الشاعر الحسيني نسيم الحميداوي

11 March 2022 18:42

مولد إلى الحجه عج. متى ترانا ونراك
★★
كـُّلبـي أنه مشتاك مشتاك إلك يلغالي
بــس نار الفــراك مــاتنطفي بدلالي
يمته أشوفن نورك أني••اليازمن يلمهدي أتاني
★*★*★*★*
حته لْـۆ غايب تظل يلغالي
انت لـحـظـــِه ماغبت عن بالي
يمــته بيــدك تــنفتح أغــلالي
انه مــن بعــدك رهــين أمالي

يابحر الأحلام عندك أسيره أحلامي
أحسبلك أيام كل يوم. أودع أيامي
عليك معكوده أماني••اليازمن يلمهدي أتاني
★*★*★*★*
أنــــه ماأنــساك لــوتنســاني
كُّلبي مُلكك صار ماحب ثاني
أعمه بعدك ضيعت عنــواني
فوك نار الــشوك إلك إمــتاني

إمتاني عالنــــار وتكِّلب بنيراني
ودموعي الأوتار وعزفلك بألحاني
أحسب بليلي الثواني••اليازمن يلمهدي أتاني
★*★*★*★*
عيني طــول الليل تسهر مــاتنام
وروحي شمعه وذابت بنار الغرام
أنه عــاشك والعشك لٱ مــو حرام
وانه جاني بحــبك وضدي إتــهام

سموني مجنون حُبك سبب لجنوني
بيك انه مفتون خــليهم يلومــوني
بُعدك الهدم كياني••اليازمن يلمهدي أتاني
★*★*★*★*
انه عــاشــك تدري إلك حد الجنون
مــن أكــلك إضــهر أشعر بالضــنون
ألكــه للــدجال والــسفياني عــــون
وماكو عابس بينه إحنه وماكو جون

حجبتنه الذنوب عنك يراعي الرايه
متــكلبه الكلوب كلمن يريد برايــه
وخاف كُّــلبي يضد لساني••اليازمن يالمهدي أتاني
★*★*★*★*
لــوضهرت بيوم لاتــطلب نــصير
خـــاف مثل حسين جدك هم تحير
تــحي كلــمن مات يالغايب يصــير
تلكه عدله الناس بس ميته الضمير
لْـۆ مات الأحساس. لْـۆ عيسى مايحييها
متــشوفك النــاس. تلــكه الطمع عاميها
وانه وحدي بشوكي أعاني••اليازمن يلمهدي أتاني
★*★*★*★*
للشاعر
نسيم
الحميداوي.
/channel/NasimAlhamdawi

الشاعر الحسيني نسيم الحميداوي

24 February 2022 15:29

(عن لسان القاسم إبن الكاظم ع)

أنه إبــن المــات مــسموم بــسجن
القاسم أنه وبعده عاشرت الحــزن
              ★★★★

أنه  إبن الــصلت  إوياه   الــقيــود
أنه إبن  المــات  وبوضع  الــسجود
ذاك إبوي السجل إسمه على الخلود
بموته من الــدين أحس هدمو ركــن
               ★★★★

بعد إبوي بعــيني أظــلم كــل درب
بــعده عشت بنــوح  بديار الــغرب
والــدليل يــنوح والــمدمع يــصب
وكــــل جــرح ينزف إذا ليلي يجن
               ★★★★

مــــاشفت  أنه  إبوي بكــــل زمــن
وبسجــن هــارون عــايش مــرتهن
بدونه عشت بغــربه ماعندي وطن
والــغريب إيعيش كــل عمره يون
             ★★★★

بالسجن هــذا البدر طال المــغيب
وانه كل عمري كظه بحزن ونحيب
القــاسم أنه مــلقب بأسم الغــريب
مايخــيب الــليه يكــصد. لاتــظــن
             ★★★★

مــن تــمر إضــعون أسكي القــافله
واذكر. العــباس.  عمــي.  بكــــربله
إشلون جان يــضحي لجـل العــايله
بدمعي اتــوضه وأزوره انه منــحن
              ★★★★

الطــاف كــبري وزار جن زار الرظا
الــهادي جــدي علــيه والباري رضا
ويطي اله صك الشفاعه المرتضى
موقع من حسين هالصك والحسن
              ★★★★
              ★★★★
الشاعر
        نسيم
          الحميداي
/channel/NasimAlhamdawi

الشاعر الحسيني نسيم الحميداوي

18 February 2022 17:13

أبوذيات. الى موسى ابن جعفر
ع..
بلاك الــدهر يالكــاظم بعدوان
وإلك وسط الكلب لوعه بعدوان
عكــبك بالشدد نــكصد بعدوان
سجين وفرجت عليك المــنيه
★★★
الدنيه بسجن كــاظمه وحرها
وبردها إجرعه ومــرها وحرها
عليَ سابع سمه حزنت وحورها
تلطم والجنان تــنوح هــــيه
★★★
الأمل مولاي البكلبي بطلبه
وإجيتك ياأبو طلبــه بطلبه
جودك سيدي بخدمه بطلبه
حــاشا تردني ليــث الكاظميه
★★★
كظم غيظه بصبر كلبي ولامــال
وظنه مــــابكت عندي ولامــال
منهم مــاردت سلــطه ولامــال
حكموني بسجن مضلم عــــليه
★★★
عليه الشمس ماظن يوم مــرت
سجــــين ودنيتي وياي مـَـرت
أحس روحي تريد الموت مرات
نكطع منها الأمل بكيود إديــــه
★★★
قصيده دموعي نظمن ونسجن ليك
ومــن ونك يــراهــب ون سجن ليك
تــدري إنت بمحــبتك ون سجن ليك
سجــنك بالكــلب حد. المــــنيه
★★★
الضلم ينــقاس بالــدنيه مضلــماي
أنه بطــاموره ياشيعه مضلــماي
بعيني من كثر دمعي مضلــماي
بجت دم ودمع هــيه علــيــه
★★★
الشاعر
نسيم
الحميداوي
ونسألكم الدعاء

الشاعر الحسيني نسيم الحميداوي

18 February 2022 17:13

الى موسى ابن جعفر. ع
على لحن ملا باسم عليل ونايبات الطف لوني.

سجين بلاذنب مــوسى المــماته
من سجن السجن خلصت حياته
خلص عمره ونه.. السناسل لوعنه
★★★★
مثل يونس يــنوح البلعته الحوت
يون طول الليالي وخافت الصوت
مــن كثــر الغصص يتمنه للمــوت
يدعــي الباري كل فــرض بصلاته
★★★★
موسى يناجي ربه وتجري العيون
خــلصني يــقادر من هالــسجون
إرحــم دمــعتي يمنجي ذنــــون
يــطلب عــبدك الصــابر نجــاته
★★★★
تعجب من صبر موسى النبي أيوب
وجــره وي دمعته عــبراته يعقوب
والــونته الصــخر لْـۆ يسمع إيذوب
حــزين وبــس حزن كــل ذكــرياته
★★★★
يون ومــاطــفت كــل عــمره ناره
ويــحن بكــل مــسه الكاظم لداره
ســــاجد يندعي ليلــه ونــــهاره
وسجــن الطــاغي مــــاغير صفاته
★★★★
رغم ســجنه كُّبــر وفــجع فؤاده
الكــاظم حــوله المســجد عــباده
حُب حــسين حــــبه للشــــهاده
يــدري مــولده بســاعة وفــاته
★★★★
عجــيبه هالبــدر والله عــجــيبه
على الشيعه بسجن طول مغيبه
يون وماكــــطع نوحه ونحــــيبه
ويكــتم ونته إكــبال الشــــماته
★★★★
مات. ودمعته الفكــــت قيوده
الكاظم عالشمس صورة خلوده
احنه بكل وكــت ننضر وجوده
نشوفه بكــل زمان بــمعــجزاته
★★★★
للشاعر نسيم الحميداوي🔗

/channel/NasimAlhamdawi

الشاعر الحسيني نسيم الحميداوي

16 February 2022 09:19

منو مثلج يزينب يخت الحــسين    
            مضلومه إنتي بحياتج وبممـاتـج
عـلى امـتونج بقــت آثار السياط    
            وأظـن لـلـيـوم جـويـات بـعـباتج
ركظتي من الخيم وبجدمج النار
            يـاخـيـمـه سـتر صرتي الخواتج
ضهرج منحني من ثكل المــصاب
         وبعد ما بيج كومه انتي بـصـلاتج
إخـوج ومـايـعرفـج مـن الاحزان
          ويــاج تــكـالـبـن كـــل نـايـبـاتــج
سـأل عـنـج اخـوج مـحـمـد منين
          هـاي الـحـرمـه مـا يعرف صفاتج
لأن مـن الـيـسر مـاضـلـت عيون       
         عـنـدج لاكـو حـيـل وإمـنـيـاتـــج
 ضـلـت بـالـطـفـوف وفوك الرمــال
       كـل هـذا ومـشـيـتـي بـكـبـريـائــج
ذلـيـتـي يـزيـد وذيـج الـجـيـــوش 
       وضـلـتـي جـبـل أنـتـي بـثـيـابــــج
  الـشـام بـدمـعـه منج تصبح تراب
    الـعـلـيـه اطـيـح لـو طـايـح حـجابج

                   💧 للشاعر نسيم الحميداوي💧

الشاعر الحسيني نسيم الحميداوي

26 November 2021 09:31

رئيسيه لمولاتنا الزهراء ع*
لحن أبو بشير قديم(بويه ياوالي اليتامه)

بالضلم سنو شريعه ••وكسرو ضلع الوديعه
من غبت حامي الحميه •••عصرو الزهره الزچيه
«««««»»»
هجمو عليها بغيابك روعــــــوها
صاحت بأسمك يحيدر وشتموها
حركو الدار على فاطم ورعبوها
حرمتك ليث الحرايب مارعوها
بالغسل تعرف وضعها••لوشفت حيدر ضلعها
تعرف أولاد الدعيه•••عصرو الزهره الزچيه
#######
ماغفت عين إلها لايبطل دمعها
لوتنام تفز يحيــــــــدر من ضلعها
ونتخت بيك ودليلك مـــاسمعها
إنعصرت ومحسن سكط هو الفجعها
إبطيحته فكدت أملها••••وطلبت من الله أجلها
شافت المحسن رميه•••عصرو الزهره الزچيه
#######
فاطــــــــم الماينشف بليلة دمعها
ومن كسرها ماغمض والله جفنها
من بعد طه المصايب لوعنــــــها
ماتت الزهره يحيدر من حـــــزنها
ضلت تون من ضلعها•••والصخر ون وسمعها
يبچي والونه خفيه••عصرو الزهره الزچيه
########
والعجب بالشده حيدر محضرتها
والحسن شاف المصيبه الماشفتها
لوچنت حاضر أظن چان إكلبتها
لاچن إوصيه يوالي النفــــــــذتها
بكل صلاة إيهل دمعها •••تدعي عالكاسر ضلعها
تدعي ضلت للمنيه•••عصرو الزهره الزچيه
########
شاطت الزهره يوالي من ألمها
والأثر بالعتبه باقي لسه دمها
ريتك المحسن تشوفه مرمي يمها
بالشدد حيدر غبت ليش إنت عنها
عدمن إمودعها أبوها•••ياعلي الزهره إضلموها
من بعد سيد البريه•••عصرو الزهره الزچيه
########
الشاعر نسيم
الحميداوي•


http://t.me/NasimAlhamdawi

الشاعر الحسيني نسيم الحميداوي

06 November 2021 17:35

بويه ماتخفه بكبر إمي الزجيه
لومشت تترك عطر فوك الوطيه
حته بكبرها ... أشتم عطرها
*******************
زينب أنه تيتمت ويه أمي أشعر متت
هي روحي وفاركتها
تكدر ترجع الزمن ماتردلي إم الحسن
بويه ليش إمي إدفنتها
همك إيطيح الجبل. إشلون كلبك من حمل
وإنت بيدك غسلتها
عليها ضهرك منكسر.. ودري كلبك منعصر
بيك أحس من وسدتها
من توسدها بلحد إيضل ضواها
بلاعطر يبقه الورد لو ماشذاها
.عشت بذكرها•••أشتم عطرها
******************
فصل الباب النعش. وكتب إنت ثمن طعش.
عالنعش هذاعمرها
ومن توسدها التراب•• چفن الزهره بحجاب
إنعصرت وضل بفكرها
إمي حته بالكبر •• منها ضل يطلع عطر
وأنه أموت بلاعطرها
إضمني چانت للصدر•• من أحزن ألكاها حجر
وماأعيش بلاحجرها.
طبع المفارك يحن يغفه على ونه
وانه جنت أغفه بحظن كله محنه
أذكر حجرها ••••أشتم عطرها
««««««««»»»»»»»
ربي إخذ مني العمر..إمي ماتت من زغر
وعمري بعده بالبدايه
حيلي من حزني إنهدم..بهمي ماواحد علم
غير علام الخفايه
بالصلاة أذكر ضلع••الكوثر أقراها بدمع
وماأكمل منها أيه
وأقره سورة قل أعوذ بيها من الشر ألوذ
ومن حزن هاي الرزايه
أشاهد الروحي شكثر من أنضر الباب
شكد تمنيت الكبر من هذا المصاب.
وغفه بكترها...وأشتم عطرها.
*******************
إمي لورفعت خمار.. الدنيه بيها إيحل دمار
رحمة الله إيوصفوها
إنت شوف المنزله...لمي من هاالمسأله
إيقبل إديها چان إبوها
إمي لو لبست سواد..العرش يعلن حداد
عالوجه ليش إسطروها
كلبي أحسن منهدم..راحت وعشت بيتم
عذبوني وعذبوها
بلون ثوبي الدنيه أحس سوده حياتي
أضفر خيوط الشمس وي ذكرياتي..
أرسم صورها..أشتم عكرها
**** ********
ياعلي وكت الصلاة••الزهره وي كل أيه آه
تصرخ وإنت سندها
فاطمه بوضع السجود••ليش إديها على الخدود
تخفي سطرات على خدها.
وعالضلع وكت الركوع••تحط إديها تضل تلوع
والكسر والله ضهدها
عندك أمنها الرسول..ياعلي صعبه شتكول.
بياوضع حيدر تردها
بويه كلي شتعتذر راح من إبوها
تدري خد إمي إنسطر عني إبعدوها
عالباب أثرها..أشتم عطرها.
* **** **** * *


بقلم الشاعر الحسيني
نسيم الحميداوي
/channel/NasimAlhamdawi

الشاعر الحسيني نسيم الحميداوي

12 October 2021 12:36

نعي إلى الزهراء عليها السلام☆
زماني يهدم أحـــــلامي ونبني
وعلى المحسن ذهيله أصرخ ونبني
طفل مايحمل اللوعه أظنهم كسرو ضلوعه يون وروحه مفجوعه
دفنته بالكبر وسمع ونبني
بكل ونه ضلع يكسر إليه..
**
بليلي ألزم مهد محسن ولولي
الصحابه من رحل طه ولولي
أنه الزهره نسطر خدي ولولي
الله وهوه ياخذ ثاري إليه.
؛؛:؛:؛:؛
باب الدار من دمي حنيته
وأنه ضهري بفكد محسن حنيته
دليلي تحركه كل ليله حنيته
يحن وتصور المحسن بديه
؛:؛:؛:؛:؛
الدهر شيد حزن بيه ويبني
وعصرة موت عصروني ويبني
يملك الموت إخذ روحي ويبني
أريدن بالكبر يغفه على إديه
؛:؛:؛:؛:؛
فاطم ياعلي طرحت حملها
ومنو الغيرك يبو الغيره حملها
مصايبها إذا كلبك حملها
شتكل للهادي عن ضلع الزجيه
؛:؛:؛:؛؛:؛
الدهر إم الحسن عني بعدها
وعساني ماعشت عمري بعدها
الثواني الموتي بحسبها بعدها
علي أني وضهري محني على الزجيه
؛:؛:؛:؛:؛:؛
عيون الزهره من طاحت ترابك
وكلبها ياعلي منهم ترابك
تفر الكوم لو تسمع ترابك
يعرفونك علي حامي الحميه
؛:؛:؛:؛:؛:؛
يدنيه لمي أحقادج وضهري
بعد طه نكسر ضلعي وضهري
علي صار الصبح أضلم وضهري
أسود والسمه ضلمت عليه
؛:؛:؛:؛:؛:؛

--
الشاعر نسيم الحميداوي
/channel/NasimAlhamdawi

الشاعر الحسيني نسيم الحميداوي

12 October 2021 12:36

إلى الزهراء إم أبيها عليها السلام☆

من دفنها حيدره..إمي شفت اﻷخره
من بعدها والله عالدنيه السلام
 الدفنو إكباله الشمس عاش بضلام
                      **
أنه زينب كلبي جمره إشلون أصبره المنفجع
أنه شفت بعيني محسن من وكع يجري الدمع
 صدره أزرك من لكيته منه أظن كسرو ضلع
 وإمي مسمار بصدرها نابت وماينشلع
 والضلوع إمهشمه.. إلها تبجي أرض وسمه
 عليها كلبي محترك حركت خـــــيام
 الدفنو اكباله الشمس عاش بضلام ~~~~~~~~~~~~
 چانت إبسمتها إمي تنثر الدنيه بحنان
 راحت إويمي المحنه ودفنو وياها اﻷمان
 ضلت إبالي صورها بيها أحس بكل مكان
 ومن أشم سجاده إلها منها أشم عطر الجنان
 بطيب إمي الطاهره؛؛؛فاحت أرض المكبره
وحــــضره مــــاإلها ولا إلها مـــــــقام
 الدفنو إكباله الشمس عاش بضــلام
~~~~~~~~
إمي لو وكــفت تصلي    تخلي ليــلي جن نهار
وبفكدها بعيني ضلمت. الدنيه صارت جنها غار
إمي لو بالصحره تمشي  تخضر وتنطي ثمــــار
هي مدفونه بكبرها    ومــنها ضل يطلع خضار
يمها محسنها اندفن~~وبكبرها ام الحسن
تلولي هي وعالكبر يغفه الحــــمام
الدفنو اكباله الشمس عاش بضلام
~~~~~~~~~~~~
النفس لوبيدي أكطعه  حته ماعيش بعذاب
الهوه مــــاريد أشمه.  وإمي خانكها التراب
روحي فكدت كل أملها. ولبست الأسود ثياب
للزجيه إسنيني أنذر.    ڱــــڵـهه اوزعها ثواب
الطيب أخذ منها الصفه  ~هي بحر العاطفه
          الله نزل إمي رحمه على الأنام
    الدفنو اكباله  الشمس عاش بضلام
~~~~~~~~~~~~
فاطمه الباري اصطفاها. بنوره خالقها الألــــه
والله نزل سوره بيها.  من كثر ماعدهه جــــاه
دهري من راحت فجعني وكلبي بالحزن ابتلاه
إسمي كل واحد يكتبه. كون يكتب كــــــبله آه
بالمصاب تقارنت،،،،،من الطفوله تيتمت
   دهري كل لحظه يصوبني بسهام
الدفنو اكباله الشمس عاش بضلام
~~~~~~~~~~~~
قالع الباب الصميده    والــــدي المــــاينهضم
ضهره مكسور على فاطم يكضي ليله بالطم
بالحرب محد وصله.  كطع إركاب الخصــم
بالزجيه همه عرفو.    ضهره حيدر ينفصم
  الكوكب الدري إنقبر~~وضهري وي ضهره إنكسر
      يــوم راحــت بيه حل يوم القيام
    الدفنو اكباله الشمس عاش بضلام
~~~~~~~~~~
للشاعر نسيم الحميداوي
/channel/NasimAlhamdawi

الشاعر الحسيني نسيم الحميداوي

24 September 2021 20:34

طريق الجنه درب حسين••وإحنه بهالدرب ماشين
تعرف الناس غايتنه••أبد منعوف جنتنه
««««««»»»»»
العاشك مايمنعه الخوف ويضحي من أجل حبه
ويدفعنه العشك والشوك لبو اليمه ونجي بدربه
إبيت الله تطوف الناس وعدنه حضرته الكعبه
بكل خطوه إلك عمره إذا تكصد إله برغبه
تصفي نيتك وتكصد••تاخذ مطلبك وترد
هاي إحنه عقيدتنه ••أبد منعوف جنتنه
«««««««»»»»»
طريق إلي مشينه عليه للجنه يــــــودينه
ترابه يطهر الأبدان ويمحي كل ذنب بينه
وفدنه إحنه السفينه نوح ونعرفها تنجينه
أبد منعوف درب حسين لون كلها تعادينه

عالفطره السبط نهواه•••نموت ونحي ماننساه
شيعه وهايه صرختنه•••أبد منعوف جنتنه
««««««««»»»»»»
حبيب الباري أبو السجاد والرب خالقه الذاته
كل مايمتلك ضحــــــه الربه وقصده مرضاته
بفرقان الجليل حسين مكتوب على صفحاته
وكل مانقره بالقرأن نلمح وجها بأياته

يطالعنه بنظر معناه•••ياشيعه إتقو لله
وتمسكو بمحبتنه••••أبد منعوف جنتنه
«««««««»»»»»»
بحبه لا أجر ردنه وعشكه الأصبح الغـايه
نبع صافي وعذب ينهل وعطاشه ونرتوي بمايه
إويانه إتوافد الأملاك للطف كلها عـــــنايه
وحيدر والحسن وإمه ومحمد يمشي مشايه

وزينب تحضر المضلوم•• كل عام بمثل هاليوم
تصب دمعه ويدمعتنه•••أبد منعوف جنتنه
««««««««»»»»»»»
إذا إنت عبد لبليس ماتهوه إبن فاطم
شيطانك گصد لحسين ويگله أعترف نادم
لو أعلم بشر مثلك يطلـــع من نسل أدم
أول واحد أسجدله سجدت مو ملك خادم

بصبره ذاهل الشيطان•••حبيب الباري والقرأن
بمحبته الدنيه لامتنه ••••أبد منعوف جنتنه
««««««««»»»»»
للشاعر نسيم
الحميداوي🔗🔗🖋

/channel/NasimAlhamdawi

الشاعر الحسيني نسيم الحميداوي

15 September 2021 09:03

عن لسان حال الحوراء زينب (ع) عند عودتها يوم الأربعين

إجيت من اليــسر مدكبعة بــحزان   
 مــشـتـاكه إلك بس أنت مــدفــون
ميت وارد ه أشوفك كلبي مشتاك
  وصيح حسين كوم تلكه الضعون
يحسين شـأسولف وألسـبي مـوت
وضـعيـنة بلا جفيل تخيل إشلون
حـالـي وأنـي حـرمه وفاكده الحيل
عّلـى يـوم الـيسر يحسين ميهون
عـلـيـة أصـعب مواقف طبت الشام
عـلينه الـشام كـلهه نـكلبت عيون
طـبــيـنـة الـكـصـر بس كله شمــات
خـويـه مـن الـفـرح صارو يغنون
وانـه مـتـربـه وبـجـفـوفـي الـحـبال
وعـلـى زينب يخو زينب يضحكون
ويـزيد اكبـالي يشعر يضرب الراس
ومـن راسـك أشوفن طـاحن اسنون
كـد كـديــك أكــلــه وإتــرك الــــراس
حــاجــيــتــك لأن دلالــي مــحــزون
أنـه  الحوراء زينب وأخت الحسين
انـه بـنـت الـصميده النجى ذا النون
شـاطـر مـرحـب بـجـفـه وقـلـع باب
 بـس يـم الـيـتـامـه جـفـوفـه مـاعون
إذا أرفـع إديـه الـربــي بــالـكـــــــيــد
وحـك سـبـع الـمــثـانـي يكلب الكون

للشاعر نسيم
الحميداوي
/channel/NasimAlhamdawi

الشاعر الحسيني نسيم الحميداوي

10 September 2021 21:05

قناة المبدع نسيم الحميداوي خاصة بنشر قصائد لجميع المناسبات الخاصة باهل البيت ع
/channel/NasimAlhamdawi

الشاعر الحسيني نسيم الحميداوي

10 September 2021 13:23

يضل يالمجتبى ساطع مناراك
وبنيت أنه بوسط گلبي مناراك
إنت كعبة أحزاني مناراك
وحجاج الجروح إطوف بيه
«««««»»»»»»»
يطير إخذ الگلب وياك وصله
لعد الحسن ماضل بي وصله
الدهر مبعد علي للدوم وصله
حبيبي ومنكطع وصله عليه
•••؛؛؛؛؛ ••••
يحكلي من أصب دمعي وهمله
ومصاب المجتبى أبچيله وهمله
قسمت متخله عن حبه. وهمله
لون ضدي إصبحت كل البريه
••••؛؛؛؛؛ ••••
عشت عمري عليك بنوح بسهام
ميت ونصبت مولاي بسهام
گلبي للبقيع إشتاگ بس هام
كصد للمجتبى بهاي المسيه
«««««»»»»»»
للشاعر نسيم الحميداوي
/channel/NasimAlhamdawi

الشاعر الحسيني نسيم الحميداوي

10 September 2021 13:11

نزله على لحن أحمد الباوي زينب إوياك»
إلى الحسن المجتبى ع

فاطمه اليوم، يمسموم تنوح الچبدتك
وحته الأملاك يمضلوم نعت لمصيبتك
دم دمعها••دم معها
«««««««»»»»»»
إمك تنوح بألمها تصب ليك الدمــــــع
لطمت عليك صدرها نست كسر الضلع

مامثل سهمك سهم•••خله بالزهره ألم
وكصدت بنار گلبها تشيع جثتك
«««««««»»»»»»»»
سهمك الصاب چبدها وچبد حامي الحمه
وصبت الحور دمعها وبچت حته السمه

والسمه فگدت بدر•••تواره بتراب الگبر
وچانت تنور يمهيوب سمانه بطلعتك
««««««««««»»»»»»»
الوادم إورود طبعها تطش فوك النعش
وإنت إسهام رموها عليك أهل الدغش

وبالنبال تشيعيت••يالحسن وتعذبت
وضلت تراب لهليوم نشاهد حضرتك
«««««««»»»»»»»»»»»»
ليش لليوم حضرتك يساويــــــــها الترب
وهاي الأشرار حقدهم يضل فوكك يصب

ليش گبرك يندثر••••الكعبه خافو تنهجر
الوادم إطوف بالحرام تضل بگعبتك
«««««««««»»»»»»
يكصد إيزور حضرتك أمل كل جعفري
وانه حبــــيت تمنيت دفنتك بالغري

ويم ضريحك ننجمع•••نلطم ونجري الدمع
ونكصد بشوك نزورك نقبل عتبتك
«««««««««»»»»»»»
گلبي مشتاك يزورك يحن ليك الكلب
كل مسه دموع مصابك تهل دم وتصب

عاشك وگلبي إمتحن•••بين الحسين وحسن
بدمعي الحسين اواسيه ونوح الحضرتك
«««««««»»»»»»»
للشاعر
نسيم الحميداوي

/channel/NasimAlhamdawi

الشاعر الحسيني نسيم الحميداوي

06 September 2021 23:08

موشح إلى الحسن المجتبى ع

أنه مضلوم الحسن سموني
لسه مــــهدوم الگبر خلوني
•؛•؛•؛•
هاك إخذ صورة عذابي ومحنتي
حته تعرف هم مصابي وقصتي
وإنت إنشد ليش طاحت گبتــي
وأعرف الناس الذي ضلموني
«««««««»»»»
خلي دمعك يجري ويطيح الوجن
مثل مادمعي خلص وانه الحسن
لوشفت شيعي تخف بيه المحن
يمته أشوفن شيعتي إيحيطوني
««««««««««»»»»
مــــوسهم سهمين نابت بالصدر
حته نعشي إنصاب بسهام الغدر
من حقدهم هدمو فوگي الگبر
ويم گبر جـــــدي ولادفنـوني
«««««««««««»
هذا حكم إم الجمل وإم الفـــتن
أنه أضل بلا ضريح ولا صحـــن
والكسر ضلع إمي يم جدي إندفن
وأنه عـن كبر النبي بعدوني
««««««« »»»»
أنه عيني الشافت أشكال العذاب
وگلبي نادى يريد ياشيعه الجواب
ليش گبري اليوم باقي على التراب
وماوصلتو ولسه مازرتوني
««««««»»»»»»»
مو عجيبه الگلب لو مل ويصيح
لاعجيبه الجبل من يهوه ويطيح
بس عجيبه الحسن يبقه بلا ضريح
ونادى بديار الغرب واسوني
«««««««»»»»»»»
الشاعرنسيم
الحميداوي
/channel/NasimAlhamdawi

الشاعر الحسيني نسيم الحميداوي

05 March 2022 06:55

🌺نهنأكم بمولد خامس أقمار أصحاب الكساء الحسين ع🌺

حسين ضل محبوبي شمس ويضوي دروبي
هوه إلي أول عشك••كُّلبي لغيره مــــايدك
•••••••
بليلي يمُر عيني حلم وكت الصبح الكاه شمس
هوه النسيم الي يمر وبغيره أبد لا مــا أحس
علمني أعبد وأجتهد وشلون أزكــيها النفس
حَربه دروس وموحَرب وانه فهمت معنه الدرس
وختار الي حسيــته
يهواني وانه اهويته…
واحنه ابد مانفترك.. قلــبي لغيره مايدك
•••••••
اشتم عبــيره بالورد بطيفه شكثر بالي حلم
لْـۆ اكتب بغيره شعر يمسح يظل حته القلم
مَلك أنه صرت بخدمته سلطان أحسن موخدم
ولي يضــده بلا وعي مينــفعه باچر كل ندم
ماعندي شك بحسيني
بالمــحشر إينجيني
وخل اليضده يحترك.. قَلبـ♡ــيے لغيره مايدك
•••••••
إبحر الذنوب انه إغركت. وشفته سفينه بالبحر
قلبي اله بمــوج العشك راح وابد لا مــــنتظر
لمــن وصلــت القــاربه قرأن أشوفه موبشــر
أنــضر جبينه بسمــله وبوجها كمت أقره السور
هوه صبح قــــرأني
والهادي بي وصاني
وبيه نبظله كل عِــرك. قَلبـ♡ــيے لغيره مايدك
•••••••
كل ماأريد أمشي الذنب يوكف الي وسط الدرب
انت يكــــلي خــــادمي بدرب المعاصي لاتـِـطُب
إسمك كتبته بــدفتري وبس تذنب اسمك ينشطب
الي يحب يهوه شخص مــــايعشك إثنين الكُّــلب
حب شاعر انه إهويته
وسط النظر ضــــميته
وجفني عليُّ ضل منطبك.. كلبي لغيره مايدك
•••••••
الله اليحب هذا السبط بكــل المــكارم كَــلله
بعــشره محرم مــولده هوه انولد مــن مقتله
حور ورسُل عافت عدن وأهل السمه حجت إله
حتــه الملائك تــعتــمر كل ليله تكصد كــربله
كــعبه إله بوجــداني وجداني
هوه نهــج قــــرأني قـــرأني
يدري شعمل بيه العشك••قُّلبي لغيره مايدك
•••••••
الشاعر الحسيني نسيم
الحميداوي.🌺🍂🌺🍂🍂🌺🌺🌺
/channel/NasimAlhamdawi

الشاعر الحسيني نسيم الحميداوي

18 February 2022 17:36

iنسيم الحميداوي:
          شيعو موسى يشيعه شيعو موسى
          هوه حرر مذهبي..         هذا إمامي الطالبي
                              ★★★★
 حكها من الشيعه تحزن حكـها مـن تـعـلن حـداد        والله من ليلة مصـابه        والعـرش ﻻبس سواد
ناحت أملاك على موسى وحزنت السبعه الشداد        الكاظم إحنه من نكصده.     نشفه يم باب المراد
                  من أكصده يسرني من أكصده
      ضامي وأصبح مشربي.   .هذا إمامي الطالبي
                              ★★★★
  سابع أقمار الـهدايه     عـمـره خـلص بالسـجن
  مات وبجفه السﻻسل.    بالنعش موسى ويون       إشلون مــانوح المصابه.    وألبس إثياب الحزن             ﻻذت بسده الحياره        وصار للشيعه الحـصـن
                هذا ضخري أكصده هذا ضخري
            مايردني بمطلبي.    .هذا إمامي الطالبي
                             ★★★★
 رضت الساقه السناسل    ورضت إجفوفه القيود        صاحب السجده الطويله    مــيت بوضع السجود
 جـبده مـن السـم تكطـع    والشـفايـف مـنه سـود        طـاح بــدر الجعفــريه       والتـراب علـى الخدود
                هـذا حـالـه يـشيعـه هـذا حاله.
.   ونور ضاوي بكوكبي..       .هذا إمامي الطالبي
                            ★★★★
 ذابح الطاغي بسجوده        وحرر بكيده العبيد               وإحنه شفناهم جنوده           عالسواتر مو بعيد
والحشد ثورة قيوده            حارب الزمرة  يزيد                الكاظم إيحي المجاهد        بيده شيع كل شهيد
            هذا إمامي ضخرنه هذا إمامي
      درعي ضد الناصبي     . هذا إمامي الطالبي
                            ★★★★
 موسى إبن جعفر أميري      جاها عد الله جبير
    طلبه بس من عنده رايد   يرحم دموع الفقير
 كون يمحي الــبرلماني      المائله غيره وضـمير  
 العار والـذله يلبـسه       وفـرجه للـعـالم يـصـير
                     من إديهم يهمي  من إديهم
          منهم إتبره النبي.   .وهذا إمامي الطالبي
                          ★★★★
للشاعر نسيم الحميداوي🔗
/channel/NasimAlhamdawi

الشاعر الحسيني نسيم الحميداوي

18 February 2022 17:13

نبض كلبي إله بحــبي ضوه دربي إمــامي
الكاظم بشوكه سحرني والعشك يم بابه أخذني
★★★★
ياخذني إله أنه العشك وبحبي رافــع راس
فوك الضريح أنثر ورد وبابه أطــش الياس
مامــد أبد إيدي البشر وتمن عــليه الناس
من إوكف ابابه أفتخر وبجفي أحس ألماس

إله أفزع غني أرجع وأحس يسمع كلامي
من أكــصده مايردني. والعشك يم بابه أخذني
★★★★
كل خادم اليــكصد إله عاشــك إله إولهــان
إيلبسه تاج من الذهب يرجــع مثل سلطان
لامايرد أبدآ محــب ونطــي إلك برهان
يفتح اله باب الكُّلب لْـــۆ سدو البــــيبان

أنه عشكته ولاعفته رحت طفته هيامي
بالشدد هو حضرني••والعشك يم بابه أخذني
★★★★
حبيت إله مــن الزغر وبحبه اظل مفتون
نَوَر إلي مثل الشمس ويضوي كل الكــون
عمره كظه هوه بسجن وبعشكه أنه مسجون
أكصد إله وكت الشدد كــل شده يمه تهون

عطر منه. أشمنه إله أتعنه . غرامي
بس غرامه الي ذهلني. والعشك يم بابه أخذني
★★★★
إسمه وشم فوك الكُّلب بلالي ظــل محفور
أشتم عطــر منه يهب بالحضره ولمح نور
بي حجت املاك السمه وطافت علي الحور
بي منفتن مغرم صرت وبحــــبه انه مبهور
ترك كُّلبه تبع ربه. صبح كعبة حياتي
العسر كل مايمرني~~~العشك يم بابه أخذني
★★★★
مرقد اله طود وثبت بــي ثبتت الأمجاد
لوماإمامي ومــرقده مــــاله ذكــر بغداد
أطه درس لهل العلم بي تقتــدي الزهــاد
بسجنه حرر كل عبد خــله العــبيد أسياد
إلي والي. شغل بالي. يضل غالي حبيبي
أنه اوده وهم يودني… والعشك يم بابه أخذني
★★★★
للشاعر نسيم
الحميداوي
/channel/NasimAlhamdawi

الشاعر الحسيني نسيم الحميداوي

16 February 2022 09:25

إلى الحوراء زينب عليها السلام☆

أنه إخت الذبيح حسين ☆بت فارس بدر وحنين
يزيد إشلون تشتمني ☆ زينب أنه تعرفني
☆☆☆
منو جدي وإبوي ومنهو أجدادك
عبد إنت يزيد وتذبح أسيادك
ذبح حسين إخوي بكربله إشفادك
للذل ولخزي هذا الفعل كادك

ذبحتو المنقذ اﻷكبر*خصمكم جدي بالمحشر
وإخذ هذا وعد مني
☆☆☆☆

جدي أني النبي وجدك أبو سفيان
وأبوي اللفجر مافارك القرأن
خضعتله الليوث بساحت الميدان
وتهابه الرماح وتجفل الفرسان

يطعن بالوغى برمحين * يقاتل حيدر بسيفين
يريت إيشوفك إتسبني
☆☆☆☆
أنه بتمن يزيد وأنسبي تالي
علي موجود كون وينضر الحالي
قبل كل الخلك ماشافت إخيالي
بنه سور بصوارم حيدر إكبالي

وعلي كل مايناديني☆زينب يانضر عيني
إبوي شكد يدللني☆زينب أنه تعرفني
☆☆☆☆
ماتمحي ذكرنه ولا رسالتنه
ويطيح الكون من إطيح رايتنه
بس لله نطخ ييزيد هامتنه
إحنه التضحيه والموت عادتنه

هذا مبدأ الأحرار☆تموت وماتذل لشرار
لظن تكدر إذلني☆زينب أنه تعرفني
☆☆☆☆
ذبحتو حسين إخوي وضل عدل مامات
راسه على الرمح ويرتل الأيات
ذكره بكل رساله تموته لا هيهات
بالأنجيل والفرقان والتورات

راسه المنذبح عطشان☆إوياي إيرتل القرأن
إخوي ومايفاركني☆☆زينب أنه تعرفني
☆☆☆
للشاعر نسيم
الحميداوي
http://t.me/NasimAlhamdawi

الشاعر الحسيني نسيم الحميداوي

26 December 2021 18:32

موشح(إلى القاسم إبن الكاظم ع)

أنه إبــن المــات مــسموم بــسجن
القاسم أنه وبعده عاشرت الحــزن
              ★★★★

أنه  إبن الــصلت  إوياه   الــقيــود
أنه إبن  المــات  وبوضع  الــسجود
ذاك إبوي السجل إسمه على الخلود
بموته من الــدين أحس هدمو ركــن
               ★★★★

بعد إبوي بعــيني أظــلم كــل درب
بــعده عشت بنــوح  بديار الــغزب
والــدليل يــنوح والــمدمع يــصب
وكــــل جــرح ينزف إذا ليلي يجن
               ★★★★

مــــاشفت  أنه  إبوي بكــــل زمــن
وبسجــن هــارون عــايش مــرتهن
بدونه عشت بغــربه ماعندي وطن
والــغريب إيعيش كــل عمره يون
             ★★★★

بالسجن هــذا البدر طال المــغيب
وانه كل عمري كظه بحزن ونحيب
القــاسم أنه مــلقب بأسم الغــريب
مايخــيب الــليه يكــصد. لاتــظــن
             ★★★★

مــن تــمر إضــعون أسكي القــافله
واذكر. العــباس.  عمــي.  بكــــربله
إشلون جان يــضحي لجـل العــايله
بدمعي اتــوضه وأزوره انه منــحن
              ★★★★

الطــاف كــبري وزار جن زار الرظا
الــهادي جــدي علــيه والباري رضا
ويطي اله صك الشفاعه المرتضى
موقع من حسين هالصك والحسن
              ★★★★
              ★★★★
الشاعر
        نسيم
          الحميداوي
http://t.me/NasimAlhamdawi

الشاعر الحسيني نسيم الحميداوي

25 November 2021 09:55

إلى الزهراء عليها السلام☆
                   °°وريثت الاحزان°°

شفت امي انسطر خدها.     وضلعها انصاب  
وضــلع خــلت الي ذكــره.     وجرح ماطاب
شيب كلبي من همي **ورثت احزاني من
                         ★★★
شكــثر وصــه النبي بيها   يوصــي أصحاب
وغصب أخذو فــــدك منها. بعد  مــــاغــاب
ودخــــلو عالزجيه إمــــي بلايــه إحــــجاب
عصروهــــا إوكع مــحســن على الاعــــتاب
        ضلع من السمه كسرو. *   عبيــد اللات
        من المصحف سور مسحو  أحس وايات
سور تحمل معاني اسمي* *ورثت احزاني من امي
                         ★★★
محــسن مــــافــــتح عينــــه ولا مــــــــولود
لــكــه باب العــصر إمــــــه عليــه مــــــزدود
صــــرخ مــــــاريــدن الــدنيه أريــــــد إلحود
عــــليهم  يغضــب البــاري غضــب  نمــــرود 
             إذاترفع اديها امي   ويربي تصيــح
             بدعوه ماتضل دنيه   سمانه اطيح
بعدها انه عشت يتمي* *ورثت احزاني من
                          ★★★
صــوره ابــالي مــــــاراحت بــقت تذكــــــار
وره البــاب  إمــــي من لاذت بلايــه إخــمار
يزينب صــــاحت بضــلعي نبــت مــــسمــار
وزمــــاني مــــن  بعــــد امــي عــليــه انــدار
           واثــر دمها بقه ذكــــــره إلي عالــباب
           أقبله بكل مســه بعبره.  واشم اعتاب
مشت عني واحس يمي* *ورثت  احزاني من امي
                            ★★★
أحـ ـس تــصلي جــدامي       إذا صــلــــيت
وسمــــع ونه للــــزهره.          إذا ونــــيــــت
مــــــيته وانتضر منهــــا.      تــــرد للــــبــيت
وعلى باب العــــصر إمــي.      نــضــر دكــيت
           اذا عيني بحلم امي.   بــمنام تشوف
           اتمنه بكهف عمري     وعيش إطيوف
ولاضل بجفن مدمي* *ورثت احــــزاني من امي
                             ★★★
انه مــــن  الطــــفوله.  دهــــــــري عــــذبني
مــــــاأدري زمــــــــاني.  بيــــش يــــــطلبني
اخــــذ إمــــي وإبــــوي.    وضل يــــــعذبني
وأخذ مــــني الحسن   .  والمحسن افجعني
          وبعد امي وطبر حيدر  ششوف امصاب
          اشوف حــسين مــــتكطع. بلايه  اثياب
وعاين نار بخيمي* *ورثت احزاني من امي
                          ★★★
✍للشاعر نسيم الحميداوي.✍/channel/NasimAlhamdawi

الشاعر الحسيني نسيم الحميداوي

04 November 2021 16:49

بعيني دمعه حلمي تمسحها بيمنتك
ماكو جمعه أنه تجمعني بحضرتك
عمري خلص كَّلبي شاب،،، يمته يخلص هالغياب
☆☆☆ يابو صالح،،،يابو صالح

أنه أبعثلك دمعتي ويالنوارس
دوم أتلفت وأدورك بالمجالس
إنت مثل حسين إليه وأنه عابس
الزمن مهر بيمينك وإنت فارس
،،،
تكدر تسرع الدهر،،،ونسمع المهدي ضهر
هالحلم نتأمله
تملي دنيتنه عدل،،،الدينك تلم الشمل
تبني دوله عادله
إنت بيدك تحي يالمهدي العداله
إنت بيدك تهدم أركان الضلاله
وتذبح الزمره الذئاب،،،يمته يخلص هالغياب،
☆☆☆☆
بوحشته الحادي على زينب مَر عليه
من غيابك ضهري جن ضلع الزجيه
بيه جرحك يشفه بالطلعه البهيه
وين أدورك بالغري بالغاضريه

،،،،وين أشوفك يامكان،،،أسأل عليك الزمان
إنت مو صاحب إله
أنه من دونك أضيع،،،ضامي إلك مثل الرضيع
والبعُد جن حرمله،،،،
هايه عيني تحلم بساعة طلعتك
هايه عيني يمته أكحلها بنضرتك
ضل سؤالي بلا جواب،،يمته يخلص هالغياب
☆☆☆☆
روحي ماتشفه بغيابك من ألمها
إله قطعه من قميصك كون أشمها
وقفت عيني دمع مُر بحلمها
عليك ذيج الناصب بروحك خيمها

،،،،جرحك بكد غيبتك،،،لسه تسمع عمتك
تصرخ ويالعايله
لسه ماناسي الجفوف ،،،عالمك كله الطفوف
كل حياتك كربله
محني ضهرك من الدمع جفنك تورم
كله عمرك ليلة الحادي بمحرم
لابس إثياب المصاب،،يمته يخلص هالغياب
☆☆☆،☆

ضاكَّت علينه الوسيعه وإنت أدره
بكَّلبي من باب الزجيه بيه جمره
لسه عين الزهره إمك هي حمره
شتنسه محسن تنسه عصره تنسه طبره

باب محراب وطفوف،،،وإنت بعيونك تشوف
عايش إنت الواقعه
من زمن ذبح الطفل لسه دمعاتك تهل
مانسيت المصرعه
،،،،إخذه ثارك إنت ثارات بركبتك
،،،إخذه ثارك سيدي وطفي جمرتك
وللأمل فك إلنه باب،،،يمته يخلص هالغياب
☆☆☆☆
إنت إلك رب الجلاله هوه حافظ
بصرخه عجل ياولينه كلبي نابظ
مبغضينك كل شي عدهم بي تناقض
المهدي مامولود كالو ياروافظ
،،،،،
سيدي جور وضلم،،،حاربونه على اللطم
هالعصابه الأثمه
يمته يالمهدي الضهور،،،يلعفتنه بلايه نور
الدنيه بعدك مضلمه،،
مرني مره لو حلم مُر على عيني
دنيه مٌره من غيابك ياحنيني
عايش بعالم عذاب،،يمته يخلص هالغياب
☆☆☆☆☆
الشاعر نسيم
الحميداوي،،
/channel/NasimAlhamdawi

الشاعر الحسيني نسيم الحميداوي

12 October 2021 12:36

إلى الزهراء عليها السلام☆

ياكبر يدفن شمسهه      الزهره امي
ماتت او وياي احسهه   الزهر ه امي
واروهه بتراب .... نور امي ماغاب
،،،،،،،،،،،،،،،،،،،،،،،،،،،      ،،،،،،،،،،،،،،،،،،،،،،،،،،،،،،،
اني زينب بس زماني مــــــارحمني    
  من بعــــــد امي الليـــالي عذبنــــي
الدفن ريــت الزجية اوياه دفــنـــي        
اوماعشت لحظة  بحياتي من عسني
          من دمعتي ارسم ملامح ...صـــوره الهه
             مااصــــدك عني راحت ....يمي ضلهه
عيني الهه محراب ،،،،،،،نور امي ماغاب
،،،،،،،،،،،،،،،،،،،،،،،،،،،،،،،،      ،،،،،،،،،،،،،،،،،،،،،،،،،،،،،،،،،،،،،،،،،،،،،

صرت احسن روحي ماتت من فكدهه 
   مااريد الدنيا كــــلهه    من بــــعدهه
بس جسد ضليت اعيشن روحي عدهه       
  وي امــــي كــــل سعادة   فــــــاركتهه
                طاحت مهشم ظلعهه.....ويمهه ابنهه
                 وبس اثر دم علبابي .....ذكرة منهه
 صورتهه علباب  ،،،،،،،،نور امي ماغاب
،،،،،،،،،،،،،،،،،،،،،،،،،،،،،،،       ،،،،،،،،،،،،،،،،،،،،،،،،،،،،،،،،،،،،،،،،،،،،

مو ضلع امي التكسر هذا ظلــعي
هي نامت واني اسهر اجري دمعي
ثوبي اسود دمعي احمر هذا وضعي 
كمت افز بليلي واصرخ يمه ارجعي
                ريت ترجع امي اليه..... حتى اشمهه
                 ارد اشم عطر الزجية.....واغفه يمهه
وشتم عطر هاب ،،،،،،،،،نور امي ماغاب
 ،،،،،،،،،،،،،،،،،،،،،،،،،،،،،       ،،،،،،،،،،،،،،،،،،،،،،،،،،،،،،،،،،،،،،،،،،،،،،،

عاشرت دمعي ونحيبي مااكطــــعة
بكلبي احسن اني صايح صوت اسمعه
بليلي اشعر يقره ناعي بــــراسي ينعه
اشعــل بجمرة حنينــي عيني شمعــــة 
                من أحن بليلي واذكر بس كسرهه
                 الكــّبر يعصرني اشعر من ذكــرهه
....كل ذكره انصاب ،،،،،،،،،،نور امي ماغاب
،،،،،،،،،،،،،،،،،،،،،،،،،،،،،،،،          ،،،،،،،،،،،،،،،،،،،،،،،،،،،،،،،،،،،،،،، ،
 
جان يستأذن مــحمد من يجيهه 
الهادي دوم على المنابر وصه بيه
كــــال فاطم هي روحي ام ابيهه
طه حط جفهه امانه بجف عليهه
                هجمو اصحاب السقيفة والضلالة
                    كسروا ضلوع الهدايه والرسالة
..عصروهه الاصحاب ،،،،،،،،،،،نور امي ماغاب
،،،،،،،،،،،،،،،،،،،،،،،،،،،،،،،،،،             ،،،،،،،،،،،،،،،،،،،،،،،،،،،،،،،،،،،،،،،،
بصحوة تحلم عيني بيهه جنهه يمي
  فوك راسي اشعر اديهه تجلي همي
الباب من دم صورة بيه صورة امي 
 انكسر مــني عليه بكــــــلبي عزمي
              الموت امي فك حزنه ولبست ابيض
               وماكو ليلة من بعدهه جفني غمض
كلبي بحزن ذاب ،،،،،،،،،،،،،،،نور امي ماغاب
،،،،،،،،،،،،،،،،،،،،،،،،،،،             ،،،،،،،،،،،،،،،،،،،،،،،،،،،،،،،،،،،،،،
        •••••• للشاعر نسيم الحميداوي •••••••
/channel/NasimAlhamdawi

الشاعر الحسيني نسيم الحميداوي

04 October 2021 07:24

🍂إلى رسول الله محمد صلى الله عليه وأله وسلم 🍂رئيسيه

مـن غفت يالهادي عينك يامُحمد
هجمت ذياب على دينك يامُحمد
جتنه أصحاب الخداع•••الدين صار إلهم قناع
★★★
بعدك الكعبه. مضلمه والمـــــــدينه
وجتنه أصحاب المطامع والضغينه
نصبت أول خليفه بنص علـــــــينه
إشلون الأول صار رابع يانبــــــينه

من كلت هـــــذا وصي وبلغتهم
راسه طبروه بصلاته من حقدهم
والغدر عدهم طباع•••الدين صار إلهم قناع
★★★
تصيح فاطم بضعه مني وإم أبوها
من كلت هايه بضعتي مـــــارعوها
الأول. وثاني. يطـــــه عــــــــذبوها
سطرو الزهره علخـــدها وشتموها

ومن كلت باب الزچيه هذا بابي
إحترك بعدك يطه بچف صحابي
ماكو بيهم كل شجاع••••الدين صار إلهم قناع
★★★
لبسو إثياب العقيده وسلـــــبونه
وإحنه بسمـك يامحمد ذبحــونه
من كثر مــــــــاعذبوكم عـذبونه
سيدي الصله على تربه إيكفرونه

الدنيه صارت إحنه ضدنه وفاركنه
وكلها رادت تفترسنه مـــن عفتنه
چن غزال بنص ضباع••••الدين صار إلهم قناع
★★★
جتنه أصحاب المطامع والسياده
تقمــــــصو ثوب الديانه والعباده
بلاضمــــــير بلا حميه جتنه قاده
باعـــــــو الدين وذممهم عالقياده

الغيره بيهم والله ماتت هالنواصب
وركضت بن العاص صارت عالمناصب
وستمر هذا الصراع••••الدين صار إلهم قناع
★★★
يا أبو القاسم وحقك مــــا أجامل
مـاشفت حاكم إجانه وهوه عادل
سيدي جـــــتنه عصابه كلها باطل
كثرو عـــــــــدنه اليتامه والأرامل

يانبينه ششتكيلك وإنت أدره
تسترو بالدين دينك من يستره
والتستر بينه شاع•••الدين صار إلهم قناع
★★★
إلي كالو إنت تهــــــــجر بالوصيه
تأمرو ضد الصمــــيده والزچيـــه
شفنه من ظلم السقيفه كـــل رزيه
ومـــــــن هذاك اليوم لسه الطائفيه

فرقه فرقه الطائفيه فــــــرقتنه
المهدي وحده يلم شملنه بي أملنه
ويقضي عالهمج الرعاع•••الدين صار إلهم قناع
★★★
للشاعر نسيم
الحميداوي🔗🖋🖋
/channel/NasimAlhamdawi

الشاعر الحسيني نسيم الحميداوي

15 September 2021 13:15

حسين اليگصده••يوم أربعين
ياخذ كتابه ••••والله بيمينه
««««»»»»»»
روايه عن رسول الله عليها المصطفى وقع
گلمــــن زار أبو اليمه إله بيوم الحشر أشفع
بحار الرحمه يلكاها برياض الجنه يتمتع
الملائك هي خدامه وحق المنذبح يرضع
يلكه بجنانه•••عنده منازل
يشفي غليله ••بطيب مناهل
فكره يضل محتار•••لاماتمسه النار
«««««««»»»»»
هنيأً لليزور حسين يطب ويقبـــل الحضره
باچر هم أبو السجاد يحضره لو وحش گبره
هنياله المشه خطوه بطريقه ويهمل العبره
رسول الله بلسانه گال كل خطــــوه إله عمره
كعبة عشكنه••••أصبح مزاره
ملك اليگصده•••يرجع لداره
يشفه العليه إغبار••••لاماتمسه النار
«««««««»»»»»»
يمن عاديت أبو الأكبر وجيت تريد تنصحنه
تگول الشيعه مجنونه أكلك حُــــــبه جننه
إذا عندك شخص غيره إتبعه وإحنه إتركنه
خلينه نطــــب للنار وإنت إدخل الجنه
تعرف غرورك•••يوم المنيه
مالك شفيعه•••مثل الزچيه
خادمها والكرار•••لا مــــــــاتمسه النار
«««««««»»»»
اليحب حسين بالمحشر جهنم مـــــايمر بيها
لاشك بس يمر بالنار نار الله يطفـــــــيها
على باب الجنان إهناك الزهره إمه يلاكيها
تكله أهديلك الجنه وتخدمك كل حواريها
هاي الوديعه ••••يوم القيامه
كلمن خدمها•••عالي مقامه
يقطف خدمته أثمار•••لاماتمسه النار
««««««««»»»»
بدمعنه لا ثواب نريد لاردنه أجر حــــبنه
لاردنه نشوف الحور أملنه الباري يرحمنه
حـــــبينه سبط طه والحب هذا شرفنه
نموت نعيش نهوه حسين ومانترك محبتنه
ربنه خلقنه•••لجله وحيانه
إحنه هوينه•••حسين وهوانه
حبه بدمانه سار••••لامــــــــاتمسه النار
««««««»»»»»»
للشاعر نسيم
الحميداوي🖋🖋🔗🔗

/channel/NasimAlhamdawi

الشاعر الحسيني نسيم الحميداوي

11 September 2021 19:15

تجليبه إلى عزيزة الحسين ع رقيه

رقيه مـن الزغر تركتها دنياها
ماگدرت تعيش بولية إعداها
•••؛؛؛؛؛؛•••
إعداها سبتها وحركت إخيمـها
تدير العين أهلها بس جثث يمها
ذبح حــسين أبوها ضل يألمها
بعده إلمن تبث هالطفله شكواها
«««««««»»»»
شكواها بگلبها هي مـــخفيه
بعده أول عمرها وتمشي مسبيه
كبل بضل أبوها تغفه محميه
لا والي البگه هاليله وياها
«««««««»»»»»
وياها مــشت بس اليتامــه تنوح
عافت جسم أبوها عالترب مطروح
تركت عمها يم المشرعه مذبوح
ياطفله بعمرها إتحمله بلواها
««««««»»»»»
بلواها الصخر من عنده يتفسر
لو أيوب يمــــــها بكربله يحضر
لاشك نادى يارب مسني انه الضَر
النبي يجزع لون مَر برزاياها
««««««»»»»»
رزاياها تشيب البعـــده مامولود
بچه إلها محــــمد والنبي داوود
وكل مرسل يواسي الغايب الموعود
هاليله المـــــــصيبه هي ذكراها
««««««»»»»»»»
الشاعر
نسيم الحميداوي
/channel/NasimAlhamdawi

الشاعر الحسيني نسيم الحميداوي

10 September 2021 19:19

إلى زيد الشهيد ع

زيد بمماته••خلد حياته
من دمه والله،، خط معجزاته
«««««»»»»»»
صار محـــراب الشهاده والكرامه
من علي السجاد وارث هالشهامه
وضح بدمه العقيده والأمــــامه
بگل زمن ضل نوره ساطع للقيامه

زيد بثباته••••وبتضحياته
من دمه والله•••خط معجزاته
«««««««»»»»»
بليلة إمصابه أشوف الدنيه سوده
وتبزغ بدور المصـــايب من صموده
عنه تأريخك إسأله بي وجوده
تحچي صفحات المكارم عن خلوده

وضحت إباته••من مكرماته
وبدمه والله ••••خط معجزاته
««««««««»»»»»»
هذا عــنوان الشجاعه والشهاده
راسم بدم نحره صوره عن جهاده
زاهد وعــــــــابد تميز بالعباده
ياخــذ اليكصد إله بالعز مراده

الرايد نجاته•••يطلب رضاته
من دمه والله •••خط معجزاته
««««««»»»»»
إكصد الزيد بعقيده مـــــن تزوره
إحروف إسمه بيها رتل چنها سوره
تنضر بگبره مــــعاجز يضوي نوره
تلمح بصرح المعالي منه صوره

توضح. صفاته•••وكل معطياته
من دمه والله•خط معجزاته
««««««««»»»»»»
ناحت العّليه أهلها لجله تنعـــــــه
حكنه لونحنه المصابه ونجري دمعه
الدين مفجوعه إصوله ويبچي شرعه
لجله وحي أحزاني ينحب ضل أسمعه

نوحي لذاته••تفجع وفاته
من دمه والله••خط معجزاته
««««««»»»»»»»
للشاعر نسيم
الحميداوي
/channel/NasimAlhamdawi

الشاعر الحسيني نسيم الحميداوي

10 September 2021 13:11

إلى الحسن المجتبى على لحن كرار
يالعايش بعيوني ويورحي»»

من سمك سموها الروحي
مايبطل لمـــصابك نوحي
گلبي مصدع•••وجري المدمع
««««««»»»»»
ياأول ضحــــيه بسم بني سفيان
حزينه الروح لجلك والگلب ولهان
مثلك منضلم ماشايف أنه إنسان
لامـــرقد ولاحضــــــره ولابنيان
يالفاجع دلالي بأمرك••أتگدر من أذكر گبرك
گبرك يفجع••••وجري المدمع
«««««««»»»»»»
من كد ماحقد عدهم يسمـــونك
وخلي على النعش إسهام يرمونك
وأقسم يالحسن لو مو يهدمونك
عن گلب اليحــــــــبك مايبعدونك

لوانساك الله إيعاديني•••وهناك الباري يجازيني
يوم المفزع•••وجري المدمع
««««««««»»»»»
حگي أنحب عليك وأبچي كون بدم
يالمنسم غريب وگبرك إمهدم
ألمن بالجرح وعليك مـــــايلتم
وسط الروح عايش وأنه بيك أحلم
يالساكن دلالي وعيني••بُعدك والله أنه مأذيني
دوم إملوع••••وجري المدمع
«««««««««»»»»»»
عضيد حـــــسين بالسم منمـرد چبده
كضه نحبه الحسن من سم غدر جعده
لفت إلنه المصايب كلها من بعده
كريم الناس راح وطحنه بالشده
متگدر دوم بحسراتي•••مالحضه النشفت دمعاتي
لا مــــــاأهجع•••وأجري المدمع
«««««««««»»»»»»»»
إذا رايد شفيع الزهره عـــــــــزيها
وبمصاب الحسن وحسين واسيها
لضل بدمــــــــــعتك تبخل عليها
تره بيوم الحشر فاطم تلاكيها
نيتك صفيها إواسيها •••وگلبك خلي مأتم ليها
بالك تجزع•••وجري المدمع
«««««««»»»»»»»
إنت بگل سنه تعاين على أحبابك
تشوف الشيعه تنعه وتبچي لمصابك
أحن لزيارتك من أذكر إصوابك
يهنياله اليجيك ويشتم إترابك
يايوم الأووصل يم گبرك•••وگعد انحب انه بكترك
منك أرجع•••واجري المدمع
««««««««»»»»»»»
الشاعرنسيم
الحميداوي


/channel/NasimAlhamdawi

الشاعر الحسيني نسيم الحميداوي

09 September 2021 22:46

(إلى القاسم إبن الكاظم ع)

أنه إبــن المــات مــسموم بــسجن
القاسم أنه وبعده عاشرت الحــزن
              ★★★★

أنه  إبن الــصلت  إوياه   الــقيــود
أنه إبن  المــات  وبوضع  الــسجود
ذاك إبوي السجل إسمه على الخلود
بموته من الــدين أحس هدمو ركــن
               ★★★★

بعد إبوي بعــيني أظــلم كــل درب
بــعده عشت بنــوح  بديار الــغزب
والــدليل يــنوح والــمدمع يــصب
وكــــل جــرح ينزف إذا ليلي يجن
               ★★★★

مــــاشفت  أنه  إبوي بكــــل زمــن
وبسجــن هــارون عــايش مــرتهن
بدونه عشت بغــربه ماعندي وطن
والــغريب إيعيش كــل عمره يون
             ★★★★

بالسجن هــذا البدر طال المــغيب
وانه كل عمري كظه بحزن ونحيب
القــاسم أنه مــلقب بأسم الغــريب
مايخــيب الــليه يكــصد. لاتــظــن
             ★★★★

مــن تــمر إضــعون أسكي القــافله
واذكر. العــباس.  عمــي.  بكــــربله
إشلون جان يــضحي لجـل العــايله
بدمعي اتــوضه وأزوره انه منــحن
              ★★★★

الطــاف كــبري وزار جن زار الرظا
الــهادي جــدي علــيه والباري رضا
ويطي اله صك الشفاعه المرتضى
موقع من حسين هالصك والحسن
              ★★★★
              ★★★★
الشاعر
        نسيم
          الحميداي
/channel/NasimAlhamdawi

الشاعر الحسيني نسيم الحميداوي

31 August 2021 10:28

أنه علي السجــــــــــاد دهري فجعني
وچم مره سيف إعداي بالطف ذبحني
أهلي شفتهم•••خصمي ذبحهم
««««««»»»»»»»»
على الجنــــــه إنتحب أدم ويدري إلها يردونه
وعلى يوسف حزن يعقوب بچه لمن عمه عيونه
ومــــاشافه تدوسه الخيل وإكباله يذبحـــونه
ولون مثلي بتله بأهلـــــه نحب لمن يشيعونه

حتــــه الجبال إذوب لو مـــرها همي
وعاف الصبر أيوب لو لحضه يمي
گلبي اليحبهم،،،، خصمي ذبحهم،،،، بالطف ذبحني
«««««««»»»»»»»
أنه الصابر العـــــابد منهو بهالخلك مثلي
مثل موج البحر حزني ودمعي على الوجن يغلي
الدهر مثل النجم شتني ومايلتم بعد شملي
كلها راحت أحـــــبابي ويمي إذبحو أهلي

چم لوعه چم مصاب راوتــني دنياي
حته الطفل ذبحوه عبد الله عالماي
وأحبابي كلهم••خصمي ذبحهم••بالطف ذبحني
«««««««»»»»»»»»
أول ذبحه ذبحوني من ذبحو علي الأكبر
ثاني ذبحه عبد الله وشوفت جاسم إموذر
وعمي الكطعو چفوفه هذا الفارس الأزهر
ونحرت والدي منحور من كطعو إله المنحر

الأكبر وجـــــسام ضلو رميه
والگمر وي حسين فوگ الوطيه
وبعيني أصدهم••خصمي ذبحهم••بالطف ذبحني
«««««««««»»»»»»
الحديد تلين الداوود وذبح بالطف أبو اليمه
وناره إموجره النمرود الخليل إيطبها متهمه
وماخمدت لبوي حسين عجيبه وحركت إخيمه
والأعجب تدوسه الخيل وإمـــــه فاطمه يمه

من دم ابو السجاد صبغت شعرها
ومن نضرة الأجساد ذكرت كسرها
لمت جثثهم ••خصمي ذبحهم••بالطف ذبحني
««««««««»»»»»»»
خليل الله حضر بالطف وادم والنبي المختار
محامل نزلت إوياهم بالعتره تشوف الصار
نضرو فاطمه الزهره مكدره وماعليها خمار
شمس شافوها مكسوفه ويمها مذبحه الأقمار

مذبوحه عالتربان آهل الرساله
من خيرة القــــــرأن وطهر سلاله
ربنه إلي خصهم•••خصمي ذبحهم
««««««»»»»»»»)
الزمن كل لحضه يذبحني ويرد لحزانه يحييني
علي رميه بأثر رميه زماني بسهمه يرميني
سحاب المدمع بعيني من أغفه يصحيني
وشفت من الدهر لوعات وبعد شكثر يراويني

شفت اليتامه باليل حركو خيمها
وچم طفله هاي الخيل داست جسمها
محد رحمهم••••خصمي ذبحهم••بالطف ذبحني
«««««««»»»»»»»»
الشاعر نسيم
الحميداوي

/channel/NasimAlhamdawi