533
حسين سالوفة عشك مرها الذبح للتواصل @Eng_alhabeeb
سيأتي النريده ونقيم إلها مأتَم
وقريب لقبرها ، نسّوي مُخيم
لكُل مُعزّي هديه
أنهُرٌ كوثريّــه ..
نسّوي مُخيّم
…..
فطرة الحُب عقيده ، واليحب يرفع أيده
حتى يأتي النريده ، وقبر الزهره المخفي نشوفه
نعمة الزهره نعمه ، گمره يم كلشي عتمه
كلشي إلها أصله خدمه ، هوىٰ درب الزهراء مانعوفه
درب بي كلنه عشنه
ورثناه من أهلنه
لعزه الزهره أنجذبنا .. هوينه من الزّغر
أعله حُبها ثبتنه وعرفنه الحقيقه
بعزاها تساوي سنين الدقيقه
هذا حق الزچيه
انهرٌ كوثريه
نسوي مخيم
….
حچي للشيعه مُسنَد ، مثلاً نبني مرقد
بصف مدينة مُحمد ، ويشع نور الزهره من أبوها
تجي إلها الكواكب ، على هيئه مواكب
غصباً أعله النواصب ، وبمكّه الخدمه أينصّبوها
الخدم غيرتها فارت
العجايب بينه حارت
الارض شيعيه صارت ، بدربها لفاطمه
صدى بنص صحنها يحير العوالم
فـ اهلاً وسهلاً بـ زوارِ فاطم
لشيعتي الرافضيه
أنهرٌ كوثريه
نسوّي مُخيّم
….
ياحزن لايگ إلنه ، بي سوالف محنه
هيچي عزيات اهلنه ، أُمنه الزهرة وإلها البواچي
ماهفتنه احنه جمرة ، واليعادينه مرّه
مافتح يمنه ثغره ، وبس للشيعه تلوگ المحاچي
تشوف الخدمه رايه
الخدامه إلنه هوايه
البچي بيها احلى غايه ، طهاره للجفن
الدمع عدنه واجب ليالي عضيمه
هدتنه الزچيه لخدمها احلى خيمه
مجالس توعويه
أنهرٌ كوثريه
نسوّي مُخيّم
….
دوله وحدها لازم ، وتحكم الدولة فاطم
بيها عدل الله قائم ، تحكمها الروح الفاطميه
بـ سَلام إدخلوها آمنين اگصدوها
بالدمع كلموها ، ما أعظمها أمصيبه ورزيه
الدمع يعني وسيله
للارواح العليله
الضلع حزنك بديله، يّجّبر المنكسر
دمعتك قنوتك للتحب توصلك
كمالك ليالي الزچيه تكملك
لدمعتك بالعزيه
أنهرٌ كوثريه
نسوّي مُخيّم
….
احنى مو بس سوالف ، احنى ملح الطوايف
تشهد النه الموقف ، ولد اليوم وولد المجالس
الخدمه ماعدنه مظهر ، مظهر وعدنه جوهر
الواحد تشوفه أسمر ، شمس الحُب أمسويته عابس
زلم والخدمه عدها
جمر بس ما تهدها
بوطن فاطم وعدها ، الصدق دين الخدم
منايرها باچر تضوّي المدينه
وشمسها الحنينه تشّع حُب علينه
تضوي فوگ الثُريّـه
أنهرٌ كوثريه
نسوّي مُخيّم
…..
عبد الرحمن حميد الفضلي
شنهو ذنبي..... يحترك بيتي عليه
شنهو ذنبي.... ميت ابني بين اديه
عليه بابي ينطبك..... ونار شاب ومحترك
__
شنهو الي مسويته اني وبابي حركوها عليه
كلف ثكل الباب يكتل والله راواني المنيه
الباب والحايط صفطهن بل دفع لمهن سويه
واني كل تفكيري يم ابني واحامي بذني اديه
اثنين اديه... تكسرن ياوسفه وابني ماحميته
اثنين اديه... طاح بل باب ابني بل كوه لكيته
خايفه ابني ينسحك..... نار شاب ومحترك
_
يل هجمت عليه انشدك ليش شمسويلك ابني
ليش سكطه اعله بابي وليش بل باب اعصرتني
وليش قنفذ من اجاني اني شمسويه وسطرني
ومن لذت بل باب سترا ضلوعي طكهن مارحمني
والهضمني.... ام نبي الله اني واصحابه الولولني
والهضمني.... باب بيت العصمه بسياط ضربوني
الباب بيه ينصفك...... نار شاب ومحترك
___
بالله يانجار اسئلك ليش بسمارك تركته
وليش من فصلته بابي طالع البسمار عفته
من شفت بسمار طالع ليش بيدك ما عوجته
هاذه بسمارك كتلني بصدري صارت كل دفعته
انته تدري... شسوه بسمارك بضلعي من دخله
انته تدري.... بل نفس والمشيه خله بيه خله
والنفس ماينشهك....... نار شاب ومحترك
____
من ثكل عصرتهم اني الباب تاخذني وتردني
لازمه ضلوعي بديه وخايفه يطيحن بحضني
حرت بين الزم ضلوعي وبين اكض المحسن ابني
وفوك كل هاذه الجرالي كنفذ يطكني وسطرني
كلها ضدي.... شلون بيه وانه حرمه بداري وحدي
كلها ضدي.. وين ما اندار اشوفن نار عندي
واني صدري منطبك...... نار شاب ومحترك
____
هجمت اصحاب المدينه ونارهم شبوها بيها
اركضت يم زينب احميها وخفت لااوكع عليها
بحضني المكسر المها!!! ابيش اطفي نار اديها
الوكفه وسط النار كلفه ودارنه غايب وليها
والعصرني.... يمشي كدامي ويطك بنيتي بيده
والعصرني.... شما تخف النار كال الحطب زيده
والحطب ماينسبك....... نار شاب ومحترك
ضرغام منعم الكربلائي
كأني بلسان حالها صلوات ربي عليها تقول💔😔
يكــرار...زهرتك...وردتك...ذبلوها الاشرار
ـــــــــــــــــــــــــــــــــــــــــــــــــــــــــــ
باب اجذوع وثجيلت وزن هالـــــــباب
لــــــذت خلفه ردت منه يصير احجاب
حين الـــي گرب منعوا ويــــرد بجواب
وإن وگام يعصرني بـــــــــدون اسباب
أويـــــــــلاه....بلا رحم...من هجم..نبت البسمار
يكــــــــــرار...زهرتــك...وردتك...ذبلوها الاشرار
ـــــــــــــــــــــــــــــــــــــــــــــــــــــــــــــــ
صوت اضلوعي تتــكسر سمـــعها اطــــگ
لا أگــــــــدر أصيحن يا عـــــلي ألحـــــگ
حرگ بابي وبي بسمار صبــــــــح يـحرگ
حـار وحيل چــــــــــواني وگمــت اشهگ
صحت اه...
من الالم...ماسلم...محسن يســــــتار
يكــــــــــرار...زهرتــك...وردتك...ذبلوها الاشرار
ـــــــــــــــــــــــــــــــــــــــــــــــــــــــــــــــ
ماكفاااااا نزف دمـــــــي وچتــــــل ابني
رد ابسوطه حيل ايرفعــــه ويطگـــــني
نوب ابجدمه گـــام ابضلعي يلچمـــــني
ألنذل أيده ثجيله وگــــــام يســــطرني
الألم زاد...بالرفس...ماكو حس..ياحامي الجـــار
يكــــــــــرار...زهرتــك...وردتك...ذبلوها الاشرار
ـــــــــــــــــــــــــــــــــــــــــــــــــــــــــــــــ
ردت انــــــدب يــوالي وما طلــــع حسي
لأن اضلوعي تلچمني من اجر نفـــــــسي
لا أكــــــدر أديه ارفعــــــــها لا احــــچي
حرت حيره وعله چفوفي گمت احبـــــي
عالعتاب...محسني..منحني.. اتچوه بالنار
يكــــرار...زهرتك..وردتك...ذبلوها الاشرار
ـــــــــــــــــــــــــــــــــــــــــــــــــــــــــــــــ
طحت فوگ الجمر ومحرگه الأيــــــــدين
گمت أوگف واطيح اتلوه مــــــــــن البين
بهل حاله وسرح بالي ذكــــــــرت احسين
گبالي كربله ونـــــــار ابـــــــخيم صوبين
شفت خيل...والزلم...عالخيم... سووها طشار
يكـــرار...زهرتك...وردتك...ذبلوها الاشرار
ـــــــــــــــــــــــــــــــــــــــــــــــــــــــــــــــ
تمت والحمد لله
✍️خادم الزهراء ع
🎤ياسر الزيادي
يتوفر لدينا
1- زيادة متابعين ومشاهدات يوتيوب
2- زيادة متابعين انستا
3- زيادة متابعين فيس مع اعلان ممول
4- زيادة متابعين تلجرام
@ahmed_alziwar0
07732320742
السلام عليكم خدمة الحسين قلدناكم الدعاء والزيارة من لم يكتب له هاي السنه زيارة ابا عبد الله الحسين عليه السلام ادخلو خاص واكتبو اساميكم لاهداء لكم خطوات في طريق المشايه ان شاء الله
عظم الله اجورنا واجوركم بذكرى حلول اربعينيه سيد الشهداء وأهل بيته 💔
@Eng_alhabeeb
خــويه رديـت .... للغاضــريه
يلهب الروح .... جمر الرزيه
يلهب الروح .... جمر الرزيه
*
خويه أجيت من اليسّر
شايله أبروحي عذاب مــن الجره أوصار
عمري بعدك مـو عمر
عمـري لــوعّـه ونايبه وأهمــوم وإخــطار
مــن يمر بيــه الظهـر
وامشي بالشــام وتصدني أعيون الأشرار
كون ميته مــن الزغر
ولا تشاهــد ضعنـي وأتصدْ ليّه الأنظــار
الوادم أتصيح .... يالخــارجيـه
يلهب الـروح .... جمر الرزيه
*
خويه ششرح يا جـرح
حگــه جفني لــو دمّــه مّن الجفن سال
مــا اســولف عـالذبـح
بعــده راواني الــزمان أهمــوم وأهوال
خويه لا ناصـر يصــح
وينظــر أطفــال أونسـه شــدوهـا بحبال
أيطول يبن أمي الشرح
الشامت الشــاهدني خـويه تدري شگال
زينب أيصيح .... ويـن السبيه
يلهب الروح .... جمر الرزيه
*
آه يــــا درب السبــي
خويه نــاره تختلط وي مجــره الأنفـاس
خيمه ماكو بس عبي
بيها استـر وجهي عـلّ لا تنظــر النـاس
يبـّـره ضعنـي ألاجنبي
يا حسافه مـن وگــع عالشاطـي عبـاس
چنــه مــو ال النبــي
وعالرمح يا خويه عيني تشاهد الـراس
خويه يحسين .... ينظر عليه
يلهب الروح .... جمر الرزيه
*
راح اسولف عالجره
واسمــع اشسـوت يخــويــه بيّ الأيــام
من مشيت أميســـره
ومن وصل ضعني يخويه لخربت الشام
بس نسّه وانـه مره
وفــزّت أبــدمعــه رقـيــه مـــن الأحـلام
وين أبوي اشأخره
ناحــت ابلــوعــه يخــويه كـــل الأيتـام
ريتك اتشوف .... حالــة رقيــه
يلهب الروح .... جمر الرزيه
*
خــويـه اكبـــر نايبـه
منين أبــديها واسـولف قصـــتّي منيـن
أيزيد مجلس ناصبـه
وانه أطب ياوسفه وأوگف بالدواوين
الخله أناري أمـلهبه
يضرب شفافك وعاين خويه يحسين
صحت وانه امسلبه
وين ابو فاضل يشــاهد حالــتي ويـن
وينظر شلون .... للهــاشميـه
يلهب الروح .... جمر الرزيه
*
أرد أروح لكــافلي
يسوه لو ردت آنه أعاتب كـــل الأعتــاب
انه زينب بــت علي
خويه راسي من النوايب والسبي شـاب
يلّـي تبّـره لمحملـي
وسفه بعدك خويه ظـل تبرالي الأجنـاب
العدهه مثلك تنولي
لا يبو فاضــل لچن معــروفــه الأسبـاب
وسفه الچفوف .... ظلت رميه
يلهب الروح .... جمر الرزيه
*
الشاعر
موسى البديري
بعد رجوع ظعن العقيله زينب عليها السلام للمدينه استقبلتها العليله وتسألها عن أهلها
عمّه مــاردو أهلنه وين گليلي المحنّه
يعمّــه يزينب يعمّـــه
*
أنتي زينب عمتي لــو هــذا خيالچ
عمــه متغيــره اخبــريني شجرالچ
ليش زرگه ايمينچ وتنزف شمالچ
شعجب وحدچ جايه ياهو البقالچ
بس علي السجاد شفته محني اخوي وما عرفته
يعمّــه يزينب يعمّـــه
*
بماي عمــه اليــوم رشيت الثنيه
گلــت هسه والــدي يعّــود أليــه
شعجب متــأخر بقــه بالغاضــريه
عمه ليش الدمعه من عينچ جريه
أعيوني منتظره تشوفه ليش مانعته ظروفه
يعمّــه يزينب يعمّـــه
*
عمــه مهـد الطفــل حضــرته وألــولي
شكثر گلبي وروحي عن طوله حچولي
وينــه عبــدالله يعمــه ارچــوچ گولــي
يمن فــدوه لطوله كـــون يـروح طولي
والله مشتاگه لضحكته لهسه صعبه ما نظرته
يعمّــه يزينب يعمّـــه
*
عمه محنيّـه شعجب بنــت الوديعـه
ليش اشوف ابعينچ انرسمت فجيعه
عمّـه جفنــچ يشبه أهـواي الشريعه
وين عمي الچــان كل امــرچ يطيعه
عمه لا مو هذا طبعه صوته زينب ما نسمعه
يعمّــه يزينب يعمّـــه
*
شعجب ليلى اليوم ما وياها الأكبــر
نزلـــت مــن الناگــه وبهمهــا أتعثر
ومـو طبـع جسام عــن أمــه يتأخـر
بلهفه چــانـت رمله تتـرجاه يكبــر
بحسرته دلالي حـايــر بهل السفر شنهو الي صاير
يعمّــه يزينب يعمّـــه
*
عمّــه شــو ويــاچ مــا ردت رقيـــه
وانــه أِمّني الـــروح ترجع هالمسيه
أرد اگلها اشصار مــن بعدت عليه
عمّــه أحسّنْ بالسفــر مشتــاگه ليه
اشصار يا عمه بسفركم ابكربله اطشر شملكم
يعمّــه يزينب يعمّـــه
*
الشاعر
موسى البديري
شهادة السيده رقيه روحي فداها
.
.
.
اباب الخرابه والحچي اهواي .. اسئل عليك الراح والجاي
وصفتك الهم چن صبح
گالولي ذاك اعلـه الرمح
والحچي هواي
-------
من بده الشوگ . بالخــرابه . اتبدت اعيوني حچي
شوگ الزغار . يختلف حيل . ايتـرجمه بس البچي
اگعدت يم باب الخرابه بويه مـن صـار النهار
لن بنات الشام سئــلن شــنو اســمچ باختصار
بس گلـــت الهـــن رقـــيه شامـــرني بالحـجار
لاحت اذاني وحده منهن .. رحمه يبويه ماكو عدهن
احچايات اهـلهن چالملح
گالـولي ذاك اعــله الرمح
والحچي هواي
---------
الچنها ورده . بضل وجودك . وبالتـــرافه تنلمس
الــدللـــتــها . عگب عينك . ذَبلت خدها الشمس
خاف ماتعرف رقيـــه من تــرد امــن السفر
بشامهم بس اني وحـدي بخدي للسطره اثر
بويه عنواني الخــرابه فوگ مـن قصر القهر
ولو تيهت تعرفني بالحال .. بيــديه اثر شدات الحبال
بالناس اوصي وانجرح
گالولي ذاك اعله الرمح
والحچي هواي
-------
وادم الشام . اعيون صلفه . تضحك وانه احترگ
امن اسئلتهم . هـمه گـــالو . صدر ابيـچ منسحگ
شامي منهم گال ايسي حسين جثه اعله الثره
شـــمر الجـــابچ ســـبيـــه هوه گـــاطع منحره
بويه صـــح هذا كـــلامه لــو اظــــل متــنطره
سديت اذاني من حچي الناس ..من گد حچيهم شيب الراس
وكل لحـظه مــنهم انذبح
گالـولي ذاك اعـــله الرمح
والحچي هواي
--------
بويه بالشام . الماله والــي . الناس شو تستزغره
والشماته . اعلـــيه بــــويه . بالـدرب لــومو سره
وانه بين اركبي راسي حاطـه امـن المستحه
حچي اهل الشام شفره وگـلب بنــتك جرحه
اسمع الضحكات بذني وگلبي چن بيه فاتحه
ماشايفه كل عمري ظلام .. مثل الشــفتهم بويه بالشام
وهالطـاري كلـــسا ينفتح
گالولي ذاك اعـــله الرمح
والحجي اهواي
---------
يمته ترجع . ارد احاچــيك . البيـــه ماينظم بعد
تبطي لو لا . ياحــيـــــاتي . گـــلي يــايوم الوعد
انـچان تتـــاخر يبويه بطيـــف بردلــي الگلب
انته مو طبعك تهجـره كلمن الشخـصك يحب
الصعب مو لمن سبـوني بويه هجرانك صعب
مشتاگه اشبگك يالابو كون .. ومشتاگه ابوسك بين العيون
وكل ما اسولف بالجرح
گالولي ذاك اعـله الرمح
والحچي هواي
------
حيدر تركي الكربلائي
#شور (دلال الضعن)
رايح دلال الضعن للغربة واليا درب
سوگ وخرابة وقصر والناس كلها غرب
ويلي وعفاف العرش الديوان أمية تطب
نوگ الهزل بالسبي عرجة ومشيهة صعب
بكل خطوة تعثر ناگة ام عون
ومتعمد يجر بيها حادي الضعون
ينوخها بس جدام العيون
حتى الغرب كلهم يشوفون
حال العقيلة صاير شلون
آه ياهذاك التعب لا والله ماينحمل
ممشة السبايا صعب من الحبل للحبل
مكاود سلاسل سبي وكل خطوة يوگع طفل
كل عثرة توگع مرة تگوم بسياط النذل
سلاب يدفعها اعلى سلاب
عرضة أصبحن لعيون الاجناب
گعدن ليالي فوگ التراب
من الهظم حتى الرمش شاب
والحادي بيهن طالع وطاب
ليل وشحيح الضوى وليل الصحاري العتم
شيصير بالمنسبي. لو تاه منة الجدم
رحلة عذاب وألم والدمعة ماتنكتم
حتى الگمر بالسبي سافر وخلة النجم
كون الله ليرد ذيچ الأيام
يادرب السبي شگد موت أيتام
الموت أهون ولا شوغة الشام
ولا فرجة السوگ وذيچ الأزلام
لاجفني غمض ليلة لا نام
بكل منزل القافلة. لمن يحل التعب
أتفقد العايلة للغربة كلشي أنحسب
من جدم المدللة أگعد وأطلع الخشب
المچوي ويدوس الحجر رايح يزيد اللهب
بليل اكرهة ممشى الضعون
خوفي على أطفالي يضيعون
والوادي ظلمة ولا يتيهون
ثاري المشي يهد حيل المتون
من الحادي كلساعة يفزون
عازتنة ما تنوصف. ضاع الدلال وعلي
حيرتنة حيرة طفل عگب الضعن ياهلي
لاظل أخو ولا سند. لا راية لا كافلي
روس ورماح وغرب ياهو اليدگ صدرة ألي
راح الدلال وهيبة الراي
ومحد نغرلي وگام وياي
بالغربة محد گام حماي
وياخذ ضعوني ويمشي حداي
رغم العطش مادرنة للماي
////////////////////////.....
✍️::حسين حمدان الدلفي
اگطع ونيني ونوحي يردوني
وشفت الذبح واليسر بعيوني
گلبي العماتي امن انظر يكثر ضيمه
واتذكر ركضتهن من خيمه الخيــمه
ــــــــــــــــــــ ــــــــــــــــــــ
الناس اذا واحد تشــوفه فگد غالي وزيجه شگه
الحاله تبجي اتگول فاگد اشمايسوي بروحه حگه
اتلوم كل واحد يلومـــــه وطگه وحده البين طگه
وانا ابـــــــوي بهاي عيني شفت ذبحه وشفت سحگه
بسمعي يجرّح ماسكت صـوته
عطشان من ناده گبل موتــــــه
واسمع عماتي اتحشم راعي الشيمه
واتذكر ركضتهن من خيمه الخيـــمه
ــــــــــــــــــــ ــــــــــــــــــــ
الگال بسك تبجي وتــــون سامع وماشايف الطف
المثلي گبل حســـين ميت لجن بيــه الله تلطف
شفت ابوي بدمه ســــابح وبده حاله وصوته يضعف
اعلينه هجمو شفته يزحف حاول وماگدر يوگف
ايگوم ويطيـــــــــح ومرد دلالي
يصيح اقصدوني واتركو اعيالي
وانظر ليتيمه اتلوذ ابســــد ايتيمه
واتذكر ركضتهن من خيمه الخيمه
ــــــــــــــــــــ ــــــــــــــــــــ
شلون اكلي شلون شربي واهلي كلها العطش هدها
شلون انســه اختي رقيه والضمه اشسوه بجبدها
والرضيع شلون فرفـــــح وشرب دمه وعينه سدها
وجبدة حســـين الفطرها العطش وامثلث مردها
ماينّسن يردوني انســــــاهن
يا ذكرياتي العايش اوياهن
يوميه انا وعماتي النوح انجيمه
واتذكر ركضته من خيمه الخيمه
ــــــــــــــــــــ ــــــــــــــــــــ
على المثلي الذبح اهون واليســـر مامنه اصعب
الخدّر الدللهــــــا عمـــي امجتفه وعالهزل تركب
كلها زينب صعّدتــــــــها ومحد ايصعدها زينب
صعّدِتها وســـوه طحنه وراس عمي شفته دم صب
امن الناگه اطيح اشما يركبوني
تالي بظهرها بحبـــــــل ربطوني
والنسوان ايحشمني امن انطر هيمه
واتذكر ركضتهن من خيمه الخيـــمه
ــــــــــــــــــــ ــــــــــــــــــــ
عگب عزنــــه بالخرايب ابن الحســــين وخواته
اعيوني كلها اسهام تنزف بعد ياليـــــــــــل التباته
السوگ والديـوان جرحي وماانسه اعيـــون الشماته
المثلي لو دم يبجي حگه وباللطم تخلص حياته
عنـــــدي سبايــــا ايحنن ايونــن
امن الجمر والسوط شكثر يشكن
كلما اشوفنهن عيني اتصب جن غيمه
واتذكر ركضتهن من خيمه الخيــــــمه
ــــــــــــــــــــ ــــــــــــــــــــ
علي محسن الزيادي
تم نشر رابط فتح تطبيق التلجرام بدون برنامج فك الحظر 👇👇الرابط موجود بالقناة
/channel/ahmed_alziwar/17180
يالمهدي بالطف امنيه تحضر
اتروي الرضيع ويسلم المنحر
تروح يم خيمة رقيه
ادكلها اسمچ مو سبيه
امنيات. امنيات
___
اليلگه جرحه يشد نزفه لچن نزفك طول جسمك
گطع راس وسحگ حافر منين ما اسولف الچمك
تفزع لحسينك وتعينه
وترجع الخنصر ليمينه. وتشبگ صدره هواي
ويكلك يالمهدي اسندني
جروح اهواي الدم ماخذني. تنطيه شربة ماي
وترجع اتبشر زينب ابكلمه
حسينج رجع محد سلب هدمه
تحله ارض الغاضريه ..ادكلها اسمج مو سببه
___
ابوفاضل لمن يعثر الظلمه بالطف تبدي تكبر
الترس عين حسين تلكاه تارس ابجسمه النهر
ما يتيهه سهله اتشوفه
بعينه اسهام وماكو اچفوفه. ايعيينك الله ابهاي
احنين ويسألك عن اخته
الكافل بس زينب سالفته. امواعدها الوفاي
اترس الجربه وارفع الرايه
عباس غايه وباقيه الغايه
الماي لسكينه هديه... ادكلها اسمچ مو سبيه
___ر
الخيمه ملجئ لليتامه وهمه حرگوها الخيم
الماي شح بيمن تطفي والتراب امتلى ابدم
ابنيات حسين اتلاحگهن
ايركضن والخيل التسحگهن .. بيهن دم حسين
الوالد وبنياته العاشر
خوفي الملگه يصير ابحافر. املاگه المتعوبين
ابهالحاله جرحك ما أله كل حد
لو راس الحسين ابرمح يصعد
گلبك اتملكه الاذيه...ادكلها اسمچ مو سبيه
___
امنيتي تمنع سبي اعيالك جايهم شام المصيبه
ومايغرون اسم زينب من الحبيبه للغريبه
لمن بحجار اتلگوها
اوياها اخوتها وماعوفها ..روس اعالارماح
الشامت فزّع كل الناس
صاحو چا وين العباس. زينب ماترتاح
زينب تطييب جروحها بسكته
بنص ليل راس حسين شابگته
وتقرب اعليها المنيه....ادكلها اسمچ مو سبيه
__
انه عايش بين اهلي وانت اهلك ضيعتهم
البيك مر بس بالعليله اعزاز كلها فارگتهم
اتحب عبدالله وشم انفاسه
اتگمطه شلون وضل بس راسه .. بيا همّ تتلگاه
جا لو شافت بيد احسينه
صابوه نبله وفاتح عينه. نحره الدم غطاه
امتانه العليله للضعن اثّر بيك
هيچ احنه يامولاي من انتانيك
اتحبنه وادريك اعالجيه ..ادكلها اسمج مو سبيه
خادم أم البنين:عباس علاوي البهادلي
((كون ادري))
كون ادري تظل أعله الوطيه
ودوّســـك اخيول الاعوجيه
مثل عـــباس چا خلفت ميه
وكلهم فــدوه بس اتـرد أليه
حرام تضـل بلا ناصر
بيـــك النار وتـــــكابر .. يوليدي
حرام اسهامهم ترمي
آنـــــه امك يبعد أمي .. يوليدي
آنه امــك وأنــاطر ردت البـيت
شنهي العطــلـك يمـه وتوانيت
ادري أعله الترب عريان ضليت
يتدريني اموتن كـــون ماجيت
يمه حسين يايمه ...
"""""""""""""""""""""""""""""""""""''''''''''''
انشد يـابعد روحي والالفـاد
وكضيت الدرب للرايح وراد
ونارك بالـگلب تتـعده الالفاد
كل حزني عليك ومـو للولاد
عليك ودمعتي مسربه
ليـش الحـــبك اتعـذبه .. يوليدي
ليــش اتعـذبه وتلوعه
طفت بديارنه الشمعه .. يوليدي
بعدني أعله الدرب يايمه يحسين
وأفزن لــــو شفـت وادم مجـبلين
وأنشد عــالضعن ومسومره العين
وينـك يـــــاعزيز الگــــلب چاوين
يمه حسين يايمه ...
"""""""""""""""""""""""""""""""""""''''''''''''
بطيت ومـــــدري بيكم يمه وصار
وآنـــــــه النــــار بيــه چَــوت النار
يبعد أطوايف اهلي تدري يحسين
عليك اكـــــــبار انشد وانشد ازغار
الچبير اعليـــك انشدنه
وأذوبن بالدرب بــالونه .. يوليدي
الزغير اعليك واحچيله
بسهــر الليــــــل أرويله .. يوليدي
عليـــك الــروح وازتني يبو الشوگ
شو مامش ضعن شو مامش النوگ
يبعد هروش گلبي وگلبـــي مفتوگ
وبـــنار انتضـــار صــــار محــــروگ
يمه حسين يايمه ...
"""""""""""""""""""""""""""""""""""''''''''''''
ولن هذا ابن حــذلم گالب الكون
صاح حسين حدر الخيل مدفون
وعيــــاله سبـــــايه الديـرةّ الشام
وسبيه شلون ردت زينب ام عون
تســـولفلي الامـــــيره
وتــگـــــلي بحصـيـره .. يوليدي
حصيره أتلم ضلوعك
وسف طفو شمــوعك .. يوليدي
ابن حذلم كتلني يبنـي من صاح
راس حسـين صاير فوگ الارماح
يبني حسين گلبي مــوش مرتاح
وغلات عيونك ومن الحزن طاح
يمه حسين يايمه ...
عبد زينب
محمد الابراهيمي
مشـــكورة يــم الاربعة مشـــكورة
خلفتي صيت المشرعة مشـــكورة
يا حنان ام الحسن
كلبج اكبر مـن وطن~~1
مثـــلج ابهل دنيه ماكو يـام البنين الشفيعة
بالسمه ماكو مثيلك وين نلكه عله الوسيعة
انه ما شايـفه حنينه تفتخر رغــــم الفجيعة
تكول ضحية بثلاثه وكمر دامي عالشــريعة
تتباها ماتوا عالخدر تتباها
متــكطـعـين بـكل كتـر تتباها
كبالج انــــذل الزمن
كلبج اكبر مـن وطن~~2
راح اسألــج وانه اعـــرف والمهم اطرح سؤالي
ليش للغـالي يحــره افتـديتــي اربـــع غـوالي
راح اجاوب واحجي عنج بالعقائد مو خيالي
انتي كلبـك قبــل ادم شيعي لحســين وموالي
وديتي ولدج عالخطر وديتي
وتدرين ما يسلم نحر وديتي
عيونـج محنـه بجن
كلبج اكبر مـن وطن~~3
انتي تربيتج عظيمة احتـــارت بوصفج ضماير
صرتي عبره بتضحياتج درس غيره بيوم عاشر
الوفـــه حـــار بوفـــائــج وكــف يمــج كلـــه حاير
سمعته ماكو بوجودج حـــالتـــه تكســر خواطر
ذليتي شخصية الوفه ذليتي
ما عنـده مثـلج عـاطفه ذليتي
ما تـهم بيــج المحن
كلبج اكبر مـن وطن~~4
امنيـــاتـــج كـــلـــها جــانت قـبل لا تدنــه المنية
يخصج الله بهل كرامــة خـــادمـــة ابيت الزجية
وصرتي بالخدمة اميــرة والقبوج الـهــاشــمية
مو قليــلة جبيره كلـــش علــي ينـــاديج الوفية
هنالج اخدمتي علي هنيالج
بالاخــرة هـــو الولي هنيالج
امـــنيـــات تحـقـقن
كلبج اكبر مـن وطن~~5
والله لو موجوده جنتي بزمن طه الغالي جدهم
حتمن يسولف لسـان بمعجزاتــج يحجي يمهم
ولو همـــا بهل قضـــية الكــرم ديـــدهم طبـــعهم
انتي عدهم يالعـزيــزة مثـــل ما سـلـــمان عدهم
خصوصة انتي لحيدرة مخصوصة
غيرج ولا تـــرهـــم مـــرة مخصوصة
النسه بيج يسولفن
كلبج اكبر مـن وطن~~
حيدر نوري الاسدي
على درب السبايا اتانيهم يمرون
على درب السبايا دم تسيل العيون
متاني اسأل حسين..رايح بالضغن وين
ياجدي ياجدي
.............................................................
اضل أحسب بالايام..ورسم بالسما خيام
وناطر جيته
احضر ماي بالجود.. وكعد بالدرب عود
ابلل شفته
ومد عمامتي فراش..وكولن ليش ماياش
طالت مدته
خلي ايتامك اهناك..الوادم موش وياك
اخيك سمته
يطلبونك تره دين..رايح بالضغن وين
يجدي يجدي
.............................................................
يكتل من يجي الليل..افزن لو شفت خيل
اخافنك تمر
براسي تصيح الايتام..يجدي صاحي مانام
اجزع عالخدر
اغمض تبدي الصياط..وسمع بالجو عياط
بضلوعك كسر
ادعي ماتجي اهناه.. ولا زينب تجي وياه
ويلاكيها شمر
ويصير الواحد ثنين.. رايح بالضغن وين
يجدي يجدي
.............................................................
اكتبلك مكاتيب.. جرحي ماضن يطيب
اشوفك تنذبح
راسك بيد الانذال .. يهوس بيه جتال
متعلي برمح
مسلم ناسه غدروه.. وحيد بغربه عافوه
يجرحني الشرح
رسايلهم كتب زور..خطوا بيها النحور
ماكضهم ملح
الكوفه الصابه البين.. رايح بالضغن وين
.............................................................
اموتن انه كل عاشر.. وياك يسدوسني الحافر
دمي يسيل
نار الخيم تجويني.. وسهم عباس يعميني
وجدمي يميل
واركض للنهر وارجع..اخافن عالحرم تطلع
جيش يعيل
وطفي النار بهدومي..هاي بكربلا علومي
اجروحي اجيل
شمر حد السجاجين.. رايح بالضغن وين
.............................................................
الشاعر كريم الجياشي
شوط كربلائي
يامولاي من دونك هـــباٌ ما الــي عنوان
بستر الخدمه ثبتني عبد يترجه بسلطان
========
ضياع الدنيه ونته حسين نور ويجـذب الضايع
وبفــي رحـمتك خليت شمس اذنوب كل راكع
وبابك ماترد طــلاب الــماي اجـبينه الك واكع
ماي اجبيني الك بديت
يم اعــتابك اوخـلــيت
نحري مدنگـــه اويارت
بحبل الخدمه كيدني گيدك ماي للاغصان
بستر الخدمه ثبـــتني عبد يترجه بسلطان
=========
سر المــنخلك لجــله لخدمه ودمعت اطنابك
بثها المُصطفى بتعبير ستُخلق شيعه لمصابك
بعقيده ومعرفه وعن راي ستعبدني حزن بابك
بعزاءك صــدري يتعبد
كل هاذه الحجي مُسند
الروا سيـد الخلق احمد
ياعلت وجودي حسين ياسيد الانس وجان
بستر الخٰــدمه ثبتني عــبد يترجه بسلطان
=======
من الذر بايعت حزنك وضل حزنك يسايرني
واجدد بيــعتي بدمعــي يودك طيني ويحثني
وتحن الفاضله ابلا كيف الك چي انته مالكني
يامـــلاج كــــاع الــروح
لسمك كل نعي وكل نوح
يشـــريان الكلب مذبوح
وفرض انايحه ينقام بكل صبح ومسه (وٍزمان)
بــستر الخــدمه ثبتــني عـبد يترجه بسلطان
============
يم هضمي اللـيالي اكصار من اتمرني واعيتك
والوذ ابيا حــزن ولكـاك حته انصر حزن نيتك
واطيح ابياشريعت خوف واتحسس حرك بيتك
دليلي امصوب ابهــمه
وحٰــگك يا ابــو الـيمه
مكسور انه الك هضمه
معگود الهضم بروح وبشط الجرح غركان
بستر الخدمه ثبتــني عبـد يترجه بسلطان
========
بجتك نيـتي گـبل العين تبـين هل امر معنا
راضع ابلبن حُــبك ومــن اصبايه كسري ويا
وتشعب بلحواس الهم وحگ العاشر وطروا
يمر طاري العطش بحشاي
واتحـــير ضــــمه بــلا راي
شلــون الــماي يـحرم ماي
ياواحت نبع فايض الضمه اتبين اهو العطشان
بستر الخــدمه ثبتــني عبــد يتــرجه بـسلطان
========
الخادم مصطفى الجبوري
ضلعي المكسور يلجمني
وخدي المسطور يلجمني
يمه وصار اشجم يوم ماشايف جفني النوم
**
من الباب ضلعي انصاب وتهشم
وعالبسمار يمه آثار نزف الدم
اگوم اگعد اون وحيلي اتهدم
تعبت وحتى من اتنفس اتألم
ما انام الليل من ضلعي
شگد شفت الويل من ضلعي
ينزف ضلعي المهشوم ما شايف جفني النوم
*****
صار ايام يمه النوم ما شفته
انحنيت وضلعي ليل انهار لازمته
يزينب والحزن مايوم فارگته
والباب شكثر بدموعي عاتبته
ياباب اهواي تهضمني
شعندك وياي تهضمني
ارحم گلبي المهضوم ما شايف جفني النوم
*****
يوميه الضلع يلجمني يوميه
وبعد لجمات زينب يمه مابيه
من كسر الضلع گمت امشي محنيه
اهموم البيه يم اهمومج شويه
البنيه اهواي تتعذب
من امها تموت تتعذب
زغيره وگلبج مهموم ما شايف جفني النوم
*****
المحسن ابني طاح وعيني اتنظره
بحشاي ورفس من شدت العصره
گلب الوالده عله الولد شيصبره
ليش اوليدي مات وما كمل عمره
طاح اعله الگاع يبنيتي
ومات ابني بساع يبنيتي
روحي عله اوليدي تحوم ما شايف جفني النوم
*****
عيونج راح من كثر الدمع تتعب
والله يعينج عله افراگي يازينب
راسج يمه زينب عالضلع شيب
بيج اشلون لو شفتي الاخو مسلب
مجروح اهواي بالغربه
وما صح له الماي بالغربه
من ابني ايظل محروم ما شايف جفني النوم
*****
اخوج بكربله ضامي يذبحونه
وبنحره اثنعش طبره يطبرونه
بحوافر خيلهم بالطف يسحگونه
وراسه عله الرمح يمج يرفعونه
ما تبقى اخيام من بعده
وترحن للشام من بعده
يسبوجن راح الگوم ما شايف جفني النوم
*****
تمت
ميثم العمري
((يحرگني الوداع))
يحرگني الوداع وتتبدل احــوالي
مبخـوته يالـگاع يمج صفه الغالي
ورده وبالنعش
عمر ثمنطعش
"""""""""""""""""""""""""""""""""""''''''''''
مابيه اهل بيدي الترب يوگع على خدودچ
والذكرى وايامي المضن كلهن على مودچ
حيــــطان بيتي فاطمه بحزانچ شهودچ
عود الگلب من الحزن ذابل مثل عودچ
عاوني ياحيل وصلني يم داري
ياوحشة الليل وحدهم ازغاري
والكون اندهش
عمر ثمنــطعش
"""""""""""""""""""""""""""""""""""''''''''''
للبيت اردن فـــاطمه هوه شبگه بحالي
ضليت اســــولف وًحـدي ومّضيع الغالي
يوجعني ضلعچ والجمر وكلشي يتراوالي
مابيه اجر حتى النفس يلچــــمني دلالي
هم ضلعي مكسور وانفاسي مخنوگه
هم جني مسطــور ياروحي محروگه
طير بلايه عش
عمر ثمنطـعش
"""""""""""""""""""""""""""""""""""''''''''''
صفناتي فَزن فاطمه حسبالي صحتيلي
واتلفت بعين الدمع وين امشي گـــليلي
من كسرةْ ضلوعچ كسر لضلوعي وديلي
وديلي اديچ الي انچون بس انتي رديلي
يرسملي الفراگ يادمـعةّ عيوني
يازهره مشــتاگ بسمچ ينادوني
والجفن انفرش
عمر ثمنــطعش
"""""""""""""""""""""""""""""""""""''''''''''
عافيتي مختنــگه بچــي من اذكر الهدو
جروني بس آنــه شفت بالسوط من ردو
سدوّ عيونچ بــالسطر عين العرش سدو
خدود السمه صارن حمر ضربوچ وتعدو
زينب بليــاچ ونتـها تاذينـــا
اخذينه وياچ بالحفره خلينا
بالحسره نطش
عمر ثمنطـعش
"""""""""""""""""""""""""""""""""""''''''''''
گاعد على كبرچ وأون لو چلمه حاچيني
آ يا خليلي ومُنيتي چــــــــا ليش ناسيني
ضلمه وبالجروح انتـچي رايح نضر عيني
حتى صدى صــوتي يرد ويصيح عفتـيني
ومتــــــيه البيت وافكاري مدفونه
من دمعي مليت يمـــــــته تلاكونه
واللهفه عطش
عمر ثمنطعش
عبد زينب
محمد الابراهيمي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
( قصيدة رجوع السبايا )
*
لا بنتك خويه ولا حيلي
رديت ودمعي ايتچيلي
يحسين الشام
لا عين تنام
لا في خيام لا بنتك خويه ولا حيلي
**
رديت وراسك حاضنته
تعبانه من الضيم الشفته
گابلني الشام وگابلته
گتله حچايه ويصرخ عفته
گتله الطف ذبحنه وانته سابينه
رقيه اتموت يمك ليش حاچينه
شفت حسين ميت بس فتح عينه
من شاف الصياط اتريد تاذينه
شفت سكينه باصعب حاله
ما تنسى الطف والخياله
عباس ومات
يل العلويات
نار بخيمات شفت سكينه بأصعب حاله
****
مشتاقتلك بس محتاره
شوف لحيرة زينب چاره
يا حسرة گلبي ويا ناره
وين الچفين الصطاره
وين الجاب اخيته الما ترك ظلهه
شوفت زينب العباس يحملهه ؟
ها خويه اجيتك لا تطولهه
شدة رايتك بس انته التحلهه
ما متعوده الوحدي بهيمه
فراشي الصحره ومامش خيمه
ها خويه شلون ؟
ادري تسمعون
چا غير ام عون ما متعوده الوحدي بهيمه
***
ما جبت وياي التهواهه
حسين ابنيتك يا بلواهه
چنت بآخر لحظه وياهه
رادت حظنك بس ما جاهه
بس راس بطشت والحظن ما هوه
رقيه تريد چفك ما يصح بلوه
حچت وياك بس چان النفس گوه
شمت شيبتك يلكلك امروه
ماتت يحسين وشلناهه
بس راسك لا ما عافاهه
وانشل الصوت
من حان الموت
وين التابوت ماتت يحسين وشلناهه
**
خل أگعد يمك واحچيلك
هلبت بيه دموع ابچيلك
يلما صحت ناس اتشيلك
تمنيتك گاعد وأشكيلك
چبيره ام عون تمشي الذابح اخوتهه
مشيهه حسين زحمه وزحمه صعدتهه
على نياگ المشن وهناك شدتهه
التدخل يم علي لا هسه دخلتهه
يم اليشتم حيدر وآني
محد يفزع من اخواني
وجيت بنار
تمنيت الدار
يا وسفه وصار يم اليشتم حيدر آني
****
افتح گبرك لختك بلٌه
خليني وياك وعبد الله
يلنحرك بلعالم صلى
ها نايم يلغالي اسم الله
ولو شتنام ميت والوجع ظل حي
يمن سحگو ضلوعك وانه اگلهم بي
يخويه الما شفت عبد الله صار صبي
يبعد اعيون زينب والنهر والفي
بعد الردتلك تعبانه
ولشوف اعيونك عطشانه
يا تاج الراس
يابو النوماس
وين العباس بعد الردتلك تعبانه
كلمات الخادم / رعد الفريجي
يا قريب من الله مدري شحاسبك ؟
جيت مشاي وأصيح بشاربك
يا حسين ،، يا حسين
***
باربعينك ممشى روح
بخطوة العاشگ جروح
انه دونك وين اروح احچيلي
والله بالعالم اضيع
عايش وميت صريع
يا ربيع لكل ربيع احچيلي
يا دنيا لولاك ،، يلكلشي بحماك
يا جنة الله ،، هاك العمر هاك
غير انته مولاي ،،، يلفضلك هواي
يا ساگي الانهار ،،، محتاجك الماي
الف هنياله اليصاحب صاحبك
جيت مشاي وأصيح بشاربك
يا حسين ،، يا حسين
***
يا بعد حيلي وهلي
ادري انتم والله الي
دخيل عباس وعلي ودخيك
جيتك بضيم العمر
خلصت نوح وصبر
بعد ما بيه انتظر ودخيلك
متعوب متعوب ،، يا تاج الگلوب
جيتك يمولاي ،، وگليبي مصيوب
بس انته بالعين ،، يا عشگ السنين
امشيلك ايام ،، يا روحي الحسين
وانته باب الله انفتح من جانبك
جيت مشاي وأصيح بشاربك
يا حسين ،، يا حسين
-------------------------------------
ويه كل خطوه دعاء
ودمعه لحسين وعزاء
يا وريث الانبياء أوالدك
جيتك وبنفاسي نار
عفت داري وانته دار
انته للحاير مزار اوالدك
وياك وياك ،، يحسين وياك
ما ينتهي الشوگ ،، لا والله شنساك
يا سيد الروح ،، يمداوي الجروح
يا منقذ الناس ،،، ونصيح مذبوح
چف كريم وما ترد الچاهبك
جيت مشاي وأصيح بشاربك
يا حسين ،، يا حسين
****
كلشي بالروح الحسين
يا طريق المؤمنين
وين اسالك انت وين ابروحي
گاصد الباب الكريم
يا سراط المستقيم
انته يلحبك مقيم ابروحي
مشتاگ مشتاگ ،، بيه النفس ضاگ
بس يمك ارتاح ،، وتهيد الاشواگ
وزيارتك صيت ،، يمك تعنيت
للخادم اتصير ،، كلك حمى وبيت
يلي رب الكون مدري شواهبك
جيت مشاي وأصيح بشاربك
يا حسين ،، يا حسين
****
يمك اتهون الشداد
يا فرج هم العباد
انته زاد الماله زاد وصاحبه
انت يمنه اومو بعيد
عشگك ايخضر جديد
تبقى عون لكل وحيد وصاحبه
بالدنيا متعوف ،، المدالك چفوف
بالاخره وياه ،، ما يشعر بخوف
يا سر الاسرار ،، يا موطن ودار
يلتحضر الناس ،، يمبرد النار
انه احب اسمك لچن ما كاتبك
جيت مشاي وأصيح بشاربك
يا حسين ،، يا حسين
*
كلمات الخادم / رعد الفريجي
محرم الحرام 1445/ 2023
مشتاكين--يابو علي يابو علي ياخويه
مشتاكين--يابو علي يابو علي يا خويه
@@@@@@@@@@@@@@@
عنك مشينه بهضمه من مشينه
أخذينه حزنه والحبل بدينه
أنخلص الهيمه وندخل المدينه
خدام أهلنه أتفرجو علينه
خويه-هضموني وصحتك
خويه-أتفطر كلب أختك
خويه-هالكد حشمتك
متعوبين--يابو علي يابو علي يا خويه
مشتاكين--يابو علي يابو علي ياخويه
@@@@@@@@@@@@@@@@
آنه العظيمة زينب أخت أخوتي
بلوة بناتك هم مثل بلوتي
أتشمت الحادي من سمع نخوتي
يا روحي موتي امن النواعي موتي
صعبه-ماهانت صعبه
صعبه-سبونه الغربه
صعبه-يلشام ودربه
مهضومين-يابو علي يابو علي يا خويه
مشتاكين-يابو علي يابو علي يا خويه
@@@@@@@@@@@@@@@@
ردينه والهضمه أبكبر جرحنه
درب السبي يابو علي ذبحنه
يا اهل الله كومو استقبلونه صحنه
أعله كبوركم دمعه اعله دمعه طحنه
أبناتك-هدن فد هده
أبناتك-شدتهن شده
أبناتك-تنقصهن وحده
مو زينين--يابو علي يابو علي يا خويه
@@@@@@@@@@@@@@@@
يالبالكبر تسمعني من أحاجي
طبع الأخت لخوتهه من تشاجي
والله شبعنه امن الهضم بواجي
وحر الشمس غير تره المحاجي
بيدي-راسك جايبته
بيدي-وشكد أحضنته
بيدي-أشكد وجهي الطمته
متغربين--يابو علي يابو علي يا خويه
مشتاكين--يابو علي يابو علي يا خويه
@@@@@@@@@@@@@@@@
لسه الرماد أمجلب بعباتي
من حركو الخيمه وشلت بناتي
مو زينب انه اتغيرت صفاتي
أشكد أنتضرته وما حصل مماتي
ميته-وجروحي اتكابر
ميته-من شفت الحافر
ميته-وبكسرة خاطر
ما باقين--يابو علي يابو علي يا خويه
مشتاكين--يابو علي يابو علي يا خويه
@@@@@@@@@@@@@@@@
مشتاكه الك كد شوكك الرقية
يابو علي أتأخرنه مو بديه
هي أشبديهه التنوخذ سبيه
غير الحبال وسوط ال أميه
جيتك-للطف مشايه
جيتك-ويتامي اويايه
جيتك-من جم اولايه
مكسورين--يابو علي يابو علي يا خويه
مشتاكين--يابو علي يابو علي يا خويه
@@@@@@@@@@@@@@@@
حسين باهض الحلفي
شمسوي يذبحونك وشفافك ذبلانه
متغير شو وجهك وواصافك كبرانه
يبويه... يبويه
ــــــــــــــــــــــــــــــــــــــ
جرح بوجنتك. كوه عرفتك لمن وصلتك كوه
َوالزيد الهم. شامت تبسم من كتله ليش اشسوه
ادنيت الراسك من شفته بلاجسمه
وتراب وشيب على ارسومك ملتمه
جرحك بخيالي امبين جاشيظمه
بس ابجي مااحجي وشتحجي المخنوكه
نادياك راويتك جف ايدي المحروكه
ييويه... يبويه
ــــــــــــــــــــــــــــــــــــــ
ظماد ارد اطيحن. فوكك واصيحن حد مااموتن يمك
حظنك فكدته. ونحرك شبكته وبخدي شافو دمك
من ترجع جن اتلاكيني بذرعانك
واسمي شمحلاه من يطلع من السانك
بطشت الظلام اشنعدك كلبي امجانك
لاصارت لادارت الي بعمري يجتفوهه
وامتوني اوطابت يابويه ايلجموهه
يبويه... يبويه
ــــــــــــــــــــــــــــــــــــــ
بليل الخرابه. وبلا كرابه يابويه نمنه وكفه
عيون الاجانب. علينه التراقب تنظر لزينب وسفه
ونشافت بويه الي محد شايفهه
جتالك جاتف جف ايدي وجاتفهه
والرمح اثاره بنص نحرك عايفهه
ياجرحي المايبره واليصعب نسيانه
ارد اغفه على جروحك يابويه تعبانه
يبويه... يبويه
ــــــــــــــــــــــــــــــــــــــ
ماجني طفله. حسبوني ثكله. حدب لشوفك طولي
وعيوني نشفن. وجدامي يبسن ومسافر ايكلولي
اشكي الزينب من جويات البعيوني
كلتله الام وهيه تكلي امتوني
ولو اصيحن بسمك يابويه يظربوني
الامي بجدامي الاشواك اتاذيهه
يكومني يطيحوني وجفوفي امجتفيهه
يبويه... يبويه
ــــــــــــــــــــــــــــــــــــــ
نحرك اسمعه. رايدله دمعه توكع تشرب وريده
ناكع محنه. راسك وصلنه
بلا حظنه وبلا ايده
انه اول طفله الراسك شيب صوتي
ومن اتكربلك يتكرب تابوتي
كلشي بلياك اينادي احسلج موتي
ماتسوه بلا شوفك يابويه ايامي
ماكدر اتصبر وجروحك كدامي
يبويه.. يبويه
ــــــــــــــــــــــــــــــــــــــ
الشهكه الاخيره.. وعمري ومصيره. صار بجبينك لحده
شلون ابطشتهم. خلو شمسهم هذه الي كلبي يمرده
مابيه اتحمل من بعدك مابيه
خيكولون علي اراس اتموت ارقيه
شتريد اتعيش المن بعدك مسبيه
الموت اهون من طكهم المن شوفك حرموني
فوك الخد عمري انهد ميته ايشلوني
يبويه.. يبويه
بشار السامي
يبو سكــــــــينه سبــيه
دريت بهــــــــــل مسيه
العده مكيديتنه بحبال
يخوي بلا تجــــــــــيه
يبو الكــــــــبر… ..علي تفــــتر
ناس بلايــــــــــه رحمه
يظــــــــربوني… ويشــــــتموني
اخوي مــــــــنذكر اسمه
اجيتك وشــــتكي الحال
بدينه مكــــــــــيده حبال
اسيره وياهــــــــم شلون
اختكم خــــــــويه تنكال
اسيره شلون وانه اختك يبو الكبر
وكمت حتــــئ بخيالي خويه اتعثر
حرت بجــــروحي الهواي
هيج بتــــــــــالي دنياي
يرتك تــــــــــــــدري بيه
يــــــــــــخويه بلا تجيه
……… ..
ثكل هــــــــــــمي… ...عثر جــدمي
يم ابنــــــــــــي ونسيته
رحت لجــــــــــله… ..الخــــو الاغله
لجن ميــــــــــــت لكيته
كلــــــــــــــتله هنا يعباس
بيه تــــــــشــمتت نــــاس
اختك حــــــــــــايره تريد
وين الــــــــــــيرفع الراس
وصلته بس لكــــيته مكطعه جفوفه
غصب جــروني منه شلون جا عوفه
غصــــــب جروني يحسين
شفت جــــــــف وسهم عين
وتمنيــــــــــــــــــــت المنيه
يخــــــــــــــــــويه بلا تجيه
--------
عرفــــــت روحي….. علئ جروحي
اعيــــــــــشن عمري كله
بعد عــــــــــــينه…… وره ســــنينه
اخــــــــــوي وياهو اكله
اذا رحــــــــــتو سوه اليوم
اظل اتســــــــــــــله بهموم
وعيشــــــــن عمري حسبات
وموت وگلــــــــــبي ملجوم
اموت بحــــسرتي وما احمل الفركه
بعدني اليوم يمكــــم هسه مختنكه
اموتــــــــن والله بجفاه
يريت ومــــــــــيته وياه
ولا اعــــــــــــيش برزيه
يخــــــــــــويه بلا تجيه
----------
شعــــــب گلبي…… وصــــعب دربي
مشــــــيته بلايه خوان
بلا رحــــــــــمه……. وعــــــلي زلمه
يتجاسر وحــــنه نسوان
ياســــــــوط العده يلوح
بينه وخــــــــــلف جروح
وحنه عيــــــــــونه عليك
خويه وانــــــــــته مذبوح
نصد عله الرمــــح ونسولف بسكته
ونكول حسين هسه يباوع عله اخته
تجرحه ســــياط المتون
وعليه يصــــــــد بلعيون
وحس يبجــــــــــي عليه
يخــــــــــــــويه بلا تجيه
-----------
بعد ياهــــــــم…. علــــــينه التم
بخرابه ومــــحد هناا
صدك نحجــــــي… ..وعليه نبجي
حسين شــــــماه ذكرناا
حســــــــين فراكه جتال
حرم ونــــــــت والطفال
وكــــــــــلهم باجر يهون
عسه يــــــــفكون الحبال
بحبال الســــــــــبي محتاره يسكينه
ونكلي حســــــــين باجر مايرد الينه
خويه شنحــــسب جروح
مسلب ونــــــــته مذبوح
يريت المــــــــــــوت اليه
يخويه بلا تجــــــــــــــيه
ابو سلام الجابري
من لونج اخذ حتى الحزن لونه . زينب
قد قامت صلاة ادموع العيون . زينب
ايسي من الحبايب مايردون . زينب
شذكر يا مصيبة شذكر يا مصيبة
.............................................
ممنوع السكوت من البجي ماكو استراحه
من گاروكج لحد السبي ما شفتي راحه
من الخيمة للتل ركضتج هاي الصراحه
هيه البجّت ابن العسكري ليله وصباحه
عينج على الستر لمن تركضين. زينب
گدام الشمر بس لا تعثرين . زينب
واشمال السياط انطك بالمتون .زينب
زينب يا غريبة. شذكر يا مصيبة
.............................................
عصابه الزهره براسج وبيرغ لزمتي
وامريه جبيره ابيوم عاشوراء صرتي
وي نحر الحسين اسبعطش ذبحه انذبحتي
يالجابولج الماي وگلبتيه ما شربتي
بالطف وحدج من صار الغروب . زينب
شميتي القميص وصرتي يعگوب . زينب
ذبحوا يوسفج ناس اليخونون . زينب .
والجثة السلبية . شذكر يا مصيبة
..................................
يالمخلوقة من عطر الورد يالهاشمية
يالكلج ترافه وخشنه كاع الغاضرية
سجادج رسول القافلة وانتي نبيه
واثمانين دمعه ابعينج ورحتي سبيه
علوية علي ومجتوفه عالنوك . زينب
ودمعج ما نشف من طبت السوك . زينب
يالكل الائمة عليج يبجون . زينب
وعباس شيجيبه . شذكر يا مصيبة
................................
يالجان اليدك بابج نبي واسمج اميره
شو هسه القضية اتبدلت صرتي اسيره
خليتي الحسين بعازه الفي والحصيره
ازغار المجالس وانتي احزانج جبيره
المفروض وعلي تركعلج الشام . زينب
كل عمرج لطم مو عشره ايام . زينب
وحزنج مو مثل كل اليحزنون . زينب
يا جرحي وطبيبه . شذكر يا مصيبه
.....................................
ضعنج شعب وعي وانتي يا زينب رئيسه
نص حيدر ونص من فاطمة صبرج نقيسه
مريم بالقداسة وبالمعاجز صرتي عيسى
والجامع نصبلج ماتم ابنص الكنيسه
لو عابس معلم للعشك صار . زينب
احنه بصف الاول كلش ازغار . زينب
وفقينه نكون بمنزلة جون . زينب
ودرسج ما نغيبه . شذكر يا مصيبة
........
وفقينه وانظرينه ابلطف نظره عناية
لو ماكو مجالس نختنك مثل السبايا
كونيه اياتج وانتي ام هاالولاية
بس رفعي عباتج تنزل ارزاق وعطاية
الما يطلم عليج الذمه مشكول . زينب
المهدي لو ظهر للمهدي شيكول . زينب
منعوف اللطم رغم اليلومون . زينب
تمت بعونه تعالى .
الشاعر محمد الجماسي
((ابو صالح))
يــربـان المــراكــب والـملاليح
جبل يل ماتهزك سيدي الريح
مدد للـخدمه منــك والعزائات
يل ويانه تلطم بأسمك نصيح
ابو صالح ..
يمالي الروح طرواك
عـهـد مـولاي ويـــاك
حرام الــدنيــا تنساك ... ابو صالح
ابو صالح ..
حرام المابچه أعـليك
وهضيمه المايواسيك
يمن بـالروح طــاريك ... ابو صالح
عهد يبقه العهد
ابو صــالح مدد
يـبــونـه الأولـي
يحضار الـشـدد ..... ابو صالح
"""""""""""""""""""""""""""'''
يـريعان المــوده ومـنبـع الشوگ
يــا مهدي الأمـم يــاعالي ليفوگ
أشــوفنك حنين بـكــل الاشـكال
اليحبك يختنگ چه انته مخنوگ
ابو صالح ..
يــحاضــر بــالـعزائات
وتبث لحسين دمعات
يــبــو كــل الـسـموات ... ابو صالح
ابو صالح ..
يـعـنوان الــمقاييس
يـــا مــولاي قــديس
الينكرك عاون أبليس ... ابو صالح
الينكرك مادرى
سليل الحيدرى
وسليل الفاطمه
هذيچ أم الـقرى ... ابو صالح
"""""""""""""""""""""""""""'''
المثل هـذا الامر بالكلفه موجود
يـــاحيد المــواقف وأبن الحيوّد
قـليــله دمـوعـنه رغــم العزائات
وأنته أدموع عينك چنهن الجود
أبو صالح ..
تعال ألحگ ولونه
ومــنــكم غربونه
ضعنه وضيـعونه ... ابو صالح
ابو صالح .....
تعال وكافي غربه
تعال الـدنيا صعبه
اليحبك عينه تربه ... ابو صالح
يـــمــالـك لـلــگلب
أنگطع بينه الدرب
غرب يبـن الحسن
وحـگــك بــالغرب ... ابو صالح
"""""""""""""""""""""""""""'''
يـــانغمةّ مـحــبه وكلمةّ الروح
خـــافن بــاچر يمنعونه النـوح
خــــايــف وبمحرم مانواسيك
ولا مجلس بعد للبعده مذبوح
ابو صالح ..
اذا مــانـلــطم أنموت
وتصير الــدنيا تابوت
يونس والجرح حوت ... ابو صالح
ابو صالح .....
أذا مــــاننحب هواي
ومواكب وآنه مشاي
يــعـني نموت بهداي ... ابو صالح
نــتــاني فزعتك
وتــعــلگ رايتك
بعد كافي الصبر
عــلــيــك بعمتك ... ابو صالح
"""""""""""""""""""""""""""'''
يــعنوان الــرجـوله بـــالمياديين
مــــاندري الــزمن بذنوبه ليوين
خاف أنطيح من غربيلك شلون
شـــيفيد العـــذر يامهجةّ العين
ابو صالح ..
وجوب العاشگ يتوب
ويــطهر مـــن الذنوب
لان الــمـهدي محبوب ... ابو صالح
ابو صالح ..
احبك بالگلب كون
وأبذر ماي الـعيون
يالبالغربه مسجون ... ابو صالح
يـــباچـــر والأمس
يلي بدمعي تحس
الــــوحـيد بدنيتي
عشگ مايــنهجس ... ابو صالح
عبد زينب
محمد الابراهيمي
بعالم جمالك..طاف الأحساس**
ولحظة وصالك..جنت الناس**
عيوني اتفرفح ابعشگك*
توئم روحي وتشبگك..*
سومرني الهوى من جدمي للراس*
..............
شملاك..وصف والخال البخدك...وشم لاك
شملاك..حلم يلتم شمل عبدك...وشملاك
شملاك..أذا عالگاع مر جدمك... وأشم لاك
(عطر صدگ تفطر روح بيه)
تسبيحة أمل عشتك..
ليل العاشگ اسهرتك..
مرني تسيورة ضوه ابليل الخيال*
والله أطش نجم السعد لجلك تعال*
هيچي لو عندي بخت واحضى ابوصال*
ضامي وابطاريك أحس ماي الزﻻل*
أعرف أنه أخرتك..
بسهام الذنب صبتك..
سومرني الهوى من جدمي للراس*
..............
لا طاب..جرح فرگاك مو خزن..وﻻ طاب
ﻻ طاب..ذبل غصن العمر بعدك..وﻻ طاب
ﻻ طاب..سكنت ابگلبي يالمهدي..وﻻ طاب
(شخص غيرك عليه يأبن الزچيه)
أحلم أگعد ابختك..
يا اجمل حلم شفتك..
أدفن ابجرف الرمش دمع الحنين*
خايف ايمر العمر تگضي السنين*
الينتظر غايب يعيش اشگد حزين*
أرجع انمشي بخت أم البنين*
عيوني ابشوگ ناطرتك..
هاي الجمعه بس ردتك..
سومرني الهوى من جدمي للراس*
....................................
وعيناك...سوالف مشتهه وملگه...وعيناك
وعيناك...رماد الطف ترس گلبك...وعيناك
وعيناك...لكون احمل قذا ابعيني..وعيناك
(وانوح اعله المشو بالغاضريه)
هواي اجروح لچمتك..
اولهن جرح عمتك..
انه احس طعم العطش كون ارتويك*
اشكبره بخته اليرتوي اميه امن أيديك*
ولو ادري اسهام ذنبي كلهه بيك*
رغم عيبي وبيّه قابل من اجيك*
واضح وانه ما شفتك..
يمي وانه دوّرتك..
سومرني الهوى من جدمي للراس*
.................................
وهج بيك..اعمه الما يحس گلبه...وهج بيك
وهج بيك...لكون اعشگ صدگ اشرد... واهج بيك
وهج بيك...اريد انجن واريد اصرخ..وهج بيك
(واخلي احروفك ابگلبي هويه)
بسوالف انه واهويتك..
سمعت وصحت حبيتك..
عالسمع يالمهدي حبيت وهويت*
وگلبي سلمته الك طابو ورضيت*
فجر عشاگ ابزغت بيه وضويت*
وابجمال اسوالفك انه اكتفيت*
الجوارح كلهه رايدتك..
ظماير حيل عاشگتك..
سومرني الهوى من جدمي للراس*
.........................................
وهم بيه..احسّب خاف ما اشوفك..وهم بيه
وهم بيه..خطيه الما عرف دربك...وهم بيه
وهم بيه..عمت عينه وحجر گلبه..وهم بيه
(كفر بالله النكر ابن الزچيه)
بخيال ابصحوه ماشيتك..
طريق الربك اقريتك..
اليفهمك يعرف اسباب الجمال*
بگلبي فارشلك هلا وحب ودلال*
واحة انته والبشر كلهم رمال*
كامل انته وتحتوي كل الكمال*
شحلاتك روحي راسمتك..
تعال اسنيني ناطرتك..
سومرني الهوى من جدمي للراس*
علاء المياحي
الفاتحه لروح والدي
عطشانه عليك وجيت متعوبه
لمفارك محب يتعنه محبوبه
من يوم الرحت بالضعن راح الحيل
وبداء العشك يوليدي مصيوبه
جرني هيامي حُسين
امشي لأمامي حُسين
ولهانه روحي عليك
گالولي ضامي حُسين
سيدي يا سيدي بيك انه من ابتدي
لأخر خيام العطش ما تنتهي سرمدي
قصة غرام وحنين يا مولى ام البنين
روح النبي وعلي يا حُسيناً يا حُسين
____
يا يمه العطش غيرلك ارسومك
ذبلان وانشدك شنهي اعلومك
خربانه كشختك منطرح متعوب
ضايع خنصرك ومسلبه اهدومك
من جيت اشوفك حُسين
ما بيه اعوفك حُسين
وشفت إلي صاير حرام
خيل لتطوفك حُسين
متربه انضر لحيتك ونايم بلا عمامتك
من عگب ذاك الجمال خيل الكفر سحگتك
مسبل عيونك رمح غير حلاتك ذبح
لونك صبح منخطف وجه الله وينه السمح
____
يالمعودني تضحك من تلاگيني
وينه مبسمك يحسين حاچيني
مولاي وچنت من اعتنيك تگوم
شگد عدك هلا ويمه تسميني
امك اجتك حُسين
گوم اعله بختك حُسين
حرمه وچبيره اعتنيت
يوليدي صحتك حُسين
بحر الشمس يالشهم من الهوه تنلچم
وين الضعن والدلال وين الگمر والزلم
يچوي الرمل بالظهر وانت الظهر منكسر
طر البگلبك شفت ما ظن بعد ينجبر
____
سولفلي الگمر شمرها ذرعانه
لو روح اعتنيله وانه زعلانه
وحرم كل حلال الدر عليه يحسين
وإذا راضي اضلن يمك هنانه
موش اعله ابني حُسين
يل تمتلكني حُسين
متعنيه اشوفك ونوح
انت التهمني حُسين
وصيته يوم الطفوف ترتجف منه الصفوف
وي إخوته ينذبح ضامي ويذب الجفوف
علمته أبني الأبي سيدي يندهك وابي
بس كتله لمن تموت اصرخ حُسيناً اخي
____
ادري بجرحك السلبوهن وراحن
لبسترك أميرات الخلك ناحن
ادري لجمتك زينب تنادي اعليك
ومن عالنوك يحسين الحرم صاحن
ادري برقيه حُسين
راحت سبيه حُسين
لجانت عزيزه بحماك
نجتفت خطيه حُسين
والحرم راحن سبي بسد العليل وعبي
والشمر يحدي الضعن وي الخدر الاجنبي
مو زينبك تنضرب لو تحدي بيهه الغرب
يا وسفه ذاك الزمن هسه الزمن منگلب
_
حسين سعد البهادلي
((وماهو الرجوع بدونكم)) 💔
ارد ألمن بعد يحسين
لا عندي أخو ولا عندي تچايه
هلي بدرب الجفه مغربين
هلي ضلينه مامش بالضعن رايه
ارد اليا گلب مذبوح
بيبان العشيره أتنوح
وبيوت المدينه جروح ... خويه جروح
أرد اليا عليله شلون
أرد والدنيا كلها عيون
أرد أخواني مايدرون .... مايدرون
رديت بدمعتي .... بدمعتي
***
ومعسره الدروب وياي
بكل عثره ودمعتي تشرح مصابي
أردن والنفس مخنوگ
ينكرني أخافن من أرد بابي
مايعرفني خاف الباب
لو شاف بعباتي اتراب
ولو شاف بدمعتي امصاب .. خويه امصاب
مايدري بگينا ايتام
ولوني ضيعيته بشام
ومرت بالضعن ايام .... أوف ايام
*
أرد وحسين موش وياي
ألمن ردتي وياوحشةّ الرده
جرح عالناگه من رديت
ومگطوعه الچفوف وياهو الي يشده
خليت الدوى ياناس
وأجيت ابلا اخو عباس
يهل الغيره ضلي انداس ... ضلي انداس
خليت الهوى ورديت
مخنوگه أرد للبيت
اضل بكربله تمنيت .. أنه تمنيت
****
تعبانه ومشيّ وسياط
واليحدي بضعنه ذابح اخواني
عيوني أتغمض بيا حال
شما أغفى وحبل من إيدي جراني
الحبل مايرحم النايم
متنه أي وحگ جاسم
الطفل وي الهزل هايم ... الطفل هايم
الحبل من إيدي ليديهن
بروحي أسمع بواچيهن
مدري شلون تاليهن .... تاليهن
***
عگب ذاك السبي كله
أرد ابيا ملامه وأخوتي صرعه
شگلها ام البين شلون
اذا تنشدني وين أخوانچ التسعه
شگلها المادرت بيه
اگلها آنه مسبيه
وعفت أخواني مرميه .... ومرميه
عفت أخواني بالهيمه
ويتيمه گايده إيتيمه
الضعن يايمه ياضيمه .... ياضيمه
عبد زينب
محمد الابراهيمي
يبخت الله وحلاله طايح شلون
حته الشمس منك باگت اللـون
يل كلما شفتني اتصيح احــااا
بروده وماي كون اندارلك كون
تحاجيني .....
عليك أمي يمتعوب
تشگگ منك الـثوب
ولوجهك خويه مگلوب ….. تحاجيني
تعــذبني …..
ضعت بالدم يخي دوم
گمـر ما بين الـغـيوم
جروحك صارن هدوم ….. تعــذبني
ينسمات العشگ
اشوفك منسحگ
تجر گــوه النفس
وطيحــلك شبگ …… يبو الاكبر
~~~ـ
هـَـواك الـي يرد الـروح مگطـوع
يبدي الحيل دمعي مثل الشموع
يا نعمه ومحنه شلـــون تنعــاب
تبرد گـــلبـك اتمنـــاهه الــدموع
يبو الاكبر
يمـاخذ ضي الـعيون
حلم ادعي حلم كون
وبعدهي حلوه المتون …... يبو الاكبر
يبو الاكبر ……
عيني العاشرت نوح
ملت خويه الجروح
يريت تروح هالروح ….. يبو الاكبر
ردت يمك أضل
يجرحي الماله حل
لجن جاني الشمر
هـدل متني هدل ….. يبو الاكبر
~~~ـ
تعبانه وردت ارتاح من كل صوت
اصيح احا ياروحي شحلاته الموت
مو تدري العبايه ايعيل بيهه الريح
يهنــيـاله الــتهنئ ونايـــم بتــابـوت
يفيّ روحي .....
يا لچـمات الگلوب
صرت بالخيل مگلوب
عمت عيني بلا ثوب .. يفيّ روحي
يعز خدري …….
طحت ياسمعة الليل
عليك شخلت الخيل
تـؤن ويهـدل الحيل ….. يعز خدري
ضماد اعله الجرح
دفو صدرك يصح
يخيي مو للسحگ
ويشيلك هالرمح ..... يبو الاكبر
~~~ـ
كلشي واله وكته وينتهي ويزيح
لجن ما حسبت هيج الدلال يطيح
يهيبه امن الضوه يل خوتك تنهاب
راحت غفله يحسين بجفاف الريح
حرت تدري …..
وعليه الوجع يندار
حرت كلش بالصغار
وبالخيمه الصفت نار ….. حرت تدري
شلي بعمري ....
صرت ما بين الاجناب
وكلبي بس هضم جاب
وآه يا ثكل المصاب .... شلي بعمري
تطيح امعــثره
صعب عله المره
كرهته هالـعــمر
وحك عينك تره ….. يبو الاكبر
~~~ـ
مجفي عليك دمك جامد اعله العين
بايـگ كل حـــلاتك شفته آه يحسين
وگع من عيني حلمي ويه الــدموع
يخي مــن كـل كتر خانگني الــؤنين
يعذبني ……
گلب فارگ الخوان
واحسه هواي تعبان
يّهدم حيله دخـــان .... يعذيني
وتفززني ……
صهيل وركضت الخيل
جمر دمعاتي اتسيل
لجـمتي تدري بليل …… تفززني
~~~ـ
- خيري الصفراني