533
حسين سالوفة عشك مرها الذبح للتواصل @Eng_alhabeeb
لو يطلب عرش بلقيس ايجيبه الخيمته العريس
آصف قبل لا يرتدله طرفه يلگه ابن الحسن واگف بصفه
****
شاب وكاشخ بعلمه وهذا العلم من عمه واخذها علومه منه
آصف منه يتعلم القاسم عالم وأعلم وكلها حچت عنه
عد آصف علم جان من الكتاب
ولسليمان بجفوفه عرش جاب
عند ابن الحسن كل علم الاطياب
بحيث بدعو ابن ظاهر يرد شاب
من يدعي نعرف بهاي ينزل عالخيام الماي
دعائه مستجاب الكل تعرفه يلگه ابن الحسن واگف بصفه
****
ياهو بحسنه يوصله طالع عالحسن كله كل ارسومه عنده
حلوه كشخته وطوله بوجه الفلق يقروله من عين اليحسده
جماله ما توصفه كل قصيده
وعن حسنه الشمس كلش بعيده
يوسف من يشوفه يگطع ايده
وتوگف كربله وتصيح اريده
كلشي بوجهه يتغزل ماخذ بالجمال أول
اذا حتى الوصف لمن يوصفه يلگه ابن الحسن واگف بصفه
****
جاسم معجزة عصره هيبه وگدها من زغره وشد عزمه بعمامه
محله اعمامته الخضره شاب وضحى كل عمره للدين وأمامه
لبس درعه ونزل سوح الحرايب
مثل جده علي مظهر عجايب
ذباها الكتايب عالكتايب
وصار اليوم دمها للرچايب
هذا ابن الحسن خيال زلزل كربله من صال
قبل لا عمه ينخاه ويكلفه يلگه ابن الحسن واگف بصفه
****
فايض بالكرم جوده معدل والهله زوده هنياله اليضيفه
كريم وتشهد افعاله وابد ما بردت ادلاله فتح للكل مضيفه
هذا ابن الكرم واهل المضايف
مملوح الحچي وحلو السوالف
من جدمه لحد راسه مواقف
وهذا المايرد محتاج حالف
داره ما خله من الظيف يكرم مثل ابوه بالكيف
هذا الناره ابد مايوم تطفه يلگه ابن الحسن واگف بصفه
****
بالطف اختفت شمسه وما صار وگضه عرسه ولا علگو شمعته
لا بالعمر يتهنه ولا شافت اديه حنه راحت كل كشخته
لا شاف العرس لا شاف زفه
من دم رگبته حنوله جفه
بأول عمره ليش اشموعه تطفه
وجاسم عالرمل جا ليش يغفه
واحنه بكل سنه خدام نعلگ شمعته جسام
ونواسي الذي ما حنه جفه يلگه ابن الحسن واگف بصفه
****
تمت
ميثم العمري
يالعليله لا تكتبين الرساله
راس ابوج اعله الرمح ذباحه شاله
لا تتانين راح الحسين
يالعليله
***
اليمته عوفيها لا تكوليها حسين ما يرجعلج وشفتي العلامات
الموت كلالج ضمي مرسالج عوفي مكتوبج واكتبي اعله الضرف مات
عطشان ابوج وطاح من مهره
وسهم المثلث طلع من ضهره
عاري الجسد والطبره عالطبره
وبكتره تنحب فاطمه الزهره
لا تأذينه بعتابج يالحنينه
يالعليله حسين ابوج امسلبينه
تهمل العين راح الحسين
***
حضري ادموعج ولزمت اضلوعج ما دريتي اشصار برض الغاضريه
حسين بالعاشر رضرضه الحافر وهشمت اضلوعه الخيول الاعوجيه
خليت ابوج اعله الترب نايم
وشفت بقميصه اتسلب الوادم
متمدد ولا بي ضلع سالم
وصورة ذبح وجه الكمر راسم
حسين طاح وناحت السبعه المنيته
يالعليله وتلعب الريح بلحيته
وبيج جرحين راح الحسين
*
اتخضب بدمه وراح ابو اليمه يالعليله اسهام صدره ألمنه
كربله تخبرج وحايره بأمرج والمحنه راحت اويهل المحنه
ثاني رساله المن تكتبيها
عباس طاح المن توديها
مجروحه زينب لا تذكريها
ترتاح من الدمعه خليها
عمج العباس جفينه كطيعه
السهم صابه ونكسر كلب الوديعه
وين تردين راح الحسين
****
فرت اعياله وحالته حاله وعمتج زينب تطفي بنار الاخيام
كبرت الحيره عكب ابو الغيره وزوركت من الصياط امتون الايتام
هاي التكول انجوت رجليه
وذيج التكول انبكت ترجيه
مسبيه طاحت فوك مسبيه
كل وحده جنها اهلال محنيه
امجتفات وركبن النوك الهزيله
وبطريق الشام رحلتهن طويله
لا تسألين راح الحسين
****
شابحه الناضر والكلب حاير افراك ابوج امتعبج ومهدوم حيلج
كومي سدي الباب راحو الغياب اشلون تكضينه بجفاهم راح ليلج
ضمي الرسايل وحجي عالفركه
عبد الله ضل بعازت الشبكه
ليش المفارك دمعته تحركه
المغرب يجي وتجلجل الخنكه
يالعليله امصيبتج ماكو مثلها
الناس صاحت هاي المذبحين اهلها
وزاد الونين راح الحسين
**
تمت
تحسين الخفاجي
كلبي يحن ليل الحزن اجاني
ما ينكطع شهر الدمع اجاني
افراك اخوتي ماذيني يهلال لتبجيني
*
يهلال عاين حالتي مكسور كلبي اعله اخوتي شيردهم العافوني
ما يرحم افراك المشو جم حيل من عندي خذو ماي برمل خلوني
مليت من كثر الصبر بالباب ضليت انتظر الحد ما عميت عيوني
ذاك الكلب فوك الترب عفتهم
نوحي اعتله وبكربله عفتهم
صارت ظلام اسنيني يهلال لتبجيني
**
افرش صورهم بالكلب وذكرهم ودمعي يصب وجرح الاحبهم يكبر
امن اليل لليل انتظر كبرني الفراك اشكثر امن السهر لوني تغير
احنه العمر جبناه سوه ليش انكطع حته الهوه ونار المصايب تسعر
امن الون كضت وتغربت حياتي
ما بيها ابد راحه بعد حياتي
اغفه ودمعتي بعيني يهلال لتبجيني
***
ماريد اشوفك يا شهر مني خذت احله كمر وما فاركتني طيوفه
مهشوم راسه بالعمد وكلب اخته لحضه مابرد ومكطعات جفوفه
اصعب جرح وصعب الم من شفت بعيونه السهم صحت الكمر ماعوفه
ماضل امل عني رحل كفيلي
فوك النهر خان الدهر كفيلي
وعكبه ضعت تدريني يهلال لتبجيني
**
ريج الحسين اشكد يبس والماي اشد امن الفرس عذب حسين تحسه
تربع عله صدره الشمر وحسين ضلعه منكسر وبرجله كام ايرفسه
بالسيف يطبر هامته ومن الكفه حز ركبته والخيل كطعت نفسه
وبعد الذبح شاله برمح ذباحه
اطهر دمه وبجه السمه ذباحه
فوك التراب حسيني يهلال لتبجيني
*
يهلال زيدت الالم وتذكرت حرك الخيم وصار السبي كدامي
جم طفل بالخيل انسحك وجم واحد اكبالي احترك وضامي يلوذ بضامي
اجمع بالاطفال واون وصياطهم فوك المتن وتكاثرت الامي
وويه الابو تحجي بدفو رقيه
تكله خفت وتسلبت رقيه
يمك اضل خليني يهلال لتبجيني
**
تمت
تحسين الخفاجي
شهادة مولانا الباقر صلوات الله عليه..
..
٧ ذو الحجه الحرام..
يمشاهد الطف والجره بعيونك يدور
حته النفس ياسيدي ابرييتك عاشور
موسهل نوصف كسرتك
يلمسبي ابوك وعمتك
من زغرك لحد شيبتك
حته النفس ياسيدي ابرييتك عاشور
..................................................
ياهضمت الصد عمته... تركض وتعثر لحسين
والشاف ابوه ابخيمته ناره احركتله الرجلين
ابزغره شييب سيدي الطف مضاعف عمرين
اطفال ماتت بلسحك والحرم شافتهه العين
بساعتهه ينخه بصوت مهموم
واتمنه ذيج اللحضه مسموم
ولاشاف ابوه مايكدر ايكوم
هدمت جبل ياحيله مهدوم
تركض الخيل امعصبه
ويشوف جده اتگلبه
اعليك الحصل يامصعبه
حك من تنام بدمع جاري وكلب مكسور
حته النفس ياسيدي ابرييتك عاشور
..................................................
العايش ايام السبي... والشام هاشِم راسه
اليوم مسموم وعليه يبجي الحجر وي ناسه
كل هاشمي ياهل الخلگ مجروح دوم احساسه
شجره ووصل مثمر علم بس الجهل هد فاسه
البلسَم امطيحينه بلسِم
رسمو دموعه الضحكه يرسم
واضح وياهم موش طلسم
جسمو جبدته الخبزه يجسم
يتلهوج ويبجي الحسن
الله صرخ نفس المحن
شكرا يربي اعله اللفن
بس ماشبعت ابجي البقه اعله الرمله منحور
حته النفس ياسيدي ابرييتك عاشور
..................................................
ودوني يم جدي النبي غاد اندفن خلوني
ابارض طيبه ابصف هلي وام الكمر دفنوني
الغربه مااحملهه انه دون الاهل تدروني
واكره اسم غربه لان تعرض ابين عيوني......
الناحت بذيج الخرابه
والماتت ومامش گرابه
بمنازع وتذكر مصابه
واتكول دمه اصبح شرابه
العطشان ضل يشرب عطش
والحافر بصدره فرش
ياويلي مالمه نعش
موذور گلبي اعله البقه بلهيمه موذور
حته النفس ياسيدي.. ابرييتك عاشور
..................................................
واخر وصيتي ومطلبي.. للخدم واهل الدمعه
ماريد يبرد مجلسه.. الضحه ابعياله وربعه
من تجي الزهره لهالعزه واتدور اعله الينعه
اعله حسينهه اتشوف الطفل والشايب ابفد وجعه
تنكسر كون وتطبر الهام
ع الشامرينه احجار بلشام
وتحترك كون بطاري الخيام
تجبرون كلبي البلكسر دام
والكم كثير من الاجر
وازغرهن زيارت كبر
بلمحشر اشكد يفتخر
من اجفوفه..الحسين ويعبره ابرهدنه السور
حته النفس ياسيدي ابرييتك عاشور
مصطفى خالد
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
العليله
وحدي انه وعلتي عفتني
بيه تخنگ عبرتي عفتني
گمت اسولف للگلب
كلش ابعيد الدرب عفتني عفتني
خلافك الدنيه يبويه مستحيله
صاحي مايحملهه تحملهه العليله
ياهو غيرك لوضجت بويه اشتكيله
سافرت والسفره شوصارت طويله
قابل اشطوله العمر
حتى اظل انه انتظر
فاطمه بعازت دلال
طول اغيابك تعال عفتني عفتني
انه وجروحي بقينه انون سويه
من يجي غروب وتحل بيه المسيه
عيني للدمعات احس صارت سبيه
جدامي ماتحملني لرض الغاضريه
گلبي بجفاكم يون
ياكل بروحي الحزن
تدري ميفيد البچي
ولايرد مجفي الحچي عفتني عفتني
ادري مترد وانه گتلك رد عليه
حيل ملهوفه اعلى خوله اختي ورقيه
ورد احط عبدالله بويه بين اديه
خاطر اتناسه المرض ونسه الاذيه
رد علي ياسلوتي
شملي لمه ويه خوتي
افرح ابلمت الشمل
وحدي بالدار انه امل عفتني عفتني
.
عادت الينتظر يحسب بل ثواني
روحه بيه معلگه وماضن نساني
هسه يدري بغبته شگد جاي اعاني
من تركني ماتت ابروحي الاماني
كل دقيقه تمر جرح
فارك اشفافي الفرح
شوفت الاعمى الضوه
ونت العله الدوه عفتني عفتني
صوت مدري منين اجاني وگلي اگلچ
مايرد غايب دمع ويرده دمعچ
ياهو گتله انت وگلتلي مايردلچ
كلي انه احساسچ اليبچي اعلى خلچ
اطرد الوحشه بشمع
راح اضملك دمع
حالتي شگد مئلمه
انه بنتك فاطمه عفتني عفتني
تمت
محمود رحيل
السلام على فاطمة العلية بنت الحسين ––ع
ـــــــــــــــــــــــــــــــــــــــــــــــــــــ
يا بــويه من امشــيت ــ مـاظـل ضوه بالبيــت
كلشي غريب ـــــ كلشي غريب ــــ حته الهوه
ـــــــــــــــــــــ ــــــــــــ ـــــــــــ
ابيتي غريبه انه احس والليل مــوذاك اللــيل
الجـان يجمـــعنه بأابـــو هسه يمر بيـه بــويل
ولاشوفن اطراف الضعن ولاشوف مسراهه الخيل
كلشي انطفه حتة الشمس بس الدمع ظل ايسيل
لحضانك اشـتاگيت ــــــ ماظــل ضوه بالبيت
كلشي غريب ــــ كلشي غريب ــــــ حته الضوه
ــــــــــ ـــــــــــ ـــــــــــ ـــــــــــ
الديوانك اركض من احن ملهوفه اجي لديـوانك
مابي سـوالف ياهــــله يابويه خالي امجــــانك
واشتم مجـانك وانذهل مابي حنان احضانك
ويابيتي ماريدك بعد مثل الگبــر جـــــدرانك
من غيبـتك ونيت ـــــ ماضـل ضــوه بالبيـــت
كلشي غايــب ــــ كلشي غايـب ــــــ حته الهوه
ـــــــــــــــــــــ ـــــــــــ ـــــــــــ
اتمنه روحي ويه الضـعن يابويه امشـي اتمنه
وعبد الله اناغي عن گرب وتمـوت بيه الونـــه
ونفرح ويلتم الشمل وجـــسام بيـــده الحنه
ورمــله تنادي ياهـــله بسكيـــــنه صارت جنه
بس بالأمل ضليت ــــ ماضل ضــوه بالبيــــت
كلشي غريب ــ كلشي غــريب ــــ حته الــــهوه
ـــــــــــــــــــــ ـــــــــــ ـــــــــــ
بالبيـت انه ودمعــتي ونــــجمه حزيـــنه اويانه
نبجي نضل حد الصـبح عالسـافر اومــــاجانه
ولاطـــارش المـــنه وصل عـن موطنه ودلانه
يومية نوگـــف عالــــدرب هلبت يجــي عنوانه
منتضره يالــماجيت ـــ ماضـل ضوه بالبيت
كلشي غريب ـــ كلشي غريب ـــــ حته الــــهوه
ـــــــــــــــــــــ ـــــــــــ ـــــــــــ ــــــ
ياعين ظــلت يادمــع مــاطــاح مــن اغيابك
كل مغــربيه انه اشب واطفـه من اشم اثيابك
يالحظنك عليه بعد ادفه بحـضـن مـحــــرابك
منتضره اضل كل الـعمرلاتـنسه بويه احبابك
من سافرت ناديت ـــــــــــ ماضل ضوه باليت
كلشي غريـب ـــ كلـشي غريــب ـــ حته الــهوه
ـــــــــــــــــــــ ـــــــــــ ــــــــــــ ـــــ
الشاعر خالد جودي العارضي
ابدي بدللول وتلچمني چلمات
المن تلولين يم الولد مات
لوليدي مايرهم ذبح راسه زغير اعله الرمح
...............................
ها يالمشيت وروحي ضلت عندك
يكتلني يا عبدالله فارغ مهدك
حسبتك انخلص عمرنه انه اوياك
ياورده موش اولام نومة لحدك
اهزن بالمهد وادري المهد خالي
عبدالله نساني وخابت آمالي
الولد يهل الولد تدرون بي غالي
گالولي مذبوح واصرخ سلامات
المن تلولين يم الولد مات
وبحالتي ايطول الشرح. لوليدي مايرهم ذبح
........................................
من يغفه جان اتضل اله مشتاگه
روحي اولا متعوده اعله افراگه
حاجيني رايح واكبل اليل اشلون
وفرگة الموت البيهه ما نتلاگه
متعوده اشوفك يبني واشتمك
واناغيك وتفر مابين حضن امك
هسه ابين اديه وسابح ابدمك
يالعمرك اكماط وآخرته نشغات
المن تلولين يم الولد مات
الرگبه اقل من الجرح. لوليدي مايرهم ذبح
........................................
لحضيني رد وعوف يايمه الماي
لاج الدليل ابروحتك يبني اهواي
كلما اتطول ردتك زاد الخوف
بالمشرعه امتانيك سهمه الرماي
بالدنيا شلي غيرك يعبد الله
اعله نحرك خايفه الرمايه توصله
ياشريان روحي اعله سمك اصمله
والموتتك هاي بانت علامات
المن تلولين يم الولد مات
ياموتي كونك تنجرح لوليدي مايرهم ذبح
.......................................
بليل افز ويفز حنين البيه
واتدني كاروكك اجفوفي اعليه
وبلا شعور افتر وادور بالبيت
هلبت اگول اوليدي عود ليه
ابكثرما هلت وناحتلك اعيوني
على الگومه عبد جيب اليكوموني
اشعندي غيرك وبالطف يفجعوني
خليت الادموع بعيوني اتبات
المن تلولين يم الولد مات
يانعمة الله لاتشح لوليدي مايرهم ذبح
.........................................
ياطفهم اتلجميني شمسويه اوياج
وگليلي عبدالله الطفل بيش اذاج
هذا الاعز تدرينه حتى من الروح
ام البله حگه الحسين السماج
يذباح الرضيع شبيك وشمالك
تگطع منحر ابني وشنهي سوالك
يعبد الله الرمح ما ضنتي كفالك
راسك اثر بيه للرمح فتحات
المن تلولين يم الولد مات
عينك اگبالي وتنفتح. لوليدي مايرهم ذبح
خادم اهل البيت علي الزرگاني
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
ثگيل
رسمت الطف عله عيوني دمع يحرگ شكو بارد
أرسمت خيمه تريد الماي وخو صوب انهر رايد
مشه وضلت أخت تهمل دمع مو حي دمع واحد
بحيث أدموعها يبچن گلب صخره وشكو هامد
ــــــــــــــــــــــــــــــــــــــ
مشه وماحسبته يغيب مثل شمس الغروب أتچل
بگفاه بدت دمعها عيون وخواته بون هظم يكتل
مشه ومارد ولن لحضه رچوبه بموزمه يصهل
وسمع زينب بچتله وگام وخله البالگبر تجفل
ــــــــــــــــــــــــــــــــــــــ
عله اللوحه رسمت أخيام نسه وبيها أبو محدب
وعليه متجمعه صوبين وهوه بيا علي يندب
أحتار أبين خيم زينب وبين الوادم التسلب
ينده ياعلي أحضرها هاي الوادم أتعب
ــــــــــــــــــــــــــــــــــــــ
ساعه ولن نويت أرسم أخوها ودعاهه وراح
ولن طفله أندهت عمه عمود لخيمه يمكن طاح
وشفت ثكله بعمر خمسين تنادي شويه يالذباح
مو كلهه عله العطشان خلو ساعه بس يرتاح
ــــــــــــــــــــــــــــــــــــــ
عله اللوحه العطش بين يكسر خاطر الناضر
خيم ماكو وأماني راح زينب تحچي للحافر
شعندك وي صدر ميت شگلت من دسته يالحافر
وجه ليلي وگلت باجر أكمل بس سبي باجر
ــــــــــــــــــــــــــــــــــــــ
خلص ليلي ودمع عيني يهمل فايض أبرسمي
أرسمت بمناشغ وياحيف كون التنسبي أمي
اطلعت زينب بهزل لشام وماعدها اخو يحمي
العزيزه چانت أتنادي بسبيه بدلو أسمي
ــــــــــــــــــــــــــــــــــــــ
بختام اللوحه طفله أتموت وختم بيها ماأگدر
ماضل جُرئه أسولف هاي بس راح احجي وتعذر
بختام اللوحه يالوادم موقف واحد أتصور
موقف شيب سنيني (زينب بالحبل تنجر).....
رسول رياض
((چم مريم))
تنـادي بدمــعـــاتك مسبيه
وكــلما تبـــچي تموت بنيه
صدر حسين تصيح أتهشم
يالصادق مــاتت چم مريم ... چم مريم
"""""""""""""""""""""""""""''""""
كلما ناعي إيمر من يمك
تـذكر أمك
يكبر همك .. اتگله أقرالي ويدخل بيتك
شما يقرالك تذكر سطره
تـذكر عصره
وبيك العبره .. ومن دمعك تنگع چفيتك
نـــار البـاب أتمر بعيونك
ويـتغـير من حزنك لونك
يالصادق تلطم بضلوعك
وتتمنى أباب إيعصرونك
يانــــاعي وعَرج لحسيني
وتــگله ومـــاشبعت عيني
ويـــگلك خـدك شو بي دم
يالصادق مــاتت چم مريم ... چم مريم
"""""""""""""""""""""""""""'''
لَمن آمر ذاك الطاغي
ذاك الــباغي
يحرگ دارك .. ونار الدار أطب لعيالك
ضليت أبگد نارك تنحب
تصرخ زينب
گلبــچ شَيَبّ .. خوله وسكنه يتراوالك
يـــتـراوالـــك چــــن الخــيمه
ومــذعــوره أطــفالك بالهيمه
مـــريـــم بــنــــتك يتـــولـوها
وأنته أتصيح السوط أهضيمه
دمعاتك اكــبــر مـن عينك
يامولاي بحــسره سنــينك
تعطش يل تملك چم زمزم
يالصادق ماتــت چم مريم .. چم مريم
"""""""""""""""""""""""""""''''''''''''"""""
يالوعه ومن تغمض جفنك
يكثر ونك
ماعافــنك .. خيمات حسين المحروگه
نار وتسمع هاي الطفله
ذيچ الطفله
اي شتـــگله .. گلبك بنفاسه المخنوگه
وشطوله الـليل بدمعاتك
وشطول الدمعه العماتك
يازينب يـــاعمه شـلونچ
جمره ونيران بحسـراتك
ياموقف توگف بجروحك
بشيبـاتك نتــصور نوحك
وأحــزانك غــيم ويتلملم
يالصادق ماتت چم مريم ... چم مريم
"""""""""""""""""""""""""""''''''''''''"""""
كل خطوه أتشوف العلويه
هاي أرقيه
ابلا ترچيه .. مسبيه وروحك مسبيه
كل خطوه اتلاگيك الهيمه
هـــاي إيتيمه
بصف إيتيمه .. ذيچ الچفين المدميه
مـــدميه ويــاويـــل أزغيره
هاي الطفله وتمشي إيسيره
مـــايـــدرن منـــواهن حيره
ومن ديــــره إيطـبن للديره
تــركض ناگـــتها المسلوبه
تركض ياجرحك مضـروبه
تــذكــر عــمــاتك تــتنــدم
يالصادق ماتت چم مـريم ... چم مريم
عبد زينب
محمد الابراهيمي
لسان حال بنت الامام الصادق
روحي فداهما
شگد سولفت عن حرگ الاخيام
ودارت علـينـه بـويـه الايـام
شفته الحرگ بعيوني
بس لا بعد يسبوني
+++++++++++
بحرگ الخيم بس الحرم هيچ اسمعت من عندك
هسه الحمد لله عدل بعدك ولذنه بسدك
ماعدنه چويات اطمئن ليش الدموع بخدك
تتمنه اخو مثل الگمر من شفت روحك وحدك
تركض علينه امفرع الراس
لمن صحت وينك يعباس
وآنه الزمتها امتوني
بس لا بعد يسبوني
++++++++++++
بعيوني اشوفك بس گلت عني تظم الآمك
اتهمس بصدرك گمت مامش كسر بعضامك
لا سامح الله لو متت وجسمك تخيطه اسهامك
ماعدنه زينب بالسبي ياهو اليلم ايتامك
بويه اطمئن ما ابچي عالماي
عندي المهم تبقى اننه وياي
لو عالهزل ركبوني
بس لا بعد يسبوني
+++++++++++
تدري آنه من شفت اللهب بالخطوه صارت عثره
ويه الحرم ما روكضت من حجره وادخل حجره
بمچاني اموت احسن گلت لاخدي چف ايسطره
خو هسه اموت اولا رمح راسك عيوني تنظره
يكسر گلب حال النساوين
بالي مشه لعيال الاحسين
بهالموقف وبچوني
بس لا بعد يسبوني
++++++++++++
والكاظم اعليه ركض ياخويه وينك صحته
جاني وصحت بعدك عدل لو بعده ذبحك وكته
لا تگصد الصوب النهر جرح النهر سامعته
اسكينه لا ماي ارتوت لا عمها رد الاخته
خل يحترگ خل يوگع البيت
بس تبقى انته گبالي ياريت
من ترحل ايسلبوني
بس لا بعد يسبوني
++++++++++
مو احنه اهل بيت النبي والواجب ايقدرونه
بيتك مزار اهل العلم شمسوي ويحرگونه
يالصادق ونفرظ متت عندك گبر يبنونه
مثل الحُسين بكربله واحبابك ايزورونه
گبرك بعـد هـم مثلـه ينـزار
بي حضره لو بس رمله وحجار
وزوارك ايذكروني
بس لابعد يسبوني
ثائر الربيعي
ماسولفنه كل الصار بينه
يموتكم جزع يوم ابو سكينه
ماتحمل العين.. الصاير بالحسين
صعبه
........................
مااقارن حرك بيتي بنار الطفوف
بس اكلكم لسه ضل بعيلتي الخوف
منين ماانضر اشوف بداري دخان
وارد ألم عيال بيتي وگمت ماشوف
الصادق انه وشحالي
ومسافر ابخيالي
هلنار ذكرتني بنار
وصار الحسين كبالي
شفته ولجن من شفته
العطش فاطر شفته
ومحتار ويدير العين
وگلبه اعله زينب اخته
اريد احجيلكم يل تسمعوني
ياخدام بالشافته عيوني
مو جرح وثنين .. الصاير بالحسين
صعبه
...........................
هذا من الصار بالطف يوم عاشور
حسين ضل وحده غريب وضهره مكسور
والفرق هجمت عليه بسيوف وارماح
وبحجر وسهام مرمي منين ميدور
من كثر نزفه طايح
امن العطش حيله رايح
دمه جمد فوك العين
وبخيامه بس نوايح
جاه الشمر للمصرع
واعله الصدر تربع
ايحز نحره اه اويلاه
وزينب ونينه تسمع
طبرات النحر طبره اعله طبره
انسمعن كلهن بخيمت الحره
اتخيل بعد زين .. الصاير بالحسين
صعبه
..........................
شال راس حسين بيده ومفتخر حيل
وهوسوا بي والدمه من منحره يسيل
وجسمه ضل فوك الترب عالغبره مطروح
وعشره خياله اعله صدره تدبج بخيل
ونام التراب بنحره
بكل عظم صارت كسره
ايحير اليريد ايلمه
صدره انطبك وي ضهره
وعمتي بگلبهه الصابر
شافت الدم بالحافر
من رگضوا اعله الخيمات
ايحركوهه يوم العاشر
نداي الكم يضل هذا جوابه
زيدو النوح لحسين ومصابه
مايكفي الونين.. الصاير بالحسين
صعبه
.........................
داري من احترك شفته بعيني وشصار
وبعباتي اركضت ليهه وخمدت النار
وزينب الخيمه عليهه صارت ارماد
وبين خيل وزلم عمتي تلم بالزغار
ماينحمل هل منضر
وزينب جبيره شتكدر
جو وصبح كله تراب
وبالجثث كامت تعثر
صاحوا بسمهه هوايه
ماكو بعد حمّايه
واليهه صارن عالكاع
جفينه ويه الرايه
الشمر جم مره صاحلهه الاسيره
وين الكافلج وانتي الاميره
بعينج تشوفين .. الصاير بالحسين
صعبه
............................
الليل كله جروح بي اسمع بجيهه
شلون زينب حركوا الخيمه عليهه
رگضت اعله التل تنادي خويه عباس
الحك اختك جابو احبال الاديهه
بعد الكمر اخوهه
زينب غرب حدوهه
عالهزله تصعد وتطيح
بحبل اليسر شدوهه
وتشاهد المنيه
من تنضرب رقيه
مدلله بنت الحسين
وسوط الشمر اذيه
كلما بابا صاحت يضربوهه
وتعاين بالوجوه وماكو ابوهه
ماتدري بي وين .. الصاير بالحسين
صعبه
..........................
والله يوم حسين ابد عن بالي ميروح
اني اشتم الهوه بس گلبي مجروح
مجلس انصبله واجيب الناعي ينعاه
وبعزائه اتمنه اني تطلع الروح
ابجي واصب دمعتي
بس بالگلب حسرتي
لحسين جدي المذبوح
طول العمر كسرتي
يالتسمع المصيبه
دمعك العينك جيبه
اذكر حسين العطشان
بدمه تخضب شيبه
يلتبجي وحكك هل دمع دين
صدك مايفيدك غير الحسين
ماتكفي السنين .. الصاير بالحسين
صعبه
محمد هادي العقابي
هاي اول مره تفارگني محتاج اجفوفك تشبگني
آخر مره اريدك حيل اتضم عضيدك
*****
شفت الرايه من طاحت وجيتك اعثر وانهض
من اخيامي للشاطي انحنيت وراسي صار ابيض
بطيحتك ما خليت كل حيل
معناها احضر صدري للخيل
راح الشمر يذبحني عباس
شلون بخواتك من يجي الليل
الوادم بفراگك توليني وبالغربه شلون تخليني
وكتك ما يعيدك حيل تضم عضيدك
**
كل عمرك جنت وياي ولحظه ما تفارگني
أول مره عني اتروح وفرگتك حيل تخنگني
عالمشرعه طولت الفراگ
وصدري يخويه بغيبتك ضاگ
غير انت اخوي وحامل الواي
الشوفتك تدري اهواي مشتاگ
مليت وبفراگك غربه وبجفاك الدنيه اشگد صعبه
خوفي اجروح ازيدك حيل تضم عضيدك
**
مطشرينك وصل عالگاع وبيك الخيل شمسويه
بحوافرها خذت صدرك ومنك خلت اشويه
جسمك يخويه تارس الگاع
ومن عندك اشگد بالترب ضاع
جا وين طولك والجتف ذاك
أتغيرت عباس شبساع
صدرك راح وبيك شصاير والحافر انظر عالحافر
ودموعي شتفيدك حيل تضم عضيدك
**
السهام مكسره بصدرك ومن عدهن تون اسمع
وسهم العين اطلعه اشلون عينك بالسهم تطلع
السهم مارد عينك اهواي
طشرها خويه وعالثره هاي
عباس جا من عندك شظال
شو حتى جودك ظل بلا ماي
عله اجروحك صحت الله يعينك ما يطلع سهمك من عينك
والگطعت وريدك حيل تضم عضيدك
**
بحجري من احط راسك ليش تنزله من حجري
تگلي خلني عالتربان ويعباس انكسر ظهري
شلتك وصدرك عالترب طاح
واصل الگلبك طعن الارماح
بالعمد راسك شفته مهشوم
اهنا صحت راعي العلم راح
صديت الراسك متهشم وعذرني اتگلي ومتألم
وفيت بوعيدك حيل تضم عضيدك
*****
شلت اجفوفك من الگاع وجبتهن ارد اودعنك
هاك اشبگني بيهن حيل آخر مره اريدنك
اشلون ارد دونك للخيام
وتسألني راح عليك الايتام
وزينب شگلها خويه عباس
وما تدري الها العاشر شضام
من دوني ودونك يسبوها والخيمه عليها ايحرگوها
تحتاج اشگد أيدك حيل تضم عضيدك
**
تمت
ميثم العمري
تلمنه خيمتك عشكنه خدمتك يابو علي
قرينه البسمله بكلبنه كربله يابو علي
بيدك يراعي الشيم تختم جواز الخدم
**
الخدمه نعمه وسيدي تريد واحد محترك
الما مخلي براسه جون لا يسولف بالعشك
كون حته من ينام كلبه بالخدمه يدك
ومن ينادي يا حسين صدره يشعر يختنك
شلتها رايتي وانصرك غايتي يابو علي
المواقف شاهده المنابر خالده يابو علي
بيك ارتقيت القمم تخدم جواز الخدم
***
كل سنه انقيم العزاء والنشامه محزمه
وسيدي بمصيبتك نواسي امك فاطمه
شفنه عالم خدمتك ماكو ابد من عالمه
امكطع بحد السيوف احنه ندري النخدمه
ثورتك اثمرت عوابس خرجت يابو علي
عهدنه للابد نحامي المعتقد يابو علي
درب الهدايه انرسم تختم جواز الخدم
***
بكل زمان وكل مكان باقي اسمك سيدي
انته خالد يا حسين وبيك كلشي يهتدي
نختم بعبد الرضا وبالزغير نبتدي
ومثل عبد الزهره دوم بالخطابه نقتدي
بخدمتك نفتخر يا اغله امن العمر يابو علي
والمواكب تستعد ابمحبتك ننولد يابو علي
يمك هتفنه نعم تختم جواز الخدم
**
احساب نحسب كل سنه وللخدامه ننتظر
ومن محرم حد صفر نلطم وندمي الصدر
بينه لهفه المجلسك وبولائك نفتخر
انريدك بيوم الحساب تشفع النه بالحشر
بدينه رايتك نردد صرختك يابو علي
توقع عالسجل حسيني الينقبل يابو علي
عدنه انته تبقه الاهم تختم جواز الخدم
**
شفنه كل خادم ذليل بس اليخدمك ملك
بس طريقك يا حسين الى الجنه ينسلك
ما يهمنه باليكول هاي بدعه لو شرك
يا سفينة النجاة منهجك ما ينترك
تبعنه منبرك قسمنه بمنحرك يابو علي
نصبنه موكبك بحزنه انواكبك يابو علي
والما يتبعك ندم تختم جواز الخدم
*
الغير شخصك مستحيل الدمعه تنزل بس الك
وسيدي بيوم الطبك نفتر احنه بمشعلك
بيوم عاشر بالطفوف انته ذبحو كل هلك
يا جبير الدنيه هاي الرمح ما يستاهلك
بفكرنه ندرسك رعبهم مجلسك يابو علي
نحبك من صدك اشحلاته هالعشك يابو علي
رفرف بدينه العلم تختم جواز الخدم
**
تمت
تحسين الخفاجي
كل عام المهدي جروحه بكد لجمات الخيل
والفارك غالي بعمره اشلون اينام الليل
ويلي وويلاه
***
المهدي بكل وكت يا ناس يبجي بحركه تدرونه
والبراسه خيم وصياح صعبه اتغمض عيونه
الصوط الاح عماته اتمنه ايصير بمتونه
ينادي بيا ذنب جدي بالعاشر يذبحونه
يحضر كل مجلس ويون عالراس المنحور
ونشوف العالم يحزن من يكرب عاشور
ويلي وويلاه
***
المهدي كل سنه بعاشور ينوح ويسجب العبره
ويصيح بصوت جدي حسين بالخيل انسحك صدره
الشمر فوكه صعد يا ناس وبسيفه كطع نحره
ومن سلبو قميص اهناك اجت تتعثر الزهره
مسلوبه اثيابه وعاري ضل فوك التربان
وتمسح بدمومه الزهره وتبجي اعله العطشان
ويلي وويلاه
***
ينوح العمته ويصيح حكج بالطف اتشيبين
عالتله صعدتي اشلون يالعمرج جزه الخمسين
مره للخيم تمشين ومره المصرعه تركضين
بعباتي حرتي لو بيدج مدري بيمن اطفين
بدموع عيونج بالطف لميتي الاطفال
وحملج بالعاشر عمه ما شالنه اجبال
ويلي وويلاه
****
المهدي حالته حاله ومن يذكر رقيه ايطيح
ومن يزور عبد الله ويلي اعله الرضيع ايصيح
ليش النبله ذابحته المهد خالي وتهزه الريح
راسه اعله الرمح وحسين بشفته يسمع التسبيح
ليش ايذبحونه اكباله ويحرمونه الماي
شوغت عبد الله صابت كلب حسين اهواي
ويلي وويلاه
***
كلبه اعله السبوهن نار وكل يوم العذاب يزيد
بهل المهدي هالدنيه صحت ما ادري وين تريد
زينب عمته يا حيف تطب امجتفه ليزيد
لو راعي العلم موجود فن واحد يمد الايد
هاي اخت الهيبه البيها اتسولف كل الناس
نزلت دمعتها وطاحت من راح العباس
ويلي وويلاه
**
حيل المنتظر مهدوم وتسعر بالكلب ناره
وينادي الفرج يايوم ويمته ياخذ بثاره
المهدي ناشر الرايه وتنطر جيته انصاره
طالت غيبته ونريد يحمل بيده بتاره
يايوم المهدي نشوفه ومن الغيبه ايعود
ويعلي الرايه بجفه وجيش الحق ايقود
ويلي وويلاه
****
تمت
تحسين الخفاجي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
السلام عليكم جميعاََ اي شخص عنده قصيده محتاج لحن انه بالخدمه عيوني الكم
@Eng_alhabeeb
بسم القل هوه رمله والضوه جاسم والحديث أبتده
قرءآن الوفه وحي العاطفة يتبدى مثل الندى
يمه
.........................................................
يا حلم عاش بخيالي وياتعب ذيج الليالي
وتعبي ورباي
يا ذخر شلته المشيبي يوم المبارك حبيبي
زفتك هــــاي
شمعة أسنيني وغلاتك يمه جاسم وأشحلاتك
نجمة بسماي
جاسم ييمه أهناك بالحومه عرسك
ربيتك الهاليوم ما تغلـــــــى نفسك
العمك أعتني وأكباله أنحني وأستأذن وطب للحرب
يا ليث الوغى والمبتغى يغلب وما ينغلب
يمه
.........................................
يمه يملوحة حجينه عمك أعيونه علينه
أو وحده حاير
كسرة الخوان كسره هيبته وأحزام ضهره
أهلال صاير
حيرته ما صح مثلها جبل ما يحمل ثكلها
بلا مناصر
من طيحة العباس كافل خدرنه
وحشة لذيذ الماي وحشة خيمنه
يا يمه أستعد كونك من تهد أتكحل أعيون السمه
فوت بهيبتك يمه وغيرتك وأكسر قرار الضمه
يمه
.............................................
ألولد بعيون أهله غالي يمه حسين أغله
وبيك أفدي
لو طحت يا يمه فدوه حسين عمك والله يسوه
الدنيا عندي
أتوكل أو أخذ الوصية العمك أو أدي التحية
كون جندي
هاك الدرع والسيف ورث الحسن هاك
جاسم ييمه أوصيك تتحنه أمن أدمـــاك
يا ضي الشمس بثياب العرس أتوكل وطبلهم ضوه
أوكف عالزلم بصرار وعزم وخلهم يدورون الهوه
يمه
............................................
نزل جاسم كله غيرة وأبتسم شيخ العشيرة
بهمه وبزود
لمع فقاره وتبختر والتفت لحسين وأشر
وخط الحدود
ما وصل لحدوده واحد الزلمه بيهم ركض شارد
أوليدي هادود
الما لاحه سيف الموت خوفه يذبحه
غير العطش جسام ما وصل صبحه
نيران الضمه أمست مضرمه ودلالي يا ويلي أنفطر
طاح الوحًده واسهام العده نزلت على أوليدي مطر
يمه
.................................................
أمن الخيمه شفته أعتناله محني ضهره وكوه شاله
ويلي لحسين
خطوه يمشي وخطوه يعثر صاح رمله وفًه وأكثر
جاسم الدين
ضحه لجل الدين دمه ويفتخر يا رمله عمه
سلوة العين
كتله الولد يحسين فـــــدوه وغلاتك
ألمهم أنته أتعود أفيــــــــاي البناتك
طفيت الشمع وأجريت الدمع ألمن بعد حنه وعرس
مذبوح الولد يا طير السعد وضل ويلي نايم بالشمس
يمه
....................................................
خادم خدمة الحسين
الشاعر
محمد الموالي
#أنت_موضوعي
. مــا عندي غيرك موضوع نـوح ومـجـالـس ودمـوع
نـاذر حـيـاتـي لــ خدمتك
مـتـهـمـنـي نـاس العافتك
*---------------*---------------*
ما تـنـحـزر بـعـض البـشـر مــا اخـلـي ايـدي اعلـيـهـه
خـلـيـت ايدي بـخـدمـتك وبـس عـشـرتـك شـاريـهـه
الــــوادم اتــروح و تـجـي الـخــدمـه ويــن ألـگـيـهـه
وفـقـنـي أظلن بـالــعــهــد وعـالـكـلـمـه مـن احچيهـه
مـــاهـمـن لــ كـل الـنـاس اتــفــاخـــر ورافـــع راس
ملكت شعوري امحـبـتـك
*---------------*---------------*
يـالعشـرتـك عـشـرت وفـه بـطـعـم الـدمـع مـمـلـوحـه
كـلـش قـلـيـل لـحـضـرتـك الـخــادم يـــقـــدم روحــه
الــــوادم إتـحـب الــفـــرح مـحـد يـحـب اجــروحـــه
مـخـتـلـفـه أحسّن حالـتـي راحـت دلــيـلـي ابـنـوحـه
احچيهه الك يالمحـبـوب يكفيني دمعي المصبـوب
موبيدي روحي العشگتك
*---------------*---------------*
ويـــاك اريـدن دمــعــتــي وغـيـرك فــرح مـــا ٱريـده
خليني بـصـفـوف الـخـدم ومــن الـخــذاهــم بــيــده
مــن الــيــســلــم رايــتـــه ويـنـطـيـهـه بـيـد اولـيـده
آخـــر حـيـاتـه و يـفـتـخـر و اسـمـك يـظـل ايـعـيــده
يـمـلـكـنـي غيرك مـا ريـد بـخـدمـتـك جـاهي ايزيد
مـولاي اموت بـخـدمـتـك
*---------------*---------------*
ماعوفـك انـطـيـتـك وعد وأدري الـوعـود احچـايـه
نــاذرهـن سـنـيـنـي تــــره ابـنـوح و لـطـم وقــرايـه
اليعـتـرض خـل يـعـتـرض كـلـمـن عـلــيــه بـــرايـــه
قــرّبـنـي وٱقـبـل دمـعـتـي تـفـكـيـري بـس ابـهــايـه
اتـبـاهـه لٱجـلك مـنــذور وايـامـي كـلـهـن عـاشـور
مـا انـسـه يـوم امصيبتك
*---------------*---------------*
ياصاحب الصاحب صدگ عـالـفـطـرة مـن حـبـيـتـه
مـنـطـيـنـي جاه ومـنـزلـه مـشـرفـنـي دوم ابـصـيته
مـتـربـي آنـــــه بـمـأتـمـك و تـاج الـشــرف تـربـيـتـه
شـكــراً أگــولــن ســيــدي خــيــرك عَـلَـي صـبـيـتــه
كـبّــرنـي صـيـتـك مـولاي مـتـفـضـل بـخـيـر هــواي
خــلــيـنــي لازم رايــتــك
*---------------*---------------*
✍خادم الحسين ع
الشاعر رعد الجريخي
منهـاج محـرم الحـرام ١٤٤٧هــ
( للخـــدمـــه)
لاوين اروح ومن اضل وحدي
هوه الوسيله اوغيره ماعندي
انطي الوجه وين
من دون الحسين
اوغيره ماعندي اوغيره ماعندي
-------------@@@------------
حسين عافيتي وانه بلاعافيه بدونه
حسين ماعايفني لحضه اوتبره الي عيونه
الي ماعنده حُسين ابدنيته اشلونه
وين يتلفت عليمن منهو اله عونه
ساكن أمامي بگلبي وابروحي
هوه طبيبي اوبلسم اجروحي
يوليني البين
من دون الحسين
اوغيره ماعندي اوغيره ماعندي
------------------@@@-------------
راحتي وانسه انه تعبي لو رحت يمه
اتردلي روحي لو ضريحه عطره اشتمه
گلبي يم ابن الزچيه يجلي كل همه
خدمته ذمه ابرگبتي اومحله هالذمه
بس هوه اليه اوما اريد اكثر
شنهو اليريده العنده ابو الأكبر
ما اعشگ اثنين
من دون الحسين
اوغيره ماعندي اوغيره ماعندي
-------------------@@@----------------
وجهي لاوين انه اديره ابليه محبوبي
اوهوه نور الي يضوي ضلمة ادروبي
تعكس الدنيا من اعوفه اوتمشي مگلوبي
لوختم كتب الخليقه اوعاف مكتوبي
عشگه تجاره اوتربح الصفقه
اوكلمن يعوفه الله ميوفقه
ريت اتعمه العين
من دون الحسين
اوغيره ماعندي اوغيره ماعندي
----------------@@@----------------
ابدون ابو السجاد عمري ما اعدنه
لون ماابچيله دمعه ولا اجر ونه
عمري ينعد بالمجالس والهه اتعنه
خادم اوموتي ابخدمته هيچ اتمنه
الطمه اعله صدري هذا موضوعي
لضلوع امامي اكسر اضلوعي
ما اوفي الدين
من دون الحسين
اوغيره ماعندي اوغيره ماعندي
------------------@@@--------------
صعبه من يزعل عليه اوخالي رد چفي
الزهره تحضر بالمجالس وانه ما الفي
ياعذر ساعته اگوله اوشنهو اليكفي
لو اضحي بعمري كله احس ما اوفي
شنهو العذر من فاطمه الزهره
والعاف ابنهه ايطيح كل گدره
چا گدري امنين
من دون الحسين
اوغيره ماعندي اوغيره ماعندي
---------------@@@-----------------
لو متت واهلي ابحفرتي هالو اترابي
لو مشت من عندي كلهه اهلي واصحابي
ماكو انيس اهناك اليه وشنهو اجوابي
وتارك انه الماتركني واغله احبابي
كون انه اريده لومتت باچر
بالوحشه ابو السجاد الي حاضر
والموت مو زين
من دون الحسين
اوغيره ماعندي اوغيره ماعندي
لخادم الأمام الحسين
الشاعر
ابو عبدالله الشمري
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
ترسم فرگتك كل معاناتي ياهو اليطفي وياي خيماتي
ياصاحب الجود تمنيت موجود
**
تفارگنه وفراگك صعب وعيوني ظلت عالدرب يالماخذ وياك الگلب وينك
ارجعلي مو وكت الهجر محتاجتك خويه شكثر عباس اجه بسوط الشمر وينك
مو طبعك يبو فاضل زينب ما تحاجيها
انهض حرگو اخيامي وگوم وياي طفيها
اليتامه عله الجمر داست وخويه انجوت رجليها
محتاره بين الخيل ويتامي والنار ياعباس بخيامي
ودمعي عله الخدود تمنيت موجود
*****
بجفاك كل حيلي انهدم تانيتك اشگد بالخيم انهض يشيال العلم لينه
فرگنه ياخويه الدهر واختك يعباس بخطر مارجع من عندك خبر لينه
مابين الزلم والخيل نركض والدمع يجري
وينك يالجبتني وياك ياخويه انسلب خدري
الزينب حضروها النوك ياعباس ماتدري
اشلون بيه من اصعد الناگه وما ضن بعد عباس نتلاكه
ومانرجع اردود تمنيت موجود
**
من خذت جودك ورحلت والماي اجيبنه گلت عباس خويه طولت تدري
تعنيت يم المشرعه وشفت الجفوف مگطعه شيحملها هاي الفاجعه تدري
اجيتك خويه شجايه وصحت انهض يبو الغيره
ومن شفت السهم بالعين طحت وكبرت الحيره
عگبك يا ابوفاضل راح من ديره انسبي الديره
ما اريد اعوفك ورجع بدونك عباس ايتامك يتانونك
يردونك تعود تمنيت موجود
*****
من طحت حسيت بخطر حسين اعتنالك للنهر منك رجع محني الظهر حاير
شيب بساع بفرگتك وطيح يخويه خيمتك بعينه يدير بغيبتك حاير
ضعنه بطيحتك عباس وحسين انكسر ظهره
وعلى صدره الشمر شفته خويه يگطع بنحره
شال اعله الرمح راسه وبالخيل انسحگ صدره
ضامي انذبح ومسلبه اهدومه ومن الشمس متغيره ارسومه
والجبد ممرود تمنيت موجود
*****
من بعده مفجوعه صرت وين انطي وجهي تحيرت عالمشرعه بعيني درت ردتك
خويه تمنيتك عدل من صعدوني عله الهزل وبجفوفي عباس الحبل ردتك
شافوني العده عباس الما ينشاف ابد ظلي
تتفرج عليه الناس او وين خوانج اتگلي
وبعد ضيم السبي والشام بيه شرايح ايخلي
مسبيه راح امشي وعوفنك وماضن بعد عباس اشوفنك
الاخو مفگود تمنيت موجود
*****
تمت
ميثم العمري
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
عفيه بشيعتي الكلكُم وفه وزود ماالگه مثلكُم
أفرح من أشوفَنكُم تِخدمون ياشيعه أحبكُم
العين المابچت ماتِنحِسِب عين
الدنيا تفشل أبلا خِدمة حسين
أحبكُم
___
أنه الصادق أحچي بعزم وبهمّه
الى كُل مَن يفيده الأمر ويهمّه
جَمر الخِدمَه يچوي وزلمه ال يلزمّه
وهنياله الگِضه كِل عُمره بالخِدمه
تضلّ مِثل السهم وتشّب خيّم وشمَحله روحك
ويجي الكافِل ألك ويدللّك يخفي جِرّوحك
صيروا چن علي من نام بالغار ماأنطه برسوله
حتى الخادّم اليخّدم بالحسين كِلهُم يعتنوله
وبهاي المجالس مايضل شين
الدنيا تفَشل أبلا خِدمة حسين
أحبكُم
___
حِلوه الخادم ال بالخِدمه يتأدب
حِلوه لجَدي لو شوفن عِگل تِنذَب
شگَد حِلوه التشوفه يلطُم ويتعب
حِلوه تِحترگ فدوه لدمع زينب
تِشوفَك باللطم تِكسر عَظم تِبذل جِهودك
ترا هيَ أنسبت وأتعذبت كِله أعلمودك
كِلشي فِدوه خلي يروح لم عون مانلگه مثلها
والدَمعات كون بشوغة الروح تندار أعله ضلّها
ما ينذل ويركع حاجِب لعين
الدنيا تفشل أبلا خِدمة حسين
أحبكُم
___
وأنت تلطم ودَمعَك إِلك غيمّه
تذكر طِفله تركض خايفه بهيمه
ناس أستوحِدوهم مالهم قيمه
مِن عَمتي تِصيح أحترگَت الخيمه
وأبو فاضل وگع زَنده أنگطع يم الشريعه
تنادي كافلي أحظر الي أخته الوديعه
خُذ يارَبي حتى ترضى نادت ودموع أعله خدها
حزن الطف على راس العقيله مايرضى يهدها
من ذاك الوقت وأنكتبَت سنين
الدنيا تفشل أبلا خِدمة حسين
أحبكُم
____
مَبروك الجِنان لكِل شَخُص يخدم
هنياله أعله أخوته بدمعته يعلِم
كِلشي مقَدم ومِحتار شيقَدم
الله يساعد اللطام مِن يختِم
يضل بحسرته وبعبرته يخفي دِموعه
عزه هذا اله من تِسئَله يكسرّ ضّلوعه
بالمَجلس تِشوفه مبتشر حيل هدوم السود لابس
مَجنون بحياته بحب الحسين قِدوه مخَلي عابس
يلّطم بالمجالس ألا چفين
الدنيا تفشل أبلا خِدمة حسين
أحبكُم
_
يالخادم كلامي بي فرد دُرَّه
صاحِب صاحبك بالزينه والمُرَّه
مَجنون المَجالس أدخل بسرَّه
شگَد تِلگه دَمع من فاطِمه الزهرَّه
أستفاد من الحَچي ومن البچي مِن المجالس
يضيع من الشَذرّ من ينكسر لون المحابس
هاي أوصيتي ألك وأحفظها للموت خَليها بااذانك
وي كِل الخَدم تِلگاني موجود ومحضر مكانك
ماريدن تخلّي بگلبك ثنين
الدنيا تفشل أبلا خِدمة حسين
أحبكُم
___
عبد الرحمن حميد الفضلي
شايل كربله بروحه وعلى جروحه المنايه
مات وتجري دمعاته اعله عماته السبايه
الصادق من رحل ينحب
مو عالسم على زينب
.................................
عاش بحياته اعله الدمع والدمع عاش بعينه
ياعالم ومن كربله ليل ونهار ونينه
يتگطع الصادق على الفوگ الثره مگطعينه
ظل ياكل بعمره السبي وماخله شي بسنينه
لوتطلع على الوادم مره بهاشم چبيره
بعز ام الخدر چانت كفر راحت اسيره
جعفر گلبه يتعذب
مو عالسم على زينب
.................................
روس الهواشم ياخلگ غيره وشهامه ونخوه
خط احمر اتعد الحرم كلها شرف ومروه
بس زينب الحره انسبت بيها الزمان شسوه
بت فاطمه فرجه اطبحت لليسوه والمايسوه
وحسين العلى الغبره تلم صدره وعظامه
الماشايف گبل ظلها صفت كلها أَمامه
فص عين النظر شيّب
مو عالسم على زينب
.................................
ماتلزم عيونه الدمع كلما يصد للكوفه
لمن يجي اباله القصر ايطگ الوجه بچفوفه
اعله السوگ طبة عمته اگبال الخلگ مچتوفه
الهل موقف يلوج ويحن وينزل دمه من شوفه
بناگه الهزله جابوها وتلگوها بشتايم
والروس الاهل ناحت لمن طاحت عمايم
فوگ الغبره يتگلب
مو عالسم على زينب
.................................
اعله الشام لمن يلتفت چن خنجر بگلبه ايبات
زينب تلگوها بفرح وبكل مكان الشمات
ايرامون بحجار الضعن واعله القصر لمن فات
وگفوهم ابوسط الزلم والعين عالعلويات
ماچنها اخت كافل ابوفاضل والحسين
بت حيدر يضربوها ويدخلوها بدواوين
حاله يقهر ويصعب
مو عالسم على زينب
.................................
قصة حياته امن انتهت كلها مواجع وجروح
ظل حتى بفراش المرض البت فاطمه ايون وينوح
من يذكر الصار بهله يتلوه مثل المذبوح
ناده يزينب من رحل واطلعَت من جسمه الروح
مات ودمعته بعينه على حسينه ومصابه
مات امبلله جفونه وعلى عيونه الخرابه
مدمع بالممات انصب
مو عالسم على زينب
.................................
الشاعر
حسين حيدر الكربلائي
الصادق شنهو الصار بحاله
نار وتركض بيها عياله
بيته لمن وج .. ابيا حسين الهج
===========================
يتحسر الصادق جي ماعاش العاشر
جي سالم اعياله ومالاحاهم حافر
يتمنه كون اوي الحسين امطشر بخيل
وينغرز راسه ابرمح ويتفرهد الحيل
وتيبس لهاته من العطش واكباله الماي
امطشر وتلتلم بناته اتلمه بالليل
لمن طاح السكف اعليهم
چن حافر ويرضرض بيهم
النار بيه اتحوف .. لونه غده مخطوف
ايبا حسين الهج
===========================
عايشهن ايامه خيول وركاض ونار
من احترك داره ضل يبجي بس مو عالدار
ضل يبجي عالمحتارة بالخيمة وحركها
ومن طلعت تريد الاخو عثرت بأبنها
وحتار نفس الحيره من ركضن بناته
السالمه ركضت على النار بجدمها
عطشن فحطن ركضن تعبن
اه يازيب كلهن ونن
عمتنه ركضت حيل .. بين الحرك والخيل
ابيا حسين الهج
===========================
من احترك بيته ناس فزعت تطفيه
بس المخيم من وج كلها بمشاعل ترميه
ذكرة اعله ذكرة الطف يرد من صعدت النار
والتمن اجروح الحرك والصادق احتار
شال اعله متنه اشجم طفل مايحترك كون
اتذكر امه وعمته وكل حيله انهار
شال الكاظم فوك امتونه
واتخيل بيدة يذبحونه
الجمار احمر صار .. فوك الرمح يندار
ابيا حسين الهج
===========================
كل ذني صارن اي بس ماسبو نسوانه
مادخلن بديوان وفوك الرماح اخوانه
ماذبلن اشفافه عطش لاراكض وطاح
ما طشر اضلوعه فرس لاراسه برماح
وماكو اثنعش طبرة بركبته وكطع خنصر
لا ميت ومامش نعش فوك الترب لاح
يتمنه بخيل يسحكونه
ونحره بكل صوره يلجمونه
تشييعه كون ابخيل .. من الظهر لليل
ابيا حسين الهج
===========================
كلمات
الخادم حسن الكريماوي ✍🏻