-
قالها السجاد في يوم السبي كذب الموت فما مات ابي
لطميه للوحشه( زينب يا غريبه )
زينب يا غريبه أشحالچ الليله
ما عندچ زلم تحرسلچ العيله
❥━──➸➽❥💔❥━──➸➽❥💔
الليله أبكربله يا زينب أشحالچ
غريبه وعالتراب أموسده أرجالچ
تنخيمن بعد مذبوح كفالچ
وأصواب العمد كلش هدم حيله
❥━──➸➽❥💔❥━──➸➽❥💔
هدم حيله الصواب وبيچ ما يدري
غريبه ونارچ أمن الفاجعه تسري
صحتي يا كفيلي هدموا خدري
وي ريح الهوه گمتي توصيله
❥━──➸➽❥💔❥━──➸➽❥💔
للعباس وي ريح الهوه أتوصين
تحشمينه وچنچ بيه ما تدرين
لا ضل راس عد الحيد لا چفين
طايح عالشريعه وعالت العيله
❥━──➸➽❥💔❥━──➸➽❥💔
لو ما طيحت العباس يا زينب
ما واحد تجره وللخيم گرّب
لو بي روح أبو النوماس چا ضهضب
تضل بالضيم ما يقبل مداليله
❥━──➸➽❥💔❥━──➸➽❥💔
تضل بالضيم ما يقبل عزيزاته
أبو فاضل سبع تشهدله حملاته
لو عنده زند چا عاد صولاته
لو حي العدو ما توصلچ خيله
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
لطميه لمصائب السيده زينب عليها السلام على طور أروحن وين خويه بعد الأوداع( وين عباس )
عليه الگوم دارت وين عباس
أصيحن ما گعدلي رفعت الراس
❥━──➸➽❥💔❥━──➸➽❥💔
أصيح أبصوت ما يگعد كفيلي
أخلافه أبسوط گوم أعداه تجيلي
وحرگوهه الخيم وأنهدم حيلي
وخدر أخته عزيز أشلون ينجاس
❥━──➸➽❥💔❥━──➸➽❥💔
عليه الگوم دارت برض الأطفوف
ومن دخان أخيامي كلشي ماشوف
أبهالساعه الگلب للحيد ملهوف
أريده أيگوم يلبس درعه والطاس
❥━──➸➽❥💔❥━──➸➽❥💔
سبع الگنطره ما گام اليه
ولا شاف الحبل چتفلي أديه
أميره أمدلله أو تالي سبيه
لرض الشام أروحن وي غرب ناس
❥━──➸➽❥💔❥━──➸➽❥💔
اليوم أبكربله ضليت وحدي
ولا ويلاد لا خوان عندي
أشبعده أعليه صار أبلاد جدي
متني ورّم أمن أسياط الأرجاس
❥━──➸➽❥💔❥━──➸➽❥💔
بس أعليل ضل يم النساوين
أمچتف بالسلاسل ما دره حسين
حسافه باچر أنطب الدواوين
علينه الگوم كلهه أتصير حراس
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
لطميه للأمام الحسين عليه السلام( حسين أمن المهر )
حسين أمن المهر طايح على أترابه
وأبگلبه السهم يم الخدر صابه
❥━──➸➽❥💔❥━──➸➽❥💔
حسين بيوم عاشر طاح من مهره
وأگبالچ يجر ونات يالحره
شوفيه أبرمح ويلي أنطعن خصره
لحيته من دماه يا زينب أخضابه
❥━──➸➽❥💔❥━──➸➽❥💔
شوفي لحيته يا زينب أمخضبه
ورشگ أسهام عدوانه أبوسط گلبه
ومن حر الرمل لجروح ملتهبه
وأسكينه تون وأتصيح يا يابه
❥━──➸➽❥💔❥━──➸➽❥💔
أبعيد الماي عنه أو ما شرب منه
وخيل الأعوجيه عشره داسنه
أشحالچ يوم شفتي صدره كسرنه
على التله صعدتي أبدمعه سچابه
❥━──➸➽❥💔❥━──➸➽❥💔
سند گلبچ وگع بالمعركه أبدمه
وعدوانه أعلى ذبحه اليوم متحزمه
والسجاد يبچي أو منكسر عزمه
عينه غمضت وأحترگت أطنابه
❥━──➸➽❥💔❥━──➸➽❥💔
عينه غمضت يم عون شيگعده
ولخوله ورقيه الوالي شيرده
وسفه أتخضب أبدمه الحلو خده
أحاه يا جمرته بالگلب لهابه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
لطميه لعبد الله الرضيع عليه السلام( مهضومه الرباب )
مهضومه الرباب أتصيح يوليدي
من ذبحوك ذبحو فرحتي وعيدي
❥━──➸➽❥💔❥━──➸➽❥💔
مهضومه الرباب أتصيح يا يمه
من ذبحوك صارت دنيتي ضلمه
گلبي أعليك مالوم وكثر همه
سهم الگوم گبلك كون حز جيدي
❥━──➸➽❥💔❥━──➸➽❥💔
كون أصوابهم صوبني ما صابك
يبني أشلون حالي حسين من جابك
مذبوح ودماك أمصبغه أثيابك
شفتك والمناحه صبحت فيدي
❥━──➸➽❥💔❥━──➸➽❥💔
فيدي النوح والونه ودمعتي أتسيل
من شفتك ذبيح أنهدم مني الحيل
كون الموت يقبل يالولد تبديل
يريض بيك ويگرّب مواعيدي
❥━──➸➽❥💔❥━──➸➽❥💔
كون الموت يوليدي الفده أيقبله
لفدي روحي لروحك يعبد الله
ولا أبقى بغربتي وأجرع الذله
شگول أعليك يالضيعتك أمن أيدي
❥━──➸➽❥💔❥━──➸➽❥💔
شگول أعليك يالمنك فرغ حضني
يا ماي العيون وسلوتي يبني
يومك يالمدلل حيل هدمني
بيك البين طگني وگالي بيدي
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
لطميه لعلي الأكبر عليه السلام( ما يرد أوليدي )
ما يرد أوليدي ... راح من بين أيدي
هوه كل أسنيني ... فرگته تعميني
راح من بين أيدي
❥━──➸➽❥💔❥━──➸➽❥💔
ما يرد أو ما أشوفه الچان دومه أگبالي
نومته أعلى الگاع مني اليوم شلت حالي
لو نهدته أيگوم اليه هالولد حسبالي
وسفه شال أشلون عني وعاف گلبي خالي
يابسات أرياگه ... كسر ضهري أفراگه
راح من بين أيدي
❥━──➸➽❥💔❥━──➸➽❥💔
يابسات أرياگه أشوفه والدمه أعلى أعيونه
عالتراب أبني أو حبيبي منه ذابل لونه
بعد ماشوفن ضحكته بعمري شلي أبدونه
بعز شبابه ورايح أبني ما يرد مضنونه
علي كل دنيايه ... بي جروح أهوايه
راح من بين أيدي
❥━──➸➽❥💔❥━──➸➽❥💔
كل ملامح وجهه صارت من دماه مخضوبه
عافني الربيته بيدي وأبرباه متعوبه
راحتي من عگب عينه صبحت مسلوبه
هامته الكسّرت گلبي من شفت مضروبه
حيل ما بيه بعد ... آه يفراگ الولد
راح من بين أيدي
❥━──➸➽❥💔❥━──➸➽❥💔
موش وأقع گولو فدوه هاي المصيبه حلم
أبد ما تنجرع والله حيلي منعدهه أنهدم
صدگ يعني أخلاف أبني راح أعيشن بالألم
صحت صوت الله وأكبر شنو ذنبه أو ما سلم
عذبتني نومته ... والسهام الصابته
راح من بين أيدي
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
فزاعيه لعلي الأكبر عليه السلام( بالحومه على الغبره )
نايم يا عزيز حسين
بالحومه على الغبره
❥━──➸➽❥💔❥━──➸➽❥💔
بالحومه أو يصب دمه
وأشحال الحنينه أمه
أدگ عالراس متحزمه
يفراگه صدگ كسره
❥━──➸➽❥💔❥━──➸➽❥💔
يفراگه ولا ينطاگ
يسعر بالگلب حراگ
لرسومه بعد تشتاگ
دمه سال يا حسره
❥━──➸➽❥💔❥━──➸➽❥💔
شيجيبه الولد ليهه
أمطوّل غيبته أعليهه
أدمومه اليوم جاريهه
عالتربان مطشره
❥━──➸➽❥💔❥━──➸➽❥💔
لا ما كمل العشرين
عاف أمه وأبوه حسين
وشاله دموع العين
عالطايح أمن الشگره
❥━──➸➽❥💔❥━──➸➽❥💔
عالطايح أبميدانه
وأمفلشين صيوانه
ويا ليله يحزنانه
أبنچ هشمو صدره
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
لطميه للقاسم عليه السلام( على الشبان )
على الشبان لطمن يا محبات
وگع جسام برض الغاضريات
❥━──➸➽❥💔❥━──➸➽❥💔
وگع جسام أو عمه گاصد أيجيبه
وبدمومه الشباب أتخضب أخضيبه
ومدري وين چانت هاي الأمصيبه
عزيز أمه وخواته بالحرب مات
❥━──➸➽❥💔❥━──➸➽❥💔
وگع جسام بالكون وجره دمه
وللمصرع گصدله أمن الخيم عمه
شاله من التراب أو بي رجع لمه
بيد حسين وأدمومه جريات
❥━──➸➽❥💔❥━──➸➽❥💔
على الشبان رمله الليله عيننهه
وللعريس هاللطمه دشدنهه
والزفه حسافه منحرم منهه
وچف أيده تحنه بالدمايات
❥━──➸➽❥💔❥━──➸➽❥💔
أچفوف أيده الدمايه اليوم حنتهه
وأتفطر الصخر يا رمله ونتهه
يمعزيات عيننهه بمصيبتهه
أشلون أتشوف أبنهه أعلى الترابات
❥━──➸➽❥💔❥━──➸➽❥💔
أشلون أتشوف أبنهه أموسد أترابه
ويتنازف يويلي أگبالهه أصوابه
وأدموع الحرم وياهه سچابه
أوياهه أتنوح وتبچي الفاطميات
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
لطميه للقاسم عليه السلام( زفة موت )
زفيني زفيني .. يا يمه زفيني
مو للعرس للموت .. يا يمه زفيني
❥━──➸➽❥💔❥━──➸➽❥💔
ردتك يلب أحشاي .. عون وسند دنياي
أبني وتضل وياي .. وأنته التباريني
❥━──➸➽❥💔❥━──➸➽❥💔
عالثوب أريد اليوم .. تنزل ييمه أدموم
يم والدي المسموم .. بيدچ توديني
❥━──➸➽❥💔❥━──➸➽❥💔
يوليدي من تروح .. گلي أشيصبر الروح
بس الحزن مسموح .. عگبك يسليني
❥━──➸➽❥💔❥━──➸➽❥💔
يا يمه يم جسام .. هذا الزمان أشضام
زفيني والأيام .. بالدم تحنيني
❥━──➸➽❥💔❥━──➸➽❥💔
سبحان من سواك .. هيبه أنته وشمحلاك
لالا تنضن أنساك .. كل عمري وسنيني
❥━──➸➽❥💔❥━──➸➽❥💔
جاسم وأصيح بصوت .. يا يمه أريد الموت
وي عمي عالطاغوت .. يا يمه تدريني
❥━──➸➽❥💔❥━──➸➽❥💔
نور وبرز يا ناس .. چنه الگمر عباس
بالحومه رفعة راس .. روحي ونظر عيني
❥━──➸➽❥💔❥━──➸➽❥💔
جاسم على التربان .. طاح وزماني خان
لو شفتي للشبان .. يا يمه ذكريني
❥━──➸➽❥💔❥━──➸➽❥💔
ودعته بالدمعات .. باللوعه والحسرات
لا حنه لا شمعات .. محد يهنيني
❥━──➸➽❥💔❥━──➸➽❥💔
فدوه ونذر لحسين .. جاسم ينور العين
بالدم أوفي الدين .. ما عوفن الديني
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
لطميه للأمام العباس عليه السلام( خلسهه الگوم )
خلسهه الگوم يوم الصال عباس
وزينب والحرم بي رفعن الراس
❥━──➸➽❥💔❥━──➸➽❥💔
أبيوم الصال كلهم دخلو أنذار
وج بالغاضريه الكافل النار
أو وين أيروح أبن مرجانه محتار
《 ضم راسه من طب الكافل 》
❥━──➸➽❥💔❥━──➸➽❥💔
ضم راسه ويخاف أيطيّر الراس
ويرجف من سمع هدت العباس
أبو الغيره كلف وأتهابه الناس
《 ما گدروله عباس الهد 》
❥━──➸➽❥💔❥━──➸➽❥💔
حجب نور الشمس عباس عنهم
أبسيفه اليوم تتطاير رگبهم
أنه العباس أبن حيدر يگلهم
《 بچفينه رادمهه الگوم 》
❥━──➸➽❥💔❥━──➸➽❥💔
بيده السيف يلمع كافل أم عون
وبالهدات حاربهه اليعيلون
أحتارو وين من سيفه يشردون
《 رجاهه عباس الهيبه 》
❥━──➸➽❥💔❥━──➸➽❥💔
زرع بگلوبهم برض الحرب خوف
ولا ميجامل العباس معروف
ويم المشرعه وأيدوفهم دوف
《 ساگيهه والطف أبدمهم 》
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
تجدونها مع التكمله في ديوان تناهيد الجروح الجزء الثالث للشاعرة نشوان الكناني
Читать полностью…
تجدونها مع التكمله في ديوان تناهيد الجروح الجزء الثاني للشاعرة نشوان الكناني
Читать полностью…
لطميه للأمام العباس عليه السلام( عمچ ما يرد )
كأني بالسيده زينب تخاطب السيده سكينه ماذا تقول ..
عمچ ما يرد يسكينه للخيمه
عافانه الحنين أو نام بالهيمه
❥━──➸➽❥💔❥━──➸➽❥💔
عافانه الحنين اليوم عافانه
وضل حسين وحده أبوسط عدوانه
يا سكنه أصبحت من طاح حيرانه
《 حيرانه عافاني الكافل 》
❥━──➸➽❥💔❥━──➸➽❥💔
عمچ ما يرد بالماي للعيله
والعامود من عنده هدم حيله
خلينه ندگ وأبحرگه نبچيله
《 أمضيعينه عباس الهيبه 》
❥━──➸➽❥💔❥━──➸➽❥💔
يا سكنه بعد راح البطل عنه
وگومي أتحضري للنوح والونه
گمر عدنان صگر الحرب فارگنه
《 تلگينه عالشاطي أمدد 》
❥━──➸➽❥💔❥━──➸➽❥💔
شوفي حسين أبوچ الوحّده جانه
ضهره منحني وأينوح ويانه
أيگول أتگطعت عباس ذرعانه
《 والرايه مكسوره أگباله 》
❥━──➸➽❥💔❥━──➸➽❥💔
جاب الرايه لينه حسين مكسوره
أچفوف الشايلتهه أيگول مبتوره
أتلگيته أو يگلي خويه ماجوره
《 ماجوره بالكافل گلي 》
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأثنين / ٢٦ من شهر ذي الحجة
الموافق / ٢٠٢٥/٦/٢٣
/channel/Nshwan_1999
فزاعيه للأمام العباس عليه السلام( عالهامه يشيعيه )
دگي اليوم للعباس
عالهامه يشيعيه
❥━──➸➽❥💔❥━──➸➽❥💔
للجيدوم هالليله
دگي اليوم وأبچيله
ويا عباس گوليله
نضره منك أعليه
❥━──➸➽❥💔❥━──➸➽❥💔
يالضحيت بالچفين
نضره أبجاه نحر حسين
أمسح دمعتي البالعين
ها يبن الأكباريه
❥━──➸➽❥💔❥━──➸➽❥💔
ميردچ كفيل أخته
كل هالناس گصدته
وأبزينب أمحلفته
بچفه الحاجه مگضيه
❥━──➸➽❥💔❥━──➸➽❥💔
مگضيه حوائجنه
بچف عباس الأمچنه
ولا ما نگطع الضنه
من صنگر الحربيه
❥━──➸➽❥💔❥━──➸➽❥💔
هذا الجابته حره
صنگر هد على الكفره
وخله الروس مطشره
تربيتچ يبدويه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأثنين / ٢٦ من شهر ذي الحجة
الموافق / ٢٠٢٥/٦/٢٣
/channel/Nshwan_1999
لطميه لأولاد مسلم عليهم السلام( جمرت مداليلي )
تسعر حيل يا جمرت مداليلي
مشو عني اليتامه وأنهدم حيلي
❥━──➸➽❥💔❥━──➸➽❥💔
تسعر ما طفرت بالگلب جمرتهم
وأتهدم عليهم حيل عمتهم
حلوين المعاني وهاي فرگتهم
خلتني نحيله وصحت يا ويلي
❥━──➸➽❥💔❥━──➸➽❥💔
خلتني نحيله فرگة أولادي
مشو من المخيم عني بالوادي
جمرتهم سعيره أو تحرگ أفادي
بعد ماضن عليه طاهر أيجيلي
❥━──➸➽❥💔❥━──➸➽❥💔
شيرد اليتامه وعمهم أبدمه
عالتربان نايم والعده لمه
أدورهم وأصيحن وين يا يمه
گضيته بس أدور بالدمع ليلي
❥━──➸➽❥💔❥━──➸➽❥💔
أمضيعين الدرب والليل هلجاني
زماني أعليهم أبهاليوم بچاني
والعباس أخوي أشلون خلاني
گوم أنهض لخيتك صحت يكفيلي
❥━──➸➽❥💔❥━──➸➽❥💔
گوم أنهض لخيتك شوف حالتهه
مصايب عاشر أبعاشور هدتهه
بالحومه حميده أمضيّعه أخوتهه
ومن سوط الرجس عباس تشكيلي
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأثنين / ٢٦ من شهر ذي الحجة
الموافق / ٢٠٢٥/٦/٢٣
/channel/Nshwan_1999
موشح لمسلم أبن عقيل عليهم السلام( لا تضل بالكوفه )
رد يمسلم لا تضل بالكوفه
بيهه توگع هامتك مكشوفه
❥━──➸➽❥💔❥━──➸➽❥💔
جاي وحده اليوم وين أخوانه
نقضو البيعه العده الخوانه
كلهه تطلب چتلته مولانه
يا غريب أعداه عليه مصفوفه
❥━──➸➽❥💔❥━──➸➽❥💔
رد يمسلم طوعه گالت لا تضل
سيدي بالكوفه أخافن تنچتل
يا وحيد ويا غريب أبلا أهل
حسين حالك ما يجي ويشوفه
❥━──➸➽❥💔❥━──➸➽❥💔
رد يمسلم هالوطن ما بي أمان
وأدم أبدمهه سره وسفه الخيان
بنتك أزغيره ولا شبعت حنان
يمكن أعلى شوفتك ملهوفه
❥━──➸➽❥💔❥━──➸➽❥💔
يبو طاهر گوم وأدخل داري
سيدي الليله صرت خطاري
شتت قصتك يهيبه أفكاري
گلبي زاد أعليك همه وخوفه
❥━──➸➽❥💔❥━──➸➽❥💔
خوفي لا يدرون بيك الضالمين
يبو طاهر يا أبن عم الحسين
راسك أيريدونه يبن الطاهرين
كون بيهم هالأرض مخسوفه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأثنين / ٢٦ من شهر ذي الحجة
الموافق / ٢٠٢٥/٦/٢٣
/channel/Nshwan_1999
فزاعيه للوحشه( بالميدان هالليله )
ضلن بناتك يا علي ... بالميدان هالليله
❥━──➸➽❥💔❥━──➸➽❥💔
ما عدهن أخيام أو ولي
ضلن بناتك بالخلي
وأم عون صاحت يا هلي
گلبي تهدم حيله
❥━──➸➽❥💔❥━──➸➽❥💔
يبچن الليله أشحالهن
وأعلى التراب أرجالهن
والروس كلهه أگبالهن
سكنه دمعهه أتسيله
❥━──➸➽❥💔❥━──➸➽❥💔
گوملهن أو شوف أشسده
نسوان ما بين العده
وكل النشامه أموسده
وتاهت جميع العيله
❥━──➸➽❥💔❥━──➸➽❥💔
وأبليلة الحادي عشر
رادنك أعليهن تمر
وأتشوف يضربهن شمر
وحسين داسه أبخيله
❥━──➸➽❥💔❥━──➸➽❥💔
وحسين كسروله الضلع
وگلب العزيزه منفجع
هالليله بس تجري الدمع
ماكو ولي أو تشكيله
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
لطميه للأمام الحسين عليه السلام( بالميدان أخليك )
يخويه أشلون بالميدان أخليك
وعالتربان ما وأحد أمغطيك
❥━──➸➽❥💔❥━──➸➽❥💔
على التربان ويلي جسمك أرهينه
وخيل أعداك ساحگتك يوالينه
ومصيوب أبرمح گلبك يبو أسكينه
ولا حفريت حفره وبيهه أواريك
❥━──➸➽❥💔❥━──➸➽❥💔
بالميدان خليتك يبعد أسمي
على حالك نحل يحسين كل جسمي
يريت الخيل تسحگني وتطگ عضمي
ولا بعيوني أشوفن تسحگ أعليك
❥━──➸➽❥💔❥━──➸➽❥💔
مشيت أو عايفتك فوگ الأترابه
ونارك بالگلب تچويني لهابه
غبت يحسين وأنته اليكلف أغيابه
ومن حر الشمس لجروح تاذيك
❥━──➸➽❥💔❥━──➸➽❥💔
بس الراس ضل وياي أشوفنه
ينزف عالرمح وأنه أجهر ونه
أيرتل سورة القرآن أسمعنه
وأنه أعلى الهزل يحسين وأبچيك
❥━──➸➽❥💔❥━──➸➽❥💔
راسك عالرمح وأيعاين أعليه
يهمل دمعته لو ضربو أرقيه
يوالينه أنفطر گلبي أعلى الأبنيه
وهذا أوداعنه ولا بعد الأگيك
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
لطميه للأمام الحسين عليه السلام( نوم المگبره )
موش ألك يحسين نوم المگبره
ما ترد وحدهه تدريهه المره
❥━──➸➽❥💔❥━──➸➽❥💔
موش ألك يابو علي هالنومه
والعقيله أمحيره ومهضومه
من مصابك تنحب أو مالومه
ما دريت أشصار بيهه الطاهره
❥━──➸➽❥💔❥━──➸➽❥💔
ما دريت أبزينب أشصار وسده
مشت عنك وأنته جثه أمدده
لأرض كوفه وشام حاديهه حده
يا حسين أختك خذوهه أميسره
❥━──➸➽❥💔❥━──➸➽❥💔
راحت أختك والحبل بيديهه
يا حسين السوط أثر بيهه
أتريد عباسك يجي أيحاميهه
وسفه صگار الأعادي ما دره
❥━──➸➽❥💔❥━──➸➽❥💔
گوم من نومك يشيخ الساده
هالشمر عگبك عليهه أتماده
من عگب عباس وأستشهاده
صارت أختك بالحريم أمحيره
❥━──➸➽❥💔❥━──➸➽❥💔
موش ألك نوم الترب يا هيبه
أنته أصل الجود وأصل الطيبه
عن أخيتك طوّليت الغيبه
مشت مسبيه أبحبل متجرجره
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
لطميه لعبد الله الرضيع عليه السلام( بنبلة حرمله )
بنبلة حرمله عبدالله مذبوح
بيد حسين ويلي أمفرفحه الروح
❥━──➸➽❥💔❥━──➸➽❥💔
بنبلة حرمله مذبوح أبنه
على أگماطه الدمايه أتسيل منه
ببن حسين مفجوعين كلنه
گلبي أعلى الزغير أهوايه مجروح
❥━──➸➽❥💔❥━──➸➽❥💔
أسمعنهه الرباب أتون للوليد
در منهه الصدر وأعزيزهه أتريد
عبدالله أنذبح ويلي أمن الأوريد
يا دم منحره هاليوم مسفوح
❥━──➸➽❥💔❥━──➸➽❥💔
عنچ يالرباب أوليدچ أيشيل
خلوان المهد وأتهدم الحيل
تذكرينه يناغي من يجي الليل
والونه تزيد أبحسره والنوح
❥━──➸➽❥💔❥━──➸➽❥💔
هاي الليله حس عبدالله مفگود
وأبحضن أمه شو ما شوفه موجود
گلبي أمن السده والصار ممرود
من أگماطه عطره أبكربله أيفوح
❥━──➸➽❥💔❥━──➸➽❥💔
أنه أم الخدر شفت العجايب
دمعي أعلى الرضيع المات ساچب
وأعليه أبغرب دارت مصايب
عگب أهل المحنه للسبي أنروح
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
موشح لعلي الأكبر عليه السلام( شباب حسين )
يا شباب حسين طاح أبمصرعه
بالسيوف اليوم جثته أمگطعه
❥━──➸➽❥💔❥━──➸➽❥💔
يا شباب حسين من أحصانه
طاح مصيوب أبنبل عدوانه
والدمايه أعلى الترب جريانه
أشحال زينب بت علي أبهالفاجعه
❥━──➸➽❥💔❥━──➸➽❥💔
ساعد الله اليوم گلب حسينه
بالسيوف الأكبر أموذرينه
أتمددت فوگ الترب رجلينه
ميت المظلوم بيده رجعه
❥━──➸➽❥💔❥━──➸➽❥💔
ميت المظلوم جاب أوليده
حطه بالخيمه ذبيح أوريده
عالمنايه حسين چا وأشبيده
بعد حس أبنه علي ما يسمعه
❥━──➸➽❥💔❥━──➸➽❥💔
ليله من جابو أبنهه أگبالهه
شافته بدمه وفجع دلالهه
أتغيرت من مات كل أحوالهه
گعدت أتشمه أو تون وأتودعه
❥━──➸➽❥💔❥━──➸➽❥💔
بالمخيم گعدت أتودع الولد
يگعد أتريده أو حسافه ما گعد
لبت أحشاهه مشه الليله بعد
عمته وأمه أگلوبهن متروعه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
فزاعيه للقاسم عليه السلام( خل نلطم سوه الليله )
نار أبنچ يرمله تسعر بروحي
وأنه عمّته وجروحچ أجروحي
خل أنحط سويه نوحچ ونوحي
أنه أوياچ عالعريس
خل نلطم سوه الليله
❥━──➸➽❥💔❥━──➸➽❥💔
أنه وياچ يا رمله
للعريس نلطمله
خله الحوفه والكله
وبت حسين تبچيله
❥━──➸➽❥💔❥━──➸➽❥💔
بت حسين شوفيهه
أعلى وليدچ بواچيهه
تعالي خل نعازيهه
عزه وملطم نسويله
❥━──➸➽❥💔❥━──➸➽❥💔
گومي نروح يم سكنه
يا رمله ونجر ونه
يوم أبنچ الهدمنه
صعب كلش برد حيله
❥━──➸➽❥💔❥━──➸➽❥💔
برد حيل الفراگيه
صعبه وماهي أشويه
شسوت بيچن وبيه
گضتني وروحي أنحيله
❥━──➸➽❥💔❥━──➸➽❥💔
گضتني وروحي تعبانه
عالزفو الميدانه
بعد هيهات ملگانه
أبنچ سفرته أطويله
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
لطميه للقاسم عليه السلام( للعريس )
للعريس لطمن حيل عالهامه
أبساحة كربله شو گربن أيامه
❥━──➸➽❥💔❥━──➸➽❥💔
أبساحة كربله طايح على أترابه
ولطمن حيل للعريس وأمصابه
بدمه أبن الحسن متخضب أخضابه
《 بدمومه متخضب وسفه 》
❥━──➸➽❥💔❥━──➸➽❥💔
للعريس نوحن وأجرن الدمعه
بالميدان طايح وأختلف وضعه
رمله بالشباب اليوم منفجعه
《 ماذيهه يومك يالقاسم 》
❥━──➸➽❥💔❥━──➸➽❥💔
رمله أتگول ردت أوليدي أعرسله
وأعجن بيدي حنته وأنصب الكله
طاح أبكربله وأتنوح كل أهله
《 طفاهه بغيابه أعيوني 》
❥━──➸➽❥💔❥━──➸➽❥💔
جاسم للحرب هاليوم زافوفه
وحنه أيصير دمه ويترس أچفوفه
أشلون الوالده لو ميت أتشوفه
《 تبچيله وأتون أبحسره 》
❥━──➸➽❥💔❥━──➸➽❥💔
تبچي أم الولد عالولد مهضومه
أشلون أتشوف دمه صابغ أرسومه
كاشخ بالچفن ومطرگه أهدومه
《 عافاهه ما راد الدنيه 》
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
لطميه للأمام العباس عليه السلام( هله أبعباس )
هله أبعباس طب للكون خيال
گصده ايجيب ماي ويروي العيال
❥━──➸➽❥💔❥━──➸➽❥💔
طب خيال للكون أعلى الگحيله
گصده أيجيب الميه المداليله
مهيوب وشجاع وغيرته أتشيله
وزلزل كونهه أو حير الأنذال
❥━──➸➽❥💔❥━──➸➽❥💔
زلزل كونهه العباس الأمچنه
حيد ومرجلاني شگد حچو عنه
وسيفه بالحرب يا ناس اله رنه
وخلاهم جثث نومه أعلى الأرمال
❥━──➸➽❥💔❥━──➸➽❥💔
خلاهم جثث وأتلول سواهم
وغرگهم كفيل أم عون بدماهم
وهالسبعين أبو النوماس بچاهم
كفو ونعمين منه سبع الأرجال
❥━──➸➽❥💔❥━──➸➽❥💔
أبروحه أيريد يفدي مهجة الزهره
هله أبعباس حره الجابته حره
وكلمن گابله بسيفه گطع نحره
مثل حيدر علي لو ضهضب وصال
❥━──➸➽❥💔❥━──➸➽❥💔
هله أبعباس من طب الميادينه
أينادي أبصوت عالي أبن سعد وينه
المنهم فنه يوصل حد أبو سكينه
بسبع العلگمي أيضربون الأمثال
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
لطميه للأمام العباس عليه السلام( گص أچفوف عباس )
أشلون السيف گص أچفوف عباس
وهاي الما أعقلهه وصعبه يا ناس
❥━──➸➽❥💔❥━──➸➽❥💔
أشلون السيف گص چف الشفيه
وصعبه أهواي ما هانت عليه
أتوسد كافلي أعلى العلگميه
أبعامود الحديد أنصاب عالراس
❥━──➸➽❥💔❥━──➸➽❥💔
أبعامود الحديد أنصاب يا حيف
وعالتربان منه طايح السيف
راح الحيد السيفه الما يرد ضيف
أنگطعت يا حسافه منه الأنفاس
❥━──➸➽❥💔❥━──➸➽❥💔
على العباس أون أبنص الأخيام
ومن بعده سهيره العين متنام
مشه وخلاهه عندي تبچي الأيتام
ويا عينه أنعمت من سهم الأرجاس
❥━──➸➽❥💔❥━──➸➽❥💔
صدگ عباس راح أو ما يجينه
ويم العلگمي مصيوبه عينه
مشه ساقينه وحماي الضعينه
الثايه من بعد عيناه تنداس
❥━──➸➽❥💔❥━──➸➽❥💔
أشلون الجابني بحمايته اليوم
وگع عالعلگمي أو غارج بالأدموم
وأبو السجاد رادو منحره الگوم
وأريده أيگوم راعي الدرع والطاس
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
تجدونها مع التكمله في ديوان قافلة النور للشاعرة نشوان الكناني
Читать полностью…
لطميه للأمام العباس عليه السلام( يسطر من يهد )
يسطر من يهد عباس عالهامه
ومن عنده الشمر تتراجف أزلامه
❥━──➸➽❥💔❥━──➸➽❥💔
يسطر من يهد وتوجع السطره
ومن حيدر كفيل أخته خذه شمره
خلاهه الجثث بالحرب مطشره
《 يرعد بي الطف الكافل 》
❥━──➸➽❥💔❥━──➸➽❥💔
يرعد من نزل عباس ميدانه
رفعت راس أبو فاضل الخوانه
طر الگوم يوم السرفن أردانه
《 بحملاته أيطيح ميه 》
❥━──➸➽❥💔❥━──➸➽❥💔
ساحگ روسهم والموت ما هابه
طب أو صاح عندي أوياكم أطلابه
وبنص الحرب ماي النهر جابه
《 بچفينه يترسهه الجربه 》
❥━──➸➽❥💔❥━──➸➽❥💔
بس أسمه الگمر بين العرب كافي
ومن خوفه الشمر يمكن مشه حافي
صاح أبصوت ماخذ من علي أوصافي
《 اله أگضيهه بالطف أيصيح 》
❥━──➸➽❥💔❥━──➸➽❥💔
عباس السبع والكل يهابونه
والفرسان ما گدرو يطيحونه
الرايه أترفرف الضيغم على أمتونه
《 گصاهه الروس أبسيفه 》
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ٢٧ من شهر ذي الحجة
الموافق / ٢٠٢٥/٦/٢٤
/channel/Nshwan_1999
لطميه للأمام العباس عليه السلام( يم المشرعه )
يم المشرعه صنگر الحربيه
مگطوع الچفوف وعينه معميه
❥━──➸➽❥💔❥━──➸➽❥💔
يم المشرعه متصوب أبعينه
وما يگعد يجيب الماي لسكينه
طاحت رايته الكافل وچفينه
أتعاين عالدرب ضلت الحوريه
❥━──➸➽❥💔❥━──➸➽❥💔
أتعاين عالدرب والگلب لازمته
أتصيح أتأخر العباس عن أخته
وبس حسين يمشي أنحيل شافته
وجهه اليوم متغيره معانيه
❥━──➸➽❥💔❥━──➸➽❥💔
من عباس جاب حسينهه الرايه
بيده أتشوف يا ويلي أمدمايه
گلهه كافلچ ما رجع ويايه
عفته أعلى النهر سبع الشجاعيه
❥━──➸➽❥💔❥━──➸➽❥💔
يم المشرعه يم الخدر عفته
وللخيمه الكفيل أوياي ما جبته
أچفوفه أمگطعه وأسهام شابگته
وما يرجع بعد يالجابچ أبفيه
❥━──➸➽❥💔❥━──➸➽❥💔
دگت زينب أعلى الراس وأبحرگه
وشهگت عالكفيل أو تخنگ الشهگه
مثله أتگول وين أنحصل أو نلگه
راح أيجيب ماي وما رجع ليه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأثنين / ٢٦ من شهر ذي الحجة
الموافق / ٢٠٢٥/٦/٢٣
/channel/Nshwan_1999
لطميه لأولاد مسلم عليهم السلام( يهل الخيل )
يهل الخيل دلوني أعلى الأولاد
وفرو من أديه أبذني الأوهاد
❥━──➸➽❥💔❥━──➸➽❥💔
دلوني على أولادي
فرو مني بالوادي
مدري بيهم أشسادي
وأنشد بالعده والنشد ما فاد
❥━──➸➽❥💔❥━──➸➽❥💔
وأنشد ما يحاچوني
على أبني ما يدلوني
أجو بالسوط ضربوني
صحت وينك يبعد أختك يوراد
❥━──➸➽❥💔❥━──➸➽❥💔
أجه الظالم وضرباني
بسياطه أو شتماني
يا عباس هضماني
يگلي ناخذچ بدروب الأبعاد
❥━──➸➽❥💔❥━──➸➽❥💔
أمشي للسبي يردون
وأخليكم جثث بالكون
ضاع الولد ما تدرون
وأختكم حايره ومحنية أفاد
❥━──➸➽❥💔❥━──➸➽❥💔
يهل الزود محتاره
وأبني مدري بخباره
وگلبي ولا هدت ناره
چانون أبدليلي يفور وگاد
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأثنين / ٢٦ من شهر ذي الحجة
الموافق / ٢٠٢٥/٦/٢٣
/channel/Nshwan_1999
لطميه لأولاد مسلم عليهم السلام( صاحو أعليه )
حس أولاد مسلم صاحو أعليه
وفرو وين من هجمت بني ميه
❥━──➸➽❥💔❥━──➸➽❥💔
چنهم صاحو أعليه دلحگينه
ويا عمه يزينب ليچ ردينه
صار الليل وأحنه أنوح ضلينه
ونرجف خايفين أبدمعه مجريه
❥━──➸➽❥💔❥━──➸➽❥💔
مني فرو أبحرگ الخيم بزري
وخال أبني على التربان ما يدري
راسه منگطع والدم صبح يجري
وباچر رايحه أعلى الجمل مسبيه
❥━──➸➽❥💔❥━──➸➽❥💔
للخوان أجيت أبحسره أگعدهم
دورولي اليتامه اليوم أگللهم
بالوادي مشو وأعليه شيردهم
محنيه صرت من حزني محنيه
❥━──➸➽❥💔❥━──➸➽❥💔
محزونه وغريبه وحانيه الرگبه
وضاع أبني الزغير وما أندل دربه
أحشّم من يدوره وأنه بالغربه
والعدوان ما بيهم محنيه
❥━──➸➽❥💔❥━──➸➽❥💔
ما بيهم محنيه ولا شيمه
گمت أركض وأدور وحدي بالهيمه
على ابني والگلب زاد وكثر ضيمه
زماني أبيوم عاشر ما رحم بيه
❥━──➸➽❥💔❥━──➸➽❥💔
محتاره بهل گلبي البگو نومه
والويلاد فرو عني بالحومه
وينه الگه الولد شو ضاعت أرسومه
وما أدري زماني وين تاليّه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأثنين / ٢٦ من شهر ذي الحجة
الموافق / ٢٠٢٥/٦/٢٣
/channel/Nshwan_1999
لطميه لمسلم أبن عقيل عليهم السلام( بو طاهر الليله )
بالكوفه وگع بو طاهر الليله
چا وين الهواشم خل تجي أتشيله
❥━──➸➽❥💔❥━──➸➽❥💔
بالكوفه وگع من قصر الأيماره
وحده يا حسافه أو قلت أنصاره
صوب حسين راحت مسلم أخباره
《 شيل الهيبه يحسين أحضر 》
❥━──➸➽❥💔❥━──➸➽❥💔
هاي أول مصيبه من بي هاشم
مسلم طايح أو ما بي عضم سالم
ولا خيّر فزع للهيبه يا وادم
《 أيدوسونه مسلم بالخيل 》
❥━──➸➽❥💔❥━──➸➽❥💔
طگ أعضام صدره وطوعه تسمعهه
على الهامه تدگ وأيسيل مدمعهه
يا ضنوة عقيل ويومه يفجعهه
《 مفجوعه بمصاب الوالي 》
❥━──➸➽❥💔❥━──➸➽❥💔
جابو جثته أو بالسوگ خلوهه
من الحر حسافه ما يغطوهه
تون طوعه الشريفه وحيل فجعوهه
《 أمصوبينه مسلم عدوانه 》
❥━──➸➽❥💔❥━──➸➽❥💔
وينك يا علي يا حاضر الشده
شوف الحيد مسلم بالغرب وحده
بس طوعه التنصره أو ضلت أبسده
《 أتون اليوم الحزنانه 》
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأثنين / ٢٦ من شهر ذي الحجة
الموافق / ٢٠٢٥/٦/٢٣
/channel/Nshwan_1999