315
تهتم بنشر ألحان سيد منتظر الموسوي واعماله ومشاركاته في كل مايخص الخدمة الحسينية المباركة...ونسأل الله التوفيق
التغطية الفوتوغرافية لمجلس عزاء الزهراء. ع
بغداد_مدينة الصدر
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
مستمرين في نشر قصائد استشهاد الزهراء ع
/channel/+_uuVITC_f45iZDky
https://youtu.be/gx-6SS1_cUk?si=6XDUnTTSapdnpHwc
هدية السماء الخدمة والعزاء
آداء والحان :سيد منتظر الموزاني
كلمات : شاكر الصيمري
مونتاج :فؤاد العقيلي
العراق _بغداد
اللهُمَّ عَجِّل لِوَليك الفَرج
🔈 دمعي يا ناس
🔴الحان واداء سيد منتظر الموزاني
📝كلمات محمد الجماسي
🚩هيئة الموعود_بغداد_مدينة الصدر
https://youtu.be/q4xnPADZu-k?si=NYhVUAoQM3TkrXLv
دمعي ياناس يچوي الأعيون
ليش الاحباب مايظّلون
سافر الغالي وبقيت الوحّدي
فلقد مات محمد والدي
ــــــــــــــــــــــــــــــــــــــــــــــ
راحو احباب الگـلب وخلو المدمع يصب
ابهيمه وامتيهه الدرب چا بعد وين انتچي
سافرو غيـــــــمه ابسمه وانه بتهم فاطمه
عالدلال امعلّمه مو عله افراگ أو بچي
الابو خيمه البناته الابو فـَيّ أو ستر
الابو غالي اشغلاته وراح اگلكم واختصر
خيط واحد من عباته يسوه كل هذا العمر
حنّي ياروح عالنودهم
عمر الادموع ماتردهم
عالضلع بسمار باچر يعتدي
فلقد مات محمد والدي
ــــــــــــــــــــــــــــــــــــــــــــــ
البيت اذا مابي ابو يعني لافَيّ لا دفو
وهوه بالدنيه شكو غير ابوي وطيبته
بحقي چان اشگد يگول ثمرة اسنيني البتول
لاچن اصحاب الرسول مارعو كل حرمته
فاطمه ياناس مني گلهم وامّي تصير
واليأذّي الزهره يعني هذا خسران الـمصير
والزمن بعده جمعني ابناس ماعدهم ضمير
وادم الخير ماتريده
وعصرة الباب مو بعيده
حايره ومن يا مصيبه ابتدي
فلقد مات محمد والدي
ــــــــــــــــــــــــــــــــــــــــــــــ
اسمي چان المفخره ام ابوهه الطاهره
هسه ليــش المگبره تاخذ أحلام السنين
اسمي صار الثاكله والمدامع هامله
محّد ايگلّي هله راح ابو الگلب الحنين
نومتي نومة عوافي چانت بحضنه الحرير
وبابي دكتور ويشافي وجاهي بالوادم چبير
واذكر ابّدلَة زفافي اتصدقت بيهه الفقير
هسه الايام عذبتني
وعالمعانات عودتني
والإمان ايصيح دفنو قائدي
فلقد مات محمد والدي
ــــــــــــــــــــــــــــــــــــــــــــــ
ابابي چان اشما يمر يكتب ابهيل وعطر
قل اعوذو امن الكسر وقل اعوذو امن الحرگ
ابيتي يشعر بالامان ايحبني وايقدرني چان
اشهدو ابنص الأذان آنه اشم ريحة عشگ
اشهـدو أن محمد قد سكن بالـمگبره
وما ابدل الثوب الاسود لحد يوم الآخره
باچر السطرات عالخد كلهن ايلزمن سره
ذوله عدوان ادري بيهم
كل عذابي من اديهم
عن قريب اوي المصايب موعدي
فلقد مات محمد والدي
ــــــــــــــــــــــــــــــــــــــــــــــ
شيّعو جود العطاء وانقطع وحي السماء
قد أصبنا بالبلاء وبابي دگّاه الرجس
وريحة الدخان اجت وزينب ازغيره وبچت
وعصرة الباب ابتدت ترفس ابضلعي رفس
اتذكرت بالطف رقيّه وسال من اعيوني دم
وهذا بسمار الـــــمنيّه باچر ايصبّح سهم
والحرگ بابي عليّه يحرگ الزينب خيم
أنه ابو حسين يمي يا ناس
وزينب ايغيب عنهه عباس
وعله احسين الخيل باجر تعتدي
فلقد مات محمد والدي
ــــــــــــــــــــــــــــــــــــــــــــــ
يا محمد امتّك خوش والله جازتك
مااجو لجنازتك وشيعوهه وي علي
بعدك أعله المغتسل والبلاء فوگي نزل
ردت الناس الهُبل وللزمان الجاهلي
علي گالوله تبايع بالغصب مو بالرضه
وانه هالظليت ادافع عن حقوق الـمرتضه
ابخدي مطبوعه الاصابع والعمر بالهم گـظه
راح اجي وشوف شنهو حالي
دمعي واصل حد خيالي
الضلع والبسمار ذني شاهدي
فلقد مـات محمد والدي
محمد الجماسي
ميمر
انه اعشكت وتولعت
وبس بالحسين اتعلقت
بكاروكي وانه اهوه حسين ومن كل كلب حبيته
ــــــــــــــــــــــــــــــــــــــــــــــــــــــــــــ
انه اعشكت وعترف كــــــــدام الناس
انه هويت اليهوه طــــــــــوله العباس
ماغيره الحسين السكن بــــــالانفاس
بخيره عشت وزلمه صرت
ماردني مـــــره اشما ردتت
الف أنعم الله عله حسين صيتي كبر من صيته
ـــــــــــــــــــــــــــــــــــــــــــــــــــــــــــ
بالك تحــــــــــب غير الحسين وتهوه
هيه الحياة ابــــــــــدونه بالله اشتسوه
ياهــــــــــو يعرفني كلي لــــو ما هوه
صيتي عله منه وله
بعيوني شايل كربله
تارسني حنيه حسين ماكو مثله حنيته
ــــــــــــــــــــــــــــــــــــــــــــــــــــــــــــ
غير الحسين اشتنفعك هلـــــــــــــوادم
ماكو أجمل وحله مــــــــن اسم الخادم
اشمحلاها مــــــــن يمها تسجلك فاطم
بماي الذهب من ينكتب
بشرط بعــــزاهه تنتحب
وكلها انه احب ابنج حيل ومثل الهوه شميته
ــــــــــــــــــــــــــــــــــــــــــــــــــــــــــــ
اصل الثــــــــقافه والــــــــوعي والعبره
تلكاهــــــــــن بمـــــــجلس عزيز الزهره
حبه انزرع فــــــــي كل كلب عل فطره
حبه تره بدمي سره
وشديته كلبي بمنبره
ياكلبي انعه عله حسين وبالخدمه ضل وصيته
ــــــــــــــــــــــــــــــــــــــــــــــــــــــــــــ
لاتلتهي بهـــل دنيه هــــــــــاي الغبره
بالك يفــــــــــوتك مجلس ومتحضره
صدك تفوتك نضره مــــــــــن الزهرة
بهاذه العزاء ام الوفاء
تحضر وتنعه الكربلاء
ام العزيز ام حسين تحضر تره بتعزيته
ــــــــــــــــــــــــــــــــــــــــــــــــــــــــــــ
يلــــــ بلــــــمجالس سامع وما داري
مجــــــــــلس حسين مأيد من الباري
للخدمه كل عام انه اشد اوزاري
بي اه منت بكيفه صرت
وجـــــهت وجهي وسلمت
انه صرت ملك حسين ويقبلني خادم ريته
ــــــــــــــــــــــــــــــــــــــــــــــــــــــــــــ
حسين عبد الزهرة الدراجي
خلصت ايام اربعينه...وابتده جرح المدينه
رجع ضعن العايله...وحشه صارت كربله
واحسيناه...واحسيناه
منظر ايبچي المواكب والمله
من تشاهد وحشه صارت كربله
ويلي كل زاير إجه او رد الهله
وزينب اترد بالدموع السايله
ترجع وتلطم عله الراس...ابلا حسين ابلايه عباس
والمدامع هامله...وحشه صارت كربله
واحسيناه...واحسيناه
چان بالزوار مسرور الگلب
هسه وحشه وصار يشعر بالغرب
ابيوم عشرين ابصفر موقف صعب
عالمواكب ينحب ايضل الدرب
تبچي وتنوح الحبايب...من يطيحون المواكب
وين چلمة ياهله...وحشه صارت كربله
واحسيناه...واحسيناه
هنه چم ليله لچن كلهن حنين
ذني أحله ايام عندي اويه الحسين
ريت اموت وأسمع ابطول السنين
زاير ومات ابطريق الاربعين
بربعينيته امنياتي...تنجعل ساعة وفاتي
واهدي كل عمري إله...وحشه صارت كربله
واحسيناه...واحسيناه
رجعت المشايه لكن يارجوع
والشوارع صاحت الهاي الجموع
قبل متردون ياأهل الدموع
هاي ليلة وحشه خل نعلك شموع
انخلي گاع الغاضريه...تنحب الحسرة رقيه
والضعن نستقبله...وحشه صارت كربله
واحسيناه...واحسيناه
راجع وجرحك يعيش اويايه
ياحسين وأمنياتي اهوايه
كون من هسه تسجل هايه
احچايتي للاربعين الجايه
ابداعة الاكبر وجاسم...سيدي خليني خادم
بالرضيع ومقتله...وحشه صارت كربله
واحسيناه....واحسيناه
سيد علي الموسوي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
بس بخدمتك يحسين
شفت الخادم أمدلل
وتحترمه جميع الناس
ومقدمينه دوم أول
اليتذلل ألك مولاي
ترفعه ودومه ماينذل
مثل الكمر وجنته والورده من شمته ضلت تصيح الله
يشبه علي بمشيته وام الخدر نادته عباسي يا محلاه ضلت تصيح الله
******
اشمحله العباس عيونه ماكو اثنين يشبهونه يوسف ما وصل حسنه وجماله
قران الطف نشوفه كلها ترتل بحروفه جان بكربله صاحب رساله
اول ما فتح عينه ضل ايباوع لحسينه وجبريل الملك ومضه قراله
اشكد بجماله صفن من شافه صله الحسن ومن المهد شالاه ضلت تصيح الله
******
من الله الروح تريده ظلمه النجمه بصف ايده سبحانه الخلق رمشه والعيون
شفاف وفدوه الكلبه شما يبعد يكبر حبه خله اهل الغزل بسمه يحيرون
جان امن اتغيم يشرق بالطف نوره اشكد يفرق من شدت ضواه كلهم يغمضون
من يحجي يحجي بدفو حته بزعلته حلو حكه الكلب يهواه ضلت تصيح الله
******
يمشي العباس بهيبه زمزم لو راد يجيبه وفرحانه اليتامه بلمست ايده
شافو من رسمو نوره اشكد ايخبل بالصوره جانت نضرة عيونه قصيده
حبيته وما حب غيره منه تعلمت الغيره الخوه مبدئه والحب نشيده
امن الخيمه يطلع برد الزينب يخضر ورد ويرف عليها الواه ضلت تصيح الله
******
شاب وعالم رباني ويشع وجه النوراني اكبر مجتهد ويفسر الاحكام
ايضم الناس بحنيه ويحب الانسانيه ويوصي ابأحاديثه بالايتام
عباس النجم الساطع بالطف عن دينه ايدافع حسين اسلامه ويحارب عالسلام
شايل فصاحه وعلم وعطر الفقه بي نشم بالطف علن فتواه ضلت تصيح الله
********
كلها تسولف بحساسه امن الغيره يدخن راسه من كد ما وفي شباجه ينباس
كل خادم لبس تاجه يكظي العباس الحاجه وشفنه بحضرته تتبرك الناس
من دون العالم ردته طب بكلبي وغازلته وما يحله الغزل اله ويعباس
اسمه بذهب ينكتب لو هوه لو ما احب والجنه تتمناه ضلت تصيح الله
******
تمت
تحسين الخفاجي
وخر يسلاب.. خليـــني وحـــدي
خل حر الاتراب.. يجويلي خدي
الخيل اجت من كل صوب
ساعه وتعال اعله الثـــوب
ـــــــــــــــــــــــــــــــــــــ
ثوبي يالسلاب عوفه.. الخيل اجت من كل درب
ودوسة الحافر ثگيله.. تكطع ابتوت الگــــلــــب
روح من بعيد بـاوع.. يمـــــي ابـــــد لاتــــقتــرب
راح تتطشر اضلوعـي.. وبالحجــر راح انظــــرب
هوه انه مـــرتيـــن.. داسـو عليــه
ضلت عله الثوب.. سهله القضيه
للوادم انه اشــمـــطلـوب
ساعه وتعال اخذ الثوب
ـــــــــــــــــــــــــــــــــــــ
حسين آنه رحمة الله.. تچوي بخدودي الشمس
يچوي التراب بصفحتي..وانچـــوه گلبي احــــس
مابقــــــه حيل وأگــــومن.. حيلي هداه الرفـــس
والرمح فتـت دليلي . بوسطـه نابـت منغـــــرس
وانه اعله هالحال: فايض بدمي
هاك اخذ شتريد: لاتبقى يـــمــي
مطعون گلبي ومتعــوب
ساعة وتعال اخذ الثوب
ـــــــــــــــــــــــــــــــــــــ
ساعه ويگطعون اصبعي .. ويجمد اعليه الدمه
ارد اسبح واذكــــر الله.. ذِكر امـي فاطـــــــمــــه
شلون اسُبح وانه اصبعي.. منگطع وي خاتمه
كافي مو يبست چبدتي.. وريجي طگ من الضمه
عالمحبس الگوم .. انظر ينظرون
صح بس التراب.. يترسها العيون
والقــــــدر هذا المكتـوب
ساعه وتعال اخذ الثوب
ـــــــــــــــــــــــــــــــــــــ
شويه واتدوس الحوافر. ضلعــي وادوس الظـهـر
وتسحگ الخيل اعله صدري.. من بعد ضــرب الحجر
وينگطع نفسي وتسوي.. بصدري طعنــات وحفــر
والسيوف تحـز وريدي .. وانذبـح من النحـر
وزينب بالخيام . منتظره الاخبار
وادري بگلبها.. مثل الجمـر حــار
خليني اموتــن فدنـــوب
ساعه وتعال اخذ الثوب
ـــــــــــــــــــــــــــــــــــــ
ساعه وايظل عالترايب.. جسمي وي ذاك الرمح
وخلو زينب من تجـــينـي. هلبـت اداوي الجـرح
يساعد الله اختي لمن. تشوفني اهنا منـــذبـح
وراس ماتلگه اعله جسمي.. والدمع منها يسـح
وتتلاگه الاوجوه.. بس راسي مگطوع
وزينب سبيـــــه.. والگلب مــــــفجوع
وحساب هذا ومحسوب
ساعه وتعال اخذ الثوب
ـــــــــــــــــــــــــــــــــــــ
حيدر بشار الدراجي
صوت.. بِشر ابن حذلم وصل
صوت.. منـه دمــع عيوني هل
مات.. مات ابو اليمه وسبوها العايله
~
وين اهل يثرب ينادي.. بعينه دمعه وتشتچي
خبر عاجل ارد اوصله.. وعندي وياهم حچي
ينعى يا اهل المدينه.. وسمع انياحه وبچي
بيه مابيــــه اعتنيته.. وعالصـــبر انه انتچي
صار.. شطوله ياناس الدرب
صار.. يرجف شماله الگــلب
وين.. وين صوته هذا ناعي كربله
يسأل اعليه ويناشد.. هايه ياهـــيه الـــمره
ومن عرفني ناشديته.. شلونه ابن الطاهـره
ايعدد بولدي وگله.. حسين سالـــم ياتـــــره
السيدي ومالك حياتي.. يابشر شنهي الجره
ريت.. اربع اولادي فده
ريت.. ايطيب گلب الوالده
كون.. للوطن يرجع وجايب كل هله
~
گلي ولدچ اربعتهم.. اعليهم الناعــــي نعــــــــه
وگمر هاشم يالنجيبه.. مدمي ضل عالمشرعه
إخبرني عن حسين اگله. بگلبي صارت فاجعه
يگول چنچ ماسمعتي.. الساني ينعه مصرعــه
هناك .. اتعثر ابصدري الهوه
هناك .. مات بعيوني الضوه
ينوح.. ينوح ليلي على حسين ومقتله
~
لامقام الكم ينادي.. شجايب اوياه من خبر
من تدنيت وسمعته.. ظهري ياناس انكســر
صوته صك سمعي ودليلي..بالخبر هذا انفطر
يكول ابو السجاد جسمه. بكربله صايـــر وذر
وراح.. عالرمــــح راس الولــــي
وراح.. اليسوه كل گومي وهلي
وليش.. ضل ثلث تيام جسمه اعله الفله
~
دامي ضل فوگ الوطيه.. وراسه مرفوع برمح
أبجسمه الف وتسعميه.. طعنه ياويلي وجرح
وداست الخيل اعله صدره.. من گبل لاينذبح
وزينب اخذوها سبيه.. واظلم اعليه الصبـــح
وصار.. اظلم بعيني النهار
وصار.. بالـگلب ياناس نار
ريت.. ريت وي زينب سبيه راحله
حيدر بشار الدراجي
نزله
……………………………………………………… .
عايش •• بس لخدمتك
عايش •• خير ابنعمتك
عايش •• جنه بمجلسك ••••• يا مولاي
…………………………………………………… .
مجلسك اكبر عشيره .. و الخدم ودّايه
والسواد البيه حروفك .. صار الهم رايـه
منبرك شيخ و يوحّد .. هالخدم بحچايه
غيره من عباس بيهم .. بالـطـبع وفّـايه
بيهم •• غيره و مرجله
بيهم •• ريـحة كـربلـه
بيهم •• هالمذهب عِله ••••• يا مولاي
……………………………………………………… .
كل نبي ومرسل وحجه .. حسدوا اللطامه
نوح يتمـنه بـخدمتك .. يگظي ذيج ايامه
موسى يتمنه ويعسيى .. يلطم اعل لهامه
اليعتني قرايه يخضّر .. ورد حدر اجدامه
رافع •• خدّامك نجم
رافع •• شان الي لطم
رافع •• لمصابك عـلم ••••• يا مولاي
……………………………………………………… ..
انا سوتني الخدامه .. ملك لابس تاجه
الاسم خادم حسني .. بشرف كتبوا باجه
عاشگ واشتم حروفك .. هوه ما احتاجه
كل مرض لمن اصيحن .. ياحسين اعلاجه
گلبي •• بـحروفك يدگ
گلبي •• متروس بعشگ
گلبي •• بي نار و حـرگ ••••• يامولاي
………………………………………………………
ثمن غالي اهواي كلش .. وصـل جـاهز ديني
بدوس من خيل اعوجيه .. و نحر من حسيني
شلون ما عل راس اطبر .. وابجي دم من عيني
كون احس بالصدر جمره .. عل لـخيم تچويني
دِيني •• جود ومشرعه
دِيني •• طفل ومصرعه
دَيني •• بالـدم ادفـعـه ••••• يا مولاي
………………………………………………… .
من عدم سوّالي قيمه .. حسين رافع شاني
من علي وجسام هيبه .. ارعـب بـعدواني
لان اخدم زينب اخته .. الگمر نخوه انطاني
لـو گـلـت آ يـا رقـيـه .. طَهَر بيـها لـساني
فاطم •• و عـلـيچ الضـلع
فاطم •• حـفظي هالجمع
فاطم •• عيني اعل لدمع ••••• يا مولاي
…………………………………………………… ..
حسين رايد من اخدمه ..كون حلوه اخلاقي
كون گلب المهدي يفرح .. لـو نـظـر بـوراقي
نـاس يـتغـير طـبعها .. و انا عل حگ باقي
كون بخلاقي اصـيرن .. للـفواطـم سـاقي
لازم ••كل خادم مُحب
لازم •• يتـحلـه بأدب
لازم •• لـمصابك گـلب ••••• يا مولاي
……………………………………………………
✍️ ( سيد خضر الزاملي )
تم نشر اجمل قصائد لاستشهاد الزهراء ع
. /channel/Saadhadi83
اجمل قصائد لاستشهاد فاطمة الزهراء ع تجدونها هنا
/channel/ininafwf
مستمرين في نشر قصائد استشهاد الزهراء ع
/channel/+_uuVITC_f45iZDky
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
هـوا الخـدمة انتنفس ياهوانه(هوائنا)
ابلا عزائك منو يعرف ياهو آنه؟ (منو آني؟)
نـتـيه بــغــيــــر حـبك ياهوانه (ياهو النا)
يالــمـعـزب نــحــر بــالـغـاضـريــة
✏️بقلم:سيد منتظر الموزاني
السلام على رسول الله سيد الكائنات واشرف المخلوقات
يا أبا القاسم
آداء: سيد منتظر الموزاني
كلمات: سيد علي الموسوي
حسينية الموعود _بغداد
https://youtu.be/cOSmm0RgEs4?si=_wCQii4PDaVtvhYn
قصيدة لعودة السبايا في الاربعين ..
ردّن .. إمن السبي لحسين ردن
يمشن ..الكربله اعله النوك يمشن
بالاربعين .. بالاربعين
...........
جن تحس الدنيه تبجي ويه مسيرتهه
رجعت وبالشام اي دفنت حبيبتهه
جن تحس حُركَة نبي تنزل بدمعتهه
مو قيامه زينب من النوك شهكتهه
تجوي .. لو نزلت اعله الخد دمعه
تجوي .. لاهله القلب مشتاك طبعه
بالاربعين .. بالاربعين
..........
خوله ورُقيه لو صفيه ماكو من ردّو
من كبلهه شنو ذنب اطفال وانسحكو
من كبلهه شنو ذنب رضيع من ذبحو
من كبلهه الماي ليش اعله الحرم منعو
حيره .. شلون اعدهم صار هواي
حيره .. والكمر طايح يم جرف ماي
بالاربعين .. بالاربعين
..........
وصلن امن الناكه زينب بالدمع طاحت
حسين يبن امي اجيتك بالبجي صاحت
شحجي ويّاك وسهام الشام من لاحت
لسه تكتلنه ورقيه منهه الارتاحت
ماتت .. عدي دمع منهه الك رد
ماتت .. ماتت غريبه ماكو أحد
بالاربعين .. بالاربعين
..........
كلمن تسولف حزنهه وي كبر وحده
والدمع جمر الدليل ولو نزل بعده
باب حزن الفاكد اهله منهو اليسدّه
ان جان مثل حسين ميّت باقي اشعنده
جنّه .. حس بالكبر زينب اخته
جنّه .. صاح خيتي امفطره شفته
بالاربعين .. بالاربعين
..........
ذاك كبر اعله الشريعه تبجي يمّه اخته
تكله كون الليله يمّك والعمر عفته
كون كاعد هذا وجهي يلكمر شفته
رحت للشام ورجعت وهسه معرفته
كلبي .. جن المثلث صابه وياكم
كلبي .. آنه العليله وانطر ادواكم
بالاربعين .. بالاربعين
.........
ابو مريم الاسدي ..
23/آب/2023 ..
هدية الســـماء الخــــدمه والعزاء
الحمد لله عالحسين ورحمته
رب السماوات اشكثر. افضاله كلهه امقسمه
والحمد لله قســـمتي خلاني اصيرن خادمه
لو ماتت ارواح الخدم تحيه ابمحرم فاطمه
منهه الخلق ســره بده ومنهه تصير الخاتمه
كل العمر خيام ومحــرم الحرام
الحمد لله عالحسين ورحمته
مادام اشــــم منه الهوى اسم الحسين ابدنيتي
يصعد نفس ينزل نفس تارسهه عيني وريتي
لو الله شاء وحـــل امر والموت راد ارويحتي
عبرني عاشــــور واخذ ماريد حسره ابموتتي
ياربي خـل اموت وعاشـــوره لايفوت
الحمد لله عالحسين ورحمته
هاگد حفضناها الســمه انراقب اهـــــــــلاله يهل
عاشور ابو اليمه الجرح هــــــــذا الذي مايندمل
ياگلبي عزل وادمــــــك خليني وي جرحه انشغل
مافرط بهذا الـــــــــرزق باچر على الخدمه انسأل
يسألني ابو المصاب وما اجمل الجواب
الحمد لله عالحسين ورحمته
نكرهـ رقم عشره اشـــــكثر واليفطن اعليه ينجرح
عشره على حسين اسحگت وعشره ابمحرم ينذبح
عشره الاصابع بالبــــــــــشر تسعة اصابع ماتصح
خنصر فگـــــــــــدنه ابكربله وچمل مصيبتنه الرمح
من كربله الجـــروح گلبي انخلق ينوح
الحمد لله عالحسين ورحمته
عندي ارتباط ابدمعــــتي والحــــمد لله جاريه
ما ابچي واحد كل وكت بس عيني لجله باكيه
هوه الحســـــين واكتفي واعظــم كلام وقافيه
عاشوره ربـــــــاط السنه وباقي الحچي للهاويه
ملخــــص الكلام عاشـــوره والسلام
الحمد لله عالحسين ورحمته
خادم القصيده
شاكر الصيمري
نادو وداعـــــاً………
فجأه و رحل عنه الضوه
نادو وداعـــــاً………
والهوئ ما لاگي هوئ
نور النـبي مـنـها غاب
الدنيه ماعدها احباب
نادو وداعــــاً
نادو وداعـــــاً
**
سافر نبي الرحمه وصفت
مــخفيــه اســـراره
يـمه العــلي اختاره
ينعئ الوحي ابداره
انجـوم الارض يمه غفت
دمــع الهـجر جارح
نور الــشمـس رايح
وشيــنـفــع الصايح
دمــوع الــعين دمـهن سال وجره
نحس بالنار تچوي احشانه وجره
ننــاشــد وين شنــو الــصار وجره
صــدگ ميــعود ابو الزهره الزچيه
نوحو الــمصــابه………
ودعنه نور المصطفى
نوحو الــمصــابه………
من بعده عالدنيه العفئ
الــجـنه غـطاها اتراب
الدنيه ما عدها احباب
نادو وداعــــا
نادو وداعــــا
***
من يلفي طاري المگبره
الــروح چن هيمه
لامـــاي لا غــيمه
محترگة چن خيمه
الاملاك ضــلت حايره
وكت الدفن يمه
اتـبوسه واتشمه
تتــعطر اباسـمه
يـناعي اعليك دمع ابنيته ردنه
الثوب امــن البواچي هزل ردنه
تمــنيــنه يــرد هــالــيـــوم ردنه
عــگـب فــرگاه مـــانحمل اذيه
بـهــاي الـــرزيه……..
ماتم نصبنه ابكل گلب
بهاي الـــرزيه………
حقه العرش لو ينتحب
المن نجي اندگ ياباب
الـدنيه ماعدها احباب
نادو وداعـــــا
نادو وداعــــــا
*******
الشارك ابدفنه او دعهَ
بجروحه ضل حاير
مــايـرتــجي باجــر
ضــل يكسر الخاطر
هالــيله جينه انشيـعه
ويــــانـــه علـويه
بــــدموع مسبيه
نـــقــراله لـطميه
التعنه الماتمه گاصدله والجاه
رسول الله هوه الهيبه والجاه
نــيــران ابــگــلبـــنه نار وجاه
تــضــل تسـعر لحد يوم المنيه
نقره ابعزائه……….
من يوم ودعنه النبي
نقره ابعزائه………
من مقتله الحد السبي
والمقتله ماكو اجواب
الدنيه ماعدها احباب
*****
ريحة المهدي ابمجلسه
جن صوته ياجدي
دمعي تـرس خدي
انه ابنـــك المهدي
هيئه وخدم متاسسه
للخدمه شرايه
لي رفعت رايه
للـــقبله مشايه
دكافي يادهر تهنه بعد وين
رسول الله عنه ابعد بعد وين
نون ونوح بالمهجه بعد و…ن
على امصابه صباح وكل مسيه
انقيم المجالس…………
رحيم الوائلي .
مشاركة الرادود سيد منتظر الموزاني في موكب الحوراء زينب. ع
Читать полностью…
للحرب ودت اشلون اربعه وابو فاضل لزمها المشرعه
******
بغيرة الله تحزمو وعالمنيه اتراكضو ولد حيدر كيفو اجوها
كمر هاشم باللوه وكربله تصيح الهوه للحرب نزلو سوه وسبوها
الروس كلها اطايرت والجيوش اتراجعت حكها زينب زامطت بخوها
ومن هز الرايه العباس ضلو راس يطك براس
هوسه // وسيفه من الدم صار احمر
ياهو يكدر يفوت ويمنعه وابو فاضل لزمها المشرعه
*******
امن ام البنين وكفو ماخذه اطباع البدو بله يشبها منو اصيله
هاي اهلها اهل الهله وهيه حيل معدله اشما تضحي بكربله قليله
رضعتهم عاطفه وعلمتهم عالوفه حسين كنز المعرفه الوسيله
وها يم عباس اشتردين ولدج لزمو ضهر حسين
هوسه لعبو جوله ولدك بالطف
اكبال اخوهم قروها الواقعه وابو فاضل لزمها المشرعه
*****
شدو الحيل واجو وعالفرات استطلعو بالمعسكر هوسو نشامه
اتراجع الطف ليوره شاف سبع الكنطره وبالخيم تتنطره اليتامه
للزلم ماضل اثر هذا عباس الكمر اتكول صارت عالنهر قيامه
من عنده اشلون يشردون خل ناخذ عطوه يكولون
هوسه // عباس هاك اخذ النهر
اهنانه عسكر تعنه وضيعه وابو فاضل لزمها المشرعه
*******
وين المهيل نزل شفنه متن الطف هدل اعليهم ايلوك الزعل ضياغم
كلبو الدنيه كلب ودخلت انذار الحرب الجيش فر امن الرعب هواشم
ذوله تربات الولي ذوله واحدهم علي بيدهم من تعتلي الصوارم
من فوك الخيل ايشمرون وميه بصف ميه يذبحون
هوسه // اهل الغيره سوها ارماد
والنشامه بدماها اموقعه وابو فاضل لزمها المشرعه
******
صفنت عيون السمه بولد حماي الحمه غركوها بالدمه المعاره
ماكو فرصه الهم بعد فكر روحه الما شرد والكمر بخوانه هد غياره
للحرب سيفه ابتسم وجان شيال العلم محد يمر بالخيم شعاره
تصهل بالميدان الخيل راواهم عباس الويل
هوسه // عباس الشط طير راسه
والكتايب بعدهي مروعه وابو فاضل لزمها المشرعه
******
غاره والسبعين الف كلها منهم ترتجف بالحرب ماكو عرف نشاهد
حشم حسين اخوته وهمه دوم بطاعته صارو بصف خيمته سواعد
بالنصر خل تحتفل كربله وتحجي الفعل حته لو جاي الفضل يجاهد
بساع وردو شمرت قوس بالخيل امعلكين الروس
هوسه // بيهم يتباها الملعب
حسين الهم رفعه ايده ودعه وابو فاضل لزمها المشرعه
*****
تمت
تحسين الخفاجي
في حق انصار الحسين (ع)
ذكرهم بالعزيه ٠٠ رضا الزهره الزچیه
ــــــــــــــــــــــــــــــــــــــــــــ
نقـــي النيه ولا رايد مظاهر
طلع يم خيمة الحره مظاهر
سلامــاً ياحبيب ابن مظاهر
اخـــــت عباس ودتله تحيه
ــــــــــــــــــــــــــــــــــــــــــــ
بشر الحضرمي وأسلم وجابر
بلسم للكســـــر صارو وجابر
امن ازورنكم اجي خادم وجابر ( البر)
بِركــــم شفته بر الوالديه
ــــــــــــــــــــــــــــــــــــــــــــ
سليمان او انس واسلم وجبله
دمـع العين مــو منخي وجبله
صارو للخـــــــدم كعبه وجبله
وي حسين مدفـــــنهم سويه
ــــــــــــــــــــــــــــــــــــــــــــ
يگلبي غيرهم بالكــــون مالك
عابس ، جون ، والمغوار مالك
واحـدهم وسـام الشرف مالك
وشّرفهم رضا الزهـــره الزچیه
ــــــــــــــــــــــــــــــــــــــــــــ
زاهــــــر ويه عبد الله وحيان
موش اموات عد ربهم وحيان
هالاسمــــاء بيهم نزل وحيان
وعليهم وقّــع الهادي ووصيه
ــــــــــــــــــــــــــــــــــــــــــــ
وي ريــح اليهب ودّه سلامه
ويعلم ماتصح بالطف سلامه
هو الهـمداني ابن ابي سلامه
رخـــص دمّه لبو اليمه هديه
ــــــــــــــــــــــــــــــــــــــــــــ
حيدر بشار الدراجي
ياقاصد العزاء.. بالنوح والبكاء
في مجلس الحسين.. اسألك الدعاء
~~~
بيت الحسين.. المجلس وكل حاجه بي مقضيه
والمعزين.. حضرو المجلس بصافي النيه
خيمة حسين التلمنه.. بيها مجتمعه الخدم
مدرسه وبيها انتعلم.. للمبادئ والقيـــــــــم
بيها.. بيها عبره وعبره
بيها.. بيها ناخذ فكره
لو سالت الدموع.. لاتعني الخضوع
تعني اذن شموخ.. بل هيّ كبرياء
༺
بالعزيه.. بينه كل واحد يوصي الثاني
والوصيه.. خويه الله اعليك لاتنساني
بالمجالس مستجابه.. الدعوه من ندعي بقين
ندعي ويأمن دعانه. ويرفع چفوفه الحُسين
ربي.. ربي ديم النعمه
ربي.. ربي ديم الخدمه
ونبعث السلام.. بالشوق والهيام
للضامي الغريب.. من مجلس الرثاء
༺
دمع العيون.. يجرح الوجنه لون ناعي نعه
ينحب الكون . للغريب اومقتله والفاجعه
من يهل شهر المحرم.. تنشر املاك السمه
ثوب ابو السجاد لاچن. منترس من الدمه
المهدي.. المهدي ينعه مصابه
المهدي.. المهدي بين احبابه
والحزن والنحيب.. لجده السليب
والخنصر القطيع .. ويوم كربلاء
༺
المهدي حزنه..كل نهاره عالغريب وليله
بغربه چَنه.. عايش وكثر الدمع هد حيله
راحتّه بهاي المجالس.. لمن يسيل الدمع
يلطم ويانه اعله جده.. وگلبه دامي ومنفحع
الغايب.. الغايب الله يعينه
الغايب.. الغايب امتانينه
يستقبل الجموع.. بالنوح والدموع
في موكب الهيام.. ويبكي من دماء
༺
احنه للموت.. مانبطل هالمجالس والنحيب
صحنه فدصوت٠.آه واويلي على حسين الغريب
حتى من بعد المنيه.. كون نحيي هالأمر
من يجي شهر المحرم.. قرايه نسمع بالگبر
الخادم.. الخادم بگبره يون
الخادم.. الخادم بطبعه يحن
ونرفع الجواب.. لوجائنا الحساب
في خدمة الحسين.. اعمارنا فداء
༺
حيدر بشار الدراجي
لك العزاء ياصاحب الزمان
ــــــــــــــــــــــــــــــــــــــــــ
يعينك الله سيدي يبن الحسن
شكثر گلبك شايل هموم ومحن
دموع عينك للنوايب خلصن
والرزايا شافن بگلبك وطن
ــــــــــــــــــــــــــــــــــــــــــ
يصبرك الله ياوريث الانبياء
شسوت بروحك مصايب كربلاء
راسم بعينك مناظر من دماء
امن الصبح تنصب على حسينك عزاء
ــــــــــــــــــــــــــــــــــــــــــ
تبچي عالنايم على الغبره سليب
انتَ بالغربه وتنوح اعله الغريب
مختنگ صدرك عله حسين الحبيب
ماتمل امن البواچي والنحيب
ــــــــــــــــــــــــــــــــــــــــــ
احنت ضلوعك هذيچ الفاجعه
امصيبة العباس امير المشرعه
الطاح عالغبره وچفوفه مگطعه
حيل گلبك محترگ من مصرعه
ــــــــــــــــــــــــــــــــــــــــــ
خاطرك مكسور عالطفل الرضيع
بحضن ابوه حسين مذبوح وصريع
حاله مثل الطير والمنحر گطيع
شلون امه شافته بمنظر فجيع
ــــــــــــــــــــــــــــــــــــــــــ
اظن دمع عيونك الهسه يسيل
عالفواطم والعقيله والعليل
ومن خذوها اعله الهزل اخت الكفيل
مستحيل يطيب جرحك مستحيل
ــــــــــــــــــــــــــــــــــــــــــ
حيدر بشار الدراجي
ساكت ليش ومتحاجيني
مو روحك جنت تسميني
ياعباس _ احجي وياي _ عوف الماي _ مايسوه
جنه سنين _ رمش وعين _ واحله ثنين _ بالخوه
/////////////////////////////
بعد غيبه تلاكينه .. وسوالفنه ابواجينه
بنص الليل .. دمعتي اتسيل .. خويه اجيتك
بالي شدهته الفركه .. اشوفك ايدي محتركه
بكلب ملجوم .. اصيحك كوم .. خويه اجيتك
سولف يبعد اليوجعني
يل انه منك وانته مني
وجهك غريبه اديره عني .. ياابوفاضل
يدخن لكيته راسك الحار
ومن الهوه ادريبك اتغار
مستحي مني وظال محتار .. ياابوفاضل
عكبت تهت ابحر احزاني
تطفه الخيمه يدوي ارداني
احتاريت _ وتجويت _ شكد ناديت _ اتجوه
جنه سنين _ رمش وعين _ واحله ثنين _ بالخوه
/////////////////////////////
اجتك اختك اتشوفك .. عثرت بدربي بجفوفك
كلي احسين .. بلا جفين .. عفت اخيج
حجالي القصه بدموعه .. كال اجفوفه مكطوعه
ملاكي الريح .. ردلي يصيح .. عفت اخيج
مبين رجع فاكد عظيده
تهمل دمعته وترجف ايده
الماي اليتعبك ما نريده .. وانته ضامي
يالماكو بالدنيه ابغلاتك
شبعن لطم يمك خواتك
راس السهم عابر لهاتك .. وانته ضامي
وي كل اصبع طاحت خيمه
وركضت اختك نص الهيمه
شصاير بيك _ ابجي اعليك _ جفوفي انطيك _ للنخوه
جنه سنين _ رمش وعين _ واحله ثنين _ بالخوه
/////////////////////////////
وين انصبهه فاتحتك .. يالمن كلبي سامحتك
يا عطشان .. بس نسوان .. وانته تدري
سوالف بيني اوبينك .. اطلعلك سهم عينك
ما تنجاس .. ياعباس .. وانته تدري
ما ظل اخو عندي وافزعه
عد راسك اكعد خلني انعه
بعينك سهم ياهو اليطلعه .. ياحبيبي
فراكك بدايه ماله تالي
انه انشفت مو بس خيالي
ابجي اعله حالك مدري حالي .. ياحبيبي
أسئل عنك روحي شلونك
شالع كلبك سهم اعيونك
شوفك راح _ جفك طاح _ ما مرتاح _ تتلوه
جنه سنين _ رمش وعين _ واحله ثنين _ بالخوه
/////////////////////////////
يخال اولادي حاجيني .. صدك رايح تجافيني
شعجب مو ذاك .. نفس ملكاك .. حيرتني
اظلن ياكمر صعبه .. ابكيف الوادم الغربه
شنهي الراي .. يا وفاي .. حيرتني
عباس احلفك بالمحنه
ترجعني اريدنك لهلنه
خويه المصايب دوهننه .. من عفتني
يمك اجيت وارد اجعدك
وايدك ارجبهه اعله زندك
طاحت دمعتي فوك خدك .. من عفتني
مو من طبعك هيج اويايه
عاد احجيلك بس احجايه
عندي اطفال _ شوف الحال _ ساكت ظال _ مو حلوه
جنه سنين _ رمش وعين _ واحله ثنين _ بالخوه
/////////////////////////////
خشنه احجايت الفركه .. مثلك كلي وين الكه
الك اشتاك.. يحلمي انباك .. عالشريعه
حلوه الجانت ايامي .. وفيك تارس اخيامي
بعد متعود .. شبكت الجود .. عالشريعه
من الظهر ذاكه انتظرتك
للمشرعه رحت وخسرتك
تعذرني اريدك يالعذرتك .. ياحسرتي
نوم العوافي ابقه نايم
وشصار بختك الله عالم
ضليت الم روس وعمايم .. ياحسرتي
كل ساع اشبك كمت اعمامه
وين الجانت حلوه ايامه
الاتعناه _ ابجي وياه _ بالويلاه _ والفدوه
جنه سنين _ رمش وعين _ واحله ثنين _ بالخوه
/////////////////////////////
قميصك لونه صار احمر .. جمالك ذابل اتغير
عليك الخيل .. سحكن حيل .. بالحوافر
غميج الجرح البكلبك .. حقك تيهت دربك
سهم رايح .. سهم راجع .. بالحوافر
بالخيل اشمن خويه عطرك
وكل المحنه بهذا صدرك
ما عندي وصله افرشهه حدرك .. مو بديه
تشبكني بيمن من اودعك
كلي يزينب خل اسمعك
امسح كمت بالشيله دمعك .. مو بديه
خلصت وسفه هيج العشره
وكل واحد ظل لازم ظهره
ماظل لون _ بوجه ام عون _ امشي شلون _ بالكوه
جنه سنين _ رمش وعين _ واحله ثنين _ بالخوه
/////////////////////////////
تمت ____ علاء الزيدي