-
قالها السجاد في يوم السبي كذب الموت فما مات ابي
لطميه للأمام الحسين عليه السلام( حسين أمن المهر )
حسين أمن المهر طايح على أترابه
وأبگلبه السهم يم الخدر صابه
❥━──➸➽❥💔❥━──➸➽❥💔
حسين بيوم عاشر طاح من مهره
وأگبالچ يجر ونات يالحره
شوفيه أبرمح ويلي أنطعن خصره
لحيته من دماه يا زينب أخضابه
❥━──➸➽❥💔❥━──➸➽❥💔
شوفي لحيته يا زينب أمخضبه
ورشگ أسهام عدوانه أبوسط گلبه
ومن حر الرمل لجروح ملتهبه
وأسكينه تون وأتصيح يا يابه
❥━──➸➽❥💔❥━──➸➽❥💔
أبعيد الماي عنه أو ما شرب منه
وخيل الأعوجيه عشره داسنه
أشحالچ يوم شفتي صدره كسرنه
على التله صعدتي أبدمعه سچابه
❥━──➸➽❥💔❥━──➸➽❥💔
سند گلبچ وگع بالمعركه أبدمه
وعدوانه أعلى ذبحه اليوم متحزمه
والسجاد يبچي أو منكسر عزمه
عينه غمضت وأحترگت أطنابه
❥━──➸➽❥💔❥━──➸➽❥💔
عينه غمضت يم عون شيگعده
ولخوله ورقيه الوالي شيرده
وسفه أتخضب أبدمه الحلو خده
أحاه يا جمرته بالگلب لهابه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
آه يا زينب راح أخييچ 😭💔
Читать полностью…
هي الليلة التي امتحن الإمام الحسين عليه السلام قلوب أصحابه لينظر ما هم عليه فاذا به لا يرى إلاَّ رجالاً كالجبال لا تزلزلهم الأهواء ولا تقتلعهم العواصف وكل واحد منهم يعبّر عن الحب والولاء والاستعداد للقتل بين يديه فداءَّ له ولدينه وفي تلك الليلة انصهرت الأرواح في روح الحسين عليه السلام لترفع إلى الله صلاتها ودعاءها وابتهالها وتضرُّعها وبكاءها في جوف ذلك الليل فلقد انشغل الجميع بين قائم وقاعد وراكع وساجد فتحوَّل بذالك سواد الليل إلى أنوار إلهية مشرقة في تلك النفوس المطمئنة المؤمنة.
Читать полностью…
إن لم تُغير عاشوراء شيئاً من سلوكك أو تقرُبك الى الله فأعلم إنك لم تشارِك فيها إلا جَسداً أما روحك فلا تزال غائبة.
Читать полностью…
اللهم تقبل منا خدمة سيد شباب آهل الجنه
Читать полностью…
لطميه للحِيِّه ليلة العاشر( تسعه بالشهر )
آويلاه واليوم تسعه بالشهر
باچر أبن أمي ينغدر
❥━──➸➽❥💔❥━──➸➽❥💔
باچر أبن أمي ينذبح
وأدماه عالرمضه تسح
يا ريت لا صار الصبح
ويا ريت لا طر الفجر
❥━──➸➽❥💔❥━──➸➽❥💔
الفجر ريته لا طلع
باچر أفادي ينشلع
باچر الونه والدمع
باچر يصابحنه الكدر
❥━──➸➽❥💔❥━──➸➽❥💔
باچر يصابحنه الهضم
باچر حزن باچر لطم
باچر حراير تنشتم
باچر يدولبنه الشمر
❥━──➸➽❥💔❥━──➸➽❥💔
باچر يدولبنه النذل
باچر المهيوبه تذل
باچر ولينه ينچتل
باچر يحزون النحر
❥━──➸➽❥💔❥━──➸➽❥💔
باچر مصيبه وفاجعه
باچر ولينه أنضيعه
باچر يگطعون أصبعه
باچر أضلوعه تنكسر
❥━──➸➽❥💔❥━──➸➽❥💔
باچر أعداه مجموعه
باچر تدوس أضلوعه
باچر أفراگ ولوعه
باچر أضل مفجوعه
باچر خلص ريت العمر
(( باچر كون أيخلص عمري وماريده ))
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
السبت / ٩ من شهر محرم الحرام
الموافق /٢٠٢٥/٧/٥
/channel/Nshwan_1999
#الطميه_بديوان_أمير_الجنان_الجزء_١_.
لطميه لعبد الله الرضيع عليه السلام( شمسوي الطفل )
شمسوي الطفل والگوم ذابحته
وبمصابه أنفجع گلبچ يوالدته
❥━──➸➽❥💔❥━──➸➽❥💔
شمسوي الطفل يا ناس وشذنبه
بيد حسين أبوه أنگطعت الرگبه
والله أيساعدك يحسين التحبه
بين أچفوف أدينك منذبح شفته
❥━──➸➽❥💔❥━──➸➽❥💔
ست أشهر عمر يا ذنب سواله
ما شربوه ماي وسهم من جاله
حسين الشاف أبنه يساعد أحواله
زغير وصعبه وأحد يحتمل قصته
❥━──➸➽❥💔❥━──➸➽❥💔
وأمه أشلون شافت راسه ما هوه
أبنهه وراح منهه ورجع يتلوه
صاحت يا خلگ هل طفل وشسوه
لو أدري الذبح ينتظره ما جبته
❥━──➸➽❥💔❥━──➸➽❥💔
جابه حسين بيده الخيمة الحره
وطلعت زينب تنادي بگلب جمره
تبچي أعله الرضيع وجرت الحسره
عبدالله طفل والنبله كتلته
❥━──➸➽❥💔❥━──➸➽❥💔
التمن كلهن وبالخيمه ناحنه
أمه وكل خواته بحسره وبونه
وأتصيح الرباب أبني أيست منه
بنص الگلب راح تصير فاتحته
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
/channel/Nshwan_1999
لطميه لعبد الله الرضيع عليه السلام( بنبلة حرمله )
بنبلة حرمله عبدالله مذبوح
بيد حسين ويلي أمفرفحه الروح
❥━──➸➽❥💔❥━──➸➽❥💔
بنبلة حرمله مذبوح أبنه
على أگماطه الدمايه أتسيل منه
ببن حسين مفجوعين كلنه
گلبي أعلى الزغير أهوايه مجروح
❥━──➸➽❥💔❥━──➸➽❥💔
أسمعنهه الرباب أتون للوليد
در منهه الصدر وأعزيزهه أتريد
عبدالله أنذبح ويلي أمن الأوريد
يا دم منحره هاليوم مسفوح
❥━──➸➽❥💔❥━──➸➽❥💔
عنچ يالرباب أوليدچ أيشيل
خلوان المهد وأتهدم الحيل
تذكرينه يناغي من يجي الليل
والونه تزيد أبحسره والنوح
❥━──➸➽❥💔❥━──➸➽❥💔
هاي الليله حس عبدالله مفگود
وأبحضن أمه شو ما شوفه موجود
گلبي أمن السده والصار ممرود
من أگماطه عطره أبكربله أيفوح
❥━──➸➽❥💔❥━──➸➽❥💔
أنه أم الخدر شفت العجايب
دمعي أعلى الرضيع المات ساچب
وأعليه أبغرب دارت مصايب
عگب أهل المحنه للسبي أنروح
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
/channel/noor33224411
بنات انضمو لقناة الملة أم يوسف بيها القصائد مكتوبه وملحنه بصوتها
لطميه لعلي الأكبر عليه السلام( ما يرد أوليدي )
ما يرد أوليدي ... راح من بين أيدي
هوه كل أسنيني ... فرگته تعميني
راح من بين أيدي
❥━──➸➽❥💔❥━──➸➽❥💔
ما يرد أو ما أشوفه الچان دومه أگبالي
نومته أعلى الگاع مني اليوم شلت حالي
لو نهدته أيگوم اليه هالولد حسبالي
وسفه شال أشلون عني وعاف گلبي خالي
يابسات أرياگه ... كسر ضهري أفراگه
راح من بين أيدي
❥━──➸➽❥💔❥━──➸➽❥💔
يابسات أرياگه أشوفه والدمه أعلى أعيونه
عالتراب أبني أو حبيبي منه ذابل لونه
بعد ماشوفن ضحكته بعمري شلي أبدونه
بعز شبابه ورايح أبني ما يرد مضنونه
علي كل دنيايه ... بي جروح أهوايه
راح من بين أيدي
❥━──➸➽❥💔❥━──➸➽❥💔
كل ملامح وجهه صارت من دماه مخضوبه
عافني الربيته بيدي وأبرباه متعوبه
راحتي من عگب عينه صبحت مسلوبه
هامته الكسّرت گلبي من شفت مضروبه
حيل ما بيه بعد ... آه يفراگ الولد
راح من بين أيدي
❥━──➸➽❥💔❥━──➸➽❥💔
موش وأقع گولو فدوه هاي المصيبه حلم
أبد ما تنجرع والله حيلي منعدهه أنهدم
صدگ يعني أخلاف أبني راح أعيشن بالألم
صحت صوت الله وأكبر شنو ذنبه أو ما سلم
عذبتني نومته ... والسهام الصابته
راح من بين أيدي
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
فزاعيه لعلي الأكبر عليه السلام( بالحومه على الغبره )
نايم يا عزيز حسين
بالحومه على الغبره
❥━──➸➽❥💔❥━──➸➽❥💔
بالحومه أو يصب دمه
وأشحال الحنينه أمه
أدگ عالراس متحزمه
يفراگه صدگ كسره
❥━──➸➽❥💔❥━──➸➽❥💔
يفراگه ولا ينطاگ
يسعر بالگلب حراگ
لرسومه بعد تشتاگ
دمه سال يا حسره
❥━──➸➽❥💔❥━──➸➽❥💔
شيجيبه الولد ليهه
أمطوّل غيبته أعليهه
أدمومه اليوم جاريهه
عالتربان مطشره
❥━──➸➽❥💔❥━──➸➽❥💔
لا ما كمل العشرين
عاف أمه وأبوه حسين
وشاله دموع العين
عالطايح أمن الشگره
❥━──➸➽❥💔❥━──➸➽❥💔
عالطايح أبميدانه
وأمفلشين صيوانه
ويا ليله يحزنانه
أبنچ هشمو صدره
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
مربعه حزينه للقاسم عليه السلام وللشباب تقرأ صدر المجلس ثگيله( يا فرحتي وعيدي )
يبني يالولد يا فرحتي وعيدي
عمتني فرگتك ما وچد البيدي
❥━──➸➽❥💔❥━──➸➽❥💔
يا بعد الگلب يبني ويلب أحشاي
يا فرحة زماني أو سعدي أبدنياي
فرگاك الهدم حيلي وفگس عيناي
ما ينشال يومك صعب يوليدي
❥━──➸➽❥💔❥━──➸➽❥💔
ما ينشال يمدلل صعب يومك
كلفه غيبتك ومفارگ أرسومك
أصد أگبالي أشوف أمعلگه أهدومك
وأضل أبچي عليك وحانيه جيدي
❥━──➸➽❥💔❥━──➸➽❥💔
أضل أبچي عليك وحانيه أرگبتي
بيك البين يبني زاد فاجعتي
أصيحن حيل وينك ما گلت سكتي
حسبالي تگلي أمن البچي هيدي
❥━──➸➽❥💔❥━──➸➽❥💔
حسبالي تجي وبشوفتك أرتاح
مثل السهم يومك يالولد ذباح
يصيب الگلب ويمرده صدگ لو لاح
ردت وياك تتگارب مواعيدي
❥━──➸➽❥💔❥━──➸➽❥💔
كون وياك يبني گاربالي الموت
گبلك ريت جسمي أنشال بالتابوت
حيلي أعليك صبح نازل ومبهوت
صار النوح فني واللطم فيدي
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الجمعة / ٨ من شهر محرم الحرام
الموافق / ٢٠٢٥/٧/٤
/channel/Nshwan_1999
السلام على عريس الطفوف
Читать полностью…
فزاعيه للقاسم عليه السلام( خل نلطم سوه الليله )
نار أبنچ يرمله تسعر بروحي
وأنه عمّته وجروحچ أجروحي
خل أنحط سويه نوحچ ونوحي
أنه أوياچ عالعريس
خل نلطم سوه الليله
❥━──➸➽❥💔❥━──➸➽❥💔
أنه وياچ يا رمله
للعريس نلطمله
خله الحوفه والكله
وبت حسين تبچيله
❥━──➸➽❥💔❥━──➸➽❥💔
بت حسين شوفيهه
أعلى وليدچ بواچيهه
تعالي خل نعازيهه
عزه وملطم نسويله
❥━──➸➽❥💔❥━──➸➽❥💔
گومي نروح يم سكنه
يا رمله ونجر ونه
يوم أبنچ الهدمنه
صعب كلش برد حيله
❥━──➸➽❥💔❥━──➸➽❥💔
برد حيل الفراگيه
صعبه وماهي أشويه
شسوت بيچن وبيه
گضتني وروحي أنحيله
❥━──➸➽❥💔❥━──➸➽❥💔
گضتني وروحي تعبانه
عالزفو الميدانه
بعد هيهات ملگانه
أبنچ سفرته أطويله
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
لطميه للقاسم عليه السلام( ما عرّستلك )
ما عرّستلك جسام يا بعد الگلب ما عرّستلك
لا ما گلتلك تتهنه يبني يالولد لا ما گلتلك
❥━──➸➽❥💔❥━──➸➽❥💔
مخضوب شفتك بالدمه جسام يبني
ما عرّستلك يمه وأمصابك جرحني
وأشلون يا ريع الگلب ترتحل عني
نومك على أتراب الحرب كلش فجعني
عيني بچتلك يا بزر بطني بالألم عيني بچتلك
❥━──➸➽❥💔❥━──➸➽❥💔
مطروح يبني أعلى الترب بالغاضريه
والحنه بيدك والدمه أنمزجن سويه
لأيام كبري ردتك أو متعود اليه
بينك وبيني حطت أحدود المنيه
فدوه رحتلك جسام يا طير السعد فدوه رحتلك
❥━──➸➽❥💔❥━──➸➽❥💔
جسام گلبي ما فرح بيام عرسك
وأبعيني يمه ما شفت كاشخ أبلبسك
البين حاربني وخطف طولك أو حسك
چنت أندعيلك بالصلاه ربي يحرسك
ليلي أسهرتلك من چنت يبني بالمهد ليلي أسهرتلك
❥━──➸➽❥💔❥━──➸➽❥💔
سهرانه يبني الليل كله أعيوني أعليك
ساعه الوليلك ييمه وساعه أناغيك
أحسبلك اطأحا يالولد تكبر أتانيك
ما حسبت تالي الوكت للموت أوديك
ما هلهلتلك هليت دمعي بزفتك ما هلهلتلك
❥━──➸➽❥💔❥━──➸➽❥💔
البين خلاني أهل دمعي بزفافك
رديتلي أمسبح دمه وخربت أوصافك
ياريت ابو المجتبى حاضر وشافك
خليتني بحسره وألم الطم أخلافك
وين الگه مثلك يالرحت من أيدي بعد وين الگه مثلك
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأربعاء / ٢٨ من شهر ذي الحجة
الموافق / ٢٠٢٥/٦/٢٥
/channel/Nshwan_1999
لطميه للأمام الحسين عليه السلام( نوم المگبره )
موش ألك يحسين نوم المگبره
ما ترد وحدهه تدريهه المره
❥━──➸➽❥💔❥━──➸➽❥💔
موش ألك يابو علي هالنومه
والعقيله أمحيره ومهضومه
من مصابك تنحب أو مالومه
ما دريت أشصار بيهه الطاهره
❥━──➸➽❥💔❥━──➸➽❥💔
ما دريت أبزينب أشصار وسده
مشت عنك وأنته جثه أمدده
لأرض كوفه وشام حاديهه حده
يا حسين أختك خذوهه أميسره
❥━──➸➽❥💔❥━──➸➽❥💔
راحت أختك والحبل بيديهه
يا حسين السوط أثر بيهه
أتريد عباسك يجي أيحاميهه
وسفه صگار الأعادي ما دره
❥━──➸➽❥💔❥━──➸➽❥💔
گوم من نومك يشيخ الساده
هالشمر عگبك عليهه أتماده
من عگب عباس وأستشهاده
صارت أختك بالحريم أمحيره
❥━──➸➽❥💔❥━──➸➽❥💔
موش ألك نوم الترب يا هيبه
أنته أصل الجود وأصل الطيبه
عن أخيتك طوّليت الغيبه
مشت مسبيه أبحبل متجرجره
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
هي الليلة التي استأذن فيها الإمام عليه السلام من ذلك الجيش واستمهلهم إياها لكي يتفرّغ فيها لعبادة ربه والتوجه إليه وخاطب أخاه العباس عليه السلام في ذلك قائلاً له أرجع إليهم واستمهلهم هذه العشية إلى غد لعلَّنا نصلي لربنا الليلة وندعوه ونستغفره فهو يعلم أني أحب الصلاة له وتلاوة كتابه وكثرة الدعاء والأستغفار .
Читать полностью…
آعظم الله اجوركم واجورنا واحسن الله عزائكم بليلة استشهاد سيد شباب آهل الجنه سبط النبي المصطفى صلى الله عليه وآله الأمام أبا عبد الله الحسين عليه السلام سأل المولى تعالى أن يرزقنا زيارته في الدنيا والأخره وأن يرزقنا شفاعة بحق محمد وآل محمد
Читать полностью…
في ليلة العاشر من محرم، يُروى أن الأمام الحسين عليه السلام كان يجمع الشوك( حسك السعدان )
من حول الخيام وذلك لكي لا تتأذى أقدام الأطفال والنساء عند حرق الخيام في محيط المخيم و خشية هجوم القوم على الخيام
يا أبا عبدالله 😭💔
لطميه للوداع( باچر وين منواي )
وخويه حسين باچر وين منواي
أضل ويه الشمر وحدي يمولاي
❥━──➸➽❥💔❥━──➸➽❥💔
أضل ويه الشمر محد اليه
أروح أشلون مچتوفه وسبيه
ومحد يالولي ينغر عليه
وأنته عالترب ما شارب الماي
❥━──➸➽❥💔❥━──➸➽❥💔
الليله أموادعي وياك بالنوح
وباچر عالترب فايض بالأجروح
يضل دمعي عليك أدموم مسفوح
وتتلملم عليه أجيوش الأهواي
❥━──➸➽❥💔❥━──➸➽❥💔
تشابگه أو بچينه هالمسيه
توصيني بالعيال أو رقيه
أشوف أعليك متجدمه المنيه
وأنه أختك وأريدك تبقى وياي
❥━──➸➽❥💔❥━──➸➽❥💔
أريد أشبع يخويه شوف منك
قبل لتروح عني وأمشي عنك
يبو السجاد أريدن حيل أحضنك
سويه أنون على فرگانه بهداي
❥━──➸➽❥💔❥━──➸➽❥💔
الليله بس الليله كلنه يحسين
وباچر عالثره كلكم مطاعين
طايح كافلي ما عنده چفين
ونومه بالشمس ما عدكم أفياي
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
السبت / ٩ من شهر محرم الحرام
الموافق /٢٠٢٥/٧/٥
/channel/Nshwan_1999
#الفزاعيه_بديوان_أمير_الجنان_الجزء_١_.
فزاعيه للوداع( زينب گاعده الليله )
بس اليوم وي حسين
زينب گاعده الليله
❥━──➸➽❥💔❥━──➸➽❥💔
هاي آخر وداعيه
روحه وما بعد جيه
صاحت خويه مابيه
گلبي أنباگ كل حيله
❥━──➸➽❥💔❥━──➸➽❥💔
لا ترحل يبو اليمه
گلبي يزود كل همه
عيني أمن البچي تعمه
فگدك أخ يا ويله
❥━──➸➽❥💔❥━──➸➽❥💔
غربه الگاع ما أندل
بالطف خويه من ترحل
ضل يحسين ما تنمل
نعشك محد يشيله
❥━──➸➽❥💔❥━──➸➽❥💔
من تروح يالوالي
حالي الضيم يا حالي
مثلك ما يصح غالي
من الضيم أشكيله
❥━──➸➽❥💔❥━──➸➽❥💔
ياهو يعدل المحمل
عيني أمن اللطم تذبل
فدوه أنطيني صورة حل
لو هدوا على الشيله
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
/channel/Nshwan_1999
لطميه لعبد الله الرضيع عليه السلام( مهضومه الرباب )
مهضومه الرباب أتصيح يوليدي
من ذبحوك ذبحو فرحتي وعيدي
❥━──➸➽❥💔❥━──➸➽❥💔
مهضومه الرباب أتصيح يا يمه
من ذبحوك صارت دنيتي ضلمه
گلبي أعليك مالوم وكثر همه
سهم الگوم گبلك كون حز جيدي
❥━──➸➽❥💔❥━──➸➽❥💔
كون أصوابهم صوبني ما صابك
يبني أشلون حالي حسين من جابك
مذبوح ودماك أمصبغه أثيابك
شفتك والمناحه صبحت فيدي
❥━──➸➽❥💔❥━──➸➽❥💔
فيدي النوح والونه ودمعتي أتسيل
من شفتك ذبيح أنهدم مني الحيل
كون الموت يقبل يالولد تبديل
يريض بيك ويگرّب مواعيدي
❥━──➸➽❥💔❥━──➸➽❥💔
كون الموت يوليدي الفده أيقبله
لفدي روحي لروحك يعبد الله
ولا أبقى بغربتي وأجرع الذله
شگول أعليك يالضيعتك أمن أيدي
❥━──➸➽❥💔❥━──➸➽❥💔
شگول أعليك يالمنك فرغ حضني
يا ماي العيون وسلوتي يبني
يومك يالمدلل حيل هدمني
بيك البين طگني وگالي بيدي
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
لطميه لعبد الله الرضيع عليه السلام( أمك هاي )
أمك هاي يالمدلول رد ليهه
أصوابك بالسهم هاليوم عاميهه
❥━──➸➽❥💔❥━──➸➽❥💔
يا عطشان يا ما شارب أميه
سگوك اليوم بالنبله بني ميه
ومنك فارغ الكاروك ليليه
خفى صوتك بعد لا ما تناغيهه
❥━──➸➽❥💔❥━──➸➽❥💔
صوتك راح وأمناغاك متسمعه
عليك اليوم بالخيمه تهل دمعه
يعبدالله الحضنهه ما بعد رجعه
من أتروح أخذهه ولا تخليهه
❥━──➸➽❥💔❥━──➸➽❥💔
أشلون أمك عفتهه وأنته فرحتهه
بكاروكك تهز وأتسيل دمعتهه
لزمتهه الحضينه وحيل شمتهه
دمعتهه بحزن بالخيمه تجريهه
❥━──➸➽❥💔❥━──➸➽❥💔
يالمدلول صاحت لا تخليني
أريدك ليه تبگه يا ضوه عيني
من تكبر يبعد أمك تباريني
در صدري وعليك الونه أجر بيهه
❥━──➸➽❥💔❥━──➸➽❥💔
تجر ونه الرباب وحيل نحلانه
أبنهه بالسهم فطموه عدوانه
تدگ عالراس وي زينب الحزنانه
أتفرهد هالطفل ويلاه أمن أيديهه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
السبت / ٩ من شهر محرم الحرام
الموافق / ٢٠٢٥/٧/٥
/channel/Nshwan_1999
لطميه لعلي الأكبر عليه السلام( ناده حسين )
ناده حسين .. والدمعات بعيونه
شمسوي الولد حتى يذبحونه
❥━──➸➽❥💔❥━──➸➽❥💔
ناده حسين والدمعات هماله
شمسوي علي أو ذبحوه عذاله
راح الحيل بس شافه على أرماله
نايم والدمايه غطت أمتونه
❥━──➸➽❥💔❥━──➸➽❥💔
نايم والدمايه تارسه الساحه
ويا گلبه عليه منگطع سباحه
ما عندك رحم حاقد يذباحه
چا شنهو الذنب نحره تحزونه
❥━──➸➽❥💔❥━──➸➽❥💔
چا شنهو الذنب مذبوح يالأكبر
وكلهه أعليك دارت ويلي العسكر
يا كسر الضهر علولد ما يجبر
الفاگد حگه يبچي لا تلومونه
❥━──➸➽❥💔❥━──➸➽❥💔
حگه الفاگد أبنه يبچي وأبعبره
شال وشوفت أعيونه أصبحت حسره
أسم الله يا علي أينام أبوسط گبره
وأبغاليه أبو الأكبر يفجعونه
❥━──➸➽❥💔❥━──➸➽❥💔
الله أيساعدك يحسين يا مولاي
أبنك طايح أو عطشان گطره ماي
أتعنيته وتگله أگعد يبعد أچلاي
بي الموت مر ومنخطف لونه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأربعاء / ٢٩ من شهر شوال
الموافق / ٢٠٢٤/٥/٨
/channel/Nshwan_1999
موشح لعلي الأكبر عليه السلام( شباب حسين )
يا شباب حسين طاح أبمصرعه
بالسيوف اليوم جثته أمگطعه
❥━──➸➽❥💔❥━──➸➽❥💔
يا شباب حسين من أحصانه
طاح مصيوب أبنبل عدوانه
والدمايه أعلى الترب جريانه
أشحال زينب بت علي أبهالفاجعه
❥━──➸➽❥💔❥━──➸➽❥💔
ساعد الله اليوم گلب حسينه
بالسيوف الأكبر أموذرينه
أتمددت فوگ الترب رجلينه
ميت المظلوم بيده رجعه
❥━──➸➽❥💔❥━──➸➽❥💔
ميت المظلوم جاب أوليده
حطه بالخيمه ذبيح أوريده
عالمنايه حسين چا وأشبيده
بعد حس أبنه علي ما يسمعه
❥━──➸➽❥💔❥━──➸➽❥💔
ليله من جابو أبنهه أگبالهه
شافته بدمه وفجع دلالهه
أتغيرت من مات كل أحوالهه
گعدت أتشمه أو تون وأتودعه
❥━──➸➽❥💔❥━──➸➽❥💔
بالمخيم گعدت أتودع الولد
يگعد أتريده أو حسافه ما گعد
لبت أحشاهه مشه الليله بعد
عمته وأمه أگلوبهن متروعه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
قصيده للأمام العباس عليه السلام
بصوت الملة 🎤 أم يوسف
وكلمات الشاعرة ✍ نشوان الكناني
القصيدة 📚 بديوان زلزلة المصائب
السلام على شبل الحسن القاسم عليهم السلام
Читать полностью…
لطميه للقاسم عليه السلام( زفة موت )
زفيني زفيني .. يا يمه زفيني
مو للعرس للموت .. يا يمه زفيني
❥━──➸➽❥💔❥━──➸➽❥💔
ردتك يلب أحشاي .. عون وسند دنياي
أبني وتضل وياي .. وأنته التباريني
❥━──➸➽❥💔❥━──➸➽❥💔
عالثوب أريد اليوم .. تنزل ييمه أدموم
يم والدي المسموم .. بيدچ توديني
❥━──➸➽❥💔❥━──➸➽❥💔
يوليدي من تروح .. گلي أشيصبر الروح
بس الحزن مسموح .. عگبك يسليني
❥━──➸➽❥💔❥━──➸➽❥💔
يا يمه يم جسام .. هذا الزمان أشضام
زفيني والأيام .. بالدم تحنيني
❥━──➸➽❥💔❥━──➸➽❥💔
سبحان من سواك .. هيبه أنته وشمحلاك
لالا تنضن أنساك .. كل عمري وسنيني
❥━──➸➽❥💔❥━──➸➽❥💔
جاسم وأصيح بصوت .. يا يمه أريد الموت
وي عمي عالطاغوت .. يا يمه تدريني
❥━──➸➽❥💔❥━──➸➽❥💔
نور وبرز يا ناس .. چنه الگمر عباس
بالحومه رفعة راس .. روحي ونظر عيني
❥━──➸➽❥💔❥━──➸➽❥💔
جاسم على التربان .. طاح وزماني خان
لو شفتي للشبان .. يا يمه ذكريني
❥━──➸➽❥💔❥━──➸➽❥💔
ودعته بالدمعات .. باللوعه والحسرات
لا حنه لا شمعات .. محد يهنيني
❥━──➸➽❥💔❥━──➸➽❥💔
فدوه ونذر لحسين .. جاسم ينور العين
بالدم أوفي الدين .. ما عوفن الديني
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
لطميه للقاسم عليه السلام( للعريس )
للعريس لطمن حيل عالهامه
أبساحة كربله شو گربن أيامه
❥━──➸➽❥💔❥━──➸➽❥💔
أبساحة كربله طايح على أترابه
ولطمن حيل للعريس وأمصابه
بدمه أبن الحسن متخضب أخضابه
《 بدمومه متخضب وسفه 》
❥━──➸➽❥💔❥━──➸➽❥💔
للعريس نوحن وأجرن الدمعه
بالميدان طايح وأختلف وضعه
رمله بالشباب اليوم منفجعه
《 ماذيهه يومك يالقاسم 》
❥━──➸➽❥💔❥━──➸➽❥💔
رمله أتگول ردت أوليدي أعرسله
وأعجن بيدي حنته وأنصب الكله
طاح أبكربله وأتنوح كل أهله
《 طفاهه بغيابه أعيوني 》
❥━──➸➽❥💔❥━──➸➽❥💔
جاسم للحرب هاليوم زافوفه
وحنه أيصير دمه ويترس أچفوفه
أشلون الوالده لو ميت أتشوفه
《 تبچيله وأتون أبحسره 》
❥━──➸➽❥💔❥━──➸➽❥💔
تبچي أم الولد عالولد مهضومه
أشلون أتشوف دمه صابغ أرسومه
كاشخ بالچفن ومطرگه أهدومه
《 عافاهه ما راد الدنيه 》
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
قصيده لأولاد مسلم عليهم السلام
بصوت الملة 🎤 أم يوسف
وكلمات الشاعرة ✍ نشوان الكناني
القصيدة 📚 بديوان قافلة النور