-
قالها السجاد في يوم السبي كذب الموت فما مات ابي
مـا كان الغديـر ألا أشهار لولايـة
عـلي بـن ابي طالب سلام الله عليه
ان الغديـر عالم الذر يوم اخذ الله
ميثاقـه مـن الناس ان ولـيكم عـلي
بـن ابـي طالـب هـنيئا لمن وآلـه علي وبايـع علي وأمـن بـعلي وتبـرأ مـن اعدائـه
ألا مـن كنـت مـولاه فـ هذا عـلي مـولاه 🌹🩵
فزاعيه للقاسم عليه السلام( خل نلطم سوه الليله )
نار أبنچ يرمله تسعر بروحي
وأنه عمّته وجروحچ أجروحي
خل أنحط سويه نوحچ ونوحي
أنه أوياچ عالعريس
خل نلطم سوه الليله
❥━──➸➽❥💔❥━──➸➽❥💔
أنه وياچ يا رمله
للعريس نلطمله
خله الحوفه والكله
وبت حسين تبچيله
❥━──➸➽❥💔❥━──➸➽❥💔
بت حسين شوفيهه
أعلى وليدچ بواچيهه
تعالي خل نعازيهه
عزه وملطم نسويله
❥━──➸➽❥💔❥━──➸➽❥💔
گومي نروح يم سكنه
يا رمله ونجر ونه
يوم أبنچ الهدمنه
صعب كلش برد حيله
❥━──➸➽❥💔❥━──➸➽❥💔
برد حيل الفراگيه
صعبه وماهي أشويه
شسوت بيچن وبيه
گضتني وروحي أنحيله
❥━──➸➽❥💔❥━──➸➽❥💔
گضتني وروحي تعبانه
عالزفو الميدانه
بعد هيهات ملگانه
أبنچ سفرته أطويله
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
السبت / ١٧ من شهر ذي الحجة
الموافق / ٢٠٢٥/٦/١٤
/channel/Nshwan_1999
فزاعيه للمسير( وأدياره أمغلگهه )
شال أضعونه أبو السجاد
وأدياره أمغلگهه
❥━──➸➽❥💔❥━──➸➽❥💔
ليش أمغلگ الديران
ماشي ومآخذ الشبان
والنسوان والرضعان
وأضعونه لراضي البين سايگهه
❥━──➸➽❥💔❥━──➸➽❥💔
سايگهه لراضي البين
ماشي ومآخذ السبعين
شو مسرع يمير حسين
وأشوفن رأيته العباس علگهه
❥━──➸➽❥💔❥━──➸➽❥💔
علگهه البطل وأترف
متعنين لرض للطف
گلب أم الحزن يرجف
من شهر المصايب خايفه حگهه
❥━──➸➽❥💔❥━──➸➽❥💔
خوفهه شهر عاشور
ذبح حسين بي مذكور
البين أعلى الضعينه أيدور
تمشي والحزن زينب أمرافگهه
❥━──➸➽❥💔❥━──➸➽❥💔
يمشي الحزن وياهه
ومتوچله أعلى ولياهه
زينب زاد مبچاهه
تدري أهناك أبو اليمه يفارگهه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
السبت / ١٧ من شهر ذي الحجة
الموافق / ٢٠٢٥/٦/١٤
/channel/Nshwan_1999
لطميه للقاسم عليه السلام( على الشبان )
على الشبان لطمن يا محبات
وگع جسام برض الغاضريات
❥━──➸➽❥💔❥━──➸➽❥💔
وگع جسام أو عمه گاصد أيجيبه
وبدمومه الشباب أتخضب أخضيبه
ومدري وين چانت هاي الأمصيبه
عزيز أمه وخواته بالحرب مات
❥━──➸➽❥💔❥━──➸➽❥💔
وگع جسام بالكون وجره دمه
وللمصرع گصدله أمن الخيم عمه
شاله من التراب أو بي رجع لمه
بيد حسين وأدمومه جريات
❥━──➸➽❥💔❥━──➸➽❥💔
على الشبان رمله الليله عيننهه
وللعريس هاللطمه دشدنهه
والزفه حسافه منحرم منهه
وچف أيده تحنه بالدمايات
❥━──➸➽❥💔❥━──➸➽❥💔
أچفوف أيده الدمايه اليوم حنتهه
وأتفطر الصخر يا رمله ونتهه
يمعزيات عيننهه بمصيبتهه
أشلون أتشوف أبنهه أعلى الترابات
❥━──➸➽❥💔❥━──➸➽❥💔
أشلون أتشوف أبنهه أموسد أترابه
ويتنازف يويلي أگبالهه أصوابه
وأدموع الحرم وياهه سچابه
أوياهه أتنوح وتبچي الفاطميات
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
السبت / ١٧ من شهر ذي الحجة
الموافق / ٢٠٢٥/٦/١٤
/channel/Nshwan_1999
لطميه للعليله عليها السلام( من تنوحين )
حگچ يالعليله من تنوحين
أبداره أشلون خلاچ ومشه حسين
❥━──➸➽❥💔❥━──➸➽❥💔
حگچ لو بچيتي ومدمعچ هالي
أبداره أشلون خلاچ ومشه الوالي
أبعيده سفرته ومايرد للتالي
أخذني وياك ضليتي تصيحن
❥━──➸➽❥💔❥━──➸➽❥💔
أخذني وياك ضليتي تگليله
ضعني ويه الضعون الشايله شيله
اليوم حسين يا مدمع بچيتيله
يبس دمعچ ولا ضل ماي بالعين
❥━──➸➽❥💔❥━──➸➽❥💔
ما ضل ماي بالعين وتهلينه
طلعتي حافيه وردتي تعطلينه
صحتي أشواي ريضلي يبو سكينه
أريد أوادعك يبن الميامين
❥━──➸➽❥💔❥━──➸➽❥💔
أريد أوادعك ريضلي أضعونك
ماشي وخافيه أهل الشر يغدرونك
أسم الله أعليك من گوم اليكرهونك
عليك مجيشه جيوش الملاعين
❥━──➸➽❥💔❥━──➸➽❥💔
بالوادي عليك مجيشين أعداك
شنهي ضلتي أبدارك أخذني أوياك
ماترهم حياتي يالولي أبلياك
أريد أوياك أموتن بالميادين
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الجمعة / ١٦ من شهر ذي الحجة
الموافق / ٢٠٢٥/٦/١٣
/channel/Nshwan_1999
لطميه للأمام الحسين عليه السلام( محد دافنه الليله )
ضل حسين محد دافنه الليله
بلايه أثياب ذاري الترب تغسيله
❥━──➸➽❥💔❥━──➸➽❥💔
زينب بالسبي عبرت على ناگه
شافت جسم أخوهه تگله مشتاگه
محد دافنك والشمس حراگه
ما عندي چفن يحسين بس شيله
❥━──➸➽❥💔❥━──➸➽❥💔
بس الشيله ظلت خويه تحميني
چا غطيت جسمك يا بعد عيني
محد يرضه أضل يمك يخليني
چا غسلتك أو چفنتك الليله
❥━──➸➽❥💔❥━──➸➽❥💔
لو يرضه الشمر يحسين ما عفتك
چا ضليت يمك خويه غسلتك
بيدي أچفان أجيب وخويه چفنتك
ما يرضه الشمر خويه شنسويله
❥━──➸➽❥💔❥━──➸➽❥💔
عمت عيني الشمس شمسويه برسومك
ريت اليوم يومي أو خويه مو يومك
شمسويه العده ما خلت أهدومك
شدعي أعلى الشمر يا خويه شدعيله
❥━──➸➽❥💔❥━──➸➽❥💔
ليش بلا دفن جسمك على التربان
وأنته الگاع گاعك وأنته أبو الگيعان
أول تالي ما صح يمكم الدفان
الله الخله بسمك گاعه تسجيله
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الجمعة / ١٦ من شهر ذي الحجة
الموافق / ٢٠٢٥/٦/١٣
/channel/Nshwan_1999
لطميه للعليله عليها السلام( بس تهمل أعيوني )
الليله أشمالهه بس تهمل أعيوني
أضن أهل المحنه راح يجفوني
❥━──➸➽❥💔❥━──➸➽❥💔
يجري الليل كله ولا نشف دمعي
وگلبي تفور ناره وأختلف وضعي
أشوف أهلي أطلعو وأنه أنكسر ضلعي
وراهم حيل أصيحن لا تخلوني
❥━──➸➽❥💔❥━──➸➽❥💔
وراهم كمت أصيحن حيل ريضولي
يالشلتو المحامل شيلو أحمولي
بالديران ضلي لا تگلولي
ما بيه أعلى فرگاكم تعرفوني
❥━──➸➽❥💔❥━──➸➽❥💔
ما بيه أعلى فرگاكم بعد قوه
يكتلني بعدكم يهل المروه
أخذوني أويه الضعون الشايله فدوه
يهضمني الموادع لا تودعوني
❥━──➸➽❥💔❥━──➸➽❥💔
يهضمني الموادع ما أريدنه
شلي أبيتكم خلوان أشوفنه
يحبابي سفركم خايفه منه
أريد أوياكم أمشي لا تردوني
❥━──➸➽❥💔❥━──➸➽❥💔
أريد أوياكم أمشي وخايفه أعليكم
لو رحتو من أديه وين الأگيكم
عفتوني تهل عيني أبمبانيكم
وعله فوگ علتي چمليتوني
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الخميس / ١٥ من شهر ذي الحجة
الموافق / ٢٠٢٥/٦/١٢
/channel/Nshwan_1999
بمناسبة قرب موعد شهر محرم الحرام
يتوفر ديوان رحلة الأحزان في مكتبة دار الدعاء العنوان البصرة العشار شارع المطاعم قرب شارع الكويت
التواصل 07738134009
السلام عليكم خدام الحسين عليه السلام
ديوان تناهيد الجروح الجزء الثالث
وديوان قافلة النور الخاص بعشرة محرم
تجدونها بهاي المكاتب 👇👇
1- البصرة
مكتبة دار الدعاء
07716860773
●●●●●●●●●●●●●●●
2- البصرة الگرنه
مكتبة الغدير
07712668559
●●●●●●●●●●●●●●●
3- كربلاء
مكتبة الكفيل
07724112934
●●●●●●●●●●●●●●●
4- الناصرية
مكتبة أبو محمد
07705504973
●●●●●●●●●●●●●●●
5- الكوت الحي
مكتبة القبس
07829396624
●●●●●●●●●●●●●●●
6- الحلة
مكتبة الحسن المجتبى
07806772872
●●●●●●●●●●●●●●●
7- الناصرية
مكتبة نور الزهراء
07808201784
●●●●●●●●●●●●●●●
8- البصرة المدينة
مكتبة الأمام الصادق
07705644357
●●●●●●●●●●●●●●●
9- . بغداد
سوق الأولى
أبراهيم المعوق
●●●●●●●●●●●●●●●
10- بغداد
مكتبة الغدير
07711395580
●●●●●●●●●●●●●●●
11- النجف
حسن الطريحي
07832535076
●●●●●●●●●●●●●●●
12- مكتبة العليله
البصرة
07705677443
●●●●●●●●●●●●●●●
13- مكتبة سيد مؤمل الهاشمي
ميسان
07732026735
●●●●●●●●●●●●●●●
14- مكتبة أبو تيسير
البصرة الزبير
07711719920
●●●●●●●●●●●●●●●
15- مكتبة البحار
كربلاء المقدسة
07602403290
●●●●●●●●●●●●●●●
16- مكتبة أنوار الزهراء
البصرة
07830177501
●●●●●●●●●●●●●●●
ملاحظة / يوجد خدمة توصيل لكافة المحافظات 🚙🚙🚙🚙🚙🚙🚙
صدر حديثاً
ديوان
قافلة النور
لشاعره آهل البيت نشوان الكناني
خاص بالعشرة الأولى من محرم الحرام 😭💔
محرم الحرام لسنة ( 2025 )
مكتبة المهيمن بغداد ( ابو نور )
للأتصال تلغرام _ وتساب
07801182354/v/07707983011
صدر حديثاً 💥💥💥
ديوان
تناهيد الجروح ج ٢
خاص،،، من العليله إلى الدفنه 😭😭
لشاعره اهل البيت نشوان الكناني
شهر محرم الحرام ٢٠٢٥
مكتبة دار الأمير النجف الاشرف سوق الحويش 📖📖📖
لطميه لعلي الأكبر عليه السلام( ما يرد أوليدي )
ما يرد أوليدي ... راح من بين أيدي
هوه كل أسنيني ... فرگته تعميني
راح من بين أيدي
❥━──➸➽❥💔❥━──➸➽❥💔
ما يرد أو ما أشوفه الچان دومه أگبالي
نومته أعلى الگاع مني اليوم شلت حالي
لو نهدته أيگوم اليه هالولد حسبالي
وسفه شال أشلون عني وعاف گلبي خالي
يابسات أرياگه ... كسر ضهري أفراگه
راح من بين أيدي
❥━──➸➽❥💔❥━──➸➽❥💔
يابسات أرياگه أشوفه والدمه أعلى أعيونه
عالتراب أبني أو حبيبي منه ذابل لونه
بعد ماشوفن ضحكته بعمري شلي أبدونه
بعز شبابه ورايح أبني ما يرد مضنونه
علي كل دنيايه ... بي جروح أهوايه
راح من بين أيدي
❥━──➸➽❥💔❥━──➸➽❥💔
كل ملامح وجهه صارت من دماه مخضوبه
عافني الربيته بيدي وأبرباه متعوبه
راحتي من عگب عينه صبحت مسلوبه
هامته الكسّرت گلبي من شفت مضروبه
حيل ما بيه بعد ... آه يفراگ الولد
راح من بين أيدي
❥━──➸➽❥💔❥━──➸➽❥💔
موش وأقع گولو فدوه هاي المصيبه حلم
أبد ما تنجرع والله حيلي منعدهه أنهدم
صدگ يعني أخلاف أبني راح أعيشن بالألم
صحت صوت الله وأكبر شنو ذنبه أو ما سلم
عذبتني نومته ... والسهام الصابته
راح من بين أيدي
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الخميس / ١٥ من شهر ذي الحجة
الموافق / ٢٠٢٥/٦/١٢
/channel/Nshwan_1999
مربعه لمصائب السيده زينب في كربلاء( وأتگول عذروني )
زينب ماشيه وأتگول عذروني
وأدفنكم ردت وأعداي منعوني
❥━──➸➽❥💔❥━──➸➽❥💔
زينب ماشيه وأتگول يالوليان
عذروني يمن ظليتو بالميدان
أدفنكم ردت ما قبلو العدوان
تره أنه الگوم عنكم غصب مشوني
❥━──➸➽❥💔❥━──➸➽❥💔
مشوني غصب يهلي العذر عدكم
لو بيدي يخوتي ما أفارگكم
أتمنه أظل وبدمعي أغسلكم
عليكم راح تعمه أمن البچي أعيوني
❥━──➸➽❥💔❥━──➸➽❥💔
أعيوني بس تهل ما كفن المدمع
وأذكركم يخوتي أو گلبي يتگطع
من خليتكم نيام بالمصرع
ضحايه أمن العده ما خلصيتوني
❥━──➸➽❥💔❥━──➸➽❥💔
ضحايه أبكربله خليتكم يهلي
نومه والذبحكم يحدي أبحملي
متشمت ولي ما عندچ أيگلي
وآمر عالعده وبالسوط ضربوني
❥━──➸➽❥💔❥━──➸➽❥💔
آمر عالعده بالسوط تضربني
جدي المصطفى المختار ماچني
شبيدي أعلى الزمان الهيچ ضيعني
خله أجناب عگب العز يهضموني
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأربعاء / ١٤ من شهر ذي الحجة
الموافق / ٢٠٢٥/٦/١١
/channel/Nshwan_1999
لطميه للأمام الحسين عليه السلام( بالميدان أخليك )
يخويه أشلون بالميدان أخليك
وعالتربان ما وأحد أمغطيك
❥━──➸➽❥💔❥━──➸➽❥💔
على التربان ويلي جسمك أرهينه
وخيل أعداك ساحگتك يوالينه
ومصيوب أبرمح گلبك يبو أسكينه
ولا حفريت حفره وبيهه أواريك
❥━──➸➽❥💔❥━──➸➽❥💔
بالميدان خليتك يبعد أسمي
على حالك نحل يحسين كل جسمي
يريت الخيل تسحگني وتطگ عضمي
ولا بعيوني أشوفن تسحگ أعليك
❥━──➸➽❥💔❥━──➸➽❥💔
مشيت أو عايفتك فوگ الأترابه
ونارك بالگلب تچويني لهابه
غبت يحسين وأنته اليكلف أغيابه
ومن حر الشمس لجروح تاذيك
❥━──➸➽❥💔❥━──➸➽❥💔
بس الراس ضل وياي أشوفنه
ينزف عالرمح وأنه أجهر ونه
أيرتل سورة القرآن أسمعنه
وأنه أعلى الهزل يحسين وأبچيك
❥━──➸➽❥💔❥━──➸➽❥💔
راسك عالرمح وأيعاين أعليه
يهمل دمعته لو ضربو أرقيه
يوالينه أنفطر گلبي أعلى الأبنيه
وهذا أوداعنه ولا بعد الأگيك
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأربعاء / ١٤ من شهر ذي الحجة
الموافق / ٢٠٢٥/٦/١١
/channel/Nshwan_1999
لطميه لمصائب السيده زينب عليها السلام على طور أروحن وين خويه بعد الأوداع( وين عباس )
عليه الگوم دارت وين عباس
أصيحن ما گعدلي رفعت الراس
❥━──➸➽❥💔❥━──➸➽❥💔
أصيح أبصوت ما يگعد كفيلي
أخلافه أبسوط گوم أعداه تجيلي
وحرگوهه الخيم وأنهدم حيلي
وخدر أخته عزيز أشلون ينجاس
❥━──➸➽❥💔❥━──➸➽❥💔
عليه الگوم دارت برض الأطفوف
ومن دخان أخيامي كلشي ماشوف
أبهالساعه الگلب للحيد ملهوف
أريده أيگوم يلبس درعه والطاس
❥━──➸➽❥💔❥━──➸➽❥💔
سبع الگنطره ما گام اليه
ولا شاف الحبل چتفلي أديه
أميره أمدلله أو تالي سبيه
لرض الشام أروحن وي غرب ناس
❥━──➸➽❥💔❥━──➸➽❥💔
اليوم أبكربله ضليت وحدي
ولا ويلاد لا خوان عندي
أشبعده أعليه صار أبلاد جدي
متني ورّم أمن أسياط الأرجاس
❥━──➸➽❥💔❥━──➸➽❥💔
بس أعليل ضل يم النساوين
أمچتف بالسلاسل ما دره حسين
حسافه باچر أنطب الدواوين
علينه الگوم كلهه أتصير حراس
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ١٣ من شهر ذي الحجة
الموافق / ٢٠٢٥/٦/١٠
/channel/Nshwan_1999
فزاعيه لعلي الأكبر عليه السلام( بالحومه على الغبره )
نايم يا عزيز حسين
بالحومه على الغبره
❥━──➸➽❥💔❥━──➸➽❥💔
بالحومه أو يصب دمه
وأشحال الحنينه أمه
أدگ عالراس متحزمه
يفراگه صدگ كسره
❥━──➸➽❥💔❥━──➸➽❥💔
يفراگه ولا ينطاگ
يسعر بالگلب حراگ
لرسومه بعد تشتاگ
دمه سال يا حسره
❥━──➸➽❥💔❥━──➸➽❥💔
شيجيبه الولد ليهه
أمطوّل غيبته أعليهه
أدمومه اليوم جاريهه
عالتربان مطشره
❥━──➸➽❥💔❥━──➸➽❥💔
لا ما كمل العشرين
عاف أمه وأبوه حسين
وشاله دموع العين
عالطايح أمن الشگره
❥━──➸➽❥💔❥━──➸➽❥💔
عالطايح أبميدانه
وأمفلشين صيوانه
ويا ليله يحزنانه
أبنچ هشمو صدره
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
السبت / ١٧ من شهر ذي الحجة
الموافق / ٢٠٢٥/٦/١٤
/channel/Nshwan_1999
نعي للمسير
شالو خوال أبني أضعوني
ومهيوبه من بيتي أطلعوني
الوليان تفداهم أعيوني
❥━──➸➽❥💔❥━──➸➽❥💔
عيني الخوال الولد فدوه
أهل الشيم وأهل المروه
أوياهم طلعتي أشلون حلوه
❥━──➸➽❥💔❥━──➸➽❥💔
يا طلعتي حلوه أوياهم
أمشي ومشيتي على أخطاهم
يا ريتهه تسلم لحاهم
❥━──➸➽❥💔❥━──➸➽❥💔
شالو خوال أبني الحربهم
شجعان ما يرجف گلبهم
يا ريتهه تسلم رگبهم
❥━──➸➽❥💔❥━──➸➽❥💔
يحفظكم الله يا دلالي
وداير عليكم سور عالي
عگبكم أذل ويهون حالي
❥━──➸➽❥💔❥━──➸➽❥💔
عگبكم نذل وحالنه أيهون
بينه يخويه ما تردون
أنه خايفه من اليكرهون
❥━──➸➽❥💔❥━──➸➽❥💔
أنه خايفه وخوفي عليكم
يخواني لا ينغدر بيكم
گلبي أيتخافگ من مشيكم
❥━──➸➽❥💔❥━──➸➽❥💔
گلبي يهل گلبي علمني
بالفراگ خويه وزاد وني
أنه ذاله أمن اليوم چني
❥━──➸➽❥💔❥━──➸➽❥💔
أمن اليوم چني أهواي ذليت
وگلبي رجف وبحزن ونيت
يحسين خويه ردني للبيت
❥━──➸➽❥💔❥━──➸➽❥💔
للبيت ردني خويه يحسين
گبل المصاب وسطرت العين
وي هالسفر متواعد البين
❥━──➸➽❥💔❥━──➸➽❥💔
بهذا سفرنه أيبين الموت
والفراگ بيه وهجم البيوت
يگلهه يزينب فاتنه الفوت
❥━──➸➽❥💔❥━──➸➽❥💔
يم الحزن هذا وعدنه
اليوم الطبگ وياچ حدنه
بسچ بچي بچيچ مردنه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
السبت / ١٧ من شهر ذي الحجة
الموافق / ٢٠٢٥/٦/١٤
/channel/Nshwan_1999
لطميه لأولاد مسلم عليهم السلام( يهل الخيل )
يهل الخيل دلوني أعلى الأولاد
وفرو من أديه أبذني الأوهاد
❥━──➸➽❥💔❥━──➸➽❥💔
دلوني على أولادي
فرو مني بالوادي
مدري بيهم أشسادي
وأنشد بالعده والنشد ما فاد
❥━──➸➽❥💔❥━──➸➽❥💔
وأنشد ما يحاچوني
على أبني ما يدلوني
أجو بالسوط ضربوني
صحت وينك يبعد أختك يوراد
❥━──➸➽❥💔❥━──➸➽❥💔
أجه الظالم وضرباني
بسياطه أو شتماني
يا عباس هضماني
يگلي ناخذچ بدروب الأبعاد
❥━──➸➽❥💔❥━──➸➽❥💔
أمشي للسبي يردون
وأخليكم جثث بالكون
ضاع الولد ما تدرون
وأختكم حايره ومحنية أفاد
❥━──➸➽❥💔❥━──➸➽❥💔
يهل الزود محتاره
وأبني مدري بخباره
وگلبي ولا هدت ناره
چانون أبدليلي يفور وگاد
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
السبت / ١٧ من شهر ذي الحجة
الموافق / ٢٠٢٥/٦/١٤
/channel/Nshwan_1999
لطميه لأولاد مسلم عليهم السلام( جمرت مداليلي )
تسعر حيل يا جمرت مداليلي
مشو عني اليتامه وأنهدم حيلي
❥━──➸➽❥💔❥━──➸➽❥💔
تسعر ما طفرت بالگلب جمرتهم
وأتهدم عليهم حيل عمتهم
حلوين المعاني وهاي فرگتهم
خلتني نحيله وصحت يا ويلي
❥━──➸➽❥💔❥━──➸➽❥💔
خلتني نحيله فرگة أولادي
مشو من المخيم عني بالوادي
جمرتهم سعيره أو تحرگ أفادي
بعد ماضن عليه طاهر أيجيلي
❥━──➸➽❥💔❥━──➸➽❥💔
شيرد اليتامه وعمهم أبدمه
عالتربان نايم والعده لمه
أدورهم وأصيحن وين يا يمه
گضيته بس أدور بالدمع ليلي
❥━──➸➽❥💔❥━──➸➽❥💔
أمضيعين الدرب والليل هلجاني
زماني أعليهم أبهاليوم بچاني
والعباس أخوي أشلون خلاني
گوم أنهض لخيتك صحت يكفيلي
❥━──➸➽❥💔❥━──➸➽❥💔
گوم أنهض لخيتك شوف حالتهه
مصايب عاشر أبعاشور هدتهه
بالحومه حميده أمضيّعه أخوتهه
ومن سوط الرجس عباس تشكيلي
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الجمعة / ١٦ من شهر ذي الحجة
الموافق / ٢٠٢٥/٦/١٣
/channel/Nshwan_1999
فزاعيه للأمام الحسين عليه السلام( محد دافنه أو شاله )
بس حسين أبو السجاد
محد دافنه أو شاله
❥━──➸➽❥💔❥━──➸➽❥💔
خل ننصب عزه وننحب
جسم حسين التسلب
محد دافنه أمترب
ويبچي الصخر حاله
❥━──➸➽❥💔❥━──➸➽❥💔
ذيچ الكشخه والهيبه
بتراب ودمه تريبه
متلف بالترب شيبه
من فيض النحر ماله
❥━──➸➽❥💔❥━──➸➽❥💔
ضل فوگ الترب عاري
البي رحمة رضه الباري
أجه وليده بدمع جاري
راح يدفنه ينعاله
❥━──➸➽❥💔❥━──➸➽❥💔
شاهد والده أموذر
وبذيچ الشمس والحر
صاح بدمعته أتحسر
آه يحسين وأعياله
❥━──➸➽❥💔❥━──➸➽❥💔
ليش أبن الحمه أدخيله
ما مدفون هالليله
تراب الذاري تغسيله
ترست كربله أوصاله
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الجمعة / ١٦ من شهر ذي الحجة
الموافق / ٢٠٢٥/٦/١٣
/channel/Nshwan_1999
لطميه للعليله عليها السلام( الوجعانه نخت )
الوجعانه نخت يحسين يا يابه
بيتك لا تعوفه ولا تسد بابه
❥━──➸➽❥💔❥━──➸➽❥💔
بيتك لا تعوفه مظلم وخالي
الوجعانه نخت يحسين يالوالي
سفرتكم بعيده وهدمت حالي
خلت نار گلبي تفور لهابه
❥━──➸➽❥💔❥━──➸➽❥💔
خلت نار گلبي تفور دوايه
سفرتكم بعيده وتبطي أهوايه
ريضلي الضعينه وحاچني أحچايه
صوتك يحيي گلبي ويشفي أصوابه
❥━──➸➽❥💔❥━──➸➽❥💔
صوتك يالحنين أيطيب الخاطر
ليش أمحمل وشايل لرض غاضر
غادي أعليك لملم ربعه الكافر
عليك البين غاد إيدور دولابه
❥━──➸➽❥💔❥━──➸➽❥💔
غاد أعليك دولابه يدور البين
للطف لا تروح أرجوك بويه حسين
نزل هالضعن وأرجع يماي العين
شوف أدموع عيني أعليك سچابه
❥━──➸➽❥💔❥━──➸➽❥💔
تجري أعليك يابه شوف دمعاتي
نزل هالضعينه ورجع أخياتي
والله من تروح أتزيد وجعاتي
صدگ من گال آ يحسين ومصابه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الخميس / ١٥ من شهر ذي الحجة
الموافق / ٢٠٢٥/٦/١٢
/channel/Nshwan_1999
لطميه لعبد الله الرضيع عليه السلام( بنبلة حرمله )
بنبلة حرمله عبدالله مذبوح
بيد حسين ويلي أمفرفحه الروح
❥━──➸➽❥💔❥━──➸➽❥💔
بنبلة حرمله مذبوح أبنه
على أگماطه الدمايه أتسيل منه
ببن حسين مفجوعين كلنه
گلبي أعلى الزغير أهوايه مجروح
❥━──➸➽❥💔❥━──➸➽❥💔
أسمعنهه الرباب أتون للوليد
در منهه الصدر وأعزيزهه أتريد
عبدالله أنذبح ويلي أمن الأوريد
يا دم منحره هاليوم مسفوح
❥━──➸➽❥💔❥━──➸➽❥💔
عنچ يالرباب أوليدچ أيشيل
خلوان المهد وأتهدم الحيل
تذكرينه يناغي من يجي الليل
والونه تزيد أبحسره والنوح
❥━──➸➽❥💔❥━──➸➽❥💔
هاي الليله حس عبدالله مفگود
وأبحضن أمه شو ما شوفه موجود
گلبي أمن السده والصار ممرود
من أگماطه عطره أبكربله أيفوح
❥━──➸➽❥💔❥━──➸➽❥💔
أنه أم الخدر شفت العجايب
دمعي أعلى الرضيع المات ساچب
وأعليه أبغرب دارت مصايب
عگب أهل المحنه للسبي أنروح
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الخميس / ١٥ من شهر ذي الحجة
الموافق / ٢٠٢٥/٦/١٢
/channel/Nshwan_1999
سارعو بالشراء قبل النفاذ كتبي متوفره في جميع المحافظات والأرقام تبع المكاتب كلها تلكوها منشورة بالقناة حبايب 👆👆
Читать полностью…
حبايب آهل محافظتي البصرة وصلن دواويني إلى مكتبة دار الدعاء بالعشار
للتواصل والحجز على الرقم 👇👇 07709003077
لديهم خدمة توصيل
صدر حديثاً
ديوان
تناهيد الجروح /ج٣
لشاعره آهل البيت نشوان الكناني
خاص من السبي إلى الأربعين 😭💔
محرم الحرام لسنة ( 2025 )
مكتبة المهيمن بغداد ( ابو نور )
للأتصال تلغرام _ وتساب
07801182354/v/07707983011
ما يرد أوليدي
بصوت الملة 🎤 أم يوسف
وكلمات شاعرة آهل البيت عليهم السلام
✍ نشوان الكناني
لطميه للقاسم عليه السلام( للعريس )
للعريس لطمن حيل عالهامه
أبساحة كربله شو گربن أيامه
❥━──➸➽❥💔❥━──➸➽❥💔
أبساحة كربله طايح على أترابه
ولطمن حيل للعريس وأمصابه
بدمه أبن الحسن متخضب أخضابه
《 بدمومه متخضب وسفه 》
❥━──➸➽❥💔❥━──➸➽❥💔
للعريس نوحن وأجرن الدمعه
بالميدان طايح وأختلف وضعه
رمله بالشباب اليوم منفجعه
《 ماذيهه يومك يالقاسم 》
❥━──➸➽❥💔❥━──➸➽❥💔
رمله أتگول ردت أوليدي أعرسله
وأعجن بيدي حنته وأنصب الكله
طاح أبكربله وأتنوح كل أهله
《 طفاهه بغيابه أعيوني 》
❥━──➸➽❥💔❥━──➸➽❥💔
جاسم للحرب هاليوم زافوفه
وحنه أيصير دمه ويترس أچفوفه
أشلون الوالده لو ميت أتشوفه
《 تبچيله وأتون أبحسره 》
❥━──➸➽❥💔❥━──➸➽❥💔
تبچي أم الولد عالولد مهضومه
أشلون أتشوف دمه صابغ أرسومه
كاشخ بالچفن ومطرگه أهدومه
《 عافاهه ما راد الدنيه 》
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأربعاء / ١٤ من شهر ذي الحجة
الموافق / ٢٠٢٥/٦/١١
/channel/Nshwan_1999
لطميه للأمام العباس عليه السلام( گص أچفوف عباس )
أشلون السيف گص أچفوف عباس
وهاي الما أعقلهه وصعبه يا ناس
❥━──➸➽❥💔❥━──➸➽❥💔
أشلون السيف گص چف الشفيه
وصعبه أهواي ما هانت عليه
أتوسد كافلي أعلى العلگميه
أبعامود الحديد أنصاب عالراس
❥━──➸➽❥💔❥━──➸➽❥💔
أبعامود الحديد أنصاب يا حيف
وعالتربان منه طايح السيف
راح الحيد السيفه الما يرد ضيف
أنگطعت يا حسافه منه الأنفاس
❥━──➸➽❥💔❥━──➸➽❥💔
على العباس أون أبنص الأخيام
ومن بعده سهيره العين متنام
مشه وخلاهه عندي تبچي الأيتام
ويا عينه أنعمت من سهم الأرجاس
❥━──➸➽❥💔❥━──➸➽❥💔
صدگ عباس راح أو ما يجينه
ويم العلگمي مصيوبه عينه
مشه ساقينه وحماي الضعينه
الثايه من بعد عيناه تنداس
❥━──➸➽❥💔❥━──➸➽❥💔
أشلون الجابني بحمايته اليوم
وگع عالعلگمي أو غارج بالأدموم
وأبو السجاد رادو منحره الگوم
وأريده أيگوم راعي الدرع والطاس
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأربعاء / ١٤ من شهر ذي الحجة
الموافق / ٢٠٢٥/٦/١١
/channel/Nshwan_1999
عليه الگوم دارت وين عباس
بصوت الملة 🎤 أم يوسف
وكلمات شاعرة آهل البيت عليهم السلام
✍ نشوان الكناني
لطميه لأولاد مسلم عليهم السلام( صاحو أعليه )
حس أولاد مسلم صاحو أعليه
وفرو وين من هجمت بني ميه
❥━──➸➽❥💔❥━──➸➽❥💔
چنهم صاحو أعليه دلحگينه
ويا عمه يزينب ليچ ردينه
صار الليل وأحنه أنوح ضلينه
ونرجف خايفين أبدمعه مجريه
❥━──➸➽❥💔❥━──➸➽❥💔
مني فرو أبحرگ الخيم بزري
وخال أبني على التربان ما يدري
راسه منگطع والدم صبح يجري
وباچر رايحه أعلى الجمل مسبيه
❥━──➸➽❥💔❥━──➸➽❥💔
للخوان أجيت أبحسره أگعدهم
دورولي اليتامه اليوم أگللهم
بالوادي مشو وأعليه شيردهم
محنيه صرت من حزني محنيه
❥━──➸➽❥💔❥━──➸➽❥💔
محزونه وغريبه وحانيه الرگبه
وضاع أبني الزغير وما أندل دربه
أحشّم من يدوره وأنه بالغربه
والعدوان ما بيهم محنيه
❥━──➸➽❥💔❥━──➸➽❥💔
ما بيهم محنيه ولا شيمه
گمت أركض وأدور وحدي بالهيمه
أدور والگلب زاد وكثر ضيمه
زماني أبيوم عاشر ما رحم بيه
❥━──➸➽❥💔❥━──➸➽❥💔
محتاره بهل گلبي البگو نومه
والويلاد فرو عني بالحومه
وينه الگه الولد شو ضاعت أرسومه
وما أدري زماني وين تاليّه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الثلاثاء / ١٣ من شهر ذي الحجة
الموافق / ٢٠٢٥/٦/١٠
/channel/Nshwan_1999