الشاعر الحسيني نسيم الحميداوي

04 August 2024 13:31

ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.

وإرسل قناتك هُنا : @ahmed_alziwar0

--------------------------------------------------

قناة تعليم الرواديد الالحان
/channel/ahmed_alziwar1

الشاعر الحسيني نسيم الحميداوي

24 July 2024 07:47

للطف إجيت إوياك مثل الأميره
        ترضاها ياعباس أرجــــع أسيره
        بيتي إنهدم لمن رحت•••ماجاوبتني من صحت
        ••••؛؛؛؛؛؛؛؛ ••••
        لمن طحت خويه حركو صيواني
        وعلى الخيم كلها إهجمت عدواني
        وين أنطي وجهي مذبحه  ولياني
        شمر وزجر  لو حرمله  اليرعاني
       
        يمشي  الشمر وياي     بت حيدر أني
        بيه إغدرت  دنياي      هي   وزماني
        من الدهر أنه إشفت ••••ماجاوبتني من صحت
        •••؛؛؛؛؛ ••••
        وياك إجيت بهيبتي ومـــــــــحميه
        ماچنت أظن خويه من أرد مسبيه
        بسهم المصايب من زغر  مرمـــــيه
        بس هالمصاب بعمري  مامـــر  بيه
   
    حركو علينه ألدار    أشرار مــــيه
    وتكبعت بالنار      ذيچ     المسيه
    من خمتي بناري طلعت••؛؛•ماجاوبتني من صحت
    ••؛؛؛؛؛•••
    راح الأمل وي روحتك فاركني
    تدري الشمر لمن طحت لوعني
    وكاس المرار بغيبتك  جرعني
    وكتم صرختي بگلبي لايسمعني
       
        أسحك جمر ماصيح  بالغربه وحدي
        وكل دمعه من إطيح   جمره عالخدي
        من بعدك أنه إتعذبت••ماجاوبتني من صحت
        •••••؛؛؛؛؛••••••
    هاي العده تنشدني وين أحـــــبابچ
    خل الكفل ينهض يشوف إصوابچ
    وين الذي دك صدرة إلچ  والجابچ
    مسبيه إنتي وماحضر    بمـــصابچ
        
        صحت بألم يعداي     وفه الكفلني
        مو هذا راسه إوياي      هو اليردني
بعين الخصم شوكه صرت•••ماجاوبتني من صحت
•••؛؛؛؛••••
        عالحــومه جيت وعاينت حالتكم
        كل واحد مغسله الدمه من عدكم
        صارت غصب يهل الشيم فركتكم
        وانه مشيت وروحي ضلت يمكم
عفت الگلب والروح   بالغاضريه
وعنكم رحت عباس   متكيده إديه

عنكم غصب خويه رحت••ماجاوبتني من صحت
•••؛؛؛؛؛•••••
الشاعر نسيم الحميداوي•
/channel/NasimAlhamdawi

الشاعر الحسيني نسيم الحميداوي

19 July 2024 09:31

رئيسيه إلى الامام السجاد ( ع)
أنه علي السجــــــــــاد    دهري فجعني
وچم مره سيف إعدي    بالطف ذبحني
   أهلي شفتهم•••خصمي ذبحهم
              ««««««»»»»»»»»
على الجنــــــه إنتحب أدم      ويدري إلها  يردونه
وعلى يوسف حزن يعقوب     بچه لمن عمه عيونه
ومــــاشافه تدوسه  الخيل    وإكباله   يذبحـــونه
ولون مثلي بتله   بأهلـــــه      نحب لمن يشيعونه

      حتــــه الجبال  إذوب   لو مـــرها همي
      وعاف الصبر   أيوب     لو لحضه يمي
گلبي اليحبهم،،،، خصمي ذبحهم،،،، بالطف ذبحني
                   «««««««»»»»»»»
أنه الصابر  العـــــابد        منهو بهالخلك   مثلي
مثل موج البحر حزني   ودمعي على الوجن يغلي
الدهر مثل النجم شتني  ومايلتم بعد   شملي
كلها راحت  أحـــــبابي    ويمي إذبحو    أهلي

      چم لوعه چم مصاب    راوتــني دنياي
     حته  الطفل   ذبحوه     عبد الله عالماي
وأحبابي كلهم••خصمي ذبحهم••بالطف ذبحني
                  «««««««»»»»»»»»
أول ذبحه ذبحوني     من ذبحو  علي  الأكبر
ثاني ذبحه عبد الله    وشوفت جاسم إموذر
وعمي الكطعو چفوفه   هذا الفارس   الأزهر
ونحرت والدي منحور   من كطعو إله المنحر

       الأكبر وجـــــسام    ضلو  رميه
      والگمر وي حسين  فوگ الوطيه
وبعيني أصدهم••خصمي ذبحهم••بالطف ذبحني
                 «««««««««»»»»»»
الحديد تلين الداوود     وذبح بالطف أبو  اليمه
وناره إموجره النمرود   الخليل إيطبها    متهمه
وماخمدت لبوي حسين   عجيبه  وحركت إخيمه
والأعجب تدوسه الخيل   وإمـــــه  فاطمه    يمه

   من دم ابو السجاد   صبغت شعرها
    ومن نضرة الأجساد  ذكرت كسرها
لمت جثثهم ••خصمي ذبحهم••بالطف ذبحني
            ««««««««»»»»»»»
خليل الله حضر  بالطف   وادم والنبي المختار
محامل نزلت   إوياهم    بالعتره تشوف الصار
نضرو فاطمه   الزهره    مكدره  وماعليها خمار
شمس شافوها مكسوفه  ويمها مذبحه  الأقمار

    مذبوحه عالتربان    آهل الرساله
من خيرة القــــــرأن     وطهر سلاله
ربنه إلي خصهم•••خصمي ذبحهم
              ««««««»»»»»»»)
الزمن كل لحضه يذبحني      ويرد لحزانه يحييني
علي رميه بأثر    رميه         زمانه   بسهمه يرميني
سحاب المدمع بعيني             من أغفه يصحيني
وشفت من الدهر لوعات    وبعد شكثر يراويني

          شفت اليتامه باليل    حركو خيمها
      وچم طفله هاي الخيل   داست جسمها
محد رحمهم••••خصمي ذبحهم••بالطف ذبحني
                «««««««»»»»»»»»
الشاعر نسيم
الحميداوي
/channel/NasimAlhamdawi

الشاعر الحسيني نسيم الحميداوي

15 July 2024 10:05

عندي الذبح. هين سبي عيالي الألم
راسي برمح وعيوني ضلت عالخيم
جثتي أنه أحشم بيها•••ردت الخيم تطفيها
★★★
طــــلعت رقــيه بس ركض بنار الخيم مچويه
ضليت أحــشم بجــــثتي وهي تحــشم بيه
إشلون أركض وراسي برمح وبعدن علـّۓ رجليه
وانه إنسبيت ويالظــــعن. وي عيلتي المــسبيه

مذبوح أنه. وراسي مــشه وي عيلتي
فوك القنا . ورمح إحترك من غيرتي
دمعاتي دم أجريها••••ردت الخيم تطفيها
★★★
جسمي على إسهامه زحف مــن طفلتي ندبتني
يمــي رُقــــيه ڪٍّربــــت بمنظر صعب شافتني
لطمــت وجــها من الحزن ومن الڪفه حضنتني
تكلــي سهام البالصــدر مــن شبكتك حرمتني

يمي إجت • وصدري بحوافر منسحك
بس من بچت• قلــبي الرقيه ظل يدك
ڪلمه بدمع تحچيها••••ردت الخيم تطفيها
★★★
لمن طحت فوك الترب هاجت جــميع ألامــي
ماشــوفن عــيالي بعد خــــيل وزلم جدامي
ياربي راويــني الخيم چفــي رفعته ودامــي
حِكمه نرفع راسي برمح حته أنه أشوف خيامي

راسي إرتفع• أذن ألم صَــله الجــــرح
فارس رجع • حارس ظعن صاعد رمح
والعبره دم يبچيها•••ردت الخيم تطفيها
★★★
سجدت بواتر عالجسم وبدمي كــــلها إتوضت
وصدري إنهشم ياشيعتي وضلوعه رض إنرضت
روحي على ذبحي تغض نضر بس عالحرم ماغضت
شفت الحراير بالسبي والروح أحسها تشضت

راسي بدمه •يبچي وعلى زينب يون
شفت السمه • غــيم وجها من الحزن
كل غيمه أصدن ليها••••ردت الخيم تطفيها
★★★
إختي شفــتها بياوضع حافي وجمر يچويها
محنية زينب چن ضلع فكد الأهل حــــانيها
من الضمه ماظل دمع عدها وشمر سابيها
من بعدي لوتشرب نهر زينب فــــلا يرويــها

حته الضوه• نتقاسمه چــنه سوه
بس الهوه •عني بحبل چفها إنطوه
لن زينب إمڪيديها••••ردت الخيم تطفيها
★★★

★★★
للشاعر نسيم
الحميداوي/channel/NasimAlhamdawi

الشاعر الحسيني نسيم الحميداوي

13 July 2024 17:28

عن لسان القاسم بن الحسن ع««

النصرتك أميري •••لبه إلك ضميري
رخصت دمائي•••أنه إلك فدائي
••••
أنه جاسم عمي عاشك  للمنيه
من إبوي من الزغر عندي وصيه
لو أشوفك وحدك  بالغاضريه
أنه أقدم نحري  ياعم  الهديه

من زغر تراني •••تملكت كياني
بنصرتك بقائي ••أنه إلك فدائي
•••؛؛؛••
أنه أريدن عمي أهديلك حياتي
ماأريدن كل عرس رايد مماتي
اليوم أحسن أنولد ساعة وفاتي
أنه حلمي بدمي أكتب تضحياتي

بذبحتي يغالي••أرتقي المعالي
ويفتخر ولائي•••أنه إلك فدائي
••؛؛؛•••
بحسره هل من ناصراً  من إنت ناديت
بصيحتك حته الصخر ياعمي  بچيت
لابس إثياب العرس  متعني إلك جيت
أنذبح عــــــندي ألذ من  ورده شميت
نحري إلك نذرته•••والعرس شمعته
إتنَــــــور  بعـــــــزائي ••أنه إلك فدائي
•••؛؛؛•••
عالغــــــــريب إجمعت  هاي العساكر
والله ماعدهم ذمم  ميته  الضمائر
بايعو كلهم يعمي   همه    فاجـــــــر
وياعجيبه المثلك إنت   ماله  ناصر

من مثل خصالك•••منفجع لحالك
ومن دمه بكائي•••أنه ألك فدائي
•••؛؛؛؛؛؛•••••
أنه إجيت النصرتك  مـــــاخذ قراري
عمي أحسن للحرب  طال  إنتضاري
من أطب المعركه  بيها   إفتخاري
بدمي ياعمي أرده أسجل  إنتصاري

جردت حسامي•••وهالحرب هيامي
والفخر ردائي•••أنه إلك فدائي
••••؛؛؛؛•••
هذا سيف المجتبى  سليته  بيدي
وخلي ياعم ينكطع   لجلك  وريدي
روحي أكلها من تحن ياروحي هيدي
إبين إديك الموت  أشوفه هوه عيدي

حل وكت رحيلي •••إودعت خليلي
بالحشر لقائي•••انه إلك فدائي
•••؛؛؛؛؛••••/channel/NasimAlhamdawi

الشاعر الحسيني نسيم الحميداوي

12 July 2024 09:46

في غرام الحسين ع

من حــبيناك••لامــــــاننساك
يحسين نموت.. ونظل نهواك

كل.  عاشك  حــبيبه ساكن  عيونه
وعن   درب   اليحبه  مــــايبعدونه
وإذا بحبــك يذبحــونه.  ويصلبونه
مــانعشك  ســواك شمــــايــعذبونه
نوالي الوالاك••نعادي العاداك
نحــبك يحسين.. ونضل نهواك
                   ★★★★
 
ياســر   المــحبه  وروضة   العــشاك
ياكــعبة غرامي الألها دوم   أشــتاك
وسط انضاري ألمحك من احس بفراك
وكصدلك اذا كلبي على شوفك ضاك
عشت بدنياك••خصم الفركاك
انت المحبوب••ونضل نهواك
                    ★★★★

الك مثل الطيور  تــهاجر  احــبابك
وتوكر بالضريح  وتــــذكر مــصابك
يشفه من العلل من  يذكر  امصابك
وماخاب  القــرع  ياســيدي بابــــك
من نتعناك••مــــنبع نلكــــاك
فايض بالجود••ونضل نهواك
                  ★★★★

محــبتك عالكواكب ڱــڵـها مــنشوره
وعلى وجه الشمس يحسين إلك صوره
الخـــالق صــورك وطاك مــن نــــوره
وجسمك مــوجــسم ايات  مـــــنثوره
ربك سواك ••سيد الأمــلاك
انت القرأن••ونضل نــهواك
                   ★★★★
 
يالمضحي بدمــاك وناصر القــرأن
وروحك قــدمــتها قُــربه للــديان
ووصالك تــسبح  ربها عــالتــربان
وتدعي خالقك يرحم بني سفيان
محد ضاهاك••راحم بعداك
شافع للناس••ونضل نهواك
                     ★★★★

لْـۆن انت على خصمك جفك ترفعه
تكــلب  بالــدعاء السبعه عــالسبعه
لجن حته الشمر من راسك ايكطعه
تدعي الله يرحمه وتهمل  الــدمعه

الباري من اوحاك••جهلو معناك
حط بيك اسرار••ونضل نهواك.
🔗🔗🔗🔗🔗🔗
الشاعر
        نسيم
      الحميداوي🖋🖌
/channel/NasimAlhamdawi

الشاعر الحسيني نسيم الحميداوي

12 July 2024 09:45

عن لسان الحوراء ع في اليسر#

اليوم وحدي إميسره إبين الأعادي
الناس چانت تعتني وتطلب مرادي
أنه جبرائيل هز مهدي إليه
هسه ليش إحبال مچتوفه وسبيه
«««««««»»»»»»

نار باب إمي إحركت كل ذكرياتي
وصلت الطف كربله وحركت عباتي
وباليسر من الله صرت أطلب وفاتي
الباري يدري على الهزل صارت صلاتي

الدنيه ضدي إندارت بليله وضحاها
ونسبت بت باب خيبرهم دحــــاها
وچانت إنذوره گبل تنشد بديه••
هسه ليش إحبال مچتوفه وسبيه
«««««««««««»»»»»»»»»
راس ابو اليمه الشمر شفته يگطعه
عالرمح يقهرني رايد من يرفعـــه
راسه ضل قران يقره وانه أسمعه
صيحتي الشامت تفرحه بگلبي أنعه

الدمعه حرمه ولا أبد لا مافرعتها
دمعتي إكبال الشماته كبــــــعتها
بيه غيرة حيدره وعزم الزچيه
هسه ليش أحبال مچتوفه وسبيه
وانه زينب•••وانه زينب
««««««»»»»»»»»»
من وصلنه الشام أهلها إستقبلونه
بصفكه ودفوف وهلاهل من إجونه
ثاري عيد الشام عدهم چتل إخونه
وبالقصر بأسم الخوارج لقــــــبونه

ريت ميته ولادست عتبة قــــــصرهم
أنفاسي متوضيه وحرام أشتم خمرهم
جيت متوضيه بدمه إحسين وأخيه••
هسه ليش أحبال مچتوفه وسبيه
«««««««««»»»»»»»»
راس أبو اليمه بطشت لمـــــن نضرته
گلبي ضل لحسين يبچي وينعه سكته
وراس عباس الهضمني دم عبــــرته
إكباله بالمجلس شماته سبو إخته

صاح لو أمــــــلك إديه عاتبيني
يختي ماعندي شمالي ولايميني
خالفت وعدك تكله هالمنيه•
هسه ليش أحبال مچتوفه إديه
««««««»»»»»»»»
الگال زينب تنضرب ماجل گدرها
مادره أملاك السمه تحرس خدرها
مادره چان الوحي إوياها بيسرها
هاي زينب هي ستر الله سترها

تگول بس أهل الضلم لامـــــارعوني
وحته شمس الله إستحت من يسروني
وختفت ماترضه عين تصد عليه،،
هسه ليش أحبال مچتوفه وسبيه
وانه زينب•••وانه زينب
««««««««««»»»»»»»)))))
الشاعر نسيم الحميداوي/channel/NasimAlhamdawi

الشاعر الحسيني نسيم الحميداوي

12 July 2024 09:44

موبدينه من مشينه.••• والسلاسل بس بدينه
لــخوتي من ودعت . •• أنه حجيت وطفت
أشــــواط سبعه تممت .••من مــــشينه
••••••••••••••••••
أنه زينب صعــبه أطــلع لليــسر وبــــلا حمــاي
ألتفت كل خطوه أمشي من إجه من أهلي وراي
بچــفي أأشر ما أســولف صوتي رايح من ضماي
والشتمــنه. والسبــانــه إشلون نشرب منه ماي

ماشربنه من عدونه•••نشرب إحنه بچف إخونه
من بعد چف الكمر••••مــايــروينه النــهر
بغيبته اللحظه دهر••من مــــشينه
••••••••••••••••••
ٱل ميــــه بلا حميه منــهم أرحم لو يهود
من إدينه أخذو أساور ولبسونه إحنه القيود
وعالترب من كد تعبنه نغفه ونوسد الخدود
نغفه ونفز من ضمانه لو سمعنه بطاري جود

كلها صاحت جانه عمنه •••وراسه عالرمح الكفلنه.
هــذا بحر العاطفه••عــالرمح ينزف وفه
شاف إدينــــه مچتفه••• من مشــــينه
•°•°•°•°•°•°• °•°•°•
من رحت أندب يخوتي منهو منكم ضل عدل
خل يكوم وياي يمشي راح اركب عالهزل
لحد إيفاركني أكلهم كلبي أبد مايحتمل
ليش ماواحد فزعلي كيدو چفي بحبل

موطبعهم مايجوني•••بدنيه وحشه فاركوني
بس أحس ليلي خدر••صرت اخاف من الفجر
لوبزغ وانه بيسر•••••من مشينه .
°•°•°•°•°•°•°•°•°•°•

محد المثلي أنه فكدت بلحظه ضيعت الحنين
أنضر بعيني إخوتي عالــترب ومذبحين
عون عثمان ويجعفر. والكفيل ويالحسين
هذا مسلوبه ثيابه. وذاكه ماعنده إدين
من عفتهم كُّلبي عدهم•••ورحي ضلت يم جثثهم
والله عنهم من رحت•••أنه الف موته متت
ويالعليل إتكيدت••••من مشينه
°•°•°• °•°•°• °•°•°•
إحنه بالكوفه إنسبينه والله احس ذاب الدليل
كل قبيله عدها حُرمه. ويانه طــلعها كــفيل
وإحنــــه نتلفت بقينه. وينه حماي الدخيل
وين أبو الغيره علينه. أصرخ ودمعي يسيل

أبچي سكته ومااونن•••بس لخوتي دوم أحنن
كُّلبي ذاب من الغصص•••باليسر حيلي خلص
بدمعي أرويها القصص••••من مــــشينه
••••••••••••••••••
الصفا والمرى إخوتي بيهم أنه شكد سعيت
إوصل المذبح كفيلي. وللحسين ارجع نويت
حِجت المسبيه أحجن. وحنيت الضلع إنحنيت
هايه أول مره أركض. عالجمر بس مــــارميت

من نحرهم يجري زمزم••••شفته لاچن هذا من دم
همه أبد ماقصرو••••ويالظعن روس ومشو
لوصحت كلهم بچو•••من مــشينه
°•°•°•°•°•°•°•°•
للشاعر نسيم
الحميداوي/channel/NasimAlhamdawi

الشاعر الحسيني نسيم الحميداوي

03 July 2024 08:40

نزله إلى أبي الفضل العباس عليه السلام••

أنه  عباس   منتظرها الغاضريه
    أنه عباس   اليوم أذلهم آل ميه
لو وصل واحد عريني••ينكطع راسه بيميني
               «««««««««»»»»»
    عالنحور بسيفي أعزف لحن الإيثار
    هذا مـــن حيدر أمانه  بچفي  بتار
    بصولتي أذعر جحافل هاي الأشرار
    إله أخـــــلي الدنيه كلها  ليه  تذكار

تنادي للثار  عالفرات إضلي رايه
ليه  أثار     النهر يذكرني  مايه
       چفوفي راح إضل علامه••للوفه اليوم القيامه
                   أنه  عــــــــباس
          «««««««««»»»»
    بالوعد  تعرفني زينب   أنه  وفـــــــاي
    وأنه كلتلها  العقيله   إنتي    بحــــماي
    حان يوم  الأوفي إلها   بنحري ودماي
    اليوم أروي الكاع كلها  من دمه إعداي

أروي الرمال    إي وحق سبع المثاني
أسحك أبطال براسي غيرة حيدر أني
            ماتهمني أنه الكتايب••سيفي أذن للحرايب
            أنه  عـــــــــــــــــــباس
                   ««««««««»»»»»
    أنه وصتني    وصيـــــــــه    إم البنين
    بالطفوف   أفـــدي إديه دون الحسين
    فدوه نحري الأختي زينب وهدي چفين
    ماتهمـــــني چفوفي  توكع  لاتهم  عـين

أهوه الأخطار  وسلك دروب المخاطر
عــــــندي  بتار  ماعشك غير   المناحر
        وانه مكتوب بچفوفي•••من أواعد انه أوفي
                    أنه.  عــــــــــباس
             «««««««««««»»»»»»»
    أنه أموت  وجودي بيدي  وبقه  عطشان
    بدمي  أكتب  عالشريعه    ليه    عنوان
    من تطيح  الرايه. مـــــني إوياها ذرعان
    الدينــــي  أرفع راسي رايه فوگ الأسنان

راسي  مرفوع    عالرمح  يحدي  الضعينه
يجري الدموع     لونضر أهل   الضغــــــينه
    تسأل بأختي عليه•••راسي يبچي وتبچي هي
                  انه   عــــــــباس
                 ««««««««»»»»»»»»

(للشاعر نسيم الحميداوي)/channel/NasimAlhamdawi

الشاعر الحسيني نسيم الحميداوي

03 July 2024 08:37

ابوذيات

التجرحه الشام والكوفه  دواوين
أطب بكيدي  ياوسفه     دواوين
گبل إسمي بشعر  ماطب دواوين
أريد المــــــــــاشعر يكتب عليه
••؛؛؛؛؛؛ •••
علتي الشام  مايحصل   طب إلها
ظعني بروس خـواني    طب إلها
وادم ركصت ودكت      طبلهــــــا
إوادم بالحجر  تشمر     عليـــــــــه
•؛؛؛؛؛ •••،
يخي لو بيدي أضل يمك  لطم  ليك
ميت  والشمر   شفته    لطم    ليك
لجيم عليك  كل عمري  لطم ليك
لحد  ماتوكع  عيوني    بديه
    ««»»»««»««««««»»
بچفك ردت أضل رايه     ومرحل
العمر وياك أحس لحضه  ومرحل
الفرات بطيحتك  علگم    ومر حيل
شربته وبي أحس دمعة رقــــــــيه
           ««««««««»»»»»»»»
جرحــــي الحير  العـــــالم   بطيبه
ولي گلب  اليحـــــــن  لهلي  بطيبه
لاچن   ياأهل  ضلــــــــو     بطيبه
جثث   ياحيف  ضلو   عـــالوطيه
             «««««««»»»»»»
المــصايب غيـمـت بيه. وخــيمات
الڪفلني كطعو چفوفه وخي مات
بي حرڪو ڪلب زينب وخــيمات
شبت وحترك ثــوب الــرقيه
••★★••
من ريش الوحي فصل عبي أيات
مــحمد بــيده لبــسنه. عــــبايات
فواطم ســوط رتلنه عيب أيات
بعــد ذبح الكُّمر وحســين أخيــه
••★★••
لاوالــــي الأفــــزعه لاحمه أتني
الشمر سوطه ڪفيلي لاح مــتني
أحــشــمك لاكمــتلي لاحــمتنــي
وطــلع صوتي الڪبل حجبته إليه
••★★••
نبيه بالحزن روحي. وحــــالي
الدهر بالطف الف محنه وحالي
أميره وبت علي حيدر وحالي
إنحنه ضهري مثل إمي الزچيه
★★★
لادمــــعي اليــرويني ولاماي
نار أحزاني بضلوعي ولاماي
بعلي مامر أنه إمصابي ولاماي
إخــوتي مــذبحه فوك الوطيه
★★★
يزيد الجــــرد. أنيابه وحدها
بقصره من لمح زينب وحدها
خَذت ثار إبدر كلـــــها وحدها
علي المطلوب وحسين الضحيه.
★★★
أنيابه الطاغي جردها. وسلها
نشد وين الكفل ظعنج. وسلها
نضرة عالرمح راسه وسلها
إصبري إيصيح ماعندي إديه
★★★
عرشك لاتظن دايم وفــاني
جفيلي مانسه وعده. وفــاني
راسه على الرمح يهتف وفاني
وعلى طول الدرب يبچي عليه
★★★
بكلبهن لوعت إمهن لوعه أبيهن
خوات حسين يسره لوعه بيهن
يِلــزمن سوط ضالم. لــو عبيهن
وبديهن كيد بعد أهل. الحميه
★★★
عليك حسين يالــمهدي ولاها
الشمر طك عمتك زينب ولاها
بــــونه ماشفه كًّلبك ولا آه
يــشفه إشلون زينبكم سبيه.
★★★
كلوب الشيعه يتلاهب. يمرها
الدنيه بغيبتك صارت. يمرها
المثلك دنيته يكــدر. يمرها
ويعــــجل بالفرج. يابو. الحميه
★★★
يمــته إيرفرف علينه علاماك
لســه ماخذت ثارك. علاماك
على حسين السبط حزنك على ماك
لو حزنك على عمتك. سبيه.
★★★
باليم لو جره دمــعي. يمـريم
تعالي وشوفي طف زينب يمريم
لون لحظه مصابي اني. يمر يم
أيــوب ويــمــوت بلا. وصــــيه
★★★
أيامي بكــــربله جــــارن. ونحسن
وطلعت من الخيم أصرخ وين حسين
دنيت المــــذبحه. وسمع. ون حسين
بذاك الحال. وصاني. برقيه
★★★
علي محنت طفوف حسين شدت
بنحري للسبايه احبال. شــدت
شماالطم ونوحن كلت شديت
شمــــاضحيت ماأدي. العليه.
★★★
متن إختك وكع خصمك. جلدبي
وظن سوط الشمر مني. جلد بي
الحجر كلبه إنكسر كالو. جلد بي
وبچه بفكــــــدك يبو فاظل عليه.
★★★
جفني من  حزن   زينب   لها شاب
ودليلي. بنار   خــــيمتها   لها   شاب
نحت  نوح  إم ولد  فكدت  لها  شاب
    على زينب  ولطم  الوجه  بأديه
««««»»»»»
أبوذيات) عن لسان الحوراء زينب( ع)
عدل حسين أشوفه بلكي لنه
الحوافر هشمنه  بل كلنه
وصل نصه الخيمنه بل كله إلنه
لأن نصه بحوافر آل  ميه
««»»»
بيه  الطف  ولاذره  ترك حيل
حسين الشوفته العيني تره كحل
وكع والخيل بضلوعه  ترك حيل
ثنعش ضلع نكسر حسيت بيه
     «««««»»»»
بعد حسين ماأروه  باالنهار
بالطف  دنيتي ضلمت بالنهار
التل من سمع صوتي  بله إنهار
صحت يحسين گوم إلحك عليه
«««««««««»»»»»»»»»
سهم صد الوفي بعينه بدل ماي
تألم من سهم ثاني  بده الماي
تمنه إيشرب إسكينه بده الماي
إنكطع چفه وأمل سكنه ورقيه
•••««»»»»
بزغ يم النهر وجهــــا    شع الماي
مد  چفه  وجمر چبده  شعل ماي
لون بالطف ثبت أصله  شيعي الماي
ماعطشت أبد چا  فاطـــــــــميه•
                      «««««»»»»»
زمـاني إيگـــول  ماغيرچ  حدبلي
وضهري  من مصاب الطف حدبلي
شمر  عـــــــباس  يرضاها  حدبلي
وحبل من رگبتي  الرگبت  رقيه
                               «»»«««« 


للشاعر نسيم الحميداوي
/channel/NasimAlhamdawi

الشاعر الحسيني نسيم الحميداوي

02 July 2024 15:53

«إلى أنصار الحسين عليه السلام رئيسيه»

لجلك ربنه. خالقنه   يبو الاكبر
إلك ترخص منا حرنه يبو الأكبر
فخر إلنه •••اذا متنه
•••••؛؛؛؛؛؛؛ ••••
الك. انصار اجينه وعفنه دنيته
نموت نعيش حبك هوه غايتنه
اذا ذبحونه مانترك محبتنه
ماعشنه بمذله وبشرف متنه

يرخص دمنن لعيونك يبو اليمه
مايسوه العمر دونك يبو اليمه
نعيش احنه •••اذا متنه

•••••؛؛؛؛ ••••
طلكنه النسه وعفناها دنيانه
الك نهدي نحور ونرخص إدمانه
الك ربنه خلقنه واحنه سوانه
اذا عفناك عفنه الهادي قرأنه

بيك انت النبي جدك   ضرب أمثال
دم حسين من دمي   نبينه كال
يحذرنه••••اذا متنه
•••؛؛؛؛؛ ••••
ألف مره الخصم لو أحنه يذبحنه
واذا بعد الذبح بالنار يحركنه
لاعنك عدوك    مايفركنه
ولنحور  العده إشتاكت. صوارمنه

مثل طفل اليحن لامه   گلبنه إشتاك
نرسم   لوحه   للامه ونهج   عشاك
سعادتنه••اذا متنه
••••؛؛؛؛؛ •••••
الوفي بيــــــــوم  الشدد يحسين يجرب
يصير إنعوف  شخصك عالثره مخضب
وتموت إنت ونعيش إحنه وعذب نشرب
علينه الله ورسوله سيدي   يغضب

علينه لوغضب ربنه  تمــــسنه النار
إحنه من الله مطلبنه  نموت أحرار
      إنتصر دمنه•••إذامتنه
••••••••؛؛؛؛؛؛؛•••••••
جحافل حاشده بسوح الوغى ضدك
منعــــــــوفك أبد ياسيدي    إنودك
إشلون  إنتركك  بطف كربله  وحدك
وين إنظم وجهنه من النبي   جدك

شنكول الأمك  الزهره   يبو الاكبر
اليعوفك منه تتبره      تره الكوثر
تحاسبنه••••إذا متنه
•••••؛؛؛؛؛؛؛؛••••••
فاجرهم يزيد  إشكد   يقـــدسونه
شسع نعله  على إكصصهم يخلونه
مثل ربهــــــم صبح   ضلو  يعبدونه
كاللهم  إبـن  فــــــــاطم    تذبحونه

يزيد الفاجر  الطامع   إله تبعـــــو
وانت البالحشر شافع   إلك بغضو
شفيع إلنه•••إذا متنه
••••••••؛؛؛؛؛؛؛؛•••••••••
الشاعر.نسيم الحميداوي
/channel/NasimAlhamdawi

الشاعر الحسيني نسيم الحميداوي

18 June 2024 13:33

ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.

وإرسل قناتك هُنا : @ahmed_alziwar0

--------------------------------------------------

قناة تعليم الرواديد الالحان
/channel/ahmed_alziwar1

الشاعر الحسيني نسيم الحميداوي

16 June 2024 10:54

تم نشر اكثر من (500) قصيدة لمحرم 1446
للاشتراك بالقناة
/channel/+_uuVITC_f45iZDky

الشاعر الحسيني نسيم الحميداوي

11 June 2024 23:32

إلى أنصار مسلم بن عقيل ع• هاني بن عروه وطوعه ع»»»»

ثنين للكوفه الشرف شرفوها
بيهم الدين إعترف قدسوها
هاني وي طوعه الكرام•••زادو الكوفه إحترام
☆☆☆
لونويت تزوره مسلم        قبله كون تزوره هاني
هذا بابه ومن تدكه          مـــــــنه تتعلم معاني
وزور طوعه وقره إلها      سورة السبع المــثاني
إبفضلهم قلبي حايـــر      ويعجز إيوصف لساني
مأتمك من ينصب    إذكــــــــر إلهـــم
خلي دمعاتك تصب   مــــــــن أجلهم
الفاتحه إهديها وسلام ••؛؛ ••زادو الكوفه إحترام
☆☆☆
چم ألف بايع لمسلم          وبالشدد نقضو عهدهم
مـــــاكو غيره ولاحميه          لاضماير همه عدهم
الزلم مسلم جمعهم            وبالصلاة قسم عددهم
الكوفه بس ناتجها هاني  وطوعه طلعت هي منهم
ويالحجر تلكه الدُرر    والجواهر
ضل إسمهم ينذكـــــــــر عالمنابر
مايوصفهم كلام••؛؛ ••زادو الكوفه إحترام
☆☆☆
الكوفه لو مابيها طوعه    وهاني تاريخ إلها أسود
بلده من مسلم دخلها      ضلمه حرمه البيها فَرقد
عنها لومسلم تسألـــــه      إلها چا بلسانه مَــــــجَّد
وكاال أتمنه بضريحي     الطوعه كون يصير مَرقد

عليها سلم ياشهـــــــم     لـــــوزرتني
حـــــرمه بس تسوه الزلم  ناصــرتني
هي وي هاني بمقام••؛؛؛ ••زادو الكوفه إحترام
☆☆☆
بروحة ضحه الضيفه هاني   وبالكرم نال الصداره
ونرمه هوه ويمسلم      من سطح قصر الأماره
دمه سال على الوطيه   حضره خضرله ومناره
وطوعه كون إباب مسلم    تنكــــتب إلها زياره

  والله تستاهل بعـــــد     إلها حضره
وبمـــــــــجالسنه  لطم     إلها   نقــره
إنواسي أنصار  الأمــــــام••؛؛؛ ••زادو الكوفه إحترام
****
الكوفه حزنت مـن أهلها   أونت أكثر من ونيني
وسفه أحس صاحت أرضها محد إيضيف اليجيني
والله لو مــابيه هاني وطوعه وصمه أني بجبيني
حسين شرفني بسفيره وأني إله زايد  حــــــــنيني

تبچي من دم  هاالأرض     من خجلها
ظعن أبو اليمه    يجي      كل أمـــــلها
لو أهل جاب وعمام••••زادو الكوفه إحترام
*
إنسدت أبواب  المدينه   ماكو ماسد بابه واحد
ومسلم إباب   العفيفه    ضامي بالغربه  المجاهد
روته إبماي  الكريمه     إتكله   شعلوها   المواكد
الليل إجاني وأنه حرمه    وإنت زلمه إبابي  كاعد

     كلها عمي المرتظى   مــــسلم أني
      طوعه صاحت ياهله   باالأجاني
ونكشف وجه الضلام••زادو الكوفه إحترام

للشاعر نسيم الحميداوي
/channel/NasimAlhamdawi

الشاعر الحسيني نسيم الحميداوي

04 June 2024 21:11

رئيسيه إلى الأمام محمد الجواد ع

كونك تريد إنت إمراد •• إكصد ضريح الجواد
لامايردك••••••لوطلبه عندك
★★★
من توصل ضريحه قبل أعتابه
وإكتب إسمك بدمعاتك إبابه
وذكر سم چبده ولوعةإمصابه
وحلفه بجده ذاك السلبو إثيابه
•••
بس يسمع بذكر حسين••يبچي ويهل دمع العين
تنسر أوعدك••لوطلبه عندك
★★★
تره الجواد هذا وارث أجداده
صيته بالكرم مرتفعه أمجاده
كل واحد يكصده ياخذ إمراده
إلك. برهان إسأل. عنه. وفاده
••••
كلمن حزين ومجروح••الباب الكرم خل يرح
بيده يضمدك••لوطلبه عندك
★★★
مناهل للعطايه والكرم. عنده
كريم. إبابه تنحل والله كل شده
مثل جده الحسن هم كطعو چبده
وتره إم الفظل ورثت حقد جعده
•••
غدرت إمام الأبرار•••وقبله صبح للأحرار
إندب يكصدك ~~~~لوطلبه عندك
★★★
تره الجواد مثل الكاظم بجوده
ذاك. اللگبر مافارك. إقيوده
إله تشهد مناقب. لسه موجوده
وين المعتصم وقصوره. وجنوده
••••
ماظل أثر للأحقاد ••••وعدنه إسود إبغداد
بالشده سندك••••لوطلبه عندك
★★★
للشاعر نسيم
الحميداوي
/channel/NasimAlhamdawi

الشاعر الحسيني نسيم الحميداوي

01 August 2024 23:34

ترويج( تيك توك)  حقيقي عراقي

1- مشاهدات
2- لايكات للمقطع
3- تسجيل اعجاب بالصفحة
4- رسائل
5- متابعين
للتواصل واتساب 07732320742
تلجرام
@ahmed_alziwar0

الشاعر الحسيني نسيم الحميداوي

19 July 2024 09:34

علي الســــجاد أنه مــــن العــــمر مليت
وسِجدت على المصايب والحزن صليت
★★★
صَــليت ودمعتــــي تّسَبح بخَــــدي
وبس انه وعبرتي بليلي اظل وحدي
كل ذكره سهم صرت أشعر بچبدي
صور من المصايب بالــــكُّلب لميت

★★★
لميت النوايب بيه أحس دوت
وبيه انه الطفوف بحالتي شسوت
ماولدتني إمــــي وريت ماربت
ولابحبال أنه وعــــمتي إنجريت
★★★
إنجريت بحــــبل وي عمتي بيسري
فركت حسين أحس بيها إنكسر ضهري
من بعــــده عسني لاعشت عمــري
ولا امــــشي أسير وللقصر طــبيت
★★★
طبيت الرجس ماردت أطب قصره
شفته إشلون يضرب والدي بثغره
فوك الراس يلعب يشرب الخمره
بكطع روس الخوارج يصرخ إتشفيت
★★★
عمتي إجاوبه لاتحچي وبزودك
كد كيدم يزيد وعرف إحدودك
لظن انه أخاف بكثرة إجنودك
جبت راية علي ولمجلسك إنويت
★★★
نويت عليها اشوفك ذلت أجدادك
شمايعله مقامك إحنه اسيادك
إشلون تريد تاخذ منه أمجادك
بثوب الدين إنت الخارجي إتواريت
★★★
إذا أرفع إديه وأهمل العبره
أخلي هالسمه توكع على الغبره
انه الحوراء وإمي فاطمه الزهره
وإنت امك هند بين إذا تباهيت
★★★
للشاعر نسيم
الحميداوي
/channel/NasimAlhamdawi

الشاعر الحسيني نسيم الحميداوي

17 July 2024 12:06

موبدينه من مشينه.••• والسلاسل بس بدينه
لــخوتي من ودعت . •• أنه حجيت وطفت
أشــــواط سبعه تممت .••من مــــشينه
••••••••••••••••••
أنه زينب صعــبه أطــلع     لليــسر وبــــلا حمــاي
ألتفت كل خطوه أمشي   من إجه من أهلي وراي
بچــفي أأشر ما أســولف   صوتي رايح من ضماي
والشتمــنه. والسبــانــه    إشلون نشرب منه ماي

ماشربنه من عدونه•••نشرب إحنه بچف إخونه
من بعد چف الكمر••••مــايــروينه النــهر
بغيبته اللحظه دهر••من مــــشينه
••••••••••••••••••
ٱل ميــــه بلا حميه    منــهم أرحم لو يهود
من إدينه أخذو أساور      ولبسونه إحنه القيود
وعالترب من كد تعبنه      نغفه ونوسد الخدود
نغفه ونفز من ضمانه    لو سمعنه بطاري جود

كلها صاحت جانه عمنه •••وراسه عالرمح الكفلنه.
هــذا بحر العاطفه••عــالرمح ينزف وفه
شاف إدينــــه مچتفه••• من مشــــينه
•°•°•°•°•°•°• °•°•°•
من رحت أندب يخوتي    منهو منكم ضل عدل
خل يكوم وياي يمشي    راح اركب عالهزل
لحد إيفاركني أكلهم     كلبي أبد مايحتمل
ليش ماواحد فزعلي     كيدو چفي بحبل

موطبعهم مايجوني•••بدنيه وحشه فاركوني
بس أحس ليلي خدر••صرت اخاف من الفجر
لوبزغ وانه بيسر•••••من مشينه .
°•°•°•°•°•°•°•°•°•°•

محد المثلي أنه فكدت     بلحظه ضيعت الحنين
أنضر بعيني إخوتي      عالــترب ومذبحين
عون عثمان ويجعفر.    والكفيل ويالحسين
هذا مسلوبه ثيابه.      وذاكه ماعنده إدين
من عفتهم كُّلبي عدهم•••ورحي ضلت يم جثثهم
والله عنهم من رحت•••أنه الف موته متت
ويالعليل إتكيدت••••من مشينه
°•°•°• °•°•°• °•°•°•
إحنه بالكوفه إنسبينه     والله احس ذاب الدليل
كل قبيله عدها حُرمه.        ويانه طــلعها كــفيل
وإحنــــه نتلفت بقينه.        وينه حماي الدخيل
وين أبو الغيره علينه.       أصرخ ودمعي يسيل

أبچي سكته ومااونن•••بس لخوتي دوم أحنن
كُّلبي ذاب من الغصص•••باليسر حيلي خلص
بدمعي أرويها القصص••••من مــــشينه
••••••••••••••••••
الصفا والمرى إخوتي     بيهم أنه شكد سعيت
إوصل المذبح كفيلي.   وللحسين ارجع نويت
حِجت المسبيه أحجن.   وحنيت الضلع إنحنيت
هايه أول مره أركض.       عالجمر بس مــــارميت

من نحرهم يجري زمزم••••شفته لاچن هذا من دم
همه أبد ماقصرو••••ويالظعن روس ومشو
لوصحت كلهم بچو•••من مــشينه
°•°•°•°•°•°•°•°•
للشاعر نسيم
الحميداوي/channel/NasimAlhamdawi

الشاعر الحسيني نسيم الحميداوي

15 July 2024 09:52

إلى رقيه عزيزة الحسين عليهم السلام

مــن مــــثلها•• طــفله مــاتت مــن بــچيها
مــن مثــلــها•• راس أبــوهــا إبين إديــــها
يمــكن محــاچيها كلمه•••بيــها ماتت هي يمه
                    ★★★
والدي مــره ســألــتـه ڪِّلبي كالت مــنفجع
ليش عــينك من تصدلي تجري بويه بالدمع
مــن أشوفچ أذكر إمــي ڪال مكسورة ضلع
وذكر السطره على خدها وأدري خدچ ينــصفع

من سبوها•• بخدها چم ضالم صفعها
لراس أبوها ••باالألم تــشرح وضــعها
وغِسلت بدمعتها دمه•••بيها ماتت هي يمه
                       ★★★
وسدت خدها على خده ونترس خدها بدمه
عمه صاحت ماي اريدن والدي مــــات بضمه
أرده أشــربنــه بــديه   حــته عمه إنڪلمه
إفتــح عــيونك أكلــه أنه الأشــبه فــاطمــه

بويه صدلي ••وأحسب سياط على ضهري
مــنهو كــلي. •• انه  يتــــمني على زغري
بحسرة شمت راسه شمه••بيها ماتت هي يمه
                        ★★★
تحچي وي راسه وتكله  يسري أبد ماينحمل
بــويه ورمــاد المــخيم.  صار لعيوني ڪحل
شڪد بنات بعمري أشوفن.تلعب ودمعي يهل
من ذهب عدهن معاضد.       وبيدي أساور من حبل
ياهضــيمه•• راسي   امسحنه بأديه
ڪل يتيــمه•• كون تتــسمه رقــــيه
ضلت بعبره تكلمه•••بيها ماتت هي يمه
                         ★★★
تحچي قصتها الأبوها.   من إجت يم الجسد
شافت السلاب إجاها    ويم أبو الأكبر كعد
نضرت إيسلب ثيابه    ويكطع بخنصر أسد
التراچي تكله إخذهن   والدي عوفه إنضهد

من سمعها ••طكــــها بالسوط بمتنها
هم صفعها•• وهم أخذ قرط من إذنها
بدمعه والدها تحشمه ••بيها ماتت هي يمه
                      ★★★
چان إبوها شكد يحبها.     هــي عــنده مدلله
من حچت قصتها يمه       عيونه ضلت هامله
الشمر كالتله طڪني        بالسياط وحــرمله
راسه ضل بالشام يبچي.   وڪِّلبه وَن بڪربله

وياها يحچي•• ڪلمه بس تعرفها هيه
راسه يبچي••   مــيت وقَــــبل رقيــه
صَرخت الطفله تألمه•••بيها ماتت هي يمه
                       ★★★
عالرمح تقره سمعتك.       بالڪهف وتــألــمت
ڪل فرض لوجت صلاته إنت أسمعك أذنت
تڪله من زغري يبويه  إوياك أصلي أتعلمت
بويه خل راسك يأذن. حته أحسك مامتــت
بــيه لهفه•• أسمع بصوتك أذانــي
حته أشفه•• ومايضل جرح بإذاني
زَيدت هالطلبه همه•••بيها ماتت هي يمه
                    ★★★
الشاعر
نسيم الحميداي/channel/NasimAlhamdawi

الشاعر الحسيني نسيم الحميداوي

12 July 2024 16:44

ياسهم من هالطفل شنهو الجـــره
      إشلون عبد الله تصوب مـــنحره
                  ««««««»»»»
        ماجفلت إشلون  من شفت النحر
        چنه غصن إوجها چن فلقة  گمر
        گلبه يسعر نار ضامي  على النهر
        ورتوه العطشان من دمه   الجره
                 «««««»»»»»
        يلسلبت أنفاس عبد الله بخطف
        بأول أيامـــــــه الورد  ماينقطف
        ياسهم  مابيك  رحمه  ولا عطف
        والصخر ذبح  الرضيع   إيفسره
                   ««««««»»»»»
        ياسهم هالنور  ماشفته  اليشع
        إنت لو لك  عين صبيت  الدمع
        إنت لو لك گلب گلبك. ينفــجع
        ليش أبو اليمــــه دليله. تفطره
                ««««««««»»»»
        إيناغي طفله حسين ضامي إيبسمه
        وبالسهم صابــــــوه والدم  وسمه
        إشلون  مـــاتمطر سمانه من دمه
        إشلون مايبچي  الشجر ويه الثرى
               «««««««»»»»»»
        بالمهد مذبوح عــــبد الله وصريع
        وفوك صدر حسين مذبوح الرضيع
        بياذنب هذا الطفل نحره گطيع
        وجمره خله بكل دليل  إموجره
                  ««««««««»»»»»
    الشاعر
    نسيم الحميداوي
/channel/NasimAlhamdawi

الشاعر الحسيني نسيم الحميداوي

12 July 2024 09:45

لوطه فــــي الطفِ يرى •• في الخيمتي ذاك اللهب
اللهٌ قَــد أوحــى لــــهُ •• تبــت يــدا شمــرٱ وتب
أضرم خباءٍّ•••فيهي نساءًّ
★••★
لــــوعايش رسول الله بمحنت حرکت الصيوان
غضب رب السمه ونزل بالــــطف عالنبي قــــرأن
إذا يــنضر لبو الأڪــبر ﻣــتڪطع على الــــتربان
ويشوف عياله مذعوره ويــسمع صرخت النسوان
••••••

قد ناحا حزناً لو رأى تلك الأعادي الباغيه
في أيدي زينب غِلهم جــداهُ نادت باڪيه
شمراًسباها••••قد نادى طــه
تبت يدا شمراً وتب
★••★
چانــت زيــنب تــصلي من حرڪو عليها الدار
رڪضت والضهر محني ضلع والطف ألف مسمار
مــن ڪثر الألم شاغــت تســحك ماتحــس بالنار
بذيــچ الساعــــه وتمنت يمها المصطفى المــختار

نادت بعينٌ داميه •• فــي قلبها نارَ سَقر
جــداهُ قم ونضر لنا تبڪي لنا عينُ الحَجر
في كلِ وادي •••صوﺕٌ ينادي
تبت يدا شمراً وتب
★••★
لوشاف الــنبي الأيتام الــمخيم ناره تچويهم
وزينب حايره وترڪض مــفجوعه وتطــفيهم
البــراق إيأمره وينــزله وعلى ضــهره يــخليهم
ومثــل ماأسرى للأقصى اليثرب چــــاسِره بيــهم

هو الذي أسرى به ••• في ليلةً سبعٌ علا
إراهُ فــي اللوحُ أسى •••كــلِ الذي في كربلا
يبــڪي دماءً• •• من كــربلاءً
تبت يدا شمراً وتب
★★★
المايسوه العجب حذوه حــذوة حــافر الميمون
يسحك صدر أبو الأكبر هذا المصحف المكنون
محامل عالأرض نزلت الرسل للمصطفى يواسون
بعالم مخفي عالأنسان رسول الله حضر محزون


قد نادى من فرط الأسى ••• تــــباً لك ياأمــتي
ڪم سورةً أوصى بها ••••رب السما في عترتي
نادى حــزيــنا••••آهً حُــــسينا
تبت يدا شمراً وتب
★★★
وصــه بــعترته الــهادي وبــساميهم يدك نبضه
الغضبهم يغضب الباري وهُــمه لورضــو يــرظه
لجلهم خــالق الأڪوان ولجلهم من دحه أرضه
ڪون اليــذكر الــــعتره بدمــعت عينه. يتوضه

من عادى آل المصطفى•• للناري قد أضحى حطب
مــاأغــنى عــنه مالهو•• ويــلٌ له مــــما كــــسب
قد صارَ عاراً•••مثواهُ ناراً
تبت يدا شمراً وتب
★★★
للشاعر
نسيم الحميداوي
/channel/NasimAlhamdawi

الشاعر الحسيني نسيم الحميداوي

12 July 2024 09:45

  عباس البارز للعسكر       ظنو هذا الفارس حيدر
  نفس الـرايــه وفقاره     غــاضــب من سل بتاره
                          ★★★★
عـبـاس الـيـنـطـق بـالحكـمه   أصحاب الشـر خاطبهم
نــاداهـم هــذا ابــن الـزهـره    روح الــهــادي يـكللهم
هاي العتره يصيح وغاضب    رب الــكــون مـنـصبهم
الـيـنـصـرهــم الله يـنـصـره   ويــخــذل كـلمن يخذلهم
•••••••|
نـصـبـتـو الـفـاجـر قـائـدكم   وعاديتو حسيـن الينقذكم
يــبــجــي عـلـيـكـم بـديـاره •••غــاضب مــن سل بتاره
                               ★★★★
طــلـكـهـه الــدنـيـه الغداره     هـــذا الــوفــاي الـزاهــد
وحـده وذاعــر كل عدوانه     وما هاب الجيش الحـاشد
زلــزال ونازل بالحومه      وأكــبــاله الـعـسكر خامد
فرسان وخافت من صوته      واحـــد لاذ بــســد واحـد
•••••••••••
والــشــاف الـعـباس أتذكر      ذاك الليث الــهـــدم خيبر
شــبــلــه ومــثــــل أدواره •••غــاضــب مــن سل بتاره
                             ★★★★
صور أروع صــوره بسيفه       تحمل هالـصــوره الأيــثار
بــالــخــنــدق ذكــر عدوانه    مــن ســل بــجـفـه الـبـتار
جـسـد الـهــم واقــع خـيبر    نفس المــشهد بالطف صار
هذا الشاطر مرحب صاحو    فــرو مـــن أســم الــكـرار

بالحومه الكافل ذاعرهم  •  ما ظـل واحد ما فر منهم
لــيــث أوارث كــــــــراره ••••غاضب من سل بتاره
                              ★★★★
أطـفــال حـسـين وعطشانه     وعــبــاس اتــكــفـل بيهه
راعي الجـــود وبديه الرايه       لازم مــن تظمه أيرويهه
شــد مــهـره ولـلـكوم اتعنه     وحيدر چـن صـال عليهه
واتـمـلـك بـالـعـزم الشاطي      ولو راد الــطــف يـمحيهه
•••••••••••
كاتب فوك الماي أسطوره ••• كلمن يــشـرب ينظردوره
وظــلــت عــالــنـهر أثاره •••غاضــب مــن ســل بتاره
                             ★★★★
وصه حسين وصية راحل     ويــكــلــه أسـمـع يعـيوني
لو غدروني بكطع جفوفي    وســهــم بعيني يصوبوني
 خلـيـنــي اموسد عالغبره  خــلــي بـخـيل أيسحكوني
وما اريدن زينب تنظرني  عندي اهـــون لوذبحوني
•~•~•~•~
لو صاحت وين الكافلـني •••خــلــي يـكوم أيرجع ظعني
لا يــتــركــنــي ومـحتاره •••غاضب من ســل بــــتاره
••••••••••••••
راعي الغيره الــكافل اخته      وفـــه الــزهــره أو فاهه
عــاهــدهـه يرويهه بجوده       وجـــاب الــماي ورواهه
وراد يردهه وكطعو نحره      ومـــن ذبــحــو ما خلاهه
وزينب من راحــت مسبيه   راس الــعــبــاس اويـاهه
••••••••
ظــل هــذا الراس يواسيهه    ويجري المدمـع دم عليهه
الــزيــنــب شــابــح انظاره •••غاضب مــن ســل بــتاره
                             ★★★★
   🖌 الشاعر نسيم الحميداوي🔗
/channel/NasimAlhamdawi

الشاعر الحسيني نسيم الحميداوي

03 July 2024 22:11

(كعديه)
ذابحه السيوف نحــر الحي الدين
معروفه الأهداف من ثورته حسين
ضامي إنذبح بس إنتصر••رايد تره إصلاح البشر
★★★
لــــــوردت إنت نــجاتك نهج أبو اليمه إتبعه
الدمعه من تجريها لجله بالكبر تلكاها شمعه
إهناك أبو الأكبر يزورك يلي زرته وتجري دمعه
يلي خدمته بدنيتك••باچر يجيك بدفنتك
هوه الوسيله الجنتك••لو مشيت إنت على شرعه
شرع بالطفوف •• أصل الديانه
مــاصافح چفوف•• تنبع خيانه
بس صافح السيف بنحر••رايد تره إصلاح البشر
★★★
صاح هيهات المذله خل يكــطعونه وريدي
وخل يسحكون على صدري ماأمدن إلهم إيدي
ماأفــــرن لا أقــــرن لا أســــلم أنه جــيدي
ولاصافح چفوف الشمر••ومابايع أصحاب الغدر
روحي أنه للباري نذر••والشــهاده هي عــيدي
الموت أنجب حسين •• منه الولاده
صارت حــــياتين •• هي الشهاده
من عنده دين الله إنتشر••رايد تره إصلاح البشر
★★★
حــسين بالحومه ويصلي هوه رايد يحي ذاتك
إيريدك إنت بنهجه تمشي وتلتزم كون بصلاتك
الغــــيبه متمــر بلسانــك وتكظي بالخدمه حياتك
إستعوذ برب الفلق•••ولاتحسد إنت ماخلق
ولاتنسه أصلك من علق•••والتواضع بي نجاتك
رب السماوات•••••يهوه التواضع
نــزلك أيات•••••••بيها الشرايع
ليش الله من نزل سور••••رايد تره إصلاح البشر
★★★
لحد إيكول أنه خادم إله ڪون بعشكه عابس
ومن ڪثر ماكلبه طيب تغفه بچفوفه النوارس
واسي بدموعك إمامك ونصب بروحك مجالس
وتمسك بهذا النَهَــج•• ونصب مئاتم للحجج
من يومك اليوم الفرج••لوضهر إبن الأشاوس
صير إنت بتار ••••لبن الأكارم
تنتضره للثار •••••كل العوالم
والمهدي باچر لوضهر•••رايد تره إصلاح البشر
★★★
حسين أبو الأكبر يريدك ترتقي إنت بخدمته
يريد ڪل واحد يصلي للذنــب مامد نضرته
ڪون نــضراته تسبح وروحه وضاها بحضرته
بدفتر أبو اليمه المحُب•••لو إسمه رايد ينكتب
إيطهر ضميره من الذنب•••حسين ماتكفي محبته
لوتلطم إسنين••••وطبر الراس
مايرظه الحسين••••لوتاذي بالناس
من القــفه ليش إنحر•••رايد تره إصلاح البشر
★★★
كل شيء يملك قدملنه هــذا ريحــانة نبينه
أطه منحر أطه خنصر وضحه بخوانه وبنينه
فَڪر شكد هوه حبنه وشكثر خايف علينه
عالترب حزو رڪًّبته
چم طبره صارت ذبحته
بس يدعي چان الشيعته
إنذبح يندب لربه••••وباله يم إخته الحنينه
★★★
للشاعر نسيم
الحميداوي
/channel/NasimAlhamdawi

الشاعر الحسيني نسيم الحميداوي

03 July 2024 08:37

موشح الى ابي الفضل العباس (ع) وداع


انه أخوك حسين  وحدي بغربتي
    وإنت ياعباس حامــــــــل  رايتي
                •••؛؛؛؛؛•••
    إنت يامــــهيوب قــــائد  عسكري
    وانه تدري عليك  شابح  ناضري
    تعرف يگطعون بعدك   مــنحري
    وإنت  درعي تصير ساعة شدتي
                 ••••؛؛؛؛؛؛••••
    إنت  بالأيتام  خــــــويه   تكفلت
    وينگسر ضهري  بغيابك لـورحت
    إنت بدري  وبيك أحلامي شفت
    سوده كلها تصير بعــدك  دنيتي
                 ••••؛؛؛؛••••
    عالنهر  لوطاح  جودك   والعـــلم
    إشلون أشيلك يابو فاضل للخيم
    إمكـــطع الچفين  وبعينك   سهم
    ومن دماك  الطاهر أصبغ شيبتي
               ••••؛؛؛؛؛؛••••
    جاوب العباس راعي   المرجله
    تريد  أرجع اليوم هاي القافله
    لوتريد حسين أكلب  كــــــربله
    وإنت تعرف  بالحروب بصولتي
            ••••؛؛؛؛؛؛••••
    إنت گلي حسين بس گلي شتريد
    كلها يم رجلــيك أركعهـا   العبيد
    تريد أجيبه إيقبل إجدامك يزيد
    بالغضب بركان تصـــبح  غيرتي
              ••••؛؛؛؛؛••••
    أنه أخاف عليك من چـف الغدر
    ومالي ناصر  بعدك وإنت الذخر
    ضهري مـن تروح لاشك  ينكسر
    وانت  يوم العسر تصبح سلوتي
                ••••؛؛؛؛؛••••
                ••••؛؛؛؛؛••••
    نسيم الحميداوي•؛•؛
/channel/NasimAlhamdawi

الشاعر الحسيني نسيم الحميداوي

02 July 2024 23:10

فاطمه العليلة تخاطب أبيها الحسين ع•»

للطف  لاتهاجر ••••لاتجرح مشاعر
     أحلفك بمك الزهره •••إترك بويه هالسفره
            ««««««»»»»»»»»»
    يالگلبك عطوف ومو گلب قاسي
    لاتجرح شعوري وتلچم  إحساسي
    لاتمسح دمعتي بچفك  وراسي
    أحس چف الحزن قابظ على أنفاسي

لتنشف عبرتي•••بويه إرحم دمعتي
من دم بعدك العبره•••ترك بويه هالسفره
                «««««««»»»»»
    طفله وبدمـــــعتي وبيك أتوسل
    عندك  لو لي خاطر عني ماترحل
    تجرحني بفرگتك أدري  مـــاتقبل
    وردتك أنه بويه ولو رحت أذبل

غصني لاتكطعه•••گلبي لاتفجعه
بعدك بي ألف جمره••••ترك بويه هالسفره
           ««««««««»»»»»»»»
    غابه الطف يبويه وگلبي يخشاها
    وملامح  للمصيبه بوجهك أقراها
    إخـــــذ وياك  روحي حته  ترعاها
    تره التفكد  أبوهــــا  ضلمه  دنياها

يامشعل حياتي•••ياقبلة صلاتي
      الحج إنت والعمره•••ترك بويه هالسفره
                  «««««»»»»»»
    صعب جرح المشاعر لاتظن  يبره
    واذا  گلبي إنكسر من يگدر إيجبره
    تره الفاكد  حبيـــــبه  محد  إيصبره
    دخيلك   لاتروح وخاطري   تكسره

گلبي من تودعه ••••سيف الهم يكطعه
           وانت بحالتي أدره•••ترك بويه هالسفره
              «««««««««»»»»»»
    ليش بدمعي گتلك عـــني لاتروح
    كل  ماأصد إلك  اتصورك مذبوح
    إذا انت متت لظن  تعيش الروح
    أنه بلياك صبري يذبحه سيف النوح

من ترحل حبيبي•••ماأترك نحيبي
     الجيتك أبقه منتظره•••ترك بويه هالسفره
                  «««««»»»»
     انا بحجـــــرك انام مساهره بدونك
     شلون عيوني تغفه مفارگه عيونك
     اخاف اهل الغدر بالطف يغدرونك
     واخافن لــــــو رحت عني يبعدونك

بس تبعد عليه ما ترجع إليه
على وجهك مصيبه اقره•••ترك بويه هالسفر ه

الشاعر نسيم
الحميداوي
/channel/NasimAlhamdawi

الشاعر الحسيني نسيم الحميداوي

02 July 2024 15:29

أبي قد دعوني بكل ولاء
لكي يذبحوني بذاك العراء
أنا ذا حسينً•••بقيتُ وحيداً••بذاك العراء
•••••؛؛؛؛؛ •••••
إلي كتبو تعال وإنت مـصلحنه
مثل شخصك أبد يحسين ماعدنه
نطش دربك ورد بس إعتني إلنه
يايوسف زمـــــــانك إنت منقذنه

فقُل مالديك وخُذ مــــــاتريد
فنحن إليـــك سنبقى عبيد
فأين العبيداً••••بقيتُ وحيداً
••••؛؛؛؛؛؛•••••
گالو كل شيء بعدك سيدي تغير
لاشمـــــس بسمانه لابدر يضهر
تعال ونَور الدنيه يبو الأكبر
إلك نفدي دمانه ويرخص المنحر

فأنت إلينا كشمسُ تَغيــــب
ونَحن عَشقنا وأنت الحبيب
فجأتُ سعيداً•••بقيت وحيداً
•••••؛؛؛؛؛؛••••
ذبحــــــو جاسم وذبحو علي الأكبر
وشفت عباس إخوي على الثره إموذر
وحته البالمهد كطعو إله المنحـر
وبعد ماعندي ناصر ياعلي حيدر

وصرتُ إونادي بقلبٌ كسير
بنارَ فؤادي طلبتُ نصيـــــر
ألا من معينً•••بقيتُ وحيداً ••بذاك العراء
•••••؛؛؛؛؛؛؛•••••
صرت مثل الحسن يوم البقه وحده
مـرد گلبه الألم من سمته جعده
وتكطع بالسهم چبدي مثل چــبده
وجسمي على الترب ضل محد إيوسده

وفوقَ الرمالي كستهوا الدماء
وتبكي لحالي لنجوم السماء
رأتني صريعً•••بقيتُ وحيداً ••بذاك العراء
••••؛؛؛؛؛••••
ماخلو ضلع بضلوعي مــــاكسروه
ولاثوب على جسمي بويه ماسلبوه
ومن بعد الذبح راسي بقنى شالوه
اليزيد الراس هذا ياعلي يهدوه

ورأسي خـــــضيبا برمحً يُشال
وجسمي سليبً وفوق الرمال
ومامن مغيثا ••بقيتُ وحيداً••بذاك العراء
•••••؛؛؛؛؛•••••
شيبي منخضب ووصالي متدكطعه
وبنار الخيم أطـــــــفالي متروعه
علي حزنت ملائكة السمه السبعه
على العدوان شافت أهمل الدمعه

مضيتُ بقتلي لربً رحيــــــــم
وقوماً لأجلي ستسقى الجحيم
عليهم حزينً••بقيتُ وحيداً••بذاك، العراء

للشاعر نسيم الحميداوي
••••؛؛؛؛••••
/channel/NasimAlhamdawi

الشاعر الحسيني نسيم الحميداوي

18 June 2024 12:33

تم نشر اكثر من (500) قصيدة لمحرم 1446
للاشتراك بالقناة
/channel/+_uuVITC_f45iZDky

الشاعر الحسيني نسيم الحميداوي

15 June 2024 22:44

يحسين أفديــلك اولادي        وبروحي انه افداك           
بس لا تبعد عن عيـوني          ومـــــا اكدر انساك                       إذا تبعد.     اظن مترد
           ★★★★
ام البنيـن تلـوعت   لمن سرت بضعـونك
يوليدي احس بيتي كًّبر اظلم صبح من دونك
الناس الذي كتبــوا الــك وبكل أمل يردونك
كبلك تره غدرو علي وخافنهم يغدرونك

تراودني اظنوني وتخبرني بمصاب الما صار 
اهل الكوفة الي يطلبونك لا تنســــه الهم ثـــــار       
بسيوف تحد.  . واظن مترد
            ★★★★
ليوث العرين الأربعـــة       نسور الروابي بنيـــنـي
كلهم إلك فدوة ونــذر      بس ليه رد يحسينـــــي
الوسن فارك ناظــــري      ونار البعد تجوينــــــــي
ومخضوب اشوفك بلدمــه    كل ما تغمض عينـي
ومن يوم الفاركت عيـــــونك   اسهـــر لا ما نـــام
ورد ازرع دربك لو ترجـــع      ونثر درب الشـــام      الكلب ينشد .وظن مترد
             ★★★★
صبح ومسه وليـل وفجـر    بحسراتي اظل اتصورك
كل ليلة اهم يمتــه  تـــرد    وللفجـــر ابكه انتظرك
وشمس الصبح سـودة اصبحت انظرهــه جه ما نظرك
وكت المسه بنـــــار استعر     وخمــــد اذا مر ذكرك
وكل دمعة التنزل جن جمرة   فــوك الوجن اطيح
للباري اتصلي وتتــــــوسل      ورد حسين تصيح         بدمعتي اعبد .واظن مترد
            ★★★★
من بعد كل ذاك الصبـــر       وسيــل الجفن عبراته
عود ضعنكم  منسبـــي         ومهبـــــــــــطة راياته
وبشر بن حذلم من حضــر       ينعـــــاكم  بحسراته
ذاب الكلب مثــــــل الشمع        لمن سمــــــع وناته
كلبي عليكم ظل يتـــــوجـر          يخمد نار بنار
لواحد يفكــــــــــــــد يصبر          محد رد للــدار           وجزى الموعد ..وظن مترد
            ★★★★
للناعي جيت انه انشـــده        وبحالتــــي عرفته
كتله يناعي شها الخبــــر      حتى الصخــر ذوبته
جاوبني عبد الله انذبــح     وعون انذبح شــاهدته
والاكبر وجعفر علتــــرب     والكمر سحكوا  جــثته
لا تذكر كتله اسـم اولادي        واذكر بس حسيــن
مفجوعة وارحم دلالـــــــي      ومتصوبة من البين                 عليك اكبد.  أظن مترد
            ★★★★
جاوبني هالنـــاعي  بحزن     راح الذي يكــر عينــج
هلي الدمع يـــــــم الوفه     حسين انذبـــح وبنينـج
وبعد الذبح جسمه انسحـك  وسلبوا ثيـاب حسينج
عظم الج الله الاجــــــر     وبهل مصـــاب  يعينــج 
لا تنفع حسرة واتحســر        لا يرجع مـــــن راح
ظليت بدمعاتي اتصبــر   واصفك راح بــــراح            بعد شفكد ..وظن مترد
للشاعر
نسيم  الحميداوي
/channel/NasimAlhamdawi

الشاعر الحسيني نسيم الحميداوي

11 June 2024 15:47

مسير الحسين وأهل بيته إلا كربلاء عليهم السلام
                                                  •••••
للطف سره بظعنه حسين ••رايد نشر هذا الدين
بالهجره چانت غايته•••الجــــده يصلح إمــته
★★★
لاسلــــطه راد ولاحِڪم     الــباري هوه منصبه
هالأمه رادلهــــا الصــلح     والضــل ينــور دربه
بحــر الورع والمعــرفه        وللحڪمه منبع كلبه
الكلمن ضلم أصبح خصم     وعالضلم عالن حربه
الدين الرسول المصباح••يحي ضمير الأرواح
نهضت عداله نهضته
★★★
هاالأمه أبد ماتـنصلح     عاش الجهل بدماها
كسرو ضلع من فاطمه    روحه وبظعــته الطــه
بالعتره وصه المصطفى     والصحـبته وصــاها
يوم الحشر أنه خصم        الڪلمن عترتي اذاها
من النبي عنهم غاب•••••إنڪلبو تره على الأعقاب
مــحد رحمها عترته
★★★
زار النبي برئيه سمع       إيڪله الله بــعونك
يبني تره الكتبو إلك  لظنهم إينصــرونك
بهالسفره رايح تنذبح    وترجع سبيه إضعونك
وبعد الذبح هم تنسلب     والخارجي إيسمونك
خل ينكطع نحري صاح•••ياجدي لجل الأصلاح
والدينه ضحه بدنيته
★★★
لمن وصل طف كربله      بالطف نصب صيوانه
شاف الجيوش الحاشده     حسباله هاي أعوانه
ينشد شنو هذا الحشد       بجَيته يظن فرحانه
ڪالوله ناصر ماألك     وڪلها صفت عدوانه
حاطو عليه الأشرار•••إوحده بقه بلايه أنصار
ناصر إله بس صحبته
★★★
گــالو لبــو اليمــه       العــده إنــريــدك إتبايعنه
إڪبال المله وهاي       الخلك بچفوفك تصافحنه
لونحــرك إنــت ينڪطــع       ويبن النبي سامحنه
هــــاي الأوامر وشڪلت          إتبــايع إتــقاتلنــــه
وإبن النبي مايحتار••••مابايع الموت إختار
شاف الخلود بذبحــته
★★★
عفت الوطن جدي النبي       إلكم إجيت أنقــذكم
مــن الضــلاله والفــــتن       الدرب العدل أرشدكم
هــذا أمــير الفــاحــــشه       إعــــليه من جــندكم
لــو أنذبــح لو أنــسلــب         مابــايــع الــفاجــركم
أنه ربيب المختار••••ماصافح الچف غدار
شاف السعاده بموتته
★★★
للشاعر نسيم
الحميداوي/channel/NasimAlhamdawi

الشاعر الحسيني نسيم الحميداوي

22 May 2024 11:17

ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.

وإرسل قناتك هُنا : @ahmed_alziwar0

--------------------------------------------------

قناة تعليم الرواديد الالحان
/channel/ahmed_alziwar1