل الحاجات فلازم تكون صبور شوية معانا لانو بتاخد زمن
وصال : اسمع اسمع كويس لانك عنيد
"قصي بعاين ليها بدون كلام"
دكتور مؤمن : ايوة فعشان كدا لازم تاخد العلاجات في مواعيدا وكمان الموضوع عاوز support مساعدة لازم تلتزم بالنصايح البنقولها ليك ما تتحرك حركة كتيرة يعني تتحرك في حدود.
ما ترفع حاجات تقيلة كويس "بعاين لي ناس البيت "
في حاجات كتيرة انت حا تحتاج ليها مساعدة لازم الفترة الاولى دي تستخدم حاجات مساعدة للحركة يا اما كرسي او العكازة ال بي تلاتة عصايات دي وبعدين مع ال progress حا نشيل الsupport دا شوية شوية لحدي ما نخليك تعمل support على عكازة واحدة او لغاية ما ترجع لحالتك الطبيعية بس لازم تصبر معانا لانو الموضوع حا ياخد زمن شوية وان شاءالله الامور طيبة انت كنت في حال وهسي حاليا يعني احسن كتير.
الهادي : ان شاءالله يادكتور
دكتور مؤمن :"بعاين لقصي" ايوة حاجة أخيرة لازم تجي كل اسبوع للممرضة بتاعتي تغير الغيار للجرح لانو لسه ما نشف كويس
مجرد نضافة وشاش وتمشي.
ولازم تواصل على العلاجات الحا نكتبها ليك بالاضافة للمتابعة عشان نشوف التحسن في حالتك ان شاءالله دا المهم.
انا بإختصار حاولت اقول ليكم الفكرة كلها حا يحصل شنو بالضبط.
والف حمدالله على السلامة مرة تانية
عن إذنكم
"شكرا يا دكتور الله يديك العافية ما قصرته"
بطلع
الهادي : انا حا اطلع اتم الاجراءات حقت المستشفى مسافة تكونو جهزتو
"ووصال بتطلع ورا الهادي براحة بتلحق الدكتور بتنادي عليه"
يا دكتور مؤمن
**وصال
__انا حابة اتشكرك على التسهيلات العملتها لي جد يعني اديتني فكرة ح تختصر وتسهل علي كتير"
**لا شكر على واجب يا ستي
"متقدمين لقدام وهي بتتكلم معاه"
#بعدها
وصال بتقول :
ساعتين وكنا في بيت ناس عمو محمد ودي كانت اول مرة ادخلو وانا براي كان جيتهم مرتين مرة مع امي وعمتو لما خالتو فوزية جات من العمرة والمرة التانية جيت معاهم لما خالتو فوزية برضو وقعت بسبب كراعها وسافرت مصر للعلاج وجات جينا نطمن عليها..
ما قعدت معاهم كتير رغم إصرارهم اني اقعد للإفطار بس إعتزرته بإننا اصلا جايينهم يوم تاني.
الى
#يوم_الكرامة
_25_رمضان
"عمو محمد عامل كرامة طلوع قصي من المستشفى بالسلامة وماشاءالله عازم اهلهم ومعارفهم ونحن أولهم
وما بين عمتو وامي الشغالات شكلة فيني من موقف المرة الفاتت ومشيتي معاهم للبيت ولعزومة الليلة ان كراعي دي ما بتترفع معاهم لناس قصي الا وانا عروس حتى اعتب عتبة بيتهم من تاني.
وفعلا عملو الفي راسهم وشكيت وبكيت بس فاتو خلوني مع رزان انا وهي في وش بعض حتى ابوي ما قدر يشفع لي معاهم
فرضيت ب #حكم_القوي

من يوم طلع قصي وانا يومي كنت متواصلة مع خالتو فوزية والهادي وحنين وما بين تجهيزاتي لحاجاتي وناس امي في الريحة والخبايز و عزومة الناس والاهل..
كنت يوم الجلسة بلبس عبايتي وبجري بلاقيهم في المستشفى وبعد ينتهي برجع تاني وببقى متواصلة بالتلفون كذا مرة اطمن من خالتي عليه..
حرفيا كانت اصعب اسبوعين باقيات من رمضان مرت علينا لا انا قادرة اخفف عنو بوجودي جمبو ولا قادرة اساعد خالتو وتعبها مع قصي الا بالدعوات والصبر .

رِوايات سُودانية🪐🤎!)"

20 May 2025 16:19

#مندرين13

"فتحت باب الروح لخيرك الواسع ..
حسيت بجيتك من ريحة الآبري في اخر الشارع
من اصوات التراويح سايقاني لباب الجامع.. .

"قدام بيت ناس الطاهر"

اقفاص حديد بالابيض مزروع فيها شجر واصايص لساتك مضروبة بلون احمر وابيض مزروعة فيها ورود
لمة عربات واقفة وريحة البصلة المحمرة و ملاح التقلية والابري الشاقة الفريق
الشباب الطالعين من بيوت الجيران شايلين الفرشات بالوانها الاحمر والازرق
بفرشو فيها قدام البيوت...
حفاظات الموية الكحلية المختوته على ترابيز البلاستيك اللونها اخضر...

"مجاهد وعمر واقفين "
عمر : البراء دا مالو فاتح باب عربيتو وقاعد متجهم كدا المحلو مفروض يطلع فرشتو ويطلع مع الناس ولا سلام الله ساي ما بديه ياخ زول غريب خلاص!!
مجاهد : خلي دا اصلا ماف زول عاجبو في الفريق دا من زمان ، بس تلقاه مع شيخ بكري والزول دا مش مع انو شيخ لكن بس استغفر الله العظيم ياخ خبورات الناس دي كلها معاه ما تشوفو كدا زول ملعون وبتاع مشاكل وشمارات انا ما عارف هو شيخ على اي أساس..
عمر : اي عارفو زول خسيس خلاص انسانا انسانا من سيرتو الدنيا رمضان نجرح صيامنا ساي استغفر الله
"ما عدت فترة الا و عربية بتقيف بتنزل منها بيان وقبل تصل الباب"
البراء بجرها من طرحتها وبيدو #ضربة_كف وصرخة بتخلي الفي شارع ينتبه معاهم..
"بصووت عالي وبدفرها قدامو"
خشي جوه الليلة انا بكسر راسك دا تستغفليني انا مش .
عاملة روحك مفتحة
"كررب كررب صوت قفلة الباب بقوة شديدة"
"بيان جارية خاشة غرفتها بتبكي"
وهو بخش وراها وبرزع بقفل الباب بقفلو"
"صوت كف تاني وكواريك وضرب"
وداد وعثمان وتقى بكوركو وبلزو في الباب عشان يفتح
وداد : بتكورك وتبكي : ما عافية منك لا دنيا لا اخرة ياالبراء كان اختك دي ماتت الليلة افتح الباب دا يا البراء "بتبكي"
تقى بترجف وبتبكي بصوت عالي بتقول:
بقتلها يا امي بقتلها يا ابوي اكسر الباب دا بيان بتموت بتموت
"كروووو بضربة من عثمان الباب بتكسر وبخشو يحجزوها منو وهو ماسكها من شعرها يضرب فيها بقوتو"
بيان : ماسكة راسها وبتصرخ بطريقة ما طبيعية بخوف
تقى بتلز البراء
بمسك يدو وبضربها كف لما بترجع لورا بتعاين ليه بخوف وهلع مع صرة وشو الشديدة وعيونو المحمرة وببدا يقلب في المراتب وينو تلفونك يا ** يا ** ما بتردي علي انا ما بتردي علي مش مية تلفون ضارب ليك تسفهيني انا قلتي لي...
وداد : ادي التلفون يا بيان ادي ليه ريحينا خلي يطلع ، سوقو يا عثمان يا عثمان سوقو كفانا فضايح خلاص "بتبكي"
عثمان : بدفرو بالقوة بترتح وراه ودموعو في وشو وبطلعو من الغرفة بره
"صوت همس ولمز وصنه عجيبة الرجال بتدخلو ويسوقوه الصالون والنسوان بجن لي وداد بتكلمو معاها ربنا يهديه كل الشباب ديل كدا مع اخواتهم هي سوت ليه شنو"
"ساكته وتعاين ليهم بعيونها"
تقى بتقفل باب الغرفة وبتمسك بيان تبكي معاها وهي بترجف وتشهق ....

#بره_الشارع

بتقيف عربية صغيرة بيضاء
خطوات بتتقدم عليهم
مجاهد : لا حول الله ياخ اصلو ما ممكن "بجري عليه " ياخ ياخ "بحضنو بقوة " والله تصدق لما نسيت شكلك حمد الله على السلامة
عمر : اووو سراج يا معلم حمدالله على السلامة
سراج : "بتقدم على الرجال القاعدين في المساند المجدعة على الفرشات..
السلام عليكم ورحمة الله وبركاته
" بسلم عليهم واخرها على ابوه"
خالو احمد : كويس وصلته قبل الافطار سفرك بعيد
سراج : والله كنت هامي اتأخر الله سهلها يا خال
انا اخش عليهم جوه واجيكم
"داخل وبصفق بي يديه"
يا ناس يا الهنا سراج ود امال جا
"وصال وسلمى بيصرخو وبجو جاريين ناطين فيه الاتنين"
امال جاية وراهم وزينب ورزان وقفت هناك تعاين ليه...
امال : كدي زحن لي كدي ولا كدي من ولدي الواحد اسلم عليه "بتبكي " حمد الله على السلامة البركة الجيت طيب "بتقالدو" البركة الشفناك يا سراج طولته المرة دي شديد لكن ...
سراج : الله يسلمكم
زينب : البركة جيت طيب يا سراج حمدالله على السلامة
ياخ والله مشتاقين ، عمتي كيف بالله "بمسح على شعر سلمى" سلوووم اخبارك شنو؟!
"سلمى : اشتقت ليك بس بجرها عليه"
العروس اها قصي كيف بقى والتجهيزات كيف؟!
وصال : كلو تمام الحمدلله فاقداك بس.
سراج : رزان ما دايرة تسلمي علي ولا شنو واقفة هناك كدا
"بتجي عليه "
رزان : حمدالله على السلامة "عينها بتجي في عينو وهو بضحك بتركز معاه"
سراج : جوه في منو؟!
آمال : في خالتك فوزية ومرة ولدها ونسوان خيلانك وبناتهم وجاراتنا فتحية وسميرة خش سلم عليهم بكونن سمعو صوتك.
"مجاهد وعمر جو خاشين "
عمر : هوي يا جماعة الاذان دا قرب ختو الصواني والمويات.
وصال : سمح سمح يلا يا امي

رِوايات سُودانية🪐🤎!)"

19 May 2025 18:37

**"بتضحك" انتي خوافة خلاص
مسافة من صيدلية الحي بعد الظلط بالجانب التاني جمب الجامع كان في زول مراقب العربية الركبت فيها تقى لما اتحركت ومشت ومكتوب عليها منظمة ال.... "
"ما عدت نص ساعة الا وباب ناس عثمان بدق"
__اوو العريس زاتو البفتح
**ادخل يا شيخ بكري انا كلمتك قبيل اتأخرته مالك
__"بضحك بنية غير صافية" كنت بدرس في اب رويسات ديل شفع الفريق عندهم حلقة تحفيظ الليلة " وانا طالع شايف بيان ركبت عربية شغلهم دي اته انا يازول ما كلمتك من شغل المنظمات دا بتخلي اختك تاني تشتغل معاهم لشنو؟!!
**بيان؟!!
__اي يازول اقلك شفتها هسي
**خش خش كدي لي جوه الصالون
"ماسك تلفونو بعمل
مكالمة📞
#بيان
" ماف رد"
مرتين ، تلاتة ... ستةمكالمات
"ماف رد"
"عيونو عاملات شرار لما محمرات بنادي على امو بصوت شبه عالي من باب الصالة"
يا أمي أمي أمي...
وداد : اي يا البراء في شنو؟!

"بكورك"

بت الح*** دي مشت وين؟!!

وعلى الخير والمحبة نلتقي✎﹏﹏﹏﹏﹏﹏﹏

{الحلقات الجاية}

… مجرد ما الباب خبط ، بكل لهفة فتحت الباب و مديت يدي … و لسه عايزة اقول شكراً !

فجأة لقيت يد دفرتني لي جوا و مسكتني من رقبتي شديد و ضغط على القصبة الفي حلقي لمن اتخنقته و لذاني لي جواا و رد الباب بي رجلو !!!

و صرختة 💥…….


__

#مندرين
#سحر_سمير
#فاطمة_قسم_الله

رِوايات سُودانية🪐🤎!)"

19 May 2025 18:37

✎﹏﹏﹏﹏﹏﹏﹏﹏﹏﹏﹏﹏﹏﹏
#من_جانب تاني
الطاهر : خلاص يعني نقول على بركة الله
محمد عمر : على بركة الله هو نحن بنلقى احسن منكم يا الطاهر والله ما بنلقى ولا فوزية بتلقى ليها بت بالساهل زي وصال
ربنا يجمعهم على خير يارب
الطاهر : نحن زاتنا زيكم ما بنلقى ووصال بتكم بقت الحالة واحدة يا محمد
اها بالمناسبة السعيدة دي الليلة تجو تفطرو معانا اضرب لي ناس البيت ما يعملو اي شي ووالله العظيم ما بتقول شي ولا بقبل عذر زاتو .
محمد عمر : بعد كلامك دا اقول شنو تاني بنجيكم تب ان شاءالله
الطاهر : تشرفونا
اها بإنتظاركم بعدين ان شاءالله استأذن انا
محمد عمر : الله يبارك فيك مع السلامة
"الطاهر في الشارع ماسك التلفون بعمل مكالمة وبطلع عربيتو"
الوو يا آمال الجماعة ديل جايينكم الليلة ناس محمد وفوزية انا عزمتهم ف عليك الله كلمي زينب ووصال جهبزو لينا افطار كويس. وانا بالمرة حا اعزم احمد ومحمود وانتي اتصلي بالنسوان
امال : خير ما عملته والله ان شاءالله سمح ياود امي
مع السلامة..
✎﹏﹏﹏﹏﹏﹏﹏﹏﹏﹏﹏﹏﹏﹏
"بإنتظار اكتر من ساعتين كنت حاسة الوجع والألم فيني انا ما في قصي
ماشة وجاية على اعصابي وبالي فيه كيف هو؟!
لما طلع و رجعنا على الغرفة وكانت فوزية منتظرة من شافتو قامت بخوف جات عليه
__خالتو جيتي متين؟! الهادي جابك؟!
**جيت بتكسي غلبني اقعد يا وصال وعمك والهادي ما بسمعو الكلام البقولو فايدة قعادي شنو وولدي مرمي هنا عيان..
" بتقش في دموعها"
رقدوه على السرير وغمض عيونو بدون كلام نام"
"فوزية بتصلح ليه في الغطاء و بتتكلم"
**كر علي يا قصي كر علي يا ولدي الله يكتب سلامتك يارب
__"جبت ليها الكرسي قعدت وانا واقفة بقيت جمبها "
اقعدي يا خالتو عارفة بعد الحصل لي قصي دا والظروف والاختبار الحاليا بنمر بيه دا كلو لخير والله العظيم
**الخير فيما اختاره الله يا وصال وكلنا مؤمنين الحمدلله رب العالمين...
"تلفون خالتو فوزية بضرب وانا تلفوني بعدها بضرب بعاين ليه وبزح شوية برد"
__ايوة يا امي ؟!
**تعالي راجعة البيت ابوك عازم ناس خالتك فوزية وناس خالك بي اولادهم ، انا ضربت لي زينب جايين في الشارع وانتي تعالي عشان نجهز انا يدي واحدة ما معاي زول.
__سمح يا امي بجي هسي
"الهادي في اللحظة دي جا داخل وعينو بتقع في امو
الهادي : مروة ضربت لي كلمتني يا امي دا شنو البتسوي فيه دا بس ما انا كلمتك بجيك الضهر بسوقك
" ما ردت عليه"
وصال : خلاص يا الهادي خليها براحتها هي جات في الاخر
"بسكت وبمش على قصي بطمن عليه وبهبشو من راسو"
فوزية : الليلة معزومين عندكم "هسي عمك محمد كلمني"
__سمح ياخالتو معناها ارح معاي طوالي البيت انا طالعة واتطمنتي على قصي هدا كويس الحمدلله
**لالا امشي انتي على امك انا بحرس قصي لما يصحى وتاني بمش عشان مروة وارتب حالي وبنجيكم ما بنتأخر عليكم زاتنا
__خلاص سمح
الهادي : اقيفي حا اوصلك
__لالا خليك مع خالتو وقصي امكن يصحى ويحتاج حاجة تعب شديد في جلسة العلاج الطببعي
الهادي : لاقاني دكتور مؤمن بره وسألتو قال لي مشت كويسة الحمدلله
وصال : اي الحمدلله ، طيب انا بمشي مع السلامة
"بتعاين لي قصي"
"بتطلع وبتمشي على مكتب دكتور مؤمن أول"
بعد تطلع منو
وصال بتقول :
بعد شفته تعب قصي اليوم قدام عيوني وخالتو فوزية الرغم مرضها ورجلها البتوجعها مورمة وبتتحرك ياالله بيها وبعد دا مصرة تكون جمبو وهي صايمة كيف حا تقدر تمارضو بحالتها دي؟!!... والهادي العندو شغلو وبيتو كمان منو الحا يقيف لي قصي طول اليوم؟!!
بقيت حاسة نفسي مربطة لا قادرة اساعدو لا قادرة ارافقو طول اليوم لأسباب كتيرة اولها اني لسه ما بقيت مرتو ..
لحظتها عرفته اني اخدت القرار الصاح الما حا اندم عليه ...
انا لازم اكون مع قصي ولازم عرسنا يتم بأسرع وقت.
"مفترض أمشي الجامعة بس ماف زمن تاني حا اتصل ب حنين واعتذر منها ماسكة تلفونها ومتقدمة على المخرج بإستعجال "
✎﹏﹏﹏﹏﹏﹏﹏﹏﹏﹏﹏﹏﹏﹏
#جانب"بيت عثمان ووداد"
#ميمونة ماسكة البراء وبتقول ليه
الله يكفيك شر الكفوت اللفوت إنت تجي من الخلا هي تجي من البيوت لا بتديك مقوت ولا بتخلي كلمة بتفوت
"بيان وتقى بضحكو"
__يعني شنو يا حبوبة كلامك دا؟!
ميمونة : كلامي المرا الجايبنها لي دا ما تكون خفيفة ولفيفة مرا تكون راسية ورزينة.
وداد : قومن كدا ساعدني حبوبتكم دي مخرفة
قوم ياالبراء شوف ناس ابوك ديل وصلو وين ؟!
انتو يا جماعة انا اسوي شنو واخلي شنو قومي يا بيان فرشي المفرش ورتبي الغرفة دي زي الناس وانتي يا تقى قومي نضفي الحمامات وانت يا البراء امشي استحمى والبس الجلابية الطلعتها ليك وارقد في الصالون .
بيان : والله عزة لكن الليلة

رِوايات سُودانية🪐🤎!)"

19 May 2025 18:37

#مندرين12

#المستشفى
الساعة 8 : 00 صباحا
وصال بتتكلم مع عم عمر والهادي وقصي"
"دكتور مؤمن بجي خاشي الغرفة "
السلام عليكم ماشاءالله الحبايب موجودين الليلة والمعنويات عالية ظاهر.
" وعليكم السلام ورحمة الله"
عن إذنكم دقايق "بجر الستارة "
اتفضل يا دكتور
"لحظات عدت وكان في هدوء وترقب منهم"
"سييك صوت سحاب الستارة بتزح وصال بتعاين لي قصي الكان باين عليه انو متألم من وشو ، بدت تحس بألم وقلق ما طبيعي "

حاج محمد ؛: اها طمنا يا دكتور كيف قصي؟!

د. مؤمن: الحمدلله فل "بعاين لقصي" كنا وين وبقينا وين
طبعا الليلة حا نبدأ معاه جلسات العلاج الطبيعي حا تتحدد ليه 3 جلسات كل إسبوع مدة الجلسة ساعتين لكل واحدة
الفترة الجاية دي حا تكون صعبة عليه والموضوع ماهين الموضوع مرهق جسديا ونفسيا والجلسات بتاخد زمن طويل العادة بتكون مؤلمة .
حا يستمر على المسكنات بكون بياخدا على طول زي اي دوا تاني
وعشان عاملين ليو عملية بتاعة internal fixation ف شنو في الم بستمر ل فترة بالذات مع الحركة
"بخت يدو على كتف قصي" يعني البطل دا حا يكون قدامو طريق طويل حبة محتاج لصبر وطولة بال وهو ليها ان شاءالله قصي عارف كدا.
"بضحك" على العموم نحن السودانيين عندنا مقدرة على تحمل الالم بطريقة اعلى شوية لانو بنعتبرو دا قدر ودا كدا .
الالم ما بروح بالساهل والالم العصبي دا معروف اسواء انواع الالم ما بكون في حتة واحدة بكون في حتتين
فعليك بالصبر .

حاج محمد : ايوة ايوة
"منتبهين معاه في كلامو"
طيب يا دكتور مؤمن بالنسبة للعلاج الطبيعي ؟!

د.مؤمن : ايوة دي الحاجة التانية العاوز انبهكم ليها ان العضلات ضروري ليها العلاج الطبيعي لانو لو اتخلت بدون ما تمرنها بحصل ليها ضمور ودي من اسباب زيادة الالم زاتا عشان كدا بنعمل العلاج الطبيعي هو البقوي ليك العضلات عشان يديه قوة تاني من جديد ومع الزمن بعداك العضلات بتبدا تستعيد وظيفتها الطبيعية
ف حتى لو قصي طلع من هنا مطلوب منكم تهتمو وتلتزمو بحتة العلاج الطبيعي في وقتها ومواعيدها يمشي ويتابع عليها .
وربنا يكتب سلامتو .. حاليا الممرضة حا تجي تاخدك على الكرسي لأول جلسة حا يكون معاك مرافق منو؟!

الهادي : انا معاه

د.مؤمن : تمام طيب بستأذن انا
ورمضان كريم تصومو وتفطرو على خير

"الله اكرم شكرا يا دكتور"

بطلع منهم...

وصال : يعني سمعته كلام الدكتور قال شنو صاح عشان بعدين ما تزهج وتحس بعافية حبة تقول لا خلاص بقيت كويس وماف داعي اواصل فيه وببقى باب النجار مخلع..
هدا قدام عمو والهادي.

حاج محمد : ايوة كدا تحكيم من هسي
"بضحكو"
ياالله يا شباب انا بستأذن منكم حا امر عليك بعد اخلص شغل يا قصي ، انت ياالهادي حا تجيب امك لانها كانت جاية قبيل معانا وما رضت جيتنا بدونها. حا تطلع بعد يخلص اخوك العلاج.
الهادي : برجع اجيبها اي ان شاءالله
قصي : ما تجي الليلة ياخ امي دي تعبانة ظاهر عليها خلي مروة تتكلم معاها بتسمع ليها.
الهادي : يعني انت ما عارف امك وكان عرفت انك بدو ليك العلاج الطبيعي بدون هي قاعدة معاك دي مشكلة تانية كمان انت ما شفتها الصباح سوت لينا شنو يالله اقنعناها
وصال : طيب يا الهادي انت امش شغلك وانا بمشي مع قصي اصلا ما عندي حاجة وما تشيل هم وقت ترجع تجيبها بنكون طلعنا وقصي اخد راحتو ما بتقلق هي تاني.
حاج محمد : اصيلة يا بتي ، بالليل ابوك ضرب لي قال بغشاني بعد الضهر
وصال : اي قال دايرك في موضوع
حاج محمد : هوي ياالله معاكم سلامة
"بطلع منهم"
الهادي : خلاص انا اصلا كنت ماشي السوق ماجبت ليهم حاجات الافطار بغشى الشغل اديهم طلة وبطلع
والله انتي بت حلال يا وصال
وصال : عاين انتو ما تجو تفطرو معانا الليلة عليك الله يا الهادي انا بكلم خالتو وبضرب لي مروة ما تسوي حاجة..
قصي : والمجدوع هنا دا ما بتفكرو فيه ساي كدا؟!
"بصوت واحد"
انت فاطر
قصي : ايوااا ايوااا تمام كويس اطلعو بره ولا بنادي الممرضة تطردكم الإتنين لانكم عاملين لي ازعاج
وصال : انننن شوف كان بنطلع ليها
الهادي : "بضحك" انتو لسه عليكم المشاكل دي ما تستعجلو ليها ..
يلا يلا سلام هدا تلفوني بدا يضرب "بعاين ليه" دي مروة "طالع منهم وبقول " الووو يا مروة.
وصال : "بتجر الكرسي وبتقعد على جهة اليمين " حاسي كيف هسي كويس ومستعد للخطوة الاولى؟!
قصي : حاسي اني كويس الحمدلله
وصال : "بتعاين ليه" يارب
"بتدخل الممرضة وبتعدل الكرسي وبخشو معاها اتنين ممرضين "
الممرضة : اها جاهز للجلسة عشان نمشي؟!
قصي : جاهز
وصال : "بصوت هامس "
بسم الله اللهم ياشافي يامعافي اشفي قصي وخفف عليه اللهم هون عليه الجلسة و اشفيه من كل ما الم بيه من وجع لا يعلمه الا انت يارب العالمين.
✎﹏﹏﹏﹏﹏﹏﹏﹏﹏﹏﹏﹏﹏﹏

رِوايات سُودانية🪐🤎!)"

19 May 2025 18:37

__"بتضحك" ياود خلي عندك صبر بس بيني بينك انا كمان منتظرة الدنيا تصبح بس تلقاني جمبك
**بحبك يا قلبي بحبك شديد "قالها براحة"
__بحبك انا كمان اكتر من روحي مالك قلتها براحة كدا "بتضحك" جمبك منو؟!
**امي وحنين لكن بعد كدا ماشين
__سلامي ليهم خالتو كيف كويسة؟!
**تعبانة والله لكن ما بتسمع الكلام يومي بتجي ورجلها ياالله تتحرك منها
__معليش ما هي ما حا تطمن بقعادها في البيت الا تشوفك وخلاص هانت قربته تطلع
**اوووف منتظر الايام تمشي زهجته خلاص عايز امشي البيت
يلا تصبحي على خير ما تساهري انتي كمان واتسحري كويس وقومي الصبح ادعي لينا .
__اكيد ياقلبي انا لسه بنوم شوية كدا منتظرة ابوي يجي من بره انت نوم وارتاح يلا تصبح على خير
**وانتي من اهلي .. طيب مع السلامة 💛
🌙⏰💤💤
✎﹏﹏﹏﹏﹏﹏﹏﹏﹏﹏﹏﹏﹏﹏
"قريب للجامع واقفين "
عمر : يا ابوي انا بمش قدامكم البيت"
احمد : خير يا الطاهر قلت دايرنا في موضوع
الطاهر : كلو خير إن شاءالله انا داير اكلمكم في موضوع عرس وصال وقصي حا يكون في مواعيدو العيد عقد وتمش مع راجلها.
محمود : عقد؟!!
الطاهر : اي عزومة فطور ونعقد ليهم
أحمد : دا كلام شنو يا الطاهر كيف عقد وخلاص ، بتنا شنو البنعقد ليها وتمش وهو نحن كان ما عزيناها البعزها منو غيرنا ، العز أهل افوو ، وصال ما بتعتب عتبة البيت من غير حفلة واحسن فنان نجيبو ليها كمان.
الطاهر : عارفكم ما بتقصرو ولا انا الاب البقصر في بتي كمان لكن دا رايها هي قالت دايرة تعقد بس وعندها أسبابها قعدت معاي واتفهمتها يعني ما بين يوم وليلة هي قررت قرار زي دا وقصي ما غريب عليكم كان ما وقفنا معاهم في الحارة نقيف متين؟!!
وخطوبتهم زاتا ما امس يعني عارفنو كويس وعارفين اهلو وواثقين فيهم تماما.
محمود : مش هو لسه في المستشفى؟
الطاهر : بطلع اسبوعين كدا بس عشان وضعو الصحي ما بقدر يعمل حفلة وكلام زي دا في الوقت الحالي وما الوضع الاصلا يسمح لينا في ظروف زي دي نفتح موضوع تافه نناقش فيه صالة وحفلة نحن رجال .
احمد : كويس طيب هم مستعجلين في شنو يأجلو العرس بس الدنيا ما طايرة
الطاهر : يا احمد دا كلام شنو كدي قول خير الحفلات وتبعاتا دي شغلات نسوان كمان الرجال ياتو يوم بتوقفو فيها وقول أجلناه حا نأجلو ستة شهور ، سنتين ولا رايكم شنو؟! وعلى الاستعجال الود ما فتح خشمو اصلا ، الخطوة دي جات من بتي وشاورتني اول كلمتني واخدت رايي وانا وافقته بالعكس انبسطه منها شديد. كونو ف ظروف كدا تقيف مع قصي .
محمود : "بنحنحة " لو جينا للجد الطاهر كلامو صاح
احمد : انا ما موافق بالعقد بس الدنيا ما طايرة يأجلوه شهر اتنين تلاتة وين المشكلة
الطاهر : انا قلت اوريكم وتكونو عارفين ان العرس حا يكون عقد في مواعيدو ان شاءالله كان ربنا حيانا والنساوين بتكلمهم امال .
"محمود بعاين لي احمد "
محمود : خلاص على بركة الله ربنا يتمم ليهم على خير
الطاهر : طيب سلام عليكم "رفع ليهم يدو واتقدم مشى"
✎﹏﹏﹏﹏﹏﹏﹏﹏﹏﹏﹏﹏﹏﹏
#بيت_ ناس_ وصال
#المطبخ
امال : البن دا كفاية ليك كدا يا زينب ولا اذيدو ليك؟!
__ لالا كدا كفاية ما تكتريه ، زيدي لي الطعمية والكفته والبليلة العدسية دي كتريها وختي بلح برضو والخمار ما تنسيه مجاهد معازيمو كتار وانا بكرا ما ناوية اجيكم ولا حاجة فتحت ليك اضانك فاطرين في بيتنا اول يوم دا..
رزان : "داخلة المطبخ بعدم انتباه" يلا يا ماما انا لملمته حاجاتي جاهزة
امال : اجي انتي ماشة وين كمان؟ والله ما بتمشي مننا البيت ببقى لينا فاضي
زينب : اجي شنو بتي تصوم معاي اول يوم اقعد انا والحيطة نفطر سوا وبعدين ممتحنة التهجس في البيت هناك تقرا هنا بعدنها ونسة وقرقرة هي وسلمى شايفاهن.
امال : اي كيتن عليك لانك ابيتينا
زينب : لملمي لي حاجاتي دي ما فاضية ليك انا هسي ، كدي يابت تاوقي الطاهر دا لسه ما جا نحن ماشين النمش افقد اخوك دا
"صوت الباب بفتح"
امال : اها دا هو جا ، سمح اقعدو اتعشو واصلا هو دايرنا الوقت زاتو اتاخر اتعشو ساي وامشو
الطاهر : ديل ماشين وين؟!
زينب : ماشين بيتنا
الطاهر : كدي تعالو بره هسي عندي موضوع معاكم ، امشي يا رزان نادي وصال
"امال وزينب بطلعو وراه وبقعدو في الكنبة في الصالة وكل واحدة تعاين للتانية"
وصال : جيت يا ابوي
الطاهر : بدون كلام كتير عقد وصال تالتة العيد في محلو والعزومة فطور وكان الله يحب المحسنين.
امال : الكلام دا شنو يعني ما فهمتو؟!
وصال : يعني عرسي بدون حفلة حنة وبدون حفلة بالمختصر المفيد عقد وبس.
زينب : هييي يا وصال شغل التلاتيق دا شنو؟! واعية انتي للبتقولي فيه دا؟!
وصال : واعية يا عمتو انا دايرة كدا وعليكم الله بدون كلام وجوطة خلوني اسوي الراحتي فيه.

رِوايات سُودانية🪐🤎!)"

19 May 2025 18:37

"عليه الصلاة والسلام"
ابوي : ماشين التراويح؟!
امي : انا ووصال وزينب
ابوي : كويس امشو اتجهزو انا بطلع قدامكم وبعدها يا آمال تعالو البيت عندي معاك موضوع ما تغشي اخوانك.
آمال : خير يا حاج الطاهر
ابوي : كل الخير ان شاءالله
"طلعته منهم وجيت اتجهز للصلاة "
✎﹏﹏﹏﹏﹏﹏﹏﹏﹏﹏﹏﹏﹏﹏
#المستشفى
"جوه غرفة باللون الازرق الخفيف وسرير متوسطها وكنبة وتربيزة بالخشب البيج الخفيف ودولاب بالرمادي
واقفة الممرضة جمب قصي بتقيس في الضغط وصوت الجهاز بعمل في صفارة تيت تيت "
**بكرا على الساعة 9:00صباحا حا يكون عندك جلسة علاج طبيعي دكتور مؤمن بمر عليك قبل تطلع الجلسة الصباح.
"حرك ليها راسو بالايجاب دون يتكلم"
فوزية كانت قاعدة في كرسي بتصلي في العشاء
__لو سمحتي قللي التكييف دا شوية امي ما بتنفع معاها البرودة
**كويس "بتمسك الجهاز وتيت تيت "
"جات خاشة خدمة الغرف بالعشاء ختت صندوقين على التربيزة وختت قزاز موية وطلعت"
"وبعدها الممرضة طلعت"
"جرا الغطاء ومسك تلفونو"
الباب بفتح وصوت بقول :
**السلام عليكم أمسيتو كيف؟!
__حنين جاية لشنو براك بالليل كدا؟!
**قول بسم الله يا ولد ورد السلام كدي اول ، جيت مع بابا نزلني ومشى يصلي التراويح صادفنا الهادي بره طلع معاه ..
فوزية : السلام عليكم ورحمة الله ، السلام عليكم ورحمة الله
**تقبل الله يا خالتو
فوزية : منا ومنكم صالح الاعمال يارب
هاك يا حنين المصحف دا رجعيه هناك في الدرج
**حاضر "بتقوم تشيلو منها وبتجي تقعد جمب قصي"
"فوزية بتخش الحمام وهي بتتكل على الكرسي"
حنين : "بتقوم سرعة عليها تساعدها وبتجي على قصي"
**الدكتور الليلة قال شنو وبدو ليك العلاج الطبيعي؟!
__قال اني كويس الحمدلله لا لسه بكرا
**اجيب ليك العشاء ؟!
__لالا خلي امي تجي بناكل سوا
"بقى في سكات للحظات"
انتي اكلتي؟! اتسحرتي؟!
**" بإبتسامة" بتسحر بعد ارجع البيت لبعدين
بكرا وصال حا تغشاني قالت في الجامعة
__وصال!!!
**اي عارف اول ما لاقيتها جات مارة بجمبي جارية وحالتها حالة كانت حتى دعيت ليها ولي محاسن الصدف جيت لقيتها خطيبتك ، دموعها ما وقفت من البكى كل ما الاقيها بلقاها ماسكة المصحف والسبحة لدرجة كانت واقفة بحمتها وما حاسة بروحها جد والله انا حسيت بحبها شديد ليك واتمنيت لو القى لي زول يحبني كدا ما بقول اني حسدتها لانها حبيبتك وخطيبتك وقريبة ليك مني..
بس اتمنيت انك تعاملني ك اخت ما طالبة اكون مقربة ليك زي وصال بس عاوزاك تكون جمبي وتحسسني اني اختك "بتقش في دموعها"
"كرب بتطلع "
تعالي يا خالتو عشان تتعشي مع قصي
"بتجيب التربيزة وبتقرب الكرسي "
فوزية : ارح تعالي ماشة وين انتي؟!
**لالا انا حا اتسحر لبعدين ما جيعانة هسي ، ماشة اتوضا اصلي العشاء ما صليتو.
✎﹏﹏﹏﹏﹏﹏﹏﹏﹏﹏﹏﹏﹏﹏

"سهاد وأحمد في الشارع بعد التراويح طلعو من الجامع وماشيين يتونسو على مهلتهم"
__ياالله شوف الجو دا سمح كيف راييق وهاااادي واماااان كدا سبحان الله رمضان رمضان احساس الطمأنينة كدا
**هسي عايز اقول ليك كدا ختفتيها من خشمي
__هي خلينا نسرع البيت انا عندي شغل كتير وانت حا تساعدني دايرة ابل الكبكبي واسحن البهارات وابل الفول واجهز لينا سحور ظابط كدا وتختمو بي رقاق
**عليك الله نتونس حبة ونشم لينا هوى وبعدين يازولة انتي دايرة تعوقيني ولا شنو؟ الرقاق دا صحيني قبل الاذان بشوية سندة اخيرة "بضحك"
__اها اها الجرسة بدت من هسي قول بسم الله لي هسي رمضان ما بدا ولا خشى العضم زاتو
** بسم الله ، انا بفكر امشي المستشفى اول اتطمن على قصي وارجع نتعشى الوقت لسه
__لسه شنو بالعكس إتأخر ما بدخلوك تاني ، صحي بالمناسبة دي مش عرسهم كان حا يكون في العيد هسي حا يتأجل ولا كيف؟!
** ايوة غالبا مع الحصل دا بأجلوه مستحيل قصي دا يرضى بعرس عادي انتي ما شفتي مخطط لعرسو كيف نايم وصاحي بيه
__شكلو بحبها شديد
**واكتر من كدا وصال ما مجرد حب عادي علاقتهم دي مميزة في حد زاتها.
__ايوااا قلت لي "بتسكت"
**مالك سكتي؟!!
__ما سكته بس كنت بفكر في علاقتهم مميزة دي لاني كان نفسي اعيش قصة حب قبل الزواج ما اعرس عرس تقليدي
** عارفة عرسنا بالطريقة دي ربنا ببارك لينا فيه وهسي عايشين علاقة حب بتفاصيلها كفاية انك هبة الله لي مونساني وباسطاني ومريحاني وماف شي بفرقني عنك الا الموت تاني.
__"بضيق" اوعك تقول الكلمة دي تاني
** "بضحك" للدرجة دي بتحبيني وما بتقدري تفارقيني
__بطل هظار يا احمد في الموضوع دا وغيرو خلاص
**خلاص خلاص معليش ما بعكنن عليك ح اقعد ليك كدا في قلبك لما تزهجي مني انا اصلا ما بتمنى شي زيادة ياخ انتي عندي عندي بالدنيا كلها الزينا منو بس اتحدا اي زول ، كفاية انك مرتي .

رِوايات سُودانية🪐🤎!)"

19 May 2025 18:37

الهادي : كلامك المسيخ دا !
وصال : هه انا حا امشي لو في اي شي كلمني عليك الله
الهادي : حاضر - استني دقيقه اكلم احمد يوصلك
وصال : لالالالا معاي عربية عمتي
الهادي : طيب تمام - عربية قصي موجودة برضو
وصال : عربية قصي ! مش مع احمد ؟
الهادي : جاب موتر تاني ..
وصال : اها تمام لو احتجتها بكلمك
الهادي : تمام طيب .. يلا
وصال : مع السلامة ..
الهادي : الله يسلمك ..

و من هنا … مرت الايام ، كل يوم و التاني بحاول امشي اشوف قصي و اتطمن عليه رغم رفض الدكاترة المستمر لانه لمن بشوفني بحاول يتكلم ، بقولو م مفروض يبزل مجهود في حاجة ، المهم بين يوم و التاني  بقينا في آخر يوم من شعبان و انا قلبي مقسوم نصين ، نص مع قصي و نص معاي ، عايشه على اعصابي رغم ان كل شي عن قصي كان مطمن لكن طالما م قدام عيوني انا ما بتطمن برضو حتى بعد كلامو معاي ..
فاتو 18 يوم على وجود قصي في المستشفى -
ريحة رمضان كانت ماليه كل مكان و تحديداً قلوبنا ..
زينة بيتنا و زينة شارعنا - و الهدوء و السعادة الكانت مالية قلوبنا و رحمة ربنا البنحس بيها محاوطانا من كل اتجاه ، احساس انه انحنا بخير كون ربنا بلغنا الايام المفترجة دي - كان فاضل 12 يوم على خروج قصي من المستشفى ، لي لحظه أستوعبت انا فرحانه انه حيطلع من المستشفى ! طيب و بعده ؟؟ حيحصل شنو ؟؟؟
لقيت انه جا الوقت المناسب اواجه قراراتي ، و كان لازم اقعد مع أبوي و من ثم خيلاني و باقي أهلي …
و بالفعل في نفس ليلة رمضان - مشيت لي أبوي و قلت ليه  :

وصال : فاضي ولا انتظر بعد التراويح و تبقى سهرة جميله ؟
__ أفضى ليكي ، و لسه ساعه على الصلاة ، تعالي " خت تلفونو من يده "
وصال : حاصل عليك شي " و انا بقرب منه و بقعد في الكنبه جمبه "
__ كالعاده لخبطة في الشغل !
وصال : حاجات ينفع تتحكي لي ؟
__ عندي زميل عمل ، طلب 15 عامل لمنطقة معينه عنده في المصنع لتقسيمات هما أدرى بيها ، و ما كان ينفع اتأخر عليه رغم انه ما مجالي ولا حتىجزء من شغلي ، و لكن الدايرين ياكلو عيش كتار و رزق الله واسع ، موافقتي كانت جزء من رد جميل قديم لخدمة قديمة ، المهم في خلال 8 يوم ، وفرت ليهو العمال بمساعدة الشباب معاي اكيد - و رسلنا ليهو المجموعه الطلبها ، و بعد مراجعة لمتطلباتهم و شروطهم تم قبول 12 منهم و بكدا انا دوري انتهى !
بعد تلاته يوم بالضبط اتنين من العمال ديل ، دخلو المكتب و سرقو منه حاجات و طبعاً الكاميرات جابتهم و للاسف بقت في وشي انا و بسبب الاتنين ديل ، تم فصل العشرة الباقين اللي جبتهم !
وصال : لا حول ولاقوة إلا بالله العلي العظيم ! حزينه والله يا ابوي
الدنيا دي ابواب الخير فيها كتيرة ليه الناس بتلجأ لباب السرقه م قادرة استوعب ..
__ منظري بايخ قدام الراجل
وصال " قامت باست راسه " : حاشاك انت م قصرت معاه و لا ديل بتعرفهم معرفه خاصه ، م تلوم نفسك .. بالعكس تماماً خليك طبيعي و عادي ، و بعدين كون يفصلو الباقين من غير وجهه حق دا ظلم و إداري فاشل بالمناسبه ..
__ من حقه
وصال : لا م من حقو
__ طيب م علينا ، كنتي عايزاني في شنو ؟ احكي لي !

وصال " اخدت نفس و قربت منو و قلت ليهو  " :
بعيد عن الحصل لي قصي في الفترة الاخيرة كلم عم محمد انه " انا عايزة العرس يتم في نفس زمنو  المحدد " !!

يتبع …

#أستككانة🦩🌶️

#فاطمة_قسم_الله
#سحر_سمير

رِوايات سُودانية🪐🤎!)"

20 May 2025 18:01

"الخرطوم حرة...
وصوت الرصاص
صار نشيداً للنصر:(!•"

في عتمة الليل، بزغ فجرٌ من دمٍ
‏وسُمِعَ التكبير من قلبِ الألم
عادت الخرطوم حرة،
شامخة كالجبل
تُصافح نيلها،
وتغسل وجع الزمن!
هنا سقط القيد... وارتفع الوطن

‏لا تسأل كيف انتصرنا!
ففي صدور الرجالِ وقود المعركة.
وفي دعاء الأمهات سرّ الكفنِ!!:).
يا من راهنتم على انكسارنا
خسِرتم
فالخُرطوم لا تموووووووت!!!

وإن انحنَت ،
فإنما هذا  لتنهض من جديد!)

هُنا..
هُنا.. كتب الأبطال بالرصاصِ بيانهم!❤️❤️.

رِوايات سُودانية🪐🤎!)"

20 May 2025 16:19

سلمى : ردي ردي عليها سرعه .. جيبي التلفون طيب ! ( شالت التلفون و دخلت جوا )
سراج " ركز و صنَ " !
زينب : ربنا يخليها لي امها و ابوها - كان يوم نمشي لي امها زيارة يا امال و الله البت دي م قصرت مننا ، و ما قطعت كراعا دي مننا اصلو !
امال : فوزيه ما بتزعل ؟
زينب : اجي ! البزعلها شنو ؟ هي بتريد حنين و ما شايفه عندهم مشاكل كدا واضحه - ما تربطي الامور دي بي بعض !
امال : خلاص طيب عداك العيب - نصلها طوالي ، نكلم حنين يوم تجينا عشان تودينا منطقتهم قالو بعيدة !
سراج : بوصلكم انا لو مشوار عشان عمتو م تسوق مسافة !
زينب : خلاص اتفقنا !

سراج " عاين لي رزة شديد و قاليها " : قومي اجهزي يا رزة
رزة ( بي بهجة ) : حاضر
زينب : شوف حاضر دي والله ما عرفتك هه
سراج " لسه بعاين ليها لحد م مشت " -

زينب : يا سلمى ، ما تقفلي من حنين جيبيها اديني ليها !
سلمى " جات " : هي قالت جايه علينا
رزة : متين ؟
سلمى : قربت علينا ، كانت في مشوار قريب مننا عشان كدا اتصلت
امال : جايبه منو ؟
سلمى : اظن راكبه ترحال !
سراج " وقف على حيلو " : انا طالع برا
امال : امشي مع اخوك انتظروها
سراج : خليها مافي داعي " طلع "
رزة : يعني ما حنطلع !
سلمى : حنطلع ي بت عادي تطلع معانا هي زاتا ! عمتو انتي كنتي عايزها لشنو ؟
زينب : دايرين نمشي لي امها
سلمى : انا معاكم بعدين ! حمشي احصل سراج !!

#سراج_بيقول :

انتظرت خشم بابنا رايح جاي ، برفع راسي مع كل صوت عربيه متحركة في الشارع ، و فجأة سمعت صوت كوراك و جوطة كالعادة عند جيرانا ناس عم عثمان ، و كل مرة بقول ربنا يصلح الحال لكن فكرت بيني و بين نفسي ، شنو الممكن يجبر أم انها تطرد ولدها من البيت و تجدع ليهو ملابسو و شنطتو في الشارع -
سرحت معاهم بقيت لا عارف امشي احجز و لا عارف ابقى في حالي و دمي فار مع الموقف - لحد م سمعت سلمى جمبي بتقول :
سلمى : الناس ديل حدهم وين يا الله يرحلو من هنا ياخ !
سراج : صلحي طرحتك دي طيب ! جابك شنو ؟
سلمى " لمحت حنين في العربيه " : هيي حنونة جات ..
سراج " اتقدم على العربيه ، اتكلم مع السواق بيطلع جزلانو و بيتكلم معاه ، حنين قالت ليه "

حنين : انا حاسبتو يا سراج بس منتظرة الباقي !
سراج " شال منو القروش و حاسبو و خلا مشى ، و مد ليها القروش " : امسكي !
حنين : ما شال !
سراج " مد القروش لي سلمى قاليها " : اديها ليها ، و خشو جوا ! ( عينو في الشكلة و مشى عليهم )
سلمى : ارح يا حنين - كيفك بالله و كيف خالتو ..
رزان " كانت واقفه وراهم في الباب " : حنون ، كيفك تمام ؟
حنين : بخير ي رزة والله حمدلله الا الصداع لاعب بي لعب !
سلمى : سلامتك والله
( دخلت سلمت عليهم و قعدت معاهم )
امال : اخوكم وين يا بنات ؟
سلمى : مشى على الجوطة بتاعت ناس عم عثمان ديل
زينب : سجمي هو مالو و مالهم
امال : هو البدخلو في نصهم شنو ؟ هم ديل مشاكلهم بتخلص كمان لا حول ولا قوة الا بالله !
سراج " جاي داخل و بقفل الباب ": جيت جيت - الواحد لا عارف يسكتهم لا عارف يحجزهم ياخ الله يكون في عونهم !

زينب : م عندك شغله بيهم يا سراج
امال : بس ااي !
سراج " سرح في حنين سرحة خفيفه كدا بي ابتسامة "

سلمى : اعمل ليك قهوة ي حنين تشيل ليك الصداع دا !؟
سراج " انتبه معاهم "
حنين : بري م قعد اشرباا - عارفه والله حاسه راسي داير يطير من المحاضرات الليله كان ضغط شديد !
سراج " ابتسم " : بتقري شنو ؟
حنين : اعلام
امال : جليتي من الطب م شلتي من اخوانك و ابوك
حنين : م جليت شديد هههه
سلمى : وشك و شكلك دا اصلا شكل اعلام
حنين : هههه عندي الكاريزما غايتو الباقي الله يجيبو
زينب : ربنا يحفظك
حنين : عايني بندول ريفو اي شي عليك الله ي سلومة
سراج : خليك يا سلمى انا معاي اكسترا الاحمر كويس
حنين : بسس بسس بس ااي عليك الله ، دا عز الطلب
سراج " ضحك " ( مشى جاب ليها شريط ) : خلي معاك
حنين : لالا م بينفع يقعد معاي دا حخلصو في ساعتو و حا اضر نفسي ساي ، لانه حرفياً الصداع م بفارقني !
سراج : عندك جيوب ؟
حنين " بتعاين في ملابسها " : عندي جيب واحد في الاسكيرت
سراج : ههههههه ههههه جيوب انفيه قصدي

"بقو يضحكو كلهم "
حنين : ااخ ي راسي والله م قادرة اضحك هههه ، لالا م عندي
بس م بستحمل الشمس و بحوم فيها كتير

سراج : ربنا يدي العافيه … انا داخل جوا ، لو حتطلعو اجهزو و كلموني !
حنين : عاينو شوفو برامجكم وين ، انا كنت قريبه منكم جيت قلت اشوف الحاصل عليكم ، انا بمشي يادوب اللحق اصل بيتنا !
( كلهم بحس واحد ) : تمشي وين مافي مشي متين جيتي !
حنين : انا بس جيت اسلم عليكم والله ، مرة تانيه اجي اقيل معاكم
زينب : بيتي و الصباح بنمش معاك كدا كدا عايزين نصل امك
حنين : بيتان ياريت والله مع الصداع دا لكن صعب عديل
سلمى : عليك الله امرقي معانا ياخ !
رزة : بنوصلك لحد البيت ! صح يا سراج ؟

رِوايات سُودانية🪐🤎!)"

20 May 2025 16:19

مسحت يدو لي في وشي و في عيوني و في كل تفاصيل وشي ، بوستو الفي جبيني و بين حواجبي - و ريحة عطرو المفضل عندي !

فوقني من احساسي بي همس منه قال لي :
قصي : إستحمليني
وصال : هوسسس ما تتكلم ! خليك ساكت
قصي : ساعديني !
وصال : كيف ؟
قصي : عايز ارقد ، حاسي اني ما كويس .. ممكن ؟؟ و بعدين انتي ليه لحد اسي متجرجرة بي توبك السمح دا ! شكلو عاجبك !!
وصال : ما اتعودت منك ما تعلق لي على اي حاجة اللبسها !
قصي : لاني اتعودت انك البتحلي الحاجات ! طلعيهو و تعالي ساعديني ، معليش حتعبك شويه ! و لا اقول ليكي تعالي جاي " نزلو من شعري و فك الدبوس من الكتف ، و جرا الجدعه ! و قال لي قومي اقيفي - وقفت و قالي قربي - فك الربطة بملامح وشو الكانت ضاحكة و مليانه حب ، قال لي شيليه ، شلتو ختيتو في الكنبه لحد ما اوصلو السرير بعدين قلت اللمو .. لكن لاحظت لي نظراتو لي ، لمن قال لي ) :
قصي : مُحلية الفستان !
وصال : احم دا عشان قلت ليك متعودة منك تعلق ؟
قصي : لا .. دا عشان انتي جميله و اول مرة اشوفك كدا ، فستان كدا يعني و شعرك كلو ظاهر و تفاصيلك جميلة شديد يا وصال - لدرجة عاينت لي نفسي و حالتي و عاينت ليك و استخسرتك في نفسي ! م حرام وحدة بجمالك دا تكون متزوجة واحد **قاطعتو !!
وصال : قسماً بالله !! اسمع منك الكلام دا تاني يا قصي و لا تكمل كلامك دا انا حزعل منك شديد وًحتخليني اراجع نفسي مليون مرة ، لانك محسسني اني اخترت الزول الغلط لان ببساطه بخت نفسي مكانك و حتخيل انك وقتها حتستخسر نفسك فيني !!! صح ولا كيف ؟؟؟، كفايه اضطراب المشاعر العيشتيني ليها في اليوم دا و خلي يعدي على خير يا قصي !!! خليني اساعدك

( قربت الكرسي من السرير و لذيتو لحد السرير و مسكتو من ضهرو و قلت ليهو - حمل علي و حاول تسحب نفسك معاي - حمدلله بسهوله قدرت اوصلو فوق السرير و صلحت ليهو المخدات و فردت ليهو اللحاف - و سحبت الكرسي على جمب .. قلت ليهو ) :
وصال : حا اقلل المكيف شويه ( مسكت الريموت قللت البرودة ، و مشيت لي درج العلاجات - اديتو الحبة و شلت الروشته و شلت النوته من شنطتي و قلم - قلت ليهو )
وصال : انا برا لو م سمعتك رن علي ..
قصي : تعالي لحظه عايزك !
وصال : نعم
قصي : تعالي قريب ؟
وصال " بإستغراب " : طيب — نعم !
قصي : في شنو قربي يا وصال عايز النوته الفي يدك دي !؟
وصال " قربت مديتا ليهو - لقيتو جر يدي بي قوة خفيفه و سحبني عليهو " : قصي .. قصي … لالا في شنو ؟
قصي : خفتي ؟
وصال : على فكرة انت عارف الحركة دي كان ممكن تأذيك ! انا وقعت بي تُقلي كلو عليك يا قصي !!!
قصي : وينو تقلك دا ! انتي شايفه نفسك كلك قدر شنو ؟؟
نسيتي نفسك بتوصلي لي وين ؟؟
وصال " بتوتر " : طيب فكني ماسك فيني كدا لشنو ؟
قصي : كيف ماسكك لشنو ؟ عايز انوم قلت ليكي
وصال : اجي ! طيب عايز تنوم انا مالي ؟ ما تنوم - فكني
قصي : انوم كيف طيب ؟
وصال " بي توتر و قلق " : قصي بطل ياخ - فكني جد
قصي : و لو ابيت !!
وصال : اسي مش عامل فيها معصب و قلت كلام مافي داعي اعيدو ليك ؟ داير مني شنو اسي !!
قصي : دايرك - جمبي !!!
وصال : نعم !
قصي : وصال - تعالي جمبي ممكن ؟؟
وصال : حاضر !!
" ختيت الحاجات الفي يدي في الكومود - و صلحت رقدتي جمبه "
قصي : ممكن ! تقربي …. اكتر اكتر !!
وصال : فف في شنو يا قق قصي
قصي : وصال ما داير اعمل حاجة لان اصلاً م بقدر اعمل حاجة مافي داعي للخوف و التوتر دا - خليكي عاديه ممكن ؟؟ لانه ردة فعلك دي بتحسسني بي عجزي - اتطمني م داير حاجة غير انك تكوني جمبي !!
وصال : اللهم يطولك ياروح … حاضر يا قصي ..
قصي : بحبك
وصال : انا اكتر منك بي كتير شديد
قصي " قرب منها " :جد !؟
وصال : امم جد ……………………..
(…………..)

#في_جانب_تاني
" جرس الباب "

" كللن.. كللن ..كللن "

سهاد : مفتاحك وين يا احمد الله يهديك
" كللن- كللن "
سهاد : ايوا طيب طيب جايه .. الصبر الصبر .. ( بتفتح الباب )
سهاد ( واقفه مصدومة ) : أنتي !!!!؟؟؟؟؟؟؟؟؟؟
__ معقول ! بتقابلي ضيوفك كدا و بتوقفيهم في الباب كدا !!!؟
سهاد : منيرة !!!
__ ( لذتا خفيف و دخلت ) : ماشاءالله بيتك مبالغه ، شنو يعني من ديك و عيك ..
سهاد : منيرة دقيقه ! دقيقه … معليش والله م حينفع تدخلي
بعد ازنك ممكن تطلعي برا ؟؟
__ " اتلفتت عليها بي خلعه " : معقولة! بتطرديني من بيتك ! خلاص عملتي ليكي بيت و بتطردي منو ؟؟؟
سهاد : لو سمحتي يا منيرة امشي قبل احمد يجي انا م دايرة مشاكل !
__ احمد ! وجع .. قالت احمد ههههه احي انا - هارشك ولا شنو حبيب القلب !؟ لالا عادي اتطمني ! هو زاتو لو شافني حيرحب بي ! انا جيت ابارك ليك العيد بس والله ! عارفه من رمضان الجية دي لكن انشغلته شويه !! اها اخبارك شنو ؟ ( بتتلفت و تفتش في نص الصالة )

رِوايات سُودانية🪐🤎!)"

20 May 2025 16:19

قصي : وصال !
وصال : هاه حبيبي قول لي سامعاك ؟
قصي : نعسان ممكن ننوم ؟؟
وصال " بعدم استيعاب - لمست جبهتو " : في شنو حاسي بي شنو !!
قصي : حاسي اني عايز انوم !
وصال " ب استغراب " : اسي ؟؟
قصي " بي انفعال " : ايوا اسي يا وصال
وصال : طيب طيب حبيبي هدي ! مالك ؟؟؟ بسم الله قصي في شنو ؟
قصي : لسه بتسألي ؟؟ انتي عايزة شنو يا وصال ؟؟؟
وصال: قصي لا إله الا الله مالك ؟؟؟ اسي مش كنت كوييس و كنت بتدعي لينا ! مالك ؟ لو في حاجة واجعاك وريني لكن م تنفعل كدا و اكون م فاهمه الحاصل عليك شنو !

قصي : عايز اغير ملابسي و انوم !
وصال " بي احباط " : تمام ….
( قامت مشت فتحت الدولاب ، طلعت ليهو غيار - و مشت عاينت في درج العلاجات طلعت الروشته ، راجعت المواعيد حقت العلاجات و جات قالت ليهو )
في عندك حباية بعد ساعه و نص كدا حا اصحيك تمام ؟
اسي ديل ملابسك - اساعدك بشنو قبل اطلع ؟؟

قصي : بس انا ما قلت ليك جيبي لي حاجة ، انا براي بقدر اشيل حاجتي من الدولاب !
وصال : معليش .. انا استعجلته ! " مشت رجعت الملابس الدولاب - و شالت حاجاتها و قالت ليهو "

وصال : طالعه برا - اقفل ليك الباب ولا حاجة !!
قصي : قلت ليكي براي حقدر اتعامل !
وصال : تمام … " طلعت من الغرفه من غير تنطق حرف " !!

يتبع …

( في الحلقة الجاية )

اتخارجي براا بيتي انتي و صباعك دا - لميه عليك عشان م اكسرو ليك عِبرة و بالمرة حاجة م تنسيك لي كلوكلو - ما أصلو شكلي ماخدة عقلك تهاتي بي بالسنين ما نسيتيني !
دي الحالة ما عملت ليك شي ! و العجب لو عملت ليك ! هاهاها ..

#أستككانة 🤍🔥
#فاطمة_قسم_الله
#سحر_سمير

رِوايات سُودانية🪐🤎!)"

20 May 2025 16:19

حنين ( مشت لي فوزية ) : انا حمشي بعد دا ، عايزة مني حاجة قبل امشي ؟
فوزية : تمشي وين براك يا بتي ؟
حنين : ابوي برا
فوزية : يعني ابوك يخلي الرجال و يجي يوصلك !؟!! انتظري شويه انحنا الهادي بسوقنا لي اهل مروة امرقي معانا مرة وحدة ، بنوصلك و نمش احنا !!
حنين : حاضر ! يا خالتو .. ( سكتت مسافة و بعدين قالت ) يا حليل وصال .. يارب تسعدهم و تهنيهم يارب
" كل الجمبها بصوت واحد " : اللهم امين يارب يهدي سرهم -
امال : يارررب يارب و يهنيك و يوفقك يا حنونه يارب نقيف ليك و نفرح ليك و نهجج ليك الماعملناهو لي وصال وقصي نسوي ليك !
فوزية " بي تحسس ، صلحت توبا و صلحت قعدتا و مسحت وشها و عاينت لي مروة "

مروة ( طلعت تلفونا و قامت من جمبهم ) !

#في_جانب_قريب_منهم

" جوطة "

وداد : لا حول ولا قوة إلا بالله … يا ولدي الله يهديك .. اقول شنووو
غلبني البسوي والله غلبني !
عثمان " اول مرة يرفع صوتو في البراء " :
انت ناوي ترجل متين ؟ هاه ؟؟؟ ولا اخاف تقوم تمرق حزامك دا و تحمطني بيو انا زاتي ! لانو اصلاً دا الفضل ليك تاني تمسكنا انا و امك ديل تمسح لينا وشوشنا دي في الارض ! ياخ انحنا بقينا قدر السمسمة قدام الناس و الجيران كل يوم والتاني كواريك و جوطة ! بس فهمني انت ما داير تفهم ليه البتعمل فيو دي ما رجوله ، انك تستقوى على حريم دي ما رجوله ؟؟؟ عشرتي مع امك دي بالسنين جطنا و اتشاكلنا و وصلنا للطلاق عديل م حصل مرة مديت يدي دي عليها !

وداد : عثمان دا م بفهم الكلام ، شوف بت الناس يا عثمان
اسي انا اوديها لي اهلها بي منظرها دا كيفن بس وريني ؟ البت وشها زي المرتبه م مفهوم ليه اي حاجة !؟ ليه يا البراء حرام عليك البت صغيرة ! فوق لي دا كمان بي طلاقها ! ليه يا ولدي حتى العرس ما هداك !
البراء : اسمعوني سمح ! انا امور الحريم دي ما بتخارج معاي ! البت اكان م نافعه ترجع اهلها وين المشكلة ؟ زي م جبتيها رجعيها انا ما دايراها !
وداد : كل دا فوق شنو ؟ عشان مشت الدكان ؟؟؟
البراء : البطلعها شنو من غير علمي يمة ! اكان من هسي رخيت ليها الحبل تخش و تمرق زي الغنماية بتكسر لي رقبتي قدام خلق الله !

عثمان : عشت 51 سنة من عمري دا و الشيب ملا راسي ملي
ما حصل لاقيت لي واحد متخلف و جاهل و م بفهم و ما عنده مخ زيك ، انت عارف انا معرس الحريم ديل كلهم لشنو ؟
عشان كنت سافي التراب لمن ربنا يبل ريقي بي خلفة الولد ! يوم الله جابك كفر ذنوبي دي كلها بيك ( عاين لي بيان ) .. سوقي البت دي معاك جوا و ساعديها تلبس بوديها المستوصف !
البراء : ( نفخ و هفهف و شو و طلع الشارع ) !
وداد : الله يسامحنا في حقها ، يارب تسامحنا في حقها
عثمان :حسبي الله و نعم الوكيل - انا برا في العربية راجيها وحدة منكم تلبس عبايتا تجي معاي !
تقى( بعد ابوها فات و بيان مشت مع مرة البراء ، قربت جمب امها و قالت ليها ) : يمة بتودوها عند اهلها ؟
وداد : لا
تقى : مش قال طلقها تاني تقعد كيف معانا ؟
وداد ( بي ضيق ) :جيبي الكرسي داك و تعالي معاي يا تقى !
تقى : لشنو ؟
وداد : سوي البقولو ليك ! حصليني غرفة اخوك !
تقى : يمة لا انتي دايرة يكسر رجولي ! عليك الله لا دايرة اخش غرفتو ولا دايرة اجي جمبو ، خليني بعيد !
وداد : حتسمعي البقولو ليك و لا عندك راي تاني ؟. قومي قلت ليك يا تقى !
تقى " بي خوف " : حاضر حاضر " بتنقنق " !

#جانب_زينب
( جوا غرفة وصال ، قاعدة بي طرف السرير و ممحنه )

" الباب فتح "
امال : في شنو يا زينب !
زينب : تعالي تعالي خشي و اقفلي الباب !
امال : بسم الله الرحمن الرحيم ! في شنو ؟؟ حاصل شنو
زينب : ما حاصل حاجة تعالي
امال : قلقتي بي خليت الحريم قاعدات و جيتك ! في شنو يا زينب ؟
زينب : في حاجة شاغله بالي و ما متطمنه !
امال " قعدت جمبها " : في شنو للمرة التالته دمي نشف !
زينب : طيب .. اا صراحة جيت مارة جمب مروة مرة الهادي ! سمعتها بتتكلم و بتقول للهادي حسب الفهمتو ! كيف يعني نجي البيت و نبيت عادي في نص العرسان ! اخوك دا جن ؟ و انا اتعنيت اسمع الجملة دي للاخر اتمحركته جمبها لانه فجأة قلبي اكلني ، و صراحة بقيت خايفه على وصال يعني عشان في نوع كدا من الناس بتفهم التنازلات دي غلط لا سمح الله استرخاص و تقليل من النفس و البتنازل مرة و يضحي مرة بتجر مرة ورا مرة و خايفاها تعيش في الدوامة دي طوالي يا امال ( سكتت ) ….. امال … هي ! امال !!!!

امال " بي خلعه " : هاه !!
زينب : هاه شنو سمعتي كلامي دا و لا راح ساي ؟
امال : دايرة الجد يا زينب يا اختي ؟
زينب : احكي !
امال : انا زاتي الحصل دا م عاجبني بس انتي عارفه وصال ، و دي ما انانيه مني والله و لا قلة اصل مني بس اي أم بتتمنى الاحسن لي اولادها ، و غير سعادتهم ما دايرين ، يعني اي نعم انحنا وضعنا ميسور و الحمدلله و مافي زول حيحوجها لي حاجة ، لكن كمان نعاين لي حالة قصي دي م معروفه يعني مستقبلياً فاهمه علي ؟

رِوايات سُودانية🪐🤎!)"

20 May 2025 16:19

مصطفى سيد احمد لما قال :
من بعد ما عز المزار ، والليل سهى و ملت نجومو الانتظار والشوق شرب حزن المواويل وانجرح خاطر النهار وبقيت اعاين في الوجوه واسأل عليك وسط الزحام ..
كان عارف إنو في حياتك حيجي زول واحد بس يطفي كل الموجودين حولك ، حيجي زول واحد يسند حيلك المايل يتحمل تعبك وزهجك وعدم ثقتك وكسرتك ف الاول ،حيبقى ليك دواء كل يوم يشفي بيه جرح السنين لحدي م تتعافى تودع بيه قسوة الماضي ، وتفتح للمستقبل الف باب فرحة ،وتبدا عشانو تحب الحياة تاني ، الحياة الكان لونها باهت ورمادي حتاخد الوان تانية فرايحية حيلمحوه ف وشك ، صوتك ، عيونك ، ضحكاتك ، وحتى كلامك المفرهد .."

______

#مندرين14

اول ما وصلنا بيتهم ونزلنا على الباب قصي مسك يدي شديد "رفع راسو عاين لي عيني في عينو"
قولي بسم الله الرحمن الرحيم
"بهمس مع كلامو"
اللهم إني أسألك خير المولج وخير المخرج باسم الله ولجنا وباسم الله خرجنا وعلى الله ربنا توكلنا..
وصال " بي أبتسامة " : اللهم امين يارب .. خليني اساعدك

وصال : الهادي معليش ممكن تصورنا ( مدت ليه تلفونها و نزلت على قصي عشان اكون قريبه ليه و نظهر في الصورة سواا )
الهادي ( شال التلفون ): اضغط هنا بس ؟
وصال : اي اي
الهادي : يلا اضحكو … وااحد اتنين ….. تلاته " تشك تشك تشك "
وصال : شكراً ( الله حلويييين شديد )
الهادي : ولو … يلا خليني ادخلكم عشان طالع معزومين عند نسابتي
قصي : تعبناك معانا يا غالي
الهادي : اسكت اسكت …
قصي : احمد ما كلمك ؟
الهادي : لالا ليه ؟
قصي : ما عارف لمحتو ساعة العقد و تاني اختفى و ما شفتو لمن مشينا -
الهادي : ما وقت احمد اسي
قصي : طيب ناس امي الحيجيبهم منو ؟
الهادي : ناس امي ما جاين الليله بايتين عند ناس مروة بهناك عزمونا كلنا من اول يوم العيد العزومة دي !
قصي ( بي انفعال متدارك ) : غريبة ! بس امي م بتحب تبيت برا البيت يا الهادي بالله انا فاهم حركتها دي كويس ، ارجعو يا الهادي كلكم بعدين لو سمحته !
وصال ( بي انسحاب ) : انا استأذنكم " مشت على اتجاه الغرفه " ….
الهادي " عاين لي وصال بي صمت و رجع عاين لي قصي " : مالك انفعلته كدا ؟
قصي : الهادي ما داير ادخل في تفاصيل سلفاً واضحة ليك و لي ! بس عاين لي حالتي
انت شايفني ، شايفني كويس ؟؟ تفتكر واحد في حالتي دي يوم زي دا حيفرق معاهو في شنو ؟؟ يعني الا اتكلم بالواضح كدا !! بطلو البتعملو فيهو دا لو سمحتو لانه بتحسسوني بالنقص و العجز !! و للمرة التانيه رجع ناس البيت بعد تخلصو عزومتكم دي .. ( سحب نفسو بالكرسي و اتحرك )

الهادي " بي صوت هامس " : لا حول و لا قوة إلا بالله العلي العظيم ! اللهم اني لا أسألك رد القضاء و لكن اسألك اللطف فيه … " رجع بضهرو على باب الشارع و مرق فات " !!

#جانب_أحمد

" بيفتح في باب الشقة داخل "

(سهاد راقدة في الكنبه و فاتحه التلفزيون ، مع فتحة الباب قامت على حيلها بي خلعه بتعاين تجاه الباب ) : احمد !!!!
احمد : خليك راقدة زي ما انتي ! ( مشى عليها رقد قدامها )
سهاد : احمد ! حبيبي … في شنو انت كويس ؟
احمد : انا كويس حمدلله ، بس مقلق عليكي
سهاد : انا كويسه حمدلله ، بس ما اتوقعتك ترجع البيت هسي يعني استغربته صراحه !! مفروض لسة بدري ، شكلك م قعدت مع صحبك !
احمد : حضرت العقد و باركته وجيت طوالي - صراحة ما عارف لكن اتوقعت اي حاجة الا قصي و وصال يعرسوا بالطريقه دي يا سهاد ، ياهو زي ما حكيت ليكي انا اكتر واحد عارف الاتنين ديل كان نفسهم يعملو شنو و اسي عملو شنوو ! و ما اتوقعت وصال تضحي
يعني في بنات كتار م بكونو عندهم استعداد يتحملو حالة صحية زي حالة قصي دي مسؤلية كبيرة شديد ، خصوصا ان م معروف لو حيمشي تاني على رجلو ولالا ، مافي وحدة بالساهل حتتحمل مسؤلية زي دي ! يعني تتشاف ما زي نوع البنات الممكن تتنازل فاهمه علي ؟؟
حرفياً البت دي حنة زاتو م راسمة و توب عادي و بساطة مبالغ فيها ! انتي قادرة تتخيلي ؟ و فوق لي دا حتمشي تقعد معاهم في بيتهم في غرفة ! قادرة تتخيلي كمية التضائل الحصل ليهم في حياتهم ؟؟؟
كل حاجة كانت كبيرة فجأة صِغرت !

سهاد : ما شايفه انها عملت انجاز يا احمد يعني ، اي وحدة في محلها حتعمل نفس الشي وين الرهابه في الموضوع ؟ يعني شنو وحدة ما عملت عرس ؟ ياما بنات عرسو بي بلح عديل خلي كرامة و لا فطور .. ما شايفه اي تضحيه في الموضوع ، و كان هي م وقفت في قصي الحيقيف فيهو منو ؟ هي ما مشحودة ليه ، دا واجب عليها بالمناسبه براك عملت جو درامي و كبرت القصة !

احمد " قبل راسو عليها " : سهاد !!! ليه كلامك دا حاد كدا ؟؟
و بعدين انا عشان عارف احلامهم كانت وين و بقت وين و التغير الحصل ليهم دا كان خبطة حارة مافي امتحان اصعب من ان زول ربنا يمتحنو في عافيتو ؟؟ انا بقول بس يمكن عشان مافي قبول بينكم عشان كدا م قادرة تتعاطفي معاها !

رِوايات سُودانية🪐🤎!)"

20 May 2025 16:19

المهم الحمدلله اتماسكنا وقدرنا نعدي الفترة دي على خير وكان
النصيب غلاب
دايما وابدا كل حاجة مكتوبة ليك حا تجيك في الوقت الصحيح والمناسب.
✎﹏﹏﹏﹏﹏﹏﹏﹏﹏﹏﹏﹏﹏﹏
#ليلة_العيد
" صوتنا في التلفون "
__كويت الشال والجلابية؟!
**كان نفسي نكويهم سوا مع التوب
__وكان نفسي توديني الكوفير للحنة واجي بعدها اكويهم ليك بالمسك وابخرهم بالصندل
**ونصبح اول يوم نمشي صلاة العيد سوا
__ونرجع بيتنا اخت ليك الشاي بالبسكويت ونطلع على الاهل نبارك العيد
**وبعدها نضبح ونعزم ناس امي وامك في بيتنا
__اجهز ليهم احلى فطور مني مع الشية ولحمة الصاج والمرارة
اممم البضبح منو؟!
**اكيد راجلك افووو كمان اجيب ضباح
__وبعدها اولع البخور ونجيب البارد والشاي والقهوة
**ما تنسي الغباشة
__" بتضحك" انت عاوز تسطل بينا ولا شنو
**اصلا راسك خفيف عارفك
__قصي
**عيونو
__بحبك
**بموت فيك روح قصي
#بنطفي اللمبات وكلام الليل بودينا ل

#صباح_اول_عيد_الفطر

" الجو رايق وهادي ومغيم ورزاز المطرة وريحة الدعاش والدنيا عيد عيد"
" سلمى بتصحي في وصال"
قومي قومي
وصوت
الله اكبر ، الله اكبر ، الله اكبر
لا اله الا الله
الله اكبر ، الله اكبر ولله الحمد
"بقوم مخلوعة "
بسم الله متين اصبحت بسرعة كدا
" تكبيرات الجوامع اول يوم في عيد الفطر تخلي القلب رايق ومبسوط شديد"
امال : يابنات خشو الحمام سريع الصلاة بتفوتنا
وصال : الحمدلله اني ساهرته كان سمعت كلامك يا سلمى ولا كنت فرشته ملاية ولا فوطة ولا ركبته ستارة
خشي خشي انتي اول انا جارية اجهز الشيالات بسرعة
"مسافة رشيت جوز الهند في البلح ورصيتو على المناديل في الشيالة وختيت الناعم والغريبة والاشكال والحلاوة جيت جارية اتجهز بسرعة نمشي الجامع مع ابوي وامي"
صلينا وطلعنا

#في الشارع

"اصوات الناس من الجامع بتبارك وبتتونس وتضحك "
"سراج رجع قدامنا مسافة وصلنا نحن طلع بالشيالات بره
ومع دخلتي دخلو علينا نسوان الفريق

‌كل سنة وانتو طيبين تعود الايام
‌كل عام وانتم بخير والسنة دي في بيتك يا وصال

" عمتو زينب ورزان جونا داخلين وعمتو بتكورك
العروس وينا خلي بتك دي تخش جوه يا امال هي يا يمااا هييي"

وصال : اخش جوه لشنو يا عمتو؟!
كدي قولي كل سنة وانتو طيبين اول اجي

"رزان قربت مني وهمست لي عايني اثبتي
عريسك بره مع الرجال شايفاه مع خالي ورجال كتار.. عشان كدا امي بتدخلك لجوه"

الساعة ديك انا تاني بقيت ما فاهمة اي شي غير صوت خالتو فوزية ومروة ومعاهم حنين بباركو العيد وصوت عمو محمد والهادي وياهو الصوت الخلا قلبي عمل شح وهو بقول تعود الأيام...
#قصي
طلعته سلمت عليهم كانو قاعدين في الصالة كلهم ..
"مشيت اجيب الشيالات الشالها سراج كلها و خلاها في الصالون كان اسمع صوت حنين جات وراي"
**مشتاقين يا عروس اها احساسك شنو وانتي عروس كدا وقصي عريسك؟!!
__"اخدته نفس" اسكتي بس اسكتي ما حاسة بنفسي يابت عديل جيبي يدك اسمعي دقات قلبي "بتخت ليها يدها"
**"بتضحك"سجمك دا كلو حب عاين يديك باردات كيف
__تصدقي "بتضحك"
**اها بعد العقد حا تمشي بيت ناس خالتو طوالي ولا على بيتكم؟!!
__حاليا برحل مع خالتو فوزية عشان قصي الفترة دي زاتو بحتاج لخالتي وكمان هي بتطمن عليه جمبها..
**صاح كلامك يا بختو بالحب والاهتمام دا ، الله يعينك
جد الموضوع حا يكون صعب عليك
__بس على قلبي زي العسل عارفة انا كنت متواصلة مع دكتور مؤمن الفترة الفاتت ما قصر معاي وصى لي physiotherapist حا يجي يعمل لي قصي جلسات في البيت ومشيت لكذا مركز علاج طبيعي عشان حا اخصص غرفة يجهزوها بالمعدات لراحة قصي ..
انا عارفة ان حياتو حا تتغير بصورة جزرية حا يعاني في المشي وفي الحركة حا يحتاج لمساعدة في الحركة ولي كل المهمات الحيوية العادية...
فجأة جاتنا صوت كح كح
"بخلعة مني"
انتو هنا من متين؟!
سراج : من آخر كلام قلتيه ، انتو مشيتي تجيبو الشيالة ولا تقعدو قبلكم "حمر فيني ""وعينو في حنين "
" لازيه بالكرسي داخلين على الصالون "
"اتسحبنا براحة وطلعنا من سكات"
عدى اليوم وحرفيا ما كنا فاهمين اي شي حاصل وانا بالي ما كان معاي وقوتي وثباتي داك كلو طار
في #بداية_اليوم_التالت

[ال هو يوم عرسي انا وقصي]

#الصبحية
كانت في جوطة عجيبة ما بين الطباخ الفي زقاق البيت و صواني الفطور الطالعة وداخلة والصيوان المليان بالرجال في الشارع قدام البيت
الزغاريد "الشاقة الفريق " من عمتو زينب وامي ورزان
"ايووووي يووووي يووووي"
ريحة البخور الصندل
والنسوان الداخلة تبارك وطالعة ونسوان في الصالة تاكل وشفع جارية تلعب جوه وتطلع تاني جايين مع امهاتهم.
"انا كنت في بيت ناس عمتو زينب معاي حنين وسراج ومجاهد وصلو لينا الاكل وقالو لينا خليكم جاهزين"

رِوايات سُودانية🪐🤎!)"

20 May 2025 16:19

سلمى بتخت الصواني وبتبدا تجيب الحاجات مع وصال وزينب بتغرف مع امال ...
سلمى وزعي كويس تعالي يا رزة وزعي معاها الصحانة دي انا حا اكب المويات ...
"صوت التلفزيون كان شغال على قناة أم بي سي اعلانات"
مرحب مرحب يا هلال اهلا اهلا كيف الحال
قد غبت واليك اشتقنا وانتهى بعدك صار وصال
"وصال وسلمى بضحكو ديل قاصدنك يا وصال"
نعطي صبرا نأخذ اجرا والله يرانا ويسمعنا
نغفر زلة نوصل اهلا لان رمضان يجمعنا
"صوت مرة خالهم ، جيبي الريموت دا يا بت جيبي النيل الازرق"

وصال : يا عمر عمر هاك صحن البليلة دا شوف ياتو صينية ناقص ديل نسوه
"بعاين ليها وهي ما منتبهة معاه"
ارح استعجلو تشيلو المويات ديل
عاين البراهم ديلك بدون سكر عشان خالو وابوي واذا في زول تاني ما بشرب سكر...
عمر : تمام
وصال : تعالي يا رزة شيلي معاي الصواني
يا سلمى : ختي تربيزة لانو خالتو فوزية ما بتقدر تفطر في الارض ...
"مع جوطة ساعة الافطار الزمن مشى الا وصوت المؤذن في الجامع ....
" كل الأيدي بتتناول البلح الكان متوسط صينية الإفطار"
"و كركبة المعالق والصحانة وحركة الشباب يكبو في العصائر"
اصوات الهمهمات بتقول :
ذهب الظمأ وابتلت العروق وثبت الاجر ان شاءالله

"بعد الإفطار البنات بلمو في العدة وبتونسو ونسة جانبية"

#في_ المطبخ
سراج : اشيل خلاص؟!
رزان : اي جاهزات دقيقة اكب سكر هنا بس
سراج : والله ماشاءالله يارزة بقيتي تسوي القهوة والشاي ولا رمو فيك الشغلانة هسي ماف زول فاضي
رزان : بقيت خبرة ياود "بتضحك"
سراج : كويس التقييم بعد الشراب
رزان : اتفقنا
#جانب "فوزية و امال بتكلمو فيما بينهم براهم"
فوزية : ربنا يتمو ليهم على خير ويكفيهم شر العوارض يا امال ، والله ما كنا دايرنو ليهم كدا
امال : ما خلاص البقى بقى أخير يعقدو الخطوبة زاتا طولت ونقة الناس ما بتريح كلو لخير
فوزية : وصال الله يديها العافية وما بشكرا قدامك لكن بقت لي بت الله يسعدهم ويحميهم. اها مفروض نجهز طوالي ياها الريحة جبتها معاي زمن مشيت العمرة مقفلة في شنطتها انتي اضربي للنسوان يجوك طوالي
امال : "بتقرب عليها" الشنطة بدت تشتري وباقي ليها طلبية من شي ان بتصلها يومين كدا ، الزمن مضايق لكن بنتم البنقدر عليه والحمدلله بيتهم جاهز دي براها نعمة.
فوزية : الحمدلله ، سمح تكلمي النسوان اخير هسي
امال : اي
هوي يا نسوان اسمعن عرس وصال تالتة العيد ان شاءالله انتو ناس البيت ما غريبين والريحة الاسبوع الجاي بنبدا نسويها قولو ربنا يتمو على الخير.
زوجة خالها : هي اجي لكن كدا ما استعجال شديد خلاص
ربنا يتم ليهم على خير الف مبروك ليهم .

#في_زاوية_المطبخ

وصال بتتبسم وماسكة تلفونها بتقرأ في المسج
قصي : صياما مقبولا وإفطارا هنيئا ، فطرتي كيف طمنيني اكلتي لي معاك؟!
وصال : في حد بنسى روحو اكيد
قصي : عاوز اتصل
وصال : اتصل
#مكالمة
__الووو
**مبروك لينا حبيبي
__على شنو؟!
**يعني ما عارفة؟! دا الموضوع الكنتي عاوزة تكلميني فيه قبيل ؟!
__لا جد اللصق ليك الخبر منو؟!
**"بضحك" اللصق؟! انتي ما طلعتي بره ولا شنو؟!
عقدو عديل ديل؟!
__"بخلعة" هيي انت جادي عقدو شنو؟! قول والله العظيم
**اقيفي "بضحك" بهظر يابت بهظر اتخلعتي كدا، معقول انا اعمل الحركة دي ، اذا انا ما رضيان هسي وحاسي اتختيت قدام الامر الواقع من عم الطاهر وابوي والرجال الكبار
__ترضى ما ترضى يازول البقى بقى ماف نطه "بتضحك" سمح الكلمك منو اكيد الهادي
**ياهو زاتو لي قبيل ما قلتي لي انا العريس آخر من يعلم
__فجأة الامور جاطتت خلينا من دا هسي بحكي ليك برواقة لانو جايطين شديد واليوم فاقدك انت بقيت كيف حاسي بالم كويس طمني عليك
**بقيت كويس لما سمعت صوتك هسي, عارفة برغم اني زعلت شديد ولسه زعلان لاني ما كنت عاوز عرسنا يتم بالطريقة دي واننا لينا فترة طويلة بنخطط ليه وبنهاتي بيه بس بقول كل شي لخير.
__ايوووة وهو المطلوب ويا سيدي بعد تبقى كويس نسوي عرسنا ونحن معرسين بنفس التفاصيل الخططنا ليها وكتبناها مع بعض بفستان زفافي الصممتو وبي بدلتك
**وبي الاغاني الاخترناها للزفة وبي اغاني الاشبينات العزبوك في تعليم الرقصة وتصميمك لفساتينهم
__وبي الفال الاخترناه واهم شي الجرتق
**ااااه بس الحمدلله بس حاليا انا مبسوط يا وصال مبسوط بيك شديد عارفة عاوز اكورك بطول حسي يا نااااس انا بحب البت دي بحبها وما عاوز غيرها ومستحيل احب غيرها انتي رزقي الحلو.
__وانا بعد في الأيام من هسي والليلة اول يوم ...
**وبكرا تاني يوم
__بعدو تالت يوم
والاسبوع بمشي والتاني ينتهي في رمضان ما بتحس الا وانت في حد بصفق بأصابعو في وشك وبصحيك يقول ليك
الليلة يوم 14 رمضان

رِوايات سُودانية🪐🤎!)"

19 May 2025 18:37

بعتذر ع التأخير لظرف.

رِوايات سُودانية🪐🤎!)"

19 May 2025 18:37

البراء : عروس ولدها جاية عشان كدا " بضحك"
تقى : بس يعني على العقد كدا وخلاص.
وداد : اي
البراء : لا عاوزة حفلة وكلام فاضي واختلاط ورقيص ولا شنو ؟! يابت امشي امشي من قدامي قبل الفخك كدا ..
بيان بتجرها من يدها
ارح قدامي
انتي جنيتي عاوزة ليك كف ولا شنو ما عارفة اخوك معقد
تقى : والله زعلانة على البت دي شفتي صورتها صغيرة كيف دي اصغر مني امي قالت 16 سنة بس وقاعدة في البيت ما بتقرا
بيان : طلباات اخوك على قولو يربيها هو "بتضحك بإستهتار"
تقى : اي ما نحن هاملات ومنطلقات يلا ما علينا امشي امشي
#مكالمة ل بيان
__الوو ايوة يا تهليل
**عايني جايين عليك بالترحيل اتجهزي ماشين المكتب ضروري مديرة المشروع قاعدة وقالت لازم نجي هسي وجات لورا كمان حا يعملو ميتنق يناقشو فيه آخر مقابلات قروب البنات القُصر وقروب النساء ومقابلة البت الزاغت مننا ديك مركزين معاها شديد.
__لالا انا ما عندي طريقة نهائي للجية كيف الكلام دا انا ما بقدر اجي هسي يابت عروس اخوي جاية الليلة من البلد قربو يصلو ، غير كدا انا قلت ليه الليلة ما شغالين والوقت زاتو مشى ...
**ياخ زوغي وقت الجوطة اطلعي ما بحسو بيك كلمي امك بتغتي ليك وهو تاني ما بجيب خبرك زاتو صدقيني..
__طيب خلاص حا اتصرف..
✎﹏﹏﹏﹏﹏﹏﹏﹏﹏﹏﹏﹏﹏﹏
#جانب_تاني
__يا أمي نحن ما طولنا من سهاد رأيك شنو نمشي ليها يوم نفطر معاها وبالمرة صلة رحم
**الليلة اتزكرتيها من محبة ولا من دايرة تعرفي اخبارا؟!
__عفى الله عما مضى يا امي مش امكن قلبها يحن بالشهر الفضيل النحن فيه دا وتسامحني
**وكان ما سامحتك وابت تفتح ليك بيتا تطلعي القديم تااااني يا منيرة
__ما قادرة اخت يدي في خشمي يا امي نحن نسوي العلينا ونمش ليها بي بالباب
**حلفتك بالله انسينا من سيرتها انا ما عارفاك يابت بطني انتي نسيتي السويتيه ، الله يسألني يطردك هو من خشم الباب قبال مرتو
__ سويت شنو انا سويت شنو من يوم اتطلقته وجيت انتي ما فكيتي السيرة دي من خشمك ، هسي خايفة مالك اتواصل مع احمد وسهاد؟!
**عشان عارفاك عايزة تخشي بين الراجل ومرتو طرف تالت
أحمد دا هسي بقى ليك سمح مالك زمان خليتيه واخترتي المغترب العندو قروش...
__يمة يمة انا عارفاه بكيدني بي سهاد
**عشان انتي غشيمة
__انا برضو الغشيمة ولا انتو الدسيتو مني عرسو بسهاد شهرين ما جايبة خبر وحلفتي كان توريني.
**عشان غشيمة
__كدي خليك من غشامتي قومي ارح نمشي ليهم الموت بقى بختف الناس في لمح البصر خلينا نواصل الرحم.
**"بتعوج ليها خشمها" الله يسألني مشيتك دي ما من فراغ ، وابوك كان عرف بجيب آخرك. يابت ها انسينا منهم.
__البعرفو شنو وهو مافي الا انتي تقولي ليه
*اي بقول ليه يا منيرة
__سمح يمه سمح
✎﹏﹏﹏﹏﹏﹏﹏﹏﹏﹏﹏﹏﹏﹏
#بيت_ ناس_وداد

"صوت بوري بدق كذا مرة بتقيف تلاتة عربات بنزلو العروس وبعدلو ليها في التوب بنوته مليانة ومتوسطة الطول ومعاها كم مرا وكم بت وخمسة رجال "
تقى : جو يا امي جو امرقي
وداد : "بتعدل في توبها وبتطلع بإستعجال
" بيان مركزة مع التلفون وبتكتب في مسج"
واتساب : اي يا تهليل بطلع شوية كدا ما تخليه يجي بالعربية قدام البيت اقيفو جمب الصيدلية البداية الشارع عشرة دقايق وبجي"
"جرت تقى وبتهمس ليها"
عايني غتي علي انا مع الجوطة دي طالعة ماشة المكتب ضروري
تقى : "بخوف" يا قوة قلبك بيان انتي جنيتي تطلعي شنو هسي واغتي عليك كيف بس ما نصيحة انتي
بيان : بس انتي نبهي امي ما تفلت ما حا اتاخر والله ياخ بتلقي اي عذر قولو رسلتوها الجيران تجيب حلل صواني الجمعية اي شي..
تقى : قلبي ما مطمن حاسة حا تجيبي لينا كارثة ياخ انتي ما ناقصين خلي اليوم دا يعدي
بيان : انا زاتي قلبي ما مطمن لكن دا خوف ساي مننا..
"صوت جوطة وسلام وكلام الرجال بخشو الصالون والنسوان بخشو الصالة وصوت همهمات وكلام جانبي"
وداد : عليكم الله قومو الغرف "بعدلو في تيابهم وبقومو خاشات" ارتاحو جايين من سفر وصايميين "بتعاين للعروس"
ماشاءالله تبارك الله اللهم أحفظ وبارك عروسنا زينة
يا بيان بيان
بترد تقى : "بصوت براحة" بيان مشت ناس وصال تجيب صواني زيادة وكبابي
وداد : "عاينت لي تقى بإستغراب " لزوم شنو ما محتاجين ليها اختك مشت وين يابت؟!
تقى : خلاص يا امي ما ترفعي صوتك طلعت مشوار سريع وبتجي هسي قالت يقولو مشت تجيب عدة الجمعية بس
وداد : عاوزة تجلطني اختك دي مع اخوك كان عرفها مافي يا فضيحة السواد وانتن عارفنو كويس زول بملا عينو مافي الله يعدي على خير.. اضربي ليها قوامك تجي البطلعها شنو في ظرف زي دا ..
"تقى ماسكة تلفونها وبتتصل"

#في جانب تاني

بتطلع العربية بسرعة
__عايني يدي باردات كيف انا اصلا طاوعتك وطلعت معاك كيف بس

رِوايات سُودانية🪐🤎!)"

19 May 2025 18:37

** يا سهاد تاني محتاجة حاجة غير الحاجات القلتيها دي
__لالا سلامتك حبيبي بس حا تتأخر؟ !
**ما بتأخر غالبا بطلع بدري من الشغل و بغشى ناس امي اول اودي ليهم الحاجات وبغشى قصي بعد داك وبجي ان شاءالله ما تتعبي روحك انتي زاتك ما معانا زول اول يوم دا اعملي عصيدة وملاح تقلية زايد البليلة والبلح بس ، خلي للعشاء تاني بنعملو سوا.
__سمح خلاص خلي بالك من نفسك
**يلا مع السلامة
"بطلع "
"بتهمس بينا وبين روحها كنت متمنية تقول انك حا تعزمهم مهما كان وعدم محبتهم لي بس افطار رمضان باللمة سمح "
النقوم النبل البلح واخت البليلة دي من هسي انتهي منها ، واطلع الكبدة واللحمة من الدفريزر ،
و عايزة امشي لي ناس سلاف لي فترة منها الغريبة امس لمحتها في الجامع لكن تاني ما شفتها بعد الصلاة انتهت تكون مالا ياربي.
"ساعة زمن جهزت الحاجات وختت ليها بلح في كيس وفي التاني فول وفي التالت كبكبي وختتهم في كيس ظريف كدا ولبست عبايتها وطلعت "
مسافة الشارع
"واقفة قدام الباب بتضغط في الجرس"
__السلام عليكم ، كيفكم يا خالتو رمضان كريم عليكم تصومو وتفطرو على خير
**وعليكم السلام ، الله اكرم اهلا وسهلا ازيك يا سهاد اتفضلي اتفضلي خشي.
"في الصالة جوه بتخت الحاجات في تربيزة قزاز متوسطة المكان وحواليها اتنين تربيزة صغار و كراسي جلوس
بتقعد على الكرسي المفرد"
**مكلفة روحك مالك يابتي
__ما فيها تكلفة ولا حاجة يا خالتو ضوقو معاي حاجات رمضان
سلاف شغالة الليلة ولا شنو؟!
**لالا ما شغالة مشت تودي براءة الروضة
__مش كان في ترحيل بجيها
**اي لكن في رمضان بتاخد اجازة اول اسبوع دا بتوديها وبتجيبها براها...
"مصطفى بجي خاشي يا امي امي وينا س...
اوو معانا ضيوف السلام عليكم
__وعليكم السلام ورحمة الله
مصطفى :كيفكم ان شاءالله كويسيين
__الحمدلله في نعمة
**اها قلت ليك شيل الكبكبي دا افرمو لينا وجيب سجوك وكبدة
مصطفى : عليك الله يا امي كان توصي سلاف تجيبهم معاها هي سايقة هسي تقطعي فيني مشوار في الشمس دي بفطر ليكم في نص الشارع
**اجي شوف الود دا وحالتك مسافر وداير تتغرب تتحمل الغربة كيفن نان..
مصطفى : بره ما زي هنا يا امي ها هناك سماحة ونضافة ولا بطراكم زاتو " بضحك" ولا شنو يا سهاد عليك الله قولي ليها
سهاد : ما عارفة لكن انا لو كانت امي قاعدة جمبي وعندي اخت مستحيل افكر ابعد عنهم شبر
مصطفى : اسوي شنو مرات الظروف بتجبرك تختار طريق انت ما دايرو لكن بتلقى روحك ماشي فيه عشان تحقق هدفك.
__ على قولك مرات بتتجبر تختار
"بجي صوت بقاطعهم"
سلاف : سهااااد يابت مشتاقين عديييل وينك انتي
"بتسلم عليها "
والله ليكي وحشة عديل مالك ابيتينا فجأة وقفتي مننا الشاغلك شنو كدا"ورمضان كريم "بتعاين ليها كدا" من الحبسة لما عملتي ليكي جضوم "بتضحك معاها"
__انشغلته ساي تقولي شنو بس
سلاف : اقعدي اقعدي كدي طبعا نحن الايامات دي نقع ونقوم مع مصطفى مسافر بره السودان ان شاءالله حا يسافر بعد العيد بكم يوم كدا.
__اهااا ماشاءالله والله ربنا يوفقه يارب
مصطفى : احم احم اللهم آميين دعواتك بس من شكلك زولة دعوتك مستجابة كدا
__"بتبتسم "
سلاف : عايني خلاص الليلة تفطري معانا
__لالا افطار شنو المعاكم يوم تاني بجهز حاجاتي وبجيكم
سلاف : عايني ماف زول عاوز منك حاجة تعالي بيديك ديل ساي بس
__عايني انتي الليلة ما ينفع والله خليها يوم تاني
سلاف: سمح عفيناك الليلة لكن تاني مافي عذر ليك
__سمح وعد "بتقوم" يلا انا خليت البليلة في النار والله لازم امشي وعليك الله لما براءة تجي بوسيها لي اشتقت ليها شديد.
"بتطلع معاها تقدمها بره وبتقفل الباب وبترجع جوه"

"امها بتتكلم"
** انتي يا سلاف هي سهاد دي عايشة مع منو امها وابوها؟!
سلاف : بري يا امي المرات المشيت فيها ليها لقيتها براها والبيت القاعدة فيه ما صغير يعني ولا شايفاها شغالة العلم عند الله غايتو ، هي امها قالت متوفية ، وبحسها كدا ما بتكون دايرة تتكلم عن نفسها حزرة حزرة كدا بتحسسني.
مصطفى : تحسي بيها منطوية كدا تتزكري اول ما جاتك داك كانت خايفة عديل
سلاف : اي الغريبة امس لما طلعت من التراويح شايفاها معاها راجل طويل كدا دخل معاها البيت
مصطفى : راجل؟!!
سلاف : شكلو اخوها غالبا غايتو انا ما شفت وشو من قدام .. حسب عرفتي ليها بت ناس هي والله مسكينة من وشها دا
مصطفى : فعلا ما شكل البنات القاهرات ديلك
** امه : هي ها شيل منها المفتاح دا وخلي الونسة امشي جيب لينا حاجاتنا دي وفد مرة جيب العيش معاك عشان ما تقول تاني ما بترسل ليكم.
مصطفى : ما صحي انتو جنكم مراسيل من تلقو فرصة في الزول..
"شال المفتاح وطلع وبالو كان في كلام سلاف القالتو"

رِوايات سُودانية🪐🤎!)"

19 May 2025 18:37

امال : "بعدم رضا واضح " وانت رايك شنو يا الطاهر من راي بتك مش؟
دا الكنتو بتتوشوشو فيه قبيل جوه؟!
زينب : بري عليك يا وصال نحن من قبيل قدامك في الطاهر اخوي دايرنا في شنو وانتي ولا على بالك جنس غتاته عليها بتك يا امال
امال : "بزعل" من يوما بت ابوها وسرهم واحد ، البركة في ولدي الله يجيبو لي.
"وصال والطاهر بضحكو"
الطاهر : يا ناس العرس كدا فيه بركة زاتو اخير من تعرس بموسيقى وحفلات وهيلمانة غير تجيب العين ليهم والحسد ما تستفيد شي.
امال : انا ما موافقة ما موافقة بالكلام دا ، دا اول عرس في البيت واول عرس لبتي الجابرني شنو اعقد ليها وتمش ، في حنة وفي حفلة وفي جرتق وقبل ديل كلهن في ريحة بتتعمل مفروض نعملها وما عملناها بسبب الحادث ياهو الصاح العرس يتأجل لما يبقى كويس ويقوم بالسلامة الشفقة تطير .
وصال : الموضوع ما شفقة ولا استعجال يا امي كل الحاصل انا عايزة اقيف مع قصي في ازمتو الصعبة دي كان ما وقفت هسي معاه اقيف متين ؟! انا حاسة اني مقصرة شديد في حقو كل البعمل فيه هسي اني مكتفة يدي وما قادرة أساعدو بأي شي وانا عارفة بعد طلوعو من المستشفى المرحلة الجاية دي حا تكون صعبة وتقيلة عليه شديد يا أمي حا اقعد في غرفتي هنا واتفرج عليه بس ترضيها لي يا امي؟؟!! قولي موافقة عشان بالحلال اقدم ليه الدعم والسند المفروض اسويه بقلب قوي.
اذا أجلت العرس وقلت ليه كدا رايوو فيني حا يكون شنو؟!
حتى لو قال لي هو وانا عارفاه حا يرفض هسي عشان كدا كلمت ابوي انا ما ممكن اكون قليلة اصل واقول ليه اي احسن نأجلو عشان لازم نسوي الحنة والحفلة والبس الزفاف واسوي الجرتق... ولا نفسي بتسمح لي.
يا امي عليك الله افهميني انا ما دايرة دا كلو والله بعد الحصل لقصي دا عرفته قدر شنو ان كل الهيلمانات بتاعت العرس دي ولا شي ولا شي قصاد انك تكون شايف الانسان البتحبو هو كويس قدامك.
انا عاوزة عرسي يقتصر على العقد والعزومة بس من غير حفلة وجوطة وكلام كتير ولا فيني حيل لمناهدة زاتي .
امال : كبرتي يا بتي وبقيتي تحكمي رايك
زينب : النقول لخير يا امال امكن ربنا كافي عنهم شر كان حا يحصل .
امال : سمح ربنا يتم على الخير الدايرنو بحصل
"وصال اتقدمت على امها وحضنتها"
لا الدايراه انا رضاك عني يا امي وتكوني مبسوطة عشان انا كمان اكون مبسوطة.
امال : وانا دايرة شنو غير انكم تكونو مبسوطين
قادر يا كريم يكفيكم من كل شر يارب
وصال : سمح يا ست الحبايب اديني زغرودته عشان اعرفك رضيانة...

ايووووووووووي "بتزغرد"

"مع زغرودة جات من فرحة جوه خلعتنا بس بقينا كلنا نضحك مبسوطين بيها"
"ومنها عمتو بتقول لينا وهي طالعة على الباب ورزان وراها"

تصومو وتفطرو على خير اعاده الله علينا وعليكم جميعا باليمن والبركات

‌وعلى الخير والمحبة نلتقي✎﹏﹏﹏﹏﹏﹏﹏﹏﹏

#مندرين
#سحر_سمير
#فاطمة_قسم الله

رِوايات سُودانية🪐🤎!)"

19 May 2025 18:37

__ احم احم "خلاص ولا حرف تاني ما بقول " ابتسامة كبيرة" ياخ انت حناك حناك والله العظيم
"بمد ليها يدو تخش قدامو"
"بضحكو وبخشو على بيتهم "
وكان في حد من وراهم مراقبهم
✎﹏﹏﹏﹏﹏﹏﹏﹏﹏﹏﹏﹏﹏﹏
"جايين على البيت من الجامع"
آمال : ناس وداد ديل عندهم شنو العربات دي واقفة قدام بيتهم كدا
زينب : بري تتزكري من الخميس الفات عندهم زحمة كدا ما طبيعية الا كان واحدة من بناتا خطبوها
امال : الا بيان ، ديك صغيرة
__انتو وقت الشمار حارقكم امشو بالباب هنوهم برمضان واعرفو الموضوع بدل تجادعو الحاصل شنو والحاصل شنو
زينب : هي امال تاني ما عندها وش معاها " بتضحك" والله وداد تطردا من خشم الباب
__ليي تطرد امي عملت ليها شنو هي الزي امي منو
زينب : امك ما كلمتك يختي هي وابوك بالحصل ؟!
__لي في شنو ما جابو سيرة مالا وداد معاك يا امي؟!
امال : تتزكري يوم صادفناها بره داك اها فاتحتني قالت دايرة سلمى للبراء ولدها الكبير
__اها
امال : هي يا يمة هيي البراء شنو البعرس لي بتي ولا بجدعها لي وداد
__سلمى زاتا صغيرة ، اها وابوي رديتو ليها بشنو؟!
امال : قال ليها قسمتو ما معاها ربنا يديه بت الحلال ، قلت ليها ما مدخلين في راسا موضوع العرس دا هسي دايرنها تتم قرايتها اول.
اها من ديك وتاني ما ورتني وشها وكان شافتني بره ما بتديني سلام الله
__الاباك ريحك يا امي ما عندنا شغلة بيهم
زينب : انتي يا امال الطاهر شايفاه واقف مع احمد ومحمود مشو لي قدام جهة الفسحة حقت الجامع بيوت ناس المحامي مالهم في شنو؟!
امال : بري لاحظت ليهم زاتي لكن علمي علمك يختي صحي زكرتيني قال دايرنا في موضوع بعد دايرة اسوقك نخش عليهم
__انا داخلة البيت انتي وعمتو ما بتبطلو ونسة جمب الباب خلي ابوي يجي ويشوفكم وعارفين رايوو في الموضوع دا احسن تخشو البيت وكملوها جوه.
زينب : خشي خشي يا امال نرجاه جوه
"وصال بتضحك ودخلت قدامهم طلعت تلفونها من جيب العباية وفتحتو ضغطت على رقم قصي
#مكالمة
" ودخلت على غرفتها"
الخط بفتح بتقول ليه
__رمضان كريم والسنة دي في بيتنا والسنة الجاية صايمنو سوى
**ونحن تلاتة ان شاءالله دعيتي لينا في التراويح المرة دي اول مرة اكون غايب عنها ولا اكون صايم "بنبرة حزن في صوتو"
__معليش يا قلبي كلو امتحان من رب العالمين ، بكرا تبقى لينا زكريات نتذكرها ونضحك فيها. انت كيف هسي كويس؟!
**ببقى كويس بصوتك من قبيل مختفية عني
__معليش حبيبي قريب نتلما لما تزهج مني "بتضحك"
**مستحيل ازهج منك انتي نصي التاني يارب يارب قريب
__انا حا اغشاك الصباح بدري على سبعة ونص بتلقاني في وشك ان شاءالله
**خير في شنو ؟!
__هههه حسيتك نططه عيونك كدا مافي اي شي بس عاوزاك في موضوع
**ال هو؟!
__ماينفع طبعا في التلفون الا وش لي وش
**ولا تلميحة ساي طيب
__ولافتفوتاية زاتو
انت كويس؟!
**كويس
__ما حاسة صوتك كويس؟!
**كويس والله بس متألم شوية
__بعد الشر عليك يا روحي معليش ان شاءالله فترة وتعدي تبقى ماضي ، الدكتور مرا عليك لموضوع العلاج الطبيعي؟!
**حا يمر علي الصباح واول جلسة بكرا ان شاءالله
صحي حنين قالت انك حا تمري عليها في الجامعة ؟!!
__اختك في خشمها ما بتتبلى كلمة"بتضحك" قلت ليها احتمال احتمال اغشاك معاي
**وانتي ماشة وين؟!
مشوار كدا ما ياخد بالك كدا كدا ان شاءالله بكرا بجي الصباح وبنتكلم
"بصوت حنين"
**طيب ما تتأخري علي!!
"بصوت مليان حب ورقة"
__وانا بقدر مستحيل أتأخر عليك ياروحي؟!
**عارفة لو انتي ما كنتي في حياتي ما عارف انا في الحصل لي حاليا دا ح اكون عامل كيف؟! لمجرد التفكير بس بحس بالعجز
__ سمح انت عارف لولا وجودك في حياتي ما كان ح يكون لحياتي معنى واضح .. وصال الانت شايفها قدامك دي انت بقيت ليها حياة جديدة مليانة اهداف ومشاركات وحاجات كتيرة سمحة جاية مش دايما { سحر و فطوم } بقولو الجاي سمح شديد
تتزكر لما زمان كنا في الجامعة حصلت بينا اول مشكلة كبيرة ف بقينا نتشاكل وفجأة انا قعدته ابكي وغلبني
بعدها انت سكته وقلت لي وصال معليش اسف حقك علي
قلت لي تعالي اقعدي وقلت لي كلام لحدي هسي انا ما نسيتو
انك لما شفتني ببكي وتعبانة فعليا من المشكلة جا في بالك ما مهم الصاح منو والغلط منو لحظتها كل الكان هاميك انك تكسب قلبي افضل من تثبت انك على حق ، كل المهم عندك انا وانك تراضيني في لحظتها وبس واي حاجة تانية تتحلا بعدين.

ف انا هسي وحاليا كل المهم عندي انت وانك تبقى كويس وبس.

**عارفة بعد كل الكلام المليان حب دا انا بقيت كويس بيك خلاص ما عاوز شي من الدنيا دي غير نكون سوا سوا وبس بيت وباب يتقفل علينا برانا..
ياخ يوم بكرا دا ما يجي انا مشتاق ليك حاسي لي مية سنة ما شفتك

رِوايات سُودانية🪐🤎!)"

19 May 2025 18:37

#مندرين11

الظروف الحاصله ما رايحة عليك ، و انا مريت بفترة م يعلم بيها إلا الله -و انا اتعلمت منك ان الفرح م بدوم و كذالك الحزن ، طالما من البداية اخدنا قرار انه نكمل حياتنا مع شخص انحنا #واثقين فيه انه يستاهل نقدم ليه اهم و اجمل فترة في حياتنا و نشاركه كل لحظاتنا ، يبقى ليه لا ؟ ليه العرس م يتتم في نفس مواعيده
بالعكس قصي في شِدة ما يعلم بيها الا الله كان م لقاني فيها اسي تاني م اظن لي وجودي لازمة
احساس العجز يا أبوي و انا م قادرة اساعدو و معتمدة بس على المستشفى و هسي بعد يطلع حيكون مسؤلية امه و دي حاجة صعبه عليها في عمر زي دا !

" اخدت نفس و كملت كلامها "

ابوي .. انا نزرت نزر يوم الحادث و هو ان ربنا لو كتب عمر جديد لي قصي انا حابة اتمم عرسي منه .. بس من غير عرس …
من غير تحقيق احلامنا - من غير صالة - من غير فستان - من غير قومة و قعدة ...

"مبتسم بعاين ليها"
"لكزها في كتفها وهو بتكلم "
الرسول صلى الله عليه وسلم قال شنو؟!
" وصال : عليه أفضل الصلاة وأتم التسليم .. قال شنو ؟!"
"بصوت ابوي عالي شوية "
قال : الدنيا متاع وخير متاع الدنيا المرأة الصالحة
"لقيت روحي ببتسم وانا بعاين لابوي بجلابيتو السمنية حقت البيت "
"تاني اداني لكزة خفيفة وبصوت مبهج "
ما كل النسوان ديل صالحات عشان كدا خص المرأة الصالحة " بضحك وضحكت معاه"
في دليل الفالحين شرح رياض الصالحين القرطبي قال فسروها في الحديث انو المرأة الصالحة
كان عاين ليها سرتو وكان أمرها أطاعتو وكان غاب منها حفظتو في نفسها وماله
يا سلاااام شفتي الكلام دا سمح كيف
"بتعدل حبة وبقول ليه اي والله ربنا يجعلني من الصالحات"
"بعاين ليها
قصي الله اداه مرا سمحة من بره ومن جوه مرا هميمة فاهمة ومستعدة تقيف معاه في الحارة. دي ما هينة وانتي هسي السويتي دا تضحية حاجة ما هينة ولا شنو؟!
" إبتسامتي زادت خجلته ودنقرته وبقيت اجرجر في هدومي"
انتي قايلة امك دي لو ما كانت سمحة وفاهمة ورايقة وهدية ورضية كنت بعرسها "بضحك" وداعمة لي كانت
__ولي هسي يا ابوي امي سمحة شديد وهميمة ربنا يخليها لينا يارب
**زمان لما كنت بجي من الجامعة كنت خاطبا وهي كانت صغيرة عمرا 12 ولا 13 سنة بجيب ليها الطرح شالات كدا كبيرة ومجلات روز اليوسف ومعاهم مناديل قماش كدا سمحة خلاص قماشتا رهيفة بلقاها مطرزة لي اسمي فيهم تاني يوم .
امك كانت بتريد الخياطة والتطريز عندها مكنة لونا اسود لي هسي بتزكرا ياما خيطت ليكم المرايل وانتو صغار قدر كدا "بأشر بي يدو"
__شوووف امي ما حصل جابت لينا السيرة دي
**"بضحك وبواصل في كلامو" الوقت داك دكان خالي كان ما بين بداية بيتهم ونص المسافة لي بيتنا لما اجي بخت الكرسي وبقعد قدامو وباكل في التسالي بنات الحلة يمشو ويجو يمشو ويجو"بضحك"
امك قالت لي اي واحدة تقول للتانية شفتي الطاهر انا شفتو
__"بضحك"ابوي انت زاتك كنت سمح انا كل ما اشوف صوركم بتمنى لو كنت في زمنكم دا. والحمدلله اني بت الطاهر وامال
**والحمدلله على نعمة وجودكم
__اها ياابوي قلت شنو العرس في محلو تالتة العيد؟!
**قلته اني مبسوط منك شديد يا وصال
المرأة الصالحة كلها ارباح
وعلى بركة الله ...
انا بشاور اخوك وبكلم اعمامك وخيلانك بلاقيهم هسي في الجامع تاني امك بتكلم النسوان بطريقتا معاهم..
__صحي هو سراج قال جاي متين ما ح يصوم اول رمضان معانا؟!
**اتصل علي قبيل قال بجي لكن ما أكد ياتو يوم
"بحول في محطة الراديو بتاعو "
"لحظتها وانا بعاين ليه وبحمد ربنا وبشكرو اني بتو وهو ابوي نزل مني هم كبير واني لما اجري لابوي اول واحد واقول ليه الجواي لاني عارفة هو قدر شنو حكيم وحنين وبسمعني لا في يوم نهرني او سمعني فارغ او كورك فيني وحتى لما اغلط كنته بلقاه بتكلم معاي بهدوء ويوريني غلطي انا بحب ابوي شديد العمرو ما خلاني احتاج لزول غيرو وكان لي الاب والرفيق والصديق البلجأ ليه اول زول. "
سمح انا خايفة من رد فعل امي!!
**امك دي خليها علي بكلمها بتهرج ليها لحظة وبترضى انا عارفا
" بقينا نضحك وفجأة جانا صوتها"
امي : بقولو ود الحلال بجي على سيرتو
انت وبتك طريتوني في شنو ؟!
"صوت الأذان في اللحظة دي وكلنا بقينا ساكتين الا من جواي بقيت اردد معاه "
الله أكبر الله أكبر الله أكبر الله أكبر
أشهد أن لا إله إلا الله أشهد أن لا إله إلا الله
أشهد أن محمداً رسول الله أشهد أن محمداً رسول الله
حي على الصلاة حي على الصلاة
حي على الفلاح حي على الفلاح
الله أكبر الله أكبر
لا إله إلا الله

ابوي : "بصوت " اللهم صل وسلم على رسول الله
اللهم رب هذه الدعوة التامة والصلاة القائمة آت محمداً الوسيلة والفضيلة وابعثه مقاماً محموداً الذي وعدته إنك لا تخلف الميعاد

رِوايات سُودانية🪐🤎!)"

19 May 2025 18:37

بعدها مشيت غرفة رزان و سلمى - لقيت سلمى بتجهز و رزان لابسة و فاتحه الابتوب و ماسكة دفتر و مركزة شديد ، و دي اول مرة اشوفها كدا من مدة طويلة شديد و كانت قاعده و لابسه بجامة بي طاقيه و رافعاها في راسها _ عاينت ليهم مافي وحدة عبرتني و طلعت زي م جيت ..
نزلت لي عمتي قلت ليها :
وصال : عمتو ممكن اتكلم معاكي في موضوع ؟
__ تعالي حبيبتي حاصل شنو ؟
وصال : ما حاصل حاجة اتطمني ، بس كنت محتاجة عربيتك عندي كم مشوار ! لو ما حعطلك !!
__ انا اليومين دي ما عندي مشاوير الا للضرورة  قضي بيها امورك
وصال : م اعدمك يارب

من دربي مشيت لبست عبايتي ، و نزلت طوالي مشيت أول حاجة لي نسرين ( الماسكة لي فستان زفافي  ) ، حاولت تتكلم معاي م اديتا فرصه ، شلت منها الفستان من غير تفاصيل لانه كان مفروض ناقصه الاكمام تتركب و باقي الخرز اليدوي كان عندي عملتو في البيت ، ناقصو يتشطب بأختصار ( هي كانت بتنفذ بس تصميمي عشان م كان عندي زمن ) - المهم شلتو معاي ختيتو في العربية ورا - و اتذكرت ان كان عندي طلبية من شي ان معلقه ، اكدت عليها و حددت التاريخ قبل العيد توصلني  .. و كان عندي مشوار خاتاه في حساباتي انجزتو و مشيت بعدها المستشفى .. مجرد م وصلته الدور المرقد فيهو قصي ، لقيت كمية شباب متوسطهم الهادي و احمد ، وقفت بعيد الهادي جا علي ! لاحظت ان في واحد من شافني من بعيد قام وقف و فضل بعاين فيني و مركز ..
الهادي : وصال ! كيفك ؟
وصال : حمدلله بخير الحاصل شنو ؟
الهادي : انتي الجابك شنو مش قبيل طمنتك ؟
وصال : معليش بس انت عارف انه غصب عني و طالما طلع على غرفه عاديه لازم اشوفو و اتطمن عليه انا طول الوقت دا قاعده على اعصابي يا الهادي ، و حاسه اني م لاقيه فرصه اكون جمب قصي !

الهادي : وصال قصي لو عارف البتعمليهو دا زاتو م بيرضى ، م حينفع 
لو في اي شي انا بكلمك تلفون ! جيتك م ليها لازمة انا م داير ليكم التعب حتى امي و مروة م قعد اخليهم يجو !

وصال : انا فاهمه كل دا بس كمان مشاعر الخوف و القلق م بتفهم المنطق البتتكلم فيهو دا زول بحالة قصي الشفناهو بيها ديك منو قال انه ممكن يعيش ؟ فا اني اتطمن بي شوفتو رغم انها م بتكفي لكن راضيه بالدقيقه دي ، المهم انا عايزة اخش ليه ، غرفتو في نفس الدور دا ولا كيف؟
الهادي : انا اسف ما قصدي احرمك والله و لا امنعك ! بس ربنا عالم بالجواي - تعالي معاي بي جاي " عكس اتجاه الشباب محل كان قاعد "
وصال : اعذرني .. يلا .." مشيت معاه " ديل منو يا الهادي ؟
الهادي : جماعة زمايلي وفي منهم معارف قصي ياداب سمعوا بالحادث
وصال : اهااا كتر خيرهم -
الهادي : م شايف زول لكن دي غرفتو " وقفو جمبها " خشي ان شاءالله م يكون نايم ! " فتح ليها الباب "
وصال " بي لهفه " : حاضر حاضر " دخلت و قفلت الباب "

وصال قالت :
رغم اللهفه الا انه كان ماليني خوف خوف غريب ، رغم انه كان احسن و مافي مقارنه منظر الاجهزة و الخراطيش الكانت في كل حته في جسمو ديك براها مخيفه !
وصلت جمب سريرو و بعاين في وشو الملان كدمات و مورم و الشاش الفي النخرة ، بقيت بحاول امد يدي اهبشو م قادرة اوصلو من الرجفه ! لقيت نفسي بقول ليهو :
شفاك الله يا حبيب روحي ، و حبيب عمري ، فرحة شبابي و نعمة ربنا علي ، قدر شنو انا محظوظة انه ربنا سمع دعاي و كتب ليك عمر جديد تعيشو معاي ! قدر شنو فراقك شين و بيوجع ! قدر شنو مؤلم امسك تلفوني و م القى منك رساله ولا اتصال ! قدر شنو الدنيا من غير شينه و يومي من غيرك م ليه طعم !!
شفاك الله و عافاك يا حبيبي … انا جمبك و لو لي مراد نتقاسم الكسور و الآلام و اخد المسكنات دي بدلك انا م حا اتردد اقاسمك ..
" بمسح في دموعي و لقيتو بحاول يرد لي و يقول لي"

قصي " بلسان تقيل " : كبيرة كدا و بتبكي !؟
وصال " ب لهفه و فرح و لخبطة بكى على فرح " : قق قصي ! حبيبي يا عمري " بتبكي زيادة "
قصي : ما تبكي انا كويس يا مم مندرين ! اديني ساعه كدا انوم فيها و اقوم نلعب لينا كوره !
وصال : هه ههه مجنون حتى و انت راقد رقدتك دي بتتعابط !
قصي : ج ج ججج جادي معاك انا اااح
وصال : م تتكلم ريح ريح ! ابقى لي كويس شد حيلك
قصي " غمض و غلبو الرد كل الحاول ينطقو " : بب بح حبك و وصال !!
" الباب فتح - الممرضه و برا الهادي كان واقف "

مسحت دموعي و عاينت ليها قالت لي :
__ لسه شوية على انه ياخد و يدي ف الكلام بس في تحسن ! استأذنك تطلعي لانه كدا كدا حينوم من المسكن و العلاجات ..
وصال : حاضر حاضر ! " طلعته "

الهادي : اتكلم معاك ؟
وصال : ايوا .. شويه لسه لسانه تقيل و متألم يا حليلو
الهادي : عيونك حمرت
وصال " بتمسح " : فيني ولا فيهو يارب