رِوايات سُودانية🪐🤎!)"

14 March 2025 13:12

نططت عيوني بصدمة وانا يادوب بديت اركز في كلام ابوي! ، من الصدمات الاتلقيتها ما لاحظت للموضوع الغريب دا! ، طيب السؤال الذي يطرح نفسه الدكتور قال كدا ليه؟!...
قطع حبل افكاري صوت إيڤان وهو بقول:انتي عندك عذر لانك كنتي تحت تأثير الصدمة وما ركزتي في كلام حاتم عن الدكتور ، وحاتم برضو معذور هو ومرتو بإعتبارهم الاتنين جاهلين وما شافوا مدارس ولا جوا حايمين بجمبها يوم فأكيد ما ح يعرفوا ليك معلومات زي ولا ح يركزوا مع كلام الدكتور ، نجي للنقطة الاهم الدكتور قال كدا ليه؟! ببساطة لاني رشيتو بقروش يقول كدا
نططت عيوني بصدمة وقلت ليهو:شنووو؟!
ابتسم وقال لي:اكيد الدكتور كان ح يقول ليكم البت لازم تمر بأماكن زارتها قبل كدا ، ف اكيد حاتم كان ح يجيبك القصر حتى لو تشوفيهو من برا ودا الكنت ما عايزو انا ، ظهورك في الوقت داك حتى لو بس قدام القصر كان خطر كبير شديد علي ، يمكن لانكم سافرتوا مدينة تانية ماف زول ركز معاك او قال ليك انتي بتشبهي بت الملك السابق حسن ، بس لو جيتي ڤيتانيل في الوقت داك كان الدنيا كلها ح تعرفك وح ادخل في داهية انا وتحقيقات طويلة خصوصٱ لو الشرطة حاولت تستجوبك وسألوك اهلك اختفوا وين؟! وهل هم ماتوا بجد؟! ولو ذاكرتك كانت رجعت ليك كنتي ح تردي بأنك شفتيهم بيموتوا قدامك وحاتم ح يأيد كلامك ويقول فعلٱ إيڤان العمل كدا ومصيري كان ح يكون الشنق حتى الموت ، ف كان لازم اتصرف واخليك ما تجي ڤيتانيل إلا لمن تكبري وملامحك الطفولية تختفي وماف زول يقدر يعرف انك بت حسن بس من شكلك
عم الصمت لدقائق وانا بعاين ليهو بعدم استيعاب ، وفي الدقيقة الخامسة لمن شاف صمتي زاد من حدو قال لي:انصدمتي صح؟ طيب خليني اصدمك زيادة ، انا الكنت سبب في الحادثة ديك وانا الرسلت الزول داك يضربك ويجري بشوية قروش ، كان املي انك تموتي بس ارادة الله كانت انك ما تموتي وتفقدي الذاكرة بس ودا كان في صالحي برضو ، حتى القدر بحبني شفتي كيف؟
انهرت تمامٱ وقلت ليهو بضعف والدموع مغرقة وشي:ياخي انت نوعك شنو ما ممكن معاك والله! ، ما هو ما ممكن تكون انسان طبيعي زينا كدا لانو دي ما تصرفات انسان طبيعي خالص! ، امشي المصح العقلي ضروري ياخي لانو انسان زيك ما ينفع خالص يمشي في الارض بحرية زي باقي البشر! ، يعني بجد هل انت انسان زينا وقلبك زي قلوبنا دي؟ ، متأكد انت قلبك دا ما مصنوع من حجر؟ ، واساسٱ كيف سمح ليك ضميرك تأذي ليك طفلة بالطريقة الوحشية دي كيف بس؟
اتغيرت نبرتي وقلت ليهو بصوت عالي وبإنفعال:يعني بس عشان منصب تقتل وتعمل اعمال قذرة زي دي؟! ياخي لو انت عملت كدا في زول عادي كنا ح نعذرك شوية بس المشكلة انو ابوي كان صاحبك!!! كيف سمح ليك ضميرك تأذي صاحبك بالطريقة الوحشية دي؟!
دموعي نزلت بغزارة وانا بقول ليهو بغضب:ياخي انت عارف الصدمة الدخلت فيني كانت كيف لمن عرفت اني ما عايشة مع اهلي؟! عارف الصدمة الدخلت فيني كانت كيف بعد عرفت اعمالك القذرة دي وانا كنت من اكبر المعجبين بيك؟! عارف الصدمة الدخلت فيني لمن عرفت اني شفتك بتقتل امي وابوي قدامي؟!
ابتسمت وسط دموعي وانا بقول ليهو:سألتني هل ح اقدر عليك؟ وردي ليك كان اني ح اقدر عليك عارف ليه؟! لاني بستمد قوتي دي من روح الانتقام الجواي! ، بستمد قوتي دي من حبي لي امي وابوي الما عارفة شكلهم كان كيف! ، بستمد قوتي دي من كمية الخذلان الجواي من نقطة اني ما عشت حياتي معاهم وانحرمت منهم بطريقة بشعة شديد! ، بستمد قوتي دي من الظلم الاتلقيتو انا منك ومن الظلم الاتلقاهو الشعب كامل منك وهم ما عارفين! ، بستمد قوتي دي من شعلة غضب وانتقام ما ح تنطفي إلا بخبر موتك!
عاينت ليهو وانا منتظرة ردة فعل تكون الندم اقل شي او تأثر ولو قليل بكلامي دا ، بس انصدمت لمن لقيتو ماسك تلفونو وبطبز فيهو!!!!! ، يعني انا كنت بنبح مع روحي من الصباح؟! انا ما كنت رافعة راسي وانا بتكلم معاهو بس خالص ما اتوقعت ما يكون مركز معاي من الاساس! ، يا الله ياخي عايزة نص البرود الفيهو يا رب نص برودو بس!...
رفع راسو من التلفون ببطئ وقال لي:واخيرٱ سكتي! بالعة رادي انتي؟! عملتي لي صداع عديل والله ، نرجع للمهم
صلح قعدتو وقال لي بنبرة هادئة:اديني العقد يا صفاء باللتي هي احسن عشان ما اتصرف معاك تصرف ما يعجبك
قلت ليهو بسخرية:حاضر من عِنيا عايز حاجة تانية؟!
قال لي بنفس النبرة الهادئة:للمرة التانية اديني العقد باللتي هي احسن يا صفاء
عاينت ليهو ببرود بدون ما اكلف نفسي عناء الرد ، فجأة لقيتو بطلع سكينة من جيبو وبحركة سريعة ختاها في رقبتي وهو بقول بغضب:ما بحب اكرر الحاجة مية مرة قلت ليك اديني العقد ما بتفهمي انتي؟!
قلت ليهو بخوف وتلقائية لمن السكينة لامست رقبتي:العقد ما معاي

رِوايات سُودانية🪐🤎!)"

14 March 2025 01:51

يا ليت أنَّا إذا اشتقنَا لمَن رحَلوا
نَغفو فَيأتوننَا في الحَالِ زُوَّارا

رِوايات سُودانية🪐🤎!)"

13 March 2025 13:49

بت لطيفة قالت ليكم ادعموها❤️.

رِوايات سُودانية🪐🤎!)"

12 March 2025 10:43

《God's will🌷.》

السلام عليكم ورحمة الله وبركاته
1_ انتو عارفين يا جماعة الله جعل الدنيا دَار أسباب ، من إبتَغَى حاجةً سَلك سبيلهُ ، قدر الله نافذ لا محالة طبعاً ، والأسباب بتجري على الناس بس ما بتجري على الله ، ابداً ، لكن الله أمرنا  بانو نمشي بالاسباب واي شي لأنها واقعة في قدرو ، الحاجة الصح انو نمشي بالاسباب لكن الحاجة الغلط انو نخلي يقينا عليها ، اليقين بالله وحده ، نحن لو اتأملنا اوجاعنا وفتشنا فيها وركزنا فيها وكدا حنشوف انو الحاجات السيئة واغلبها من الناس ومش كدا بس الاحلى من الله لكن مازلنا بنتقرب من الناس ونبعد عن الله ، انت امشي بالاسباب زي ما عايز بس اعرف انو انت ما حتشيل الا الاتكتب ليك بس ، وما حتهرب من رزقك ، وزي ما انو ما حتقدر تهرب من رزقك ما حتشيل رزق زول ، اسألو الله في أي حاجة ما تسالو الناس واستعينو بيهو لانو الله بحب يُسأل ويُقصد .

              2_《The prayer🌷.》
الرسول صلى الله عليه وسلم قال: 《 العهد الذي بيننا وبينهم الصلاة ، فمن تركها فقد كفر 》
عايزة اناقش الفقرة دي بالذات زي ما قالو لي ، لانو في كتار ما بصلو ، يا جماعة عارفين الصلاة عماد الدين ، وكمان ركن ركين من اركان الإسلام ، عارفين يعني شنو أركان الإسلام، يعني اذا انت مسلم عندك خمسة أركان زي الاعمدة واذا وقع واحد خلاص اسلامك وقع ، ومنهم الصلاة فاهمين ، الصلاة دي صلة بين العبد وربه  ، والسبب من قربه من مولاه عزّ _وجلّ ، الصلاة مفتاح الخير وبتصد نفسك من اي باطل زي ما قال ربنا 《إِنّ الصَّلاَةَ تَنْهَي عَنِ الفَحْشَاءَ وَ المُنكَرِ》
ولمن تربي أولادك عليها او تنصح بيها زول ما بصلي دا سبب في رزقك وحلول البركة ، اسمعوا كلامي دا واتمعنوا فيهو كويس
 
"صَلِ_ يا هذا_فإن الموتَ_والله أتٍ_وحذاري حينها من هيهات هيهات"

رايكم شنو؟ الكلام دا ليك ، ايوا انت يا الما بتصلي، اول ما تموت وينزلوك في قبرك ويجو يسألوك عن منو ربك ومنو نبيك وشنو اصلا ديانتك ، انت لو ما بتصلي ما حتجاوب ما تقول اسألة بسيطة والله ما بتقدر حتحس بتقل في لسانك ، الرسول وصانا ما تنسو وكانت اخر وصية ليهو لمن قال "الصلاة _ الصلاة! _ اتقوا الله فيها ملكت ايمانكم"
ما تنسو التحصين بعد الصلاة مهم ، انا شخصياً أُمي الله يطول عمرها عودتني من عمري زي 17 اصلي ركعتين قيام الليل ف اتعودت مع انو كنت بنتكس وبنساها لكن الانتكاس لابد منو ، ف عودتني اصلي قيام الليل واتحصن ورا صلاة الصبح كل يوم ، وعلمتني اخلي ورد يومي من القرآن سواءً حفظ او قراءة ، ف ديل بفيدوكم ، والله يا جماعة كفى انكم عارفين انو الصلاة اول شي حتتحاسب عليهو ، وشكرا ليكم كتير يا جماعة على الدعم 🌷✨.

#الين_عباس ✨.
مقتبس من رواية العناد بقلم : ألين عباس 🌷✨.
#مُشاركات أعضاء روايات.

رِوايات سُودانية🪐🤎!)"

12 March 2025 01:52

تقرأ وجوه الناس كباطن يدك، تعرف ما يضمرونه، ترى ارتعاشاتهم قبل أن يُدركوها، تعرف من قصصهم القصيرة من هم وما الذي يُحركهم وما الذي يجعلهم ما هم عليه، يُتعبك أنك تعلم كل هذا و يُثقلك السكوت، تخترق حقيقتهم وأدق تفاصيلهم، لا تفعل ذلك عن قصد ولا عن فضول، إنما حقائقهم ماثلة أمامك ككتابٍ مفتوح سهل القراءة و مُعد للإطلاع، حتى انك تُبصرهم يُخطئون، تستشعر المرات التي كذبوا فيها، وتعلم أنهم يستهينون بوجودك، أنت الذي تری کل رفّة جفن، كل تنهيدة، كل ارتجافة شعور، وتغفر لهم هذا الإهمال الفظيع للتفاصيل التي تولّيها أهمية كبرى.
لذلك تتركهم في نهاية الأمر، تتركهم لأنك عرفت الكثير، ولأن معرفة كل هذا تجعل الإبتسامة في وجوه هؤلاء عملاً ثقيلاً جداً.

رِوايات سُودانية🪐🤎!)"

11 March 2025 20:19

وقفت ورا عامود وشفت مجموعة كبيرة من الرجال وسانتو واوليڤيا وجوليا كانت واقفة جمبهم! ، استغربت من وجود جوليا في مكان زي دا بس استغرابي زاد لمن سمعت سانتو بقول لي اوليڤيا:ما كأنها اتأخرت؟!
صلحت اوليڤيا نظاراتها وهي بتركز في العامود الانا واقفة وراهو وهي بتقول:ضيفتنا وصلت بس مدسية مننا ، يا ترى ليه بس؟!
قالت اخر كلمة وهي بتقرب من العامود بخطوات بطيئة وابتسامة خبيثة مرسومة على شفايفها...
وفجأة سمعت صوت زول جمبي بقول بخباثة:صفاء حسن! ليك وحشة والله المقر بدونك كان مظلم لدرجة ما بتتخليها
التفت بسرعة على الزول دا ولقيتو سانتو! بسم الله دا جا هنا متين؟! اعوذ بالله من الشيطان الرجيم ما يكون شيطان بس😭...
وقبل افهم شي حسيت بيدين بتشد لي يديني لورا بقوة لدرجة اني حسيت بألم لا يطاق ، وسمعت صوت اوليڤيا من وراي وهي بتقول:اخطف السماعات يا سانتو خلينا نخوف ماهر شوية على حبيبة القلب ، ولا رأيك شنو انت؟!
قال ليها وهو بخطف السماعات من اضاني:كيف ياخي دا الواجب
حاولت افك يديني من اوليڤيا عشان اخطف السماعات منو وانا حاسة بخوف ما طبيعي! ، لو عرفوا اني بتكلم مع محقق انا ح ادخل في داهية!...
محاولاتي ما جات بفايدة لاني كل ما احاول اسحب يديني منها بتشدها بطريقة اقوى ، تركيزي اتوجه على سانتو لمن لبس السماعات وسحب الجهاز من يدي وضغط على زر الاتصال ، كان عايز يتكلم بس فجأة حسيت بيهو انسحب عن الفكرة وكأنو بسمع في كلام الطرف التاني ، وفجأة ملامح وشو كلها اتغيرت وقفل الخط بسرعة وهو بياخد في نفسو بصعوبة!...
قالت ليهو اوليڤيا بخوف:في شنو يا سانتو؟!
رد ليها بتوتر وبإنفعال:اتخيلي البت كانت بتتكلم مع محقق في قسم الشرطة ما مع ماهر!!
شهقت اوليڤيا بصدمة وقالت ليهو:كيف يعني؟!
قال ليها بإنفعال:قبل ما اقول اي شي سمعت صوت واحد بيقول:"ها الاوضاع كيف حسي؟!" وفجأة سمعت صوت واحد تاني بيقول ليهو:"حضرة المحقق علاء الدين ممكن تجي تشوف دا ثواني بس؟" خلونا نطلع من هنا بسرعة قبل ما يداهمونا لانهم شكلهم كانوا منتظرين اذن صفاء
التفت علي وقال لي بنبرة مخيفة:اما انتي حسابك تقل معانا شديد وح تشوفي ايام سودة معانا اصبري بس
قالت ليهو اوليڤيا بسرعة:دا ما وقت كلامك دا خلونا نطلع بالبت دي بسرعة من هنا!
اخدت نفس عميق وبكوعي ضربتها في بطنها وهي تلقائيٱ فكت يديني ورجعت لورا بألم وهي ماسكة بطنها ، وقفت بوضعية المهاجم وقلت ليهم:قالوا ليكم انا خصم ساهل كدا عشان تشوفوا مهمة مسكي عادية؟!
زفر سانتو بضيق وقرب مني وهو بقول:عايني ما تخلينا نستخدم معاك اساليب تانية ، خليك انسانة عاقلة وامشي معانا بهدوء
ضحكت بسخرية وقلت ليهو:والانسان العاقل ح يخليكم تمشوا بيهو للجحيم ويمشي معاكم بكل هدوء واستسلام ولا شنو؟!
وفي ثانية بس لقيت روحي مافي في الارض! ، صرخت بعصبية لمن لقيت سانتو شايلني في كتفو وبقيت برفس وبحاول اعضيهو بس وكأنو حجر ولا اتزحزح زاتو!...
اتجاهل كل محاولاتي في النزول وقال بسرعة وتوتر:منتظرين شنو انتوا؟! ارح نطلع من هنا بسرعة ياخي!
قال اخر كلمة وهي بجري بسرعة ورجالو الملثمين بقوا محاوطننا بحماية شديدة وقدر ما انا صرخت عسى ولعل علاء الدين او اي واحد من الضباط يسمعني ماف اي نتيجة! ، واصلنا بالحال دا لحدي ما طلعنا من المتحف ومشينا او بالاصح مشوا بالجهة الشرقية وهناك كانت العربات واقفة بالصفوف ، بقوا يتجاروا ويتوزعوا في العربات بسرعة وانا سانتو رماني في واحد من العربات وآمن العربية بحيث ما اقدر اطلع ، قعدت ابكي بس اعمل شنو يعني بعد ما خلاص خطتي فشلت! ما كله بسبب غبائي انا القلت لي علاء الدين ما يداهموا المتحف إلا لمن اديهو الاذن! ، بعد اربعة دقائق بظبط ركب سانتو في مقعد السواق وركبت جوليا معاهو قدام بعد اصرار طويل منو لانو حسب كلامو خايف تركب معاي وتساعدني في الهروب ، طيب هم لو خايفين من جوليا كدا جابوها معاهم ليه؟! ثم ثانيٱ هي دورها كان شنو في المهمة دي؟! ما عملت اي حاجة غير انها كانت واقفة زي الحكم بس حرفيٱ!....
قطع حبل افكاري صوت الباب الجمبي لمن اتفتح ، عاينت للفتحو لقيتها اوليڤيا ، اشرت لي بيدها نظام زحي لي وفي المقابل انا ضربتها في بطنها مرة تانية ونزلت من العربيةع بسرعة في محاولة مني للهروب ، بس للاسف مرة تانية حسيت بروحي مافي الارض وتحديدٱ في كتف سانتو!...
زفر بضيق ومسك يديني الكانت بتحاول تدفرو وهو بقول:شكلك ح تتعبينا معاك يا صفاء
علا صوتو وهو بقول بنبرة امر:جيبو يا جاد
فجأة ظهر المدعو جاد وهو شايل في يدو منديل ، دموعي نزلت وانا بقول ليهم بضعف:لا خلاص معليش والله ما بعمل شي تاني بس زحوا مني المخدر دا بالله عليكم!
اتجاهلوا كلامي وكأني ما قلت حاجة ، زاد جاد سرعة خطواتو لحدي ما وصلنا وختى المنديل في خشمي وسط محاولاتي للرفض الشديد ، وبعد دقيقتين بظبط حسيت بأنو قواي خارت وجسمي تقل وبنعاس شديد في نفس الوقت ، غمضت عيوني بتعب وما عارفة تاني حصل شنو!....

رِوايات سُودانية🪐🤎!)"

11 March 2025 20:19

وافقنا على كلامو وكل زول مشى يعمل القالوا وانا مشيت قعدت في الكرسي الجمبو وهو بدأ يوريني اعمل شنو بظبط
_____
*#بلسان إيڤان*
*#قبل قليل*
*(وفليشهد التاريخ انو دي اول مرة نتكلم فيها بلسان إيڤان شخصيٱ😂🤍)*
كنت شارد في البخار الطالع من كباية القهوة القدامي ومخي شغال بكل الاتجاهات ، وفجأة كدا الباب اتفتح بإنفعال ودخل سانتو وكانت وراهو اوليڤيا....
قرب مني سانتو وهو بقول بإنفعال:دا شنو البتعمل فيهو دا يا إيڤان؟! غيرت وقت اليوم العالمي لقناع اوڤاكاب ليه؟! ثم ثانيٱ انت كتبت للمسؤولين اجازة طيب الح يسد مكانهم في يوم مهم زي دا منو؟! يعني حرفيٱ اليوم العالمي لقناع اوڤاكاب بدون المسؤولين الاربعة ولا حاجة وحتى إيليا اليفترض تكون مسؤولة من كل شي في الشركة بكرة كتبت ليها اجازة! ، لا بجد يا إيڤان انت متأكد انك انسان نصيح زينا كدا؟!
في بداية كلامو كنت بعاين ليهو بنظرات حادة مليانة برود ، بس لمن اتخطى حدودو قمت على حيلي وضربت الطاولة القدامي بقوة وقلت ليهو:احترم نفسك ياخي انت قايل نفسك منو لمن تجي وتتكلم معاي بالاسلوب دا؟! تعال اضربني عليك الله بعد كدا!
قربت مني اوليڤيا وقالت لي وهي بتحاول تمتص غضبي:اهدأ يا إيڤان سانتو ما قاصد شي بس هو مصدوم شوية من قرارك الغريب دا وبجد نحنا محتاجين تفسير
قلت ليها بحدة:وانتوا منو عشان افسر ليكم؟! ما دمت ما قلت ليكم حاجة وما طلبت مساعدتكم معناها واضح اني ما محتاج ليكم!
رد لي سانتو:إيڤان انا واوليڤيا ما مجرد اعضاء هنا عشان تقول لينا كدا وتخاف من انك تفسر لينا ، نحنا بنساعدك لينا سنوات طويلة حتى قبل ما يظهروا المسؤولين الاربعة ، يعني يفترض انت تكون اتخطيت مرحلة عدم الثقة دي ويفترض تكون حسي في اعلى مراتب الثقة لينا
قعدت في الكرسي مرة تانية وقلت ليهو:في قاموسي ماف حاجة اسمها ثقة والحولي كلهم مجرمين ف انت متوقع مني اثق فيكم كيف؟! ، مهما حصل ح تظلوا مجرمين وانا ما ح اثق لي في زول دخل السجن مؤبد بسبب اعمالو الشنيعة!
بعد خلصت كلامي لاحظت انو ملامح وش سانتو اتغيرت 180 درجة وظاهر انو الغضب هو احساسو الوحيد حاليٱ ، ابتسمت ببرود وشلت كباية القهوة وبديت اشرب فيها وانا بعاين لي سانتو واوليڤيا بإستمتاع بعد لاحظت انهم ح ينفجروا من الغضب...
رجعت الكباية مرة تانية وزفرت بضيق وشبكت اصابعي وقلت ليهم بإختصار:بعد التفكير انا محتاج ليكم في واحد من خطوات تنفيذ الخطة دي ، اقعدوا
قعدوا بهدوء وحسيت بيهم هدوا شوية ، رجعت راسي لورا شوية وقلت ليهم:بعد هروب صفاء وتعاونها مع الد اعدائي اللي هو ماهر الرشيدي قررت انفذ خطة تدمرها هي وماهر للابد عشان يعرفوا هم بتحدوا منو! ، لي اكتر من ساعتين بفكر في عواقب الخطة دي لو ما نجحت ، بس في النهاية اتخذت قراري وبديت انفذ الخطة دي وانا بحاول اتجاهل خطورتها
قالت لي اوليڤيا وهي بتصلح في نظاراتها:طيب خطتك دي شنو؟!
صلحت قعدتي وقلت ليهم بجدية:انا قررت اعمل اليوم العالمي لقناع اوڤاكاب بكرة بس عشان اتخلص من ماهر وامسك صفاء وارجعها المقر دا واشيل منها العقد بالقوة وبعدها ح تشوف بعيونها مصيرها الح يحصل ليها بعد خيانتها لي دي! ، ببساطة انا لمن قررت انو السرقة تكون في واحد من المتاحف الفي بلد دي كان هدفي اني اقرب المسافة لي ماهر وصفاء لاني عارفهم ح يعملوا فيها رهيبين والابطال الخارقين ديلك ويحاولوا يقتحموا المتحف عشان يوقفوا عملية السرقة
عقد سانتو حواجبو بإستغراب وقال لي:طيب وهم ح يعرفوا كيف انو المتحف دا هو الح تتم فيهو عملية السرقة؟!
ابتسمت وطلعت تلفون من جيبي وختيتو في الطاولة وقلت ليهو بغرور:ماف حاجة صعبة على إيڤان الكردي ، دا تلفون ولاء وقبل شوية صممت تطبيق لتغيير الصوت لصوت مالك التلفون الاصلي ، وبطرقي قدرت اجيب رقم ماهر ، ح اتصل عليهو واوهمو اني ولاء وح اقول ليهو انو بكرة اليوم العالمي لقناع اوڤاكاب واوريهو اسم المتحف الح تتم فيهو عملية السرقة واقول ليهو لازم صفاء تستلم المهمة دي هي ، بحاول بقدر ما اقدر اقنعو انو صفاء الوحيدة الح تقدر على مهمة بالصعوبة دي وهو عشان اهبل ح يصدقني طوالي خصوصٱ بعد يفتكر اني ولاء اخت صاحبو وائل
حرك سانتو اصابعو في شعرو بتعب وهو بقول لي:ثواني انا ما فاهم شي! علاقة ولاء بماهر عدوك شنو؟! و وائل دا منو؟!
اتنهدت وبديت افكر في اني اظهر كل ورقي ليهم ، قد تكون بجد خطوة صعبة وبعدين انخلع بخيانتهم لي بس احيانٱ الزول بضطر يعمل حاجات هو ما عايزها ، وبعد تفكير دام لدقائق كدا رفعت راسي وشبكت يديني مع بعض وبديت اكشف ليهم كل ورقي حرفيٱ...

*═℘═🌸═℘═🌸═℘═🌸═℘═*
*♡نتـــــــــــــــــــــــــــــــــــــــــــلاقى♡*
*☆يتبــــــــــــــــــــــــــــــــــــــــــــــع☆*

رِوايات سُودانية🪐🤎!)"

11 March 2025 20:19

ابتسمت بدون ما اقول ليها شي وتابعت سواقتي بهدوء وانا بفكر في مية حاجة في نفس الوقت ، اولهم إيڤان ليه اختار متحف في كرازميل؟! ما هو دي ما حاجة طبيعية عشان الزول يمشيها! ، ما عارف بس في احساس بقول لي انو في إن في الموضوع وإيڤان مخطط لحاجة خطيرة بس هي شنو؟!الله اعلم!....
وبعد عشرة دقائق كنت واقف قدام الباب وبدق في الجرس وصفاء واقفة جمبي....
______
*#بلسان صفاء*
بعد دقيقتين بظبط الباب اتفتح وظهرت بت قالت بإنفعال:لا عليك الله ما تتأخر شوي....
قطعت كلامها لمن شافتني وعقدت حواجبها بإستغراب وهي بتعاين لي ، قطع الصمت المفاجئ دا ماهر وهو بقول:دي صفاء حسن يا ملاذ
شهقت بصدمة وقالت لي:بجد دي انتي؟!
هزيت ليها راسي بمعنى اي بدون ما اقول شي ، فجأة لقيتها بتحضني وبتسلم علي بحب شديد لمن انا زاتي استغربت ، بعد خلصنا من السلام دخلنا جوا البيت وكنا سامعين اصوات ناس بتضحك في الصالة ، واول ما دخلناها شفت ولدين وبتين بتابعوا في فلم بمزاج ، بس بمجرد ما شافونا قاموا بسرعة وجوا علينا وهم بعاينوا لي بإستغراب...
وقبل ما يقولوا شي ماهر قال بجدية:بديكم خمسة دقائق بظبط والقاكم منتظرني في المقر ، بإختصار في اجتماع طارئ وعاجل بعد شوية
ومشى بسرعة بدون ما يسمع ردنا ، ابتسمت ملاذ وقالت:ما تعاينوا ليها كدا دي صفاء حسن يخواني
وفجأة لقيتهم كلهم بسلموا علي بحب شديد وكان واضح انهم بعرفوني حق المعرفة بس كيف؟! الله اعلم ، بعد خلصنا من السلام وحدة فيهم قالت:الخمسة دقائق تقريبٱ قربت تخلص ونحنا لسة في مكانا ، ارح بسرعة قبل ما ماهر يجي ويدينا محاضرة طويلة
كلهم ايدوا على كلامها ومشينا وملاذ ماسكاني من يدي كأني ح اهرب منها ، وقفنا قدام لوحة كبيرة لي ماهر  و واحد تاني كان فيهو شبه كبير من ولاء وعلى ما اظن انو وائل  ، كان واضح انو الصورة دي التقطت ليهم في حفلة ولا حاجة لانهم الاتنين كانوا في قمة الاناقة ، ضغطت وحدة من البنات زر كان في اللوحة وتلقائيٱ اللوحة انقسمت لقسمين وظهر باب تحت الارض! ، كان في سلالم مضيئة بالبنفسجي الهاديء وفي نهاية السلالم في باب ، نزلنا في السلالم دي و وحدة من البنات فتحت الباب ودخلت ونحنا دخلنا وراها ، الصالة كانت عبارة عن قاعة بتاعت اجتماعات بس حرفيٱ! ، واضح انهم بتناقشوا هنا واجتماعاتهم دايمٱ بتكون هنا ، اتوزعنا في الكراسي وبقينا منتظرين حضور ماهر ، دقائق بس وماهر كان قاعد في الكرسي الكان في رأس الطاولة وهو شابك اصابعو...
اتنهد وقال بهدوء:ما عايزكم تتخلعوا لي وبتاع لانو بجد ماف زمن نضيعو ، بإختصار شديد يا جماعة إيڤان قرر انو اليوم العالمي لقناع اوڤاكاب يكون بكرة
بمجرد ما خلص من اخر كلمة كلهم شهقوا بصدمة وانا بحول نظراتي المستغربة بيناتهم ، وحدة من البنات قالت ليهو بخلعة:طيب وائل مختفي الح يتولى المهمة دي منو السنة دي!
رد ليها ماهر بهدوء: المهمة السنة دي ح تكون علينا نحنا وح نسد مكان وائل بإذن الله ، بس الح تمشي المتحف صفاء
شهقت ملاذ بصدمة وقالت ليهو:انت ما نصيح يا ماهر؟! كيف يعني صفاء تمش المتحف حسي لو إيڤان قبضها ورجعها المقر نحنا نعمل شنو! ، واضح انك تعبت عشان تجيبها معاك لانك ليك فترة بتنق وبتقول انو لازم تلقى طريقة توصلك لي صفاء وفي النهاية تجي تقول عايز توكلها مهمة خطيرة زي دي؟!
وقبل ما يرد عليها ماهر قلت ليهم بإستغراب:يا جماعة في شنو؟! اليوم العالمي لقناع اوڤاكاب انتوا الدخلكم فيهو شنو؟! والمتحف البتتكلموا عنو دا شنو كمان؟!
نطط ماهر عيونو بصدمة وقال لي:يعني انتي ما عارفة شي؟! معقولة حاتم ما قال ليك حقيقة اليوم العالمي لقناع اوڤاكاب؟!
هزيت راسي بمعنى لا وقلت ليهو:انا كل شي بعرفو عن اليوم العالمي لقناع اوڤاكاب هو انو في اليوم دا شركة اوڤاكاب بتستقبل كل الزوار من كل انحاء العالم ، وانو إيڤان برسل خمسة طيارات لخمسة دول من دول العالم بتكون مجانية بس ما عليك إلا تركب وتجي تزور شركة اوڤاكاب وترجع بلدك بالمجان مرة تانية ، وعلى حسب الحظ والقرعة وكل سنة إيڤان بيختار دول ما اختارهم قبل كدا وبرسل الطيارات الخمسة غير انو برسل باصات لكل مدينة في كرازميل بتكون مجانية ما عليك إلا تركب وتزور اوڤاكاب وترجع بالباص مرة تانية للمحطة الجيت منها ، ودايمٱ إيڤان بشدد على القناع في كل سنة وبقول ما ح يسمح لأي زول يدخل الشركة بدون القناع دا وطبعٱ في اليوم دا الاقنعة بتتوزع مجانٱ في جميع انحاء كرازميل وحتى الجايين من دول تانية لازم يلبسوهو عشان يدخلوا المقر وياخدوا شرف انهم يشوفوا اعظم واكبر وافضل شركة في العالم واللي هي شركة اوڤاكاب وياخدوا كمان شرف انو مديرة الشركة ولاء فؤاد احمد توقع ليهم وتتصور معاهم بإعتبارها مالكة الشركة دي وبتكون مسؤولة من الافتتاح ومن كل شيء ، وهي شخصيٱ كمان بتكون لابسة قناع بخفي ملامح وشها وما بطلعو إلا للضرورة او لانها عايزة تتصور مع الناس ، وتشديد إيڤان على موضوع القناع دا محيرني شديد الصراحة ونفسي اعرف السر البخليهو يشدد

رِوايات سُودانية🪐🤎!)"

11 March 2025 20:19

*#قناع~اوڤاكاب《13》*
*#بقلم~ولاء~فؤاد (إيليا🖤)*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
*‌‌‌‌‌‌‌‌‌‏*★★★ـہہہـہہــــــــہہہـہہـــــــ★★★ـــــ❥

​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

*#بلسان ماهر*
دخلت دردشتي مع رامز ولقيتو فعلٱ مرسل لي صورة قبل دقائق ، حملت الصورة وفتحتها بفضول وهنا كانت الصدمة!!! ، تلقائيٱ لقيت روحي برفع راسي بصدمة لي صفاء وانا ما عارف اقول ليها الخبر دا كيف!!......
رجعت عاينت للصورة مرة تانية الكانت اسكرين لخبر عاجل في الفيسبوك مكتوب فيهو:"خبر عاجل ، مديرة شركة اوڤاكاب ولاء فؤاد احمد صُعقت كهربائيٱ وهي الآن بين الحياة والموت في مستشفى"...." الخ...."
ضربات قلبي اتسارعت وانا ما عارف اعمل شنو! ، ما بقدر اتواصل مع وائل واقول ليهو خبر زي دا لانو في مكان ما فيهو شبكة وما عندي رقم اي واحد من اخوانهم! ، وكمان لو وريت صفاء الخبر دا ح تنهار وردة فعلها ح تكون قاسية شديد!...
قطع حبل افكاري صوت صفاء وهي بتقول لي:خير ان شاء الله في حاجة؟ ملامح وشك اتغيرت فجأة كدا
وقبل ارد عليها علا صوت رنين تلفوني ، اتنهدت وحمدت ربي انو اتصل في اللحظة دي عشان اهرب من اجابة سؤالها وعاينت للتلفون الكان في يدي لسة ، عقدت حواجبي بإستغراب لمن لقيتو رقم غريب!...
ضغطت على زر الرد وختيتو في اضاني وقلت بهدوء:الو
جاني صوت بت قالت لي بتوتر:انت ماهر الرشيدي صح؟!
قلت ليها بنفس الهدوء:ايوا انا ماهر ، معليش بس منو معاي؟
ردت علي بسرعة وتوتر:انا ولاء يا ماهر اخت وائل
قمت من الكرسي وقلت ليها بخلعة:ولاء! كيفك ان شاء الله كويسة حسي؟ عرفت حسي والله بالحصل ليك وكنت ناوي اجيك عديل
قالت لي بسرعة:لا ما بحتاج انا كويسة حسي وطالعة من المستشفى خلاص ، المهم دا ما موضوعنا ركز معاي يا ماهر انا عندي ليك خبر صادم شديد
قلت ليها بعد قعدت في الكرسي مرة تانية:ان شاء الله خير بس؟
قالت لي بعد زفرت بضيق:للاسف ما خير ابدٱ ، اتخيل بس يا ماهر إيڤان قرر انو اليوم العالمي لقناع اوڤاكاب ح يكون بكرة!
قلت ليها بخلعة:شنووو؟! كيف يعني؟! مش معروف انو اليوم العالمي لقناع اوڤاكاب في شهر سبعة من كل سنة؟! طيب التغيير المفاجئ دا شنو؟!
قالت لي:ما عارفة والله إيڤان ما شرح لينا اي شي وقال كدا بس واعلن قبل خمسة دقائق انو اليوم العالمي لقناع اوڤاكاب بكرة والموضوع بقى حديث الساعة والقنوات كلها بتتكلم عن الموضوع دا ، وبرغم من استغراب الناس على تغير الموعد بس بدوا يتجهزوا ليوم بكرة بإعتبارو اليوم دا بجي مرة وحدة في السنة ولازم يستغلوهو صح ، المهم ركز معاي يا ماهر المتحف الاختارو إيڤان السنة دي اكتر متحف عريق ومشهور في كرازميل كلها! ، اي اي انت سمعت صح وانا قلت كرازميل يعني إيڤان ناوي يسرق ولأول مرة في التاريخ متحف في بلدنا دي نفسها! ، ما عارفة ح يستفيد شنو لمن يسرق متحف من متاحفنا والموضوع في حد زاتو غريب شديد خصوصٱ انو سنويٱ بيختار متاحف من الدول المجاورة بس يختار متحف في كرازميل! الموضوع صادم بطريقة ما قادرة اعبرها الصراحة ، وفي العادة في كل سنة انا و وائل بنوقف عملية السرقة دي مع بعض بس للاسف وائل مختفي الفترة دي ، ف الموضوع ح يكون عليك انت وخصوصٱ اني ما ح اقدر اساعدك لاني بكرة ح اكون مشغولة مع موضوع استقبال الناس وكدا

رِوايات سُودانية🪐🤎!)"

11 March 2025 20:19

بعد خلص الفحص ابتسم وقال لي:ح اجي راجع مرة تانية واشوف لو في تدهور في صحتك ، وتقومي بالسلامة ان شاء الله
رديت عليهو بإبتسامة:الله يسلمك
شال حاجاتو وطلع من الغرفة بعد قال مية وصية للثعلب وجاسمن وانو يفترض ما يتعبوني وما يتكلموا معاي كتير ويطلعوا بعد ربع ساعة بس ، وبمجرد ما طلع قعد الثعلب في كرسي وقال لي:سبب الصعقة دي كان شنو يا إيليا؟
وقبل ما ارد عليهو الباب اتفتح بإنفعال ودخل مهدي وهو بتنهد ، حمدت ربي في سري على دخولو في اللحظة دي عشان اهرب من سؤال الثعلب ، بس اتفاجأنا بمهدي بقول:جيتكم بأخبار صادمة بشكل ما ح تتوقعوا!!!
رد ليهو الثعلب بهدوء:ما وقتك خالص يا مهدي غير انو إيليا تعبانة وحالتها ما بتسمح ليها تسمع اخبارك الصادمة دي و...
قاطعتو بسرعة وانا بقول:انا كويسة والله وما فيني شي اتكلم ساي يا مهدي
قعد مهدي في واحد من الكراسي وقال:قبل كل شي انتي صُعقتي كهربائيٱ كيف يا إيليا؟
يا الله ياخي اتحلى من دا يجيني دا! ، شبكت اصابعي وقلت ليهو بتوتر:دي قصة طويلة بحكيها ليكم بعد نطلع من المستشفى دي
قال لي وهو بعاين لي بشك:ما عارف بس في احساس بقول لي انك بديتي تخونينا يا إيليا! ما هو ماف شي ح يصعقك كهربائيٱ غير الاسورة الاداك ليها إيڤان وهي ما ح تصعقك إلا في حال انك اتكلمتي مع صفاء!
نططت عيوني بصدمة من تحليلو وبقيت بتمتم وانا ما عارفة اقول شنو! ، بس فجأة الثعلب قال بإنفعال وغضب:تحليلاتك الغلط في غلط دي امسكها عليك يا مهدي ، عزرناك كتير في كل تصرف عملتو الفترة الفاتت دي وكنا بنقول ما مشكلة الولد متأثر بموت امو ، بس كمان تجي وتتهم إيليا الشغالة معانا من سنين وسنين بالخيانة لا كدا كتير شديد! ، انت كدا ح تفقدنا يا مهدي ما ح تفقد إيليا بس ، نحنا ما مجرد مسؤولين وشغالين مع بعض لا نحنا عائلة عديل! ، كل واحد فينا خلى اهلو واشتغل في المقر ومع الزمن قررنا نكون عائلة وسند لبعض ما مجرد ناس شغالة مع بعض ، وانت كدا بإعتبارك شكيت في اختي وانا ما ح اسمح ليك بحاجة زي دي عشان كدا ركز انت بتقول في شنو لانك المرة جاية بتحليلاتك دي ح تخسرنا كلنا!
هزت جاسمن راسها موافقة على كلام الثعلب وقالت:كلام الثعلب صح نحنا ما مجرد ناس شغالة مع بعض يا مهدي نحنا عائلة! ، والناس كلها بتشهد على انو إيليا مستحيل تخونا غير انها قبل كدا ورتنا بخيانة صابر وهي لو بجد انسانة خاينة وعايزة تقيف ضدنا كان ساعدت صابر وهربت الجواسيس الدخلوا المقر بس هي ما عملت كدا ابدٱ! ، غير انو لو كلامك صح كان ح نكشفها من زمان شديد وكان عندها كتير من الفرص تخونا فيها وتطلع ادلة ضدنا وتديها للشرطة خصوصٱ انها هي عكسنا بتقدر تطلع برا المقر لانها شغالة في الشركة ونحنا محبوسين في المقر ، يعني كان بإمكانها تمشي من زمان للشرطة وتبلغهم عننا! ، اتهامك ليها دا خطير شديد وانا شخصيٱ ما ح استغرب من اي ردة فعل من إيليا على كلامك لانو بجد كلامك جارح وبزعل شديد!
عم الصمت لثواني في المكان وفجأة مهدي قال لي وهو منزل راسو:بعتزر يا إيليا على الكلام القلتو ، بجد انا ما عارف نفسي قلت كدا كيف وجبت الجراءة البتخليني اشك في اختي دي من وين ، بعتزر ليك شدييد وبجد بتمنى انك تسامحيني خصوصٱ اني مصدوم من الكلام القالو لي إيڤان قبل شوية وما قادر اركز انا بقول في شنو
طول فترة كلامهم كنت ساكتة ومنططة عيوني وما قادرة استوعب كمية الثقة البكنوها لي دي! ، للحظة حسيت بالندم الشديد بس حاولت اشجع نفسي بأنهم مجرمين ودا الصح اليفترض اعملو....
وعشان ما اشككهم فيني ادعيت الزعل وانا بقول لي مهدي:بجد ما قادرة استوعب طريقة تحليلك للمواقف وصلت لوين! ومن شدة مصدومة فيك يا مهدي ما قادرة حتى ادافع عن نفسي
زفر بضيق وقال لي:بعتزر ليك مرة تانية يا إيليا
اخدت نفس عميق وابتسمت وقلت ليهو:ماف داعي تعتزر كلنا بنغلط ومسامحاك طبعٱ
ابتسم بسعادة وقال بجدية بعد صلح قعدتو:طيب نجي للمهم ، عندي ليكم اربعة اخبار صادمة لازم تعرفوها حالٱ!
قلت ليهو بفضول:طيب اتفضل احكي
شبك اصابعو وقال:اول خبر صادم هو انو إيڤان اتصل علي قبل شوية وقال لي انو كتب لينا اجازة وحجز لينا في فندق لحدي ما إيليا تسترجع قوتها ونرجع المقر مرة تانية ، وفي احساس بقول لي انو دا مجرد عزر لانو كتير نحنا مرضنا وجينا المستشفى عديل وما حصل مرة قال كدا!
نطط الثعلب عيونو بصدمة وهو بقول:دقيقة خليني استوعب! ، كيف يعني كتب لينا اجازة؟ طيب والح يكون مسؤول عن كل الحاجات البنعملها منو؟ والسؤال الاهم هو منو البقدر يعمل النحنا بنعلمو!
قبل يرد عليهو مهدي قالت جاسمن بصدمة:دقيقة خليني اخمن ، سانتو واوليڤيا هم الح يكونو مسؤولين في غيابنا صح؟

رِوايات سُودانية🪐🤎!)"

11 March 2025 20:19

*#قناع~اوڤاكاب《12》*
*#بقلم~ولاء~فؤاد (إيليا🖤)*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
*‌‌‌‌‌‌‌‌‌‏*★★★ـہہہـہہــــــــہہہـہہـــــــ★★★ـــــ❥

​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

*#بلسان ماهر*
*#بداخل المكتب*
*#قبل دقائق*
كنت مركز في واحد من الملفات لمن سمعت صوت رنين تلفوني ، مسكتو ورديت بهدوء بعد ما قريت اسم المتصل:ايوا يا رامز.......طيب خير ما مشكلة.........حسي يعني؟ ما بتقدر تحل المشكلة دي براك قصدي؟.........طيب يا رامز ما تجوط ساعة وحدة واكون عندك
بعد قلت اخر كلمة قفلت الخط ، زفرت بضيق وقمت على حيلي بتعب ومشيت على الباب ، فتحت باب المكتب وانا بعاين لساعتي بس فجأة سمعت صوت انين ف رفعت راسي بسرعة وشفت واحد ملثم ماسك بت وخاتي منديل في خشمها! ، وقبل ما اقول اي شي لقيت الراجل بهمس بحاجة للبت وبجري بسرعة! ، مخي كان عامل ايرور في اللحظات ديك وما كنت عارف هل يفترض اجري وراهو او لا! ، ف تلقائيٱ لقيت نفسي بقيف مكاني وبعاين للبت الكانت بتتنفس بصعوبة....
قالت لي بنبرة مليانة تعب:انت...انت ماهر الرشيدي؟
من معرفتها لي عرفت انو البت دي جاياني انا شخصيٱ ، ف تلقائيٱ لقيت روحي بفتح ليها باب المكتب وانا بقول:اتفضلي ادخلي بنتفاهم جوا
هزت لي راسها بالموافقة بتوتر ودخلت ، دخلت وراها وقفلت باب المكتب وقعدت في الكرسي بتاعي وهي قعدت قدامي...
قلت ليها بنبرة هادئة في محاولة مني عشان اهديها:ايوا انا ماهر الرشيدي ، بتعرفيني انتي؟
هزت لي راسها بمعنى لا وقالت لي:انا رسلوني ليك بدون اي معلومات عنك بس ادوني اسمك وقالوا لي انك ح تساعدني
عقدت حواجبي بإستغراب وقلت ليها:الرسلك منو؟
اخدت نفس عميق وقالت لي:ولاء....ولاء فؤاد الرسلتني ليك
نططت عيوني بصدمة وقلت ليها:ولاء اخت وائل؟
سكتت لثواني بعدها قالت لي:ما متأكدة بصراحة بس تقريبٱ عندها اخو اسمو وائل
قلت ليها وانا لسة تحت تأثير الصدمة:يعني انتي صفاء حسن؟
قالت لي بهدوء:ايوا انا صفاء حسن ، وبصراحة كدا يا استاذ انا ما فاهمة اي شي ولا عارفة انت منو اصلٱ ومستغربة زيك ولاء رسلتني ليك ليه!
صلحت قعدتي وقلت ليها بجدية:طيب اول شي لازم تعرفي اني عارف كل شي عنك ، يعني قصة حياتك وانك عشتي مع حاتم ودخلتي مقر اوڤاكاب عشان تطلعي ادلة ضد إيڤان وكل شي حرفيٱ ، وطبعٱ عرفت الكلام دا من وائل اللي هو اخو ولاء وحسب الاتفاق البينهم ولاء كانت بتحكي ليهو كل صغيرة وكبيرة بتحصل في المقر وحكت ليهو قصتك...
اتنهدت وتابعت كلامي:نجي لنقطة انا منو وعايز منك شنو ، يا ستي انا صاحب صابر الله يرحمو وتقريبٱ انتي عارفة قصتو صح؟
هزت لي راسها بالموافقة بدون ما تقول شي
واصلت كلامي وانا بقول:انا وصابر كنا متفقين نظهر للعالم حقيقة إيڤان وننزع منو قناع الطيبة البتظاهر بيها دي ، ف بطريقة ما صابر قدر يدخل المقر وانا ما دخلت معاهو عشان استلم مهمة اني اوصل الادلة الح يرسلها لي صابر للشرطة ، بس حرفيٱ كل شي اتغير لمن صابر قال لي انو اتعرف على وحدة مُلقبة بـ إيليا وانها ح تبقى مساعدة ليهو في المقر وهدفها نفس هدفنا واخوها صاحبو ، ف بعد فترة من الزمن اتصل علي وقال لي انو عندو كانسر في المراحل المتأخرة حمانا الله ، زعلت عليهو شديد وقلت ليهو لازم تلقى طريقة تطلع بيها من المقر دا وتسافر لدولة تانية تتعالج بس هو رفض ، وفجأة كدا اختفى عديل لا سلام ولا كلام وبطرقي قدرت اعرف انو مات بسبب انو مساعدتو المُلقبة بـ إيليا دي خانتو💔 ، دخلت في حالة كدا لا يعلم بيها الا الله وحملت نفسي ذنب موت صابر

رِوايات سُودانية🪐🤎!)"

11 March 2025 16:47

الفطور : فول وعصيدة وسلطه
العده : 12 حله 29 صحن 73 ملعقه و90 كبايه.

رِوايات سُودانية🪐🤎!)"

11 March 2025 01:28

الليلة
خنقني حنين
وأنا أقرأ على الليل غيابك.

-مهند عمر

رِوايات سُودانية🪐🤎!)"

10 March 2025 22:35

صحبي قال:
-سبحان الله!
دا السبب الخلاني للآن ماقادر اتجاوز فلانة ديك رغم إنه عشمي فيها إنقطع... هل بتصدق درجة الشبه دي بيناتهم؟
ماحأقول ليك ياصحبي الشبه في العمر ولا الدراسة ولا القبيلة لأ... الشبه في تفاصيل تانية تحيّرك بالجد!
أنا مابقدر أكذب على زول عزيز علي؛ يومي الارتبطت بزولتي دي مشيت وكلي خيبة قعدت جمب فلانة وقلت ليها إنه أنا من بعد اليوم مابقدر أوفي ليك بوعدي، وحاسي إنه النصيب بيناتنا فعلًا إنقطع في علاقتنا، لكن الود حايفضل باقي بيناتنا وأنا ياني أخوك وصاحبك الزمان ووقت الحارة بتلقيني واقف جمبك أول زول... فلانة ضحكت بكل طيبة خاطر وقالت لي:
ماتشيل همي!
عارفاك سيد رجال ومابتقصّر والله، ولو احتجت ليك في يوم ماحأتردد من إني أجيك وماحأخجل أحكي ليك همي وأشكي ليك، أصلًا إنت عارفني بكاية وإنت عارف أنا مابقدر أتجاوزك؛ مجرد ماتسألني من حالي لو فيني حاجة ببكي وإنت بتفهمني بدون أشكي ليك... البينا عامرة والعفو لله والرسول.

-كلامها بالنسبة لي كان مطمئن شديد، وشجعني إنه أرتبط بزولتي دي بدون ما أخاف من حاجة؛ وأنا ماكنت خايف من شيء غير إنه أكسر خاطر البت المسكينة دي لأنه ماقصّرت معاي وحتى في فراقها لي كانت نبيلة وجميلة.

=ساعتها أنا كنت مندهش شديد وكلنا مخلوعين ومستغربين من كلام صاحبي دا، وبسأل نفسي هل بالجد في ناس قلوبها نقيّة للدرجة دي؟...

-يومي المشيت وارتبطت بزولتي دي، من الطبيعي نخت أُسس ومبادئ لعلاقتنا وبعد اتفقنا على كل شيء كنا متفاهمين شديد واتمازجنا بسرعة خيالية... في يوم من الأيام ونحن لسة في بداية علاقتنا حصل مني موقف؛ موقف صعب إني أحكيه لأي مخلوق، وأنا حأحفظه سر للأبد... المهم الموقف دا ممكن يخرب علاقة اتنين متزوحين ويقودهم للطلاق، ممكن يكون فتنة بين حبيبين ويتفارقوا، ممكن يسبب مشاكل كتيرة في أي علاقة سواء كانت شرعية أو غير شرعية، بس الخلاني إندهشت أكتر من الزولة دي وأتمسك بيها وأحبها بالجد؛ موقفها ونظرتها لي؛ موقفها كان التفاهم قبل تحكم، قعدت واتفاهمت معاي بكل هداوة، استخدمت عقلها في نظرتها لي وخلت العواطف بعيد عن علاقتنا، والحمدلله إنها ما استعجلت أو اتسرّعت في شيء؛ قالت لي:
-يافلان!
إنت ماملاك، إنت بشر وكل الناس بتغلط، بس الزول البغلط بتوب وبستغفر وبدعي ربنا يهديه، وربنا بقبل توبته وبفتح ليهُ باب الرحمة...
أنا منو!
أنا إنسان زيّك، إذا ربنا قبل توبتك وعفى عنك أنا ما أعفي لشنو وما أسامحك لشنو؟
أنا حبيتك وعارفاك مابتخلو من العيوب، دايراك زي ما إنت بس، مابوعدك إني أصلحك لكن بعمل البقدر عليهُ... ماتفكر إني حأخليك بسبب موقف واحد واحتمال مايكون عندك فيه ذنب، أو مامقصود.

=في اللحظة دي أنا قمت من الكرسي القاعد فيهُ؛ قمت من مكاني وأنا ماحاسي ومامستوعب الكلام البسمع فيه بالجد... قلت لصحبي:
-يازول إنت بتحكي لينا في فلم هندي ولا شنو؟

-صحبي ضحك وقال:
ياريت لو فلم هندي يا أخوي، لكن دي الحقيقة!
ولسة إنت ماشفت لمن مشيت حكيت لفلانة عن علاقتي بزولتي دي أول مرة...

=هنا أنا إتصدمت بالجد وكورت بصوت عالي؛ شنو؟!
حكيت لفلانة؟
صحبي ابتسم ودنقر راسهُ في الأرض مسااااافة وقال:
-كنت مليان شديد في الفترة ديك، كل مافلانة تتصل لي وتتونس معاي وتناديني ياحبيب قلبي من باب الهظار، كنت بحس بأحاسيس ماحلوة!
بحس نفسي بالجد خائن، خائن لملاكين في نفس الوقت، قلبي كان بوجعني شديد... كل ما أقعد براي وأفكر في المصير الحايحصل لو فلانة عرفت إني ارتبطت... لو زولتي عرفت إنه كنت مرتبط بفلانة ولسة متواصل معاها وبتناديني حبيبي، حتى لو من باب الهظار والعشم بيناتنا مقطوع... من بعد الموقف داك الله أعلم تاني تواصل معاي.
اتخذت في يوم قرار وأمشي أصارح فلانة وأحكي ليها وأقول ليها ارتبطت، كنت خايف أكسر بخاطرها لأنه حاسي عشمها فيني ما انقطع رغم قلة التواصل بيناتنا وبعد المسافات... خفت أسبب ليها جرح ماتشفيه الأيام تاني... بس وقتها عشمي فيها كان مقطوع وإنه أصارحها بعلاقتي الجديدة أفضل حل لينا نحن التلاته في نفس الوقت...
مشيت وقعدت قدامها والكلام حالف مايطلع من حلقي، بقيت بلمح ليها شوية شوية لحدي ماحسّت إني عايز أحكي ليها سر جواي بس ماقادر... فقالت لي:
يافلان!
مالك يا أخوي إن شاءالله خير؟
قلت ليها:
والله يافلانة خير وماخير في نفس الوقت، أحكي ليك كيف الجواي ولا أقول شنو؟
قالت:
زي ما إنت أخوي الكبير البحكي ليه كل شيء وبلقاه سند راكز... أحكي لي أنا أُختك الصغيرة وحاتلقاني ديمة أحنّ عليك من نفسك...
إتشجّعت بعد سمعت كلامها وشلت نفس طويل وقلت ليها:
والله يافلانة من فترة مابعيدة لقيت واحدة بتشبهك، ومن الشبه بيناتكم؛ كل ما اقعد قداما واتكلم معاها بحس نفسي بتكلم معاك إنت بكل تفاصيلك... ضِحكت وقتها ضحكة جميلة شديد وقالت:

رِوايات سُودانية🪐🤎!)"

10 March 2025 22:34

هذا المساء 🌎❤️
تجي نتونس شوية:
علي سيره العلاقات والحب..
_شوفي يحلووة دائما العلاقات ما بتتقاس بطول السنين أو الفترات
ياما بنصاادف ناس دخلو علاقات بالسنين وقدمو تنازلات وتضحياات بس في الآخر اتسااابو من غير تبرير من غير مقدمات فاتو وسابوهم في نص الطريق واتهزمو
في نطاق اخر بنلقى ناس ليهم فترة بسيطه مع بعض بس لما نشوفهم كأنو بالسنين وبعرفو كيف يثبتو خطاهم ويحفو العلاقة بالحلال وخطوات رسمية
_لما نجي ننهي علاقه استمرت سنين ما بنعاين لي الفترة الزمنية بس بكون واجعنا خلال السنين العدت دي
اتعلقت ...اتعشمت ...وثقت..ضحييت..اتنااازلت....الخ
حاجات كلها كفيلة تخلينا مكسورين وقلوبنا مهزومة
القصة ما في إنو ارتبطت بدري أو متأخر أو شلت سيد الناس وخلاص
في كيف إنك تكون في علاقة صحية ما تخصم منك ما تديك احساس بالندم علاقة واحدة ب إنسان سوي نفسيا متفهم ومدرك للحياة قادرة تغنييك عن كتيير
=إنسان ما قادر يقدم ابسط حقوقك في العلاقة ابتريها
=إنسان قادر يخليك تعيشي في دوامة لوم وشك واسئلة سيبي
=إنسان في العلاقة عايز إنك تبااادري بكل شي من غير مقابل سيبي
=إنسان قادر يخليك تقدمي تنازلات عن ابسط حقوقك سيبي
العلاقات محتاجة أخد وعطى من غير ما تنفع
اكسبي سلامك النفسي سيبي علاقات كتيره مزيفة اعصري على نفسك وقلبك وامسحي كل ذكريات العلاقات السامة والمزيفة في حيااتك ♥️

#ال_ميس

رِوايات سُودانية🪐🤎!)"

14 March 2025 13:12

*#قناع~اوڤاكاب《15》*
*#بقلم~ولاء~فؤاد (إيليا🖤)*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
*‌‌‌‌‌‌‌‌‌‏*★★★ـہہہـہہــــــــہہہـہہـــــــ★★★ـــــ❥

​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
‏​​‏​​‏​​‏
‏​​‏​​‏​​‏
*#ملاحظة مهمة قبل ما نبدأ:سانتو واوليڤيا اخوان*
________
*#بعد نصف ساعة*
*#في مكتب المسؤولين الخمس*
قام من الكرسي بإنفعال وهو بقول بغضب شديد:كيف يعني ما كانت بتتكلم مع ماهر!
رد عليهو سانتو بتوتر:اهدأ يا إيڤان الامور ما بتتحل بالانفعال
ضرب الطاولة بيدو بغضب وهو بقول:البت كانت متفقة مع الشرطة وانت تجي تقول لي ما انفعل؟! طيب يفترض انفعل متين يا استاذ؟!
بقى بيتحرك بخطوات سريعة في المكتب ويدور حول نفسو ويحك شعرو بتوتر شديد وسط نظرات اوليڤيا وسانتو المستغربة من الحالة الدخل فيها دي!...
فجأة وقف وملامح وشو كلها اتغيرت للخباثة الشديدة ، التفت عليهم بإبتسامة وقال بنبرة غريبة:تأديب البت دي ح يكون على يدي ، شيلوا فشار من الكيس داك وافتحوا الشاشة ح تشوفوا عرض ولا في الاحلام بعد شوية
عقد سانتو حواجبو بإستغراب وهو بقول:انت مجهز فشار من بدري يعني؟! طيب ليه؟!
رد ليهو بنفس الابتسامة:لاني عارف انو في عرض حصري ح يحصل وعايزكم تحضروهو بمزاج عشان كدا جبت ليكم الفشار دا ، يلا افتحي الشاشة يا اوليڤيا
هزت اوليڤيا رأسها بالموافقة ومشت على الشاشة وفتحتها ، وبمجرد ما فتحت الشاشة ظهرت صفاء المربطة في كرسي وهي نايمة بتعب وقناعها الكانت مُخفية بيهو ملامح وشها واقع في الارض....
عقدت اوليڤيا حواجبها بإستغراب والتفتت على إيڤان وهي بتقول:عايزنا نشوف صفاء ليه؟!
ابتسم وطلع من المكتب بدون ما يرد عليها ، التفتت على سانتو وقالت ليهو:انا ما مطمئنة يا سانتو خالص
قعد في واحد من الكراسي بتعب وهو بقول:ولا انا ما مطمئن يا اوليڤيا ، احساسي بيقول لي إيڤان ما ناوي على خير خالص
هزت رأسها بالموافقة وقالت ليهو:احساس متبادل ، وربنا يرحم صفاء كانت انسانة طيبة همها الوحيد تنتقم لعائلتها!....
________
*#بلسان صفاء*
حسيت بجردل موية ادفق فيني ف تلقائيٱ لقيت روحي بنتفض بخلعة وبصرخ ، رفعت راسي لمن سمعت صوت إيڤان وهو بقول لي:صباح الخير يا عسل
ثبت نظري فيهو بخلعة لا توصف! ، انا متين وصلت هنا؟! وانا وين اصلٱ؟! وإيڤان ناوي يعمل فيني شنو؟!....
ابتسم إيڤان بخباثة وجر ليهو كرسي وقعد قدامي وقال لي بعد شبك اصابعو مع بعض:مشكلتك انك انسانة هبلة وبتصدقي اي حاجة وبتثقي بأي زول ، طيبة قلبك دي هي البتوديك في داهية وقايلة نفسك ح تقدري تنتقمي مني لعائلتك ، سيريسلي؟! لا كدي انتي عايني لي هنا شايفة روحك بتقدري على إيڤان الكردي؟!
ابتسمت وقلت ليهو بغرور:بقدر عليك وعلى عشرة من امثالك
ضحك بصوت عالي لدرجة انو دموعو نزلت من الضحك وهو ماسك بطنو ، عاينت ليهو بغيظ شديد بدون اعلق على ضحكتو...
وبعد خلص من الضحك قال لي:عشان كدا لمن اقول ليك انتي هبلة تصدقي ، ثواني اثبت ليك صدق كلامي
صلح قعدتو وقال لي بجدية:تتذكري لمن حاتم قال ليك انك فقدتي الذاكرة؟! طيب تتذكري قال ليك الدكتور قال ليهو شنو؟! قال انو الدكتور قال ليهو بتك دي ما ح نعمل ليها عملية استرجاع للذاكرة الا بعد تكبر لانها صغيرة شديد حسي ، بس في حياتك سمعتي ليك بعملية لإسترجات الذاكرة؟! الذاكرة دي بترجع براها مع مرور الزمن ولمن تحاولي تمري بأماكن مريتي بيها قبل كدا مع شوية ادوية وخلاص الموضوع بيد الله بس ماف حاجة اسمها عملية

رِوايات سُودانية🪐🤎!)"

14 March 2025 01:50

ذلك الإنبهار الذي نشعر به عند قراءة نصٍ ما، قد يحدث أحيانًا لأننا رأينا أنفسنا، رأينا أفكارنا المُهملة تلك التي قابلناها بالإنتقاص والإبتذال رأيناها وقد أخذها أحدهم على محمل الجد وأظهرها بهذا الجمال.

رِوايات سُودانية🪐🤎!)"

13 March 2025 13:48

/channel/httpsF66DZgZLllnFBkOGY0o.

رِوايات سُودانية🪐🤎!)"

12 March 2025 08:04

شيخنا محمد سيّد حاج عليه رحمة الله
في مدارج السالكين
حكى قِصّة عن اتنين جايِّين من البادية
نزلوا عند شيخ عَرَب، قاصدِنُّه في موضوع تيراب وقُروش دايرين يعَمّروا المُوسِم .

جُو بالليل و وقّفوا البهايم بتاعتهم، شيخ العرب
قال ليهم :
اتفضّلوا اتفضّلوا مرحَب♡

دخَّلهم وفرَش ليهم البيت وصْبح ليهم أكّلهم،
علَف ليهم البهايم
و جَيَّه ليهم حاجاتهم كلها ..

قالوا ليهُ :
يا شيخنا، جايِنّك في موضوع مهم!

قال ليهم :
مَقضِي، الصباح بس ..

الصباح قالوا دايرين تيراب ودايرين قروش لِنهاية
المُوسم، أدّاهم أي شي دايرِنُّه .

اتكيّفوا منه كيف شديد!

طلَعوا منه ماشِين في الشارع يتونّسوا مع بعض
واحد سأل أخوهُ :
عليك الله أكرَم الله ولا حاج محمد ده؟

ردّ ليهُ أخوهُ :
والله .. الله كريم
لكن حاج محمد بِقضى ليك حار حار💔

..
شيخنا قال مُعلّق على الحوار ده :
والله الذي لا إله غيره
كان ربنا
مِن فوق سبع سماوات ما أذِن = حاج محمد ده
يطردكم وموية ما يسقيها ليكم!

الموية والكَرَم ده كُلُّه مِن تسخير رب العالمين ♡

عطاء الله أسرع من طرفة العين، لكن الناس ما عندهم ثقة
في الله تعالى، ومُستَعجِلِين!

{وَكَانَ الْإِنسَانُ عَجُولًا}🌿

فاللهم يقيناً يُلازم الخُطى والمَسِير، نسألُك حُسن ظنٍّ بكَ وتوكُّلاً عليكَ ما حَيِينا، آتِنا سُؤلنا واغمُر قلوبنا بالرّضا والسّعادة، أن تُحسِن خاتِمتنا وتجمعنا وأحبّتنا في جنّات الخُلد والنّعيم.

ممكن نصلّ على الحبيب!♥️
#تيسير_الصادق

رِوايات سُودانية🪐🤎!)"

11 March 2025 20:19

*═℘═🌸═℘═🌸═℘═🌸═℘═*
*♡نتـــــــــــــــــــــــــــــــــــــــــــلاقى♡*
*☆يتبــــــــــــــــــــــــــــــــــــــــــــــع☆*

رِوايات سُودانية🪐🤎!)"

11 March 2025 20:19

*#قناع~اوڤاكاب*
*#مُتبقي~الفصل《14》*
*#بقلم~ولاء~فؤاد (إيليا🖤)*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
*‌‌‌‌‌‌‌‌‌‏*★★★ـہہہـہہــــــــہہہـہہـــــــ★★★ـــــ❥

​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
‌‌‌‏
‌‏قلت ليهو:حسب كلام ماهر معاي قبل شوية رجال إيڤان ح يتأخروا شوية ، ف انت وفريقك يفضل تكونوا بعيدين شوية بحيث ما يشوفوكم ويطمنوا ويدخلوا بكل ثقة ، وقبل ما تداهموهم يُفضل ادخل انا ودا لسلامتكم ولسلامتي ، لانكم لمن تداهموهم فجأة كدا ح يهاجموكم ويحاولوا يهربوا وفي احتمالية كبيرة انهم يقتلوا نص فريقك ويُفضل ما تستهين بقوتهم لانها جبارة الصراحة ، عشان كدا يُفضل ادخل انا في البداية وهم لمن يشوفوني ح ينسوا هم اصلٱ جوا ليه وح يمسكوني وتركيزهم كلو ح يكون معاي غير اني ح اشتت انتباهم بكلامي الكتير ، ف انتوا في المسافة دي تدخلوا وتقبضوهم وهم ما ح يقدروا يقاوموا اصلٱ من الصدمة لانو الموضوع ح يكون سريع ومفاجئ في نفس الوقت ، ها رأيك شنو؟!
سكت مسافة وبعدها قال لي:انا ما مطمئن خالص لخطتك دي بصراحة
قلت ليهو بثقة:ما تخاف بإذن الله ح تتسهل وكل شي ح يمشي زي ما عايزين ، وعشان اطمئن ليك قلبك هاك
قلت اخر كلمة وانا بطلع من شنطتي جهاز مع سماعاتو ومديتهم ليهو ، شالها مني وهو بعقد حواجبو دليلٱ على استغرابو الشديد...
قلت ليهو وانا بقلع السماعات البتواصل بيها مع ماهر وبلبس السماعات الح اتواصل بيها معاهو:البس السماعات دي وبمجرد ما تسمع صوت رنين من الجهاز اضغط على زر الرد طوالي ، لاني ما ح اتصل ليك واتكلم معاك إلا لمن اتأكد انو الجو مناسب عشات تداهموا المتحف ، اتفقنا؟!
ابتسم وقال لي:اتفقنا
عم الصمت لثواني وكل واحد فينا بفكر في حاجة معينة ، اخدت نفس عميق وانا بسأل نفسي:"انتي متأكدة من الخطوة دي يا صفاء؟! حسي كان في داعي تقلعي السماعات البتتواصلي بيها مع ماهر؟! ثم ثانيٱ ماهر في محل ثقة وزول مضمون وبتعرفيهو بس دا معرفة متين لمن تثقي فيهو الثقة العمياء دي؟!"...
قطع حبل افكاري صوت عالي من الجهة الشمالية للمتحف ، قمت على حيلي بخلعة وقام معاي علاء الدين في نفس اللحظة...
قلت ليهو بسرعة:شكلهم وصلوا خلاص
وقبل ما يرد علي طلعت السماعات البتواصل بيها مع ماهر  من الشنطة وختيتها في يدو وانا بقول ليهو بإستعجال:في حال حصلت اي حاجة لي اتواصل مع ماهر ح يساعدك وعلى ضمانتي ، يلا بسرعة زح من هنا عشان ما ينتبهوا لينا
قال لي بتوتر وهو بمشي بخطوات سريعة قدامي:طيب بالتوفيق ليك يا صفاء ، وخلي بالك من نفسك واذا حصلت ليك اي حاجة اتصلي علي طوالي وانا بتصرف
ابتسمت بدون ما ارد عليهو ومشيت بسرعة على الجهة الجا منها الصوت ، لمن وصلت انصدمت لمن لقيت حراس البوابة واقعين في الارض وغارقين في بحيرة دمهم! ، من شدة المنظر كان مخيف ما قدرت اعاين ليهم مرتين واتخطيتهم بسرعة ودخلت من بوابة المتحف الكانت مفتوحة و واضح انهم نسوا يقفولها وراهم ، وكذلك لمن دخلت نفس الحكاية كان في كمية لا تحصى ولا تعد من الحراس الميتين ومرميين في الارض بإهمال! ، وهم متين وصلوا اصلٱ عشان يقتلوهم بالسرعة دي؟! وليه ما سمعنا صوت صراخ او اي شي؟! ، الموضوع كان غريب بس اتجاهلتو وبقيت بمشي بخطوات سريعة لحدي ما سمعت اصوات ناس بتكلموا...

رِوايات سُودانية🪐🤎!)"

11 March 2025 20:19

على لبسو كدا شنو!
ضحكت وحدة من البنات وقالت لي:انتي طلعتي بريئة شديد ياخي وما فاهمة حاجة وكمان حاتم ما شاف شغلو معاك نهائي وما وراك اليوم دا هدفو الاساسي شنو
رجع ماهر ضهرو لورا وقال بهدوء:احتمال حاتم نفسو ما يكون عارف حقيقة اليوم دا لانو اكيد لو كان عارف كان قال ليها
قلت ليهو بعد عقدت حواجبي بإستغراب:حقيقة شنو دي؟!
اتنهد وصلح قعدتو وقال لي بجدية:طيب يا صفاء انا ح اشرح ليك كل شي ، اليوم العالمي لقناع اوڤاكاب دا هو نفسو اليوم البقى فيهو إيڤان الكردي ملك لكرازميل وبدأ فيهو اعمالو الغير شرعية ، وللاسف ماف زول في العالم إلا قليلين بس وهم نحنا بيعرف البيحصل في اليوم دا ، إيڤان عامل البهرجة دي كلها والاحتفال والطيارات الخمسة وكل شي لسببين بس ، السبب الاول هو انو عايز يثبت للعالم انو ماف ملك احسن منو ولا حتى حسن زاتو ونظام شوفوني رهيب كيف وبعمل ليكم شنو ، اما السبب التاني وهو الاهم انو في اليوم دا إيڤان بيسرق فيهو اهم واعرق متحف موجود في واحد من البلاد الاختار ليها الطيارة المجانية ، يعني الناس لمن تكون مشغولة بتجهيزات السفر والامن كله تركيزه متمحور في المطار لانو الناس بتكون كتيرة وطيارة وحدة ما بتكفيهم ف برجعوا الناس وكدا ، ف في الوقت دا بظبط إيڤان بيرسل رجالو يسرقوا اهم الحاجات الفي المتحف ويودوها لشركة اوڤاكاب ويختوها في قسم المتحف بحيث انو يظهر انو الحاجة دي تابعة لبلدنا نحنا وموجودة في شركتنا ويزيد رصيد شهرتو نظام لقيناها قريب في واحد من ممالكنا الزمان وبتاع وطبعٱ بغير شوية حاجات عشان في ناس ح تعرف انها كانت في المتحف الفلاني في البلد الفلاني وبعد التغيير ما بظهر خاالص انها ملكهم عشان كدا ماف زول بشك فيهو نهائي ، وحتى ناس الدولة السرقوا متحفهم ما بيشكوا في إيڤان لانو شايفنوا زول شريف ورهيب وبتاع وبقعدوا يفتشوا عن السارق في حدود دولتهم بس ، طيب نجي لاهم نقطة وهي موضوع القناع اللازم يلبسوهو دا ، طبعٱ رجال إيڤان بكونوا واضحين لمن يدخلوا الدولة الفلانية ف عشان كدا بيتنكروا باقنعة عشان ماف زول يعرفهم وطبعٱ لو كانوا هم الوحيدين البلبسوا اقنعة الناس ح تشك فيهم وح تستغرب شديد ، عشان كدا إيڤان بيشدد على موضوع القناع لانو لمن الناس كلها تلبس القناع دا ماف زول وشو ح يكون ظاهر وبالتالي ما ح يقدروا يشوفوا رجال إيڤان
نططت عيوني بصدمة وانا ما قادرة اعبر من شدة الصدمة دي! ، بعد مسافة فتحت خشمي وقلت ليهو:لا بجد إيڤان ما طلع ذكي بس ، دا طلع عبقري عديل وافكارو جهنمية لدرجة اني ممكن اجزم ليكم انو ابن اينشتاين!
ضحك ماهر وقال لي:وماف زول قدر يكتشف خباثتو دي بسبب ذكائو دا ، ف تقريبٱ انتي بعد عرفتي قصة اليوم دا ح تكوني عارفة اننا عايزين نوقف عملية سرقة المتحف الح تحصل بكرة!
قبل ارد عليهو قالت ليهو ملاذ بسرعة:طيب السرقة ح تكون الساعة كم؟! وفي ياتو دولة بظبط؟! ومكان المتحف وين؟!
رد عليها ماهر بهدوء:لا المرة دي مختلفة ، عملية السرقة ح تكون في كرازميل دي زاتها
شهقت بصدمة وقلت ليهو:وح يستفيد شنو لمن يسرق اثار بلدنا زاتها وهي شبه ملكو بما انو الملك؟
حك شعرو وقال:ما عارف والله انا زاتي مستغرب شديد من النقطة دي بس دا حسب كلام ولاء
رددت كلامو بإستغراب شديد:حسب كلام ولاء!
اتنهد وبدأ يحكي لينا كل الكلام القالتو ولاء وعن خطتها القالت نسبة نجاحها كبيرة وهي اني اتولى مهمة ايقاف عملية السرقة دي بنفسي ، بصراحة في البداية كنت عايزة ارفض بس حاولت اشجع نفسي وانا بقول:"اهدي يا صفاء بما انو ولاء نفسها قالت كدا يفترض ما تخافي خالص لانو ولاء ما بتقول حاجة وهي ما متأكدة من نسبة نجاحها ، ح تقدري على المهمة دي بس انتي خليك على يقين انك ح تنجحي وتوقفي عملية السرقة دي!"
بعد خلص كلامو بدوا كلهم يرفضوا خطة ولاء الهم شايفنها غلط كبير وما ح تنجح نهائي ، بس قاطعت الجدال دا انا وقلت ليهم بجدية:انتوا ما موافقين بس سِت المهمة زاتها موافقة ف خلاص كفاية شكل على الفاضي
ابتسم ماهر وقال لي:ما تخافي يا صفاء ح اتولى مهمة حمايتك انا بس عن بعد ورجالي ح يكونوا معاك لحظة بلحظة
ابتسمت وهزيت ليهو راسي بالموافقة ، اما هو واصل كلامو وهو بقول:طيب خلوني اوزع ليكم الشغل الح نعملو لانو خلاص الموعد قرب شديد ، ملاذ بما انك خياطة ماهرة ف عليك تبدي تجهزي لي صفاء لبسة كاملة وتصميم القناع برضو ح يكون عليك لاني شايف افضل تخيطيهم ليها انتي بدل ما نشتري من برا ، اما انت يا رامز ف اتصل على رجالي وقول ليهم تفاصيل الخطة كاملة عشان يكونوا على علم ، اما انتي يا صفاء تعالي لاني لازم اوريك تعملي شنو بظبط عشان ما تتصرفي تصرفات هبلة بعدين ، والباقين ارجعوا البيت وتموا الكنتوا بتعملوا فيهو ولمن احتاج ليكم ح اناديكم

رِوايات سُودانية🪐🤎!)"

11 March 2025 20:19

قلت ليها بتوتر:طيب انا اعمل شنو! الموضوع دا اكبر مني يا ولاء وما بقدر على حاجة زي دي براي
ردت علي بثقة:لا الموضوع ما اكبر منك يا ماهر العكس ح تقدر عليهو وخصوصٱ انو انت عندك الامكانيات البتخليك تنجح في المهمة دي ، ما شاء الله عدد رجالك كبير شديد وح يقدروا يواجهوا رجال إيڤان
صلحت قعدتي وقلت ليها بجدية:طيب انتي عندك خطة معينة يا ولاء؟!
قالت لي بهدوء:اكيد طبعٱ ، خطتي فيها نوع من المخاطرة بس نسبة نجاحها كبيرة شديد ، الخطة وما فيها هي انو لازم صفاء تتولى المهمة دي وخصوصٱ انها بتكون معاك حاليٱ ، اتكلم معاها بهدوء واشرح ليها كل شي وخليها تستلم المهمة دي هي
قلت ليها بخلعة:انتي مجنونة يا ولاء؟! انا مستحيل اعمل حاجة زي دي واخاطر بحياة صفاء! ، صفاء لو استلمت المهمة دي رجال إيڤان ح يمسكوها قبل ما تعمل اي شي وح يرجعوها المقر مرة تانية ويقتلوها!
قالت لي بإندفاع:لا مستحيل دا يحصل! ، انت قيسها بالعقل يا ماهر وح تلقى انو خطتي مقنعة شديد ، رجالك لو مشوا مع صفاء وحاوطوا المتحف وفجأة كدا صفاء تصدمهم بدخولها المفاجئ للمتحف رجال إيڤان ح يركزوا معاها شديد وينسوا هم جايين ليه اصلٱ وح يكون همهم الوحيد يمسكوا صفاء ويرجعوها لي إيڤان مرة تانية ، ف في الوقت الهم مشغولين فيهو مع صفاء رجالك يقتحموا المتحف ويحاصروهم وهم من الخلعة ما ح يقدروا يعملوا شي ، بعدها صفاء تتصل للشرطة ولمن ناس الشرطة يصلوا ح يقبضوكم كلكم ويمشوا بيكم للقسم ، وفي الاستجواب لازم صفاء تعترف ليهم بكل شي وتقول ليهم انها صفاء حسن وتطلع العقد البثبت صدق كلامها وتوريهم حقيقة إيڤان وحقيقة اوڤاكاب برضو ، ف الشرطة لمن تعرف كل الحاجات الكانت مخفية دي وانو صفاء حسن حية ح يقيفوا معاها ويقبضوا إيڤان وبكدا نكون اتخلصنا منو للابد وتحل مكانو صفاء حسن ، اما لو مشيت انت بنفسك ح تحصل كارثة خصوصٱ انك عدو إيڤان اللدود ورجال إيڤان ح يعملوا حرب عديل مع رجالك والشرطة لمن تصل ح تقبضك انت لانو ديل رجال إيڤان الملك وانت شخص عادي بالنسبة ليهو وإيڤان ممكن يكذب اي كذبة ويقول انو رسل رجالو يتفقدوا المتحف تفقد عادي ورجالك كانوا عايزين يسرقوا المتحف ويقلب الطاولة عليك وينتصر هو! ، عشان كدا لازم صفاء تستلم المهمة دي وانت خليك بعيد تمامٱ ورجالك ح يتولوا مهمة حمايتها
سكت مسافة وانا بقلب كلامها في مخي ، بعد مسافة من الصمت قلت ليها:اقنعتيني الصراحة
ضحكت وقالت لي:اعيش واقنعك انا ، طيب يلا عشان ماف زمن انت لازم تبدأ تجهز للمهمة دي من حسي وانا يفترض اقفل بعد كدا لانو المسؤولين بدوا يلاحظوا طول مكالمتي دي
قلت ليها بعد قمت على حيلي:طيب قبل ما تقفلي وريني رجال إيڤان عايزين يقتحموا ياتو متحف بظبط ومتين؟!
ردت علي:متحف "..." وح يقتحموا الساعة 2ص يعني الزمن قرب شديد
قلت ليها بسرعة:طيب طيب اقفلي عشان الحق ابدأ اجهز للخطة دي
قالت لي بنبرة مطمئنة:بالتوفيق ان شاء الله
وقفلت الخط ، وقبل اقول اي حاجة لي صفاء سبقتني هي وقالت لي بخوف:ولاء مالة؟ سمعتك قلت انك كنت ماشي ليها في المستشفى
قلت ليها وانا بحاول اطمئنها:لا ما تخافي كانت تعبانة شوية ومشت المستشفى تفحص ولقت نفسها كويسة ، حسي ارح معاي لو سمحتي في موضوع مهم لازم نتناقش فيهو
قالت لي بعد عقدت حواجبها بإستغراب:طيب ما نتناقش هنا
قلت ليها بهد هزيت راسي بالرفض:لا موضوع زي دا ما بقدر اقولو ليك هنا ، ارح معاي بهدوء بس وبطلي اسئلة كتيرة ماف زمن نضيعو
هزت لي راسها بالموافقة من سكات وقامت على حيلها ، طلعنا من المكتب واي زول كان بشوفني بقيف يسلم علي وانا بحاول اختصرهم بقدر الامكان عشان ماف زمن اضيعو ، وبعد خمسة دقائق بظبط كنت سايق عربيتي وصفاء كانت قاعدة جمبي والسكوت كان سيد المكان...
وفجأة كدا قالت لي:انا بجد في سؤال محيرني شديد ، يعني الانا بعرفو الشركات المشهورة والكبيرة زي شركتك دي بتكون مليانة حرس والمدير زول صعب بخافوا منو الناس كلها واهم نقطة انو بكون في سكرتيرة بتمنع دخول الناس ليهو إلا بموعد ، بس دا كله انا ما قابلني في شركتك ليه؟!
قلت ليها بإبتسامة:حبيت دقة ملاحظتك الصراحة ، اما بالنسبة لسؤالك ف بإختصار شديد يا ستي انا ما بحب جو الرسمية دا ، انا سكرتير نفسي وما محتاج لي سكرتيرة خالص ، اما بالنسبة للحرس ف هم موجودين بس بطريقة خفية نوعٱ ما بدون ذكر الاسباب ، اضافة لاني شخصية محبوبة وما بحب جو الرسميات ف عشان كدا ما بعاملوني معاملة المدير خالص ، غير اني بعامل الموظفين معاملة عادية بدون صرامة واوامر كتيرة تخليهم يخافوا مني ويكرهوا شخصيتي المتسلطة
ابتسمت وقالت لي:بجد ابهرتني بطريقة تفكيرك ودي حاجة جميلة شديد انك بتعاملهم معاملة عادية وما بتتحسهم انهم اقل منك

رِوايات سُودانية🪐🤎!)"

11 March 2025 20:19

ابتسم مهدي وقال:بظبط كدا ودا الخبر الصادم التاني
رد الثعلب بصدمة لا توصف:تتزكروا اخر مرة سانتو واوليڤيا كانوا فيها مسؤولين الحصل شنو؟
رديت عليهو بصدمة مماثلة:دايمٱ لمن إيڤان يكتب لينا اجازة ويعينهم مسؤولين في مكانا بكون بخطط لكارثة! ، إيڤان ما بطلب مساعدة سانتو واوليڤيا إلا لمن يكون مخطط لحاجة خطيرة شديد! ، وصدق احساسك يا مهدي إيڤان ما كتب لينا اجازة عشان استرجع قوتي لا! ، إيڤان عمل كدا عشان يتخلص مننا ويقدر يخطط للكارثة الح تحصل!
زفر مهدي بضيق وقال:والكارثة دي طلعت اكبر بكتير من تصوراتنا
صلح الثعلب قعدتو وقال:يعني وراك عايز يعمل شنو؟
هز مهدي راسو بالموافقة وقال:ودا الخبر الصادم الرابع ، حسي خلوني اقول ليكم الخبر الصادم التالت اول
شبك اصابعو وتابع كلامو وهو بقول:صفاء حسن هربت من المقر اتخيلوا بس! ، في الوقت الكنا مشغولين فيهو مع إيليا هي لقت الفرصة وهربت وحاليٱ إيڤان منفعل شديد وقالب الدنيا في المقر وكمان العقد الموضوع اكتر واحد من رجالو كان واقف قدام باب الشركة ولمن شاف صفاء بتهرب جرى وراها وتابعها لحدي ما وصلت واحد من الشركات وقال لمن مسكها عشان يجيبها المقر مرة تانية فجأة باب المكتب القدامهم انفتح وظهر *"ماهر الرشيدي"* اتخيلوا بس! والحارس من شدة الصدمة جا راجع بدون صفاء
شهقت جاسمن بصدمة وقالت:ماهر الرشيدي عدو إيڤان؟ وااي طبعٱ صفاء عرفتو من وين لمن تتفق معاهو ضد إيڤان؟ لا بجد البت طلعت خطيرة وقدرت تقيف في صف اقوى عدو لي إيڤان!
زفر الثعلب بضيق وقال بصدمة:بس السؤال الاهم صفاء بتعرف ماهر من وين لمن تمش ليهو في شركتو؟ لا بجد الموضوع اتعقد شديد وشكلو ح تقوم الحرب العالمية الثالثة عما قريب بذات لمن اتفقوا صفاء وماهر مع بعض!
رد عليهو مهدي:ودا الموضوع المجنن إيڤان وحاليٱ منفعل بشكل لا يوصف عديل! وليهو حق الصراحة لانو اتفاق اعداء الزول مع بعض بشكل خطر كبير!
زفر بضيق وقال:نجي للخبر الصادم الرابع والاخير ، ودا اكتر واحد صادم وما عارف ردود فعلكم ح تكون كيف بعد تعرفوهو
ردت عليهو جاسمن بضيق:بطل شحتفة وقول في شنو!
سكت مسافة وبعدها قام بسرعة وقفل باب الغرفة من جوا وقرب مننا وهو بتلفت ، قعد مرة تانية في الكرسي بعد قربو مننا وسكت مسافة وهو شابك اصابعو مع بعض ، تصرفاتو دي خلتنا نتأكد انو الموضوع اقل ما يقال عنو خطير!...
اخد نفس عميق وقال لينا بتوتر:إيڤان قال لي انو *"اليوم العالمي لقناع اوڤاكاب"* ح يكون بكرة!
شهقت جاسمن بصدمة وختت يدها في خشمها وهي ما قادرة تعبر من الصدمة ، اما الثعلب قام على حيلو بخلعة وهو بعاين لي مهدي بصدمة بدون ما يقول شي ، اما انا غمضت عيوني بخوف وتوتر وقلت لنفسي:"الله يستر يوم بكرة دا شكلو ما جايب لينا خير ابدٱ!!!!"
______
*#في المقر*
*#بلسان جوليا*
اتمشيت في الساحة الكان فيها المسابقة وانا بتلفت على امل اني القى صافيناز البنفتش فيها انا وكارمن لينا اكتر من ساعة وما لقيناها! ، واثناء ما انا بفتش فيها لفت انتباهي شي بيلمع تحت طاولة كبيرة ، نزلت راسي وعاينت ليهو وانصدمت لمن لقيتو عقد صافيناز! ، رفعتو من الارض بسرعة وانا بتزكر انها قالت لي قبل كدا لمن سألتها من سر تعلقها بالعقد دا:"العقد دا اداني ليهو ابوي الله يرحمو قبل ما يموت عشان كدا متعلقة بيهو كدا ، دي اخر هدية اداني ليها الغالي ودي الحاجة الوحيدة البتزكرني بيهو❤️" ابتسمت لمن اتزكرت كلامها وتلقائيٱ لقيت اصبعي بضغط على الزر الفي العقد ، وفجأة العقد اتفتح لقسمين ، قسم كان فيهو مفتاح معلق وما بنفصل من العقد ، اما القسم التاني لمن شفتو انصدمت بشكل ما طبيعي! ، كان فيهو صورة حسن ومرتو إبتهال وطفلة صغيرة وتقريبٱ دي صفاء بتهم ، وفجأة لاحظت الشبه الكبير بين لقب "صافيناز" واسم "صفاء" وتلقائيٱ لقيت روحي بقعد في واحد من الكراسي من الصدمة! ، معقولة صافيناز تكون صفاء حسن؟! طيب كيف وصفاء حسن ميتة؟! ، تلقائيٱ لقيت روحي بقوم وانا بقول لنفسي:"ح امشي لمكتب المسؤولين لانو لازم إيڤان يشوف العقد دا ، وهو الوحيد الح يوريني اذا العقد دا هو العقد الاصلي واذا كانت صافيناز هي نفسها صفاء حسن!"
زفرت بضيق وطلعت من الساحة ومشيت على جهة المسؤولين الخمس عشان إيڤان يشوف العقد ويجاوب لي على كل سؤال بدور في مخي....
_____
*"قالت كدا وهي ما عارفة خطورة الحاجة الح تعملها دي! ، قالت كدا وهي ما عارفة انها ح تأذي صحبتها شديد! ، قالت كدا وهي ما عارفة انها ح تدمر صفاء حسن بسبب حركتها دي💔!..."*


*═℘═🌸═℘═🌸═℘═🌸═℘═*
*♡نتـــــــــــــــــــــــــــــــــــــــــــلاقى♡*
*☆يتبــــــــــــــــــــــــــــــــــــــــــــــع☆*

رِوايات سُودانية🪐🤎!)"

11 March 2025 20:19

لاني انا الدخلتو المقر ، وبعد قدرت اطلع من الحالة دي حلفت اني انتقم من إيليا الخانتو دي وانتقم من إيڤان ومن اي واحد كان ليهو يد في موتو ، ومن الوقت داك وانا مكثف جهدي كله في الموضوع دا بس مرة تانية اتغير كل شي لمن اتعرفت على وائل ، وبعد اتصاحبنا وحكيت ليهو حكايتي واني عايز انتقم من إيليا صدمني لمن انفعل فيني وقال لي دي اختي!! ، بتزكر اني اضاربت معاهو في اليوم داك وكنت عايز اقتلو لاني قلت بما انو اخو إيليا دي ف اكيد ح يكون ليهو يد في موت صابر برضو! ، بس وائل كان عاقل وهداني وقعد واتكلم معاي بجدية وحكى لي انو هو كمان هدفو نفس هدفنا وقال لي انو صابر القال لي إيليا انها تقول كدا يعني إيليا ما خانتو! ، بتزكر اني ما صدقتو وصرخت فيهو بس مرة تانية هداني واثبت لي كلامو بأدلة خلتني اسكت وما اعرف اقول شنو ، من الوقت داك ونحنا متواصلين مع بعض وبنخطط لكل شي مع بعض بس في مرة كدا جا وقال لي انك حية! ، في البداية انصدمت وقلت ليهو صفاء حسن مستحيل تكون حية بس هو اثبت لي كلامو وقال لي انك في المقر وانك تحت حماية اختو إيليا ، فرحت شديد بالخبر دا واتأكدت انو في صفنا جوهرة ثمينة ولو اتكاتفنا مع بعض وخصوصٱ انو عددنا كبير اكيد ح نقدر نهزم إيڤان!
لقيتها بتتجاهل كلامي كلو ورددت كلامي بإستنكار:عددنا كبير!
ابتسمت وقلت ليها بعد قمت على حيلي:يفضل تمشي معاي وتتعرفي عليهم بنفسك
فجأة قالت لي بتساؤل:طيب معقولة بس ما عايز تسألني انا طلعت من المقر كيف وليه اصلٱ؟
قلت ليها بعد قعدت في الكرسي مرة تانية وضربت راسي بغباء:معليش اعزريني انا ما شارب قهوتي الليلة وما قادر اركز في اي شي ، اتفضلي احكي لي طلعتي من المقر ليه؟
زفرت بضيق وقالت لي:كنت مشاركة في مسابقة ومندمجة بحواسي كلها مع المسابقة دي وهمي الوحيد هو الفوز ، بس في نص المسابقة كدا اتفاجأت بولاء بتتصل علي ، رديت عليها ومن خلال كلامها فهمت انو إيڤان كان ناوي يقتلني الليلة والحاجة المحيرة في الموضوع انها كانت بتسكت بين الكلمة والتانية وبتصرخ وبترجع تتكلم معاي بصعوبة تاني ، قدر ما حاولت اسألها في شنو بتتجاهل اسألتي وبترجع تحزرني وتقول لي اهربي بسرعة وفي النهاية رسلت لي عنوان الشركة دي وقالت لي انك ح تساعدني و.....
قطعت كلامها لمن علا صوت رنين تلفوني ، شلتو ورديت وانا بقول بزهج:خير في شنو يا رامز ما قلت ليك جاي!
رد علي بنبرة مصدومة:خش الواتس بسرعة رسلت ليك اسكرين شوفو
وقبل ما ارد عليهو قفل الخط ، عقدت حواجبي بإستغراب من سبب نبرة صوتو المصدومة وفتحت النت وخشيت الواتس ، دخلت دردشتي مع رامز ولقيتو فعلٱ مرسل لي صورة قبل دقائق ، عاينت للصورة بفضول وهنا كانت الصدمة!!! ، تلقائيٱ لقيت روحي برفع راسي وبعاين لي صفاء بذهول وانا ما عارف اقول ليها الخبر دا كيف!!....
______
*#بلسان ولاء (يليا)*
*(قايلنها ماتت؟ عيب عليكم ياخ دي شخصية مهمة شديد وما بقدر اقتلها😂🤍)*
فتحت عيوني بتعب وختيت يدي في راسي وانا بحاول اعرف انا وين! ، حولت نظري في الغرفة الكنت فيها بزهول وانا بقول لنفسي:"يعني انا ما مُت؟!" وفجأة دخلت جاسمن الغرفة وقعدت في واحد من الكراسي وما انتبهت لاني صاحية...
قلت ليها بصوت خافت مليان تعب:جاسمن
رفعت راسها بخلعة وعاينت لي واول ما شافتني قامت على حيلها وجاتني بسرعة وهي بتقول:صحيتي متين انتي؟ حاسة بألم؟ انادي الدكتور؟
وقبل ارد عليها لقيتها بتجري على باب الغرفة وهي بتقول:ثواني بس انادي الدكتور واجي
قالت اخر كلمة وهي بتطلع من الغرفة ، دقائق بس ودخلت هي والدكتور وكان وراهم الثعلب...
قرب مني الدكتور وقال لي:حمد لله على السلامة يا بتي
ابتسمت بتعب وقلت ليهو:الله يسلمك
بدأ يفحصني وهو بقول:والله ما اكذب عليك نحنا قدر ما حاولنا نعرف حالتك دي سببها شنو ما لقينا اجابة ، هو واضح انك صُعقتي كهربائيٱ بس في حاجة غريبة شديد ، الصعقة دي مستحيل يكون سببها مثلٱ كوبس بتاع كهرباء او اي حاجة قريبة من المثال دا و....
لمن لاحظت انو الدكتور دا ح يوديني في داهية بسبب كلامو وخصوصٱ انو الثعلب وجاسمن قاعدين قاطعتو بسرعة وانا بمثل الألم:اااه رقبتي
عاين لي بدهشة وقبل ما يقول شي قلت ليهو بسرعة:ما عارفة دا شنو بس فجأة رقبتي وجعتني ، عمومٱ انا خلاص بقيت كويسة وما فيني شي ح اطلع متين؟
قال لي وهو بصلح في نظاراتو:انتي ما ح تطلعي من المستشفى الليلة ، لانو حالتك كانت خطيرة شديد وانقذناك من الموت في اخر لحظة وخصوصٱ انو ضربات قلبك قربت تقيف بس قدرنا نسيطر على الموقف ، ف لازم تكوني تحت انظارنا لحدي ما نتأكد من سلامتك وتقدري تطلعي
زفرت بضيق وقلت ليهو بطاعة:طيب ما مشكلة

رِوايات سُودانية🪐🤎!)"

11 March 2025 20:18

يكتم الإنسان غضبه في قلبه، ويظنّ أنه اختفى، فيظهر فجأة في الوقت الخطأ، وللأسباب الخطأ، وللناس الخطأ، إنها رذيلة عدم خوض المعارك في وقتها.

رِوايات سُودانية🪐🤎!)"

11 March 2025 02:31

كل حاجة حلال
البضرك بس هو الحرام.

رِوايات سُودانية🪐🤎!)"

10 March 2025 22:35

يا أخوي، يعني إنت من قبيل بتلف وتدور وغالبك تقول لي إنك داير ترتبط أو ارتبطت بواحدة تانية؟!
قلت ليها:
ماعارف والله، لكن مابهون علي زعلك يافلانة، مابهون علي أكسر بخاطرك، وأنا ماشفت منك إلا الخير بالجد... والذنب ماكان ذنبي، لأنه العشم بيناتنا انقطع، وحسيت إنه الزولة دي بتشبهني وفي يوم من الأيام ممكن تبقى نصيبي والقلب ميال...
فلانة ضحكت تاني وقالت:
أنا خاطري مجبور يا أخوي، وسعادتك بالنسبة لي مهمة شديد، بتمنى ليك الخير ومادايرة أكتر من إني أشوفك مبسوط وسعيد، أنا ماعندي أخوان رجال و خاطري إنجبر في الدنيا من يوم لقيتك لي أخ وسند وصاحب ورفيق، أما الحب والقسمة دي حاجة من الله، ولو بتتذكر زمان أول ما اتلاقينا كنت بتقول لي يافلانة أنا أخوك وصاحبك قبل أبقى ليك حبيب وزوج... والليلة أنا بقول ليك ياسيد الرجال أنا أختك وصاحبتك حتى لو ماجمعنا النصيب، الود والعشرة عمرها مابتهون علي... أما القلب عارفاهو ميال؛ والرسول صلى الله عليه وسلم كان بدعي ربنا بقول (اللهم ثبّت قلبي على دينك) كيفن قلبك مايميل إذا كان النبي حبيب الرحمن بدعي ربنا يثبتهُ على دينه!
ماتشيل همي، المهم إنت تكون مبسوط، وبوعدك إنه ما ينقطع الوصال بيناتنا ولا ينقطع الوداد بإذن الله.

=في اللحظة ديك عينيّ دمّعت بالجد!
وقلت لصحبي:
سبحان الله... ماكنت متخيّل إنه في يوم من الأيام أسمع قصة عن ناس بالعفوية والتسامح الفيكم دا... أها عملت شنو بعدها؟

-قال:
لسة عايش بين جنّتين، وقلبي متعلق بعيون فلانة البنيّة وبحب عيون زولتي السوداء؛ كل ما أشوف فلانة بتذكر زولتي، وكل ما أشوف زولتي بتذكّر فلانة، أخرة مشكلة كانت بيني وبين زولتي حصلت لما قلت أحكي لزولتي عن فلانة شوية...

=في اللحظة دي الناس المعانا كلهم اتخلعوا، إنا أنا كنت ساكت ومتوقع حاجة زي دي تحصل، لأنه عارف صحبي دا مامن النوع البكذب، مامن النوع البلعب بالمشاعر ولابحب يستغفل زول.
المهم بعديها واصل في حكايته وقال:
-مشيت لزولتي بكل حسن نيّة وبديت ألمح ليها، بس زولتي واعية وفاهمة حركاتي وبتفهمني بدون أقول الكلام بالدغري.
ساعتها زعلت لكن ماقالت لي، ألحت إنه أحكي ليها عن فلانة واديها تفاصيل أكتر... في النهاية اعترفت ليها إنه فلانة مازالت متواصلة معاي لكن العشم البيني وبينها مقطوع وكل البيناتنا خوة ما اكتر من كده، زولتي زعلت شديد بدافع الغيرة واتملكها الشك والظن فيني، بس كنت ثابت على موقفي وحاولت أبرر ليها عن العشم الجواي... قعدت فترة طويلة أشرح ليها عشان تفهم وترضى، كانت زعلانة لدرجة إنها كانت دايرة تنسحب من علاقتنا وتمشي تخليني.
بس كنت ثابت برضو على موقفي وإتمنيت وقتها لو قفهم معنى كلمة العشم... إتمنيت لو تفهم إنه مابهون علي عزيز حتى لو العشم بيناتنا إنقطع، مابهون علي أسأل عنه وأسلم عليه واتفقده؛ لانه في يوم من الأيام الزول دا كان بعني لي الدنيا بمافيها، والوقفات الوقفها معاي والمواقف عمرها ماحاتبقى مواقف عابرة أو مجرّد ذكريات... لكن العشم ساعة يموت تجاه زول عمره مابرجع تاني، لكن الود والاحترام والتواصل حايفضلوا باقيات للأبد.
عارف إنه الموقف دا أثر في زولتي شديد وهزّ العلاقة والثقة البيناتنا ومتأكد إنها كل بعد فترة حاترجع تتفقد قصة فلانة وتربط كل شيء بيها، لكن الحصل زمان مابغيّر شيء من الواقع والمستقبل، الفات خلاص فات...
وبتمنى إنه يجي يوم من الأيام تفهم فيه زولتي معنى إنقطاع العشم، ومابتمنى العشم البيني وبينها ينقطع أو يموت؛ لأني بحبها شديد، وحأفضل أحبها وأصونها طول العمر حتى لو نظرتها لي إتبدّلت أو إتهزّت حأفضل أحبها برضو وأحترمها وأتمناها لي سند، لأنها فعلًا هي سند وبت رجال، ومهما أتكلم عنها ما ظنيت اوفيها حقها لأنها اتقبّلتني للمرة التانية وأدتني فرصة تالته عشان أثبت ليها حبي وأخلاصي تجاها، وبدعي ربنا يقويني وأثبت ليها إنه الماضي مابنعاد وإنه الفات مابرجع ولا بتكرر، بتمنى أخليها مبسوطة وسعيدة ورضيانة قبل نتوج حبنا بالزواج وبعد اتزوجها أخليها ملكة على دنيتي وكل شيء.



#عادل_حمدالنيل
#مجنؤوؤن_بيها

رِوايات سُودانية🪐🤎!)"

10 March 2025 22:35

#سلسلة_حكاوي_الأصحاب(3)

«قلب بين جنتين»


=القعدة كانت ظابطة شديد؛ ونسة وضِحك وهظار، ولمتنا كشباب وأصحاب وأخوان مواقف جمعتنا ظروف الحياة في فريق واحد كان ليها أثر كبير... في نهايات شهر نوفمر كان الجو لطيف شديد ومعتدل، قعدتنا في الجبنة وريحة البخور و مانو صحبتنا البقت ماخدة علينا من شدة مابنقعد عندها ونشرب قهوتها وتكشكش لينا البن من دون الزبائن... وفي عز الونسة صحبي جاتو مكالمة من رقم غريب، فتح الخط بدون مايقصد؛ أصلًا هو بتجاوز الأرقام الغريبة، مدّ لي التلفون وقال لي اتصرف مع المتصل وخارجو قول ليهو أي شيء... بعد شلت التلفون ورديت السلام، كانت المتصلة بت وقالت لي فلان لمن يجي قول ليهو فلانة إتصلت عليك، ذكرت اسمها بصوت عالي وصحبي سيد التلفون كان مركز معاي... بدون سابق إنذار خطف التلفون من يدي.... مشى بعيد مننا واتكلم زمن طويل شديد وكأنه كان منتظر المكالمة دي ليه مدة طويلة، لدرجة إنه رجع البيت بدون مايحس وماكل زول فينا إنه ماشي وتاني ماجاي.
في اليوم البعديه جينا واتلمينا كلنا في جبنة مانو وأنا كنت منتظر صحبي دا بفارق الصبر عشان أعرف الشمار حق أمس وفلانة دي منو ومن وين!
رغم إني بعرف إنه مرتبط مع واحده ليه فترة وعلاقتو بيها سمحة شديد، وصحبي مامن النوع البلعب بالبنات أو بمشاعرن...
لمن صحبي جاي وسلم علينا وقعد، خشيت في صلب الموضوع طوالي:
-يا فلان... إنت فلانة الأمس دي منو؟
بتعرفها من متين وساكنة وين؟

=لحظتها صحبي ابتسم... حسيتهُ مكبوت من جواه وإنه الموضوع كبيييير والبت دي وراها قِصّة طوييييلة... المهم حسيته إنه ماعايز يتكلم، أو هو ماقادر يتكلم والغصة واقفة في حلقه بالجد.
بعد شوية نسيت الموضوع وماركزت معاه تاني وما سألته... بقينا نتونس عادي ونضحك ونهظر، المواضيع جابت مواضيع وقصص وحكاوي، فجأة صحبي قال:
-بتعرفوا شنو عن العشم؟
وما عشم في حاجة هايفة، العشم الإنت بتعلقه في إنسان وتبني عليه آمالك وأحلامك وطموحاتك... والإنسان دا ما أي إنسان؛ إنسان خُلق، ذوق، جمال، طيبة، محنة، مواقف، إنسان مثالي وشبه كامل والكمال للهِ وحده...

=بعد صحبي خلص كلامه الناس كلها سكتت، وبقت بتعاين ليه وتتلفت؛ لأنه نحن كلنا مستغربين من السؤال المُفاجئ وماف زول مستعد للرد!
بعد مسافة صحبي ضِحك... ضحك ضحكة تحسها مليانة ألم، ضحكت زول مكبوت بالجد ومحتار!
بعدها قال:
-سبحان الله!
ربنا بخلق من الشبه أربعين، بس عمري ماكنت بتخيل ألاقي شخصين شايلين نفس الملامح والصفات، عمري ماكنت بتخيل في يوم من الأيام أبقى مُخيّر بين جنتين!
بس الاختلاف كان بسيط شديد في لون العيون؛ وكنت محتار بين أختار العيون البنّية أو السوداء... لكن شاءت الأقدار وشاء الرحمن، بس قلبي للآن في النص ومعلق بين الاتنين.

=صحبي كلامه كان عميق شديد، وشكلهُ كان في قصة جميلة ورا سؤاله القالو لينا، حبيت اتعمق في الموضوع شوية وقلت ليه:
-يافلان!
بطل أمور الألغاز دي ياصحبي وكدي أحكي لينا شوية عن الجنتين ديل وعلاقتهم بألوان العيون شنو!

-صحبي ابتسم وقال:
قبل فترة كنت مرتبط بواحدة؛ فلانة الاتصلت لي أمس دي ذاتها... من يوم عرفتها لحدي يوم فارقتها ماحصل بالغلط سمعت منها كلمة زعلتني أو جرحتني نهاااائي، فلانة دي أطيب قلب لاقاني وكانت أحن علي من نفسي، عمرها مافهمتني غلط أو بادلتني شعور ماحلو...

=بعدها صحبي سكت وحسيتهُ مُتأثّر شديد بفلانة البحكي عنها، فقلت ليهُ:
طيب لشنو ما مشيت اتقدمت ليها بطريقة رسمية مادام لقيت زولة زي دي؟

صحبي قال:
-المشكلة كانت هنا؛ في الفترة الصارحتها وفكرت أمشي اتقدم ليها، قلت أشاورها بالأول وأعرف رأيها شنو عشان نبقى على بيّنة... شاورتها بس كان عندها ظروف خاصة بيها ومشاكل كتيرة وخلافات، فهمت من خلالها إنه صعب علي أتقدم ليها وصعب إنه أهلها يوافقوا ويمكن يحصل تفكك أُسري، فماحبيت أضغط عليها وقلت أخليها على راحتها... بعد الموضوع دا بدأ يظهر الاهمال من ناحيتها وكنت كل ما احتاج ليها بلقاها بعدت أكتر وأكتر؛ مرات بسبب الجامعة والقراية ومرات بسبب الظروف، لحدي ما اتركّزت في بالي فكرت إنه خلاص بيني وبينها ماف نصيب والفيهُ خير ربنا يجعله...

=كلام صحبي كان مؤثّر شديد في صوته وهو بحكي، حسيتهُ إنّه زي المامبسوط بعلاقتهُ الحالية، أو زي الكأنه فلانة دي فتحت ليهُ جرح قديم، قلت ليهُ:
شكلو زولتك المرتبط بيها أسي دي ماعوضتك عن فلانة ديك صاح؟

-صحبي ضِحك بصوت عالي وقال:
يااااااه
زولتي دي نسخة من فلانة، وهل بتصدق لو قلت ليك أول مرة لمن لاقيتها واتكلمت معاها وبدت تحكي لي عن نفسها حسيتها فلانة ذاتها؟!
لدرجة إنهم الاتنين من نفس القبيلة، نفس العمر، نفس الحجم، حتى مجالهم في القراية واحد وفي نفس المستوى الدراسي!

=في اللحظة دي أنا اتخلعت بالجد، وقلت ليهُ:
-دي جات كيف دي؟!

رِوايات سُودانية🪐🤎!)"

10 March 2025 21:27

الصيف داخل خلاص الناس تقلل الهظار والبلاده.