Telegram-канал rwayatsudan - رِوايات سُودانية🪐🤎!)": Unsorted

رِوايات سُودانية🪐🤎!)"

21 April 2025 23:34

إزاي تحمي نفسك من (الباد بوي)..وإزاي تدخلي (الراجل العفيف) حياتك؟

- الجواز من الباد بوي يكاد يكون أسوأ حاجة ممكن تحصل لأي بنت في الدنيا، وللأسف كتير بيقعوا بسرعة وبينجذبوا للنوع ده من الرجالة، وده لإنه بيبقى فاهم في الستات جدًا، بيعرف يهتم ويقول كلام حلو أوي، وحتى لو هي شايفة حاجات مش مريحة فيه بنسبة كبيرة بتكمل وبتتجوزه.
.
.
- إيه مشكلة الباد بوي الأول؟
.
.
= مشكلته الشهوة، هي محور حياته تقريبًا، والشهوة مرض بيصيب القلب وبيخرجه عن صحته واعتداله، هو حرفيًا قاعد مستعد لأي نظرة، مستني أي دعوة أو تلميحة للحرام، فبيستجيب بسرعة بدون تردد، ومرض الشهوة محركاته بتبقى سهلة جدًا وكتيرة جدًا ومتنوعة ومتاحة جدًا.
.
.
= أظن مفيش أسهل من إن بصفتك (باد بوي)، تروح تصاحب ستات، تفتح لايفات تيك توك وتتفرج، ولا تتابع البنات اللي قالعين على انستجرام، أو بمجرد ما تلمح ضعف نفسي أو فراغ عاطفي عند بنت إنت بتتعامل معاها حتى لو للضرورة، تحوم حواليها لحد ما تقنعها إنك بتحبها وهتتجوزها، ولكن إنت غرضك الحقيقي بيكون الشهوة والجنس.
.
.
- إزاي احمي نفسي من (الباد بوي) أو (الرجل غير العفيف)؟
.
.
= الإجابة هنا: (فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَّعْرُوفًا).
.
.
= عارفة الذي في قلبه مرض ده؟ هو ده بقى (الباد بوي) أو (الراجل غير العفيف).
.
.
= الشهوة أو المرض اللي في قلب الراجل هنا بيحتاج محفز عشان يشتغل، يعني شعور الراجل ده تجاه واحدة في كامل زينتها وبتتكلم بدلع وخضوع ولين مش هيبقى نفس شعوره تجاه واحدة بكامل حجابها وبتتكلم بحزم وحاطة حدود،.
.
.
= مين هتحفز مرضه هنا؟ مين اللي هتفعل الشهوة اللي مسيطرة على قلبه؟
.
.
= هو هيشتهي الأولى ومش هيشوف التانية أصلًا، بل احتمال ينفر منها كمان.
.
.
= لذلك بقى مطلوب منك تقفلي كل المثيرات والمحفزات اللي ممكن تشد (الباد بوي) ناحيتك واللي على رأسها التزامك بحجابك الشرعي ثم عدم خصوعك بالقول، إنتي بمجرد ما هتخضعي بالقول هيطمع فيكي (الراجل غير العفيف) ولو معرفش ياخد حاجة منك هيتجوزك، بعدين هيكمل اللي بيعمله مع غيرك عادي.
.
.
= ساعتها هتبقى إنتي الزوجة المخلصة اللي واثق فيها ومستأمنها جدًا، وطبعًا باله هيبقى مرتاح، فهيعرف يركز مع الستات التانيين وهيخربها بقى وينبسط.
.
.
- طيب و(الراجل العفيف) هيدخل حياتي إزاي؟
.
.
= كونك أنثى لا تلين ولا تخضع بالقول ثقي تمامًا إنك هتكوني مملة ورخمة ومش بتحركي شيء في قلب الراجل غير العفيف، خاصة لو ملتزمة بضوابط الخطوبة، وواخدة بالك من نفسك ومقدمة الدين والقيم والمبادئ على عاطفتك، هو مش هيستحملك، ولو استحملك في الأول مش هيستحملك بعد كده.
.
.
= وده بيان جدًا، خاصة لو علق وقالك مثلًا فكيها بقى متبقيش متشددة، أو لو حاول يستميلك بكلام حلو عشان تستجيبي ليه، أول لو ملتزمش بضوابط الخطوبة واتحجج بإنه بيحبك ومش عارف يمسك نفسه.
.
.
- (نيجي بقى للراجل العفيف):
.
.
= الرجل العفيف هو رجل صحيح أو سليم القلب، بيقدر يتحمل اللي مبيقدرش يتحمله الراجل غير العفيف، وبيقدر يصبر على اللي مبيقدرش يصبر عليه الراجل غير العفيف، هو معندهوش شهوة لما حرم الله أصلًا، ولذلك لا تميله ولا تحركه الأسباب.
.
.
= يعني لو جت ست اتشقلبت قدامه وخضعت بالقول ولبست مفتوح هيقرف منها مش هيشتهيها أساسًا، ولو شاف ست بكامل حجابها وحازمة وحاطة حدود، هيبقى عاوز يتزوجها وهيحس إنه لقى كنز قدامه، وده عكس السيناريو اللي بيحصل مع (الراجل غير العفيف) تمامًا.
.
.
= الراجل ده بقى لما يشوفك محافظة على نفسك، ولابسة حجابك الشرعي وطريقة كلامك مع الأجانب عنك مقتضبة جدًا خالية تمامًا من الخضوع بالقول، هتبقى عاملة إزاي في نظره؟ .
.
.
= تتخيلي حركته تجاهك هتبقى نابعة من شهوة أصلًا؟ هو مفيش شهوة اتحركت أساسا، هو حرفيًا مختارك إنتي بالذات، هو عايزك إنتي لذاتك ولروحك ولأخلاقك، وقيمك، وهتبقى وقتها اللي ينطبق عليها حديث الرسول صلى الله عليه وسلم: (فاظفر بذات الدين تربت يداك).
.
.
= العفيف بقى مش بيزهق ولا بيشوفك مملة، إنتي هتكبري في عينه ونظره جدًا لما تكوني بهذا القدر من العفة.
.
.
= الراجل العفيف هو راجل تقيل وراكز، مش هيلففك وراه ولا هيشكك فيه، هو ظابط حاله وملتزم بصراط الله المستقيم لله مش ليكي، هو كده من قبل ما إنتي تيجي أصلًا، رجل عزيز جدًا، قلبه لا يشتهي الحرام محافظ على نفسه وقلبه، فهيعرف يحافظ عليكي كويس.
.
.
- طيب اتعامل إزاي عشان مخضعش بالقول؟
.
.
= الوحي رحيم رحمة عظيمة جدًا بالتكوين النفس لينا، ويراعي الفروق النفسية بين الراجل والست فوق الوصف، وده بان أوي في ضبط مسألة الخضوع بالقول.