الشاعر الحسيني نسيم الحميداوي

25 January 2023 17:08

الى موسى ابن جعفر. ع
على لحن ملا باسم عليل ونايبات الطف لوني.

سجين بلاذنب مــوسى المــماته
من سجن السجن خلصت حياته
خلص عمره ونه.. السناسل لوعنه
              ★★★★
مثل يونس يــنوح البلعته الحوت
يون طول الليالي وخافت الصوت
مــن كثــر الغصص يتمنه للمــوت
يدعــي الباري كل فــرض بصلاته
              ★★★★
موسى يناجي ربه وتجري العيون
خــلصني  يــقادر من  هالــسجون
إرحــم دمــعتي  يمنجي ذنــــون
يــطلب  عــبدك  الصــابر  نجــاته
               ★★★★
تعجب من صبر موسى النبي أيوب
وجــره وي دمعته عــبراته يعقوب
والــونته الصــخر لْـۆ يسمع إيذوب
حــزين وبــس حزن كــل ذكــرياته
               ★★★★
يون ومــاطــفت كــل عــمره ناره
ويــحن بكــل مــسه الكاظم لداره
ســــاجد   يندعي  ليلــه ونــــهاره
وسجــن الطــاغي مــــاغير صفاته
                ★★★★
رغم ســجنه كُّبــر وفــجع  فؤاده
الكــاظم حــوله المســجد عــباده
حُب   حــسين حــــبه للشــــهاده
يــدري  مــولده  بســاعة   وفــاته
                ★★★★
عجــيبه هالبــدر والله عــجــيبه
على الشيعه بسجن طول مغيبه
يون وماكــــطع نوحه ونحــــيبه
ويكــتم  ونته إكــبال  الشــــماته
               ★★★★
مات.  ودمعته الفكــــت قيوده
الكاظم عالشمس صورة خلوده
احنه بكل وكــت ننضر وجوده
نشوفه بكــل زمان بــمعــجزاته
               ★★★★
للشاعر نسيم الحميداوي🔗

/channel/NasimAlhamdawi

الشاعر الحسيني نسيم الحميداوي

20 January 2023 19:54

موشح الى علي الهادي ع..

بمصاب الهــادي حــزنت شيعته
وكل محب هاليوم يذرف دمعته
               ★★★
خــل تكول الناس عنه إشماتكول
إحنه جنينه بعــشك آل الــرسول
جينه بالدمعه نواسي إحنه البتول
والــعزه  بســامــره إمــه  نصــبته
               ★★★
 اليــوم مــهدينه يــهل دم الدمع
والــزجيه تــنوح تلــطم عالضلع
ويبجي أبو السجاد راسه المنكطع
الهادي هذا اليوم كصدو حضرته
               ★★★
مــاكــفاهم ســمه أصحاب الغدر
بجف حقدهم هدمو فوكه الكًّبر
ومــرقد  المــضلوم رادو  يندثر
والكُــمر ياغيــمه كلي الــدثرته
               ★★★
الطيــح الكبــتين جــاهل مافهم
طيــح البــنيان مــوحبه إنــهدم
بكل كلب حضره إله وكًُّبه وعلم
وكل محب بالروح شيد كُّــــبته
               ★★★
الحواري وعيسى يم كبره تطوف
ونزلت الأملاك حــجت بي إلوف
من أطب الحضره مومرقد أشوف
كــعبه والــعشاك راحت  طافته
              ★★★
يــمته هالموعود يشهر صــارمه
لسه فــوك الــباب دم الفــاطمه
لسه هــامت حيدره تنزف دمــه
لسه سوده الهادي أشوفن كبته.
            ★★★★
للشاعر نسيم
         الحميداوي🔗/channel/NasimAlhamdawi

الشاعر الحسيني نسيم الحميداوي

16 December 2022 19:53

(عن لسان القاسم إبن الكاظم ع)

أنه إبــن المــات مــسموم بــسجن
القاسم أنه وبعده عاشرت الحــزن
              ★★★★

أنه  إبن الــصلت  إوياه   الــقيــود
أنه إبن  المــات  وبوضع  الــسجود
ذاك إبوي السجل إسمه على الخلود
بموته من الــدين أحس هدمو ركــن
               ★★★★

بعد إبوي بعــيني أظــلم كــل درب
بــعده عشت بنــوح  بديار الــغرب
والــدليل يــنوح والــمدمع يــصب
وكــــل جــرح ينزف إذا ليلي يجن
               ★★★★

مــــاشفت  أنه  إبوي بكــــل زمــن
وبسجــن هــارون عــايش مــرتهن
بدونه عشت بغــربه ماعندي وطن
والــغريب إيعيش كــل عمره يون
             ★★★★

بالسجن هــذا البدر طال المــغيب
وانه كل عمري كظه بحزن ونحيب
القــاسم أنه مــلقب بأسم الغــريب
مايخــيب الــليه يكــصد. لاتــظــن
             ★★★★

مــن تــمر إضــعون أسكي القــافله
واذكر. العــباس.  عمــي.  بكــــربله
إشلون جان يــضحي لجـل العــايله
بدمعي اتــوضه وأزوره انه منــحن
              ★★★★

الطــاف كــبري وزار جن زار الرظا
الــهادي جــدي علــيه والباري رضا
ويطي اله صك الشفاعه المرتضى
موقع من حسين هالصك والحسن
              ★★★★
              ★★★★
الشاعر
        نسيم
          الحميداي
/channel/NasimAlhamdawi

الشاعر الحسيني نسيم الحميداوي

01 November 2022 20:38

رئيسيه إلى الزهراء ع على لحن
(يادفان)الرادود عباس الدراجي

ياكرار،، عني أخذوك مكيدينك
ياكرار،،ماشافت محسن عينك
ياكرارا،،سطرو خدي وهضموني
كسرو ضلعي وعصروني،،ياكرار
☆☆☆
ياسين وصه أصحابه،،من غاب حركو بابه
ضلام مارحموني ،،،لاسمعو كلماته
موكال فاطم إمي،،،بالروح تسري ودمي
قرأن يشهد بيه،،،من نزلت أياته

وصه وكال ،، فاطم لحد يغظبها
وصه وكال،،من تغضب يغضب ربها
وصه وكال،،وصاهم بس غضبوني
كسرو ضلعي وعصروني،،ياكرار
☆☆☆
بالنار حركو داري،،،والدار دار الباري
أصحاب جانو كلهم،،،صلو خلف الهادي
عدوان لنهم بعده،،،من مات صارو ضده
للنار ضل يحديهم،،،،صار بليس الحادي

عاالأعقاب،،،من بعد الهادي إنكلبو
عالأعقاب ،،،،بعد الأسلام إرتدو
عاالأعقاب نكرو قدري وضلموني،،،،كسرو ضلعي وعصروني
☆☆☆☆
محزون كّلبك حيدر،،،حسيت ضلعي مكسر
عالباب دم المحسن،،،راسم لبني الصوره
كل يوم أدعي الباري،،عالكوم ليل إنهاري
للموت ماسامحهم ،،،وضلوعي المكسوره

مايدرون▪يغضب من أجلي الخالق
مايدرون▪بأسمي القرأن وناطق
مايدرون▪ إم الهادي إيسموني
كسرو ضلعي وعصروني،،،
☆☆☆☆
مكسور ضهري وضلعي،،،مايوم ينشف دمعي
مليت من كد نوحي،،،من يحمل أحزاني
باليل من تدفني،،والناس لاتحضرني
ياريت تخفي الحضره،،،عن عين العاداني

صعبه عليك▪تدفن جسمي بجفينك
صعبه عليك▪ياحيدر الله إيعينك
صعبه عليك ▪من تعرفهم سطروني
☆☆☆☆☆
للدين ذاك البايع،، رادوك جفه تبايع
يدرون دومك صارم،،والحق لامتعوفه
مغلول بس راعبهم،،مكيود لاكايدهم
مجبور ماتحضرني،،،ريتك حالي تشوفه

كون تشوف▪محسن طايح ودموعي
كون تشوف▪مسمار النابت بضلوعي
كون تشوف▪ياحيدر من صفعوني
كسرو ضلعي وعصروني
☆☆☆☆
للشاعر نسيم الحميداوي
http://t.me/NasimAlhamdawi

الشاعر الحسيني نسيم الحميداوي

24 October 2022 18:16

إلى الزهراء عليها السلام☆
                   °°وريثت الاحزان°°

شفت امي انسطر خدها.     وضلعها انصاب  
وضــلع خــلت الي ذكــره.     وجرح ماطاب
شيب كلبي من همي **ورثت احزاني من
                         ★★★
شكــثر وصــه النبي بيها   يوصــي أصحاب
وغصب أخذو فــــدك منها. بعد  مــــاغــاب
ودخــــلو عالزجيه إمــــي بلايــه إحــــجاب
عصروهــــا إوكع مــحســن على الاعــــتاب
        ضلع من السمه كسرو. *   عبيــد اللات
        من المصحف سور مسحو  أحس وايات
سور تحمل معاني اسمي* *ورثت احزاني من امي
                         ★★★
محــسن مــــافــــتح عينــــه ولا مــــــــولود
لــكــه باب العــصر إمــــــه عليــه مــــــزدود
صــــرخ مــــــاريــدن الــدنيه أريــــــد إلحود
عــــليهم  يغضــب البــاري غضــب  نمــــرود 
             إذاترفع اديها امي   ويربي تصيــح
             بدعوه ماتضل دنيه   سمانه اطيح
بعدها انه عشت يتمي* *ورثت احزاني من
                          ★★★
صــوره ابــالي مــــــاراحت بــقت تذكــــــار
وره البــاب  إمــــي من لاذت بلايــه إخــمار
يزينب صــــاحت بضــلعي نبــت مــــسمــار
وزمــــاني مــــن  بعــــد امــي عــليــه انــدار
           واثــر دمها بقه ذكــــــره إلي عالــباب
           أقبله بكل مســه بعبره.  واشم اعتاب
مشت عني واحس يمي* *ورثت  احزاني من امي
                            ★★★
أحـ ـس تــصلي جــدامي       إذا صــلــــيت
وسمــــع ونه للــــزهره.          إذا ونــــيــــت
مــــــيته وانتضر منهــــا.      تــــرد للــــبــيت
وعلى باب العــــصر إمــي.      نــضــر دكــيت
           اذا عيني بحلم امي.   بــمنام تشوف
           اتمنه بكهف عمري     وعيش إطيوف
ولاضل بجفن مدمي* *ورثت احــــزاني من امي
                             ★★★
انه مــــن  الطــــفوله.  دهــــــــري عــــذبني
مــــــاأدري زمــــــــاني.  بيــــش يــــــطلبني
اخــــذ إمــــي وإبــــوي.    وضل يــــــعذبني
وأخذ مــــني الحسن   .  والمحسن افجعني
          وبعد امي وطبر حيدر  ششوف امصاب
          اشوف حــسين مــــتكطع. بلايه  اثياب
وعاين نار بخيمي* *ورثت احزاني من امي
                          ★★★
✍للشاعر نسيم الحميداوي.✍/channel/NasimAlhamdawi

الشاعر الحسيني نسيم الحميداوي

18 October 2022 20:51

إلى الزهراء عليها السلام☆•☆•

بويه ماتخفه بكبر إمي الزجيه
لومشت تترك عطر فوك الوطيه
حته بكبرها ... أشتم عطرها
***
زينب أنه تيتمت ويه أمي أشعر متت
هي روحي وفاركتها
تكدر ترجع الزمن ماتردلي إم الحسن
بويه ليش إمي إدفنتها
همك إيطيح الجبل. إشلون كلبك من حمل
وإنت بيدك غسلتها
عليها ضهرك منكسر.. ودري كلبك منعصر
بيك أحس من وسدتها
من توسدها بلحد إيضل ضواها
بﻻعطر يبقه الورد لو ماشذاها ...عشت بذكرها
******
فصل الباب النعش. وكتب إنت ثمن طعش.
عالنعش هذاعمرها
ومن توسدها التراب. .جفن الزهره بحجاب
إنعصرت وضل بفكرها
إمي حته بالكبر. منها ضل يطلع عطر
وأنه أموت بﻻعطرها
إضمني جانت للصدر. من أحزن ألكاها حجر
وماأعيش بﻵ حجرها.
طبع المفارك يحن يغفه على ونه
وانه جنت أغفه بحظن كله محنه..أذكر حجرها
******
ربي إخذ مني العمر..إمي ماتت من زغر
وعمري بعده بالبدايه
حيلي من حزني إنهدم..بهمي ماواحد علم
غير عﻻم الخفايه
بالصﻻه أذكر ضلع.الكوثر أقراها بدمع
وماأكمل منها أيه
وأقره سورة قل أعوذ بيها من الشر ألوذ
ومن حزن هاي الرزايه
أشاهد الروحي شكثر من أنضر الباب
شكد تمنيت الكبر من هذا المصاب.
وغفه بكترها...وأشتم عطرها.
***
إمي لورفعت خمار.. الدنيه بيها إيحل دمار
رحمة الله إيوصفوها
إنت شوف المنزله...لمي من هاالمسأله
إيقبل إديها جان إبوها
إمي لو لبست سواد..العرش يعلن حداد
عالوجه ليش إسطروها
كلبي أحسن منهدم..راحت وعشت بيتم
عذبوني وعذبوها
بلون ثوبي الدنيه أحس سوده حياتي
أضفر خيوط الشمس وي ذكرياتي..
أرسم صورها..أشتم عكرها
** **
ياعلي وكت الصﻻه..الزهره وي كل أيه أه
تصرخ وإنت سندها
فاطمه بوضع السجود..ليش إديها على الخدود
تخفي سطرات على خدها.
وعالضلع وكت الركوع...تحط إديها تضل تلوع
والكسر والله ضهدها
عندك أمنها الرسول..ياعلي صعبه شتكول.
بياوضع حيدر تردها
بويه كلي شتعتذر راح من إبوها
تدري خد إمي إنسطر عني إبعدوها
عالباب أثرها..أشتم عطرها.
* ** ** * *

--
للشاعر نسيم
الحميداوي🍂🍂
/channel/NasimAlhamdawi

الشاعر الحسيني نسيم الحميداوي

26 September 2022 10:34

إلى مولاي علي بن موسى الرضا

هذا الرضا المسموم ••اليكصد إله ومهموم
ياخــــــــذ طلبته
★★★
تطوفه بكل وكت روحي الضريحه تروح
لأن شمس الشموس وهوه أنيس الروح
أرض طوس بأريجه كلها طيب تفوح
ويضل باب الكرم من مرقده مفتوح

اليكصد ضريحه يزور.. قلبه يرد مسرور
بوجها بسمته ~~ياخذ طلبته
★★★
ورث موسى أبوه وكل صفه عنده
حاشا إلي. يندبه بشدته. إيرده
منو المثله الكرم من. عنده يتبده
سبع بيبان. يفتح للنوه. إيكصده

وماخاب اللتعناه~~~وبالشده من ينخاه
ويجري عبرته~~ياخذ طلبت
★★★
ياثامن غصن أهل. البدع كطعوه
من شجرة محمد بالغرب سموه
إله تاريخ زاهر كلهم يعرفوه
نهج سيرة حياته عجزو يحرفوه

باب الحوائج صار ~~~عنه إسأل الزوار
الطب حضرته~~ياخذ طلبته
★★★
مثل جده محمد وي بني نجران
للأحبار. ذاهل ذاهل الرهبان
قلبه هوه كعبه وفكره هم قرأن
العلم سيفه ويهدم بي بشر أوثان

سيد الأنس والجان~~اليندب إله وحزنان
يمسح دمعته~~~ياخذ طلبته
★★★
إنسجن موسى بسجن يشبه سجن ذنون
وتكطع چبد إبوه بسم غدر هارون
الرضا مثله إنظلم بأرض الغرب مدفون
وهم چبده تكطع كطعه المأمون

وظل للكرم عنوان~~وأطي إلك برهان
من شم تربته ~~~ياخذ طلبته
★★★
للشاعر نسيم
.. °°° الحميداوي°°°
/channel/NasimAlhamdawi

الشاعر الحسيني نسيم الحميداوي

06 September 2022 06:16

حسين اليگصده••يوم أربعين
ياخذ كتابه ••••والله بيمينه
««««»»»»»»
روايه عن رسول الله عليها المصطفى وقع
گلمــــن زار أبو اليمه إله بيوم الحشر أشفع
بحار الرحمه يلكاها برياض الجنه يتمتع
الملائك هي خدامه وحق المنذبح يرضع
يلكه بجنانه•••عنده منازل
يشفي غليله ••بطيب مناهل
فكره يضل محتار•••لاماتمسه النار
«««««««»»»»»
هنيأً لليزور حسين يطب ويقبـــل الحضره
باچر هم أبو السجاد يحضره لو وحش گبره
هنياله المشه خطوه بطريقه ويهمل العبره
رسول الله بلسانه گال كل خطــــوه إله عمره
كعبة عشكنه••••أصبح مزاره
ملك اليگصده•••يرجع لداره
يشفه العليه إغبار••••لاماتمسه النار
«««««««»»»»»»
يمن عاديت أبو الأكبر وجيت تريد تنصحنه
تگول الشيعه مجنونه أكلك حُــــــبه جننه
إذا عندك شخص غيره إتبعه وإحنه إتركنه
خلينه نطــــب للنار وإنت إدخل الجنه
تعرف غرورك•••يوم المنيه
مالك شفيعه•••مثل الزچيه
خادمها والكرار•••لا مــــــــاتمسه النار
«««««««»»»»
اليحب حسين بالمحشر جهنم مـــــايمر بيها
لاشك بس يمر بالنار نار الله يطفـــــــيها
على باب الجنان إهناك الزهره إمه يلاكيها
تكله أهديلك الجنه وتخدمك كل حواريها
هاي الوديعه ••••يوم القيامه
كلمن خدمها•••عالي مقامه
يقطف خدمته أثمار•••لاماتمسه النار
««««««««»»»»
بدمعنه لا ثواب نريد لاردنه أجر حــــبنه
لاردنه نشوف الحور أملنه الباري يرحمنه
حـــــبينه سبط طه والحب هذا شرفنه
نموت نعيش نهوه حسين ومانترك محبتنه
ربنه خلقنه•••لجله وحيانه
إحنه هوينه•••حسين وهوانه
حبه بدمانه سار••••لامــــــــاتمسه النار
««««««»»»»»»
للشاعر نسيم
الحميداوي🖋🖋🔗🔗

/channel/NasimAlhamdawi

الشاعر الحسيني نسيم الحميداوي

31 August 2022 18:02

إلى رقيه عزيزة الحسين ع🍂رئيسيه

أتمنـــه طيفي إسنين عمه يازينب
شفت إبنامي حسين عمه يازينب
بلهفه شمني••الصدره ضمني
«««««»»»»»
أنه رقـيه إتمــــــحنت ياطفله شافت مـثلي
بكاس النوايب والغصص حنضل زماني إيصبلي
أذكر إجينه ويالضعن أنه وعمـــامي وأهلي
بينه حده وحي المحن وبأرض الحزن حط رحلي

للطف بأمل من جيت طفله شيبني
منه بيسر رديت طفله شيبني
محد رحمني؛؛؛ ••؛؛؛ الصدره ضمني
«««««««»»»»»»
چف المصايب والمحن كل لحضه ويدك بابي
ودكبع بحزني المسه وغفه على نار إمصابي
متعلمه كل يوم الصبح جدامي أشوف أحبابي
وعيني إفتحتها بكربله ومستعره شفت أطنابي

من الخيم فـــــريت ناري بثيابي
ومن خوفي ماحسيت ناري بثيابي
رعبي ملكني••••الصدره ضمني
«««««««»»»»»»»
چنت أنه زهرة والدي وينسر إذا شم عطري
مثل الأميره إمـــدلله وعليه هدمــــو قصري
بحر المصايب من طفح غـــرگ سفينة صبري
وبعد الدلال وهيبتي داسو جـــلالة قدري

والباري وحي أوحاه أنه توجني
بتاج الملوك الله أنه توجني
وحي أخذني•••الصدره ضمني
««««««»»»»»»»
طير الأمل جنحه إنكسر وتاه بليالي أحلامي
وعيني غفت بعد السهر وعاينت أبوي ودامي
يمسح على راسي بعطف وهاجت جميع آلامي
رايح يگلي ومــــــاأرد خلصت رقيه أيامي

كتله بدمعتي أنخاك عني لاترحل
للموت إخذني إوياك عني لاترحل
لمن سمعني•••• الصدره ضمني
«««««««»»»»»»
ماظن يرد طيف اليمر هاجر يعمه جفوني
ريت الصبح لا مايطر ويبقه الحلم بعيوني
لحضه وشكيت الوالدي كتله العده هضموني
يابويه شتمو عمتي وعاين سواد إمتوني

فــــز الدليل وصاح طيفي مايرجع
حلم وهجرني وراح طيفي مايرجع
سرني وهضمني••••الصدره ضمني
«««««««««»»»»»»
ناحت إلي أرض وسمه وزمزم بچت والمروه
وصوتي صفع وجه الضلم مــــــن النوايب دوه
جابو إلي الراس بطشت وإكبالي شمس وضوه
راسه حضنته بلهفتي ومن عيني كتله إتروه

هلت دمه هالعين عمه من نوحي
ومت على راس حسين عمه من نوحي
موتي حضرني••••الصدره ضمني
««««««««»»»»»»»
للشاعر نسيم
الحميداوي🖋🍂
/channel/NasimAlhamdawi

الشاعر الحسيني نسيم الحميداوي

31 August 2022 18:02

إلى رقيه عزيزة الحسين عليهم السلام

مــن مــــثلها•• طــفله مــاتت مــن بــچيها
مــن مثــلــها•• راس أبــوهــا إبين إديــــها
يمــكن محــاچيها كلمه•••بيــها ماتت هي يمه
★★★
والدي مــره ســألــــتــه ڪِّلبي كالت مــنفجع
ليش عــينك من تصدلي. تجري بــويه بالدمع
مــن أشوفچ أذكر إمــي. ڪال مكسورة ضلع
وذكر السطره على خدها وأدري خدچ ينــصفع
من سبوها•• بخدها چم ضالم صفعها
لراس أبوها ••باالألم تــشرح وضــعها
وغِسلت بدمعتها دمه•••بيها ماتت هي يمه
★★★
وسدت خدها على خده. ونترس خدها بدمه
عمه صاحت ماي اريدن. والدي مــــات بضمه
أرده أشــربنــه بــديه. حــته عمــــه إنڪلمه
إفتــح عــيونك أكلــه أنه الأشــبه فــاطمــه

بويه صدلي ••وأحسب سياط على ضهري
مــنهو كــلي. •• انه يتــــمني على زغري
بحسرة شمت راسه شمه••بيها ماتت هي يمه
★★★
تحچي وي راسه وتكله يسري أبد ماينحمل
بــويه ورمــاد المــخيم. صار لعيوني ڪحل
شڪد بنات بعمري أشوفن. تلعب ودمعي يهل
من ذهب عدهن معاضد. وبيدي أساور من حبل
ياهضــيمه•• راسي امسحنه بأديه
ڪل يتيــمه•• كون تتــسمه رقــــيه
ضلت بعبره تكلمه•••بيها ماتت هي يمه
★★★
تحچي قصتها الأبوها. من إجت يم الجسد
شافت السلاب إجاها ويم أبو الأكبر كعد
نضرت إيسلب ثيابه ويكطع بخنصر أسد
التراچي تكله إخذهن والدي عوفه إنضهد

من سمعها ••طكــــها بالسوط بمتنها
هم صفعها•• وهم أخذ قرط من إذنها
بدمعه والدها تحشمه ••بيها ماتت هي يمه
★★★
چان إبوها شكد يحبها. هــي عــنده مدلله
من حچت قصتها يمه عيونه ضلت هامله
الشمر كالتله طڪني بالسياط وحــرمله
راسه ضل بالشام يبچي. وڪِّلبه وَن بڪربله
وياها يحچي•• ڪلمه بس تعرفها هيه
راسه يبچي•• مــيت وقَــــبل رقيــه
صَرخت الطفله تألمه•••بيها ماتت هي يمه
★★★
عالرمح تقره سمعتك. بالڪهف وتــألــمت
ڪل فرض لوجت صلاته إنت أسمعك أذنت
تڪله من زغري يبويه إوياك أصلي أتعلمت
بويه خل راسك يأذن. حته أحسك مامتــت
بــيه لهفه•• أسمع بصوتك أذانــي
حته أشفه•• ومايضل جرح بإذاني
زَيدت هالطلبه همه•••بيها ماتت هي يمه
★★★
الشاعر
نسيم الحميداي/channel/NasimAlhamdawi

الشاعر الحسيني نسيم الحميداوي

31 August 2022 18:02

عن لسان حال الحوراء زينب (ع) عند عودتها يوم الأربعين

إجيت من اليــسر مدكبعة بــحزان   
 مــشـتـاكه إلك بس أنت مــدفــون
ميت وارد ه أشوفك كلبي مشتاك
  وصيح حسين كوم تلكه الضعون
يحسين شـأسولف وألسـبي مـوت
وضـعيـنة بلا كفيل تخيل إشلون
حـالـي وأنـي حـرمه وفاكده الحيل
عّلـى يـوم الـيسر يحسين ميهون
عـلـيـة أصـعب مواقف طبت الشام
عـلينه الـشام كـلهه نـكلبت عيون
طـبــيـنـة الـقصـر بس كله شمــات
خـويـه مـن الـفـرح ضلو يغنون
وانـه مـتـربـه وبـچـفـوفـي الـحـبال
وعـلـى زينب يخو زينب يضحكون
ويـزيد اكبـالي يشعر يضرب الراس
ومـن راسـك أشوفن طـاحن اسنون
كـد كـديــك أكــلــه وإتــرك الــــراس
حــاچـيــتــك لأن دلالــي مــحــزون
أنـه  الحوراء زينب وأخت الحسين
انـه بـنـت الـصميده النجى ذا النون
شـاطـر مـرحـب بـچفـه وقـلـع باب
 بـس يـم الـيـتـامـه چفـوفـه مـاعون
إذا أرفـع إديـه الـربــي بــالـكـــــــيــد
وحـك سـبـع الـمــثـانـي يكلب الكون

للشاعر نسيم
الحميداوي
/channel/NasimAlhamdawi

الشاعر الحسيني نسيم الحميداوي

15 August 2022 08:52

علي السجاد أنه مــــن العــــمر مليت
وسجدت على المصايب والحزن صليت
★★★
صــليت ودمعتــــي تسبح بخــــدي
وبس انه وعبرتي بليلي اظل وحدي
كل ذكره سهم صرت أشعر بچبدي
صور من المصايب بالــــكُّلب لميت

★★★
لميت النوايب بيه أحس دوت
وبيه انه الطفوف بحالتي شسوت
ماولدتني إمــــي وريت ماربت
ولابحبال أنه وعــــمتي إنجريت
★★★
إنجريت بحــــبل وي عمتي بيسري
فركت حسين أحس بيها إنكسر ضهري
من بعــــده عسني لاعشت عمــري
ولا امــــشي أسير وللقصر طــبيت
★★★
طبيت الرجس ماردت أطب قصره
شفته إشلون يضرب والدي بثغره
فوك الراس يلعب يشرب الخمره
بكطع روس الخوارج يصرخ إتشفيت
★★★
عمتي إجاوبه لاتحچي وبزودك
كد كيدك يزيد وإعرف إحـدودك
لظن انه أخاف بكثرة إجـــنودك
جبت راية علي ولمجلسك إنويت
★★★
نويت عليها اشوفك ذلت أجدادك
شمايعله مقامك إحنه اسيادك
إشلون تريد تاخذ منه أمجادك
بثوب الدين إنت الخارجي إتواريت
★★★
إذا أرفع إديه وأهمل العبره
أخلي هالسمه توكع على الغبره
انه الحوراء وإمي فاطمه الزهره
وإنت امك هند بين إذا تباهيت
★★★
للشاعر نسيم
الحميداوي/channel/NasimAlhamdawi

الشاعر الحسيني نسيم الحميداوي

09 August 2022 21:46

•••دفن الأجساد الطاهره••••

الميت إيوسدونه عالترب خده
إوسدت محبوبي وراس ماعنده
السلبوله إثياهبه•••إشلون أهيل ترابه
★★★
أنه ياشيعه علي زين العــباد
كمطوني من الولاده بالسواد
ناحت السبعه على إمصابي الشداد
أنه من موتي شكثر طالب مراد

من كثر ألامي •عمري مليته
هذا شمس أحلامي •بيدي واريته
ودمعتي سچابه•••إشلون أهيل ترابه•
★★★
ريت مــــاولدتني إمــي للعناء
وماأشوف بعيني محنت كربلاء
الشمس ضمت وجها من الحياء
شافــت المذبوح عاري بلا رداء

الميت إيغسلونه•وينحفر لحده
إشلون أغمض عيونه••وراس ماعنده
تحيرت بمصابه••إشلون أهيل إترابه
★★★
منهو مثلي بدنيته شايف عذاب
بعيني شفت مذبحه كل الشباب
وشفت إبوي على الترب وبلا ثياب
وكمت أدور خنصره بذاك التراب

حاير بتوسيده•وحفَرت كبره
ماكو خنصر بيده •ولن نطق نحره
ينشد على أحبابه•••إشلون أهيل ترابه
★★★
أنه چــم مــحنه شفتها بالطــفوف
عمي شفته على النهر وبلا چفوف
معفر بدمه الكُّمر چن بي خــسوف
وشفت إخوي الأكبر تكطعه السيوف

هذا إخوي شحاله•بعيني صديته
إمكطــعين أوصاله•بيــدي لمــيته
إتصوبت بصوابه••إشلون أهيل ترابه
★★★
إشلون أدفن شمسي بچفوفي الثنين
أنه ميت من شلت جــسم الحُسين
أنذبــح كل لحظه يذبحــني الحنين
عمري خلــص بالنحيب وباالأنيــن

أجري بي دمعاتي •الماي لوشربه
ماطفت جمراتي•وروحي متعذبه
عليه صعب إغيابه••••إشلون أهيل ترابه
★★★
بيدي شلته للكبر جسم الصريع
ربي صبرني أصيحن ياسميع
ولني أسمع صوت من نحر الكطيع
فوك صدري بويه وسدلي الرضيع

بويه ماشميته••وراسي أنتضره
ليه لو رديته•••ارده أشم عطره
ويسأل على غيابه•••إشلون أهيل ترابه
★★★
للشاعر نسيم
الحميداوي./channel/NasimAlhamdawi

الشاعر الحسيني نسيم الحميداوي

09 August 2022 21:46

موبدينه من مشينه.••• والسلاسل بس بدينه
لــخوتي من ودعت . •• أنه حجيت وطفت
أشــــواط سبعه تممت .••من مــــشينه
••••••••••••••••••
أنه زينب صعــبه أطــلع لليــسر وبــــلا حمــاي
ألتفت كل خطوه أمشي من إجه من أهلي وراي
بچــفي أأشر ما أســولف صوتي رايح من ضماي
والشتمــنه. والسبــانــه إشلون نشرب منه ماي

ماشربنه من عدونه•••نشرب إحنه بچف إخونه
من بعد چف الكمر••••مــايــروينه النــهر
بغيبته اللحظه دهر••من مــــشينه
••••••••••••••••••
ٱل ميــــه بلا حميه منــهم أرحم لو يهود
من إدينه أخذو أساور ولبسونه إحنه القيود
وعالترب من كد تعبنه نغفه ونوسد الخدود
نغفه ونفز من ضمانه لو سمعنه بطاري جود

كلها صاحت جانه عمنه •••وراسه عالرمح الكفلنه.
هــذا بحر العاطفه••عــالرمح ينزف وفه
شاف إدينــــه مچتفه••• من مشــــينه
•°•°•°•°•°•°• °•°•°•
من رحت أندب يخوتي منهو منكم ضل عدل
خل يكوم وياي يمشي راح اركب عالهزل
لحد إيفاركني أكلهم كلبي أبد مايحتمل
ليش ماواحد فزعلي كيدو چفي بحبل

موطبعهم مايجوني•••بدنيه وحشه فاركوني
بس أحس ليلي خدر••صرت اخاف من الفجر
لوبزغ وانه بيسر•••••من مشينه .
°•°•°•°•°•°•°•°•°•°•

محد المثلي أنه فكدت بلحظه ضيعت الحنين
أنضر بعيني إخوتي عالــترب ومذبحين
عون عثمان ويجعفر. والكفيل ويالحسين
هذا مسلوبه ثيابه. وذاكه ماعنده إدين
من عفتهم كُّلبي عدهم•••ورحي ضلت يم جثثهم
والله عنهم من رحت•••أنه الف موته متت
ويالعليل إتكيدت••••من مشينه
°•°•°• °•°•°• °•°•°•
إحنه بالكوفه إنسبينه والله احس ذاب الدليل
كل قبيله عدها حُرمه. ويانه طــلعها كــفيل
وإحنــــه نتلفت بقينه. وينه حماي الدخيل
وين أبو الغيره علينه. أصرخ ودمعي يسيل

أبچي سكته ومااونن•••بس لخوتي دوم أحنن
كُّلبي ذاب من الغصص•••باليسر حيلي خلص
بدمعي أرويها القصص••••من مــــشينه
••••••••••••••••••
الصفا والمرى إخوتي بيهم أنه شكد سعيت
إوصل المذبح كفيلي. وللحسين ارجع نويت
حِجت المسبيه أحجن. وحنيت الضلع إنحنيت
هايه أول مره أركض. عالجمر بس مــــارميت

من نحرهم يجري زمزم••••شفته لاچن هذا من دم
همه أبد ماقصرو••••ويالظعن روس ومشو
لوصحت كلهم بچو•••من مــشينه
°•°•°•°•°•°•°•°•
للشاعر نسيم
الحميداوي/channel/NasimAlhamdawi

الشاعر الحسيني نسيم الحميداوي

07 August 2022 23:31

رئيسيه عن لسان الحوراء زينب ع

شمس الله عالغبره،،بخيل إنسحك صدره
ولكيته دامي
يمه الشمر شفته ،،،كِّال إله يم إخته
إنذبحه ضامي
بضلوعي أحس كِّلبي إنعصر،،،لعضيدي من كطعو نحر
..حركو خيامي،،
☆☆☆
حسين إجيت أركض أودعه كَّلبي وجر
والشمر جاثي على صدره وبيده خنجر
عوفه لا أفزع كفيلي كتله إحذر
عليه ضل يضحك يكلي خلي يحضر

وين الكفل وينه،،،كطعنه چفينه
عالشاطي ضخرچ
صاب السهم عينه،،،وشماتفزعينه
لامايحضرچ
مرتين أحس ضهري إنكسر،،،لعضيدي من كطعو نحر
☆☆☆
حسين فوك الغبره طايح ردت أودعه
والشمر داس على صدره وصاح أسمعه
إله كون إكبال زينب راسه أكطعه
وين أبو فاظل إخوها خل تفزعه

طلعت لسن عدهم،،لو كافلي يمهم
كطع لسنهم
سبعين ألف واحد،،،من الكُّمر شارد
راعب زلمهم
بس كافلي والله إنغدر،،،لعضيدي من كطعو نحر
حركو خيامي
☆☆☆☆
من كطع راسه بحقد ينضر عليه
شاله من شيبه ويكلي ياسبيه
هذا إلچ من الشمر زينب هديه
ضهري حسيته إنكسر كسر الزجيه

بس كَّلبي صبرته،،،بصبري الخصم دسته
رغم إلي شفته
كتله أهلي قرباني،،،للباري ياجاني
والخاسر إنت
عليهم غضب رب البشر،،،لعضيدي من حزو نحر
حركو خيامي
☆☆☆☆
عليه صب حقده زماني ونتقامه
أنه ماميته وشفت يوم القيامه
المالمحته بكل وكت وبلا عمامه
عاري شفته عللترب شمس الأمامه
راسه برمح عالي ،،،بس هوه يبرالي
لاماتركني
من خمدت أنفاسه،،،صاعد رمح راسه
رد يحدي ضعني
وي الظعن راس وحضر▪لعضيدي من حزو نحر
حركو خيامي
☆☆☆☆
راسه من شفته إرتفع فوك العوالي
راسي مانزله لأن ضل راسه عالي
ضهري محني وأصرخ بفكد الغوالي
يمه فزعيلي علي وللطف تعالي

راحو يكيدوني،،،واليحدي بضعوني،،
ذباح إخوتي
كل خطوه ألف عصره،،من أمشي متيسره
أتمنه موتي
شلي بعمر مابي كُّمر ▪لعضيدي من حزو نحر
حركو خيامي
☆☆☆☆
للشاعر نسيم الحميداوي/channel/NasimAlhamdawi

الشاعر الحسيني نسيم الحميداوي

25 January 2023 17:06

مــن مــثلي أنه تعذبت• •ضلــمتها دنياها
طبره وضلع سم وذبح• • يامحنه أنساهــا
ليش أنه ګل عمري أنفجع
عــليه المصــايب تنــجمع
★★★
مــــن السقــيفه تأسست مــــحنة ضلمنه
وأول مصيبه إلي بتدت من سطرو إمنه
باب الزچيه من إحترك حــركو خــيمنه
ومن إمي من سلبو فدك إحنــــه إنسلبنه

راوني ڪل محنه الزمن••مــــاخله كل غالي
بعيني شفت چبد الحسن••وطبرة علي الوالي
وچنت أدري من كسر الضلع
عــــليه المــصايب تنجمع
★★★
مــن أذن بأذنــي علــي وڪُّبر سمعته
تراوالي وأنه بمــــولدي ساعــة طبرته
عيني إفتحتها وفتشت وجه إمي شفته
ڪُّلبي لچمني من المهد حــس بسطرته

الوصه النبي بيها شكثر •• سطروها شفناها
وبالطف إجه دور الشمر•• زينــب تولاها
بعد إمي أنه الأنصفع
عليه المصايب تنجمع
★★★
بلساني دوم البسمله وبــڪُّلبـي أيات
الباري أطاني الصبر بس صبري دمعات
ڪل محنه من طف كربله هـزت سماوات
لــويــمي أيوب النــبي مــن الحزن مات

صبت عًّلي صب الحزن••هالدنيه ضلمتني
الطلڪها أبوي من الزغر من إمي حرمتني
عشت العمر خيط بشمع
عليه الــمصايب تنجــمع
★★★
ضليت أعيش بلا كًّلب مــن كثر الألام
نص منه طاح بكربله ونص منه بالشام
رحــنه سبايه قافــله بس كلــها أيتــام
وشمر ويزيد وحرمله ذبــحونه ضــــلام

إڪبالي من تعايدو شــسوو بحــالي
عدواني بيه إشمتو من شافو إحبالي
مــــاأون أخافن أنسمع
عــليه المصايب تــنجمع
★★★
حطو على باب القصر زينه من إجينه
خلو شمــس يمه الڪُّمر مــستقبــليــنه
هاي الشمس راس وكسف من دم جبينه
وراس الكُّمر مابي ضوه مــطفيه عــينه

روحي المصاب الحملته. من يحمل إمصابي
ستوحدني دهري بوليته مــن راحو أحبابي
ڪل لــيله تخلص بالدمع
عــليه المــــصايب تنجمع
★★★
للشاعر نسيم
الحميداوي
http://t.me/NasimAlhamdawi

الشاعر الحسيني نسيم الحميداوي

11 January 2023 18:59

🌺🌺ومظه••ودارمي. الى مولاتي ام ابيها🌺🌺
أحيرن بيچ شكتب وانتي نور الله
              يازهرة مــحــمد روضت وروده
كبل جان النبي يمسح بديج إخدود
                  يظل أيام منج عطر بخدوده
يوم انتي إنولدتي الشمس لبست غيم
          لأن مستحيه تطلع وانتي موجوده
…… .
الشمس يم حسين.  نورج عماها
       ضمت وجها بغيم.   من مستحاها
الشاعر
نسيم
الحميداوي🥀🌹نهنأكم بولادة الحوراء الأنسيه🌺🌺🌺
/channel/NasimAlhamdawi

الشاعر الحسيني نسيم الحميداوي

02 November 2022 17:10

(ميمر) إلى مولاتنا الزهراء ع🍁

ضلعي إنهشم حيلي إنهدم
عصروني بويه أصحابك
محسن وكع كلبي إنفجع
وداري إحترك  بغيابك
«««««»»»»»»»»»
إنت الكلت فاطم هديتي من الرب
إلها الله يغضب فاطمه من تغضب
ريت وشفت كوثر حياتك  تُضـرب
من مصحفك سورتها رادو تُشطب

ضلمو إلي ••أنه وعلي ••بس هلنه بويه إترابك
««««««««««»»»»»»»»
من كالو إنت يامـــــــــحمد أبتر
گلبك حِــــزن والله هداك الكوثر
بيه توصي شمــــــاصعدت المنبر
بويه بضعـــــتك منها ضلع تكسر

أخذو فدك•• مني غصب •حته إنغصب محرابك
««««««»»»»»»»»»
چانو گبل بالضاهر إوياك أصحاب
بس مارحت إنكلبو على الأعقاب
بيه شعمل بغــــيابك بن الحطاب
جمع حطب بيده وشعل بويه الباب

چان الوحي ••هم يستحي•يستأذن إيدك بابك
«««««»»»»»»»»
بسمــــــي شكثر فوك المنابر تقره
فاطم بضعتي وهي روحي الزهره
محد حشم شاني وجـــــلالة  گدره
مني إنطبك وجه  إوكفه  بالعصره

عصرة نذل••كتلت طفل، وزاد انت بويه   إمصابك
««««««««««»»»»»
بويه المـُغيره وخــــالد وقنفذهم
الكال إنت تهجر بالهـجوم أولهم
فاروقـــــك إتسمه يامحمد عدهم
إم ويبـــــنها الطاغيه فــــــــرقهم

صارت إله ••شو منزله •يوم النگر لكتابك
    ««««««««»»»»»
الشاعر نسيم
الحميداوي
http://t.me/NasimAlhamdawi

الشاعر الحسيني نسيم الحميداوي

26 October 2022 22:25

#🥀الســـلام علــﮯ المكــسور ضلـ؏ـها🥀

من دفنها حيدره..إمي شفت اﻷخره
من بعدها والله عالدنيه السﻻم
 الدفنو إكباله الشمس عاش بضﻻم
                      **
أنه زينب كلبي جمره إشلون أصبره المنفجع
أنه شفت بعيني محسن من وكع يجري الدمع
 صدره أزرك من لكيته منه أظن كسرو ضلع
 وإمي مسمار بصدرها نابت وماينشلع
 
والضلوع إمهشمه.. إلها تبجي أرض وسمه
 عليها كلبي محترك حركت خيام
 الدفنو اكباله الشمس عاش بضﻻم ~~~~
 جانت إبسمتها إمي تنثر الدنيه بحنان
 راحت إويمي المحنه ودفنو وياها اﻷمان
 ضلت إبالي صورها بيها أحس بكل مكان
 ومن أشم سجاده إلها منها أشم عطر الجنان

 بطيب إمي الطاهره؛؛؛فاحت أرض المكبره
وحــــضره مــــاإلها ولا إلها مقام
 الدفنو إكباله الشمس عاش بضﻻم
~~~~
إمي لو وكــفت تصلي     تخلي ليــلي جن نهار
وبفكدها بعيني ضلمت الدنيه صارت جنها غار
إمي لو بالصحره تمشي   تخضر وتنطي ثمــــار
هي مدفونه بكبرها     ومــنها ضل يطلع خضار

يمها محسنها اندفن~~وبكبرها ام الحسن
تلولي هي وعالكبر يغفه الحــــمام
الدفنو اكباله الشمس عاش بضلام
~~~~
النفس لوبيدي أكطعه  حته ماعيش بعذاب
الهوه مــــاريد أشمه   وإمي خانكها التراب
روحي فكدت كل أملها. ولبست الأسود ثياب
للزجيه إسنيني أنذر.    ڱــــڵـهه اوزعها ثواب

الطيب أخذ منها الصفه  ~هي بحر العاطفه
          الله نزل إمي رحمه على الأنام
    الدفنو اكباله  الشمس عاش بضلام
~~~~
فاطمه الباري اصطفاها بنوره خالقها الألــــه
والله نزل سوره بيها   من كثر ماعدهه جــــاه
دهري من راحت فجعني وكلبي بالحزن ابتلاه
إسمي كل واحد يكتبه كون يكتب كــــــبله آه

بالمصاب تقارنت،،،،،من الطفوله تيتمت
   دهري كل لحظه يصوبني بسهام
الدفنو اكباله الشمس عاش بضلام
~~~~
قالع الباب الصميده    والــــدي المــــاينهضم
ضهره مكسور على فاطم يكضي ليله بالطم
بالحرب محد وصله   كطع إركاب الخصــم
بالزجيه همه عرفو   ضهره حيدر ينفصم
 
الكوكب الدري إنقبر~~وضهري وي ضهره إنكسر
      يــوم راحــت بيه حل يوم القيام
    الدفنو اكباله الشمس عاش بضلام
~~
للشاعر نسيم الحميداوي
http://t.me/NasimAlhamdawi

الشاعر الحسيني نسيم الحميداوي

24 October 2022 18:16

إلى الزهراء عليها السلام☆

ياكبر يدفن شمسهه      الزهره امي
ماتت او وياي احسهه   الزهر ه امي
واروهه بتراب .... نور امي ماغاب
،،،،،،،،،،،،،،،،،،،،،،،،،،،      ،،،،،،،،،،،،،،،،،،،،،،،،،،،،،،،
اني زينب بس زماني مــــــارحمني    
  من بعــــــد امي الليـــالي عذبنــــي
الدفن ريــت الزجية اوياه دفــنـــي        
اوماعشت لحظة  بحياتي من عسني
          من دمعتي ارسم ملامح ...صـــوره الهه
             مااصــــدك عني راحت ....يمي ضلهه
عيني الهه محراب ،،،،،،،نور امي ماغاب
،،،،،،،،،،،،،،،،،،،،،،،،،،،،،،،،      ،،،،،،،،،،،،،،،،،،،،،،،،،،،،،،،،،،،،،،،،،،،،،

صرت احسن روحي ماتت من فكدهه 
   مااريد الدنيا كــــلهه    من بــــعدهه
بس جسد ضليت اعيشن روحي عدهه       
  وي امــــي كــــل سعادة   فــــــاركتهه
                طاحت مهشم ظلعهه.....ويمهه ابنهه
                 وبس اثر دم علبابي .....ذكرة منهه
 صورتهه علباب  ،،،،،،،،نور امي ماغاب
،،،،،،،،،،،،،،،،،،،،،،،،،،،،،،،       ،،،،،،،،،،،،،،،،،،،،،،،،،،،،،،،،،،،،،،،،،،،،

مو ضلع امي التكسر هذا ظلــعي
هي نامت واني اسهر اجري دمعي
ثوبي اسود دمعي احمر هذا وضعي 
كمت افز بليلي واصرخ يمه ارجعي
                ريت ترجع امي اليه..... حتى اشمهه
                 ارد اشم عطر الزجية.....واغفه يمهه
وشتم عطر هاب ،،،،،،،،،نور امي ماغاب
 ،،،،،،،،،،،،،،،،،،،،،،،،،،،،،       ،،،،،،،،،،،،،،،،،،،،،،،،،،،،،،،،،،،،،،،،،،،،،،،

عاشرت دمعي ونحيبي مااكطــــعة
بكلبي احسن اني صايح صوت اسمعه
بليلي اشعر يقره ناعي بــــراسي ينعه
اشعــل بجمرة حنينــي عيني شمعــــة 
                من أحن بليلي واذكر بس كسرهه
                 الكــّبر يعصرني اشعر من ذكــرهه
....كل ذكره انصاب ،،،،،،،،،،نور امي ماغاب
،،،،،،،،،،،،،،،،،،،،،،،،،،،،،،،،          ،،،،،،،،،،،،،،،،،،،،،،،،،،،،،،،،،،،،،،، ،
 
جان يستأذن مــحمد من يجيهه 
الهادي دوم على المنابر وصه بيه
كــــال فاطم هي روحي ام ابيهه
طه حط جفهه امانه بجف عليهه
                هجمو اصحاب السقيفة والضلالة
                    كسروا ضلوع الهدايه والرسالة
..عصروهه الاصحاب ،،،،،،،،،،،نور امي ماغاب
،،،،،،،،،،،،،،،،،،،،،،،،،،،،،،،،،،             ،،،،،،،،،،،،،،،،،،،،،،،،،،،،،،،،،،،،،،،،
بصحوة تحلم عيني بيهه جنهه يمي
  فوك راسي اشعر اديهه تجلي همي
الباب من دم صورة بيه صورة امي 
 انكسر مــني عليه بكــــــلبي عزمي
              الموت امي فك حزنه ولبست ابيض
               وماكو ليلة من بعدهه جفني غمض
كلبي بحزن ذاب ،،،،،،،،،،،،،،،نور امي ماغاب
،،،،،،،،،،،،،،،،،،،،،،،،،،،             ،،،،،،،،،،،،،،،،،،،،،،،،،،،،،،،،،،،،،،
        •••••• للشاعر نسيم الحميداوي •••••••
/channel/NasimAlhamdawi

الشاعر الحسيني نسيم الحميداوي

17 October 2022 19:18

زماني يهدم أحلامي ونبني
على المحسن ذهيله أصرخ ونبني
طفل مايحمل اللوعه
أظنهم كسرو ضلوعه
يون وروحه مفجوعه
دفنته بالكبر وسمع ونبني
بكل ونه ضلع يكسر إليه..
**
بليلي ألزم مهد محسن ولولي
الصحابه من رحل طه ولولي
أنه الزهره نسطر خدي ولولي
الله وهوه ياخذ ثاري إليه.
؛؛:؛:؛:؛
باب الدار من دمي حنيته
وأنه ضهري بفكد محسن حنيته
دليلي تحركه كل ليله حنيته
يحن وتصور المحسن بديه
؛:؛:؛:؛:؛
الدهر شيد حزن بيه ويبني
وعصرة موت عصروني ويبني
يملك الموت إخذ روحي ويبني
أريدن بالكبر يغفه على إديه
؛:؛:؛:؛:؛
فاطم ياعلي طرحت حملها
ومنو الغيرك يبو الغيره حملها
مصايبها إذا كلبك حملها
شتكل للهادي عن ضلع الزجيه
؛:؛:؛:؛؛:؛
الدهر إم الحسن عني بعدها
وعساني ماعشت عمري بعدها
الثواني الموتي بحسبها بعدها
علي أني وضهري محني على الزجيه
؛:؛:؛:؛:؛:؛
عيون الزهره من طاحت ترابك
وكلبها ياعلي منهم ترابك
تفر الكوم لو تسمع ترابك
يعرفونك علي حامي الحميه
؛:؛:؛:؛:؛:؛
يدنيه لمي أحقادج وضهري
بعد طه نكسر ضلعي وضهري
علي صار الصبح أضلم وضهري
أسود والسمه ضلمت عليه
؛:؛:؛:؛:؛:؛

--
ابوذيات بقلم الشاعر نسيم الحميداوي🖋
/channel/NasimAlhamdawi

الشاعر الحسيني نسيم الحميداوي

22 September 2022 20:14

🍂إلى رسول الله محمد صلى الله عليه وأله وسلم 🍂رئيسيه

مـن غفت يالهادي عينك      يامُحمد
هجمت ذياب على دينك      يامُحمد
جتنه أصحاب الخداع•••الدين صار إلهم قناع
★★★
بعدك الكعبه. مضلمه والمـــــــدينه
وجتنه أصحاب المطامع والضغينه
نصبت أول خليفه بنص علـــــــينه
إشلون الأول صار رابع يانبــــــينه

من كلت هـــــذا وصي     وبلغتهم
راسه طبروه بصلاته     من حقدهم
والغدر عدهم طباع•••الدين صار إلهم قناع
★★★
تصيح فاطم بضعه مني وإم أبوها
من كلت هايه بضعتي مـــــارعوها
الأول. وثاني. يطـــــه عــــــــذبوها
سطرو الزهره علخـــدها وشتموها

ومن كلت باب الزچيه    هذا بابي
إحترك بعدك يطه    بچف صحابي
ماكو بيهم كل شجاع••••الدين صار إلهم قناع
★★★
لبسو إثياب العقيده وسلـــــبونه
وإحنه بسمـك يامحمد ذبحــونه
من كثر مــــــــاعذبوكم عـذبونه
سيدي الصله على تربه إيكفرونه

الدنيه صارت إحنه ضدنه وفاركنه
وكلها رادت تفترسنه   مـــن عفتنه
چن غزال بنص ضباع••••الدين صار إلهم قناع
★★★
جتنه أصحاب المطامع والسياده
تقمــــــصو ثوب الديانه والعباده
بلاضمــــــير بلا حميه جتنه قاده
باعـــــــو الدين وذممهم عالقياده

الغيره بيهم والله ماتت     هالنواصب
وركضت بن العاص صارت عالمناصب
وستمر هذا الصراع••••الدين صار إلهم قناع
★★★
يا أبو القاسم وحقك مــــا أجامل
مـاشفت حاكم إجانه وهوه عادل
سيدي جـــــتنه عصابه كلها باطل
كثرو عـــــــــدنه اليتامه والأرامل

يانبينه ششتكيلك     وإنت أدره
تسترو بالدين دينك    من يستره
والتستر بينه شاع•••الدين صار إلهم قناع
★★★
إلي كالو إنت تهــــــــجر بالوصيه
تأمرو ضد الصمــــيده والزچيـــه
شفنه من ظلم السقيفه كـــل رزيه
ومـــــــن هذاك اليوم لسه الطائفيه

فرقه فرقه الطائفيه    فــــــرقتنه
المهدي وحده يلم شملنه   بي أملنه
ويقضي عالهمج الرعاع•••الدين صار إلهم قناع
★★★
للشاعر نسيم
الحميداوي🔗🖋🖋
/channel/NasimAlhamdawi

الشاعر الحسيني نسيم الحميداوي

02 September 2022 21:30

نزله على لحن أحمد الباوي زينب إوياك»
إلى الحسن المجتبى ع

فاطمه اليوم، يمسموم تنوح الچبدتك
وحته الأملاك يمضلوم نعت لمصيبتك
دم دمعها••دم معها
«««««««»»»»»»
إمك تنوح بألمها تصب ليك الدمــــــع
لطمت عليك صدرها نست كسر الضلع

مامثل سهمك سهم•••خله بالزهره ألم
وكصدت بنار گلبها تشيع جثتك
«««««««»»»»»»»»
سهمك الصاب چبدها وچبد حامي الحمه
وصبت الحور دمعها وبچت حته السمه

والسمه فگدت بدر•••تواره بتراب الگبر
وچانت تنور يمهيوب سمانه بطلعتك
««««««««««»»»»»»»
الوادم إورود طبعها تطش فوك النعش
وإنت إسهام رموها عليك أهل الدغش

وبالنبال تشيعيت••يالحسن وتعذبت
وضلت تراب لهليوم نشاهد حضرتك
«««««««»»»»»»»»»»»»
ليش لليوم حضرتك يساويــــــــها الترب
وهاي الأشرار حقدهم يضل فوكك يصب

ليش گبرك يندثر••••الكعبه خافو تنهجر
الوادم إطوف بالحرام تضل بگعبتك
«««««««««»»»»»»
يكصد إيزور حضرتك أمل كل جعفري
وانه حبــــيت تمنيت دفنتك بالغري

ويم ضريحك ننجمع•••نلطم ونجري الدمع
ونكصد بشوك نزورك نقبل عتبتك
«««««««««»»»»»»»
گلبي مشتاك يزورك يحن ليك الكلب
كل مسه دموع مصابك تهل دم وتصب

عاشك وگلبي إمتحن•••بين الحسين وحسن
بدمعي الحسين اواسيه ونوح الحضرتك
«««««««»»»»»»»
للشاعر
نسيم الحميداوي

/channel/NasimAlhamdawi

الشاعر الحسيني نسيم الحميداوي

31 August 2022 18:02

على عيوني نرسمتي••إلچ رخصت دمعتي
يارقيه ••••يارقيه
««««»»»»»
تجــــــرعتي الهضم بالغاضريه
وتكبعتـــــــي بجمـــــر نار الرزيه
شفتي حسين أبوچ على الوطيه
على صدره تدوس خيول ميه

حزن منچ أخذنه•••على الدنيه كتبنه
يارقيه ••••يارقيه
««««««««»»»»»
من أذكر مــــــصابچ أنسه حالي
تهل عيني إلچ طـــــــول الليالي
ردت أرسم إلچ صوره على بالي
لكيتچ إنتي أكبر مـــــــن خيالي
فكر واسع ذهلتي••••بدت منچ محنتي
يارقيه••••يارقيه
««««««»»»»»»»»
بعد ذبچ الأهل حركوها الأديار
وطلعتي من الخيم بثيابچ النار
مــــــنچ سلبو قرطچ والسوار
إذنچ تجري دم وإيدچ عالخمار

يبو الغيره صرختي••••لبو اليمه ركضتي
يارقيه ••••؛؛؛؛••يارقيه
«««««««»»»»
للحومه ركضــــتي وكلبچ إيذوب
سحكتي على الجمر بجدام مرعوب
على وجها لكيتي حسين مكلوب
لذتي بسد أبوچ وهو مخضوب
كلتيله إفزع إلنه••••تره حركو خيمنه
يارقيه•••يارقيه
«««««««»»»»»»»
نضرتي على الخيم نضرة مشاعر
مشيتي إميسره ومكسوره خاطر
كل دمـــــــعه إلچ ألفتي شاعر
كل خطوة جدم صارت منابر
من رحتي سبيه••••لفت ليچ المنيه
يارقيه•••يارقيه
««««««««»»»»»»»
دمعاتچ صفت إلنه مــــــدارس
دمعچ خضر وأثمر مـــجالس
إلچ تنعه الجوامع والكنائس
إلچ نرسل سلام ويالنوارس
سلام إوياه دمعنه•••وابد مافك حزنه
يارقيه•••يارقيه
««««««««««»»»»»»
بعد حرك الخيم متيسره رحتي
وبالشام بخرايب مـــن سكنتي
جابو راس أبوچ وإنتي شفتي
صحتي بصرخه وحده ويمه متي
متي وانتي طفله•••حزنچ من يحمله
يارقيه••••يارقيه
«««««««»»»»»»»
للشاعر نسيم
الحميداوي🖋🔗🔗
/channel/NasimAlhamdawi

الشاعر الحسيني نسيم الحميداوي

31 August 2022 18:02

تجليبه إلى عزيزة الحسين ع رقيه

رقيه مـن الزغر تركتها دنياها
ماگدرت تعيش بولية إعداها
•••؛؛؛؛؛؛•••
إعداها سبتها وحركت إخيمـها
تدير العين أهلها بس جثث يمها
ذبح حــسين أبوها ضل يألمها
بعده إلمن تبث هالطفله شكواها
«««««««»»»»
شكواها بگلبها هي مـــخفيه
بعده أول عمرها وتمشي مسبيه
كبل بضل أبوها تغفه محميه
لا والي البگه هاليله وياها
«««««««»»»»»
وياها مــشت بس اليتامــه تنوح
عافت جسم أبوها عالترب مطروح
تركت عمها يم المشرعه مذبوح
ياطفله بعمرها إتحمله بلواها
««««««»»»»»
بلواها الصخر من عنده يتفسر
لو أيوب يمــــــها بكربله يحضر
لاشك نادى يارب مسني انه الضَر
النبي يجزع لون مَر برزاياها
««««««»»»»»
رزاياها تشيب البعـــده مامولود
بچه إلها محــــمد والنبي داوود
وكل مرسل يواسي الغايب الموعود
هاليله المـــــــصيبه هي ذكراها
««««««»»»»»»»
الشاعر
نسيم الحميداوي
/channel/NasimAlhamdawi

الشاعر الحسيني نسيم الحميداوي

28 August 2022 12:52

موشح إلى الحسن المجتبى ع#

أنه مـــضلوم الحسن سموني
لسه مــــهدوم الگبر خلوني
•؛•؛•؛•
هاك إخذ صورة عذابي ومحنتي
حته تعرف هم مصابي وقصتي
وإنت إنشد ليش طاحت گبتــي
وأعــــــرف الناس الذي ضلمــوني
«««««««»»»»
خلي دمعك يجري ويطيح الوجن
مثل مادمعي خلص وانه الحسن
لوشفت شيعي تخف بيه المحن
يمته أشوفن شيعتي إيحيطوني
««««««««««»»»»
مــــوسهم سهمين نابت بالصدر
حته نعشي إنصاب بسهام الغدر
من حقدهم هدمو فوگي الگبر
ويم گبر جـــــدي ولادفنـوني
«««««««««««»
هـذا حكم إم الجمل وإم الفـــتن
أنه أضل بلا ضــريح ولا صحـــن
والكسر ضلع إمي يم جدي إندفن
وأنه عـــــن كبر النبي بــــعدوني
««««««« »»»»
أنه عيني الشافت أشكال العــــذاب
وگلبي نادى يريد ياشيعه الجـــواب
ليش گبري اليوم باقي على التراب
ومـــــاوصلتو ولسه مــــــازرتوني
««««««»»»»»»»
مو عجيبه الگلب لو مل ويصـــــيح
لاعجيبه الجبل من يهوه ويطــيح
بس عجيبه الحسن يبقه بلا ضريح
ونادى بديار الغـــــرب واســـوني
«««««««»»»»»»»
الشاعر نسيم الحميداوي🖋🖋

/channel/NasimAlhamdawi

الشاعر الحسيني نسيم الحميداوي

15 August 2022 08:49

رئيسيه إلي علي بن الحسين زين العابدين •

أنه علي السجاد دهــــــــري فجعني
وچم مره سيف إعداي بالطف ذبحني
أهلي شفتهم•••خصمي ذبحهم
««««««»»»»»»»»
على الجنــــــه إنتحب أدم ويدري إلها يردونه
وعلى يوسف حزن يعقوب بچه لمن عمه عيونه
ومــــاشافه تدوسه الخيل وإكباله يذبحـــونه
ولون مثلي بتله بأهلـــــه نحب لمن يشيعونه

حتــــه الجبال إذوب لو مـــرها همي
وعاف الصبر أيوب لو لحضه يمي
گلبي اليحبهم،،،، خصمي ذبحهم،،،، بالطف ذبحني
«««««««»»»»»»»
أنه الصابر العـــــابد منهو بهالخلك مثلي
مثل موج البحر حزني ودمعي على الوجن يغلي
الدهر مثل النجم شتني ومايلتم بعد شملي
كلها راحت أحـــــبابي ويمي إذبحو أهلي

چم لوعه چم مصاب راوتــني دنياي
حته الطفل ذبحوه عبد الله عالماي
وأحبابي كلهم••خصمي ذبحهم••بالطف ذبحني
«««««««»»»»»»»»
أول ذبحه ذبحوني من ذبحو علي الأكبر
ثاني ذبحه عبد الله وشوفت جاسم إموذر
وعمي الكطعو چفوفه هذا الفارس الأزهر
ونحرت والدي منحور من كطعو إله المنحر

الأكبر وجـــــسام ضلو رميه
والگمر وي حسين فوگ الوطيه
وبعيني أصدهم••خصمي ذبحهم••بالطف ذبحني
«««««««««»»»»»»
الحديد تلين الداوود وذبح بالطف أبو اليمه
وناره إموجره النمرود الخليل إيطبها متهمه
وماخمدت لبوي حسين عجيبه وحركت إخيمه
والأعجب تدوسه الخيل وإمـــــه فاطمه يمه

من دم ابو السجاد صبغت شعرها
ومن نضرة الأجساد ذكرت كسرها
لمت جثثهم ••خصمي ذبحهم••بالطف ذبحني
««««««««»»»»»»»
خليل الله حضر بالطف وادم والنبي المختار
محامل نزلت إوياهم بالعتره تشوف الصار
نضرو فاطمه الزهره مكدره وماعليها خمار
شمس شافوها مكسوفه ويمها مذبحه الأقمار

مذبوحه عالتربان آهل الرساله
من خيرة القــــــرأن وطهر سلاله
ربنه إلي خصهم•••خصمي ذبحهم
««««««»»»»»»»)
الزمن كل لحضه يذبحني ويرد لحزانه يحييني
علي رميه بأثر رميه زماني بسهمه يرميني
سحاب المدمع بعيني من أغفه يصحيني
وشفت من الدهر لوعات وبعد شكثر يراويني

شفت اليتامه باليل حركو خيمها
وچم طفله هاي الخيل داست جسمها
محد رحمهم••••خصمي ذبحهم••بالطف ذبحني
«««««««»»»»»»»»
الشاعر نسيم
الحميداوي

/channel/NasimAlhamdawi

الشاعر الحسيني نسيم الحميداوي

09 August 2022 21:46

عن لسان الحوراء ع في اليسر#

اليوم وحدي إميسره إبين الأعادي
الناس چانت تعتني وتطلب مرادي
أنه جبرائيل هز مهدي إليه
هسه ليش إحبال مچتوفه وسبيه
«««««««»»»»»»

نار باب إمي إحركت كل ذكرياتي
وصلت الطف كربله وحركت عباتي
وباليسر من الله صرت أطلب وفاتي
الباري يدري على الهزل صارت صلاتي

الدنيه ضدي إندارت بليله وضحاها
ونسبت بت باب خيبرهم دحــــاها
وچانت إنذوره گبل تنشد بديه••
هسه ليش إحبال مچتوفه وسبيه
«««««««««««»»»»»»»»»
راس ابو اليمه الشمر شفته يگطعه
عالرمح يقهرني رايد من يرفعـــه
راسه ضل قران يقره وانه أسمعه
صيحتي الشامت تفرحه بگلبي أنعه

الدمعه حرمه ولا أبد لا مافرعتها
دمعتي إكبال الشماته كبــــــعتها
بيه غيرة حيدره وعزم الزچيه
هسه ليش أحبال مچتوفه وسبيه
وانه زينب•••وانه زينب
««««««»»»»»»»»»
من وصلنه الشام أهلها إستقبلونه
بصفكه ودفوف وهلاهل من إجونه
ثاري عيد الشام عدهم چتل إخونه
وبالقصر بأسم الخوارج لقــــــبونه

ريت ميته ولادست عتبة قــــــصرهم
أنفاسي متوضيه وحرام أشتم خمرهم
جيت متوضيه بدمه إحسين وأخيه••
هسه ليش أحبال مچتوفه وسبيه
«««««««««»»»»»»»»
راس أبو اليمه بطشت لمـــــن نضرته
گلبي ضل لحسين يبچي وينعه سكته
وراس عباس الهضمني دم عبــــرته
إكباله بالمجلس شماته سبو إخته

صاح لو أمــــــلك إديه عاتبيني
يختي ماعندي شمالي ولايميني
خالفت وعدك تكله هالمنيه•
هسه ليش أحبال مچتوفه إديه
««««««»»»»»»»»
الگال زينب تنضرب ماجل گدرها
مادره أملاك السمه تحرس خدرها
مادره چان الوحي إوياها بيسرها
هاي زينب هي ستر الله سترها

تگول بس أهل الضلم لامـــــارعوني
وحته شمس الله إستحت من يسروني
وختفت ماترضه عين تصد عليه،،
هسه ليش أحبال مچتوفه وسبيه
وانه زينب•••وانه زينب
««««««««««»»»»»»»)))))
الشاعر نسيم الحميداوي/channel/NasimAlhamdawi

الشاعر الحسيني نسيم الحميداوي

08 August 2022 06:59

ليلة الوداع»» ليلة العاشر

أخر مسه أهلي وياي   باچر أسيره ويعداي
  وحدي  أظل  بغربـــتي   ليه تضل بس دمعتي
                                 **
ياليل   طول  خل أودع  أحبابي
ظعن  اليسر باچر أشوفه إبابي
ونار  العده تحرگ جميع أطنابي
وطلع أسيره إمكبعه   بمــــصابي
 
  ولمن أطب الكوفه••  برمح الشمس مكسوفه
      بعيوني تضلم دنيتي    ليه تظل بس دمعتي
                                     **،،،،،،،،،،،،،،،،،،،،،،،،،،،،،،،،،،،،،،،،،،،،،،،
باچر  أودع    للذبح     خــواني
وأبقه  وحيده من عكب  ولياني
وهاي العده تنكر جــــــﻻلة شاني
زمره خبيثه  وضالمه  عــــدواني
 
وكت الصلاة إيصلون••   ولبن الرسول إيذبحون
     أتمنه  كطعو ركبتي   ليه تضل بس دمعتي
                                **     ،،،،،،،،،،،،،،،،،،،،،،،،،،،،،،،،،،،،،،،،،،،،،،،
ماتغفه كل عين  اليمر بيها   الخوف
ومر بيه طيفي بيقظتي وعيني تشوف
بدر  السمه دامي أشوفه ومــــكسوف
حس كــــلبي  عباس اليكطعوله جفوف

الچف الكفاله إيكطعون •• حته الخيمنه إيحركون
   ولو أني حركو  خيمتي ••ليه تظل بس دمعتي
                              ***،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
باچر    أروح   إمكــيده  إبين إعداي
ويم  النهر   أترك چــفيلي   الــوفاي
بعد  الكمر علكم   صبح ريت المــاي
وريت الله أخذ  روحي وأودع دنياي
      
أتمنه  يكرب أجلي•••  صعب اليسر عالمثلي
          أنه اﻷميره بهيبتي •••ليه تظل بس دمعتي
                          *،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خيمه إخوتي ليه وأنام   بضلهم
بليل الكدر عيني تشوف بضيهم
فوك الثرى باجر عيوني تصدهم
وعنهم أروح  وعالترب   أتركهم
     
أمشي  وأدير عيوني ••  وين إخوتي إيشوفوني
       إلهم ألوح  بيمنتي؛؛   ليه تضل بس دمعتي.
                               ***،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هذا أبرها الشمر  وعلينه   إتحزم
والكعبه   باجر   عالحرم     تتهدم
 ونحر  الحسين المنكطع جن زمزم
والمروه زينب     باليسر      تتألم

عن اﻷهل ظعني إيشيل•• وأمشي أنه وي أهل الفيل
أمشي   وأعوفن   كعبتي    ..ليه تضل بس دمعتي
                                 ***،،،،،،،،،،،،،،،،،،،،،،،،،،،،،،،،،،،،،،،،،، للشاعر نسيم الحميداوي🍂🍂/channel/NasimAlhamdawi

الشاعر الحسيني نسيم الحميداوي

07 August 2022 19:47

يوم العاشر هز العالم•••وينحب نوح وعيسى وأدم
تبچي الأملاك ومحزونه،،،، وكل مرسل دم تجري عيونه
««««««««»»»»»»»»
محمد يسأل بجـبريل يگله تبچي شنهو الصار
الجنه إهتزت وضلمت من عدها إنطفت أقـــمار
إمـــرني الباري يا طه أطفي من الجنان أنوار
أبو اليمه إنذبح وإمه تلطم ماعليها إخمار

خاف تشوف الزهره الوادم
ضللت بجنحي انه الفاطم
صاحت ليش إبني إيذبحونه••وكل مرسل دم تجري عيونه
««•«««««»»»»»» •»
آمـــلاك ورسل نزلت طافت جسم ابو اليمه
يخاطبهم رسول الله وينحب سيد الرحمه
مــــني حسين كتلهم وكطعت راسه هالأمه
بحوافر هشمو إضلوعه الأمس كسرو ضلع إمه

نفس الچف الساطر خدها
رد هاي السطره إيجددها
لحسين الخد إيسطرونه،، وكل مرسل دم تجري عيونه
«««««««»»»»»»»»»
هاليله إنذبح يحــيى وعيسى هالمسه مصلوب
وتهدم مــعبد سليمان أبو اليمه وكع مخضوب
وموسى ويوشع وذانون ومحزون النبي يعــقوب
وينحبله النبي إسماعيل ومسني الضُر يصيح أيوب
وناجه الباري بيوم إمصابه
يارب إحسبني من أصحابه
وياريت من إلي يخدمونه••وكل مرسل دم تجري عيونه
«««««««»»»»»»»»
كل ميت إله حرمه بدمعه تشيعه طبع الناس
وعطر فوگ النعش ينطش وينثرون الورد والياس
بس حسين أبو الأكبر دامي وعالترب ينداس
ثيابـــــــه تسلبت منه وشالو عـالسنان الراس

هذا أول ميت يتكطع
ويتسلب لامايتشيع
بدال التشييع يسحكونه؛؛؛وكل مرسل دم تجري عيونه
«««««««««»»»»»»»
إجت إم الحسن وتصيح تصوب گلبي بصوابك
مثل إمك صرت مضلوم يبني ويفجع إمصابك
أمس بابي بغدر حركوه وإنت حركو أطنابك
ومن عندي فدك سلبوه وإنت سلبو إثيابك

زمره إلي كسرت ضلعيني
لضلوعك كسرو يحسيني
وصاهم طه وفجعوني•••وكل مرسل دم تجري عيونه
«««««((«««»»»»))»»»»»»
للشاعرنسيم الحميداوي
/channel/NasimAlhamdawi