-
قالها السجاد في يوم السبي كذب الموت فما مات ابي
قصيده للسبي
بصوت الملة 🎤 أم يوسف
وكلمات الشاعرة ✍ نشوان الكناني
لطميه للسبي( عباس عالناگه )
رحت أمچتفه عباس عالناگه
والنار أبدليلي أعليك حراگه
❥━──➸➽❥💔❥━──➸➽❥💔
رحت أمچتفه والروس ويايه
وخليتك جسد يا حامل الرايه
أعيال حسين تبچي أتريد حمايه
{ حامي العيله يا خويه أگعد }
❥━──➸➽❥💔❥━──➸➽❥💔
أگعد يا كفيلي اليوم حامينه
وعدوانك سبايه حملو بينه
ما نحمل شتيمه وهضم تدرينه
{ أيهد حيلي عباس السوط }
❥━──➸➽❥💔❥━──➸➽❥💔
فرحان الشمر للشام يسرنه
وأهناك النذل بالجلسه ينطرنه
سكنه أتصيح ما تگعد يالأمچنه
{ أتخلينه نسوان أشلون }
❥━──➸➽❥💔❥━──➸➽❥💔
يا حر الشمس بالدرب ماذيني
وعطشانه اليتامه يا نضر عيني
وليزيد الشمر خويه يوديني
{ للعياله عباس أگعد }
❥━──➸➽❥💔❥━──➸➽❥💔
أگعد لليعيل أعلى الحرم رده
وترضاهه علينه أتجاوز أبحده
زينب يابو فاضل طايحه أبشده
{ أتخليهه وحدهه أم عون }
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأربعاء / ١٣ من شهر محرم الحرام
الموافق / ٢٠٢٥/٧/٩
/channel/Nshwan_1999
نوحيه للسبي( يا حزن الأخوان )
أبد ما ينگضي يا حزن الإخوان
وأنه أخواني بقو من غير دفان
❥━──➸➽❥💔❥━──➸➽❥💔
أبد ما ينگضي أخواني حزنهم
ضلو عالترب محد دفنهم
مشيت أويه الشمر للشام عنهم
أنه والعليل الحيله خلصان
❥━──➸➽❥💔❥━──➸➽❥💔
مشينه أدروب بيهه الخوف زايد
وگلبي حسين يحضر لينه رايد
راسه أعلى الرمح بدماه گاعد
وعفت أعلى الترب مطروحه الأبدان
❥━──➸➽❥💔❥━──➸➽❥💔
أبد ما ينگضي حزني عليهم
وأدري عالمنايه مو بديهم
أخوتي بالسيوف أموذريهم
دماهم سايله أبساحت الميدان
❥━──➸➽❥💔❥━──➸➽❥💔
خواني عليهم حيلي مرهون
أودر أعليهم أبمبچاي الأعيون
يوم العاشر أمن أيدي يضيعون
وأصير أمحيره بطفال أو نسوان
❥━──➸➽❥💔❥━──➸➽❥💔
ضربوني أبسياط أو سال دمي
حرمه وبس علي السجاد يمي
لا عباس عندي اليوم يحمي
أمن الهبطات گلبي صار تعبان
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ١٢ من شهر محرم الحرام
الموافق / ٢٠٢٥/٧/٨
/channel/Nshwan_1999
نعي للدفنه
وصيت دفان السلاطين
من يعتني الكربله لحسين
يوسع أبگبره للدفن زين
❥━──➸➽❥💔❥━──➸➽❥💔
من تمشي للحيد الأمچنه
زيح التراب الحار عنه
وضمد أجروحه اليوجعنه
❥━──➸➽❥💔❥━──➸➽❥💔
ضمد أجروحه وشيله بهداي
عطشان ميت ما روه بماي
من الشمس ما حصل أفياي
❥━──➸➽❥💔❥━──➸➽❥💔
ما حصل أفياي أمن الأشموس
والجسد منه أسهام متروس
والخيل فوگه ويلي أدوس
❥━──➸➽❥💔❥━──➸➽❥💔
من الرمل أنكث أجروحه
وبهداي ضلعه من تلوحه
أحا يخوي أحا ينوحه
❥━──➸➽❥💔❥━──➸➽❥💔
گبل الدفن صلي عليهم
وأجمع مناحرهم وأديهم
عدوانهم مثلو بيهم
❥━──➸➽❥💔❥━──➸➽❥💔
أجمع أدين أهل الحميه
ضلن على الغبره رميه
وأدفن أهل گلبي سويه
❥━──➸➽❥💔❥━──➸➽❥💔
أدفن أهل گلبي يعمه
وأرجع لبوك حسين لمه
وبهداي جمعه لا تلچمه
❥━──➸➽❥💔❥━──➸➽❥💔
لا تلچم المذبوح بهداي
وعگب الدفن رش الگبر ماي
أحا يخوي المارد أچلاي
❥━──➸➽❥💔❥━──➸➽❥💔
أحا يخوي المرد گلبي
يا عمه أخذله وياك عتبي
وگله بعد ما شوف دربي
❥━──➸➽❥💔❥━──➸➽❥💔
يسجاد گله گضت عمتي
ومحنيه من الطگ رگبتي
كونچ يروحي اليوم متي
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ١٢ من شهر محرم الحرام
الموافق / ٢٠٢٥/٧/٨
/channel/Nshwan_1999
فزاعيه للدفنه( محني وتهمل أدموعه )
رد من كربله السجاد
محني وتهمل أدموعه
❥━──➸➽❥💔❥━──➸➽❥💔
محني ودمعته تهمه
رد ويصيح يا عمه
توني أدفنت أبو اليمه
لگيت أمكسره أضلوعه
❥━──➸➽❥💔❥━──➸➽❥💔
لگيته مكسره أعضامه
بگت دمعاتي تتهامه
بگلبي ضلت آلآمه
يا عمه يمفجوعه
❥━──➸➽❥💔❥━──➸➽❥💔
يا عمه يمهضومه
لگيت حسين بالحومه
ذبيح ويابسه أدمومه
عليه الناس مجموعه
❥━──➸➽❥💔❥━──➸➽❥💔
مجموعه لگيت الناس
كل منهم يدگ الراس
عالضامي وصدره نداس
رگبته أبرمح مرفوعه
❥━──➸➽❥💔❥━──➸➽❥💔
مشيوله على الميال
رگبته وجسمه فوگ رمال
خلوه العده أبيا حال
ومسلبينهه أدروعه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ١٢ من شهر محرم الحرام
الموافق / ٢٠٢٥/٧/٨
/channel/Nshwan_1999
لطميه للدفنه( سلملي عالمظلوم )
سلملي عالمظلوم يا دفانه
گله سبايه حمّلن نسوانه
❥━──➸➽❥💔❥━──➸➽❥💔
سلم على المظلوم وأشكي الحاله
وللكوفه گله حملو بعياله
شمتان يضحك عالحرم چتاله
أعلى أمصابه گلبي تستعر نيرانه
❥━──➸➽❥💔❥━──➸➽❥💔
وصّل سلامي للولي العافاني
ويه الكفر متحيره خلاني
والحيد سبع الگنطره الكفلاني
عالمشرعه متگطعه ذرعانه
❥━──➸➽❥💔❥━──➸➽❥💔
شيل النشامه الوذروهم بالحرب
بهداي وسدهه الجثث حدر الترب
گلهم عليه حمّلت ويه الغرب
والسوط بمتوني صبح نيشانه
❥━──➸➽❥💔❥━──➸➽❥💔
ملزوم درب المشرعه أدريهه
وحسين بدماه جثته أمغسليهه
لا سدره لا كافور ويلي أعليهه
كربله هيمه وضايعات أچفانه
❥━──➸➽❥💔❥━──➸➽❥💔
بالك على المظلوم محزوز النحر
بالخيل ويلي أمكسره أعضام الصدر
بهداي نزله أو لا تلچمه بالگبر
باللحد بيدك عدل أبتربانه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ١٢ من شهر محرم الحرام
الموافق / ٢٠٢٥/٧/٨
/channel/Nshwan_1999
نوحيه للدفنه( لو رحت دفان )
عمه يا علي لو رحت دفان
أهواي أهواي سلملي أعلى الإخوان
سلملي عليهم ... يالمتعني ليهم
وگلهم عمتي أتولوهه عدوان
عمه يا علي لو رحت دفان
❥━──➸➽❥💔❥━──➸➽❥💔
هنا يالمعتني للغاضريه
سلملي على الكلهم حميه
وگلهم عمتي راحت سبيه
مشدوهة فكر يوميه بمچان
عمه يا علي لو رحت دفان
❥━──➸➽❥💔❥━──➸➽❥💔
مشدوهة فكر تمشي بلا راي
عالنوگ الهزيله گطعت الفاي
عمه يا علي سلملي أهواي
وبذلة أحوالي خبر الإحنان
عمه يا علي لو رحت دفان
❥━──➸➽❥💔❥━──➸➽❥💔
خبرهم عليه أشلون حالي
مسبيه صرت وبعوز والي
عگب أعيونهم شامت برالي
والله هالمصيبه تطير الاذهان
عمه يا علي لو رحت دفان
❥━──➸➽❥💔❥━──➸➽❥💔
والله هالمصيبه تشده البال
أنه بت علي وأنچتف بحبال
عمه يا علي خبر الكفال
بلكت ينتهض عمك الريسان
عمه يا علي لو رحت دفان
❥━──➸➽❥💔❥━──➸➽❥💔
بلكت ينتهض عمك الضرغام
غيور وعادته عالهضم مينام
هذا البالحرب والكون وهام
أشلون ينام وأنذلت النسوان
عمه يا علي لو رحت دفان
❥━──➸➽❥💔❥━──➸➽❥💔
أشلون أينام وأنذلت حريمه
وأنه أدريّ شجاع وكله شيمه
عمه يا علي والله هضيمه
أهلنه اليوم ثالث على التربان
عمه يا علي لو رحت دفان
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ١٢ من شهر محرم الحرام
الموافق / ٢٠٢٥/٧/٨
/channel/Nshwan_1999
قصيده للوحشه ليلة (١١) محرم الحرام
بصوت الملة 🎤 أم يوسف
وكلمات الشاعرة ✍ نشوان الكناني
لطميه للسبي( توجع حيل )
توجع حيل حا يا رچبت الناگه
وصعبه وي يزيد أبجلسته أتلاگه
❥━──➸➽❥💔❥━──➸➽❥💔
صعدوني أو مشيت أعليهه مسبيه
والخوان نومه أو ما درو بيه
بس الروس عندي وعيني معميه
《 تبرالي والروس أمعلگه 》
❥━──➸➽❥💔❥━──➸➽❥💔
يا روحي بعد ما تحمل الهضمه
عالناگه مشيت الوحدي حرمه
وأعليه الكفر بالسوط ملتمه
《 أيضربوني لو صحت حسين 》
❥━──➸➽❥💔❥━──➸➽❥💔
شحچي والحچي ما يخلص أهوايه
والأيتام تندب صاحب الرايه
خليته جسد والراس ويايه
《 الحگ لينه وينك عباس 》
❥━──➸➽❥💔❥━──➸➽❥💔
ما يلحگ عليه أشوفني أشلوني
چنت أمدلله واليوم يسروني
أدير العين أشوف السوط بمتوني
《 أعلى أمتوني مطبوع السوط 》
❥━──➸➽❥💔❥━──➸➽❥💔
أنه بت علي والمصطفى جدي
بيه أشلون ذباح الولي يحدي
أجيت أويه أخوتي وتالي صرت وحدي
《 عافوني خواني ونامو 》
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
قصيده للوحشه ليلة (١١) محرم الحرام
بصوت الملة 🎤 أم يوسف
وكلمات الشاعرة ✍ نشوان الكناني
السلام على الحسين الشهيد
Читать полностью…
لطميه للوحشه( هالليله تباتيهه )
زينب وين هالليله تباتيهه
والعدوان خيماتچ أمحرگيهه
❥━──➸➽❥💔❥━──➸➽❥💔
وين الليله يابت الوصي تباتين
والعدوان ما خلتلچ أصواوين
زينب هالمصيبه وين چانت وين
الدنيه دورتهه وذبتچ بيهه
❥━──➸➽❥💔❥━──➸➽❥💔
الدنه أمنين جابلتلچ هالمصيبه
وسفه أيصير خدرچ للعده أنهيبه
ويصعد للسمه دخانه والهيبه
ما ضلت ولا خيمه تطبيهه
❥━──➸➽❥💔❥━──➸➽❥💔
من النار ما سلمت صواوينچ
بعد المن يزينب شابحه أبعينچ
هالشده عليهه ربچ أيعينچ
هاي الفاجعه لازم تحمليهه
❥━──➸➽❥💔❥━──➸➽❥💔
هاي الفاجعه أتحملينهه الوحدچ
ضل بس الصبر يم الصبر عندچ
كلهم عالثره وليانچ أولدچ
بعد وليان ما عندچ أتحشميهه
❥━──➸➽❥💔❥━──➸➽❥💔
يم الحزن ما ضلوا بعد وليان
كل أهلچ گضوا بالحرب والميدان
وما عندچ بعد لا خدر لا صيوان
وين أعيال أبو اليمه تلميهه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأحد / ١٠ من شهر محرم الحرام
الموافق / ٢٠٢٥/٧/٦
/channel/Nshwan_1999
فزاعيه للوحشه( بالميدان هالليله )
ضلن بناتك يا علي ... بالميدان هالليله
❥━──➸➽❥💔❥━──➸➽❥💔
ما عدهن أخيام أو ولي
ضلن بناتك بالخلي
وأم عون صاحت يا هلي
گلبي تهدم حيله
❥━──➸➽❥💔❥━──➸➽❥💔
يبچن الليله أشحالهن
وأعلى التراب أرجالهن
والروس كلهه أگبالهن
سكنه دمعهه أتسيله
❥━──➸➽❥💔❥━──➸➽❥💔
گوملهن أو شوف أشسده
نسوان ما بين العده
وكل النشامه أموسده
وتاهت جميع العيله
❥━──➸➽❥💔❥━──➸➽❥💔
وأبليلة الحادي عشر
رادنك أعليهن تمر
وأتشوف يضربهن شمر
وحسين داسه أبخيله
❥━──➸➽❥💔❥━──➸➽❥💔
وحسين كسروله الضلع
وگلب العزيزه منفجع
هالليله بس تجري الدمع
ماكو ولي أو تشكيله
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
#الفزاعيه_بديوان_أمير_الجنان_الجزء_٢_.
فزاعيه للأمام الحسين عليه السلام( راح أبوچن يا بنات )
حسين هاي الليله مات
راح أبوچن يا بنات
❥━──➸➽❥💔❥━──➸➽❥💔
راح المدلل بناته
والشمس گلبت صفاته
والرماح محاوطاته
وأنتهت قصة الحياة
❥━──➸➽❥💔❥━──➸➽❥💔
مرمي عالغبره بجماله
حسين متبدي دلاله
ميت وعينه العياله
راح المطيب الخوات
❥━──➸➽❥💔❥━──➸➽❥💔
تبچي عالهزله العقيله
جسمه ما گدرت تشيله
والدمع عالخد تهيله
بالأسر متئسرات
❥━──➸➽❥💔❥━──➸➽❥💔
رحتن بلايا وليچن
ميت وعينه عليچن
يبچي من يسمع بچيچن
والضعن من يمه فات
❥━──➸➽❥💔❥━──➸➽❥💔
حسين وأگع والله حيره
تنسبي الچانت أميره
من وگع شيخ العشيره
بالبراري حسين بات
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
/channel/Nshwan_1999
لطميه لمصائب السيده زينب عليها السلام على طور أروحن وين خويه بعد الأوداع( وين عباس )
عليه الگوم دارت وين عباس
أصيحن ما گعدلي رفعت الراس
❥━──➸➽❥💔❥━──➸➽❥💔
أصيح أبصوت ما يگعد كفيلي
أخلافه أبسوط گوم أعداه تجيلي
وحرگوهه الخيم وأنهدم حيلي
وخدر أخته عزيز أشلون ينجاس
❥━──➸➽❥💔❥━──➸➽❥💔
عليه الگوم دارت برض الأطفوف
ومن دخان أخيامي كلشي ماشوف
أبهالساعه الگلب للحيد ملهوف
أريده أيگوم يلبس درعه والطاس
❥━──➸➽❥💔❥━──➸➽❥💔
سبع الگنطره ما گام اليه
ولا شاف الحبل چتفلي أديه
أميره أمدلله أو تالي سبيه
لرض الشام أروحن وي غرب ناس
❥━──➸➽❥💔❥━──➸➽❥💔
اليوم أبكربله ضليت وحدي
ولا ويلاد لا خوان عندي
أشبعده أعليه صار أبلاد جدي
متني ورّم أمن أسياط الأرجاس
❥━──➸➽❥💔❥━──➸➽❥💔
بس أعليل ضل يم النساوين
أمچتف بالسلاسل ما دره حسين
حسافه باچر أنطب الدواوين
علينه الگوم كلهه أتصير حراس
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
في مثل هذا اليوم... دُفنت أجساد الشهداء وبقيت الأرواح معلّقة بالحسين.
Читать полностью…
قصيده للدفنه
بصوت الملة 🎤 أم يوسف
وكلمات الشاعرة ✍ نشوان الكناني
لطميه للدفنه( للوليان بالحومه )
بنيت أگبور للوليان بالحومه
أتلگتني أمن أجيت أم عون مهضومه
❥━──➸➽❥💔❥━──➸➽❥💔
أتلگتني العقيله اليوم تنشدني
عنه أشغيبك يعزيز خال أبني
شنهذا التراب البيك جاوبني
گتلهه دفنت أهلچ يمظلومه
❥━──➸➽❥💔❥━──➸➽❥💔
گتلهه رحت دفان لحبابي
يسمعوني أضن من أبدي بعتابي
شفتهم عالتراب ودمعي سچابي
وصلهم بالحصيره حيف ملمومه
❥━──➸➽❥💔❥━──➸➽❥💔
أموذرين الأهل عالگاع يا عمه
أبوي أمن الشمس يابس عليه دمه
أضلوعه بحافر أخيول العده أمهشمه
بشمس الحاره متسلبه أهدومه
❥━──➸➽❥💔❥━──➸➽❥💔
رجعت أمن الدفن وأجهر أبوناتي
بنيت أگبورهم بيدي يعماتي
حچيت أويه الولي وما سمع چلماتي
گتله أتيسرن زينب أو چلثومه
❥━──➸➽❥💔❥━──➸➽❥💔
گتله أتيسرن عماتي للكوفه
وأديهن بالحبل يا بويه مچتوفه
مناحركم سوه برماح مصفوفه
والنسوان كلهن فرن أبهومه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ١٢ من شهر محرم الحرام
الموافق / ٢٠٢٥/٧/٨
/channel/Nshwan_1999
لطميه للدفنه( رد بعمامته أتراب )
علي السجاد رد بعمامته أتراب
للكوفه ودمع عيناه سچاب
❥━──➸➽❥💔❥━──➸➽❥💔
علي السجاد رد من المگابر
أجه وبعمامته أمن أتراب غاضر
گلبه مصوب وشيگول حاير
رد العيلته من دفن الأحباب
❥━──➸➽❥💔❥━──➸➽❥💔
رجع خايف على العيله وعمته
لمن شافهن هلت دمعته
زينب لبن أخوهه ناشدته
أجيت أمنين يا تالي الغياب
❥━──➸➽❥💔❥━──➸➽❥💔
تگله أمنين جيتك يا علي هاي
بالله حاچني يا تالي ولياي
عفتنه أشلون عمه وگاطع الفاي
چنت عدمن يعمه ردلي أجواب
❥━──➸➽❥💔❥━──➸➽❥💔
تنشده وگام يتخافگ گلبهه
مهضومه وگضت حيله بعتبهه
يگلهه بكربله چنت وحربهه
دفنت حسين أبوي وكل الأصحاب
❥━──➸➽❥💔❥━──➸➽❥💔
يگللهه يعمه أدفنت أهلنه
والچ رديت أجر ونه أعلى ونه
يعمه يا بشر حملو مثلنه
دولبنه الزمان أشلون دولاب
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ١٢ من شهر محرم الحرام
الموافق / ٢٠٢٥/٧/٨
/channel/Nshwan_1999
لطميه للدفنه( يا عمه يسجاد )
بالله أعليك يا عمه يسجاد
أخذني وياك أحضر دفن الإجساد
❥━──➸➽❥💔❥━──➸➽❥💔
بالله أعليك يا سجاد يا عمه
أخذني وياك أحضر دفن أبو اليمه
وأفرشله العبايه وبيهه الم جسمه
وأشدله أبمعصبي جرح البالفاد
❥━──➸➽❥💔❥━──➸➽❥💔
أشدله أبمعصبي جرح الذي چاده
وأهل أدموع عيني وأغسل أفاده
وأگله بالجره أعليه وعلى أولاده
يساره طببونه على أبن أزياد
❥━──➸➽❥💔❥━──➸➽❥💔
أگله طببوني بجلسة الملعون
شافوني سبيه وگامو يضحكون
يخويه أشلون يهنالك منام الكون
وياليومك لعد الروح مراد
❥━──➸➽❥💔❥━──➸➽❥💔
يومك مو سهل يحسين ما ردني
أخذني وياك يا سجاد لتردني
بلكي حسين يگعد من يشاهدني
بلكي يگوملي من ذيچ الأوهاد
❥━──➸➽❥💔❥━──➸➽❥💔
لو ناديت بسمه وصحت يبن أمي
بلكي يگوملي الضل عالرمل مدمي
يعمه من أشوفه ينجلي همي
وأفراگه جمر بالگلب وگاد
❥━──➸➽❥💔❥━──➸➽❥💔
يعمه والدك ناره تشب بحشاي
أخذني أوياك خل أسگي دمع عيناي
عمت عيني على الضامي بصف الماي
يومه صاب دلالي سهم حاد
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ١٢ من شهر محرم الحرام
الموافق / ٢٠٢٥/٧/٨
/channel/Nshwan_1999
فزاعيه للدفنه( رد الدفنت أحبابه )
الله أيساعد السجاد
رد الدفنت أحبابه
❥━──➸➽❥💔❥━──➸➽❥💔
رد مهضوم للدفنه
ما نام وطبگ جفنه
على حبابه يجر ونه
والله يجبر أمصابه
❥━──➸➽❥💔❥━──➸➽❥💔
الله يساعده أشحاله
دمعة عينه هماله
ردت الدفنت أرجاله
عليهم داير نگابه
❥━──➸➽❥💔❥━──➸➽❥💔
عليهم داير النگبه
رد الهم يون گلبه
هاي الفاجعه الصعبه
عليه وكثر دولابه
❥━──➸➽❥💔❥━──➸➽❥💔
الله يساعده مفجوع
أجه وعينه تهل دموع
شاهد چم نحر مگطوع
أبوه وعمه وأصحابه
❥━──➸➽❥💔❥━──➸➽❥💔
أبوه وعمه والصحبان
والشبان والخوان
كلهم نومه بالميدان
كل وأحد على أترابه
❥━──➸➽❥💔❥━──➸➽❥💔
كل وأحد على أرماله
ومشهدهم شده باله
ضل يلوج دلاله
وداوي بنار لهابه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ١٢ من شهر محرم الحرام
الموافق / ٢٠٢٥/٧/٨
/channel/Nshwan_1999
قصيده للأمام العباس عليه السلام
بصوت الملة 🎤 أم يوسف
وكلمات الشاعرة ✍ نشوان الكناني
قصيده للسبي
بصوت الملة 🎤 أم يوسف
وكلمات الشاعرة ✍ نشوان الكناني
لطميه للسبي( أمس يم عون )
أمس يم عون چانو كلهم أوياچ
وهاليوم أصبحو عالگاع ولياچ
❥━──➸➽❥💔❥━──➸➽❥💔
أمس چانت الخيمه تزهي بيهم
سويه أحذاچ أو عين الله عليهم
حسافه اليوم شفتي أمذبحيهم
والعباس أخوچ أشلون عافاچ
❥━──➸➽❥💔❥━──➸➽❥💔
أمس عباس چان وياچ موجود
حارس للخيم حارس للحدود
ألف وسفه وگع وأمصوبه عامود
أبعينه أنصاب ويلي أبنبله أعداچ
❥━──➸➽❥💔❥━──➸➽❥💔
اليوم أعزازچ أعلى الگاع يم عون
وبيچ أميسره العدوان يمشون
أمچتفيچ أبحبل وأتهل الأعيون
ويا ويلي الشمر للكوفه وداچ
❥━──➸➽❥💔❥━──➸➽❥💔
أمس بالخيمه گاعد يمچ حسين
يصبر بيچ وأنتي حيل تبچين
راح أو عافچ أمحيره أبنساوين
عليهم يالعقيله حسين وصاچ
❥━──➸➽❥💔❥━──➸➽❥💔
رحتي لليسر والروس برماح
وحاديكم عگب عباس ذباح
وگلبچ يا حسافه أترّس أجراح
ويوم العاشر أبعاشور أذاچ
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأثنين / ١١ من شهر محرم الحرام
الموافق / ٢٠٢٥/٧/٧
/channel/Nshwan_1999
والرُوح فَالحُسِين ساڪِنُها "
وأما القَلب فالعبّاس ڪافِلهُ ❤"
لطميه للوحشه ليلة ( ١١ ) محرم ( لمة أهل )
البارحة لمة أهل كلهم سويه
واليوم نومه أعلى الترب بالغاضريه
عالگاع كلهه أموذره .. ولدك يبويه حيدره
والليله وحشه .. والليله وحشه
❥━──➸➽❥💔❥━──➸➽❥💔
هالليله وحدي وصرت أحس الدنيه غابه
شبسرعه خواني صفو فوگ الترابه
خال أبني نايم والكفر حرگت أطنابه
لا لحظه لا ساعه أحتمل عني غيابه
بالحومه صرعه كل هلي .. أحضرني بويه يا علي
والليله وحشه .. والليله وحشه
❥━──➸➽❥💔❥━──➸➽❥💔
عفت الحرم ساعه أو رحت بدموع عيناي
بالحومه أمشي والجثث متوذره أهواي
وين الگه أخوي المنذبح والما شرب ماي
محتاره أطلع يا سهم من جرحه بهداي
وأگله وأقع لو حلم .. نايم يهدام الزلم
والليله وحشه .. والليله وحشه
❥━──➸➽❥💔❥━──➸➽❥💔
هالليله خوله بغيبتك ترجف أجتني
يا عمه وينه والدي بهم ناشدتني
أشكيله من سوط الشمر جرحلي متني
وأدموعهه على الخد تصب مو شيبتني
متألمه من الضرب .. ترجف وكاتلهه الرعب
والليله وحشه .. والليله وحشه
❥━──➸➽❥💔❥━──➸➽❥💔
شوفي الشمر يم الحسن أسوه بينه
هالليله خيمه أبكربله ما خله لينه
حفاي نركض عالجمر بالطف صفينه
يا يمه شوفي أبمصرعه نايم ولينه
نايم وما يدري أشسده .. يمصابه حيلي هدده
والليله وحشه .. والليله وحشه
❥━──➸➽❥💔❥━──➸➽❥💔
شيصير لو بعدك عدل يبن أمي يحسين
وأبسيفك أتگوم وترد خويه الملاعين
الغوث نسوانك نخت أو ما مش أمعين
تنزف أذنهه أبنيتك ودمعتهه بالعين
ما تدري طگهه حرمله .. آه يالذبيح أبكربله
والليله وحشه .. والليله وحشه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأحد / ١٠ من شهر محرم الحرام
الموافق / ٢٠٢٥/٧/٦
/channel/Nshwan_1999
لطميه للوحشه( زينب يا غريبه )
زينب يا غريبه أشحالچ الليله
ما عندچ زلم تحرسلچ العيله
❥━──➸➽❥💔❥━──➸➽❥💔
الليله أبكربله يا زينب أشحالچ
غريبه وعالتراب أموسده أرجالچ
تنخيمن بعد مذبوح كفالچ
وأصواب العمد كلش هدم حيله
❥━──➸➽❥💔❥━──➸➽❥💔
هدم حيله الصواب وبيچ ما يدري
غريبه ونارچ أمن الفاجعه تسري
صحتي يا كفيلي هدموا خدري
وي ريح الهوه گمتي توصيله
❥━──➸➽❥💔❥━──➸➽❥💔
للعباس وي ريح الهوه أتوصين
تحشمينه وچنچ بيه ما تدرين
لا ضل راس عد الحيد لا چفين
طايح عالشريعه وعالت العيله
❥━──➸➽❥💔❥━──➸➽❥💔
لو ما طيحت العباس يا زينب
ما واحد تجره وللخيم گرّب
لو بي روح أبو النوماس چا ضهضب
تضل بالضيم ما يقبل مداليله
❥━──➸➽❥💔❥━──➸➽❥💔
تضل بالضيم ما يقبل عزيزاته
أبو فاضل سبع تشهدله حملاته
لو عنده زند چا عاد صولاته
لو حي العدو ما توصلچ خيله
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
لطميه لمصائب زينب عليها السلام( يالضيعوني )
أنادي يا هلي يالضيعوني
زينب يا وسف ما ودعوني
❥━──➸➽❥💔❥━──➸➽❥💔
أنادي يا هلي مثل الغريبه
أخوي الراح عني أمنين أجيبه
ما مرت مثل هاي المصيبه
حرمه أعداي خويه وسلبوني
❥━──➸➽❥💔❥━──➸➽❥💔
عفت حسين عالتربان يمه
جسمه أمخضب وياهو اليلمه
ما شوفن بعد والدنيه ضلمه
على حسين المطبر ساعدوني
❥━──➸➽❥💔❥━──➸➽❥💔
أمشي والتفت صوبك يعباس
ما ضل بيه حيل وراح الأحساس
بلايا أچفوف أخوي ومنه أياس
والعدوان من بعده أكفلوني
❥━──➸➽❥💔❥━──➸➽❥💔
يا عمه صحت وينك يالأكبر
بگلبي يبن أخوي النار تسعر
أمشي والجدم مني يتعثر
أزغار أكبار بالغربه أتركوني
❥━──➸➽❥💔❥━──➸➽❥💔
عالـعريس أعاين ماكو جسام
ماتت وأنتهت يا عمه الأحلام
وسف لمخدره ما بين ظلام
مثل چبد الحسن بي صوبوني
❥━──➸➽❥💔❥━──➸➽❥💔
هضيمه بالغرب ماتت رقيه
أصيح أبصوت يا يمه الزچيه
عفت أخواني بأرض الغاضريه
ولأرض الشام يا يمه خذوني
❥━──➸➽❥💔❥━──➸➽❥💔
وبمجلس يزيد أهناك شمات
أونن عالعدل لو أون على المات
أچفوفك يا علي أمن الگيد حمرات
يالسجاد يا عمه أعذروني
❥━──➸➽❥💔❥━──➸➽❥💔
ياهو اللي يردني للمدينه
يم جدي أشتكيله الصار بينه
ذبحو يا رسول الله ولينه
هلي غياب عني وعذبوني
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
#الفزاعيه_بديوان_أمير_الجنان_الجزء_٢_.
فزاعيه للأمام الحسين عليه السلام( آ يحسين يلوالي )
عريان نايم علترب
آ يحسين يلوالي
❥━──➸➽❥💔❥━──➸➽❥💔
آه يلطحت من الفرس
عريان نايم بلشمس
والسحگ بضلوعي أحس
فارگتك أو ضاگ النفس
عفت الشمر يبرالي
❥━──➸➽❥💔❥━──➸➽❥💔
كل ساعه صدرك ينلچم
والصوت وأصل للخيم
من السحگ طگ العظم
وأبگلبي حسيت الألم
أنصاب أبسهم دلالي
❥━──➸➽❥💔❥━──➸➽❥💔
والهامه مضروبه بحجر
وگلبي يبو اليمه أنكسر
عگبك أحس گمت أبخطر
يحسين يا بعد النضر
وأمبهذلات أحوالي
❥━──➸➽❥💔❥━──➸➽❥💔
بالرمح خويه منطعن
وساحگتك اليوم الحصن
وگفيت عالتله أو أون
وناديت چا وين أم حسن
ومني الدمع دم هالي
❥━──➸➽❥💔❥━──➸➽❥💔
مني المدامع هامله
عايفني وحدي أبكربله
ويه الضبابي وحرمله
وللشام عگبك راحله
يا خويه وي عذالي
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
/channel/Nshwan_1999
لطميه للأمام الحسين عليه السلام( بالميدان أخليك )
يخويه أشلون بالميدان أخليك
وعالتربان ما وأحد أمغطيك
❥━──➸➽❥💔❥━──➸➽❥💔
على التربان ويلي جسمك أرهينه
وخيل أعداك ساحگتك يوالينه
ومصيوب أبرمح گلبك يبو أسكينه
ولا حفريت حفره وبيهه أواريك
❥━──➸➽❥💔❥━──➸➽❥💔
بالميدان خليتك يبعد أسمي
على حالك نحل يحسين كل جسمي
يريت الخيل تسحگني وتطگ عضمي
ولا بعيوني أشوفن تسحگ أعليك
❥━──➸➽❥💔❥━──➸➽❥💔
مشيت أو عايفتك فوگ الأترابه
ونارك بالگلب تچويني لهابه
غبت يحسين وأنته اليكلف أغيابه
ومن حر الشمس لجروح تاذيك
❥━──➸➽❥💔❥━──➸➽❥💔
بس الراس ضل وياي أشوفنه
ينزف عالرمح وأنه أجهر ونه
أيرتل سورة القرآن أسمعنه
وأنه أعلى الهزل يحسين وأبچيك
❥━──➸➽❥💔❥━──➸➽❥💔
راسك عالرمح وأيعاين أعليه
يهمل دمعته لو ضربو أرقيه
يوالينه أنفطر گلبي أعلى الأبنيه
وهذا أوداعنه ولا بعد الأگيك
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999