الشاعر الحسيني نسيم الحميداوي

17 August 2023 07:53

إلى الحوراء زينب عليها السلام☆

أنه إخت الذبيح حسين ☆بت فارس بدر وحنين
يزيد إشلون تشتمني ☆ زينب أنه تعرفني
☆☆☆
منو جدي وإبوي ومنهو أجدادك
عبد إنت يزيد وتذبح أسيادك
ذبح حسين إخوي بكربله إشفادك
للذل ولخزي هذا الفعل كادك

ذبحتو المنقذ اﻷكبر*خصمكم جدي بالمحشر
وإخذ هذا وعد مني
☆☆☆☆

جدي أني النبي وجدك أبو سفيان
وأبوي اللفجر مافارك القرأن
خضعتله الليوث بساحت الميدان
وتهابه الرماح وتجفل الفرسان

يطعن بالوغى برمحين * يقاتل حيدر بسيفين
يريت إيشوفك إتسبني
☆☆☆☆
أنه بتمن يزيد وأنسبي تالي
علي موجود كون وينضر الحالي
قبل كل الخلك ماشافت إخيالي
بنه سور بصوارم حيدر إكبالي

وعلي كل مايناديني☆زينب يانضر عيني
إبوي شكد يدللني☆زينب أنه تعرفني
☆☆☆☆
ماتمحي ذكرنه ولا رسالتنه
ويطيح الكون من إطيح رايتنه
بس لله نطخ ييزيد هامتنه
إحنه التضحيه والموت عادتنه

هذا مبدأ الأحرار☆تموت وماتذل لشرار
لظن تكدر إذلني☆زينب أنه تعرفني
☆☆☆☆
ذبحتو حسين إخوي وضل عدل مامات
راسه على الرمح ويرتل الأيات
ذكره بكل رساله تموته لا هيهات
بالأنجيل والفرقان والتورات

راسه المنذبح عطشان☆إوياي إيرتل القرأن
إخوي ومايفاركني☆☆زينب أنه تعرفني
☆☆☆
للشاعر نسيم
الحميداوي/channel/NasimAlhamdawi

الشاعر الحسيني نسيم الحميداوي

16 August 2023 09:44

حسين  اليگصده••يوم أربعين
    ياخذ كتابه ••••والله بيمينه
                ««««»»»»»»
روايه عن رسول الله      عليها المصطفى وقع
گلمــــن زار أبو اليمه      إله بيوم الحشر  أشفع
بحار  الرحمه  يلكاها      برياض الجنه   يتمتع
الملائك هي  خدامه       وحق المنذبح    يرضع
        
يلكه بجنانه•••عنده منازل
        يشفي غليله ••بطيب مناهل
      فكره يضل محتار•••لاماتمسه النار
               «««««««»»»»»
هنيأً  لليزور حسين       يطب ويقبـــل الحضره
باچر هم أبو السجاد    يحضره  لو  وحش گبره
هنياله المشه  خطوه    بطريقه  ويهمل    العبره
رسول الله بلسانه گال    كل خطــــوه إله  عمره
          
  كعبة  عشكنه••••أصبح مزاره
            ملك اليگصده•••يرجع  لداره
         يشفه العليه إغبار••••لاماتمسه النار
                   «««««««»»»»»»
يمن عاديت أبو الأكبر    وجيت تريد تنصحنه
تگول الشيعه  مجنونه   أكلك حُــــــبه   جننه
إذا عندك شخص غيره   إتبعه وإحنه  إتركنه
خلينه نطــــب   للنار     وإنت  إدخل   الجنه
         
تعرف غرورك•••يوم المنيه
          مالك شفيعه•••مثل الزچيه
خادمها  والكرار•••لا مــــــــاتمسه النار
                 «««««««»»»»
اليحب حسين  بالمحشر   جهنم   مـــــايمر بيها
لاشك بس يمر   بالنار     نار   الله يطفـــــــيها
على باب الجنان إهناك   الزهره إمه  يلاكيها
تكله  أهديلك    الجنه   وتخدمك كل   حواريها
       
   هاي الوديعه ••••يوم القيامه
           كلمن خدمها•••عالي   مقامه
يقطف خدمته أثمار•••لاماتمسه النار
                ««««««««»»»»
بدمعنه  لا ثواب نريد     لاردنه  أجر  حــــبنه
لاردنه  نشوف الحور     أملنه  الباري يرحمنه
حـــــبينه  سبط    طه    والحب هذا  شرفنه
نموت نعيش نهوه حسين  ومانترك   محبتنه
            
ربنه  خلقنه•••لجله وحيانه
             إحنه هوينه•••حسين وهوانه
حبه بدمانه   سار••••لامــــــــاتمسه النار 
               ««««««»»»»»»
للشاعر نسيم
الحميداوي🖋🖋🔗🔗

/channel/NasimAlhamdawi

الشاعر الحسيني نسيم الحميداوي

11 August 2023 20:55

علي السجاد أنه مــــن العــــمر مليت
وسجدت على المصايب والحزن صليت
★★★
صــليت ودمعتــــي تّسَبـح بخــــدي
وبس انه وعبرتي بليلي اظل وحدي
كل ذكره سهم صرت أشعر بچبدي
صور من المصايب بالــــكُّلب لميت

★★★
لميت النوايب بيه أحس دوت
وبيه انه الطفوف بحالتي شسوت
ماولدتني إمــــي وريت ماربت
ولابحبال أنه وعــــمتي إنجريت
★★★
إنجريت بحــــبل وي عمتي بيسري
فركت حسين أحس بيها إنكسر ضهري
من بعــــده عسني لاعشت عمــري
ولا امــــشي أسير وللقصر طــبيت
★★★
طبيت الرجس ماردت أطب قصره
شفته إشلون يضرب والدي بثغره
فوك الراس يلــــعب يشرب الخمره
بكطع روس الخوارج يصرخ إتشفيت
★★★
عَمتي إجاوبه لاتحچي وبزودك
كد كيدك يزيد وإعرف إحـدودك
لظن انه أخاف بكثرة إجـــنودك
جبت راية علي ولمجلسك إنويت
★★★
نويت عليها أشَـــــوّفَك ذلت أجدادك
شمــــــــايعله مقامك إحنه اسيادك
إشلون تريد تاخذ منــــــــه أمجادك
بثوب الدين إنت الخارجي إتواريت
★★★
إذا أرفع إديه وأهمــــــــــل العبره
أخلي هالسمه تـــوكع على الغبره
انه الحوراء وإمــــي فاطمه الزهره
وإنت امك هند بيــمن إذا تباهيت
★★★
للشاعر نسيم
الحميداوي/channel/NasimAlhamdawi

الشاعر الحسيني نسيم الحميداوي

02 August 2023 23:11

إذا ربي يوفقني «» خادم إنت تقبلني
       لارايد ثــــواب  ولاردت أجــــري
      يحسين من أخدمك يرتفع گدري
            ««««((()))»»»»

لاصدري إنسحك مثلك ولانايم على الغبره
إنت مسلبه إثيابك   وانه إثيابي  متعطره
إنت أول سبط مذبوح ضل يأذن  بنحره
الرمح منبر إلك صاير  يصعد راسك ويقره 


أحسك چن تناديني«» صوتك ضل يبچيني
         إذا مولجلك إلمن دمتي تجـــري
         يحسين من أخدمك يرتفع قدري
            ««««((()))»»»»

ذكر طفك يشيبني  أبد ماينحمل ضيمه
عجيبه بت علي يحسين حافي وتركض بهيمه
يزيد بقصره متهني  على زينب حركو الخيمه
ذرة غيره مابيهم  عدوانك ولاشيمه
 
عليكم حركو إخيمكم••كلها تحاشدت ضدكم
ويلوموني عليكم ألطم الصدري
   يحسين من أخدمك يرتفع قدري
       ««««((()))»»»»

الناس تگلي يامجنون  عليمن تلطم الصدرك
حسين بجنة الفردوس عايش مادره بأمرك
محد شافك بعيني  بالطف منكسر ضهرك
شايلك طفل مذبوح مثل نحره نكطع نحرك
 
محني ضهرك وضامي••جبينك بالحجر دامي
       الدنيه ضلمت بعينك يضي فجري
        يحسين من أخدمك يرتفع قدري
                 «««((()))»»»

أبوك مهدم الأصنام     وانت للضلم هادم
الماينصب عزه بروحه لجلك بالحشر نادم
ألطم انحب وأبچي  ماهمني حچي الوادم
عجيبه بخدمتك يحسين  كلها حسدت الخادم

ناس إهوايه لامتني«» مذاهب كله ضدتني
     وأريدن بس أخدمك سيدي تدري
        يحسين بخدمتك يرتفع  قدري
         ««««((()))»»»»

أحسن چن ملك صاير بخدمتك انت والعباس
قداستها تشرفني   هيبه ورفعه بين الناس
بيك انه إرتفع صيتي وانت على الترب تنداس
عجيبه ينسحك خدك  علمودك خدي ضل ينباس
  
ريت الخيل داستني••كبلك كون رضتني
           واتمنه بمكانك منكطع نحري
           يحسين من أخدمك يرتفع قدري
          «««((()))»»»
الشاعر نسيم الحميداوي
/channel/NasimAlhamdawi

الشاعر الحسيني نسيم الحميداوي

28 July 2023 16:51

ضلمه الدنيه بغيابه••إبني اليفجع إمصابه
           عبد الله الرضيع
ست إشهر وصل عمره••بياذنب نكطع نحره
           عبد الله الرضيع
          «««««(((())))»»»»
أنه إمــــــــه الرباب أضلم نهاري
    ومــــثل نار الخيام وبگلبي  ناري
      حضر بالطف محمد دمعه جاري
وبچه عيسى على الذبحه ويالحواري

كل مرسل يهل دمعه•وزمزم والصفى ينعه
           هذا أعظم مصاب
وأملاك السمه السبعه•بالطف كلها متجمعه
          تـــــــنوح ويالرباب
    «««««(((())))»»»»»»
أعد أيامه چنت أحسب ليالي
   ومايخطر أبد ذبحه على بالي
      أغلى من الهوه عبد الله  غالي
       راح شكد صـــور خــــله بخيالي

چم صوره التألمني••ضل مهده اليعذبني
         ماخلالي كل راي
طفل من الضمه تلوه•من دم منحره تروه
             رايد شربه ماي
           ««««(((())))»»»»
أحس ذاك السهم ذابحني مثله
       أنه بنحري رمح وبنحره نبله
       إشلون الدنيه بعده بعيني تحله
       وين إوليدي أريدن بس  أقــــــبله
  
   مشتاگه العطر نحره•يشبه ريحة الزهره
            چن عطر الجنان
ضلت صورته بعيني•وصوته أسمع يناغيني
              كل ليله بحنان
              ««««(((())))»»»»
      أبو السجــــــــاد من جابه إليه
       شفته إمـــــــخضب بدم  المنيه
       وجــــــــها ونحره غطـــيته  بديه
         تمـــــــوت أدري إذا تشوفه  رقيه

عدها إحساس عمتها•ورثت منها ونتها
            من تبچي بسكوت
گلبها حسين يتنفس••بترافة ماي بس أقدس
         بس تحزن تموت
    ««««(((())))»»»»
  إذا أهــــــز المهد وجريله  دمعه
أحس عبد الله يبچي وصوته أسمعه
         لو أدري السهـــــــم نحره يكطعه
            أعصر عيني إله ودموع  أرضعه

     لو رب السمه دعيته••بماي الجنه رويته
       ومــــــــــــــادفنه بتراب
أنه مـن أدعي لوليدي •أفك باب السمه
بيدي
      لوذب الحـــــــجاب
     ««««(((())))»»»»
الشاعر نسيم الحميداوي


/channel/NasimAlhamdawi

الشاعر الحسيني نسيم الحميداوي

28 July 2023 16:40

عن لسان الحوراء ع في اليسر#

اليوم وحدي إميسره  إبين الأعادي
    الناس چانت تعتني وتطلب مرادي
أنه جبرائيل هز مهدي إليه
    هسه ليش إحبال مچتوفه وسبيه
          «««««««»»»»»»
    
    نار  باب إمي إحركت كل ذكرياتي
    وصلت الطف كربله وحركت عباتي
    وباليسر من الله صرت أطلب وفاتي
    الباري يدري على الهزل صارت صلاتي

الدنيه ضدي إندارت بليله وضحاها
ونسبت بت باب خيبرهم   دحــــاها
وچانت إنذوره گبل تنشد بديه••
               هسه ليش إحبال مچتوفه وسبيه
              «««««««««««»»»»»»»»»
    راس ابو اليمه الشمر شفته يگطعه
    عالرمح يقهرني رايد    من يرفعـــه
    راسه ضل قران يقره وانه  أسمعه
    صيحتي الشامت تفرحه بگلبي أنعه

الدمعه حرمه ولا أبد لا مافرعتها
دمعتي إكبال الشماته  كبــــــعتها
    بيه غيرة حيدره   وعزم   الزچيه
             هسه ليش أحبال مچتوفه وسبيه
     وانه زينب•••وانه زينب
                 ««««««»»»»»»»»»
من وصلنه الشام أهلها   إستقبلونه
بصفكه ودفوف وهلاهل من إجونه
ثاري عيد الشام عدهم  چتل إخونه
وبالقصر بأسم  الخوارج   لقــــــبونه

      ريت ميته ولادست عتبة قــــــصرهم
       أنفاسي متوضيه وحرام أشتم خمرهم
جيت متوضيه بدمه إحسين وأخيه••
          هسه ليش أحبال مچتوفه وسبيه
        «««««««««»»»»»»»»
راس أبو اليمه بطشت لمـــــن نضرته
گلبي ضل لحسين يبچي وينعه سكته
وراس عباس الهضمني  دم  عبــــرته
إكباله  بالمجلس شماته   سبو إخته
  
    صاح لو أمــــــلك إديه   عاتبيني
     يختي ماعندي شمالي ولايميني
خالفت وعدك تكله هالمنيه•
هسه ليش أحبال مچتوفه إديه
        ««««««»»»»»»»»
الگال  زينب تنضرب  ماجل گدرها
مادره أملاك  السمه  تحرس خدرها
مادره چان الوحي  إوياها   بيسرها
هاي زينب  هي ستر الله      سترها

          تگول بس أهل الضلم   لامـــــارعوني
          وحته شمس الله إستحت من يسروني
وختفت ماترضه عين تصد عليه،،
     هسه ليش أحبال مچتوفه وسبيه
     وانه زينب•••وانه زينب
««««««««««»»»»»»»)))))
الشاعر نسيم الحميداوي/channel/NasimAlhamdawi

الشاعر الحسيني نسيم الحميداوي

28 July 2023 09:50

يوم العاشر هز العالم•••وينحب نوح وعيسى وأدم
تبچي الأملاك ومحزونه،،،، وكل مرسل دم تجري عيونه
                ««««««««»»»»»»»»
محمد يسأل بجـبريل     يگله تبچي شنهو الصار
الجنه إهتزت  وضلمت    من عدها إنطفت أقـــمار
إمـــرني الباري يا  طه    أطفي  من الجنان أنوار
أبو اليمه إنذبح  وإمه       تلطم ماعليها     إخمار

           خاف تشوف الزهره الوادم
            ضللت بجنحي انه  الفاطم
صاحت ليش إبني إيذبحونه••وكل مرسل دم تجري عيونه
                 ««•«««««»»»»»» •»
آمـــلاك ورسل نزلت      طافت جسم ابو اليمه
يخاطبهم رسول الله      وينحب سيد   الرحمه
مــــني حسين كتلهم      وكطعت راسه  هالأمه
بحوافر هشمو إضلوعه   الأمس كسرو ضلع إمه

            نفس الچف الساطر خدها
            رد هاي السطره  إيجددها
لحسين الخد إيسطرونه،، وكل مرسل دم تجري عيونه
                 «««««««»»»»»»»»»
هاليله إنذبح يحــيى  وعيسى هالمسه مصلوب
وتهدم مــعبد سليمان  أبو اليمه وكع   مخضوب
وموسى ويوشع وذانون  ومحزون النبي  يعــقوب
وينحبله النبي إسماعيل   ومسني الضُر يصيح أيوب
           وناجه الباري بيوم إمصابه
           يارب إحسبني من  أصحابه
وياريت من إلي يخدمونه••وكل مرسل دم تجري عيونه
                «««««««»»»»»»»»
كل ميت إله حرمه       بدمعه تشيعه طبع الناس
وعطر فوگ النعش ينطش وينثرون الورد  والياس
بس حسين أبو الأكبر   دامي وعالترب   ينداس
ثيابـــــــه تسلبت منه   وشالو عـالسنان  الراس

             هذا أول ميت يتكطع
               ويتسلب  لامايتشيع
بدال التشييع يسحكونه؛؛؛وكل مرسل دم تجري عيونه
               «««««««««»»»»»»»
إجت إم الحسن  وتصيح    تصوب گلبي بصوابك
مثل إمك صرت  مضلوم   يبني ويفجع    إمصابك
أمس بابي بغدر  حركوه    وإنت حركو    أطنابك
ومن عندي فدك سلبوه    وإنت سلبو     إثيابك

                زمره إلي كسرت  ضلعيني
               لضلوعك  كسرو   يحسيني
وصاهم طه  وفجعوني•••وكل مرسل دم تجري عيونه
               «««««((«««»»»»))»»»»»»
للشاعرنسيم الحميداوي
/channel/NasimAlhamdawi

الشاعر الحسيني نسيم الحميداوي

27 July 2023 20:15

بساعة عسر ردتك علي بيدك تطفي إخيامي
يوم اليسر تحضر إلي وإنت التلم أيتامي
بويه وندبتك•؛؛ ••تحضرني رتك
««««•••»»»»»

أنه العقيله ياعلي أنه الأميره إلي چنت مـــــهيوبه
بالطف صفيت بلاولي صرت الأسيره بكربله ومنكوبه
بويه حرت أطفي الخيم لوأجمع اطفال وحرم مرعوبه
وين ألكه ثوب من الحرك أستر جــــــسد منه تسلب ثوبه
المصحف إكبالي إنذبح تنزف شفت أياته
أسحك جمر بي ماأحس گلبي التشب جمراته
بويه وشغتلك••••تحضرني ردتك
«««««««•••••»»»»»»»
حامي الحمه شحچي إلك تعجز توصف محنتي كلماتي
لاموبعيده أرض الغري إوصلت تره السابع سمه وناتي
آه من إكولن چنت أظن تسمع علي ياباالحسن أهاتي
موإنت تحضر بالشدد بويه شعجب ماجيت إلي بشداتي

كل خطوه بيها إشاهدت وي خصمي أمشي بيسري
الموت إلي مسوي فضل لومـــــني ماخذ عمري
بالطف فكدك•••تحضرني ردتك
««««««••••»»»»»»
وين الغيور الطالبي ماظن علي وكت الشدد ناسينه
چلچل عليّ ليل السبي وين الگبل يوم المحن حامينه
الگال إنتي يختي بشاربي يم النهر منه إكطعو چفينه
حزني لون مر بنبي مات اللمح ذاك المصاب بعينه

كل محنه من طف كربله سابع سمه تهزها
إشلون أنه روحي صابره وكل المحن حملتها
مسبيه بتك•••تحضرني ردتك
««««««««•••••»»»»»»»»»»»
للطف إذا ماجيت إلي أنه أجيلك ياعــــــلي للكـوفه
مسبيه أجيك بلاولي تلكاني بويه على الهزل مچتوفه
بالغصب أعوفن كافلي يم النهر مــــتكطعات چفوفه
وحسين أعوفه على الترب مثل الشمس بس بدمه مكسوفه
وعندي علامه بويه إلك لورايد إنت تعرفه
أربع إصابع يمنته موخمسه تلكه بچــــفه
من دم عبرتك•••تحضرني ردتك
««««««««««»»»»»»»»
إم الدلال بلا حمه بالطف ألف موته متت وانت أدره
إنطبگت علي أرض وسمه إشلون انطبك باب الحزن عالزهره
بذيچ الخرابه المضلمه نورك علي مثل الشمس أنتضره
للعياله ردتك حرس إشلون انت من تفتر گبل عالفقره
روحي العزم منها إنفكد نسمة هو تاذيها
منك ردت بويه المدد دمعاتي أعثر بيها
محنه وندبتك •••تحضرني ردتك
«««««««••••••«»»»»»»
للشاعر نسيم الحميداوي
/channel/NasimAlhamdawi

الشاعر الحسيني نسيم الحميداوي

27 July 2023 20:10

يبني الأكبر بيك أشوف الهادي جدي
يبني الأكبر إنت تسوه الدنيه عندي
خوفي تبعد•••ليه مترد
«««««««««»»»»»»»
ياورد عمري وربيعه ياحلم طاف على عيني
أنه أخاف عليك يبني من كثر خوفي على ديني
بالورد أتثر طريقك ودي وزرعــــــلك حنيني
إشلون أودعك وانه أدري لورحت لاماتجيني

إنت وحدك بعيني إلك مرسومه صوره
من أفكدك ينجــــرح گلبي وشعوره
بنورك إنت••••طه شفته
««««««»»»»»»»
جدي راويلي المصيبه بالنــــــوايب كلها أدري
گربله تفـــــــجع دليلي وبـــيها أودع أنه عمري
يبني من بعدك تراني ينكطع من عندي نحري
وتنسلب مني ثيابي وتسحك إخيول على صدري
مايهمني تهشم ضلوعي الحوافر
الفجعني تكطعت إگبالي البواتر
وأنه أنضر ••••يبني شصبر
«««««««««»»»»»
يبني يعــــقوب على إبنه عيونه بالمدمع عمنه
وآحدعش من ولده عنده إواحد المفكود منه
وغايب ويعـــــرف يردله وماكطع بالفركه ونه
إشلون لو مثلي ويشوفه ينذبح جدامه إبنه
أنه نحري ينكطع مثلك يغالي
إنت بدري وسوده بعدك هاليالي
بيدي أچفنك•••شلون أدفنك
««««««««««»»»»»
للذبح يبني أقدمـــــك وللمـــــنيه إكبالي رايح
ومن شفت جفتك رميه چن محمد شفته طايح
بسكته أون وماأصيحن بس أحس بگلبي صايح
ومن كثر حزني على فكدك بوجهي ماضلت ملامح
إنت تدري الدنيه ماتحلالي بعدك
دمعي يجري من دمه ضل على فكدك
حزني ضاهر•••ليلي أساهر
««««««««««»»»»»
إنت بدر إضوي ليلي بدونك الدنيه مضلمه
إنت شمسي إشلون أدفنك والنهار بچفي أطمه
إنت نسمه ومن أشمك چن محمد عطره أشمه
من أودعك عمري أودعه وماتضل عالشفه بسمه
يبني بعدك ذبحو البسمه على شفتي
من فركتك الدمعه متفارك وجنتي
هذا حالي ••••دمعي هالي
«««««««««««»»»»»
(للشاعر نسيم الحميداوي)
/channel/NasimAlhamdawi

الشاعر الحسيني نسيم الحميداوي

27 July 2023 19:45

موبدينه من مشينه.••• والسناسل بس بدينه
لــخوتي من ودعت . •• أنه حجيت وطفت
أشــــواط سبعه تممت .••من مــــشينه
••••••••••••••••••
أنه زينب صعــبه أطــلع لليــسر وبــــلا حمــاي
ألتفت كل خطوه أمشي من إجه من أهلي وراي
بچــفي أأشر ما أســولف صوتي رايح من ضماي
والشتمــنه. والسبــانــه إشلون نشرب منه ماي

ماشربنه من عدونه•••نشرب إحنه بچف إخونه
من بعد چف الكمر••••مــايــروينه النــهر
بغيبته اللحظه دهر••من مــــشينه
••••••••••••••••••
ٱل ميــــه بلا حميه منــهم أرحم لو يهود
من إدينه أخذو أساور ولبسونه إحنه القيود
وعالترب من كد تعبنه نغفه ونوسد الخدود
نغفه ونفز من ضمانه لو سمعنه بطاري جود

كلها صاحت جانه عمنه •••وراسه عالرمح الكفلنه.
هــذا بحر العاطفه••عــالرمح ينزف وفه
شاف إدينــــه مچتفه••• من مشــــينه
•°•°•°•°•°•°• °•°•°•
من رحت أندب يخوتي منهو منكم ضل عدل
خل يكوم وياي يمشي راح اركب عالهزل
لحد إيفاركني أكلهم كلبي أبد مايحتمل
ليش ماواحد فزعلي كيدو چفي بحبل

موطبعهم مايجوني•••بدنيه وحشه فاركوني
بس أحس ليلي خدر••صرت اخاف من الفجر
لوبزغ وانه بيسر•••••من مشينه .
°•°•°•°•°•°•°•°•°•°•

محد المثلي أنه فكدت بلحظه ضيعت الحنين
أنضر بعيني إخوتي عالــترب ومذبحين
عون عثمان ويجعفر. والكفيل ويالحسين
هذا مسلوبه ثيابه. وذاكه ماعنده إدين
من عفتهم كُّلبي عدهم•••ورحي ضلت يم جثثهم
والله عنهم من رحت•••أنه الف موته متت
ويالعليل إتكيدت••••من مشينه
°•°•°• °•°•°• °•°•°•
إحنه بالكوفه إنسبينه والله احس ذاب الدليل
كل قبيله عدها حُرمه. ويانه طــلعها كــفيل
وإحنــــه نتلفت بقينه. وينه حماي الدخيل
وين أبو الغيره علينه. أصرخ ودمعي يسيل

أبچي سكته ومااونن•••بس لخوتي دوم أحنن
كُّلبي ذاب من الغصص•••باليسر حيلي خلص
بدمعي أرويها القصص••••من مــــشينه
••••••••••••••••••
الصفا والمرى إخوتي بيهم أنه شكد سعيت
إوصل المذبح كفيلي. وللحسين ارجع نويت
حِجت المسبيه أحجن. وحنيت الضلع إنحنيت
هايه أول مره أركض. عالجمر بس مــــارميت

من نحرهم يجري زمزم••••شفته لاچن هذا من دم
همه أبد ماقصرو••••ويالظعن روس ومشو
لوصحت كلهم بچو•••من مــشينه
°•°•°•°•°•°•°•°•
للشاعر نسيم
الحميداوي
/channel/NasimAlhamdawi

الشاعر الحسيني نسيم الحميداوي

27 July 2023 19:45

كلشي نفسره   كلشي نفسره      
  للــيــنــكــر مظلومه العتره
                                                    ****
مــن هـالأمه الهادي شعانه    
   ساحر كـالـو عـــن مولانه
شــاعــــر ومــــألف قرأنه
رادو نترك ديــــنه وذكــره
                                                    ****
والزهره الماتت مظلومه 
من كسر الضلع ومهضومه
وضلت مخفيه ومكتومه
ولا مــرقـــد الهه ولا حضره
                                                    ****
وحيدر من ينساه مصابه
 ســاجـد ويصلي بمحرابه
وسيف الظالم غدر وصابه
والكون انهز مــن هلطبره
                                                **
والمسموم النقضو عهده
ومن سمهم متكطع جبده
ومتعذب من مهده الحده
 ولظلمة ايظل شاهد كبره
                                               **
وحسين المايضمد جرحه  
 افجع كـــل الـــعالم ذبحه
وبدمه القرأن امـــوضحه
كطعو راسه وينطق نحره
                                                **
وعــبـــاس الـكـطـعـو جفينه  
   هــلــوفاي الصــابو عــينه
وجم سهم بصدره مصوبينه 
     وظل يقاتل سيفه بثغره
                                                **
وزينب هلراحت مــجتوفه 
من طاحن عــــباس اجفوفه
مــسبيه من الطف للكوفه 
 تشكف سوط الوجه تستره
                                                  *
ومن ينسه الاكــبر بلمصرع 
  ضامي ومنه الجسم توزع
روح الهادي ونوره اليسطع
  بالخيل اعداه رضو صدره
                                                   ****
وجسام البدمومه اتحنه 
 للـمــذ بــح زفــوه وتعنه
هــالشاب المــايــوم اتهنه
  ســـفــكو دمه بأول عمره
                                               **
وعبد الله المتروي بــد مه
    مذبـوح ولا يعرف اسمه
مات وفوك اشفافه البسمه
   تعني الوحي بموته يبشره
                                             ***
ثارات الهم صــارت عــده 
 صــاحبهه الغــايب هلمده
لابد هلصــمصام ايجــرده
 وياخذ ثاره ويخمد جمره

   اهل البيت (ع)
 خــــــــــــــــــــــــــادم
  نسيم الحميداوي
/channel/NasimAlhamdawi

الشاعر الحسيني نسيم الحميداوي

26 July 2023 08:29

گلبي طايح مـــــــن الضلوع
حسيني شفـــته راسه مكطوع
والحوافر هشمنه•••عالترب هيبة أهلنه
«««««««؛؛؛؛؛؛؛»»»»»»

أمشي مكسورة ضهر بليلة مابيها گمر
والكمر كافلنه طايح عالنهر
ليلة چن وجه الشمر، بيها كل ثعلب نمر
عليه صاير من عكب عين الگمر
إخيامي كلها توجرت،، واليتامه إطشرت
وانه ألمــــــــن بيهم بليل وخطر
زينب أنه تعذبت،،، چم مصاب تحملت
وانه مرتين نكسر مني الضهر

ضهري صاير ««بهمي نصين
عالكفلني ««وفكد الحسين
الماتمل عيوني منه•••عالترب هيبة أهلنه
«««««««««••••••»»»»»»
دمعي خلص من ضماي••بعده مايهنالي ماي
راح إخوي الأروه چنت بشوفته
عليه أشد موقف صعب •وعصرت ضلوعي الگلب
تربع الشمر على صدره بحربته
سمه بسم الله اللعين•وحز لبو اليمه الوتين
گبر الذبحه وكطعـــــــــــله رگبته
ليش إخوي من النحر •إثنعش طبره نطبر
ثنعش معصوم مات بذبحـــــته

بعيني شفته ••حسيني مخضوب
مـــــــــاعرفته ••ثـــــــوبه مسلوب
«««««««««•••»»»»»»

راسه ماعنده ويون••العيلته گلبه يحن
عالرمح راسه ويصد صوب الخيم
ثيابه منه تسلبت•ضلوعه كلها تهشمت
كل ضلع من الحوافر ماسلم
والگمر مر بي كسوف•بطيحت الرايه وچفوف
راسه حطه على الرمح سواه علم
الشاف أخيه ومنذبح•مثلي بي خضر جرح ومن أسولف قصتي يشعر باالألم

بگلبي جمره•جمرة إخيام
بعيني عبره •عبرة أيتام
وعالأهل كل ليلي ونه••عالترب هيبة أهلنه
٪٪٪٪٪٪٪٪٪٪٪٪٪٪

حاله أبد ماينوصف •جروحه ست ميه وألف
والله أكثر هي أبد ماتنحسب
طعنه عالطعنه صفت•أوصاله كلها تكطعت
وليش مذبوح وثيابه تنسلب
عندي أعز من الهوه•هوه لعيوني ضوه
هو شمسي إشلون بالدم ينحجب
بروحي أنصبله عزاء•كل حياتي كربلاء
مثلي يحزن كون لحسين المحب

كل حـــــــــياتي •تجري العـــــــيون
ذكـــــــــــــرياتي•سوط المــــــــتون
والدهر شتت شملنه•«» عالترب هيبة أهلنه
««««««««؛؛؛؛؛؛؛؛؛؛»»»»»»»

شفته طايح عالتراب•دامي مرمي بلا ثياب
للخـــــــــيم من نحره إله ون إنسمع
ماسلم منه ضلع••أوصاله أبد ماتنجمع
جسمه طايح هو للسبعه إرتفع
إلكيته طايح عاالأرض•ساجد إيأدي الفرض
ساجد بنحره لأن راسه نكطع
هذا بالدم منخضب••ذاكه دامي ومنسلب
منهو مثلي بدنيته گلبه إنفجع

أنه زيـــــــــنب •إخت الأبطال
ماكو بيدي• بس الأحـــــــبال
من رحل عنهم ظعنه••عالترب هيبة اهلنه
•««««««««»»»»»»»»
للشاعر نسيم الحميداوي
/channel/NasimAlhamdawi

الشاعر الحسيني نسيم الحميداوي

24 July 2023 22:42

موشح الى ابي الفضل العباس (ع) وداع


انه أخوك حسين  وحدي بغربتي
    وإنت ياعباس حامــــــــل  رايتي
                •••؛؛؛؛؛•••
    إنت يامــــهيوب قــــائد  عسكري
    وانه تدري عليك  شابح  ناضري
    تعرف يگطعون بعدك   مــنحري
    وإنت  درعي تصير ساعة شدتي
                 ••••؛؛؛؛؛؛••••
    إنت  بالأيتام  خــــــويه   تكفلت
    وينگسر ضهري  بغيابك لـورحت
    إنت بدري  وبيك أحلامي شفت
    سوده كلها تصير بعــدك  دنيتي
                 ••••؛؛؛؛••••
    عالنهر  لوطاح  جودك   والعـــلم
    إشلون أشيلك يابو فاضل للخيم
    إمكـــطع الچفين  وبعينك   سهم
    ومن دماك  الطاهر أصبغ شيبتي
               ••••؛؛؛؛؛؛••••
    جاوب العباس راعي   المرجله
    تريد  أرجع اليوم هاي القافله
    لوتريد حسين أكلب  كــــــربله
    وإنت تعرف  بالحروب بصولتي
            ••••؛؛؛؛؛؛••••
    إنت گلي حسين بس گلي شتريد
    كلها يم رجلــيك أركعهـا   العبيد
    تريد أجيبه إيقبل إجدامك يزيد
    بالغضب بركان تصـــبح  غيرتي
              ••••؛؛؛؛؛••••
    أنه أخاف عليك من چـف الغدر
    ومالي ناصر  بعدك وإنت الذخر
    ضهري مـن تروح لاشك  ينكسر
    وانت  يوم العسر تصبح سلوتي
                ••••؛؛؛؛؛••••
                ••••؛؛؛؛؛••••
    نسيم الحميداوي•؛•؛
/channel/NasimAlhamdawi

الشاعر الحسيني نسيم الحميداوي

24 July 2023 17:25

مقدمه إلى ابي الفضل العباس ع

مضحي جفينك    وجسمك موذر
وصوبو عينك      ليـش تـتـعـذر
يا جفيلي ياجفيلي   يا ابو فاضل
****
حسين من عندك رجع دمعه يجري
وضهر ابو اليمه انكسر   وي ضهري
كتلـه مـن اختي اعتذراوفي تدري
وذنـي جـفـينـي نذر    والها عذري

فاكد  عيونك   هاك اخذ عيني
فدوه لجفوفك  خـويه جفينـي   
يا ابو فاضل
★★
سـاهـر بعـينـي الدمع  يكضي ليلي
ما خـطه سهم الـدهـر  وبـدلـيـلــي
شلون اعـوفك يا كمر وانته حيلـي وضعني ناوي على السفر يا جفيلي

انه من دونك       ما يهابوني
من يذبحونك     توكع امتوني
    يا ابو فاضل
★★
اشواط سبعه على الجسد  تـممتهـا
جفوفك المروه وصفى    ودعـتهـا
روحت المضطر رحت   من عفتها
وهجرت الهادي بحزن    هاجرتها

عفتك ودامي        والظعن رايح
ادري يالجافل        كلبك يسامح     يا ابو فاضل
★★
خوية لو اروح بيسر   ماكو حيره
وياي راسك عالرمح    كلة غيره
وحته لو بيدي الحبل ابقه اميره
ومو اسيرة لو رحت  لا سفيره

امشي يالغالي       انشر افكاري
وراسك كبالي       والدمع جاري    يا ابو فاضل

مـن يحـن كلبـي الك يبجي جرحه
ليلي بعدك ماخلـص  وانت صبحه
راسك برمحه انصلب جسمه رمحه
انـه حـلـمانـه اضــن   يمته اصحه

رؤيه كل ظني     امشي متيسره
من حده ضعني     وانته عالغبره    يا ابو فاضل
★★
حسـين عالـتل اصـعدت مـن ندبته
كبالي ضل يبجي الصخرانـه شفته
كـلـبـه لـو مـثـل الـبـشـر ما كسرته
الـحـجـر كـلـبه تــرف  يبجي سكته

من نضر حالي     سالت عيونه
لو نحر عنده        هم يذبحونه
    يا ابو فاضل★★
الشاعر نسيم الحميداوي
/channel/NasimAlhamdawi

الشاعر الحسيني نسيم الحميداوي

20 July 2023 22:24

شمع گلبي ذايب••• بفركتك يغايب
على باب الأماني؛؛؛؛ أنوح وأراقب
بديه وردتي••••على خدي دمعتي
           •••؛؛؛ •••؛؛ •••
على أوراق الشجر أكتب وأراسلكم
شوكت بويه تردون المنازلكم
روحي سافرت وي الظعن  إلكم
العليله بس جسد ضلت تراقبكم

اذا رد ضعنكم نذر وعلى بتكم
أطشن هلاهل ••••إورد انثرلكم
واحس من فرحتي••على خدي دمعتي
••••
عبد الله ورقيه وسكنه   كلها  إوياك
بس انه العليله على الجمر اتناك
بقت وحشه المنازل مقفره بلياك
مكدره وچن مقابر من عكب عيناك

سهرت الليالي •••عالفكدك يغالي
الصخر من ونيني •••يون على حالي
عفتني بحسرتي••• على خدي دمعتي
•••••؛؛؛؛؛؛ ••••
ورده بچفي إلك وتنطرك ترجع
وتلكاك يمته وتمسح المدمع
كل لحضه التمر دلالي يتكطع
اصبر  روخي بعدك كلبي مايقنع

يندبك عذابي•••وتحس بمصابي
يريتك تدلي ••••وتدك إنت بابي
أتاني بلهفتي •••على خدي دمعتي
••••؛؛؛؛ ••••
رحت عني وعفتني الوحدي أتألم
وكضيت اليالي بجيتك انه احلم
إجه ناعي المصيبه بشر بن حذلم
سالته عن  الاكبر والأبو  والعم

يگلي بسؤالچ•••••بچيت على حالچ
صبحتي يتيمه ••••والاسود حلالچ
ركضت على عمتي•••على خدي دمعتي
••••؛؛؛؛؛ •••••
إجيت العمتي أركض والكلب مجروح
أكلها أشلون أعيش وعني ابوي ايروح
عليچ أقسم يعمه بالعرش   واللوح
صدك حسين أبوي بكربله مذبوح

عرفت إبچيها •••إنذبح لن وليها
وأثر للسلاسل •••أعاين بديها
صرخت بسكتي•••على خدي دمعتي
•••••؛؛؛؛؛ ••••
للشاعر نسيم الحميداوي
/channel/NasimAlhamdawi

الشاعر الحسيني نسيم الحميداوي

16 August 2023 15:23

عن لسان الحوراء»»( ع)

بحزني جيت من اليسر
كلبي مشتاك اشكـــــثر
وانت يحســــــين بگبر
فــــــــــــــــــــاركتني••
«««»»
كون دفانك يدفنـــــــــــــك وانه يمه
حته جسمك خويه اودعه وبيدي ألمه
حلمي كون ألكالي خنضر حته أشمــه
الفكد بس الفـــــــــكد يكدر يفهــــمه

بالسبي أبچي وأون•• وگلبي مشتاك ويحن
بس لكيتك مندفن ••عـَــــــــــذبتني
•••
أصعب من الطف تره شام آل ميه
خارجي إيسموك وانه الخارجيه
مااكلك خوله مــــــــاتت لو رقيه
بس أكلك جيـــــــتك وميتات إديه

خويه ألف موته متت••باليتامه تكـــفلت
بالحـــــــــبال تكيدت••ألمـــــــتني

«»»»
خويه ماأحچي إلك ضيم الجرالي
انت راسك بالسبي شاهد لحالي
وانه كل ساعه بكتر أدفلي غالي
صعبه لو طاحت مره وماعدها والي

«««الحرمه تبقه بلا أمل ••لو إبن إمها إنچتل
وانه صرت بلا أهل ••من عفتني
»»»»««««
والله لوتدري شكثر مشتاكه إلكم
حته طير البالسمه ساألته عنكم
حلمي ريت بكربله ذاك الدفنكم
كون وياكم دفن زينب إختكم

ريت ميته بكربله «««ومارحت وي قافله
بيها شمر وحرمله••يحدي ضعني
«««««••»»»»»
گلبي رايد يشتكي بي جمرة إخيام
خويه كل خطوه بسبي چن مرت بعام
الكوفه صعبه وكربله بس أصعب الشام
هم طفلهم بي حقد ويشتــــم الأيتام

لسه أثار الحجر •••بينه ضل طابع أثر
ماسلم مـــنه ضهر•••حته مـــــتني
««««««•••»»»»»»
نسيم الحميداوي
/channel/NasimAlhamdawi

الشاعر الحسيني نسيم الحميداوي

15 August 2023 22:29

إجيت من اليــسر مدكبعة بــحزان   
 مــشـتـاكه إلك بس أنت مــدفــون

ميت وارد ه أشوفك كلبي مشتاك
  وصيح حسين كوم تلكه الضعون

يحسين شـأسولف وألسـبي مـوت
وضـعيـنة بلا جفيل تخيل إشلون

حـالـي وأنـي حـرمه وفاكده الحيل
عّلـى يـوم الـيسر يحسين ميهون

عـلـيـة أصـعب مواقف طبت الشام
عـلينه الـشام كـلهه نـكلبت عيون

طـبــيـنـة الـكـصـر بس كله شمــات
خـويـه مـن الـفـرح صارو يغنون

وانـه مـتـربـه وبـجـفـوفـي الـحـبال
 وعـلـى زينب يخو زينب يضحكون

ويـزيد اكبـالي يشعر يضرب الراس
ومـن راسـك أشوفن طـاحن اسنون

كـد كـديــك أكــلــه وإتــرك الــــراس
حــاجــيــتــك لأن دلالــي مــحــزون

أنـه  الحوراء زينب وأخت الحسين
انـه بـنـت الـصميده النجى ذا النون

شـاطـر مـرحـب بـجـفـه وقـلـع باب
 بـس يـم الـيـتـامـه جـفـوفـه مـاعون

إذا أرفـع إديـه الـربــي بــالـكـــــــيــد
وحـك سـبـع الـمــثـانـي يكلب الكون

للشاعر نسيم الحميداوي
/channel/NasimAlhamdawi

الشاعر الحسيني نسيم الحميداوي

04 August 2023 23:47

رئيسيه إلي علي بن الحسين زين العابدين •

أنه علي السجاد دهــــــــري فجعني
وچم مره سيف إعداي بالطف ذبحني
أهلي شفتهم•••خصمي ذبحهم
««««««»»»»»»»»
على الجنــــــه إنتحب أدم ويدري إلها يردونه
وعلى يوسف حزن يعقوب بچه لمن عمه عيونه
ومــــاشافه تدوسه الخيل وإكباله يذبحـــونه
ولون مثلي بتله بأهلـــــه نحب لمن يشيعونه

حتــــه الجبال إذوب لو مـــرها همي
وعاف الصبر أيوب لو لحضه يمي
گلبي اليحبهم،،،، خصمي ذبحهم،،،، بالطف ذبحني
«««««««»»»»»»»
أنه الصابر العـــــابد منهو بهالخلك مثلي
مثل موج البحر حزني ودمعي على الوجن يغلي
الدهر مثل النجم شتني ومايلتم بعد شملي
كلها راحت أحـــــبابي ويمي إذبحو أهلي

چم لوعه چم مصاب راوتــني دنياي
حته الطفل ذبحوه عبد الله عالماي
وأحبابي كلهم••خصمي ذبحهم••بالطف ذبحني
«««««««»»»»»»»»
أول ذبحه ذبحوني من ذبحو علي الأكبر
ثاني ذبحه عبد الله وشوفت جاسم إموذر
وعمي الكطعو چفوفه هذا الفارس الأزهر
ونحرت والدي منحور من كطعو إله المنحر

الأكبر وجـــــسام ضلو رميه
والگمر وي حسين فوگ الوطيه
وبعيني أصدهم••خصمي ذبحهم••بالطف ذبحني
«««««««««»»»»»»
الحديد تلين الداوود وذبح بالطف أبو اليمه
وناره إموجره النمرود الخليل إيطبها متهمه
وماخمدت لبوي حسين عجيبه وحركت إخيمه
والأعجب تدوسه الخيل وإمـــــه فاطمه يمه

من دم ابو السجاد صبغت شعرها
ومن نضرة الأجساد ذكرت كسرها
لمت جثثهم ••خصمي ذبحهم••بالطف ذبحني
««««««««»»»»»»»
خليل الله حضر بالطف وادم والنبي المختار
محامل نزلت إوياهم بالعتره تشوف الصار
نضرو فاطمه الزهره مكدره وماعليها خمار
شمس شافوها مكسوفه ويمها مذبحه الأقمار

مذبوحه عالتربان آهل الرساله
من خيرة القــــــرأن وطهر سلاله
ربنه إلي خصهم•••خصمي ذبحهم
««««««»»»»»»»)
الزمن كل لحضه يذبحني ويرد لحزانه يحييني
علي رميه بأثر رميه زماني بسهمه يرميني
سحاب المدمع بعيني من أغفه يصحيني
وشفت من الدهر لوعات وبعد شكثر يراويني

شفت اليتامه باليل حركو خيمها
وچم طفله هاي الخيل داست جسمها
محد رحمهم••••خصمي ذبحهم••بالطف ذبحني
«««««««»»»»»»»»
الشاعر نسيم
الحميداوي

/channel/NasimAlhamdawi

الشاعر الحسيني نسيم الحميداوي

30 July 2023 14:09

رئيسيه عن لسان الحوراء زينب ع

شمس الله عالغبره،،بخيل إنسحك صدره
ولكيته دامي
يمه الشمر شفته ،،،كِّال إله يم إخته
إنذبحه ضامي
بضلوعي أحس كِّلبي إنعصر،،،لعضيدي من كطعو نحر
             ..حركو خيامي،،
                                            ☆☆☆
حسين إجيت أركض أودعه كَّلبي وجر
والشمر جاثي على صدره وبيده خنجر
عوفه   لا أفزع   كفيلي   كتله    إحذر
عليه ضل يضحك يكلي    خلي يحضر
    
  وين الكفل وينه،،،كطعنه چفينه
عالشاطي ضخرچ
صاب السهم عينه،،،وشماتفزعينه
لامايحضرچ
مرتين أحس ضهري إنكسر،،،لعضيدي من كطعو نحر
☆☆☆
حسين فوك الغبره   طايح ردت أودعه
والشمر داس على صدره وصاح أسمعه
إله كون  إكبال  زينب    راسه   أكطعه
وين   أبو فاظل  إخوها    خل    تفزعه
        
طلعت لسن عدهم،،لو كافلي يمهم
كطع لسنهم
سبعين ألف واحد،،،من الكُّمر شارد
راعب زلمهم
بس كافلي والله إنغدر،،،لعضيدي من كطعو نحر
                 حركو خيامي
                                         ☆☆☆☆
من كطع راسه   بحقد  ينضر عليه
شاله من  شيبه    ويكلي  ياسبيه
هذا إلچ  من الشمر  زينب   هديه
ضهري حسيته إنكسر كسر الزجيه
     
بس كَّلبي صبرته،،،بصبري الخصم دسته
رغم إلي شفته
كتله أهلي قرباني،،،للباري ياجاني
والخاسر إنت
عليهم غضب رب البشر،،،لعضيدي من حزو نحر
                 حركو خيامي
                                         ☆☆☆☆
عليه  صب  حقده زماني ونتقامه
أنه  ماميته وشفت يوم   القيامه
المالمحته بكل وكت  وبلا عمامه
عاري شفته عللترب شمس الأمامه
        راسه برمح عالي ،،،بس هوه يبرالي
لاماتركني
من خمدت أنفاسه،،،صاعد رمح راسه
رد يحدي ضعني
وي الظعن راس وحضر▪لعضيدي من حزو نحر
        حركو   خيامي
                                            ☆☆☆☆
راسه من شفته إرتفع  فوك العوالي
راسي مانزله لأن  ضل راسه عالي
ضهري محني وأصرخ بفكد الغوالي
يمه   فزعيلي علي  وللطف   تعالي
    
راحو يكيدوني،،،واليحدي بضعوني،،
ذباح إخوتي
كل خطوه ألف عصره،،من أمشي متيسره
أتمنه موتي
شلي بعمر مابي كُّمر ▪لعضيدي من حزو نحر
                  حركو خيامي
                                       ☆☆☆☆
للشاعر نسيم الحميداوي/channel/NasimAlhamdawi

الشاعر الحسيني نسيم الحميداوي

28 July 2023 16:50

وين الأگبر عمه إخوي•• وين عمي إوين إبوي
       يسرونه  ومادرو•-•ليش أهلنه ماإجــــــو
                  «««»»»»»«««««««
وين أبونه،   أرده أشوفه بهالمــــسيه،،   وأشتكيـــــله
سلبــــــونه،، وإخذو إسواري من إديه،،ودمعي أسيله
والتراچي،،، من إذني جـــروها آل ميه،،  يالعقـــــــيله
وأنه أكلهم،،،ذني مــــــــن إختي  هديه،،من العـــليله

   گلبي أحسن عمه صار•••چنه خيمه بيها نار
     عليه لمن شتمو•••••ليش أهلنه ماإجو
                    ««««««»»»»»»»»»
وين  الأكبر؛؛أهله مايسأل عليهم،،، أرده أخبره
من مشينه،،مارحـــم بينه سبينه،،  وإحنه أسره
خلي ينضر،،من كثر سطرات إديهم  عيني  حمره
بالقيامــــه،،،،أشتكي الربي عليهم،،،،هوه   أدره

    من السياط متوني سود••وطبعت بچفي القيود
           إلنه لمن يسرو•••ليش أهلنه ماإجو
                      ««««««»»»»»»»»
وي حميده،،أركض وإيدي بأديها     وجدمي حافي
صبــــرتها،،،بگلمه أصبر أنه   بيها،،      لاتخافــــــــي
عمـــــــي أكلها،،، عياله مايرضه عليها،،،الگلبه صافي
يطي كلمه،،،يموت أبو فاضل عليها،،،،بس يــــوافي

    إمنيتي أشوفنه الحنون••هو والوالد يجون
     بغربه عافوني ومشو•••ليش أهلنه ماإجو
                   «««««««»»»»»»»»
روس أشوفن،،عالرماح بدم تغطن،،، مــعرفتهن
بس أحسن،،، عليه كل لحضه يصدن،،شاهدتهن
من ضربني،،،الشمر ياعمه يبچن،،، لن شفتهــــن
والعجيبه،،، عليه كل ضربه يونن،،، تابعتــــــهن

    عمه إلمن  هالرؤوس ••عالرماح وچن شموس
      وإلنه بالضلمه ضوو،،،،ليش أهلنه ماإجو
                  ««««««««»»»»»»»»
جينه للطف،،وهسه أشعر بالندم  ،، وانه سـبيه
عمه أسألچ،،،عمي يدري شكد ألم،،شافت رقيه
لمن أصرخ،، يرضه شيال  العلــم،،، چتفو   إديه
عمه أشوفن،،راس البعينه  سهم،،،يبچي  علـيه

     عيونه تجادح شرار••منهو هذا الراسه حار
     الحالتي الغربه بچو•••ليش أهلنه ماإجو
                «««««««««»»»»»»»»»
يارقيه،،،سافرت هي ومحـــــنها،،،،بدنيه غايبه
من  زغرها؛؛عليها صب حزنه زمنها وكل عذابه
وراس أبوها،،حضنته بلوعة حزنها،    بالخرابه
ومن ألمها،،،ماتت وچفها على إذنها،،  عالترابه

   حضنت الراس الذبيح،،،ماتت وهي تصيح
         عني أهلي تأخرو،،ليش أهلنه ماإجو
                «««««««»»»»»»»»»
للشاعر نسيم
الحميداوي
/channel/NasimAlhamdawi

الشاعر الحسيني نسيم الحميداوي

28 July 2023 14:49

بسمتي من الزغر من شفتي مسلوبه
وعلى گلبي المصايب كلها مـــــكتوبه
«««««««»»»»»»»

مكـــــتوبه على زينب تبتلي بيها
وتفكد كل أهلها ومن يحامـــيها
وي إعداي أمـــشي وهذا تاليها
وبسهام الشماته بگلبي مصيوبه
«««««»»»»»»

مصيوبه وگضيت إسنيني متعذبه
ومن كتر الكتر يحسين مــــــتغربه
طريق الشام عـــذبني شكثر دربه
إلي بكل خطوه موقف منسه لدروبه
««««»»»»»»»

إدروبه حزينه وهيجت جمري
بيها أذكر سياط الورمت ضهري
وماأنسه رقيه الماتت بحجري
ولاأنسه الشماته علينه مكلوبه
«««««««»»»»»

مـــــــكلوبه عدانه وتنضر علينه
الدهر بعدك يبو اليمه شعمل بينه
هذا يجرنه ذاكه بسوطه يولينه
وأيتامك سبيه وكلها مرعوبه
««««««««»»»»»

مرعوبه وتلوذ بسدي وأحـــــميها
وشاكف عالسياط إلي تجي عليها
لاعـــباس يمـــــــي ومــن يواليها
حرمه وباليتامه بغربه منكبوبه
«««««««»»»»»

منكوبه كفيلي من عــــگب عيناه
طوگني إبواتر من إجيت إوياه
وبنه سور برماح وثبته بيمناه
لچن كطعو يمينه البيها مهيوبه
«««««««»»»»»»»
الشاعر •؛•
نسيـــــم•؛؛•
الحمــــــــيداوي •؛؛•




/channel/NasimAlhamdawi

الشاعر الحسيني نسيم الحميداوي

27 July 2023 20:15

للطف إجيت إوياك مثل الأميره
ترضاها ياعباس أرجــــع أسيره
بيتي إنهدم لمن رحت•••ماجاوبتني من صحت
••••؛؛؛؛؛؛؛؛ ••••
لمن طحت خويه حركو صيواني
وعلى الخيم كلها إهجمت عدواني
وين أنطي وجهي مذبحه ولياني
شمر وزجر لو حرمله اليرعاني

يمشي الشمر وياي بت حيدر أني
بيه إغدرت دنياي هي وزماني
من الدهر أنه إشفت ••••ماجاوبتني من صحت
•••؛؛؛؛؛ ••••
وياك إجيت بهيبتي ومـــــــــحميه
ماچنت أظن خويه من أرد مسبيه
بسهم المصايب من زغر مرمـــــيه
بس هالمصاب بعمري مامـــر بيه

حركو علينه ألدار أشرار مــــيه
وتكبعت بالنار ذيچ المسيه
من خمتي بناري طلعت••؛؛•ماجاوبتني من صحت
••؛؛؛؛؛•••
راح الأمل وي روحتك فاركني
تدري الشمر لمن طحت لوعني
وكاس المرار بغيبتك جرعني
وكتم صرختي بگلبي لايسمعني

أسحك جمر ماصيح بالغربه وحدي
وكل دمعه من إطيح جمره عالخدي
من بعدك أنه إتعذبت••ماجاوبتني من صحت
•••••؛؛؛؛؛••••••
هاي العده تنشدني وين أحـــــبابچ
خل الكفل ينهض يشوف إصوابچ
وين الذي دك صدرة إلچ والجابچ
مسبيه إنتي وماحضر بمـــصابچ

صحت بألم يعداي وفه الكفلني
مو هذا راسه إوياي هو اليردني
بعين الخصم شوكه صرت•••ماجاوبتني من صحت
•••؛؛؛؛••••
عالحــومه جيت وعاينت حالتكم
كل واحد مغسله الدمه من عدكم
صارت غصب يهل الشيم فركتكم
وانه مشيت وروحي ضلت يمكم
عفت الگلب والروح بالغاضريه
وعنكم رحت عباس متكيده إديه

عنكم غصب خويه رحت••ماجاوبتني من صحت
•••؛؛؛؛؛•••••
الشاعر نسيم الحميداوي•
/channel/NasimAlhamdawi

الشاعر الحسيني نسيم الحميداوي

27 July 2023 20:15

على لحن ملا باسم ((بعد هالمسيه))

ييمه  الزچيه ••تعـــــــالي إليه
    وحيده وغريبه••خذوني سبيه
    إخوتي عفــتهم••ولا ودعتهم
         ««««««•••»»»»»»»
    تعــــــــالي الكربله يايمـــــه شوفينــــــي
    من كثر المــــــــصايب  مــــاتـــــعرفيني
    دموعي بـــــــفركتچ مـــــافاركت عـيني
    أنه بفـــــــــركاچ ميــــته كومي شيعيني
      
    يريتچ  حضـــــرتي ••ييمه ونضرتي
       لون شفتي حالي••على خدچ لطمتي
               فكدت الأحبهم•••ولا ودعتهم
             «««؛؛؛«««؛؛؛»»»؛؛؛»»»
    من فكدچ  ييمــــه أنه أفكدت درعــــي
    وعلى روحي من أصلي بكل مسه أدعي
     خلص عمري نفذ صبري نشف دمعـــي
    إنفجع گلبي إنطبر راسي إنكسر ضلعي
   
        فجعني زماني ••فكدت الأماني
        ييمه برحيلچ ••أموتن  عساني
                 إخوتي إفكدتهم••ولا ودعتهم
            «««؛؛؛؛«««؛؛؛»»»؛؛؛»»»
    گون إوياي  يمه وشفتي بيه  الصار
    حرت  لحسين أروحن  لوأطفي الدار
    بخيمه تگبعت  والخـــــيمه بيها  النار
    لاينشاف  ضلي  ويزعــــــــــل  الكرار
  
             ذكرته  دلالي••بچيت على حالي
             صرخت بسكوتي••ييمه تعالي
      فكدت أهلي كلهم•••ولا ودعتهم
              «««•••«««•••»»» •••»»»
               
    أنه وحسين روح  وبس گلب  عشنه
    حته الموت  إحنه   مـــــــــــايفركنه
    درت وجهي  إخـــــــــوي بكربله عنه
    عاري  حسين  يمه وأستحي  مـــــنه
        على وجها انه شفته••يون  وعرفته
       بلا  ثوب أشوفه•••مشيت  وتركته
حده ظعني عنهم••••ولاودعتـــــــــــهم
        «««««•••••••»»»»»»»»
    هاي إخيامي شبت والعيال تنوح
    هاي إعداي  إجتني بالسياك تلوح
    هذا حسين دامي  من الكفه مذبوح
    ذاك على النهر كافلنه ضل  مطروح

تركت الضحايه•••على شاطي المنايه
إجينه  بظعنهم •••رجعـــــــــنه  سبايه
ذكرته  خدرهم••••ولاودعتهم خذوني سبيه
                 ••«««»»»»»»»»»»»»
    علي راعي الشدد  مويحضر الشده
    واذا ينــــــخاه كافر  طبعه  ميرده
    صبر زينب أكله بعــــــــــدك  إتبده
    الشمـــــر كيده بديه  تقبل   إيشده

بديه السلاسل••سبتني الجحافل
وفزع بخوتي•••ولاجاني  كافــــل
       فجعني ذبحهم •••ولاودعتهم
     «««؛؛؛؛؛؛«««؛؛؛؛»»»»»»
للشاعر نسيم الحميداوي
/channel/NasimAlhamdawi

الشاعر الحسيني نسيم الحميداوي

27 July 2023 19:46

•••دفن الأجساد الطاهره••••

الميت إيوسدونه عالترب خده
إوسدت محبوبي وراس ماعنده
السلبوله إثياهبه•••إشلون أهيل ترابه
★★★
أنه ياشيعه علي زين العــباد
كمطوني من الولاده بالسواد
ناحت السبعه على إمصابي الشداد
أنه من موتي شكثر طالب مراد

من كثر ألامي •عمري مليته
هذا شمس أحلامي •بيدي واريته
ودمعتي سچابه•••إشلون أهيل ترابه•
★★★
ريت مــــاولدتني إمــي للعناء
وماأشوف بعيني محنت كربلاء
الشمس ضمت وجها من الحياء
شافــت المذبوح عاري بلا رداء

الميت إيغسلونه•وينحفر لحده
إشلون أغمض عيونه••وراس ماعنده
تحيرت بمصابه••إشلون أهيل إترابه
★★★
منهو مثلي بدنيته شايف عذاب
بعيني شفت مذبحه كل الشباب
وشفت إبوي على الترب وبلا ثياب
وكمت أدور خنصره بذاك التراب

حاير بتوسيده•وحفَرت كبره
ماكو خنصر بيده •ولن نطق نحره
ينشد على أحبابه•••إشلون أهيل ترابه
★★★
أنه چــم مــحنه شفتها بالطــفوف
عمي شفته على النهر وبلا چفوف
معفر بدمه الكُّمر چن بي خــسوف
وشفت إخوي الأكبر تكطعه السيوف

هذا إخوي شحاله•بعيني صديته
إمكطــعين أوصاله•بيــدي لمــيته
إتصوبت بصوابه••إشلون أهيل ترابه
★★★
إشلون أدفن شمسي بچفوفي الثنين
أنه ميت من شلت جــسم الحُسين
أنذبــح كل لحظه يذبحــني الحنين
عمري خلــص بالنحيب وباالأنيــن

أجري بي دمعاتي •الماي لوشربه
ماطفت جمراتي•وروحي متعذبه
عليه صعب إغيابه••••إشلون أهيل ترابه
★★★
بيدي شلته للكبر جسم الصريع
ربي صبرني أصيحن ياسميع
ولني أسمع صوت من نحر الكطيع
فوك صدري بويه وسدلي الرضيع

بويه ماشميته••وراسي أنتضره
ليه لو رديته•••ارده أشم عطره
ويسأل على غيابه•••إشلون أهيل ترابه
★★★
للشاعر نسيم
الحميداوي.
/channel/NasimAlhamdawi

الشاعر الحسيني نسيم الحميداوي

27 July 2023 19:45

إنت يحسين بضميري~~وأفتخر انت اميري
نحري مايغله عليك~~  أنه عبدك بين إديك
                       ★★★★

أنه جــنيت بمــحــبتك ياإمــــام
لــويذبحــوني إلك أنــزف غــرام
مايــوصفك إنت يعــجز كل كلام
مــن أجيلك يــستعر بيــه الهيام
بكلبي جمره إبالي فكره~~بعيني دمعه وانت ادره
بدمي يحسين أفتديك~~أنه عبدك بين إديك

                       ★★★★
أنه عــبدك سيدي وبــيك أفتــخر
عمــري إلك مــولاي قــدمته نــذر
وبخــدمــتك أنه مــــارايــد أجــر
بــس أريــدك ليه تــشفع بالــحشر
بدنيتي إنت ربيعي~~ماأحب غيرك شفيعي
أترك الدنيه وأجيك~~~أنه عبدك بين إديك
                        ★★★★

عالــترب يحسين صــارت ذبحــتك
وانه كــل يوم أنــذبح بمــصيــبتك
ريــت كــطعو ركَّبــتي مــو ركــبتك
ريــت داســتني خــيول الــداستك
يلي سلبولك ثيابك~~عمري خلصته بمصابك
أنعه ولطم صدري ليك ~~أنه عبدك بين إديك
                        ★★★★

إنــت مــامــذبوح أنــه المــنذبــــح
بــيه كــل لحــظه يخضرلك جــرح
عاشك أنه أتخــيل بوجــه الــصبح
راسك المكطوع أشوفه على الرمح
كل فجر أتصورك أني~~يلي مالك كل كياني
إودوم تحلم عيني بيك~~أنه عبدك بين إديك
                         ★★★★
 
إنــت إلك مــرفوع راس على القناة
لسه ظل إيصيح حــي على الصلاة
حــته موتك إنت إلك صــار الحياة
علمتنه بهالدرس عــالتــضــحــيات
إنت موتك مايهمك~~ونتصر عالسيف دمك
وطبعي بالشده أنتخيك~~أنه عبدك بين إديك
                          ★★★★
                          ★★★★
🖋الشاعر نسيم الحميداوي 🔗
/channel/NasimAlhamdawi

الشاعر الحسيني نسيم الحميداوي

26 July 2023 08:31

رئيسيه إلى سيد الشهداء♕

عجيبه المنكطع منحر عجيبــه
راسه على الرمح كِّبر عجــيبــه
يِرتــل أيــات °°°°°عـَـدل مــامــات
★★★
ڪل ذباح إجــاه تحــير بأمــــره
رمــه سيفه ويڪول حسين مانحره
سمعتــه إيناجي ربه وبالڪهف يقــره
ترڪت الأرض طــراً والعــيال أســره

أريدن شــوفتك ربــــي إلھي
إلك ينزف عشك ڪِّلبي إلھي
يجــرحــسرات••••عــدل مــامــات
★★★
دَك صدره الشِــمر ڪال أنه ذباحه
لــون جــبريل يمه أڪطع إجناحه
إجيته وأرده أنحره بروح مرتاحه
وتمنيت من ذبحه أسمع إصياحه

قِــره يــس مــامــهتم سمــعته
سيفي بــمنــحره إثلم نضــرتــه
إنــثلم طــبرات•••عــدل مــامــات
★★★
عِــمر يسأل شمــر ويڪله بــشرني
ذبحت حسين ڪلي بذبحه فرحني
أبد ميمــوت ڪال بمــوته حــيرني
ذبحته وراسه بيدي وظل يخاصمني

بحوافر من دست صدره ﻫشمته
ڪلت خل ينسحك ضهره ڪلبته
علي صــولات •••عدل مــامــات
★★★
حسين الچان من عنده الجدم ينباس
عــجيبه بلاثيــاب وعــالترب ينداس
ڪل واحد يشوفه إتحير مــن الناس
الرمح منبر إله وصار الخطيب الراس

ذبيح يحامي عالخدر. حُسينا
غيــور وعالحرم يفتر حُسينا
نــزف دمــــعات••••عــدل مــامــات
★★★
طلــع من الطــفوف الراس مــشايه
إوي رڪب الســبايه وعالقنى رايــه
ڪل خــطوه يــرتل بالــدرب أيــه
وتڪصدله العــقيله وتــاخذ بــرايه

راســــه عــليها يتــألم تــشوفه
وإذا حزنت بچه من دم تشــوفه
يــهل عــــبرات••••عدل مــامــــات
★★★
طب مجلس يزيد الراس ڪله جروح
وعلى راس الرمح ربنه نفخ بي روح
شافه إيزيد يحچي ومنه دم مسفوح
إذبحو الراس صاح وهذا مــامــذبوح

أسمع نحـــره يتڪلم رعــــبني
وأشوفن ثغره يتبسم ذهــــلني
إبــتسم مــرات••••عدل مــامــات
★★★
للشاعر نسيم
الحميداوي🖋🖋🔗🔗🖋🖋
/channel/NasimAlhamdawi

الشاعر الحسيني نسيم الحميداوي

26 July 2023 08:29

ليلة الوداع»»

أخر مسه أهلي وياي   باچر أسيره ويعداي
  وحدي  أظل  بغربـــتي   ليه تضل بس دمعتي
                                 **
ياليل   طول  خل أودع  أحبابي
ظعن  اليسر باچر أشوفه إبابي
ونار  العده تحرگ جميع أطنابي
وطلع أسيره إمكبعه   بمــــصابي
 
  ولمن أطب الكوفه••  برمح الشمس مكسوفه
      بعيوني تضلم دنيتي    ليه تظل بس دمعتي
                                     **،،،،،،،،،،،،،،،،،،،،،،،،،،،،،،،،،،،،،،،،،،،،،،،
باچر  أودع    للذبح     خــواني
وأبقه  وحيده من عكب  ولياني
وهاي العده تنكر جــــــﻻلة شاني
زمره خبيثه  وضالمه  عــــدواني
    
وكت الصلاة إيصلون••   ولبن الرسول إيذبحون
           أتمنه  كطعو ركبتي   ليه تضل بس دمعتي
                                **     ،،،،،،،،،،،،،،،،،،،،،،،،،،،،،،،،،،،،،،،،،،،،،،،
ماتغفه كل عين  اليمر بيها   الخوف
ومر بيه طيفي بيقظتي وعيني تشوف
بدر  السمه دامي أشوفه ومــــكسوف
حس كــــلبي  عباس اليكطعوله جفوف

   الچف الكفاله إيكطعون •• حته الخيمنه إيحركون
     ولو أني حركو  خيمتي   ليه تظل بس دمعتي
                              ***،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
باچر    أروح   إمكــيده  إبين إعداي
ويم  النهر   أترك چــفيلي   الــوفاي
بعد  الكمر علكم   صبح ريت المــاي
وريت الله أخذ  روحي وأودع دنياي
      
أتمنه  يكرب أجلي  صعب اليسر عالمثلي
          أنه اﻷميره بهيبتي   ليه تظل بس دمعتي
                          *،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خيمه إخوتي ليه وأنام   بضلهم
بليل الكدر عيني تشوف بضيهم
فوك الثرى باجر عيوني تصدهم
وعنهم أروح  وعالترب   أتركهم
     
أمشي  وأدير عيوني ••  وين إخوتي إيشوفوني
            إلهم ألوح  بيمنتي   ليه تضل بس دمعتي.
                               ***،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هذا أبرها الشمر  وعلينه   إتحزم
والكعبه   باجر   عالحرم     تتهدم
 ونحر  الحسين المنكطع جن زمزم
والمروه زينب     باليسر      تتألم

عن  اﻷهل ظعني  إيشيل••  وأمشي أنه وي أهل الفيل
أمشي   وأعوفن   كعبتي    ..ليه تضل بس دمعتي
                                 ***،،،،،،،،،،،،،،،،،،،،،،،،،،،،،،،،،،،،،،،،،،    للشاعر نسيم الحميداوي🍂🍂
/channel/NasimAlhamdawi

الشاعر الحسيني نسيم الحميداوي

24 July 2023 18:00

ابوذيات

التجرحه الشام والكوفه دواوين
أطب بكيدي ياوسفه دواوين
گبل إسمي بشعر ماطب دواوين
أريد المــــــــــاشعر يكتب عليه
••؛؛؛؛؛؛ •••
علتي الشام مايحصل طب إلها
ظعني بروس خـواني طب إلها
وادم ركصت ودكت طبلهــــــا
إوادم بالحجر تشمر عليـــــــــه
•؛؛؛؛؛ •••،
يخي لو بيدي أضل يمك لطم ليك
ميت والشمر شفته لطم ليك
لجيم عليك كل عمري لطم ليك
لحد ماتوكع عيوني بديه
««»»»««»««««««»»
بچفك ردت أضل رايه ومرحل
العمر وياك أحس لحضه ومرحل
الفرات بطيحتك علگم ومر حيل
شربته وبي أحس دمعة رقــــــــيه
««««««««»»»»»»»»
جرحــــي الحير العـــــالم بطيبه
ولي گلب اليحـــــــن لهلي بطيبه
لاچن ياأهل ضلــــــــو بطيبه
جثث ياحيف ضلو عـــالوطيه
«««««««»»»»»»
المــصايب غيـمـت بيه. وخــيمات
الڪفلني كطعو چفوفه وخي مات
بي حرڪو ڪلب زينب وخــيمات
شبت وحترك ثــوب الــرقيه
••★★••
من ريش الوحي فصل عبي أيات
مــحمد بــيده لبــسنه. عــــبايات
فواطم ســوط رتلنه عيب أيات
بعــد ذبح الكُّمر وحســين أخيــه
••★★••
لاوالــــي الأفــــزعه لاحمه أتني
الشمر سوطه ڪفيلي لاح مــتني
أحــشــمك لاكمــتلي لاحــمتنــي
وطــلع صوتي الڪبل حجبته إليه
••★★••
نبيه بالحزن روحي. وحــــالي
الدهر بالطف الف محنه وحالي
أميره وبت علي حيدر وحالي
إنحنه ضهري مثل إمي الزچيه
★★★
لادمــــعي اليــرويني ولاماي
نار أحزاني بضلوعي ولاماي
بعلي مامر أنه إمصابي ولاماي
إخــوتي مــذبحه فوك الوطيه
★★★
يزيد الجــــرد. أنيابه وحدها
بقصره من لمح زينب وحدها
خَذت ثار إبدر كلـــــها وحدها
علي المطلوب وحسين الضحيه.
★★★
أنيابه الطاغي جردها. وسلها
نشد وين الكفل ظعنج. وسلها
نضرة عالرمح راسه وسلها
إصبري إيصيح ماعندي إديه
★★★
عرشك لاتظن دايم وفــاني
جفيلي مانسه وعده. وفــاني
راسه على الرمح يهتف وفاني
وعلى طول الدرب يبچي عليه
★★★
بكلبهن لوعت إمهن لوعه أبيهن
خوات حسين يسره لوعه بيهن
يِلــزمن سوط ضالم. لــو عبيهن
وبديهن كيد بعد أهل. الحميه
★★★
عليك حسين يالــمهدي ولاها
الشمر طك عمتك زينب ولاها
بــــونه ماشفه كًّلبك ولا آه
يــشفه إشلون زينبكم سبيه.
★★★
كلوب الشيعه يتلاهب. يمرها
الدنيه بغيبتك صارت. يمرها
المثلك دنيته يكــدر. يمرها
ويعــــجل بالفرج. يابو. الحميه
★★★
يمــته إيرفرف علينه علاماك
لســه ماخذت ثارك. علاماك
على حسين السبط حزنك على ماك
لو حزنك على عمتك. سبيه.
★★★
باليم لو جره دمــعي. يمـريم
تعالي وشوفي طف زينب يمريم
لون لحظه مصابي اني. يمر يم
أيــوب ويــمــوت بلا. وصــــيه
★★★
أيامي بكــــربله جــــارن. ونحسن
وطلعت من الخيم أصرخ وين حسين
دنيت المــــذبحه. وسمع. ون حسين
بذاك الحال. وصاني. برقيه
★★★
علي محنت طفوف حسين شدت
بنحري للسبايه احبال. شــدت
شماالطم ونوحن كلت شديت
شمــــاضحيت ماأدي. العليه.
★★★
متن إختك وكع خصمك. جلدبي
وظن سوط الشمر مني. جلد بي
الحجر كلبه إنكسر كالو. جلد بي
وبچه بفكــــــدك يبو فاظل عليه.
★★★
جفني من حزن زينب لها شاب
ودليلي. بنار خــــيمتها لها شاب
نحت نوح إم ولد فكدت لها شاب
على زينب ولطم الوجه بأديه
««««»»»»»
أبوذيات) عن لسان الحوراء زينب( ع)
عدل حسين أشوفه بلكي لنه
الحوافر هشمنه بل كلنه
وصل نصه الخيمنه بل كله إلنه
لأن نصه بحوافر آل ميه
««»»»
بيه الطف ولاذره ترك حيل
حسين الشوفته العيني تره كحل
وكع والخيل بضلوعه ترك حيل
ثنعش ضلع نكسر حسيت بيه
«««««»»»»
بعد حسين ماأروه باالنهار
بالطف دنيتي ضلمت بالنهار
التل من سمع صوتي بله إنهار
صحت يحسين گوم إلحك عليه
«««««««««»»»»»»»»»
سهم صد الوفي بعينه بدل ماي
تألم من سهم ثاني بده الماي
تمنه إيشرب إسكينه بده الماي
إنكطع چفه وأمل سكنه ورقيه
•••««»»»»
بزغ يم النهر وجهــــا شع الماي
مد چفه وجمر چبده شعل ماي
لون بالطف ثبت أصله شيعي الماي
ماعطشت أبد چا فاطـــــــــميه•
«««««»»»»»
زمـاني إيگـــول ماغيرچ حدبلي
وضهري من مصاب الطف حدبلي
شمر عـــــــباس يرضاها حدبلي
وحبل من رگبتي الرگبت رقيه
«»»««««


للشاعر نسيم الحميداوي

الشاعر الحسيني نسيم الحميداوي

24 July 2023 17:24

انـشــد اجـيـتـك يـا نـهــر•••مـا ردلـي عبـاس
وحسين اخو ضهره انكسر•••ما عندك احساس
يمك وكع راعي العلم ما تشعر انت بكل الم

★★★

وديــت اخــوي بـجـربتـه ما رد الي إحماي
مـوانـت مـهـر لـفـاطـمــة جـاوبـنــي يـا مـاي
مـا تـنـدل اخـيامي صرت مـو خـيمـتـي هـاي
كـون انت تطفـح مـستحـه كـبل الـكـمـر جاي

بمايك تفيضها الخيم ••••• ما تشعر انت بكل الم
ماعندك إحساس
★★★
بـعـده الـهـوه لـمـن يـهـب يلـجمـلي الجـروح
ما تشـعـر انـت بكـل ذنب يـالـمـاخـذ الـروح
كـون مـن اسـألـك تنـتحب والـحسرتـي تنـوح
چـفـوفـه طـاحن جـافـلـي ولـكــيـته مــذبـوح

وبعينه شفت انه السهم ••••• ما تشعر انت بكل الم
★★★
جـيـتـك يـنـهـر الـعـلـكـمي بعـيونـي ما شـوف
راس الكـمر صابه الـعـمـد وبـدمـه مــكـسـوف
ويمـك جـفيـلـي انـه نـغــدر كـطعـوله الجـفـوف
بـا چــر تـضـل بـحـضـرتـه كـل عـمرك اطـوف

تتوسل براعي الشيم••••ما تشعر انته بكل الم
ماعندك إحساس
★★★


بـطـيحـت إخـوي اشعـر متت لا ضـلـت امـال
وضهـر السـبط شـفـته إنحـنه چن حنيت اهلال
وبالـي احـس مـنضـر خـطـر مامر علـى البال
شـفــت انـه روحـي مـيـسـره ومــكيــده احـبال

هذا الامر عندي انحسم••••ما تشعر انته بكل الم
★★★
يا وســفـه شـمـر وحـرمـلـه مـنـك يـشـربـون
وايـتـام ابـو الـيمـه الـعـجـب يـمـك يـعطشون
بـخـيـامـي لـو بـيـهـم تـحـس تتـفـجر اعـيـون
مـن الـضـمـه اطـفال وحـرم ما تدري يبجون

وعـباس اجـاك ومـاسلـم••••ما تشعر انته بكل الم
★★★
بالـمـحـشـر اتحـس بالألـم روح وكـلب ليك
وضامي انت للكوثر تجي بـس مـا ارويــك
وبيـدك رقـيـه تـشـد حـبـل وسكنه التجر بيك
وكـبـالـي تـوكــف مـتـهــم وانه احـكـم عليك

بالـدنـيه مـاتـعـرف نـدم••••ما تشعر انته بكل الم
★★★
لخادم اهل البيت عليهم السلام
نسيم الحميداوي
/channel/NasimAlhamdawi

الشاعر الحسيني نسيم الحميداوي

20 July 2023 22:18

مــــاعرف تفسيره،، حسين نور عــيوني
عليه ڪلمه چبيره،، خــــــادم إيسموني
الضحه إلي بذريته•••صيتي عالي بصيته
★★★
الوحــي هز مــهده بيده مــن أبــو اليمه طفل
وچم مَــلك ينزل يخدمه هــذا من أطهر نسل
نزلــت الحــور على بابــه ســوت ترابه ڪحل
گلبي عرش حسين صاير غيره ماواحد يحل

بروحي عاش حسيني وماأعيش بدونه
صورته بنص عــــيني عنــي ميبعدونه
بالدمه حسيته،،،،،،،، صيتي عالي بصيته
★★★
هوه مــشڪات الجلاله حسين إله ربنه يعز
إسمه فوك الماي أرتلــه وشرب حروفه حرز
بشــدتي أصبح مــلاذي وروحي ذاخرته ﮔنز
لوغفيت أحــلم أشوفه ولــزم چــفوفه وأفــز

من دمعتي أتوضه وخــتم القــرأني
من قبــل. لالفظه أنه أوضي لساني
وأذڪر التضحيته•••• صيتي عالي بصيته
★★★
أفــتخر سموني خادم هــالقب تاج الشرف
ڪلمه آڪبر من مقامي بيــها دلالي إعترف
اليسمي روحه خــادم ماكمل وعيه وعرف
شنهو هاي الكلمه تعني إله ڪون براسه طف

وانه طف بروحي. ملــحمه ثوريه
شاهدت بجروحي زينب ومسبيه
والظعن صديته•••صيتي عالي بصيته
★★★
حسين أصعب سوره عندي منه متكطعه الحروف
إهناڪه خنصر أيه طايح ضلوعه أيات الطفوف
توضت بدمه الحوافر وصلت بجسمه السيوف
ياغــريب ومــالــه ناصــر وحده مــــابين الألوف

إشسوو بمحبوبي من وكع عالــغبره
هذا يسلب ثوبه ذاكه يكطع نحره
شنطي مــــاوفيته•••صيتي عالي بصيته
★★★
ڪلمن الرايد نـَـجاته بــدنيته عايش حَذر
اليعوف حسين أقسم بــالحَشر مــاله عــذر
سنيني أوزعها بثوابه ڪلها لعــيونه نــذر
فدوه ماگــول الترابه فــــدوه لأثار المُــهُّر

منخلق عالفطره أنه مــن ترابه
روحي أظنن شجره منها سوو بابه
حقي لــــــو حــــبيته•••صيتي عالي بصيته
★★★
شكــد تحمل من أجلنه وچم سهم ڪُّلبه حِمل
جرحه ظل يتبسم إلنه مــن يبس ثــغره وذبل
بلــرمل جــسمه تچوه وعــالرمح راسه إنشتل
خضر أيات ومعــاجز وچم وحي الراسه نزل

عــالرمح صدوله والڪهف يقراها
ضلو. يلــــطموله والسمــه بچاها
ودمعي دم هليته••••صيتي عالي بصيته
★★★
الشاعر نسيم
الحميداوي
/channel/NasimAlhamdawi