رِوايات سُودانية🪐🤎!)"

08 March 2025 20:36

نبدأ جبر خاطر جديد بكل النوايا والدعوات الطيبات
وحده من الزميلات المتعففات ضاق بيهم الحال شديد وحالياً في منطقة محاصره وضعهم بقى صعب شديد محتاجين ليهم مواد تموينية يمشو بيها رمضان
عارفين أجر إطعام الصائم ألف منك وألف مني بإذن الله بتسد حوجتهم
٢٦٠٥٧٦٥
نور الدين عثمان

رِوايات سُودانية🪐🤎!)"

08 March 2025 19:44

لمن تقعدي تتدعي السنين كلها اريدهُ أحن عليَ مني !

رِوايات سُودانية🪐🤎!)"

08 March 2025 18:55

ما ننسى يا بنات نعيد معانا لاخونا البقول:

معليش امي هي البتختار الشيلة
كنت منتظرك ترسلي إنتِ
تستاهلي واحد احسن مني
أمي قالت اعرس بت عمي
أمي قالت ما عجبتيها نحنَ لازم ننفصل
دقيقة اسأل امي اتنفس ولا لأ

يوم نسوان عالمي ليك حبيبااااااه

رِوايات سُودانية🪐🤎!)"

08 March 2025 16:50

تحيي تعيشي لا مقهوره ولا منهوره..💕
لا خاطر جناك مكسور..
بل مستوره💞
يا ذات الضرا المستور..
سلاما يا غزالات العمل.. والبيت..✨💞

رِوايات سُودانية🪐🤎!)"

08 March 2025 12:37

البت البمنعا حبيبا تطلع و ما بتطلع فعلاً دي ما تجمعوها معانا في يوم المرأه يابنات

رِوايات سُودانية🪐🤎!)"

08 March 2025 09:11

يقول اي شي عننا للناس ، خامسٱ واخيرٱ ممنوع تقولي انا زهجت من الاكل الواحد الما بتغير دا لانو ماف غيرو واعتراضك دا ح يدخلك في داهية!...
سكتت مسافة بعدها قالت لي:الثعلب كتب لي ملاحظة وهي عبارة عن انك مسموح ليك تطلعي برا المقر الليلة عشان تجيبي حاجاتك الفي البيت وتجي هنا مباشرة وما تفكري تخونينا لانو في حارس ح يمش وراك خطوة بخطوة عشان يتأكد انك ما ح تعملي حاجة
ابتسمت وقلت ليها:طيب
اشرت لي على الباب وهي بتقول لي:بتقدري تتفضلي ، ح تلقي الحارس منتظرك برا في الشارع
هزيت ليها راسي بالموافقة وقمت وقبل ما امشي سمعتها بتقول لنفسها بهمس:واحد من المسؤولين بنفسو يجيبها لحدي هنا وكمان موصيني عليها بأمر من إيڤان! ، طيب إيڤان مهتم بيها كدا ليه؟
عقدت حواجبي بإستغراب وانا بسأل نفسي:"هو بجد إيڤان مهتم بي كدا ليه؟" ، اخدت نفس عميق وطلعت من المكتب ومشيت بالطريق الوصفو لي الثعلب لحدي ما قدرت القى البوابة الكان بتكلم عنها ، بصمت بسرعة واول ما الباب فتح طلعت السلالم بخطوات هادئة لحدي ما وصلت الشارع ، بمجرد ما طلعت من المقر عيوني اتعلقت في القصر الفجأة لقيتو قدامي!...
كان ضخم شديد وكان لونو بني فاتح واللفت نظري الاشجار العملاقة الكانت بتشكل سور طبيعي حلو شديد حول القصر غير سور الحماية طبعٱ ، منظر الخضرة بتاعت الشجر وتدفق الموية الما عارفة مصدرها من وين بين الشجر كان منظر في قمة الجمال وكأنو لوحة فنية ، دققت النظر في القصر وجمالو والطبيعة الخلابة حولو بحزن شديد وانا بتخيل اني كان يفترض حسي اكون بت الملك وقاعدة في غرفتي بقرا في واحد من الكتب بمزاج وامي تجي تناديني للغدا بس للاسف انحرمت من القصر دا ومن امي وابوي كمان ودا كلو بسبب عاشق للقروش اسمو إيڤان! ، حسيت برغبتي في الانتقام بتزيد وبتدفق في اوردتي وانا بعاين للقصر وبقول لنفسي بنبرة يغذيها الانتقام:"ح انتقم منك يا إيڤان ودا وعد مني ، ح اندمك على كل العملتو فيني وعلى تدميرك لحياتي بكل برود ، واكيد نهايتك ح تكون على يدي!"
قطع حبل تفكيري وتركيزي الشديد في القصر واحد من الحرس بعد وقف قدامي وقال:يا انسة ممكن تتحركي لاني مكلف بمراقبتك وعندي شغل كتير غيرك ف ممكن تستعجلي لو سمحتي؟
هزيت راسي وانا بحاول ابتسم وقلت ليهو:طيب اهو ماشة
اخدت نفس عميق ومشيت بخطوات هادئة وانا حاسة بيهو ماشي وراي ، وقفت لي تاكسي وركبت بعد وصفت ليهو الطريق وكانت عربية الحارس متابعانا في كل طريق ندخل بيهو ، كنت منزلة راسي لمن حسيت بالعربية وقفت فجأة...
رفعت راسي وقلت للسواق:وقفت ليه؟
قال لي وهو بطلع راسو من الشباك:الشارع مليان بعربيات الشرطة والشرطة محاصرة المكان وما قادر ادخل اكتر من كدا
هزيت ليهو راسي  بالموافقة وانا بطلع القروش من الشنطة وبديها ليهو وانا بقول:طيب اصلٱ انا شبه وصلت ح امشي الباقي برجولي
ابتسم لي وشال مني القروش ، نزلت من العربية وبقيت بمر وسط الضباط الكانوا بعاينوا لي بإستغراب لحدي ما وصلت العمارة ، يعني حرفيٱ المكان كان مليان بالشرطة بشكل مريب شديد وما انكر اني كنت خايفة من الحاصل حولي دا بس حاولت اتجاهل خوفي وانا بمش وسطهم بثقة مصطنعة...
وقبل ادخل من باب العمارة لقيت واحد من الضباط بجرني من يدي وهو بقول لي:استني استني ماشة وين انتي؟
رديت عليهو ببساطة:داخلة شقتي
ابتسم ببرود وقال لي:انتي ما شايفة اننا بنطلع في الناس من الشقق بتاعتهم في رايك يعني ح نسمح ليك انتي تخشي؟
قبل ارد عليهو جا ضابط تاني وقف جمبو وقال ليهو:سألتها؟
هز اكتافو بعدم مبالاة وهو بقول:لا
عاين ليهو بغيظ وقال ليهو:منتظر شنو ان شاء الله؟
التفت علي وقال:ها يا اخت انتي ساكنة في واحد من الشقق دي صح؟
هزيت راسي بالموافقة وانا بقول ليهو:ايوا
قال لي بهدوء:الشقة رقم كم؟
قلت ليهو:رقم 15
عاين لي بنظرة غريبة والتفت على الضابط التاني وهو بقول ليهو:دي هي!!!....

*═℘═🌸═℘═🌸═℘═🌸═℘═*
*♡نتـــــــــــــــــــــــــــــــــــــــــــلاقى♡*
*☆يتبــــــــــــــــــــــــــــــــــــــــــــــع☆*

رِوايات سُودانية🪐🤎!)"

08 March 2025 09:11

*#قناع~اوڤاكاب《07》*
*#بقلم~ولاء~فؤاد (إيليا🖤)*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
*‌‌‌‌‌‌‌‌‌‏*★★★ـہہہـہہــــــــہہہـہہـــــــ★★★ـــــ❥

​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
‌‏
وبعد خمس دقائق كدا دخل مهدي بإنفعال وملامح وشو ما بتبشر بالخير ، قفل الباب بقوة وعاين لي بغضب وقال لي:انا واثق انك جاية لسبب معين وكل الكلام القلتيهو دا متأكد تمام التأكيد بأنو كذب وانو وراك سر كبير ، بس اوعدك اني ح اعرف الحقيقة وللوقت داك مسموح ليك تعملي العايزاهو لاني ح اخليك تتشرفي وتموتي على يدي بعد اعرف الحقيقة خليك متأكدة من النقطة دي!
نططت عيوني وانا بعاين ليهو بصدمة! ، لا هو شاكي فيني كدا ليه؟ عملت شنو انا خلاهو يشك فيني كدا؟ طيب لو بجد اكتشف الحقيقة انا ح اهرب من مصير موتي بين يديهو كيف؟
قطع حبل تفكيري الثعلب بعد قام على حيلو بإنفعال وضرب الطاولة بيدو بغضب وهو بقول:ياخي لحدي هنا وكفاية يا مهدي كفاية! ، اسبوع كامل وانت بتتصرف تصرفات غريبة وبتقول كلام اغرب ماف في الخيال ولا الواقع ، كل يوم بنقول مهدي البنعرفو ح يرجع بكرة بس غضبك وانفعالاتك بقت بتزيد يوم بعد يوم وبجد بقيت لا تطاق ، ياخ حتى إيڤان ما سلم من انفعالاتك وغضبك برغم من انك اكتر واحد كنت بتحترمو فينا!
سكت مهدي وهو بعاين لمكان ما بشرود بدون ما يرد وتقريبٱ كأني شفت عيونو المرقرقة بالدموع!..
ضغط على عيونو بسرعة عشان يخفي دموعو وهو بقول:وصل البت دي للمكتب وتعال تم شغلك وما تشغل بالك بتصرفاتي الغريبة دي زي ما بتقول
قرب منو الثعلب بإنفعال وختى يدينو في كتفو وهزاهو بغضب وهو بقول:لانك انسان اناني وما بتراعي لمشاعر الناس بتلقي كلماتك الحادة العاملة زي السهوم في منتصف القلب ، حرفيٱ انا صدمتي فيك بتزيد اكتر واكتر وبقيت ما بقدر انوم وانا بسأل نفسي كل يوم هل انا غلطت في حقك بدون قصد وتغيرك دا بسببي او في مشكلة شاغلة تفكيرك ، بس لمن لقيتك بتتعامل بالطريقة دي مع الجميع وما معاي براي ف انا اتأكدت انو دي شخصيتك الحقيقية وظهرت بعد مدة طويلة من معرفتنا وبرغم من طول الزمن إلا انو مصير قناع الزول المخفي بيهو حقيقتو يقع لا محالة و....
قاطعو مهدي وهو بقول بنبرة حزينة ومهزوزة:امي ماتت!...
بعد جملتو دي الصمت عم المكان بشدة ، بعد دقيقة كاملة ردد الثعلب جملة مهدي بزهول وهو بقول:امك ماتت! ، ك...كيف ومتين؟
ما رد عليهو وقعد في الكرسي بتعب وهو بضغط على عيونو ، التفت علي الثعلب والتفت مرة تانية على مهدي وهو بقول:دقائق بس جاييك
مشى على الباب وهو بقول لي:اتفضلي معاي
مشيت وراهو من سكات واول ما طلعنا بدأ كلامو وهو بقول لي:المكان دا خاص بينا نحنا بس كـ مسؤولين ومليان حرس زي ما انتي شايفة وممنوع اي زول يجي هنا الا بأمر من واحد مننا ، يعني انتي لو ماف زول استدعاك مننا وحاولتي تجي هنا ح تلقى الرفض القاطع من الحرس وما ح يدخلوك إلا بأمر مننا...
سكت شوية بعد اتعدينا الحرس ودخلنا في مكان مليان بالغرف المغلقة وكان في اصوات ضجيج عالية صادرة من الغرف دي ، واصل كلامو وهو بقول لي:اما هنا ف دا المكان الخاص بالشغل الجاد وبس ، هنا بتلقي كل شي بخص مقر اوڤاكاب يعني مثلٱ الغرفة دي خاصة بمراقبة المقر بالكامل وشغالين فيها عدد كبير من الناس ، بإختصار هنا شغالين كل الناس المسؤولين عن حماية مقر اوڤاكاب وحاجات تانية ما اظن ضروري تعرفيها...

رِوايات سُودانية🪐🤎!)"

08 March 2025 09:11

والحمد لله انو ولاء انقذتني وهي بتقول ليهو بسرعة كأنها قرت طريقة تفكيري والطريقة الكنت ح اجاوب بيها:صافيناز...لقبها صافيناز
عقد إيڤان حواجبو بإستغراب وهو بقول:عرفتي كيف انتي؟
ردت بتوتر:قالت لي كدا قبيل لمن سألتها
هز ليها راسو بهدوء والتفت علي وهو بقول:عمرك كم؟
رديت عليهو بهدوء:25 سنة
قال لي:دخلتي المقر كيف وانتي ما عندك مفتاح؟
فكرت بسرعة في اجابة وانا بعاين لي ولاء بتوتر ، بلعت ريقي وقلت ليهو:قبل كدا لمن شفت إيليا وهي بتخش المقر دا وقربت من الباب لقيتها نست المفتاح بتاعها في الباب ف لقيت نفسي تلقائيٱ بشيلو وبمش انسخو ورجعت مرة تانية ورجعت المفتاح بتاعها في الباب واحتفظت بالنسخة
عاين لي ولاء بنظرة توعدية كأنو بقول ليها حسابك معاي بعدين ، والتفت علي تاني وانا لمن التفت على ولاء لقيتها بتهز لي راسها بغضب مكبوت وكأنها بتقول لي:"شكلي ح ادخل في داهية بسببك! ، ما كان تقولي كدا ياخي!"
التفت مرة تانية بصوت إيڤان الهادئ:وعايزة تبقي عضوة في المقر دا ليه ان شاء الله؟ اسبابك شنو؟
رديت بثقة مصطنعة:ممكن تقول اني من زمان بحب طريق الاجرام حتى اني كنت بسرق وانا ما محتاجة ، وكذا مرة كنت بضرب ناس بطريقة عنيفة بدون سبب بس لاني حاسة بغضب شديد وبسبب ليهم بأضرار جسدية كبيرة غير اني شخصية عنيفة وعصبية جدٱ ومما وانا صغيرة الناس بقولوا اني لمن اكبر ممكن ابقى مجرمة خطيرة وكانوا بحزروا اهلي مني وبقولوا ليهم يشوفوا لي حل ومع الوقت عدواني زاد واتمردت ودخلت في طريق الاجرام بس لحدي اللحظة دي ما حصل وصلت لمرحلة القتل
نزلت راسي وانا بستغفر على كمية الكذب الكذبتها دي وانا بقول لنفسي:"اهدي يا صفاء اهدي انتي بتعملي دا كلو للانتقام لي اهلك وح تضحي كتير وتعملي اكتر من كدا في المستقبل ف خليك ريلاكس عشان الامور تتم زي ما انتي عايزة"
قطع حبل افكاري صوت إيڤان وهو بقول لي:طيب عندك سجل اجرامي؟
قلت ليهو:لا بس....
قبل اكمل كلامي لقيتو برفع لي يدو بمعنى اسكتي وهو بقول لي بملل:سبق وقلت ليك ما تحكي لي قصة حياتك وردي على حسب السؤال بس صح؟
هزيت راسي وانا بقول:صح
قام على حيلو وجا بخطوات هادئة علي لحدي ما وقف قدامي بعدها قال لي بهدوء:اضربيني!
عقدت حواجبي بإستغراب وقلت ليهو بإستنكار:نعمم؟
ابتسم ببرود وهو بقول لي:طرشتي؟ قلت ليك اضربيني ، عشان اتأكد انتي مجرمة لازم تضربيني وانا بنفسي ح اقيس قوة ضربتك ، لو لقيت ضربتك عادية وما اثرت فيني ف معناها انتي من البنات الدلوعات ديلك وكل شي قلتي كذب وفي زول مرسلك عشان توهمينا بالكلام الغبي دا ، اما اذا ضربتك كانت قوية ح احاول اصدقك واخليك تبقي عضوة رسمية في المقر دا
قام مهدي من مكانو بإنفعال وهو بقول:انت جنيت يا إيڤان؟ كيف يعني تسمح لإنسانة نحنا ما واثقين فيها تبقى عضوة رسمية في المقر؟ لا انت....
وقبل يكمل كلامو رفع إيڤان يدو بمعنى اسكت وهو بقول بغضب مكبوت:انا سمحت ليك تتكلم؟
رد مهدي بغيظ:لا
اخد إيڤان نفس عميق وقال ليهو:يبقى تحتفظ برايك لنفسك لاني عارف نفسي بعمل في شنو كويس واي حاجة بعملها بكون دارسها وما بتخذ اي خطوة وانا ما متأكد من مصلحتي في الخطوة دي
بعد كلامو دا دب الرعب في قلبي وانا حاسة بجد انو في حاجة غلط! ، كيف يسمح لي بالبساطة دي ابقى عضوة من اعضاء المقر؟ واضح انو في دافع قوي ورا موافقتو دي ويا رب بس ما يكون الفي بالي وانو اصلا عارف انا منو!
قرب مني وهو بقول:نرجع لموضوعنا ، ارح اضربيني
ابتسمت بإنتصار بعد اتحقق حلمي القبل شوية بأني نفسي اضربو ، اخدت نفس عميق وانا بقول لنفسي بتشجيع:"ركزي يا صفاء انتي ما ح تضربي اي زول ، انتي ح تضربي قاتل امك وابوك ف لازم تجمعي كل قوة الانتقام الجواك وقوة قهرك وشعورك بالظلم في الضربة دي ، اضربيهو بكل قوتك وخلي احاسيسك كلها في الضربة دي وركزي فيها شديد لانها ح تكون اول خطوة في مشروع انتقامك من إيڤان ، ما ح تفشلي ما تخافي لانك حاصلة على الحزام الاسود في الكراتيه وكوتش زياد بنفسو كان بشكر في قوتك الهائلة واجتهادك ، يلا يا صفاء يلا"
وبسرعة ضربتو بأقوى ما عندي في بطنو لدرجة اني حسيت بدوخة خفيفة في راسي من شدة تركيزي الشديد في الضربة دي ، لقيتو برجع لورا وهو ماسك بطنو بألم و واضح من ملامح وشو انو حاسي بألم لا يطاق ، ابتسمت بإنتصار وفرح وانا بعاين لكمية الألم الحاسي بيها بسببي...
قام الثعلب من مكانو بسرعة وساعدو يقعد في الكرسي وهو بعاين لي بصدمة كأنو بقول لي:"دي شنو القوة الهائلة العجيبة دي!؟" ابتسمت بغرور لمن شفت نظراتهم المصدومة كلهم...
بعد قعد إيڤان في الكرسي ضحك بتعب وهو بقول لي بألم:انتي بت معقولة بس؟ ياخي ما شاء الله عليك بقوة رجال عديل!...

رِوايات سُودانية🪐🤎!)"

08 March 2025 09:11

التفتت جاسمن علي وملامح وشها اتغيرت جدٱ لمن شافتني وللحظة قلت لنفسي انو احتمال تكون عرفت اني صفاء حسن بس حسيت بالإطمئنان بعد اتذكرت انو ولاء قالت لي انو ماف زول عارفني حية غير إيڤان وغيرها لانها عرفت بالصدفة...
قربت مني جاسمن بخطوات غاضبة لحدي ما وصلتني واول ما وصلتني لقيتها بتلف يديها في رقبتي بإنفعال وغضب وهي بتقول لي:انتي منو؟! والدخلك هنا شنو؟! ودخلتي كيف والباب مقفول؟!
وقبل ما ارد عليها لقيت ولاء جات جارية بسرعة وفكت يديها من رقبتي وقالت ليها وهي بتمثل الغضب:لا دا موضوع كبير يا جاسمن ولازم نتناقش فيهو في المكتب مع مهدي والثعلب جيبيها وارح وراي
هزت جاسمن راسها بالموافقة وهي بتقول:صح كلامك احسن نخليها لي مهدي لانو ما ح يتردد لحظة في انو يقتلها دي احتمال تكون عرفت حقيقتنا ياخي!
بلعت ريقي بتوتر بعد سمعت جملتها دي وفجأة لقيتها بتجرني من يدي بقسوة وهي بتمش بي ورا ولاء الكانت بتمشي بسرعة ، واصلنا مشي لمدة دقيقتين وسط مشاعر مختلفة لحدي ما وصلنا مكتب كبير وشكلو جميل شديد من برا وظاهر عليهو الفخامة الشديدة ومكتوب عليهو بخط عريض:"مكتب المسؤولين الخمس"
وقبل ما ندخل سمعنا صوت اتنين بتشاكلوا بصوت عالي ، واحد منهم قال بغضب وإنفعال:ياخيي اسكت يا مهدي انت ح تجلطني دي شنو كمية الغباء الفيك دي!
ضحك مهدي بسخرية وهو بقول:ايوا انا غبي شديد بالنسبة ليك يا ابن اينشتاين ، انا بس نفسي مرة في حياتي اشوفك بتعترف بفشل واحد من خططك وتنزل شوية من سلم التكبر والغرور الانت فيهو دا يا ثعلب!
علا صوت الثعلب وهو بقول بغضب:مستحيل اعترف بحاجة ما حصلت والجميع بيشهد انو خططي هي الدايمٱ بتنجحنا ولولاها حسي كنا ح نكون مرميين في السجن! ، انا شايف احسن تشوف شغلك بدل ما تحشر انفك في شغل الناس وانت ما فاهم فيهو حاجة!
وقبل ما يرد عليهو فتحت ولاء الباب وهي بتقول:مشاكلكم التافهة دي حسي خلوها وركزوا معانا لاننا جيناكم بمصيبة عديل!
رد عليها الثعلب وهو بقول بغضب:ياخي مافي مصيبة اكبر من مه........
وقطع كلامو لمن عيونو وقعت علي وملامح وشو فجأة اتغيرت من الغضب الشديد للتساؤل الشديد ، اتقدم بخطوات هادية علينا وهو بقول ليهم بإستغراب:دي منو؟
ردت عليهو جاسمن بإنفعال:ما عارفين بس فجأة لقيناها جمب البوابة ولي ساعة بسأل فيها جابت المفتاح من وين وعرفت المكان دا اصلٱ كيف بس ما بترد علي!
قرب مهدي مننا وهو بقول لي بإنفعال:دخلتي كيف انتي انطقي!
قبل ما ارد عليهو لقيت الثعلب برفع لي يدو بمعنى لا ما تتكلمي ، طلع سماعات صغيرة من جيبو وجهاز صغير وهو بقول:خلوني اوري إيڤان اول عشان ما يدينا محاضرة بعدين لاننا ما وريناهو من بدري واننا بقينا ما مسؤولين وكلامو الحفظناهو دا
خطف مهدي السماعات منو بغضب وهو بقول:ما اي شي تحشر إيڤان فيهو حاول حل مشكلة وحدة بس بدون ما تدخلو فيها!
زفر الثعلب بضيق وهو بهمس بغضب:انا نفسي اعرف ولد الناس دا الليلة واقع فيني بجُمل مستفزة من الصباح ليه!
قربت مني ولاء وهي بتغمز لي وبدهيٱ عرفت انو قصدها ارد عليها كان سألتني بعدها قالت لي:عايني انتي لازم تنطقي عشان ما تخلينا نتصرف معاك تصرف ما يعجبك ، انتي دخلتي هنا كيف؟ وبتعرفي شنو عننا؟
رفعت راسي وقلت ليها وانا بحاول ابين الصدق في كلامي:كذا مرة بالصدفة شفتك وانتي بتخشي من البوابة دي والفضول ساقني لحدي ما قدرت اعرف كل شي عنكم وعن اعمال إيڤان الخبيثة ف تلقائيٱ لقيت رجولي بتسوقني لهنا عشان اكتشف اكتر وهيك
ضحك مهدي بسخرية وقال لي:وانتي قايلة دخول المقر دا زي الخروج منو ولا شنو؟ يا بت فوقي لنفسك البدخل المقر دا بطريقتك دي كأنو جا للموت برجولو ، ثم ثانيٱ انتي قايلاها حديقة عشان تقولي عايزة تكتشفي؟
رديت عليهو بثقة مصطنعة:انا دخلت المقر دا وكلي ثقة انكم لمن تشوفوا مؤهلاتي ح تبقوني عضوة رسمية في المقر دا
صفق الثعلب وهو بقول لي بسخرية شديدة:لا بجد وااو ابهرت جدٱ بالثقة العندك دي ، غبية انتي ولا حاجة يا بت؟ قايلانا بكل بساطة ح نقول ليك طوالي ياخي الزيك منو انتي وح نضمك لمقرنا بكل ترحاب؟
قلت ليهو بثقة مصطنعة:انت لمن تشوف مؤهلاتي ح تغير كلامك دا كلو انا متأكدة
ابتسم وقعد في واحد من الكراسي وخلف رجل على رجل وهو بقول لي:طيب اتفضلي و وريني مؤهلاتك الح تغير لي كلامي دي وسجلك الاجرامي العظيم
ابتسمت بغرور وقلت ليها:انا حاصلة على الحزام الاسود في الكراتيه غير اني بديت لي فترة شبه بسيطة في تعلم الكونفو وصح ما عندي سجل اجرامي بس ح ابهرك جدٱ حتى اكتر من العندهم سجل اجرامي
حك شعرو بصدمة وهو بقول:انا بقول ليها سجلك الاجرامي شنو بتقول لي ما عندها وجاية تتفاخر لي بأنها حاصلة على الحزام الاسود وبتقارن نفسها بالمجرمين الهنا! ، لا انا ح انجلط الصراحة!

رِوايات سُودانية🪐🤎!)"

08 March 2025 09:11

طلعت ولاء مفتاح من شنطتها وفتحتو بسرعة وقالت لي وهي بتدفرني جوا الباب بسرعة:خشي بسرعة ماف زمن وما تخافي من الضلام دا لانو اي خطوة تخطيها تلقائيٱ السلم ح ينور يعني بنور على حسب خطواتك لحدي ما تنزلي تحت خالص ، اول ما تصلي تحت افتحي الباب بتفتح ليك عادي بدون اي حاجة وخشي وانتظريني هناك بجي بعد شوية
وقبل ارد عليها لقيتهل بتقفل الباب بسرعة وسمعت صوت خطواتها وهي بتمش بسرعة ، اتنفست بعمق وان خايفة من الضلام الكان حولي لانو حرفيٱ ما كان في اي شي واضح ضلام في ضلام بس ، ختيت رجلي بهدوء على اول سلم وفعلٱ ظهر ضوء قوي في السلم دا ، بقيت بنزل شوية شوية لحدي ما وصلت تحت ولقيت باب قدامي ، فتحتو بهدوء عشان ما يصدر صوت ودخلت جوا المقر بسرعة وقفلتو وراي ، وبمجرد ما التفت على المقر انصدمت شدييد من الشفتو قدامي وتلقائيٱ لقيت روحي بغمض عيوني برعب وبصرخ بصوت عالي! ، وقبل ما اكمل صرختي لقيت رول بخت يدو في خشمي من ورا وهنا رعبي زاد شدييد واتأكدت انها نهايتي وخلاص كشفوني!....

*═℘═🌸═℘═🌸═℘═🌸═℘═*
*♡نتـــــــــــــــــــــــــــــــــــــــــــلاقى♡*
*☆يتبــــــــــــــــــــــــــــــــــــــــــــــع☆* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

رِوايات سُودانية🪐🤎!)"

08 March 2025 09:11

دي ، وصدمني لمن قال لي انو خطتو هي عبارة عن اني امش للمسؤولين واقول ليهم انو صابر خائن وانو قرر يساعد اتنين جواسيس دخلوا المقر! ، لمن سألتو من الح نستفيدو من الخطة دي قال لي انو لو قلت كدا إيڤان ح يقتلو هو ويقتل الاتنين ديل بدون ما يقتلني انا واني امانة وانو اخوي قال ليهو يحميني بروحو واني لازم ابقى على قيد الحياة عشان اقدر القى ادلة واوديها للشرطة انا واني كان مُت ما ح يكون في اي زول ح يخلص العالم من إيڤان وإيڤان شوية شوية ح يدمر العالم وماف زول ح يوقفو واني الأمل الوحيد المتبقي وانو في يدي اقدر ارمي إيڤان في السجن ، بس انا رفضت بشدة وقلت ليهو اني مستحيل اوافق على قتلو بس لقيتو بضحك بسخرية وهو بقول لي:"انا كدا كدا ح اموت ف بطلي هبالة" بس برضو رفضت رفض قاطع وما اتكلمت معاهو لمدة تلاتة ايام ، في اليوم الرابع ناداني واتكلم معاي كلام كتيير كان نصو محزن ونص التاني إيجابي ، وتلقائيٱ لقيت روحي بوافق على خطتو برغم من حزني الشديد عليهو واني قلت ليهو اني ح اعيش حياتي كلها وانا ندمانة على الخطوة دي واحمل نفسي ذنب قتلو ، بس كالعادة قدر يتمص حزني وقال لي اني ما اتحمل اي ذنب واني بعمل كدا لهدف نبيل...
زفرت بحزن وتابعت كلامها وهي بتقول لي:وتقريبٱ انتي عارفة الحصل بعدها ، وبالنسبة لأني راسلتك ليه وقلت ليك انو حياتك في خطر ف دا بسبب المصير المنتظرك من إيڤان ، بالصدفة لقيت إيڤان بتكلم بصوت واطي في واحد من الغرف المغلقة في مقر اوڤاكاب وهو بقول للمتصل انو هو قدر يتوصل لمكان صفاء ليهو سنين طويلة وحسي عندو خطة ح تنجح بدون اي شك ، قال ليهو انو خطتو هي عبارة عن انو يرسل رسايل تهديد لي حاتم الح يخاف عليك شديد ويحكي ليك حقيقة الحصل زمان لانو كان عارف انو حاتم ما قال ليك شي وانك فاقدة الزاكرة ، ف لمن حاتم كان بتجاهل رسايلو وبرضو ما قال ليك شي رسل اتنين يتابعوك بعربية مظللة وانتي راجعة من النادي وهو متأكد 100% انو في اليوم دا حاتم ح يحكي ليك كل شي وانو انتي زاتك الفضول ح يقتلك وتسأليهو عن الح يحصل حولك وطبعٱ هو هدفو من دا كلو كان انك لمن تعرفي الحقيقة ح تجي الشركة بنفسك وتبحثي عن طريقة تدخلي بيها المقر وانو لمن يعرف انك جيتي ح يسهل ليك الطريق عشان تقدري تدخلي المقر ، هدفو كان انك لمن تدخلي المقر يقتلك ويتخلص منك لانك العدو الوحيد العلى قيد الحياة بالنسبة ليهو ، ف انتوا لمن رحلتوا من بيتكم وما قدر يتوصل ليكم فرح شديد وهو متأكد انك ح تجي في اي لحظة لڤيتانيل ومخططو ينجح وللأسف بجد مخططو نجح وانتي وقعتي في الفخ وجيتي ، وانا لمن عرفت الكلام دا رسلت ليك رسالة وخليت ليك تلفون صغير وكنت عايزاك تتصلي لي عشان اوريك انو لازم ما تجي وانك ح تقعي في الفخ اذا جيتي بس للأسف انتي ما اتصلتي!!...
نططت عيوني بصدمة وانا بقول ليها:انا ما قادرة استوعب اي شي بصراحة ، يعني انتي في صفي وح تقيفي معاي؟ ويعني انتي ما خائنة زي ما انا قايلة؟ ويعني اني وقعت في فخ ختاهو لي إيڤان؟ طيب حسي انا اعمل شنو؟
ابتسمت وهي بتقول لي:ببساطة ترجعي من مكان ما جيتي وتخلي لي انا مهمة رمي إيڤان في السجن دي
قمت من مكاني بإنفعال وانا بقول ليها:لا طبعٱ مستحيل امش واخليك مستحيل! ، انا عندي سبب بخليني اكون هنا وهو اني جاية للإنتقام لانو الماتوا ديل امي وابوي ما مجرد الملك السابق ومرتو! ، ثم ثانيٱ انا مستحيل اخليك وسط الذئاب ديل وامش
قامت على حيلها وختت يديها في كتفي وهي بتقول لي:وعشان انتي بت الملك السابق ومرتو لازم ما تموتي يا صفاء لازم انتي فاهماني؟ انتي لو مُتي يمكن يموت معاك أمل تخليص العالم من إيڤان! ، ياخي انتي صفاء ما اي زول افهميي يعني كان مُتي دي النهاية البحلم بيها إيڤان والكابوس النلحم بيهو نحنا! ، ثم ثانيٱ انتي عارفة صوت الرنين الطلع من اسورة روز دا كان شنو؟ ما كان زي ما انا قلت ليها ابدٱ لانو الاسورة دي إيڤان وزعها لأي فرد في المقر وقال ليهم انو الاسورة دي لمن تطلع صوت الرنين المزعج دا معناها انو صفاء قريبة من المكان الهم فيهو وانو صفاء ح تكون لابسة العقد الاداهو ليها حسن وانو لازم يمسكوك ويجيبوك ليهو في المقر! ، يعني بإختصار الاسورة دي بتتبع العقد بتاعك وانتي لغبائك كنتي لابساها وماشة في الشارع عادي! ، وانا لمن قلت ليك اجري كنت عايزاك تختفي بسرعة عشان اقول لي روز انو الاسورة طلعت صوت الرنين بالغلط وانو ماف شي بس انتي اصريتي تقعدي وما تجري وكنتي ح تكوني في مصيبة لو روز كانت عارفة الاسورة دي هدفها شنو بظبط بس الحمد لله انها ما كانت عارفة شي!...
عاينت ليها بصدمة وانا بقول:انا كل دقيقة بتلقى صدمة جديدة منك حرفيٱ!...

رِوايات سُودانية🪐🤎!)"

08 March 2025 09:10

*#قناع~اوڤاكاب《05》*
*#بقلم~ولاء~فؤاد (إيليا🖤)*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
*‌‌‌‌‌‌‌‌‌‏*★★★ـہہہـہہــــــــہہہـہہـــــــ★★★ـــــ❥

​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​
وفجأة كدا سمعت صوت رنين مزعج جدٱ وفي نفس اللحظة حسيت بزول جاريني من يدي وهو بقول لي بسرعة وتوتر:اجررري يا صفاء اجرري ، اطلعي من هنا بسرعة ولا ح تكوني في مصيبة كبيرة!..
التفت عليها لقيتها بت في نص العشرينات تقريبٱ ، لقيت روحي تلقائيٱ بقول ليهو بتساؤل:انتي منو؟! واطلع ليه يعني ما فاهمة؟!
قالت لي بسرعة:ياخي انتي ما بتفهمي انا بقول ليك انك ح تكوني في مصيبة لو وقفتي اكتر من كدا هنا!
قبل ارد عليها سمعت صوت كعب عالي من وراي وصوت الرنين المزعج بزيد كل ما تقرب ، البت جرتني بسرعة وراها وهي بتقول لي بصوت واطي وتوتر:خلاص نغير الخطة ما تهربي لانها ح تحس بأنو في حاجة غلط ، خليك وراي واياك تفتحي خشمك وما ترفعي راسك سامعة؟
هزيت ليها راسي بمعنى حاضر وانا ما فاهمة شي ، اتقدمت خطوات لقدام شوية لحدي ما وصلت البت التانية ورفعت ليها يدها وضغطت على زر في الاسورة بتاعتها وتلقائيٱ الصوت المزعج وقف ، قالت ليها بصوت هاديء وهي بتحاول تخفي توترها:السمح ليك منو تطلعي من المقر يا روز؟
رفعت الاسمها روز حاجبها وهي بتقول:وانتي الدخلك شنو ان شاء الله؟ ثم ثانيٱ انتي الاسورة دي كانت بطلع الصوت المزعج دا ليه؟
قالت ليها بهدوء:اسألي الاداك ليها ما تسأليني انا
زفرت روز بضيق وهي بتقول:انتي مستفزة كدا ليه يا إيليا؟ فيها شنو يعني كان وريتيني وانتي عارفة؟
قالت ليها إيليا بنفس الهدوء:الاسورة دي لمن تعمل الصوت دا معناهو محتاجين صاحب الاسورة في المقر وهي ما بطلع الصوت دا الا برا المقر ، ارجعي المقر وشوفي الحاصل شنو
هزت روز راسها وجات عابرة بجمبي وانا منزلة راسي بحيث ما تشوفني لحدي ما مشت ، بمجرد ما عبرت من جمبي يادوب ركزت انو روز دي قالت ليها إيليا!!...
تلقائيٱ لقيت روحي بقرب منها وانا بقول بتوتر وصدمة:انتي...انتي...
ابتسمت لي وقالت:ايوا انا إيليا فؤاد ، واضح انو حاتم شاف شغلو معاك وحكى ليك كل شي
اتصمغت مكاني وانا ما عارفة اقول شنو ، للحظة مخي عمل ايرور ونسيت تمامٱ اني واقفة جمب مجرمة خطيرة!..
ما صحيت من سرحتي ديك الا لمن جرتني من يدي وهي ماشة قدامي وقالت لي:عارفة انو في اسئلة كتيرة في راسك بس ح اجاوب عليها كلها ما تخافي ، حسي خلينا نطلع من هنا قبل ما تحصل مصيبة تانية
تلقائيٱ لقيت روحي بسحب يدي منها بعنف وبقول ليها بإنفعال:انتي ما نصيحة؟! اسئلة شنو العايزة تجاوبي لي عليها؟! يا بت انتي بالنسبة لي عدوة ومستحيل امش معاك اي حتة وصح ما انكر انو في اسئلة كتيرة في بالي حاليٱ بس مستحيل اقعد مع عدوتي في طربيزة وحدة!
زفرت بضيق وقالت لي:اول شي وطي صوتك نحنا في مكان عام ، ثانيٱ انا في صفك يا صفاء ما ضدك!
لقيت روحي بقول ليها بإستنكار:نعمممم؟!
ابتسمت وقالت لي:انا الرسلت ليك الرسالة ديك وقلت ليك اتصلي علي بس ما اتصلتي وانصدمت لمن عرفت انك جاية ڤيتانيل وبدهيٱ عرفت انك جاية للانتقام بس المعلومة اللازم تعرفيها اني عمري ما ح اكون ضدك يا صفاء حسن ، حسي ممكن تتفضلي معاي بهدوء وبدون انفعالات؟
ما قدرت ارد عليها من شدة حالة الصدمة الكنت داخلة فيها ، ضحكت على منظري وجرتني من يدي ومشت قدامي وانا ماشة وراها ولسة مخي عامل ايرور وانا ما قادرة استوعب شي ، بعد طلعنا من المطعم كان في عربية واقفة شوية بعيد عن المطعم مشينا عليها وهي ركبت في مكان السواق وانا ركبت جمبها...
ابتسمت وقالت لي:تحبي نمش وين؟ انا شايفة افضل تمشي معاي شقتي عشان نكون برانا ما في مكان عام
هزيت ليها راسي برفض وانا بقول ليها:لا طبعٱ ما ح امش معاك شقتك وانا لسة ما واثقة فيك

رِوايات سُودانية🪐🤎!)"

08 March 2025 09:10

شلت منو العقد وانا بعاين ليهو بفضول ، ضغطت على زر كان في العقد وتلقائيٱ العقد انقسم نصين ، في نص كان فيهو مفتاح صغير واضح انو مفتاح الصندوق ، والنص التاني كان فيها صورة لراجل ومرتو وهم شايلين طفلة صغيرة وبيبتسموا ليها بحنان...
تلقائيٱ لقيت روحي ببلع ريقي بتوتر وبقول ليهو:ديل...ديل..
ابتسم وهو بقاطعني وقال:ايوا دا ابوك ودي امك وانتي الطفلة الصغيرة الفي النص
تلقائيٱ لقيت دموعي بتنزل وانا بحضن العقد وانا مبتسمة ، ربت على كتفي بحنان وقال لي:موعد سفرك قرب ، امشي اتجهزي عشان ما تضيعي زمنك
ابتسمت ليهو وقمت بهدوء وطلعت من الغرفة وانا عيوني لسة معلقة في الصورة بتركيز وحب شديد ، وتلقائيٱ لقيت كرهي لي إيڤان بزيد ورغبتي في الانتقام زادت اضعاف مضاعفة!....
____
*#بعد مرور ثلاثة ساعات*
*#في محطة القطار*
كنت واقفة ودموعي نازلة وانا بعاين للعائلة الما قصرت فيني وغرقتني حب وحنان❤️!...
قربت مني امي وحضتني بقوة وهي بتقول لي ودموعها نازلة بغزارة على وشها:ما عايزاك تمشي والله ولحدي اللحظة دي ما راضية بالحاصل ، بس امشي يا بتي ربنا يسهلها عليك ويديك الفي مرادك
حضتنها بحب وانا بقول ليها:انا محتاجة جدٱ لدعواتك دي ف ما تحرميني منها ، تقريبٱ دا اكتر وقت محتاجة فيهو لدعواتك
زحت مني شوية وهي بتمسح لي دموعي بعدها قالت لي:دعواتي دايمٱ معاك في كل صلاة ما محتاجة توصيني❤️
ابتسمت ليها بحب وبعدها مشيت على ماريا الكانت واقفة بعيد شوية ودموعها نازلة بغزارة ، قربت منها وحضنتها وقبل اقول ليها شي لقيتها بتحضني بقوة وهي بتقول لي:عمري ما اعتبرتك غير اختي الكبيرة ، يمكن في لحظات كتيرة غلطت في حقك بس يشهد الله معزتك في قلبي كبيرة وحبي ليك اكبر ، ما عايزة اقيف في طريقك لانو دا حقك انك تنتقمي من قاتل عائلتك وخصوصٱ اننا ما عندنا حق نمنعك من شي وانتي شايفة نفسك ما من عائلتنا
زحيت منها بعتاب وقلت ليها:انا لو ما كنت شايفاكم عائلتي التانية ما كان فكرت ابعد عنكم ، سبق وزكرت ليكم اني لازم ابعد عنكم لاني طول ما انا معاكم انتوا كمان حياتكم مهددة بالخطر وانا ما بقدر استحمل خسارتكم انتوا كمان ، ثم ثانيٱ كفاية دموع هي كلها شهر واحد او شهرين اقابل البت دي وتديني الادلة واوديها للشرطة وبجي طوالي
ابتسمت وهي بتقول لي:تمشي وتجي بالسلامة يا رب❤️
ابتسمت ليها بحب ومشيت على مايا الكانت بتاكل في شيبس بمزاج ، تلقائيٱ لقيت روحي بقول ليها بغضب مصطنع:على الاقل نزلي لي دمعة دمعتين ان شاء الله بالكذب ساي ما ممكن تكوني انسانة مشاعرك جافة كدا
ضحكت وهي بتقول لي:ماف حاجة بتخليني ابكي وهي كلها شهر شهرين وح تجي راجعة ، العكس كمان ح ارتاح منك ومن كلامك الكتير
حمرت ليها مسافة قبل ما اقول ليها:وبالمناسبة يعني انا اول مرة تقابلني وحدة حتى في لحظات الوداع بتاكل بمزاج ، ح تبقي بقرة بعد شوية لانك حرفيٱ بتاكلي 24 ساعة
حمرت لي مسافة وقالت لي:خير ان شاء الله المضايقك في اكلي شنو؟ ، باكل من تلاجة ابوك وانا ما عارفة؟
ضحكت وحضنتها وقلت ليها:فعلٱ بتاكلي من تلاجة ابوي😂 ، عمومٱ ح اشتاق ليك جدٱ وللسانك الطويل دا بصراحة
حضتني عليها اكتر وهي بتقول لي:ما اكتر مني دي حاجة مؤكدة❤️
زحيت منها بإبتسامة ومشيت على ابوي الكان واقف وشارد في مكان ما ، قربت منو قبل ما اقول ليهو:ابوووو....
وقبل اكمل كلمتي لقيتو بجرني وبحضني ليهو بحب شديد ، تلقائيٱ لقيت روحي ببتسم وانا بحضنو وانا حاسة بأمان الدنيا كلو بلقاهو جمبو وصراحة كدا انا خايفة من الح يحصل في المستقبل خصوصٱ اني ما عندي اي سند في ڤيتانيل!...
اتنهد بعمق وقال لي:خلي بالك من نفسك واهتمي بأكلك وخلي حركات انك يوم كامل ما تاكلي دي ، وخليك عارفة انها كلها فترة وبتعدي واعتبري الفترة دي امتحان ليك من ربنا لقياس صبرك ، ح تكوني في مكان براك وسط ذئاب بس خليك عارفة انو معاك الاقوى منهم وهو ربنا ، اتوكلي عليهو وما ح يخيب ظنك وادعي انو يسهل عليك الفترة دي ، كل ما تفكري بأنك اضايقتي وما قادرة تستحملي الاحداث الح تحصل ليك هناك افتحي العقد الفي رقبتك دا واتزكري انك بتعملي كل دا عشان ترجعي ليهم حقهم والعالم كلو يعرف قاتلهم منو وانو دولة كرازميل ما ح تلاقي ملك افضل من حسن على مر التاريخ ، وخليك مبتسمة رغم الآلام وخليك عارفة انو نهاية كل طريق متعب وشاق ومليان اشواك هو طريق مليء بالورود❤️!..
ابتسمت بحب وقلت ليهو ودموعي نازلة على وشي:ما قادرة اعبر الصراحة ، الحروف خانتني وما عارفة اقول شنو
ضحك وزح من شوية وقال لي:ردك واصل ما تتعبي نفسك وتردي ، عمومٱ اتزكري انك ما انسانة ضعيفة وانك بت حاتم القوية الما بهزمها شي❤️ ، وللمرة الألف خلي بالك من نفسك واعرفي انك غالية جدٱ علينا وح نشتاق ليك شديد❤️!..

رِوايات سُودانية🪐🤎!)"

08 March 2025 09:10

.*#قناع~اوڤاكاب《04》*
*#بقلم~ولاء~فؤاد (إيليا🖤)*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
*‌‌‌‌‌‌‌‌‌‏*★★★ـہہہـہہــــــــہہہـہہـــــــ★★★ـــــ❥

​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

ابتسمت بتعب وقلت ليهم:قبل اوريكم قراري انا عايزاكم تفهموا انو دا الحل الوحيد عشان اريحكم من الخوف المحاوطكم بكل الجهات من لحظة وجودي معاكم ، انا قررت اني اسافر لڤيتانيل واحاول بأي طريقة اشتغل في شركة اوڤاكاب ، ح تكون رحلة صعبة ومليانة مخاطر بس لازم اعمل كدا واحاول اكتشف مكان البوابة البتوصلني للمقر وبعد ادخل الامور ح تتسهل لاني هدفي الاساسي من اني ادخل المقر هو اني القى لي اي دليل بثبت الاعمال البعملها إيڤان واوصلو للشرطة بأقصى سرعة وبكدا بكون خلصت العالم من إيڤان واهم نقطة عايزاكم تعرفوها هي اني بعمل كل دا لسببين ، السبب الاول عشان انتقم من إيڤان دا على كل اللحظات الحرمني فيها من امي وابوي وخلاني اعيش حياة مختلفة عن الحياة الكان يفترض اعيشها وما اظن اني ح اقدر اقعد واربع يديني بعد اكتشتفت الحقيقة دي وما ح يرتاح لي بال الا اشوف إيڤان بعيوني في السجن ، والسبب التاني هو عشانكم ، عشانكم لازم انا ابعد من هنا عشان كان في خطر يبقى علي انا كفاية لحدي هنا استحملتوا كل المصايب الجات من وراي واستحملتوا تهديدات إيڤان المست...
قطعت كلامي لمن امي رفعت لي يدها بمعنى اسكتي ، قامت على حيلها بإنفعال وهي بتقول لي بعصبية:لحدي هنا وكفاااية انا مستحملة الكلام العجيب البتقولي فيهو دا من قبيل وانا منتظرة اشوف نهايتك شنو ، بس يبقى تحلمي لو مفتكرانا ح نرضى بحاجة زي دي ، افهمي يا صفاء انتي كدا بتمشي للموت برجولك والموضوع ما ساهل زي ما انتي خاتة في بالك ومهمة انتقامك البتتكلمي عنها دي ما بالبساطة دي ، حاتم قبل كدا رسل اتنين للمقر دا واكيد حكى ليك قصتهم ، كان عايز ينتقم ليك من قاتل امك وابوك بس شفتي نهايتهم كانت شنيعة كيف؟! خصوصٱ انهم كانوا رجال وبعد دا ما قدروا يعملوا شي خلي انتي بت وكمان براك!
قبل ارد عليها لقيت ماريا بتقول بسرعة وهي بتأكد كلام امي:كلام امي حقيقي 100% يا صفاء ما ممكن تكوني انسانة متهورة كدا ، بالعقل كدا انتي شايفة انو تفكيرك دا سليم؟ صفاء إيڤان دا ما انسان عادي عشان تقولي ما ح ارتاح كان ما شفتو في السجن دا ملك كرازميل يعني عدوك ما ساهل ابدٱ!
قامت مايا من مكانها وربتت على كتف ماريا وهي بتقول:خليها البت دي عبيطة وفوق دا عنيدة وما ح تقتنع ليك ، بس خليك عارفة يا صفاء انك لو مشيتي لشركة اوڤاكاب دي في خلال دقائق بس إيڤان ح يكتشف انك جيتي وما ح يخليك تشوفي المقر دا اساسٱ لانو ح يقتلك وينتهي من امرك قبل تبدي في مخطط انتقامك دا اصلٱ ، خصوصٱ انك بالنسبة ليهو العدو الوحيد العلى قيد الحياة واكيد ما ح يخليك تعيشي بعد مشيتي ليهو برجولك!
قمت على حيلي وقلت ليها بعصبية:انتي ختي نفسك في مكاني وح تلقي نفسك تلقائيٱ عزرتيني على افكاري العبيطة دي زي ما بتقولي ، عايزاني اعمل شنو يعني بعد اكتشفت انو ابوي هو الملك السابق وتم قتلو من قبل الملك الحالي؟! منتظراني اعاين للبحصل حولي ببرود وعدم اهتمام يعني؟! ياخ دا حرمني من امي وابوي ومن كل اللحظات الجميلة الكنت ح اعيشها معاهم وحتى انتقامي منو ما ح يشفي غليلي!

رِوايات سُودانية🪐🤎!)"

08 March 2025 06:25

وين مُحبي القصص والمنشورات الطويلة؟!

رِوايات سُودانية🪐🤎!)"

08 March 2025 20:02

سلام علیکم

كيفكم ان شاء الله طيبين

داير ناس بتاعين مساعدات منظمة او ناس بجمعو تبرعات لي أسر


حوجة شخصية والله ضروري جدا ياخ..

رِوايات سُودانية🪐🤎!)"

08 March 2025 19:19

كُل ما شَقَّ على النفوس مُكَفِّر للسيئات" فكُن على يقين بأن كل ألمٍ مررت به مُكفر للسيئات، كل صغيرة وكبيرة، كلّ غصةٍ لم يشعر بها غيرك، كل فكرة أرّقتك ولم تستطع أن تشكو بها لأحدٍ ،حتى ذلك السلامُ الذي قابله البعضُ ببرودٍ تام، والمشاعر التي أعطيتها بصدق ولم تُقدر، كل التفاته عنك آلمتكَ، كل همزٍ ولمز قيل من ورائك، كلّ ألم ألمَّ بكَ، مهما ظننتهُ تافهاً، وقِس على ذلك ما شئت، كل ذلك كان لك بمثابة رفع لدرجاتك وتكفير لسيئاتك، فاطلب من الله دائماً العون، وأن يرزقك الصبر في كل أمورك، ولا تقنط من رحمة الله فإنهُ أرحم بك من نفسك.

رِوايات سُودانية🪐🤎!)"

08 March 2025 17:46

> هذا المساء ❤️


عن فضل الذكر:

"*لا إله إلا أنتَ سُبحانك إني كنت من الظالمين🌸."*

ماشاءالله
اللهم بارِك !!

كل الناس اللي ربنا وفّقهم
يقولوا الدعاء ده = حياتهم اتيسّرت وأمورهم اتسهّلت بطريقة عجيبة ♡

-صحبتنا كانت مسافرة لزوجها عنده عملية مستعجلة وتأشيرتها
اتأخرت ما طلعت
ربنا وفّقها تقوله، وفي ٤٨ ساعة كانت سافرت!

قالت لينا
ركبت الطيارة وكل شوية أقول للبنوتة جنبي
صحي نحنا في الطيارة ولا أنا بحلم ؟ 😂

ووصلت لزوجها وحضرت العملية
وربنا شفاهُ وعافاه ..

-خالتو صحبة ماما
ولدها أسروهُ الدعامة وما عِرفوا مكانه وين!

ربنا وفقها تقوله وتدعي
بعد خمسة يوم الولد جاء راجع سالم الحمدلله .

-خالتو جارتنا كانت نفسها
تمشي الحج
بقت تكرّر الدعاء بيَقين إنه حتحِج السنة الجاية ..

وفعلاً
السنة اللي بعدها كانت مع تاني فوج يقوم من السودان!

دُعاء يونُس عليه السلام
ما دعا به شخص مكروب وهو مُوقنٌ
بالإجابة ،، إلا وفرّج الرحمن كربه ويسّر أمره واستجاب دعاءه .

..

"*لا إله إلاأنت سبحانك إني كنت من الظالمين، طَمئن قلبي وأرِح بالي واجبر خاطري، وبشّرني بما أرجو وأتمنى يارب❤️".*


#في_الختام..

ممكن نصلّ على الحبيب؟!🌸


- تيسير الصادق

رِوايات سُودانية🪐🤎!)"

08 March 2025 16:36

في اليوم العالمي للمرأة شكرا لجميع النساء اللواتي جعلن العالم أفضل بوجودهن ✨💞
يوم عالمي سعيد ✨💕

رِوايات سُودانية🪐🤎!)"

08 March 2025 12:32

‏شهر رمضان
محطَّةٌ لترميم الصلة بالله!

عباداتك المبتورة،
سننك العجِلَة،
تلاوتك التي اجتزأها عملك،
هذا أوانُ رتقها وإصلاح عطبها!

مرِّغ نفسك في محارِيب السُجود،
تقرِّب إليه بالاستكثار من النوافل

عسى نظرة من الرحيم تلملم الشعَث،
وتجمع القلب، وتُصلح الحُطام!❤️.

رِوايات سُودانية🪐🤎!)"

08 March 2025 09:11

وقفنا جمب واحد من الغرف المغلقةض الكان الصوت فيها عالي شديد اكتر من باقي الغرف ، اشر لي على جهة معينة وهو بقول لي:اما الجهة ديك فيها السكن المستديم بتاع المجرمين ، وبالجهة التانية في ساحة كبيرة جدٱ خاصة بالتدريبات المسؤول منها مهدي ، وفي جهة تانية ممنوع زول يدخلها وما انصحك تحاولي ولو حتى في افكارك انك تفكري تخشي تشوفي جواها في شنو لانو في كاميرات مراقبة في كل مكان ولو عرفنا انك حاولتي تتخطي الحتة دي ف مصيرك ح يكون الموت لا محالة!...
بدأ يحسب باصابعو وهو بقول لي:اولٱ في *مكان المسؤولين الخمسة* الممنوع زول يدخلو بدون ما نستدعيهو ، وثانيٱ في *مكان السكن المستديم* ، وثالثٱ في *مكان الممنوع الخطر* وخصيصٱ اسمو كدا عشان تعرفي انو حياتك في خطر لو حاولتي ترضي فضولك وتخشي عشان تعرفي في شنو جوا ، واخيرٱ في *مكان التدريبات* ، وصح عشان ما انسى في بوابة جمب مكان التدريبات دي بطلعك على الشارع مباشرة بس لازم تعرفي انو الطلعة برا المقر ممنوعة الا بإذن ، وبس كدا تاني ماف شي حسي اتفضلي معاي ادخلك جوا
هزيت ليهو راسي بالموافقة وخشيت وراهو ، اول ما خشينا اتصدمت من الغرفة الكبيرة القدامي! دي يفترض يسموها صالة ما غرفة لانو بجد كانت كبيرة بشكل ما طبيعي ، بمجرد ما دخلنا انصدمنا من الناس الجايطة واي زول بتكلم بصوت عالي والازعاج كان كبير شديد غير اصوات الضحك العالية وناس مركزين في تلفوناتهم وناس شاغلة بجِد في شغلها وناس تانية بتتونس مع بعض يعني حرفيٱ كانوا زي اطفال المدارس ، واول ما شافوا الثعلب واقف قدامهم وهو مربع يدينو ببرود وبتابع المهزلة الحاصلة دي بكل هدوء في خلال ثواني بس كانوا كلهم بتجاروا واي واحد بضرب في التاني من شدة الخلعة😂 ، دقيقة بس وكانوا كلهم واقفين صفوف ورا بعض يعني كـ تشبيه اقرب كانوا عاملين زي التلاميذ البتخش عليهم الاستاذة فجأة وهم بجوطوا😂...
وقبل ما الثعلب يقول حاجة لقيناهم كلهم بقولوا بصوت واحد وبإحترام:وعليكم السلام ورحمة الله تعالى وبركاته
انا لمن سمعت طريقة جرهم للكلمات زي تلاميذ المدارس بالطريقة دي وغير انو كان في تشابه كبير بينهم وبين التلاميذ تلقائيٱ لقيت روحي بضحك بأعلى صوتي برغم من اني حاولت اكتمها بس ما قدرت والله😂 ، التفت علي الثعلب وابتسم وكأنو قدر يقرأ افكاري وعرف انا بضحك ليه اما الباقين كانوا واقفين وبعاينوا لي بإستغراب احساس دي مالة بتضحك بالشكل المبالغ فيهو دا...
وقفت ضحك بعد تعب وبمجرد ما سكت الثعلب قال بنبرة جادة:بالنسبة للمهزلة الشفتها لمن دخلت وعدم اهتمامكم بشغلكم دا عندي تصرف خاص بس خلوني اخلص من الشغل العلي اول...
سكت مسافة بعدها قال:تِيا عصام
ردت وحدة بصوت عالي:نعم
واصل كلامو وهو بقول:رسلت ليك تفاصيل الشغل اليفترض تشتغلي مع صافيناز دي وكل المطلوب منك تخلصي ليها اجراءات قبولها كـ عضوة رسمية في المقر ، وكتبت ليك ملاحظة في نهاية الرسالة ركزي فيها سامعة؟
ردت بإحترام:حاضر
ابتسم وقال:يلا ح اخليها معاكم واستأذنكم وراي شغل
قال اخر كلمة وهو بطلع وبقفل الباب وراهو ، وبمجرد ما طلع الناس دي كلها رجعت لحالة الشغب الكانوا فيها واي زول بقى بتكلم بصوت اعلى من التاني وحالة كدا بس اعوذ بالله...
فجأة اتفتح الباب وظهر الثعلب مرة تانية وبمجرد ما شافوا قاموا يتجاروا مرة تانية وهم بضربوا في بعض من الخلعة وانا ماسكة بطني من الضحك😂...
زفر بضيق وقال ليهم بنبرة جادة وحادة:بطلوا المهزلة البتعملوا فيها دي لانو العقاب ح يزيد اكتر واكتر كل ما تزيد عدد الدقائق البتضيعوها في هبالتكم دي!...
قال اخر كلمة وهو بقفل الباب وراهو ، اما المرة دي اي زول مشى على مكانو بهدوء وبدوا يشتغلوا بجِد عشان يتجنبوا غضبو...
قربت مني وحدة وهي بتقول لي:اتفضلي معاي عشان اشوف شغلي معاك
ابتسمت ليها وانا بقول:حاضر
مشيت معاها واول ما قعدنا بدت تسألني اسئلة كتيرة وانا برد عليها بهدوء وهي بتسجل اجاباتي في الكمبيوتر...
شوية كدا و ودتني على مكان معين وهي بتقول لي:ح اعمل ليك بصمة اصبع في حال طلعتي تقدري تدخلي بيها ، وما تحاولي تدخلي او تطلعي من بوابة الشركة لانو العقاب ح يكون وخيم والبوابة دي مخصصة بس لي إيليا فؤاد لانو شغلها هناك
هزيت ليها راسي بالموافقة وختيت اصبعي وبصمت ، واصلنا باقي الاجراءات لحدي ما خلصنا وفي النهاية ادتني بطاقة صفراء مكتوب فيها اسمي ومعلومات عني واني بقيت عضوة رسمية في المقر...
وقبل ما اقوم قالت لي:ثواني ثواني ماشة وين لسة ما وريتك الممنوعات ، اولٱ ممنوع الهواتف المحمولة لأي سبب من الاسباب بس مسموح للمسؤولين طبعٱ ولينا نحنا لاننا بنحتاج تلفوناتنا ، ثانيٱ الخروج من المقر لازم يكون بإذن واحد من المسؤولين ، ثالثٱ ممنوع تطلبي غرفة براك لانك ح تشاركي الغرفة مع تلاتة بنات تانيين ، ورابعٱ ممنوع تتغيبي عن تدريبات مهدي مهما كان سببك قوي لانو العقاب وخيم ، وخامسٱ ممنوع لمن تمرضي تطلبي انك تمشي المستشفى ح يجي دكتور لحدي عندك متفق مع المسؤولين بحيث ما

رِوايات سُودانية🪐🤎!)"

08 March 2025 09:11

اتنفس بعمق و واصل كلامو بألم اكبر:*"وبكدا ممكن اقول ليك يا هلا بيك في عالمي يا صافيناز ، ونرحب بيك كـ عضوة في مقر اوڤاكاب🖤"*
ابتسمت بفرح وهو واصل كلامو وهو بقول لي:في اجراءات بسيطة لازم تعمليها وبعدها ح تبقي عضوة رسمية في المقر دا ، ح يوصلك الثعلب بعد شوية للمكتب هناك ح تكملي الاجراءات دي وخلاص
استند على يد الثعلب بتعب وهو بقوم بعدها قال:يلا يا شباب لينا لقاء تاني ان شاء الله ، كان بودي اقعد واتناقش معاكم في شوية حاجات مهمة بس للاسف ما عندي وقت ، بس بجي بعدين وبشرف على موضوع التهريب بنفسي ان شاء الله
قرب منو مهدي وهو بسندو من الجهة التانية وقال:اقعد انت يا ثعلب عشان تودي صافيناز لمكتب الاجراءات وانا ح اوصل إيڤان واجي
هز الثعلب راسو بالموافقة من سكات وهو مصدوم من الحالة الدخل فيها إيڤان بسببي ، بمجرد ما طلعوا من المكتب ضحكت ولاء واتوجهت على الباب وهي بتقول لي:لا انا بجد اعجبت جدٱ بقوتك يا صافيناز ، اول مرة زول يتجرأ ويضرب إيڤان بالقوة دي وما عارفة ما سجنك ليه😂 ، كان بودي اقعد بس عندي شغل في الشركة بجيكم بعدين ان شاء الله
وقبل تطلع وقفها الثعلب وهو بقول:استني يا إيليا
وقفت والتفتت عليهو وهي بتقول:ايوا
ابتسم وقال ليها:في شوية ملفات ح ارسلها ليك راجعيها لانها مهمة شديد
ابتسمت وهي بتقول:حاضر من عيوني
قالت اخر كلمة وهي بتطلع وبتقفل الباب من وراها ، وفي نفس الثانية قامت جاسمن وهي بتقول:انا كمان كنت شغالة في دورة تفقد المقر بس وقفت لمن جات صافيناز دي وقلبت لينا كل حاجة ، ح امش اكمل شغلي واجيكم
هز الثعلب راسو وهو بقول ليها:طيب اتفضلي
بمجرد ما طلعت وقفلت الباب وراها قعد الثعلب في الكرسي بتاعو وطلع شوية ملفات من الدرج وقال لي بهدوء وهو براجع فيهم:عن اذنك ح اراجع النقطة دي بس لاني ح انساها بعدين وبعد اخلص ح اوصلك المكتب طوالي
هزيت راسي بالموافقة وانا بقول:خلاص ما مشكلة
بعد خمسة دقائق كدا دخل مهدي بإنفعال وملامح وشو ما بتبشر بالخير ، قفل الباب بقوة وعاين لي بغضب وقال لي كلمات خلتني انطط عيوين بصدمة وانا بعاين ليهو!....

*═℘═🌸═℘═🌸═℘═🌸═℘═*
*♡نتـــــــــــــــــــــــــــــــــــــــــــلاقى♡*
*☆يتبــــــــــــــــــــــــــــــــــــــــــــــع☆* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

رِوايات سُودانية🪐🤎!)"

08 March 2025 09:11

قعدت جاسمن في واحد من الكراسي وهي بتقول:ما براك والله انا زاتي انصدمت جدٱ الصراحة وكنت قايلاها بجد ح تفاجأنا وتغير رأينا فيها
طلع مهدي سماعات صغيرة من جيبو ودخلها في اضانو وهو بضغط على جهاز صغير وقال:لا انا اقتنعت بأنو الموضوع دا لازم يصل لي إيڤان عشان يحل المصيبة دي هو
ضحك الثعلب بسخرية بعد كلامو دا وهو بهمس بكلمات ما مسموعة ، شوية كدا وسمعنا صوت مهدي وهو بقول:صباح الخير يا إيڤان....اهدأ شوية يا اخوي مالك منفعل من صباح الرحمن......لا والله ما اتصلت ليك عشان كدا اهدأ بس انت عشان اقدر اشرح ليك الحاصل......بصراحة في مشكلة صغيرة حصلت في المقر وكنا عايزين نحلها بنفسنا بس قلنا احسن تكون على علم وتورينا انت نعمل شنو.......لا الموضوع ما بتشرح كدا تعال المقر وح تفهم......معليش معليش عارف انك مشغول و وراك مسؤوليات كتيرة بس صدقني الموضوع مهم.......طيب في الانتظار
قال اخر كلمة وهو بطلع السماعات من اضانو وبضغط على الجهاز مرة تانية وهو بقول:قال شوية ويكون هنا
وعم الصمت المكان ونحنا منتظرين إيڤان يصل ، وطبعٱ انا يادوب انتبهت لجمال ديكور المكتب ، كان في طاولة سوداء مزخرفة بالابيض ومرسوم عليها خمسة نجوم باللون الذهبي في الطاولة وفي خمسة كراسي متصلة بالطاولة دي وفي كل كرسي مكتوب لقب مالك الكرسي وكان في كرسي في نص فخم لدرجة لا توصف والزخرفة فيهو كانت اكتر من الزخرفة الفي باقي الكراسي حتى انو كان في فوق الكرسي تاج ذهبي بيلمع بشدة وفيهو مجوهرات اصطناعية وفي نص الكرسي كدا كان مكتوب بطريقة جذابة شديد:"إيڤان" ، والطاولة لانها كانت كبيرة شديد ف بقدروا يتشاركوها خمسة ، وكان واضح انو الطاولة فيها خمسة ادراج كبيرة بتشيل كمية كبيرة من الحاجات وفوق الطاولة في خطوط مرسومة بطريقة محترفة بالابيض كـ فاصل بين كل زول وفي لابتوب مقفول قدام كل كرسي ، غير انو كان في كراسي فخمة شديد في المكتب في حال جا زول مثلٱ يقعد هنا ، بس كل شي حرفيٱ كان بالاسود بس الزخرفة كانت بالابيض...
قامت ولاء من مكانها بسرعة ومشت على الكرسي المكتوب فيهو لقبها وقعدت فيهو وهي بتفتح الدرج بتاعها بالمفتاح الطلعتو من شنطتها ، بعد فتحتو طلعت قناع اسود مزخرف بطريقة حلوة شديد ورمتو بسرعة لي وتلقائيٱ لقيت روحي بمسكو في اخر لحظة بعد كان ح يقع...
اشرت لي على القناع الفي يدي بمعنى البسي قبل ما يجي إيڤان ويشوف وشك وبعدها قالت لي:في حال إيڤان وافق تبقي عضوة في المقر دا اعتبري القناع دا بتاعك
لبستو بسرعة وانا سامعة الثعلب بقول لي ولاء بإستغراب:مستعجلة كدا ليه يا إيليا؟ احتمال إيڤان يقرر انو نقتلها وخلاص ما كان في داعي تديها القناع ساي!
شبكت اصابعها وهي بتقول بملل:ما فرقت حتى ولو قرر يقتلها ما ماشي يقتلني انا كمان بس عشان اديتها قناع عادي
عقد الثعلب حواجبو بتساؤل كأنو مستغرب من تصرف ولاء بس ما قال شي تاني...
وبعد خمسة دقائق بظبط اتفتح الباب بهمجية ودخل إيڤان وهو لابس بدلة رسمية انيقة ومسرح شعرو بطريقة انيقة اكتر وحرفيٱ كل حاجة فيهو كانت بتثبت ليك انو فعلٱ الملك وملامحو الرجولية الوسيمة بتتحسك بأنو انسان طيب فعلٱ وتصرفاتو نبيلة بس "*ما خفي اعظم"* وخلف قناع الطيبة المزيفة دي مخفي وشو الواضح فيهو الخباثة الشديدة ، تلقائيٱ لقيت نفسي بعاين ليهو بكره شديد ونار الانتقام كانت بتغلي جوا قلبي وانا نفسي اقوم اخنقو واضربو بقوة على كل لحظة حرمني فيها من امي وابوي!...
قال بهدوء وهو بعاين لساعة يدو بدون ما يكلف نفسو يعاين لواحد فينا:عندكم خمسة دقائق بس تقولوا لي فيها مشكلة شنو الحصلت دي وخمسة دقائق احلها واتخارج من هنا بسرعة وراي حاجات كتيرة انا
رد ليهو مهدي وهو بقوم على حيلو وبأشر علي:بإختصار يا إيڤان البت دي دخلت المقر وقالت انها شافت إيليا كذا مرة وهي بتدخل المقر دا وبطرقها الخاصة قدرت تعرف كل شي عننا وبكل قوة عين دخلت المقر وقالت لينا عايزة تبقى عضوة رسمية في المقر!
هز راسو بملل وهو بقول:دا شنو الموضوع السخيف الجبتني عشانو دا
وقبل ما مهدي يرد عليهو قعد في اقرب كرسي بكل إراحية وخلف رجل على رجل وقال لي:عايني انا ما بحب الكلام الكتير وما عايزك تحكي لي قصة حياتك بس ح اسألك كذا سؤال وانتي تجاوبي بدون ما تطلعي خارج اطار السؤال سامعة؟
هزيت ليهو راسي بمعنى حاضر من سكات وانا كاتمة غيظي ورغبتي القوية في اني اضربو بقوة ، واصل كلامو وهو بقول لي:لقبك شنو انتي؟
وقبل ارد عليهو لقيتو بقول لي بسرعة:ركزي اني قلت ليك لقبك لاننا ما بنستخدم الاسماء في المقر دا
سكت مسافة وانا بفكر اقول ليهو شنو لاني ما عندي لقب! ، وفجأة اتزكرت انو ابوي "حاتم" قال لي انو امي كانت عايزة تسميني "صوفتي" وبكل غباء وعدم تفكير كنت عايزة اقول ليهو كدا بدون ما اركز في نقطة انو احتمال يقدر يعرفني!....

رِوايات سُودانية🪐🤎!)"

08 March 2025 09:11

*#قناع~اوڤاكاب《06》*
*#بقلم~ولاء~فؤاد (إيليا🖤)*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
*‌‌‌‌‌‌‌‌‌‏*★★★ـہہہـہہــــــــہہہـہہـــــــ★★★ـــــ❥

​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​
وبمجرد ما التفت على المقر انصدمت من الشفتو قدامي وتلقائيٱ لقيت روحي بغمض عيوني برعب وبصرخ بصوت عالي! ، وقبل ما اكمل صرختي لقيت زول بخت يدو في خشمي من ورا وهنا رعبي زاد شديد واتأكدت انها نهايتي وخلاص كشوفني!...
التفت ببطئ وخوف شديد وراي واتنفست بإرتياح لمن لقيتها ولاء ، لقيت روحي تلقائيٱ بقول ليها:قطعتي قلبي ياخي حرام عليك!
زفرت بغضب وقالت لي بإنفعال:انتي قايلة روحك في بيت ابوك يا صفاء؟ كنتي عايزة تصرخي في نص المقر عشان تلمي الدنيا كلها عليك وتدخلي نفسك في مية ألف داهية!
رجعت بنظري قدامي تاني وانا بعاين للجثث والهياكل العظمية المرمية في الارض بإهمال والسكاكين والمسدسات والدماء المتناثرة في كل زاوية حرفيٱ💔!..
التفت على ولاء بسرعة وانا بقول ليها برعب وبإنفعال:ممكن اعرف دي شنو الهمجية والقسوة دي؟ اكرام الميت دفنه ياخي ما ممكن تجدعوا جثث الناس دي كدا حرام عليكم ياخي!
زفرت بحزن وهي بتبعد نظرها عن الجثث وقالت لي:ما تجمعيها يا صفاء لاني اكبر معترض على الحاصل دا بس إيڤان اصر الجثث دي تظل مرمية كدا لانهم خانوهو قبل كدا ودا مصير البخون إيڤان زي ما بقول هو وعشان يخلي باقي الناس يخافوا حتى من مجرد التفكير في انهم يخونوهو....
دموعي نزلت من الرعب الشفتو وقلت ليها:بس دي ما طريقة لكن مهما كان ديل بشر ما حيوانات عشان يجدع جثثهم بالطريقة دي
مسحت دموعي وانا بحاول اكتم زعلي ورعبي وقلت ليها وانا بغير في الموضوع:بالمناسبة انتي دخلتي كيف؟ يعني مستحيل طبعٱ تكوني جيتي وراي بالسرعة دي لانك ما سوبر مان!
ضحكت واشرت لي على باب قريب من باب السلالم وقالت لي:جيت بالاسانسير لاني على قولك ما سوبر مان عشان اصلك بالسرعة دي😂 ، واتوقعت انك ح تصرخي لمن تشوفي المنظر دا عشان كدا خليت القدامي والوراي وجيت بسرعة عشان امنعك ما تصرخي والحمد لله لحقتك
التفتت يمين وشمال و واصلت كلامها وهي بتقول:عايني انا ما ينفع اقيف معاك اكتر من كدا لانو احتمال زول يلاحظ ، زي ما اتفقنا انتي عارفة الخطة هي شنو بسيطة جدٱ ح تعملي نفسك قدرتي تعرفي انو في مقر تحت شركة اوڤاكاب لانك شفتيني وانا بدخل من هنا قبل كدا والفضول قتلك وبطريقة ما قدرتي تعرفي كل شي عن إيڤان وعن المجرمين الهنا واعملي نفسك مما عرفتي حقيقتهم نفسك تبقي ضمنهم وحاولي بقدر ما تقدري تقنعيهم انك عندي مؤهلات بتسمح ليك انك تبقي عضوة رسمية في المقر دا وخلي الباقي علي ح احاول اقنعهم يضموك كـ عضوة في المقر بسبب انو ما ينفع تطلعي من هنا بعد عرفتي كل شي عننا
تابعت وهي بتخت اصابعها في عيونها بتعب:ويفضل انك ما تجي بالبوابة دي تاني لو بقيتي عضوة في المقر وادخلي بالبوابة الجمب القصر عشان ما تصرخي في كل مرة تشوفي فيها المنظر دا بس انا للاسف مجبورة اجي بجاي لانو البوابة ديك بعيدة علي خصوصٱ اني طبيعي بكون في الشركة ودي اقرب بوابة لي
مشت قدامي وهي بتقول لي بمرح:يلا خلي بالك بعد شوية ح تشاهدي مسلسل ولا في الاحلام بس انتي المطلوب منك تشاهدي الح يحصل بهدوء واعصاب باردة وتخلي الباقي على الممثلة الرهيبة ولاء فؤاد😂
عاينت ليها بإستغراب وانا ما قادرة اتخيل المجنونة دي ناوية على شنو ، اما هي واصلت مشي لحدي ما وصلت جمب عامود صغير والعامود دا كان فيهو زر انذار صغير تقريبٱ ، ضغطت عليهو وبمجرد ما ضغطتو انطلق صوت انزار عالي وفي خلال دقيقتين بس جات بت جارية بسرعة وهي بتكرر في جملة:"في شنو؟!"
اول ما وصلت جمب ولاء اتفاجأت بولاء بتصرخ بإنفعال وبتأشر علي وهي بتقول:يا نهار ابيض يا جاسمن عايني هناك!

رِوايات سُودانية🪐🤎!)"

08 March 2025 09:11

ابتسمت وهي بتقول لي:انتي بريئة شديد يا صفاء وقايلة الدنيا كلها ببرائتك ، ركزي في الحواليك واحمي نفسك اكتر من كدا لانو حياتك مهددة بالخطر من كل الجهات انتي فهماني؟
هزيت راسي بمعنى اي وانا بقول ليها:ايوا فاهماك ، بس ممكن اطلب منك طلب صغير؟ وعايزاك اول شي توعديني انك تنفذي لي طلبي دا حتى قبل ما تعرفيهو
ابتسمت وهي بتقول لي:عيوني ليك انا ، طيب وعد انفذو ليك بس هو شنو؟
ابتسمت وقلت ليها:عايزاك تدخليني المقر بأي طريقة لاني ضروري جدٱ ادخل واساعدك في اننا نلقى ادلى ضد إيڤان وضد اي زول في المقر!..
ابتسامتي زادت وانا بقول ليها:*"وقوع قناع اوڤاكاب وإيڤان ح يكون على يدي انا وتدميرو ح يكون على رجلك يا إيليا🖤"*
عقدت حواجبها بإستغراب وقالت لي:ما فهمت شي!
ضحكت وقلت ليها:ح تفهمي في المستقبل ما تستعجلي ، ها ما وريتيني رايك ح تساعديني في انك تدخليني المقر؟
فجأة ملامح وشها اتغيرت 180 درجة وهي بتقول لي بإنفعال:لا طبعٱ ما تحلمي مستحيل اخليك تدخلي المقر دا وتكتبي لنفسك الموت!
ختيت يدي في كتفها وقلت ليها بهدوء في محاولة اني اهديها:اهدي يا ولاء طبعٱ انتي ما ح تكوني بتخافي على نفسي اكتر مني ، انا عارفة روحي بعمل في شنو كويس وانا ما ح ارجع زي ما جيت وح اتم مشروعي في الانتقام حتى لو رفضتي انتي وبرضو ح القى طريقة ادخل بيها المقر بدون مساعدتك ، بس افهميني انا محتاجة لمساعدتك شديد ونحنا الاتنين هدفنا واحد غير انك وعدتيني صح؟
قعدت في السرير بإستسلام وقالت لي:لو كنت عارفة دا طلبك ما كان وعدتك بس واضح انك عنيدة وكدا كدا ح تدخلي ف انا ح اساعدك ما تخافي لانك لو دخلتي براك ح يقتلوك ودي حاجة مؤكدة ، وثم ثانيٱ في حاجة حلوة شدييد وح تفيدنا جدٱ وهي انو في مقر اوڤاكاب اي مجرم عندو *"قناع"* عشان يخفي بيهو هويتو وماف زول يعرف هو ياتو مجرم لانو المجرمين مشهورين واعمالهم مشهورة ، ف انتي اول ما تدخلي ح اديك القناع دا تخفي بيهو وشك وبكدا ماف زول ح يقدر يعرف انك صفاء حسن وغير انو إيڤان ما ح يقدر يعرفك من صوتك لانو ما سمع صوتك قبل كدا وكدا ضمنا دخولك للمقر بسلام لاني عندي ليك خطة ظابطة ح تدخلك المقر خصوصٱ انو إيڤان ناوي يهرب مجرمين جدد يوم 14 من شهر 3 وح احاول ادخلك في اليوم دا عشان ما ح يركز معاك كتير وح يكون همو والشاغل تفكيرو الخطة الح يهرب بيها المجرمين من السجن
حضنتها بحب وانا بقول ليها بفرحة:ياخيي اقسم بالله انا حبيتك شديييد❤️
حضنتني وهي بتضحك بعدها قالت لي:شعور متبادل يا ستي❤️ ، بالمناسبة يعني انا ما ح اخليك تمشي الليلة ولازم تبيتي معاي لانو الوقت اتأخر
ضحكت وانا بقول ليها:اصلٱ كنت ح ابيت حتى بدون موافقتك لاني خلاص بقيت من ناس البيت وهيك😂❤️
ضحكت وقالت لي بمرح:كويس انك عرفتي بدون ما اقول ليك ، يلا الليلة سهرة للصباح
ضحكت وقعدت في السرير وهي قعدت جمبي و بدينا نتونس بكل حب❤️!...
_____
*#تسريع بالأحداث*
*#في يوم 14 من شهر 3*
فتحت عيوني بتعب وانا بقول لنفسي:"دا شنو العالم المزعج دا بتصلوا علي من صباح الرحمن ليه!"
رديت على التلفون وانا بقول بنعاس:الو
جاني صوت ولاء القالت لي بإنفعال:اقسم بالله عرفت انك لسة ح تكوني نايمة ودا الحالة امبارح قلتي لي بصحى مع اذان الصبح! ، قوميي يا بت الوقت اتأخر ويفترض ادخلك المقر من البوابة الخلفية قبل ما بتاع غرفة المراقبة يجي ويشوفني وانا بدخلك وندخل في داهية!..
قلت ليها وانا بقوم بخلعة من السرير:طيب طيب اقفلي دقايق بس وح اكون قدامك ما تنفعلي
ورميت التلفون في السرير بدون ما اسمع ردها وجريت على الحمام بسرعة وبديت اتجهز ، بعد عشرة دقائق بس كنت جاهزة ونازلة على الشارع ، اقرب بتاع تاكسي وقفتو وانا وركبت وانا بقول ليهو بسرعة:بسرعة على شركة اوڤاكاب لو سمحت
ولانو شركة اوڤاكاب مشهورة شديد ما كان محتاج اني اوصف ليهو الشارع ، وبعد خمس دقائق كنا وصلنا لانو اساسٱ الشقة الساكنة فيها قريبة من البيت ، نزلت بسرعة ودفعت ليهو قروشو وجريت وانا شايفة ولاء واقفة جمب بوابة الشركة و واضح من ملامح وشها الانزعاج الشديد...
اول ما وصلتها قلت ليها بسرعة:دا ما الوقت المناسب عشان تشاكليني وحسي خلينا ندخل بسرعة قبل بتاع غرفة المراقبة دا يجي
مشت قدامي بسرعة وانا مشيت وراها وهي بتقول لي:يا بتي هو وصل ليهو خمسة دقائق بس عملت فيها روحي ظريفة وعملت ليهو قهوة وقلت ليهو يمشي الاستراحة يشربها عشان يبدأ شغلو بحيوية ونشاط والحمد لله انو سمع كلامي
ضحطت عليها وانا بجر وراها عشان اصلها ، في البداية الحرس الفي بوابة ما رضوا يدخلوني الا ولاء قالت ليهم اني صحبتها وعايزة تشغلني في الشركة حتى خلوني اخش ، دخلنا بطرق كتيرة ومختلفة في الطابق الارضي وانا منبهرة بجمال الشركة دي من الخارج والداخل حرفيٱ جمالها كان ما طبيعي عديييل! ، بعد دقائق وصلنا مكان كان فيهو لافتة كبيرة مكتوب فيها ممنوع الدخول وفي باب كبير مقفول...

رِوايات سُودانية🪐🤎!)"

08 March 2025 09:10

اتجاهلت كلامي وهي بدور العربية وبتتحرك وهي بتقول لي:تفضلي اضيفك بعصير ولا شاي وكيكة؟
عاينت ليها بإستغراب وكأني بسألها بعيوني انتي مستفزة كدا ليه؟ ، بس ما رديت عليها وانا خاتة في بالي اني بتعامل مع شخصية صعبة الاقتناع وعنيدة وح اعمل العايزاهو لإختصار الزمن بس...
بعد عشرة دقائق كدا وقفنا قدام العمارة ، نزلنا ودخلنا بخطوات هادئة بدون كلام لحدي ما دخلنا شقتها ، قفلت باب الشقة وقلعت طرحتها وهي بتقول لي:اخدي راحتك ماف زول في الشقة غيري ، دقايق بس وجاياك
هزيت ليها راسي بالموافقة من سكات وهي ابتسمت لي ومشت ، بعد خمسة دقائق كدا جاتني وختت قدامي موية وعصير وتحلية خفيفة..
اخدت نفس عميق وشربت الموية وقلت ليها بهدوء وانا بحاول اخفي توتري من وجودي مع مجرمة في نفس المكان:ممكن تختصري وتقولي لي جايباني هنا ليه؟
ابتسمت ابتسامة حزينة وقالت لي:بطلي تتعاملي معاي على اساس اني مجرمة لاني ما كدا والله ، والوراك المعلومات دي كلها في حاجات ما عارفها وقالها من وجهة نظرو هو ف ما تصدقي اي زول
قلت ليها بإستنكار:نعمم؟
اخدت نفس عميق وقالت لي:انا عارفة انو حاتم حكى ليك كل شي ودا السبب الجابك هنا ، بس في حاجات مهمة لازم تعرفيها ، اولها اني ما مجرمة ختي مية خط تحت ما مجرمة دي! ، اكيد حاتم حكى ليك عن خيانتي لي صابر الكان رئيسي واني حكيت كل شي لي إيڤان والباقين بس ما عشان اني بحبهم وعايزة اوريهم انو صابر فكر يخونهم وكدا لا ، انا قلت كدا بناءً على طلب صابر نفسو!
فتحت خشمي بصدمة وقلت ليها:نعمم؟ كيف يعني صابر هو القال ليك تقولي كدا؟ وانتي وافقتي ليه طيب وانتي عارفاهم ح يقتلوهو بدون تردد؟
نزلت دموعها وهي بتقول لي:صابر عمرو ما كان زيهم ، صابر دخل المقر بهدف انو عايز يمثل انو هو في صفهم ويلقى ادلة ضدهم ويوديها للشرطة والشرطة تتكفل بالباقي وبكدا نكون خلصنا العالم من إيڤان وشرو ، اما بالنسبة لي انا ف انا دخلت المقر بناءً على طلب اخوي الكبير وائل ، ممكن تقولي انو وائل اكبر معترض على اعمال إيڤان وخباثتو وهو واحد من الناس القليلين العارفين حقيقة إيڤان ، هو لمن عرف حقيقة إيڤان كان محتاج زول يدخل ليهو المقر لانو هدفو كان نفس هدف صابر بس الفرق انو ما قدر يجي هو بنفسو ، في البداية قال لي انا بس انا رفضت رفض قاطع واتشاكلت معاهو وتمت ايام ونحنا ما بنتكلم مع بعض ، بس اتفاجأت بيهو بعد اسبوع بجهز شنطتو وبقول انو ماشي المقر بنفسو وكذب وقال ليهم انو لقى فرصة عمل برا لانو ما كان عايزهم يعرفوا الحقيقة لانهم اكيد ح يعترضوا ، ما كان في زول عارف غيري انا وانا لمن عرفت انو ماشي منعتو وحلفت ما اخليهو هو يمش ورفضت رفض قاطع لاني كنت خايفة عليهو شديد وحتى اني قلت ليهو اني ح اجي انا ، بس هو رفض وقال لي انو ندم شديد على انو اقترح علي الفكرة وانو كان عايز يدخلني مكان مليان بالمخاطر والإجرام ، بس انا اصريت شدييد وقلت الا امش انا لاني كنت خايفة عليهو هو اكتر من نفسي ، ف بعد تعب شديد وافق واداني سماعات صغيرة وقال لي اتواصل بيها معاهو لانو التلفونات في مقر اوڤاكاب ممنوعة واصر اني اطمنو علي كل يوم ، المهم اني قدرت ادخل شركة اوڤاكاب واشتغلت فيها بس اتفاجأت بعد شهرين بواحد بجيني وبقول لي انو اسمو صابر وهو صاحب وائل اخوي! ، حكى لي انو هو هدفو نبيل من دخولو للمقر وانو وائل قدر يتواصل معاهو وقال ليهو يلقى طريقة يدخلني المقر ويخليني في حراستو وجوا عيوني وهو وافق لانو كان مبسوط شديد من انو لقى زول عندو نفس هدفو ونفسو يخلص العالم من إيڤان ، ف دخلني المقر وقال لي إيڤان اني وحدة من طرفو ومستحيل اخونو او اخونهم وقال ليهم انو بثق فيني شديد ف هم رحبوا بي بناءً على احترامهم لي صابر الشديد ، وبكدا انا بقيت يد صابر اليمين وكل شي كان كويس وحتى اننا قدرنا نلقى ادلة ضد إيڤان وضد اي زول في مقر اوڤاكاب ، بس كل شي اتخرب لمن عرفت بصدفة انو في اتنين من طرف حاتم دخلوا المقر وكانت تصرفاتهم واضحة شدييد وكلامهم دايمٱ بصوت عالي واي زول كان ح يعرف انهم جواسيس وانا المحيرني كيف حلتم يجيب اتنين هبل بالشكل دا ويقول ليهم عايزكم تبقوا عيوني! كان على الاقل يختار ناس كفوئين بالمهمة دي وبقدروا عليها ما زي فهد وعلي ديل ، المهم انا مشيت لي صابر وحكيت ليهو كل شي وهو اتصدم شدييد وقال انو الاتنين ديل ح يودونا في داهية كان ما اتصرفنا ويمكن يكتشفونا نحنا كمان لو حاولنا نساعدهم وبكدا يقتلونا كلنا! ، ف لمن سألتو الحل شنو قال لي انو ح يلقى حل ، وبعد اسبوعين بظبط جاني وهو بقول لي انو عندو كانسر وفي المراحل المتأخرة💔 ، زعلت شديد عليهو وقعدت ابكي ليهو ف هو قام قال لي جملة ما ح انساها ابدٱ ، بتزكر قال لي بكل يأس وعدم يقين:"انا ح اموت يا إيليا ، الدكتور قال لي نسبة بقائي على قيد الحياة ضئيلة وماف اي علاج بسبب تأخر حالتي وممكن اموت في اي لحظة" ولمن بكيت اكتر بعد كلامو دا قام قال لي انو لازم انتبه معاهو وانو في خطة ح تنقذنا من المصيبة النحنا فيها

رِوايات سُودانية🪐🤎!)"

08 March 2025 09:10

ما قدرت ارد عليهو من البكا بسبب كلماتو الأثرت علي جدٱ ، ابتسم بحب ومسح لي دموعي وقال لي بمرح:دا شلااال عديل ياخي😂 ، دموعك دي ما بتنتهي هي من الصباح بتبكي
ابتسمت وقلت ليهو:يفضل امشي عشان الشلال دا ما ينهمر اكتر من كدا😂
عاينت ليهم كلهم واحد واحد وانا ما هاين علي امشي واخليهم وراي ، حاولت ما اظهر ليهم حزني الشديد وقلت ليهم:يلا مع سلامة ، وح اشتاق ليكم شديد❤️!...
ابتسموا لي وهم بلوحوا لي بدينهم ، اخدت نفس عميق والتفت ومشيت بسرعة وانا حاسة بإحساس غريب بقول لي اني ما ح اقابلهم تاني ، التفت عليهم مرة تانية وانا بعاين ليهم بخوف من فقدانهم واحساسي بدأ يضاعف!..
___
*كانت نظرتي الأخيرة عميقة لدرجة أن عيناي كانتا ترسمان اشكالهم بدقة وتحفظها وكأنها كانت تعلم أن اللقاء مرة اخرى سيكون بعيد ، أو مستحيل💔!...*
___
*#بعد مرور ستة ساعات*
نزلت من القطر وانا بعاين حولي وبفتش على صاحب ابوي القال لي ابوي انو ح ينتظرني في محطة القطار ويوصلني للشقة الاجرها لي ابوي والقريبة من شركة اوڤاكاب عشان اقلل المسافة ، فجأة حسيت بيد في كتفي...
التفت بسرعة لقيتو راجل في منتصف الاربعينات تقريبٱ ، ابتسم وقال لي:انتي صفاء صح؟
هزيت راسي وانا بقول ليهو:ايوا
ابتسم وهو بجر لي شنطتي وقال لي وهو بمشي قدامي:الحمد لله انو ابوك رسل لي صورتك لاني ما كنت ح اقدر اعرفك ، يلا بينا عشان اوصلك اكيد ح تكوني تعبانة من السفر
مشيت وراهو وانا بقول ليهو:فعلٱ كانت رحلة متعبة جدٱ...
فضلنا نتكلم لحدي ما وصلنا العربية بتاعتو ، فتح لي الباب وركبت وهو دخل لي شنطتي ورا وجا ركب وساق العربية وهو بتونس معاي...
بعد ساعتين كدا وصلنا ، نزلت من العربية وهو نزل وطلع لي شنطتي ، مشى قدامي وهو جاري لي شنطتي وانا مشيت وراهو ، بعد مسافة كنا في المصعد وبعد دقيقتين كنا قدام باب الشقة ، طلع المفتاح من جيبو وفتحها لي ودخل لي شنطتي جوا الشقة...
ختى لي المفتاح في الطربيزة ومعاها ورقة صغيرة وقال لي:دا مفتاح الشقة والورقة دي فيها رقمي ، لو احتجتي اي حاجة اتصلي علي طوالي
ابتسمت وقلت ليهو:تسلم ما قصرت
ابتسم لي وهو بطلع من باب الشقة وقال:الواجب يا بت الغالي ، يلا مع سلامة
قال اخر كلمة وهو بقفل الباب وراهو ، اتنهدت بعمق واتحاومت في الشقة شوية وبعدها اتزكرت انو ماف حاجة اكلها وكنت جعانة جدٱ ، شلت لي شنطة صغيرة وختيت تلفوني وقروش وطلعت من الشقة وانا مقررة اكل في اي مطعم لاني ما قادرة اعمل حاجة حسي ، بعد طلعت من العمارة وقفت اقرب تاكسي وقلت ليهو بعد ركبت:على اقرب مطعم لو سمحت
هز لي راسو بمعنى حاضر واتحرك ، بعد عشرة دقائق كدا كنا وصلنا ، نزلت ودفعت ليهو قروشو ودخلت جوا المطعم ، قعدت في اقرب طربيزة وانا بتحسس باصابعي العقد الفي رقبتي ، وفجأة كدا سمعت لي صوت رنين مزعج جدٱ وفي نفس اللحظة حسيت بزول جاريني من يدي وهو بقول لي بسرعة وتوتر:اجرررري يا صفاء اجررري ، اطلعي من هنا بسرعة ولا ح تكوني في مصيبة كبيرة!....

*═℘═🌸═℘═🌸═℘═🌸═℘═*
*♡نتـــــــــــــــــــــــــــــــــــــــــــلاقى♡*
*☆يتبــــــــــــــــــــــــــــــــــــــــــــــع☆*

رِوايات سُودانية🪐🤎!)"

08 March 2025 09:10

قربت مني ماريا وهي بتزفر بضيق بعدها قالت لي:نحنا متفهمين مشاعرك وعارفين انك في صراع كبير حاليٱ بس برضو يا صفاء العايزة تعملي دا غلط وغلط كبير كمان ونحنا من واجبنا نوريك الغلط من الصح لانك وحدة مننا في النهاية ، كل المطلوب منك تدفني الماضي وتخلينا نعيش بهدوء بدون ما تفكري بأفكار جنونية ونمش مكان بعيد بحيث إيڤان ما يقدر يصل لينا
تلقائيٱ لقيت روحي بقول بصوت عالي وبدون تفكير:انا عمري ما ح اعيش حياتي بطريقة هادئة بعد الاكتشفتو دا ، وخلوكم عارفين اني ما باخد في رأيكم لاني اساسٱ قررت ح اعمل شنو برضاكم او لا
بعد كلامي دا جاطوا جدٱ واي واحد بقى بتكلم براهو واصواتهم اتعالت شديد ، وسط دا كلو يادوب ركزت انو ابوي ما قال اي شي طول فترة النقاش!! ، فجأة شفتو وهو بقوم من كرسيهو وبطلع من الغرفة وبقفل الباب بقوة ، ما كان في زول لاحظ ليهو غيري خصوصٱ انهم كانوا جايطين شديد ، تلقائيٱ لقيت روحي بقوم بسرعة وبطلع من الغرفة وبنزل في السلم وانا شايفاهو طلع على جهة حديقة البيت الصغيرة...
تلقائيٱ لقيت روحي بقول بصوت عالي وانا بنزل بسرعة:ابوي استنى
بس ما رد علي وما التفت علي اصلٱ ، مشيت وراهو بهدوء لحدي ما قعد في واحد من الكراسي الفي الحديقة ، قعدت جمبو في كرسي تاني وانا بعاين ليهو وملاحظة ملامح وشو الواضح منها غضبو الشديد وهو شارد في مكان ما...
فجأة لقيتو بقول لي بدون ما يلتفت علي:بتزكر اني سبق وقلت ليك اني ح اكون معاك في اي قرار ح تتخذيهو خطوة بخطوة بعد تسمعي مني الحقيقة ، بس ابدٱ ما كنت قايلك ح تفكري بالطريقة دي وتقولي ماشة لمقر اوڤاكاب!! ، افهميني يا صفاء انتي امانة الغالي غير اني ما بقدر اشوفك بتمشي للموت برجولك وما اوقفك!...
ختيت يدي فوق يدو وقلت ليهو:في حاجة عايزة اقولها ليك اول وبعداك قول لي العايزو ، قبيل لمن نزلت في المطعم في واحد كان لابس اسود في اسود وما ظاهر منو اي شي وقعني عن قصد في الارض وعمل فيها ما قاصد ، رفع الورق بتاعو من الارض وطلع بسرعة شديدة من المطعم اما انا لقيت لي ظرف في الارض وافتكرتو حقو بس انصدمت لمن لقيت الظرف مكتوب فيهو اسمي ، كان جوا الظرف رسالة من بت بتقول لي فيها انو حياتي مهددة بالخطر وانو لازم اتصل عليها عشان توريني حقيقة البحصل حولي ، اللفت انتباهي انها خلت لي تلفون صغير ومعاهو شريحة وكتبت لي انو تلفوني مراقب واتصل عليها من التلفون دا ، حسب تحليلي إيڤان مخطط لحاجة كبيرة خصوصٱ بعد رسايل التهديد القلت انو برسلها ليك الفترة دي غير العربية الكانت متابعانا وماشة ورانا ، لازم انتوا تهربوا من هنا بأقصى سرعة وانا ح امشي على ڤيتانيل ، واضح انو البت الرسلت لي دي عايزة تساعدني ف انا ح احاول افتش عنها لحدي ما القاها وكمان واضح انها قريبة جدٱ من إيڤان ولا ما كانت عرفت انو هو مخطط لحاجة خطيرة لي ، انا ح اكون بأيدي امينة لو عرفت مكان البت دي وساعدتني وكمان متأكدة انو ح يكون عندها ادلة ضد إيڤان بتثبت اعمالو الخبيثة والغير قانونية وبكدا ح اديها للشرطة واجي راجعة بدون ما ادخل المقر اصلٱ واكون ارتحت وكملت انتقامي ، اما في حال ما لقيت البت دي ح اضطر ادخل المقر انا بنفسي
هز لي راسو بمعنى لا وقال لي بنبرة حادة:لا اياك تدخلي المقر براك لاني اقسم بالله ح ازعل منك واقطع علاقتي معاك رسمي! ، لو ما لقيتي البت دي تجي راجعة طوالي وطبعٱ انا وافقت بس عشان اني وعدتك اوافق على قرارك ، بس معقولة البت دي ما خلت ليك اي تلميح عنها او حاجة توصلك ليها؟
قلت ليهو بإبتسامة:ما اظن اني محتاجة لتلميح ، ببساطة ممكن اتصل عليها من التلفون الخلتو لي واقول ليها اني في ڤيتانيل لزيارة وحدة من معارفي ، وبقول ليها انو لازم نتقابل واكيد هي ح توافق وبعد اقابلها ح اعرف منها كل التفاصيل واعرف المراقب تلفوني دا منو؟
زفر بضيق وقال لي:انا ما مرتاح للموضوع دا بصراحة وحاسي بإحساس غريب
قربت منو وحضنتو وانا بقول:ما تخاف انا تربية ايديك وبتك قوية وماف شي بهزمها❤️!...
_____
*#بعد مرور اسبوعين*
في خلال الاسبوعين ديل سافرنا لمدينة تانية خالص وحتى اني كسرت تلفوني بحيث المراقب تلفوني دا ما يقدر يتوصل لمكاني ، اما مهمة اقناعهم على اني ضروري اسافر لڤيتانيل كانت مهمة صعبة جدٱ بس بعد ابوي اقتنع قدر يقنعهم لي ، واليوم هو اليوم اليفترض اسافر فيهو لڤيتانيل...
مشيت بخطوات بطيئة على غرفة ابوي ، دقيت الباب بخفة ودخلت بعد سمح لي ادخل...
مشيت قعدت جمبو وقلت ليهو:قالوا لي انك عايزني في موضوع مهم
هز لي راسو بالإيجاب وطلع صندوق صغير من جيبو ومداهو لي وقال:دا العقد الخلاهو ليك ابوك في عيد ميلادك الخامس ، في وصيتو الاخيرة قبل يموت قال لي احافظ على العقد دا لانو مهم جدٱ ، حسب الانا عارفو انو خلى ليك مع العقد دا صندوق بس للاسف انا ما قدرت اشيل الصندوق معاي وهربت بيك بسرعة وتقريبٱ الصندوق حاليٱ في القصر عند إيڤان ، و واضح انو الصندوق فيهو حاجة مهمة ولا ما كان اصر علي احافظ عليهو

رِوايات سُودانية🪐🤎!)"

08 March 2025 07:49

هاااااااي شبب
عايزه طريقة العجينه اللونها اوف وايت وحولينها ملاح كدا أورانج
بلييييز ما تسفهوني

رِوايات سُودانية🪐🤎!)"

08 March 2025 03:32

دي كل الادعية اللي ف المصحف وكمان مرتبه ﺣﺴﺐ ﺗﺮﺗﻴﺐ ﺍﻟﻤﺼﺤﻒ ﺍﻟﺸﺮﻳﻒ.

اجعلها صدقة جارية

- ﺭﺑﻨﺎ ﺗﻘﺒﻞ ﻣﻨﺎ ﺇﻧﻚ ﺃﻧﺖ ﺍﻟﺴﻤﻴﻊ ﺍﻟﻌﻠﻴﻢ، ﻭﺗﺐ ﻋﻠﻴﻨﺎ ﺇﻧﻚ ﺃﻧﺖ ﺍﻟﺘﻮﺍﺏ ﺍﻟﺮﺣﻴﻢ.

- ﺭﺑﻨﺎ ﺁﺗﻨﺎ ﻓﻲ ﺍﻟﺪﻧﻴﺎ ﺣﺴﻨﺔ ﻭﻓﻲ ﺍﻵﺧﺮﺓ ﺣﺴﻨﺔ ﻭﻗﻨﺎ ﻋﺬﺍﺏ ﺍﻟﻨﺎﺭ.

- ﺭﺑﻨﺎ ﺃﻓﺮﻍ ﻋﻠﻴﻨﺎ ﺻﺒﺮﺍ ﻭﺛﺒﺖ ﺃﻗﺪﺍﻣﻨﺎ ﻭﺍﻧﺼﺮﻧﺎ ﻋﻠﻰ ﺍﻟﻘﻮﻡ ﺍﻟﻜﺎﻓﺮﻳﻦ.

- ﺭﺑﻨﺎ ﻻ ﺗﺆﺍﺧﺬﻧﺎ ﺇﻥ ﻧﺴﻴﻨﺎ ﺃﻭ ﺃﺧﻄﺎﻧﺎ، ﺭﺑﻨﺎ ﻭﻻ ﺗﺤﻤﻞ ﻋﻠﻴﻨﺎ ﺇﺻﺮﺍ ﻛﻤﺎ ﺣﻤﻠﺘﻪ ﻋﻠﻰ ﺍﻟﺬﻳﻦ ﻣﻦ ﻗﺒﻠﻨﺎ.

- ﺭﺑﻨﺎ ﻭﻻ ﺗﺤﻤﻠﻨﺎ ﻣﺎ ﻻ ﻃﺎﻗﺔ ﻟﻨﺎ ﺑﻪ ﻭﺍﻋﻒ ﻋﻨﺎ ﻭﺍﻏﻔﺮ ﻟﻨﺎ ﻭﺍﺭﺣﻤﻨﺎ ﺃﻧﺖ ﻣﻮﻻﻧﺎ ﻓﺎﻧﺼﺮﻧﺎ ﻋﻠﻰ ﺍﻟﻘﻮﻡ ﺍﻟﻜﺎﻓﺮﻳﻦ.

- ﺭﺑﻨﺎ ﻻ ﺗﺰﻍ ﻗﻠﻮﺑﻨﺎ ﺑﻌﺪ ﺇﺫ ﻫﺪﻳﺘﻨﺎ ﻭﻫﺐ ﻟﻨﺎ ﻣﻦ ﻟﺪﻧﻚ ﺭﺣﻤﺔ ﺇﻧﻚ ﺃﻧﺖ ﺍﻟﻮﻫﺎﺏ.

- ﺭﺑﻨﺎ ﺇﻧﻚ ﺟﺎﻣﻊ ﺍﻟﻨﺎﺱ ﻟﻴﻮﻡ ﻻ ﺭﻳﺐ ﻓﻴﻪ ﺇﻥ ﺍﻟﻠﻪ ﻻ ﻳﺨﻠﻒ ﺍﻟﻤﻴﻌﺎﺩ.

- ﺭﺑﻨﺎ ﺇﻧﻨﺎ ﺁﻣﻨﺎ ﻓﺎﻏﻔﺮ ﻟﻨﺎ ﺫﻧﻮﺑﻨﺎ ﻭﻗﻨﺎ ﻋﺬﺍﺏ ﺍﻟﻨﺎﺭ.
- ﺭﺏ ﻫﺐ ﻟﻲ ﻣﻦ ﻟﺪﻧﻚ ﺫﺭﻳﺔ ﻃﻴﺒﺔ ﺇﻧﻚ ﺳﻤﻴﻊ ﺍﻟﺪﻋﺎﺀ.
- ﺭﺑﻨﺎ ﺁﻣﻨﺎ ﺑﻤﺎ ﺃﻧﺰﻟﺖ ﻭﺍﺗﺒﻌﻨﺎ ﺍﻟﺮﺳﻮﻝ ﻓﺎﻛﺘﺒﻨﺎ ﻣﻊ ﺍﻟﺸﺎﻫﺪﻳﻦ.
- ﺭﺑﻨﺎ ﺍﻏﻔﺮ ﻟﻨﺎ ﺫﻧﻮﺑﻨﺎ ﻭﺇﺳﺮﺍﻓﻨﺎ ﻓﻲ ﺃﻣﺮﻧﺎ ﻭﺛﺒﺖ ﺃﻗﺪﺍﻣﻨﺎ ﻭﺍﻧﺼﺮﻧﺎ ﻋﻠﻰ ﺍﻟﻘﻮﻡ ﺍﻟﻜﺎﻓﺮﻳﻦ.

- ﺭﺑﻨﺎ ﻣﺎ ﺧﻠﻘﺖ ﻫﺬﺍ ﺑﺎﻃﻼ ﺳﺒﺤﺎﻧﻚ ﻓﻘﻨﺎ ﻋﺬﺍﺏ ﺍﻟﻨﺎﺭ.
- ﺭﺑﻨﺎ ﺇﻧﻚ ﻣﻦ ﺗﺪﺧﻞ ﺍﻟﻨﺎﺭ ﻓﻘﺪ ﺃﺧﺰﻳﺘﻪ ﻭﻣﺎ ﻟﻠﻈﺎﻟﻤﻴﻦ ﻣﻦ ﺃﻧﺼﺎﺭ.
- ﺭﺑﻨﺎ ﺇﻧﻨﺎ ﺳﻤﻌﻨﺎ ﻣﻨﺎﺩﻳﺎ ﻳﻨﺎﺩﻱ ﻟﻺﻳﻤﺎﻥ ﺃﻥ ﺍﻣﻨﻮﺍ ﺑﺮﺑﻜﻢ ﻓﺂﻣﻨﺎ، ﺭﺑﻨﺎ ﻓﺎﻏﻔﺮ ﻟﻨﺎ ﺫﻧﻮﺑﻨﺎ ﻭﻛﻔﺮ ﻋﻨﺎ ﺳﻴﺌﺎﺗﻨﺎ ﻭﺗﻮﻓﻨﺎ ﻣﻊ ﺍﻷﺑﺮﺍﺭ.

- ﺭﺑﻨﺎ ﻭﺍﺗﻨﺎ ﻣﺎ ﻭﻋﺪﺗﻨﺎ ﻋﻠﻰ ﺭﺳﻠﻚ ﻭﻻ ﺗﺨﺰﻧﺎ ﻳﻮﻡ ﺍﻟﻘﻴﺎﻣﺔ ﺇﻧﻚ ﻻ ﺗﺨﻠﻒ ﺍﻟﻤﻴﻌﺎﺩ.

- ﺭﺑﻨﺎ ﺃﺧﺮﺟﻨﺎ ﻣﻦ ﻫﺬﻩ ﺍﻟﻘﺮﻳﺔ ﺍﻟﻈﺎﻟﻢ ﺃﻫﻠﻬﺎ ﻭﺍﺟﻌﻞ ﻟﻨﺎ ﻣﻦ ﻟﺪﻧﻚ ﻭﻟﻴﺎ ﻭﺍﺟﻌﻞ ﻟﻨﺎ ﻣﻦ ﻟﺪﻧﻚ ﻧﺼﻴﺮﺍ.

- ﺭﺑﻨﺎ ﻇﻠﻤﻨﺎ ﺃﻧﻔﺴﻨﺎ ﻭﺍﻥ ﻟﻢ ﺗﻐﻔﺮ ﻟﻨﺎ ﻭﺗﺮﺣﻤﻨﺎ ﻟﻨﻜﻮﻧﻦ ﻣﻦ ﺍﻟﺨﺎﺳﺮﻳﻦ

- ﺭﺑﻨﺎ ﺍﻓﺘﺢ ﺑﻴﻨﻨﺎ ﻭﺑﻴﻦ ﻗﻮﻣﻨﺎ ﺑﺎﻟﺤﻖ ﻭﺃﻧﺖ ﺧﻴﺮ ﺍﻟﻔﺎﺗﺤﻴﻦ.
- ﺭﺑﻨﺎ ﺍﻓﺮﻍ ﻋﻠﻴﻨﺎ ﺻﺒﺮﺍ ﻭﺗﻮﻓﻨﺎ ﻣﺴﻠﻤﻴﻦ، ﺃﻧﺖ ﻭﻟﻴﻨﺎ ﻓﺎﻏﻔﺮ ﻟﻨﺎ ﻭﺍﺭﺣﻤﻨﺎ ﻭﺃﻧﺖ ﺧﻴﺮ ﺍﻟﻐﺎﻓﺮﻳﻦ.

- ﺭﺑﻨﺎ ﻻ ﺗﺠﻌﻠﻨﺎ ﻓﺘﻨﺔ ﻟﻠﻘﻮﻡ ﺍﻟﻈﺎﻟﻤﻴﻦ ﻭﻧﺠﻨﺎ ﺑﺮﺣﻤﺘﻚ ﻣﻦ ﺍﻟﻘﻮﻡ ﺍﻟﻜﺎﻓﺮﻳﻦ.

- ﺭﺏ ﺇﻧﻲ ﺃﻋﻮﺫ ﺑﻚ ﺃﻥ ﺃﺳﺎﻟﻚ ﻣﺎ ﻟﻴﺲ ﻟﻲ ﺑﻪ ﻋﻠﻢ ﻭﺇﻻ ﺗﻐﻔﺮ ﻟﻲ ﻭﺗﺮﺣﻤﻨﻲ ﺃﻛﻦ ﻣﻦ ﺍﻟﺨﺎﺳﺮﻳﻦ.

- ﺭﺏ ﺃﻧﺖ ﻭﻟﻴﻲ ﻓﻲ ﺍﻟﺪﻧﻴﺎ ﻭﺍﻵﺧﺮﺓ ﺗﻮﻓﻨﻲ ﻣﺴﻠﻤﺎ ﻭﺃﻟﺤﻘﻨﻲ ﺑﺎﻟﺼﺎﻟﺤﻴﻦ.

- ﺭﺑﻨﺎ ﺇﻧﻚ ﺗﻌﻠﻢ ﻣﺎ ﻧﺨﻔﻲ ﻭﻣﺎ ﻧﻌﻠﻦ ﻭﻣﺎ يخفى ﻋﻠﻰ ﺍﻟﻠﻪ ﻣﻦ ﺷﻲﺀ ﻓﻲ ﺍﻷﺭﺽ ﻭﻻ ﻓﻲ ﺍﻟﺴﻤﺎﺀ.

- ﺭﺏ ﺍﺟﻌﻠﻨﻲ ﻣﻘﻴﻢ ﺍﻟﺼﻼﺓ ﻭﻣﻦ ﺫﺭﻳﺘﻲ ﺭﺑﻨﺎ ﻭﺗﻘﺒﻞ ﺩﻋﺎﺀ، ﺭﺑﻨﺎ ﺍﻏﻔﺮ ﻟﻲ ﻭﻟﻮﺍﻟﺪﻱ ﻭﻟﻠﻤﺆﻣﻨﻴﻦ ﻳﻮﻡ ﻳﻘﻮﻡ ﺍﻟﺤﺴﺎﺏ

- ﺭﺏ ﺃﺩﺧﻠﻨﻲ ﻣﺪﺧﻞ ﺻﺪﻕ ﻭﺃﺧﺮﺟﻨﻲ ﻣﺨﺮﺝ ﺻﺪﻕ ﻭﺍﺟﻌﻞ ﻟﻲ ﻣﻦ ﻟﺪﻧﻚ ﺳﻠﻄﺎﻧﺎ ﻧﺼﻴﺮﺍ.

- ﺭﺑﻨﺎ ﺁﺗﻨﺎ ﻣﻦ ﻟﺪﻧﻚ ﺭﺣﻤﺔ ﻭﻫﻴﺊ ﻟﻨﺎ ﻣﻦ ﺃﻣﺮﻧﺎ ﺭﺷﺪﺍ، ﺭﺏ ﺇﻧﻲ ﻭﻫﻦ ﺍﻟﻌﻈﻢ ﻣﻨﻰ ﻭﺍﺷﺘﻌﻞ ﺍﻟﺮﺃﺱ ﺷﻴﺒﺎ ﻭﻟﻢ ﺃﻛﻦ ﺑﺪﻋﺎﺋﻚ ﺭﺏ ﺷﻘﻴﺎ.

- ﺭﺏ ﺍﺷﺮﺡ ﻟﻲ ﺻﺪﺭﻱ ﻭﻳﺴﺮ ﻟﻲ ﺃﻣﺮﻱ ﻭﺍﺣﻠﻞ ﻋﻘﺪﺓ ﻣﻦ ﻟﺴﺎﻧﻲ ﻳﻔﻘﻬﻮﺍ ﻗﻮﻟﻲ، ﺭﺏ ﺯﺩﻧﻲ ﻋﻠﻤﺎ.

- ﻻ ﺍﻟﻪ ﺇﻻ ﺃﻧﺖ ﺳﺒﺤﺎﻧﻚ ﺇﻧﻲ ﻛﻨﺖ ﻣﻦ ﺍﻟﻈﺎﻟﻤﻴﻦ.
- ﺭﺏ ﻻ ﺗﺬﺭﻧﻲ ﻓﺮﺩﺍ ﻭﺃﻧﺖ ﺧﻴﺮ ﺍﻟﻮﺍﺭﺛﻴﻦ.
- ﺃﻧﻲ ﻣﺴﻨﻲ ﺍﻟﻀﺮ ﻭﺃﻧﺖ ﺍﺭﺣﻢ ﺍﻟﺮﺍﺣﻤﻴﻦ.
- ﺭﺏ ﺃﻧﺰﻟﻨﻲ ﻣﻨﺰﻻ ﻣﺒﺎﺭﻛﺎ ﻭﺃﻧﺖ ﺧﻴﺮ ﺍﻟﻤﻨﺰﻟﻴﻦ.
- ﺭﺏ ﺃﻋﻮﺫ ﺑﻚ ﻣﻦ ﻫﻤﺰﺍﺕ ﺍﻟﺸﻴﺎﻃﻴﻦ ﻭﺃﻋﻮﺫ ﺑﻚ ﺭﺏ ﺃﻥ ﻳﺤﻀﺮﻭﻥ.

- ﺭﺑﻨﺎ ﺁﻣﻨﺎ ﻓﺎﻏﻔﺮ ﻟﻨﺎ ﻭﺍﺭﺣﻤﻨﺎ ﻭﺃﻧﺖ ﺧﻴﺮ ﺍﻟﺮﺍﺣﻤﻴﻦ.
- ﺭﺑﻨﺎ ﺍﺻﺮﻑ ﻋﻨﺎ ﻋﺬﺍﺏ ﺟﻬﻨﻢ ﺇﻥ ﻋﺬﺍﺑﻬﺎ ﻛﺎﻥ ﻏﺮﺍﻣﺎ ﺇﻧﻬﺎ ﺳﺎﺀﺕ ﻣﺴﺘﻘﺮﺍ ﻭﻣﻘﺎﻣﺎ.

- ﺭﺑﻨﺎ ﻫﺐ ﻟﻨﺎ ﻣﻦ ﺃﺯﻭﺍﺟﻨﺎ ﻭﺫﺭﻳﺎﺗﻨﺎ ﻗﺮﺓ ﺃﻋﻴﻦ ﻭﺍﺟﻌﻠﻨﺎ ﻟﻠﻤﺘﻘﻴﻦ ﺇﻣﺎﻣﺎ.

- ﺭﺏ ﻫﺐ ﻟﻲ ﺣﻜﻤﺎ ﻭﺍﻟﺤﻘﻨﻰ ﺑﺎﻟﺼﺎﻟﺤﻴﻦ ﻭﺍﺟﻌﻞ ﻟﻲ ﻟﺴﺎﻥ ﺻﺪﻕ ﻓﻲ. ﺍﻵﺧﺮﻳﻦ ﻭﺍﺟﻌﻠﻨﻲ ﻣﻦ ﻭﺭﺛﺔ ﺟﻨﺔ ﺍﻟﻨﻌﻴﻢ ﻭﻻ ﺗﺨﺰﻧﻲ ﻳﻮﻡ ﻳﺒﻌﺜﻮﻥ ﻳﻮﻡ ﻻ ﻳﻨﻔﻊ ﻣﺎﻝ ﻭﻻ ﺑﻨﻮﻥ ﺇﻻ ﻣﻦ ﺃﺗﻰ ﺍﻟﻠﻪ ﺑﻘﻠﺐ ﺳﻠﻴﻢ.

- ﺭﺏ ﻧﺠﻨﻲ ﻭﺃﻫﻠﻲ ﻣﻤﺎ ﻳﻌﻤﻠﻮﻥ.
- ﺭﺏ ﺃﻭﺯﻋﻨﻲ ﺃﻥ ﺍﺷﻜﺮ ﻧﻌﻤﺘﻚ ﺍﻟﺘﻲ ﺃﻧﻌﻤﺖ ﻋﻠﻰ ﻭﻋﻠﻰ ﻭﺍﻟﺪﻱ ﻭﺍﻥ ﺍﻋﻤﻞ ﺻﺎﻟﺤﺎ ﺗﺮﺿﺎﻩ ﻭﺍﺩﺧﻠﻨﻰ ﺑﺮﺣﻤﺘﻚ ﻓﻲ ﻋﺒﺎﺩﻙ ﺍﻟﺼﺎﻟﺤﻴﻦ.

- ﺭﺏ ﺇﻧﻲ ﻇﻠﻤﺖ ﻧﻔﺴﻲ ﻓﺎﻏﻔﺮ ﻟﻲ، ﺭﺏ ﺍﻧﺼﺮﻧﻲ ﻋﻠﻰ ﺍﻟﻘﻮﻡ ﺍﻟﻤﻔﺴﺪﻳﻦ.

- ﺭﺑﻨﺎ ﻭﺳﻌﺖ ﻛﻞ ﺷﻲﺀ ﺭﺣﻤﺔ ﻭﻋﻠﻤﺎ ﻓﺎﻏﻔﺮ ﻟﻠﺬﻳﻦ ﺗﺎﺑﻮﺍ ﻭﺍﺗﺒﻌﻮﺍ ﺳﺒﻴﻠﻚ ﻭﻗﻬﻢ ﻋﺬﺍﺏ ﺍﻟﺠﺤﻴم

- ﺭﺑﻨﺎ ﻭﺃﺩﺧﻠﻬﻢ ﺟﻨﺎﺕ ﻋﺪﻥ ﺍﻟﺘﻲ ﻭﻋﺪﺗﻬﻢ ﻭﻣﻦ ﺻﻠﺢ ﻣﻦ ﺁﺑﺎﺋﻬﻢ ﻭﺃﺯﻭﺍﺟﻬﻢ ﻭﺫﺭﻳﺎﺗﻬﻢ ﺇﻧﻚ ﺃﻧﺖ ﺍﻟﻌﺰﻳﺰ ﺍﻟﺤﻜﻴﻢ ﻭﻗﻬﻢ ﺍﻟﺴﻴﺌﺎﺕ ﻭﻣﻦ ﺗﻖ ﺍﻟﺴﻴﺌﺎﺕ ﻳﻮﻣﺌﺬ ﻓﻘﺪ ﺭﺣﻤﺘﻪ ﻭﺫﻟﻚ ﻫﻮ ﺍﻟﻔﻮﺯ ﺍﻟﻌﻈﻴﻢ.

- ﺭﺑﻨﺎ ﺍﻛﺸﻒ ﻋﻨﺎ ﺍﻟﻌﺬﺍﺏ ﺇﻧﺎ ﻣﺆﻣﻨﻮﻥ.
- ﺭﺏ ﺃﻭﺯﻋﻨﻲ ﺃﻥ ﺍﺷﻜﺮ ﻧﻌﻤﺘﻚ التی أنعمت ﻋﻠﻰ ﻭﻋﻠﻰ ﻭﺍﻟﺪﻱ ﻭﺍﻥ ﺍﻋﻤﻞ ﺻﺎﻟﺤﺎ ﺗﺮﺿﺎﻩ ﻭﺃﺻﻠﺢ ﻟﻲ ﻓﻲ ﺫﺭﻳﺘﻲ ﺇﻧﻲ ﺗﺒﺖ ﺇﻟﻴﻚ ﻭﺍﻧﻲ ﻣﻦ ﺍﻟﻤﺴﻠﻤﻴﻦ.

- ﺭﺑﻨﺎ ﺍﻏﻔﺮ ﻟﻨﺎ ﻭﻹﺧﻮﺍﻧﻨﺎ ﺍﻟﺬﻳﻦ ﺳﺒﻘﻮﻧﺎ ﺑﺎﻹﻳﻤﺎﻥ ﻭﻻ ﺗﺠﻌﻞ ﻓﻲ ﻗﻠﻮﺑﻨﺎ ﻏﻼ ﻟﻠﺬﻳﻦ ﺍﻣﻨﻮﺍ.

- ﺭﺑﻨﺎ ﺇﻧﻚ ﺭﺀﻭﻑ ﺭﺣﻴﻢ، ﺭﺑﻨﺎ ﻋﻠﻴﻚ ﺗﻮﻛﻠﻨﺎ ﻭﺍﻟﻴﻚ ﺃﻧﺒﻨﺎ ﻭﺍﻟﻴﻚ ﺍﻟﻤﺼﻴﺮ، ﺭﺑﻨﺎ ﻻ ﺗﺠﻌﻠﻨﺎ ﻓﺘﻨﺔ ﻟﻠﺬﻳﻦ ﻛﻔﺮﻭﺍ ﻭﺍﻏﻔﺮ ﻟﻨﺎ ﺭﺑﻨﺎ ﺇﻧﻚ ﺃﻧﺖ ﺍﻟﻌﺰﻳﺰ ﺍﻟﺤﻜﻴﻢ.

- ﺭﺑﻨﺎ ﺍﺗﻤﻢ ﻟﻨﺎ ﻧﻮﺭﻧﺎ ﻭﺍﻏﻔﺮ ﻟﻨﺎ ﺇﻧﻚ ﻋﻠﻰ ﻛﻞ ﺷﻲﺀ ﻗﺪﻳﺮ، ﺭﺏ ﺍﺑﻦ ﻟﻲ ﻋﻨﺪﻙ ﺑﻴﺘﺎ ﻓﻲ ﺍﻟﺠﻨﺔ ﻭﻧﺠﻨﻲ ﻣﻦ ﺍﻟﻘﻮﻡ ﺍﻟﻈﺎﻟﻤﻴﻦ.

- ﺭﺏ ﻻ ﺗﺬﺭ ﻋﻠﻰ ﺍﻷﺭﺽ ﻣﻦ ﺍﻟﻜﺎﻓﺮﻳﻦ ﺩﻳﺎﺭﺍ ﺇﻧﻚ ﺇﻥ ﺗﺬﺭﻫﻢ ﻳﻀﻠﻮﺍ ﻋﺒﺎﺩﻙ ﻭﻻ ﻳﻠﺪﻭﺍ ﺇﻻ ﻓﺎﺟﺮﺍ ﻛﻔﺎﺭا.

- ﺭﺏ ﺍﻏﻔﺮ ﻟﻲ ﻭﻟﻮﺍﻟﺪﻱ ﻭﻟﻤﻦ ﺩﺧﻞ بﻴﺘﻲ ﻣﺆﻣﻨﺎ ﻭﻟﻠﻤﺆﻣﻨﻴﻦ ﻭﺍﻟﻤﺆﻣﻨﺎﺕ ﻭﻻ ﺗﺰﺩ ﺍﻟﻈﺎﻟﻤﻴﻦ ﺇﻻ ﺗﺒﺎﺭﺍ.