رِوايات سُودانية🪐🤎!)"

20 March 2025 21:15

الكان طالب منشد وين أظهر...

رِوايات سُودانية🪐🤎!)"

20 March 2025 18:12

وبكدا خلصنا من قناع اوڤاكاب واخيرٱ ، بعد تعب شديد بس الحمد لله ، ان شاء الله كانت في حسن ظنكم وبالحلاوة العايزنها انتوا خصوصٱ اني حاولت اكسر روتين الروايات السودانية الاعتيادية ، واتمنى تكونوا استفدتوا منها ولو شوية بس ، ومنتظرة تعليقاتكم عليها على احر من الجمر ، ولنا لقاء آخر قريب ان شاء الله🤍

*#انتهت بتاريخ 22 سبتمر 2024*
*#ولاء فؤاد (إيليا🖤)*

رِوايات سُودانية🪐🤎!)"

20 March 2025 18:12

دا كله حصل في ثواني وما كنت قادرة افهم اي شي ، لمن استوعبت الحاصل بديت اصرخ بأعلى صوتي وبضرب في الكرسي بتاعو من ورا وانا بقول:وقف العربية دي ، وقف الشي دي يا انسان انت!
ما كان برد علي ولا حتى التفت علي ، اتوترت وبديت احس بهلع كدا ما طبيعي ، نص ساعة وانا بصرخ وبحاول افتح الباب وما قادرة اهدأ ولا ثانية وهو ولا على بالو قاعد بعاين لي بطرف عينو!...
بعدها بعشرة دقائق وقف العربية وجا فتح لي الباب وهو بقول:انزلي
رجعت لورا بخوف وقلت ليهو وانا بصرخ:انزل وين ما نازلة من هنا ولا خطوة
ومن دون ما يرد علي جراني من يدي تانيي وطلعني من العربية ومشى ركب في مقعدو وساق العربية ومشى! ، هنا انا حسيت روحي اتجمدت! ، قعدت في الارض وانا منططة عيوني بصدمة وما قادرة افكر في اي شي ، بجد يعني الحصل قبل شوية دا شنو بظبط!...
في نفس الثانية سمعت صوت بعرفو بضحك وبقول لي:قومي يا بت شنو قاعدة في الارض زي الما نصيحة كدا
التفت بسرعة ولقيتو ماهر! ، قمت من مكاني بسرعة ومشيت عليهو وانا بصرخ:ياخي يا حيوان هسي في داعي للحركات العبيطة دي! ، داير تخطفني انت؟ عليك الله كان جنيت قول جنيت والله بعذرك!
ضحك تاني وقال لي:والله انا كنت متفق معاهو يجيبك بهدوء بس هو زاد البهارات من عندو وخلى القصة زي عملية الخطف
اتلفت وانا بعاين للمكان لقيت اننا واقفين جمب النيل واللون الاخضر مُحتل المكان ، لو كان جيت هنا في توقيت احسن كنت ح افرح بس هسي لا ، اتلفت عليهو تاني وانا بقول:طيب ممكن افهم جبتني هنا ليه؟
اشر لي على طاولة وكرسيين كانوا قريبين مننا وهو بقول:اقعدي وح نتفاهم
حمرت ليهو مسافة وانا بقول:اقعد شنو يا زول انت مجنون الاحتفال ما خلص والناس ح تفقدني وانت عايزني اقعد هنا بكل عدم مبالاة؟
زفر بضيق وقال لي بنفاذ صبر:اقعدي يا صفاء قلنا
تلقائيٱ لقيت روحي بسمع كلامو وبقعد ، قعد في الكرسي التاني وبدأ كلامو وهو بقول:مبدئيٱ كدا يا ستي عارف انو العملتو غلط والوقت ما مناسب بس انا جاتني سفرة ضرورية ولازم اطلع بعد ساعتين بس ، ف اضطريت اجيبك هنا واقول ليك العايز اقولو وبعدها اسافر وانا مرتاح البال ، بعيدٱ عن سلسلة الاحداث الحاصلة حاليٱ يا ستي انا عايز اتزوجك ، وخلي في بالك انا ما من نوعية انا بحبك وبتاع لا ابدٱ والله ، انا ما انكر انو عندي مشاعر تجاهك بس دا ما الوقت المناسب اللازم اطلعها فيهو ، ما عارف اتكونت متين بظبط بس مما جيتيني في الشركة واحتميتي بي انا حسيت بيك مسؤوليتي ، في البداية اي شي كان بحصل ليك كنت اول زول بحاول اصل واحل المشكلة وكنت بقنع نفسي بأني بعمل كدا عشان انتي امانة بالنسبة لي خصوصاً انك جيتي احتميتي بي انا من بين كل الناس ، بس من كونك مجرد امانة بديت احس بهلع وخوف كدا ما طبيعي بمجرد ما يحصل ليك شي ، حتى اني من بين كل الاحداث السيئة المتوالية الكانت بتحصل كنتي اول زول بنطق اسمو عشان اطمن عليهو
سكت مسافة وواصل كلامو وهو بقول:يمكن لقائنا ما كان طبيعي والقصة دي كلها من بدايتها ما طبيعية والاكشن مسيطر على المكان كأننا في رواية ، بس انا شايف يفترض نخت حد للاكشن دا ونحول القصة منو إلى قصة جديدة مليانة حنان واحترام بعيدٱ عن إيڤان واوڤاكاب وأي شي ، كنا مع بعض في كل الاحداث الحزينة ديك ف انا شايف ما من العدل كل واحد فينا يمشي يعيش فرحو بعيد عن التاني ، يفترض نتقسم المشاعر دي زي ما بديناها مع بعض ، عمومٱ يا ستي انا ما بجبرك على شي وكلامي معاك الحالي دا كلام زول جادي والعمر جاري بيهو وعايز يخطو خطوة جادة في حياتو ، ف استخيري وشوفي محل راحتك انتي وين ولو لقيتيها معاي ف كلمي ابوك وخليني ابدأ اول خطوة في حياتنا الجديدة ، نبعد عن هنا ونبعد عن الحُكم وعن كل شي ليهو علاقة بالماضي ونبدأ في مكان جديد وفي وقت جديد
قام من مكانو وقال لي:ما عايز اسمع ردك هسي ، ف قومي اوصلك عشان ما يقلقوا عليك
هزيت راسي ببطئ وعدم استيعاب ومشيت ركبت معاهو في العربية ، طول الطريق كان هادئ وانا كنت هادية اكتر ، كنت بفكر في كلامو وهل يفترض اوافق ولا لا ، ما كنت متأكدة بظبط من مشاعري بس كفاية جدٱ اني بحس معاهو بالآمان ، كان هو في مكانة الحامي بالنسبة لي في كل الظروف الفاتت ف شايفة اني ح اكون مطمنة على روحي شديد لو بقيت معاهو ، في نفس الوقت قصتي كانت غريبة شويتين ومشاعري واحتياجاتي ما كان ليها وجود فيها ، بس حاليٱ دا الوقت المناسب عشان اشوف انا عايزة شنو في الدنيا دي!...
_______
*#بعد مرور شهر*
*#بلسان صفاء*
كنت نازلة من السلم بهدوء وانا برفع في فستاني الطويل بثبات ، كان لونو ازرق فاتح منقوش بفراشات سوداء واليدين كانت من فوق بنفس حجمي بس من تحت كانت واسعة شويتين ، وعلى آخر اليدين كان في اشكال غيوم كدا لطيفة باللون البنفسجي ، وكنت لابسة طرحة بنفسجية وهيلز بنفسجي واكسسوارات بسيطة وميكب هادي وبسيط جدٱ ، حسيت روحي وكأني اميرة كدا خصوصٱ والاضواء كلها كانت موجهة علي واغلب الصحفيين كانوا شغالين يصوروا

رِوايات سُودانية🪐🤎!)"

20 March 2025 18:12

*#قناع~اوڤاكاب《23》*
*#الأخيـــــــــــ🖤ــــــــــــر*
*#بقلم~ولاء~فؤاد (إيليا🖤)*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
*‌‌‌‌‌‌‌‌‌‏*★★★ـہہہـہہــــــــہہہـہہـــــــ★★★ـــــ❥

​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

كنت بعاين للجواهو بصدمة وانا ما قادرة استوعب شي ، رفعت راسي بسرعة لمن سمعت صوت ابوي بضحك بصوت عالي ، عاينت ليهو مسافة بعدم استيعاب وعاينت لي ولاء المصدومة زيي ورجعت عاينت للصندوق وانا لسة ما قادرة افهم شي!...
ضحك ابوي مسافة وبعدها حاول يهدأ شوية وهو بقول لي:انصدمتي صح؟
هزيت ليهو راسي بيأس وما قدرت ارد ، قرب مني وهو بضحك تاني وحضني وهو بقول:ماف حاجة تخليك تنصدمي كدا ، اي نعم انا قلت الجوا الصندوق حاجة مهمة وثمينة جدٱ بس ما معناها انو ثمين للجميع ، غلطة إيڤان وباقي الناس انهم كانوا قايلين محتوى الصندوق دا مهم جدٱ ليهم كلهم ، وما عارفين انو هو مهم بالنسبة لي انا وامك وانتي بس⁦♡
قلت ليهو وانا لسة تحت تأثير الصدمة:يعني إيڤان شقيان وتعبان السنين الفاتت دي كلها عشان مجرد صور؟ ، لا وكمان هي صور لي انا!
رفع لي راسي بأصبعو وهو بقول:وانتي بتقوليها بإستهزاء كدا ليه؟ ، انا قلت الجوا الصندوق دا اغلى حاجة عندي وفعلٱ انتي اغلى شي عندي وما كذبت ، ودي ما مجرد صور لانها بتحمل ذكريات موثقة لينا مع بعض ، نحنا انحرمنا من بعض سنين طويلة وكتيرة شديد ف حاجة حلوة جدٱ يكون عندنا ذكرى ولو بسيطة لينا مع بعض ، بصراحة انا كنت خايف تنسينا انا وامك عشان كدا وصيت حاتم على الصندوق دا عشان تفتحي وتشوفي كمية الفرحة الكانت فينا مع بعض وتعرفي اننا كنا بنحبك شديد وانك اغلى شي بالنسبة لينا ، بس ابدٱ ما كنت متصور انو الدنيا كلها تجوط بس عشان الصندوق دا!
حضنتو مسافة بدون ما ارد وانا مبتسمة ، حاوطني هو كمان بحُب وقال لي:تاني ان شاء الله ماف شي ح يفرقنا من بعض غير الموت ، إيڤان مفتاح الشر في القصة دي خلاص اختفى ، ف انا مُتفائل شديد بكل السنين الجاية وانها ح تكون جميلة تعويضٱ لسنين عجاف رحمة من ربنا⁦♡
رفعت عيوني وعاينت ليهو لقيت عيونو مرقرقة بالدموع ، مهما حاول يخفي زعلو على إيڤان ما ح يقدر ، بحاول يمثل انو الموضوع عادي بس انا متأكدة انو بتقطع من جوا ، في النهاية دا صديق عمرو ومات موتة سيئة جدٱ للاسف ، بس ما عساهو إلا يترحم عليهو بس...
لمن لقاني بعاين ليهو بسكات حاول يغير الموضوع وهو بقول:بالمناسبة انا كنت جيت عشان اوريك انو حددوا يوم التتويج ح يكون الاحد الجاي ف جهزي نفسك
ابتسمت وقبل ارد عليهو دخلت ولاء الغرفة وهي بتقول:هيي انتوا الاتنين مشيت عملت شاي وختيت لينا كيكة وحركات وبركات وكمان رتبت لينا جلسة لطيفة نقعدها برا وانتوا لسة بتنقوا؟
ضحكنا الاتنين وقمت وقلت ليها وانا بجر ابوي من يدو:خلاص اهو جايين ولا تزعليش يا قمر انتي⁦♡
________
*#يوم الأحد*
*#تحديدٱ ساحة التتويج*
*#بلسان صفاء*
كنت بعاين لي ابوي بفخر وانا شايفاهو بقول في خطابو بكل ثقة وبمجرد ما خلص انطلقت اصوات الصفافير والتصفيق تحية ليهو على كلامو الجميل بالنسبة للجميع⁦...♡
في نفس الوقت اشر لي بيدو عشان دوري في اني اقول خطابي صغنوني بعدو بدأ ، قمت من الكرسي القاعدة فيهو بتوتر ومشيت بخطوات حاولت ازرع فيها الثقة ، طلعت درجات سلم المسرح بهدوء وابتسامة بسيطة بتزين ثغري ، قرب مني ابوي وطبطب على كتفي ونزل طوالي...

رِوايات سُودانية🪐🤎!)"

20 March 2025 18:09

...

رِوايات سُودانية🪐🤎!)"

20 March 2025 11:12

‏لَيتَ هِنداً أَنجَزَتنا ما تَعِد
وَشَفَت أَنفُسَنا مِمّا تَجِد

وَاِستَبَدَّت مَرَّةً واحِدَةً
إِنَّما العاجِزُ مَن لا يَستَبِد

-

هذان البيتان كانتا سببًا في احد اكبر المذابح والمجازر في التاريخ الإسلامي،
وهي "نكبة البراكمة" على يد الخليفة العباسي هارون الرشيد.

ولكن لما فعل هارون ذلك؟ وماعلاقة هذه الابيات بالسلطة؟

عندما شعر هارون بضعف نفوذه داخل الدولة وتولي البراكمة لجميع مفاصل الحكم، واصبح هو مجرد صورة شكلية للحاكم والخليفة، وغطاء لما يتصرف تحته البراكمة بما يريدون.

استبشعت نفسه ذلك، واستفزه هذان البيتان الذي انشدهما احد الشعار عنده، وكان شاعرًا كتب في الرشيد قصيدة مدح وامر الرشيد بإعطاءه مكافأة ضخمه و رفض البراكمة اعطاءه هذه المكافأه لضخامتها، وانها ستكلف خزينة الدولة الكثير.

فأنشد هذه الأبيات متعمدًا لاستفزاز الرشيد
و انستهاض نفسه الغافلة عن مايفعل البراكمة، فقام عليهم الرشيد، وكانت النكبة.

ابن خلدون علّق على هذه الأبيات في المقدمة التاريخية ضمن سياقه عن الطبيعة البشرية والسلطة، حيث استشهد بها ليبيّن أن الاستبداد هو جزء من طبيعة الحكم، وأن القادر على السلطة لا بد أن يكون مستبدًا في بعض الأحيان، وإلا عُدّ عاجزًا.

هذه الأبيات منسوبة لطرفة بن العبد، وتعكس فكرة أن الحاكم أو القوي يجب أن يُحكِم قبضته ويتخذ قرارات حاسمة دون تردد، لأن العاجز هو من لا يملك القدرة على الحسم.

ابن خلدون استخدمها لتوضيح نظريته حول العصبية والملك، حيث يرى أن الغلبة والاستبداد هما جزء من طبيعة الحكم، فالحاكم الذي لا يستبد أحيانًا يفقد سلطته.

رِوايات سُودانية🪐🤎!)"

20 March 2025 01:00

يتم الان تدمير مليشا ال دقلو في القصر الجمهوري 🔥🔥

رِوايات سُودانية🪐🤎!)"

19 March 2025 23:07

يرحلون و يبقي الأثر ..!

رِوايات سُودانية🪐🤎!)"

19 March 2025 20:32

الحقوا سريع الحلقه ناااووو

رِوايات سُودانية🪐🤎!)"

19 March 2025 20:31

تعالي
قولي لي مَن تحبين مِن الشعراء
سأكون أفضل منه
سأكتبُ أجمل قصيدة وأنا ممسكٌ يدكِ
ومغمض العينين

تعالي
قولي لي هل تحبين الناي!
حسنًا
أنظري إلى الثقوب في قلبي

تعالي
قولي لي " أحبك "
سأقتل ثلاث رجال يخونون زوجاتهم
وسأحاسب من دهس القطة أمام منزلي
وسأشتري شوكًا
وأقنع الحب أنهُ أفضل من الورد

تعالي
سأخونُ مواقفي كلها
سأحب ما تحبين
سأحب أضواء المدينة
أنا الذي يعشق عتمة المخيم
سأحب الأفلام العالمية
أنا الذي يعيش " دراما التعب اليومي "
سأحب كاظم الساهر
أنا الذي يحب الوقوف مع الرجال في الدبكات
سأحب أكل المطاعم
أنا الذي يحب يد أمهِ عند الطبخ

تعالي..
قبل أن يسرق أحدٌ هذا النص
ويقنعَ حبيبتهُ بالمجيء
ويذهب دعائي إلى عاشقٍ آخر!❤️.

رِوايات سُودانية🪐🤎!)"

19 March 2025 17:37

نزل راسو شوية ودموعو بدت تتساقط في الارض ، واصل كلامو بدون ما يرفع راسو للكاميرا:يمكن لو اتربيت في عائلة تانية دا كله ما كان حصل ، يمكن لو امي وابوي كانوا حولي وبعلموني الصح من الغلط ما كنت وصلت للنقطة دي ، يمكن لو بس مرة وحدة حسيت بحبهم البسيط دا لي ما كنت ح ادخل في دوامات الحزن والمقارنات ديك ، للاسف الحصل دا كله ممكن اقول ليكم سببو كان *"تأثير عائلي"* حاجات كتيرة كانت ح تتغير وصداقتنا انا وحسن كانت ح تكون زي ما هي لحدي اللحظة دي وما كنت دخلت في عالم الاجرام دا بس لو خصصوا لي وقت بسيط علموني فيهو الصح من الغلط وحاولوا يبطلوا اساليب الامر دي ، يعني ممكن اقول ليكم القصة دي كلها من بدايتها للحظة دي كان سببها تأثير عائلي ، او يمكن انا بخت الاعذار دي لنفسي عشان ابرر اغلاطي التي لا تعد ولا تحصى بس المؤكد اني كنت ح اكون انسان عادي زيي وزي غيري لو عائلتي كانت عائلة طبيعية زي الجميع ، ومن هنا يا سادة بقول ليكم رجاءً ربوا اولادكم بطريقة صحيحة وغرقوهم في بحور الحب والحنان عشان ما يكبروا وهم ناقصين حنان ، وعشان ما يكبروا ويبقوا اعاقة على المجتمع وشخصيات مؤذية لكل الحواليها ، علموهم الصح من الغلط واتكلموا معاهم بطريقة لطيفة من دون لهجات الامر دي ، في الوقت الحالي الاب بقى مفترض انو الولد محتاج ايفون جديد ومحتاج عربية وقروش كتيرة في حين انو الزول بكون محتاج للجانب النفسي اكتر من المادي! جرب بس قرب من ولدك واحضنو وبراك ح تشوف فرحتو الكبيرة الما ح تصل فرحتو لمن اشتريت ليهو ايفون ، وفي الوقت الحالي الام بقت بس بتفكر في كيف تعيش باقي شبابها وتحافظ على جمالها ومهملة اولادها اهمال ما طبيعي وبس معتبرة نقطة انها تعمل ليهم الاكل دي حاجة عظيمة شديد وعملت كل البتقدر عليهو! ، ياخي انتوا بقيتوا بتخربوا مسمى الام والاب بتصرفاتكم دي!
رفع راسو وقال وهو بمسح دموعو:رسالتي الاخيرة العايز اوصلها لي حسن ، بعتذر ليك يا حسن على كل العملتو فيك ، بعتذر ليك على كل العملتو في بتك ، بعتذر ليك على كل لحظة دموعك نزلت فيها بسببي ، بعتذر ليك على كل لحظة ما شفت فيها الشمس وما اكلت لأيام بسببي ، بعتذر ليك على الايامي السودة الشافتها مرتك بسببي ، بعتذر ليك على كل الايام الغلطت فيها في حقك حتى لو بكلمة صغيرة ، وما ح استغرب لو ما سامحتني لانو دا حقك ولو انت العملت فيني كدا كانت ردة فعلي ح تكون اسوأ من ردة فعلك ، بس رجاءً يا حسن فكر كـ حسن صاحبي ما حسن الاذيتو ، فكر كـ حسن صاحبي العارف قدر شنو انا اتعذبت بسبب اهلي والعارف اني في كل لحظة غلطت فيها كانت بسبب اهلي وبسبب انهم ما وروني انو الحاجة دي غلط ، بعتذر ليك بحجم السماء يا حسن!...
فجأة الكاميرا اتوجهت على ابوي الكان بقرب من إيڤان بخطوات بطيئة شديد ، اما إيڤان كان منطط عيونو وهو بعاين ليهو بصدمة كأنو ما مستوعب نقطة انو جا عشانو هو...
قرب منو ابوي اكتر وحضنو بحب وهو بقول:مسامحك يا صاحبي مسامحك ، مسامح صاحبي بس عمري ما ح اسامح إيڤان
نزلت دموع إيڤان بغزارة ومسك في ابوي وحضنو وهو ببكي بصوت عالي ، ابوي كان بربت على ضهرو وماسك دموعو بالجلالة وهو سامع إيڤان البكرر في اعتذراو كل ثانية وثانية...
زح منو لمن سمع صوت الضابط بقول:الوقت اتأخر ف رجاءً كفاية تضييع زمن ، اتفضل معانا على حبل المشنقة يا إيڤان
ابتسم إيڤان بمرارة ومسح دموعو وهو بقول:بكدا ممكن تقولوا وداعٱ لي إيڤان للابد ، واخيرٱ بعتذر للجميع حتى لو ما سامحتوني ، وفي امان الله
بمجرد ما نطق كلمتو الاخيرة الضابطين الكانوا ماسكنو مشوا بيهو على جهة حبل المشنقة والمصور قفل الكاميرا ، وبعدها ظهرت المزيعة وبدت تتكلم عن انو الحدث القبل شوية دا كان مباشر...
ما قدرت اقعد اكتر من كدا ف بسرعة قمت وجريت على غرفتي ، واول ما دخلتها قفلت الباب وراي ومشيت قعدت في السرير ودموعي بدت تنزل ، شوية شوية بدت تنزل بغزارة لدرجة اني ختيت يدي في خشمي عشان ماف زول يسمع صوت شهقاتي العالية ، سبب دموعي كان اني ولاول مرة مشاعري لي إيڤان تتبدل من الانتقام والكره الشديد للشفقة الشديدة!...
مسحت دموعي بسرعة وانا بقول لنفسي:"تشفقي على منو انتي مجنونة يا صفاء؟! ، ركزي دا إيڤان ما اي زول عشان تشفقي عليهو ، دا إيڤان البسببو انحرمتي من اهلك سنين كتيرة شديد واتربيتي بعيدة عنهم ، دا إيڤان الكان سبب هلاك العالم ، الدموع دي كلها عشانو معقولة بس؟!"
اتنهدت وغمضت عيوني بتعب وبديت اتذكر الحصل طول الشهر دا ، اول شي من بعد معرفة العالم كله انو امي وابوي حيين بدوا الصحفيين يتجولوا حوليهم في كل مكان والموضوع بقى حديث الساعة سواءً في الاخبار او الميديا ، وبعد بقيت كويسة وطلعنا من المستشفى ابوي اجر لينا شقة بسيطة بعيدة عن اعين الناس عشان نقعد فيها مع بعض ونعوض كل الايام الكنا فيها بعيدين فيها عن عيون بعض ، وبقينا بين الفترة والتانية بنمشي القسم وبنشوف اخر الاخبار برغم من انو إيڤان كان بنكر لحدي اخر لحظة بس السهل الموضوع انو

رِوايات سُودانية🪐🤎!)"

19 March 2025 17:37

كلامو كان لو شلت العقد من صفاء ح اخليكم تطلعوا من المقر ولو لا ح تعيشوا باقي حياتكم هنا ، وللاسف او لحسن الحظ ما قدر يشيل منك العقد لحدي اللحظة دي وفي المقابل كان العقاب اننا نظل في المقر وما نشوف الشمس لسنين وسنين
عم الصمت لمدة اكتر من عشرة دقائق وكان سيد الموقف صدمتي التي لا توصف ، حركت لساني الحسيت بيهو تقيل من اثر الصدمة وقلت ليهو:معقولة هو في ناس زي ديل؟ ، ومعقولة واحد يبين ليك انك اعز صديق ليهو يعمل فيك كدا؟ ، ومعقولة إيڤان يعمل دا كله بس عشان عقد وصندوق؟ معقولة بس ياخي!💔
جراني لحضنو ومسح على شعري وهو بقول بألم حاول يخفيهو:ربنا ينتقم منو بس ، بسببو حياتنا كانت عبارة عن ظلم لا يوصف بس ربنا ما ح يخلي حقنا ، المهم بس نحنا حسي مع بعض وتاني ماف حاجة مرعبة ح تغير صفو حياتنا اسمها إيڤان
زحيت منو بسرعة وقلت ليهو:قصدك شنو؟ كيف ماف حاجة اسمها إيڤان تاني؟
التفت على ولاء وقلت ليها برجاء:عليك الله يا ولاء احكي لي الحصل في المقر بظبط شنو ما هو ما ممكن تخليني زي الاطرش في الزفة كدا!
زفرت بضيق والتفتت وعاينت لي ابوي ، اما هو ابتسم وهز ليها راسو بمعنى احكي ليها ما مشكلة ، التفتت علي وقالت لي:طيب يا صفاء ح احكي ليك...
وبدت تحكي لي الحصل بالكامل ، من لحظة دخول ماهر المقر عشان ينقذني لحدي لحظة الحريق وانهم قدروا يمسكوا إيڤان في اخر لحظة وهو حاليٱ لسة تحت الاستجواب في القسم وكانوا منتظرني اصحى عشان امي وابوي رافضين يطلعوا اي دليل ضدو برغم من انهم بقدروا بس قالوا ما ح يعملوا اي خطوة ما دمت لسة ما بقيت كويسة...
اول ما خلصت كلامها قلت ليها بسرعة:انا لازم امشي القسم حسي بس!
ردت علي امي بسرعة:لا طبعٱ يا بت انتي مجنونة؟ ما شايفة حالتك عاملة كيف انتي؟
زفرت ولاء بضيق وقالت لي:عشان كدا ما كنت عايزة اقول ليك حاجة يا صفاء لاني عارفة كمية التهور الفيك دي ، وخليك على علم بأني ما ح اسمح ليك تطلعي بأي شكل من الاشكال في الوقت الحالي ، اي نعم انا مقدرة رغبتك الشديدة في انك تنتقمي من إيڤان بس لمرة وحدة بس فكري في نفسك وما تفكري في انتقامك دا ، لو راجعتي القصة دي كلها من البداية ح تلقي ما كان حصل ليك اي شي من الحصل لو ما خليتي انتقامك يسيطر عليك بالكامل!
هز ابوي راسو موافقٱ على كلام ولاء وقال لي:كلام ولاء كله صح ، وخليك عارفة انك خطوة وحدة ما ح تطلعيها برا الغرفة دي ما لم نتأكد من سلامتك
زفرت بضيق وقلت ليهو في محاولة مني لتغيير الموضوع:طيب ما وريتني انت الصندوق دا فيهو شنو؟! اكيد ح يكون جواهو شي خطير ومهم شديد واكيد ما حاجة بسيطة نسبةً لتمسك إيڤان الشديد ليهو
عقدت حواجبي بإستغراب لمن شفتو التفت على امي وهو بضحك ، امي زاتها اول ما قلت كلامي بدت تتضحك معاهو بأعلى صوتها ، قلت ليهم بإستغراب:المضحك في كلامي شنو؟!
التفت على ابوي وقال لي وهو لسة بضحك:ح تعرفي لمن تفتحي الصندوق بنفسك ، وما تسأليني تاني لاني ما ح اجاوب ليك ويُفضل تشوفي جواهو في شنو بعيونك انتي
وما اداني فرصة ارفض زاتو وغير الموضوع طوالي ، وخلاني لسة مستغربة من ردة فعلهم الغريبة لمن سألتهم من سر الصندوق والعقد!...
________
*#بعد شهر*
*#السابعة صباحٱ*
*#بلسان صفاء*
ماسكة كباية قهوة وبعاين للناس من البلكونة وهم ماشين وجايين ، كل واحد فيهم ليهو قصة مختلفة تستحق تكون رواية ، كل واحد فيهم شاف المُر والحلو ، كل واحد فيهم جرب طعم الحزن ، كل واحد فيهم بيمشي في الشارع ويضحك عادي بس جواهو في معركة مشاعر ماف زول بعلم بيها غيرو وغير الله!...
قطع حبل تفكيري العميق صوت ولاء وهي بتقول لي بنرة عالية شديد:صفااااااااااااااء الحقييييي
بالله من الخلعة كباية القهوة وقعت مني وانكسرت ، وقبل ما استوعب شي سمعتها بتقول بنبرة عالية اكتر:بتتتتت تعااالي سريييع ياخي
جريت بسرعة ودخلت جوا وانا بقول ليها بإنفعال:ياخي حرام عليك سمعتي الحلة كلها بصوتك دا! ، على فكرة انا ما بعيدة منك للدرجة دي عشان تصرخي لي و...
قاطعتني وهي بتقول لي:تعالي بسرعة وشوفي دا
كانت واقفة قدام الشاشة وبتعاين بتركيز شديد فيها ، قربت منها وانا بقول:في شنو؟ ثم ثانيٱ امي وابوي مشوا وين فجأة كدا و...
قطعت كلامي بصدمة لا توصف لمن شفت الفي الشاشة ، كانوا في مجموعة من الضباط ماسكين إيڤان ومكلبشين ليهو يدينو ، وإيڤان كانت حالتو حالة وكان واضح انو اتعذب شديد ، كاريزما إيڤان وهيبتو واناقتو وطريقة لبسو والاعتناء الكبير بمظهرو كلو مافي! ، الكان واقف دا اكاد اقسم انو ما إيڤان!...
قربت اكتر بسرعة لمن إيڤان بدأ يتكلم بتعب:يمكن دي تكون اخر مرة تشوفوني فيها ما يمكن بالمؤكد ، تاني ماف حاجة اسمها إيڤان وكل شي بيتعلق بي ح يختفي بمجرد ما يتم شنقي ، يمكن اغلبكم ما حاسين بذرة شفقة لي وشايفني مجرم خطير ويستحق الموت بس يمكن لمن تسمعوا السبب البقاني مجرم تحسوا بالشفقة علي ولو شوية ، انا ح احكي ليكم السبب دا من البداية وما عشان تشفقوا علي خالص بل عشان ممكن اغلبكم

رِوايات سُودانية🪐🤎!)"

19 March 2025 17:36

...

رِوايات سُودانية🪐🤎!)"

19 March 2025 16:26

اتقلو هوي ها، فضحتونا ف كل مكان
حرفيا نفسي اخش مكان م القى البنات
مسويات ليهو عمو د!

رِوايات سُودانية🪐🤎!)"

18 March 2025 22:16

وعشان رمضان شهر خير حابة أعمل مسابقه الفائز فيها جائزته آيفون 16 Pro Max سعة 1T وبالتوفيق للجميع ❤️

رِوايات سُودانية🪐🤎!)"

20 March 2025 21:14

⁣💌 وصلتك رسالة جديدة
⏱ وقت الرسالة: 2025/03/20 - 11:10:15 PM
----
لقيت منشد يُمةة للناس العاملين إستشارة فالقناة قلت ليك
----

- تبرع لإستمرار عمل بوت صارحني 🎁

رِوايات سُودانية🪐🤎!)"

20 March 2025 18:12

فيني رغم اني رفضت تواجدهم ، حتى الشاشات الفوق كان بظهر فيها شكلي...
لمن وصلت آخر السلم مسكت يد ابوي الكان منتظرني وبعاين لي بعيون لامعة ، ابتسم واتقدم بي كذا خطوة وهو بقول:بسم الله واللهم بارك جمالك دا جبتي من وين يا بت؟
ابتسمت ابتسامة واسعة وانا بقول ليهو:منك يا غالي⁦♡
التفت علي وابتسم وهو بقول:يعني انا خلاص الليلة ح اقدم اميرتي لي زول تاني وتبقى اميرتو هو؟
ضحكت وقلت ليهو:بابا بطل دراما دي مجرد خطوبة ، وما تخاف انت اميري الاول والاخير⁦♡
ابتسم وما رد لي لمن وصلنا ماهر ، فكيت يد ابوي وقربت منو بإبتسامة خفيفة وقعدنا جمب بعض في جلسة لطييييفة شديد كانت مخصصة لقعدتنا دي ، بمجرد ما قعدنا التفت علي وهو بقول بإبتسامة:اللهم بارك ياخ
رديت بضحكة:تتبارك ايامك يا رب
ضحك معاي وقال لي:كان نفسي اعمل فيها روحي رومانسي واقول ليك ح اخطفك ونمشي من هنا وماف زول يشوف جمالك دا وبتاع ، بس اتذكرت انو دي مجرد خطوبة والحركات دي في العرس
ضحكت شديد على كلامو وهو ضحك اكتر معاي ، حرفيٱ كنا مبسوطين مع بعض شديد رغم اننا لسة ما بنعرف بعض حق المعرفة يعني...
شوية وبدت مراسم الخطوبة ، وكنا متفقين اننا ما عايزين تلامس وكل شي يكون بالحلال عشان ربنا يبارك لينا في حياتنا الجديدة ، ف شلت الخاتم ولبستو في اصبعي وانا مبتسمة ، اما هو شال خاتمو ودخلو في اصبعو وطلعو تاني ، كرر الحركة دي تلاتة مرات وفي المرة الرابعة دخلو بجد وقال لي بإبتسامة:ح تكوني الخانات الاربعة وماف حق للمشاركة⁦♡
ابتسمت شدييد على جملتو دي وما عارفة الناس سمعوهو كيف اصلٱ بس اتأكدت لمن سمعت اصوات الصفافير والمشاغلات ، قعدنا بهدوء مرة تانية وبدت المباركات ، الناس كانت كتيرة شديد وكأنهم ما عايزين يخلصوا...
شوية جات ام ماهر وسلمت علي شديد بحُب واحترام كدا وشاغلتني شوية ومشت ، ضحكت من جواي وانا بتذكر اني في طفولتي كنت بدعي حماتي تحبني وما تكون زي العقارب البقراهم في الروايات والحمد الله ربنا استجاب ، وكنت شايفة امي وابوي واقفين من بعيد وبعاينوا لي بإبتسامة وبتكلموا وهم بحاولوا يخبوا دموعهم ، عارفة انها صعبة عليهم خصوصٱ يعني اني ما لحقت اقعد معاهم كتير وحسب اتفاق ماهر مع ابوي نحنا ح نبعد بعد العرس وهم من هسي حاسة بيهم زعلانين طيب في العرس ح يعملوا شنو؟ ، زفرت بضيق وقلت بعد تخلص الخطوبة دي ح اقعد واتكلم معاهم...
التفت بصوت ماهر وقلت ليهو:هاا؟
ضحك وقال لي:شكلك ما سامعاني ، سألتك هل مبسوطة حاليٱ؟
رديت عليهو بإبتسامة:ماهر مية مرة قلت ليك ما تحسسني بأنو في زول جبرني عليك ، يا راجل افهم انا من تلقاء نفسي وافقت عليك وعلى اننا ندي نفسنا فرصة وحياة جديدة عن كل شي
قبل يرد علي شفت ولاء جاية علينا ، بتلقائية لقيت روحي بقوم من مكاني وانا بقول ليها من قبل ما تصل:يا بت انتي وين من قبيل؟
ضحكت وقربت مني وحضتني وقبل ما تقول شي ماهر سبقها وهو بقول لي:يعني بتبيعيني عشان ولاء يا صفاء؟ لا لا كويس
التفتت عليهو ولاء وحمرت ليهو مسافة وهي بتقول:على فكرة يعني هي صحبتي قبل ما تبقى خطيبتك ولو ما انا اصلٱ ما كان اتعرفتوا على بعض
ضحكنا الاتنين على جملتها دي وملامح وشها الجادة ، ضحكت معانا وقالت لينا:ياخيي والله حلوين وألف مبروك ليكم ياخ⁦♡
ابتسمت وقلت ليها:تتبارك ايامك يا حبيبي⁦♡
قربت مني وقالت لي بضحكة:بكدا ممكن نقول دي نهاية قناع اوڤاكاب ونهاية إيڤان للابد وبداية لحياة جديدة لكل شخصية كانت في القصة دي⁦♡
*النهــــــــ🖤ـــــــــاية*
_________
وجينا لأقرب فقرة لقلبي⁦♡

*الصورة ما بتكون واضحة لينا كاملة دايمٱ ، ما نتسرع في الحكم على الناس من دون ما نتأكد من الحاجة دي تأكيد تام ، لانو الندم بعد عمل الشي ما بفيد العكس بزيد من احساس الذنب زيادة ، زي مجتبى مثلٱ فكر في خطط جهنمية عشان ينتقم من ولاء وفي النهاية ندم لمن اتضحت ليهو الرؤية وانها بريئة*

*باب التوبة مفتوح في أي لحظة وفي أي وقت ، ما حرام انك تغلط بس الحرام انك تدرك غلطك وما تتوب ، ربنا غفور رحيم ف بإذن الله ح يتقبلك لو حاولت ترجع ليهو ، مهما كانت ذنوبك كتيرة ربنا قادر يغفرها جميعها ، ف ارجع لربك واكسب دنيتك وآخرتك ، زي الحصل لي سامر "الثعلب" مثلٱ ، كان ممكن يموت جوا المقر بس ربنا اداهو فرصة حياة جديدة عشان يتوب ويغفر ليهو ، وحقيقي ربنا رحيم غفور شدييد⁦♡*

*مهما تعبت واتعذبت من الحياة دي تأكد تمام التأكيد انو ما بعد العُسر إلا يُسر ، وربنا قال انو ح يبشر الصابرين ، ف اصبر على مشاكلك ومصائبك واحتسب الآجر وانتظر البشارة دي ، زي الحصل لي صفاء مثلٱ ، اتعذبت شديد في الحياة دي بس في النهاية ربنا اكرمها بحياة ما كانت بتفكر بيها اصلٱ ، ودا كله عشان صبرت ف خلونا نصبر نحنا كمان⁦♡*

رِوايات سُودانية🪐🤎!)"

20 March 2025 18:12

اتنهدت وقربت من المايك ومسكتو وبديت اتكلم:السلام عليكم ورحمة الله وبركاته ، اما بعد ، فبشرفني جدٱ اني انا الليلة واقفة قدامكم الوقفة دي ، وتحديدٱ في الوقت دا حابة اقول شي بعيدٱ عن كل الاحداث الحصلت والحاصلة ، عايزة اقول ليكم ربنا دا رحيم شديييد يا جماعة ، دولتنا دي ضاقت الويل فترة حكم إيڤان بالكامل حتى لو ما كان واضح ، ناس كتيرة انظلمت وناس عاشوا ايام سودة بسببو ، وربنا دايمٱ بجبر القلوب المكسورة ولو بعد حين ، وفعليٱ دا الحصل هسي ، ودا بثبت لينا انو بجد ما بعد العُسر إلا يُسر ، وما بعد الصبر إلا جبر ، وربنا ما بظلم زول وبرجع ليهو حقو كامل ومُكتمل حتى لو عدالة الارض كانت ضد المظلوم عدالة السماء ما ح تفشل ، ربنا بحبنا شديد عشان كدا ابتلانا السنين دي ، والحمد الله كنا قدر الاختبار وصبرنا وفي النهاية اخدنا البشارة الكنا بنسمعها في القرآن الكريم للصابرين ، القصة دي بدت بعذاب والحمد الله انتهت نهاية مشرفة شديد بتستاهل كل التعب الفيها والله⁦♡
سكت شوية واشرت للحارس الكان منتظر مني الاشارة دي ف قرب بسرعة واداني الصندوق الكان بين يدينو ، شلتو منو وفتحتو وواصلت كلامي وانا بقول:وانا ما من النوعية البتنسى فضل الناس عليها ف عايزة اقول حاجة مهمة جدٱ ، انا ما كنت ح اكون واقفة قدامكم هنا الليلة لو ما ولاء فؤاد ، ما كان اصلٱ ح تحصل حاجة من سلسلة الاحداث الحلوة دي لو ما هي ، هي ضحت شديد بحياتها وبشغلها البتحبو واضطرت تتحمل مجتمع مليان بالاجرام ما شبهها ولا شبه طيبة روحها وقلبها ، من دون مبالغة يخوانا في القصة دي لو ما انا كنت انا اكتر وحدة اتعذبت ف ح اقول ليكم ولاء هي الاتعذبت اكتر زول ، كانت شجاعة شديد ودخلت في قصة هي ما عندها بيها علاقة اصلٱ بس عشان بتحب بلدها ، وحقيقي ابوها ما غلط لمن سماها ولاء لانها بتحمل ولاء كبير شديد لوطنها وربها ربنا يثبتها ، ما عايزة اكتر الكلام بس بجد عايزة اوضح ليكم انو ولاء كان ليها دور عظيم شديد في القصة دي ، ف انا حاليٱ عايزة اعمل خطوة مهمة جدٱ وما عايزة اعملها بدونها ، ف اتقدمي للمسرح لو سمحتي يا ولاء وشاركيني الحاجة الح اعملها دي⁦♡
شفتها وهي بتتلفت بطريقة حلوة شديد ف تلقائيٱ لقيت روحي بضحك بخفة عليها ، شوية كدا واستوعبت الحاصل ف قامت بسرعة وبدت تخطو خطواتها على السلم بحجابها وفستانها اللطيف زيها كأنها اميرة من اميرات ديزني⁦♡
قربت مني ووقفت جمبي وانا بسرعة طلعت قناع من الصندوق وواصلت كلامي وانا برفعو وبقول:القناع دا قناع اوڤاكاب او قناع إيڤان بمعنى اصح يعني ، دا القناع الكان سبب في دمارنا كلنا ، ولانو كان سبب عذابنا ف اظن هسي كمان يفترض ندمرو ونخلص من قصتو كلها بجد
رفعت يدي بخفة ورميتو في الارض بقسوة ، وقربت من اذن ولاء وقلت ليهل بتذكير:تتذكري كان قلت ليك شنو؟
ابتسمت ابتسامة حلوة شديد وقالت لي:قناع اوڤاكاب وإيڤان ح يقع على يدك وح يدمر على رجلي انا ، كيف انسى بس!⁦♡
وبحركة سريعة قربت رجلها من القناع وخلوني اقول دي ما بس دمرتو لا دي حطمتو بكل ما فيه حرفيٱ ، ضحكت عليها بخفة ومن بعد الحركة دي بظبط بدت اصوات الصفافير والتصفيق تعلا اكتر واكتر ، مسكت كف ولاء وابتسمت ابتسامة بسيطة وهزيت راسي ك تحية ونزلنا من المسرح مع بعض ونحنا متشابكين الايدي زي ما بدينا مع بعض⁦♡
بمجرد ما نزلنا حضتني بسرعة وهي بتقول:ياخيي انا بحبك شديد يا بت حسن
ضحكت وقلت ليها:وبت حسن كمان بتحبك شديد يا بت فؤاد
ابتسمت لي وزحت مني شوية لمن الناس بدت تتلمى حوالينا ، بديت اسلم على الناس وانا ببتسم وبسلم على البعدو وهكذا لحدي ما سمعت صوت كدا قريب مني بقول:بت قلبي⁦♡
التفت لقيتو وائل قال كدا وهو ببتسم لي ولاء الكانت قريبة مني ، ضحكت وقربت منو وحضنتو وهي بتقول:يا عيونها
ابتسمت ابتسامة واسعة شديد وانا شايفة الحنية البينهم ، حقيقي حنية الاخوان لبعض دي احلى منها ماف⁦♡

بعد ساعتين كدا كنت قاعدة جمب ابوي حاتم الما بقدر ازح كلمة "ابوي" من قبل اسمو ابدٱ ، كنت بتونس معاهو وشوية تقاطعني ماريا بهبالتها وشوية اتهابل معاها انا زاتي ، كنت قاعدة معاهم ومبسوطة شديد وانا شايفة ابوي بتونس مع ابوي حاتم وامي بتتونس مع امي زهرة ، حسيت بأني عندي عائلتين ما عائلة وحدة وبجد يا بختي⁦♡
شوية كدا ولقيت بت بتقرب مني وهي بتقول:السلام عليكم ، بعتذر عن الازعاج بس في زول بناديك يا صفاء
قمت من مكاني بإستغراب وانا بقول:وين؟
قالت لي وهي بتمشي قدامي:ارح معاي ح اوصلك ليهو
مشيت وراها بهدوء وانا مستغربة ، وقفت بي بعد دقائق في الشارع جمب عربية توسان مظللة ، وفي نفس الوقت نزل واحد كدا ملامحو حادة شديد ، هز للبت راسو وهي طوالي مشت وخلتني واقفة وانا بعاين ليهم بإستغراب ، فجأة الراجل قرب مني وفتح الباب الورا ومن دون سابق انذار جراني من يدي ورماني في العربية وقفل الباب وجا ركب واتحرك بالعربية وفتح التأمين كمان!...

رِوايات سُودانية🪐🤎!)"

20 March 2025 18:09

احساسكم شنو ودا اخر بارت🌚😂

رِوايات سُودانية🪐🤎!)"

20 March 2025 14:14

⁣💌 وصلتك رسالة جديدة
⏱ وقت الرسالة: 2025/03/20 - 03:38:01 PM
----
السلام عليكم ورحمة الله وبركاته
يا ريت ترفعي الكلام دا في القناة
محتاجين لمنشد صوته جميل عندنا مشروع استديو الكتروني بس ناقصنا منشد
يا ريت ترفعي الكلام وأي واحد عارف يقدر ينشد يتواصل معانا
والمشروع دا بي عمولة ومضمون جداً
وجزاكم الله خيرا
----

- تبرع لإستمرار عمل بوت صارحني 🎁

رِوايات سُودانية🪐🤎!)"

20 March 2025 01:13

الدعامة في القصر شغلو اسطوانة حسن اتشهود

فجغ شين

رِوايات سُودانية🪐🤎!)"

19 March 2025 23:59

إن فاتكَ الثُلثين،
فقد بقيَ الثُلث.

والثُلثُ كثيرٌ لو تعلم!:)❤

رِوايات سُودانية🪐🤎!)"

19 March 2025 20:32

حكون فيها ضيفه 🌚🦋💜

رِوايات سُودانية🪐🤎!)"

19 March 2025 20:32

🎙️ بودكاست لحظات سودانية – حلقة خاصة في 19 رمضان! 🌙

ترقبوا حلقة مميزة من بودكاست لحظات سودانية يوم 19 رمضان، حيث نأخذكم في رحلة عبر الزمن لنستعيد أجمل الذكريات واللحظات الرمضانية السودانية الأصيلة!

✨ ماذا ينتظركم في الحلقة؟
🔹 أجواء رمضان في السودان بين الماضي والحاضر
🔹 العادات والتقاليد السودانية المميزة في الشهر الفضيل
🔹 قصص ومواقف لا تُنسى من أحياء السودان
🔹 ضيوف مميزون وحديث شيّق عن روحانية رمضان

📅 كونوا على الموعد يوم 19 رمضان واستعدوا لجرعة من الحنين والدفء السوداني الأصيل!

📍 استمعوا إلينا على منصات البودكاست المختلفة. تابعونا للمزيد من التفاصيل! 🎧
https://whatsapp.com/channel/0029Vavoikr8F2p6IxUEB92T...

رِوايات سُودانية🪐🤎!)"

19 March 2025 17:37

الثعلب اعترف بكل شي لمن الشرطة قالوا ليهم انو لو اعترفوا بدون مماطلة العقاب ح يتخفف ، ومن بعد اعتراف الثعلب في المحكمة قرروا يسجنوهو لمدة عشرة سنين ، وبالنسبة لباقي رجال إيڤان وكل المجرمين الطلعوا حيين من المقر في نصهم اعترف والنص التاني لا بس في النهاية كلهم اتسجنوا ، وبالنسبة لي ولاء كانت بين الفترة والتانية بتمشي القسم وبتقول اقوالها والمحكمة قررت ما تعمل ليها شي بعد ادلة قاطعة بتثبت انها بريئة من كل اعمال إيڤان ، والعجيب في الموضوع كمان انو إيڤان بنفسو اعترف انو ولاء ما عندها علاقة بيهو وما فكر يدخلها في المواضيع دي معاهم ، وصح ولاء كانت بتحاول تبين انها طبيعية والدنيا باسطة معاها بس الحزن كان واضح فيها شديد ومن اقل شي دموعها بقت بتنزل ، اتأثرت لدرجة بعيدة بموت مهدي وجاسمن وطبيعي تتأثر وهي كانت معاهم سنين طويلة شديد واعتبرتهم عائلتها التانية ، والفترة دي كمان قررت تقعد معانا بعد اصرار شديد مني ومن امي وابوي وانو بدل ما تمشي هي براها القسم ونمشي نحنا برانا احسن تكون معانا ونمشي مع بعض ف استأذنت من اهلها والحمد لله وافقوا لحدي ما الاوضاع تهدأ شوية وترجع ليهم...
اما بالنسبة ليوم الليلة ف انا ما كنت عارفة خالص انو اعدام إيڤان الليلة ، وشكلو كمان ولاء وامي وابوي حاولوا يخفوا عني الموضوع عشان ما اشغل بالي الفترة دي خصوصٱ انو ابوي بكرر لي اليوم كلو اني احسن انسى والفات مات ونبدأ حياة جديدة ، حتى نقطة انهم مشوا المحكمة دي ما كنت عارفاها ولو ما شفتهم في الشاشة ما كنت ح اعرف ، هم بحاولوا بقدر الامكان ما يقولوا لي اي شي ممكن يأثر على نفسيتي وبحرصوا على انهم يقولوا لي الاخبار اللطيفة بس ، مثلٱ زي انو حسب كلام الشعب وحسب الكان بحصل في جلسات المحكمة قرروا يرجعوا ابوي الملك مرة تانية لكرازميل ، برغم من انو ابوي رفض رفض قاطع بس بعد اصرار شديد مني انا وامي وبعد شاف بنفسو اصرار الشعب قال انو موافق يرجع للمنصب دا مرة تانية ، والتتويج ح يكون قريب بإذن الله حسب كلامهم...
قطع حبل تفكيري دخول ولاء المفاجئ للغرفة ، زفرت بضيق وقلت ليها:في اختراع اسمو باب على فكرة الزول بدقو قبل ما يدخل
اتجاهلت كلامي وهي بتقول لي:زعلانة على إيڤان؟!
قلت ليها بسرعة:ازعل على مين يا نور عِنيا؟ يا بت إيڤان شنو الازعل عليهو ما نصيحة انتي؟
قربت مني وقالت لي:ما علي الكلام دا انا يا بت
قلت ليها وانا بحاول اغير الموضوع:صح انا عايزة اسألك في رأيك الصندوق دا ح يكون فيهو شنو؟
فجأة مشت على دولابي بسرعة وهي بتقول:يا نهار اسود انا نسيت الموضوع عديل ياخي
قلت ليها بعد عقدت حواجبي بإستغراب:موضوع شنو؟
قالت لي وهي بتفتح دولابي وبتفتش بين ملابسي:عمي حسن وصاني قبيل اطلع ليك الصندوق عشان تشوفي جواهو في شنو ، حسب كلامو دا الوقت المناسب عشان تعرفي في ايه جواهو
قمت على حيلي بسرعة وقلت ليها:يعني الصندوق طول الفترة  دي كان في دولابي وانا ما عارفة؟
ضحكت وقالت لي:يب يب
طلعت الصندوق من الدولاب وقفلتو ومشت على الطاولة الكانت في نص الغرفة ، مشيت وقفت جمبها بلهفة وقعدت في الكرسي وهي ختت الصن في الطاولة وختت لي العقد في يدي ، بحماس ولهفة واندفاع ختيت المفتاح في فتحة الصندوق بعد طلعتو من جوا العقد ، ثواني بس والصندوق انفتح وبحماس شديد عاينت للجواهو وهنا كانت الصدمة!...

*═℘═🌸═℘═🌸═℘═🌸═℘═*
*♡نتـــــــــــــــــــــــــــــــــــــــــــلاقى♡*
*☆يتبــــــــــــــــــــــــــــــــــــــــــــــع☆*

رِوايات سُودانية🪐🤎!)"

19 March 2025 17:37

يختوا لي العذر على كل اعمالي الخبيثة من بعد تسمعوا السبب...
زفر بضيق وكمل كلامو وهو بقول:انا وحسن كنا مضرب المثل في الصداقة الحقيقية ، لمن كنت صغير شخصيتي كانت ضعيفة شديد ودايمٱ بتعرض للتنمر في المدرسة وما بقدر ادافع عن نفسي وبقعد ابكي بس وهم تنمرهم فيني بزيد وبقولوا لي شافعة بكاية! حرفيٱ انا الجملة دي كانت بتألمني ألم ما طبيعي وقربت ادخل في حالة نفسية بسبب كلامهم دا ، بس كل شي اتغير لمن دخل واحد اسمو حسن المدرسة دي ، كان بساعد الناس بكل صدر رحب وكان شخصية لطيفة وبشوشة شديد مما كان صغير ولحدي اللحظة دي ، وكان دايمٱ لمن يشوف زول بتنمر فيني بجي جاري ويقع فيهو ضرب ولمن يخلص بجي وبمسح لي دموعي وبقول لي الرجال ما ببكوا ، صح كان في نفس عمري بس كنت بحس بيهو ابوي من شدة كان واعي رغم انو كان قدري ، كان دايمٱ بديني بوزتف انرجي وبحكي لي في الطرق البتخليني ابقى شجاع وقوي وبقدر اتحدى الجميع وما اخلي زول يتنمر فيني ، علاقتنا من واحد ببعد المتنمرين من واحد تاني اتطورت لصداقة ، ما صداقة عادية لا نحنا وصلنا اعلى وابعد مرحلة في الصداقة حرفيٱ يعني ، وشخصيتي اتغيرت 180 درجة من بعد دخول حسن في حياتي وبقيت من زول بكاي وبتعرض للتنمر دايمٱ لواحد ليهو مكانة وهيبة كبيرة شديد ، ومن شدة صداقتنا كانت حلوة كانوا في اي موضوع بضربوا بينا المثل ويقولوا ابقوا زي إيڤان وحسن وكمان الموضوع اتطور لدرجة انو الناس بدوا ينادونا بالثنائي المرح ودا كان اللقب الاشتهرنا بيهو ، خلصنا من الاساس ودخلنا الثانوي مع بعض وفي نفس المدرسة نسبةً لاننا ما كنا بنقدر نفارق بعض ، واشتهرنا اكتر في الثانوي اكتر من الاساس ودا بيثبت ليكم قدر شنو كانت صداقتنا حلوة واغلب الناس بحسدونا عليها ، بس للاسف الايام الحلوة دي كلها اتغيرت وكل شي اتغير وبقى سيء لابعد الحدود لمن وصلنا تالتة ثانوي...
سكت مسافة وبعدها واصل كلامو وهو بقول:فجأة بقت مشاعري لي حسن اتحولت من حب شديد لحسد شديد للاسف ، بديت ادخل اوهام في راسي وهو انو كل الناس بتحبوا اكتر مني ودايمٱ بذكروا اسمه قبل اسمي وبفضلوهو علي ، وبديت احسدو على عيلتو بذات لمن اشوفو بتكلم عن اهتمام اهلو الشديد ليهو وكل طلباتو مجابة على عكسي انا الكانت امي طبيعي بتمشي من كوفير لكوفير وابوي كان في حالة سفر دايم نسبةً لانو كان السفير ، صح كنا انا وحسن من نفس الطبقة البرجوازية بس الفرق انو حسن شبع حنان على عكسي انا الما حصل مرة شفت امي وابوي معاي في نفس اللحظة وما حصل مرة امي حضتني وسألتني من يومي وما حصل مرة ابوي قال لي ناقصك شي يا إيڤان؟ ، حتى في المجال انا كنت عايز اقرأ هندسة بس دخلت ادارة اعمال بعد ضرب واهانة كبيرة من ابوي وبعد قال لي ما عافي ليك لا دنيا لا اخرة لو قريت هندسة ، عكس حسن الكانوا اهلو سألوهو عايز يقرأ شنو وما فرضوا عليهو رأيهم ابدٱ وسبحان الله القدر كان كاتب لينا حتى مجالنا يكون واحد لانو كان عايز يقرأ ادارة اعمال كذلك ، بس حقدي على حسن بدأ يزيد لمن دخلنا الجامعة وبذات لمن اسمع الناس بقولوا ليهو انت مصاحب واحد فاشل زي إيڤان ليه؟ انت يفترض تصاحب ناس بشبهوك ما واحد ما جادي في حياتو زي إيڤان ، صح حسن دايمٱ كان بدافع عني واي زول بقول عني شي كان بقطع ليهو لسانو وبقول انو مستحيل يتخلى عني لاسباب تافهة زي دي بس انا للاسف حقدي عليهو زاد وحتة انو الناس دايمٱ بختوني في حالة مقارنة معاهو زادت حالتي سوء ، ومن هنا علاقتنا ادهورت شديد ومن الثنائي المرح بقينا شبه اعداء ، عمرو حسن ما غلط في حقي بس انا الكنت بفتعل المشاكل وبقول ليهو زح مني وانا ما محتاج ليك في حياتي تاني ولو قابلتو في الشارع ساي كنت بقيف وبتشاكل معاهو ، حسن كان مستغرب شديد من تصرفاتي وتحولي المفاجئ دا بس برغم من ذلك ما حصل مرة زعلني او قال في حقي كلمة غلط العكس كان بقول لي انا لحدي اخر يوم في عمري ح انتظر صاحبي إيڤان يرجع ، انت ما صاحبي لانو صاحبي إيڤان عمرو ما حاول ينطق كلمة غلط في حقي ، بس كلامو كان ما بأثر فيني كأني بقيت صخرة ما بتحس ولا بذرة احساس فجأة ، والزاد الطينة بِلة لمن كبرنا واتخرجنا من الجامعة وبعد سنوات اترشحنا لتصويتات الملك الجديد لكرازميل ولمن فاز حسن هنا جن جنوني ، نقطة انو فاز هو ودايمٱ كان هو البتفوق علي خلتني ادخل عالم الاجرام عشان انتقم منو على حاجة ما في يدو للاسف لانو قبولو بين الناس دا كان بسبب شخصيتو الفرفوشة واللطيفة فقط ، جن جنوني لدرجة اني حاولت اقتلو! ايوا للاسف حاولت اقتلو بس عشان اخد المنصب دا انا ، ولمن اكتشتفت انو هو طلع حي وكان لابس بدلة ضد الرصاص ارتحت شديد وكأني ما انا الحاولت اقتلو ، سجنتو هو ومرتو في مقر اوڤاكاب في حين اني كان ممكن اقتلو في نفس اللحظة بس ما قدرت ، ولأول مرة ضميري يأنبني ويصحى وفي كل مرة امشي على الغرفة الحبستهم فيها عشان اقتلهم بلقى روحي برجع مرة تانية من مكان ما جيت وانا بحاول امسك دموعي وبتذكر في كل ذكرياتنا مع بعض...

رِوايات سُودانية🪐🤎!)"

19 March 2025 17:37

*#قناع~اوڤاكاب《22》*
*#بقلم~ولاء~فؤاد (إيليا🖤)*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
*‌‌‌‌‌‌‌‌‌‏*★★★ـہہہـہہــــــــہہہـہہـــــــ★★★ـــــ❥

​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

*#بلسان صفاء*
سكت مسافة وبعدها بدأ يحكي الحصل بالتفصيل:حاتم بكون حكى ليك كل شي بس من جانبو وحسب الشافو هو ، ف انا ح احكي ليك الحصل من جانبي انا وامك ، لمن إيڤان بدأ يرسل لي رسايل التهديد ديك ما اتجاهلتو ابدٱ العكس كنت خايف خوف ما اظن كان في مثيل ليهو ، ما كنت خايف على نفسي بقدر ما كنت خايف عليك انتي وامك لانكم لو كان حصل ليكم اي شي وانا لا كنت ح اموت بالبطئ والله ، ف بقيت بمثل اني ما شغال بتهديداتو واديتو احساس انو اعمل العايز تعملو انا ما خايف منك ، وصلت ليهو الاحساس دا في حين اني كنت بجهز في خطة تخلصنا من إيڤان ونبعد عنو وعن شرو للابد حتى لو كلفتني الخطة دي اني اتخلى عن منصبي كـ ملك لانو اهم شي بالنسبة لي كان سلامتكم ، وكنت عارف كمان انو إيڤان ح يهاجم القصر في يوم ميلادك من شدة كرر ذكرو لليوم دا في كل تهديداتو ، ف اتصلت على حاتم وقلت ليهو يجهز اكبر كمية من رجالي لإستقبال إيڤان استقبال حار جدٱ وكنت منبه عليهو لو حصل لينا اي شي يشيلك ويجري وما يشتغل بينا خالص عشان ما يتأذى هو كمان ، وهو وافق برغم من رفضو في بداية الامر بس الما كنت خاتي ليهو حساب انو إيڤان يحرق مخزن الاسلحة ويقتل معظم رجالي! ، وبالنسبة لانو قتلنا قدام حاتم ف دي كانت مسرحية لا اكثر ولا اقل وجزء من الخطة ، قبل ما يبدأ الحفل ختيت اكياس دم تحت البدلة بتاعتي الكانت ضد الرصاص وامك كذلك في اليوم داك لبست بدلة ضد الرصاص مع اكياس الدم بعد طلبت منها كدا ، كان هدفنا الرئيسي انو لو إيڤان حاول يقتلنا نبين ليهو اننا خلاص متنا واول ما يبتعد من قاعة الاحتفالات ويتجول في القصر نحنا نجري برا القصر بأقصى سرعة ، وكنت متفق مع حاتم انو يشيلك ويجري بيك وما قلت ليهو حاجة عن خطتنا خالص لانو الخطة دي كانت خطيرة شديد ولاني ما كنت بثق في اي زول حتى حاتم كنت خايفو يمشي يكلم إيڤان بخطتنا دي ، ف بعد إيڤان جرى ورا حاتم نحنا طلعنا من القصر طوالي بس للاسف إيڤان اكتشف خطتنا وقبضنا في نص الطريق! ، الصادم في الموضوع انو جابنا مقر اوڤاكاب والكان بالقرب من القصر ونحنا ما كنا جايبين خبر للمقر دا! ، ف بعد حبسنا في واحد من الغرف قال لو وريناهو نحنا كنا ناوين على شنو ح يطلعنا ويخلينا نعيش في امن وسلام في دولة تانية يعني كان عايزنا نختفي ويطلق إشاعة بتقول اننا متنا عشان ياخد المنصب هو ، ف انا بكل عفوية قلت ليهو خطتي ديك وقلت ليهو اني اساسٱ لمن كنت ح اهرب من القصر ومعاي إبتهال كنت ح اقابل حاتم واشيل منو بتي ونمشي لدولة تانية وما عايزين اي منصب بهدد حياتنا بالخطر بالشكل دا ، حكيت ليهو بالعفوية دي لانو كان صاحبي ولاني كنت قايل انو ح يرجع لي إيڤان رفيق دربي ويصحى من البعمل فيهو دا لمن يلاحظ للحزن والكسرة الفي نبرة صوتي الحصلت بسببو برغم من انو زمان لو سمع النبرة دي مني بقتل الكان سبب فيها وللاسف بقى هو السبب فيها! ، فعلٱ والله غدر الاصحاب دا اسوأ شعور ممكن يراود الانسان وخصوصٱ لو كان اقرب الاقربين ليهو ، المهم انا كنت قايلو ح ينفذ كلامو ويهربنا من الدولة ديك بس انصدمت لمن قال لي انو ح يخلينا انا وإبتهال في المقر دا لحدي ما يخلي الناس تتأكد اننا متنا خلاص بجد وقال لو ما لقى حاتم وشال منك العقد البفتح الصندوق ما ح يطلعنا من المقر ، يعني بإختصار معنى

رِوايات سُودانية🪐🤎!)"

19 March 2025 17:23

منقووووووول


بتي عمرها ٤سنه كل يوم اقول ليها رتبي غرفتك دي تقول لي انا صغيره مابقدر 🤣🤣🤣الليله قلت ليها انا جاياك ضيفه في بيتك نظام لعب وكده وحاتكم رتبت وقالت لي اديني ملايات اغير ملاياتي الليله جاييني ضيوف اها ياامي انتي فطورك شنو والضيوف اعمل ليهم شنو وقالت لي لازم تجيبي بارد من الدكان اقدمو للضيوف اتخيلو 🤣🤣وكل دقيقه تقول الضيوف ديل اتأخرو مالهم وجاتني بهناك اوعك تجيني مبشتنه البسي توبك الفلاني واعملي ليك روج والله انا اتصدمتا🤣اها بعد شويه لبستا انا وولدي ومشينا غرفتا كان شفتو الاستقبال والكبابي الختيتهم بيدي والملايات الفرشتهم وقالت لي انا جارتك بجاي اسمي ريم غيرت اسما 🤣🤣🤣ادوني ليك عصير بارد انا وولدي شربنا وقالت لي بعد دا مواعيد راجلي اتخيلو🤣🤣🤣🤣🤣🤣🤣🤣ضحكت ضحك أسى نايمه الله يحفظا

رِوايات سُودانية🪐🤎!)"

19 March 2025 11:13

ذكروني بي عيوب رجب الجريتلي لأنو مميزاتو لخبتطني😔❤️

رِوايات سُودانية🪐🤎!)"

18 March 2025 21:12

________
*#بلسان صفاء*
انتقلت لغرفة عادية بعد قعدت تحت المراقبة يوم كامل ، كنت قاعدة في السرير وانا بعاين قدامي بسرحان وبفكر في كل الاتجاهات واسئلة كتيرة في بالي ، فجأة دخلت ولاء وقطعت حبل افكاري وهي بتقول:صفصف يا حلوة ، في اتنين محتاجين يشوفوك ضروري شديد
عقدت حواجبي بإستغراب وانا بقول:هم منو البتكرري لي فيهم ديل!
ابتسمت لي وبدون رد مشت وقفت جمب الباب ونادتهم ، شوية كدا ودخلوا مرا وراجل كبيرين في العمر شوية ، ما عارفة ليه فجأة احاسيسي اتلخبطت وحسيت روحي بعرفهم رغم انو دي اول مرة اشوفهم اصلٱ
قربت مني ولاء بهدوء وقالت لي بنبرة خافتة:عايني ما تنخلعي شديد وما تكوركي واضبطي اعصابك ، لسة انتي تعبانة ما تنسي
اتنهدت وواصلت كلامها وهي بتقول لي:ديل امك وابوك يا صفاء
نططت عيوني ببلاهة كدا وقلت ليها:نعمم؟
وفي نفس اللحظة المرا جات جارية علي وقعدت جمبي في السرير وجرتني لحضنها وهي بتبكي وبتقول:بتيي ، بتي يا ناس والله دي بتي
زحيتها مني شوية وانا لسة ما مستوعبة شي ، عاينت ليها بصدمة وما حاولت انكر الموضوع لاني بجد عايزاهو يطلع حقيقي ، ما حاولت افكر في الموضوع اصلٱ وقلت ليها من بين دموعي النزلت:امي؟
جرتني لحضنها تاني وهي بتقول:دي الكلمة الكان حلم حياتي اسمعها ، كرريها تاني والنبي يا صفاء
حضنتها زيادة وانا ببكي وبشهق زي الشفع وبكررها ليها ، قلت ليها من بين شهقاتي:انتي وين من زمان؟ ، وين كنتي لمن احتجت ليك وكنت عايزاك معاي! ، وين كنتي لمن كنت محتاجة حضنك ودلعك وكلامك!
حضنتني زيادة وهي بتزيد في البكا ، قعدت ابكي معاها قرابة العشرة دقائق وانا حاسة روحي ما قادرة ازح منها ، لسة ما شبعت منها انا!...
رفعت راسي شوية لقيت الراجل اليفترض يكون ابوي واقف جمبنا وهو بحاول يمسح دموعو ، امي زحت ليهو شوية عشان يقعد وبمجرد ما قعد جراني لحضنو وهو ببكي ، للحظة حسيت روحي اتجمدت بإعتباري اول مرة اسمع صوت راجل ببكي ، اتوترت وبيدين مرتجفات حضنتو انا كمان وبمجرد ما عملت كدا قعد يبكي زيادة ، ما قدرت اتحمل اكتر من كدا ف قعدت ابكي معاهو تاني بأعلى صوتي...
من بين دموعو كان بقول لي:بس لو تعرفي كنت محتاج احضنك كدا كيف! ، لو تعرفي كمية المرات البكيت فيها وانا بدعي ربنا تكوني كويسة وفي آمان وين ما كنتي ، كمية المرات الكنت ما قادر امسك دموعي فيها بسبب انك في مكان وانا في مكان وما عارف عنك ولا شي ، كمية المرات الكنت محتاج فيها اني احضنك كدا بس!
بكيت زيادة وانا بحضنو ، حاولت اتمالك نفسي وقلت ليهو بصوت خافت من اثر البكا:انا...انا كنت محتاجاكم معاي ، مما عرفت حقيقة انو إيڤان قتلكم زي ما قالوا لي وانا ما كويسة ، كنت بشتاق ليكم في اليوم مية مرة وبس كنت بتمنى لو اقدر اشوفكم ، وفي كل مرة اتمنى الحاجة دي حقدي على إيڤان بزيد...
سكت لمن سمعت صوت امي بتبكي بصوت اعلى من كلمة عالي ، بهدوء جريتها من يدها واول ما قربت حضنتهم هم الاتنين مع بعض ، والحركة دي زادت دموعنا زيادة حرفيٱ يعني ، ما بعرف مضى كم من الزمن بس البعرفو انو دموعنا انتهت ونحنا بنعاتب شوية وبنتكلم عن الشوق شوية...
لحدي ما حسيت بأننا هدينا شوية ، وبمجرد ما زحيت منهم الباب دق بهدوء كدا ودخلت ولاء وهي شايلة كرستالة موية ومناديل ، ختتهم في الطاولة وقالت بضحكة:اهدوا شوية يا جماعة خلاص اتلميتوا والدنيا قدامكم وح تعيشوا باقيها مع بعض
بمجرد ما اتخيلت القالتو دموعي نزلت تاني ورجعت ابكي ، امي قربت مني بحنان حلو شديد وسحبتني لحضنها بهدوء ، وابوي اكتفى بأنو يخت يدو في خدو وهو بعاين لينا بفرحة كدا واضحة في عيونو...
زحيت من امي شوية وانا بقول:بس انا ما فاهمة شي ، انتوا كيف هنا يعنيي...قصدي هناي...المهم انتوا فاهمني صح؟
ابوي التفت على ولاء وهو بقول:حالتها بترضي اني احكي ليها؟
ضحكت وقالت ليهو:والله على حسب نوعية القصة لو حزينة او سعيدة ، المهم احكي ليها وحاول بس ما يكون في ضغط عليها
وقبل يرد عليها سحبت الكرسي وقربت من امي وهي بتقول:بالمناسبة يعني اولٱ انا كمان فاقدة امي وطولت منها شديد ومحتاجة حضن ، ثم ثانيٱ انا فضولية على القصة دي وبجد نفسي اسمعها ف ح انحشر معاكم في الجلسة دي😂🤍
امي ضحكت بخفة كدا وحضنتها وحضنتني الاتنين مع بعض وهي بتقول:انتي كمان بتي والله يا ولاء والعملتي لينا الفترة الفاتت ما هين ابدٱ ، وحبابك والله تقعدي وتسمعي القصة انا زاتي متحمسة ليها معاكم رغم اني عارفاها اصلٱ
ضحكنا التلاتة مع بعض والتفتنا على ابوي في نفس اللحظة ونحنا منتظرنو يحكي ، عاين لينا التلاتة بإستغراب بعدها ضحك وهو بقول:ما تعاينوا لي كدا حسستوني بأني شاشة ومنتظرين الفلم يبدأ
ضحكنا تاني على ردو البشوش زيو ، ضحك معانا بخفة وبعدها بدأ يحكي لينا القصة من البداية...

*═℘═🌸═℘═🌸═℘═🌸═℘═*
*♡نتـــــــــــــــــــــــــــــــــــــــــــلاقى♡*
*☆يتبــــــــــــــــــــــــــــــــــــــــــــــع☆*