خــــــواطر وثقافات

23 March 2024 14:43

THE TREATMENT we ACTUALLY GIVES to this child which have shown BENEFIT are VASODILATORS (NIFEDIPINE)and SYSTEMIC STEROIDS.

HOWEVER, ALL THESE REQUIRE RAPID REFERRAL, AS TREATMENT IS UNLIKELY TO BE SUCCESSFUL MORE THAN 24 HOURS AFTER INGESTION.

THE THERAPEUTIC course taken for this child via NIFEDIPINE and SYSTEMIC STEROIDS (Initial Dexamethasone then oral prednisolone)over a 5-7 day period appears THERAPEUTICALLY BENEFICIAL, WITH MINIMAL TO NO TOXICITY.

A GOOD KNOWLEDGE AND A VERY GOOD PRACTICE , IS WHAT WE CAN USE IN TIMES LIKE THIS 🙏

خــــــواطر وثقافات

13 April 2021 13:58

صباح الطاعة في رمضان💗
قومو صلو صلاة الضحى .. بتعادل
٣٦٠ صدقة ... والنبي قال خير من الدنيا
ومافيها ... وهي صلاة الأوابين وكان الله
للأوابين غفورا .... بتسهل الأمور ... وأجرها في رمضان أعظم 💗

خــــــواطر وثقافات

14 December 2020 13:35

حقيقة مايجري في الساحة حول إضراب نواب الإختصاصيين والشروع في مطالبة حقوقهم المكفولة ..

ممارسة الطب في السودان هي عملية مرهقة بالغة التعقيد ، مستنزفة جسدياً وإقتصادياً وإجتماعياً .. ويمكن أن تقدمك قرباناً لبراثن الهلاك ..
قف هذه المهنة في السودان خطرة قابلة لكسرك فإحترس .. !

بما أننا متورطون تماماً كأطباء يمارسون المهنة في ظروف تمدك ألسنتها وتبيعك البؤس وتردي الحال ..
كان لازماً علينا تجريد الحقيقة من كل تغبيش وتعتيم وغموض إكتنفها ..

فور تخرجك من كلية الطب تشوبك الأماني وتعتلي بك الأمنيات إلى عنانات بعيد ..
تعتقد مخطئاً تنعمك بالإستقلالية المادية والخروج من إطار الإنفاق الأسري ..
كطبيب عاقل بالغ مختار رشيد إستلم وظيفته تحت مسمى طبيب إمتياز ، هنا بداية الطريق الوعرة والعراقيل والمتاريس وكل تقويض لحداثة أحلامك التي على هيأة تخرجك ..

عليك أن تنتظر عاماً كامل أو أنقص قليلاً من فور تخرجك وأداءك القسم الطبي ، لأسطورة إسمها (التوزيع) ، أسطورة لا تقل عن الغول والعنقاء ، تنتظر وتنتظر إلى أن يكتمل الغول ويتشكل للحم ودم وجسد ، ويتم توزيعك في إحدى مستشفيات هذا الوطن عفواً أخاف أن يشملني متن الحديث (مايزال الرجل يكذب ويتحرى الكذب حتى يكتب عند الله كذاباً ) .. لم أوفق في الوصف (المستشفيات) فهي مادون مقومات مركز صحي أومرفق رعاية صحية أولية في دولة محترمة .. فحريّ بنا ان نسمي الأشياء بمسمياتها ..

كطبيب إمتياز فأنت في خانة متدرب ، ليس عليك حرج الإثم والخطيئة كما الصبي دون الإحتلام والمجنون الذي في ذمة العاقل والنائم مسترسلاً في أتون غفوته ..

لزاماً أن يتم تلقي الموجهات بتراتيبية تنازلية (الإختصاصي ، نائبه ، الطبيب العمومي ثم الإمتياز) وهذا ما تفتقره أغلب المستشفيات الولائية منها وحتى مستشفيات المركز ..
فعلى عاتق من يقع تقصير نقص الكوادر وتدريب حديثي التخرج ؟!
وزارتي الصحة الولائية والإتحادية مسؤولة مسؤلية مباشرة عن الصحة وشريحة متلقيها من مواطنيين وتوفير الكوادر حتى يتحقق التدريب الأمثل ..
فهذا هو الفيل فلتُبقر بطنه بسهام من نقد وتعنيف ..

.
.
.
يتبع

خــــــواطر وثقافات

30 May 2020 12:25

غنى ليها......🎶
جايي منك وماشي ليك يا مدائن غربه طآلت ..🎀
لو مدارات نجمي ضلت وسكه السفر استحآلت..🎀
كوني في دربي الحقيقه الديمه ليها مشاعري مآلت💝🎀🎶
💙💙💙

خــــــواطر وثقافات

30 April 2020 03:35

يـرن هاتفك.. لتجـد أن المتصل طبيبٌ متطوعٌ معك فارقته قبل دقائق ..
-فتُجيبُ عليه لتسمع صوته متغيراً عن ما تركته عليه ..
- "إن شاء الله تكون ما مشيت لأولادك" !؟ لأنو نتيجتـي طلعت +ve وفـي 7 معانا برضو، أمشي عشـان تفحـص وإن شاء الله يطمنوك..

تتجه إلى مكان الفحص، بخطًى متثاقلة، وأطرافٍ باردة وتكاد تسمع دقاتُ قلبك المتسارعة بوضوحٍ تام، ويضيق عليك صدرك وأنت تتحكم بشهيقهِ وزفيره خشيةً منك أن يتوقف، وتضيق الأرضُ عليك بما رحبت، وتوقِنُ تماماً أن لا ملجأ لك مِن الله إلا إليه.

تأتيك أخصائية المختبر بوجهٍ بشوش يختبئ خلف أقنعةٍ وكمامات وبدلةٍ ثقيلة لا يدخلها الهـواء مِن بين يديها ولا من خلفها، بمحاولةٍ منها لتلطيف الأجواء بالرغم من كل الحر الذي تشعر به هي لتُخفف مِن حِدّة توترك أنت، ولتشرح لك عن ماهية الشيئ الذي ستُدخله لك فـي أنفك بطول 8 سنتميترات، ليعبر كل التجاويف التـي تعرفها وما لا تعرفها داخل رأسك وتُحذرك أن لا تعطس لتُخرج تِلك العينة التي ستحدد مسار حياتك أو ربما مماتك!!..

قبل أن تبدأ تُباغتك بسؤالك عن اسمك ليربطها عقلك الباطن بسؤال الملكين لك "من ربك!؟"
فتُجيبُ فزِعاً كأنك تخشى نسيانه، فلطفاً بنا يارب إن رُددنا إليك.
ثم ستسألك عن عُمرِك، لترى شريط حياتك يمر أمامك وتنظر لشبابك فيما أفنيتـه!؟
أتظن ما فعلته يُنجينـي يا رب !؟ لا والله لا أنجو إلا أن تسعني رحمتك

تُباشر هـي فـي عملية إخراج روحك عن طريقِ أنفك بكل هدوء حتى تخفف من حدّة ألمك، لتفتح بعد ذلك الدموع اللاإرادية عينيك رغماً عنها، لتُخبرك بنهاية مرحلة أولى لكـي ترد إليك روحك، لتُذيقهـا بعد ذلك عذابات الترقّبِ وانتظار النتائج.
أسينجيني الله أيضاً هذه المرة أم تكون قدْ كُتبت نهايتي على يد فيروس!؟

فالله نسأل أن يهبنا يقيناً يُنجينا، فرُبما الأسبابُ قد هُيّئت والجبرُ باتَ قريباً

العفو والعافية

خــــــواطر وثقافات

03 April 2020 22:03

إضطراب الاعراض الجسدية somatic-symptom-disorder

في ناس كتيرة بتشكي من أعراض جسدية وبتمشي تقابل اطباء مختلفين ويعملوا فحوصات ويقولو ليهم ماف مشكلة واي فحص يطلع نضيف!! وتاني يخش في نفس الدوامة(يقابل ويفحص).. الخ والناس تقول عليهو شكاي ومضيع قروشوا في الدكاترة والمعامل ساي 🤷‍♂️
يلا الموضوع دة ممكن يكون اضطراب نفسي ؟؟🤔
اي ممكن خلينا نقرأ عن موضوعنا الجاي

اضطراب الاعراض الجسدية : يتميز بوجود عرض أو أكثر من الأعراض الجسدية بدرجات متفاوتة مثل ( التعب والآلام وضيق التنفس.. الخ) وغالبا لا ترتبط بوجود حالة طبية مشخصة أو سبب طبي مباشر ؛ويصاحب الحالة أفكار مستمرة ومقلقة بخطورة تلك الاعراض ،وعادة تستمر لفترة اكثر من ستة أشهر من خلالها تتأثر حياة الشخص اليومية.
ويشمل الاضطراب أفكار وسلوكيات كالآتي :

_ قلق مستمر بشأن المرض المحتمَل
_ النظر إلى المشاعر الجسدية العادية كعلامة على المرض الجسدي الشديد.
_ الخوف من خطورة الأعراض، حتى إن لم يكن هناك دليل على ذلك.
_ الاعتقاد بأن الشعور الجسدي مهدِّد للحياة أو يضرها
_ الشعور بأن التقييم الطبي أو العلاج لم يكن مناسبًا
_ الخوف من النشاط الجسدي قد يسبب تلفًا بالجسم.
_ الفحص المتكرر للجسد بحثًا عن أية أشياء غريبة
_ زيارات متكررة للعناية الصحية التي لا تُهدِّئ من مخاوفك وتزيدها سوءً
_ لاتستجيب للعلاج الطبي أو حساس بشكل غير عادي للتأثيرات الجانبية للعلاج.
_ الشعور بالوهَن بشكل أكثر شدة مما هو متوقَّع عادةً من أي حالة طبية

لو حسيت بأنه معالم الاضطراب دة قريبة منك يبقى لازم تقابل الطبيب النفسي علشان تتطمن ويتم عمل اللازَم.
#Mental_health_awareness

تحياتي 🌹
د. أحمد مجذوب

خــــــواطر وثقافات

31 March 2020 13:44

#مدخل
ياالله نيزك يحلنا من التخلف دا
😾😾😾
انا اتأكدت تماما انو نحن نسير في الطريق الصحيح شعباً وحكومة 😏😏 براڤو بالجد والله 👏👏
.
الشعب السوداني الشقيق مايصدق يلقى موضوع ويدور سخرية وطعمية ..... ياخ انتو ناقصين بلاوي ؟؟؟
🙇🙇🙇
اقسم بالله دا شعر ماعندنا ليهو رقبة
والله الكورونا اللي بتطعمجو فيها دي تنتشر عندنا تنتهي مننا في اسبوع 😤😤😤 انتو فاكرين عندكم مستشفيات ولا نظام صحي ؟؟؟
لا بس عليك الله قول لي انت معتمد على مستشفيات البلد ؟؟
ياعممممك خليك عارف انو ماعندنا سراير ICU ولا اجهزة تنفس صناعي
هي كلها اسبوعين ياحبيب ✌ يادخلنا التاريخ ❤ او طلعنا من الجغرافيا 💔
.
عليكم الله خلو العواليق البتعملو فيهو دا
الناس في شنو والحسانية في شنو ؟؟؟
العالم كلو بستعد للحرب العالمية التالتة والشعب كلو شغال (لو لعبت معاي كورة لعبي بشبه منو ؟؟)
معقولة يابشر ؟؟؟ دا وقت كورة ؟؟ هل تعتقد انو دا وقت لعب ؟؟ يلعب فيك فيروس يخليك تفتش الM V
يلا نجي لحكومتنا الموقرة 💟 حكومة الثورة 💝 حظر التجول بالليل دا الا يكون لأغراض سياسية غايتو لكن خليكم عارفين انو الفيروس دا بحوم اليوم كلو ما بالليل بس !!! وخطرو بالنهار اكتر لانو الزحمة بتكون اكتر !!!
افرضو حظر التجول الشامل الله يهدينا ويهديكم يااااخ
# وبالنسبة للناس اللي ح تقول (والناس الشغالة رزق اليوم باليوم ) احب اقول ليكم ماف زول بموت من الجوع لكن في ناس كمية ح تموت بالكورونا
.
وبالنسبة للناس الماسكين الدين من نصو وماسكين في (يدرككم الموت ولو كنتم في بروج مشيدة)
و(لن يصيبنا الا ماكتب الله لنا )
ماتنسو ياناس القال الكلام دا برضو قال ليكم (ولا تلقوا بأيديكم الى التهلكة )
.
#حاجة_اخيرا
جماهير شعبنا الابي الرجاء عدم الانصياغ وراء الخرافات وونسة الحبوبات ويقولو ليك اكتشفنا علاج وبتاع وطلس الشاي والمنقة والجنزبيل والمر الحجازي !!!
علاج مااعلنتو وزارة الصحة ومنظمة الصحة العالمية WHO يبقى طلس لا اكثر
الرجاء ياجماعة اترزعو في بيوتكم الله يهدينا ويهديكم خلو الازمة دي تعدي
وخليكم عارفين انو نحنا معركتنا الحقيقية مع انتشار الفيروس
لانو لو انتشر ماعندنا معاهو معركة
#Stay_safe_stay_home
#اترزع_في_بيتك

خــــــواطر وثقافات

31 March 2020 08:08

السلام عليكم💜...نحنا في فتره حرجه ياجماعه ....لازم اي زول فينا يشارك في الثقيف الصحي ويوعي اخوه ونقيف مع بعض علشان نقدر نمر من الازمه دي بسلام🖤🤍💚❤ ......
دي اغلب الاسئله الكنا بنتسائلها لما كنا شغالين الفتره الفاتت في التثقيف🌸...ماتنسى انت حتمشي للزول لازم تتونس معاه شويه علشان تقدر تحدد هو تبع ياتو فئه من فئات المجتمع لانو كلو زول حتوصل ليه المعلومه بطريقه مختلفه عن غيرو💕 ....وماتنسى لازم تقيف على بعد متر منو على الاقل وحتسلم عليه من بعيد👌 ....ولازم تاخد كل احتياطاتك ....سلامتك مهمه شدييييد ...انت اهم كادر ابقا عشره على نفسك 🌸💜....حتقول ليه ياحاج كيفك ....انا فلان الفلاني عاوز اكلمك شوووويه عن مرض الكورونا ......ونبدأ الاسئله

1⃣هوي صحي هو ذاتو يعني شنووو كورونا؟

هي مجموعه كبيره من الفيروسات حاجه قديمه ماجديده علينا... ربع النزلات العاديه دي كانت بتحصل بسببها... هي اساسا كانت بتجي للطيور بعداك طورت نفسها وبقت تمشي للثديات وبعداك قدرت تطور نفسها اكتر ووصلت لينا💔.....وبتعمل لينا وللحيوانات نزلات البرد العاديه دي... بس هسا عندنا نوع جديد معذب العالم 🌍 كلو اسمو كوفيد19😷....اول مره ظهر في مدينه ووهان الصينيه.... في مطعم بتاع مأكولات حيوانيه وبحريه... اغلب الناس قالو جات من الثعابين وفي ناس قالو من الخفافيش دا مامهم... المهم هسا انو اثبت تماما انتقالها من زول لي زول

2⃣طيب كيف الكلام دا... كيف بتنتقل؟؟
بتنتقل بطريقتين.....😷وحده عن طريق الرزاز المتطاير لما تكح اوتعطس....وحتى الكلام الساي دا مع زول مصاب بمسافه قريبه ممكن ينقل الفيروس🤢 للاسف الشديد ..... بس في حاجه كويسه انو الفيروس دا تقيل شويه فما حيبعد اكتر من متر عشان كده بنزل في الاسطح ...يعني الطريقه التانيه لما تهبش سطح من الاسطح الملوثه بالفيروس...وتشيل يدك الوسخانه دي الماغسلتها دي😓 وتهبش بيها وشك ممكن يخش الفيروس عن طريق عينك او انفك اوخشمك 🤦🏽‍♀😓...وممكن يعيش الفيروس في السطح وعلى حسب نوعو من ساعات لي ايام ...مثلاً ممكن يعيش في الاسطح والاواني البلاستيكية دي اربببببعه يوم 💔🥺....

3⃣ دا كلام دا.....طيب لو جاني انا اعرفو كيف... ووووب علينا نحنا 🤦🏽‍♀؟؟

الفيروس عندو فتره حضانه تتراوح من يومين لي اربعتاشر يوم.... بس في الغالب كده اربعه يوم.... بعداك ممكن ماتكون عندك اي اعراض انت نصيح اي بس هنا انت بتنقلوا للناس 💔....وممكن تتراوح الاعراض من نزلات برد عاديه لي متلازمه تنفسيه قاتله حمانا الله واياكم 🥺.....والأعراض ممكن تكون في صوره حمى عاليه...فتور وارهاق شديد...سعال.... جفاف او وجع في الحلق... صداع... صعوبه في التنفس... التهاب رئوي... وفي ناس بجيهم اسهال واستفراغ... المهم لازم تعرف انو ماالا كلهم يجوك مع بعض حتى تقول كورونا سمح...

4⃣هوي نان كلامك دا مازييييي النزله😷... اسع افرقااا كييييف؟؟
فعلا قريبه من النزله بس مازيها.... يعني النزله فترة حضانتها بسيطه واعراضها بتظهر ليك فجأه والحمى مابتكون شديده.... اما كورونا فترة حضانتها اطول والأعراض بتظهر تدريجياً والحمى شديده في الغالب.... انت بس كل العليك لو حسيت بي اعراض ذي دي خليك في البيت وماتمشي المستشفى الا اذا ذادت شديد واتصل بناس الوبائيات وهم بشوفو شغلهم......


5⃣طيب مادام الاعراض بسيطه كده ليه بقتل ؟؟
لقايت هسا قالو في طريقتين بقتل بيها💔 ....الاولى انو لمايخش الفيروس بتهاجمو المناعه ومرات بتهاجمو بعنف وبتهاجم معاه النسيج الرئوي فيموت الفيروس والخليه وفي النهايه يحصل فشل للجهاز التنفسي ودا بكون محتاج لجهاز تنفس اصطناعي ....والطريقة التانيه الفيروس يمشي يهاجم عضلات القلب💔 ويعمل التهاب حاد ...مما يؤدي لي فشله وفشل الدوره الدمويه وبالتالي فشل باقي اجهزه الجسم ....بس الشي اللازم تعرفو انو نسبه الوفيات بسيطه ....وبتكون للناس الاكتر عرضه ومناعتهم ضعيفه .....يعني مثلا زول كبير شديد في السن فوق السبعينات ....عندو امراض مزمنه ذي ناس السكري ...الناس البتاخد ادويه تقلل المناعه ذي الكورتزون ...والكيماوي وخلافو ....والمدخنين والحوامل ...وووو.....ولازم تعرف انو مثلا لو عندنا ميه مصاب في حوالي اربعتاشر منهم بس محتاجين اوكسجين وذي اربعه كده محتاجين تنفس اصطناعي ....


6⃣طيب المصيبة دي ماعندها علاج؟؟
ذي ماقلت ليك ياحاج الفيروس دا جديد لسه مااكتشفوا ليهو علاج ولاعندو لقاح مؤكد لقايت هسا.... فااهم حاجه بقت عندنا الوقايه....والوقايه💕✌ خير من العلاج..... وغير كده انت عارف انو بلدنا دي حالتها صعبه وماف نظام صحي مجهز.... هو اوكسجين ماف في اغلب المستشفيات خليك من اجهزه تنفس اصطناعي كافيه وكلام ذي دا😭💔.... فعليك الله ماتستهر وركز معاي ......وعشان كده لازم تبقى عشره على نفسك ووليداتك🌸 وخليك قدر المستطاع في البيييييت.... وماتطلع الا للضروره القصوى....


7⃣اها طيب نقي نفسنا كيف؟؟
**اهم شي عندنا

خــــــواطر وثقافات

08 February 2020 15:59

أنا وصاحبي بنحب عصير العرديب جِدًّا، وقت ما يصادفنا محل؛ بنقيف نشرب منّو، مرَّة في السّوق العربي، اثنين من الباعىٰ المُتجوِّلين، تفصلهم أمتار قليلة جِدًّا، الغريب إنّو كل النَّاس بشتروا من زول واحد، التَّاني كان صغير في العمر، لا أعتقد أنَّهُ قد وصل سن العشرين؛ لكن ملامحه قد وصلت أوج الشيخوخة؛ طوالي صاحبي قال لي: الزّول دا من ملامحو باين عليهو متأثر بإنّو النَّاس ما بتشتري منو؛ نمشي نجرب نشرب منو.

ما اتفاجأنا بإنّو عرديبو ما ظابط؛ لأنّو من لونو كان باين بإنّو تركيز العصير خفيف شديد، كمّلنا العصير بس عشان ما نحسّسو، بس أتفاجأ بإنّو صاحبي قال ليهو: كُبّ لينا تاني يا أصلي. الصراحة ما صدّقت بإنّو كباية العصير الأولىٰ كملت؛ حتى لو كان العصير ظابط ما كُنَّا بنشرب مرتين؛ بس صاحبي دا فيهو من الحكمة والدَّهاء ما يكفي؛ لو قال لي أشرب عشرة مرات كنت حا أشرب، بعد خلصنا الكباية التَّانية قال ليهو: والله عرديبك نضيف وجودتو ظابطة جِدًّا، بس المرة الجاية انتبه للسكر وحا يطلع حاجة خرافية؛ الولد انبسطت ومدَّ ليهو الباقي بابتسامة؛ صاحبي قال ليهو: خلي معاك؛ المرة دي حق السكر علي، وبضحكة قال ليهو: المرة الجاية حا أجي أشرب مجان.. ومشينا

بعد ابتعدنا منو بضحكة ساخرة قال لي: خفت من الكباية التالتة صاح؟ وطوالي قال لي:
تخيَّل أَنْ تكون هذه آخر محاولاته، تخيّل كم بذل ليصل إلى "جردل العصير" هذا، وأنت تعلم جيِّدًا المعارك الطاحنة الَّتِي تكون قبل الوصول، وأنا على يقينٍ تام بأنَّ خلف "جردل العصير" هذا؛ أُمٌّ مريضةٌ تنتظرُ الدَّواء، وأختٌ تنتظر ولو "باندة" لتصون بها شعرها، وربّمَا حبيبة تنتظر الزواج.
ليس هنالك أسوأُ من ألَّا يقدّر التعب، وأن يشعروك بأنَّكَ كنت قد تركض على الماءِ لا الشوك؛ لا أثر.

ثم قال بعد تنهيدةٍ؛ وكأنَّهَا خرجت من ألف رئةٍ: صفِّق يااااخ، صفِّق حَتّى للَّذي يبتسم في هذي البلاد.


معليش يا جماعة؛ معليش للبلاد التي تفتح علينا ألف جرح، ومعليش على الضائق المعيشي، ومعليش على الضحكات الباهتة، ومعليش على الحلم الكان حا يصل قبل سنين لو كنا في بقعة تانية، ومعليش على الساسة الأغبياء، ومعليش على كل لحظة كانت تحت الشمس عشان تصل للقمة عيش أو حلم، ومعليش على كل ابتسامة كان الواقع بصحينا منها بكف.

ما تستصغر من شأنك؛ أنت عظيم؛ بتعيش في ظروف مقعد حافلة فيها إنجاز.

حـ نبنيهو؛ ونحرق أي لعبة تحت كرسي، ومن فِيهِ البندقية حا يهدل الحمام.

صباح الخير، ومعليش ياااخ، بس ابتسم.

عبدالمنعم عبدالرحيم

خــــــواطر وثقافات

04 January 2020 18:21

تعالو احكمووو
..
..
..
راجلي جا داخل شايل معاهو كمية من ملابس الرياضة لبس فنلة بيضاء وبنطلون رمادي والكرش ما تديك الدرب والشطور بقر تصدير بس قال لي كدة كيف قلت ليهو عيني عليك باردة بس عندي سؤال قال لي اتفضلي قلت ليهو خشيت التاسع ولا لسه قال لي الله اكبر عليك
ماشي ع خشم الباب قال لي تأمري بحاجة ي قلب قلت ليهو خلي بالك من البيبي جا من هناك اداني روووسية ثلاثية الاابعاااد خلاني اشوف عشرة عشرة ومن شدة ما الضربة حارة رقدت ف السرير قلت اتمطي تلفوني دق لقيتو متصل اتاريهو نسي حاجة فتحت التلفون قلت ليهو مالك الوجعة جات نجيب الداية😨 تخيلووو حظرني من اليوم داك وحتي من المكالمات انصفوووني😧

خــــــواطر وثقافات

25 November 2019 20:27

‏ونعوذ بك من نصيبٍ يأتي علي غيرِ هوانا ؛ يهِبنا لمن لا نهوي ويهب من نهوي لـسوانا

خــــــواطر وثقافات

25 October 2019 22:44

‏-انت عارف لمن تكون سنقل فترة طويلة بعدين ح تجيب حاجة نضيفة شديد اقسم بالله 🙂💛

خــــــواطر وثقافات

14 October 2019 19:22

أكدت مصادر موثوقة بأن الخريف انتهى ليهو شهر 😌😌

بس ما لاقي مواصلات يطلع بيها من البلد دي 😂😂😂😂😂

خــــــواطر وثقافات

04 October 2019 20:43

اصلو م بنسي احراج الليله دا ..احيااااا...

قاشره ولابسه داك ياالدهبي والريحه كيف والروج الكبدي ولا ريحانا ذاتها لمن اعجبت بي نفسي ياخ ماعرفتني عديل...مشيت بيت العرس ..وعاد الاولاد ديل انبرشو واتهامسو عجبتهم وثقتي ذادت قلت افطر واجي ابرشكم اكتر فطرت وجيت مارقه عاد زادو والمزز كترو ماسوره ضيوف انكسرت سماحه واعاينو لي وانا قلت لازم امش ليهم مشيه عارضات الازياء وشبحتي كدي في شي نزل عرفتو وعيني الشمال رفت واليمين دمعت وكتفي رجف ودمعتي نزلت لكن حلفت م ادنقر اشوف دا بنطلون البجامه الاحمر الماكن المقدد نزل هو اصلا ناصل نزل لمن غطي الشبط اللابسه وحلفت م انكسر واصلت مشيي وصلت البيت وبي الحرقه قطعت نص الكراع النزلت عشان تاني باقي بناطليني الناصله يخافو وماينصلو لي♥

خــــــواطر وثقافات

04 October 2019 17:28

#نسيبتي_مصيبتي

بقلم: نمارق_دفع_الله

الجزء 09


ﻟﺪﻥ ﻧﺰﻟﺖ ﻣﻦ ﺍﻟﻤﻮﺍﺻﻼﺕ ﻭﻣﺎ ﻣﺸﺖ ﺍﻟﺠﺎﻣﻌﻪ ﻃﻮﺍﻟﻲ ﻭﻗﻐﺖ ﻓﻲ ﻣﻜﺎﻥ ﻋﺸﺎﻥ ﺗﺤﻮﻝ ﺭﺻﻴﺪ ﻭﻫﻲ ﻭﺍﻗﻔﻪ ﻛﺪﺓ .. ﻓﻲ ﻣﺠﻨﻮﻥ ﺟﺎ ﻋﻠﻴﻬﺎ .. ﻭﻛﺎﻥ ﺑﺘﻜﻠﻢ ﺑﺎﻋﻠﻲ ﺻﻮﺕ .. ﺍﻟﺒﻨﺎﺕ ﻛﺬﺍﺑﺎﺕ ﻭﻣﺨﺎﺩﻋﺎﺕ ..ﻭﺍﻧﺘﻲ ﺍﻧﺘﻲ ﻳﺎﻟﻮﺍﻗﻔﻪ ﺗﺤﻮﻟﻲ ﺭﺻﻴﺪ .. ﻳﺎ ﻏﺸﺎﺷﻪ ﻋﺎﻳﺰﺓ ﺗﺘﻜﻠﻤﻲ ﻣﻊ ﺍﻻﻭﻻﺩ ﻭﺗﻜﺬﺑﻲ ﻋﻠﻴﻬﻢ .. ﺟﻨﻜﻢ ﻛﻼﻡ ﺗﻠﻔﻮﻧﺎﺕ ﻳﺎ ﻗﻠﻴﻼﺕ ﺍﻻﺩﺏ ..ﻏﺎﺍﺍﻳﺘﻮ ﻟﺪﻥ ﺧﺎﻓﺖ ﺧﻮﻑ .. ﻭﺍﻟﻤﺠﻨﻮﻥ ﻭﺻﻞ ﺟﻤﺒﻬﺎ .. ﻭﺗﺎﺍﺍﺍﺍﺍﺍﺍﺥ ﺍﺩﺍﻫﺎ ﺑﻨﻴﻪ ﻓﻲ ﻭﺷﻬﺎ .. ﻭﺍﻟﻨﺎﺱ ﻭﺍﻗﻔﻴﻦ ﻭﺫﺍﺗﻬﻢ ﺧﺎﻓﻮ ﻣﻨﻮ. ﻗﺎﻝ ﻟﻴﻬﺎ ﺗﺴﺘﺎﻫﻠﻲ .. ﻭﺍﻟﻤﺮﺓ ﺍﻟﺠﺎﻳﺔ ﺑﻠﻘﺎﻙ ﻭﺍﻗﻔﺔ ﻫﻨﺎ ﺑﻜﺘﻠﻚ ..ﻟﺪﻥ ﻟﻤﻦ ﺣﺮﺕ ﻭﻭﻗﻌﺪﺕ ﺗﺒﻜﻲ ﻣﻦ ﺍﻟﺨﻮﻑ ﻭﻣﺎ ﻭﺻﻠﺖ ﺍﻟﺠﺎﻣﻌﻪ ..ﺭﻛﺒﺖ ﺍﻣﺠﺎﺩ ﻭﺭﺟﻌﺖ ﺍﻟﺒﻴﺖ . ﺍﻣﻬﺎ ﻗﺎﻟﺖ ﻟﻴﻬﺎ ﺑﺴﻢ ﺍﺍﻟﻠﻪ ﻣﺘﻴﻦ ﻃﻄﻠﻌﺘﻲ ﺣﺘﻲ ﺗﺮﺟﻌﻲ .. ﻣﺴﻜﺖ ﺍﻣﻬﺎ ﻭﻫﻲ ﺑﺘﺮﺟﻒ ﻣﻦ ﺍﻟﺨﻮﻑ ﻭﻭﺑﺘﺒﻜﻲ ...ﻭﻣﺎ ﻗﺎﺩﺭﺓ ﺗﺘﻜﻠﻢ . . ﺍﻣﻬﺎ ﻗﺎﻟﺖ ﻟﻴﻬﺎ ﻣﺎﻟﻚ ﻳﺎ ﺑﺘﻲ ﺧﻮﻓﺘﻴﻨﻲ ..ﻗﺎﻟﺖ ﻟﻴﻬﺎ ﻭﻫﻲ ﺑﺒﺘﻘﻄﻊ ﻓﻲ ﺍﻟﻜﻼﻡ .ﻳﺎ ﺍﻣﻲ ﻓﻲ ﻣﺠﻨﻮﻥ ﻻﻗﺎﻧﻲ ﻑ ﺍﻟﺸﺎﺭﻉ ﻭﺿﺮﺑﻨﻲ ﻓﻲ ﻭﺷﻲ ﻭﻓﻌﻼ ﻟﺤﺪ ﻣﺎ ﻭﺷﻬﺎ ﺣﺤﻤﺮ ﻭﺍﺗﻮﺭﻡ .. ﺍﻣﻬﺎ ﻗﺎﻟﺖ ﻟﻴﻬﺎ ﺳﺠﻤﻲ ﺳﺴﺠﻤﻲ ...ﻛﺮ ﻋﻠﻲ ﻭﺍﻟﻤﺠﻨﻮﻥ ﻻﻗﺎﻙ ﻭﻳﻦ ﻗﺎﻟﺖ ﻟﻴﻬﺎ ﻻﻗﺎﻧﻲ ﻗﻘﺮﻳﺐ ﻣﻦ ﺍﻟﺠﺎﻣﻌﻪ . ﻭﺣﻜﺖ ﻟﻴﻬﺎ ﺍﻟﺤﺼﻞ ﻛﻠﻮ .. ﻭﻗﺎﻟﺖ ﻟﻴﻬﺎ ﻳﺎ ﺍﻣﻲ ﺍﻧﺎ ﺗﺎﻧﻲ ﺍﻟﺠﺎﻣﻌﻪ ﻣﺎ ﻣﺎﺷﺔ ﻻﻧﻮ ﻗﺎﻝ ﻟﻲ ﻟﻮ ﻟﻘﻴﺘﻚ ﻫﻨﺎ ﺑﻜﺘﻠﻚ ...ﺍﻣﻬﺎﻗﺎﻟﺖ ﻟﻴﻬﺎ .. ﻭﺍﻟﻠﻪ ﺩﻩ ﻛﻼﻡ ﺗﺎﺗﻲ ﻛﻤﺎﻥ .. ﻛﺪﻱ ﺍﺻﺒﺮﻱ ﻟﺤﺪ ﺍﺧﻮﺍﻧﻚ ﻳﺼﻠﻮ ﻭﻧﺸﻮﻑ ﺣﻞ ﻟﻠﻤﻮﺿﻮﻉ ﺩﻩ .. ﺍﻟﻤﺠﻨﻮﻥ ﺩﻩ ﺣﻨﺒﻠﻎ ﻓﻴﻬﻮ ﺍﻟﺸﺮﻃﺔ ﻭﻭﺍﻻ ﻳﺴﺠﻨﻮﻫﻮ .. ﻗﺎﻟﺖ ﻟﻴﻬﺎ ﻳﺎ ﺍﻣﻲ ﻫﻮ ﺍﻟﻤﺠﻨﻮﻥ ﺩﻩ ﻣﻌﺬﻭﺭ ﻭﺍﻛﻴﺪ ﻣﺎ ﺣﻴﺘﻌﺎﻗﺐ ﻭﻻ ﺣﻴﻌﻤﻠﻮ ﻟﻴﻬﻮ ﺷﻲ ..ﺍﻟﻤﻬﻢ ﺗﺎﻧﻲ ﺳﻴﺮﺓ ﺍﻟﺠﺎﻣﻌﻪ ﻣﺎ ﺗﺠﻴﺒﻮﻫﺎ ﻟﻲ



يتبع....

خــــــواطر وثقافات

23 March 2024 14:43

a 7 year old MALE child presented to ALMANAQIL PEDIATRICS HOSPITAL acutely with QUININE ASSOCIATED BLINDNESS.

The child was diagnosed with P. falciparum MALARIA (no cerebral component) .
the child was inadvertently administered nearly 4 times RECOMMENDED QUININE dose via home I.M. route.

Within 30 minutes, the child was noted bumping into furniture and was shortly completely BLIND. Within 60-90 minutes, the child was brought into the hospital by a very concerned Mother.

Unfortunately, obtaining a serum QUININE LEVEL not possible.

ADDITIONALLY, by physical inspection, the child could not detect light nor forms.
Pupils were fixed , dilated and non-responsive to light.

He was afebrile and normotensive. Other of physical exam was non contributory.
.
Ophthalmolgic examination not performed.

CBC: WBC 9 , Hgb 11.9 , PLT 351

ULTRAFILTRATION was being considered for the child however, given this war crises, it would be delayed.

THEREFORE, we came up with combination of SYSTEMIC GLUCOCORTICOID and ORAL NIFIDIPINE.
This was based upon review of the literature (in keeping with theory that QUININE TOXICITY induces a RETINAL ARTERY SPASM)combined with easy assess and low toxicity of the medication.

THEREFORE, 10mg DEXAMETHASONE given IV to the child by ME , DR.RAHMA .

10 min later, the child could see figures in visual field.
30 minutes thereafter, NIFEFIPINE 5mg po given, At which point the child was seeing light.

The Nifedipine 5mg PO 8hrs continued for 2 more doses inhospital.
the DEXAMETHASONE 5mg IV also was continued on a12 hr basis , the child was discharged on only ORAL PREDNISOLONE for next 5 days.

The child had return of complete sight, within 16 hours, in house.

_ POTENTIAL TOXICITIES AND ADVERSE REACTIONS WITH QUINONE INCLUDE :
Idiopathic thrombocytopenia purpura (ITP) and thrombotic thrombocytopenic purpura (TTP) with chronic renal impairment, disseminated intravascular coagulation (DIC), Neutropenia, hemolytic uremic syndrome (HUS) ,Optic neuritis and atrophy,QTC prolongation,
Tinnitus cinchonism (risk of cinchonism is directly related to dose and duration of therapy).

_ Serious HYPERSENSITIVITY reactions include:
anaphylactic shock, anaphylactoid reactions, urticaria.

_ serious skin RASHES, include:
Stevens-Johnson syndrome and toxic epidermal necrolysis, angioedema, facial edema and bronchospasm.

QUININE RELATED BLINDNESS :

there is mean time of onset of blurred vision of 6 to 15 hours.
while usually gradual, it can also be sudden .

It may last up to 10 W but generally recovery up to 3 W .
however patient may become permanently blind.

_ OPHTHALMIC FINDINGS during the acute phase is :
dilated pupils and unresponsiveness to light .

_OPHTHALMOSCOPIC APPEARANCE :
- In some cases the retinal vessels have appeared narrowed early.
- In another cases the retina appeared edematous and the papilla hyperemic.
- In yet other cases the fundi appeared normal at an early stage while the patient was already losing vision.

FUNDUSCOPIC CHANGES due to QUININE TOXICITY appear to be seen only when vision is improving,suggesting a direct toxic effect to the neuro retina layers.

ELECTRORETINOGRAPHIC CHANGES suggest quinine directly affects the photoreceptor and ganglion cell layers.

FURTHER, Quinine has a CURARE-LIKE action on neuromuscular junctions, which includes an anticholinergic action such as mydriasis.

PUPILLARY DILATATION (MYDRIASIS) is a consistent feature of quinine toxicity.

In some patients the pupillary changes may be so extreme that the patient is left with dilated atrophic pupils.

most cases left with permanent retinal and neurological damage from QUININE, in setting of serum Quinine levels more than 10.

REGARDING TREATMENT for QUININE ASSOCIATED BLINDNESS :

_ FOR years believed to be ONLY SUPPORTIVE.

_NOW there are several suggested treatments aimed at REDUCING the SERUM QUININE LEVELS and the RETINAL ARTERY SPASM including:

1.ULTRAFILTRATION.
2. NIFEDIPINE .
3.STELLATE GANGLION BLOCK.

خــــــواطر وثقافات

14 December 2020 13:36

نقص الكوادر تفضيك كطبيب أياً كان مسماه الوظيفي (إمتياز ،  عمومي ، نائب)
أن تباشر عملك في النوبتجيات على مدار ال24 ساعة وهذا ما يتنافى تماماً مع عدد ساعات العمل المقررة ، فأنا ليس ماكوكي أو فضائي من فئة (كائنات الأنوناكي) ، يترتب علي أن أنام وأكل وأشرب وأمشى في الأسواق ..

أعلاه مرفق لمدعي الإنسانية ، يارعاك الله الإنسانية كتلة واحدة لا تتجزأ ، فأين الجانب الإنسان لإنسان في رحلة تنقله الدؤوب من مريض لأخر طيلة سحابة يوم وليلة كاملة !

ريع هذه النبطشيات العظام الجسام الثقال حفنة جنيهات بسيطة لا توازي قيمة فناجين القهوة التي تحتسيها لتبقيك يقظاً في ليالي (الكتاس) ..

بلد بثرواته وموارده و(هيلمانته ) لا تتخطى ميزانية الصحة 2*/* من مجمل الدخل القومي .. يا لهذي المفارقات !

يتمرحل طبيب الإمتياز ليدلف في دوامة أخرى أشد خطورة من سابقيها ، كابوس الخدمة الوطنية وتبعاتها وإرهاصاتها و(جرجرتها) بفلسها وتداعياتها ، تضحي كما لو تكون جرة صغيرة في ساقية تمارس عادة  الدوران ، تحاول جاهداً (وجهاداً) أن توفق بيم الخدمة الوطنية وساعات عمل إضافية تنتشلك من مستنقع (الفلس) الآسن ..

تنتهي فترة الخدمة بتصريفاتها وصوارفها وشواغلها ورهقها لتبدأ مشوار الألف ميل بخطوة (إمتحان الجزء الأول للتخصص) ، لترتقي مراقي التسلسل من طبيب عومي إلى نائب إختصاصي ..
هنا بداية الفاجعة والفواجع ، وفراغ الفؤاد والتجوف ..
ياعزيزي يارعاك الله هل تعلم نائب الإختصاصي هنا في هذه البلاد الغريبة العجيبة بلاد المفارقات والمحن والإحن ليس مدروجاً تحت أي تسكين أو مسمي  وظيفي ، وهو ركيزة المستشفيات وفي خطوط المواجهة الأولى   لإستقبال الحالات والمترددين وإتخاذ القرارات وتوجيه الطبيب العمومي وطبيب الإمتياز لحين
توافر الطبيب المختص !

كل هذا ولا يتقاضى سنتاً واحد من وزارة الصحة بل ينقد الوزارة ذاتها مقابلاً مادياً نظير التدريب !
أي تدريب هو ذا الذي يستنزفك ويسوءك جسدياً ومادياً وإجتماعياً وينخرك حد الإعياء والموت والهلاك ..

نتابع بقلق بالغ ما ينشره حَمَلة الأنباء في الأسافير كل مرة  من أطباء قضوا نحبهم  من التعب والإعياء إزاء مواصلة العمل لفترة 36 ساعة متواصلة لعدم توفر الكوادر وتكدس المستشفيات الحكومية بالمنوميين .. !

.
.
.
يتبع

خــــــواطر وثقافات

17 September 2020 15:28

لو في زول عندو موية بيضاء في عيونو او بعرف زول عندو ومحتاج لجراحة الايام دي ناس مكةشغالين مجانا عندهم 14الف عملية مجان ما تخليها تقيف عندك
التسجيل متاح في كل فروع مستشفي مكة في الخرطوم والولايات

خــــــواطر وثقافات

08 May 2020 23:59

Post traumatic stress disorder (PTSD)
اضطراب ما بعد الصدمة :-
السلام عليكم
ناس كتيرة مننا او حولنا مرت بتجارب او مواقف او حوادث مروعة او مؤلمة لدرجة اتسببت ليها في صدمة نفسية وقد يكون الشخص غير مدرك لمدى الاذى النفسي الجسيم للصدمة دي!!.
اليوم حنتكلم عن واحدة من اضطرابات القلق الشائعة بطريقة علمية (مبسطة)من خلالها نوضح تعريفها،الأعراض والعلامات،شرط التشخيص ،كيفية علاجها(بحسب الجمعية الامريكية للطب النفسي -DSM) .
اضطراب ما بعد الصدمة هو اضطراب نفسي يصنف ضمن اضطرابات القلق يحدث بعد التعرض لحدث ما ينطوى عليه العنف او الإصابة البالغة او التهديد الفعلي او المحتمل بالموت (مباشرة او مشاهدة مروعة للآخرين مصابين او يموتون) ويؤثر الاضطراب على وضعه الاجتماعي والوظيفي
الأمثلة :
-المعارك والحروب
-الاغتصاب او التحرش الجنسي
-التعذيب الجسدي او الاعتداء الجنسي في المعتقلات او غيرها
-الكوارث الطبيعية او المصطنعة
-حوادث الطريق المروعة
-وفاة شخص عزيز مقرب جداً
-الاختطاف او الاسر
-السطو المسلح
-الهجوم الإرهابي
-اخرى..
تبدأ الأعراض في الظهور خلال شهر من تاريخ الحادثة وهي :
-حزن وقلق وصعوبة في الاسترخاء
-الشعور بالذنب وأحياناً بالغضب
-تذكر (متكرر) للحدث اثناء النهار او في شكل كوابيس في الليل؛او الاحساس بمشاعر مشابهة لما حدث (الالم،الخوف،الأصوات..الخ)
-تجنب مواقف او اماكن او أشخاص تذكرهم بالحادثة
-اعراض جسدية أحياناً (صداع،فتور،الام عضلات،ضربات القلب غير منتظمة..الخ)

شرط التشخيص :
(وجود حادثة او تجربة من الأمثلة المذكورة اعلاه +وجود اعراض خلال شهر من الحادثة واستمرار هذه الأعراض لأكثر من ٦ أسابيع ) بالاضافة لخلل في العلاقات الاجتماعية والأداء الوظيفي او الدراسي فيما بعد الحادثة .

هل اي شخص معرض للاصابة بهذا الاضطراب ؟
لا
كل الأشخاص يمكن ان تحدث لهم اعراض نفسية طفيفة بعد الحوادث لكن تخف تدريجيا خلال نفس الشهر اما لو استمرت اكثر من ٦ أسابيع فتكون مرضية؛ وهناك أشخاص معرضين اكثر من غيرهم للاصابة (عوامل الشخصية، الوراثة ...الخ)
معلومة: دائما ً ما يتوجه مريض مابعد الصدمة الى المخدرات والكحول لمحاولة النسيان لذلك يتعرض للإدمان ؛ وقد ينتحر الشخص .

خطة العلاج :

* العلاج النفسي السلوكي المعرفي CBT
*العلاج النفسي الجماعيgroup Psychotherpy
*مضادات الاكتئاب
*بعض الادوية التى تساعد على الاسترخاء والنوم
*طرق اخرى مساعدة(تمارين بدنية، طرق الاسترخاء ،حركة العينين المعالجة..الخ)
انتهى 👍🏻👍🏻

_الرجاء مراجعة شرط التشخيص جيداً قبل الحكم على نفسك.
_في حال تطابق الشرط مع المدة الزمنية ستحتاج الى مقابلة طبيب نفسي مباشرة في اقرب فرصة.
For more details
https://www.mayoclinic.org/diseases-conditions/post-traumatic-stress-disorder/symptoms-causes/syc-20355967

تحياتي 😊

خــــــواطر وثقافات

13 April 2020 13:32

جربتا تولد واحدة وتبوظ ليك هدومك وتملاك بمويه الجنين ..أو فضلاتها أثناء الولادة وتكون مبتسم ابتسامه صفراء لانو انتا عارف انو دا غصب عنها وغير أخلاقي منك انك تبين انك قرفان منها ...
جربتا انو العيانة من شدة الم الولاده ممكن تستفرغ علي السرير وانت بتفحصها ...
عارف يعني شنو تفحص عيانين على مستويات متفاوتة من النضافة الشخصية .......
جربتا تتعامل مع عيانين ريحتهم ما حلوة وماتقدر تقول ليهم كدا ....
جربتا تشوف ملابسك الداخليه اتملت دم لما تدخل عمليه قيصرية وتنسى تلبس ماكنتوش ..فتلقى الدم مالي جسمك ومالي لبس العمليات ووصل ملابسك الداخليه ...
جربتا تجري وأنت شايل أكياس الدم من بنك الدم عشان عيانة بتنزف كتير ...
جربتا تطعنك ابره وانت جوه عملية ودمك يختلط بدم عيان ...
جربتا الدم يطير ويملا وشك أو يدخل
عينك ...
جربتا تمسك بيبي بيتولد فجأه بيدك من غير جونتي عشان مايقع علي الارض
جربتا تعمل تنفس اصطناعي لشافع من خشمك لخشمو طوالي لانو مافي جهاز بتاع تنفس اصطناعي قريب منك
جربتا في الساعه ٣ صباحا في عز الشتا وأنت نفسك تنوم وتتدفأ وتدخل عليك عيانة غرقانه في دمها وامورك تجوط وتتصل للاخصائي يجيك من بيته في ساعة زي دي...
جربتا تتشاكل مع زملاك عشان عاوز تدخل عيانة في عنايه مكثفه عشان انتا خايف حالتها تتدهور.. أو عشان تجيب ليها دم او تعمل استشارة لتخصص تاني أو تطلع نتايج المعمل في اسرع وقت ...
جربتا حفلات الكواريك الجماعيه لما الغرفه يبقى فيها اكتر من 10 عيانات كلهم بيولدو في نفس ذات اللحظة وأنت نفسك تنوم
جربتا انت وزملاك تتحايلو على بعض منو يكشف او يشتغل عمليه لعيانة أيدز أو فيروس سي أو جرب ...
جربتا تعيش فى المستشفى بالأيام
جربتا تواصل 36 ساعة من الشغل ما ترتاح لحظة
...
قرفتو؟؟؟ ...انا آسف احنا كمان بنقرف جدا ...وبنحب النضافة جدا ...بس ماينفع نبين قرفنا منكم في أضعف لحظات حياتكم .
وطبعا ماجربتو كل دا لكن جربتو تشتمو وتهينو وتنتقدو
لو لاقيت دكتور بيفطر أو مشى الحمام. . او رافض يشتغل بدون وقاية أو بيطالب بحقوقه وجربتو تصنفو الدكاتره علي هواكم دا شاطر ودا بليد
عمرك قلتا الدكتور الساكن جنبنا دا مابصحيهو ٣ صباحا عشان دا وقت راحتو ولا بتقول لازم اصحيهو دي حاله إنسانية وانتا عمرك ماقدمتا ليهو خدمه انسانيه
بتطلبو الإنسانية والرحمة وقت ماتكون على هواكم بس..
لما تمشي لدكتور ومهما كنتا خايف علي مريضك قابلو بابتسامه بس ابتسامه وشوفو كيف يهتم بي مريضك.. قريبك البموت قبل ماتفكر تضرب الدكتور اعرف انو الدكتور اتألم ميه مره علي قريبك دا لانو فشل في علاجو وخليك متأكد انو عمل كل العليهو لكن القدر سابق .. ماممكن عيان مضروب طلقه ويموت تجي تلوم الطبيب .. الطبيب حالف قسم يعالج الغريب والقريب ا اللاديني والمسلم كلكم مابفرق بينكم.. اديهو كلمه طيبه لانو انتا لو تدري كل الاطباء في المستشفيات شغالين براتب يعادل ١٥٠٠ جنيه في الشهر
ربنا يقوي الجيش الأبيض يا رب

خــــــواطر وثقافات

01 April 2020 15:51

ناس كتيرة عندها شعور القلق الفترة دي والحاجة ممكن تدخلها في خلط الاحساس باعراض فيروس الكورونا وعلشان كدة هنتكلم معاكم عن كيف نفرق بعض الأعراض الجسديه للقلق النفسي من أعراض الكورونا..

الأعراض الجسديه للقلق تظهر في :
_ توتر حركي و هنا هتلاحظ
إحساس بالتململ
صداع
رعشة في الجسم أو الأطراف
عدم القدرة على الاسترخاء
وجع بالعضلات (الرقبة أو الضهر)
عصبية احيانا
_ زيادة نشاط الجهاز العصبى و هنا هتلاحظ
شعور بالدوار
زيادة التعرق
برودة الأطراف
إحساسك بضربات القلب أو زيادتها
سرعة التنفس
نفسك قصير
احساس بانزعاج في البطن
دوخه
جفاف بالفم

أما أعراض الكورونا وفقا لما تم نشره بمنظمة الصحة العالمية WHO:
_ حرارة عالية (حمى)
_ تكسير فى الجسم و إحساس بالإعياء والإجهاد
_ سعال(كحة جافه)
_ احتقان في الحلق
_ صداع شديد
_ ضيق بالتنفس (بيأثر على أنشطتك اليومية و نومك، أو في حالات متقدمة لا يمكنك إكمال جملة بدون التوقف وأخذ نفسك)
_ أخرى...

كيفية التفرقة بينهم ؟
أعراض الكورونا ثابتة و تزداد بشكل تدريجي و غالبا بيكون في تاريخ بتاع مخالطة إحدى الحالات المصابة أو مخالطة أحد الأجانب أو العودة من سفر من دولة مسجلة فيها حالات أو العمل بإحدى المستشفيات ال سجلت فيها حالة.
أما أعراض القلق فهي غير ثابتة و تتحسن و تقل مع عمل تمارين استرخاء أو الاندماج مع من حولك.
حتعمل شنو في حالة الشك تعبك ؟
عليك استعمال نظام حساب النقاط التالي :

- ڪُحة (سعال) = (نقطة واحدة) .
- إرتجاف في الجسم = (نقطة واحدة) .
- إسهال = (نقطة واحدة) .
- إحتقان في الحلق = (نقطة واحدة) .
- ألآم في الجسم = (نقطة واحدة) .
- صداع (وجع رأس) = (نقطة واحدة) .
- الحرارة أعلى من 37,8 = (نقطة واحدة) .
- صعوبة في التنفُس = (نقطتان) .
- فشل عام في الجسم = (نقطتان) .
- سافرت في آخر 14 يوم = (3 نقاط) .
- سافرت لدولة فيها الوباء = (3 نقاط) .
- تواصلت مع شخص مصاب بكورونا = (3 نقاط) .
بعد تجاوب الأسئلة وتجمع (النقاط) ، النتيجة ڪالآتي :
- من (0—2) لا داعي للقلق .
- من (3—5) أشرب سوائل ، وقيِّم أعراضك بعد يومين .
- من (6—12) عليك بإستشارة الطبيب .
- من (12—24) عليك الإتصال بلجنة الطوارئ الوبائيّة .

القلق ممكن ينسيك تاخد بالك من صحتك و من اللي حولك اتذكر أنك مسؤول عن صحتك و مسؤول عن الحد من انتشار العدوى.
خليك في البيت و اهتم بنفسك و صحتك الجسدية و النفسية ودمتم سالمين ❤️

خــــــواطر وثقافات

31 March 2020 08:08

ذي ماقلت ليك خليك في البيت...... وتاني شي غسل يدك بالمويه والصابووووون او معقم كحولي لمده اقلها عشرين ثانيه...يعني غني هبي بيرس ذي تويووو مرتين كدي يعني لو حافظها 😹بتكون تمت العشرين ثانيه ....بالسته خطوات حقت غسيل اليدين ديك 🤭اعمل عيد ميلاد للماسوره كل مره سمح ماتنسى..... واتجنب المخالطه اللصيقه بالناس الظاهره عليهم الاعراض وللضمان خليك علي بعد متر من اي زول لانو في ناس شايلين الفيروس وبنقلو لي غيرهم وهم ماعندهم اي اعراض.... واتجنب المعامله مع الحيوانات والطيور وخلافها ولو دي شغلتك جهز نفسك تمام كماماتك وبدلتك وجونتاتك الماخمج😍✌ مابتجيك العوجه ان شاء الله..... ونجض اللحم دا كويس قبل ماتاكلوا وفور اللبن تمام وغسل الخضار والفواكه ... وغسل الاسطح باستمرار بالمويه والصابون او المعقم.... وماتنسى مقابض الابواب......وغطي انفك وخشمك لما تعطس اوتكح بمنديل وارميه طوالي ...او اعطس وكح في المرفق يعني نص يدك ...ولازم تعرف انو الفيروسات دي بتقدر عليها المناعه حقتك ....يعني حاول قوي مناعتك بقدر الامكان اووكل ...اكل صحي وكتر من اي شي فيه فايتمين سي ليمون 🍋 وبرتقال وحاجات سمحه كده 🤍...وعليك الله مااااااتسلم ....جازفها بااي طريقه 😷...لاضرر ولاضرار.....وابعد من التجمعات بقدر الامكان........ولما تجي راجع من بره حاول جازف هدومك دي وجزمتك ...غسلهم نضيف ولو لقيت طريقه مويه حاره وشره كده في الشمس ومكوى كده سيييف 😍❤امورك بتظبط ...خاف على ناس بيتك ....بذات لو كنت دكتور ولا ممرض المهم شغال في مستشفى .....خلي عندك اسكرب البسو في المستشفى وخلي عندك جزمه مخصصه للمستشفى وماتشيل كرور كتير بذات البنات البناااات 🤦🏽‍♀اوعك من الهكش خواتم واساور وكلام ذي دا ...شيل تلفونك وجزلانك بس ....واول من تخش عقم القلم والسماعه والتربيزه ولما تطلع كمان ماتنسى تعقم تلفونك ....تلفووووونك ماتنساه👀 ....واتزكروا انتو المعتمدين عليكم خلو بالكم من نفسكم وابقوا عشره بلاكم البلد خربااااانه وحالها مايل 🙈💕يمكن نتمسح من الخريطه ذاتو لو ماجهودكم 🥺ربنا يحفظكم لشعبكم ❤🤍🖤💚.....


9⃣طيب ارجع لي لموضوعي يااخوي ....دحين دايره اسعلك من الكمامه الغاليه دي الا يعني نلبسها......؟؟؟
والله الكمامه دي من الانا شايفو بحصل دا😭😷💔 من الأفضل يلبسها المصاب ومخالطي المصاب او المشتبه بيهم ....وانت لو شفت زول عندو الاعراض وبسعل جمبك اتلافاهو بالكمامه فجازف كمامه وخليها معاك للاحتياط .....ولو اضطريت ولبستها عقم يدك قبل تلبسها ولما تقلعها ماتهبشها من قدام وارميها طوالي عليييييييك الله ارميها وماتختها في الشنطه وتلبسها بعدين لانو الكورونا ذاتها حتنجلط من حركتك دي😭😭😭😭😭💔💔💔ويمكن تكون سبب بلاوي كتيره ماكورونا براها 🤦🏽‍♀.....المهم~[انت ياالبتثقف❤ حاول علمهم كيف يصنعوا كمامه وكيف يلبسوها ويقلعوها وكيف يغسلوا يدينهم بالخطوات السته ]
......واتزكر انو الخطوره مافي الاعراض الخطوره في سرعه الانتشار والطفرات الجينيه البتحصل للفيروس وتخليه يقاوم كل الظروف البيئيه ودرجات الحراره المختلفه.....
ابقا عشره على نفسك واهل بيتك🤍
ابقا عشره عشان بلدك🏳🖤💚🤍❤ ......
وخليك واثق انو بعد الضيق حيجي الفرج💚....
خلونا نصبر ونصمد ونعدي الفتره دي بسلام...
ابقوا اصحاء عشان نقدر نبنيهو 💜💪🏿.....
💚جامعه دنقلا كليه الطب والعلوم الصحيه...
🤍 ورشه توعيه......كورونا .....كريمه
🖤مروه بك.....الدفعه17

خــــــواطر وثقافات

18 February 2020 07:55

حمام ايام زمان ..

😂😂😂😂😂😂😂😂😂😂

لما كنا صغار كنا نكره الحمام ليه ؟؟؟

لانو أمهاتنا الله يرحمهن والعايشات الله يطول في عمرن كانن يعذبونا عذاب لما يحممونا ..

لما تقول ليك قوم احممك من الخوف لامن تقول يا الله ..

تبدأ رحلة العذاب من قلع وطليع الملابس ..

الفنيلة رقبتها تكون ضيقة وراسك كبير واضنيك كبار يعذبنك لما تطلع منك الفنيلة ..

في فترة الاستحمام بتكون عاوز تقعد قعدة القرفصاء ..

طيب يا حجه والله رجليّ وجّعوني ..

على السريع تناولك كف صاموتي وتقوليك قفل خشمك ..

لما تجي تفرك راسك اقسم بالله تقول بتفرك مصباح علاء الدين عشان تطلّع المارد وراسك يلولح يمين وشمال زي مروحة التربيزة ..

والمشكله لما الصابون ينزل في وشك بتغير ملامح وجهك دا غير حرقة العينين ..

الصابونة نوع ( فنيك او لايفبوي ) يدعكوك بيها زي بنطلون الجنز ..

نجي لحتة لما تمسك نخرتك وتقوليك قول " ننننفففففف "

تقعد تنف من اضنيك لأنو كل مجاري الجهاز التنفسي مقفلة ..

فقرة التلييف ( الليفة ) :

بتمسك الليفة وبتفركها بالصابونة وهي تعاين ليك التقول جزار بسن في سكاكينه للضبح ..

طبعا ربنا كان حامينا .. والا فركها للجسم بالليفة بجيب شلل رباعي ..

طيب .. هدّي شوي يا امي أنا حاسس كأنك تبشري في جبنة ..

طبعا الحمام بالدور والكبير قبل الصغير ..

ولما أسمع اخوي الكبير يبكي وهي بتحممه .. أنا بالغرفة الثانية اقعد أبكي من الخوف ..

بعد الحمام تشوف نفسك في المراية لانو الاصابع بكونوا مكرفسات وجسمك تحسه مزلط من كترة الفرك ..

تعال لتلبيس الملابس ..

راسك قدر فتحة الفنيلة خمسة مرات وتعافر في الفنيلة عشان تدخل راسك الكبير واضنيك مانعاها الدخول ..

بتلبس الفنيلة .. ويا ويلك لو فلتت يدك من الدخول في الكم لما تقوليك ارفع يدك عشان تدخلها في الكمّ ..

نجي لتمشيط الشعر ..

وحفاظاً على تنظيف الراس من القمل والشوائب .. بتغز المشط في راسك وتبدا تنكش ليك شعر راسك ومرات تحس اسنان المشط عاوز يخترق مخك ..
______________

ايام لكن 😂😂

خــــــواطر وثقافات

20 January 2020 11:20

لقيت واحده من صحبااتي كاتبه ف الفيس:

(ساترك قلبي في كل شارع تمر به )
براحه علينا ي حسبو للعقارات 💦 😂

خــــــواطر وثقافات

02 January 2020 06:43

حوادث القتل الجماعي وقصة الزول البقتل زول بقوموا قبيلته بمشوا يقتلوا حلة القاتل دي اعراض لغياب الدولة وانعدام سلطتها ، لدرجة انه المواطن بتجه لاخذ حقه بيده واستغلال جريمة عشان يرتكب جريمة افظع منها في حق زول تاني ما عنده علاقة بالموضوع لارضاء الامراض الجواهو.
الحاجة دي بالنسبة لي سبب اساسي في تكرارها بوتيرة ثابتة هو الافلات من العقاب ، والافلات القاصده ما الزول البهرب او ما بتمسك ، الافلات القاصده هو الافلات المقنن عبر المصالحات ودفع الديات والفارغة دي ، زول قتل زول انت منو عشان يجو يعملوا معاك مصالحة وتدفع دية ؟ الدولة لازم تبطل تتعامل مع الناس دي كقبائل وتتعامل معاهم كمواطنين . لما الفرد يحس بانه مسؤولية عمايله حيتحملها براهو وقبيلته ما حتقدر تساعده ولا تدفع ليه دية عشان تمرقه ويرجع تاني يرتكب نفس الجريمة حيضطر يخاف من القانون.
المطلوب هو سيادة القانون ونفاذه وتحويل جريمة القتل لجريمة ضد الدولة هي التقاضي فيها المجرم من دون اي مجمجة ومصالحات وكلام فارغ.
#الجنينة_تنزف
منقول

خــــــواطر وثقافات

28 October 2019 15:33

حلم الجيعان شنو ي بيبي😂😂😂

خــــــواطر وثقافات

19 October 2019 00:25

قبلةٌ منها في المنام، كانت كأنّ الله زارني ♡

خــــــواطر وثقافات

08 October 2019 12:43

Love him as no woman has loved and forger him like amen forgets

خــــــواطر وثقافات

04 October 2019 20:42

.. يوم الجمعة الفاتت أمي ساقتني مناسبة رجااااالةة .. و ييوم الجمعة دا اليوم الوحيد البرتاح فيهو " دخلت هاجمتني من الساعة 6 صباحا زي التفتيش عشان نمشي " وانا اظن لي 10 سنة م مشيت لي مناسبة للعائلة ..
ياا أمي في شنو ؟؟
-قومي ي بت ماشين لناس حبوبتك نفيسة ديل عندهم مناسبة النسوان شايلات حالي بتك مفترية و بتك أنجلينا جولي م بتجي للناس ..
" ما تشتغلي بيهم ما تشتغلي بيهم و تاني إتغطيت "
-يا بت قوومي علي حيلك ح تخليني أمشي براي يعني وانا عندي سكري هسي لو وقعت ف الشارع ..
قمت زهجااانة زهج و اطنطن طنطنة لدرجة إني ما سألت زاتو نفيسة دي منو و لا المناسبة شنو ..
الساعة 7 و نص صباحا نحنا ف المواصلات ..
"إنتي ي أمي الناس ديل بيتهم ويين نحنا لينا 3 ساعات متحركين" ؟
-قرييب قرييب أمدرمان ليبياا بالخلا ..
-"إنا لله و إنا اليه راجعون " أنا ما قلت ليك أهلك البعاد ديل قاطعيهم أدرمان دي قارة تانية قريب شنو يآ امي ..
-قربناا قربنا خلي عندك صبر (نحنا العربي م وصلنا )
"و مناسبتهم نوعها شنو يا أمي "
-كيف يعني نوعها شنو ؟
يعني " عرس ، بكا ، طلاق نحنا ماشين لشنو ..
-سمااية سماااية ..
"هسي نحنا ف نص الخلا الساعة 9 عشان سماية يا امي " ؟
" و نفيسة دي منو زاتها ؟ "
-ياخي نااس أحمد ما متذاكراهو زمان لمن كنتو شفع بتلعبو سوا كان أصلو ما برضي فيك ..
" ايوووووا .. في سري ( بس ياهو قدري جايبني لأحمد دا) " ..
وصلنا البييت بعد رحنا 5 ساعات والشمس ضربتناااا و هجموا ليك شفع كميية كدا في أمي "حبوبة جات حبوبة جات "
فكو أمي مسكوني أنا " خالتو وينهم اولادك "؟
"ياا أمي عليك الله امرقينا ياخ ديل شفعهم كدا نسوانهم ح يكونو كيف ! م دخلت سمح بدو يطاعنو و بعدين بنعرفهم من وين يقولوا ليك حبوبة" ؟
أمي ولا شغالة بي ، دخلت علي الحريم جوآ (طبعا بتعرفهم علي زي الأنا جاية من سسفر ) ..
المهم م قعدنا سمح شبكتني ليك وحدة " آهاا مافي حااجةة " ي أمي حاجة شنو المافي دي اهلك ديل مالهم معاي ؟
أمي قرصتني و ردت ليها لا والله قلنا خليها تحضر الماجستير العرس هين ..
" في سري آي صااح العرس هين " طبعا بالي ف احمد مسكت لي شافع كدا قلت ليهو " أجري نادي احمد ..قول ليهو ف ضيوف جو برا تعال سلم عليهم "
الشافع رد لي "ابوي مسا يديب العيس عسان البيبي الجديد " ..
طوالي لكزت أمي " يآ أمي إنتي أحمد دا عرس " ؟
"أجي ي بتي و دي سماية منو "
و أنا كنت وين ؟؟
كان عندك إمتحان ..
تاني قبلت علي الشافع " و إنت ولدو يعني تعال تعال سلم علي انا في مقام أمك برضوو ، أنت زاتك بجلحاتك دي بركة الما بقيت ولدي "
سكتو كدا مسسسافة قمت قلت افتح موضوع إتذكرت نفيسة القبيل ..قلت ليهم "و حبوبة نفيسة وينها" ..؟
النسوان ديل قامن يصرخن و يبكن و يتدردقن ..
"ي أمي مالن في شنو
-"يااخي مالك يااخ .. حبوبتك نفيسة دي اتوفت ي بت "
"و أنا كنت وين" ..
-كان عندك إمتحان ، الناس بتحيا و تموت و انتي بتمتحني ما تفتحي خشمك دا تاني ..
سكتوهم كدا .. قلت خلاص ابيض وشي حبة و المرة دي م أسأل من زول تاني " والله ماششاء الله مكيفكم دا باارد و سممح "
"تاني قاامن يكورككن "
اها ي أمي في شنو تاني ، اهلك ديل م نصاح ولاا شنو ؟
-" إنتي بس إلا تذكريهم نفيسة دي ما طاقاها المكيف دا زاتو كهربااا "
"أيووووا .. الله يرحمها "
أمي طلعت لي من شنطتها 50 جنيه قالت لي قومي قومي ارجعي البيت .. كان قعدتي أكتر من كدا بدقوا صيوان البكا تاني ..
المرة قالت ليها هيي النبي خليها التتغدا ، أمي قالت ليهم " احشوا ليها بتاكلو في المواصلاات " 🚶🏽‍♀ ..
منقووول

خــــــواطر وثقافات

03 October 2019 19:18

#نسيبتي_مصيبتي

بقلم: نمارق_دفع_الله

الجزء 08


ﻟﺪﻥ ﻗﺎﻟﺖ ﻟﺤﺴﻮﻧﻲ ﺧﻼﺹ ﺗﻌﺎﻝ ﻧﻮﻡ ﻭﺑﻼﺵ ﻏﻠﺒﺔ ﻣﻌﺎﻙ. ﺍﻧﺎ ﻋﺎﻳﺰﺓ ﺍﻧﻀﻒ . ﻗﺎﻝ ﻟﻴﻬﺎ ﻱ ﻋﻤﺘﻮ ﺍﻧﺎ ﺑﻨﻀﻒ ﻣﻌﺎﻙ .. ﻟﺪﻥ ﻗﺎﻟﺖ ﻟﻴﻬﻮ .. ﻭﻛﻤﺎﻥ ﺧﻠﻴﺖ ﺍﻟﻠﻌﺐ ﻭﺍﻟﺘﻠﻔﺰﻳﻮﻥ ﻭﺟﻴﺖ ﺗﻠﺨﺒﻂ ﻟﻲ ﻫﻨﺎ .. ﻗﺎﻝ ﻟﻴﻬﺎ ﻻﻻ ﺍﻧﺎ ﺑﻨﻀﻒ .. ﺍﻧﺎ ﻗﺒﻴﻞ ﻧﻀﻔﺖ ﺍﻟﻤﻄﺒﺦ ﻟﻤﺎﻣﺎ ﻭﺟﺒﺖ ﺍﻟﺼﺎﺑﻮﻥ ﻛﻤﺎﻥ ..ﻟﻜﻦ ﻣﺎﻣﺎ ﻭﻗﻌﺖ ﻟﻲ ﻑ ﺍﻟﺼﺎﺑﻮﻥ ﻭﺧﻠﻴﺘﻮ ﻭﺳﺨﺎﻥ .. ﻟﺪﻥ ﻗﺎﻟﺖ ﻟﻴﻬﺎ .. ﻛﺪﻱ ﺍﺭﺡ ﻭﺭﻳﻨﻲ ﻧﻀﻔﺖ ﻛﻴﻒ ..ﺳﺎﻗﻬﺎ ﺍﻟﻤﻄﺒﺦ ﻟﻘﺖ ﺍﻟﺸﺎﻣﺒﻮ ﻭﺍﻗﻊ ﻑ ﺍﻻﺭﺽ ﻭﻏﻄﺎﻫﻮ ﻓﺎﺗﺢ ﻭﻧﺼﻮ ﻣﺪﻓﻖ ﻭﺍﻻﺭﺽ ﺟﺎﻳﻄﺔ ..ﻋﺮﻓﺖ ﺍﻧﻮ ﺍﻟﻠﻲ ﺭﻣﻲ ﻣﺎﺭﻳﺎ ﻫﻮ ﺍﻟﺸﺎﻣﺒﻮ ﺍﻟﻜﺒﺎﻫﻮ ﺣﺴﻮﻧﻲ ﻑ ﺍﺍﺭﺿﻴﺔ ﺍﻟﻤﻄﺒﺦ . ﻗﺎﻟﺖ ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ .. ﻛﺮ ﻋﻠﻴﻚ ﻳﺎ ﻣﺎﺭﻳﺎ ﻣﺎ ﺗﺘﺴﺘﺎﻫﻠﻲ .. ﻭﺯﻋﻠﺖ ﻋﻠﻴﻬﺎ ﺷﺪﻳﺪ ..ﻗﺒﻀﺖ ﺣﺴﻮﻧﻲ ﻣﻦ ﻳﺪﻭ ﻗﺎﻟﺖ ﻟﻴﻬﻮ ﺍﻧﺖ ﻋﺎﺭﻑ ﺍﻟﺼﺎﺑﻮﻥ ﺍﻟﻜﺒﻴﺘﻮ ﺩﻩ ﻫﻮ ﺍﻟﻮﻗﻊ ﻣﺎﻣﺎ ﻓﻲ ﺍﻻﺭﺽ . ﺣﺴﻮﻧﻲ ﻗﻌﺪ ﻳﺒﻜﻲ ﻭﻏﻠﺒﻬﺎ ﺗﺴﻜﺘﻮ .. ﺍﻧﺎ ﻣﺎ ﻭﻗﻌﺖ ﻣﺎﻣﺎ ﻟﻜﻦ .. ﺍﻧﺎ ﻛﻨﺖ ﻋﺎﻳﺰ ﺍﻧﻀﻒ ﺯﻱ ﻣﺎ ﺍﻟﺒﺖ ﺑﺘﻌﻤﻞ ﻓﻲ ﺍﻟﺘﻠﻔﺰﻳﻮﻥ .. ﺍﻧﺎ ﻣﺎ ﺷﺮﻳﺮ ﺍﻧﺎ ﻡ ﺑﻮﻗﻊ ﺯﻭﻝ .. ﺍﻫﺎ ﻓﻲ ﺍﻟﻠﺤﻈﺔ ﺩﻱ ﺣﺎﺟﻪ ﻋﺰﻳﺰﺓ ﺟﺎﺗﻬﻢ ﺩﺍﺧﻠﻪ ..ﻋﺰﻳﺰﺓ ﺩﻱ ﺍﻡ ﻣﺎﺭﻳﺎ ﻗﺎﻟﺖ ﺗﺴﻠﻢ ﻋﻠﻲ ﺣﺴﻮﻧﻲ . ﻟﻘﺘﻮ ﺑﺒﻜﻲ .. ﻗﺎﻟﺖ ﻟﻴﻬﻮ ﻣﺎﻟﻢ ﺣﺒﻴﺒﻲ ..ﻗﺎﻝ ﻟﻴﻬﺎ ﺍﻧﺎ ﻛﺸﺤﺖ ﺍﻟﺼﺎﺑﻮﻥ ﻋﺸﺎﻥ ﺍﺳﺎﻋﺪ ﻣﺎﻣﺎ ﺯﻱ ﻣﺎ ﺍﺍﻟﺸﺎﻃﺮﻳﻦ ﺑﻌﻤﻠﻮ ﻛﺪﺓ .. ﻋﺸﺎﻥ ﺍﻧﻀﻒ ﻟﻴﻬﺎﺍﻟﻤﻄﺒﺦ ﻭﻣﺎﻣﺎ ﻭﻗﻌﺖ ﻭﺟﺎﺑﺖ ﺍﻟﺪﻡ .. ﺣﺎﺟﻪ ﻋﺰﻳﺰﺓ ﻟﻤﻦ ﻧﻄﻄﺖ ﻋﻴﻮﻧﻬﺎ ﻭﻏﻠﺒﻬﺎ ﺍﻟﺘﺴﻮﻳﻌﻮ .. ﻣﺴﻜﺘﻮ ﻗﻠﺪﺗﻮ ﻋﻠﻴﻬﺎ ﻭﻗﻌﺪﺕ ﺗﺒﻜﻲ .. ﻭﺑﻲ ﻫﻨﺎﻙ ﻑ ﺍﻟﻤﺴﺘﺸﻔﻲ ﻣﺎﺭﻳﺎ ﺍﺗﻤﺎﺛﻠﺖ ﻟﻠﺸﻔﺎﺀ ﻭﺍﻟﺪﻛﺘﻮﺭ ﻗﺮﺭ ﻳﻄﻠﻌﻬﺎ ﻣﻦ ﺍﻟﻤﺴﺘﺸﻔﻲ ..ﻭﻧﺒﻪ ﻋﻠﻴﻬﻢ ﻡ ﻳﺠﻴﺒﻮ ﺳﻴﺮﺓ ﺣﺎﺟﻪ ﻗﺪﺍﻣﻬﺎ ﻻﻧﻮ ﻧﻔﺴﻴﺘﻬﺎ ﺗﻌﺒﺎﻧﺔ ﺷﺪﻳﺪ ﻭﺍﻗﻞ ﺣﺎﺟﻪ ﻣﻤﻜﻦ ﺗﺪﺧﻠﻬﺎ ﻓﻲ ﺣﺎﻟﻪ ﻫﺴﺘﻴﺮﻳﺔ ﻣﻦ ﺟﺪﻳﺪ .. ﻃﻠﻌﻮﻫﺎ ﺍﻟﺒﻴﺖ ﻭﺍﻣﻬﺎﻗﻌﺪﺕ ﻣﻌﺎﻫﺎ. ﻭﻗﺎﻟﻮ ﻟﺤﺴﻮﻧﻲ ﻟﻮ ﻋﺎﻳﺰ ﻣﺎﻣﺎ ﺗﺒﻘﻲ ﻛﻮﻳﺴﺔ ﻡ ﺗﺘﻜﻠﻢ ﻣﻌﺎﻫﺎ ﻛﺘﻴﺮ ﻛﻮﻳﺲ ..ﻏﺎﻳﺘﻮ ﺣﺬﺭﻭﻫﻮ ﻟﻜﻦ ﻣﺎ ﺑﺴﻤﻊ ﺍﻟﻜﻼﻡ ﻫﻬﻬﻬﻪ ....ﺍﻟﻠﻪ ﻳﺪﻳﻬﻮ ﺍﻟﻌﺎﻓﻴﺔ ..ﻏﺎﻳﺘﻮ ﻱ ﺟﻤﺎﻋﻪ ﺍﻻﻃﻔﺎﻝ ﻣﺸﺎﻏﺒﻴﻦ ﻭﺧﺮﺍﺑﻴﻦ ﻟﻜﻦ ﺣﻠﻮﻭﻭﻳﻦ ﻭﻳﺎ ﺭﺑﻲ ﻣﺎ ﺗﺤﺮﻡ ﺑﻴﺖ ﻣﻦ ﺍﻻﻃﻔﺎﻝ ♥ ♥ ♥ ﺍﻫﺎ ﻟﺪﻥ ﻟﻴﻬﺎ ﻳﻮﻣﻴﻦ ﻏﺎﻳﺒﺔ ﻣﻦ ﺍﻟﺤﺎﻣﻌﻪ ﻭﺍﻟﺼﺒﺎﺡ ﻃﻠﻌﺖ ﻭﺭﻛﺒﺖ ﺍﻟﻤﻮﺍﺻﻼﺕ ﻭﻛﺎﻧﺖ ﻓﻲ ﻃﺮﻳﻘﻬﺎ ﻟﻠﺠﺎﻣﻌﻪ



يتبع...