الشاعر الحسيني نسيم الحميداوي

26 April 2024 16:49

رئيسيه إلى الأمام الصادق ع

مفجوعه كلوب إعلى الصادق ،،هذا إبن القرأن الناطق
وبلا حضره""" الهدمو كبره
☆☆☆☆
هذا الصادق المضلوم بحر يتفجر بحكمه
كبره الهلزمن مهدوم للعالم وضح ضلمه
راحت للبقيع أرواح هاليله تحج يمه
يمته نوصل الكِّبره ونقبل إترابه ونشمه

كل الشيعه علي ملهوفه،،،،يايوم النوصل ونطوفه
نشتم عطره،،، الهدمو كبره
☆☆☆☆
الليله كل نبي محزون للصادق يهل دمعه
الملائك حزنت ويالحور وبجت أهل السمه السبعه
الدين بهالمسه ينحب ومفجوع إبفكد نبعه
الليله بالجنان تنوح وتنصب مأتم البضعه

إلمن أنحب أنه تنادي،،،كلهم مضلومين أولادي
وتبجي الزهره،،،،،الهدمو كبره
☆☆☆☆☆
كل ضنهم إذا هدموه كبره ينهدم ذكره
دليل على الجهل عدهم يوم الهدمو كبره
الصادق بالضماير عاش وبناله بكل كلب حضره
ونحن لزيارته بكل يوم حنين الشيعه للزهره

وللسجاد إنحن والباقر،،،،،عليهم ضل مشبوح الناضر
ونبجي بحسره،،،، الهدمو كبره
☆☆☆☆
شجره الصادق الهلدين منه الحكمه تتفرع
زاهد عابد وعالم ويم بابه العلم يركع
الشمش كل ماغشاها الليل لابد كل صبح تسطع
النبع مهما الحجر واراه يجي يوم الذي ينبع

بالغربه إيحن الزواره،،،،ماكدرو يطفون أنواره
الله إمنوره،،،، الهدمو كبره
☆☆☆☆☆
مدارس للفقه أسس من عدها يخرج أبطال
أبو الكاظم علم ينبع ودرس منهجه الأجيال
إذا كبره شفت مهدوم لظن يبقه هذا الحال
باجر يضهر المهدي يكطع منحر الدجال

لو سل القائم بتاره،،،،منهم ياخذ باجر ثاره
من هالزمره ،،،،،الهدمو كبره
☆☆☆☆☆
نسيم الحميداوي

/channel/NasimAlhamdawi

الشاعر الحسيني نسيم الحميداوي

16 March 2024 09:45

مقدمة مجلس إلى مصاب امير المؤمنين

گل محراب •••يجري العبره
اليوم إنصاب سيد العتره
ويشيعه طه بأحزان•••وينعه بألم هالقرأن
«««««««»»»»
صابـو علي بالمحراب ودمه طبع بصماته
وكل مانطب مسجد يوم نلـكه أثر سجداته
حيدر ربيب المختار وروح الرسول وذاته
بفگده ينوح القرأن وتبچي بدمــــه أياته
هاالأيات بي مفجوعه
وبأهات تنعه ولوعــــه
فكدت علي عالي الشان•••وينعه بألم هالقرأن
««««««««»»»»»
الكعبه العلي اليوم تنوح المروه الصفى حزنانه
الهادي إعتنه بالعبرات الليله الدفن قرأنه
وياه حضـر جبرائيل يلطم غده. بجنحانه
إمصابه الفجع ملك الموت لمن نضر مولانه
بالدم هام. حيدر بدره
والأيتام لاتنـــتضره
راح الحمه للجيران•••••وينعه بألم هالقرأن
«««««««««»»»»»»
ليث الحروب المهيوب للباري سلم أمــــره
ويدري بصلاته المضلوم سيف الضلاله إيغدره
لـــــــــمن سجد للقيوم وبراسه حس الطبره
أنه الفزت صاح بصوت هذا الچنت أنتضره
سيف الصاب أثر سمــــه
داحي الباب سفكو دمه
ودمه إنتصر عالعدوان••••وينعه بألم هالقرأن
«««««««»»»
وصه الكمر. هالضرغام زينب يكله إحميها
يبني عزيزه إختك هاي وانت تكفـــل بيها
شحال العقيله الحوراء من إسمعت واليها
تلطم على الراس تنوح وتنثر تراب عليــها
جرحه تصيح لامــــــــايبره
وگلبي إشلون منهو إيصبره
ودمع الجفن چن طوفان••••وينعه بألم هالقرأن
««««««««««»»»»»»
وصه الوصي بتقوى الله الشيعه وبعد وصاها
هالدنيه لمحت أبصار فاز الفهــــــم معناها
گل الخلك هاي تموت ويبقه الذي سواها
وإحنه بعشك حامي الجار كل إمـــــه نتحداها
نور الله مــــــــايطفونه
وماننساه لــــــوذبحونه
لجله غضب هالديان•••••وينعه بألم هالقرأن
««««««««»»»»»
للشاعر
نسيم
الحميداوي
/channel/NasimAlhamdawi

الشاعر الحسيني نسيم الحميداوي

16 March 2024 09:44

إستشهاد الأمام علي. ع. رئيسيه

عــلي غدروك لو غدرو نبي الرحــمن
عــلي صابوك مــثلك صــابو القرأن
وياك الحق علي دفنوه••دين المصطفى هتكوه
•~•~•~•
تــدافع عالنــبي ودينه عشت مغوار
عجيبه إنت إنطبر راسك عــلي الكرار
إنت بمــسجــد الــباري چنت خطار
يــوم المــحشر الخالق يــريد الثار

يحامي الجار إلك رب السمه غاضب
تــره الجــبار بــدمك باجــر يطالب
ينادي الضد علي غلوه• دين المصطفى هتكوه
•~•~•~•
وصه أصحابه أبو القاسم على القرأن
إوصــــاهم عــلى العتره نبي الرحــمن
كــــاللهم عــــلي روحي وأنه الجثمان
كــالو عــالنبي يــهــجر بني الشيطان

على الأعقاب من بعد النبي إنكلبو
كََّبل أصحاب صلاة المفتري صــلو
داره بغيبته حركوه•~•~دين المصطفى هتكوه
•~•~•~•
چم غزوه الــخضت بيها وهدمت أصنام
وسهرت على اليتامه انت أبــد متــنــام
عــلي مــــادورت سلطه تدور أيــــتام
قــرينه الفــاتحه بعــدك على الأسلام

تره بفركاك الدين نكتمت أنفاسه
علي وياك محمد منطبر راسه
مثلك بالغدر طبروه•~•دين المصطفى هتكوه
•~•~•~•
علــي للعــالم بأســــره درس أطيت
راسك بالدمــه إتوضه علي وصليت
سجدت وخصمك إختالك ولا إهتميت
ورب الكعبه فزت أني بفــخر ناديت

علي طبروك وبقيت تسبح وراكع
علــي خلوك إنت الأول الــــرابع
مامثلك شخص ضلموه•~دين المصطفى هتكوه
•~•~•~•
إلك سابع سمه إهتزت هتف جبريل
الليله إنفصمت العروه دماك إتسيل
زمزم يبــجي والمروه عليك بويل
نعه أدم نحب عيسى بچه إسماعيل

عليك الحور وأملاك الســمه ناحت
طحت مطبور وأنوار العرش طاحت
علي ساق العرش رضوه•~•دين المصطفى هتكوه
•~•~•~•

على باب اليتم چفك. إله بصــــمات
وبكل غزوه إلك نسمع صدى الصولات
بكل محراب إلك ذكره أثر سجــــدات
مودم من نزف راسك نــــِزف أيــات

دماك السال ظل يعبد علي الجبار
دماك السال يهتــف حــي عالكرار
يصلي بمسجدك خلوه•~•دين المصطفى هتكوه
•~•~•~•
للشاعر
نسيم
الحميداوي
/channel/NasimAlhamdawi

الشاعر الحسيني نسيم الحميداوي

16 March 2024 09:43

أبوذيات🍂إلى أمير المؤمنين علي عليه السلام

بعشك حيدر على العالم علينه
وفكدنه العدل لونفكد علينه
عسه لاطر فجر باجر علينه
ونشيع المرتضى والحق سويه
☆☆☆☆☆
☆☆☆☆☆
علي الماغرته الدنيه ولامال
من عدها جرع كل مُر ولامال
خل حملي عليَّ يثكَّل ولامال
أصيحن ياعلي ويفزع إليه
☆☆☆☆☆
☆☆☆☆☆
ثيابه الصوف وبجفه غزلها
جيوش بصارمه حيدر غزلها
أسد بالحومه وخصومه غزلها
تفر من صوت حماي الحميه،
☆☆☆☆☆☆
☆☆☆☆☆☆
نبينه إمته بحيدر وصلها
نبع حكمت رسول الله وصلها
عصابه النكرة الوالي وصي إلها
وبغض بالهادي من غدرو وصيه،
☆☆،☆☆
للشاعر نسيم
الحميداوي
/channel/NasimAlhamdawi

الشاعر الحسيني نسيم الحميداوي

31 January 2024 15:53

ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.

وإرسل قناتك هُنا : @ahmed_alziwar0

--------------------------------------------------

قناة تعليم الرواديد الالحان
/channel/ahmed_alziwar1

الشاعر الحسيني نسيم الحميداوي

28 January 2024 18:37

(عن لسان القاسم إبن الكاظم ع)

أنه إبــن المــات مــسموم بــسجن
القاسم أنه وبعده عاشرت الحــزن
              ★★★★

أنه  إبن الــصلت  إوياه   الــقيــود
أنه إبن  المــات  وبوضع  الــسجود
ذاك إبوي السجل إسمه على الخلود
بموته من الــدين أحس هدمو ركــن
               ★★★★

بعد إبوي بعــيني أظــلم كــل درب
بــعده عشت بنــوح  بديار الــغرب
والــدليل يــنوح والــمدمع يــصب
وكــــل جــرح ينزف إذا ليلي يجن
               ★★★★

مــــاشفت  أنه  إبوي بكــــل زمــن
وبسجــن هــارون عــايش مــرتهن
بدونه عشت بغــربه ماعندي وطن
والــغريب إيعيش كــل عمره يون
             ★★★★

بالسجن هــذا البدر طال المــغيب
وانه كل عمري كظه بحزن ونحيب
القــاسم أنه مــلقب بأسم الغــريب
مايخــيب الــليه يكــصد. لاتــظــن
             ★★★★

مــن تــمر إضــعون أسكي القــافله
واذكر. العــباس.  عمــي.  بكــــربله
إشلون جان يــضحي لجـل العــايله
بدمعي اتــوضه وأزوره انه منــحن
              ★★★★

الطــاف كــبري وزار جن زار الرظا
الــهادي جــدي علــيه والباري رضا
ويطي اله صك الشفاعه المرتضى
موقع من حسين هالصك والحسن
              ★★★★
              ★★★★
الشاعر
        نسيم
          الحميداي
/channel/NasimAlhamdawi

الشاعر الحسيني نسيم الحميداوي

28 January 2024 18:37

رئيسيه إلا باب الحوائج موسى الكاظم ع

ذكرياتي، ،كربلائيه
كل حياتي ، ونه مكضيه
سجني ليل بلا شمع،،،سنيني خلصت منفجع
¤¤¤
كاظم الحزني،، وكيدي ألمني بحالي بس الله علم
كربله أذكرها ،، من أصورها يشتد بقلبي الألـــــم
زينب أسمعها،، يجري مدمعها تحشم بأهل الشيم
وطفله أصد ليها،،بلا تراجيها،، من إذنها يجري دم

من رقيه ،، هايه دمعاتي
زينبيه،،،، كلها وناتي
بين ونات ودمع،،،،عمري خلص منفجع
¤¤¤
ضلمه أيامي،،، وماتت أحلامي حزني أبد ماينحمل
همي أكظمنه،،جدي أذكرنه،، ويالسبايه على الهزل
مكيد بعلته ،،،هوه وي عمته،،وشدو بنحره الحبل
بذبحت الكافل،،وبعد أبو فاظل، الشمر يحدي الأبل

إمصابي أني،،، إكباله اأحس ذره
إشماأعاني،،،، مــــــــاشفت حُره
بچف نذل من تنصفع،،،إسنيني خلصت منفجع
¤¤¤
ينكطع ذكره،،،وينهدم قصره الضالم وليه المجد
خل يسموني،،،من يدفنوني،،، نوري مايخفه بلحد
اليدك بابي،،،،ويذكر إمصابي ،،مني خايب مايرد
حاجته أكضيها،،علته أشفيها،،إبابي بيرغ من يشد

مـــــن يحبني،،،وصفه نياته
لــــوندبني، أقضي حاجاته
للكرم چفي نبع،،سنيني خلصت منفجع
¤¤¤
جروحي من صلت،بدمعتي إتوضت صار محرابي السجن
سجني طاموره،،وروحي مجموره،،وأنه بالطف ممتحن
جرحي ضل يدي،،،أنحب الجدي،،من يهل شهر الحزن
أنصب المأتم،،قلبي يتألم،،، ليلي يخلص بس أون

بكل ونيني،،، أقـــــــره قرأني
ومن حنيني،،،،يبچي سجاني
عليه كَّلبه منصدع،،،سنيني خلصت منفجع
¤¤¤
سم غدر سندي،،كطع الجبدي،،وساجد الربي شكُر
كَّلبي يتعذب،،،بالحزن شيب،،،ماشفت خيط الفجر
راح أمثلها،،دنيتي كلها،،، من قَبر سجن القبُر
بموتي أعيش أني،،وهمه عدواني،،بلعن ألهم ذكر

للنواصب ▪تلعن أحبابي
بالمواكب ▪تلطم إبابي
مرقدي بيهم يشع،،،،سنيني خلصت منفجع

🔗🔗للشاعر نسيم الحميداوي🔗🔗/channel/NasimAlhamdawi

الشاعر الحسيني نسيم الحميداوي

28 January 2024 18:37

أبوذيات. الى موسى ابن جعفر
ع..
بلاك الــدهر يالكــاظم بعدوان
وإلك وسط الكلب لوعه بعدوان
عكــبك بالشدد نــكصد بعدوان
سجين وفرجت عليك المــنيه
★★★
الدنيه بسجن كــاظمه وحرها
وبردها إجرعه ومــرها وحرها
عليَ سابع سمه حزنت وحورها
تلطم والجنان تــنوح هــــيه
★★★
الأمل مولاي البكلبي بطلبه
وإجيتك ياأبو طلبــه بطلبه
جودك سيدي بخدمه بطلبه
حــاشا تردني ليــث الكاظميه
★★★
كظم غيظه بصبر كلبي ولامــال
وظنه مــــابكت عندي ولامــال
منهم مــاردت سلــطه ولامــال
حكموني بسجن مضلم عــــليه
★★★
عليه الشمس ماظن يوم مــرت
سجــــين ودنيتي وياي مـَـرت
أحس روحي تريد الموت مرات
نكطع منها الأمل بكيود إديــــه
★★★
قصيده دموعي نظمن ونسجن ليك
ومــن ونك يــراهــب ون سجن ليك
تــدري إنت بمحــبتك ون سجن ليك
سجــنك بالكــلب حد. المــــنيه
★★★
الضلم ينــقاس بالــدنيه مضلــماي
أنه بطــاموره ياشيعه مضلــماي
بعيني من كثر دمعي مضلــماي
بجت دم ودمع هــيه علــيــه
★★★
الشاعر
نسيم
الحميداوي
ونسألكم الدعاء
/channel/NasimAlhamdawi

الشاعر الحسيني نسيم الحميداوي

25 January 2024 18:57

مــن مــثلي أنه تعذبت• •ضلــمتها دنياها
طبره وضلع سم وذبح• • يامحنه أنساهــا
ليش أنه ګل عمري أنفجع
عــليه المصــايب تنــجمع
★★★
مــــن السقــيفه تأسست مــــحنة ضلمنه
وأول مصيبه إلي بتدت من سطرو إمنه
باب الزچيه من إحترك حــركو خــيمنه
ومن إمي من سلبو فدك إحنــــه إنسلبنه
راوني ڪل محنه الزمن••مــــاخله كل غالي
بعيني شفت چبد الحسن••وطبرة علي الوالي
وچنت أدري من كسر الضلع
عــــليه المــصايب تنجمع
★★★
مــن أذن بأذنــي علــي وڪُّبر سمعته
تراوالي وأنه بمــــولدي ساعــة طبرته
عيني إفتحتها وفتشت وجه إمي شفته
ڪُّلبي لچمني من المهد حــس بسطرته
الوصه النبي بيها شكثر •• سطروها شفناها
وبالطف إجه دور الشمر•• زينــب تولاها
بعد إمي أنه الأنصفع
عليه المصايب تنجمع
★★★
بلساني دوم البسمله وبــڪُّلبــــي أيات
الباري أطاني الصبر بس صبري دمعات
ڪل محنه من طف كربله هــــزت سماوات
لــويــمي أيوب النــبي مــن الحزن مات
صبت عًّلي صب الحزن••هالدنيه ضلمتني
الطلڪها أبوي من الزغر من إمي حرمتني
عشت العمر خيط بشمع
عليه الــمصايب تنجــمع
★★★
ضليت أعيش بلا كًّلب مــن كثر الألام
نص منه طاح بكربله ونص منه بالشام
رحــنه سبايه قافــله بس كلــها أيتــام
وشمر ويزيد وحرمله ذبــحونه ضــــلام
إڪبالي من تعايدو شــسوو بحــالي
عدواني بيه إشمتو من شافو إحبالي
مــــاأون أخافن أنسمع
عــليه المصايب تــنجمع
★★★
حطو على باب القصر زينه من إجينه
خلو شمــس يمه الڪُّمر مــستقبــليــنه
هاي الشمس راس وكسف من دم جبينه
وراس الكُّمر مابي ضوه مــطفيه عــينه

روحي المصاب الحملته. من يحمل إمصابي
ستوحدني دهري بوليته مــن راحو أحبابي
ڪل لــيله تخلص بالدمع
عــليه المــــصايب تنجمع
★★★
للشاعر نسيم
الحميداوي
/channel/NasimAlhamdawi

الشاعر الحسيني نسيم الحميداوي

21 December 2023 22:04

بالوفــــه تنبع حنين ••إمــي چنها إم البنين
ڪون وياي وتشاهد هــي حالي
والله چا لطمت وجها عالجرالي
★★ ★★

إم ڪفيلي لو إجــت للغــاظريه
تبقه فوك الراس تلطم بس عليه
عني أحسها تڪول لوصدت إليه
مومــــلامح بنتي هاي الهــاشميه

غير إرسومي العذاب•••دموع ورماد وتراب
وياها مايوم الشمس رسمت خيالي
والله چــــا لطمت وجها عالجرالي
★★ ★★

وياها عشــت إمدلله من الطفوله
هي تسمع ڪلمتي وشوري الأكوله
الله ڪرمها بـْـوِلد ڪِلهم بطــوله
هالكرم موڪل مَــره تكدر تنــوله

إثنين عندي أنه إمهات•••هي والزهره خوات
وياها بعد إمي عشت أنه بدلالي
والله چا لطمت وجها عالجرالي
★★ ★★

إتحب إخــوتي چانت أكثر من ولدها
وأغله والله من الهوه چنت أنه عدها
إمصاب إمــــي والضــلع مثلي ضدها
وفڪدت سندي علي وفكدت سندها

شارڪتني بڪل بلاء•••إله مــحنة كــربلاء
يــمي لو چانت ضوت سود الليالي
والله چــــا لطمــت وجها عالجرالي
★★ ★★

هايه إم الأربعــه الوفــت عــليها
بالوفه الكــافل إلي طــالع علــيها
راسي أمسحنه واحس همسات إديها
الله مــــن إمي صفات إمخلي بيها

ربنــه خــالق زهرتين••••هي وحده من الثنين
والطف شكبره وصفه بلياها خالي
والله چــــا لطمت وجها عالجرالي
★★ ★★

إثياب إمي من الوفه چانت تشمها
وڪالت الحيــدر علي إيغير إسمــها
مــن تناديني أحــس زيــنب بألمــــها
تذڪر العصره وتظل تنحب على إمها

طيبه وإحساس وأمان•••تمسح إدموعي بحنان
وتبچي إذا نضرت إليه ودمعي هالي
والله چا لطــمت وجــها عالجرالي
★★ ★★

شاخذ مــن الطــف هديه للمدينه
ودي چفــين الڪُّمر لمــي الحنــينه
حتــه تعــرف هــي إبنهــــا وفه لينه
راسه مكــطوع ورجــع وي الظــعينه

إلها ڪون أخذ چفوف•••صوغه من ارض الطفوف
هي لوتدري شفت ذبح الغوالي
والله چا لطمت وجها عالجرالي
★★ ★★
للشاعر نسيم
الحميداوي
/channel/NasimAlhamdawi

الشاعر الحسيني نسيم الحميداوي

31 October 2023 21:05

بعيني دمعه حلمي تمسحها بيمنتك
ماكو جمعه أنه تجمعني بحضرتك
عمري خلص كَّلبي شاب،،، يمته يخلص هالغياب
☆☆☆ يابو صالح،،،يابو صالح

أنه أبعثلك دمعتي ويالنوارس
دوم أتلفت وأدورك بالمجالس
إنت مثل حسين إليه وأنه عابس
الزمن مهر بيمينك وإنت فارس
،،،
تكدر تسرع الدهر،،،ونسمع المهدي ضهر
هالحلم نتأمله
تملي دنيتنه عدل،،،الدينك تلم الشمل
تبني دوله عادله
إنت بيدك    تحي يالمهدي العداله
إنت بيدك     تهدم أركان  الضلاله
وتذبح الزمره الذئاب،،،يمته يخلص هالغياب،
☆☆☆☆
بوحشته الحادي على زينب مَر عليه
من غيابك ضهري جن ضلع الزجيه
بيه جرحك يشفه بالطلعه البهيه
وين أدورك بالغري بالغاضريه

،،،،وين أشوفك يامكان،،،أسأل عليك الزمان
إنت مو صاحب إله
أنه من دونك أضيع،،،ضامي إلك مثل الرضيع
والبعُد جن حرمله،،،،
هايه عيني تحلم بساعة طلعتك
هايه عيني يمته أكحلها بنضرتك
ضل سؤالي بلا جواب،،يمته يخلص هالغياب
☆☆☆☆
روحي ماتشفه بغيابك من ألمها
إله قطعه من قميصك كون أشمها
وقفت عيني دمع مُر بحلمها
عليك ذيج الناصب بروحك خيمها

،،،،جرحك بكد غيبتك،،،لسه تسمع عمتك
تصرخ ويالعايله
لسه ماناسي الجفوف ،،،عالمك كله الطفوف
كل حياتك كربله
محني ضهرك من الدمع جفنك تورم
كله عمرك ليلة الحادي بمحرم
لابس إثياب المصاب،،يمته يخلص هالغياب
☆☆☆،☆

ضاكَّت علينه الوسيعه وإنت أدره
بكَّلبي من باب الزجيه بيه جمره
لسه عين الزهره إمك هي حمره
شتنسه محسن تنسه عصره تنسه طبره

باب محراب وطفوف،،،وإنت بعيونك تشوف
عايش إنت الواقعه
من زمن ذبح الطفل لسه دمعاتك تهل
مانسيت المصرعه
،،،،إخذه ثارك إنت ثارات بركبتك
،،،إخذه ثارك سيدي وطفي جمرتك
وللأمل فك إلنه باب،،،يمته يخلص هالغياب
☆☆☆☆
إنت إلك رب الجلاله هوه حافظ
بصرخه عجل ياولينه كلبي نابظ
مبغضينك كل شي عدهم بي تناقض
المهدي مامولود كالو ياروافظ
،،،،،
سيدي جور وضلم،،،حاربونه على اللطم
هالعصابه الأثمه
يمته يالمهدي الضهور،،،يلعفتنه بلايه نور
الدنيه بعدك مضلمه،،
مرني مره لو حلم مُر على عيني
دنيه مٌره من غيابك ياحنيني
عايش بعالم عذاب،،يمته يخلص هالغياب
☆☆☆☆☆
الشاعر نسيم
الحميداوي،،
/channel/NasimAlhamdawi

الشاعر الحسيني نسيم الحميداوي

13 October 2023 16:51

إلى الزهراء عليها السلام☆•☆•

بويه ماتخفه بكبر   إمي  الزجيه
لومشت تترك عطر  فوك الوطيه
حته بكبرها ... أشتم عطرها
           ***
زينب أنه تيتمت   ويه أمي أشعر متت
        هي روحي وفاركتها
تكدر ترجع الزمن   ماتردلي إم الحسن
      بويه ليش إمي إدفنتها
همك إيطيح الجبل. إشلون كلبك من حمل
        وإنت بيدك غسلتها
عليها ضهرك منكسر.. ودري كلبك منعصر
       بيك أحس من وسدتها

من توسدها بلحد إيضل ضواها
بلاعطر يبقه الورد لو ماشذاها ...عشت بذكرها
                **
فصل الباب النعش.  وكتب إنت ثمن طعش.
عالنعش هذاعمرها
ومن توسدها التراب. .چفن الزهره بحجاب
إنعصرت وضل بفكرها
إمي حته بالكبر.  منها ضل يطلع عطر
وأنه أموت بلاعطرها
إضمني جانت للصدر. من أحزن ألكاها حجر
ومــــاأعيش بلا حجرها.
طبع المفارك يحن  يغفه على ونه
وانه جنت أغفه بحظن   كله محنه..أذكر حجرها
             **
ربي إخذ مني العمر..إمي ماتت من زغر
       وعمري بعده بالبدايه
حيلي من حزني إنهدم..بهمي ماواحد علم
        غير عــلام الخفايه
بالصلاة أذكر ضلع .الكوثر أقراها بدمع
       وماأكمل مـــــــنها أيه
وأقره سورة قل أعوذ   بيها من الشر ألوذ
      ومن حزن هاي الرزايه

أشاهد الروحي شكثر  من أنضر الباب
شكد تمنيت الكبر  من هذا المصاب.
وغفه بكترها...وأشتم عطرها.      
              ***
إمي لورفعت خمار.. الدنيه بيها إيحل دمار
       رحمة الله إيوصفوها
إنت شوف المنزله...لمي من هاالمسأله
       إيقبل إديها جان إبوها
إمي لو لبست سواد..العرش يعلن حداد
      عالوجه ليش إسطروها
كلبي أحسن منهدم..راحت وعشت بيتم
      عذبوني  وعذبوها

بلون ثوبي الدنيه أحس  سوده حياتي
أضفر خيوط الشمس   وي ذكرياتي..
أرسم صورها..أشتم عكرها
         
ياعلي وكت الصلاه..الزهره وي كل أيه أه
         تصرخ وإنت سندها
فاطمه بوضع السجود..ليش إديها على الخدود
      تخفي سطرات على خدها.
وعالضلع وكت الركوع...تحط إديها تضل تلوع
           والكسر والله ضهدها
عندك أمنها الرسول..ياعلي صعبه شتكول.
           بياوضع حيدر تردها

بويه كلي شتعتذر    راح من إبوها
تدري خد إمي إنسطر عني إبعدوها
عالباب أثرها..أشتم عطرها.
            * * *

--
للشاعر نسيم
الحميداوي🍂🍂
/channel/NasimAlhamdawi

الشاعر الحسيني نسيم الحميداوي

08 September 2023 20:55

🍂إلى رسول الله محمد صلى الله عليه وأله وسلم 🍂رئيسيه

مـن غفت يالهادي عينك      يامُحمد
هجمت ذياب على دينك      يامُحمد
جتنه أصحاب الخداع•••الدين صار إلهم قناع
★★★
بعدك الكعبه. مضلمه والمـــــــدينه
وجتنه أصحاب المطامع والضغينه
نصبت أول خليفه بنص علـــــــينه
إشلون الأول صار رابع يانبــــــينه

من كلت هـــــذا وصي     وبلغتهم
راسه طبروه بصلاته     من حقدهم
والغدر عدهم طباع•••الدين صار إلهم قناع
★★★
تصيح فاطم بضعه مني وإم أبوها
من كلت هايه بضعتي مـــــارعوها
الأول. وثاني. يطـــــه عــــــــذبوها
سطرو الزهره علخـــدها وشتموها

ومن كلت باب الزچيه    هذا بابي
إحترك بعدك يطه    بچف صحابي
ماكو بيهم كل شجاع••••الدين صار إلهم قناع
★★★
لبسو إثياب العقيده وسلـــــبونه
وإحنه بسمـك يامحمد ذبحــونه
من كثر مــــــــاعذبوكم عـذبونه
سيدي الصله على تربه إيكفرونه

الدنيه صارت إحنه ضدنه وفاركنه
وكلها رادت تفترسنه   مـــن عفتنه
چن غزال بنص ضباع••••الدين صار إلهم قناع
★★★
جتنه أصحاب المطامع والسياده
تقمــــــصو ثوب الديانه والعباده
بلاضمــــــير بلا حميه جتنه قاده
باعـــــــو الدين وذممهم عالقياده

الغيره بيهم والله ماتت     هالنواصب
وركضت بن العاص صارت عالمناصب
وستمر هذا الصراع••••الدين صار إلهم قناع
★★★
يا أبو القاسم وحقك مــــا أجامل
مـاشفت حاكم إجانه وهوه عادل
سيدي جـــــتنه عصابه كلها باطل
كثرو عـــــــــدنه اليتامه والأرامل

يانبينه ششتكيلك     وإنت أدره
تسترو بالدين دينك    من يستره
والتستر بينه شاع•••الدين صار إلهم قناع
★★★
إلي كالو إنت تهــــــــجر بالوصيه
تأمرو ضد الصمــــيده والزچيـــه
شفنه من ظلم السقيفه كـــل رزيه
ومـــــــن هذاك اليوم لسه الطائفيه

فرقه فرقه الطائفيه    فــــــرقتنه
المهدي وحده يلم شملنه   بي أملنه
ويقضي عالهمج الرعاع•••الدين صار إلهم قناع
★★★
للشاعر نسيم
الحميداوي🔗🖋🖋
/channel/NasimAlhamdawi

الشاعر الحسيني نسيم الحميداوي

18 August 2023 22:49

على لحن ملا جليل (ياكربله بيچ إندفن)

مـــــن إندفن •گبره الحسن ضل منهدم
والهلزمـــــن •گبره الحسن ضل منهدم
وين الغايب ياخذ ثاره
يمته المهدي إيسل بتاره
««««((()))»»»»
وين اليرد إلنه الأمل ويحي العداله بصارمه
ويمحي الضلاله بطلعته ويضوي الليالي المضلمه
الصادق الباقر ينتضر والحسن وإمه فاطمه
وينه شبل حيدر علي يشوف القبور إمهدمه
لمن غبت• وين الوعد يبن الحسن
حان الوكت•وين الوعد يبني الحسن
گلبك نعرف تلهب ناره
يمته المهدي يسل بتاره
«««««(((()))))»»»»»
جثمانه بسهام إنرمه وبالنعش جسمه مندمي
بدال الورد ناس بحجر ترمي الغريب الهاشمي
موهذا سبط المصطفى وللهادي بالدم ينتمي
ليش بحقدهم يندفن وليش بحجر من يرمي

بنعشه الحسن• ليش بحجر جسمه نرمه
هالمُمـــــتحن ••ليش بحجر جسمه نرمه
وين أهله بدفنه وانصاره
يمته المهدي إيسل بتاره
««««((()))»»»»
سيل الدمع ماينكطع من أذكر إمصاب الحسن
بالغرب سمو چبدته وضلمه بتده من يازمن
من زمن ميه وزمرته ضلت تصب فوكه المحن
يم جده منعو يندفن وخلو ضريحه بلا صحن

لاچن عله ••مرقد إله بگلبي إنبنه
أشتاك إله••مرقد إله بگلبي إنبنه
محد يگدر يطفي أنواره
يمته المهدي إيسل بتاره
«««((()))»»»
هذا الغريب المجتبى بگلب اليوده حضرته
فاز الكصدله بالشدد ونال السعاده بطلبته
إلي نوه الگبر الحسن صادق كلامه ونيته
عالبعد ياخذ مطلبه اليجري الدمع لمصيبته

أكرم بشر ••لامايرد كلمن طلب
طول الدهر••لامايرد كلمن طلب
مسروره ترد كل زواره
يمته المهدي ايسل بتاره
««««((()))»»»»»
الدنيه كلها تغيرت بعدك صفت جور وجمر
مات العدل من غيبتك بس الضلم ضل مستمر
روح البقيعك يالغبت ونضر مأسي إچم گبر
لابد الزهره تناشدك يالحجه يبني شتنتضر

ضاك الصدر ••ماضل صبر من غيبتك
لـــــــوننتضر ••ماضل صبر من غيبتك
نريد الباطل تمحي أثاره
يمته المهدي إيسل بتاره
««««((()))»»»»
ليش إنت غبت الهلوكت وليش انت متسل صارمك
بس باالأسم شيعه أظن تعرفنه لاماننصرك
لاچن يبن سيد البشر يبن الحسن أرده أسألك
چم طعنه گلبك منطعن والهلزمن چم ثار إلك

سل صارمك•••سهم العده بگلبك مضه
من غيبتك••سهم العده بگلبك مضه
مخفيه إغيابك أسراره
يمته المهدي إيسل بتاره
«««((()))»»»
الشاعر نسيم
الحميداوي
/channel/NasimAlhamdawi

الشاعر الحسيني نسيم الحميداوي

18 August 2023 11:38

موشح إلى الحسن المجتبى ع

أنه مضلوم الحسن  سموني
        لسه مــــهدوم الگبر خلوني
                    •؛•؛•؛•
     
   هاك إخذ صورة عذابي ومحنتي
        حته تعرف هم مصابي   وقصتي
        وإنت إنشد ليش  طاحت  گبتــي
        وأعرف الناس الذي ضلموني
                «««««««»»»»
     
   خلي دمعك يجري ويطيح الوجن
        مثل مادمعي خلص وانه   الحسن
        لوشفت شيعي   تخف بيه  المحن
        يمته أشوفن شيعتي إيحيطوني
              ««««««««««»»»»
      
  مــــوسهم سهمين نابت  بالصدر
        حته نعشي إنصاب بسهام الغدر
        من حقدهم هدمو  فوگي  الگبر
        ويم گبر جـــــدي    ولادفنـوني
                  «««««««««««»
     
   هذا حكم إم الجمل وإم الفـــتن
        أنه أضل بلا ضريح ولا صحـــن
        والكسر ضلع إمي يم جدي إندفن
        وأنه  عـن كبر  النبي بعدوني
                 ««««««« »»»»
  
      أنه عيني الشافت أشكال  العذاب
        وگلبي نادى يريد  ياشيعه  الجواب
        ليش  گبري  اليوم   باقي على التراب
        وماوصلتو   ولسه    مازرتوني
                ««««««»»»»»»»
       
مو عجيبه الگلب لو مل ويصيح
        لاعجيبه الجبل من   يهوه ويطيح
        بس عجيبه  الحسن يبقه بلا ضريح
        ونادى بديار   الغرب   واسوني
                     «««««««»»»»»»»
    الشاعرنسيم
    الحميداوي
/channel/NasimAlhamdawi

الشاعر الحسيني نسيم الحميداوي

22 March 2024 17:50

جرح الفراق
🍂وداع أمير المؤمنين علي عليه السلام🍂

لو عني تغيــــــــــب حيــدر
يا جرح يطيـــــــــب حيـــدر
من جـــــــــــــــــــور الدهر مليـــت
لا أم لا أبـــــــــــــــــــــو ظليـــــت
🍂🍂🍂

أعوام على زينب لو غبت لحظـــات
وإذا رايــــــح تيتم الدين والآيـــات
وخط منهج حياتي بصفحة اللوعات
الفجر دمع الضحى نوح المسا شوغات

وادعــــــــي بكل يوم حيدر
بلـــــــــــوعة محروم حيدر يــــــــــــــــــــــــاخذني الأجل ياريت
🍂🍂🍂🍂
يـــــــا جرح الاضمده من تفاركني
جرحك جرحي جرح أمي اليعذبني
عرفته انه الدهر عنك يبــــــاعدني وهـــــاي آخر مسية وياك تجمعني
أيام الســـــــــــــود حيدر
لو رحت تعـــــــود حيدر لمصـــــــــــــــــــــــــاب الضلع رديت
🍂🍂🍂
بأمر جــــدي الخليفة الأول منصب وبالمسجــد صبحت بدمك مخضب
من بعـــدك عَليَّ كل المحن تنصب ومـــن كـاس المرار بغيبتك اشرب

تموت الآمــــــــــــال حيدر
بدمعي الهمـــــــــــال حيدر عنــــــــــــــــــــــــــوان اليتم خطيـــت
🍂🍂🍂🍂
كمر هاشم أشـــــــوفك بيه وصيته وكلبــــــــي بنار يلهب بوية خليته
وصوابك علي بالحســـــرة صديته وابوية من دمعتي التجري داويته
شفتـــــك مطــروح حيدر
وتون وتنــــــــــوح حيدر سالـــــــــــــــــــــــــــــم يا علي تمنيت
🍂🍂🍂


يميـــــــزان العدالة وقبلة الإسلام
يامحيي السنــن يا هادم الأصنام
من تغيب غابت بسمة الأيتـــــام
تظــل وحشة الليالي وتظلم الأيام

تظلم أكــــــــــــوان حيدر
وينعى القــــــرآن حيدر والبــــــــــــــــــــــــاب الأمل سديت
🍂🍂🍂🍂
علي بظلك تنــــــــــام أيتام محمية
على جفوف السعادة تبات يومية
اليوم أمست حزينة وكلهـــا مسبية
و هدم بيـــــت اليتامة بموت راعية
هالدنيا أيـــــــــــام حيدر
فرحـــــــــة وآلام حيدر جنــــــــــــــــــــــت مدللة وشمسيت
🍂🍂🍂🍂

زمزم والصفا والمروة حزنانــــة
بيـــــت الله بمصابك هدموا أركانه
وجبريل الكطع من حزنه جنحانه
لبــــس ثوب السواد ومحزن ويانه

بالهم تنعـــــــــــــاك حيدر
كل الأمـــــــــــــلاك حيدر ومــــــــــــــــن دم عبــــــرتي هليت
🍂🍂🍂🍂🍂🍂
للخادم آهل البيت عليهم السلام
نسيم الحميداوي،
/channel/NasimAlhamdawi

الشاعر الحسيني نسيم الحميداوي

16 March 2024 09:45

غياب علي عليه السلام،،🌿رئيسيه

من غبت ياأبا الحسن كلها ضدنه
ندفع الحبك ثمن      إحنه دمنه
ياعلي وأنت السند،،،منك نريد المدد،،كلها ضدنه
☆♧☆♧
بالثلاثه طلكتها         دنيتك مــــــــاغرتك
إحنه نتمنه يتامه       بس نكون بدولتك
سيدي عدنه السياسي شيعي بس ضد شيعتك
نفسه وياك اليصلي     حته يطبر هامتك

سيدي الماضي رجع هذا واقع
وضهرت أصحاب البدع والمطامع
الباطل السيفه جرد،،، منك إنريد المدد
                     ☆☆☆☆
تلبس الصوف وخليفه     ولبست قمبر حرير
وبصيامك عاده عندك    تفطر بخبز الشعير
ماكو قائد إنت مثلك    من ينام على الحصير
سيدي القاده الأجتنه كلها بس ضد الفقير

الله لايطي السياسي ولايرحمه
باع دمنه على الكراسي بلايه رحمه
والعدل منه إنفكد،،،منك نريد المدد
                        ☆☆☆☆
ششتكيلك ياأميري     سيدي الواقع مخيف
ياعلي دنيتنه غابه     والله ماترحم ضعيف
لسه ينزف جرحه بعدك      ياعلي الدين الحنيف
واليتيم بلايه چـــــــفك    يحلم بچفه الرغيف

خضرت أرض الذهب بس يتامه
سلبو قوت الشعب عالزعامه
قل هوه الله أحد،،،،منك إنريد المدد
                          ☆☆☆☆
راسي سيف أشعر يطبره  من يأذن كل صبح
علينه رد إچم مرادي     وبينه خضر چم جرح
تغيرت بس الأسامي،،   ياعلي ونفس الذبح
وفرقتنه الطائفـــيه      بكل قلب خلت رمح

حاربونه أهل الفتن والبغايه
ونذبحنه بكل زمن عالولايه

جم عدو علينه إتحد،،،منك إنريد المدد
                        ☆☆☆☆
من طحت دامي بسجدتك   إهتزت العليه وأرض
وسجدت عليك الكواكب    وصلت الكعبه فَرض
بدمك إمخضر حشدنه     إتحرز بأسمك حَفظ
وبزمانك تحمي جارك     والحشد حامي العرض

منك الغيره ورث والحميه
رافظ الذله وهتف رافضيه
بيهم الدين إنولد،،،،منك إنريد المدد
                   ☆☆☆☆
للشاعر نسيم الحميداوي
                      ☆☆☆
/channel/NasimAlhamdawi

الشاعر الحسيني نسيم الحميداوي

16 March 2024 09:44

إستشهاد الامام علي عليه السلام 
رئيسيه«»

حـبي إلك موعاطفي   مـن عشكَتك يالولي
     عني كَــــــــــالو طائفي   چه أحـــبك  ياعلي
       مني هالناس إشتريد،،،،، رادو انه أتبع يزيد
  ،،،،،،.؛،؛،؛،؛،؛،؛،؛،؛،؛؛؛،،،؛؛؛،،؛؛؛؛؛،،،،،
منـهجك حيدر حـضاره    ترَكَـــع إثياب الأمـــاره
وقمبر تلبسه الجديد
إنت أصحـابك حواري     مـثل ابـو ذر الغـــفاري
مومثل زمـــــــرة يزيد
إنت بالـدنيه مـناري،،، خلي مـــــــسلم والبُخاري
يروي عنك مــــــايريد
تشهد الطبره بصلاتك،،،مـن مـحمد كـل صفاتك
مايهـموك العبــــــــيد
؛؛؛،،،؛؛؛؛،،؛؛
إنت والهادي النبي،،،،الله خالقكم سوه
وبالغـــدير الطالبي،،،،شايل بچفك لوه
والنبي رافعلك إيد،،؛؛،،؛؛؛؛رادو انه أتبع يزيد
؛؛؛؛؛،،،،؛؛؛؛،،،،؛؛؛،،،؛؛؛؛
إجسـد أيات بكمــالك  ،،، نـزلــت أيات بخـصالك
مــــــــــاقـروك بهل أته
من صفاتك حامي جارك،،،،ماكو سيف إلا  فقارك
وماكو غيرك كل فـته
إرجع وإحي  العدالة،،،،وذبــح أصـحاب الضلاله
ياعلـي الرجعه متــــه
تقمـصو ثوب الديانه،،،،حـــــــته يخفون الخيانه
زمره ديـنك خــــانته
؛؛؛،،،،؛؛؛؛
حالفو وبلا وعي،،الـوهـــــــابي الناصبي
وانه يهمل مدمعي،،أبچي إلك والمذهبي
شرعو مذهب جديد،؛؛؛،،؛؛رادو أنه أتبع يزيد
،،،،؛؛؛؛،،،،؛؛؛؛؛،،،؛؛؛؛
مــــــذهب مشرعينه بعدك،، كفرو كلمن يودك
ينذبح گــــالو حــــــــلال
ياعــلي الضالم تُمرد،،، عّْليك كلمن يلبس أسود
عدهـم من آهل الضـلال
إحنه مثلك خضبونه،،، بالمـــساجد فـــجرونه
دمــك ودمنه إحنـه سال
بالأذان إسمك يـغثهم،،،، گالو الباعو ذمـمهم
بأسمه ماأذن بـــــــــلال

رادو أصحاب الفتـن،،،يخــتفي النور الجلي
بس طبرتك كـل زمن،،،،ضـلت تأذن عــــلي
خسرت أتباع العبيد،،،؛؛؛،،رادوانه أتبع يزيد
؛؛؛؛،،،،؛؛؛؛؛؛؛،،،، ****
ليش عادوك النواصب،،   ماتدور عالمناصب
دومك إدور اليتيم
الله أطاك الكرامه  ،، إيلوك إلك تاج الزعامه
ونصبك طه الزعيم
ياعلي جروحك يتامه،،  تنزف اليوم القيامه
تروي من ضدك حميم
خصمك مهدم صنمهم،، وچفك الفقره شبعهم
بالعطايه شكد كريم

ياعلي نورك سطع،،       وإحنه مـنه نقـتبس
بس خفافيش البُدع.،،،،، ماتحب نور الشمس
قاتلك سموه شهيد،،،رادو أنه أتبع يزيد
•••°°°•••••••**"
للعلم طه مــــدينه    وإنت باب إلها علينه
وتغفه چنت على الحصير
بيك من بلغ نبينه،،،،إله كمل الله دينه
بلغ بيوم الغدير
ربنه ماراد الخلافه،،،،تصير لصحاب الخرافه
ياعلي وإنت الأمير
ولدتك بالكـعبه إمك،،،،وسفكو إبيت الله دمك
والعدل بعدك أسير

راسك الينزف سور،،،،،ياعلـــينه.مــاشفه
بعدك الجور إنتشر،،،،والعدل والله إختفه
الشيعي بعدك ضل وحيد،،،،رادو أنه أتبع يزيد
؛:؛؛:؛:؛:؛
الشاعر نسيم الحميداوي،،،/channel/NasimAlhamdawi

الشاعر الحسيني نسيم الحميداوي

31 January 2024 16:02

مؤسسة منبريون الحسينية مؤسسة تختص بنشر القصائد الرئيسية والمقدمات والنزلات وقصائد النعي والابوذية وقصائد الشور وكل ما يحتاجهة الرادود الحسيني بالإضافة إلى وجود كروبات خاصة بالتلحين.و تلبية الطلبات ودعم الشعراء رابط القناة 👇👇👇
/channel/+PZwpTt2HLXcvUQZh

أما روابط باقي القنوات تجدونها هنا👆👆

الشاعر الحسيني نسيم الحميداوي

28 January 2024 18:38

رئيسيه إلى موسى الكاظم ع☆

السجون أضحت مــساجد من صلاته
بيها مــوسى هــذا ساجد كل حياته
سوه معبد هالسجن،،، وصله وي موسى الحزن
★★★★
بالسجن بدر الهــواشم والسمه ظلــمه ومكدره
بالحــديد إمكــيدينه وليلة فــارك حــته بدره
بموسى باهه الله الملائك ونزلت السجنه وتنضره
شافــو الكــاظم تكــيد وساجد الــربه ويشكــره
كاظم الغيــض بدمعــته ناجه ربــه
نوره ساطع من سجدته ضوه دربه
ساجد الربه إويون.. وصله وي موسى السجن
★★★★
للصبر والحكمه منبع ودمعته إتوضح صموده
رضت الساقه السناسل وماشعر بــيها بسجوده
لودعه موسى على خصمه الباري يرسله جنوده
ماطلب إله الشهاده والشهاده تفك قــيــوده
تنفك أغلال الضلاله بالشهاده
أنطه للعالم رســاله بالعباده
عمره خلص ممتحن. وصله وي موسى السجن
★★★★
صاحب النكبه الجبيره من الله طالب طلبه موته
إضــــرع الربه بصلاته وينــدب الباري بقنوته
ياإلهي اسمع صرختي ومنهو عنك يخفه صوته
كــــبلي ذنون ونقذته يونس البالعته حوته
بالسجن ناجه ودركته ماتركته
الكاظم يناجي بعبرته. وبحسرته
حركت دموعه الجفن.. وصله وي موسى السجن
★★★★
راهب الكاظم تكيد إنســجن وبلايه شاهد
ماكو إثبات وجريمه والحكم من أصله فاسد
ينحكم كلمن يصلي عدهم يسمونه جاحد
اليعمل المنكر مقدس هذا عدهم همه عابد
غيرو نهج الشريعه والعداله
وتهم كــلمن يصلي بالضلاله
والعدل للحك يحن.. وصله وي موسى السجن
★★★★
مرقده جنت عشكنه صاحب الدمعه الغزيره
كعبه للزاير ضريحه عــالبعُد نشتم عبــيره
روضت المغرم مزاره ومايخيب اليستجيره
بالكــرم جــفه تمــيز والكمر. بلطف نضيره
من يمسني الضُر أكصده وانه خاشع
ألكه كل غاياتي عنده جــوده نابع
من زغر بي منفتن.. وصله وي موسى السجن
★★★★
تبقه إلك تسطع مناره. للنجوم أنطت ضياهه
الشمس من عدها تكسف من تصير بمستواها
والفلك غــير مــــداره عليها يفتر من هواها
لاذت بسدها الحــياره ومايخيب إلي إعتناها
إمــنيت شاعر تتوج بالمجالس
كون موسى علمه منهج بالمدارس
هوه للدين الركن.. وصله وي موسى السجن
★★★★
🔗🔗الشاعر نسيم الحميداوي⛓
/channel/NasimAlhamdawi

الشاعر الحسيني نسيم الحميداوي

28 January 2024 18:37

شيعو موسى يشيعه شيعو موسى
هوه حرر مذهبي.. هذا إمامي الطالبي
★★★★
حكها من الشيعه تحزن حكـها مـن تـعـلن حـداد والله من ليلة مصـابه والعـرش ﻻبس سواد
ناحت أملاك على موسى وحزنت السبعه الشداد الكاظم إحنه من نكصده. نشفه يم باب المراد
من أكصده يسرني من أكصده
ضامي وأصبح مشربي. .هذا إمامي الطالبي
★★★★
سابع أقمار الـهدايه عـمـره خـلص بالسـجن
مات وبچفه السﻻسل. بالنعش موسى ويون إشلون مــانوح المصابه. وألبس إثياب الحزن ﻻذت بسده الحياره وصار للشيعه الحـصـن
هذا ضخري أكصده هذا ضخري
مايردني بمطلبي. .هذا إمامي الطالبي
★★★★
رضت الساقه السناسل ورضت إچفوفه القيود صاحب السجده الطويله مــيت بوضع السجود
چـبده مـن السـم تكطـع والشـفايـف مـنه سـود طـاح بــدر الجعفــريه والتـراب علـى الخدود
هـذا حـالـه يـشيعـه هـذا حاله.
. ونور ضاوي بكوكبي.. .هذا إمامي الطالبي
★★★★
ذابح الطاغي بسجوده وحرر بكيده العبيد وإحنه شفناهم جنوده عالسواتر مو بعيد
والحشد ثورة قيوده حارب الزمرة يزيد الكاظم إيحي المجاهد بيده شيع كل شهيد
هذا إمامي ضخرنه هذا إمامي
درعي ضد الناصبي . هذا إمامي الطالبي
★★★★
موسى إبن جعفر أميري جاها عد الله جبير
طلبه بس من عنده رايد يرحم دموع الفقير
كون يمحي الــبرلماني المائله غيره وضـمير
العار والـذله يلبـسه وفِـرجه للـعـالم يـصـير
من إديهم يهمي من إديهم
منهم إتبره النبي. .وهذا إمامي الطالبي
★★★★
للشاعر نسيم الحميداوي🔗
/channel/NasimAlhamdawi

الشاعر الحسيني نسيم الحميداوي

28 January 2024 18:37

اذا ويــاك **كــصت دنيــاك
                   اكـــصـد موسى إبن جعفر
                           ★★★★
ياموسى من أكولن يوم     مـيضل كـل جرح بـيـــه
إذا ضاك الـدهــر وياك      إكـصـد  حضـرتـه بـنـيــه
مـن عنـده تـرد مسرور    أبــد   مــيـرد   مـوالــيـه الـكاظـم مايـرد طـلاب    بـمـيــزه  خـصــه  بـاريـه
                 إلـك مـضـمون      إذا مـحـزون
                       توصل حضرته وتنسر
                         ★★★★
بــابـه لـلــيجــي طـلاب    مـحــد يـكـدر إيـســده
جـرب لـوهـويت بـيـوم     وكـصـد سـاعة الـشـده
ﻻتـقـسـم على المـسموم   وذكـر لوعـتـه وچـبـده
تاخـذ كل طـلـب مـنـه    وحـزنـك يـنجـلي عنده
              اذا مـهـمـوم       ودعـيته بـيـوم
                إلـك وكـت الشـدد يحضر
                        ★★★★
هـذا البالـغدر مـسموم     ضاك مـن الحزن صدره
هـذا الكاظم المـضلوم    خلـص بالـسجــن عـمـره
ﻻفـجـر اليـطـر شـافــه   وﻻلــيـل الـنـضــر بــدره
حـته من اﻷهل محروم   لـحد مـاشـــيـدو كبــره
            نضل ننعاه     فــلاننـسـاه        
             .ونضل لمصابه نتكدر
                        ★★★★
حليف السـجده والـقرأن    بالـسـم مـنمرد چبده
يـبجي الحالـته السـجان  يصلي جفوفه مـتكيده
بـعدو أهلـه عــن عـينـه  ومـاضـل كـل أمل عنده
مــايـوم إسـتقر هـارون   لــحد  مـا  وسده بلحده 
                  لحد مــامـــات. يهل عــبرات
                 وكضه كل عمره يتحسر
                     ★★★★
                                                                                        
  دوم مـكـابـل القـبـلــه      ومـايكطع أبــد ونــه
  يدري الـكاظـم بهارون    مايــسلم  أبـد   منــه
ضل بحسرته ونـوحـه  وضـاكـت دنيـته بـسجنه
إغتـاظ وناجـه للبـاري     يفَـــرج باﻷجــل عــنه
             يسلي الروح.       بدمع وبنوح.
                     والعــبرات..تــتفجــر
                      ★★★★

ناس إتســاير البــاطل   والـحك توكـف بـــضده
مـن دعوة رسـول الله   ضل المصطفى الوحـده
سنو ضــلم أهـل بيته    وكطــعو كـل أمـل عنده
مـــنهـــم ماسلــم والله   حـته اليــرضــع بمهــده
                    إله عدوان.     . مدى اﻷزمان.
                              والتــاريخ يذَكــر
                       ★★★★
للشاعر
نسيم 
الحميداوي
/channel/NasimAlhamdawi

الشاعر الحسيني نسيم الحميداوي

28 January 2024 18:36

الى موسى ابن جعفر. ع
على لحن ملا باسم عليل ونايبات الطف لوني.

سجين بلاذنب مــوسى المــماته
من سجن السجن خلصت حياته
خلص عمره ونه.. السناسل لوعنه
              ★★★★
مثل يونس يــنوح البلعته الحوت
يون طول الليالي وخافت الصوت
مــن كثــر الغصص يتمنه للمــوت
يدعــي الباري كل فــرض بصلاته
              ★★★★
موسى يناجي ربه وتجري العيون
خــلصني  يــقادر من  هالــسجون
إرحــم دمــعتي  يمنجي ذنــــون
يــطلب  عــبدك  الصــابر  نجــاته
               ★★★★
تعجب من صبر موسى النبي أيوب
وجــره وي دمعته عــبراته يعقوب
والــونته الصــخر لْـۆ يسمع إيذوب
حــزين وبــس حزن كــل ذكــرياته
               ★★★★
يون ومــاطــفت كــل عــمره ناره
ويــحن بكــل مــسه الكاظم لداره
ســــاجد   يندعي  ليلــه ونــــهاره
وسجــن الطــاغي مــــاغير صفاته
                ★★★★
رغم ســجنه كُّبــر وفــجع  فؤاده
الكــاظم حــوله المســجد عــباده
حُب   حــسين حــــبه للشــــهاده
يــدري  مــولده  بســاعة   وفــاته
                ★★★★
عجــيبه هالبــدر والله عــجــيبه
على الشيعه بسجن طول مغيبه
يون وماكــــطع نوحه ونحــــيبه
ويكــتم  ونته إكــبال  الشــــماته
               ★★★★
مات.  ودمعته الفكــــت قيوده
الكاظم عالشمس صورة خلوده
احنه بكل وكــت ننضر وجوده
نشوفه بكــل زمان بــمعــجزاته
               ★★★★
للشاعر نسيم الحميداوي🔗

/channel/NasimAlhamdawi

الشاعر الحسيني نسيم الحميداوي

12 January 2024 10:04

موشح الى علي الهادي ع..

إبمصاب الهــادي حــزنت شيعته
وكل محب هاليوم يذرف دمعته
               ★★★
خــل تكول الناس عنه إشماتكول
إحنه جنينه بعــشك آل الــرسول
جينه بالدمعه نواسي إحنه البتول
والــعزه  بســامــره إمــه  نصــبته
               ★★★
 اليــوم مــهدينه يــهل دم الدمع
والــزجيه تــنوح تلــطم عالضلع
ويبجي أبو السجاد راسه المنكطع
الهادي هذا اليوم كصدو حضرته
               ★★★
مــاكــفاهم ســمه أصحاب الغدر
بجف حقدهم هدمو فوكه الكًّبر
ومــرقد  المــضلوم رادو  يندثر
والكُــمر ياغيــمه كلي الــدثرته
               ★★★
الطيــح الكبــتين جــاهل مافهم
طيــح البــنيان مــوحبه إنــهدم
بكل كلب حضره إله وكًُّبه وعلم
وكل محب بالروح شيد كُّــــبته
               ★★★
الحواري وعيسى يم كبره تطوف
ونزلت الأملاك حــجت بي إلوف
من أطب الحضره مومرقد أشوف
كــعبه والــعشاك راحت  طافته
              ★★★
يــمته هالموعود يشهر صــارمه
لسه فــوك الــباب دم الفــاطمه
لسه هــامت حيدره تنزف دمــه
لسه سوده الهادي أشوفن كبته.
            ★★★★
للشاعر نسيم
         الحميداوي🔗
/channel/NasimAlhamdawi

الشاعر الحسيني نسيم الحميداوي

02 November 2023 07:47

ابوذيات إلى الزهراء عليها السلام

زماني يهدم     أحلامي      ونبني
على المحسن ذهيله أصرخ  ونبني
طفل مايحمل اللوعه 
أظنهم كسرو ضلوعه    
          يون وروحه  مفجوعه
  دفنته بالكبر وسمع ونبني
بكل  ونه  ضلع  يكسر  إليه..
                                   **
بليلي ألزم  مهد   محسن    ولولي
الصحابه  من   رحل  طه     ولولي
أنه الزهره نسطر  خدي       ولولي
          الله وهوه ياخذ ثاري إليه.
                     ؛؛:؛:؛:؛
باب     الدار  من   دمي      حنيته
وأنه ضهري بفكد محسن      حنيته
دليلي تحركه كل     ليله      حنيته
        يحن وتصور المحسن    بديه
                  ؛:؛:؛:؛:؛
الدهر    شيد  حزن   بيه     ويبني
وعصرة  موت  عصروني     ويبني
يملك   الموت  إخذ روحي    ويبني
      أريدن  بالكبر   يغفه على إديه
                 ؛:؛:؛:؛:؛
فاطم    ياعلي    طرحت      حملها
ومنو  الغيرك يبو الغيره      حملها
مصايبها   إذا       كلبك      حملها
      شتكل للهادي عن ضلع الزجيه
                ؛:؛:؛:؛؛:؛
الدهر   إم   الحسن   عني  بعدها
وعساني  ماعشت   عمري  بعدها
الثواني  الموتي بحسبها    بعدها
علي أني  وضهري محني على الزجيه
                ؛:؛:؛:؛:؛:؛
عيون     الزهره   من طاحت ترابك
وكلبها     ياعلي      منهم    ترابك
تفر  الكوم   لو تسمع         ترابك
     يعرفونك  علي حامي   الحميه
                ؛:؛:؛:؛:؛:؛
يدنيه     لمي   أحقادج     وضهري
بعد  طه   نكسر ضلعي     وضهري
علي صار الصبح أضلم       وضهري
أسود    والسمه ضلمت      عليه
                 ؛:؛:؛:؛:؛:؛

--
ابوذيات بقلم  الشاعر نسيم الحميداوي🖋
/channel/NasimAlhamdawi

الشاعر الحسيني نسيم الحميداوي

13 October 2023 16:52

رئيسيه إلى الزهراء ع على لحن
(يادفان)الرادود عباس الدراجي

ياكرار،، عني أخذوك مكيدينك
ياكرار،،ماشافت محسن عينك
ياكرارا،،سطرو خدي وهضموني
كسرو ضلعي وعصروني،،ياكرار
☆☆☆
ياسين وصه أصحابه،،من غاب حركو بابه
ضلام مارحموني ،،،لاسمعو كلماته
موكال فاطم إمي،،،بالروح تسري ودمي
قرأن يشهد بيه،،،من نزلت أياته

وصه وكال ،، فاطم لحد يغظبها
وصه وكال،،من تغضب يغضب ربها
وصه وكال،،وصاهم بس غضبوني
كسرو ضلعي وعصروني،،ياكرار
☆☆☆
بالنار حركو داري،،،والدار دار الباري
أصحاب جانو كلهم،،،صلو خلف الهادي
عدوان لنهم بعده،،،من مات صارو ضده
للنار ضل يحديهم،،،،صار بليس الحادي

عاالأعقاب،،،من بعد الهادي إنكلبو
عالأعقاب ،،،،بعد الأسلام إرتدو
عاالأعقاب نكرو قدري وضلموني،،،،كسرو ضلعي وعصروني
☆☆☆☆
محزون كّلبك حيدر،،،حسيت ضلعي مكسر
عالباب دم المحسن،،،راسم لبني الصوره
كل يوم أدعي الباري،،عالكوم ليل إنهاري
للموت ماسامحهم ،،،وضلوعي المكسوره

مايدرون▪يغضب من أجلي الخالق
مايدرون▪بأسمي القرأن وناطق
مايدرون▪ إم الهادي إيسموني
كسرو ضلعي وعصروني،،،
☆☆☆☆
مكسور ضهري وضلعي،،،مايوم ينشف دمعي
مليت من كد نوحي،،،من يحمل أحزاني
باليل من تدفني،،والناس لاتحضرني
ياريت تخفي الحضره،،،عن عين العاداني

صعبه عليك▪تدفن جسمي بجفينك
صعبه عليك▪ياحيدر الله إيعينك
صعبه عليك ▪من تعرفهم سطروني
☆☆☆☆☆
للدين ذاك البايع،، رادوك جفه تبايع
يدرون دومك صارم،،والحق لامتعوفه
مغلول بس راعبهم،،مكيود لاكايدهم
مجبور ماتحضرني،،،ريتك حالي تشوفه

كون تشوف▪محسن طايح ودموعي
كون تشوف▪مسمار النابت بضلوعي
كون تشوف▪ياحيدر من صفعوني
كسرو ضلعي وعصروني
☆☆☆☆
للشاعر نسيم الحميداوي
http://t.me/NasimAlhamdawi

الشاعر الحسيني نسيم الحميداوي

13 October 2023 16:44

(ميمر) إلى مولاتنا الزهراء ع🍁

ضلعي إنهشم حيلي إنهدم
عصروني بويه أصحابك
محسن وكع كلبي إنفجع
وداري إحترك  بغيابك
«««««»»»»»»»»»
إنت الكلت فاطم هديتي من الرب
إلها الله يغضب فاطمه من تغضب
ريت وشفت كوثر حياتك  تُضـرب
من مصحفك سورتها رادو تُشطب

ضلمو إلي ••أنه وعلي ••بس هلنه بويه إترابك
««««««««««»»»»»»»»
من كالو إنت يامـــــــــحمد أبتر
گلبك حِــــزن والله هداك الكوثر
بيه توصي شمــــــاصعدت المنبر
بويه بضعـــــتك منها ضلع تكسر

أخذو فدك•• مني غصب •حته إنغصب محرابك
««««««»»»»»»»»»
چانو گبل بالضاهر إوياك أصحاب
بس مارحت إنكلبو على الأعقاب
بيه شعمل بغــــيابك بن الحطاب
جمع حطب بيده وشعل بويه الباب

چان الوحي ••هم يستحي•يستأذن إيدك بابك
«««««»»»»»»»»
بسمــــــي شكثر فوك المنابر تقره
فاطم بضعتي وهي روحي الزهره
محد حشم شاني وجـــــلالة  گدره
مني إنطبك وجه  إوكفه  بالعصره

عصرة نذل••كتلت طفل، وزاد انت بويه   إمصابك
««««««««««»»»»»
بويه المـُغيره وخــــالد وقنفذهم
الكال إنت تهجر بالهـجوم أولهم
فاروقـــــك إتسمه يامحمد عدهم
إم ويبـــــنها الطاغيه فــــــــرقهم

صارت إله ••شو منزله •يوم النگر لكتابك
    ««««««««»»»»»
الشاعر نسيم
الحميداوي
http://t.me/NasimAlhamdawi

الشاعر الحسيني نسيم الحميداوي

23 August 2023 18:39

إلى الحسن المجتبى عليه السلام
رئيسيه.
إنت وحــسين الذبيح ڪُّلبي صار إلكم ضريح
يالحــسن لامــانسيتك•••مثل أبو الأكبر هويتك
~~•~•~•~•~••~••~
إعرفت لــيش الخــلق خالــــقلي عيــــنين
وحده تبچي على الحسن وحده على حسين
ڪُّلبي أحــسن منــقسم مــــابين الأثنين
بالــبقــيع وڪــربله صــايرلي نــصين

ڪُّلبي ضل عدكم رهين••••مقيد بشوك إونين
وروحي صارت هي بيتك•••مثل أبو الأكبر هويتك
                  🍂🍂🍂
بــيك مــضروب الــڪَرم صار إقــترانه
ولــي يڪصد حضرتك مســرور إجــانه
غــدرتــك أهــل الضــلاله والخــيانه
وهــذا ڪَبرك لسه ظل موحش مكــانه

اليازمن ڪًّلبك جريح•••وتبقه إنت بلا ضريح
حضره بضلوعي بنيتك••• مثل أبو الاكبر هويتك
                    🍂🍂🍂
بسهــم أبو اليمــه چبــدته صوبوها
وإنت بالســم چــبدتك هم كطعوها
بس ثيــابك يالحــسن مــــاســلبوها
ولا ضًِّــلوعك بالحــــوافر هشــموها

حسين لوتنضر عليهْ••••تسع إصابع بس بديهْ
تبچي إله بكد مابچيتك.••••مثل أبو ألأكبر هويتك
                     🍂🍂🍂
ڪًّلبي من يشتاك إلك ماتــطفه ناره
وڪون نڪصدلك مواكب كل زياره
يمــــته مهــدينه يشــيدلك مــــناره
وأنه إلك خادم وإله رهــن الأشــــاره

لوضهر من المغيب ••••جرحك وجرحي يطيب
يلي مهدومه بنيتك•••مثل أبو الأكبر هويتك
                       🍂🍂🍂
باچــر الحــجه يجي يبني مــزارك
ويوصل الوجه الشمس يضوي منارك
ياخذ من أهل الغدر مــهدينه ثارك
يدري بيك إنــت إله طال إنتضارك

يعتذر عالأنتضار••••بيده يبنيلك مزار
وڪًّلبي ينسر لو إجيتك••••مثل أبو الأكبر
                       🍂🍂🍂
الشاعر
نسيم
الحميداوي🍂🍂

الشاعر الحسيني نسيم الحميداوي

18 August 2023 21:13

نزله على لحن أحمد الباوي زينب إوياك»
إلى الحسن المجتبى ع


فاطمه اليوم، يمسموم تنوح الچبدتك
    وحته الأملاك يمضلوم  نعت  لمصيبتك
           دم دمعها••دم معها
             «««««««»»»»»»
   
إمك تنوح  بألمها   تصب ليك الدمــــــع
    لطمت عليك  صدرها  نست كسر الضلع

       مامثل سهمك سهم•••خله بالزهره ألم
         وكصدت بنار گلبها تشيع جثتك
                 «««««««»»»»»»»»
   
سهمك الصاب چبدها وچبد حامي الحمه
    وصبت الحور دمعها  وبچت حته   السمه

    والسمه فگدت بدر•••تواره بتراب الگبر
            وچانت تنور يمهيوب  سمانه بطلعتك
                  ««««««««««»»»»»»

    الوادم  إورود  طبعها   تطش فوك النعش
    وإنت  إسهام  رموها    عليك أهل   الدغش

   وبالنبال   تشيعيت••يالحسن  وتعذبت
          وضلت تراب  لهليوم  نشاهد حضرتك
                 «««««««»»»»»»»»»»»»

    ليش  لليوم  حضرتك  يساويــــــــها الترب
    وهاي الأشرار  حقدهم يضل فوكك يصب

     ليش گبرك  يندثر••••الكعبه خافو تنهجر
        الوادم إطوف بالحرام   تضل  بگعبتك
               «««««««««»»»»»»
 
   يكصد إيزور حضرتك  أمل كل جعفري
    وانه حبــــيت تمنيت     دفنتك   بالغري

ويم ضريحك ننجمع•••نلطم ونجري الدمع
        ونكصد بشوك نزورك  نقبل  عتبتك
              «««««««««»»»»»»»
    گلبي مشتاك  يطوفك   يحن ليك الكلب
    كل مسه   دموع مصابك تهل دم وتصب

عاشك وگلبي إمتحن•••بين الحسين وحسن
    بدمعي الحسين اواسيه  ونوح الحضرتك
            «««««««»»»»»»»
للشاعر
   نسيم الحميداوي

/channel/NasimAlhamdawi

الشاعر الحسيني نسيم الحميداوي

17 August 2023 07:53

يا يـزيـد اســمع كـلامـي من اكلمك
انته ما تعرف مقامي وجيت اعلمك
انه زينب مو اسيره ★انت عبد وانه اميره

انه جدي المصطفى وداري زمزم والصفى اسيادك احنه مو عبيد
امي سوره من العلي الله اهــداهـا الــعــلــي وراح الك اكـثر ازيد
الوالدي الكعبه مهد بيهـا ابـوي انه انـولـد وانته ابن من يا يزيد
جـدتـك انـت هـند مـا تـعـرف الـمن ترد وقارن الفـرق الـبعيـد

الـفرق مـثل الـسمه عــن الــوطيه
انت ابن ميسون وانه امي الزجيه
وانه اخت بدر العشيره... انت عبد وانه اميره
★★ ★★★★

والـــدي انه الولــي ونصبه الهادي وصي وتوجه بيوم الغدير
انه من اشرف نسب امــا وجـــدا واب انه اميره وبت امير
بت علي لا مـا اذل وهــذا بجفوفي الحبل باجر بنحرك يصير
ما يدوم العرش الك جــم ملك كبلك هلك العارالك صارالمصير

وجهك وتاريخك انته كله اسود
شنهو عذرك بالقيامه من محمد
وذابح بسيفك نضيره انت عبد وانه اميره
★★ ★★★★

عـالـمـه و مـتعـلمـت وبرحــم أمــي جنت عـالمـه بفصـل الخطاب
المصحف بدمي انتشر هيه من تقره السور انة افـسـرهـا الـصـعاب
ومن صدرها المنهشم انه جنت ارضع علم امـي هـاي ام الـكـتـاب
احجي وياك العجب رصعت عرشك ذهب وناسي اصلك من تراب

وتضرب ابن امي على ثغره وتضحك انته
وبالكهف ضل راسه يقره مــن ضــربته
وكلبي ضل يصرخ ضميره ..انت عبد وانه اميره
★★★★★★

امـشـي ودمـوعـي تـكت لو عثر جدمي وطحت توكع انجـوم السمـاء
من ادعي والمدمع يصب الـدنيـه بـيهم تـنـكلـب ويـنزل علـيهم بـلاء
لاجـن انـه بـهـالـيــسر غاية عندي انشر فكر لهلي اصحاب الكساء
بـالـدرب ازرع سـتـر كل مـَـره انطيها خدر وانه كعبه من الحياء

انه عندي حسين وحجابي سويه
انه جيت انشر ثقافه. زينبــــيه
للحجاب انه السفيره ..انت عبد وانه اميره
★★ ★★★★

انه بت فارس مـضر بيه غيره مــن الكــــمر منـها يلـهب كـلبـي نار
هذا راسه على الرمح عليه يبجي ومنذبح هذا اخـوي الـراسه حار
كبالي من تقره شعر بجفه ريتك تنصطر جا شـفـت نـجـم النـهار
بكلمه اكطع منحرك لاجن انه استسغرك وصعبه احجي ويالزغار

اقسم بعزة الهي من اجيــتك
جرة عليه الدواهي وخاطبيتك
عليك جلماتي جبيره ..انت عبد وانه اميره
★★★★★★
الشاعر نسيم الحميداي/channel/NasimAlhamdawi